علاقات زائفة

البارت الواحد والستون

كذب الرجال ولو صدقوا

البعض من الرجال مهما طالت حيلهم لابد بيوم ان تكشف ..
يقام عليهم الحد وينثر الغضب .
كذباتهم فاشله
مرهونه بمدة صلاحية مهترئة.

وعد الرجل الكاذب كنهايه المطاف المؤلم...
لكن حذار يا رجل
هل نسيت يومآ أن كيدهن عظيم
وكرههن اعظم ..

لا تنسى بأن حبك من السهل ان يذوب لديهن مع تذوق تكرار الوعود الكاذبه بصحوة ضمير القلب ، ترميك وتبدأ من جديد ..

تذكر مهما بلغت من الذكاء والدهاء .
ستجدها تسقط كل ملامح تلك العلاقة الممتلئة بالاقنعة ...

وعود كاذبة
تمثليات زائفة
احاسيس متلاعبة
حوار غرامي فاشل
حب غارق
وجع
قساوة
هروب من سعادة لبناء سعاده اخرى على حسابي
شكرا لك ياسيدي ..

تذكرجيدا بأنني ابدأ من جديد وكن على يقين .
حينها ستصبح مجرد شخص غريب
تتضارب بألف حائط وحيد.
وتتشابك بألف خيط .
دون أن امنحك الامان وما تريد
ها انا اعدتك ذاك الغريب..

__________

بنان

جسمي يرجف ايدي ثلجت اريد الزم الموبايل اخابر اريد يجون ياخذوني ما اكدر ، عقلي وكف ماعاد ينطي ايعاز للحركه اللي اريدها احساسي والوضع اللي اني بيه كأنما صعدت بأرتفاع شاهق وشمروني من فوك ، لزمت موبايلي من بعد محاولات عديده وفشلت بيها ، اخر شي كدرت اركز وبديت استوعب اللي صارلي وتأكدت هذا حقيقة مو خيال ، طلعت قائمة الاسماء وكلبي ركض لأقرب واحد الي ، لأكثر واحد يفهمني ، اكثر واحد يسمع انيني ، ويعرف يترجم دكات كلبي ، حسوني ، مرات الانسان من يوكع بشده ويحس نفسه خسر كلشي ومنها امانه ومأمنة ، بس يعرف عنده عكاز يسنده ويعرف كلش زين طبيعه هذا العكاز شكد قوي وشلون يسند ، اني وحسن هيج ، اني العليلة وحسن عكازي ، صح عندي اهل اخوان اب ام كلهم يفهموني وكلهم اذا نخيتهم ميقصرون بردات الفعل ، بس ردت اللي يخفف عني وطئة هذا الألم مو بس يسندني ، وماكو شخص مثل حسن يكدر يطلعني من الأني بيه ، يمكن انانيه من عندي كل ما اوكع التجئ اله اول واحد ، بس هو عودني من الصغر جان ارتكازي الاول عليه ، هو علمني ينطيني و مياخذ مني ، عودني على الأنانيه ، هو زرع هاي الصفه بداخلي وخلاها تكبر ، حسن عكازتي وكت الشده وكت العوز وكت الألم بس معرفت راح اخرب عليه الاول والتالي وارجعه وياي لنقطة الصفر ...

دكيت عليه اول رنه جاوبني مثل كل مره ميخليني انتظر ابد ولا يأجلني حتى لو كان بقمة انشغاله جاوبني بصوت خايف حس بيه شي عرفني محتاجته ..