منقولة
الحلقةة[40]
من ﺭﻭﺍﻳﺔ - - ->" #ﺳﻨــﺪ_ﺍﻷﻧﺜــﻰ_ﺭﺟــﻞ "
ﻭﻟﻴﺪ ﻗﻌﻤﺰ ﻭﺑﺎﺱ ﺧﺪﻱ : ﺷﻦ ﺗﺤﺴﻲ ﺗﻮﺍ ﺑﻴﺒﻲ ؟
ﺍﺗﻲ : ﺍﻟﺤﻤﺪ ﻟﻠﻪ ﺍﺣﺴﻦ ﻳﺎﺭﻭﺣﻲ
ﻭﻟﻴﺪ : ﺑﺎﻩ ﺍﻟﺤﻤﺪ ﻟﻠﻪ ، ﻭﻳﺒﻮﺱ ﻓﻲ ﻳﺪﻱ ، ﺷﻦ ﻳﺼﺒﺮﻧﻲ ﺍﻧﻲ ﻋﻠﻲ ﺑﻌﺪﻙ
ﺍﻧﻲ ﺍﺑﺘﺴﻤﺖ : ﻛﻠﻪ ﻳﻬﻮﻥ ﻳﺎﺭﻭﺣﻲ
ﻧﻮﺍﻝ ﻋﺒﺖ ﻃﺎﺳﻪ ﻣﻴﻪ ﻭﻗﻌﻤﺰﺕ ﻉ ﺍﻟﻜﺮﺳﻲ ﻭﻗﻌﺪﺕ ﺗﺸﺮﺏ ﻭﺳﺮﺣﺎﻧﻪ ﻭﻋﺎﻃﻴﻪ ﺍﻟﺒﺎﺏ ﺑﻈﻬﺮﻫﺎ
ﻣﺤﻤﻮﺩ ﺧﺎﺵ ﻣﻦ ﺑﺎﺏ ﺍﻟﻤﻄﺒﺦ ﺷﺎﻓﻬﺎ ﺧﺶ ﺑﺎﻟﺸﻮﻳﺔ ﻭﺳﻜﺮﺕ ﻭﺭﺍﻩ ﺍﻟﺒﺎﺏ
ﻧﻮﺍﻝ ﺗﻠﻔﺖ ﻭﻭﻗﻔﺖ ﺧﺎﺍﻓﺖ ﻭﻣﺼﺪﻭﻣﻪ : ﺷﻦ ﻗﺎﻋﺪ ﺗﺪﻳﺮ ﺍﻧﺖ ، ﻭﻗﺪﻣﺖ ﺗﺒﻲ ﺗﻔﺘﺢ ﺍﻟﺒﺎﺏ ﻭﺗﻄﻠﻊ
ﻣﺤﻤﻮﺩ ﺷﺪﻫﺎ ﻣﻦ ﻳﺪﻫﺎ : ﺍﺳﻤﻌﻴﻨﻲ ﻗﺒﻞ
ﻧﻮﺍﻝ : ﻣﺎﻓﻴﺶ ﺷﻲ ﻧﺴﻤﻌﻪ
ﻣﺤﻤﻮﺩ : ﻧﻮﺍﻝ ﻭﺍﻟﻠﻪ ﻓﻬﻤﺘﻲ ﻏﻠﻂ ﺧﻠﻴﻨﻲ ﻧﺤﻜﻴﻠﻚ ﺍﻟﻲ ﺻﺎﺭ
ﻧﻮﺍﻝ ﻓﻜﺖ ﻳﺪﻫﺎ ﺑﺴﺮﺭﺭﻋﻪ ﻭﺑﻘﻮﻭﻩ : ﺑﺎﻋﺪ ﻋﻠﻴﺎ ﻭﻣﻌﺎﺵ ﺗﺤﺎﻭﻝ ﺗﻤﺪ ﻳﺪﻙ ﻭﺗﻠﻤﺴﻨﻲ ﻣﺮﺓ ﺗﺎﻧﻴﻪ ﻓﺎﻫﻢ ، ﻭﻣﺎﻧﺒﻴﺶ ﻧﺴﻤﻊ ﺷﻲ ﻣﻨﻚ ﻓﺎﺍﺍﺍﻫﻢ ، ﻭﺷﺒﺤﺘﻠﻪ ﺷﺒﺤﺔ ، ﻭﻫﻲ ﻣﻦ ﺩﺍﺧﻞ ﻣﺤﺮﻭﻭﻗﻪ ﻭﻛﺎﻥ ﺗﻠﻘﻰ ﺗﺴﻤﻌﺎﻟﻪ ﻭﻳﻄﻠﻊ ﺍﻟﻲ ﺷﺎﻓﺎﺗﻪ ﻏﻠﻂ
،،،،،،،،
ﻭﻟﻴﺪ : ﺧﺪﻳﺘﻲ ﺩﻭﺍﻙ ﻳﺎﻗﻠﺒﻲ
ﺍﻧﻲ : ﺍﺧﺪﻳﺖ ﺍﻳﻪ
ﻭﻟﻴﺪ ﻛﻴﻒ ﺑﻴﺘﻜﻠﻢ ﻗﻄﻊ ﻋﻠﻴﻪ ﺗﻠﻴﻔﻮﻧﻪ ﺍﻟﻲ ﺷﺮﻳﻦ
ﻭﻟﻴﺪ : ﺍﻳﻮﻩ ﻳﺎﻓﻴﺼﻞ
ﻓﻴﺼﻞ : ﻭﻟﻴﺪﺩ ﺃﻟﺤﻖ ﻣﺤﻞ ﺍﻻﺛﺎﺙ ﻛﻠﻪ ﺍﻣﺸﻲ ﺍﻧﺤﺮﺭﻕ ﻳﺎﺍﺍﻭﻟﻴﺪ
ﻭﻟﻴﺪ ﻭﻗﻒ ﺑﻔﺰﺯﻉ : ﺷﻦ ﺗﻘﻮﻝ ﺍﻧﺖ ﻣﺘﺎﻛﺪ ﻣﻦ ﺍﻟﻤﻮﺿﻮﻉ ، ﻛﻴﻴﻴﻒ ﺻﺎﺭ ﺑﺲ
ﻓﻴﺼﻞ : ﻣﺎﻧﻌﺮﻓﺶ ﻳﺎﺭﺍﺍﺟﻞ ﺷﻦ ﺍﻟﻲ ﺻﺎﺍﺭ ﻛﻨﺖ ﺧﺎﻃﻢ ﺍﻟﻘﻴﺖ ﻣﺤﻠﻚ ﻭﺍﻟﻌﻪ ﻓﻴﻪ ﺍﻟﻨﺎﺭﺭ ﻭﺍﻟﻨﺎﺱ ﻣﻠﺘﻤﻴﻦ ﻋﻠﻴﻬﺎ ﻭﺣﺘﻰ ﺍﻟﺸﻘﻪ ﺍﻟﻲ ﻓﻲ ﻓﻮﻗﻪ ﻭﺻﻠﺖ ﻓﻴﻬﺎ ﺍﻟﻨﺎﺭ ﻭﻗﺎﻋﺪﻳﻦ ﻧﺮﺍﺟﻮ ﻓﻲ ﺍﻟﻤﻄﺎﻓﻲ ﻗﺎﻋﺪﻩ ﻣﺎﺟﺘﺶ
ﺍﻧﻲ ﺍﻧﺨﻠﻌﺖ ﻟﻤﺎ ﻭﻟﻴﺪ ﺗﻜﻠﻢ ﺑﺼﻮﺕ ﻋﺎﻟﻲ ﻭﻛﺎﺍﻧﻪ ﺳﻤﻊ ﺧﺒﺮ ﻣﺶ ﻛﻮﻳﺲ ﻧﻄﻴﺖ ﺑﻨﻘﻌﻤﺰ ﻭﺗﺤﺮﻛﺖ ﺑﻘﻮﻭﻩ ، ﺣﺴﻴﻴﻴﺖ ﺑﺎﻟﻢ ﻭﺣﺴﻴﺖ ﺍﻟﺠﺮﺡ ﺑﻴﻨﻔﺘﺢ ﻋﻴﻄﺖ : ﺍﺍﺍﺍﺍﺍﺍﻩ
ﻭﻟﻴﺪ ﺗﻠﻔﺘﻠﻲ ﺑﺨﻮﻭﻑ ﻭﺳﻜﺮ ﺍﻟﺘﻠﻴﻴﻔﻮﻥ ﻭﻗﺮﺏ ﻣﻨﻲ ﺑﺤﺮﻛﺔ ﺳﺮﻳﻌﻪ ﻭﻗﻌﻤﺰ ﻋﻠﻲ ﺭﻛﺎﺑﻪ : ﻧﻮﺳﻪ ﺧﻴﺮﻙ ﺷﻦ ﻓﻲ ﺷﻦ ﺗﺤﺴﻲ ﺑﺲ
ﺍﻧﻲ ﺷﺎﺩﻩ ﻋﻠﻲ ﺟﻨﺒﻲ ﻭﻧﺘﺎﻟﻢ : ﺗﺤﺮﻛﺖ ﺑﺴﺮﻋﻪ ﺑﺲ ﺍﺍﻱ ﻗﻮﻭﻟﻲ ﺍﻧﺖ ﺷﻦ ﺻﺎﻳﺮ ﺧﻮﻓﺘﻨﻲ
ﻭﻟﻴﺪ ﺗﻨﻬﺪ ﻭﻭﻗﻒ : ﻣﺤﻞ ﺍﻻﺛﺎﺙ ﺍﻟﻲ ﺧﺪﺍﻩ ﻣﺤﻤﻮﺩ ﺍﻟﻘﻮﻩ ﻣﺤﺮﻭﻕ ﺑﻨﻤﺸﻲ ﺍﻧﻲ ﺗﻮﺍ ، ﺭﺩﻱ ﺑﺎﻟﻚ ﻭﻣﻌﺎﺵ ﺗﺘﺤﺮﻛﻲ ﺑﺴﺮﻋﻪ
ﺍﻧﻲ : ﺑﺎﻩ ﺧﻠﻲ ﺑﺎﻟﻚ ﻉ ﺭﻭﺣﻚ ﻭﻃﻤﻨﻲ ﻋﻠﻴﻚ
ﻭﻟﻴﺪ ﻣﺘﺠﻪ ﻟﺒﺎﺏ ﺍﻟﺪﺍﺭ : ﺑﺎﻩ ﺍﻥ ﺷﺎﺀ ﺍﻟﻠﻪ ، ﻭﻃﻠﻊ ﻭﺍﻣﺸﻲ ﺟﻬﺔ ﺩﺍﺭ ﻣﺤﻤﻮﺩ
ﻭﻓﻲ ﻫﺎﻟﻮﻗﺖ
ﻣﺤﻤﻮﺩ ﻗﺮﺏ ﻣﻦ ﻧﻮﺍﻝ : ﻧﻮﺍﻝ ﻣﺎﺗﻘﻌﺪﻳﺶ ﺗﺘﺼﺮﻓﻲ ﺯﻱ ﺍﻟﻌﻴﻠﻪ ﺍﺳﻤﻌﻴﻨﻲ ﻭﺑﻌﺪﻳﻦ ﺍﺣﻜﻤﻲ
ﻧﻮﺍﻝ ﺑﻌﺪﺕ ﻭﺍﻋﻄﺎﺗﻪ ﺑﻈﻬﺮﻫﺎ : ﺧﻠﻴﻨﻲ ﻋﻴﻠﻪ ﻭﺑﻴﺒﻲ ﻭﻋﻘﻠﻲ ﺻﻐﻴﺮﺭ ﺗﻤﺎﺍﺍﺍﻡ ﻭﻣﺎﻧﺒﻴﺶ ﻧﺴﻤﻊ ﻣﻨﻚ
ﻭﻟﻴﺪ ﺧﺶ ﻟﺪﺍﺭ ﻣﺤﻤﻮﺩ ﻣﺎﻟﻘﺎﺷﻲ ﺍﻣﺸﻲ ﻟﻠﻤﺮﺑﻮﻋﻪ ﻣﺎﻟﻘﺎﺷﻲ ﻭﻫﻮ ﻗﺎﻋﺪ ﻳﻤﺸﻲ ﺑﺤﺮﻛﺎﺕ ﺳﺮﻳﻴﻌﻪ ﻳﺪﻭﺭ ﻓﻴﻪ ، ﺟﻲ ﺟﻬﺔ ﺍﻟﻤﻄﺒﺦ ﻟﻘﻲ ﺍﻟﺒﺎﺏ ﻣﺴﻜﺮ ﺍﺳﺘﻐﺮﺏ ﻭﻗﺪﻡ
ﻣﺤﻤﻮﺩ : ﺍﻗﺴﻢ ﺑﺎﻟﻠﻪ ﻳﺎﻧﻮﺍﻝ ﻫﻲ ﺍﻟﻲ ﻧﺎﺩﺗﻨﻲ ﺭﻛﺒﺘﻠﻬﺎ ﺑﻨﺸﻮﻭﻓﻬﺎ ﻣﺎﺗﻮﻗﻌﺘﺶ ﻳﺼﻴﺮ ﻫﻜﻲ ﺑﻜﻞ ﻭﺭﺣﻤﺔ ﺑﻮﻱ ﻫﻲ ، ﻳﺎﻧﻮﺍﻝ ﻭﺍﻟﻠﻪ ﺍﻻ ﺣﺒﻴﺘﻚ ﺣﻄﻲ ﻓﻴﺎ ﺍﻟﺜﻘﻪ ﻟﻮ ﻣﺮﺭﺓ ﺭﺍﻧﻲ ﻣﺶ ﻋﻴﻞ ﺍﻧﻲ ﻭﺑﻌﺪﻳﻦ ﻟﻮ ﻧﺒﻴﻬﺎ ﻟﻜﻨﺖ ﻣﻦ ﻟﻤﺎ ﺧﻄﺒﻬﺎﻟﻲ ﻓﺮﺣﺖ ﻭﺗﺰﻭﺟﺘﻬﺎ ﻣﺶ ﺳﺎﻓﺮﺕ ﻋﻠﻲ ﺧﺎﻃﺮ ﺑﺎﺵ ﻣﺎﻧﺠﺮﺣﻜﺶ ﺑﺲ
ﻧﻮﺍﻝ ﺧﻼﺹ ﺩﻣﻌﺘﻬﺎ ﺑﺘﻨﺰﻝ ﻟﻜﻦ ﻗﺎﻋﺪﻩ ﺩﺍﻳﺮﻩ ﺭﻭﺣﻲ ﻗﻮﻭﻳﻪ ﻭﻟﻔﺖ ﻭﺟﻬﻬﺎ ﻭﻣﺎﺭﺩﺗﺶ ﻋﻠﻲ ﻛﻼﻣﻪ ﻭﻗﺮﺑﺖ ﻣﻦ ﺍﻟﺒﺎﺏ : ﻣﻤﻜﻦ ﺗﺤﻮﻝ ﻧﺒﻲ ....
ﻭﺍﻫﻨﻲ ﻗﻄﻊ ﻋﻠﻴﻬﻢ ﻓﺘﺤﺖ ﻭﻟﻴﻴﻴﺪ ﻟﻠﺒﺎﺏ ﺑﻘﻮﺓ
ﻧﻮﺍﻝ ﻭﻣﺤﻤﻮﻭﻭﺩ
ﻭﻟﻴﺪ ؟؟؟؟؟ : ﺷﻦ ﺍﻟﻲ ﺻﺎﻳﺮ ﺍﻫﻨﻲ ؟؟؟؟؟ ﺷﻦ ﺗﺪﻳﺮﻭ ؟؟؟؟
ﻧﻮﺍﻝ ﻗﺮﻳﺐ ﺗﻤﻮﻭﺕ ﻣﻦ ﺍﻟﺮﻋﺐ ﻭﻭﺟﻬﺎ ﺍﺻﻔﺮ
ﻣﺤﻤﻮﺩ ﻭﺟﻬﻪ ﻳﺘﻠﻮﻥ ، ﻭﺑﻠﺒﻜﺔ : ﻙ ﻛﻨﺖ ﺟﻌﺎﻥ ﻧﺒﻲ ﻧﺎﻛﻞ ﻭﺧﺸﻴﺖ ﺕ ﻟﻠﻤﻄﺒﺦ ﺍﻟﻘﻴﺖ ﻧﻮﺍﻝ ﻗﻠﺘﻠﻬﺎ ﺩﻳﺮﻳﻠﻲ ﺩﺣﻲ
ﻭﻟﻴﺪ ﻗﻌﺪ ﻳﺸﻮﻓﻠﻪ ﺑﺘﺸﻜﻴﻚ ﻭﻳﺸﻮﻑ ﻟﻮﺟﻪ ﻧﻮﺍﻝ ﻭﻗﺎﻝ ﻟﻤﺤﻤﻮﺩ ﻭﻫﻮﻭﻳﺸﻮﻑ ﻟﻨﻮﺍﻝ ﺍﻟﻲ ﻣﺮﻋﻮﺑﻪ : ﺗﻌﺎﻟﻰ ﻣﻌﺎﻱ
ﻣﺤﻤﻮﺩ : ﻛﺎﻥ ﺗﺪﻳﺮﻳﻬﺎ ﺍﻟﺪﺣﻴﺔ ﺗﺮﺑﺤﻲ ﻓﻴﺎ ﺧﻴﺮ ﻗﺎﻋﺪ ﺟﻌﺎﻥ ، ﻭﻃﻠﻊ ﻭﺭﺍ ﻭﻟﻴﺪ
ﻭﻟﻴﺪ ﺧﺶ ﻟﻠﻤﺮﺑﻮﻋﻪ ﻭﻟﻤﺎ ﺧﺶ ﻭﺭﺍﻩ ﻣﺤﻤﻮﺩ ﺗﻠﻔﺘﻠﻪ : ﺷﻦ ﺍﻟﻲ ﺷﻔﺘﻪ ﺷﻦ ﻗﺎﻋﺪ ﺗﺪﻳﺮ ﻭﺗﻠﺒﺰ ﺍﻧﺖ
ﻣﺤﻤﻮﺩ : ﺍﺳﻤﻌﻲ ﻣﻦ ﺍﻻﺧﻴﺮ ﺍﻧﻲ ﺍﻟﺒﻨﺖ ﻧﺒﻴﻬﺎﺍ ﻭﻧﺒﻲ ﻧﺨﻄﺒﻬﺎ ﻭﺧﻼﺹ ﺍﻻﻳﺎﻡ ﺍﻟﺠﺎﻳﻪ ﺑﻨﺘﻜﻠﻢ ﻓﻴﻬﺎ
ﻭﻟﻴﺪ : ﺗﺒﻴﻬﺎ ﻫﻜﻲ ﺑﺎﻟﻄﺮﻳﻘﻪ ﻫﺎﺩﻱ ﺧﺎﺵ ﻟﻠﻤﻄﺒﺦ ﻭﻣﺴﻜﺮ ﻋﻠﻴﻚ ﺍﻟﺒﺎﺏ ؟؟ ﻟﻮ ﺧﺸﺖ ﺍﻣﻲ ؟ ﻭﺍﻻ ﺭﺭﺣﻤﺔ ؟؟ ﻣﺶ ﺑﺘﻮﺩﺭ ﺍﻟﺒﻨﺖ ﺍﻧﺖ ﻫﻜﻴﻲ ، ﻭﺑﻌﺪﻳﻦ ﻋﻨﺪﻙ ﺗﻠﻴﻔﻮﻭﻥ ﺗﺘﻜﻠﻢ ﺑﻴﻪ ﺑﻼﺵ ﺍﻟﺤﺮﻛﺎﺕ ﻫﺎﺩﻱ ﻭﻓﻜﻨﻲ ﻣﻨﻬﻢ
ﻣﺤﻤﻮﺩ : ﺧﻼﺹ ﻭﺍﻧﺖ ﺳﻠﺨﺘﻨﻲ ﻳﺎﺍﺍﺭﺍﺟﻞ ﻛﺎﻧﺖ ﻓﻲ ﻣﺸﻜﻠﺔ ﺑﻴﻨﻨﺎ ﻭﻛﻨﺖ ﻧﺒﻲ ﻧﺤﻠﻬﺎ ، ﺍﻧﺖ ﻋﻼﺵ ﺟﺎﻱ ﺍﺻﻼ ؟؟
ﻭﻟﻴﺪ : ﻣﺤﻞ ﺍﻻﺛﺎﺙ ﺍﻧﺤﺮﻕ ﺑﻨﻘﻮﻟﻚ ﻫﻴﺎ ﻧﻤﺸﻮ ، ﺍﻣﺸﻲ ﻣﺎﺷﺎﺀ ﺍﻟﻠﻪ ﺟﻴﺖ ﻓﻲ ﻭﻗﺘﻲ
ﻣﺤﻤﻮﺩ : ﻛﻴﻒ ﺻﺎﺍﺭ ﻭﻣﻦ ﺣﺮﺭﻗﻪ ﻭﻋﻼﺍﺵ ﻭﺷﻦ ﺻﺎﺍﺭ ﻓﻲ ﺍﻟﻤﺤﻞ ؟؟؟؟
ﻭﻟﻴﺪ ﻳﺪﻭﺭ ﻓﻲ ﺍﻟﺪﺍﺭ ﺑﺘﻮﺗﺮ : ﺗﻲ ﻭﻳﻴﻴﻦ ﻧﻌﺮﺭﺭﻑ ﺍﻧﻲ ﻛﻠﻤﻨﻲ ﻓﻴﺼﻞ ﻗﺒﻞ ﺷﻮﻳﺔ ﻗﺎﻟﻲ
ﻣﺤﻤﻮﻭﺩ : ﻭﺍﺣﻨﻲ ﻋﻼﺵ ﻗﺎﻋﺪﻳﻦ ﻣﺎﺩﻳﻦ ﻭﺟﻬﻨﺎ ﺍﻫﻨﻲ ﺯﻋﻤﺎ ، ﺗﻲ ﻫﻴﺎﺍﺍﺍ ﻳﺎﺍﺭﺍﺟﻞ ﻧﻤﺸﻮ ﻧﺸﻮﻓﻮ
ﻭﻟﻴﺪ : ﻭﺍﻟﻠﻪ ﺍﻧﻲ ﻛﻨﺖ ﺑﻨﻤﺸﻲ ﻃﻮﻭﻝ ﻣﺎﺗﺪﻳﺮﻟﻴﺶ ﺭﻭﺣﻚ ﺗﻮ ﺑﻜﻞ ﻣﺎﻫﻮ ﺑﺴﺒﺐ ﺻﻴﺎﻋﺘﻚ
ﻣﺤﻤﻮﺩ : ﺗﻲ ﻭﻭﻭﻭﻭﻭﻩ ﺍﻟﺰﻓﺖ ﺍﻧﺴﻰ
ﻭﻟﻴﺪ ﻃﺎﻟﻊ : ﻫﻴﺎﺍﺍ ﻫﻴﺎﺍ
ﻭﻃﻠﻌﻮ ﻭﺭﻛﺒﻮ ﻓﻲ ﺳﻴﺎﺭﻩ ﻭﺣﺪﺓ ﻭﺍﻣﺸﻮﻭ
،،،،
ﺍﻣﺎ ﻧﻮﺍﻝ ﻓﺨﺸﺖ ﻭﻭﺟﻬﻬﺎ ﺍﺻﻔﺮ ﻭﻣﺮﻋﻮﺑﻪ ﻭﻗﺮﺭﻳﺐ ﺗﺒﻜﻲ
ﺍﻧﻲ ﺧﻔﺖ ﻣﻦ ﺷﻜﻞ ﻭﺟﻬﻬﺎ : ﺧﻴﺮﻙ
ﻧﻮﺍﻝ ﻗﻌﻤﺰﺕ ﻭﻫﻲ ﻗﺎﻋﺪﻩ ﻋﻼﻣﺎﺕ ﺍﻟﺼﺪﻣﻪ ﻭﺍﻟﺨﻮﻑ ﻋﻠﻲ ﻭﺟﻬﻬﺎ : ﻭﻟﻴﺪ ﺷﺎﻓﻨﻲ
ﺍﻧﻲ : ﻭﺑﺎﻫﻲ ﻛﺎﻥ ﺷﺎﻓﻚ
ﻧﻮﺍﻝ ﺷﺒﺤﺘﻠﻲ : ﺷﺎﻓﻨﻲ ﺍﻧﻲ ﻭﻣﺤﻤﻮﺩ ﻓﻲ ﺍﻟﻤﻄﺒﺦ ﻭﻣﺴﻜﺮﻳﻦ ﺍﻟﺒﺎﺏ
ﺍﻧﻲ ﺷﻬﻘﺖ : ﻫﻴﻴﻴﻲ ﺷﻦ ﺗﺪﻳﺮﻭ ﻣﺴﻜﺮﻳﻦ ﺍﻟﺒﺎﺏ
ﻧﻮﺍﻝ ﻓﻨﺼﺖ ﻓﻴﺎ : ﺣﺎﺟﺎﺕ ﻋﻴﺐ ﺑﺘﺎﻉ ﻛﺒﺎﺭ ﻣﺎﻧﻘﺪﺭﺵ ﻧﻘﻮﻭﻟﻚ ، ﺗﻲ ﺷﻦ ﺑﻨﺪﻳﺮﻭﻭ ﻳﻌﻨﻲ ﻭﺍﻧﺘﻲ ﺗﻔﻜﻴﺮﻙ ﻣﺎﺷﺎﺀ ﺍﻟﻠﻪ
ﺍﻧﻲ : ﻫﻬﻬﻬﻬﻬﻬﻬﻬﻬﻬﻬﻪ ، ﻭﺣﻄﻴﺖ ﻳﺪﻱ ﻋﻠﻲ ﺟﻨﺒﻲ ﺍﺍﺍﻱ ﻫﻬﻬﻬﻪ ﺧﺰﻱ ﻭﺍﻟﻠﻪ ﻣﺎﺗﺘﺤﺸﻤﻲ
ﻧﻮﺍﻝ : ﺗﻮﺍ ﻗﻮﻟﻴﻠﻲ ﺷﻦ ﻧﺪﻳﺮ ﺣﻲ ﻋﻠﻴﺎ
ﺍﻧﻲ : ﺍﺣﻜﻲ ﺷﻦ ﺍﻟﻲ ﺻﺎﺭ ﺑﺎﻟﻀﺒﻂ
ﻧﻮﺍﻝ ﺍﺣﻜﺘﻠﻲ ﻣﻦ ﻟﻤﺎ ﺷﺎﻓﺖ ﻣﺤﻤﻮﺩ ﻣﻊ ﻣﻨﻰ ﻟﻌﻨﺪ ﺧﺶ ﻋﻠﻴﻬﻢ ﻭﻟﻴﺪ
ﺍﻧﻲ : ﻫﺬﺍ ﻛﻠﻪ ﺻﺎﺭﺭ ﺍﻟﻴﻮﻡ ؟؟؟
ﻧﻮﺍﻝ ﺍﺗﻜﺖ : ﻣﺶ ﻣﻬﻢ ﺍﻟﻤﻬﻢ ﺗﻮﺍ ﺍﻟﻤﺼﻴﺒﻪ ﻣﻊ ﻭﻟﻴﺪ ﻛﻴﻒ ﺑﻨﻘﺎﺑﻠﻪ ﺑﻮﺟﻬﻲ ﺗﻮﺍ
ﺍﻧﻲ : ﻫﻤﺎ ﺍﺷﺒﺢ ﺷﻦ ﺻﺎﺭ ﻓﻴﻬﻢ ﻣﺤﻞ ﺍﻟﻲ ﺧﺪﺍﻩ ﻣﺤﻤﻮﺩ ﺍﻻﺳﺒﻮﻉ ﺍﻟﻲ ﻓﺎﺕ ﺍﻧﺤﺮﻕ
ﻧﻮﺍﻝ ﻗﻌﻤﺰﺕ : ﺟﺪﻳﺎﺕ ﺗﺪﻭﻱ ؟
ﺍﻧﻲ ﺍﺣﻜﻴﺘﻠﻬﺎ
ﻧﻮﺍﻝ : ﺣﻲ ﻋﻠﻴﻪ ﺷﻦ ﺣﺮﻗﻪ ﺑﺎﻫﻲ ﻭﻓﻲ ﻫﺎﻟﻮﻗﺖ
ﺍﻧﻲ : ﺍﻟﻠﻪ ﺍﻋﻠﻢ
ﺍﻣﺎ ﻋﻨﺪ ﻭﻟﻴﺪ ﻭﻣﺤﻤﻮﺩ ﻭﺻﻠﻮ ﻭﺩﺭﺱ ﻭﻟﻴﺪ ﺍﻟﺴﻴﺎﺭﻩ ﻭﻧﺰﻟﻮﻭ ﺑﺴﺮﻋﻪ ﻳﺠﺮﻭ
ﻗﺮﺑﻮ ﻣﻦ ﺍﻟﻤﻜﺎﻥ ﺍﻟﻨﺎﺭ ﻛﺎﻧﺖ ﻭﺍﻟﻌﻪ ﺑﺸﻜﻞ ﺭﻫﻴﺐ ﻭﻛﺒﻴﺮﻩ ﻭﺭﺍﻛﺒﻪ ﺍﻟﻨﺎﺭ ﻟﻠﺸﻘﻪ ﺍﻟﻲ ﻓﻮﻭﻕ
ﻭﻟﻴﺪﺩ ﺷﺎﻑ ﻓﻴﺼﻞ ﺍﻣﺸﺎﻟﻪ ﻳﺠﺮﻱ : ﻣﺶ ﻗﻠﺘﻠﻲ ﻛﻠﻤﺘﻮ ﺍﻟﻤﻄﺎﻓﻲ
ﻓﻴﺼﻞ : ﻛﻠﻤﻨﺎﻫﻢ ﻭﺍﻟﻠﻪ ﻟﻴﻨﺎ ﻗﺮﻳﺐ ﻧﺺ ﺳﺎﻋﻪ ﻭﻗﺎﻋﺪﻳﻦ ﻣﺎﺟﻮﻭﺵ
ﻗﻌﺪﻭ ﺭﺟﺎﻟﺔ ﺍﻟﺸﺎﺭﻉ ﻭﻣﻌﺎﻫﻢ ﻭﻟﻴﺪ ﻭﻣﺤﻤﻮﺩ ﻳﺤﺎﻭﻟﻮ ﻳﻄﻔﻮﻭ ﺍﻟﻨﺎﺭ ﻟﻜﻦ ﻛﺎﻧﺖ ﻛﺒﻴﺮﻩ ﻭﻣﺎﻗﺪﺭﻭﻫﺎﺵ
ﻭﻟﻴﺪ ﻣﺴﺢ ﺟﺒﻬﺘﻪ ﻣﻦ ﺍﻟﻌﺮﻕ ﻭﺗﻠﻔﺖ ﺍﻟﺘﺎﻟﻲ ، ﺍﻟﻘﻲ ﻣﺮﺍﻩ ﺷﺎﺩﻩ ﺑﻨﺘﻬﺎ ﻭﺣﺎﺿﻨﺘﻬﺎ ﻭﺗﺒﻜﻲ ﻭﺍﻟﺒﻨﻴﻪ ﺻﻐﻴﺮﻩ ﺗﺒﻜﻲ ﻭﺧﺎﻳﻔﻪ
ﻭﻟﻴﺪ ﻗﺪﻡ ﺟﻴﻬﺘﻬﺎ : ﻳﺎﺍﺧﺘﻲ ﺍﻧﺘﻲ ﺷﻦ ﺗﺪﻳﺮﻱ ﺍﻫﻨﻲ ؟
ﻫﻲ ﻗﺎﻣﺖ ﺭﺍﺳﻬﺎ ﻭﺍﻟﺪﻣﻮﻉ ﻧﺎﺯﻟﺔ ﻋﻠﻲ ﺧﺪﻫﺎ ، ﻭﺑﺼﻮﺕ ﻣﺨﻨﻮﻕ ﻣﻦ ﻛﺜﺮ ﺍﻟﺒﻜﻲ : ﺍﻧﻲ ﺷﻘﺘﻲ ﺍﻟﻲ ﺍﻧﺤﺮﻗﺖ ، ﻣﺶ ﻋﺎﺭﻓﻪ ﻛﻴﻒ ﻧﺪﻳﺮ ﺍﻧﻲ ﺑﻌﺪﻫﺎ ﻭﻳﻦ ﻧﻤﺸﻲ ﻟﺒﻨﺘﻲ ، ﻳﺎﺍﺭﺑﻲ ﻳﺎﺭﺑﻲ ، ﻭﺍﻧﻬﺎﺭﺕ ﺑﻜﻲ
ﻭﻟﻴﺪ ﺳﺎﺣﻔﺎﺗﻪ ﻭﺯﺍﺩ ﻗﺮﺏ ﻣﻨﻪ : ﺻﻠﻲ ﻉ ﺍﻟﻨﺒﻲ ﻭﻛﻞ ﺷﻲ ﺑﻴﻪ ﺣﻞ ، ﻣﺎﻋﻨﺪﻛﺶ ﺣﻮﺵ ﺍﻫﻠﻚ
ﻫﻲ ﺯﺍﺩﺕ ﺑﻜﻲ : ﺍﻟﻠﻬﻢ ﺻﻠﻲ ﻭﺳﻠﻢ ﻋﻠﻴﻪ ﻣﺎﻋﻨﺪﻱ ﺣﺪ ﺑﻮﻱ ﻭﺍﻣﻲ ﻣﻴﺘﻴﻦ ﻭﺧﻮﺗﻲ ، ﺳﻜﺘﺖ ﻭﺯﺍﺩﺕ ﺗﺒﻜﻲ
ﻭﻟﻴﺪ : ﻻﺍﻟﻪ ﺍﻻ ﺍﻟﻠﻪ ، ﺑﺎﻩ ﺭﺍﺟﻠﻚ ﻭﻳﻦ ؟
ﻫﻲ ﺗﺒﻜﻲ : ﻣﻄﻠﻘﻪ ﺍﻧﻲ
ﻭﻟﻴﺪ ﻗﻌﺪ ﻳﻠﻒ : ﻻﺣﻮﻝ ﻭﻻﻗﻮﺓ ﺍﻻ ﺑﺎﻟﻠﻪ
ﻫﻲ ﻭﻗﻔﺖ ﻭﻗﺎﻣﺖ ﺑﻨﺘﻬﺎ ﻭﻣﺴﺤﺖ ﺩﻣﻮﻋﻬﺎ : ﺗﻮ ﻧﻘﻌﻤﺰ ﻓﻲ ﺳﻴﺎﺭﺗﻲ ﻟﻴﻦ ﻳﻄﻔﻮ ﺍﻟﻨﺎﺭ ﻭﻟﻔﺖ ﻭﺍﻣﺸﻴﺖ
ﻭﻟﻴﺪ ﻭﺟﻌﺎﺗﻪ ﻭﻭﺟﻌﺎﺗﻪ ﺍﻛﺜﺮ ﺷﻲ ﺍﻟﺒﻨﻴﻪ ﻛﻴﻒ ﺧﺎﻳﻔﻪ ﻭﺗﻌﻴﻂ ، ﻣﻮﻗﻒ ﻗﻌﺪ ﻓﻴﻪ ﻭﻟﻴﺪ ﻭﻣﻌﺎﺵ ﻋﺮﻑ ﻳﺘﺼﺮﻑ
ﺍﻣﺸﻲ ﺟﻬﺔ ﺍﻟﺸﺒﺎﺏ ﺍﻟﻲ ﻳﻄﻔﻮﻭ ﻭﻗﺎﻋﺪﻳﻦ ﻳﺤﺎﻭﻟﻮ ﻣﻊ ﺍﻟﻨﺎﺭ
ﻭﺷﻮﻳﺔ ﻫﻜﻲ ﻭﺟﺖ ﺍﻟﻤﻄﺎﻓﻲ ، ﻭﻃﻔﻮﻭ ﺍﻟﻨﺎﺭ
ﻣﺤﻤﻮﺩ ﺣﻮﺍﻳﺠﻪ ﺣﺎﻟﺘﻬﻢ ﺣﺎﻟﻪ ﻭﻭﺟﻬﻪ ﻓﻲ ﺍﺛﺮ ﺍﻟﺪﺧﺎﻥ ﺍﺳﻮﺩ ، ﻗﻌﻤﺰ ﻉ ﺍﻟﺮﺻﻴﻒ ﻣﺶ ﺑﻌﻴﺪ ﻉ ﺍﻟﻤﺤﻞ : ﺍﻭﻭﻑ ﺍﺳﺘﻐﻔﺮ ﺍﻟﻠﻪ ﻭﺍﺗﻮﺏ ﺍﻟﻴﻪ ، ﺗﻮ ﻛﻴﻒ ﺍﻟﺮﺍﻱ ؟
ﻭﻟﻴﺪ ﻗﻌﻤﺰ ﺟﻨﺒﻪ ﻭﺣﺘﻰ ﻫﻮ ﺣﺎﻟﺘﻪ ﻣﺎﺗﻘﻠﺶ ﻋﻠﻲ ﺣﺎﻟﻪ ﻣﺤﻤﻮﺩ : ﻳﺴﺘﺮ ﺍﻟﻠﻪ ﻭﺧﻼﺹ ﻧﺤﺎﻭﻟﻮ ﻧﻌﻮﺿﻮﻩ ﻭﺧﻼﺹ ، ﻋﻨﺪﻱ ﻣﺒﻠﻎ ﻧﺼﻴﻦ ﺑﻴﻪ ﺣﺎﻟﻴﺎ
ﻣﺤﻤﻮﺩ ﻣﺮﺭ ﻳﺪﻩ ﻋﻠﻲ ﺷﻌﺮﻩ ﺑﻌﺼﺒﻴﻪ ﻭﻭﻗﻒ ، ﻭﻛﻴﻒ ﺑﻴﺘﻜﻠﻢ ﺟﺖ ﻋﻴﻨﻪ ﻋﻠﻲ ﺣﺎﺟﺔ ﻗﺮﺭﺏ ﻣﻨﻬﺎ
ﻭﻟﻴﺪ ﺍﺳﺘﻐﺮﺏ ﻟﻮﻳﻦ ﻳﺸﻮﻑ ﻭﻟﺤﻘﻪ ﻭﻗﺮﺭﺏ
ﻣﺤﻤﻮﺩ ﺗﻠﻔﺖ ﻟﻮﻟﻴﺪ ﺑﺼﺪﻣﻪ : ﺍﺑﺎﺩﻳﻦ ﺑﻨﺰﻳﻴﻨﻪ ، ﻭﻃﺒﺲ ﺣﻂ ﺻﺒﻌﻪ ﻓﻲ ﺣﺎﺷﻴﻪ ﺍﻟﺒﻴﺪﻭﻥ ﻭﺭﻓﻌﻪ ﺷﻤﻪ ، ﺑﻨﻨﺰﻳﻨﻪ ﻳﺎﺍﻭﻟﻴﺪ ، ﻳﻌﻨﻲ ﻓﻲ ﺣﺪ ﺣﺎﺍﺭﻕ ﺍﻟﻤﺤﻞ ﺑﻠﻌﺎﺍﻧﻲ ﺍﻗﺴﻢ ﺑﺎﻟﻠﻪ ﺑﻨﺰﻳﻨﻪ
ﻭﻟﻴﺪ ﻗﺮﺏ ﻭﻣﺼﺪﻭﻡ : ﻋﻼﺍﺵ ﻳﺤﺮﺭﻗﻮ ﺍﻟﻤﺤﻞ ﺷﻦ ﺍﻟﻐﺮﺽ
ﻓﻴﺼﻞ ﺟﺎﻫﻢ ﻭﻗﻌﺪ ﻳﺸﻮﻑ ﻟﻮﻳﻦ ﻫﻤﺎ ﻳﺸﻮﻓﻮ ﻭﺍﻧﺼﺪﻣﻮ : ﺗﻔﻜﺮﻭ ﻓﻲ ﺍﻟﻲ ﻧﻔﻜﺮ ﻓﻴﻪ
ﻣﺤﻤﻮﺩ : ﻛﺎﻥ ﻧﻌﺮﻑ ﻣﻦ ﻫﻮ ﻭﻟﺪ ﺍﻝ #####
ﻓﻴﺼﻞ ﻗﻌﺪ ﻳﺪﻭﺭ ﻋﻠﻲ ﺍﻟﺒﺎﺩﻳﻦ : ﺍﺭﺑﻌﻪ ﺍﺑﺎﺩﻳﻦ ، ﻭﻣﻠﻮﺣﻬﻢ ﺑﻌﻴﺪ !! ﻋﻨﺪﻛﻢ ﺣﺪ ﻓﻲ ﺑﻴﻨﻪ ﻭﺑﻴﻨﻜﻢ ﻋﺪﺍﻭﺓ
ﻭﻟﻴﺪ : ﻣﺎﻋﻨﺪﻳﺶ ﻋﺪﺍﻭﺍﺕ ﻣﻊ ﺣﺪ ﻭﺍﻟﻤﺤﻞ ﺗﻮﺍ ﻟﻴﻪ ﺧﻤﺲ ﺳﻨﻴﻦ ﻛﺎﻥ ﺣﺪ ﺑﻴﺤﺮﻕ ﺭﺍﻫﻮ ﺣﺮﻕ ﻣﻦ ﻗﺒﻞ ، ﻭﺗﻠﻔﺖ ﻟﻤﺤﻤﻮﺩ : ﺍﻧﺖ ﻣﺶ ﺩﺍﻳﺮﻟﻲ ﻋﺮﻛﺔ ﻣﻊ ﺣﺪ ؟
ﻣﺤﻤﻮﺩ : ﻣﺎﺗﻌﺎﺭﻛﺖ ﻣﻊ ﺣﺪ ﺍﻧﻲ ﻣﻦ ﻳﻮﻡ ﺧﺪﻳﺖ ﺍﻟﻤﺤﻞ ﻭﺍﻧﻲ ﺣﺘﻰ ﺍﻻﻭﻻﺩ ﻣﻌﺎﺵ ﻧﺘﻠﻘﻰ ﻣﻌﺎﻫﻢ
ﻭﻟﻴﺪ ﻗﻌﺪ ﻳﺪﻭﺭ ﻓﻲ ﻣﻜﺎﻧﻪ ﺑﺘﻮﺗﺮ ﻭﺣﺎﻁ ﻳﺪﻩ ﻋﻠﻲ ﺭﺍﺳﻪ ﻭﻳﻔﻜﺮ ﻣﻦ ﺍﻟﻲ ﻳﻤﻜﻦ ﻳﺪﻳﺮ ﺷﻲ ﺯﻱ ﻫﻜﻲ ﻭﻋﻼﺵ ، ﻭﻫﻮ ﻳﻠﻒ ﻳﻠﻘﻰ ، ﺍﻟﻤﺮﺍ ﺍﻟﻲ ﺍﻣﺒﻜﺮﻱ ﺷﺎﺩﻩ ﺑﻨﺘﻬﺎ ﻭﻧﺎﺯﻟﺔ ﻣﻦ ﺍﻟﺴﻴﺎﺭﻩ ﻭﺩﻣﻌﺘﻬﺎ ﻗﺎﻋﺪﻩ ﻣﺎﺟﻔﺘﺶ ﻣﻦ ﻋﻴﻨﻪ ، ﺍﻣﺸﻲ ﺗﺠﺎﻫﻬﺎ
ﻫﻲ : ﺧﻼﺹ ﻃﻔﻮ ﺍﻟﻨﺎﺭ ﻧﺒﻲ ﻧﺮﻛﺐ ﺷﻘﺘﻲ
ﻭﻟﻴﺪ ﺑﺎﺍﺳﻒ : ﻳﺎﺍﺧﺘﻲ ﺭﺍﻫﻮ ﺍﻟﺸﻘﻪ ﺍﻧﺤﺮﻗﺖ ﻛﻠﻬﺎ ﻣﺎﻓﻴﻬﺎﺵ ﺷﻲ ﺳﻠﻴﻢ
ﻫﻲ ﺩﻣﻌﺘﻬﺎ ﻧﺰﻟﺖ : ﻣﻌﻠﻴﺸﻲ ﻧﻘﻌﺪ ﻓﻲ ﺷﻘﻪ ﻣﺤﺮﻭﻗﻪ ﻭﻻﻓﻲ ﺍﻟﺸﺎﺭﻉ ﻭﺗﻮ ﻧﺪﺑﺮ ﺍﻣﻮﺭﻱ
ﻭﻟﻴﺪ : ﻫﻲ ﺣﺘﻰ ﺍﻟﺒﺎﺏ ﺍﻟﺮﺋﻴﺴﻲ ﺍﻧﺤﺮﻕ ﺣﻴﻮﻁ ﺑﺲ ﺭﺍﻫﻮ
ﻫﻲ : ﻋﺎﺩﻱ ، ﻭﻛﻴﻒ ﺟﺎﻳﻪ ﺑﺘﻤﺸﻲ
ﻭﻟﻴﺪ : ﺗﻤﺸﻲ ﻣﻌﺎﻱ ﻟﺤﻮﺵ ﺍﻟﻌﻮﻳﻠﺔ ؟ ﺍﻗﻌﺪﻱ ﻋﻨﺪﻧﺎ ﻓﺘﺮﺓ ﻣﻦ ﺑﻴﻦ ﻣﺎﺍﻟﺸﻘﻪ ﺗﻨﺪﺍﺭﻟﻬﺎ ﺻﻴﺎﻧﻪ
ﻫﻲ ﻧﺰﻟﺖ ﺭﺍﺳﻬﺎ ﻭﻗﺎﻣﺖ ﻋﻴﻨﻬﺎ ﻭﺷﺎﻓﺖ ﻟﺒﻨﺘﻬﺎ ﺍﻟﻲ ﺣﺎﻃﺘﻬﺎ ﻋﻠﻲ ﻛﺘﻔﻬﺎ ، ﺻﺢ ﻭﻳﻦ ﺑﻨﻘﻌﺪ ﻣﻊ ﺍﻟﺒﻨﺖ ﻓﻲ ﺷﻘﻪ ﻣﺤﺮﻭﻗﻪ ﺷﻦ ﺣﻨﻮﻛﻠﻬﺎ ، ﺍﻟﻔﺠﺮ ﻗﺮﻳﺐ ﻳﻄﻠﻊ ﻭﺍﻧﻲ ﻣﺎﻋﻨﺪﻳﺶ ﻭﻳﻦ ﺣﺘﻰ ﻧﺮﻗﺪﻫﺎ ، ﻧﻤﺸﻲ ﻣﻌﺎﻩ ، ﻟﻜﻦ ﺷﻦ ﻳﻘﻮﻟﻮ ﻋﻠﻴﺎ ﺍﻟﻨﺎﺱ ﻣﺎﺷﻴﻪ ﻟﺤﻮﺵ ﺑﺮﺍﻧﻴﻪ ، ﻭﺍﻧﻲ ، ﺍﻧﻲ ﻣﻄﻠﻘﻪ ﻣﺎﻋﻨﺪﻳﺶ ﺭﺍﺟﻞ ﺍﻧﻲ ﻣﺎﻋﻨﺪﻳﺶ ﺳﻨﺪ ، ﺗﻨﻬﺪﺕ
ﻭﻟﻴﺪ ﺣﺲ ﺑﻴﻬﺎ ﻭﻗﺎﻟﻠﻬﺎ : ﺗﻘﻌﺪﻱ ﻣﻊ ﺍﻣﻲ ﻭﻣﺮﺗﻲ ، ﻋﺎﺭﻓﻚ ﺧﺎﻳﻔﻪ ﻟﻜﻦ ﻣﺴﺘﺤﻴﻞ ﻧﻤﺸﻲ ﻧﺴﻴﺒﻚ ﺍﻫﻨﻲ ، ﻭﺍﻧﺘﻲ ﻗﻠﺘﻲ ﻣﺎﻋﻨﺪﻙ ﺣﺪ ، ﻭﺣﺮﺍﻡ ﻫﺎﻟﻄﻔﻠﻪ ﻭﻳﻦ ﺑﺘﺨﻠﻴﻬﺎ ، ﻟﻮ ﺗﺒﻲ ﺗﻤﺸﻲ ﺷﻮﻓﻲ ﻋﻴﻠﺘﻲ ﻟﻮ ﺍﺭﺗﺤﺘﻲ ﺍﻗﻌﺪﻱ ﻭﻟﻮ ﻣﺎﺍﺭﺗﺤﺘﻴﺶ ﺑﺮﺍﺣﺘﻚ ﺑﻌﺪﻳﻦ
ﻫﻲ ﺗﻠﻔﺘﺘﻠﻪ : ﺑﺎﻫﻲ ، ﻟﻜﻦ ﻣﺎﻧﺒﻴﺶ ﻧﻜﻮﻥ ﺣﻤﻞ ﻋﻠﻲ ﺣﺪ ﺍﻧﻲ
ﻭﻟﻴﺪ : ﺑﺎﻟﻌﻜﺲ ﺣﻤﻞ ﺷﻨﻮ ، ﻭﺍﻧﻲ ﺷﻘﺘﻚ ﻣﻦ ﻏﺪﻭﺓ ﺑﺎﺫﻥ ﺍﻟﻠﻪ ﻧﺸﻮﻑ ﻋﻤﺎﻝ ﻳﺼﻴﻨﻮﻫﺎ
ﻫﻲ : ﺍﻧﻲ ﻋﻨﺪﻱ ﻣﺒﻠﻎ ﻓﻲ ﺍﻟﻤﺼﺮﻑ ﻏﺪﻭﺓ ﻧﺴﺤﺒﻪ
ﻭﻟﻴﺪ : ﻳﺼﻴﺮ ﺧﻴﺮ ، ﻏﻴﺮ ﺗﻮﺍ ﺍﺭﻛﺒﻲ ﻟﺴﻴﺎﺭﺗﻚ ﺍﻟﺒﻨﺖ ﺭﺍﻗﺪﻩ ﺻﻘﻊ ﻋﻠﻴﻬﺎ ، ﻭﺍﻟﺤﻘﻴﻨﻲ ﺑﺎﻫﻲ
ﻫﻲ : ﺑﺎﻫﻲ ، ﻭﺍﻣﺸﺖ
ﻣﺤﻤﻮﺩ ﻛﺎﻥ ﻳﺸﻮﻑ ﻟﻮﻟﻴﺪ ﻛﻴﻒ ﻳﻜﻠﻢ ﻓﻲ ﺍﻟﻤﺮﺍ ﻭﺍﺳﺘﻐﺮﺏ ، ﺟﺎﻩ : ﻣﻦ ﻫﺎﺩﻱ ؟
ﻭﻟﻴﺪ : ﺻﺎﺣﺒﻪ ﺍﻟﺸﻘﻪ ﺍﻟﻲ ﻓﻮﻕ ﺍﻟﻤﺤﻞ
ﻣﺤﻤﻮﺩ : ﻭﻳﻦ ﺭﺍﺟﻠﻬﺎ ﺑﺎﻫﻲ ﻋﻼﺵ ﻗﺎﻋﺪﻩ ﺍﻫﻨﻲ ؟
ﻭﻟﻴﺪ : ﺍﻟﻤﺮﺍ ﻣﻄﻠﻘﻪ ﻭﻋﻨﺪﻫﺎ ﺑﻨﺖ ﻭﻣﺎﻋﻨﺪﻫﺎﺵ ﺍﻫﻞ ، ﻗﻠﺘﻠﻬﺎ ﺗﺠﻲ ﻣﻌﺎﻱ ﻟﺤﻮﺷﻨﺎ
ﻣﺤﻤﻮﺩ ﺳﻜﺖ
ﻭﻟﻴﺪ : ﺧﻴﺮﻙ ﺳﻜﺘﺖ
ﻣﺤﻤﻮﺩ : ﻣﺶ ﻋﺎﺭﻓﻪ ﻣﺶ ﻣﺮﺗﺎﺡ ﻟﻠﻤﻮﺿﻮﻉ
ﻭﻟﻴﺪ : ﻳﺎﺭﺍﺟﻞ ﺷﻦ ﻓﻴﻬﺎ ﻣﻦ ﺭﺍﺣﺔ
ﻃﺒﻌﺎ ﺍﻟﻮﻗﺖ ﻛﺎﻥ ﺍﻟﺴﺎﻋﻪ ﺧﻤﺴﻪ
ﻭﺍﻧﻲ ﻣﻦ ﺍﻟﺴﺎﻋﻪ ﻭﺍﺣﺪ ﻧﺘﺼﻞ ﺑﻮﻟﻴﺪ ﻣﺎﻳﺮﺩﺵ ﻭﻣﺤﻤﻮﺩ ﺗﻠﻴﻔﻮﻧﻪ ﻓﻲ ﺍﻟﺤﻮﺵ ، ﻗﻌﺪﺕ ﺍﻧﻲ ﻭﻧﻮﺍﻝ ﻋﻠﻲ ﺍﻋﺼﺎﺑﻨﺎ ﻭﻧﺮﺍﺟﻮ ﻗﺮﻳﺐ ﻫﺒﻠﻨﺎ
ﻣﺤﻤﻮﺩ : ﻗﺼﺪﻱ ﻣﺮﺍ ﻏﺮﻳﺒﻪ ، ﻫﻮ ﺍﻧﺖ ﻋﻨﺪﻙ ﺣﻖ ﻭﺻﺢ ﻣﺎﺗﻘﺪﺭﺵ ﺗﺨﻠﻴﻬﺎ ﺑﺮﻭﺣﻬﺎ ﻟﻜﻦ ، ﻭﺳﻜﺖ
ﻭﻟﻴﺪ : ﺷﻨﻮ ؟
ﻣﺤﻤﻮﺩ : ﺗﺘﻮﻗﻊ ﻧﺴﻴﺒﻪ ﺭﺍﺡ ﺗﺮﺿﻰ ﺑﻤﺮﺍ ﻣﺮﻭﺡ ﺑﻴﻬﺎ ﺍﻧﺖ ؟
ﻭﻟﻴﺪ : ﻳﺎﺍﺭﺍﺟﻞ ﻣﺎﺗﻠﺨﺒﻄﻠﻴﺶ ﺭﺍﺳﻲ ﺷﻦ ﻓﻴﻬﺎ ، ﻭﺑﻌﻴﺪﺕ ﺍﻧﻲ ﻣﺴﺘﺤﻴﻞ ﻧﺨﻠﻴﻬﺎ ﺑﺮﻭﺣﻬﺎ ﻫﻜﻲ ﻓﻲ ﺍﻟﺴﻴﺎﺭﻩ ، ﺍﻧﺖ ﻟﻮ ﺗﺸﻮﻑ ﺑﻨﺘﻬﺎ ﺍﻟﺼﻐﻴﺮﻩ ﻛﻴﻒ ﺗﻌﻴﻂ ﻣﺴﻜﻴﻨﻪ
ﻣﺤﻤﻮﺩ : ﺑﺎﻩ ﺗﻤﺎﻡ ﻫﻲ ﻧﻤﺸﻮ
ﻭﺭﻛﺒﻮ ﻟﻠﺴﻴﺎﺭﻩ
ﻭﻟﻴﺪ ﺳﻜﺮ ﺍﻟﺒﺎﺏ ﻭﺷﺎﻑ ﻟﺘﻠﻴﻔﻮﻧﻪ ﻛﺎﻥ ﻗﺎﻋﺪ ﻓﻲ ﺍﻟﺴﻴﺎﺭﻩ ، ﻗﺎﻣﻪ : ﺍﻳﻴﻴﻴﻮﺍﺍﺍﻩ ﻋﺸﺮﻳﻦ ﻣﻜﺎﻟﻤﻪ ﻣﻦ ﻧﻮﺳﻪ ﻭﻋﺸﺮﻩ ﻣﻦ ﻧﻮﺍﻝ
ﻣﺤﻤﻮﺩ ﻣﺲ ﺟﻴﻮﺑﻪ : ﺗﻲ ﺍﺳﻜﺖ ﺣﺘﻰ ﺍﻧﻲ ﺗﻠﻴﻔﻮﻧﻲ ﻧﺎﺳﻴﻪ ﻓﻲ ﺍﻟﺤﻮﺵ ﺗﻮ ﺭﺍﻫﻮ ﻣﺸﻐﻮﻟﻴﻦ
ﻭﻟﻴﺪ ﺍﺗﺼﻞ ﺑﻴﺎ
ﺍﻧﻲ ﻣﻦ ﺍﻭﻝ ﺭﻧﻪ ﺭﺩﻳﺖ : ﺍﻟﻮ ﻭﻟﻴﺪ ﻭﻳﻴﻨﻜﻢ ﺑﺲ ﻃﻤﻨﻲ ﺍﻧﺖ ﻛﻮﻳﺲ
ﻭﻟﻴﺪ : ﺍﻫﺪﻱ ﻳﺎﻧﻮﺳﻪ ﻭﺍﻟﻠﻪ ﻛﻮﻳﺲ ﻟﻜﻦ ﺍﻟﺘﻠﻴﻔﻮﻥ ﻧﺴﻴﺘﺘﻪ ﻓﻲ ﺍﻟﺴﻴﺎﺭﻩ ﻭﺗﻮﺍ ﻛﻴﻒ ﺑﻨﺮﻭﺣﻮ
ﺍﻧﻲ ﻗﻌﺪﺕ ﻧﺒﻜﻲ : ﻣﻌﻘﻮﻟﻪ ﻫﻜﻲ ﺗﺨﻠﻴﻨﺎ ﻣﺸﻐﻮﻭﻟﻴﻦ ﻣﺎﺗﻄﻤﻨﺎﺵ
ﻭﻟﻴﺪ : ﺣﺒﻴﺒﺘﻲ ﺍﻫﺪﻱ ﻭﺍﻟﻠﻪ ﺍﻟﻨﺎﺭ ﻛﺎﻧﺖ ﻛﺒﻴﺮﻩ ﻭﻳﺎﺩﻭﺑﻨﺎ ﻛﻴﻒ ﻃﻔﻴﻨﺎﻫﺎ
ﺍﻧﻲ ﻣﺴﺤﺖ ﺩﻣﻮﻋﻲ : ﺍﻭﻙ
ﻭﻟﻴﺪ : ﺧﻠﻲ ﺑﺎﻟﻚ ﻉ ﺭﻭﺣﻚ ﻫﻲ ﻣﺴﺎﻓﻪ ﺍﻟﻄﺮﻳﻖ ﻭﻧﺠﻲ
ﻣﺤﻤﻮﺩ ﻃﺒﻌﺎ ﻳﺸﻮﻓﻠﻪ
ﺍﻧﻲ : ﺑﺎﻫﻲ
ﻭﻟﻴﺪ : ﻧﺤﺒﻚ ﻳﺎﻫﺒﻠﻪ ﺳﻼﻡ ، ﺳﻜﺮ ﻭﺗﻠﻔﺖ ﻟﻤﺤﻤﻮﺩ ﺍﻟﻘﺎﻩ ﻳﺸﻮﻓﻠﻪ
ﻣﺤﻤﻮﺩ : ﻫﻬﻬﻬﻬﻬﻬﻪ ﻣﻌﺎﺵ ﻓﻲ ﺣﺸﻢ ﺗﻘﻮﻝ ﺍﻣﻲ ﺍﺧﺮ ﺯﻣﻦ
ﻭﻟﻴﺪ : ﻫﻬﻬﻬﻬﻬﻪ ﻭﺍﻧﺖ ﻋﻼﺵ ﻛﺎﺳﺮ ﻭﺫﻧﻚ ﻧﺪﻭﻱ ﺍﻧﻲ ﻭﻣﺮﺗﻲ ﻋﻼﺵ ﺣﺎﺷﻲ ﺭﺍﺳﻚ
ﻃﺒﻌﺎ ﺍﻟﻤﺮﺍ ﻛﺎﻧﺖ ﻭﺭﺍﻫﻢ ﺑﺎﻟﺴﻴﺎﺭﻩ
ﺍﻧﻲ : ﺍﻫﻢ ﺟﺎﻳﻴﻦ
ﻧﻮﺍﻝ : ﻛﺎﻥ ﻧﺸﺪﻫﻢ ﻧﺨﻨﻘﻬﻢ
ﺍﻧﻲ ﺿﺤﻜﺘﻨﻲ : ﻫﻬﻬﻬﻪ ﻳﺠﻲ ﻭﺣﻼﻝ ﻋﻠﻴﻚ ﺍﺧﻨﻘﻲ
ﻧﻮﺍﻝ : ﺗﻲ ﻣﺨﻠﻴﻴﻨﺎ ﺳﺎﻫﺮﻳﻦ ﻟﻠﺴﺎﻋﻪ 6 ﺍﻻ ﺷﻮﻓﻲ ﺷﻮﻓﻲ ﺍﻟﺴﺎﻋﻪ ﺍﻟﻀﻲ ﺑﺪﻱ ﻳﻄﻠﻊ
ﺍﻧﻲ : ﻗﺎﻝ ﻧﺎﺳﻲ ﺗﻠﻴﻔﻮﻧﻪ ﻓﻲ ﺍﻟﺴﻴﺎﺭﻩ
ﻧﻮﺍﻝ : ﻭﺍﻟﻤﺨﻔﻮﻭﻕ ﻫﺪﺍﻛﺎ ﻣﺨﻠﻴﻪ ﻓﻲ ﺍﻟﺤﻮﺵ ﻣﺮﺓ ﻭﺣﺪﺓ ، ﻗﺴﻤﺎ ﺑﺎﻟﻠﻪ ﻣﺎﻓﻲ ﻣﻨﻪ ﻓﺎﺍﻳﺪﻩ
ﺍﻧﻲ : ﻫﻬﻬﻬﻪ ﺧﻼﺹ ﺑﺎﻟﻠﻪ ﻋﻠﻴﻚ ﺍﺳﻜﺘﻲ ﻭﺍﻟﻠﻪ ﻣﻌﺎﺩ ﻧﻘﺪﺭ ﻧﻀﺤﻚ
ﻧﻮﺍﻝ : ﺗﻲ ﺍﻧﻲ ﻋﻠﻲ ﺍﻋﺼﺎﺑﻲ ﻭﺍﻧﺖ ﺗﻀﺤﻜﻲ
ﺍﻧﻲ : ﻫﻬﻬﻬﻪ ﻫﻮ ﺷﻜﻠﻚ ﺑﺮﻭﺣﻪ ﻭﺍﻧﺘﻲ ﻣﺘﻌﻔﻠﻘﻪ ﻳﻀﺤﻚ ﻫﻬﻬﻬﻪ
ﻧﻮﺍﻝ : ﻫﻬﻬﻬﻪ ﺣﻴﻮﺍﻧﻪ
ﻭﻗﻌﺪﻧﺎ ﻧﺮﺍﺟﻮﻭ ﻟﻴﻦ ﺳﻤﻌﻨﺎ ﺻﻮﺕ ﺍﺍﺑﺎﺏ ﺍﻟﺨﺎﺭﺟﻲ ﺍﻧﻔﺘﺢ
ﺍﻧﻲ ﺑﻨﻮﺽ : ﻧﻮﺍﻝ ﺗﺮﺍ ﺷﺪﻱ ﻳﺪﻱ ﺷﻮﻱ ﺳﺎﻋﺪﻳﻨﻲ
ﻧﻮﺍﻝ ﺳﺎﻋﺪﺗﻨﻲ ﻭﻭﻗﻔﻨﺎ ، ﺣﻄﻴﺖ ﻭﺷﺎﺣﻲ ﻋﻠﻲ ﺭﺍﺳﻲ ﻭﻃﻠﻌﺖ ، ﺍﻧﻲ ﺣﺘﻰ ﻣﺸﻴﺘﻲ ﻣﺶ ﻣﺴﺘﻘﻴﻤﻪ
ﺍﻧﻔﺘﺢ ﺍﻟﺒﺎﺏ ﺍﻟﺪﺍﺧﻠﻲ ﻭﺧﺶ ﺍﻭﻝ ﻭﺍﺣﺪ ﻣﺤﻤﻮﺩ
ﻧﻮﺍﻝ ﺗﺸﻮﻓﻠﻪ ﻭﺗﻔﻨﺺ ﻭﻫﻮ ﻣﻦ ﺷﺒﺤﺎﺗﻬﺎ ﺷﺎﺩﻩ ﺿﺤﻜﺘﻪ ﻋﻠﻴﻬﺎ
ﺍﻧﻲ : ﺍﻟﺤﻤﺪ ﻟﻠﻪ ﻉ ﺳﻼﻣﺘﻜﻢ ، ﺧﻴﺮﻩ ﻫﻜﻲ ﺷﻜﻠﻚ
ﻣﺤﻤﻮﺩ ﻟﻒ ﻟﻠﻤﺮﺍﻳﻪ ﺍﻟﻲ ﺟﻨﺒﻪ : ﻫﻬﻬﻬﻪ ﺗﻲ ﻣﺎﺍﻫﻮ ﺍﻟﺪﺧﺎﻥ ﻫﻜﻲ ﻭﻟﻴﺖ ﺍﺳﻮﺩ ، ﻭﺍﻣﺸﻲ ﺟﻬﺔ ﺍﻟﺤﻤﺎﻡ ، ﺧﻄﻢ ﺟﻨﺐ ﻧﻮﺍﻝ ﻭﻫﻤﺴﻠﻬﺎ : ﺗﻬﺒﻠﻲ ﻭﺍﻧﺘﻲ ﻣﺘﻌﻔﻠﻠﻘﻪ ﻳﺎﻫﺒﻠﺔ ، ﻭﺍﻣﺸﻲ
ﻧﻮﺍﻝ ﺍﺑﺘﺴﻤﺖ ، ﻟﻜﻦ ﻣﺎﺑﺘﺶ ﺗﺸﻮﻓﻠﻪ
ﺷﻮﻳﺔ ﻭﺧﺶ ﻭﻟﻴﺪ
ﺑﺲ ﺍﻫﻨﻲ ﻛﺎﻧﺖ ﺻﺪﻣﻪ ﻟﻴﺎ ﺧﺎﺵ ﻭﻓﻲ ﻳﺪﻩ ﺑﻨﺖ ﺷﺎﺩﻫﺎ ﺭﺍﻗﺪﻩ ، ﺍﻧﻲ ﻗﻌﺪﺕ ﻧﺸﻮﻓﻠﻪ ﻭﻣﺴﺘﻐﺮﺑﻪ ، ﻭﺷﻮﻳﺔ ﻭﺧﺸﺖ ﻣﺮﺍ
ﻫﻲ ﻛﺎﻧﺖ ﻻﺑﺴﻪ ﻋﺒﺎﻳﻪ ﻻﻓﺘﻬﺎ ﻟﻔﺎﻥ ﻭﺍﻟﺒﺎﻳﻦ ﺍﻧﻬﺎ ﺍﻧﺤﺮﻗﺖ ﻣﻦ ﻟﻮﻃﺔ ﻭﺣﺎﻃﺔ ﻭﺷﺎﺡ ﺣﻄﺎﻥ ﻭﻧﺺ ﺷﻌﺮﻫﺎ ﻃﺎﻟﻊ ، ﻋﻴﻮﻧﻬﺎ ﺣﻤﺮ ، ﺭﻏﻢ ﺍﻧﻬﻢ ﻣﻨﻔﻮﺧﺎﺕ ﻟﻜﻦ ﻗﺪﺭﺕ ﻧﺸﻮﻑ ﻟﻮﻧﻬﻢ ﺍﻻﺧﻀﺮ ﻭﺣﻼﻭﺗﻬﻢ ، ﻗﺎﻟﺖ ﺑﺼﻮﺕ ﺷﺒﻪ ﻫﺎﻣﺲ : ﺍﻟﺴﻼﻡ ﻋﻠﻴﻜﻢ
ﺍﻧﻲ ﺷﻔﺖ ﻟﻮﻟﻴﺪ ﺑﺎﺍﺳﺘﻐﺮﺍﺏ ﻭﺻﺪﻣﻪ ﻧﺒﻴﻪ ﻳﻔﺴﺮ
ﻭﻟﻴﺪ ﻭﻫﻮ ﻳﺄﺷﺮ ﻋﻠﻴﻬﺎ : ﻧﻮﺳﻪ ﻫﺎﺩﻱ ﺍﻟﻤﺮﺍ ﺍﻟﻲ ﺗﺴﻜﻦ ﻓﻮﻕ ﺷﻘﻪ ﺍﻟﻤﺤﻞ ، ﺍﻟﺸﻘﻪ ﻛﻠﻬﺎ ﺍﻧﺤﺮﻗﺖ ﺯﻱ ﻣﺎﻗﻠﺘﻠﻚ ﺍﻟﻨﺎﺭ ﻛﺎﻧﺖ ﻛﺒﻴﺮﺓ ، ﻳﺎ ..
ﻫﻲ ﻗﺎﻃﻌﺎﺗﻪ : ﺍﺳﻤﻲ ﻋﺒﻴﺮ
ﺍﻧﻲ ﻭﻋﻴﻮﻧﻲ ﻗﺎﻋﺪﻳﻦ ﻋﻠﻲ ﻭﻟﻴﺪ : ﺍﻫﻼ ﻭﺳﻬﻼ ﺗﻔﻀﻠﻲ ، ﺍﻧﻲ ﻧﺴﻴﺒﺔ ﺯﻭﺟﺔ ﻭﻟﻴﺪ ، ﻭﺍﺷﺮﺕ ﻋﻠﻲ ﻭﻟﻴﺪ
ﻋﺒﻴﺮ ﻗﺮﺑﺖ ﺳﻠﻤﺖ ﻋﻠﻴﺎ : ﺍﻥ ﺷﺎﺀ ﺍﻟﻠﻪ ﻣﺎﻧﺜﻘﻠﺶ ﻋﻠﻴﻜﻢ ﺍﻟﻔﺘﺮﺓ ﻫﺎﺩﻱ ، ﻭﻧﺰﻟﺖ ﺭﺍﺳﻬﺎ ، ﻣﻦ ﺑﻴﻦ ﻣﺎﺩﺭﺕ ﺻﻴﺎﻧﻪ ﻟﺸﻘﺘﻲ
ﺍﻧﻲ ﻣﺘﻜﻴﻪ ﺑﻴﺪﻱ ﻋﻠﻲ ﺍﻟﻄﺎﻭﻟﺔ ﺍﻟﻲ ﺟﻨﺒﻲ : ﺑﺎﻟﻌﻜﺲ ﺍﻫﻼ ﻭﺳﻬﻼ ﺑﻴﻚ
ﻋﺒﻴﺮ : ﻣﺶ ﻋﺎﺭﻓﻪ ﻛﻴﻒ ﻧﺸﻜﺮﻛﻢ ، ﻭﺳﻠﻤﺖ ﻋﻠﻲ ﻧﻮﺍﻝ
ﻧﻮﺍﻝ : ﺍﻫﻠﻴﻦ ﺍﻧﻲ ﺍﺧﺖ ﻧﺴﻴﺒﺔ
ﻋﺒﻴﺮ : ﺗﺸﺮﻑ ﺑﻤﻌﺮﻓﺘﻚ
ﻭﺷﻮﻳﺔ ﻭﻃﻠﻌﺖ ﻋﻤﺘﻲ ﻭﻫﻲ ﻣﺨﻠﻮﻋﻪ ﻣﻦ ﺻﻮﺗﻨﺎ ﻓﻲ ﺍﻟﺼﺎﻟﺔ
ﻋﻤﺘﻲ : ﺷﻦ ﻓﻲ ، ﻭﺷﺒﺤﺖ ﻟﻌﺒﻴﺮ ﻭﺯﺍﺩﺕ ﺍﺳﺘﻐﺮﺑﺖ
ﻭﻟﻴﺪ : ﻣﺎﻓﻲ ﺷﻲ ﻳﺎﺍﻣﻲ ، ﺧﻠﻮ ﻋﺒﻴﺮ ﺗﺨﺸﻮ ﺗﻮ ﻧﺤﻜﻴﻠﻜﻢ ﺍﻟﻲ ﺻﺎﺭ
ﺍﻧﻲ ﻟﻔﻴﺖ ﻭﻧﻤﺸﻲ ﺑﻤﺸﻴﺔ ﻣﺶ ﻣﺴﺘﻘﻴﻤﻪ
ﻋﺒﻴﺮ ﺑﺎﺍﺳﺘﻐﺮﺍﺏ : ﻻﺑﺎﺱ ﻋﻠﻴﻚ ﻳﺎﻧﺴﻴﺒﺔ
ﺍﻧﻲ ﺗﻠﻔﺘﻠﻬﺎ ﺍﺑﺘﺴﻤﺖ : ﺍﻟﻠﻪ ﻻﻳﻮﺭﻳﻚ ﺑﺎﺱ ، ﺩﺍﻳﺮ ﻋﻤﻠﻴﻪ ﺍﻭﻝ ﺍﻣﺲ
ﻋﺒﻴﺮ : ﺍﻫﺎﺍ ﺍﻟﺤﻤﺪ ﻟﻠﻪ ﻉ ﺳﻼﻣﺘﻚ
ﺍﻧﻲ : ﺍﻟﻠﻪ ﻳﺴﻠﻤﻚ ، ﻭﺧﺸﻴﻨﺎ ﻛﻠﻨﺎ ﻟﻠﺪﺍﺭ ، ﻭﻃﺒﻌﺎ ﻛﻞ ﻭﺍﺣﺪ ﻓﻮﻕ ﺭﺍﺳﻪ ﺍﻟﻒ ﺳﺆﺍﻝ ، ﻭﺧﺎﺻﻪ ﻋﻤﺘﻲ
ﻋﻤﺘﻲ ﺭﻛﺰﺕ ﻓﻲ ﻭﻟﻴﺪ : ﺧﻴﺮﻩ ﺣﻮﺍﻳﺠﻚ ﻫﻜﻲ ﻭﻭﺟﻬﻚ ﺍﺳﻮﺩ ﺷﻦ ﺍﻟﻲ ﺻﺎﻳﺮ
ﻭﻟﻴﺪ ﺣﻂ ﺍﻟﺒﻨﺖ ﺍﻟﺼﻐﻴﺮﻩ ﻋﻠﻲ ﻓﺮﺍﺵ ﻭﻫﻲ ﺭﺍﻗﺪﻩ ﻭﻏﻄﺘﻬﺎ ﺍﻣﻬﺎ ، ﻭﺗﻠﻔﺖ ﻟﻌﻤﺘﻲ
ﻭﻟﻴﺪ : ﻏﻴﺮ ﻗﻌﻤﺰﻱ ﺗﻮ ﻧﺤﻜﻴﻠﻚ
ﻋﻤﺘﻲ ﻗﻌﻤﺰﺕ ﻭﻛﻠﻨﺎ ﻗﻌﻤﺰﻧﺎ
ﻭﻟﻴﺪ : ﻗﻌﺪ ﻳﺤﻜﻠﻴﻨﺎ ﺍﻟﻲ ﺻﺎﺭ ﻟﺤﺪ ﻣﺎﺷﺎﻑ ﻋﺒﻴﺮ ﻭﺟﺎﺑﻬﺎ
ﻋﻤﺘﻲ : ﺑﺎﻩ ﻳﺎﺑﻨﺘﻲ ﻣﺮﺣﺒﺘﻴﻦ ﺑﻴﻚ
ﻋﺒﻴﺮ ﻣﻄﺒﺴﻪ ﺭﺍﺳﻬﺎ : ﺑﺎﺭﻙ ﺍﻟﻠﻪ ﻓﻴﻚ ﻳﺎﺣﺎﺟﺔ ﺍﻥ ﺷﺎﺀ ﺍﻟﻠﻪ ﻣﺎﻧﺜﻘﻠﺶ ﻋﻠﻴﻜﻢ ﺑﺲ
ﻋﻤﺘﻲ : ﺑﺎﻟﻌﻜﺲ ﻳﺎﺑﻨﻴﺘﻲ ﺍﻟﻨﺎﺱ ﻟﺒﻌﻀﻬﺎ ، ﺗﺄﻧﺴﻴﻨﺎ
ﻧﻮﺍﻝ ﻃﻠﻌﺖ ﺻﺒﺖ ﻋﺼﻴﺮ ﻭﺟﺎﺑﺎﺗﻪ ﻭﺿﻴﻔﺖ ﻋﺒﻴﺮ
ﻋﻤﺘﻲ : ﻭﻟﻴﺪ ﻧﻮﺽ ﺩﻭﺵ ﻭﺟﻬﻚ ﺣﺎﻟﻪ ﺍﺳﻮﺩ
ﻭﻟﻴﺪ ﻭﻗﻒ : ﺍﻳﻪ ﻫﻲ ﺑﻨﺮﻛﺐ ، ﻭﺷﺎﻓﻠﻲ
ﺍﻧﻲ ﻛﻨﺖ ﻣﺎﻋﻨﺪﻳﺶ ﺍﻱ ﺭﺩﺓ ﻓﻌﻞ ، ﻗﺼﺪﻱ ﻣﺶ ﻋﺎﺭﻓﻪ ﺷﻦ ﻧﺪﻳﺮ ﻣﺘﻜﻴﺔ ﻭﻧﺴﻤﻌﻠﻬﻢ ﻭﺧﻼﺹ
ﻭﻟﻴﺪ ﻃﺒﺲ ﺑﺎﺱ ﺍﻟﺒﻨﻴﻪ ﻭﻫﻲ ﺭﺍﻗﺪﻩ
ﻋﺒﻴﺮ ﺷﺎﻓﺘﻠﻪ ﺍﺑﺘﺴﻤﺖ
ﺍﻧﻲ ﺣﺴﻴﻴﺖ ﺑﺤﺎﺍﺍﺟﺔ ﻋﺼﺮﺭﺗﻠﻲ ﻗﻠﺒﻲ ، ﻭﺍﻟﺪﻣﻮﻉ ﺗﺠﻤﻌﻮ ﻓﻲ ﻋﻴﻮﻧﻲ ، ﻭﻗﻌﺪﺕ ﻧﺸﻮﻑ ﻟﻮﻟﻴﺪ ﻭﺍﻧﻲ ﻣﺶ ﻋﺎﺭﻓﻪ ﺷﻦ ﻧﺪﻳﺮ
ﻭﻟﻴﺪ ﺷﺎﻓﻠﻲ ﺍﻟﻘﻲ ﻋﻴﻮﻧﻲ ﻣﺘﺠﻤﻌﻪ ﻓﻴﻬﻢ ﺍﻟﺪﻣﻮﻉ ﻭﻧﺸﻮﻓﻠﻪ : ﻧﻮﺳﻪ ﺗﻘﺪﺭﻱ ﺗﻨﻮﺿﻲ ﻧﺒﻴﻚ ﺷﻮﻳﺔ
ﺍﻧﻲ ﺑﻠﻌﺖ ﺭﻳﻘﻲ : ﺑﺎﻫﻲ
ﻋﻤﺘﻲ : ﻻﻻ ﻭﻳﻦ ﺗﻨﻮﺽ ﺧﻠﻴﻬﺎ ﻣﻘﻌﻤﺰﻩ ﺗﻮ ﻧﻄﻠﻌﻮ ﺍﺣﻨﻲ ، ﻭﺍﻧﺘﻲ ﺑﻨﻴﺘﻲ ﻋﺒﻴﺮ ﺗﻌﺎﻟﻲ ﻣﻌﺎﻱ ﻟﻠﺪﺍﺭ ﺍﻟﺘﺎﻧﻴﻪ ﻧﻔﺮﺷﻠﻚ ﺗﺮﻗﺪﻱ ﺍﻛﻴﺪ ﺗﺎﻋﺒﻪ ﻃﻮﻝ ﺍﻟﻠﻴﻞ ﻓﺎﻳﻘﻪ
ﻋﺒﻴﺮ ﻧﺎﺿﺖ : ﺑﺎﻫﻲ ﻫﻲ ، ﻭﻃﻠﻌﻮ
ﻟﺤﻘﺘﻬﻢ ﻧﻮﺍﻝ ﻭﺳﻜﺮﻭ ﺍﻟﺒﺎﺏ
ﺍﻧﻲ ﻣﻨﺰﻟﻪ ﺭﺍﺳﻲ ﻭﻣﺎﻧﺒﻴﺶ ﻧﺸﻮﻓﻠﻪ
ﻭﻟﻴﺪ ﻗﻌﻤﺰ ﺟﻨﺒﻲ : ﺣﺒﻴﺒﺘﻲ ﻧﻮﺳﻪ
ﺍﻧﻲ ﻻﺭﺩ
ﻭﻟﻴﺪ ﻗﺎﻣﻠﻲ ﻭﺟﻬﻲ ﺑﻴﺪﻩ ، ﻭﺟﺖ ﻋﻴﻨﻲ ﻓﻲ ﻋﻴﻨﻪ
ﺍﻧﻲ ﻧﺰﻟﺖ ﺩﻣﻌﺘﻲ
ﻭﻟﻴﺪ ﻣﺴﺤﻬﺎ ﺑﺴﺮﻋﻪ : ﻟﻴﻴﺶ ﺍﻟﺒﻜﻲ ﺑﺲ ﺷﻦ ﺻﺎﺭ
ﺍﻧﻲ ﻟﻔﺘﺖ ﻭﺟﻬﻲ : ﺷﻲ ﻳﺎﻭﻟﻴﺪ ﺧﻠﻴﻨﻲ ﺑﺮﻭﺣﻲ ﺑﺲ
ﻭﻟﻴﺪ : ﻣﺶ ﻣﺨﻠﻴﻚ ﻟﻴﻦ ﺗﻘﻮﻟﻲ ﺧﻴﺮﻙ ، ﻭﺳﻜﺖ ﺷﻮﻳﺔ ﻭﻛﻤﻞ : ﻣﻦ ﻟﻤﺎ ﺟﺖ ﻋﺒﻴﺮ ﻭﺍﻧﺘﻲ ﺗﻀﺎﻳﻘﺘﻲ
ﺍﻧﻲ ﺯﺩﺕ ﺗﻀﺎﻳﻘﺖ ﺑﻤﺠﺮﺩ ﻣﺎﺫﻛﺮ ﺍﺳﻤﻬﺎ ، ﺑﺲ ﻣﺎﺭﺩﻳﺘﺶ
ﻭﻟﻴﺪ : ﻧﻮﺳﻪ ﺗﺮﺿﻲ ﺍﻧﺘﻲ ﻧﺨﻠﻲ ﺍﻟﻤﺮﺍ ﻣﻠﻮﺣﺔ ﻣﺎﻋﻨﺪﻫﺎﺵ ﻭﻳﻦ ﺗﻤﺸﻲ ، ﺭﺟﻮﻟﺘﻲ ﻣﺎﺗﺴﻤﺤﻠﻴﺶ ﻳﺎﻧﺴﻴﺒﺔ ﻧﺴﻴﺒﻬﺎ
ﺍﻧﻲ ﺗﻠﻔﺘﺘﻠﻪ : ﺍﻧﻲ ﻣﺎﻗﻠﺘﺶ ﺗﻀﺎﻳﻘﺖ ﻣﻨﻬﺎ ﺳﻤﻌﺘﻨﻲ ﻗﻠﺘﻠﻚ ﻋﻼﺵ ﺟﺒﺘﻬﺎ ﺍﻧﻲ ، ﺗﻜﻠﻤﺖ ؟
ﻭﻟﻴﺪ : ﺗﻲ ﻭﺍﺍﺿﺢ ﻋﻠﻲ ﻭﺟﻬﻚ ﺷﻦ ﺍﻟﻴﻮﻡ ﻭﺍﻻ ﺍﻣﺲ ﻧﻌﺮﻓﻚ ﺍﻧﻲ ،ﺭﺍﻙ ﺣﺒﻴﺒﺘﻲ ﻧﻔﻬﻤﻚ ﻣﻦ ﻏﻴﺮ ﻣﺎﺗﺘﻜﻠﻤﻲ
ﺍﻧﻲ : ﺍﻧﻲ ﻣﺶ ﻣﺘﻀﺎﻳﻘﻪ ﻣﻨﻬﺎ ﺍﻧﻲ ﻣﺘﻀﺎﻳﻘﻪ ﻣﻦ ﺍﻻﻭﻝ ﻛﻴﻒ ﺧﻠﻴﺘﻮﻧﺎ ﻣﺸﻐﻮﻟﻴﻦ ﻭﻣﺎﺗﻜﻠﻤﺘﻮﺵ ﻫﺬﺍ ﻫﻮﻭ ، ﻭﺑﻌﺪﻳﻦ ﺍﻧﺖ ﺗﻌﺮﻓﻨﻲ ﻳﻌﻨﻲ ﻣﺴﺘﺤﻴﻞ ﺣﻨﻘﻮﻟﻚ ﻣﺎﺗﺠﻴﺒﻬﺎﺵ ، ﻟﻜﻦ ﻫﻜﻲ ﺗﻀﺎﻳﻘﺖ ﺍﻧﻲ ﺑﺲ
ﻭﻟﻴﺪ ﺗﻨﻬﺪ ﺑﻀﻴﻖ : ﺍﺍﺍﻩ ﺍﻭﻭﻑ ﻳﺎﻧﻮﺳﻪ ﺍﻭﻭﻑ ﺍﻗﺴﻢ ﺑﺎﻟﻠﻪ ﺍﻟﻲ ﻓﻴﺎ ﻛﺎﻓﻴﻨﻲ ، ﻭﻗﻌﺪ ﻳﻤﺴﺢ ﻓﻲ ﻭﺟﻬﻪ ﺑﻴﺪﻳﻪ ﺑﺴﺮﻋﻪ ﻭﻋﺼﺒﻴﻪ
ﺍﻧﻲ : ﺧﻼﺹ ﻋﺎﺩﻱ ﺍﻧﺴﻰ ﺍﻧﻲ ﺑﺲ ﺍﻧﺸﻐﻠﺖ ﻋﻠﻴﻚ ، ﻭﻣﺎﺗﻀﺎﻳﻘﺶ ﺭﻭﺣﻚ
ﻭﻟﻴﺪ ﻗﺎﻡ ﺭﺍﺳﻪ ﻭﺷﺎﻓﻠﻲ : ﺗﻌﺮﻓﻲ ﻛﺎﻥ ﻓﻲ ﻇﺮﻑ ﻓﻠﻮﺱ ﻧﺎﺳﻴﻪ ﻓﻲ ﺍﻟﻤﺤﻞ ﻣﺶ ﻟﻴﺎ ﻣﺒﻠﻎ ﻛﺒﻴﺮ ﻳﺎﻧﺴﻴﺒﻪ ﻣﺶ ﻋﺎﺭﻑ ﻛﻴﻒ ﻧﺪﻳﺮ
ﺍﻧﻲ : ﻛﻢ ﺍﻟﻤﺒﻠﻎ ؟
ﻭﻟﻴﺪ : ﺛﻼﺛﻴﻦ ﺍﻟﻒ ﻟﺮﺍﺟﻞ ﺣﺎﺍﻃﻬﻢ ﻋﻨﺪﻱ ﻣﺶ ﻋﺎﺭﻑ ﻛﻴﻒ ﺣﻨﺮﺩﻫﻤﻠﻪ ﺷﻦ ﺣﻨﻘﻮﻟﻪ ، ﺍﻧﻲ ﻏﺒﻲ ﺍﻣﺒﻜﺮﻱ ﺍﻟﺼﺒﺢ ﺧﻄﻤﺖ ﻋﻠﻲ ﻣﺤﻤﻮﺩ ﻧﻤﺸﻲ ﻧﺤﻄﻬﻢ ﻓﻲ ﺩﺭﺝ ﺍﻟﻜﺎﺻﻪ ﺑﺘﺎﻉ ﺍﻟﻤﺤﻞ
ﺍﻧﻲ ﺍﻧﺼﺪﻣﺖ ﻭﺣﻄﻴﺖ ﻳﺪﻱ ﻋﻠﻲ ﻓﻤﻲ
ﻭﻟﻴﺪ : ﺍﺳﺘﻐﻔﺮ ﺍﻟﻠﻪ ﻭﺍﺗﻮﺏ ﺍﻟﻴﻪ ، ﻭﺗﻮﺍ ﺍﻟﻤﺤﻞ ﻳﺒﻲ ﺍﻟﺼﻴﺎﻧﻪ ﻭﺷﻘﻪ ﺍﻟﻤﺮﺍ ﺣﺘﻰ ﻫﻲ ﻧﺒﻲ ﻧﺪﻳﺮﻟﻬﺎ ﺍﻟﺼﻴﺎﻧﻪ ، ﺗﻌﺮﻓﻲ ﻳﺎﻧﺴﻴﺒﺔ
ﺍﻧﻲ : ﺷﻨﻮ
ﻭﻟﻴﺪ : ﺍﻟﻘﻴﻨﺎ ﺍﺑﺎﺩﻳﻦ ﺑﻨﺰﻳﻨﻪ ﻣﺶ ﺑﻌﺎﺩ ﻉ ﺍﻟﻤﺤﻞ ﻣﻠﻮﺣﺎﺕ
ﺍﻧﻲ ﺣﻄﻴﺖ ﻳﺪﻱ ﻋﻠﻲ ﻓﻤﻲ ﺍﻧﺼﺪﻣﺖ : ﻣﺎﺗﻘﻮﻟﻬﺎﺵ
ﻭﻟﻴﺪ ﻣﺴﺢ ﻋﻠﻲ ﻭﺟﻬﻪ ﺑﻴﺪﻳﻪ ﺑﻌﺼﺒﻴﻪ ﻭﺗﻮﺗﺮ : ﻭﺍﻟﻠﻪ ﻣﺎﻋﺮﻓﻨﺎﺵ ﻣﻦ ﻭﻟﺪ ﺍﻟﻜﻠﺐ ﺍﻟﻲ ﺩﺍﻳﺮﻫﺎ ﻭﺍﻻ ﻣﻦ ﻫﻤﺎﺍ ، ﺳﺎﻟﺖ ﻣﺤﻤﻮﺩ ﻗﺎﻝ ﻣﺎﻋﻨﺪﻳﺶ ﻋﺪﺍﻭﺍﺕ ﻣﻊ ﺣﺪ ، ﻭﻻ ﺍﻧﻲ ﻣﺘﻌﺎﺩﻱ ﻣﻊ ﺧﺪ ، ﻭﺑﻌﺪﻫﺎ ﺳﻜﺖ ﺷﻮﻳﺔ
ﺍﻧﻲ ﺷﻔﺘﻠﻪ ﺑﺎﺍﺳﺘﻐﺮﺍﺏ
ﻭﻟﻴﺪ : ﺍﻟﻲ ﻛﺎﻥ ﺷﺎﺩ ﺍﻟﻤﺤﻞ ﻗﺒﻞ
ﺍﻧﻲ : ﻣﻌﻘﻮﻟﺔ ، ﻗﺼﺪﻱ ﺍﻧﺖ ﺗﺘﻮﻗﻌﻪ ﻳﺪﻳﺮﻫﺎ
ﻭﻟﻴﺪ : ﻣﺴﺘﺤﻴﻞ ﺭﺍﺟﻞ ﻛﻮﻳﺲ ﻣﻌﺮﻭﻑ ﻟﻜﻦ ﻣﺎﻓﻴﺶ ﺣﺪ ﺗﺎﻧﻲ ﻳﺎﻧﺴﻴﺒﺔ ﻫﻮ ﺗﻌﺎﺭﻛﺖ ﻣﻌﺎﻩ ﻭﺑﻌﺪﻫﺎ ﺳﻴﺐ ﺍﻟﻤﺤﻞ ﻣﺶ ﻋﺎﺭﻑ ﺷﻦ ﻧﺪﻳﺮ ﺧﻼﺹ ﺭﺍﺳﻲ ﺑﻴﻨﻔﺠﺮ
ﺍﻧﻲ ﺷﺪﻳﺖ ﻳﺪﻩ : ﻭﺳﻊ ﺑﺎﻟﻚ ﻳﺎﺣﺒﻴﺒﻲ ﺭﺑﻲ ﻳﻌﻮﺿﻚ ﺧﻴﺮ ﺍﻥ ﺷﺎﺀ ﺍﻟﻠﻪ ﻭﻛﻞ ﺷﻲ ﻟﻴﻪ ﺣﻞ
ﻭﻟﻴﺪ ﺗﻨﻬﺪ : ﻳﺴﺘﺮ ﺍﻟﻠﻪ ﻭﺧﻼﺹ ، ﺍﻧﺘﻲ ﺗﻮﺍ ﺍﺭﺗﺎﺣﻲ ﻣﺎﺭﻗﺪﺗﻴﺶ ﺍﻟﻠﻴﻞ ﻛﻠﻪ
ﺍﻧﻲ : ﺍﻳﻪ ﻭﺍﻟﻠﻪ ﻧﺤﺲ ﻓﻲ ﺭﻭﺣﻲ ﻧﻌﺴﺎﻧﻪ ،ﻭﻭﻗﻤﺖ ﻳﺪﻩ ﺑﺴﺘﻬﺎ
ﺷﺎﻓﻠﻲ ﺑﺎﺳﺘﻐﺮﺍﺏ
ﺍﻧﻲ ﺿﺤﻜﺖ : ﻫﻬﻬﻪ ﺧﻴﺮﻙ ﺗﺸﻮﻓﻠﻲ ﻫﻜﻲ
ﻭﻟﻴﺪ : ﺗﻲ ﻫﺎﺩﻱ ﺣﺮﻛﺘﻲ ﺍﻧﻲ ﻣﺶ ﺍﻧﺘﻲ ، ﻭﻗﺎﻡ ﻳﺪﻳﺎ ﺍﻟﺰﻭﺯ ﻗﻌﺪ ﻳﺒﻮﺱ ﻓﻴﻬﻢ ﺑﻘﻮﺓ
ﺍﻧﻲ : ﻫﻬﻬﻬﻬﻪ ﻣﺠﻨﻮﻥ
ﻭﻟﻴﺪ ﻋﻀﻨﻲ ﻋﻠﻲ ﻳﺪﻳﺎ ﺍﻟﺰﻭﺯ
ﺍﻧﻲ : ﻫﻬﻪ ﺗﻲ ﺍﺍﻱ ﻫﻬﻪ ﺧﻴﺮﻙ
ﻭﻟﻴﺪ : ﻧﺤﺒﻬﻢ ﺍﻟﻴﺪﻳﺎﺕ ﺍﻟﺤﻠﻮﺍﺍﺕ ﻫﺎﺍﺩﻭ
ﺍﻧﻲ ﺍﺑﺘﺴﻤﺖ : ﻭﺍﻧﻲ ﻧﺤﺒﻚ
ﻭﻟﻴﺪ : ﻧﻮﺳﻪ
ﺍﻧﻲ ﺑﺎﺍﺳﺘﻐﺮﺍﺏ : ﻧﻌﻢ
ﻭﻟﻴﺪ : ﻣﻌﺎﺵ ﺗﻨﺎﺷﺒﻲ ﺭﺍﻙ ﺩﺍﻳﺮﻩ ﻋﻤﻠﻴﻪ ﺍﻭﻝ ﺍﻣﺲ ﺧﻠﻴﻨﻲ ﺻﺎﺑﺮ ﻋﻠﻲ ﻫﻤﻲ
ﺍﻧﻲ : ﻫﻬﻬﻬﻬﻬﻬﻬﻬﻬﻬﻬﻪ ، ﺍﺍﺍﺍﻱ ﻭﺣﻄﻴﺖ ﻳﺪﻱ ﻋﻠﻲ ﺟﻨﺒﻲ ، ﻭﻣﺴﺘﻤﺮﺓ ﻧﻀﺤﻚ ، ﻫﻬﻬﻬﻬﻬﻪ ﺍﺍﺍﺍﻱ
ﻭﻟﻴﺪ : ﻫﻬﻬﻬﻪ ﺗﺘﺄﻟﻢ ﻭﺗﻀﺤﻚ ﻣﺶ ﻋﺎﺭﻑ ﺍﻟﻤﺠﻨﻮﻧﻪ ﺍﻟﻲ ﺣﺎﺻﻞ ﻓﻴﻬﺎ ﺍﻧﻲ
ﺍﻧﻲ : ﻫﻬﻬﻬﻬﻪ ، ﻭﺿﺮﺑﺘﻪ ﻋﻠﻲ ﻛﺘﻔﻪ
