منقولة
الحلقةة[71]
من ﺭﻭﺍﻳﺔ - - ->" ﺳﻨــﺪ ﺍﻷﻧﺜــﻰ ﺭﺟــﻞ "
ﺧﺎﻟﺘﻲ ﻣﺼﺪﻭﻣﺔ ﻭﺗﺒﻜﻲ : ﻳﺎﻭﺧﻴﺘﻲ ﺻﻐﻴﺮﺓ ﻣﻨﻴﻦ ﺟﺎﻙ ، ﻭﺭﻡ ﻓﻲ ﺍﻟﺪﻣﺎﻍ
ﻭﻓﻲ ﻫﺎﻟﻠﺤﻈﺔ ﻛﺎﻧﺖ ﻧﺮﺟﺲ ﺧﺎﻃﻤﺔ ﻣﻦ ﺟﻨﺐ ﺍﻟﻤﻄﺒﺦ ، ﻭﺳﻤﻌﺖ ﺍﺧﺮ ﻛﻠﻤﺎﺕ ﺧﺎﻟﺘﻲ
ﻧﺮﺟﺲ ﻭﺍﻗﻔﻪ ﻣﺼﺪﻭﻣﺔ ، ﻭﺣﺴﺖ ﺍﻟﺪﻧﻴﺎ ﻟﻔﺖ ﺑﻴﻬﺎ ، ﻭﺧﺮﺕ ﻭﺍﺗﻜﺖ ﻉ ﺍﻟﺤﻴﻂ ﻭﻣﺼﺪﻭﻣﺔ ، ﻭﻗﻔﺖ ﻭﺧﺸﺖ ﻋﻠﻲ ﻣﺎﻣﺎ ﻭﺧﺎﻟﺘﻲ ﻭﻋﻴﻮﻧﻬﺎ ﻣﻠﻴﺎﻧﻪ ﺩﻣﻮﻉ
ﻣﺎﻣﺎ ﻗﻌﺪﺕ ﺗﺸﻮﻓﻠﻬﺎ : ﺧﻴﺮﻙ ﻳﺎﻧﺮﺟﺲ
ﻧﺮﺟﺲ ﺟﺮﺕ ﺟﻬﺔ ﻣﺎﻣﺎ ﻭﻣﺶ ﻣﺼﺪﻗﻪ ﻭﺍﺿﺒﻄﺘﻬﺎ ﺑﻘﻮﺓ ﻭﻗﻌﺪﺕ ﺗﺒﻜﻲ
ﻣﺎﻣﺎ ﻋﺮﻓﺖ ﻋﻠﻲ ﻃﻮﻝ ﺍﻧﻬﺎ ﺳﻤﻌﺘﻬﻢ ، ﻋﻴﻮﻧﻬﺎ ﻣﻌﺒﻴﺎﺕ ﺩﻣﻮﻉ ﻭﻗﻌﺪﺕ ﺗﻤﺴﺢ ﻋﻠﻲ ﺭﺍﺳﻬﺎ
ﻧﺮﺟﺲ ﻣﻀﺒﻄﺔ ﻣﺎﻣﺎ ﺑﻘﻮﺓ ﻭﺗﺒﻜﻲ
ﺧﺎﻟﺘﻲ ﺣﺘﻰ ﻫﻲ ﺗﺒﻜﻲ ﻭﺗﺸﻮﻑ ﻟﻤﺎﻣﺎ
)) ﺻﻌﺐ ﺍﻧﻪ ﻫﺎﻻﻧﺴﺎﻥ ﺍﻟﻲ ﻛﺎﻥ ﺩﻳﻤﺎ ﻗﺮﻳﺐ ﻣﻨﻚ ، ﺍﻻﻧﺴﺎﻥ ﺍﻟﻲ ﺩﻳﻤﺎ ﻳﻌﻄﻲ ﻓﻲ ﺍﻟﺤﺐ ﻭﺍﻟﺤﻨﺎﻥ ، ﺍﻻﻧﺴﺎﻥ ﺍﻟﻤﻌﺮﻭﻑ ﺑﻄﻴﺒﺘﻪ ، ﺗﺸﻮﻓﻴﻪ ﻳﻤﻮﺕ ﺑﺎﻟﺸﻮﻳﺔ ، ﻋﺎﻳﺶ ﻣﻌﺎﻩ ﻭﺍﻧﺖ ﻋﺎﺭﻑ ﺍﻧﻪ ﺣﻴﻔﺎﺭﻗﻚ
ﺗﺤﺎﻭﻝ ﺗﺨﻠﻲ ﺍﻳﻤﺎﻧﻚ ﺑﺎﻟﻠﻪ ﻗﻮﻱ ﻭﺗﺪﻋﻴﻠﻪ
ﻣﺎﺗﻔﻘﺪﺵ ﺃﻣﻠﻚ ﺑﺮﺑﻲ ، ﺑﺲ ﻛﻞ ﻣﺎﺗﺸﻮﻓﻠﻪ ﺭﺍﺡ ﺗﺘﻮﺟﻊ ﺃﻛﺜﺮ ﻟﻮﺟﻌﻪ ((
ﻧﻮﺍﻝ ﻭﻣﻌﺎﻫﺎ ﺳﺎﺭﺓ ﺧﺸﻮ : ﺧﻴﺮﻛﻢ ﺷﻦ ﻓﻲ
ﺧﺎﻟﺘﻲ ﻟﻔﺘﺖ ﻭﺟﻬﻬﺎ ﻭﻣﺴﺤﺖ ﺩﻣﻮﻋﻬﺎ ﺑﺴﺮﻋﻪ
ﻣﺎﻣﺎ ﺑﺼﻮﺕ ﻭﺍﻃﻲ ﻓﻲ ﻭﺩﻥ ﻧﺮﺟﺲ ، ﻭﻛﻠﻪ ﺣﻨﺎﻥ : ﺧﻼﺹ ﻳﺎﻧﺮﺟﻮﺳﺔ ﻣﺎﺗﺨﻮﻓﻴﺶ ﺧﻮﺍﺗﻚ ﻳﺎﺑﻨﺘﻲ
ﻧﺮﺟﺲ ﺑﻌﺪﺕ ﻣﻦ ﺣﻀﻨﻬﺎ ﻭﺗﺸﻮﻓﻠﻬﺎ ﻭﺗﺒﻜﻲ ، ﻗﻌﻤﺰﺕ ﻋﻠﻲ ﺭﻛﺎﺑﻬﺎ ﻭﺣﻄﺖ ﺭﺍﺳﻬﺎ ﻋﻠﻲ ﺭﺟﻠﻴﻦ ﻣﺎﻣﺎ ﻭﺗﺒﻜﻲ ، ﻭﻣﺶ ﻣﺼﺪﻗﻪ ﺍﻟﻲ ﺳﻤﻌﺎﺗﻪ
ﻧﻮﺍﻝ ﺑﺨﻮﻑ : ﺗﻲ ﺧﻴﺮﻛﻢ ﺷﻦ ﻓﻲ ؟ ﺷﻦ ﻓﻲ ﻳﺎﻣﺎﻣﺎ ﺷﻦ ﺻﺎﻳﺮ ؟
ﻣﺎﻣﺎ ﻣﺴﺤﺖ ﺩﻣﻌﺘﻬﺎ : ﻫﺎﺩﻱ ﻧﺮﺟﻮﺳﺔ ﻣﺶ ﻋﺎﺭﻓﻪ ﺧﻴﺮﻫﺎ ﻣﺘﻀﺎﻳﻘﻪ ، ﺳﻠﻢ ﺑﻨﻴﺘﻲ ﻭﻗﻔﻲ ﺑﻜﻲ ، ﻭﺷﺎﻓﺖ ﻟﻨﻮﺍﻝ : ﺍﻧﺘﻮ ﺗﻮﺍ ﻣﻔﺮﻭﺽ ﺗﺪﻳﺮﻭ ﺑﺎﻟﻚ ﻉ ﺑﻌﻀﻜﻢ ﻣﺎﺗﻠﻘﻮ ﺍﻻ ﺑﻌﻀﻜﻢ
ﻧﻮﺍﻝ ﻗﺮﻧﺖ ﺣﻮﺍﺟﺒﻬﺎ ﺑﺎﺳﺘﻐﺮﺍﺏ
ﻧﺮﺟﺲ ﻭﺧﺮﺕ ﻭﺗﻤﺴﺢ ﻓﻲ ﺩﻣﻮﻋﻬﺎ ، ﻭﻣﺰﺍﻝ ﻧﻮﺍﻝ ﺷﺎﻛﻪ ﻭﺗﺸﻮﻓﻠﻬﺎ ﺑﺎﺳﺘﻐﺮﺍﺏ
،،،،،،،
ﻋﻠﻴﺎ ﻉ ﺍﻟﺘﻠﻴﻔﻮﻥ : ﺍﻧﻲ ﺗﺠﺎﻫﻠﺘﻚ ﻻﻧﻲ ﻣﺎﻧﺒﻴﺶ ﻧﺪﻳﺮ ﻣﺸﺎﻛﻞ ، ﻋﺒﺪ ﺍﻟﻤﻨﻌﻢ ﺍﻧﻲ ﺑﻨﺖ ﻟﻤﺎ ﻧﺤﻂ ﻧﻔﺴﻲ ﻓﻲ ﻣﻜﺎﻥ ﺭﻧﺎ ﺑﺼﺮﺍﺣﺔ ﻭﺍﻻ ﻛﻨﺖ ﻣﺶ ﻋﺎﺭﻓﻪ ﺷﻦ ﺩﺭﺗﻠﻚ ﻣﻤﻜﻦ ﺍﺭﺗﻜﺒﺖ ﻓﻴﻚ ﺟﺮﻳﻤﺔ
ﻋﺒﺪ ﺍﻟﻤﻨﻌﻢ : ﺑﺎﻫﻲ ﺍﻧﻲ ﻋﺎﺭﻑ ﺭﻭﺣﻲ ﻏﺎﻟﻂ ﻭﻧﺒﻲ ﻧﺼﻠﺢ ﻭﻧﺒﻴﻬﺎ ﺗﺴﺎﻣﺤﻨﻲ ، ﻟﻜﻦ ﻣﺎﺗﺰﻳﺪﻳﻨﻴﺶ ﺣﺘﻰ ﺍﻧﺘﻲ ﺗﺒﺎﻋﺪﻱ ﻧﺒﻴﻚ ﺗﻜﻮﻧﻲ ﺟﻨﺒﻲ ﺗﺴﺎﻋﺪﻳﻨﻲ ﻧﺤﻠﻬﺎ ، ﺳﺤﺒﺘﻲ ﻧﻔﺴﻚ
ﻋﻠﻴﺎ : ﺑﺎﻩ ﻭﺍﻧﺖ ﺷﻦ ﻗﺮﺭﺕ ﺗﺪﻳﺮ
ﻋﺒﺪ ﺍﻟﻤﻨﻌﻢ : ﻣﺎﻧﻴﺶ ﻋﺎﺭﻑ ﻣﺘﻠﺨﺒﻂ ، ﺣﺎﻳﺲ ﺑﻴﻦ ﺷﻐﻠﻲ ﺍﻟﺠﺪﻳﺪ ﻭﺭﻧﺎ ﺍﻟﻲ ﺗﺒﻌﺖ ﻓﻲ ﺭﺳﺎﻳﻞ ﺗﺘﺤﺴﺐ ﻭﺗﻌﺎﻭﺩ ﻭﻛﻼﻣﻬﺎ ﻣﺶ ﻗﺎﺩﺭ ﻧﻨﺴﺎﻩ ﻛﻠﻤﺔ ﻣﺶ ﺣﻨﺴﺎﻣﺤﻚ ﻓﻲ ﻭﺩﻧﻲ ﺗﺮﻥ ﻗﺎﻋﺪﻩ ، ﻭﺗﻨﻬﺪﺩ ﺗﻨﻬﻴﻴﺪﺓ ﻃﻮﻳﻠﺔ
ﻋﻠﻴﺎ : ﺗﺒﻲ ﺍﻧﻲ ﻧﻜﻠﻤﻬﺎ ؟
ﻋﺒﺪ ﺍﻟﻤﻨﻌﻢ : ﻛﻴﻒ ﺍﻧﺘﻲ ﺑﺘﻜﻠﻤﻴﻬﺎ ، ﺑﺎﺵ ﺗﻮﻟﻊ ﺍﻟﻨﺎﺭ ﺑﻴﻨﻜﻢ
ﻋﻠﻴﺎ : ﺧﻠﻴﻨﻲ ﻧﺤﺎﻭﻝ
ﻋﺒﺪ ﺍﻟﻤﻨﻌﻢ ﻗﺎﻃﻌﻬﺎ : ﻻﻻ ﺍﻧﺴﻲ ﺍﻟﻤﻮﺿﻮﻉ
ﻋﻠﻴﺎ : ﺍﻧﺖ ﻋﻄﻴﻨﻲ ﺍﻟﺮﻗﻢ ﻭﺧﻠﻴﻨﻲ ﻧﺠﺮﺏ
ﻋﺒﺪ ﺍﻟﻤﻨﻌﻢ : ﻻﻻ ﻣﺶ ﻣﺘﻄﻤﻦ ﺑﻜﻞ
ﻭﻗﻌﺪﻭ ﺍﻻﺗﻨﻴﻦ ﻓﻲ ﻧﻘﺎﺵ ﻭﻋﻠﻴﺎ ﺗﺤﺎﻭﻝ ﺗﻘﻨﻊ ﻋﺒﺪ ﺍﻟﻤﻨﻌﻢ
،،،،،،،،
ﺍﺧﻮﺍﺗﻲ ﻭﻣﺎﻣﺎ ﻭﺧﺎﻟﺘﻲ ﻭﺑﻨﺎﺗﻬﺎ ﻣﻘﻌﻤﺰﻳﻦ ﻓﻲ ﺍﻟﺪﺍﺭ ﻭﺣﺘﻰ ﻣﻌﺎﺫ
ﻧﻮﺍﻝ ﺗﻠﻴﻔﻮﻧﻬﺎ ﻳﺸﺮﻳﻦ ﺑﺎﺍﺳﺘﻤﺮﺍﺭ ، ﻣﺤﻤﻮﺩ ﻭﻣﺎﺗﺒﻴﺶ ﺗﺮﺩ
ﻧﺮﺟﺲ ﺟﻨﺒﻬﺎ : ﻋﺪﻱ ﻛﻠﻤﻴﻪ ﻭﺭﻳﺤﻴﻨﺎ
ﻧﻮﺍﻝ ﺷﺎﻓﺘﻠﻪ : ﻣﺎﻧﺒﻴﺶ ﻧﻌﺪﻱ ﻣﺶ ﻣﻼﺣﻈﺔ ﺭﻭﺣﻚ ﺑﺪﻳﺘﻲ ﺗﺪﻭﻱ ﺯﻳﻪ
ﻭﺍﻟﻜﻠﻤﺎﺕ ﻫﺎﺩﻭ ﺳﻤﻌﻬﻢ ﻣﻌﺎﺫ ﻻﻧﻪ ﻛﺎﻥ ﻳﺸﻮﻑ ﻟﻨﺮﺟﺲ ﻭﻣﺮﻛﺰ ﻣﻌﺎﻫﻢ، ﻧﺰﻝ ﺭﺍﺳﻪ
ﻧﺮﺟﺲ : ﻫﻬﻪ ﻣﺎﺧﺎﻃﺮﻳﺶ ﻧﻀﺤﻚ
ﻧﻮﺍﻝ : ﻋﺪﻱ ﻳﺎﻭﺟﻪ ﺍﻟﻨﻜﺪ
ﻧﺮﺟﺲ : ﺍﻭﻭﻭﻑ ﻣﻨﻚ ﻭﺍﻧﺘﻲ ﻛﺎﻥ ﺳﻤﻌﺘﻲ ﺣﺎﺟﺔ ﻣﻌﺎﺵ ﺗﺒﻄﻠﻲ ، ﻭﻭﻗﻔﺖ ﻭﺗﻤﺸﻲ ﻭﻫﻲ ﻣﺘﻜﻨﻄﻴﺔ ﻣﻦ ﻧﻮﺍﻝ
ﻭﻭﻭﺗﻌﺘﺮ ﻭﺗﺠﻲ ﻃﺎﺍﻳﺤﺔ ﻋﻠﻲ ﻣﻌﺎﺫ
،،،،،،،
ﻋﻠﻴﺎ : ﻫﻲ ﺑﻨﺴﻜﺮ ﻭﻧﺮﺍﺟﻲ ﻓﻲ ﺍﻟﺮﻗﻢ
ﻋﺒﺪ ﺍﻟﻤﻨﻌﻢ : ﻣﺶ ﻋﺎﺭﻑ ﻛﻴﻒ ﺍﻧﻲ ﺗﻮﺍ ﻧﻮﺍﻓﻖ ﺍﺻﻼ ، ﺳﻜﺮﻱ ﻭﻳﺴﺘﺮ ﺍﻟﻠﻪ
ﻣﺎﺗﺴﺘﻐﺮﺑﻮﺵ ﻗﺪﺭﺕ ﺗﻘﻨﻌﻪ
ﺳﻜﺮ ﻋﺒﺪ ﺍﻟﻤﻨﻌﻢ ﻭﺑﻌﺖ ﺭﻗﻢ ﺭﻧﺎ ﻟﻌﻠﻴﺎ ﺑﺘﺮﺩﺩ
ﻓﺘﺤﺖ ﻋﻠﻴﺎ ﺍﻟﻤﺴﺞ ﻭﺩﺍﺭﺕ ﺍﺗﺼﺎﻝ ﻋﻠﻰ ﻃﻮﻝ
،،،،،
ﻣﻌﺎﺫ ﺷﺎﺩ ﻧﺮﺟﺲ
ﻧﺮﺟﺲ ﺟﺖ ﺑﺘﻮﻗﻒ ﻭﺗﻄﻴﺢ ﻋﻠﻴﻪ ﻣﻦ ﺟﺪﻳﺪ
ﻣﻌﺎﺩ ﻗﻌﺪ ﻳﻀﺤﻚ ﻭﻳﺴﺎﻋﺪ ﻓﻴﻬﺎ
ﻣﺎﻣﺎ : ﺑﺎﻟﺸﻮﻳﺔ ﻋﻠﻴﻚ ﻳﺎﻧﺮﺟﺲ ﺭﺟﻠﻚ
ﻧﺮﺟﺲ : ﺑﺎﻫﻲ ، ﻭﻭﻗﻔﺖ : ﺍﺳﻔﻪ
ﻣﻌﺎﺩ : ﻫﻬﻬﻪ ﺗﻌﻮﺩﺕ ﻋﻠﻴﻚ ﺩﻳﻤﺎ ﻭﺍﻧﺘﻲ ﻃﺎﻳﺤﺔ
ﻧﺮﺟﺲ ﺿﺤﻜﺖ ﻭﺑﻌﺪﻫﺎ ﺗﻔﻜﺮﺕ ﻟﻤﺎ ﻓﻲ ﺍﻟﺠﺎﻣﻌﻪ ﻭﻣﻮﻗﻒ ﺣﺴﻦ ﻛﺸﺮﺕ ﻭﺧﻨﻘﺘﻬﺎ ﺍﻟﻌﺒﺮﺓ ، ﻟﻔﺖ ﻭﻃﻠﻌﺖ ﻣﻦ ﺍﻟﺪﺍﺭ
ﻣﻌﺎﺩ : ﺍﻧﻲ ﻃﺎﻟﻊ ، ﻭﻭﻃﻠﻊ ﻭﻳﺸﻮﻑ ﻟﻨﺮﺟﺲ ﻭﻋﺎﺭﻓﻬﺎ ﻓﻲ ﺷﻦ ﺗﻔﻜﺮ ، ﺣﺲ ﺑﻐﺼﻪ ﻓﻲ ﻗﻠﺒﻪ ، ﻃﻠﻊ ﺑﺴﺮﻋﻪ ﻣﻦ ﺍﻟﺤﻮﺵ
