منقولة 50/51
منقولة
الحلقةة[50]
من ﺭﻭﺍﻳﺔ - - ->" ﺳﻨــﺪ ﺍﻷﻧﺜــﻰ ﺭﺟــﻞ "
ﻭﻟﻴﺪ : ﻳﺎﻧﻮﻭﺳﻪ ﻫﻴﺎﺍﺍ ﻭﻗﺖ ﻋﻠﻴﺎ
ﺍﻧﻲ : ﺑﺎﺍﻩ ﻳﺎﻭﻟﻴﺪ ﺣﺎﺍﺿﺮ ﻫﺎﺍﺍ ﺩﻗﻴﻘﻪ
ﻛﻤﻠﺘﻪ ﺳﻮﺭﻳﺘﻪ ﻭﺍﻋﻄﻴﺘﻬﺎﻟﻪ ﻟﺒﺲ ﺑﺴﺮﻋﻪ ﻭﺳﻘﺪﺗﻪ
ﻭﻟﻴﺪ ﻧﺰﻝ
ﺍﻧﻲ ﻛﻴﻒ ﺑﻨﺴﻜﺮ ﻧﺴﻤﻊ ﻓﻲ ﺻﻮﺕ ﻋﺒﻴﺮ ، ﻓﺘﺤﺖ ﺍﻟﺒﺎﺏ ﻭﻃﻠﻌﺖ
ﺍﻟﻘﻴﺖ ﻋﺒﻴﺮ ﻭﺍﻗﻔﻪ ﻭﺗﻜﻠﻢ ﻓﻲ ﻭﻟﻴﺪ
ﻗﺮﺑﺖ ﻣﻦ ﺍﻟﺪﺭﻭﺝ ﺍﻛﺜﺮ ﻭﻗﻌﺪﺕ ﻧﺴﻤﻊ ، ﻗﻌﺪﺕ ﻧﻤﺸﻲ ﺑﺎﻟﺸﻮﻳﺔ ﻣﺎﺑﻴﺘﺶ ﻧﺪﻳﺮ ﺻﻮﺕ
ﻭﻭﻭﻭﻭﻭ
ﻭﻟﻴﺪ ﺣﻂ ﻳﺪﻩ ﻋﻠﻲ ﻛﺘﻒ ﻋﺒﻴﺮ : ﺗﻤﺎﻡ ﺍﻟﻲ ﻳﺮﻳﺤﻚ ﺑﺘﺮﺟﻌﻲ ﻟﺤﻮﺷﻚ ﻣﻌﺎﺵ ﻧﻘﺪﺭ ﻧﻤﻨﻌﻚ ﺍﻧﺘﻲ ﺻﺎﺣﺒﺔ ﻗﺮﺍﺭ ﻧﻔﺴﻚ ، ﻭﺣﻮﻝ ﻳﺪﻩ ﻭﻛﻤﻞ : ﺑﺲ ﻟﻮ ﺍﺣﺘﺠﺘﻲ ﺷﻲﺀ ﺍﻧﻲ ﻣﻮﺟﻮﺩ
ﻋﺒﻴﺮ ﺍﺑﺘﺴﻤﺖ : ﺑﺠﺪ ﻣﺶ ﻋﺎﺭﻓﻪ ﻛﻴﻒ ﻧﺸﻜﺮﻙ ﻭﻻﻋﺎﺭﻓﻪ ﺷﻦ ﻧﻘﻮﻟﻚ ، ﺷﻜﺮﺍ ﻫﻠﺒﺎ
ﺍﻧﻲ ﻣﺼﺪﻭﻣﺔ ﻭﺍﻗﻔﻪ ﻛﺎﺍﻧﻪ ﻣﻦ ﺻﺐ ﻋﻠﻴﺎ ﻣﻴﻪ ﺳﺨﻮﻧﻪ
ﻭﻟﻴﺪ : ﻣﺎﺗﺸﻜﺮﻧﻴﺶ ﻉ ﺍﻟﻮﺍﺟﺐ ، ﺍﻧﻲ ﻧﺴﺘﺎﺫﻥ ﻣﺴﺘﻌﺠﻞ ، ﻭﻃﺒﺲ ﺑﺎﺱ ﺑﻨﺘﻬﺎ ﻧﺴﻴﺒﺔ : ﻫﻲ ﺍﻟﺴﻼﻡ ﻋﻠﻴﻜﻢ ، ﻭﻃﻠﻊ
ﻋﺒﻴﺮ : ﻣﻊ ﺍﻟﺴﻼﻣﻪ ، ﻭﻫﻲ ﻛﻴﻒ ﻟﻔﺖ ، ﺟﺖ ﻋﻴﻨﻬﺎ ﻓﻲ ﻋﻴﻨﻲ ﺍﻧﺼﺪﻣﺖ
ﺍﻧﻲ ﻭﺍﻗﻔﻪ ﻭﻣﺼﺪﻭﻣﺔ ﻭﻣﺶ ﻋﺎﺭﻓﻪ ﺍﺻﻼ ﻛﻴﻒ ﻧﺘﺼﺮﻑ ﻭﻻ ﺷﻦ ﻧﺪﻳﺮ ﻓﺠﺄﺓ ﻋﻘﻠﻲ ﻣﻌﺎﺵ ﻳﻔﻜﺮ ﺟﺴﻤﻲ ﻣﻌﺎﺵ ﻳﺘﺤﺮﺭﻙ ﺣﺴﻴﺖ ﺑﺸﻌﻮﺭ ﻏﺮﻳﺐ ، ﺷﻌﻮﺭ ﻛﺴﺮ ﺍﻫﺎﻧﺔ ﻃﻌﻦ ﺷﻌﻮﺭ ﺣﺰﻥ ﺷﻌﻮﺭ ﻋﺠﺰ ﺷﻌﻮﺭ ﻛﺄﻧﻪ ﻛﻨﺖ ﻣﺴﺘﻐﻔﻠﺔ ، ﺷﻔﺖ ﻟﻌﺒﻴﺮ ﻧﻈﺮﺓ ﻗﺪﺭﺕ ﺗﻔﻬﻤﻬﺎ ﻫﻲ ﻛﻮﻳﺲ ، ﻭﻟﻔﻴﺖ ﺧﺸﻴﺖ ﻟﺸﻘﺘﻲ ﻭﺳﻜﺮﺕ ﺍﻟﺒﺎﺏ
ﻋﺒﻴﺮ ﻭﺍﻗﻔﻪ ﻣﺼﺪﻭﻣﺔ : ﻧﺴﻴﺒﺔ ، ﺣﻲ ﻋﻠﻴﺎ ﺍﻧﻲ ﺷﻦ ﺩﺭﺕ
ﺍﻧﻲ ﺳﻜﺮﺕ ﺍﻟﺒﺎﺏ ﻭﺍﺗﻜﻴﺖ ﻋﻠﻴﻪ ﻛﻨﺖ ﻧﺤﺎﻭﻝ ﻧﺴﺘﻮﻋﺐ ﺷﻮﻳﺔ ، ( ﻛﻴﻒ ﺣﻂ ﻳﺪﻩ ﻋﻠﻲ ﻛﺘﻔﻬﺎ ﻭﻳﻌﺮﺽ ﻓﻲ ﺧﺪﻣﺎﺗﻪ ﻋﻠﻴﻬﺎ ﻋﻼﺵ ﻫﻮ ﺷﻦ ﺩﺧﻠﻪ ﻓﻴﻬﺎﺍ ﺗﺮﺟﻊ ﻟﺤﻮﺷﻬﺎ ﺍﻭ ﻻ ) ﺣﻄﻴﺖ ﺭﺍﺳﻲ ﺑﻴﻦ ﻳﺪﻳﺎ : ﺷﻦ ﺗﻠﺒﺰ ﻳﺎﻭﻟﻴﺪ ﺑﺲ ﺷﻦ ﺗﻠﺒﺰ ، ﺍﻣﺸﻴﺖ ﺑﺨﻄﻮﺍﺕ ﺛﻘﻴﻠﺔ ﻭﻗﻌﻤﺰﺕ ﻉ ﺍﻟﺼﺎﻟﻮﻥ ﻭﺣﻄﻴﺖ ﺭﺍﺳﻲ ﺑﻴﻦ ﻳﺪﻳﺎﺍ ، ﻧﺤﺲ ﻓﻲ ﺭﻭﺣﻲ ﻣﻘﻬﻮﻭﺭﺓ ، ﻣﺨﻨﻮﻗﻪ ، ﻣﺘﻀﺎﻳﻘﻪ ، ﻣﺘﻌﺼﺒﻪ ، ﻛﻴﻒ ﻧﺪﻳﺮ ﻳﺎﺭﺑﻲ ﻋﻼﺵ ﻫﻜﻲ ﺑﺎﻩ ﻣﻤﻜﻦ ﺍﻧﻲ ﻇﻠﻤﺖ ﻭﻟﻴﺪ ﻣﺮﺍﺕ ﻫﻮ ﻫﻜﻲ ﻋﺎﺩﻱ ، ﻭﻗﻔﺖ : ﻣﺎﻓﻴﺶ ﺩﺍﻋﻲ ﺗﺪﻭﺭﻳﻠﻪ ﺍﻋﺬﺍﺭ ﻳﺎﻧﺴﻴﺒﺔ ﺍﻟﻲ ﺩﺍﺭﻩ ﻏﻠﻂ ﻣﻔﺮﻭﺽ ﻛﺎﻥ ﻳﺤﺘﺮﻣﻨﻲ ﻛﺰﻭﺟﺔ ﻟﻴﻪ
ﻗﻄﻊ ﺍﻓﻜﺎﺭﻱ ﻭﺻﺮﺍﻋﻲ ﺑﻴﻦ ﻧﻔﺴﻲ ﺻﻮﺕ ﻃﻖ ﺍﻟﺒﺎﺏ ، ﻗﻠﺒﻲ ﻗﻌﺪ ﻳﺪﻕ ﺑﺴﺮﻋﻪ ﻭﺍﺳﺘﻐﺮﺑﺖ ، ﺣﻮﻟﺖ ﻧﺒﻴﻦ ﻋﻠﻲ ﻣﻼﻣﺢ ﻭﺟﻬﻲ ﺍﻧﻪ ﻣﺎﻓﻲ ﺷﻲ ﻭﻓﺘﺤﺖ ﺍﻟﺒﺎﺏ ، ﻛﺎﻧﺖ ﻧﻮﺭﺱ
ﻟﻤﺎ ﺷﻔﺘﻬﺎ ﺗﻨﻬﺪﺕ ﺍﻓﺘﺤﺘﻠﻬﺎ ﺍﻟﺒﺎﺏ ﻭﺧﺸﻴﺖ ﺭﺟﻌﺖ ﻟﻤﻜﺎﻧﻲ
ﻧﻮﺭﺱ ﺧﺸﺖ ﺑﺎﺍﺳﺘﻐﺮﺍﺏ : ﺧﻴﺮﻙ ؟
ﺍﻧﻲ ﻻﺭﺩ
ﻧﻮﺭﺱ : ﻧﺤﺴﺎﺑﻮﻙ ﻗﺎﻋﺪﻩ ﻣﺎﺟﻴﺘﻴﺶ ، ﻭﺍﻟﺤﻖ ﺍﻧﻲ ﺭﻛﺒﺖ ﻻﻧﻲ ﻣﻠﻴﺖ ﻟﻮﻃﻰ ﻗﻠﺖ ﻧﻔﺘﺢ ﺍﻟﻨﺖ ﻣﻨﻚ ﻭﻧﻘﻌﻤﺰ ﺍﻫﻨﻲ ﻭﺧﻼﺹ ﻟﻴﻦ ﻧﺮﻭﺡ
ﺍﻧﻲ ﻣﺘﻜﻴﻪ ﺭﺍﺳﻲ ﻉ ﺍﻟﺼﺎﻟﻮﻥ ﻭﻣﺎﻧﺘﻜﻠﻤﺶ
ﻧﻮﺭﺱ ﺗﻬﺰ ﻓﻴﺎ ﻣﻦ ﻛﺘﻔﻲ : ﺗﻲ ﺧﻴﺮ ﺑﻼﻙ ؟ ﺷﻦ ﺻﺎﻳﺮ ؟ ﺍﻟﺪﻛﺘﻮﺭ ﻗﺎﻟﻚ ﺣﺎﺟﺔ ﻣﺶ ﻛﻮﻳﺴﺔ ؟ ﻧﺴﺴﺴﺴﺴﻴﻴﺒﺔ
ﺍﻧﻲ ﻓﺘﺤﺖ ﻋﻴﻮﻧﻲ ﺑﺨﻠﻌﻪ : ﺗﻲ ﺧﻴﺮﺭﺭﻙ ﺗﻌﻴﻄﻲ
ﻧﻮﺭﺱ : ﺳﺎﻋﻪ ﻧﻜﻠﻢ ﻓﻴﻚ ، ﺷﻦ ﻓﻲ ؟ ﺷﻐﻠﺘﻴﻨﻲ
ﺍﻧﻲ ﻋﺪﻟﺖ ﺗﻘﻌﻤﻴﺰﺗﻲ : ﻣﺶ ﻋﺎﺭﻓﻪ ﺷﻦ ﻧﺪﻳﺮ
ﻧﻮﺭﺱ : ﻓﻲ ﺷﻨﻮ ، ﺗﻲ ﺗﻜﻠﻤﻲ ﻳﺎﺍﺍﺩﺭﺍﻩ ﺍﻟﻜﺒﺪ
ﺍﻧﻲ ﺧﻨﻘﺘﻨﻲ ﺍﻟﻌﺒﺮﺓ ﻭﺣﺴﻴﺖ ﻋﻴﻮﻧﻲ ﺗﻌﺒﻮ ﺩﻣﻮﻉ ، ﺣﻜﻴﺖ ﻋﻴﻮﻧﻲ ﺑﻘﻮﺓ ،ﻭﻭﺑﻠﻌﺖ ﺭﻳﻘﻲ ، ﻭﺣﻜﻴﺘﻠﻬﺎ ﺍﻟﻤﻮﻗﻒ
ﻧﻮﺭﺱ ﺳﺎﻛﺘﻪ ﻭﺗﺸﻮﻓﻠﻲ
ﺍﻧﻲ ﻭﻗﻔﺖ : ﻗﻮﻟﻴﻠﻲ ﺷﻦ ﻧﺪﻳﺮ ﻳﺎﻧﻮﺭﺱ ﻷﻭﻝ ﻣﺮﺓ ﻧﺤﺲ ﺭﻭﺣﻲ ﻋﺎﺟﺰﺓ ﻫﻜﻲ ﻷﻭﻝ ﻣﺮﺓ ﻧﺤﺲ ﺭﻭﺣﻲ ﻣﺶ ﻋﺎﺭﻓﻪ ﻛﻴﻒ ﻧﺘﺼﺮﻑ ﻭﻻﻋﺎﺭﻓﻪ ﺷﻦ ﻧﺪﻳﺮ ﻭﻻﻋﺎﺭﻓﻪ ﻛﻴﻒ ﻧﻔﻬﻢ ﺍﻟﻲ ﺻﺎﺭ
ﻧﻮﺭﺱ : ﺣﺎﻭﻟﻲ ﺗﺪﻭﻱ ﻣﻊ ﻭﻟﻴﺪ
ﺍﻧﻲ ﺷﻔﺘﻠﻬﺎ : ﻧﺪﻭﻱ ﺷﻦ ﻧﻘﻮﻟﻪ ﻋﻼﺵ ﺗﻜﻠﻤﺖ ﻣﻌﺎﻫﺎ ، ﻫﻮ ﺑﺮﻭﺣﻪ ﻳﻌﺮﻑ ﺍﻧﻪ ﻭﺟﻮﺩﻫﺎ ﺑﺲ ﻣﻀﺎﺍﺍﻳﻘﻨﻲ ﻳﻌﻨﻲ ﻣﺶ ﺩﺍﻳﺮﻟﻲ ﻻ ﺣﺴﺎﺏ ﻭﻻﻗﺪﺭ ﻭﻻﺍﻛﺄﻧﻲ ﻓﻲ ﺣﻴﺎﺗﻪ ، ﻛﻤﻠﺖ ﻭﺍﻧﻲ ﻧﺪﻭﺭ ﻓﻲ ﺍﻟﺼﺎﻟﺔ : ﺗﻌﺮﻓﻲ ﺃﻛﺜﺮ ﺷﻲ ﺧﻼﻧﻲ ﻣﺼﺪﻭﻣﺔ ﻟﻤﺎ ﺣﻂ ﻳﺪﻩ ﻋﻠﻲ ﻛﺘﻔﻬﺎ ، ﺣﺴﻴﺖ ﺑﺤﺎﺟﺔ ﻧﻐﺮﺳﺖ ﻓﻲ ﻗﻠﺒﻲ ﺷﻲ ﻧﻐﺰﻧﻲ ﻭﺟﻌﺘﻨﻲ ﻳﺎﻧﻮﺭﺱ
ﻧﻮﺭﺱ : ﺍﻫﺪﻱ ﻣﺮﺍﺕ ﺣﺮﻛﺔ ﻋﻔﻮﻳﺔ ﻳﺎﻧﻮﺳﺔ ﺍﺣﺴﻦ ﺣﻞ ﺗﺘﻜﻠﻤﻲ ﻣﻊ ﻭﻟﻴﺪ
ﺍﻧﻲ ﻗﻌﻤﺰﺕ ﺑﺘﻌﺐ : ﺗﻌﺮﻓﻲ ﻣﺶ ﺣﻨﺘﻜﻠﻢ ﻣﻌﺎﻩ ، ﻭﺳﻜﺘﺖ ﺷﻮﻳﺔ : ﺣﻨﻌﺮﻑ ﺷﻦ ﻧﺪﻳﺮ
ﻧﻮﺭﺱ : ﺷﻦ ﺑﺘﺪﻳﺮﻱ ؟؟
ﺍﻧﻲ : ﺧﻠﻴﻨﻲ ﺗﻮﺍ ﺑﻨﺰﻳﺪ ﻧﺒﺮﻣﺞ ﻓﻲ ﺭﺍﺳﻲ ﺑﺎﺵ ﻧﻌﺮﻑ ﻛﻴﻒ ﻧﺘﻌﺎﻣﻞ ﻣﻌﺎﻩ
ﻧﻮﺭﺱ : ﻣﺎﺗﻬﺪﻣﻴﺶ ﺣﻮﺷﻚ ﻟﺴﺒﺐ ﺗﺎﻓﻪ
ﺍﻧﻲ : ﺍﻭﻝ ﺷﻲ ﻣﺴﺘﺤﻴﻞ ﻧﻬﺪﻡ ﺣﻮﺷﻲ ﻭﻧﺘﺨﻠﻰ ﻋﻠﻲ ﺣﺒﻲ ﺑﺴﻬﻮﻟﺔ ﺣﺘﻰ ﻟﻮ ﻛﺎﻥ ﻏﻠﻂ ﺗﺎﻧﻲ ﺣﺎﺟﺔ ﻣﺎﻫﻮﺵ ﺷﻲ ﺗﺎﺍﻓﻪ ﻭﻻﺯﻡ ﻳﺘﻌﺎﻗﺐ ﻋﻠﻴﻪ ﺣﻨﻌﺎﻗﺒﻪ ﺣﻨﺪﻣﻪ ﻳﺎﻧﻮﺭﺱ ﺗﻮ ﺗﺸﻮﻓﻲ
ﻧﻮﺭﺱ : ﻫﻜﻲ ﺗﻌﺠﺒﻴﻨﻲ ﻋﺎﻗﺒﻴﻪ ﺑﺲ
ﺍﻧﻲ ﺣﻄﻴﺖ ﺭﺍﺳﻲ ﺑﻴﻦ ﻳﺪﻳﺎ ﻭﻋﺒﺮﺗﻲ ﺧﻨﻘﺘﻨﻲ ، ﻏﻄﻴﺖ ﻋﻴﻮﻧﻲ ﺑﻜﻔﻮﻑ ﻳﺪﻳﺎ ، ﻭﻧﺰﻟﻮ ﺩﻣﻮﻋﻲ
ﻧﻮﺭﺱ : ﻧﻮﻭﺳﻪ
ﺍﻧﻲ ﻗﻌﺪﺕ ﻧﺒﻜﻲ ، )) ﺣﺎﺳﺔ ﺑﻀﻌﻒ ، ﻧﺘﺤﻠﻒ ﻫﻜﻲ ﻭﺧﻼﺹ ﻭﻧﻘﻮﻝ ﺣﻨﻌﺎﻗﺒﻪ ، ﻧﺪﻳﺮ ﻓﻲ ﺭﻭﺣﻲ ﻗﻮﻳﺔ ﺑﺲ ﺍﻧﻲ ﺿﻌﻴﻔﻪ ﻓﻲ ﺍﻟﺤﻘﻴﻘﺔ ، ﺧﺎﻳﻔﻪ ، ﺧﺎﻳﻔﻪ ﻧﺨﺴﺮ ﺣﺐ ﺣﻴﺎﺗﻲ ﺧﺎﻳﻔﻪ ﻧﺨﺴﺮ ﺳﻨﺪ ﺑﻴﺘﻲ ،ﺣﺘﻰ ﻟﻮ ﻛﺎﻥ ﺍﻟﻲ ﺻﺎﺭ ﻓﻲ ﻋﻴﻮﻥ ﻏﻴﺮﻱ ﺷﻲ ﺗﺎﻓﻪ ﺑﺲ ﺍﻧﻲ ﻧﺸﻮﻑ ﻓﻴﻪ ﺷﻲ ﻛﺒﻴﺮ ﺑﺎﻟﻨﺴﺒﻪ ﻟﻴﺎﺍﺍ ، ﻭﻟﻴﺪ ﺍﻧﻲ ﺟﺮﺑﺖ ﻓﻘﺪﻩ ﻟﻤﺪﺓ ﺳﻨﺘﻴﻦ ﻛﺎﻧﺖ ﺃﺳﻮﺃ ﺃﻳﺎﻡ ﺣﻴﺎﺗﻲ ﺟﺮﺑﺖ ﻧﻌﻴﺶ ﻣﻦ ﻏﻴﺮﻩ ﻋﺎﻧﻴﺖ ﺃﻟﻢ ﻭﺍﻧﻜﺴﺎﺭ ﻭﺿﻌﻒ ﻋﺎﻧﻴﺖ ﺍﻟﻮﺣﺪﺓ ﻭﺍﻟﺤﺰﻥ ﻓﻲ ﻏﻴﺎﺑﻪ ، ﻭﺑﻌﺪ ﺭﺟﻌﻠﻲ ﻣﺎﻧﻔﻜﺮﺵ ﺍﻧﻲ ﻧﺨﺴﺮﻩ ﺗﺎﻧﻲ ، ﻟﻜﻦ ﻣﺎﻓﻴﺶ ﻣﺮﺃﺓ ﺗﺮﺿﻰ ﻟﺰﻭﺟﻬﺎ ﻫﻜﻲ ((
ﻧﻮﺭﺱ ﺣﻄﺖ ﻳﺪﻫﺎ ﻋﻠﻲ ﻇﻬﺮﻱ ﻭﻗﻌﺪﺕ ﺗﻤﺴﺢ ﻋﻠﻴﻬﺎ : ﻧﻮﺳﻪ ﺧﻼﺹ ﺍﻫﺪﻱ ، ﻭﺍﻟﻠﻪ ﺍﺗﻌﺒﻲ ﻓﻲ ﺭﻭﺣﻚ ﻫﻜﻲ ﻣﺮﺍﺕ ﻣﺶ ﻗﺼﺪﻩ
ﺍﻧﻲ ﻗﻤﺖ ﺭﺍﺳﻲ ﺑﺤﺮﻛﺔ ﻻﺇﺭﺍﺩﻳﺔ ، ﻭﺩﻣﻮﻋﻲ ﻋﻠﻲ ﺧﺪﻱ ﻭﻧﺘﻜﻠﻢ ﺑﻘﻬﺮﺓ : ﻓﻲ ﺷﻦ ﻣﺶ ﻗﺼﺪﻩ ﻳﺎﻧﻮﺭﺱ ﻓﻲ ﺷﻦ ، ﻫﻮ ﻣﺎﻳﺘﺤﻜﻤﺶ ﻓﻲ ﺍﻋﻀﺎﺀ ﺟﺴﻤﻪ ﻳﻌﻨﻲ ﻣﺎﻳﺘﺤﻜﻤﺶ ﻓﻲ ﻳﺪﻩ ﻭﻳﻦ ﻳﺤﻂ ، ﻭﺑﺎﻫﻲ ﻣﻦ ﻏﻴﺮ ﻳﺪﻩ ﻋﻼﺵ ﻳﻘﻮﻟﻠﻬﺎ ﻟﻮ ﺗﺒﻲ ﺷﻲ ﺍﻧﻲ ﻣﻮﺟﻮﻭﺩ ، ﻫﻮﻭﻭﻭﻭﻭﻭ ﺍﺻﻼ ﺷﻨﻮ ﺑﺎﻟﻨﺴﺒﺔ ﻟﻴﻬﺎﺍﺍ ﺑﺎﺍﺍﺵ ﻳﻌﺮﺽ ﺧﺪﻣﺎﺍﺍﺍﺗﻪ ﻋﻠﻴﻪ ﻗﻮﻭﻭﻟﻴﻠﻲ
ﻧﻮﺭﺱ : ﺑﺎﻩ ﻋﻨﺪﻙ ﺣﻖ ﻭﺍﻟﻠﻪ ﺣﺒﻴﺒﺘﻲ ﻋﺎﺭﻓﻪ ﻟﻜﻦ ﺍﻫﺪﻱ ﺷﻮﻳﺔ ﻭﻓﻜﺮﻱ ﺑﻌﻘﻠﻚ ﺑﺎﺵ ﺗﻌﺮﻓﻲ ﻛﻴﻒ ﺗﺘﺼﺮﻓﻲ ، ﻭﻗﻄﻊ ﻋﻠﻴﻬﺎ ﺻﻮﺕ ﺗﻠﻴﻔﻮﻧﻬﺎ
ﺍﻧﻲ ﺗﻜﻴﺖ ﺭﺍﺳﻲ ﻉ ﺍﻟﺼﺎﻟﻮﻥ ﻭﻏﻤﻀﺖ ﻋﻴﻮﻧﻲ
ﺍﻣﺎ ﻧﻮﺭﺱ ﻃﻠﻌﺖ ﺗﻠﻴﻔﻮﻧﻬﺎ ﻣﻦ ﺟﻴﺒﻬﺎ : ﻫﺎﺩﻱ ﻧﺮﺟﺲ ، ﺍﻛﻴﺪ ﻣﺎﻣﺎ ﺗﺪﻭﺭ ﻓﻴﺎ ، ﻭﺭﺩﺕ : ﺍﻟﻮ
ﻧﺮﺟﺲ : ﻭﻳﻴﻴﻨﻚ
ﻧﻮﺭﺱ : ﺍﻧﻲ ﻓﻮﻕ ﻋﻨﺪﻙ ﻧﺴﻴﺒﺔ
ﻧﺮﺟﺲ : ﻫﻲ ﻧﻮﺳﻪ ﺭﻭﺣﺖ ، ﺑﺎﻩ ﺧﻴﺮﻙ ﻣﺎﺗﻘﻮﻟﻴﺶ ﻳﺎﺑﺎﺭﺩﻩ ، ﻭﺑﺼﻮﺕ ﻭﺍﻃﻲ : ﺭﺍﻧﻲ ﺭﻛﺒﺖ ﻣﻌﺎﻙ ﻣﻠﻴﺖ ﺑﺮﻭﺣﻲ
ﻧﻮﺭﺱ : ﺑﺎﻫﻲ ﺗﻌﺎﻟﻲ
ﻧﺮﺟﺲ : ﻻﺗﻮﺍ ﺑﻴﺤﻄﻮ ﺍﻟﻌﺸﻲ ﻗﺎﻟﺘﻠﻜﻢ ﻋﻤﺘﻲ ﻓﺘﺤﻴﺔ ﺍﻧﺰﻟﻮ ﺗﻌﺸﻮ ﺍﻧﺘﻲ ﻭﻧﺴﻴﺒﺔ
ﻧﻮﺭﺱ : ﺑﺎﻫﻲ ، ﻭﺳﻜﺮﺕ : ﻫﻲ ﻧﻮﺿﻲ ﺍﻏﺴﻠﻲ ﻭﺟﻬﻚ ﻧﻨﺰﻟﻮ
ﺍﻧﻲ ﻣﻐﻤﻀﻪ ﻋﻴﻮﻧﻲ : ﺍﻧﺰﻟﻲ ﺍﻧﺘﻲ ﻗﻮﻟﻴﻠﻬﻢ ﺗﻌﺒﺎﻧﻪ ، ﻣﺶ ﺣﻨﻘﺪﺭ ﻧﺸﻮﻑ ﻭﺟﻬﻬﺎ
ﻧﻮﺭﺱ : ﺑﻴﺤﻄﻮ ﺍﻟﻌﺸﻲ ﺑﺎﻫﻲ ﺍﻧﺰﻟﻲ ﺗﻌﺸﻲ ﺑﺘﻘﻌﺪﻱ ﻣﻦ ﻏﻴﺮ ﻋﺸﻲ
ﺍﻧﻲ ﻓﺘﺤﺖ ﻋﻴﻮﻧﻲ ﺷﻔﺘﻠﻬﺎ : ﻧﻮﺭﺱ ﻣﺎﺗﻜﻮﻧﻴﺶ ﻧﻔﺎﺧﻪ ﺧﻼﺹ ﺍﻧﺰﻟﻲ ﺍﻧﺘﻲ ﺗﻌﺸﻲ ﻗﻮﻟﻴﻠﻬﻢ ﺭﻗﺪﺕ
ﻧﻮﺭﺱ : ﻋﻨﻴﻴﻴﺪﺓ ﻭﺭﺍﺱ ﻣﺴﻜﺮ
ﺍﻧﻲ : ﻣﻦ ﺗﺘﻜﻠﻢ ؟
ﻧﻮﺭﺱ : ﺍﻧﻲ ﺣﺘﻰ ﻋﻨﻴﺪﻩ ﻟﻜﻦ ﻣﺶ ﻓﻲ ﻧﻔﺲ ﻣﺴﺘﻮﻯ ﻋﻨﺎﺩﻙ ﻗﺎﻋﺪﻩ ﺍﻫﻮﻥ ﻣﻨﻚ
ﺍﻧﻲ : ﺳﻜﺮﻱ ﺍﻟﺒﺎﺏ ﻭﺭﺍﻙ
ﻧﻮﺭﺱ : ﺑﻨﻮﻟﻲ ﺑﻨﺮﻛﺐ ﺭﺍﻫﻮ ﻻﻧﻲ ﺍﻟﺒﺎﻳﻦ ﻣﺎﻣﺎ ﺑﺘﺮﺍﺟﻲ ﻭﻟﻴﺪ ﻳﺮﻭﺡ ﺑﻴﻨﺎ ﻭﺭﺍﺟﻠﻚ ﺍﻟﻠﻪ ﺍﻋﻠﻢ ﺍﻣﺘﻰ ﻳﺮﻭﺡ
ﺍﻧﻲ ﺳﺎﻛﺘﻪ
ﻧﻮﺭﺱ : ﻗﺼﺪﻱ ﺍﻟﻤﻐﺮﺏ ﻛﻴﻒ ﻳﺄﺫﻥ ﺧﻴﺮﻫﻢ ﺣﺎﻃﻴﻦ ﺍﻟﻌﺸﻲ ﻣﻦ ﺗﻮﺍ ، ﻭﺍﻻ ﺣﻘﺎﺍ ﻓﻲ ﻧﺎﺱ ﺍﻛﻴﺪ ﻫﺬﺍ ﻋﻼﺵ
ﺍﻧﻲ ﻧﺸﻮﻓﻠﻬﺎﺍ
ﻧﻮﺭﺱ ﻭﻗﻔﺖ ﺷﺎﻓﺘﻠﻲ : ﺍﺻﻼ ﺍﻧﻲ ﺍﻟﺤﻤﺎﺭﺓ ﺍﻟﻲ ﻧﺪﻭﻱ ﻣﻌﺎﻙ ﻗﻌﺪﺕ ﻧﺴﺎﻝ ﻭﻧﺠﺎﻭﺏ ﺑﺮﻭﺣﻲ
ﺍﻧﻲ ﺿﺤﻜﺖ ﻏﺼﺒﻦ ﻋﻨﻲ : ﻫﻬﻬﻬﻬﻬﻪ ﻋﺮﻓﺘﻲ ﺭﻭﺣﻚ ﺯﻱ ﺍﻟﻬﺒﻠﺔ
ﻧﻮﺭﺱ ﺷﺎﻓﺘﻠﻲ ﻭﻃﻠﻌﺖ ﻭﻗﺮﺑﻌﺖ ﺍﻟﺒﺎﺏ
ﺍﻧﻲ : ﻫﻬﻬﻬﻬﻪ ، ﻭﻭﻟﻴﺖ ﺍﺗﻜﻴﺖ ﻉ ﺍﻟﺼﺎﻟﻮﻥ ﻭﺗﻨﻬﺪﺕ : ﻳﺎﺭﺑﻲ ﺳﺎﻋﺪﻧﻲ
،،،،،،،،
ﺃﻳﻤﻦ : ﺍﻟﺴﻼﻡ ﻋﻠﻴﻜﻢ ، ﺃﻣﻴﻴﻴﻲ ﻋﻠﻴﻴﻴﻴﺎﺍﺍﺍ ﻣﺎﺍﻓﻴﺶ ﺣﺪ ﻓﻲ ﺍﻟﺤﻮﺵ ﻭﺍﻻ ﺷﻨﻮ
ﻋﻤﺘﻲ ﻣﻦ ﺍﻟﻤﻄﺒﺦ : ﺗﻌﺎﻟﻰ ﻓﻲ ﺍﻟﻤﻄﺒﺦ ﺍﺣﻨﻲ ﻏﻴﺮ ﻭﻃﻲ ﺣﺴﻚ ﺑﺲ
ﺃﻳﻤﻦ ﺧﺶ ﻟﻠﻤﻄﺒﺦ : ﺷﻦ ﺗﺪﻳﺮﻭ
ﻋﻤﺘﻲ : ﻧﻘﺮﺿﻮ ﻓﻲ ﻋﺼﺒﺎﻥ ﻏﺪﻭﺓ ﺑﻨﺪﻳﺮﻭﻩ ﻏﺪﻱ ﺑﺎﻟﻚ ﻣﺮﺕ ﺧﺎﻟﻚ ﺗﺠﻴﻨﺎ ﻭﺍﻟﺒﻨﺎﺕ ﻭﺣﺘﻰ ﺣﻨﺎﻙ ، ﻗﻠﺖ ﻧﻮﺗﻮﻩ ﻣﻦ ﺍﻟﻴﻮﻡ
ﺃﻳﻤﻦ ﺟﺒﺪ ﻛﺮﺳﻲ ﻭﻗﻌﻤﺰ : ﺑﺎﺍﻩ ﻣﻠﻴﻴﻴﺢ ﻏﺪﻭﺓ ﻏﺪﺍﻧﺎ ﻋﻨﺪﻛﻢ ﻣﻌﻨﺎﻫﺎ
ﻋﻤﺘﻲ : ﺍﻳﻪ ﺍﻛﻴﺪ ﻛﻠﻜﻢ ﺗﻌﺎﻟﻮ
ﺃﻳﻪ ﻣﺮﺕ ﺃﺣﻤﺪ ﻭﺳﻤﻴﻪ ﻣﺮﺕ ﺃﻧﻮﺭ ﻭﻋﻠﻴﺎ ﻣﻘﻌﻤﺰﻳﻦ ﻳﻘﺮﺿﻮ ﻓﻲ ﺍﻟﺨﻀﺮﺓ ، ﻭﻋﻤﺘﻲ ﺗﻮﺍﺯﻳﻠﻬﻢ ﻓﻲ ﺍﻟﺨﻀﺮﺓ
ﻋﻤﺘﻲ : ﺷﻜﻠﻚ ﻛﻴﻒ ﻣﺮﻭﺡ ﻣﻦ ﺍﻟﺨﺪﻣﺔ
ﺃﻳﻤﻦ : ﺍﻳﻪ ﻭﺍﻟﻠﻪ ﻋﻨﺪﻱ ﻗﻀﻴﺔ ﻻﻫﻲ ﺑﻴﻬﺎ ، ﺣﺘﻰ ﻟﺤﻮﺷﻲ ﻣﺎﺭﻭﺣﺘﺶ ﺧﻄﻤﺖ ﻃﻮﻝ ﺍﻫﻨﻲ
ﻋﻤﺘﻲ : ﻛﺎﻧﻚ ﺧﺪﻳﺖ ﺣﻮﺷﻲ ﻗﺮﻳﺐ ﺍﻫﻨﻲ ﻣﺶ ﺧﻴﺮﻟﻚ ﺣﺘﻰ ﺍﻟﻤﺮﺍﺓ ﻣﺎﺗﻘﻌﺪﺵ ﺑﺮﻭﺣﻬﺎ ﻓﻲ ﺍﻟﺤﻮﺵ
ﺳﻤﻴﺔ : ﺣﻖ ﻭﺍﻟﻠﻪ ﺗﻮ ﺍﻧﺘﻲ ﻣﺴﺘﺤﻴﻞ ﻧﻘﺪﺭ ﻧﻘﻌﺪ ﺑﺮﻭﺣﻲ ﻓﻲ ﺣﻮﺵ ﺑﻌﻴﺪ
ﺃﻳﻤﻦ : ﻣﺎﻳﺼﻴﺮﻟﻬﺎ ﺷﻲ ﺗﻌﻮﺩﺕ
ﺃﻳﺔ : ﻭﺷﻦ ﺑﻴﺼﻴﺮﻟﻬﺎ ﻋﺎﺍﺩﻱ ﺣﻮﺵ ﻣﺴﻜﺮ ﻋﻠﻴﻬﺎ ﻏﻴﺮ ﺩﻟﻊ ﺑﺲ ، ﻭﻗﻌﺪﺕ ﺗﻘﺮﺽ ﻓﻲ ﺍﻟﻤﻌﺪﻧﻮﺱ ﺑﻐﻞ ﻏﻠﻬﺎ
ﻋﻠﻴﺎ ﺷﺎﻓﺖ ﻷﻳﺔ ﻭﻋﺮﻓﺘﻬﺎ ﻋﻼﺵ ﻣﻐﻠﻮﻟﺔ ﻋﻠﻲ ﻫﺎﺟﺮ ، ﻋﻠﻲ ﺧﺎﻃﺮ ﻳﻮﻡ ﺑﻴﺎﻥ ﻧﻮﺍﻝ ﻭﻛﻴﻒ ﺍﻟﻤﻮﻗﻒ ﺍﻟﻲ ﺻﺎﺭ ، ﻭﻗﻌﺪﺕ ﺗﺬﻛﺮ ﻭﺍﺑﺘﺴﻤﺖ ﻭﺷﺎﺩﻩ ﺿﺤﻜﺘﻬﺎ ﺑﺎﻟﺴﻴﻒ
ﺃﻳﻤﻦ ﺷﺎﻓﻠﻬﺎ : ﺿﺤﻜﻴﻨﺎ ﻣﻌﺎﻙ
ﻋﻠﻴﺎ ﺍﻫﻨﻲ ﺗﺬﻛﺮﺕ ﻭﺟﻪ ﺃﻳﺔ ﻓﻲ ﻫﺪﺍﻛﺎ ﺍﻟﻮﻗﺖ ، ﻭﺗﻘﻌﺪ ﺗﻀﺤﻚ : ﻫﻬﻬﻬﻬﻬﻬﻬﻬﻬﻬﻬﻬﻬﻬﻬﻪ
ﻛﻠﻬﻢ
ﻋﺪﻧﺎﻥ ﺧﺎﺵ ﻣﻦ ﺑﺎﺏ ﺍﻟﻤﻄﺒﺦ : ﺧﻴﺮﻫﺎ ﻣﻠﺒﻮﺳﻪ ﺗﻀﺤﻚ ﺑﺮﻭﺣﻬﺎ
ﻋﻠﻴﺎ : ﻫﻬﻬﻬﻬﻪ ﺷﻲ ﺧﻴﺮﻛﻢ ﺗﺬﻛﺮﺕ ﺣﺎﺟﺔ ﺗﻀﺤﻚ ﺑﺲ ﻫﻬﻬﻪ
ﻋﺪﻧﺎﻥ ﻗﻌﻤﺰ : ﻣﺶ ﻃﺒﻴﻌﻴﻪ ﺍﺻﻼ ، ﺑﺎﻩ ﻣﺪﻳﻠﻲ ﻣﻴﻪ
ﻋﻠﻴﺎ : ﻓﻴﻚ ﻳﺪﻳﻦ ﻭﺭﺟﻠﻴﻦ ﻋﻠﻰ ﻣﺎﺃﻇﻦ
ﻋﺪﻧﺎﻥ ﻭﻗﻒ ﻭﺍﻣﺸﻲ ﺑﻴﺠﻴﺐ ﻣﻴﻪ ﻭﻫﻮ ﻣﻮﻟﻲ ﻟﻠﻜﺮﺳﻲ ﺧﺒﻄﻪ ﺑﺮﺟﻠﻪ ﻋﻠﻲ ﻇﻬﺮﻫﺎ
ﻋﻠﻴﺎﺍﺍ : ﺍﺍﺍﺍﺍﺍﻱ ﻳﺎﺍﺣﻤﺎﺍﺍﺭ ، ﻭﻭﻗﻒ ﻭﻣﻘﺪﻡ ﺟﻴﻬﺘﻪ ﺗﺠﺮﻱ ﺑﺎﻟﻤﻮﺱ
ﻋﻤﺘﻲ : ﺣﻴﻴﻴﻲ ﻋﻠﻴﺎﺍﺍﺍﺍ ﺗﻴﻴﻲ ﻗﻌﻤﺰﻱ ﻳﺎﺍﺍﻣﺴﺤﻮﻭﻧﻪ ﺍﻟﻤﻮﺱ
ﻋﻠﻴﺎ ﺗﻘﺪﻡ ﺟﻬﺔ ﻋﺪﻧﺎﻥ ﻭﺩﺍﻳﺮﻩ ﺍﻟﻤﻮﺱ ﻗﺪﺍﻣﻬﺎ
ﻋﺪﻧﺎﻥ ﻣﻘﻌﻤﺰ ﻭﻳﺸﺮﺏ ﻓﻲ ﺍﻟﻤﻴﻪ ﻭﻣﺘﺠﺎﻫﻠﻬﺎ
ﻋﻠﻴﺎ ﻗﻌﺪﺕ ﺗﻀﺮﺏ ﻓﻴﻪ ﺑﺮﺟﻠﻬﺎ ﻋﻠﻲ ﺭﺟﻠﻴﻬﺎ
ﻋﺪﻧﺎﻥ ﻳﻤﺪ ﺭﺟﻠﻪ ﻭﻳﻌﻜﻔﻬﺎ ، ﻭﻋﻠﻴﺎ ﺗﺠﻲ ﻃﺎﺍﺍﻳﺤﺔ ﻋﻠﻲ ﺃﻳﻤﻦ
ﻋﺪﻧﺎﻥ : ﻫﻬﻬﻬﻬﻬﻬﻬﻬﻬﻪ ﺗﺴﺘﺎﻫﻠﻲ
ﻋﻠﻴﺎ ﺗﻨﻮﺽ ﻭﺗﺴﺐ ﻭﺗﻠﻌﻦ ﻓﻴﻪ
ﺃﻳﻤﻦ ﺷﺮﻳﻦ ﺗﻠﻴﻔﻮﻧﻪ ﻧﺎﺽ ﻃﻠﻊ ﻟﻠﺼﺎﻟﺔ ﻭﻳﺘﻜﻠﻢ
ﺃﻳﻪ ﺷﺎﻓﺎﺗﻪ ﻧﺎﺿﺖ ﻏﺴﻠﺖ ﻳﺪﻳﻬﺎ
ﻋﻠﻴﺎ ﻗﻌﻤﺰﺕ ﺑﻌﺪ ﺳﺐ ﻭﻟﻌﻦ ﻟﻌﺪﻧﺎﻥ ﻭﺑﻌﺪ ﺣﺮﻗﻠﻬﺎ ﺩﻣﻬﺎ ﻭﻛﻤﻠﺖ ﺗﻘﺮﻳﺾ
ﺃﻳﻪ ﻃﻠﻌﺖ ﻣﻦ ﺍﻟﻤﻄﺒﺦ
ﺃﻳﻤﻦ : ﻻﻭﺍﻟﻠﻪ ،،، ﺍﻣﺸﻴﺘﻠﻪ ﺍﻧﻲ ﻫﺪﺍﻛﺎ ﺍﻟﻴﻮﻡ ﻟﻜﻦ ﻣﺎﺣﺼﻠﺘﺎﺷﻲ ،، ﻻ ﻗﻀﻴﺘﻪ ﺗﺤﻮﻟﺖ ﻟﻠﻤﺤﻜﻤﺔ ﻣﻤﻜﻦ ﺍﻭﻝ ﺟﻠﺴﺔ ﺍﻻﺳﺒﻮﻉ ﺍﻟﺠﺎﻱ ،، ﺧﻼﺹ ﺍﻣﺎﻻ ﺧﻠﻴﻨﺎ ﻧﺸﻮﻓﻮﻙ ، ﻣﻊ ﺍﻟﺴﻼﻣﻪ ، ﺳﻜﺮ ﻭﺗﻠﻔﺖ ﻭﺭﺍﻩ ﺍﻟﻘﻲ ﺃﻳﺔ ﻭﻗﻒ ﺷﺎﻓﻠﻬﺎ ﺑﺎﺳﺘﻐﺮﺍﺏ
ﺃﻳﺔ : ﺃﻳﻤﻦ ﻧﺒﻲ ﻧﺘﻜﻠﻢ ﻣﻌﺎﻙ ﻓﻲ ﻣﻮﺿﻮﻉ
ﺃﻳﻤﻦ ﻳﺸﻮﻓﻠﻬﺎ ﺑﺎﺍﺳﺘﻐﺮﺍﺏ
ﺃﻳﺔ : ﺗﻌﺎﻝ ﻧﻄﻠﻌﻮ ﻟﻠﺠﻨﺎﻥ ﺍﻟﻘﺪﺍﻡ ، ﻭﺍﻣﺸﺖ ﺟﻬﺔ ﺍﻟﺒﺎﺏ
ﺃﻳﻤﻦ ﻣﺎﺷﻲ ﻭﺭﺍﻫﺎ ﻣﺴﺘﻐﺮﺏ
ﺃﻳﺔ ﻭﻗﻒ ﻭﻟﻔﺘﻠﻪ : ﺷﻮﻑ ﻻﻧﻚ ﺯﻱ ﺧﻮﻱ ﻧﻌﺘﺒﺮ ﻓﻴﻚ ﺣﻨﺪﻭﻳﻠﻚ ، ﻓﻲ ﻣﻮﺿﻮﻉ ﻻﺯﻡ ﺗﻌﺮﻓﻪ
ﺃﻳﻤﻦ : ﺑﺨﺼﻮﺹ ؟
ﺃﻳﺔ : ﺑﺨﺼﻮﺹ ﻫﺎﺟﺮ
ﺃﻳﻤﻦ ﻳﺸﻮﻓﻠﻬﺎ ﻭﻣﺴﺘﻐﺮﺏ
ﺃﻳﻪ ﻛﻤﻠﺖ : ﺍﻧﻲ ﺍﻣﺲ ﺳﻤﻌﺖ ﺷﻲ ﻣﺶ ﻗﺼﺪﻱ ﻧﺴﻤﻊ ﻭﻻﻧﺘﻄﻔﻞ ، ﻟﻜﻦ ﺑﻌﺪ ﺳﻤﻌﺘﻪ ﻗﻠﺖ ﻻﺯﻡ ﺍﻧﻚ ﺗﻌﺮﻑ
ﺃﻳﻤﻦ : ﺍﺧﺘﺼﺮﻱ
ﺃﻳﺔ : ﻛﺎﻧﺖ ﻫﺎﺟﺮ ﺗﻬﺪﺭﺯ ﻫﻲ ﻭﻧﺴﻴﺒﺔ ﻋﻠﻲ ﺷﺨﺺ ﺍﺳﻤﻪ ﻣﻮﺳﻰ ﻭﺍﻟﻲ ﻓﻬﻤﺘﻪ ﺍﻧﻪ ﺣﺒﻴﺐ ﻫﺎﺟﺮ
ﺃﻳﻤﻦ ﺑﺼﺪﻣﻪ : ﺍﻧﺘﻲ ﻭﺍﻋﻴﻪ ﻟﻠﻲ ﺗﻘﻮﻟﻲ ﻓﻴﻪ ، ﻭﺗﻜﻨﻄﻰ
ﺃﻳﺔ : ﺍﻫﺪﻯ ﺍﻧﻲ ﻗﺼﺪﻱ ﺍﻧﻪ ﻛﺎﻥ ﺣﺒﻴﺐ ﻫﺎﺟﺮ ﻳﻌﻨﻲ ﻓﻲ ﻣﺎﺿﻴﻬﺎ ، ﻣﺎﻧﻌﺮﻓﺶ ﺍﺫﺍ ﻛﺎﻥ ﻫﻲ ﺣﺎﻛﻴﺘﻠﻪ ﺍﻭ ﻻ ﺑﺲ ﺷﻲ ﺯﻱ ﻫﺪﺍ ﻛﺎﻥ ﻣﻔﺮﻭﺽ ﺍﻧﺖ ﺗﻌﺮﻓﻪ ﻭﻣﺎﻳﻨﺪﺳﺶ
ﺃﻳﻤﻦ ﺑﻌﺼﺒﻴﻪ : ﺷﻦ ﺗﺨﺮﺭﻓﻲ ﺍﻧﺘﻲ ؟ ﻟﺸﻦ ﺗﺒﻲ ﺗﻮﺻﻠﻲ ؟
ﺃﻳﺔ : ﻣﺎﻧﺒﻲ ﻧﻮﺻﻞ ﻟﺸﻲ ﺍﻟﻲ ﻋﻠﻴﺎ ﻗﻠﺘﻬﻮﻟﻚ ﻭﻻﻧﻚ ﺯﻱ ﺧﻮﻱ ﺩﻭﻳﺖ ﻟﻤﺼﻠﺤﺘﻚ ﻭﻟﻮ ﻣﺶ ﻣﺼﺪﻗﻨﻲ ﺑﺮﺍ ﺃﺳﺄﻟﻬﺎ ﻳﻤﻜﻦ ﻋﻨﺪﻩ ﺇﺟﺎﺑﺔ ﻟﻴﻚ ، ﻭﺗﺨﻄﺎﺗﻪ ﻭﺧﺸﺖ ﻟﻠﺤﻮﺵ، ﺭﺟﻌﺖ ﻟﻠﻤﻄﺒﺦ ﺑﺈﺑﺘﺴﺎﻣﻪ ﻭﻻﻛﺎﻧﻬﺎ ﺩﺍﻳﺮﻩ ﺣﺎﺟﺔ
ﺃﻣﺎ ﺃﻳﻤﻦ ﻓﻘﻌﺪ ﻣﺼﺪﻭﻡ ﻭﻭﺍﻗﻒ ﻓﻲ ﻣﻜﺎﻧﻪ ، ﻭﺑﻌﺪﻫﺎ ﻃﻠﻊ ﻭﻟﻊ ﺳﻴﺎﺭﺗﻪ ﻭﺍﻣﺸﻲ ﻟﺤﻮﺷﻪ ﺑﺄﺳﺮﻉ ﻣﺎﻋﻨﺪﻩ
،،،،،،،،،،،
ﻭﻟﻴﺪ ﺧﺎﺵ ﻟﻠﺤﻮﺵ : ﻧﻮﻭﺳﺔ ﻧﻮﻭﺳﺔ ، ﺧﺶ ﻟﻠﺼﺎﻟﺔ ﻭﻓﻲ ﻳﺪﻩ ﺃﻛﻴﺎﺱ ﺷﺎﻓﻨﻲ ﻏﺎﻓﻴﻪ ﻋﻠﻲ ﺍﻟﺼﺎﻟﻮﻥ ، ﺍﻣﺸﻲ ﻟﻠﻤﻄﺒﺦ ﺣﻂ ﺍﻷﻛﻴﺎﺱ ، ﻭﺟﺎﻧﻲ
ﺍﻧﻲ ﻣﻦ ﻛﺜﺮ ﺍﻟﺘﻔﻜﻴﺮ ﻏﻔﻴﺖ
ﻭﻟﻴﺪ ﻗﻌﻤﺰ ﻋﻠﻲ ﺭﻛﺎﺑﻪ ، ﻭﺣﻂ ﻳﺪﻩ ﻋﻠﻲ ﺷﻌﺮﻱ ﻭﻗﻌﺪ ﻳﻠﻌﺐ ﺑﻴﻪ ﺑﻴﺪﻩ ﻭﻳﺘﻔﺮﺝ ﻋﻠﻴﺎ ﻭﺍﻧﻲ ﺭﺍﻗﺪﻩ
ﺍﻧﻲ ﺗﺤﺮﻛﺖ ﺑﺈﻧﺰﻋﺎﺝ ، ﺑﻌﺪﻫﺎ ﻓﺘﺤﺖ ﻋﻴﻮﻧﻲ ﺑﺎﻟﺸﻮﻳﺔ ﺟﺖ ﻋﻴﻨﻲ ﻓﻲ ﻋﻴﻨﻪ ﻭﻫﻮ ﻣﺒﺘﺴﻢ
ﻭﻟﻴﺪ ﻣﺒﺘﺴﻢ : ﻳﺎﺧﻤﻴﺮﺓ ﺍﻟﻨﻮﻡ ﺧﻴﺮﻙ ﺭﺍﻗﺪﻩ ﺍﻫﻨﻲ ﻧﻮﺿﻲ ﺍﺭﻗﺪﻱ ﻓﻲ ﺍﻟﺪﺍﺭ
ﺍﻧﻲ ﻏﻤﻀﺖ ﻋﻴﻮﻧﻲ ﻭﻗﻌﺪﺕ ﻧﺘﺬﻛﺮ ﻛﻴﻒ ﺭﻗﺪﺕ ﺍﻫﻨﻲ ﻭﺗﺪﻛﺮﺕ ﺍﻟﻲ ﺻﺎﺭ ﺍﻣﺒﻜﺮﻱ ، ﻓﺘﺤﺖ ﻋﻴﻮﻧﻲ ﻧﻀﺖ ﻗﻌﻤﺰﺕ
ﻭﻟﻴﺪ : ﺻﺤﺔ ﺍﻟﻨﻮﻡ ﻭﻧﺎﺽ ﻗﻌﻤﺰ ﺟﻨﺒﻲ ،ﻭﻭﻛﻴﻒ ﺑﻴﻘﺮﺏ ﻣﻨﻲ ﺍﻧﻲ ﺣﻄﻴﺖ ﻳﺪﻱ ﻗﺪﺍﻣﻪ ﺑﻤﻌﻨﻰ ﻭﻗﻒ ، ﻭﻧﻀﺖ ﻭﻗﻔﺖ ﻭﺍﻣﺸﻴﺖ ﺑﺨﻄﻮﺍﺕ ﺑﻄﻴﺌﺔ ﺟﻬﺔ ﺍﻟﺤﻤﺎﻡ ( ﺣﺸﺎﻛﻢ ) ، ﺧﺸﻴﺖ ﻭﺳﻜﺮﺕ ﺍﻟﺒﺎﺏ
ﻭﻟﻴﺪ ﻗﻌﺪ ﻣﻘﻌﻤﺰ ﻣﺼﺪﻭﻡ ﻭﻣﺶ ﻓﺎﻫﻢ ﺷﻲ
ﺍﻧﻲ ﺍﻭﻝ ﻣﺎﺧﺸﻴﺖ ﻟﻠﺤﻤﺎﻡ ﺣﺴﻴﺖ ﻗﻠﺒﻲ ﻣﻐﻤﻮﻡ ﻭﻛﺎﻥ ﻧﻠﻘﻰ ﻧﺒﻜﻲ ، ﺑﺲ ﺷﺪﻳﺖ ﺭﻭﺣﻲ ﻭﻏﺴﻠﺖ ﻭﺟﻬﻲ ، ﻗﻤﺖ ﺭﺍﺳﻲ ﺷﻔﺖ ﻟﻠﻤﺮﺍﻳﺔ ، ﺑﻌﺪﻫﺎ ﻗﻌﺪﺕ ﻧﻐﺴﻞ ﻓﻲ ﻭﺟﻬﻲ ﺑﺎﻟﻘﻮﻭﺓ ﻭﻗﺪﺍﺵ ﻣﺮﺓ ، ﻓﺘﺤﺖ ﺍﻟﺪﻭﻻﺏ ﻃﻠﻌﺖ ﺷﻨﻄﺔ ، ﺣﻄﻴﺖ ﻛﺮﻳﻢ ﻭﺩﺭﺕ ﻣﻠﻤﻊ ﺑﺴﻴﻂ ﻭﻭﺍﺳﻴﺖ ﺷﻌﺮﻱ ، ﺭﺩﻳﺖ ﺍﻟﺸﻨﻄﺔ ﻓﻲ ﻣﻜﺎﻧﻬﺎ ﺷﻔﺖ ﻟﺮﻭﺣﻲ ﻧﻈﺮﺓ ﺳﺮﻳﻌﻪ ﻓﻲ ﺍﻟﻤﺮﺍﻳﺔ ﻭﻃﻠﻌﺖ
ﺍﻟﻘﻴﺖ ﻭﻟﻴﺪ ﻣﺘﻜﻲ ﻉ ﺍﻟﺤﻴﻂ ﺍﻟﻲ ﻗﺪﺍﻡ ﺍﻟﺒﺎﺏ ﻭﺣﺎﻁ ﻳﺪﻳﻪ ﻓﻲ ﺟﻴﻮﺑﻪ ﻭﻗﺎﺭﻥ ﺣﻮﺍﺟﺒﻪ ﻭﻣﺘﻜﻨﻄﻲ
ﺍﻧﻲ ﻟﻤﺎ ﺷﻔﺘﻪ ﻧﺰﻟﺖ ﻋﻴﻮﻧﻲ ﻭﻟﻔﻴﺖ ﺑﻨﻤﺸﻲ ﻟﻠﺪﺍﺭ
ﻭﻟﻴﺪ ﺷﺪ ﻳﺪﻱ ، ﺍﻧﻲ ﻟﻤﺎ ﺷﺪ ﺟﺖ ﺑﻴﻦ ﻋﻴﻮﻧﻲ ﻛﻴﻒ ﺣﻂ ﻳﺪﻩ ﻋﻠﻲ ﻛﺘﻒ ﻋﺒﻴﺮ ، ﺣﻮﻟﺖ ﻳﺪﻩ ﺑﻘﻮﺓ ﻭﺑﺴﺮﻋﻪ ، ﻭﻣﺎﺑﻴﺘﺶ ﺣﺘﻰ ﻧﺸﻮﻓﻠﻪ
ﻭﻟﻴﺪ ﻣﺼﺪﻭﻡ ، ﻭﺑﻌﺼﺒﻴﻪ : ﺷﻦ ﻗﺼﺪﻙ ﺑﺎﻟﺤﺮﻛﺔ ﻫﺎﺩﻱ ﺍﻧﺘﻲ ﺷﻦ ﺍﻟﻲ ﺻﺎﺍﺍﻳﺮ ﻓﻬﻤﻴﻨﻲ
ﺍﻧﻲ ﻣﺎﻧﺒﻴﺶ ﻧﺸﻮﻭﻓﻠﻪ ﻭﻣﻜﻤﻠﻪ ﻃﺮﻳﻘﻲ ﻟﻠﺪﺍﺭ
ﻭﻟﻴﺪ ﻟﺤﻘﻨﻲ ﻭﺑﻌﺼﺒﻴﻪ : ﺍﻧﻲ ﻟﻤﺎ ﺗﺘﻜﻠﻤﻲ ﺗﻮﻗﻔﻲ ﺗﺴﻤﻌﻴﻨﻲ ﻭﺗﺸﻮﻭﻓﻴﻠﻲ ﻣﻌﺎﺵ ﺗﺘﺠﺎﻫﻠﻴﻨﻲ
ﻟﻨﻲ ﺷﻔﺘﻠﻪ ﻧﻈﺮﺓ ﻏﺮﻳﺒﺔ ﺃﻭﻝ ﻣﺮﺓ ﻧﺸﻮﻓﻬﺎﻟﻪ
ﻭﻟﻴﺪ ﻳﺸﻮﻓﻠﻲ ﻭﻣﺼﺪﻭﻡ : ﺷﻦ ﻓﻲ ؟ ﺧﻴﺮﻙ ﺗﻌﺎﻣﻠﻲ ﻓﻴﺎ ﻫﻜﻲ
ﺍﻧﻲ ﻟﻔﻴﺖ ﺟﻬﺔ ﺍﻟﺴﺮﻳﺮ ﻭﻛﻴﻒ ﺑﻨﻤﺸﻲ ، ﻭﻟﻴﺪ ﺷﺪﻟﻲ ﻳﺪﻱ
ﺍﻧﻲ ﻛﻞ ﻣﺎﻳﻤﺴﻨﻲ ﺑﻴﺪﻩ ﻧﺘﺬﻛﺮ ﺍﻟﻤﻮﻗﻒ ﻋﻠﻰ ﻃﻮﻝ ، ﺣﻮﻟﺘﻠﻪ ﻳﺪﻩ ﺑﻬﺪﻭﺀ ﺍﻟﻤﺮﺓ ﻫﺎﺩﻱ ، ﻭﺑﻬﺪﻭﺀ ﻏﺮﻳﺐ : ﻧﺒﻲ ﻧﺮﻗﺪ ﻟﻮ ﺳﻤﺤﺖ ،
ﻭﻟﻴﺪ ﻳﺸﻮﻓﻠﻲ ﻭﻣﺼﺪﻭﻡ ﻭﻣﺶ ﻓﺎﻫﻢ ﺷﻲ
ﺍﻧﻲ ﺧﺸﻴﺖ ﻟﻠﺴﺮﻳﺮ ﻭﻋﻄﻴﺘﻪ ﺑﻈﻬﺮﻱ ﻭﻏﻤﻀﺖ ﻋﻴﻮﻧﻲ
ﻭﻟﻴﺪ ﺗﻜﻨﻄﻰ ﻗﺮﺏ ﻣﻦ ﺍﻟﺴﺮﻳﺮ
ﺍﻧﻲ ﺧﻔﺖ ﻭﻗﻠﺒﻲ ﻳﻄﻖ ﺑﻘﻮﺓ
ﻭﻟﻴﺪ ﺳﺤﺐ ﻣﺨﺪﺗﻪ ﺑﻌﺼﺒﻴﻪ ، ﻭﺍﻣﺸﻲ ﺟﻬﺔ ﺍﻟﺪﻭﻻﺏ ﻓﺘﺤﻪ ﻭﻃﻠﻊ ﺑﻄﺎﻧﻴﻪ ، ﻭﻗﺮﺑﻌﻪ ﺑﺎﻟﻘﻮﺓ ﻭﻃﻠﻊ ﻭﻗﺮﺑﻊ ﺑﺎﺏ ﺍﻟﺪﺍﺭ
ﺍﻧﻲ ﻓﺘﺤﺖ ﻋﻴﻮﻧﻲ ﻭﺗﻨﻬﺪﺕ ﺑﻀﻴﻖ ﻭﺍﻧﻲ ﻣﺨﻨﻮﻭﻗﻪ
،،،،،،،،،،
ﺃﻳﻤﻦ ﺧﺸﺶ ﻟﻠﺤﻮﺵ ﺑﺴﺮﺭﻋﻪ ﻭﻣﺎﻳﺸﻮﻓﺶ ﻓﻲ ﺷﻲ ﻗﺪﺍﺍﻣﻪ ، ﻗﺮﺭﺑﻊ ﺑﺎﺏ ﺍﻟﺤﻮﻭﺵ : ﻫﺎﺍﺍﺍﺟﺮ ﻫﺎﺍﺍﺟﺮ
ﻫﺎﺟﺮ ﺍﻧﺨﻠﻌﺖ ﻃﻠﻌﺖ ﻣﻦ ﺍﻟﺪﺍﺭ ﺗﺠﺮﻱ : ﻧﻌﻤﻤﻢ
ﺃﻳﻤﻦ ﻗﺮﺏ ﻣﻨﻬﺎ ﻭﻋﻴﻮﻧﻪ ﺷﺮﺍﺭﻩ ﺗﻄﻠﻊ ﻣﻨﻬﻢ : ﺗﻌﺎﻟﻲ
ﻫﺎﺟﺮ ﺗﻘﺮﺏ ﻣﻨﻪ ﻭﺧﺎﻳﻔﻪ ﻭﻣﺴﺘﻐﺮﺑﻪ : ﺣﺒﻴﺒﻲ ﺷﻦ ﻓﻲ ؟
ﺃﻳﻤﻦ ﺑﻬﺪﻭﺀ ﻋﻜﺲ ﺍﻟﺒﺮﻛﺎﻥ ﺍﻟﻲ ﻓﻲ ﺩﺍﺧﻠﻪ : ﻣﻦ ﻫﻮ ﻣﻮﺳﻰ ؟
ﻫﺎﺟﺮ ﺟﻤﺪﺕ ﻓﻲ ﻣﻜﺎﻧﻬﺎﺍ ﻭﻣﺼﺪﻭﻭﻣﻪ ، ﻓﺘﺤﺖ ﻋﻴﻮﻧﻬﺎ ﻋﻠﻲ ﻭﺳﻌﻬﻢ
ﺃﻳﻤﻦ : ﺗﻜﻠﻤﻲ ، ﺻﺢ ﺍﻟﺪﻭﻭﺓ ﻣﻌﻨﺎﻫﺎ ﻭﺍﻻ ، ﻭﻫﻮ ﻳﻘﺮﺏ ﻣﻨﻬﺎ
ﻭﻭﻭﻭﻭ
# ﻳﺘﺒﻊ
الحلقةة[51]
