منقولة
الحلقةة[56]
من ﺭﻭﺍﻳﺔ - - ->" ﺳﻨــﺪ ﺍﻷﻧﺜــﻰ ﺭﺟــﻞ "
ﻭﻟﻴﺪ : ﻧﻮﻭﺳﺘﻲ ﻛﺄﻧﻚ ﻗﺎﻋﺪﻩ ﺯﻋﻼﻧﻪ ﻋﻠﻲ ﺍﻣﺲ
ﺍﻧﻲ : ﻻ ﻻ
ﻭﻟﻴﺪ : ﺑﺎﻫﻲ ﺧﻴﺮﻙ ، ﻣﺶ ﻋﻠﻲ ﺍﺳﺎﺱ ﺗﺮﺍﺿﻴﻨﺎ ﺧﻼﺹ ﺍﻣﺲ
ﺍﻧﻲ : ﺷﻲ ﻋﺎﺩﻱ
ﻭﻟﻴﺪ ﺑﺎﺱ ﻳﺪﻱ : ﻣﻌﺎﺵ ﺗﺰﻋﻠﻲ ﺭﻭﺣﻚ ﻳﺎﺣﺒﻴﺒﺘﻲ
ﺍﻧﻲ ﻧﺸﻮﻑ ﻟﻠﻄﺮﻳﻖ ﻭﻏﺼﻪ ﻓﻲ ﻗﻠﺒﻲ
ﻭﺻﻠﻨﺎ ، ﻧﺰﻟﺖ ﻣﻦ ﺍﻟﺴﻴﺎﺭﺓ ﺷﺮﻳﻨﻨﺎ ، ﻓﺘﺤﺖ ﻧﻮﺍﻝ ﺍﻟﺒﺎﺏ ، ﺧﺸﻴﺖ ﻭﺧﺶ ﻭﺭﺍﻱ ﻭﻟﻴﺪ
ﺍﻧﻲ ﺧﺸﻴﺖ ﻣﻦ ﺍﻟﺒﺎﺏ ﺍﻟﺪﺍﺧﻠﻲ ، ﻭﺍﻟﻘﻴﺖ
ﺍﻟﺤﻮﺵ ﻛﺎﻥ ﻣﺰﻳﻦ ﻭﻃﺎﻓﻴﻴﻦ ﺍﻟﻀﻲ ﻭﺩﺍﻳﺮﻳﻦ ﺍﻟﺴﺘﺎﺭﺍﺕ ، ﻭﺗﻮﺭﺗﺔ ﻭﻣﻮﻟﻌﻴﻦ ﺷﻤﻊ
ﻛﻠﻬﻢ : happy birthday to yoou ﺳﻨﻪ ﺣﻠﻮﺓ ﻳﺎﺟﻤﻴﻞ
ﺍﻧﻲ ﺣﻄﻴﺖ ﻳﺪﻱ ﻋﻠﻲ ﻓﻤﻲ ﻭﻧﻀﺤﻚ ﻭﻣﺼﺪﻭﻣﻪ ﻭﻓﺮﺣﺎﻧﻪ
ﻭﻟﻴﺪ ﻭﺭﺍﻱ ﻣﺒﺘﺴﻢ ﻭﻳﻐﻨﻲ ﻣﻌﺎﻫﻢ
ﻛﺎﻧﺖ ﺧﺎﻟﺘﻲ ﻭﺳﺎﺭﺓ ﻭﺳﺮﻭﺭ ﻭﻣﻌﺎﺩ ﻭﻋﻤﺘﻲ ﻭﻋﻠﻴﺎ ﻭﺣﺘﻰ ﺍﻳﻤﻦ ﻭﻋﺪﻧﺎﻥ ﻛﺎﻧﻮ ﻣﻮﺟﻮﺩﻳﻦ ﻭﺍﺧﻮﺍﺗﻲ ﻭﺣﻨﻴﻨﻪ ﻭﺭﻭﺯﺍ ، ﻛﺎﻧﻮ ﻣﺪﺍﻳﺮﻳﻦ ﻃﺎﻭﻟﺔ ﻓﻲ ﺍﻟﻮﺳﻂ ﻭﻋﻠﻴﻬﺎ ﺗﻮﺭﺗﺔ ﻭﻛﻠﻬﻢ ﻭﺍﻗﻔﻴﻦ ﺟﻨﺒﻬﺎ
ﺍﻧﻲ ﺗﻠﻔﺘﺖ ﻟﻮﻟﻴﺪ ﻭﻣﺒﺘﺴﻤﻪ ﻣﻦ ﺍﻟﻔﺮﺣﺔ ﻭﺍﻟﺼﺪﻣﻪ ﻟﻴﻦ ﻋﻴﻮﻧﻲ ﺩﻣﻌﻮ
ﻛﻠﻬﻢ : ﻫﻲ ﺗﻌﺎﻟﻲ ﺍﻃﻔﻲ ﺍﻟﺸﻤﻊ
ﺍﻧﻲ ﻗﺪﻣﺖ ﻭﻋﻴﻮﻧﻲ ﻣﻌﺒﻴﺎﺕ ﺩﻣﻮﻉ ، ﻧﻔﺨﺖ ﻉ ﺍﻟﺸﻤﻊ ، ﻭﻛﻠﻬﻢ ﺻﻔﻘﻮ : ﻛﻞ ﺳﻨﻪ ﻭﺍﻧﺘﻲ ﻃﻴﺒﺔ
ﺍﻧﻲ ﺣﺎﻃﺔ ﻳﺪﻳﺎ ﻋﻠﻲ ﻓﻤﻲ : ﻣﻔﺎﺟﺌﺔ ﺗﻬﺒﻞ ﺑﻜﻞ ﺷﻜﺮﺍ
ﻧﻮﺍﻝ : ﻫﺎﺩﻱ ﻓﻜﺮﺓ ﻧﺴﻴﺒﻨﺎ
ﺍﻧﻲ ﺗﻠﻔﺘﺖ ﻟﻮﻟﻴﺪ ﺍﻟﻲ ﻳﺸﻮﻓﻠﻲ ﻭﻣﺒﺘﺴﻢ ، ﺍﺑﺘﺴﻤﺘﻠﻪ ﺑﻜﻞ ﺣﺐ ﻭﺩﻣﻮﻋﻲ ﻧﺰﻟﻮ ﻣﻦ ﺍﻟﻔﺮﺣﺔ ، ﻗﺼﻴﺖ ﺍﻟﺘﻮﺭﺗﺔ
ﺃﻳﻤﻦ ﻗﺪﻡ ﻭﺷﺎﺩ ﻓﻲ ﻳﺪﻩ ﺑﺎﻛﻴﺖ ﺻﻐﻴﺮ : ﻫﺎﺩﻱ ﻫﺪﻳﺘﻚ ، ﻭﻛﻞ ﺳﻨﻪ ﻭﺍﻧﺘﻲ ﻃﻴﺒﺔ
ﺍﻧﻲ ﺧﺪﻳﺖ ﺍﻟﺒﺎﻛﻴﺖ : ﺷﻜﺮﺍ ، ﻭﺍﻧﺖ ﻃﻴﺐ ، ﻭﺷﻔﺖ ﺣﻮﺍﻟﻴﺎ : ﻭﻳﻦ ﻫﺎﺟﺮ
ﺃﻳﻤﻦ ﻧﺰﻝ ﺭﺍﺳﻪ ﻭﻏﻴﺮ ﺍﻟﻤﻮﺿﻮﻉ : ﻫﻲ ﺍﻧﻲ ﺑﻨﺮﻭﺡ ﻭﺑﻄﻮﻝ ﺍﻟﻌﻤﺮ ﺍﻥ ﺷﺎﺀ ﺍﻟﻠﻪ
ﻣﺎﻣﺎ ﻗﺎﺻﺘﻠﻪ ﻃﺮﻑ ﻣﻦ ﺍﻟﺘﻮﺭﺗﺔ ﻭﺣﻄﺘﻬﺎﻟﻪ ﻓﻲ ﺻﻮﻧﻴﻪ ﻭﺍﺧﺪﺍﻫﺎ : ﻫﻲ ﺍﻟﺴﻼﻡ ﻋﻠﻴﻜﻢ ، ﻭﺳﻠﻢ ﻋﻠﻲ ﻭﻟﻴﺪ ﺍﻟﻲ ﻭﺍﻗﻒ ﺟﻨﺐ ﺍﻟﺒﺎﺏ ﻭﻃﻠﻊ
ﻋﺪﻧﺎﻥ ﺣﺘﻰ ﻫﻮ ﻗﺪﻡ ﻭﻣﺪﻟﻲ ﻫﺪﻳﺔ ﻣﻐﻠﻔﻪ : ﻭﻫﺎﺩﻱ ﻫﺪﻳﺘﻲ ، ﻛﻞ ﻋﺎﻡ ﻭﺍﻧﺘﻲ ﺑﺨﻴﺮ ﻳﺎﻣﺸﻔﺸﻔﻪ
ﺍﻧﻲ ﺍﺑﺘﺴﻤﺖ ﻭﺍﺧﺪﻳﺘﻬﺎ ﻣﻨﻪ : ﺷﻜﺮﺍ ﻭﺍﻧﺖ ﺑﺨﻴﺮ
ﻋﺪﻧﺎﻥ : ﺍﻣﺎﻻ ﺣﺘﻰ ﻧﺴﺘﺎﺫﻥ
ﻣﺎﻣﺎ : ﺍﺳﺘﻨﻰ ﻫﻜﺎ ﺧﻮﺩ ﺣﺼﺘﻚ ﻣﻦ ﺍﻟﺘﻮﺭﺗﺔ
ﻋﺪﻧﺎﻥ ﺍﺧﺪﻱ ﻣﻨﻬﺎ ﺍﻟﺼﻮﻧﻴﻪ : ﺣﺘﻰ ﺍﻧﻲ ﺍﺻﻼ ﻣﺶ ﺣﻨﻄﻠﻊ ﻣﻦ ﻏﻴﺮ ﻣﺎﻧﺬﻭﻗﻬﺎ
ﺍﻧﻲ : ﻫﻬﻬﻪ ﺻﺤﺔ
ﻋﺪﻧﺎﻥ : ﻫﻲ ﻣﻊ ﺍﻟﺴﻼﻣﻪ ، ﻭﺳﻠﻢ ﻋﻠﻲ ﻭﻟﻴﺪ ﻭﻃﻠﻊ
ﻗﺪﻡ ﻣﻌﺎﺩ ﻭﻣﺪﻟﻲ ﻛﻴﺴﺔ ﺻﻐﻴﺮﺓ ﺑﺘﺎﻉ ﻫﺪﺍﻳﺎ : ﻫﺪﻳﺔ ﺑﺴﻴﻄﺔ ﻣﺎﻟﺤﻘﺘﺶ ﺍﻟﺤﻖ ﻧﺸﺮﻱ ﻫﺪﻳﺔ ﻛﻮﻳﺴﺔ ﻭﺍﻥ ﺷﺎﺀ ﺍﻟﻠﻪ ﺗﻌﺠﺒﻚ
ﺍﻧﻲ ﺍﺑﺘﺴﻤﺖ : ﺑﺎﻟﻌﻜﺲ ﺷﻜﺮﺍ
ﻣﻌﺎﺩ : ﺑﻄﻮﻝ ﺍﻟﻌﻤﺮ ، ﻫﻲ ﺣﺘﻰ ﺍﻧﻲ ﺑﻨﺮﻭﺡ ﻧﻜﻤﻞ ﻧﻮﻣﺘﻲ
ﺍﻧﻲ : ﻫﻬﻬﻪ ﻣﺎﺷﻲ ﻭﺻﺤﻴﺖ ، ﺳﻠﻤﺖ ﻋﻠﻴﻪ ، ﻭﻃﻠﻊ
ﺍﻧﻲ ﺗﻠﻔﺘﺖ ﺷﻔﺖ ﻟﻮﻟﻴﺪ ﺍﻟﻘﻴﺘﻪ ﻳﺮﺍﻗﺐ ﻓﻴﺎ ﻭﻣﺘﻜﻲ ﻉ ﺍﻟﺒﺎﺏ ﻭﻣﺒﺘﺴﻤﻠﻲ ، ﺍﻧﻲ ﺍﺑﺘﺴﻤﺘﻠﻪ ﺑﺤﺐ ، ﻭﺑﻌﺪﻫﺎ ﺗﻔﻜﺮﺕ ﺣﺮﻕ ﺍﻟﺪﻡ ﺍﻟﻲ ﺩﺍﺭﻫﻮﻟﻲ ، ﻗﺮﻧﺖ ﺣﻮﺍﺟﺒﻲ ﻭﻗﺪﻣﺖ ﺟﻴﻬﺘﻪ
ﻭﻟﻴﺪ ﻗﻌﺪ ﻳﻀﺤﻚ
ﺍﻧﻲ ﻧﻘﺪﻡ ﻭﻗﺎﺭﻧﻪ ﺣﻮﺍﺟﺒﻲ ، ﻭﻗﻔﺖ ﻗﺪﺍﻣﻪ ، ﻭﻗﻌﺪﺕ ﻧﺸﻮﻓﻠﻪ ﻛﻴﻒ ﻣﺒﺘﺴﻤﻠﻲ ﻭﻳﻮﺷﻔﻠﻲ ﺑﻜﻞ ﺣﺐ ، ﻭﺑﺼﻮﺕ ﻭﺍﻃﻲ : ﻧﺤﺒﻚ
ﻭﻟﻴﺪ ﺷﺪﻧﻲ ﻣﻦ ﻳﺪﻱ ﻭﺟﺒﺪﻧﻲ ﻟﻠﺠﻨﺎﻥ
ﺍﻧﻲ ﺷﻔﺖ ﻭﺭﺍﻱ ﺍﻟﻘﻴﺖ ﻣﺎﻣﺎ ﺗﻘﺺ ﻓﻲ ﺍﻟﻜﻴﻜﺔ ﻭﺍﻟﻲ ﺗﺼﻮﺭ ﻭﺍﻟﻲ ﺗﺠﻬﺰ ﻓﻲ ﺍﻟﺼﻮﺍﻧﻲ ، ﻣﺶ ﻻﻫﻴﻴﻦ ﻣﻌﺎﻱ ، ﻃﻠﻌﺖ ﻣﻌﺎﻩ
ﻭﻟﻴﺪ ﻭﻗﻔﻨﻲ ﻗﺪﺍﻣﻪ ﻭﺑﺎﺱ ﻋﻠﻲ ﺭﺍﺳﻲ : ﻛﻞ ﺳﻨﻪ ﻭﺍﻧﺘﻲ ﺣﺒﻴﺒﺘﻲ ﻭﻋﻤﺮﻱ ﻭﻗﻠﺒﻲ ﻭﻛﻞ ﺷﻲ ﺣﻠﻮ ﻓﻲ ﺣﻴﺎﺗﻲ ، ﻳﺎﻧﻮﺭ ﻋﻴﻮﻧﻲ ﺍﻧﺘﻲ ، ﻳﺎﻭﺭﺩﻩ ﻋﻤﺮﻱ ﻧﺤﺒﻚ
ﺍﻧﻲ ﻣﺒﺘﺴﻤﻪ ﻭﻧﺸﻮﻓﻠﻪ : ﻭﻛﻞ ﺳﻨﻪ ﻭﺍﻧﺖ ﻣﻌﺎﻳﺎ ﻳﺎﺭﻭﺣﻲ
ﻭﻟﻴﺪ ﺑﺎﺍﺳﻨﻲ ، ﻭﺑﻌﺪﻫﺎ ﺍﺿﺒﻄﻨﻲ
ﺍﻧﻲ ﻣﺒﺘﺴﻤﻪ ﻭﻓﺮﺣﺎﻧﻪ ، ﺑﻌﺪﻫﺎ ﺩﻓﻴﺘﻪ : ﻟﻴﺶ ﺗﺤﺮﻗﻠﻲ ﻓﻲ ﺩﻣﻲ ﻫﺎ ﻗﻮﻝ ﻣﺎﺳﺎﻣﺤﺘﻜﺶ ﺭﺍﻫﻮ
ﻭﻟﻴﺪ : ﻫﻬﻬﻬﻪ ﻣﺎﻫﻮ ﺑﺎﺵ ﺗﻮﻟﻲ ﻣﻔﺎﺟﺌﺔ
ﺍﻧﻲ : ﻻﺯﻡ ﺗﺤﺮﻗﻠﻲ ﺩﻣﻲ ﻳﻌﻨﻲ ، ﺷﻲ ﻳﻮﻡ ﺗﺮﻛﺒﻠﻲ ﺍﻟﻀﻐﻂ ﻭﺍﻟﺴﻜﺮ ﻣﻦ ﺍﻟﺴﺤﻦ
ﻭﻟﻴﺪ ﻳﻀﺤﻚ ، ﻭﺟﺒﺪﻧﻲ ﻟﻴﻪ : ﺑﻌﻴﺪ ﺍﻟﺴﻮ ﻋﻠﻲ ﻏﺰﺍﻟﺘﻲ ، ﻭﺑﻌﺪﻫﺎ ﺑﺎﻋﺪﻧﻲ ﻭﺷﺪ ﻭﺟﻬﻲ ﺑﻴﻦ ﻳﺪﻳﻪ : ﺍﻧﻲ ﺑﻨﻤﺸﻲ ﺗﻮﺍ ﻳﺎﺭﻭﺣﻲ ﺑﺎﻫﻲ ﺍﻧﺘﻲ ﺍﺳﺘﻤﺘﻌﻲ ﺑﻮﻗﺘﻚ ، ﻭﻫﺪﻳﺘﻚ ﻓﻲ ﺍﻟﺤﻮﺵ ، ﻭﻏﻤﺰﻟﻲ
ﺍﻧﻲ ﺍﺑﺘﺴﻤﺖ : ﺍﻗﻌﺪ ﻣﻌﺎﻱ ﺗﺒﻴﺶ ﺗﺴﺎﻳﺮﻧﻲ ﻓﻲ ﻋﻴﺪ ﻣﻴﻼﺩﻱ
ﻭﻟﻴﺪ : ﺍﺣﻨﻲ ﻋﻴﺪ ﻣﻴﻼﺩﻧﺎ ﺑﺮﻭﺣﻨﺎ ، ﺑﺮﻭﺣﻲ ﻫﻜﻲ ﻧﺎﺧﺪ ﺭﺍﺣﺘﻲ ، ﻭﺑﺎﺳﻨﻲ ﻋﻠﻲ ﺧﺪﻱ : ﻭﻧﺒﻮﺳﻚ ﻭﻧﺸﺒﻊ ﺍﻧﻲ
ﺍﻧﻲ ﺍﺑﺘﺴﻤﺖ ﻭﻧﺰﻟﺖ ﻋﻴﻮﻧﻲ : ﺣﺒﻴﺒﻲ ﺗﻮ ﻳﻄﻠﻊ ﺣﺪ
ﻭﻟﻴﺪ : ﻣﺎﺷﻲ ﺍﻧﻲ ﻫﻲ ﺑﻨﻤﺸﻲ ، ﻭﺑﺎﺱ ﻋﻠﻲ ﺭﺍﺳﻲ : ﻣﻊ ﺍﻟﺴﻼﻣﻪ ﻳﺎﺍﻫﺒﻠﺔ
ﺍﻧﻲ ﺿﺮﺑﺘﻪ ﻋﻠﻲ ﻛﺘﻔﻪ ﻉ ﺍﻟﺨﻔﻴﻒ : ﻫﻬﻬﻬﻪ ﺍﻧﺖ ﻫﺒﻠﺘﻨﻲ
ﻭﻟﻴﺪ ﻃﻠﻊ ، ﻭﺍﻧﻲ ﻭﻟﻴﺖ ﺧﺸﻴﺖ ﺍﻟﺪﺍﺧﻞ
ﻭﺍﻧﻲ ﻧﺴﻜﺮ ﻓﻲ ﺍﻟﺒﺎﺏ ﻧﺘﻠﻔﺖ ﻧﻠﻘﻰ ﺳﺎﺭﺓ ﻭﻧﻮﺭﺱ ﻭﻋﻠﻴﺎ ﻭﻧﻮﺍﻝ ﻭﺳﺮﻭﺭ ﻣﺴﻄﺮﻳﻦ ﻉ ﺍﻟﺮﻭﺷﻦ
ﺍﻧﻲ : ﻫﻴﻴﻴﻲ ﻳﺎﺣﻴﻮﺍﻧﺎﺕ ﺷﻦ ﺗﺪﻳﺮﻭ
ﻫﻤﺎ : ﻳﺎﺍﺻﺎﻳﻌﻴﻦ
ﺍﻧﻲ : ﻫﻬﻬﻬﻬﻪ ﺧﺰﻱ ﻳﺎﻛﻠﺒﺎﺕ ﻣﻦ ﺍﻣﺘﻰ ﺍﻧﺘﻮ ﺍﻫﻨﻲ
ﺳﺎﺭﺓ ﻗﻌﻤﺰﺕ : ﻳﻨﺎﺭﻱ ﻋﻠﻴﻨﺎ ﻣﺤﺮﻭﻣﺎﺕ
ﻧﻮﺍﻝ : ﺍﻧﻲ ﻗﺎﻋﺪﻩ ﻧﺼﺒﺮ ﻓﻲ ﺭﻭﺣﻲ ﻋﻠﻲ ﺍﻣﻞ ﻳﻄﻠﻊ ﺍﻟﻤﻄﺮﺷﻖ ﻫﺪﺍﻛﺎ ﺯﻱ ﺧﻮﻩ ﻣﻊ ﺍﻧﻪ ﺍﻣﻠﻲ %10
ﺍﻧﻲ : ﻫﻬﻬﻬﻬﻪ ﻧﻮﺿﻲ ﻧﻮﺿﻲ ﺍﻧﺘﻲ ﻭﻳﺎﻫﺎ ﻣﺎﺗﺘﺤﺸﻤﻮﺵ ﺭﺍﺟﻞ ﻭﻣﺮﺗﻪ ﻣﺎﺩﻳﻦ ﻭﺟﻮﻫﻜﻢ ﺗﻘﺼﻘﺼﻮ
ﺭﻛﺒﺖ ﻓﻮﻕ ﺣﻮﻟﺖ ﻋﺒﺎﻳﺘﻲ ، ﻭﻭﺍﺳﻴﺖ ﺷﻌﺮﻱ ﻭﻧﺰﻟﺖ
ﺟﻴﺖ ﺑﺴﺖ ﻋﻠﻲ ﺭﺍﺱ ﻣﺎﻣﺎ ﻋﻠﻲ ﻃﻮﻝ : ﺭﺑﻲ ﻳﺨﻠﻴﻚ ﻟﻴﺎ
ﻣﺎﻣﺎ ﺍﺿﺒﻄﺘﻨﻲ : ﺭﺑﻲ ﻳﻄﻮﻝ ﻓﻲ ﻋﻤﺮﻙ ﻭﻳﺨﻠﻴﻚ ﺍﻧﺘﻲ ﻭﻭﺧﻴﺎﺗﻚ ﻟﻴﺎ
ﺳﺎﺭﺓ : ﻭﻳﻦ ﻭﻳﻦ ﻉ ﺍﻟﻄﺮﺣﺎﺍﺕ
ﺍﻧﻲ : ﻫﻬﻬﻬﻪ ﻫﺪﺍ ﻭﻟﻴﺪ ﺍﺻﺮ ﺍﻧﻲ ﻧﻠﺒﺴﻪ ، ﺣﻴﻲ ﻧﺮﺟﺲ ﻛﻴﻒ ﺣﺎﻟﻚ ﺗﻮﺍ
ﻧﺮﺟﺲ : ﺻﺒﺎﺍﺍﺣﻮ
ﺍﻧﻲ : ﻫﻬﻬﻬﻬﻪ ﺍﺳﻔﻪ ﻭﺍﻟﻠﻪ ﻋﺎﺭﻓﻪ ﺍﻧﺘﻲ ﺍﻧﺼﺪﻣﺖ ﻭﻗﻠﺒﻲ ﺣﺴﺎﺱ ﻭﻣﺎﺗﺤﻤﻠﺘﺶ ﻫﺎﻟﻤﻔﺎﺟﺌﺔ ﻓﻨﺴﻴﺖ ﻛﻞ ﺷﻲ
ﺳﺎﺭﺓ : ﻣﺶ ﻣﻨﻬﺎ ﺗﻨﺴﻰ ﻣﻦ ﻭﻟﻴﺪ ، ﻛﺎﻥ ﺗﺸﻮﻓﻮ ﺍﻟﻲ ﺷﻔﻨﺎﻩ ﻓﻲ ﺍﻟﺠﻨﺎﻥ
ﺍﻧﻲ ﻓﻨﺼﺖ ﻓﻴﻬﺎ ﻭﺗﺨﺰﺭﻃﺖ ﻣﺎﻣﺎ ﻭﺧﺎﻟﺘﻲ ﻭﻋﻤﺘﻲ ﻭﺣﺘﻰ ﺣﻨﻴﻨﻪ ﻗﺎﻋﺪﻩ : ﻫﻬﻬﻪ ﺍﺳﻜﺘﻲ
ﺧﺎﻟﺘﻲ : ﻫﻲ ﺗﻌﺎﻟﻮ ﻛﻞ ﻭﺣﺪﺓ ﺗﺎﺧﺪ ﺣﺼﺘﻬﺎ ﻣﻦ ﺍﻟﺘﻮﺭﺗﺔ
ﺣﻨﻴﻨﻪ : ﺗﻌﺎﻟﻲ ﻳﺎﻧﻮﺳﻪ ﺗﻌﺎﻟﻲ
ﺍﻧﻲ ﺟﻴﺘﻬﺎ ﻭﻃﺒﺴﺖ ﻋﻠﻴﻬﺎ ﺍﺿﺒﻄﺘﻬﺎ
ﺣﻨﻴﻨﻪ ﺗﻄﺒﻄﺐ ﻋﻠﻲ ﻇﻬﺮﻱ : ﺳﻠﻤﻬﺎ ﺑﻨﻴﻪ ﺍﻟﻐﺎﻟﻲ ، ﺍﻥ ﺷﺎﺀ ﺍﻟﻠﻪ ﺑﺎﻟﺼﺤﺔ ﻋﻠﻴﻚ ﻭﻃﻮﻟﺔ ﺍﻟﻌﻤﺮ ﻭﺗﺪﻳﺮﻱ ﺻﻐﻴﻮﻳﺮﺓ ﻭﺭﺑﻲ ﻳﻔﺮﺣﻚ
ﺍﻧﻲ ﺑﺴﺖ ﻋﻠﻲ ﺭﺍﺳﻬﺎ ﻭﻗﻌﻤﺰﺕ ﺟﻨﺒﻬﺎ : ﺍﻥ ﺷﺎﺀ ﺍﻟﻠﻪ ﻳﺎﺣﻨﻴﻨﻪ ﺍﺩﻋﻴﻠﻲ
ﺣﻨﻴﻨﻪ : ﻧﺪﻋﻴﻠﻜﻢ ﻳﺎﺑﻨﻴﺎﺗﻲ ﺍﻧﻲ ﺩﻳﻤﺎ ﻧﺪﻋﻴﻠﻜﻢ
ﻧﻮﺭﺱ ﻗﻌﻤﺰﺕ ﻣﻦ ﺟﻬﺔ ﺍﻟﺘﺎﻧﻴﻪ ﺟﻨﺐ ﺣﻨﻴﻨﻪ ﻭﺍﺿﺒﻄﺘﻬﺎ ﺣﺘﻰ ﻫﻲ
ﺍﻣﺎ ﻧﻮﺍﻝ ﻓﺄﺧﺪﺕ ﻟﻘﻄﺔ ﺑﺎﻟﻜﺎﻣﻴﺮﺍ ﻭﺟﺖ ﺻﻮﺭﺓ ﺣﻠﻮﺓ ﻫﻠﺒﺎﺍ
ﻋﻠﻴﺎ ﻣﺪﺗﻠﻲ ﻛﻴﺴﺔ : ﻭﻫﺎﺩﻱ ﻫﺪﻳﺘﻲ ﺍﻟﺒﺴﻴﻄﺔ ﺍﻥ ﺷﺎﺀ ﺍﻟﻠﻪ ﺗﻌﺠﺒﻚ
ﺍﻧﻲ ﺳﻠﻤﺖ ﻋﻠﻴﻬﺎ ﺑﺎﻟﺨﺪ : ﺷﻜﺮﺍ ﺣﺒﻴﺒﺘﻲ
ﻭﺑﻌﺪﻫﺎ ﺍﻋﻄﺘﻨﻲ ﺧﺎﻟﺘﻲ ﻭﺳﺎﺭﺓ ﻭﺳﺮﻭﺭ ﻭﻋﻤﺘﻲ ﻫﺪﺍﻳﺎﻫﻢ
ﻧﻮﺍﻝ : ﻣﺎﺗﺸﻮﻓﻴﻠﻴﺶ ﻣﺎﺟﺒﺘﺶ ﺷﻲ ﻭﺟﻮﺩﻱ ﺳﺎﺩ ﺍﺻﻼ ﺍﻧﻲ
ﻧﻮﺭﺱ : ﺍﺣﻨﻲ ﻗﺮﺭﻧﺎ ﻧﺪﻳﺮﻭﻟﻚ ﻫﺪﻳﺔ ﺑﻌﻨﻮﺍﻥ ﻭﺟﻮﺩ ﺃﺧﻮﺍﺗﻚ ﺃﻫﻢ ﻣﻦ ﺍﻟﻒ ﻫﺪﻳﺔ
ﻧﺮﺟﺲ : ﻫﻬﻬﻪ ﻭﺍﻧﻲ ﺭﺟﻠﻲ ﻣﻜﺴﻮﺭﺓ
ﺍﻧﻲ ﻗﻤﺖ ﺣﻮﺍﺟﺒﻲ
ﻋﻠﻴﺎ : ﻫﻬﻬﻬﻬﻪ ﺑﻌﺪ ﻫﻜﻲ ﺑﺮﺍﺩﻩ ﻣﺎﻓﻴﺶ
ﺳﺎﺭﺓ : ﻫﻬﻬﻪ ﺍﻧﻲ ﻛﺎﻥ ﺩﺭﺕ ﻋﻴﺪ ﻣﻴﻼﺩ ﻻﺧﺘﻲ ﻣﺎﺗﺤﻠﻤﺶ ﺑﻬﺪﻳﺔ
ﺳﺮﻭﺭ : ﺣﺘﻰ ﺍﻧﻲ ﻣﺶ ﻃﺎﻣﻌﻪ ﺍﺻﻼ ﻋﺎﺭﻓﺎﺗﻚ ﺍﺧﺘﻲ ﻣﺎﻓﻴﺶ ﻣﻦ ﺍﺑﺨﻞ ﻣﻨﻚ
ﺳﺎﺭﺓ : ﻫﻬﻬﻬﻬﻬﻬﻬﻬﺎﻫﺎ ﺍﻟﻲ ﻳﻌﺠﺒﻨﻲ ﻓﻴﻚ ﺍﻧﻚ ﻋﺎﺭﻓﻪ ﺑﺮﻭﺣﻚ
ﻧﻮﺍﻝ : ﺳﺎﺩ ﺭﺍﺟﻠﻚ ﺍﺻﻼ ﻣﻦ ﺍﻟﺘﺴﻌﻪ ﻣﺘﺼﻞ ﻣﻄﻮﻑ ﺍﻟﺼﺒﺢ
ﻧﻮﺭﺱ : ﻭﺍﻟﻠﻪ ﻭﻏﻴﺮﻧﺎ ﺍﺛﺎﺙ ﺍﻟﺤﻮﺵ ﻭﺯﻳﻨﺎ ﻫﺪﺍ ﻛﻠﻪ ﻫﺪﻳﺔ
ﺭﻭﺯﺍ ﻣﺪﺗﻠﻲ ﺣﺪﻳﺪﺓ ، ﻛﺎﻧﺖ ﺑﺨﻴﻮﻁ ﻭﻭﺍﺿﺢ ﺷﻐﻞ ﻳﺪ ﺑﺲ ﻭﺍﻟﻠﻪ ﻛﺎﻧﺖ ﺣﻠﻮﻭﺓ
ﺍﻧﻲ : ﻣﺤﻼﺍﻫﺎﺍﺍ ﻳﺎﺭﻭﺯﺍ ﺷﻜﺮﺍ
ﺭﻭﺯﺍ ﺍﺑﺘﺴﻤﺖ ﺑﻔﺮﺡ : ﻛﻞ ﻋﺎﻡ ﻭﺍﻧﺘﻲ ﺑﻬﻴﺮ ﻣﺎﻣﺎ
ﺍﻧﻲ ﺍﺿﺒﻄﺘﻬﺎ : ﺗﺴﻠﻤﻲ ، ﻭﺗﻠﻔﺘﺖ ﻟﺨﻮﺍﺗﻲ ﺍﻟﻲ ﻣﻘﻌﻤﺰﺍﺕ ﻣﺒﺮﺩﺍﺕ : ﺷﻮﻓﻮ ﺷﻮﻓﻮ
ﺣﻨﻴﻨﻪ ﺍﺷﺮﺗﻠﻲ : ﺗﻌﺎﻟﻲ
ﺍﻧﻲ ﺟﻴﺘﻬﺎ ﻗﻌﻤﺰﺕ ﺟﻨﺒﻬﺎ ، ﻣﺪﺗﻠﻲ ﺣﺎﺟﺔ ﺯﻱ ﺍﻟﻜﻴﺴﺔ ﺍﻟﺼﻐﻴﺮﺓ ﺍﻟﻤﺮﺑﻮﻃﺔ : ﺷﻦ ﻫﺪﺍ ﻳﺎﺣﻨﻴﻨﻪ
ﺣﻨﻴﻨﻪ : ﻫﺎﺩﻱ ﻧﺤﻴﻠﺘﻚ ﻳﺎﺑﻨﻴﺘﻲ
ﺍﻧﻲ ﺑﺴﺖ ﻋﻠﻲ ﺭﺍﺳﻬﺎ : ﺭﺑﻲ ﻳﺨﻠﻴﻚ ﻟﻴﺎ ﻭﻳﻄﻮﻝ ﻓﻲ ﻋﻤﺮﻙ
ﻣﺎﻣﺎ ﺣﺘﻰ ﻫﻲ ﻗﺎﻟﺘﻠﻲ ﺗﻌﺎﻟﻲ ، ﻧﻀﺖ ﻭﺟﻴﺘﻬﺎ ، ﺣﻮﻟﺖ ﺧﺎﺗﻢ ﻣﻦ ﻳﺪﻫﺎ ﻭﻟﺒﺴﺘﻬﻮﻟﻲ
ﻣﺎﻣﺎ : ﻫﺪﺍ ﺧﺎﺗﻢ ﺍﻣﻲ ﺍﺧﺪﻳﺘﻪ ﺍﻧﻲ ﻟﺒﺴﺘﻪ ﻭﺗﻮﺍ ﺍﻧﺘﻲ ﺍﻟﺒﺴﻴﻪ
ﺍﻧﻲ : ﻋﻼﺵ ﻳﺎﻣﺎﻣﺎ ﺍﻟﺨﺎﺗﻢ ﻫﺪﺍ ﻏﺎﻟﻲ ﻋﻠﻴﻚ ﺍﻧﺘﻲ
ﻣﺎﻣﺎ : ﻣﺎﻓﻴﺶ ﺣﺎﺟﺔ ﺗﻐﻠﻰ ﻋﻠﻲ ﺑﻨﻴﺘﻲ ، ﺑﻌﺪﻳﻦ ﻟﺒﺴﻴﻪ ﻟﺒﻨﺘﻚ
ﻧﻮﺍﻝ : ﺩﻳﺮﻭﻩ ﺧﺎﺗﻢ ﺍﻟﻤﻴﺮﺍﺙ ﺯﻱ ﺟﻮ ﺍﻟﺮﺳﻮﻣﺎﺕ ﻫﻬﻬﻬﻪ
ﺍﻧﻲ : ﻫﻬﻬﻬﻪ ، ﻭﺍﺿﺒﻄﺖ ﻣﺎﻣﺎ : ﺻﺤﻴﺘﻲ
ﺧﺎﻟﺘﻲ : ﺍﻥ ﺷﺎﺀ ﺍﻟﻠﻪ ﺭﺑﻲ ﻳﺪﻭﻡ ﻋﻠﻴﻜﻢ ﺍﻟﻔﺮﺣﺔ
ﺍﺣﻨﻲ : ﺍﻥ ﺷﺎﺀ ﺍﻟﻠﻪ ﻳﺎﺭﺏ
ﻋﻠﻴﺎ ﺍﺧﺪﺕ ﻣﻦ ﻛﺮﻳﻤﺔ ﺍﻟﻜﻴﻜﺔ ، ﻭﻟﺒﺰﺗﻨﻲ ﻓﻲ ﺧﺸﻤﻲ ﻭﺧﺪﻱ
ﺍﻧﻲ : ﺍﺍﺍﻱ ﻫﻬﻬﻬﻪ
ﻋﻠﻴﺎ : ﻣﻦ ﺍﻟﺴﺒﺮ ﻫﺎﺩﻱ ﻫﻬﻬﻬﻪ
ﺍﺧﺪﻳﺖ ﺍﻧﻲ ﻣﻦ ﺍﻟﻜﺮﻳﻤﻪ ﻭﻟﺒﺰﺗﻬﺎ ﺟﺖ ﻓﻲ ﺟﺒﻬﺘﻬﺎ ﻭﺷﻮﻳﺔ ﻣﻦ ﺷﻌﺮﻫﺎ
ﻋﻠﻴﺎ : ﻫﻬﻬﻪ ﺷﻌﺮﺭﺭﻱ
ﻭﻗﻌﺪﻧﺎ ﻧﻠﺒﺰﻭ ﻓﻲ ﻭﺟﻮﻫﻨﺎ ﺑﺎﻟﻜﺮﻳﻤﺔ ﻭﺩﺭﻧﺎ ﺟﻮ ﺣﻠﻮ، ﺣﺘﻰ ﻣﻦ ﻣﺎﻣﺎ ﻭﺧﺎﻟﺘﻲ ﻭﻋﻤﺘﻲ ﻟﺒﺰﻧﺎﻫﻢ
ﺣﻨﻴﻨﻪ ﻛﺎﻧﺖ ﺗﺸﻮﻓﻠﻨﺎ ﻭﻣﺒﺘﺴﻤﻪ
ﺧﺎﻟﺘﻲ : ﺧﻴﺰﻱ ﻳﺎﻣﻌﻔﻨﺎﺕ ﺭﻭﻧﺘﻮﻟﻲ ﻭﺟﻬﻲ
ﺳﺎﺭﺓ ﻭﻧﻮﺭﺱ ﺍﻣﺸﻮ ﻃﻠﻌﻮ ﺍﻟﻤﻨﻈﻮﻣﺔ ﻣﻦ ﺍﻟﺼﺎﻟﻮﻥ ﻭﺣﻄﻮﻫﺎ ﻓﻲ ﺍﻟﺼﺎﻟﺔ ، ﻭﻓﺘﺤﻮ ﺍﻏﺎﻧﻲ ، ﻭﺑﺪﻭ ﻳﻬﻴﺠﻮ
ﺍﻧﻲ ﻏﺴﻠﺖ ﻭﺟﻬﻲ ﻭﻃﻠﻌﺖ ﻣﻌﺎﻫﻢ ، ﻭﺩﺭﻧﺎ ﻫﺒﺎﻝ ﻭﻛﻠﻨﺎ ﻧﻀﺤﻜﻮ ﻭﺟﻮﻧﺎ ﺣﻠﻮ
