علاقات زائفة

البارت الثاني والسبعون

مشهد مستقبلي 💫

_ جنت نايمة بعمق من بعد معاناه يلا كدرت انام بسبب معدتي ، واسمع صوت عياط نسوان وبجي كمزت ، ياستار شكو شصاير ، كمت فتحت الباب والصوت صار اوضح بديت اسمع و افهم الحجي ..

_ ولكم انسجن ولكم مظلوم هو مال هيج دروب اخ يا نار كلبي ولكم شيطفيها..

هنا لزمت كلبي منو انسجن ومنو مظلوم نزلت اركض حتى ردت اوكع على وجهي ، شافتني _____ وزاد الصريخ مالتها..

_ ولج يووووم تعزيتي وتصخمتي سندج راح..

______________

_ بطران عبالك اخليك تتهنة بيهة ، خليتك كم يوم تعيش اللحظة واجه الوكت اللي يرجع بيه الحق لأصحابة ...

_ انت ورة سالفه سجني مو خلي اطلع واذا ما ربيتك بسيطه ياعار الزلم ، انت لو رجال تواجهني مو تطعني بظهري ، وبعدين تعال ياحق اللي يرجع لأصحابه شنو تقصد؟؟؟ اذا قصدك على ________ اعتبر نفسك ميت واحفر كبرك بيدك ....
_____________________

(احبي كما شأت ____________

مكملت المقال اخذت منها الجريده ...

بنان : يا طلابه المتخلص يا صخمان شلون بيه انطيني الجريده خلي اشوف حل لمصيبتي..

زينه : شلون عرف انقرت فاتحتج انتي وحسن.

بنان : ما ادري ما ادري شلون يشم الاخبار راح اتخبل والله العظيم مضل عقل براسي ..

اخذت الجريده من زينه ونزلت اركض رحت لبيت عمي دخلت سلمت على عمه جنان وجها ثكيل وكوه ردت السلام رحت كبل لغرفه حسن دفعت الباب وفتت جان نايم ،
مبين تعبان من الدوام ورايح بسابع نومه ، مشيت على كيفي وصلت يمه مررت ايدي برقة على وجهة ، ملامحه حاده تجنن ،،،،،بطيبته وعصبيته وهدوءة وحبه كدر يحتويني ويخليني اذوب بيه واعشقة ، هسه يلا عرفت الحب شنو وشلون يكون ، حبي لصميم يختلف عن حبي لحسن اصلا ماكو وجه مقارنه بينهم وبين حبي الهم وحبهم الي ابد ، اذا اريد اقارن ف كفه حسن هيه اللي راح تفوز..

صميم عنده حسنات ما انكر لكن سيئاته تغلب.

حنين / خاين
كريم / غدار
عاشق/ اناني
عطوف / متمرد وصاحب كبرياء عالي.
اب مثالي / زوج فاشل.
قوي الشخصيه وصاحب حضور / لكن مؤذي وخصوصا بسالفه الهجران لو اشهر يضل مبتعد عنده عادي اهم شي يعلمني درس..

اغلط / اتعاقب ميفوتلي غلطه لازم مقابيلها عقاب وهو الي يخلي نوعيه العقاب حسب مزاجه..

شايل مبدأ التسامح والمسامحه من قاموس حياته..

الخطأ منه ويريد اني اعتذر
اذا غلط ميعتذر اله اذا حس بخسارتي الحقيقية.

غرور تكبر عدم مبالاه مجنون متمرد صاحب نزوات خاين كلها بكفه وحبه الي بكفه ثانيه وجنت اتغاظى عن كلشي بسبب هذا الحب بس اكتشفت بعدين انو حبه مو لايق بيه ابد ولا اني استاهل مثل هيج حب .