AUREN FARI....

24

*💥💥AUREN FARI...💥💥*

               *SLIMZY✍🏼*
          _Wattpad@slimzy33_

*SADAUKAR WA:*
*HAUWAU MU'AZU AMIR RUMA...*

                      *24*

Gwaggo tana zaune a kujerar roba a harabar gidan tana karanta hisnul muslim,da nafeesa da Anty fatima suna zaune gefen ta da yaran anty fatima jiddah ta turo gate a guje ta shigo ta ruga da gudu tayi cikin gida,a furgice nafeesa ta mike tana fadin "lafiya,meya faru Abla"

"Kee kee jiddah keda waye haka meyafaru?"gwaggo cikin tashin hankali take tambayar jiddah tana kokarin mikewa daga kujera,kallon juna nafeesa da fatima sukayi suna kokarin dunguma suyi cikin gidan saiga zainab ta shigo tana sauke numfashi,

Dakatar da ita gwaggo tayi ta hanyar saurin tambayarta "ke zainabu meyake faruwa ne?naga kawarki ta shigo ta shige cikin gida a guje kema gaki kin shigo kina haki"

Dafe kirji zainab tayi tana sauke numfashi,cikin damuwa tace "wallahi....gwaggo...nima bansaniba,ta shigo cikin gidan mu muna zaune a parlor tana shigowa ta runtuma a guje kamar wadda tayi gamo da dodo ko mugun abu"

Gaban gwaggo ne ya yanke ya fadi cike da dimaucewa ta soma salati "innahlillahi wa innah ilaihi rajiun,assha Allah ya rufamun asiri yarinyar nan ba gamo tayi da aljanun laasar ba"

Fatima ce tasa dariya "gwaggo akwai aljanun laasar ne,wallahi kinbani dariyar da ban shirya ba mudaije ciki muji menene hakan yasata shigowa gida a guje kamar an biyota"

  Cikin sanyin jiki gwaggo ta sake duban zainab "kin tabbatar bawani abu kike boyemun ba,dan allah ki sanar dani gaskiya"

  "Wallahi gwaggo gaskiyar kenan bansaniba nima"cikin damuwa zainab tayi maganar tana kallon hanyar da zata sadaka da parlorn gidan,

A tare duka dunguma sukai cikin gida ta wata siririyar hanya sukabi suma bullo ta babbar kofar patlorn,tun daga kofar parlorn gidan suke jiyo shasshekar kukan jiddah,cikin tashin hankali gwaggo ta nufi dakin ta dake ta cikin parlorn,

Kwance take ta kifa ciki ta dukunkune cikin bargo ta dora pillow a kanta tana faman kuka dukkansu gadon suka nufa cikin dimuwa gwaggo tace "lafiya jiddah? menene haka meke faruwa mai kikagani kikazo nan kika boye?ko wani abun tsoro kika gani ki sanar dani"

Hannu fatima tasa ta yaye bargon,ta cire pillown saiga fuskarta tayi jajir ta sharbe da gumi da hawaye daya wanke mata fuska....

Tabota fatima tayi tana kokarin tallabota "tashi jiddah kifadamun meke damunki meyafaru umm me kikagani?"

Jingina zainab tayi da jikin bangon dakin tana kallon jiddah,tana son gano wani abu gabanta ne ya tsananta faduwa lokacin data tuna da amsa kuwwar muryar yaya Bilal da yace itaceeeeee da karfi,to itace wa?meye tsakaninsu yasan ta ne?....gabanta na cigaba da faduwa,

Mikewa jiddah tayi ta zauna tana kokarin share hawayenta, zama gwaggo tayi "fadamun jiddah na menene kedamunki umm yar gwaggo me kika hadu dashi ko inyi miki addua a idonki ne?"

Girgiza kai jiddah tayi cikim kuka tace "nidai...."sai kuma ta girgiza kai "babukomi gwaggo"

"Ya zakice babu komi jiddah,kin tada mana da hankali ki sanar damu meke damunki mana"fatima ta amshe maganar,

Girgiza kai tayi lokacin da ta dago kwayar idonta ta dorasu akan zainab ta runtse idonta wani takaici takeji,ta sanadiyyar ta ne yau ta kai kanta inda ta ga bilal"nibakomi"

Kallon zainab fatima da gwaggo sukayi ganin yadda jiddah dayi data kalleta suka hada baki "kada ki boye mana komi zainabu ki sanar mana da abinda ya faru kawai saboda yanayin jiddah na nuna kamar kinsani"