منقولة
الحلقةة الثانيةة
من ﺭﻭﺍﻳﺔ - - -> " #ﺳﻨــﺪ_ﺍﻷﻧﺜــﻰ_ﺭﺟــﻞ"
ﻃﻮﻭﻁ : ﺃﻟﻮﻭ
ﺍﻧﻲ : ﻗﻠﺒﻲ ﺣﺴﻴﺘﻪ ﻳﺪﻕ ﺑﻘﻮﺓ ﻟﺪﺭﺟﻪ ﺍﻟﻲ ﺟﻨﺒﻲ ﻳﺴﻤﻌﻪ ﻟﺴﺎﻧﻲ ﺍﺭﺗﺒﻂ ﺭﺟﻠﻴﺎ ﻳﺮﻋﺸﻮ ﻣﻌﺎﺵ ﻋﺮﻓﺖ ﺧﻼﺹ ﺷﻦ ﻧﺪﻳﺮ ﻫﺎﺗﻒ ﻭﻟﻴﺪ ﻳﺮﻥ ﻭﻓﻲ ﺭﺍﺟﻞ ﺭﺩ ﻋﻠﻴﺎ ﻳﺎﺭﺑﻲ ﻗﺪﺍﺵ ﺍﺳﺘﺎﺣﺸﺖ ﺻﻮﻭﺗﻪ ﺑﺲ ﻣﻌﺎﺵ ﻗﺪﺭﺕ ﻧﺘﻜﻠﻢ ﺧﻼﺹ ﻟﺴﺎﻧﻲ ﺣﺴﺴﻴﺘﻪ ﻣﻌﻘﻮﺩ ﻛﻞ ﻋﺮﻭﻭﻕ ﺟﺴﻤﻲ ﻳﺒﺴﺖ ﺑﺲ ﻟﺤﻈﻪ ﻟﺤﻈﻪ " ﻫﺬﺍ ﻣﺶ ﺻﻮﺕ ﻭﻟﻴﺪ " ﻣﺶ ﺻﻮﺕ ﺣﺒﻴﺒﻲ ﺻﻮﺕ ﺣﺒﻴﺒﻲ ﺍﻧﻲ ﻧﻤﻴﺰﻩ ﻣﻦ ﺑﻴﻦ ﻣﻠﻴﻮﻥ ﺷﺨﺺ ﺍﺭﺑﻊ ﺳﻨﻴﻦ ﻭﺍﻧﻲ ﻧﺴﻤﻊ ﻓﻲ ﺻﻮﺗﻪ ﻣﻦ ﻟﻤﺎ ﺍﻧﻮﺽ ﻟﻴﻦ ﻗﺒﻞ ﻣﺎﻧﺮﻗﺪ ﻭﻟﻴﺪ ﻣﺎﻳﻘﻮﻟﺶ ﺍﻟﻮ ﻳﻘﻮﻝ ﺍﻳﻮﻭﻩ ﻫﺬﺍ ﻣﻨﻮ ﺍﻟﻲ ﺭﺩ ﻫﺪﺍ ﻣﺶ ﺣﺒﻴﺒﻲ ..
: ﺍﻟﻮﻭ ﻣﻨﻮﻭ ﻣﻌﺎﻱ .
ﻣﺶ ﺻﻮﺕ ﺣﺒﻴﺒﻲ ﺍﻳﻪ ﻻ ﻫﺪﺍ ﻣﺶ ﺻﻮﺕ ﻭﻟﻴﺪ ﻫﺪﺍﺍ ﻣﺶ ﻭﻟﻴﺪ ﺍﻧﻲ ﻧﺒﻲ ﺣﺒﻴﺒﻲ ﻭﻳﻨﻪ ﻧﺒﻲ ﺻﻮﺕ ﺣﺒﻴﺒﻲ
: ﺍﻟﻮﻭﻭ ﺑﺘﺮﺩ ﻭﺍﻻ ﻧﺴﻜﺮ
ﺍﻧﻲ ﺑﻠﻌﺖ ﺭﻳﻘﻲ ﻭﺣﺎﺳﻪ ﻟﺴﺎﻧﻲ ﻣﺮﺑﻮﻭﻁ ﻣﺶ ﻗﺎﺩﺭﻩ ﻧﺤﺮﻛﻪ ﺑﺎﻩ ﻳﻤﻚ ﻳﻜﻮﻥ ﺣﺪ ﻣﻦ ﺍﺻﺤﺎﺑﻪ ﻳﻤﻜﻦ ﺣﺪ ﻳﻌﺮﻓﻪ ﻳﺎﺍﺭﺑﻲ
: ﺍﻟﻮﻭﻭﻭﻭﻭﻭﻭﻭﻭﻭﻭ
ﺍﻧﻲ : ﺃﺃﺃﺃﺃ ﻫﺪﺍ ﺗﻠﻴﻔﻮﻥ ﻭﻟﻴﺪ ﻣﺨﺘﺎﺭ
ﻫﻮ : ﻻﺍﺍ ﻭﻣﻌﺎﺵ ﺗﺘﺼﻠﻲ ﻭﻟﻴﺪ ﻣﺎﺕ ﻃﻮﻭﻁ ﻃﻮﻭﻁ
ﺍﻧﻲ ﻗﻌﺪﺕ ﺗﺮﻥ ﻓﻲ ﻭﺩﻧﻲ ﻛﻠﻤﺔ ﻭﻟﻴﺪ ﻣﺎﺕ ﻣﺎﺕ ﻣﺎﺕ ﻣﺎﺕ ﻻﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍ ﺻﻮﻭﺕ ﻋﻴﻂ ﺑﺪﺍﺧﻠﻲ ﻭﺩﻣﻮﻋﻲ ﻧﺰﻟﻮ ﻛﻴﻒ ﺍﻟﻤﻄﺮ ﻗﻌﺪﺕ ﺗﻬﺪﻱ ﻓﻴﺎ ﻧﻮﺍﻝ ﻭﻫﻲ ﺣﺎﻳﺮﺓ ﺷﻦ ﺻﺎﺭﻟﻲ : ﻧﺴﻴﺒﺔ ﻧﻮﺳﺔ ﺧﻴﺮﺭﻙ ﺷﻦ ﻓﻲ ﺷﻦ ﻗﺎﻟﻚ
ﻣﺎﺭﺩﻳﺘﺶ ﻧﺰﻟﺖ ﻣﻦ ﻓﻮﻕ ﺍﻟﻄﺎﻭﻟﺔ ﺷﺪﻳﺖ ﻣﺎﻟﻘﻲ ﻣﻴﻪ ﻭﻃﺎﺳﺔ ﻭﻃﻠﻌﺖ ﻣﻦ ﺍﻟﻤﻄﺒﺦ ﺑﺪﻭﻭﻥ ﻣﺎﻧﻨﻄﻖ ﻭﻻﻛﻠﻤﺔ ﻭﺍﻧﻲ ﻣﺪﻭﻭﻣﺔ ﻭﻛﻠﻤﺔ ﻭﻟﻴﺪ ﻣﺎﺕ ﻣﺎﺕ ﻣﺎﺕ ﺗﺮﺭﻥ ﻓﻲ ﻭﺩﻧﻲ ﻭﻛﺎﺍﻧﻪ ﺗﻀﺮﺏ ﻓﻴﺎ ﻓﻲ ﻛﻔﻮﻑ ﺣﺒﻴﺒﻲ ﺭﺍﺍﺡ ﺣﺒﻴﺒﻲ ﺍﻣﺸﻲ ﻣﻊ ﺑﺎﺑﺎ ﻟﻴﺶ ﻳﺎﺩﻧﻴﺎ ﺗﺪﻳﺮﻱ ﻓﻴﺎ ﻫﻜﻲ ﻟﺤﻘﺘﻨﻲ ﻧﻮﺍﻝ ﻭﻫﻲ ﺗﺴﺎﻝ ﻓﻴﺎ ﺷﻦ ﺻﺎﺭ : ﻧﻮﺳﺔ ﺍﻭﻗﻔﻲ ﺍﺳﺘﻨﻲ ﺍﺣﻜﻴﻠﻠﻲ ﺷﻦ ﺻﺎﺭ ﻧﻮﺳﺔ ﺍﻧﺘﻲ ﻛﻮﻳﺴﺔ
ﻻﻳﺎﺧﺘﻲ ﺍﻧﻲ ﻣﺶ ﻛﻮﻳﺴﺔ ﻣﺶ ﻛﻮﻳﺴﺔ ﺣﺒﻴﺒﻲ ﻣﺎﺕ ﻭﺍﻧﺘﻲ ﻗﺎﻋﺪﻩ ﺗﺴﺎﻟﻲ ﻓﻴﺎ ﻛﻮﻳﺴﺔ ﺍﻭ ﻻ
ﻧﻮﺍﻝ : ﻧﻮﺳﺔ ﺭﺩﻱ ﻋﻠﻴﺎ ﺧﻴﺮﻙ ﺗﺸﻮﻓﻴﻠﻲ ﻫﻜﻲ
ﻫﺰﻳﺖ ﺭﺍﺳﻲ ﺑﻤﻌﻨﻰ ﺍﻳﻪ ﻣﺎﻓﻬﻤﺘﺶ ﺩﺭﺗﻬﺎ ﻫﻜﻲ ﻭﺧﻼﺹ ﺑﻴﺶ ﺗﺴﻴﺒﻨﻲ ﺍﻣﺸﺖ ﻧﻮﺍﻝ ﻟﻠﻤﻄﺒﺦ ﻭﻫﻲ ﺷﻜﻠﻬﺎ ﺭﺟﻌﺖ ﻟﻬﺎﺗﻔﻲ ﻛﺎﻧﺖ ﺣﺎﺍﻳﺮﺓ ﺷﻨﻮ ﺍﻟﻲ ﺻﺎﺭﻟﻲ
ﺭﻛﺒﺖ ﻟﻠﺪﺭﻭﺝ ﻭﻧﻤﺸﻲ ﺑﺨﻄﻮﺍﺕ ﺛﻘﻴﻠﺔ ﻭﻗﻠﺐ ﻣﺎﻳﻨﺒﻀﺶ ﻻﻧﻪ ﺣﺒﻴﺒﻪ ﺍﻣﺸﻲ ﺧﻼﺹ ﻻﻳﺎﻧﺴﻴﺒﺔ ﻻ ﻭﻟﻴﺪ ﻣﺎﻣﺎﺗﺶ ﻫﻮﻭ ﺍﻭﻝ ﻣﺎﺣﺒﻴﺘﻪ ﻗﺎﻟﻲ ﺍﻧﻲ ﻣﺴﺘﺤﻴﻞ ﻧﺴﻴﺒﻚ ﻟﻴﺶ ﺳﻴﺒﻨﻲ ﺗﻮﺍ ﻫﻮﻭ ﻣﺴﺘﺤﻴﻞ ﻳﻤﺸﻲ ﻭﻳﺨﻠﻴﻨﻲ ﺑﻌﺪﻫﺎﺍ ﻣﻌﺎﺍﺍﺵ ﻧﻨﺪﺭﻱ ﻋﻠﻲ ﺷﻲ
ﻓﺘﺤﺖ ﻋﻴﻮﻧﻲ ﻭﺍﻧﻲ ﺣﺎﺳﺔ ﺑﺄﻟﻢ ﻓﻲ ﺟﺴﻤﻲ ﻭﺭﺍﺳﻲ ﻳﻮﺟﻊ ﻣﺎﻋﺮﻓﺘﺶ ﺷﻦ ﺻﺎﺭ
ﻟﻔﻴﺖ ﺑﻌﻴﻮﻭﻧﻲ ﻟﻠﻲ ﺟﻨﺒﻲ ﺳﻘﻒ ﺍﺑﻴﺾ ﺩﺍﺭ ﺑﻴﻀﺎ ﻗﻤﺖ ﻋﻴﻮﻧﻲ ﻳﻤﻴﻨﻲ ﺷﻔﺖ ﻛﻴﺲ ﺗﻐﺪﺋﺔ ﺍﻧﻲ ﻓﻲ ﺍﻟﻤﺴﺘﺸﻔﻰ ﻟﻴﺶ ﺷﻦ ﺻﺎﺭ ﺑﻌﺪﻫﺎ ﺭﻧﺖ ﻓﻲ ﻭﺩﻧﻲ ﻭﻟﻴﺪ ﻣﺎﺕ ﻣﺎﺕ ﻣﺎﺕ ﻻﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍ ﻋﻴﻄﺖ ﺑﺼﻮﺕ ﻋﺎﻟﻲ ﻗﻌﺪﺕ ﻧﺒﻜﻲ ﻭﻧﺸﻬﻖ ﺑﺼﻮﺕ ﻋﺎﻟﻲ ﺧﺸﺖ ﻧﺮﺟﺲ ﻭﻧﻮﺭﺱ ﻭﻧﻮﺍﻝ ﻭﻣﻌﺎﻫﻢ ﺍﻳﻤﻦ ﺧﺸﻮ ﻳﺠﺮﻭﻭﻭ
ﻧﻮﺍﻝ : ﻧﻮﺳﺔ ﺣﺒﻴﺒﺘﻲ ﺍﻫﺪﻱ ﺑﺎﻟﻠﻪ ﻋﻠﻴﻚ ﺧﻼﺹ ﻭﺍﺿﺒﻄﺘﻨﻲ
ﺍﻧﻲ : ﺣﺴﻲ ﺑﻮﺟﻊ ﻓﻲ ﻳﺪﻱ ﻭﻛﺘﻔﻲ ﻭﻗﺖ ﺍﺿﺒﻄﺘﻨﻲ ﻗﻠﺖ ﺍﺍﺍﻳﻲ ﺑﺎﻟﻢ
ﻧﻮﺍﻝ : ﺍﺳﻔﻪ ﻧﻮﺳﺔ ﺧﻼﺹ ﺍﻣﺘﺪﻱ ﺍﺭﺗﺎﺣﻲ ﻣﺎﺗﻌﺒﻴﺶ ﺭﻭﺣﻚ ﻭﻣﺪﺗﻨﻲ ﺑﺎﻟﺸﻮﻳﺔ ﻉ ﺍﻟﺴﺮﻳﺮ ﻭﺍﻧﻲ ﺣﺎﺳﻪ ﺍﻧﻲ ﻗﺎﻋﺪﻩ ﻓﻲ ﺣﺎﻟﺔ ﺻﺪﻣﺔ ﺳﻜﺘﺖ ﻭﻫﺪﻳﺖ ﺷﻮﻱ ﺑﺲ ﻗﻠﺒﻲ ﻣﻦ ﺩﺍﺍﺧﻞ ﻧﺎﺍﺭ ﺭﺍﻛﺒﻪ ﻓﻴﻪ ﺣﺎﺍﺳﻪ ﺍﻧﻲ ﺟﺜﺔ ﻫﺎﺩﻳﺔ ﻣﻦ ﺍﻟﺨﺎﺭﺝ ﺑﺲ ﺟﺜﺔ ﺑﻼ ﺭﻭﺡ ﺭﻭﻭﺣﻲ ﻋﻄﻴﺘﻬﺎﻟﻪ ﻭﺧﺪﺍﻫﺎ ﻣﻌﺎﻩ ﻗﻠﺒﻲ ﻋﻨﺪﻩ ﻭﻗﻒ ﻟﻤﺎ ﻭﻗﻔﺖ ﻧﺒﻀﺎﺍﺕ ﻗﻠﺒﻪ ﻳﺎﺭﺑﻲ ﻧﻄﻠﻊ ﻧﺤﻠﻢ ﻳﺎﺍﺭﺑﻲ ﻣﺎﻣﺎﺗﺶ
ﺍﻳﻤﻦ ﻓﻴﻘﻨﻲ ﻣﻦ ﺳﺮﺣﺘﻲ ﻭﻗﺎﻝ : ﺍﻟﺤﻤﺪ ﻟﻠﻪ ﻉ ﺳﻼﻣﺘﻚ ﻧﻮﺳﺔ ﺧﻮﻓﺘﻴﻨﺎ ﻋﻠﻴﻚ ﻣﺎﺗﺸﻮﻓﻲ ﺷﺮ
ﻧﺮﺟﺲ : ﺍﻟﺤﻤﺪ ﻟﻠﻪ ﻉ ﺳﻼﻣﺘﻚ ﺣﺒﻴﺒﺘﻲ
ﻧﻮﺭﺱ : ﺍﻟﺤﻤﺪ ﻟﻠﻪ ﻉ ﺳﻼﻣﺘﻚ ﻳﺎﻭﺧﻴﺘﻲ
ﺑﺎﻩ ﺍﻧﻲ ﺷﻦ ﺻﺎﺭﻟﻲ ﻟﻴﺶ ﻳﺘﺤﻤﺪﻭ ﻋﻠﻲ ﺳﻼﻣﺘﻲ ﺍﺻﻼ ﺍﻧﻲ ﻟﻴﺶ ﻓﻲ ﺍﻟﻤﺴﺘﺸﻔﻰ : ﺷﻦ ﺻﺎﺭﻟﻲ ﻟﻴﺶ ﺍﻧﻲ ﻓﻲ ﺍﻟﻤﺴﺘﺸﻔﻰ ﻭﺭﺟﻠﻲ ﻣﺠﺒﺴﺔ ﻭﺣﺎﺍﺳﺔ ﺑﺎﻟﻢ ﻓﻲ ﺟﺴﻤﻲ ﻭﺭﺍﺳﻲ ﻭﺣﺎﺳﻪ ﺭﺍﺳﻲ ﺩﺍﻳﺦ ﻛﺎﺍﻧﻪ ﻣﺨﺪﺭ
ﻧﺮﺟﺲ : ﺍﻧﺘﻲ ﻃﺤﺘﻲ ﻓﻲ ﺍﻟﺪﺭﻭﺝ ﻭﻛﺎﺍﻥ ﻓﻲ ﻳﺪﻙ ﺍﻟﻤﺎﻟﻘﻲ ﻣﺮﺵ ﻑ .. ﺳﻜﺘﺖ
ﺍﻳﻤﻦ : ﺍﻧﺘﻲ ﺍﺭﺗﺎﺣﻲ ﺗﻮﺍﺍﺍ ﻭﻣﺎﺗﻔﻜﺮﻱ ﻓﻲ ﺷﻲ ﺍﻟﺪﻛﺘﻮﺭ ﻗﺎﻝ ﻻﺯﻡ ﺗﺮﺗﺎﺣﻲ ﻭﺍﻧﻲ ﺗﻮﺍ ﺑﻨﻤﺸﻲ ﺍﻧﺎﺩﻳﻪ ﻳﺸﻮﻓﻚ ﻣﺎﺍﺗﻌﺒﻮﻫﺎﺵ ﻳﺎﺍﺑﻨﺎﺕ ﻭﻃﻠﻊ ﺍﺍﻳﻤﻦ
ﺍﻧﻲ : ﻛﻤﻠﻲ ﻳﺎﻧﺮﺟﺲ ﺷﻦ ﺻﺎﺭﻟﻲ
ﻧﻮﺍﻝ : ﺍﺭﺗﺎﺣﻲ ﺗﻮﺍ ﻭﺧﻠﻲ ﺍﻟﺪﻛﺘﻮﺭ ﻳﺠﻲ ﻳﺸﻮﻓﻚ ﻗﺒﻞ ﻭﻫﻮ ﺣﻴﺸﺮﺣﻠﻚ ﺷﻦ ﺣﺎﻟﺘﻚ
ﺍﻟﺪﻛﺘﻮﺭ : ﺍﻟﺴﻼﻡ ﻋﻠﻴﻜﻢ
ﻛﻠﻨﺎ : ﻭﻋﻠﻴﻜﻢ ﺍﻟﺴﻼﻡ
ﺍﻟﺪﻛﺘﻮﺭ : ﺍﻟﺤﻤﺪ ﻟﻠﻪ ﻉ ﺳﻼﻣﺘﻚ ﻳﺎﺍﻧﺴﺔ ﻧﺴﻴﺒﺔ ﻃﻬﻮﺭﺍ ﺍﻥ ﺷﺎﺀ ﺍﻟﻠﻪ
ﺍﻧﻲ : ﺍﻟﻠﻪ ﻳﺴﻠﻤﻚ ﺷﻜﺮﺍ ﻳﺎﺩﻛﺘﻮﺭ ﺑﺲ ﺍﻧﻲ ﻣﺎﻋﺮﻓﺘﺶ ﺷﻦ ﺻﺎﺭﻟﻲ ﻭﻟﻴﺶ ﺭﺟﻠﻲ ﻣﺠﺒﺴﺔ ﻭﺷﻦ ﺻﺎﺭﻟﻲ ﻟﻤﺎ ﻃﺤﺖ ﻣﻦ ﺍﻟﺪﺭﻭﺝ
ﺍﻟﺪﻛﺘﻮﺭ : ﻣﺴﺘﺮ ﻗﻴﺴﻠﻬﺎ ﺍﻟﻀﻐﻂ ﻭﺍﻟﻠﻪ ﻳﺎﺍﻧﺴﺔ ﻧﺴﻴﺒﺔ ﺍﻧﺘﻲ ﻋﻨﺪﻙ ﻛﺴﺮﻳﻦ ﻓﻲ ﺭﺟﻠﻚ ﺍﻟﺒﺎﻳﻦ ﺍﻧﻬﺎ ﺍﻧﺨﺒﻄﺖ ﻓﻲ ﺣﺪﻳﺪ ﻟﻮ ﺍﻟﺪﺭﻭﺝ ﻓﻴﻪ ﺣﺪﻳﺪ ﺗﺒﻲ ﻣﺪﺓ ﺗﻼﺕ ﺷﻬﻮﺭ ﻉ ﺍﻻﻗﻞ ﺑﻌﺪﻫﺎ ﻧﺪﻳﺮﻭ ﺻﻮﺭﺓ ﺗﺎﻧﻲ ﻭﻧﺸﻮﻓﻮ ﻟﻮ ﻧﺤﻮﻟﻮﻩ ﻭﺑﺎﻟﻨﺴﺒﺔ ﻟﻴﺪﻙ ﻟﻔﻴﻨﺎﻫﺎ ﻻﻧﻪ ﻓﻴﻬﺎ ﺷﻮﻳﺔ ﺭﺿﻮﺽ ﻣﺎﺍﺗﺨﻮﻓﺶ ﻭﻛﺘﻔﻚ ﺧﺸﺖ ﻓﻴﻬﺎ ﻣﺮﺷﺔ ﻭﻛﺎﻧﺖ ﻛﺒﻴﺮﺓ ﻗﺎﻟﻮ ﺍﺧﻮﺍﺗﻚ ﺍﻧﻪ ﻛﻨﺘﻲ ﺷﺎﺩﺓ ﻃﺎﺳﻪ ﻭﻣﺎﻟﻘﻲ
ﺍﻧﻲ : ﺍﻳﻪ ﺻﺢ
ﺍﻟﺪﻛﺘﻮﺭ : ﺧﻴﻄﻨﺎﻫﺎ 7 ﺑﻮﻧﺘﻮ ﻣﺎﺗﺨﺎﻓﻴﺶ ﺍﻥ ﺷﺎﺀ ﺍﻟﻠﻪ ﻛﻞ ﺷﻲ ﻳﻠﺘﺄﻡ ﻭﺭﺍﺳﻚ ﺟﻴﺘﻲ ﻓﻲ ﺣﺎﺷﻴﺔ ﺍﻟﺪﺭﻭﺝ ﻓﻤﻤﻜﻦ ﻛﺎﻧﺖ ﺿﺮﺑﺔ ﻗﻮﻳﺔ ﻟﻬﺬﺍ ﻳﻮﺟﻊ ﻓﻴﻚ
ﺍﻧﻲ ﻧﺴﻤﻌﻠﻪ ﻭﻣﺼﺪﻭﻣﺔ ﻫﺬﺍ ﻛﻠﻪ ﺻﺎﺍﺭﻟﻲ : ﺑﺎﻩ ﻳﺎﺩﻛﺘﻮﺭ ﺍﻧﻲ ﻣﺶ ﻣﺘﺬﻛﺮﺓ ﻛﻴﻒ ﻃﺤﺖ ﻭﻻ ﻧﺘﺬﻛﺮ ﺍﻧﻲ ﺣﺴﻴﺖ ﺑﺎﻟﻢ ﻗﺼﺪﻱ ﻫﺪﺍ ﺑﺴﺒﺐ ﺿﺮﺑﺔ ﺭﺍﺳﻲ ﺧﻠﺘﻨﻲ ﻧﻨﺴﻰ ؟
ﺍﻟﺪﻛﻨﻮﺭ : ﻻﺍﺍﻧﺘﻲ ﺻﺎﺭﻟﻚ ﺍﻧﻬﻴﺎﺭ ﻋﺼﺒﻲ ﻭﺍﻧﺘﻲ ﻓﻲ ﺍﻟﺪﺭﻭﺝ ﻓﻐﺒﺘﻲ ﻉ ﺍﻟﻮﻋﻲ ﻟﻬﺬﺍ ﺍﻧﺘﻲ ﻣﺶ ﻣﺘﺬﻛﺮﺓ
ﺍﻧﻲ ﻣﺼﺪﻭﻣﺔ ﺍﻧﻬﻴﺎﺭ ﻋﺼﺒﻲ
ﺍﻟﺪﻛﺘﻮﺭ : ﻟﻼﺳﻒ ﺍﻧﺘﻲ ﺻﻐﻴﺮﺓ ﻭﻣﺎﺍﺗﺤﻤﻠﺘﻴﺶ ﺍﻻﻧﻬﻴﺎﺭ ﺍﻟﻲ ﺻﺎﺭﻟﻚ ﻭﺷﻜﻠﻚ ﺻﺎﺭﻟﺘﻚ ﺻﺪﻣﺔ ﺧﻼﺗﻚ ﺗﻨﻬﺎﺭﻱ ﻻﺍﺯﻡ ﺗﺘﺮﻳﺤﻲ ﻧﻔﺴﻴﺎ ﺗﻮﺍ ﺑﻴﺶ ﺻﺤﺔ ﺟﺴﻤﻚ ﺗﺘﺤﺴﻦ
" ﺍﻛﺒﺮ ﺻﺪﻣﺔ ﻳﺎﺍﺩﻛﺘﻮﻭﺭ ﺍﺍﺍﻩ ﻳﺎﺭﺑﻲ "
ﺩﻣﻮﻭﻋﻲ ﻧﺰﻟﻮﻭﻭ ﻣﻌﺎﺵ ﻗﺪﺭﺕ ﻧﻮﻗﻔﻬﻢ
ﺍﻟﺪﻛﺘﻮﺭ : ﺧﻼﺹ ﻳﺎﺍﻧﺴﺔ ﻧﺴﻴﺒﺔ ﻣﻌﺎﺵ ﺗﻔﻜﺮﻱ ﻓﻲ ﺷﻲ ﻭﻻﺍﺗﻌﺒﻲ ﺭﻭﺣﻚ ﺍﻧﻲ ﺗﻮﺍ ﻧﺨﻠﻴﻚ ﺗﺮﺗﺎﺣﻲ ﻭﺍﻧﺘﻮ ﻳﺎﺍﺑﻨﺎﺕ ﺧﻠﻮﻫﺎ ﺗﺮﺗﺎﺡ ﻭﻣﺎﺍﺗﻌﺒﻮﻫﺎﺵ ﺑﻜﺜﺮﺓ ﺍﻟﺤﻜﻲ ﻭﺗﻮ ﺍﻟﺴﺘﺴﺮ ﺗﺠﻴﺒﻠﻚ ﺍﻛﻞ ﻻﺯﻡ ﺗﺎﻛﻠﻲ ﺿﻐﻄﻚ ﻧﺎﺯﻝ
ﻫﺰﻳﺖ ﺭﺍﺍﺳﻲ ﻻﻧﻲ ﻣﺶ ﻗﺎﺩﺭﺓ ﻧﺤﻜﻲ ﺷﻲ ﻃﻠﻊ ﺍﻟﺪﻛﺘﻮﺭ ﻭﺧﻮﺍﺗﻲ ﻭﺍﻳﻤﻦ ﻃﻠﻌﻮ ﻭﺳﻜﺮﻭ ﺍﻟﺒﺎﺏ
ﺍﺍﻩ ﻳﺎﺭﺑﻲ ﻳﺎﺭﺑﻲ ﺧﻠﻴﻨﻲ ﻧﻠﺤﻖ ﺣﺒﻴﺒﻲ ﻭﺑﺎﺑﺎ ﻳﺎﺭﺑﻲ ﺍﻏﻠﻰ ﺍﺛﻨﻴﻦ ﺍﺧﺪﺗﻬﻢ ﺍﻟﺪﻧﻴﺎﺍ ﻣﻨﻲ ﻳﺎﺭﺑﻲ ﻟﻴﺶ ﺍﻟﺪﻧﻴﺎ ﻫﻜﻲ ﻧﺎﻭﻳﺘﻨﻲ
" ﻳﺎﺣﺒﻴﺒﻲ ﻛﻴﻒ ﺍﻋﻴﺶ ﺑﻌﺪﻙ ﻭﻛﻴﻒ ﺍﺗﻨﻔﺲ ﻣﻦ ﺍﻛﺴﺠﻴﻦ ﺍﻟﺪﻧﻴﺎ ﻭﺍﻧﺖ ﻏﺎﺋﺐ ﻋﻨﻬﺎ ﻛﻴﻒ ﻳﻨﺒﺾ ﻗﻠﺒﻲ ﻭﺣﺒﻚ ﻗﺪ ﺍﺧﺪﺗﻪ ﺍﻟﺪﻧﻴﺎﺍ ﻻﺍﺍ ﻟﻦ ﻳﺘﺤﻮﻝ ﺣﺒﻚ ﻣﻦ ﻗﻠﺒﻲ ﻣﻬﻤﺎ ﻃﺎﻝ ﺍﻟﺰﻣﻦ ﻭﺍﻟﺪﻫﺮ ﺳﺎﺍﺑﻘﻰ ﻭﻓﻴﻪ ﻟﻚ ﻳﺎﺣﺒﻴﺒﻲ ﺳﺎﺍﺑﻘﻰ ﺍﺣﺒﻚ ﺍﻟﻰ ﺍﺧﺮ ﻧﺒﻀﺔ ﻓﻲ ﺩﺍﺧﻠﻲ ﺍﻟﻰ ﺍﺧﺮ ﻗﻄﺮﺓ ﺩﻡ ﻓﻲ ﻋﺮﻭﻗﻲ "
ﻗﻌﺪﺕ ﻧﺒﻜﻲ ﻭﻧﺸﻬﻖ ﺑﺼﻮﻭﻭﺕ ﻋﺎﻟﻲ ﻭﻛﻠﻤﺔ ﻭﻟﻴﺪ ﻣﺎﺕ ﻣﺎﺕ ﻗﺎﻋﺪﻩ ﺗﺮﻥ ﻓﻲ ﻭﺩﻧﻲ ﻋﻘﻠﻲ ﻳﺴﻤﻊ ﻓﻴﻬﺎ ﺑﺲ ﻗﻠﺒﻲ ﻳﺒﻴﺶ ﻳﺴﻤﻊ ﻳﺒﻴﺶ ﻳﺴﻤﻊ ﺍﻧﻪ ﺣﺒﻴﺒﻪ ﻣﺎﺕ ﻗﻠﺒﻲ ﻳﺒﻴﺶ ﻳﺼﺪﻕ
ﻳﺎﺭﺑﻲ ﺍﻧﻲ ﻛﻴﻒ ﻭﻗﻔﺖ ﻋﻠﻲ ﺭﺟﻠﻴﺎ ﻣﻦ ﻭﻓﺎﺓ ﺑﺎﺑﺎ ﻛﻴﻒ ﺑﺪﻳﺖ ﻧﺤﺎﻭﻝ ﻧﻌﻴﺶ ﻛﺎﻥ ﻋﻨﺪﻱ ﺍﻣﻞ ﺍﻥ ﺣﺒﻴﺒﻲ ﺣﻲ ﺍﻧﻪ ﺣﺒﻴﺒﻲ ﺣﻴﺮﺟﻌﻠﻲ ﺑﺲ ﺍﻻﺗﻨﻴﻦ ﺧﺪﺗﻬﻢ ﺍﻟﺪﻧﻴﺎﺍ ﺍﻻﺗﻨﻴﻦ ﺍﺧﺮ ﻣﺮﺓ ﻧﺴﻤﻊ ﺍﺻﻮﺍﺗﻬﻢ ﻛﺎﻧﻮﻭ ﻓﻲ ﻧﻔﺲ ﺍﻟﻴﻮﻡ
ﺍﻧﻲ ﺿﻌﻴﻔﻪ ﺍﻧﻲ ﻧﻘﺪﺭﺵ ﻧﺘﺤﻤﻞ ﺍﻧﻲ ﻗﻠﺒﻲ ﺿﻌﻴﻒ " ﻗﻠﺒﻲ ﺿﻌﻴﻒ " ﻧﻔﺲ ﺍﻟﻜﻠﻤﺔ ﺍﻟﻲ ﻛﺎﻥ ﻳﻘﻮﻟﻲ ﻓﻴﻬﺎ ﻭﻟﻴﺪ ﺍﻟﻠﻪ ﻱ ..... ﻣﺶ ﻗﺎﺩﺭﺓ ﻧﻘﻮﻟﻬﺎ ﻣﺶ ﻣﺼﺪﻗﺔ ﺍﻧﻲ ﻣﺶ ﻗﺎﺩﺭﻩ ﻧﺼﺪﻕ ﻳﺎﺍﺍﺭﺑﻲ
2/12 ﺍﻟﺴﺎﻋﻪ 6
ﺍﻧﻲ : ﻣﺎﻣﺎ ﻛﻠﻤﺘﻲ ﺑﺎﺑﺎ ﻭﻳﻨﻪ ﻟﺘﻮﺍ
ﻣﺎﻣﺎ : ﻭﺍﻟﻠﻪ ﻣﺎﻧﻌﺮﻑ ﻳﺎﺑﻨﺘﻲ ﻫﻮ ﻣﻦ ﺍﻟﺴﺎﻋﻪ 2 ﺗﻘﺮﻳﺒﺎ ﻣﻌﺎﺵ ﺍﺗﺼﻞ ﻗﺎﻟﻲ ﻣﺴﺎﻓﻪ ﺳﺎﻋﻪ ﻟﻜﻦ ﺍﻫﻮ ﻟﻴﻪ ﻗﺮﻳﺐ 4 ﺳﺎﻋﺎﺕ ﻣﺎﺟﺎﺵ ﺗﺮﺍ ﺍﺗﺼﻠﻲ ﺑﻴﻪ
ﺍﻧﻲ : ﺭﺻﻴﺪﻱ ﻛﻤﻞ ﺍﻣﺒﻜﺮﻱ ﻟﻤﺎ ﻛﻠﻤﺘﻪ ﺍﻭﻝ ﻣﺎﻭﺻﻞ ﻟﻠﻤﻄﺎﺭ
ﻣﺎﻣﺎ : ﻫﺎﻙ ﺍﺗﺼﻠﻲ ﻣﻦ ﺗﻠﻴﻔﻮﻧﻲ
ﺍﻧﻲ : ﻫﺎﺗﻲ ...... ﻃﻮﻭﻁ ﻃﻮﻭﻭﻁ ﻃﻮﻭﻁ
: ﺍﻟﻮﻭ
ﺍﺍﻧﻲ : ﺍﻟﻮﻭ ﺑﺎﺑﺎ ﻭﻳﻨﻚ ﻟﺘﻮﺍ ﺍﻧﺸﻐﻠﻨﺎ ﻋﻠﻴﻚ ﻫﻲ ﻧﺮﺍﺍﺟﻮﻭ ﻓﻴﻚ ﻣﻦ ﺑﻜﺮﻱ
ﻫﻮ : ﻧﺴﻴﺒﺔ ﺍﻧﻲ ﺍﻳﻤﻦ
ﺍﻧﻲ : ﻛﻴﻒ ﺣﺎﻟﻚ ﺍﻳﻤﻦ ﺑﺲ ﻭﻳﻦ ﺑﺎﺑﺎ
ﺍﻳﻤﻦ : ﺭﺷﻒ ﺧﺸﻤﻪ ﻭﻫﻮ ﻳﺤﺎﻭﻝ ﻳﺘﻜﻠﻢ ﺑﺼﻮﺕ ﻋﺎﺩﻱ ﻫﻮﻭ ﻋﻨﺪﻧﺎ ﻣﺎﺗﻨﺸﻐﻠﻮﺵ ﻋﻠﻴﻪ
ﺍﻧﻲ : ﺍﻳﻤﻦ ﺑﺎﺑﺎ ﻓﻴﻪ ﺣﺎﺟﺔ ﺍﻧﻲ ﻗﻠﺒﻲ ﻣﺶ ﻣﺮﺗﺎﺡ
ﺍﻳﻤﻦ : ﻧﺴﻴﺒﺔ ﺍﻧﻲ ﺷﻮﻳﺔ ﻭﻧﻮﺻﻞ ﻟﺤﻮﺷﻜﻢ ﺍﻃﻠﻌﻴﻠﻲ ﺍﻧﺘﻲ ﺑﻨﻜﻠﻤﻚ ﻭﻣﺎﺗﻘﻮﻟﻲ ﻟﺤﺪ ﺍﻥ ﺍﻧﻲ ﺟﺎﻱ
ﺍﻧﻲ : ﺍﻥ ﺷﺎﺀ ﺍﻟﻠﻪ ﺧﻴﺮ ﺍﻭﻙ ﻧﺮﺍﺟﻲ ﻓﻴﻚ ﺳﻼﻡ ﺳﻜﺮﺕ ﻭﺍﻧﻲ ﺧﺎﻳﻒ ﻭﻣﺸﻐﻮﻟﺔ
ﻣﺎﻣﺎ : ﺷﻦ ﺭﺩ ﻋﻠﻴﻚ
ﻳﺎﺭﺑﻲ ﺗﻮ ﺷﻦ ﺑﻨﻘﻮﻟﻠﻬﺎ
ﺍﻧﻲ : ﺍﻳﻪ ﻭﻗﺎﻝ ﻣﺶ ﻣﻌﻄﻞ ﻏﻴﺮ ﺻﺎﺭﻟﻲ ﻇﺮﻑ
ﺭﻥ ﻓﻮﻧﻲ ﺍﻣﺸﻴﺖ ﻧﺠﺮﻱ ﺍﻟﻘﻴﺘﻪ ﺍﻳﻤﻦ
ﺍﻟﻮﻭ ﺍﻳﻤﻦ ﺟﻴﺖ
ﺍﻳﻤﻦ : ﺑﺼﻮﻭﺕ ﻣﺨﻨﻮﻕ ﻭﻳﺮﺟﻒ ﺍﻳﻪ ﺍﻃﻠﻌﻲ ﺗﻌﺎﻟﻲ ﻗﺪﺍﻡ ﺣﻮﺵ ﺣﻨﻴﻨﻪ
ﺍﻧﻲ : ﻭﺍﻧﻲ ﺧﺎﻳﻔﻪ ﻗﻠﺘﻠﻪ ﺍﻭﻛﻲ ﺳﻜﺮﺕ ﺍﻟﺒﺴﺖ ﻋﺒﺎﻳﻪ ﻭﻭﺷﺎﺡ ﻓﻮﻕ ﺍﻟﺒﻴﺠﺎﻣﻪ ﻭﻃﻠﻌﺖ ﺑﺴﺮﻋﻪ ﻭﺗﺎﻛﺪﺕ ﺍﻧﻪ ﻣﺎﺣﺪ ﺷﺎﻓﻨﻲ
: ﺍﻳﻤﻦ ﺷﻦ ﻓﻲ ﺑﺎﺑﺎ ﻭﻳﻨﻪ ﻭﺷﻦ ﺻﺎﻳﺮ
ﺍﻳﻤﻦ : ﻛﻴﻒ ﺣﺎﻟﻚ ﻳﺎﻧﺴﻴﺒﺔ
ﺍﻧﻲ : ﺍﻳﻤﻦ ﻣﺎﺗﻠﻌﺒﺶ ﺑﺎﺍﻋﺼﺎﺑﻲ ﺑﺎﺑﺎ ﻭﻳﻦ ﺍﺣﻜﻲ ﺑﺎﻟﻠﻪ ﻋﻠﻴﻚ
ﺍﻳﻤﻦ : ﻗﻌﻤﻤﺰﻱ ﺍﺣﻨﻲ ﺍﺷﺮ ﻋﻠﻲ ﻛﺮﺳﻲ ﻭﻫﻮ ﻗﻌﻤﺰﻱ ﻗﺪﺍﻣﻲ ﻭﻗﻌﺪ ﻳﺸﻮﻓﻠﻲ ﻭﺍﻧﻲ ﻧﺸﻮﻑ ﻓﻲ ﺍﻟﺪﻣﻌﻪ ﻓﻲ ﻋﻴﻨﻪ
ﺍﻧﻲ : ﺍﻳﻤﻦ ﺍﺣﻜﻲ ﺑﺎﻟﻠﻪ ﻋﻠﻴﻚ ﺑﺎﻟﻠﻪ ﻋﻠﻴﻚ ﺑﺎﺑﺎ ﻭﻳﻦ
ﺍﻳﻤﻦ : ﺍﻧﻲ ﻧﻌﺮﻑ ﺍﻥ ﺑﻮﻙ ﻏﺎﻟﻲ ﻋﻨﺪﻙ ﻫﻠﺒﺎ ﻭﻧﻌﺮﻓﻚ ﺍﻧﻚ ﺍﻏﻠﻰ ﻭﺣﺪﺓ ﻓﻲ ﺑﻨﺎﺗﻪ
ﺍﻧﻲ ﻣﺴﺘﻐﺮﺑﺔ ﻟﻴﺶ ﻳﻘﻮﻝ ﻫﻜﻲ : ﺍﻳﻤﻦ ﺗﻘﻌﺪﺵ ﺗﻠﻒ ﺑﺎﻟﻜﻼﻡ ﻗﻮﻟﻲ ﺑﺎﺑﺎ ﻭﻳﻨﻪ ﻭﺷﻦ ﺻﺎﻳﺮﻟﻪ
ﺍﻳﻤﻦ : ﺑﺎﻩ ﺍﻫﺪﻱ ﺍﻧﺘﻲ ﻣﺆﻣﻨﺔ ﺑﺎﻟﻠﻪ ﻭﻧﻌﺮﻑ ﺍﻥ ﺧﺎﻟﻲ ﻣﺮﺑﻴﻚ ﻋﻠﻲ ﺍﻳﻤﺎﻥ ﻭﻛﺎﻥ ﻣﺆﻣﻦ ﺑﺎﻟﻠﻪ ﺍﻧﺘﻲ ﻣﺆﻣﻨﺔ ﺑﻘﻀﺎﺀ ﺍﻟﻠﻪ ﻭﺍﻻ ؟
ﺍﻧﻲ : ﺍﻧﺖ ﺧﻴﺮﻙ ﺍﻟﻴﻮﻡ ﺗﻔﺘﺮﺵ ﻓﻲ ﺍﻟﺪﻭﺓ ﻭﺗﺪﺧﻞ ﻓﻲ ﺍﻟﻜﻼﻡ ﺑﺒﻌﻀﻪ ﺷﻦ ﻗﺼﺪﻙ ﻳﻌﻨﻲ ﺑﺎﺑﺎ ﺻﺎﻳﺮﺗﻠﻪ ﺣﺎﺟﻪ
ﺍﻳﻤﻦ : ﺑﺎﻩ ﺍﻫﺪﻱ
ﺍﻧﻲ : ﺍﻧﻲ ﻫﺎﺩﻳﺔ ﺷﻦ ﺗﺸﻮﻑ ﻓﻴﺎ ﻧﺮﻳﺶ ﻓﻲ ﺷﻌﺮﻱ ﺗﻮﺍ ( ﻗﻠﺘﻬﺎ ﻭﺍﻧﻲ ﻳﺪﻳﺎ ﻳﺮﻋﺸﻮﻭ ﻭﺻﻮﺗﻲ ﻳﺮﺟﻒ ﻭﺧﺎﺍﻳﻔﻪ ﻭﻗﻠﺒﻲ ﻳﻨﻐﺺ )
ﺍﻳﻤﻦ : ﺧﺎﻟﻲ .........
# ﻳﺘﺒﻊ
