မြူနှင်းတွေဝေနေတဲ့ ထိုက်ချန်းတောင်တော်ဟာဆိုရင်ဖြင့် နတ်ဖြစ်ရန် ကျင့်ကြံသူများနဲ့ အတော်ဆုံးသမားတော်တွေ ရှိရာအရပ်ဖြစ်တယ်။
နတ်မင်းဖြူ စောင့်ရှောက်တဲ့ ဒီတောင်တော်ဟာအေးချမ်းမှုရှိလှတယ်...
ဒီတောင်တော်ကြီးမှာ ပညာသင်ကြားနေတဲ့ နတ်ကျင့်ကြံသူတွေရှိပြန်တယ်။
နတ်မင်းဖြူရဲ့ အရိပ်အောက်မှာ ပညာသင်ကြားနေတဲ့ နတ်ဆေးသမားတော်လေး
ချီရှားချီ..သူကတော့ကောင်လေးတစ်ယောက်ပါ။
သူ့ရဲ့မျိုးနွယ်ကတော့ သွေးမျိုးဆက်ပါ...
ကောင်းကင်မြို့တော်ပျက်စီးခဲ့တဲ့နောက်
သူကတစ်ဦးတည်းသောအသက်ရှင်ကျန်တဲ့ မျိုးဆက်ပေ။
သွေးမျိုးဆက်ရဲ့ ဆေးကျမ်းအားလုံးကို သူတတ်မြောက်ထားသေး။သူဟာ မှတ်ဉာဏ်သိပ်ကောင်းတဲ့ကောင်လေးပါ။
သူ့ဘဝကို အစဖျောက်လို့ ထိုက်ချန်းတောင်တော်မှာ ဇာတ်မြှုပ်နေခဲ့ခြင်းပေ။
တခါတရံ နန်းမြို့တော်မှာ လိုအပ်တာ လာရောက်ဝယ်ယူရင်း...ဆေးကုတဲ့အလုပ်ကိုလုပ်ကိုင်တတ်သေး။
ချီရှားချီဟာ လောဘမကြီးတတ်ပေ..
နာမကျန်းသူတွေကို အခမဲ့ဆေးကုသပေးတတ်သည်။
သူ နန်းမြို့တော်ကိုမရောက်တာကြာပြီလေ..သူ့ဆရာက သူ့ကိုယုံကြည်အားကိုးတဲ့အတွက် နတိမင်းဖြူတောင်တော်မှာမရှိတဲ့ကာလတွေမှာ သူပဲ ကြည့်ရှု့စောင့်ရှောက်ပေးရပြန်တယ်။
နတ်မင်းဖြူက..
အရံအတားလုပ်ထားခဲ့တဲ့အတွက် သူ့အတွက်က မခက်ခဲလှပေ။
"ရှီဖော်..ရှီဖော်.."
တရားကျင့်ကြံနေတဲ့ ချီရှားချီထံ ဆံပင်စုတ်ဖွားနဲ့ကလေးလေးတစ်ယောက်အပြေးတပိုင်းနဲ့ပြေးလာနေတယ်။
ကလေးလေးပုံကြည့်ရတာ သူဖုန်းစားလိုလို လမ်းဘေးအိမ်ခြေရာမဲ့လေးလိုလို..
ပေတိပေစုတ်နိုင်လွန်းလှတယ်။
အမှန်တော့ ချောင်းထဲ ငါးလိုက်ဖမ်း တောထဲဝင်ပြီးရစ်ငှက်ပစ် သူတစ်ယောက်တည်းကိုမနိုင်လှတဲ့ ချီရှားချီဟာ ဒီကလေးသူ့နားလာရင် ခန့်လန့်လန့်ရယ်။
"ရှီဖော်.. ရှီဖော်.."
"အားယန်..ဘာဖြစ်လာပြန်ပြီလဲ။"
"ရှီဖော်...နန်းမြို့တော်မှာ ကျွန်တော်ရစ်ငှက်ရောင်းပြီးပြန်လာတာ သတင်းတခုကြားလာလို့။"
"ရှီဖော်များ သိချင်မလားလို့ ပြောပြမလို့ပါ။"
YOU ARE READING
တော်ဝင်ချစ်သူ စပ်စလူးလေး😘 (Completed)
Historical Fictionနန်းတွင်း ပုံစံရေးပေးသွားမှာပါ စိတ်ကူးယဥ်သက်သက်ပါ။🚫++အနည်းငယ်ပါဝင်ပါတယ်။ ဇာတ်လမ်းပါအကြောင်းအရာများသည်စာရေးသူ၏စိတ်ကူများသာဖြစ်သည်။တစုံတစ်ဦးထိခိုက်နစ်နာစေလိုခြင်း လုံးဝမရည်ရွယ်ပါ။
