منقولة
الحلقةة[43]
من ﺭﻭﺍﻳﺔ - - ->" #ﺳﻨــﺪ_ﺍﻷﻧﺜــﻰ_ﺭﺟــﻞ "
ﻭﻟﻴﺪ : ﻧﻮﺳﻪ ﺧﻼﺹ ﺧﻴﺮﻙ
ﺍﻧﻲ ﻧﺒﻜﻲ ، ﺣﻄﻴﺖ ﺭﺍﺳﻲ ﻋﻠﻲ ﻛﺘﻔﻪ ، ﻭﺷﺎﺩﻩ ﻳﺪﻩ : ﺧﻔﺖ ﻳﺎﺣﺒﻴﺒﻲ ﻭﺍﻟﻠﻪ ﺧﻔﺖ ﻋﻠﻴﻚ ، ﺧﻔﺖ ﺗﻤﺸﻲ ﻭﺗﺴﻴﺒﻨﻲ ، ﻣﺎﻋﻨﺪﻳﺶ ﻗﺪﺭﻩ ﻧﺘﺤﻤﻞ ﺍﻧﻲ
ﻭﻟﻴﺪ ﻳﻤﺴﺢ ﻋﻠﻲ ﺷﻌﺮﻱ ﺑﻴﺪﻩ ﺍﻟﺘﺎﻧﻴﻪ : ﻣﺴﺘﺤﻴﻞ ﻧﺴﻴﺒﻚ ﺍﻧﻲ ﻳﺎﺭﻭﺣﻲ ﺍﻫﺪﻱ ﺑﺲ ، ﻭﺑﺎﺱ ﻋﻠﻲ ﺭﺍﺳﻲ
،،،،،،،
ﻗﺪﺍﻡ ﺣﺠﺮﺓ ﺍﻟﻌﻤﻠﻴﺎﺕ
ﺻﺤﺎﺏ ﻣﺤﻤﻮﺩ ﻛﺎﻧﻮ ﻛﻠﻬﻢ ﻗﺪﺍﻡ ﻏﺮﻓﻪ ﺍﻟﻌﻤﻠﻴﺎﺕ
ﻋﺒﺪ ﺍﻟﻘﺎﺩﺭ ﻣﻘﻌﻤﺰ ﻭﺟﻨﺒﻪ ﻋﻤﺘﻲ ﻭﻳﺮﺍﺟﻮ ، ﻋﻤﺘﻲ ﺷﻮﻳﺔ ﺷﻮﻳﺔ ﺗﺒﻜﻲ
ﺷﻮﻳﺔ ﻭﻃﻠﻊ ﺍﻟﺪﻛﺘﻮﺭ
ﺍﻟﺸﺒﺎﺏ ﻛﻠﻬﻢ ﻗﺪﻣﻮ
ﻋﺒﺪ ﺍﻟﻘﺎﺩﺭ ﻧﺎﺽ ﻭﻗﺪﻡ ﺑﺨﻄﻮﺍﺕ ﺳﺮﻳﻌﻪ
ﻋﻤﺘﻲ ﺟﺖ ﺑﺘﻨﻮﺽ ﻣﻌﺎﺵ ﻗﺪﺭﺕ ﺗﻮﻗﻒ ﺭﺟﻠﻴﻬﺎ ﻗﻌﺪﺕ ﻣﻘﻌﻤﺰﺓ
ﻛﻠﻬﻢ : ﻃﻤﻨﺎ ﻳﺎﺩﻛﺘﻮﺭ
ﺍﻟﺪﻛﺘﻮﺭ : ﺍﻟﺤﻤﺪ ﻟﻠﻪ ﻗﺪﺭﻧﺎ ﻧﺤﻮﻟﻮ ﺍﻟﺮﺻﺎﺍﺻﻪ ﻭﺣﺎﻟﺘﻪ ﻣﺶ ﺧﻄﻴﺮﺓ ﺗﻌﺘﺒﺮ ، ﻭﺍﻟﺤﻤﺪ ﻟﻠﻪ ﻉ ﺳﻼﻣﺘﻪ ، ﻭﺍﻣﺸﻲ
ﻋﺒﺪ ﺍﻟﻘﺎﺩﺭ ﺟﻲ ﻷﻣﻪ ﻃﻤﻨﻬﺎ : ﺍﻣﻲ ﺍﻧﻲ ﺧﻠﻲ ﻧﻤﺸﻲ ﻧﻘﻮﻝ ﻟﻮﻟﻴﺪ
ﻋﻤﺘﻲ : ﺑﺎﻫﻲ ﺑﺮﺍ ﺍﻧﻲ ﺧﻠﻲ ﻧﺮﺍﺟﻲ ﻟﻴﻦ ﻳﻄﻠﻌﻮ ﻣﺤﻤﻮﺩ
ﻋﺒﺪ ﺍﻟﻘﺎﺩﺭ ﺍﻣﺸﻲ
ﻭﻟﻴﺪ : ﺧﻠﻲ ﺑﻨﻮﺽ ﻧﺸﻮﻑ
ﺍﻧﻲ : ﻭﻟﻴﺪ ﺍﻟﻠﻪ ﻳﺮﺑﺤﻚ ﺭﻳﺤﻠﻲ ﺭﻭﺣﻚ ، ﺗﻮ ﻟﻤﺎ ﻳﻄﻠﻌﻮﻩ ﺍﻛﻴﺪ ﻋﺒﺪ ﺍﻟﻘﺎﺩﺭ ﻳﻄﻤﻨﻚ
ﻭﻟﻴﺪ ﻳﺤﻮﻝ ﻳﻘﻌﻤﺰ ﻭﺷﺎﺩ ﻋﻠﻲ ﺑﻄﻨﻪ : ﺑﻨﻮﺽ ﻣﺎﻧﻘﺪﺭﺵ ﻧﻘﻌﺪ ﻧﺮﺍﺟﻲ ﺍﻫﻨﻲ ﻟﻴﻦ ﻳﺠﻮﻧﻲ ﻳﻘﻮﻟﻴﻠﻲ
ﺍﻧﻲ ﺷﺪﻳﺘﻠﻪ ﻛﺘﻔﻪ : ﺣﺒﻴﺒﻲ ﻭﺍﻟﻠﻪ ﺟﺮﺣﻚ ﻗﺎﻋﺪ ﺟﺪﻳﺪ ، ﺗﻮ ﻧﻤﺸﻲ ﺍﻧﻲ ﻏﻴﺮ ﻗﻌﻤﺰ ﺑﺲ
ﻭﻟﻴﺪ : ﻧﻮﺳﺘﻲ ﺗﻌﺎﻣﻠﻲ ﻓﻴﺎ ﺗﻘﻮﻝ ﺑﻴﺒﻲ ، ﺗﻲ ﻣﺎﻓﻴﺎ ﺷﻲ
ﺍﻧﻲ : ﺍﻻ ﺍﺗﻜﻰ ﺍﻧﻲ ﺗﻮ ﻧﻤﺸﻲ ، ﻭﻭﻗﻔﺖ
ﻭﻟﻴﺪ ﺍﺗﻜﻰ : ﺍﻭﻭﻑ
ﺍﻧﻲ : ﻣﻌﺎﺵ ﺗﺘﺄﻓﻒ ﻭﺃﻧﺖ ﺯﻱ ﺍﻟﺒﻴﺒﻲ ﻭﻳﻘﻮﻟﻲ ﺍﻧﻲ ﻋﻼﺵ ﻧﻌﺎﻣﻞ ﻓﻴﻪ ﺯﻱ ﺍﻟﺒﻴﺒﻲ
ﻭﻟﻴﺪ ﺷﺎﻓﻠﻲ : ﺍﻧﻮﺿﻠﻚ ﺭﺍﻫﻮ
ﺍﻧﻲ ﻧﻠﻒ ﻓﻲ ﻭﺷﺎﺣﻲ ، ﺷﻔﺘﻠﻪ ﺑﺎﺳﺘﻔﺰﺍﺯ : ﺟﺮﺏ
ﻭﻟﻴﺪ ﺷﺪ ﺑﻄﻨﻪ ﻭﻗﻌﻤﺰ ﻭﺟﻲ ﺑﻴﻨﺰﻝ ﺑﺮﺟﻠﻴﻪ
ﺍﻧﻲ : ﻫﻬﻬﻬﻪ ﺧﻼﺹ ﺧﻼﺍﺹ ﺍﺳﻔﻪ ﻗﻌﻤﺰ ﻓﻲ ﻣﻜﺎﻧﻚ ﺑﺲ
ﻭﻟﻴﺪ ﺭﺟﻊ ﻟﻤﻜﺎﻧﻪ ، ﻭﺍﺗﻜﻰ : ﺑﺎﻫﻲ ﺗﻌﺎﻟﻲ
ﺍﻧﻲ ﻧﻠﺒﺲ ﻓﻲ ﺍﻟﻮﺷﺎﺡ : ﻻﺍ
ﻭﻟﻴﺪ : ﺍﻧﻮﺽ ﺭﺍﻫﻮ
ﺍﻧﻲ : ﺍﻭﻭﻑ ﻣﻨﻚ ، ﻭﺟﻴﺘﻪ
ﻭﻟﻴﺪ ﺟﺒﺪﻧﻲ ﻣﻦ ﻳﺪﻱ
ﺍﻧﻲ ﺣﻄﻴﺖ ﻳﺪﻱ ﻋﻠﻲ ﺟﻨﺒﻲ : ﺣﺒﻴﺒﻲ ﺭﺍﻫﻮ ﻋﻤﻠﻴﺘﻲ ﺷﻦ ﻧﺴﻴﺘﻬﺎ
ﻭﻟﻴﺪ : ﺗﻲ ﺣﻲ ﻧﺴﻴﺘﻬﺎ ﺑﻜﻞ ، ﺣﻂ ﻳﺪﻩ ﻋﻠﻲ ﺑﻄﻨﻲ : ﻳﻮﺟﻊ ﻓﻴﻚ ﻗﺎﻋﺪ
ﺍﻧﻲ : ﺷﻮﻳﺔ ﺑﺲ
ﻭﻟﻴﺪ ﺑﺎﺳﻨﻲ ﻋﻠﻲ ﺧﺪﻱ
ﻭﻓﻲ ﺍﻟﻠﺤﻈﺔ ﻫﺎﺩﻱ ﻃﻖ ﺍﻟﺒﺎﺏ
ﺍﻧﻲ ﺑﺎﻋﺪﺕ ﻭﻗﻌﻤﺰﺕ ﻉ ﺍﻟﻜﺮﺳﻲ
ﻭﻟﻴﺪ ﺍﺗﻜﻰ
ﻭﻣﻨﺎﻇﺮﻧﺎ ﺗﻘﻮﻝ ﻛﻨﺎ ﻧﺪﻳﺮﻭ ﻓﻲ ﺟﺮﻳﻤﺔ
ﻋﺒﺪ ﺍﻟﻘﺎﺩﺭ ﺧﺶ : ﻣﺤﻤﻮﺩ ﺣﻮﻟﻮﻟﻪ ﺍﻟﺮﺻﺎﺻﻪ ﺍﻟﻲ ﻓﻲ ﺭﺟﻠﻪ
ﻭﻟﻴﺪ : ﺑﺎﻩ ﺍﻟﺤﻤﺪ ﻟﻠﻪ ، ﻃﻠﻌﻮﻩ
ﻋﺒﺪ ﺍﻟﻘﺎﺩﺭ : ﺧﻠﻴﺘﻬﻢ ﺑﻴﻄﻠﻌﻮﻩ ﻋﻠﻲ ﻏﺮﻓﺘﻪ ، ﺍﻧﺖ ﺷﻦ ﺍﻣﻮﺭﻙ ﺗﻮﺍ
ﻭﻟﻴﺪ : ﺗﻤﺎﻡ ﺍﻟﺘﻤﺎﻡ
ﺍﻧﻲ : ﺍﻟﺤﻤﺪ ﻟﻠﻪ ﻉ ﺳﻼﻣﺘﻪ ﻣﺤﻤﻮﺩ
ﻋﺒﺪ ﺍﻟﻘﺎﺩﺭ : ﺍﻟﻠﻪ ﻳﺴﻠﻤﻚ ، ﺗﺒﻲ ﺣﺎﺟﺔ ﺍﻧﺖ ﻭﻟﻴﺪ
ﻭﻟﻴﺪ : ﻻﻻ ﺗﻤﺎﻡ
ﻋﺒﺪ ﺍﻟﻘﺎﺩﺭ : ﺑﻨﺮﻭﺡ ﺍﻧﻲ ﻗﻌﺪﻭ ﺍﻟﻨﺴﺎﻭﻳﻦ ﺑﺮﻭﺣﻬﻢ ﻓﻲ ﺍﻟﺤﻮﺵ ﻭﺑﻨﺮﻭﺡ ﺑﺄﻣﻲ ، ﻭﻋﻤﺎﺩ ﺟﻲ ﺣﺘﻰ ﻫﻮ ﻳﺒﻲ ﻳﺸﻮﻓﻚ
ﻭﻟﻴﺪ : ﺧﻮﺩ ﻣﻌﺎﻙ ﻧﺴﻴﺒﺔ
ﺍﻧﻲ : ﻣﺶ ﻣﺮﻭﺣﺔ ﺍﻧﻲ ﻧﻘﻌﺪ ﻣﻌﺎﻙ ﺍﻟﻠﻴﻠﻪ
ﻭﻟﻴﺪ ﻓﻨﺺ ﻓﻴﺎ : ﺷﻦ ﺗﻘﻌﺪﻱ ﺭﻭﺣﻲ ، ﺍﻧﻲ ﻣﺎﻓﻴﺎ ﺷﻲ ﻏﺪﻭﺓ ﺍﻛﻴﺪ ﻧﺮﻭﺡ
ﺍﻧﻲ : ﺍﻧﻲ ﻣﺶ ﺣﻨﺮﻭﺡ ﻳﺎﻭﻟﻴﺪ ﻭﺣﻨﻘﻌﺪ
ﻭﻟﻴﺪ ﻓﻨﺺ ﺍﻛﺜﺮ : ﻧﺴﻴﺒﺔ
ﺍﻧﻲ ﻟﻔﺘﺖ ﻭﺟﻬﻲ ﺑﻤﻌﻨﻰ ﻣﺴﻜﺮﺓ ﺭﺍﺳﻲ ﻓﻴﺶ ﻧﻘﺎﺵ
ﻋﺒﺪ ﺍﻟﻘﺎﺩﺭ : ﺍﻧﺘﻲ ﺭﻭﺣﻲ ﻳﺎﻧﺴﻴﺒﺔ ﻭﻫﻮ ﺍﻟﺸﺒﺎﺏ ﻭﺍﺣﺪ ﻣﻨﻬﻢ ﻳﻘﻌﺪ ﻣﻌﺎﻩ ﻟﻮ ﻳﺒﻲ ﺣﺎﺟﺔ ﻣﺎﻓﻴﺶ ﺩﺍﻋﻲ ﺗﻘﻌﺪﻱ
ﺍﻧﻲ ﺳﺎﻛﺘﻪ
ﻭﻟﻴﺪ : ﻧﻮﺿﻲ ﻳﺎﻧﺴﻴﺒﺔ
ﺍﻧﻲ ﺩﻣﻮﻋﻲ ﺗﺠﻤﻌﻮ ﻓﻲ ﻋﻴﻮﻧﻲ ﻭﺷﻔﺘﻠﻪ
ﻭﻟﻴﺪ ﻟﻤﺎ ﺷﺎﻓﺖ ﻋﻴﻮﻧﻲ ﻣﻌﺒﻴﺎﺕ ﺩﻣﻮﻉ ، ﺳﻜﺖ ﻭﻗﻌﺪ ﻳﺸﻮﻓﻠﻲ
ﻋﺒﺪ ﺍﻟﻘﺎﺩﺭ : ﺑﺎﻩ ﺍﻧﻲ ﻧﻤﺸﻲ ﻧﺸﻮﻑ ﻣﺤﻤﻮﺩ ، ﻭﻛﺎﻥ ﺑﺘﺮﻭﺣﻲ ﻳﺎﻧﺴﻴﺒﺔ ﻗﻮﻟﻴﻠﻲ ، ﻭﻃﻠﻊ
ﺍﻧﻲ ﻧﺰﻟﺖ ﺭﺍﺳﻲ ﻭﻗﻌﺪﻭ ﺩﻣﻮﻋﻲ ﻳﻨﺰﻟﻮ
ﻭﻟﻴﺪ ﺷﺎﻓﻠﻲ : ﺗﻮ ﻋﻼﺵ ﺗﺒﻜﻲ ، ﻋﻼﺵ ﺗﻌﺎﻧﺪﻱ ﻓﻴﺎ ﻟﻤﺎ ﻧﻘﻮﻝ ﻛﻠﻤﻪ ﻣﺎﺗﻌﺎﺭﺿﻴﻨﻴﺶ
ﺍﻧﻲ ﺳﺎﻛﺘﻪ
ﻭﻟﻴﺪ : ﻧﻮﺳﻪ ﻳﺎﺍﺳﺮ ، ﺗﻮ ﺍﻧﺘﻲ ﺍﻟﻲ ﻏﺎﻟﻄﺔ ، ﻧﻘﻮﻝ ﺭﻭﺣﻲ ﻳﻌﻨﻲ ﺧﻼﺹ ﺭﻭﺣﻲ ﻋﻼﺵ ﺗﻌﻮﺟﻲ ﻓﻲ ﺍﻟﻜﻼﻡ
ﺍﻧﻲ ﻗﻌﺪﺕ ﻧﺒﻜﻲ ﺍﻛﺜﺮ ، ﻛﺎﻥ ﺍﻟﻜﺮﺳﻲ ﻻﺻﻖ ﻓﻲ ﺳﺮﻳﺮﻩ ﺑﺎﻟﻀﺒﻂ ﻭﻛﻨﺖ ﻗﺮﻳﺒﻪ ﻣﻨﻪ
ﻭﻟﻴﺪ ﺷﺪﻧﻲ ﻣﻦ ﻛﺘﻔﻲ ، ﻭﺟﺒﺪﻧﻲ ﺟﻴﻬﺘﻪ ﻭﺣﻂ ﺭﺍﺳﻲ ﻋﻠﻲ ﺻﺪﺭﻩ : ﻣﻌﺎﺵ ﺗﺒﻜﻲ ﺍﺳﻜﺘﻲ
ﺍﻧﻲ ﻗﻌﺪﺕ ﻧﺒﻜﻲ ﺍﻛﺜﺮ ، ﻭﺑﺼﻮﺕ ﻣﺘﻘﻄﻊ : ﻋﻼﺵ ﺗﻔﻨﺺ ﻓﻴﺎ ﺍﻧﻲ ﺍﻧﻲ ﺧﺎﻳﻔﻪ ﻋﻠﻴﻚ ﺍﻧﻲ ﻣﺎﻧﺒﻴﺶ ﻧﺴﺴﻴﺒﻚ ، ﻭﺗﺸﺒﺘﺖ ﻓﻴﻪ ، ﺍﻧﻲ ﻧﺒﻲ ﻧﻘﻌﺪ ﻣﻌﺎﻙ ﺍﻧﻲ
ﻭﻟﻴﺪ ﻗﺎﻃﻌﻨﻲ : ﺑﺎﻩ ﺧﻼﺹ ﺑﻄﻠﻲ ﺑﻜﻲ ﺑﺲ ﻳﺎﺑﻜﺎﻳﻪ ﻭﺍﻧﺘﻲ ﺯﻱ ﺍﻻﻃﻔﺎﻝ
ﺍﻧﻲ ﻗﻌﺪﺕ ﻧﻀﺤﻚ ﻭﻧﺒﻜﻲ ، ﻗﻤﺖ ﺭﺍﺳﻲ ﻭﺷﻔﺖ ﻟﻌﻴﻮﻧﻪ
ﻭﻟﻴﺪ ﻗﺮﺏ ﻓﻤﻪ ﻭﺑﺎﺳﻨﻲ ﺑﻴﻦ ﻋﻴﻮﻧﻲ ، ﻭﺑﺼﻮﺕ ﻫﺎﻣﺲ : ﺭﻏﻢ ﺍﻧﻲ ﻣﺎﻧﺤﺒﻜﺶ ﺗﺒﻜﻲ ﻭﺩﻣﻮﻋﻚ ﻫﻤﺎ ﻧﻘﻄﺔ ﺿﻌﻔﻲ ، ﻟﻜﻦ ﺷﻜﻞ ﻋﻴﻮﻧﻚ ﻭﺍﻧﺘﻲ ﺗﺒﻜﻲ ﻳﺨﻠﻲ ﻓﻴﺎ ﺗﺎﻳﻪ ﻓﻴﻬﻢ ﻣﺎﻧﺒﻴﺶ ﻧﺸﻮﻑ ﻟﻐﻴﺮﻫﻢ ، ﻧﺤﺒﻚ ﻳﺎﺑﻜﺎﻳﻪ ، ﻭﺑﺎﺳﻨﻲ ﻋﻠﻲ ﺧﺪﻱ
ﺍﻧﻲ : ﻫﻬﻬﻬﻪ ﺑﺎﺭﺩ ﺭﺍﻫﻮ ، ﻭﺿﺮﺑﺘﻪ ﻋﻠﻲ ﻛﺘﻔﻪ ، ﻭﻭﺧﺮﺕ ﻗﻌﺪﺕ ﻧﻤﺴﺢ ﻓﻲ ﺩﻣﻮﻋﻲ
ﻭﻟﻴﺪ ﺑﻬﺪﻭﺀ : ﻧﻮﺳﻪ
ﺍﻧﻲ ﺷﻔﺘﻠﻪ
ﻭﻟﻴﺪ : ﻣﺎﺗﺴﻜﺮﻳﺶ ﺭﺍﺳﻚ ﺭﻭﺣﻲ ﺍﻟﻴﻮﻡ ﻭﻏﺪﻭﺓ ﻣﻦ ﺍﻟﺼﺒﺢ ﺗﻌﺎﻟﻲ
ﺍﻧﻲ : ﺣﺒﻴﺒﻲ ﺍﻧﻲ ﻣﺎﻧﺒﻴﺶ ﻧﺨﻠﻴﻚ ﺑﺮﻭﺣﻚ ، ﻟﻮ ﺗﺒﻲ ﺷﻲ ﻧﺴﺎﻋﺪﻙ ، ﻧﻌﺮﻓﻚ ﻣﺎﺗﻬﻨﻴﺶ ﻓﻲ ﺭﻭﺣﻚ ﺗﻘﻌﺪ ﺗﺘﺤﺮﻙ
ﻭﻟﻴﺪ : ﻻﻻ ﻣﺎﻧﺘﺤﺮﻛﺶ ، ﺗﻮ ﺍﻧﺘﻲ ﻳﺎﻧﻮﺳﻪ ﺑﻌﻘﻠﻚ ﺗﺒﻲ ﺗﻘﻌﺪﻱ ﻣﻌﺎﻱ ، ﺍﻟﺸﺒﺎﺏ ﻳﺠﻮﻧﻲ ﻭﺑﻴﺸﻮﻓﻮﻧﻲ ﻭﺍﻟﺪﻛﺎﺗﺮﺓ ﻭﺍﺣﺪ ﺧﺎﺵ ﻭﻭﺍﺣﺪ ﻃﺎﻟﻊ ﺍﻧﻲ ﻣﺴﺘﺤﻴﻞ ﻧﺨﻠﻴﻚ
ﺍﻧﻲ : ﺑﺎﻫﻲ ﻧﺮﻭﺡ ﻟﻜﻦ ﺑﺸﺮﻁ
ﻭﻟﻴﺪ : ﺍﻟﻲ ﻫﻮ
ﺍﻧﻲ : ﺗﺮﺩ ﺑﺎﻟﻚ ﻉ ﺭﻭﺣﻚ ﻭﻣﺎﺗﺘﺤﺮﻛﺶ ﻫﻠﺒﺎ ﻭﻣﺎﺗﻌﺒﺶ ﺭﻭﺣﻚ ﺍﺗﻜﻰ ﻭﺍﺭﺗﺎﺡ ﻓﻲ ﻓﺮﺍﺷﻚ ﺗﺒﻲ ﺣﺎﺟﺔ ﺍﻃﻠﺐ ﻣﻦ ﺍﻟﻤﻤﺮﺿﻴﻦ ﻳﺠﻴﺒﻮﻟﻚ ، ﻣﻤﺮﺿﺎﺕ ﻣﺎﺩﺍﺑﻴﻚ ﻓﻜﻚ ﻣﻨﻬﻢ ، ﻭﺗﻜﻠﻤﻨﻲ ﺗﻄﻤﻨﻲ ﻋﻠﻴﻚ
ﻭﻟﻴﺪ ﻗﻌﺪ ﻛﺄﻧﻪ ﻳﻌﺪ ﺑﻴﺪﻳﻪ
ﺍﻧﻲ ﺷﻔﺘﻠﻪ ﺑﺎﺍﺳﺘﻐﺮﺍﺏ
ﻭﻟﻴﺪ ﺩﺍﺭ ﺭﻗﻢ 7 ﺑﻴﺪﻳﻪ : ﻫﺎﺩﻭ ﺳﺒﻌﻪ ﺷﺮﻭﻁ ﻣﺶ ﺷﺮﻁ ﻭﻭﺍﺣﺪ
ﺍﻧﻲ : ﻫﻬﻬﻬﻪ ﺑﻄﻞ ﺑﺮﺍﺩﻩ
ﻭﻟﻴﺪ ﺟﺒﺪﻧﻲ ﻭﺣﻂ ﺭﺍﺳﻲ ﻋﻠﻲ ﺻﺪﺭﻩ ﻭﺍﺗﻜﻰ
ﺍﻧﻲ : ﻭﻟﻴﺪ
ﻭﻟﻴﺪ : ﻋﻴﻮﻧﻪ
ﺍﻧﻲ : ﻣﺶ ﺣﺘﺴﻴﺒﻨﻲ ﻭﺍﻻ
ﻭﻟﻴﺪ ﺑﺎﺱ ﺭﺍﺳﻲ : ﻣﺴﺘﺤﻴﻞ
ﺍﻣﺎ ﻣﺤﻤﻮﺩ ﻃﻠﻌﻮﻩ ﻟﺤﺠﺮﺗﻪ ﺧﺸﺖ ﻋﻤﺘﻲ ﻗﻌﻤﺰﺕ ، ﻭﻗﺎﻟﺖ ﻟﻌﺒﺪ ﺍﻟﻘﺎﺩﺭ ﺍﻧﻬﺎ ﻣﺶ ﺣﺘﺮﻭﺡ ﻟﻴﻦ ﻳﻔﻴﻖ ﻣﺤﻤﻮﺩ ﺗﺘﻄﻤﻦ ﻋﻠﻴﻪ ﺍﻷﻭﻝ
ﺷﻮﻳﺔ ﻭﻃﻖ ﺍﻟﺒﺎﺏ
ﺍﻧﻲ ﻗﻌﻤﺰﺕ ﻭﻭﺳﻴﺖ ﺭﻭﺣﻲ
ﻭﻟﻴﺪ : ﻛﺎﻥ ﺗﻤﺸﻲ ﺟﻨﺐ ﺍﻣﻲ ﺍﻛﻴﺪ ﻭﺍﺣﺪ ﻣﻦ ﺍﻟﺸﺒﺎﺏ
ﺍﻧﻲ ﻭﻗﻔﺖ : ﺑﺎﻫﻲ
ﺷﻮﻳﺔ ﻭﺧﺶ ﻋﻤﺎﺩ ﺭﺍﺟﻞ ﻣﻨﻰ
ﻋﻤﺎﺩ : ﺍﻟﺴﻼﻡ ﻋﻠﻴﻜﻢ
ﺍﻧﻲ ﻭﻭﻟﻴﺪ : ﻭﻋﻠﻴﻜﻢ ﺍﻟﺴﻼﻡ
ﺍﻧﻲ ﻃﻠﻌﺖ ، ﻭﺧﻠﻴﺖ ﻋﻤﺎﺩ ﻣﻊ ﻭﻟﻴﺪ
ﻟﻜﻦ ﺑﻌﺪ ﻃﻠﻌﺖ ﻣﻌﺎﺵ ﻋﺮﻓﺖ ﻭﻳﻦ ﻧﻤﺸﻲ ﻣﺤﻤﻮﺩ ﺣﺠﺮﺗﻪ ﺍﺻﻼ ﻭﻳﻦ ، ﻭﻋﻤﺘﻲ ﻭﻳﻦ ، ﻗﻌﻤﺰﺕ ﻉ ﺍﻟﻜﺮﺳﻲ ﻧﺮﺍﺟﻲ
،،،،،،،،
ﺳﺎﺭﻩ ﺧﺸﺖ : ﺍﻭﻭﻑ ﻳﺎﻣﻌﺎﺩ
ﻣﻌﺎﺩ ﻭﺭﺍﻫﺎ : ﺗﻲ ﺍﻧﻲ ﺍﻟﻈﺎﻟﻢ ﺍﺻﻼ ﺍﻟﻲ ﺭﺍﻓﻌﻚ ، ﻣﺎﺩﺍﻡ ﻋﺎﺭﻓﻪ ﺭﻭﺣﻚ ﺑﺘﺪﻳﺮﻱ ﻫﺎﻟﻠﺒﺰ ﻓﻲ ﻭﺟﻬﻚ ﻋﻼﺵ ﻣﺎﺗﺮﻓﻌﻴﺶ ﺧﻤﺎﺭ ﺗﺤﻄﻴﻪ ﻋﻠﻲ ﺧﻠﻴﻘﺘﻚ
ﺳﺎﺭﺓ : ﺗﻲ ﺑﺎﻟﻠﻪ ﺭﻳﺤﻨﻲ ﺗﺮﺍﺍ ، ﻭﺧﺸﺖ
ﻣﻌﺎﺩ ﺑﺼﻮﺕ ﻋﺎﻟﻲ : ﺗﻲ ﻭﺍﻟﻠﻪ ﺍﻟﻤﺮﺓ ﻫﺎﺩﻱ ﻣﺸﻴﺘﻬﺎ ﺍﻟﻤﺮﺓ ﺍﻟﺠﺎﻳﺔ ﺗﺸﻮﻓﻲ ﻣﺼﻴﺮﻙ
ﺧﺎﻟﺘﻲ ﻃﻠﻌﺖ : ﺧﻴﺮﻛﻢ ﺧﻴﺮﻛﻢ ﺷﻦ ﻓﻲ ﺻﻮﺗﻚ ﻋﺎﻟﻲ ﻫﻜﻲ
ﻣﻌﺎﺩ : ﻓﺮﺭﺧﺘﻲ ﺍﻫﻴﺎﺍ ﻃﺎﻟﻌﻪ ﻣﻦ ﺍﻟﻤﺰﻳﻦ ﺣﺘﻰ ﺍﻟﺸﺎﺭﺑﻪ ﻣﺶ ﻻﺑﺴﺘﻬﺎ ﺑﺎﺍﻫﻲ ، ﻭﻭﺟﻬﻬﺎ ﻣﻠﺒﺰ ، ﻭﻟﻤﺎ ﻗﻠﺘﻠﻬﺎ ﻛﻴﻒ ﺗﻘﻮﻟﻲ ﻣﺎﺩﺧﻠﻜﺶ ﺷﻦ ﺑﺘﻘﻌﺪ ﻋﻠﻲ ﺣﻞ ﺷﻌﺮﻫﺎ ﻫﻲ
ﺳﺎﺭﺓ ﻃﻠﻌﺖ ﺭﺍﺳﻬﺎ ﻣﻦ ﺍﻟﺪﺍﺭ : ﺗﻲ ﺭﻳﺤﻠﻲ ﻋﻈﺎﺍﻣﻚ ﻫﻲ ﺭﻳﺤﺔ ﺭﺳﻤﺔ ﻋﻴﻦ ﺩﺍﺭﺗﻬﺎﻟﻲ ﻭﺍﻧﺖ ﺗﺸﺤﻂ
ﻣﻌﺎﺩ ﻗﺎﺍﻡ ﻛﻨﺪﺭﺓ ﺟﻨﺒﻪ ﻭﺣﺬﻓﻬﺎ ﻋﻠﻴﻬﺎ
ﻟﻜﻦ ﺳﺎﺭﺓ ﺳﻜﺮﺕ ﺍﻟﺒﺎﺏ ﺑﺴﺮﺭﻋﻪ ﻓﺠﺖ ﻓﻲ ﺍﻟﺒﺎﺏ ، ﺧﺸﺖ ﻭﻗﻌﺪﺕ ﺗﻄﻠﻊ ﻓﻲ ﻗﻔﻄﺎﺍﻧﻪ ﻭﺗﻀﺤﻚ ﻭﻣﺶ ﻣﻌﺪﻟﻪ
ﺍﻣﺎ ﻣﻌﺎﺩ ﻳﻐﻠﻲ : ﻳﻨﻌﻦ .... ﺍﻗﺴﻢ ﺑﺎﻟﻠﻪ ﻧﻮﺭﻳﻚ ﻳﺎﻓﺮﺧﻪ ﺑﺎﺍﺍﻫﻲ
ﺧﺎﻟﺘﻲ : ﺗﻲ ﻳﺎﺍﺳﺮ ﻣﻦ ﺍﻟﻌﺎﺍﺭ ﺧﻼﺹ ﻣﺎﺻﺎﺭ ﺷﻲ ﺗﻮ ﺍﻟﻤﺮﺓ ﺍﻟﺠﺎﻳﺔ ﺗﻠﺒﺲ
ﻣﻌﺎﺩ : ﺍﻳﻪ ﺍﻧﺘﻲ ﺯﻳﺪﻳﻬﺎﺍ ، ﺗﻲ ﻗﺪﺍﻡ ﺍﻟﻤﺰﻳﻦ ﻛﻤﺸﺔ ﻣﻔﺮﺥ ﻭﺍﻗﻔﻴﻦ ﻭﻳﺘﺸﺒﺤﻮﻭ ﺷﻦ ﻃﺮﻃﻮﺭ ﺍﻧﻲ ﻣﻌﺎﻫﺎ
ﻣﺎﻣﺎ ﻃﺎﻟﻌﻪ ﻣﻦ ﺍﻟﻤﻄﺒﺦ : ﻣﻌﻠﻴﺸﻲ ﻳﺎﻣﻌﺎﺩ ﻫﺪﻱ ﺭﻭﺣﻚ ﻣﺎﺻﺎﺭ ﺷﻲ
ﻣﻌﺎﺩ ﻗﻌﻤﺰ : ﺗﻲ ﺑﺎﺍﻫﻲ ، ﺳﺮﻭﻭﻭﻭﺭ ﺳﺮﻭﻭﻭﺭ
ﺧﺎﻟﺘﻲ : ﺷﻦ ﺗﺒﻲ ﻓﻴﻬﺎ
ﺳﺮﻭﺭ ﻓﻲ ﺍﻟﺪﺍﺭ ﻣﻊ ﻧﺮﺟﺲ : ﺍﻭﻭﻑ ﺷﻦ ﻳﺒﻲ ﺗﻮﺍ
ﻧﺮﺟﺲ : ﺷﻮﻓﻴﻪ
ﺳﺮﻭﺭ ﺗﺴﺘﺸﻮﺭ ﻓﻲ ﺷﻌﺮﻫﺎ : ﺑﺎﻟﻠﻪ ﻋﻠﻴﻚ ﺷﻮﻓﻴﻪ ﺍﻧﺘﻲ
ﻧﺮﺟﺲ : ﺑﻨﻄﻠﻊ ﺑﻠﺒﺴﺘﻲ ﻫﺎﺩﻱ ( ﻛﺎﻧﺖ ﻻﺑﺴﻪ ﺑﻨﻄﻠﻮﻥ ﺟﻴﻨﺰ ﺍﺯﺭﻕ ﻭﻋﻠﻴﻪ ﺑﻠﻮﺯﻩ ﻭﺭﺩﻱ ﻫﺎﺩﻱ ﻣﻦ ﻏﻴﺮ ﻛﻤﺎﻡ )
ﺳﺮﻭﺭ : ﺗﻲ ﻋﺎﺩﻱ ﺣﻄﻲ ﺣﺎﺟﺔ ﻋﻠﻲ ﻛﺘﺎﻓﻚ
ﻧﺮﺟﺲ : ﺟﺎﻛﻴﺘﻲ ﺑﺮﺍ
ﺳﺮﻭﺭ : ﻧﺮﺟﺲ ﻣﺎﺗﻜﺒﺮﻳﺶ ﺍﻟﻤﻮﺿﻮﻉ ﻭﺍﻃﻠﻌﻲ
ﻧﺮﺟﺲ ﺟﺒﺪﺕ ﻭﺷﺎﺡ ﻟﺒﺴﺎﺗﻪ ﻭﻃﻠﻌﺖ
ﻣﻌﺎﺩ : ﻭﻳﻦ ﺳﺮﻭﺭ
ﻧﺮﺟﺲ : ﺳﺮﻭﺭ ﺗﺪﻳﺮ ﻓﻲ ﺷﻌﺮﻫﺎ ﺗﺒﻲ ﺣﺎﺟﺔ ؟
ﻣﻌﺎﺩ : ﻧﺒﻲ ﺗﺪﻳﺮﻟﻲ ﻗﻬﻮﺓ
ﻧﺮﺟﺲ : ﺑﺎﻩ ﺗﻮ ﻧﺪﻳﺮﻫﺎ ﺍﻧﻲ
،،،،،،،،،
ﻭﻓﺎﺀ ﺳﻜﺮﺕ ﺍﻟﺘﻠﻴﻔﻮﻥ : ﺍﻫﻮ ﺍﻟﺤﻤﺪ ﻟﻠﻪ ﻃﻤﻨﺎ ﻏﻴﺮ ﻗﺎﻋﺪ ﻣﺒﻨﺞ
ﻣﻨﻰ ﺗﻤﺴﺢ ﻓﻲ ﺩﻣﻮﻋﻬﺎ : ﺑﺎﻩ ﺍﻟﺤﻤﺪ ﻟﻠﻪ ، ﺣﺘﻰ ﻋﻤﺎﺩ ﺍﻣﺸﻲ ﻛﺎﻥ ﻫﺪﺍ ﺭﺍﻫﻮ ﺍﻣﺸﻴﺖ ﻣﻌﺎﻩ ﺷﻔﺘﻪ
ﻧﻮﺭﺱ ﻣﻘﻌﻤﺰﺓ ﺟﻨﺐ ﻧﻮﺍﻝ ﺗﻬﺪﻱ ﻓﻴﻬﺎ ، ﺑﻌﺪﻫﺎ ﻗﺎﻣﺖ ﺍﻟﻤﻮﺑﺎﻳﻞ ، ﻭﻗﺎﻟﺖ ﻟﻨﻮﺍﻝ ﺑﺼﻮﺕ ﻭﺍﻃﻲ : ﺗﻮ ﻧﺠﻴﻚ
ﻃﻠﻌﺖ ﻟﻠﺠﻨﺎﻥ ﻭﺍﺗﺼﻠﺖ
ﻋﺪﻧﺎﻥ : ﺍﻟﻮ
ﻧﻮﺭﺱ : ﺍﻟﻮ ﻋﺪﻧﺎﻥ ﻃﻤﻨﻲ ﻭﺻﻠﺖ ﻟﻠﺤﻮﺵ
ﻋﺪﻧﺎﻥ : ﺍﻳﻪ ﻭﺻﻠﺖ ﺍﻫﻮ ﻛﻴﻒ ﺑﻨﻨﺰﻝ
ﻧﻮﺭﺱ : ﺑﺎﻩ ﻏﻴﺮ ﻛﻮﻝ ﺣﺎﺟﺔ ﺑﺲ ﺗﻌﻮﺽ ﺩﻣﻚ
ﻋﺒﻴﺮ ﻣﻦ ﻛﺜﺮ ﺍﻟﺒﻜﻲ ﺭﻗﺪﺕ
ﻣﻨﻰ ﺑﺼﻮﺕ ﻭﺍﻃﻲ : ﺳﺨﻔﺘﻨﻲ ﻣﺴﻜﻴﻨﻪ
ﻭﻓﺎﺀ : ﻛﺎﻥ ﺍﻟﻲ ﺣﻜﺎﺗﻪ ﺭﺣﻤﺔ ، ﻣﺴﻜﻴﻨﻪ ﺑﺠﺪﻳﺎﺕ ﻋﺎﻧﺖ ﻫﻠﺒﺎ ﻗﺼﺪﻱ ﺣﺘﻰ ﺧﻮﺗﻬﺎ ﻣﻌﻘﻮﻟﻪ ﻣﺎﻳﺪﻭﺭﻭﺵ ﺍﺧﺘﻬﻢ
ﻣﻨﻰ : ﺍﺷﺒﺢ ﺷﻦ ﻗﺼﺘﻬﻢ ﻳﺴﺘﺮ ﺍﻟﻠﻪ ﻭﺧﻼﺹ
،،،،،،،،
ﻣﺤﻤﻮﺩ ﻓﺎﻕ ﻣﻦ ﻋﺸﺮﻩ ﺩﻗﺎﻳﻖ ﻫﻜﻲ
ﺍﺗﺼﻠﺖ ﺑﻨﻮﺍﻝ ﻃﻤﻨﺘﻬﺎ ﻭﻃﻤﻨﺖ ﺍﻟﻲ ﻓﻲ ﺍﻟﺤﻮﺵ ، ﻋﺒﺪ ﺍﻟﻘﺎﺩﺭ ﻗﺎﻝ ﻫﻴﺎ ﺑﻴﺮﻭﺡ ﺑﻴﻨﺎ
ﻗﺎﻋﺪﻳﻦ ﻓﻲ ﺩﺍﺭ ﻣﺤﻤﻮﺩ ، ﻫﻮ ﺗﻌﺒﺎﻥ ﻓﻜﻴﻒ ﺑﻨﻄﻠﻌﻮ ﻳﻨﻔﺘﺢ ﺍﻟﺒﺎﺏ
ﺍﻧﻲ : ﻫﻴﻴﻴﻴﻲ ﺷﻦ ﻧﻮﺿﻚ
ﻭﻟﻴﺪ ﺧﺎﺵ ﻭﺳﻜﺮ ﺍﻟﺒﺎﺏ ﻭﺭﺍﻩ : ﺍﻟﺤﻤﺪ ﻟﻠﻪ ﻉ ﺳﻼﻣﻪ
ﻣﺤﻤﻮﺩ ﺑﺘﻌﺐ : ﺍﻟﻠﻪ ﻳﺴﻠﻤﻚ
ﺍﻧﻲ : ﻭﻟﻴﺪ ﻭﻟﻲ ﻟﺤﺠﺮﺗﻚ ، ﻋﻤﻴﻤﻪ ﻛﻠﻤﻴﻪ ﺷﻮﻓﻴﻪ ﺗﺎﻋﺐ ﻭﻣﺶ ﻣﻬﻨﻲ ﺭﻭﺣﻪ
ﻋﻤﺘﻲ : ﺍﻟﻠﻪ ﻳﺮﺑﺤﻚ ﻳﺎﻭﻟﻴﺪﻱ ﺭﻳﺢ ﺭﻭﺣﻚ ، ﺍﻟﺤﻤﺪ ﻟﻠﻪ ﺍﻟﻲ ﻃﻠﻌﺘﻮ ﻣﻨﻬﺎ
ﻣﺤﻤﻮﺩ ﺑﺘﻌﺐ : ﺷﻦ ﺻﺎﺭ ﻓﻴﻪ ﺍﻟﻜﻠﺐ
ﻋﺒﺪ ﺍﻟﻘﺎﺩﺭ : ﻓﻲ ﺍﺣﺘﻤﺎﻝ ﻗﺘﻠﻮﻩ ﺍﻟﻜﺘﻴﺒﻪ
ﺍﻧﻲ ﺣﻄﻴﺖ ﻳﺪﻱ ﻋﻠﻲ ﻓﻤﻲ ﺑﺼﺪﻣﻪ
ﻭﻟﻴﺪ ﺷﺪ ﻳﺪﻱ
ﺍﻧﻲ ﺷﻔﺘﻠﻪ ، ﺍﺑﺘﺴﻤﻠﻲ
ﻣﺤﻤﻮﺩ : ﺧﻠﻲ ﻳﻘﺘﻠﻮ ﺍﺻﻼ ﻛﺎﻥ ﻣﺎﻗﺘﻠﻮﺷﻲ ﺭﺍﻫﻮ ﻗﺘﻠﺘﻪ ﺍﻧﻲ
ﻋﻤﺘﻲ : ﺭﻳﺤﻠﻲ ﺭﻭﺣﻚ ، ﺍﻧﻲ ﻭﺍﻟﻠﻪ ﻣﻌﺎﺩ ﻋﻨﺪﻱ ﺟﻬﺪ ﻟﻠﺮﻋﺎﻳﺶ ﺍﻫﻮ ﺣﺘﻰ ﺭﺟﻠﻴﺎ ﻣﻌﺎﺩ ﻗﺎﺩﺭﻩ ﻧﻮﻗﻒ ﻋﻠﻴﻬﻢ ، ﻓﻜﻮﻧﻲ ﻣﻦ ﺍﻟﻤﺸﺎﻛﻞ
ﻋﺒﺪ ﺍﻟﻘﺎﺩﺭ ﻓﻨﺺ ﻓﻲ ﻣﺤﻤﻮﺩ : ﻣﺎﺗﺮﻋﺸﻴﺶ ﺭﻭﺣﻚ ﻳﺎﺍﻣﻲ ﺍﻥ ﺷﺎﺀ ﺍﻟﻠﻪ ﻣﺎﻳﺼﻴﺮ ﺷﻲ
ﺍﻧﻲ ﺷﺪﻳﺖ ﻳﺪ ﻭﻟﻴﺪ : ﻭﻟﻴﺪ ﻫﻴﺎ ﺑﺎﻟﻠﻪ ﻋﻠﻴﻚ ﺍﺭﺟﻊ ﻟﻐﺮﻓﺘﻚ ﺟﺮﺣﻚ ﺟﺪﻳﺪ ﺧﻴﺮﻙ ﻫﻜﻲ
ﻭﻟﻴﺪ : ﺗﻲ ﻭﺍﺍﺍﻙ ﻳﺎﻧﻮﺳﻪ ﺗﻲ ﻭﺍﻟﻠﻪ ﻛﻮﻳﺲ ﻣﺎﻓﻴﺎ ﺷﻲ
ﺍﻧﻲ : ﻋﻤﻴﻤﻪ ﻛﻠﻤﻴﻪ
ﻭﻟﻴﺪ : ﻫﻬﻬﻬﻬﻬﻪ ﺣﻠﻮﺓ ﻋﻤﻴﻤﻪ ﻛﻠﻤﻴﻪ
ﻋﻤﺘﻲ : ﻫﻬﻬﻬﻪ ﺧﺎﻳﻔﻪ ﻋﻠﻴﻚ ﻳﺎﻭﻟﻴﺪﻱ ﺍﺳﻤﻊ ﺍﻟﻜﻼﻡ
ﺍﻧﻲ : ﺍﻫﻮ ﻗﺎﻟﺘﻠﻚ ﺍﺳﻤﻊ ﺍﻟﻜﻼﻡ ﻫﻲ ﺍﺳﻤﻊ ﻛﻼﻣﻲ ﻭﺍﺭﺟﻊ ﻟﺪﺍﺭﻙ
ﻭﻟﻴﺪ : ﺑﺎﻩ ﻧﻘﻌﻤﺰ ﺷﻮﻳﺔ ﺍﻫﻨﻲ ، ﺍﻧﺘﻮ ﺭﻭﺣﻮ ﻭﺗﻮ ﻧﻮﻟﻲ ﻟﺪﺍﺭﻱ
ﺍﻧﻲ : ﻭﻋﺪ ؟
ﻭﻟﻴﺪ : ﻭﻋﺪ ﻫﻬﻪ
ﻃﻠﻌﻨﺎ ﺭﻭﺣﻨﺎ ﻭﺍﻧﻲ ﺑﺎﻟﻲ ﻋﻨﺪ ﻭﻟﻴﺪ
ﺍﻣﺎ ﻭﻟﻴﺪ ﻗﻌﻤﺰ ﻉ ﺍﻟﻜﻨﺒﺔ ﻭﺗﻜﻰ ﺭﺍﺳﻬﺎ ﺍﻟﺘﺎﻟﻲ : ﺷﻦ ﺗﺤﺲ ﺗﻮﺍ
ﻣﺤﻤﻮﺩ : ﻻﻻ ﺍﻻﻣﻮﺭ ﺗﻤﺎﻡ
ﻭﻗﻌﺪ ﻭﻟﻴﺪ ﺟﻨﺐ ﻣﺤﻤﻮﺩ ﻳﻬﺪﺭﺯ ﻋﻠﻴﻪ
،،،،،،،،،
ﻧﻮﺭﺱ : ﺣﻲ ﻋﻠﻴﺎ ﻣﺎﻗﻠﺘﺶ ﻟﻤﺎﻣﺎ
ﻧﻮﺍﻝ : ﺍﻧﺘﻲ ﺑﺘﺮﻭﺣﻲ ﺑﻴﻬﺎ ﺍﻟﻴﻮﻡ
ﻧﻮﺭﺱ : ﻋﻠﻲ ﺍﺳﺎﺱ ، ﻟﻜﻦ ﺍﻟﺪﻧﻴﺎ ﻇﻠﻤﺖ ﻭﻫﻲ ﻏﺮﻳﺒﻪ ﻣﺎﺍﺗﺼﻠﺘﺶ ،ﻭﻗﺎﻣﺖ ﺗﻠﻴﻔﻮﻧﻬﺎ ﺍﺗﺼﻠﺖ ﺑﻤﺎﻣﺎ
ﻣﺎﻣﺎ ﻛﺎﻧﺖ ﻣﺶ ﻣﺴﺘﺎﻗﻈﺔ ﺑﺎﻟﻮﻗﺖ
ﻛﺎﻧﻮ ﺍﻣﺎﻟﻲ ﻣﻌﺘﺼﻢ ﺧﻄﻴﺐ ﺳﺎﺭﻩ ﻛﻴﻒ ﻣﺮﻭﺣﻴﻦ ، ﺷﺮﻳﻦ ﻓﻮﻧﻬﺎ
ﻧﻮﺭﺱ : ﺍﻟﻮ ﻳﺎﻣﺎﻣﺎ
ﻣﺎﻣﺎ : ﺍﻫﻠﻴﻦ ﺷﻦ ﺣﺎﻝ ﺍﺧﺘﻚ
ﻧﻮﺭﺱ : ﻣﺎﻣﺎ ، ﺍﻧﺘﻲ ﺑﺎﺗﻲ ﺍﻟﻴﻮﻡ ﻋﻨﺪ ﺧﺎﻟﺘﻲ ، ﻏﺪﻭﺓ ﻧﺠﻴﻚ
ﻣﺎﻣﺎ : ﻭﻋﻼﺵ ، ﻭﺷﺎﻓﺖ ﻟﻠﺴﺎﻋﻪ
ﻧﻮﺭﺱ : ﻣﺎﻣﺎ ﺻﺎﺭﻭ ﻫﻠﺒﺎ ﺣﺎﺟﺎﺕ ﺍﻫﻨﻲ ﻣﺶ ﻓﺎﻫﻤﻪ ﻛﻮﻳﺲ ﺍﻧﻲ ، ﻟﻜﻦ ﻭﻟﻴﺪ ﻭﻣﺤﻤﻮﺩ ﺳﻠﻒ ﻧﺴﻴﺒﺔ ﺍﻧﻀﺮﺑﻮ ﺻﺎﺭﺕ ﻋﺮﻛﺔ ﺍﻭ ﺣﺎﺟﺔ ﺯﻱ ﻫﻜﻲ ، ﺣﺘﻰ ﻋﺪﻧﺎﻥ ﻛﺎﻥ ﺣﺎﺿﺮ ، ﻭﺻﺎﺭﺕ ﺩﻭﺷﺔ ، ﻭﻧﺴﻴﺒﻪ ﻋﻨﺪ ﻭﻟﻴﺪ ﺗﻮﺍ ﻓﻲ ﺍﻟﻤﺴﺘﺸﻔﻰ ﻗﺎﻋﺪﻳﻦ ﻣﺎﺭﻭﺣﻮﺵ ﻧﺒﻲ ﻧﻘﻌﺪ ﻣﻌﺎﻫﺎ ﺍﻟﻠﻴﻠﻪ
ﻣﺎﻣﺎ ﻣﺼﺪﻭﻣﻪ ﻭﺗﺤﺎﻭﻝ ﺗﺴﺘﻮﻋﺐ ، ﻧﻮﺭﺱ ﺣﻄﺘﻬﻮﻟﻬﺎ ﻫﻜﻲ ﻣﻊ ﺑﻌﺾ : ﺷﻦ ﺗﻘﻮﻟﻲ ﺍﻧﺘﻲ
ﻧﻮﺭﺱ : ﻫﺬﺍ ﺍﻟﻲ ﺻﺎﺭ ﻳﺎﻣﺎﻣﺎ ، ﻭﻟﻴﺪ ﻃﻌﻨﻮﻩ ﻓﻲ ﺑﻄﻨﻪ ﺑﻤﻮﺱ ﻭﻣﺤﻤﻮﺩ ﺧﻮﻩ ﺍﻧﻀﺮﺏ ﺑﺮﺻﺎﺻﻪ ﻓﻲ ﺭﺟﻠﻪ
ﻣﺎﻣﺎ ﺍﻧﺼﺪﻣﺖ ﻭﻃﺎﺣﺖ ﻗﻌﻤﺰﺕ ﻉ ﺍﻟﻜﺮﺳﻲ : ﺍﻣﺘﻰ ﺻﺎﺭ ﺍﻟﻜﻼﻡ ﻫﺬﺍ ﻋﻼﺵ ﻣﺎﻗﻠﺘﻮﻟﻴﺶ
ﻧﻮﺭﺱ : ﻭﺍﻟﻠﻪ ﻳﺎﻣﺎﻣﺎ ﻧﺴﻴﺖ ﻭﺟﻴﺖ ﺍﻟﻘﻴﺘﻬﻢ ﺭﺍﻋﺸﻴﻦ ﻗﻌﺪﺕ ﻏﻴﺮ ﻧﻬﺪﻱ ﻓﻲ ﻧﻮﺍﻝ
ﻣﺎﻣﺎ ﻣﺼﺪﻭﻣﻪ ﻣﻦ ﺍﻟﻤﺼﻴﺒﻪ ﺍﻟﻲ ﺳﻤﻌﺘﻬﺎ ، ﻭﻗﻌﺪﺕ ﺗﺮﻋﺶ ﺳﻜﺮﺕ
ﻃﻠﻌﺖ ﻣﻦ ﺍﻟﺪﺍﺭ ﻭﻫﻲ ﻭﺟﻬﻬﺎ ﻣﺘﻐﻴﺮ
ﺧﺎﻟﺘﻲ ﻻﺣﻈﺖ ﻣﺎﻣﺎ : ﻧﺎﺩﻳﻪ ﺧﻴﺮﻙ
ﻣﺎﻣﺎ ﻗﻌﻤﺰﺕ : ﺣﻲ ﻋﻠﻴﺎ ، ﻭﻗﻌﺪﺕ ﺗﺤﻜﻴﻠﻪ
ﺧﺎﻟﺘﻲ ﺣﻄﺖ ﻳﺪﻫﺎ ﻋﻠﻲ ﻓﻤﻬﺎ : ﻫﻲ ﻧﻮﺿﻲ ﻳﺎﻭﺧﻴﺘﻲ ﺧﻠﻲ ﻧﻤﺸﻮﻟﻬﻢ
ﻣﺎﻣﺎ ﻗﺎﻋﺪﻩ ﺭﺍﻋﺸﻪ ﻣﻘﻌﻤﺰﻩ ﻭﻭﺟﻬﻬﺎ ﺍﺻﻔﺮ
ﺧﺎﻟﺘﻲ : ﻳﺎﺍﺍﺳﺎﺍﺍﺭﻩ ﻳﺎﺳﺮﻭﻭﻭﻭﺭ
ﺳﺮﻭﺭ ﺟﺘﻬﺎ ﻭﻫﻲ ﻣﺨﻠﻮﻋﻪ ﻣﻦ ﺻﻮﺗﻬﺎ : ﻧﻌﻤﻢ
ﺧﺎﻟﺘﻲ : ﺟﻴﺒﻲ ﻛﺴﺒﺮ ﻟﺨﺎﻟﺘﻚ ﻭﻃﺎﺳﻪ ﺍﻣﻴﻪ
ﺳﺮﻭﺭ : ﻛﺴﺒﺮ ﺷﻨﻮ ؟
ﺧﺎﻟﺘﻲ ﺑﺘﻜﺸﻴﺨﻪ : ﺗﻲ ﺍﻣﺸﻲ ﻓﻴﻴﺴﺴﻊ ﺟﻴﺒﻲ ﻛﺴﺒﺮ ﺗﻠﻘﻴﻪ ﻓﻲ ﺍﻟﺪﻭﻻﺏ ﺍﻟﻮﺳﻄﻲ ﻟﻠﻤﻄﺒﺦ
ﺳﺮﻭﺭ ﺍﻣﺸﺖ ﺗﺠﺮﻱ ﻟﻠﻤﻄﺒﺦ ﻓﺘﺤﺖ ﺍﻟﺪﻭﻻﺏ ﻭﻫﻲ ﻣﺶ ﻋﺎﺭﻓﻪ ﺍﻣﺎ ﻫﻮ ﻗﻌﺪﺕ ﺗﺪﻭﺭ ﻣﺎﻋﺮﻓﺘﺶ ، ﻃﻠﻌﺖ ﺗﺴﺎﻝ ﻓﻲ ﺳﺎﺭﻩ
ﺳﺎﺭﻩ : ﻣﺎﻧﻌﺮﻓﺎﺍﺷﻲ ﺩﻭﺭﻱ ﺑﺮﻭﺣﻚ
ﺳﺮﻭﺭ ﻭﻟﺖ ﻭﻭﻗﻔﺖ ﻉ ﺍﻟﺪﻭﻻﺏ ﺧﺪﺕ ﺣﻔﺎﻇﺘﻴﻦ ﻭﺍﻣﺸﺖ ﺑﻴﻬﻢ ﻻﻣﻬﺎ
ﻭﻗﻔﺖ ﻉ ﺍﻟﺒﺎﺏ ﺑﺘﺮﺩﺩ : ﻣﺎﻣﺎ ، ﺍﻣﺎ ﻫﻮ ﻫﺬﺍ ﻭﺍﻻ ﻫﺬﺍ
ﺧﺎﻟﺘﻲ : ﻳﺎﺍﻃﻴﺎﺍﺡ ﺳﻌﺪﻙ ﺣﺘﻰ ﺍﻟﻜﺴﺒﺮ ﻣﺎﺗﻌﺮﻓﻴﻪ ، ﻭﻧﺎﺿﺖ ﻭﻗﻔﺖ : ﻣﺎﻳﻨﻌﺒﻰ ﻋﻠﻴﻜﻢ ﻓﻲ ﺣﺎﺟﺔ
ﺑﻌﺪ ﺍﻫﺪﺕ ﻣﺎﻣﺎ ﺷﻮﻳﺔ ﺍﺭﻓﻌﻬﺎ ﻣﻌﺎﺩ ﻫﻲ ﻭﺧﺎﻟﺘﻲ
،،،،،،،
ﻣﺤﻤﻮﺩ : ﻣﺎﺗﺒﻴﺶ ﺗﻨﻮﺽ ﻟﺪﺍﺭﻙ
ﻭﻟﻴﺪ ﻣﺘﻜﻲ ﻭﻳﻬﺪﺭﺯ ﻣﻌﺎﻱ ﺑﺎﻟﺮﺳﺎﺋﻞ : ﻣﺎﺧﺎﻃﺮﻳﺶ
ﻣﺤﻤﻮﺩ : ﺑﺮﺍ ﺍﺭﻗﺪ
ﻭﻟﻴﺪ ﻗﺎﻡ ﻋﻴﻮﻧﻪ ﺷﺎﻓﻠﻪ : ﺧﻴﺮﻙ ﺗﻠﺰ
ﻣﺤﻤﻮﺩ : ﻣﻦ ﺍﻻﺧﻴﺮ ﺑﻨﻜﻠﻢ ﺍﻟﻤﺪﺍﻡ ﺍﻗﻠﺒﻠﻲ ﻭﺟﻬﻚ
ﻭﻟﻴﺪ : ﺑﻲ ﻣﺎﺩﺍﻡ ﻣﺮﺓ ﻭﺣﺪﺓ ﺍﻧﺖ ﻏﻴﺮ ﺩﻳﺮ ﺧﻄﻮﺓ ﺍﻻﻭﻟﻰ
ﻣﺤﻤﻮﺩ : ﺗﻮ ﻧﺪﻳﺮ ﻭﺗﻮ ﺗﺸﻮﻭﻑ
ﻭﻟﻴﺪ ﻭﻗﻒ : ﺑﺎﻩ ﺗﻮ ﻧﺸﻮﻓﻮ ، ﻫﻲ ﺗﺼﺒﺢ ﻉ ﺧﻴﺮ
ﻣﺤﻤﻮﺩ : ﻭﺟﻬﻚ
ﻭﻟﻴﺪ : ﺗﻲ ﺣﻘﻴﺮ ﻣﻦ ﻳﻮﻣﻚ ، ﻭﻃﻠﻊ
ﻭﻟﻴﺪ ﺧﺶ ﻟﺤﺠﺮﺗﻪ ﺍﺗﻜﻰ ﻭﺍﺗﺼﻞ ﺑﻴﺎ ﻗﻌﺪﺕ ﻧﺘﻄﻤﻦ ﻋﻠﻴﻪ ﻭﻧﻬﺪﺭﺯ ﻣﻌﺎﻩ
ﻣﺤﻤﻮﺩ : ﺍﻟﻮ
ﻧﻮﺍﻝ : ﻣﺤﻤﻮﺩ ، ﻭﻗﻌﺪﺕ ﺗﺒﻜﻲ
ﻣﺤﻤﻮﺩ : ﺍﺳﺲ ﺍﺱ ﻳﺎﻫﺒﻠﻪ ﺧﻴﺮﻙ ﺗﺒﻜﻲ
ﻧﻮﺍﻝ : ﺧﻔﺖ ﻋﻠﻴﻚ ، ﻛﻴﻒ ﺣﺎﻟﻚ ﺗﻮﺍ
ﻣﺤﻤﻮﺩ : ﺗﻤﺎﻡ ﺍﻟﺘﻤﺎﻡ ، ﻭﺍﻟﻠﻪ ﻣﺎﺗﺨﺎﻓﻲ ﻣﺎﻓﻴﺎ ﺣﺎﺟﺔ
ﻭﻗﻌﺪﺕ ﻧﻮﺍﻝ ﺗﻬﺪﺭﺯ ﻣﻌﺎﻩ ﻭﺗﻄﻤﻦ ﻋﻠﻴﻪ ، ﻟﺤﺪ ﻣﺎﺭﻗﺪﻭ ﺍﻻﺗﻨﻴﻦ ﻣﻦ ﺍﻟﺘﻌﺐ ﻭﻫﻤﺎ ﻉ ﺍﻟﺨﻂ
ﻣﺮ ﻫﺎﻟﻴﻮﻡ ﺑﻜﻞ ﺃﺣﺪﺍﺛﻪ ﻭﺍﻟﻤﺼﺎﻳﺐ ﺍﻟﻲ ﺻﺎﺭﺕ ﻓﻴﻪ ، ﺗﺠﺎﻭﺯﻧﺎﻫﺎ ﻣﻊ ﺑﻌﺾ
،،،،،،،
ﺛﺎﻧﻲ ﻳﻮﻡ
ﻧﻀﻨﺎ ﺩﺍﺭﻭ ﻓﻄﻮﺭ ﺭﻏﻢ ﺍﻧﻪ ﻣﺎﻓﻲ ﺍﻱ ﺣﺪ ﻋﻨﺪﻩ ﻧﻴﻪ
ﻋﻤﺘﻲ : ﻳﺎﻋﺒﻴﺪﻩ ﻛﺎﻥ ﺗﺮﻓﻌﻨﻲ ﻧﺸﻮﻑ ﺧﻮﺗﻚ ﻗﺒﻞ ﻣﺎﻳﺠﻴﻨﻲ ﺣﺪ
ﻋﺒﺪ ﺍﻟﻘﺎﺩﺭ : ﻳﺎﺍﻣﻲ ﻭﺍﻟﻠﻪ ﻣﺎﻓﻲ ﺩﺍﻋﻲ
ﻋﻤﺘﻲ : ﻻﻻ ﻓﻲ ﻓﻲ ، ﻧﻄﻴﺒﻠﻬﻢ ﺑﺮﻭﺩﻭ ﻭﻧﺮﻓﻌﻬﻮﻟﻬﻢ ﻧﻄﻤﻦ ﻗﻠﺒﻲ ﻋﻠﻴﻬﻢ
ﻋﺒﺪ ﺍﻟﻘﺎﺩﺭ : ﺑﺎﻫﻲ ﻳﺼﻴﺮ ﺧﻴﺮ
ﻋﺒﻴﺮ ﻃﻠﻌﺖ ﻣﻦ ﺍﻟﺪﺍﺭ : ﺻﺒﺎﺡ ﺍﻟﺨﻴﺮ
ﺭﺣﻤﺔ : ﻣﻨﻴﻦ ﺑﻴﺠﻴﻨﺎ ﺍﻟﺨﻴﺮ
ﻛﻠﻨﺎ ﺷﻮﻓﻨﺎ ﻟﺮﺣﻤﺔ
ﻋﺒﻴﺮ ﻧﺰﻟﺖ ﺭﺍﺳﻬﺎ ﻭﻗﺮﻳﺐ ﺗﺒﻜﻲ ، ﺧﺸﺖ ﻟﻠﺤﻤﺎﻡ ﺗﺠﺮﻱ
ﻋﻤﺘﻲ : ﻭﺍﻟﻠﻪ ﻟﺴﺎﻧﻚ ﺑﻨﻘﺼﻬﻮﻟﻚ ﻫﺬﺍ ، ﻣﺎﺗﻨﻘﺼﻴﺸﻲ ﺗﻮ ﻣﺶ ﻋﻴﺐ ﻫﻜﻲ ﺗﻘﻮﻟﻲ ﻟﻠﻤﺮﺍ ﺍﻭﺯﻧﻲ ﻛﻠﻤﺘﻚ ﻗﺒﻞ ﻻﺗﻘﻮﻟﻴﻬﺎ ، ﻣﺴﻜﻴﻨﻪ ﻫﻲ ﻣﺎﺟﻔﺘﻠﻬﺎ ﺩﻣﻌﻪ ﺗﺰﻳﺪﻳﻬﺎ ﺑﻜﻼﻣﻚ
ﺭﺣﻤﺔ ﺗﺎﻛﻞ : ﺗﻲ ﺑﺎﺍﻫﻲ ﻣﺎﻗﻠﻨﺎ ﺷﻲ
ﺑﻌﺪ ﻓﻄﺮﻧﺎ ﻛﻠﻤﺖ ﻭﻟﻴﺪ ، ﻭﺗﺮﺟﻴﺘﻪ ﻳﺨﻠﻴﻨﻲ ﻧﺠﻲ ﻧﺸﻮﻓﻪ ﻻﻧﻪ ﺍﻟﺪﻛﺘﻮﺭ ﻣﺎﻳﺒﻴﺶ ﻳﻄﻠﻌﻪ ﺍﻟﻴﻮﻡ ، ﻏﺪﻭﺓ
ﺍﻧﻲ : ﻣﺎﻣﺎ ﺑﻨﻤﺸﻲ ﺑﺴﻴﺎﺭﻩ ﻭﻟﻴﺪ ﻧﺒﻲ ﻧﺸﻮﻓﻪ
ﻣﺎﻣﺎ : ﻭﻋﻼﺵ ﺑﺴﻴﺎﺭﻩ ﻭﻟﻴﺪ ﺑﺮﻱ ﻣﻊ ﺳﻠﻔﻚ
ﺍﻧﻲ : ﺑﺘﻤﺸﻲ ﻣﻌﺎﻩ ﺭﺣﻤﺔ ﻭﻣﻨﻰ ﻭﻋﻤﺘﻲ ﻭﻭﻓﺎﺀ ﻭﻳﻦ ﺑﻨﺮﻛﺐ
ﻣﺎﻣﺎ : ﺑﺎﻩ ﺍﻣﺎﻻ ﻧﻤﺸﻲ ﻣﻌﺎﻙ ﺣﺘﻰ ﺍﻧﻲ
ﺍﻧﻲ : ﺑﺎﻩ
ﻧﻮﺍﻝ : ﺣﺘﻰ ﺍﻧﻲ ﻧﺒﻲ ﻧﻤﺸﻲ
ﺍﻧﻲ ﻭﻣﺎﻣﺎ ﺷﻔﻨﺎﻟﻬﺎ
ﻣﺎﻣﺎ : ﻭﻋﻼﺵ ﺍﻥ ﺷﺎﺀ ﺍﻟﻠﻪ
ﻧﻮﺍﻝ : ﻣﺎﻣﺎ ﺑﺎﻟﻠﻪ ﻋﻠﻴﻚ ﻧﺸﻮﻓﻪ ﺑﺲ ﻣﻦ ﺑﻌﻴﺪ
ﻭﺍﻓﻘﺖ ﻣﺎﻣﺎ ﺑﻌﺪ ﻣﻴﺎﺕ ﻣﺤﺎﻭﻟﺔ
ﻋﺒﺪ ﺍﻟﻘﺎﺩﺭ ﻃﻠﻊ ﻗﺒﻠﻲ ، ﻃﻠﻌﺖ ﺍﻧﻲ ﺑﻌﺪﻩ ﺑﺎﻟﺴﻴﺎﺭﻩ ﻣﻌﺎﻳﺎ ﻣﺎﻣﺎ ﻭﻧﻮﺍﻝ
ﻓﻲ ﺍﻟﺤﻮﺵ ﻗﻌﺪﺕ ﻧﻮﺭﺱ ﻭﻧﺮﺟﺲ ﻣﻊ ﻋﺒﻴﺮ
ﻭﺻﻠﻨﺎ ﻟﻠﻤﺴﺘﺸﻔﻰ ﻧﺰﻟﻨﺎ
ﺍﻣﺸﻴﺖ ﺍﻧﻲ ﻭﻣﺎﻣﺎ ﻭﻧﻮﺍﻝ ﻓﻲ ﺍﻟﺒﺪﺍﻳﻪ ﻟﻮﻟﻴﺪ
ﺧﺸﻴﻨﺎ ﺍﻟﺤﺠﺮﺓ ﻣﺎﻟﻘﻴﻨﺎﺵ ﻗﻠﺖ ﺍﻛﻴﺪﻩ ﻋﻨﺪ ﻣﺤﻤﻮﺩ
ﺍﻣﺸﺸﻴﻨﺎ
ﻧﻮﺍﻝ ﻗﻠﺒﻬﺎ ﻳﺪﻕ ﻭﻣﻠﻬﻮﻓﻪ ﺗﺸﻮﻓﻪ ﻭﺗﻄﻤﻦ ﻋﻠﻴﻪ
ﺧﺸﻴﻨﺎ ﺍﻟﻘﻴﻨﺎ ﻭﻟﻴﺪ ﻓﻌﻼ ﻋﻨﺪﻩ
ﺍﻧﻲ ﺷﻔﺖ ﻟﻮﻟﻴﺪ ﺑﺘﺎﻉ ﺗﻮ ﺗﺸﻮﻑ : ﻛﻴﻒ ﺣﺎﺱ ﺍﻟﻴﻮﻡ
ﻭﻟﻴﺪ : ﺗﻤﺎﻡ ﺍﻟﺘﻤﺎﻡ
ﻣﺤﻤﻮﺩ ﻟﻤﺎ ﺷﺎﻑ ﻧﻮﺍﻝ ﻓﺮﺡ
ﻗﻌﺪﻧﺎ ﻧﺤﻜﻮ ﻟﺤﺪ ﻣﺎﻣﺤﻤﻮﺩ ﻗﻄﻌﻨﺎ ﺑﺼﻮﺕ ﺣﺎﺯﻡ ﺷﻮﻱ
ﻣﺤﻤﻮﺩ : ﺃﻣﻲ ﺑﻤﺎ ﺍﻧﻜﻢ ﻣﻮﺟﻮﺩﻳﻦ ﻛﻠﻜﻢ ﺍﻫﻨﻲ ﻧﺒﻲ ﻧﻘﻮﻝ ﺣﺎﺟﺔ
ﻣﺤﻤﻮﺩ : ﺍﻣﻲ ﺍﻧﻲ ﻧﺒﻲ ﻧﺨﻄﺐ ﻧﻮﺍﻝ ، ﻟﻮ ﻋﻤﺘﻲ ﻭﺍﻧﺘﻲ ﻣﻮﺍﻓﻘﻴﻦ ﺍﻧﻲ ﻧﺒﻴﻬﺎ ﻭﻋﺎﺟﺒﺘﻨﻲ ﻭﺭﺍﻳﺪﻫﺎ ﺑﺎﻟﺤﻼﻝ
ﻧﻮﺍﻝ
ﻋﻤﺘﻲ ﻭﻣﺎﻣﺎ
ﺍﻧﻲ ﺍﺑﺘﺴﻤﺖ
ﺭﺣﻤﺔ .........:
# ﻳﺘﺒﻊ
