علاقات زائفة

البارت الخامس والثمانون

جراح
نقصي انت الماكدر واحد يسده

روند
مو بعيدين اليحب يندل دربنة

________

بعد مرور سنة ونصف...

صميم : بنان جيبي العربانة راح يوكع ..

جراح : كتلك اكدر امشي مو صغير انه.

صميم : عليش تعاند  هيه شدتها كم يوم اصبر لا تكابر ...

جراح : اطلعووو بره ماريد اشوف واحد بيكم..

صميم : شبلاك انت تخبلت عليش معند ، علاجك زاتو بالزبل لا عربانه ولا عكاز تقبل تستعمل شلون تمشي فهمني ...

جراح : انه اكدر عوفني صميم لا احرك روحي..

بنان : اباوع عليه شكد هزيل صاير رغم اني ما احجي وياه وحاقده عليه بس قهرني كلش...

روند : شوكت هيج صار بيه وليش؟؟

بنان : بيوم اللي جبتي وراد يرجعج ،،حسن رفض و صعد ضغطة و وكع اخذو للمستشفى صميم وميثم كالو ضغطة عبر العشرين وضربته جلطة بس كالو خفيفه يعني ٣ اشهر ويرجع طبيعي على العلاج ...

روند : منين عرف اني جبت.

بنان : اني من خابرت ماما حجيت كدامه ردت احرك كلبه مثل ما حرك كلوبنه ...

روند : ويريد يرجعني علمود بنته يعني مو علمودي.

بنان : روند صارت هواي شغلات انتي متدرين بيها جراح راد يرجعج من جنتي بالعده ..

روند : شتحجين انتي اني الي شهرين زعلانه اتوسل بيه ميجاوب تالي حضرني ..

بنان : باعي هو صح اول شهرين جان معاند بس بعدين راد يرجعج لان تدمر ..

روند : لعد شلون من جنت اسألج عليه واكلج يسأل عليه يتذكرني تكليلي لا..

بنان : هذا طلب حسن ومكدرت اخالفه .

روند : حسن ؟؟؟ شنو شكلج احجيلي..

بنان : باعي راح احجيلج كلشي والباقي يم حسن تلكيه..

روند : احجي اسمعج..

بنان : ورة طلاكج بسبوع من اجيت وجنتي متخربطه ..

روند : اي..

بنان : صاحني حسن..

حسن : بنان تعاي لحظة احاجيج..

كمت ورحت يمه اشرلي اصعد وراه صعدت ، ما اكلج شصار بيه من شفت الغرفه اللي اني اختاريتها والاثاث ، انشك كلبي شك ، اووف ، معلينه راحت بعد ، المهم ، كعدنه وكتله..

بنان : ضل بالي احجي ..

حسن : اريد اطلب منج طلب وبهذا الطلب راح اعرف معزتي عندج شكد..

بنان : اطلب عيوني الك ..

حسن : سالمه عيونج ،،، بس يابنان اذا سمعت مسويه العكس انسي عندج ابن عم اسمه حسن..