علاقات زائفة

البارت التاسع والعشرون

حسن يكول

وكت خله الغرب تسألني عنك
يا ما تدري شكثر مغثوث منك

شكثر شايلك وما شايل عليك
جروحي استغربن من باوعنك
رحت ودموعي بفراكك قرنك

كلشي يشبهك يبجيني مرات
بحيث هدومي بعدك يوجعني

عفتك والقصايد رجعني
ما معقوله صفناتك نسني

هضيمه اتعب واربي لخاطر الغير

شايف من تفارك وانت لسه تغار
ويصفن بيك لونك والهضم يحتار
من يروح منك وانت بعدك حار

شيبرد ابراهيم جروحك
شايف من تكله انتهت بالحسرة

شايف من تكله الله يعوض الراح
وبكلبك حجي بس انت صوتك راح

شايف من تسألك امك شمالك
وتكللها راح ،،تكول هنيالك

يا ابني العشك مرات جتالك
وتكلها شمدريج عايش بيه

شايف من تحس غيرك سكن كلبه
تغار ، تموت ، تبجي المسألة صعبه

بوطن حضن امك ومتروس بالغربه
مسكينه امك بس تلولي ..

شايف من يكلك رايح اتزوج
وتطفه الدنيا بيك ودمعتك تنوج

شايف من تعوفه وتكعد من النوم
ورمضان الحجي كاضيها بيك يصوم

زين من مابيك تحجي
شلون بيك تكوم؟؟

يراد لصوتك عكازة
_______💔

بنان : شكو شصار ترة كلشي مكاعد اتذكر ..

صميم : تخربطتي وشلتج جبتج لهنا وياي امي وامج، ومن اخذتلج الدكتورة سونار كالت الطفل ميت بطنج صارله عشر ايام وهمزين تلاحكتو جبتوها ما ماتت ..

بنان : ماما عرفت..

صميم : اي عرفت ..

كمزت من مكاني مخروعه ، عطت

بنان : شكالت ...

هو من شافني هيج كام ولزمني ..

صميم : على كيفج يول توج طالعه من عمليه ..

بنان : احجي ماما شكالت ، شسوت من عرفت ..

كمت اضرب على رجلي وابجي بحركه وهو لازم ايدي ويهدي بيه ..

بنان : امداني انفضحت ، ماما عرفت شلون بيه ، هسه تكرهني ، بعد متريدني والله ..

صميم: اهدي يابه اهدي ...

باس راسي وجرني لصدرة ..

بنان : انت متعرفها لماما ، شكد ما هيه طيبه ، بكد طيبتها قسوه، الي يكذب عليها مستحيل تسامحه، تكره الكذب واني اشهر اكذب عليها ولك راحت ماما مني راحت ...

صميم : كولي ياالله شنو ماتت وكاعد تبجين ، انه اخذج الها فد كومي على حيلج ..

بنان : اني متت بنضرها  ،خسرت امي خسرتها ،كله بسببك بسبب انانيتك خسرتني اهلي ، والله اذا صار بيهم شي ، اشرب من دمك ...