علاقات زائفة

البارت الثمانون

في مجتمعنا العربي بعض الناس قتلت فينا العفوية..

تم تخويفنا من الجنس الاخر تحديدا الفئة الذكورية..

حتى اصبحت بعض فتياتنا تخاف من رد التحية..

بأعتقادها ان كل الرجال هم مصدر للأذية .

هل ياترى اعتقادك صحيح ؟؟؟؟

وان كل من يقدم لكِ يد المساعده يريدك حبيبة وقتية ؟؟؟

ان كان هذا تفكيرك يؤسفي القول بأنكِ امية...

هناك كثير من الرجال أن احبو اخلصو

وان وعدو اوفو

وان اخطأو اعتذرو ..

وان غدرو سامحو وعفوا وتجاوزوا

فقط ينقصكِ الاختيار لو كان اختيارك صحيح لفزتِ بحياة لا تقل عن حياة الاميرات ، سيجعلك اميرة بيته
وامه واخته وبنته ، فقط احسني الاختيار وابتعدي عن تصرفاتك الطفولية والغبية في بعض الاحيان ، وخذي كل العلاقات على محمل الجد وتذكري ليس كل الرجال كأصابعك السويه وليست هناك اصابع سويه ؟؟؟

___________

روند

دخلت لبيتنه شبه ميته هم ضيعت طفلتي وهم زوجي ، تلكتني ماما واخذتني لغرفه حسن القديمه مددت وغطتني ..

جنان : اكيد مابيج حيل تحجيلي شبيج ..

هزيت راسي ب لا..

جنان : انام يمج لو تريدين تاخذين راحتج..

روند : نامي بمكانج ليش مبهذله نفسج اذا احتاجيتج اخابرج..

جنان : اكلتي شي؟؟

روند : ما اشتهي.

جنان : واني بكيفج امشي متشتهي ..

هزت ايدها وطلعت ، وره شويه دك موبايلي باوعت هذا حسوني..

روند : هلو حسوني..

حسن : هلو ام غزوله شلونج..

بجيت من كال ام غزل 

حسن : هوب هوب شبيج متعاركه ضاربيج شكو؟

روند : ياريت حسوني ياريت ميته اني ولا بنتي ..

حسن : شنو السالفه روند احجي لا تخرعيني..

روند : بنتي ماتت راحت بنتي ابوها دفنها..

حسن : صدك تحجين هاي شوكت وليش اني ما ادري..

روند : ودريت شتسوي يعني ، همه اليمي شسوولي حتى انت تسوي كافي عليك غربتك وهمك.

حسن : لا اله الا الله وهسه شلونج.

روند : موزينه ابد موزينه ... حجيتها وشهكت وبجيت..

حسن : ذكري الله حبيبتي والله ميصير هيج تسوين بروحج..

روند : لو شايف جراح شصار بيه اموت من اتذكر شكله ..