علاقات زائفة

البارت الثالث والثلاثون

ربّ تنهيدة من وجد صاحبها

تكاد من هولها الأضلاع تتكسر

عمر

سديت الموبايل من بنان وطلعت افتر مثل المخبل

وين الكاه ، هذا ضلعي هذا عضيدي هذا ابو الوكفات

الحلوة الماتنسي ياما وياما شالني من اوكع ،

وطبطب عليه من مهموم ومسح على كلبي ،

عدا كعدني وياه بشقته اربع سنوات فلس احمر ما اخذ مني ، وروحتنه ورجعتنه سويه ، حتى المسواك جنت اذا اجيب كيلو طماطه مايرضي ويزعل جنت اتوسل اشاركو ب المصرف يقفل عليه ويدير وجهو عني ويزعل ايام ...

عرفت طبعو كمت اسايرو ، صميم رغم اغلاطو فد شايل كلب ابيض وكريم الثوب العليه ينطيه مايقصر وي واحد ابد ولا شفتو يوم رد ايد فقير انمدتلو..

رجال والنعم منو ومن اصلو ، ربينه سوة من احنة وصغار ولد منطقة وحده ، واهلي واهلو ناس تعرف ناس ، فد ابوي ما يحبهم ، هو اساسآ ما يحب احد فد نفسو ، انسان حقود حاقد على خلك الله كلو ...

من احنه وصغار انه واخوي بكر و حارث ، ما ارتاحينه بيوم ، عسما نذب ارواحنه بالشغل اهم شي نجيبلو فلوس،
بوكت التنظيم مال القاعده انتمى الهم ، وتبرينه منو وقاطعناه واختفت كل اخبارو الى ان اجه يوم اندك باب بيتنه قوي ،
طلعنه انه واخواني نركض وامي بورانه تلف بشيلتها مفزوعه لسه اذكر منظرها وجها اصفر وتعبانه على فراك ابوي ،
فتحنه الباب ولن ابوي مدد بالكاع ودمو بطولو ، اخذناه ركض للمستشفى وتلاحكنالو جانت اخر انفاسو ،

الطبيب كال معجزة اذا صحى ، والحمدلله عدت سلامات ،فد فقد رجلو اليمنى .

تشافى ورجعناه للبيت وامي دارتو ماقصرت ، رغم هو ما يستاهل فد يضل اب وما نكدر انقاطعو لو نزتو بالشارع ...

مشت الايام وطلب من عدنه انه واخوتي نسفرو للخارج نعالجو ، بالبدايه رفضنه لان العدنه كلو ما يكفي تذكره طيران عاد عمليه وعلاج ،
كعدنه انه واخوتي نجيبها منا نردها منا ما ترهم بكل الاحوال نطلع خسرانين ،
الى ان طلب نبيع البيت وبفلوسو يتعالج ،

ماكدرنه نمنعو البيت بيتو والحلال حلالو ، بعنه البيت واجرنه بمنطقة ارخص من منطقتنه ، بيت ١٠٠ متر ، وكعدنه اخوي الاكبر مني اخذ من الفلوس يعالج ابوي والباقي ودعو بالمصرف ،
اخذو لتركيا ، ركبولو طرف صناعي ، وطلع عندو انسداد بالشريان الايسر لقلبو ،
سوه عمليه تعافه ورجعو لديرتنه ، رجع ابوي بقوتو ، مثل قبل ، الامر الناهي ، واحنه نشتغل وراجعين ليورة ، فد كمنه ما ننطيه من فلوسنه وتعبنه ،
نصرف على البيت اي ،
فد فلوس بيدو محد يخلي ، يهوس ويتعارك ويمل وحدو ، زوجنه اخوي بكر وطلع بيت بوحدو ،