علاقات زائفة

البارت الثامن والستون

عندما قرب موعد لقائنا من بعد الفراق انا من ايقظ المنبه ....

جراح :شكثر فرحان وما انطي فرحتي لأحد ..

ما اعرف شلون اوصفلك احساسي صح انه متزوج قبل وزوجتي احبها فد ماعشت وياها لوعه الفركه ولا لوعه الانتظار دائما الكاها يمي وقريبه عليه واول ما اهمس تجاوبني ،
الحب الجديد علمني هواي اشياء منها الصبر انه ابدا مو صبور احب اكمل كل شغلاتي بسرعه وما اتحمل انتظر ، هاي الشغله الوحيده اللي بيه واريد اغيرها وشكثر حاولت مكدرت وغيرتني روند ،
حبيت لوعه الفركة وعشتها وياها ،

يا اخي بيها لذه انام وانه مقهور وافكر بيهة ماعايش هيج شعور قبل ، حبها بيه لوعة...
كمت اي نقاش من الاهل اسمعو ويمر اسمهة يفزز كلبي ، هيه لذيذه وانتضارها لذيذ وزعلها لذيذ وطعمها الذ ، طعم شفايفها ميروح من بالي ، عبالك مو بوسه ماعرف شنوو، حلوه ورقيقة وذايبه ..

احب روحها الطفوليه ، اعشك انوثتها .

مرحها ، تحسسني انه عايش بجو مريح ومابيه اي ضغوطات ، بضحكه منها يروح كل التعب ، لهذا سميتها حب تالي العمر..

هسا عرفت ليش كاتب على رقمها بهذا الاسم..

صميم : والله تستاهل روند اذا هيج معيشتك بجو ، وانه كل ما يدك موبايلك وانت خاله على الشحن اكول منو هاي حب تالي العمر ههههه جنت اضحك ، تعال كلي مسرة ماتغار من تقره انت هيج كاتب.

جراح : ول صميم انه معوضها ما محسسها بشي اداري وادلل ومشبعها غزل وحت مخابره ما اخابر جدامها شسوي بعد ، ذيج هم حكها عليه .

جريت نفس...

صميم : بوووويه شهالحسره الجبيرة هاي..

جراح : راح يصير شهر وشويه انه لا شايفها ولا سامع صوتها بسببك يالمطي ..

صميم : وانه شكو هيه لسانها طويل عبالك رشاش.

جراح : من سوالفك العوج تصدك لو ضاربتك ما اهتم فد اللي جرحني من تجاوزت على ابوي وهو افقر منو ماكو ، عيونو دمعت من سمعها تجاوزت ، ردت اشيلها واركعها بالكاع وكلبي ما تطفى نارو.

،،،،

مسرة

اسمع حجيهم وابجي ، متت قهر يعني حت لو انه خطبتله علمود الاطفال ، وجازفت فد مو لهاي الدرجه يحبها وميت عليها ويتغزل بسرعه نسى مسرة وحبها ومداراتها اووووف لو عندي اهل انه اضل هنا، ضليت ابجي ولازمه راسي ردت اوكع من القهر ، اخ يامسره بعدها ما اجت ومتي بدمج شلون اذا شفتيهم سوه ، رحت توضيت وفرشت سجادتي هلكد دعيت وبجيت ربي يصبرني ....

ورة شويه سمعت عمتي تصيح مسرة تعاي عاونيني ..

نزعت الجادر ولفيت السجاده وادردم وي روحي.

ماتت مسره كون وخلصت فد بالخدامه رايديني..

لبست حجابي ونزلت .شافتني عمتي شهكت..