រដូវរងារក្នុងបេះដូងនៃរដូវក្ដៅ(I'll be The winter in your summer heart)

Part 25

No More Tear...................

Taehyung គេងមិនលក់ពេញមួយយប់ ក្នុងខួរក្បាលរបស់អ្នកកម្លោះគិតដល់រឿងរ៉ាវ និងពាក្យដែលDory និយាយប្រាប់ខ្លួនកាលពីពេលថ្ងៃ ពេលនេះTaehyungកំពុងតែច្របូកច្របល់មិនទាន់នឹងបកស្រាយបានថាវាមានរឿងអ្វីកើតឡើង តើដុកទ័រពិតជាធ្វើបែបនោះដើម្បីខ្លួនពិតមែនទេ? ឫក៏Dory គ្រាន់តែកុហកដើម្បីអោយបងប្រុសរបស់ខ្លួនក្លាយជាមនុស្សល្អ។​ អ្នកកម្លោះដកដង្ហើមធំ នៅពេលនេះក្នុងបន្ទប់មានតែលោកម្នាក់ឯង Dory ក៏មិនបានត្រឡប់មកវិញ ហើយTaehyung ក៏យល់ គ្មានអ្នកណាដែលមកមើលខ្លួនក្រោយពីធ្វើរឹកពារបែបនោះដាក់បងប្រុសរបស់គេនោះទេ។

Taehyung : "សមមុខហើយ ដែលក្លាយមកជាបែបនេះ" អ្នកកម្លោះនិយាយដាក់ខ្លួនឯង មិនគិតនោះទេថាត្រឡប់មកNew Zealand មានរឿងរ៉ាវរញ៉េរញៃកើតឡើងច្រើនបែបនេះ។

ទម្លាក់ខ្លួនដែលធូរស្រាលចុះពីលើគ្រែ កែវភ្នែករបស់អ្នកកម្លោះសំឡឹងឃើញឈើច្រត់ ដែលប្រហែលជាគ្រូពេទ្យយកសាគួរទុកជាមិនខាន និងដើរទើមៗទៅក្បែរវា។

បើកទ្វារចេញពីក្នុងបន្ទប់ Taehyung ប្រទះនឹងសម្លេងសម្រឹបជើង ព្រមទាំងក្លិនថ្នាំចម្រុះ សម្រាប់អ្នកកម្លោះវាមិនជាបញ្ហានោះទេ ព្រោះលោកសុំានឹងសភាពក្នុងមន្ទីរពេទ្យទៅហើយ។ Taehyungដើរយោងខ្លួននិងឈើច្រត់ មួយៗ ទៅតាមផ្លូវដើរនៅក្នុងមន្ទីរពេទ្យ រហូតចេញដល់ធ្លាខាងក្រៅ អ្នកកម្លោះដកដង្ហើមធំបន្ទូរអារម្មណ៍តានតឹងទើបបន្តដំណើរតទៅមុខទៀត តែវាមិនមែនជាការងាយស្រួលនោះទេ ដៃម្ខាងរបស់Taehyung នៅមិនទាន់ប្រើការបាន ម្ខាងទៀតដែលកាន់ឈើច្រត់ក៏ទប់មិនជាប់ ទើបត្រូវធ្លាក់ឈើចុះទៅលើដី ដកដង្ហើមធំ អ្នកកម្លោះបានត្រឹមតែឈរសម្លឹងមើលឈើច្រត់ និងខំទប់ខ្លួនមិនអោយដួល។

Jimin : "ចាំខ្ញុំរើសអោយ........." Taehyung បន្ធូរចិញ្ចើមដែលជ្រួញអោយមកសភាពធម្មតា និងឈរសម្លឹងមើលទៅអ្នកដែលអោនចុះរើសឈើច្រត់អោយខ្លួន ក្នុងចិត្តរបស់អ្នកកម្លោះពិតជាអរគុណមនុស្សម្នាក់នេះខ្លាំងណាស់។

"នេះឈើច្រត់របស់លោក................."Jimin ញញឹមរហូតដល់ត្របកភ្នែកក្រាស់លឹបបាត់កែវភ្នែក ស្នាមញញឹមមួយនេះក៏នៅមិនបានយូរព្រោះតែJimin សង្កេតឃើញថាអ្នកខាងនោះដូចជាមិនមានសកម្មភាពអ្វី បានត្រឹមតែឈរធ្មឹង សម្លឹងមុខមកខ្លួនដូចជាមនុស្សចម្លែក។