រដូវរងារក្នុងបេះដូងនៃរដូវក្ដៅ(I'll be The winter in your summer heart)

Untitled Part 38

38.............After The Storm's Faded

.

.

Stream Dynamite

.

.

វាហាក់បីដូចជាសុបិន្ត សុបិន្ដអាក្រក់ដែលកើតឡើងនៅពេលរាត្រី ហើយគ្រប់យ៉ាងនឹងលេចបាត់ទៅវិញនៅពេលព្រឹកព្រលឹម អ្នកដែលសុបិន្តក៏នឹងចាប់ផ្ដើមនូវថ្ងៃថ្មី ដោយព្យាយាមបំភ្លេចនូវសុបិន្តអាក្រក់មួយនោះ ថ្ងៃដំបូងក៏ពិបាកនឹងបំភ្លេច ថ្ងៃបន្ទាប់វាក៏រំសាយបន្តិចម្ដង រហូតដល់បេះដូងសុំានឹងសុបិន្តមួយនោះហើយក៏ជំនះភាពភ័យខ្លាចបាន។

វាដូចជាព្រិត្តិការណ៍ដែលកើតឡើងជាមួយនឹងMichel Taehyung មិនដែលរំពឹងនោះទេថានឹងអាចរំដោះខ្លួនចេញពីមនុស្សដូចជាMichel អ្វីដែលអ្នកកម្លោះឆ្លងកាត់ វាប្រៀបបានទៅនឹងសុបិន្ដអាក្រក់ ដែលអ្នកកម្លោះបួងសួងសូមអោយខ្លួនភ្ញាក់ពីសុបិន្ដនេះអោយបានឆាប់បំផុត ហើយពេលនេះព្រះក៏ស្ដាប់ការបួងសួងរបស់ខ្លួន។ ស្អប់ខ្លាំងប៉ុណ្ណា ពេលដែលខ្លួនត្រូវគេដាក់សម្ពាធអោយធ្វើនូវរឿងដែលខ្លួនមិនចង់ធ្វើ ហើយក៏យកមនុស្សដែលខ្លួនស្រលាញ់ធ្វើជាវិធីសាស្ត្របង្ខំភាពសុចរិតរបស់ខ្លួនអោយប្រព្រិត្តនូវរឿងដែលគេចង់បាន Taehyung អាចប្រាប់បានថាអារម្មណ៍បែបនោះយ៉ាងណា។

Michel ត្រូវបានចាប់ខ្លួន ហើយក៏ត្រូវច្បាប់នៅសេអ៊ូលផ្ដន្ទាទោសអោយជាប់នៅក្នុងពន្ធនាគាចំនួនឆ្នាំទៅតាមទោសរបស់គេ តែTaehyung យល់ថាចំពោះមនុស្សដូចជាMichel គួរតែទទួលបាននូវការដាក់ទោសអោយលើសពីនេះ អោយសមនឹងអ្វីដែលមនុស្សបាតសង្គមម្នាក់នេះបានប្រព្រិត្ត នៅមានអតិថិជនក៏ដូចជាអ្នកដែលជួលMichel ទាំងអស់នោះទៀតផង ពួកគេគួរតែទៅចុះនរកជាមួយគ្នា

Ring Ring.............

អ្នកកម្លោះបើកភ្នែកទាំងភ្ញាក់ផ្អើល សម្លឹងទៅលេខទូរស័ព្ទដែលខលចូលមកខ្លួន មិនចាំយូរ Taehyung ចុចប៊ូតុងពណ៍បៃតងទទួលជាមួយនឹងម្រាមដៃដែលញ័រ នាទីលោតចេញ 00:00 Taehyung ប្រញាប់នឹងលើកទូរស័ព្ទដាក់មកជិតត្រចៀក ដៃម្ខាងក្ដាប់ជាប់នៅលើភ្លៅ កែវភ្នែកខ្លាទាំងគូររលីងរលោង រងចាំអោយអ្នកខាងនោះបន្លឺសម្លេង