علاقات زائفة

البارت الثامن والخمسون

درس صغير في الحياة ..

من انا لأحكم على انسان بسبب موقف سيء بدر منه،
لن اتلكم بسوء عن اي انسان عاش حياته كما يريد..
انا لن اكون راضيه لو ان احد لامني على تصرفات بدرت مني يوما ما وان كانت سيئة ، ان ابدى لي النصح اهلا غير ذلك لن اتقبل ، ما لا ارضاه على نفسي يجب ان لا ارضاه على غيري ، يجب ان اكف عن الانانيه والسطحيه والمبالغات ، يجب ان نخفف من ردات الفعل تجاه الانسان المخطئ ، انا لا اعيش لكي العب ادوارا في حياة الاخر ، كل له همومه ومشاكله وربما يومياته المعقده ، لن اكون انا والضروف والمشاكل ضده لن احكم عليه، بعض من الناس يمرون بظروف سيئة لا يعلم بها الا رب العالمين ، فهو يغفر بمجرد ندم الانسان واستغفر،فمن نحن لنحكم عليه ، هيه كلمه مجرد كلمه بسيطه ممكن ان ترفع الانسان الى السماء السابعه وممكن ان تطمره تحت سابع ارض ، تذكرو دوما الكلمة الطيبه صدقه ، ساعدو المقابل حتى وان كان لا يستحق ..
لاتجرح لكي لا تنجرح .
لا تؤذي لكي لا تتأذى
لا تظلم لكي لا تُظلم.
كن متصالح مع نفسك
احب الاخرين
كن متفهمآ ..

__________________________

روند

اباوع هذا شبيه شكو مخنزر وكوه رد السلام .سحبت كرسي وكعدت وخليت ايدي على الميز وشبكت اصابع ايدي بحركه لا اراديه وسريعه ، هو انتبه على ايدي ، ورجع باوعلي .

روند : هاي زياره مفاجئة وقصيره لو راح تصير اسبوعيه والكعدات تطول ،،،
لو اكو سبب قوي خلاك تتعنى لوحده زعطوطة ؟؟

حجيتها بحدية وملامحي صارت اقسى منه .

صفن بوجهي لم شفته وعضها ، كال .

جراح : يول انتي مو جنتي فقيرة شخبلج لو هذا حضي ..

ابتسمت ..

روند : الدنيا تعلم ابو صكر وتقوي وتكبر الواحد ..

جراح : شوفي انه اجيت ورايد احجي وياج بأسلوب حضاري وياريت بدون تجريح واستخدام السنة النار كل ما شفتج حاركتني بيها..

روند : بدون تجريح كتلي روند احجي بدون تجريح ، استاذ جراح ، اعتقد انت عندك ذاكره سمكة مو صح ؟؟

عقج حاجبه وكال ..

جراح : القصد ؟؟

روند: منو بينه بدأ بالتجريح والتقليل من القيمة وقذف بالشرف والتشهير اني لو انت ؟؟؟

جراح : حجيت موضوع ويه زوجتي ما شهرت بيج وبنان سمعت و وصلتلج الكلام وانه اعتذرت بوقتها ..

روند : مني معتذرت وحتى لو معتذر اعتذارك ممقبول ، واذا حجيت ويه مرتك وتعرف عندك مره شكو جاي تتزوج الحجيت ويه مرتك عليها وتهمتها بشرفها..

جراح : روند انتي كاعد تفاجأيني ماجنت اتصورج هيج حديه بالكلام وكلامج مؤذي .

روند : سبحان الله انت هم اسم على مسمى اسمك جراح وكلامك يجرح بالكلب وماينسي .