علاقات زائفة

البارت الثالث والاربعون

حسن يكول

الفركة انواع هاي الفركة من يانوع
شتجيبك دمعتي ؟ لو كلمة الأسف
دخيلك شكي يكتل كلي اريد ارتاح
كلشي بداخلي من الغدر خايف

واسد اذني لحجي الوادم وكلبي يصيح
يمعود عشرتك صارت سوالف
وتجيني الرجفة بس يارجفه ضكت اثنين
البرد والموت لكن هيجي ما راجف

حلفت بكلشي اخونك بس اجذب روح
بعدني بداعتك ليهسه ما حالف
وباجر من تجيني تكلي خل نعود
الكلام بحلكي كله يصير ميخالف

منه شفت وعفت وبكلشي عندي اشباع
بس بحضنك اوكع جني ما شايف
الدفو بس بين حضنك حتى مو بالنار
اجه تموز عكبك واني احس بردان
مدري شصرت بعدك شو تفز الناس
مني وعلي كالو هذا جان انسان
خريف الله بوجنتي والدموع الوان

عذر شلت الجكارة ورثتها بنار
من اذكرك بالسوالف يطلع الدخان

وانت بغيبتك طاريي ما مر بيك
وكلبك ما يكلك وين صار فلان
ضميرك ما كعد ما شبع من النوم
ماشافتني عينك من رحت زعلان
عليك اتلفتت لفتت مهفه ابأيد
شايب سوله عنده حتى اذا بردان
ومو هسه السهر ذبل سواد العين
من يوم العرفتك واني ما حلمان
انا سهرانلك من يوم ذاك اليوم
لمن كتلي شسمك واني كلت فلان

____________________

بنان

صدمه ياربي هذا بابا مستحيل مجاي اصدك معقوله يتخله عني ويدزني لصميم اموت غير ، عيوني تتلفت عليهم واحد واحد ، اريد بس اشوف بعيونهم نظرة تقبل الي لو يساعدوني حتى اركض وارتمي بحضنهم ، لكن للأسف الكل رافضني ، حتى حسن ، اخوتي ابويه عمي كلها ترجف واعصابها نار ، مصدومين بيه وعليه ، انهانت كرامتهم ، انجرح كبريائهم ، يعتبروها فضيحه هاي بحقهم وما الومهم على كلشي يسووه بيه ، بس ليدزوني لصميم ، رحت نصيت على رجل بابا بستها واتوسل يسامحني بس للأسف ، عافني وراح لغرفته ، واسمعه يكول لغسان ، الهم عشر دقايق ، اطلع ما الكاهم وماخذيها وياهم ، واذا بعدهم اسوي شي ميتسولف ولا يعجب..

كمت ارجف اباوع على حسن بلكت يساعدني اتوسله بعيوني ، عيونه دم يباوعلي بخيبه امل ، يعني هم غدرتيني ..

زين اني شعليه ، ،
لا اني الصوج بيه من سكتت ...

ياربي رحمتك ، عاط غسان بيه علمود اروح البس واطلع من بيت ابويه اطلع من جنتهم ...

صعدت للغرفه اني والميته سوه ، ماما انضربت وطردها بابا بسببي واكيد طلعت وغضبانه عليه ابويه اخوتي ، شلون الهي ساعدني حنن كلبهم عليه كون من انزل يكلولي لترحين انتي اختنه انتي بنونه ، هذا سيف شكد صديقي ويحبني واقرب واحد اليه ، من سمع راد يموتني لو ما حسن يلزمه ..

شدعي عليك صميم ميبرد كلبي ..

لبست عبايه اسلاميه وشال ، وايدي وجسمي كله يرجف ..
اجوي نسوان اخوتي يبجون عليه ويصبرون بيه ، وكالو فتره وينسون ويرجع كلشي طبيعي هسه جرحهم جديد لتلوميهم ومن هالحجي....