علاقات زائفة

البارت السادس والخمسون

رونق تكول

سجاجينك بنص حشاي / لاحن
وعزف عود بدليلي الـــــك / لاحن
شنو گلبك صخـر .؟ لا سئل / لاحن
وانه كلبي نترس ضيم واذيـــه

______________

رونق

حياتي عباره عن فصول قليله وطويله، حزينه ومتعبه بحياتي كلها مريت بفصلين فقط الخريف والشتاء البارد القارص البروده ، حياتي عباره عن حكايه وحده وحكايتي بائسة نوعا ما ، اني انسانه بسيطه وحياتي بسيطه لدرجه متستحق الذكر حياة تقليديه ، احب ادرس واطور نفسي وجان كل طموحي اوصل لشي معين ويكون اسمي لامع ، جنت دائما اكول للبنات اني اريد انجح اني ميرضيني النجاح العادي اريده مبهر هذا جان اكبر طموحاتي ، يرضيني القليل ويسعدني الاقل ابد مو طماعه ولا عندي جشاعه وحب للمال ، عشت عمري ارضى ب القليل من هذا وذاك ، الى ان تزوجت وكمت ارضى بقليل من الاهتمام صرت ام وكمت ارضى ب القليل من الامومه ، اشتغلت رضيت بالقليل من المال ، بس اللي جنت افتقده من هذا كله واريده اكثر شي هو الحب جنت اطالب سنان بكثير الكثير من الحب ، لكن للأسف مشفت منه شي حتى القليل منه ، اني بنيه مغروره بنفسي عندي القليل من الجاذبيه دائما هدوئي يميزني عن رفقاتي جنت احس اني متميزه بهذا الشي،، خصوصا من جان يغازلني بدايه زواجنه او بفتره الخطوبه حسسني بهذا التمييز ، صرت مغروره بوجوده وبغيابه ، لكن فجأه وبدون مقدمات نفسه هذا اللي حسسني بأنوثتي وحسسني بتميزي قسه عليه بلحضه وهدم كل اللي بنيته خلاني افقد الثقه بنفسي، البنيه غالبا تتأثر بكلمه ، ممكن كلمه رقيقه ترفعها للسماء السابعه وممكن كلمه رهيبه تنزلها لسابع ارض ..
زوجي اللي حبيته بلحظه حسسني اني ملكه والكل يحبني من الشعب الى الملك ، وخلد اسمي بتاريخ حياته ونقش حبي بقلبه ، وبلحظه يستحقرني ويذلني وحسسني اني جنت مجرد جاريه اله وبمجرد صحى من غفوه المرض والألم راح بدلني بجاريه ثانيه
كرهت علاقتنه، كرهت اذلاله الي ، كرهت ايذائه وكرهت مغفرتي اله وحبي ، اني وياه ثنينه مريضين اني مريضه حب واهتمام وهو مريض بكلشي يربطه بهاي الدنيا ..
من يوم الي عرفته وتزوجته واني تدور بداخلي الف حرب وحرب ، واني جنت عباره عن فراشه صغيره تطوف حول غصن حبت تستند عليه ومتصورت بيوم هذا الغصن يكون سبب كسر جناحاتها ، شلون يكدر انسان يشوه انسان ثاني شلون يكدر رجل يخلي امرأة بائسه طول الحياه ، شلون يكدر يحفر داخلها ب ابره ويترسه حزن ويحرث دواخلها مزارع من الخوف والتردد والألم ..

تواعدنا احببنا تعاهدنا وخلفنا العهود والوعود وانتهى المطاف بنا الى زواجك من اخرى وتخليك عني وكسري ...
هذا حبك لي ياسيدي شكرا لك على كل حال ...

من يوم اللي شفته واني كل يوم انام ودمعتي بعيني واسأل نفسي ليش متعالج ويايه ليش محاول ورغم جان اكو امل بعلاجه حتى من راجعنه علمود الاطفال ، الدكتور كال اكو نسبه ٤٠ بالميه ممكن اكدر اعالجه هو اكتفى بالسكوت وكعد وسكت ليش من عفتك رحت راجعت وتعالجت بظرف سنه لان ابنه عمره اشهر اكيد صارله اكثر من سنه من تزوج ..