علاقات زائفة

البارت السادس والسبعون

الكره شيء كبير كما الحب

عندما تنفصل عن شخص احببته يوما ما ،سوف تقضي الكثير من الوقت بالغضب والكراهية ، ولكن ادرك جيدآ بأنك تضر نفسك بشكل كبير ولا احد يعلم بحجم هذا الضرر لانك الوحيد الذي يعاني ، حتى من تكن له الكره لا يعلم بمشاعرك وربما يعلم ولم يهتم بك ،لذلك عليك تخطي الأمر باقصى سرعه ممكنة والحفاظ على سلامة عقلك وقلبك ، ايا كانت المصاعب التي تواجهها في حياتك مع هذا الشخص ،احرص على ان لا تسمم نفسك بالغضب منه ، اذا لم تجد من تحبه ابحث عن الحب بداخل نفسك ، احبها ودللها وكن سعيد و كف عن القلق ، لان القلق والكره لا يورثنا سوى التعاسة جرب حب نفسك وانظر لمزاجك كيف يتغير...

____________

روند

كل اللي صار عبالك حلم احداث سريعه مليانه غموض

من تحضيرات لعرس اخويه الى تحضيرات لسفره والوداع ، دموع ممزوجه بألم اخويه وحيدنه وصديقي راح يسافر سديت الجنطه وكمت رحت يمه جان كاعد يلبس بالجواريب ...

روند : حبيبي خوما مطول بسفرتك..

حسن : ماعرف حسب النفسية شوكت تستقر ارجع.

روند : ودوامك شلون راتبك منين تصرف..

حسن : اخذت اجازة وراح اصرف العندي شوكت ميخلصن ارجع..

روند : شلون راح افاركك والله قهر.

حسن : احسن الي والكم خليني اروح هناك اعيش حزني اذا اضل هنا ابقة اكبت وتالي اطلعها بيكم .

روند : ميخالف قابلين والله بس اهم شي متروح وتعوفنه.

تقرب سحب راسي وحضني قوي..

حسن : ديري بالج على نفسج وعينج على بت عمج لا يأذوها اريدج تصيريلها ظهر..

روند : اوووف اوووف ، كمت ابجي اريد احجي ما اكدر، حسوني تالي هيج راح نفترق اني وياك وبنان ..

حسن : هاي قسمه وما مكتوبة كافي بعد ..

جر نفس وسحب جنطتة وصل للباب والتفت.

حسن : ما اوصيج على بنان عينج عليها تره نفسيتها منهاره ..

روند : شمدريك.

حسن : البارحه دزتلي صوتيات تبجي وتخربط بالحجي ، وحضرتها حتى مجاوبتها..

روند : اي البارحه اذاها النذل ضربها بالحزام .

باوعلي وعقج حاجبه.