علاقات زائفة

البارت الرابع والسبعون

بنان

كظيت العمر وياك ..هم هم
وهجرك فوك الضيم زادني ..هم هم
وهسة تريد ترجع وبعدين ..هم هم
تتركني وتعوف جروح بية

حسن

سحلني سحل دهري ..من رداني
وبعدك عني ولك ...مرداني
مرة بعيد عني ..ومرة داني
وبطرف عينك تحن علية

صميم

لــــــــو تذكر رباي وياك والعن
ولا تنغر على اللي بيك والعن
فرضنا لــــو اسبك حيل والعن
مريض انه تعال اسال عليه

_______________

طلعت من الحمام نشفت شعري وشسورته ، خليت مكياج ولبست فستاني ، طلعت حذائي ودنكت البسه دك تليفوني ، حسن اتصل فديو ههههه لبست شال على كتفي لان الفستان فضيحه ، جاوبته.

يضحك وعيونه تلمع..

بنان : هااا شو فديو..

حسن : شوفيني الثوب بعد ما اصبر.

بنان : شوفني القاط واني من نعقد اشوفك.

بعد الموبايل وشوفني لبسه لابس قميص رصاص وبنطرون اسود...

بنان : ليش مو كلت البس قاط.

حسن: خليه لباجر احجي شلوني ..

بنان : تطير العقل لو اعرف اصوفر جان صوفرت هههه.

حسن : شوفيني هيه ضلت ساعه شصار عليج لتخليها حسره بكلبي.

بنان : اسم الله وليش حسرة نعقد وشوفني ..

جر نفس وكال..

حسن : ماشي .

ردت اسده..

صاح..

حسن : اكلج..

بنان : كول.

حسن : طالعه تجنننييييييين ..

بنان : اعرف ههههه.

حسن : ياغرورج

بنان : ههههههه..

سديت الموبايل وكعدت على الميز ارتب بنفسي اندفع الباب باوعت بالمرايا فاتت زينة ،تتنفس سريع ،، تحجي وتلهث بنان لحكي بنان ..

بنان : شكووو خرب بالدنيا شعندج مداهمات وشبيج ترجفين..

زينة :ياااااا ولج عززة بعيني ،،، عزززة..

بنان : شكو خرعتيني يمعودة متجوزين ، تفززيني دائما، احجي عاد مو موتيني.

زينه :ولج زوجج جاب مشاية وترس الشارع ترس..

بنان :هذا الطبيعي،، غير راح اعقد اليوم وراح يصير زوجي ويجيب مشايه وين الاشكال بس منين جابهم حسن هو احنه كرايبنه العازميهم ينعدون على الاصابع..

زينة : ولج لا مو حسن زوجج صميم جاب مشاية واجة ،يريد يرجعج ،وعلكت بينهم.......

اني هنا رجلي ما احس بيها بعد انتهت جسمي كله يرجف ..