منقولة
الحلقةة[36]
من ﺭﻭﺍﻳﺔ - - ->" #ﺳﻨــﺪ_ﺍﻷﻧﺜــﻰ_ﺭﺟــﻞ "
ﻗﻌﻤﺰﻧﺎ ﻣﻊ ﺑﻌﻀﻨﺎ ﻭﻗﻌﺪﻧﺎ ﻫﺪﺭﺯﻭ , ﻭﻭﻟﻴﺪ ﻭﻋﻤﺎﺩ ﻗﻌﻤﺰﻭ ﻓﻲ ﻃﺎﻭﻟﺔ ﺑﻌﻴﺪﺓ ﻋﻠﻴﻨﺎ ﺷﻮﻳﺔ , ﻋﻤﺎﺩ ﻛﺎﻥ ﻣﻘﻌﻤﺰ ﻳﺄﺭﻗﻞ ﻭﻭﻟﻴﺪ ﺟﻨﺒﻪ
ﻣﻨﻰ : ﺍﻣﺘﻰ ﺭﻭﺡ ﻣﺤﻤﻮﺩ
ﻋﻤﺘﻲ : ﺍﻣﺲ ﺳﻜﺮ ﺭﺍﺳﻪ ﺷﻲ ﻧﺮﻭﺡ ﺻﺎﺣﺒﻪ ﺩﺍﺭ ﺣﺎﺩﺙ ﻃﻠﻌﻠﻪ ﻳﺠﺮﻱ ﻓﻲ ﺍﻟﻠﻴﻞ
ﻣﻨﻰ : ﺍﻫﺎ ﺑﺎﻩ , ﻭﻟﻴﺪ ﺗﻌﺎﺍﻟﻰ ﺍﻫﻨﻲ
ﻭﻟﻴﺪ ﻥ ﺑﻌﻴﺪ : ﻳﺎﻣﺎﻣﺎ ﻧﺒﻲ ﻧﻌﻮﻭﻡ ﻣﺶ ﺑﻴﺒﻲ ﺭﺍﻫﻮ ﺍﻧﻲ
ﻣﻨﻰ : ﺑﺎﻫﻲ ﻗﻮﻝ ﻟﺒﺎﺑﺎ ﻳﺪﺧﻠﻚ
ﻭﻟﻴﺪ ﺍﻣﺸﻲ ﻳﺠﺮﻱ ﻟﺒﻮﻩ : ﺑﺎﺑﺎ ﺑﺎﺑﺎ
ﻋﻤﺎﺩ ﻛﺎﻥ ﻳﻬﺪﺭﺯ ﻣﻊ ﻭﻟﻴﺪ ﻭﻳﺘﻨﺎﻗﺸﻮ ﻓﻲ ﻣﻮﺿﻮﻉ ﻓﻤﺎﺭﺩﺵ ﻋﻠﻴﻪ
ﻭﻟﻴﺪ ﺗﻜﻨﻄﻰ ﻭﻗﺮﺏ ﻥ ﺑﻮﻩ ﻭﻫﻮ ﻳﻜﺸﺦ : ﻋﻤﺎﺍﺍﺍﺍﺩ
ﻋﻤﺎﺩ ﺗﻠﻔﺘﻠﻪ : ﺍﻧﻲ ﻋﻤﺎﺍﺩ ؟
ﻭﻟﻴﺪ ﻭﻫﻮ ﻣﻌﺼﺐ : ﺍﻳﻪ ﺍﻧﺖ ﻣﺎﺩ ﻫﻴﺎ ﻗﺎﻟﺘﻠﻚ ﻣﻨﻰ ﺩﺧﻠﻨﻲ ﻟﻠﺒﺤﺮ ﻧﺒﻲ ﻧﻌﻮﻡ
ﻭﻟﻴﺪ ﺣﺒﻴﺒﻲ : ﻫﻬﻬﻬﻬﻬﻬﻬﻬﻬﻬﻬﻪ ﺣﻲ ﻋﻠﻲ ﻋﻤﺎﺩ ﻭﻣﻨﻰ ﺍﻟﻔﺮﺥ ﻫﺪﺍ ﺟﻮ ﻏﻴﺮ ﺧﻴﺮﻙ ﻣﻌﺼﺐ ﺑﺲ
ﻭﻟﻴﺪ ﻭﻫﻮ ﺣﺎﻣﻖ : ﻟﻴﺎ ﺳﺎﺍﻋﻪ ﺍﻧﺎﺩﻱ ﻓﻴﻪ ﻭﻫﻮ ﻳﺒﻴﺶ ﻳﺮﺩ ﻋﻠﻴﺎ ﻭﺍﻧﻲ ﻧﺒﻲ ﻧﻌﻮﻡ
ﻋﻤﺎﺩ ﻳﺸﻮﻓﻞ ﻭﻳﻔﻨﺺ ﻭﻭﻟﻴﺪ ﻣﺎﻳﺒﻴﺶ ﻳﺸﻮﻓﻠﻪ ﻻﻧﻪ ﻳﻔﻨﺺ ﻓﻴﻪ
ﻭﻟﻴﺪ ﺣﺒﻴﺒﻲ : ﻫﻬﻬﻬﻬﻬﻬﻪ ﻭﺍﻟﻠﻪ ﻣﺎﻋﻨﺪﻙ ﺣﻖ ﻳﺎﻋﻤﺎﺩ ﺍﻟﻮﻟﺪ ﺍﻋﻴﻲ ﻭﻫﻮ ﻳﻨﺎﺩﻱ ﻟﻴﻪ ﺳﺎﻋﻪ ﻳﻜﻠﻢ ﻓﻴﻚ
ﻋﻤﺎﺩ : ﺑﺎﻩ ﺗﻌﺎﻟﻰ ﻗﺮﺏ ﺑﺎﺵ ﻧﺮﻓﻌﻚ ﺗﻌﻮﻡ
ﻭﻟﻴﺪ ﻭﺧﺮ : ﻻﻻ ﻋﺎﺭﻓﻚ ﺑﺘﻀﺮﺑﻨﻲ
ﻋﻤﺎﺩ : ﻋﺎﺭﻓﻨﻲ ﺑﻨﻀﺮﺑﻚ ﺻﺎﺭ ﻋﺎﺭﻑ ﺭﻭﺣﻚ ﺩﺍﻳﺮ ﻏﻠﻂ ﻭﺍﻻ
ﻭﻟﻴﺪ : ﺍﻫﻮ ﺍﻧﺖ ﻳﺒﻲ ﺧﻠﻴﺘﻨﻲ ﻧﺪﻳﺮ ﺍﻟﻐﻠﻂ
ﻋﻤﺎﺩ : ﺑﺎﻩ ﺍﺩﺍﻡ ﻋﻤﺎﺩ ﺧﻼﻙ ﺗﺪﻳﺮ ﺍﻟﻐﻠﻂ ﺑﺮﺍﺍ ﻣﻠﺢ ﻣﺶ ﻣﺨﺸﺸﻚ ﻣﻌﻮﻣﻚ
ﻭﻟﻴﺪ ﻭﻫﻮ ﻗﺮﻳﺐ ﻳﺒﻜﻲ : ﻣﻦ ﺑﻴﺨﺸﺸﻨﻲ ﺑﺎﻫﻲ ﻧﺒﻲ ﻧﻌﻮﻡ ﺍﻧﻲ . ﻗﻮﺱ ﻓﻤﻪ ﺑﺘﺎﻉ ﺑﻴﺒﻜﻲ ﺧﻼﺹ
ﻋﻤﺎﺩ : ﺍﺩﺧﻠﻴﺶ ﻓﻴﻚ ﺑﺎﺵ ﻣﺮﺓ ﺗﺎﻧﻴﻪ ﻳﺤﺘﺮﻣﻮ ﺑﺎﺑﺎ
ﻭﻟﻴﺪ ﺑﺪﻱ ﻳﺒﻜﻲ : ﺷﺮﻳﺮ ﺍﻧﺖ ﻳﺎﺑﺎﺍﺑﺎ , ﻭﺍﻟﺘﻔﺖ ﻭﺍﻣﺸﻲ ﻳﺠﺮﻱ ﻭﻫﻮ ﻳﺒﻜﻲ
ﻭﻭﻭﻟﻴﺪ ﻣﻴﺖ ﺑﺎﻟﻀﺤﻚ : ﻫﻬﻬﻬﻪ ﻭﺍﻻ ﺷﺮﻳﺮ ﻳﺎﻋﻤﺎﺩ
ﻋﻤﺎﺩ : ﻭﺍﻟﻠﻪ ﺍﻟﻤﺎ ﻧﺸﺪﻙ ﻳﺎﺍﻓﺮﺥ
ﻭﻟﻴﺪ ﺣﺒﻴﺒﻲ ﻧﺎﺽ ﻭﻟﺤﻖ ﻭﻟﻴﺪ ﺍﻟﺼﻐﻴﺮ ﻭﻫﻮ ﻳﻀﺤﻚ : ﻭﻟﻴﻴﺪ ﻭﻟﻴﻴﺪ ﻫﻬﻪ ﺕ ﻏﻴﺮ ﺗﻌﺎﻟﻰ ﺗﻮ ﻧﺨﺸﺸﻚ ﺍﻧﻲ ﻧﻌﻮﻣﻚ
ﻭﻟﻴﺪ ﻭﻗﻒ ﺗﻠﻔﺘﻠﻪ : ﺑﺎﻟﺤﻘﺎﺍﺍ
ﻭﻟﻴﺪ ﺣﺒﻴﺒﻲ : ﺍﻳﻪ ﺑﺎﻟﺤﻘﺎ ﺗﻌﺎﻟﻰ
ﻭﻟﻴﺪ ﺟﺎﻩ ﻳﺠﺮﻱ : ﻭﺍﻟﻠﻪ ﺍﻧﺖ ﻳﺎﺧﺎﻟﻲ ﺻﻘﻊ ﻣﺶ ﺯﻱ ﻋﻤﺎﺩ ﺷﺮﻳﺮ
ﻋﻤﺎﺩ ﺳﻤﻌﻪ : ﺑﺎﺍﺍﻫﻲ ﻳﻮﻟﻴﺪ ﺯﻳﺪ ﺍﻟﻤﺎ ﻧﻮﺭﻳﻚ
ﻭﻟﻴﺪ ﺷﺪ ﻓﻲ ﻳﺪ ﺣﺒﻴﺒﻲ : ﻫﻴﺎ ﻫﻴﺎ ﻧﺨﺸﻮ ﺧﻴﺮ ﻣﺎﻳﺠﻴﻨﻲ
ﻭﻟﻴﺪ ﺣﺒﻴﺒﻲ : ﻫﻬﻬﻬﻬﻪ ﺗﻲ ﻋﻴﺐ ﻳﺎﻓﺮﺥ ﻫﺪﺍ ﺑﺎﺑﺎ ﻣﺎﻳﻨﺎﺩﺷﻲ ﺑﺎﺍﺳﻤﻪ ﻭﻣﺎﻳﻘﻮﻟﻮﺵ ﻋﻠﻲ ﺑﺎﺑﺎ ﺷﺮﻳﺮ
ﻭﻟﻴﺪ ﺑﻤﻠﻞ : ﺑﺎﻫﻲ ﺑﺎﻫﻲ ﻏﻴﺮ ﻫﻴﺎ ﻧﺨﺸﻮ ﺧﺎﻟﻮ
ﻭﻟﻴﺪ ﺣﺒﻴﺒﻲ ﺣﻮﻝ ﺍﻟﺘﻴﺸﺮﺕ ﺑﺘﺎﻉ ﻭﻗﺎﻣﻪ ﻭﺧﺶ ﺑﻴﻪ ﻟﻠﺒﺤﺮ
ﺍﻧﻲ ﻛﻨﺖ ﻣﻘﻌﻤﺰﺓ ﻭﻧﺮﺍﻗﺐ ﻓﻴﻪ ﻣﻦ ﺑﻌﻴﺪ . ﻭﻟﻴﺪ ﻳﺸﺒﻪ ﺣﺒﻴﺒﻲ ﻫﻠﺒﺎ ﺍﻟﻲ ﻳﺸﻮﻑ ﻳﻘﻮﻝ ﻭﻟﺪﻩ , ﺍﻥ ﺷﺎﺀ ﺍﻟﻠﻪ ﻳﺎﺣﺒﻴﺒﻲ ﻧﺠﻴﺒﻠﻚ ﻭﻟﺪ ﻭﻳﺸﺒﻬﻠﻚ ﺍﻛﺜﺮ ﻭﻳﻄﻠﻊ ﺯﻳﻚ
ﺧﺪﻳﺖ ﻓﻮﻧﻲ ﻭﺗﻮﺟﻬﺖ ﻟﻠﺸﻂ : ﻭﻟﻴﻴﺪ
ﻭﻟﻴﺪ ﻛﺎﻥ ﻗﺎﻋﺪ ﻓﻲ ﺍﻟﺸﻂ ﻣﺎﺑﺎﻋﺪﺵ ﺗﻠﻔﺘﻠﻲ
ﺍﻧﻲ ﻗﻤﺖ ﻓﻮﻧﻲ ﻭﻓﺘﺤﺖ ﺍﻟﻜﺎﻣﻴﺮﺍ : ﻧﺒﻲ ﻧﺎﺧﺪﻟﻚ ﺻﻮﺭﺓ ﻣﻊ ﺑﻌﺾ
ﻭﻟﻴﺪ ﺍﻟﺼﻐﻴﺮ ﺑﺼﻮﺕ ﻋﺎﻟﻲ : ﻭﺍﻟﻠﻪ ﺍﻧﺘﻲ ﺻﻘﻊ ﻳﺎﻣﺮﺕ ﺧﺎﻟﻮﻭ
ﺍﻧﻲ : ﻫﻬﻬﻬﻬﻬﻪ ﺑﺎﻩ ﻫﻲ ﺷﻮﻓﻠﻲ ﻭﺍﺑﺘﺴﻢ
ﻭﻟﻴﺪ ﺣﺒﻴﺒﻲ : ﻣﺎﺗﻘﻮﻟﻴﺶ ﻣﻦ ﻭﻳﻦ ﻣﺘﻌﻠﻤﻬﺎ ﺻﻘﻊ ﻫﺎﺩﻱ
ﻭﻟﻴﺪ : ﻣﺤﻤﻮﺩ ﻳﻘﻮﻭﻝ ﻓﻴﻬﺎ ﻭﺍﻟﺮﺟﺎﻟﻪ ﻳﻘﻮﻟﻮ ﻓﻴﻬﺎ ﻭﺍﻧﻲ ﺭﺍﺟﻞ ﺑﻨﻘﻮﻟﻬﺎ
ﻭﻟﻴﺪ ﺣﺒﻴﺒﻲ : ﻫﻬﻬﻬﻪ ﻭﻗﺎﻟﻲ ﺑﺼﻮﺕ ﻋﺎﻟﻲ : ﻭﺍﻟﻠﻪ ﻣﺎﻧﻘﺪﺭ ﻋﻠﻴﻪ ﻫﺎﻟﻔﺮﺥ
ﺍﻧﻲ : ﻫﻬﻬﻬﻬﻪ ﻋﺴﺴﻞ
ﻭﻟﻴﺪ : ﻫﻴﻴﻲ ﺍﻧﻲ ﻣﺶ ﻓﺮﺥ
ﻭﻟﻴﺪ ﺣﺒﻴﺒﻲ : ﺍﺳﻜﺖ ﻫﻴﺎ ﻭﺷﻮﻑ ﻟﻤﺮﺕ ﺧﺎﻟﻚ ﺧﻠﻲ ﺗﺼﻮﺭ
ﺍﻧﻲ ﺻﻮﺭﺗﻬﻢ ﻭﻧﻀﺤﻚ ﻋﻠﻴﻬﻢ ﻛﺎﻧﻮ ﻳﻨﺘﺎﻗﺮﻭ ﻫﻤﺎ ﺍﻟﺰﻭﺯ ﺑﺎﻟﺮﺳﻤﻲ ﺣﺒﻴﺒﻲ ﻳﻘﻮﻟﻪ ﺍﻧﺖ ﻓﺮﺥ ﻭﻭﻟﻴﺪ ﻳﻘﻮﻟﻪ ﺍﻧﻲ ﺭﺍﺟﻞ ﻣﺶ ﻓﺮﺭﺥ
ﺭﺟﻌﺖ ﻟﻠﻄﺎﻭﻟﺔ ﻭﻗﺎﻋﺪﻩ ﻧﺮﺍﻗﺐ ﻓﻲ ﻭﻟﻴﺪ ﻣﻦ ﺑﻌﻴﺪ
ﻧﻮﺍﻝ : ﺍﻧﻲ ﻣﻠﻴﺖ ﻣﺎﺗﺒﻮﺵ ﺗﺨﺸﻮ ﺗﻌﻮﻣﻮ
ﻧﻮﺭﺱ : ﺣﺘﻰ ﺍﻧﻲ ﺧﺎﻃﺮﻱ ﻧﺨﺶ ، ﻧﻮﺳﻪ ﺗﺒﻴﺶ ﺗﺨﺸﻲ
ﺍﻧﻲ : ﻻﻻ ﻣﺎﺧﺎﻃﺮﻳﺶ
ﻣﺎﻣﺎ : ﺗﺮﺍ ﻗﺒﻞ ﻣﺎﺗﻤﺸﻮ ﻣﺪﻭﻟﻲ ﻫﺎﺗﻔﻲ
ﻧﻮﺭﺱ ﻭﻫﻲ ﺧﺎﺷﺔ : ﺑﺎﻫﻲ ، ﻭﺍﻣﺸﺖ ﺟﺎﺑﺘﻠﻬﺎ ﺍﻟﻔﻮﻥ ﻭﺍﻋﻄﺘﻬﻮﻟﻬﺎ ﻭﺍﻣﺸﺖ ﻫﻲ ﻧﻮﺍﻝ ﺟﻬﺔ ﺍﻟﺒﺤﺮ
ﻣﺎﻣﺎ : ﺣﻨﺎﻙ ﻧﺘﺼﻞ ﺑﻴﻬﺎ ﻣﺎﺗﺮﺩﺵ
ﺍﻧﻲ : ﺷﻮﻓﻲ ﺍﻟﺘﻠﻴﻔﻮﻥ ﺍﻻﺭﺿﻲ ﺑﺎﻟﻚ ﺗﺮﺩ ﻋﻠﻴﻚ ﺭﻭﺯﺍ
ﻣﺎﻣﺎ : ﺗﻮ ﻧﺸﻮﻑ ﻭﺍﻟﻠﻪ ﺣﺴﻨﻲ ﺧﻔﺖ
ﺍﻧﻲ : ﻻﻻ ﺍﻥ ﺷﺎﺀ ﺍﻟﻠﻪ ﺧﻴﺮ ﺗﻠﻘﻴﻬﺎ ﺭﺍﻗﺪﻩ ﻭﻣﺎﺗﺴﻤﻌﺶ ﻓﻴﻪ
ﻣﺎﻣﺎ : ﺍﻟﻮ ﺭﻭﺯﺍ ﻛﻴﻒ ﺣﺎﻟﻚ ، ﻛﻴﻒ ﺣﺎﻝ ﺍﻟﻼﻱ ، ﺧﻴﺮﻫﺎ ﺍﻣﺘﻰ ، ﺑﺎﻫﻲ ﻭﺗﻮﺍ ﻛﻴﻒ ﺣﺎﻟﻬﺎ ، ﺑﺎﻩ ﻧﺘﺼﻞ ﺑﺘﻠﻴﻔﻮﻧﻬﺎ ﺍﻋﻄﻴﻬﻮﻟﻬﺎ ﻧﻜﻠﻤﻚ ، ﺭﺩﻱ ﺑﺎﻟﻚ ﻋﻠﻴﻬﺎ ، ﻣﻊ ﺍﻟﺴﻼﻣﻪ ، ﺳﻜﺮﺕ ﻣﺎﻣﺎ ﻭﺍﺗﺼﻠﺖ ﻃﻮﻝ ﺑﺮﻗﻢ ﺣﻨﻴﻨﻪ
ﺍﻧﻲ ﺧﻔﺖ : ﺷﻦ ﻓﻲ ﺧﻴﺮﻫﺎ ﺣﻨﻴﻨﻪ
ﻣﺎﻣﺎ ﺑﻘﻠﻖ : ﺭﻭﺯﺍ ﺗﻮﺍ ﻗﺎﻟﺘﻠﻲ ﺍﻣﺲ ﺗﻌﺒﺖ ﻭﺭﻓﻌﻮﻫﺎ ﻟﻠﻤﺴﺘﺸﻔﻰ ﻣﺎﻓﻬﻤﺘﺶ ﻣﻨﻬﺎ ﺑﺎﻫﻲ ، ﺍﻟﻮ ﺍﻟﻼﻱ ﺍﻫﻠﻴﻦ ﻛﻴﻒ ﺣﺎﻟﻚ ﻻﺑﺎﺱ ﻋﻠﻴﻚ ﺧﻴﺮﻙ ، ﻭﺗﻮﺍ ﻛﻴﻒ ﺣﺎﻟﻚ ﺑﺎﻫﻲ ﻃﻴﺐ ﻋﻠﻲ ﺳﻼﻣﺘﻚ ﺗﻮ ﻧﺸﻮﻑ ﻛﺎﻥ ﻗﺪﺭﻧﺎ ﻧﺮﻭﺣﻮ ﻧﻘﻌﺪ ﺟﻨﺒﻚ ، ﺑﺎﻫﻲ ﺭﺩﻱ ﺑﺎﻟﻚ ﻉ ﺭﻭﺣﻚ ﻓﻲ ﺣﻔﻆ ﺍﻟﻠﻪ ، ﻭﺳﻜﺮﺕ
ﺍﻧﻲ : ﺧﻴﺮﻫﺎ ﺷﻦ ﻓﻲ
ﻣﺎﻣﺎ : ﺍﺭﺗﻔﻌﻠﻬﺎ ﺍﻟﻀﻐﻂ ﺍﻳﻤﻦ ﺭﻓﻌﻬﺎ ﺍﻣﺲ ﺿﺮﺑﻮﻟﻬﺎ ﻳﺒﺮﺓ ﻋﺪﻟﻮﻟﻬﺎ ﺿﻐﻄﻬﺎ ، ﻗﻠﺘﻠﻬﺎ ﺗﻮ ﻧﺮﻭﺣﻮ ﺣﻠﻔﺖ ﻗﺎﻟﺖ ﻭﺍﻟﻠﻪ ﻣﺎﺗﺮﻭﺣﻮ ﺧﻠﻲ ﺍﻟﺒﻨﺎﺕ ﻳﻐﻴﺮﻭ ﺟﻮﻫﻢ
ﺍﻧﻲ ﻗﻤﺖ ﻓﻮﻧﻲ : ﻣﻦ ﻣﻌﺎﻫﺎ ﻫﻲ ،
ﻣﺎﻣﺎ : ﻗﺎﻟﺖ ﺍﻳﻤﻦ ﺑﺎﺕ ﻋﻨﺪﻫﺎ ﺍﻣﺲ ﺷﻮﺭﻩ ﻫﺎﺟﺮ ﺗﺘﻮﺣﻢ ﻓﻲ ﺣﻮﺵ ﺑﻮﻫﺎ
ﺍﻧﻲ : ﺍﻳﻪ ﻣﺶ ﻃﺎﻳﻘﻪ ﺍﻟﺤﻮﺵ ﻗﺎﻟﺘﻠﻲ ، ﺑﺎﻫﻲ ﺧﻠﻲ ﻧﺘﺼﻞ ﺑﻴﻬﺎ ﺍﻧﻲ
ﺍﺗﺼﻠﺖ ﺑﻴﻬﺎ ﻭﻫﺪﺭﺯﺕ ﻋﻠﻴﻬﺎ ﺷﻮﻳﺔ ﻗﺎﻟﺘﻠﻲ ﺍﺳﺘﺎﺣﺸﺘﻚ ﻭﻛﺎﻧﺖ ﻧﺎﺷﻄﺔ ﻭﺟﻮﻫﺎ ﻣﻠﻴﺢ ﺳﻜﺮﺕ ﻣﻨﻬﺎ ﻭﺍﻧﻲ ﺍﺭﺗﺤﺖ ﻋﻠﻴﻬﺎ ﺷﻮﻳﺔ
،،،،،،،،،،
ﻣﺮ ﺍﻻﺳﺒﻮﻉ ﻋﻠﻲ ﺧﻴﺮ
ﺍﻟﻴﻮﻡ ﺭﻭﺣﻨﺎ ﻣﻦ ﺍﻟﺒﺤﺮ ﻛﻞ ﻭﺍﺣﺪ ﺗﻮﺟﻪ ﻟﺤﻮﺷﻪ ، ﻭﺻﻠﻨﺎ ﻟﻠﺤﻮﺵ ﻉ ١١
ﺍﻧﻲ ﺧﺸﻴﺖ ﺗﻠﻮﺣﺖ ﻉ ﺍﻟﺴﺮﻳﺮ ﺑﺘﻌﺐ
ﻭﻟﻴﺪ : ﺣﺒﻴﺒﺘﻲ ﻧﻮﺿﻲ ﻣﺎﺗﺮﻗﺪﻳﺶ ﻫﻜﻲ ﻏﻴﺮﻱ ﻣﻼﺑﺴﻚ
ﺍﻧﻲ ﺑﺘﻌﺐ : ﺑﺎﻩ ﺣﺎﺿﺮ ﻏﻴﺮ ﺧﺶ ﺍﻧﺖ ﺩﻭﺵ ﺗﻮ ﻧﺪﻭﺵ ﺑﻌﺪﻙ
ﻭﻟﻴﺪ : ﺑﺎﻫﻲ ، ﻭﺧﺶ ﺩﻭﺵ
ﺍﻧﻲ ﻣﻦ ﺍﻟﺘﻌﺐ ﺧﺪﺍﻧﻲ ﺍﻟﻨﻮﻡ ﺑﺪﻭﻥ ﻣﺎﻧﻨﺪﺭﻱ ﻋﻠﻲ ﺭﻭﺣﻲ
ﻭﻟﻴﺪ ﻃﺎﻟﻊ ﻣﻦ ﺍﻟﺤﻤﺎﻡ ﻭﻳﻨﺸﻒ ﻓﻲ ﺷﻌﺮﻩ : ﻧﻮﻭﺳﻪ ﻫﻲ ﻧﻮﺿﻲ ﺩﻭﺷﻲ ﺍﻧﻲ ﻃﻠﻌﺖ ﻧﻮﺳﻪ ﻫﻠﻮﻭ ، ﺭﻗﺪﺕ ﻭﺍﻟﻠﻪ ﻋﺮﻓﺘﻚ ، ﻭﻗﺮﺏ ﻣﻨﻲ ﺣﻮﻟﻲ ﻭﺷﺎﺣﻲ ﻭﺣﻮﻝ ﺍﻟﺠﺎﻛﻴﺖ ﺑﺘﺎﻋﻲ ﻭﻭﺳﺎﻧﻲ ﻓﻲ ﺍﻟﻔﺮﺍﺵ ﻏﻄﺎﻧﻲ ﻭﺑﺎﺱ ﻋﻠﻲ ﺭﺍﺳﻲ ﻭﻟﺒﺲ ﻭﺭﻗﺪ ﺟﻨﺒﻲ
،،،،،،،،
ﺍﻣﺎ ﻣﺎﻣﺎ ﻭﺍﺧﻮﺍﺗﻲ ﺍﻭﻝ ﻣﺎﺭﻭﺣﻮ ﺍﻣﺸﻮ ﻃﻮﻝ ﻟﺤﻮﺵ ﺣﻨﻴﻨﻪ ﻃﻘﻄﻘﻮ ﻭﻓﺘﺤﺘﻠﻬﻢ ﺭﻭﺯﺍ ﺧﺸﻮ ﺍﻟﻘﻮ ﻋﻨﺪﻫﻢ ﻋﻤﺘﻲ ﻓﺎﺩﻳﻪ ﻭﻋﻠﻴﺎ ﻭﻋﺪﻧﺎﻥ ﻭﺍﻳﻤﻦ
ﻣﺎﻣﺎ : ﻛﻴﻒ ﺣﺎﻟﻚ ﻳﺎﻟﻼﻱ ﺗﻮﺍ
ﺣﻨﻴﻨﻪ : ﺍﻟﺤﻤﺪ ﻟﻠﻪ ﻛﻮﻳﺴﺔ ﺷﻦ ﻏﻴﺮﺗﻮ ﺟﻮﻛﻢ ﺑﺎﻫﻲ
ﻧﻮﺭﺱ ﺗﺸﻮﻑ ﻟﻌﺪﻧﺎﻥ ﺍﻟﻲ ﻛﺎﻥ ﻣﺘﺠﺎﻫﻠﻬﺎ ﻭﻻﻛﺎﻧﻬﺎ ﺧﺸﺖ : ﺍﻳﻪ ﻛﺎﻥ ﺟﻮ ﺣﻠﻮ ﻳﺎﺣﻨﻴﻨﻪ ﻳﺎﺭﻳﺘﻚ ﺍﻣﺸﻴﺘﻲ ﻣﻌﺎﻧﺎ
ﻧﻮﺍﻝ ﻗﻌﻤﺰﺕ ﺟﻨﺐ ﺣﻨﺎﻱ ﻭﺭﺑﻌﺖ : ﺍﻳﻪ ﻭﺍﻟﻠﻪ ﻳﺎﺣﻨﺎﻱ ﺟﻮﻭ ﻣﺶ ﻋﺎﺩﻱ
ﺣﻨﻴﻨﻪ ﺗﻠﻔﺘﺘﻠﻬﺎ : ﺧﻴﺮﻙ ﻣﻮﻟﻴﺔ ﻛﺤﻠﺔ ﺍﻧﺘﻲ
ﻧﻮﺍﻝ : ﻫﻬﻬﻬﻬﻪ ﺗﻲ ﻣﺎﻫﻮ ﻣﻦ ﺍﻟﺒﺤﺮ ﻳﺎﺣﻨﺎﻱ
ﺍﻳﻤﻦ : ﺯﺍﺩﺕ ﺯﻭﻝ ﻫﻬﻬﻬﻬﻬﻪ
ﻧﻮﺍﻝ : ﻃﻴﺢ ﺳﻌﺪﻙ ﻫﺬﺍ ﺑﺮﻭﻧﺰﺍﺝ ﻳﺎﺟﺎﻫﻞ
ﺍﻳﻤﻦ : ﻫﻬﻬﻬﻬﻬﻬﻬﻪ ﺗﻲ ﺍﻱ ﺑﺮﻧﺰﺍﺝ ﻭﻭﺟﻬﻚ ﺑﻴﺘﻘﺸﺮ
ﻧﻮﺍﻝ : ﺍﻧﺖ ﺷﻦ ﻓﻬﻤﻚ ﺍﺳﻜﺖ
ﺭﻭﺯﺍ ﺟﺎﻳﺒﻪ ﺳﻔﺮﻩ ﺍﻟﺸﺎﻫﻲ ﻭﻣﻌﺎﻫﺎ ﻋﻠﻴﺎ
ﻋﻠﻴﺎ : ﺩﺍﻳﺮﻩ ﺑﺴﺒﻮﺳﺔ ﺻﻘﻊ
ﻣﺎﻣﺎ : ﻳﺴﻠﻤﻮ ﻳﺪﻳﺎﺗﻚ ﺷﻦ ﺟﻮ ﺍﻟﻄﺐ
ﻋﻠﻴﺎ : ﺗﻤﺎﻡ ﻭﺍﻟﻠﻪ
ﻋﺪﻧﺎﻥ : ﻣﻜﻤﻠﺘﻬﺎ ﻣﺎﻛﻠﺔ ﻭﺧﻼﺹ ﺭﺍﻫﻮ ﻳﺎﻣﺮﺕ ﺧﺎﻟﻲ ﻻﺗﻘﺮﺍ ﻻﺷﻲ ﻭﻳﻦ ﻋﻠﻴﺎ ﻋﻠﻴﺎ ﻓﻲ ﺍﻟﻤﻄﺒﺦ ﻣﺎﺗﻜﺬﺑﺶ ﻋﻠﻴﻚ
ﻋﻠﻴﺎ : ﻓﻲ ﻋﻴﻨﻚ
ﻋﺪﻧﺎﻥ : ﺗﻲ ﻭﺍﻟﻠﻪ ﺑﺘﻔﻠﺲ ﺑﻴﻨﺎ ﻣﻦ ﻛﺜﺮ ﺍﻟﻤﺎﻛﻠﺔ ﻭﻣﺶ ﻋﺎﺭﻑ ﻭﻳﻦ ﻳﻤﺸﻲ ﺭﺍﻳﺤﺔ ﺯﻱ ﻋﺼﺎﺓ ﺍﻟﺒﻠﻴﺎﺭﺩﻭ
ﻋﻠﻴﺎ ﺗﺎﻛﻞ ﻓﻲ ﺍﻟﺒﺴﺒﻮﺳﺔ ﻣﺶ ﻣﻌﺪﻟﺔ ﻋﻠﻴﻪ
ﻧﻮﺭﺱ : ﻫﻬﻬﻬﻬﻪ ﻋﻨﺪﻧﺎ ﻧﺴﺨﻪ ﻧﻮﺍﻝ ﻫﻜﻲ ﺩﻳﻤﺎ ﻓﻲ ﺍﻟﻤﻄﺒﺦ
ﻋﺪﻧﺎﻥ ﺗﺠﺎﻫﻞ ﺗﻌﻠﻴﻖ ﻧﻮﺭﺱ ﻭﺍﻟﺘﻔﺖ ﺟﻬﺔ ﺍﻟﺘﻠﻔﺰﻳﻮﻥ ، ﻧﻮﺭﺱ ﺗﻌﻔﻠﻘﺖ ﻟﻴﻦ ﺧﻼﺹ ﻭﻛﺎﻥ ﺗﻠﻘﻰ ﺗﻨﻮﺽ ﺗﺨﻨﻘﻪ
ﻧﻮﺍﻝ : ﻗﻞ ﺍﻋﻮﺫ ﺑﺮﺏ ﺍﻟﻔﻠﻖ
ﺣﻨﻴﻨﻪ : ﺧﻠﻲ ﻳﺎﻛﻠﻮ ﺑﻨﻴﺎﺗﻲ ﺻﺤﻴﺤﻪ
ﻧﻮﺍﻝ ﻭﻋﻠﻴﺎ : ﻗﻮﻟﻴﻠﻬﻢ ﻳﺎﺣﻨﻴﻨﻪ
ﻋﻠﻴﺎ ﻫﻲ ﻭﻧﻮﺍﻝ ﻃﺎﻳﺤﻴﻦ ﻳﺎﻛﻠﻮ ﻓﻲ ﺍﻟﺒﺴﺒﻮﺳﺔ
ﺍﻳﻤﻦ : ﺗﻲ ﻏﻴﺮ ﺑﺎﻟﺸﻮﻳﺔ ﺍﻧﺘﻲ ﻭﻳﺎﻫﺎ ﺧﺪﻭ ﻧﻔﺲ ﺑﺲ ﻣﺶ ﻫﺎﺭﺑﻪ ﺍﻟﺒﺴﺒﻮﺳﺔ
ﻋﻠﻴﺎ ﺗﻤﻀﻎ : ﺑﻌﺪ ﻧﻜﻤﻠﻮ ﻧﺘﻨﻔﺴﻮ
ﻧﻮﺍﻝ ﻭﻓﻤﻬﺎ ﻣﻌﺒﻲ ﺑﺴﺒﻮﺳﻪ ﺍﻧﻔﻠﻘﺖ ﺑﺎﻟﻀﺤﻚ ﻟﻴﻦ ﺍﻧﺨﻨﻘﺖ : ﻛﺢ ﻛﺢ ﻫﻬﻬﻬﻬﻬﻬﻪ ﻛﺢ
ﺣﻨﻴﻨﻪ : ﺑﺴﻢ ﺍﻟﻠﻪ ﻳﺎﺑﻨﺖ ﺑﺎﻟﺸﻮﻳﺔ ﺍﺷﺮﺑﻲ ﺍﻣﻴﻪ
ﺍﺧﺪﺕ ﻧﻮﺍﻝ ﺷﺮﺑﺖ ﻣﻴﻪ : ﻫﻬﻬﻬﻬﻬﻬﻬﻪ ﻭﻭﻭﻩ ﻋﺠﺒﺘﻨﻲ ﻣﻨﻚ ﺑﻌﺪﻳﻦ ﻧﺘﻨﻔﺴﻮ
ﻣﺎﻣﺎ : ﻫﺎﺩﻱ ﻳﻮﻡ ﺗﺎﻧﻲ ﺑﻴﺼﻴﺮﻟﻬﺎ ﺣﺎﺟﺔ ﻣﻦ ﺍﻟﻤﺎﻛﻠﺔ ﺑﺴﺮﻋﻪ ﻓﻲ ﺍﻟﺒﺤﺮ ﺍﻧﺨﻨﻘﺖ ﺑﺸﻮﻛﺔ ﺣﻮﺗﻪ ﻗﺮﻳﺐ ﻣﺎﺗﺖ ﻭﻣﺎﺗﺸﻌﻔﺶ
ﻧﻮﺍﻝ ﺗﺎﻛﻞ ﻓﻲ ﺍﻟﺒﺴﺒﻮﺳﺔ : ﺗﻲ ﻳﺎﻣﺎﻣﺎ ﻫﺎﺩﻳﻜﺎ ﺑﺮﻭﺣﻬﺎ ﻛﻨﺖ ﻧﻐﻠﻲ
ﻧﺮﺟﺲ : ﻫﻬﻬﻬﻬﻪ ﻣﺠﺎﻋﻪ ﺍﻗﺴﻢ ﺑﺎﻟﻠﻪ
ﺍﻳﻤﻦ : ﻫﻬﻬﻬﻬﻪ ﺗﻘﻮﻝ ﻋﻤﺮﻫﻢ ﻣﺎﺍﻛﻠﻮ
ﻋﻠﻴﺎ : ﻳﺎﺣﻨﻴﻨﻪ ﻛﻠﻤﻴﻬﻢ ﻣﻦ ﺑﻜﺮﻱ ﻭﻫﻤﺎ ﻳﻨﻘﻮ ﻋﻠﻴﻨﺎ
ﻋﺪﻧﺎﻥ ﻭﻧﻮﺭﺱ ﻓﻲ ﺣﺎﻟﺔ ﺻﻤﺖ ﻣﺘﺠﺎﻫﻠﻴﻦ ﺑﻌﺾ ﻭﻛﻞ ﻭﺍﺣﺪ ﻳﻔﻜﺮ ﻓﻲ ﺍﻟﺜﺎﻧﻲ ﻭﻳﻜﺎﺑﺮ
ﺣﻨﻴﻨﻪ : ﻋﺎﺩ ﺣﺘﻰ ﺍﻧﺘﻮ ﻛﻮﻟﻮ ﺑﺎﻟﺸﻮﻳﺔ ﺍﻟﻠﻄﻒ ﻳﺎﺭﺑﻲ ﺗﻨﺨﻨﻘﻮ ﺗﺼﻴﺮﻟﻜﻢ ﺣﺎﺟﺔ ﺍﻟﺸﺮ ﻭﺑﻌﻴﺪ ﻛﻮﻟﻮ ﺑﺎﻟﻌﻘﻞ
ﺍﻳﻤﻦ : ﻫﻬﻬﻬﻬﻬﻬﻪ ﺗﻲ ﻳﺎﺣﻨﺎﻱ ﻭﺍﻟﻠﻪ ﻣﺎﻳﻜﺴﺎﺑﻮ ﻋﻘﻞ
ﻧﺮﺟﺲ : ﻫﻬﻬﻬﻬﻬﻪ
ﻋﻠﻴﺎ ﺣﻄﺖ ﺍﻟﺼﻮﻧﻴﻪ : ﻫﺎﺍﺍ ﻭﻗﻔﺘﻮﻫﺎ ﻓﻲ ﺍﻟﺮﻗﺒﻪ ﻣﻌﺎﺵ ﻧﺒﻲ
ﺍﻳﻤﻦ : ﻫﻬﻬﻬﻬﻬﻬﻬﻬﻪ ﺑﻌﺪ ﻛﻤﻠﺘﻲ ﺍﻟﻤﺘﺮﺩ ﺍﻧﺘﻲ ﻭﻳﺎﻫﺎ
ﻧﻮﺍﻝ ﺣﻄﺖ ﺍﻟﺼﻮﻧﻴﻪ ﻭﻭﻗﻔﺖ : ﻫﺎﺍﺍ ﺍﻗﻌﺪﻭﻭ ﻓﻴﻬﺎ ﻫﻲ ﻋﻠﻴﺎ ﺗﻤﺸﻲ ﻣﻌﺎﻧﺎ ﻟﺤﻮﺷﻨﺎ
ﺍﻳﻤﻦ : ﺍﻭﻭﻭﻭﻭ ﻫﻬﻬﻬﻬﻬﻪ ﻳﺎﻟﻠﻪ ﺍﺭﻓﻌﻮ ﺑﺎﻗﻲ ﺍﻟﻤﺘﺮﺩ ﻣﺰﺍﻝ ﻓﻴﻪ ﺯﻭﺯ ﻃﺮﻭﻑ ﻛﻤﻠﻮ ﺟﻤﻴﻠﻜﻢ ﻭﺑﺎﻟﻤﺮﺓ ﻣﺎﺗﻘﻌﺪﻭﺵ ﺟﻌﺎﻧﻴﻦ
ﻋﺪﻧﺎﻥ ﺗﻠﻔﺖ : ﻣﺎﻳﻨﺨﺎﻓﺶ ﻋﻠﻴﻬﻢ ﻫﺎﺩﻭ ﻓﻲ ﺍﻟﻤﺎﻛﻠﺔ ﺍﻛﻴﺪ ﻋﻨﺪﻫﻢ ﺍﺣﺘﻴﺎﻁ
ﻛﺎﻥ ﻋﺪﻧﺎﻥ ﻭﺍﻳﻤﻦ ﻣﻘﻌﻤﺰﻳﻦ ﻗﺪﺍﻡ ﺑﻌﺾ ﻭﻗﺮﺍﺏ ﻣﻦ ﺍﻟﺒﺎﺏ
ﻧﻮﺍﻝ ﻏﻤﺰﺕ ﻟﻌﻠﻴﺎ ﻭﺷﻴﺮﺗﻠﻬﺎ ﺑﻌﻴﻮﻧﻬﺎ ﻋﻠﻴﺎ ﻓﻬﻤﺘﻬﺎ
ﻧﻮﺍﻝ : ﻣﺶ ﺣﻨﺮﺩﻭ ﻋﻠﻴﻜﻢ ، ﻭﺧﻄﻤﺖ ﺟﻨﺐ ﺍﻳﻤﻦ ﻭﻋﻔﺴﺖ ﻋﻠﻲ ﺻﻮﺍﺑﻊ ﺭﺟﻠﻴﻪ ﺑﻜﻞ ﻗﻮﺗﻬﺎ
ﻋﻠﻴﺎ : ﺍﻳﻪ ﺍﺩﻭﻭ ﻟﻴﻦ ﺗﻌﻴﻮ ، ﻭﺧﻄﻤﺖ ﺟﻨﺐ ﻋﺪﻧﺎﻥ ﻭﻋﻔﺴﺖ ﻋﻠﻴﻪ ﻭﺣﻄﺖ ﺭﺯﻧﻬﺎ ﻛﻠﻪ ﻋﻠﻲ ﺭﺟﻠﻪ
ﻋﺪﻧﺎﻥ ﻭﺍﻳﻤﻦ : ﺍﺍﺍﺍﺍ ﻳﺎﺍﺣﻴﻮﺍﻧﻪ ﻳﺎﻋﻦ ﺷﻜﻠﻚ ، ﻭﻧﺎﺿﻮ ﺑﻴﻠﺤﻘﻮﻫﻢ
ﻧﻮﺍﻝ ﻭﻋﻠﻴﺎ ﺷﺪﻭﻫﺎ ﺟﺮﺭﻱ ﻃﻠﻌﻮﻭ ﻳﺠﺮﻭ ﻭﺧﺸﻮ ﻟﺠﻨﺎﻥ ﺣﻮﺷﻨﺎ ﻭﺳﻜﺮﻭ ﺍﻟﺒﺎﺏ
ﻧﺮﺟﺲ ﻭﻧﻮﺭﺱ ﻭﻣﺎﻣﺎ ﻭﻋﻤﺘﻲ ﻭﺣﻨﻴﻨﻪ ﻣﻴﺘﺎﺕ ﺿﺤﻚ ﻋﻠﻴﻬﻢ
ﻭﺧﺸﻮ ﺍﻳﻤﻦ ﻭﻋﺪﻧﺎﻥ ﻟﻠﺪﺍﺭ ﻭﻛﻞ ﻭﺍﺣﺪ ﻳﻴﺴﺐ ﻓﻲ ﺗﺮﻛﻴﻨﻪ ﻭﻳﻠﻌﻦ ﻭﻳﺘﻮﻋﺪ
،،،،،،،،،،
ﺍﻳﻤﻦ ﺑﻌﺪ ﻃﻠﻊ ﻣﻦ ﺣﻮﺵ ﺣﻨﻴﻨﻪ ﺍﻣﺸﻲ ﻟﺤﻮﺵ ﺍﻫﻞ ﻫﺎﺟﺮ ﻭﻫﻮ ﻓﻲ ﺍﻟﻄﺮﻳﻖ ﺍﺗﺼﻞ
ﻫﺎﺟﺮ ﺑﺼﻮﺕ ﻭﺣﺪﺓ ﺭﺍﻗﺪﻩ : ﺍﻳﻮﺍ
ﺍﻳﻤﻦ : ﺭﺍﻗﺪﻩ ﺩﻟﻮﻋﺘﻲ
ﻫﺎﺟﺮ : ﺍﻳﻪ ﻭﺍﻟﻠﻪ ، ﻛﻴﻒ ﺣﺎﻟﻚ
ﺍﻳﻤﻦ : ﻛﻮﻳﺲ ﻧﺎﻗﺼﺘﻴﻨﻲ ﺍﻧﺘﻲ ﺑﺲ ﻫﻲ ﺍﻧﻲ ﺟﺎﻱ ﻓﻲ ﺍﻟﻄﺮﻳﻖ ﻭﺗﻴﻠﻲ ﺭﻭﺣﻚ
ﻫﺎﺟﺮ ﻗﻌﻤﺰﺕ : ﺑﺘﺮﻭﺡ ﺑﻴﺎ
ﺍﻳﻤﻦ : ﺍﻳﻪ ﻳﺎﺳﺮ ﺍﺳﺒﻮﻉ ﻟﻴﻚ ﺑﺮﺍ ﺣﻮﺷﻚ
ﻫﺎﺟﺮ : ﺑﺎﻫﻲ
ﺍﻳﻤﻦ : ﻛﻴﻒ ﻗﺼﺪﻙ ﻣﺎﺗﺒﻴﺶ ﺗﺮﻭﺣﻲ
ﻫﺎﺟﺮ : ﺍﻳﻤﻦ ﺍﻧﺖ ﻋﺎﺭﻑ ﻳﻌﻨﻲ ﻗﺼﺪﻱ ﺣﺘﻰ ﺭﻳﺤﺘﻚ ﻣﺶ ﻣﺘﺤﻤﻠﺘﻬﺎ
ﺍﻳﻤﻦ ﺗﻜﻨﻄﻰ : ﺑﺎﺍﻫﻲ ﺗﻤﺎﻡ ﺑﺮﺍﺣﺘﻚ ، ﻭﺳﻜﺮ ﻋﻠﻴﻬﺎ
ﻫﺎﺟﺮ : ﺍﻭﻭﻑ ﻳﺎﺍﺭﺑﻲ ، ﻭﻧﺎﺿﺖ ﻃﻠﻌﺖ ﻻﻣﻬﺎ
ﺍﻣﻬﺎ : ﺻﺤﺔ ﺍﻟﻨﻮﻡ ﻭﻳﻦ ﻟﺘﻮﺍ ﻧﻮﻡ
ﻫﺎﺟﺮ : ﻭﺍﻟﻠﻪ ﻣﺎﻧﻌﺮﻑ ﻳﺎﻣﺎﻣﺎ ﺟﺎﻳﻨﻲ ﻉ ﺍﻟﻨﻮﻡ ، ﺷﻦ ﺑﻨﻘﻮﻟﻚ ﺍﻳﻤﻦ ﻳﺒﻴﻨﻲ ﻧﺮﻭﺡ
ﺍﻣﻬﺎ : ﻭﺭﻭﺣﻲ ﻳﺎﺳﺮﻙ ﻣﺨﻠﻴﻪ ﺍﻟﺮﺍﺟﻞ ﻟﻴﻚ ﺍﺳﺒﻮﻉ ﻭﺣﻮﺷﻚ
ﻫﺎﺟﺮ : ﻳﺎﻣﺎﻣﺎ ﻭﺍﻟﻠﻪ ﺣﺘﻰ ﺭﻳﺤﺘﻪ ﻣﺎﻃﺎﻳﻘﺘﻬﺎ ﻭﻣﻀﺎﻳﻘﻪ ﻭﺷﻮﻓﻲ ﻛﻴﻒ ﻃﻮﻝ ﺍﻟﻮﻗﺖ ﺭﺍﻗﺪﻩ ﺑﻴﺼﻴﺮ ﻣﺸﺎﻛﻞ ﻭﺧﻼﺹ
ﺍﻣﻬﺎ : ﺍﺣﻨﻲ ﺯﻣﺎﻥ ﻳﺎﺑﻨﺘﻲ ﻭﺍﻟﻠﻪ ﻉ ﻗﺪ ﻣﺎﻧﺘﻮﺣﻢ ﻭﻧﺘﻌﺐ ﻣﺎﻧﻄﻠﻊ ﻣﻦ ﺣﻮﺷﻲ ﻭﻻﻧﺴﻴﺐ ﺭﺍﺟﻠﻲ ﺗﻌﺮﻓﻲ ﻛﻨﺖ ﻧﻄﻴﺐ ﻭﻧﻠﻒ ﻓﻲ ﺷﺎﺭﺑﺘﻲ ﻋﻠﻲ ﺧﺸﻤﻲ ﻋﻠﻲ ﺧﺎﻃﺮ ﺻﻨﻪ ﺍﻟﺘﻄﻴﻴﺐ ﻭﻧﺴﺘﻔﺮﻍ ﻭﻧﻌﺎﻭﺩ ﻃﻮﻝ ﻣﺎﺍﻧﻲ ﻧﻄﻴﺐ ﻟﻜﻦ ﻣﺎﺍﻋﻤﺮﻱ ﺳﻴﺒﺖ ﺭﺍﺟﻠﻲ ﺑﻼ ﻏﺪﻱ ﻭﻻﻋﺸﻲ
ﻫﺎﺟﺮ : ﻳﺎﻣﺎﻣﺎ ﻫﺪﺍﻛﺎ ﺍﻧﺘﻮ ﺯﻣﺎﻥ
ﺍﻣﻬﺎ : ﺍﻧﺘﻮ ﺟﻴﻞ ﺗﻮﺍ ﻣﺎﺍﺗﺘﺤﻤﻠﻮ ﺷﻲ ﺗﺪﻟﻌﻮ ﻭﺧﻼﺹ ، ﻭﺍﻳﻤﻦ ﻳﺤﺒﻚ ﻭﻏﻴﺮ ﺷﻦ ﺗﺒﻲ ﻭﺍﻧﺘﻲ ﺗﺰﻳﺪﻱ ﺗﺪﻟﻌﻲ ﻋﺎﺩ ﻭﺭﺍﻫﻮ ﺧﻮﺩﻳﻬﺎ ﻣﻨﻲ ﺍﻫﻮ ﺍﻣﻚ ﺍﻟﺮﺍﺟﻞ ﺻﺒﺮﻩ ﻗﻠﻴﻞ ﻣﺶ ﺯﻱ ﺍﻟﻤﺮﺍ ﻓﻴﺴﻊ ﻣﺎﻳﻤﻞ ﺭﺍﻫﻮﻭ
ﻫﺎﺟﺮ : ﻭﺍﻟﻠﻪ ﺧﻮﻓﺘﻴﻨﻲ ﻳﺎﻣﺎﻣﺎ ﺑﺎﻫﻲ ﺷﻦ ﻧﺪﻳﺮ ﻣﺶ ﻃﺎﻳﻘﻪ ﺭﻳﺤﺔ ﺍﻟﺤﻮﺵ
ﺍﻣﻬﺎ : ﺍﻧﺘﻲ ﺗﻮﺍ ﺧﺸﻴﺘﻲ ﻓﻲ ﺍﻟﺸﻬﺮ ﺍﻟﺜﺎﻟﺚ ﻭﺍﻻ
ﻫﺎﺟﺮ : ﺍﻳﻪ ﺗﻮﺍ ﻣﻔﺮﻭﺽ ﻟﻴﺎ ﺍﺳﺒﻮﻉ ﻓﻲ ﺍﻟﺸﻬﺮ ﺍﻟﺜﺎﻟﺚ
ﺍﻣﻬﺎ : ﺑﺮﻱ ﺭﻭﺣﻲ ﻟﺤﻮﺷﻚ ﺳﻠﻢ ﺑﻨﻴﺘﻲ ﻭﺭﺩﻱ ﺑﺎﻟﻚ ﻣﻦ ﺭﺍﺟﻠﻚ ﺍﻟﻤﺮﺍ ﻣﺎﻟﻴﻬﺎ ﺍﻻ ﺭﺍﺟﻠﻬﺎ
ﻫﺎﺟﺮ : ﺗﻮ ﺍﻧﻮﺽ ﻧﻜﻠﻤﻪ ﻳﺴﺘﺮ ﺍﻟﻠﻪ ﻭﺧﻼﺹ ﻭﺧﺸﺖ ﻟﺪﺍﺭﻫﺎ ﺳﻜﺮﺗﻬﺎ ﻭﺍﺗﺼﻠﺖ ﺑﺎﻳﻤﻦ ﺍﻭﻝ ﻣﻜﺎﻟﻤﻪ ﻣﺎﺭﺩﺵ ﺍﻟﺜﺎﻧﻴﻪ ﻣﺎﺭﺩﺵ ﺍﻟﺜﺎﻟﺜﻪ ﻓﻲ ﺍﺧﺮ ﺭﻧﻪ ﺭﺩ
ﺍﻳﻤﻦ : ﻧﻌﻢ
ﻫﺎﺟﺮ : ﺣﺒﻴﺒﻲ ﻗﺮﻳﺐ ﺗﻮﺻﻞ ﺍﻧﺖ
ﺍﻳﻤﻦ : ﻭﻳﻦ ؟
ﻫﺎﺟﺮ : ﻟﺤﻮﺵ ﺍﻫﻠﻲ
ﺍﻳﻤﻦ : ﻻ ﺍﻧﻲ ﻓﻲ ﺍﻟﻘﻬﻮﺓ
ﻫﺎﺟﺮ : ﻭﻥ ﺍﻟﻘﻬﻮﺓ ﻗﺮﻳﺒﻪ ﻣﻦ ﺣﻮﺷﻨﺎ
ﺍﻳﻤﻦ : ﺍﻳﻪ ﻓﻲ ﺣﺎﺟﺔ ؟
ﻫﺎﺟﺮ : ﻣﺶ ﺗﺒﻲ ﺗﺮﻭﺡ ﺑﻴﺎ
ﺍﻳﻤﻦ : ﻭﺑﺎﻫﻲ ﺷﻦ ﻳﻌﻨﻲ ﺗﻮﺍ
ﻫﺎﺟﺮ : ﺍﻳﻤﻦ ﺧﻴﺮﺭﻙ ﺷﻦ ﺷﻦ ﻳﻌﻨﻲ ﺍﻧﻲ ﻣﻮﺍﻓﻘﻪ ﻋﺎﺩﻱ ﺗﺮﻭﺡ ﺑﻴﺎ
ﺍﻳﻤﻦ : ﻭﺷﻦ ﻏﻴﺮ ﺭﺍﻳﻚ ﻳﻌﻨﻲ ﺗﻮﺍ
ﻫﺎﺟﺮ : ﺧﻔﺖ ﺗﺘﺰﻭﺝ ﻋﻠﻴﺎ ﻣﺎﻫﻮ
ﺍﻳﻤﻦ ﻋﻠﻲ ﻗﺪ ﻣﺎﻛﺎﻥ ﻣﺘﻜﻨﻄﻲ ﺍﻧﻔﻠﻖ ﺑﺎﻟﻀﺤﻚ ﻣﻦ ﻛﻠﻤﺘﻬﺎ : ﻫﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻪ
ﻫﺎﺟﺮ : ﺗﻲ ﺧﻴﺮﻙ ﺗﻀﺤﻚ ﺍﻥ ﺷﺎﺀ ﺍﻟﻠﻪ ﻏﻴﺮ ﻣﺎﺩﺭﺗﻬﺎﺵ ﺑﺲ
ﺍﻳﻤﻦ ﻳﺴﺘﻔﺰ ﻓﻴﻬﺎ : ﻣﻦ ﺛﺎﻧﻲ ﻳﻮﻡ ﺍﻣﺸﻴﺘﻲ ﻓﻴﻪ ﻟﺤﻮﺵ ﺍﻫﻠﻚ ﻗﺪﺍﺵ ﺑﻨﺼﺒﺮ ﺍﻧﻲ ﺭﺍﺟﻞ ﻭﻧﺒﻲ ﺣﻘﻮﻗﻲ
ﻫﺎﺟﺮ : ﺷﻨﻮﻭﻭ ﺍﻳﻤﻦ ﺑﺠﺪﻳﺎﺍﺍﺕ
ﺍﻳﻤﻦ ﺷﺎﺩ ﺿﺤﻜﺘﻪ : ﺍﻣﺎﻻ ﺑﺎﻟﻜﺬﺏ ﺍﻧﺘﻲ ﻣﻦ ﻟﻤﺎ ﺣﻤﻠﺘﻲ ﺣﺮﻣﺘﻴﻨﻲ ﻧﻠﻤﺴﻚ ﻗﺪﺍﺵ ﺑﻨﺼﺒﺮ
ﻫﺎﺟﺮ ﺍﺫﻛﺮﺕ ﻛﻠﻤﻪ ﺍﻣﻬﺎ ( ﺍﻟﺮﺍﺟﻞ ﺻﺒﺮﻩ ﻗﻠﻴﻞ ﺗﺤﺴﺎﺑﻬﺎ ﺗﻘﺼﺪ ﻋﻠﻲ ﻫﻜﻲ ) ﻭﺑﺨﻮﻑ : ﺍﻳﻤﻦ ﺑﻄﻞ ﺑﺮﺍﺍﺩﻩ
ﺍﻳﻤﻦ : ﻫﻬﻬﻬﻬﻬﻬﻪ ﺗﻲ ﻋﻼﺵ ﺑﻨﻜﺬﺏ ﻟﻴﺎ ﻗﺮﻳﺐ ﺷﻬﺮﻳﻦ ﻣﺎﻟﻤﺴﺘﺶ ﻣﺮﺗﻲ ﺷﻦ ﺗﺒﻴﻨﻲ ﻧﺪﻳﺮ
ﻫﺎﺟﺮ ﺗﻜﻨﻄﺖ ﻭﻗﺮﻳﺐ ﺗﺒﻜﻲ : ﺧﻴﻴﻴﺰﻱ ﺍﻳﻤﻦ ﺑﺎﻩ ﻣﺒﺮﻭﻭﻭﻭﻙ ﻋﻠﻴﻚ ﺗﻬﻨﻰ ﺑﻴﻬﺎﺍﺍﺍﺍﺍﺍ ﻭﺍﻧﻲ ﻭﺭﻗﺘﻲ ﻏﺪﻭﻭﺓ ﺗﻮﻭﺻﻠﻨﻲ ﻓﺎﺍﺍﺍﺍﻫﻢ ، ﻭﻃﻒ ﺳﻜﺮﺕ ﻓﻲ ﻭﺟﻬﻪ
ﺍﻳﻤﻦ ﺣﻂ ﺍﻟﺘﻠﻴﻔﻮﻥ ﻓﻲ ﺟﻴﺒﻪ ﻭﻣﺎﺕ ﺑﺎﻟﻀﺤﻚ ﻧﺎﺽ ﻭﺭﻛﺐ ﺳﻴﺎﺭﺗﻪ ﻭﺍﻣﺸﻲ ﻟﻬﺎﺟﺮ ، ﺷﺮﻳﻦ ﺍﻟﺒﺎﺏ ﻭﻓﺘﺤﺘﻠﻪ ﺍﻣﻬﺎ ﻭﺧﺸﺸﺎﺗﻪ ﻟﻠﺼﺎﻟﻮﻥ
ﺍﻣﺎ ﻫﺎﺟﺮ ﻛﺎﻧﺖ ﻣﺘﻜﻨﻄﻴﺔ ﻗﻌﺪﺕ ﺗﻠﻮﺩ ﻓﻲ ﺩﺍﺭﻫﺎ ﻭﺗﺴﺤﻦ ﻭﺗﻐﻠﻲ ﻫﻲ ﻋﺎﺭﻓﻪ ﺍﻧﻪ ﻳﻜﺬﺏ ﻋﻠﻴﻬﺎ ﻭﻣﺎﻳﺪﻳﺮﻫﺎﺵ ﻟﻜﻦ ﺍﻟﻐﻴﺮﻩ ﺍﻟﻲ ﻓﻲ ﺩﺍﺧﻠﻬﺎ ﻣﺎﻗﺪﺭﺗﺶ ﺗﻮﻗﻔﻬﺎ ﺑﻤﺠﺮﺩ ﻣﺎﺗﺬﻛﺮ ﻛﻼﻣﻬﺮﺣﺘﻰ ﻟﻮ ﻛﺬﺏ ﻭﺗﺘﺨﻴﻞ ﺍﻧﻪ ﻣﻊ ﻏﻴﺮﺭﻫﺎ ﺗﺒﺪﺍ ﻗﺮﻳﺐ ﺗﻬﺒﻞ
ﺍﻣﻬﺎ ﺧﺸﺖ ﻟﺪﺍﺭﻫﺎ : ﺍﻃﻠﻌﻲ ﺭﺍﺟﻠﻚ ﻓﻲ ﺍﻟﺼﺎﻟﻮﻥ
ﻫﺎﺟﺮ ﺗﻠﻔﺘﺘﻠﻬﺎ : ﻣﺶ ﻃﺎﻟﻌﺘﻠﻪ ﻳﻤﺸﻲ ﻳﺮﻭﺡ ، ﻭﺗﻤﺘﻢ ﺧﺰﻱ ﺍﻟﺼﺎﻳﻊ ﺍﻟﻲ ﻣﺎﻳﺘﺤﺸﻤﺶ
ﺍﻣﻬﺎ : ﺷﻦ ﺍﻟﺘﻤﺘﻤﻲ ﻭﺍﻃﻠﻌﻲ ﻟﺮﺍﺟﻠﻚ ﻣﻦ ﻏﻴﺮ ﻫﺒﺎﻝ ﻣﺶ ﻗﻠﺘﻲ ﺧﻼﺹ ﺑﺘﺮﻭﺣﻲ ﻣﻌﺎﻩ
ﻫﺎﺟﺮ : ﻣﺎﺻﺎﺭﻟﻴﺶ
ﺍﻣﻬﺎﺭ : ﺗﻌﺮﻓﻲ ﺗﻄﻠﻌﻲ ﺗﻮﺍ ﻗﺪﺍﻣﻲ ﺧﻴﺮ ﻣﺎﻧﺘﺼﻞ ﺑﺒﻮﻙ ﻳﺠﻲ ﻳﺘﻔﺎﻫﻢ ﻣﻌﺎﻙ
ﻫﺎﺟﺮ : ﺍﻭﻭﻭﻑ ﺑﺎﻫﻲ ﻫﺎ ﻃﻠﻌﺖ ، ﻭﻫﻲ ﻛﻴﻒ ﺑﺘﻄﻠﻊ ﻣﻦ ﺍﻟﺪﺍﺭ ﺷﺪﺗﻬﺎ ﺍﻣﻬﺎ ﻣﻦ ﻳﺪﻫﺎ
ﺍﻣﻬﺎ ﺟﺒﺪﺗﻬﺎ : ﻏﻴﺮﻱ ﺣﻮﺍﻳﺠﻚ ﺑﺘﻄﻠﻌﻴﻠﻪ ﻫﻜﻲ ﻣﻨﻈﺮﻙ
ﻫﺎﺟﺮ : ﺗﻲ ﺧﻴﺮﻩ ﻳﺎﻣﺎﻣﺎ ﻣﻨﻈﺮﻱ ﻣﺘﻌﻮﺩ ﻋﻠﻴﺎ
ﺍﻣﻬﺎ : ﻫﻴﻴﻴﻲ ﺍﻥ ﺷﺎﺀ ﺍﻟﻠﻪ ﺗﻠﺒﺴﻲ ﻫﻜﻲ ﻓﻲ ﺣﻮﺷﻚ ﺣﻲ ﻋﻠﻴﺎ ﻣﻦ ﻫﺎﻟﺒﻨﺖ ﻣﺶ ﺩﻳﻤﺎ ﻧﻘﻮﻟﻚ ﺍﻫﺘﻤﻲ ﺑﺮﻭﺣﻚ ﻭﺍﻟﺒﺴﻲ ﻭﻣﻜﻴﺠﻲ ﺧﻴﺮﻙ ﻳﺎﺑﻨﺖ ﺷﻦ ﺗﺒﻴﻪ ﻳﺘﺰﻭﺝ ﻋﻠﻴﻚ ﻭﺗﻘﻌﺪﻱ ﻣﺎﺩﻩ ﻭﺟﻬﻚ
ﻫﺎﺟﺮ ﺧﺎﻓﺖ ﻣﻦ ﻛﻠﻤﻪ ﻳﺘﺰﻭﺝ ﻋﻠﻴﻬﺎ : ﺑﺎﻫﻲ ﺗﻮ ﻧﺒﺪﻝ ﺍﻋﻄﻴﻪ ﺍﻧﺘﻲ ﻋﺼﻴﺮ ﻭﺗﻮ ﻧﺠﻲ، ﻭﺧﺸﺖ ﻟﻠﺪﺍﺭ ﻓﺘﺤﺖ ﺷﻨﻄﺘﻬﺎ ﻭﻣﺎﻟﻘﺘﺶ ﻓﻴﻬﺎ ﺍﻻ ﺑﻴﺠﺎﻣﺎﺕ ﻭﻟﺒﺴﺎﺕ ﻋﺎﺩﻳﺎﺕ ﻓﺘﺤﺖ ﺩﻭﻻﺑﻬﺎ ﻭﺷﺎﻓﺖ ﺣﻮﺍﻳﺠﻬﺎ ﺍﻟﻘﺪﻡ ﻟﻘﺖ ﻗﻔﺎﻃﻴﻦ ، ﻃﻠﻌﺖ ﻭﺍﺣﺪ ﺍﺣﻤﺮ ﻗﺼﻴﺮ ﻭﻗﺴﺎﺗﻪ ﻣﺎﺟﺎﺵ ﻋﻠﻴﻬﺎ : ﺍﻭﻭﻭﻑ ﺳﻤﻨﺖ ، ﻭﻗﻌﺪﺕ ﺗﺪﻭﺭ ﻟﻴﻦ ﺍﻟﻘﺖ ﻗﻔﻄﺎﻥ ﻻﺧﺘﻬﺎ ﺭﻳﻢ ﻗﺒﻞ ﻣﺎﺗﺘﺰﻭﺝ ﻭﺭﻳﻢ ﺍﺳﻤﻦ ﻣﻦ ﻫﺎﺟﺮ ، ﻭﻛﺎﻥ ﻗﻔﻄﺎﻥ ﺍﺳﻮﺩ ﺑﺴﻴﻂ ﻭﻃﻮﻳﻞ ﻭﻓﻴﻬﺎ ﻓﺘﺤﺔ ﻣﻦ ﺍﻟﺠﻨﺐ ، ﻃﻠﻌﺎﺗﻪ ﻭﻟﺒﺴﺎﺗﻪ ﻭﻣﺸﻄﺖ ﺷﻌﺮﻫﺎ ﻭﻗﺎﻣﺎﺗﻪ ﻓﻮﻕ ﻭﺩﺍﺭﺕ ﺷﻮﻳﺔ ﻣﻴﻚ ﺍﺏ ﻭﺑﺨﺖ ﻋﻄﺮ ﻭﻃﻠﻌﺖ
ﺍﻣﻬﺎ ﻗﺎﺑﻠﺘﻬﺎ ﻭﻫﻲ ﻃﺎﻟﻌﻪ ﻣﻦ ﺍﻟﺼﺎﻟﻮﻥ : ﻫﻬﻬﻪ ﻃﻴﺐ ﻓﻴﻚ ﻭﺍﻟﻠﻪ
ﻫﺎﺟﺮ : ﻫﻬﻪ ﺗﻲ ﺍﻭﻑ ﻳﺎﻣﺎﻣﺎ ﺷﻮﻓﻴﻪ ﺣﻠﻮ
ﺍﻣﻬﺎ : ﻫﻬﻬﻬﻪ ﺣﻠﻮ ﺣﻠﻮ ﺧﺸﻲ ﺑﺮﻱ
ﻫﺎﺟﺮ ﻗﺪﺍﻡ ﺑﺎﺏ ﺍﻟﺼﺎﻟﻮﻥ ﻭﻫﻲ ﻣﺘﻜﻨﻄﻴﺔ ﻣﻨﻪ ﻭﻣﻨﻪ ﺧﺎﻳﻔﻪ ﻣﻦ ﻛﻼﻡ ﺍﻣﻬﺎ ﻭﻣﻨﻪ ﻭﺣﻢ ﻣﺶ ﻃﺎﻳﻘﻪ ﺭﻳﺤﺘﻪ ﻏﺼﺒﺖ ﻋﻠﻲ ﺭﻭﺣﻬﺎ ﻭﺧﺸﺖ : ﺍﻟﺴﻼﻡ ﻋﻠﻴﻜﻢ
ﺍﻳﻤﻦ ﻟﻤﺎ ﺷﺎﻓﻬﺎ ﻭﻗﻒ ﻭﺍﺑﺘﺴﻢ ﻭﻓﺮﺡ ﻭﻣﻨﻪ ﻣﺴﺘﻐﺮﺏ ﻻﻧﻪ ﻃﻮﻝ ﺍﺳﺒﻮﻉ ﻳﺠﻲ ﺗﻄﻠﻌﻠﻪ ﻣﺸﻔﺸﻔﻪ ﻭﺑﺒﻴﺠﺎﻣﻪ ، : ﻭﻋﻠﻴﻜﻢ ﺍﻟﺴﻼﻡ ، ﻭﻗﺮﺏ ﻣﻨﻬﺎ ﻭﺣﻀﻨﻬﺎ
ﻫﺎﺟﺮ ﻗﻌﺪﺕ ﺗﺒﻌﺪ
ﺍﻳﻤﻦ ﺑﻌﺪ ﻣﻦ ﻋﻠﻴﻬﺎ ﻟﻜﻦ ﺩﺍﺭ ﺭﻭﺣﻪ ﻋﺎﺩﻱ ﻻﻧﻪ ﻳﺒﻴﺶ ﻳﺘﻜﻨﻄﻰ ﻭﻫﻮ ﻓﺮﺣﺎﻥ ﺑﺸﻮﻓﺘﻬﺎ ، ﺷﺪﻫﺎ ﻣﻦ ﻳﺪﻳﻬﺎ ﻭﻗﻌﻤﺰﻫﺎ ﻭﺧﻠﻰ ﻣﺴﺎﻓﻪ ﺑﻴﻨﻬﻢ : ﻛﻴﻒ ﺣﺎﻟﻚ
ﻫﺎﺟﺮ ﺍﺑﺘﺴﻤﺖ : ﺍﻟﺤﻤﺪ ﻟﻠﻪ ﻭﺍﻧﺖ
ﺍﻳﻤﻦ ﺣﻂ ﻳﺪﻩ ﻋﻠﻲ ﺑﻄﻨﻬﺎ : ﻛﻴﻒ ﺣﺎﻝ ﻭﻟﻴﺪﻱ
ﻫﺎﺟﺮ : ﻭﻣﻦ ﻗﺎﻟﻚ ﻭﻟﺪ ﻣﺮﺍﺕ ﺑﻨﺖ
ﺍﻳﻤﻦ : ﻻﻻ ﺍﻧﻲ ﻧﺒﻲ ﻭﻟﺪ
ﻫﺎﺟﺮ : ﺗﻲ ﻳﺎﺍﺣﺒﻴﺒﻲ ﺍﻟﻲ ﻳﺠﻲ ﻣﻦ ﺭﺑﻲ ﺑﺎﻫﻲ
ﺍﻳﻤﻦ : ﺑﺎﻩ ﻫﻲ ﻭﺗﻲ ﺭﻭﺣﻚ ﺧﻠﻲ ﻧﺮﻭﺣﻮ ﻣﺴﺘﺎﺣﺸﻚ ، ﻭﻏﻤﺰﻟﻬﺎ
ﻫﺎﺟﺮ : ﺍﻣﻢ ﺑﺎﻫﻲ ، ﻭﻛﻴﻒ ﺑﺘﻮﻗﻒ ﺟﺒﺪﻫﺎ ﻭﻗﻌﻤﺰﻫﺎ ﻋﻠﻲ ﺭﺟﻠﻴﻪ
ﺍﻳﻤﻦ ﻣﻘﺮﺏ ﻣﻨﻬﺎ ﻭﻳﺸﻢ ﻓﻲ ﺭﻳﺤﺘﻬﺎ ﻭﻳﺤﻜﻲ ﺑﺼﻮﺕ ﻭﺍﻃﻲ : ﺩﻟﻮﻋﺘﻲ ﻛﻞ ﻳﻮﻡ ﺗﺤﻠﻮ ﺍﻛﺜﺮ ﻭﻳﻦ ﻋﻠﻲ ﺍﻟﻔﺴﺎﺗﻴﻦ ﻭﺍﻟﺮﻳﺤﺔ ﺍﻟﺤﻠﻮﺓ ﻫﺎﺩﻱ ﺷﻦ ﻧﺪﻳﺮ ﻓﻴﻚ ﺍﻧﻲ ﺗﻮﺍ
ﻫﺎﺟﺮ ﺳﺎﻛﺘﻪ ﻭﺗﺴﻤﻊ ﻓﻲ ﻛﻼﻣﻪ ﻭﻓﻲ ﻋﺎﻟﻢ ﺛﺎﻧﻲ
ﺷﻮﻱ ﻭﺳﻤﻌﻮ ﺍﻟﺠﺮﺱ ﺷﺮﻳﻦ
ﺍﻳﻤﻦ ﻭﺧﺮ
ﻭﻫﺎﺟﺮ ﻧﺎﺿﺖ ﺗﺠﺮﻱ ﻗﻌﻤﺰﺕ ﺟﻨﺒﻪ ﻭﻗﻌﺪﺕ ﺗﻮﺳﻲ ﻓﻲ ﺷﻌﺮﻫﺎ ﻭﺗﻮﺍﺳﻲ ﻓﻲ ﺭﻭﺣﻬﺎ
ﺍﻳﻤﻦ ﻳﻀﺤﻚ ﺑﺎﻟﺸﻮﻳﺔ ﻭﻳﺸﻮﻓﻠﻬﺎ ﻛﻴﻒ ﺧﺎﺷﻪ ﻓﻲ ﺑﻌﻀﻬﺎ : ﻏﻴﺮ ﺧﻴﺮﻙ ﺭﻛﺒﺘﻲ ﻋﻠﻲ ﺭﻭﺣﻚ ﻫﻬﻬﻪ ﻣﺮﺗﻲ ﺭﺍﻫﻮ ﻋﺎﺩﻱ
ﻫﺎﺟﺮ : ﺍﻧﻲ ﺍﻧﻮﺽ ﻧﻄﻠﻊ ﺧﻴﺮﻟﻲ ، ﻭﻭﻗﻔﺖ
ﺍﻳﻤﻦ ﻭﻗﻒ ﻭﺧﻄﻒ ﺑﻮﺳﻪ ﻋﻠﻲ ﺧﺪﻫﺎ ﺳﺮﻳﻌﻪ ﻭﻗﻌﻤﺰ
ﻫﺎﺟﺮ ﺿﺤﻜﺖ ﻭﻃﻠﻌﺖ ﺍﻟﻘﺖ ﺧﻮﻫﺎ ﻛﻴﻒ ﺧﺎﺵ
ﻣﺤﻤﺪ : ﻣﻦ ﻫﺎﺩﻱ ﻳﺎﺍﺍﻣﻲ ﻋﻨﺪﻧﺎ ﺿﻴﻮﻑ ﻭﻣﺎﺗﻘﻮﻟﻴﺶ ؟
ﻫﺎﺟﺮ : ﺑﺎﺭﺩ
ﻣﺤﻤﺪ : ﺗﻲ ﺍﻗﺴﻢ ﺑﺎﻟﻠﻪ ﻣﺎﺗﻘﻮﻟﺶ ﻧﻔﺴﻚ ﺍﻟﻲ ﻛﻨﺘﻲ ﺍﻣﺒﻜﺮﻱ ﺷﻌﺮﻙ ﺷﻤﺲ ﺯﺍﺭﻗﻪ ﻭﻣﻨﺴﺮﻓﻪ ، ﻭﻗﺒﻞ ﻣﺎﻳﻜﻤﻞ ﻛﻼﻣﻪ ﺷﺎﻑ ﻛﻨﺪﺭﺓ ﺭﺟﺎﻟﻴﺔ ﻉ ﺍﻟﺠﻨﺐ ، ﻣﻦ ﻋﻨﺪﻧﺎ
ﻫﺎﺟﺮ : ﺍﻳﻤﻦ ﺑﻴﻴﺮﻭﺡ ﺑﻴﺎ
ﻣﺤﻤﺪ : ﺍﻫﺎﺍﺍﺍﺍ ﻭﺍﻧﻲ ﻧﻘﻮﻝ ، ﻭﻏﻤﺰﻟﻬﺎ ، ﻗﻮﻟﻲ ﻫﻜﻲ ﻣﻦ ﺍﻻﻭﻝ
ﻫﺎﺟﺮ : ﺧﻴﺰﻱ ﻭﺍﻟﻠﻪ ﻣﺎﺗﺘﺤﺸﻢ ﺗﻮ ﻓﻲ ﺣﺪ ﻳﻘﻮﻝ ﻫﻜﻲ ﻻﺧﺘﻪ
ﻣﺤﻤﺪ : ﻫﻬﻬﻬﻬﻪ ﺍﻧﺘﻲ ﺍﻟﻲ ﻣﺎﺗﺘﺤﺸﻤﻴﺶ ﻋﻴﻨﻲ ﻋﻴﻨﻚ ﻫﻜﻲ ﺟﺎﻱ ﺭﺍﺟﻠﻚ ﻻﺑﺴﻪ ﻗﻔﻄﺎﻥ ﻣﺎﺗﻘﻮﻟﻴﺶ ﻧﺘﺤﺸﻢ ﻣﻦ ﺑﻮﻱ ﻭﺍﻻ ﺧﻮﻱ ﺑﻨﺎﺕ ﺍﺧﺮ ﺯﻣﻦ
ﺍﻳﻤﻦ ﻛﺎﻥ ﻳﺴﻤﻊ ﻓﻴﻬﻢ ﻭﻳﻀﺤﻚ
ﻫﺎﺟﺮ : ﺑﺎﻟﻠﻪ ﺍﻧﺖ ﺍﻟﻲ ﺑﻴﻔﺘﺤﻠﻚ ﺑﺎﻟﺪﻭﺓ ﻣﻌﺎﺵ ﺗﺒﻄﻞ ﺧﺶ ﺟﻨﺐ ﺍﻳﻤﻦ ﺍﻧﻲ ﺑﻨﻮﺗﻲ ﺣﻮﺍﻳﺠﻲ
ﻣﺤﻤﺪ ﺧﺶ ﻟﻠﺼﺎﻟﻮﻥ : ﺍﻭﻭﻭﻩ ﻣﺮﺣﺒﺎ ﻳﺎﻃﻴﺮﻱ ﺍﻧﺴﺘﻨﺎ
ﺍﻳﻤﻦ ﻭﻗﻒ ﺳﻠﻢ ﻋﻠﻴﻪ : ﺍﻟﻠﻪ ﻳﺄﻧﺴﻚ ﺷﻦ ﺍﻻﺧﺒﺎﺭ
ﻣﺤﻤﺪ : ﺗﻤﺎﻡ ﻭﺍﻟﻠﻪ ﺷﻦ ﺍﻣﻮﺭﻙ ﺍﻧﺖ
ﺍﻳﻤﻦ : ﺗﻤﺎﻡ ﺍﻟﺤﻤﺪ ﻟﻠﻪ ﺷﻦ ﺟﻮ ﺍﻟﺠﺎﻣﻌﻪ ﻭﺍﻟﻤﺤﻞ
ﻣﺤﻤﺪ ( ﻟﻠﺘﺬﻛﻴﺮ ﻣﺤﻤﺪ ﻣﻌﻴﺪ ﻓﻲ ﺍﻟﺠﺎﻣﻌﻪ ﻭﻳﺸﺘﻐﻞ ﻓﻲ ﻣﺤﻞ ﺍﻟﻜﺘﺮﻭﻧﺎﺕ ) : ﺗﻤﺎﻡ ﻣﺎﺷﻴﻪ ﻭﺍﻟﻠﻪ
ﻭﻗﻌﺪ ﻣﺤﻤﺪ ﻭﺍﻳﻤﻦ ﻳﻬﺪﺭﺯﻭ
ﻫﺎﺟﺮ ﺧﺸﺖ ﻭﺗﺖ ﺷﻨﻄﺘﻬﺎ ﻭﻃﻠﻌﺖ ﻭﻃﻠﻊ ﺍﻳﻤﻦ ﻭﺭﻭﺣﻮ ﻟﺤﻮﺷﻬﻢ
،،،،،،،،،
ﺍﻣﺎ ﻣﺎﻣﺎ ﺍﺳﺘﺎﺫﻧﺖ ﻭﺭﻭﺣﺖ ﻟﺤﻮﺷﻨﺎ ﺍﻭﻝ ﻣﺎﺧﺸﺖ ﺍﻟﻘﺖ ﻋﻠﻴﺎ ﻭﻧﻮﺍﻝ ﻉ ﺗﻠﻔﺰﻳﻮﻥ ﺍﻟﺼﺎﻟﺔ
ﻣﺎﻣﺎ : ﺧﻴﺮﻛﻢ ﻗﻌﺪﺗﻮ ﺍﻫﻨﻲ
ﻧﻮﺍﻝ : ﺟﺎﻳﺒﻴﻦ ﻓﻴﻠﻢ ﺗﻮﺍ ﺍﻣﺸﻲ ﻗﻌﺪﻧﺎ ﻧﺤﻀﺮﻭﻩ
ﻣﺎﻣﺎ : ﻭﺧﻴﺮﻛﻢ ﻣﻈﻠﻤﻴﻦ ﺍﻟﺤﻮﺵ ﻫﻜﻲ ﺍﻟﻠﻄﻒ ، ﻭﺟﺖ ﺑﺘﻔﺘﺢ ﺍﻟﺴﺘﺎﺭﺓ
ﻧﻮﺍﻝ : ﻻﻻ ﻳﺎﻣﺎﻣﺎ ﻣﺎﺗﻔﺘﺤﻴﺶ ﺧﻠﻴﻬﻢ ﻫﻜﻲ ﺍﺣﻠﻰ
ﻣﺎﻣﺎ : ﺑﺎﻫﻲ ، ﺍﻧﻲ ﺑﻨﺮﻛﺐ ﻧﺮﻗﺪ ﻭﻛﺎﻥ ﺟﻌﺘﻮ ﺧﺸﻮ ﺩﻳﺮﻭ ﺣﺎﺟﺔ ﻓﻲ ﺍﻟﻤﻄﺒﺦ ، ﻭﺭﻛﺒﺖ
ﻭﻓﻲ ﺣﻮﺵ ﺣﻨﻴﻨﻪ
ﻋﻤﺘﻲ ﻭﺣﻨﻴﻨﻪ ﻳﻬﺪﺭﺯﻭ ﻭﻣﻌﺎﻫﻢ ﻧﺮﺟﺲ ﻓﺎﺗﺤﺔ ﺍﻟﻨﺖ ﻭﻣﺮﺓ ﻣﺮﺓ ﺗﻬﺪﺭﺯ ﻣﻌﺎﻫﻢ
ﻋﺪﻧﺎﻥ ﺷﺮﻳﻦ ﺗﻠﻴﻔﻮﻧﻪ ﻭﻧﺎﺽ ﺑﻴﺮﺩ ﻃﻠﻊ ﻣﻦ ﺍﻟﺤﻮﺵ ﻭﻭﻗﻒ ﻓﻲ ﺍﻟﺠﻨﺎﻥ
ﻧﻮﺭﺱ ﻛﺎﻧﺖ ﺗﻐﺴﻞ ﻓﻲ ﺍﻻﻣﺎﻋﻴﻦ ﻓﻲ ﺍﻟﻤﻄﺒﺦ ﺷﺎﻓﺎﺗﻪ ﺣﻄﺖ ﺍﻟﻄﺎﺳﻪ ﻭﻃﻠﻌﺖ ﻭﺭﺍﻩ
ﻋﺪﻧﺎﻥ : ﺗﻢ ﻳﺎﻃﻴﺮ ﻭﻻﻳﻬﻤﻚ ، ﺍﻥ ﺷﺎﺀ ﺍﻟﻠﻪ ﺳﻼﻡ .. ﻭﺗﻠﻔﺖ ﺑﻴﺨﺶ ﺍﻟﻘﻲ ﻧﻮﺭﺱ ﻭﺍﻗﻔﻪ ﻉ ﺍﻟﺒﺎﺏ
ﻋﺪﻧﺎﻥ : ﺷﻦ ﺗﺪﻳﺮﻱ ﺍﻫﻨﻲ
ﻧﻮﺭﺱ ﻗﻌﺪﺕ ﺳﺎﻛﺘﻪ
ﻋﺪﻧﺎﻥ : ﻧﺴﺎﻝ ﺍﻧﻲ ﻋﻠﻲ ﻣﺎﺍﻇﻦ ، ﻭﺍﻻ ﻣﺎﺗﻌﺮﻓﻴﺶ ﺍﻧﻪ ﺍﻟﺤﺮﻛﺔ ﻫﺎﺩﻱ ﻋﻴﺐ
ﻧﻮﺭﺱ : ﺍﻱ ﺣﺮﻛﺔ
ﻋﺪﻧﺎﻥ : ﺍﻧﻲ ﻧﺘﻜﻠﻢ ﻓﻲ ﺍﻟﺘﻠﻴﻔﻮﻥ ﻭﺍﻧﺘﻲ ﻭﺍﻗﻔﻪ ﻭﺭﺍﻱ ﺗﺴﻤﻌﻲ ﻭﺍﻻ ﺷﻦ ﻓﻲ ﺑﺎﻟﻚ
ﻧﻮﺭﺱ ﺳﻜﺮﺕ ﺍﻟﺒﺎﺏ ﻭﻗﺪﻣﺖ ﻃﻠﻌﺖ ﻭﻗﻔﺖ ﻗﺪﺍﻣﻪ : ﺍﻧﻲ ﺟﺎﻳﻪ ﻧﺘﻜﻠﻢ ﻣﻌﺎﻙ ﻣﺶ ﻧﺴﻤﻊ
ﻋﺪﻧﺎﻥ : ﻣﺎﻓﻲ ﺷﻲ ﻧﺘﻜﻠﻤﻮ ﻓﻴﻪ ﻟﻴﻦ ﺗﻐﻴﺮﻱ ﻣﻦ ﻧﻔﺴﻚ ﻭﺗﻌﺮﻓﻲ ﻏﻠﻄﻚ ﻭﺗﺤﺴﻨﻲ ﺍﺳﻠﻮﺑﻚ ﻣﻌﺎﻱ ﺑﻌﺪﻫﺎ ﻛﻠﻤﻴﻨﻲ ﺑﺎﻫﻲ
ﻧﻮﺭﺱ : ﻟﻴﺶ ﺍﻧﻲ ﺷﻦ ﺩﺭﺕ ﺍﻧﺖ ﺯﻋﻠﺖ ﺑﺲ ﻻﻧﻲ ﻣﺎﺣﺼﻠﺘﺶ ﻓﺮﺻﻪ ﻧﻜﻠﻤﻚ ﺍﻧﺖ ﻳﺎﻋﺪﻧﺎﻥ ﺗﻜﺒﺮ ﻓﻲ ﺍﻟﻤﻮﻭﺿﻮﻉ ﻣﺎﻣﺎ ﻣﻌﺎﻱ ﻃﻮﻝ ﺍﻟﻮﻗﺖ ﻭﻟﻮ ﺍﺗﺒﺎﻋﺪﺕ ﻋﻠﻲ ﻣﺎﻣﺎ ﻻﺯﻡ ﻣﻌﺎﻱ ﻭﺣﺪﺓ ﻣﻦ ﺍﺧﻮﺍﺗﻲ ﻭﺗﻌﺮﻓﻨﻲ ﻣﺎﻧﺤﺒﺶ ﻧﺤﻜﻲ ﻗﺪﺍﻡ ﺍﺧﻮﺍﺗﻲ
ﻋﺪﻧﺎﻥ : ﺍﻧﺖ ﺍﺳﺎﺳﺎ ﺩﻳﻤﺎ ﻣﺶ ﻏﻠﻄﺎﻧﻪ ﻭﺍﻧﻲ ﺍﻟﻲ ﻏﺎﻟﻂ ﻭﺍﻧﻲ ﺍﻟﻲ ﻧﻜﺒﺮ ﻓﻲ ﺍﻟﻤﻮﺿﻮﻉ ، ﺍﻧﺘﻲ ﺍﺻﻼ ﺣﺘﻰ ﻟﻤﺎ ﻣﺎﺑﺘﻤﺸﻲ ﻣﺎﻗﻠﺘﻴﻠﻴﺶ ﻟﻴﻦ ﻭﺻﻠﺘﻲ ﻏﺎﺩﻱ ﻭﻣﻦ ﺍﻟﻴﻮﻡ ﺍﻟﻲ ﻗﺒﻠﻪ ﻣﺨﻄﻄﻴﻦ ﻭﺑﺎﻳﺘﻪ ﻓﻲ ﺣﻮﺵ ﻧﺴﻴﻴﺒﻪ ﻣﺸﻴﺘﻬﺎ ﺣﺮﻛﺔ ﺍﻧﻚ ﻣﺸﻴﺘﻲ ﻟﺤﻮﺵ ﻧﺴﻴﺒﺒﺔ ﻭﻣﺎﻗﻠﺘﻴﺶ ﻗﻠﺖ ﻣﻌﻠﻴﺸﻲ ﻳﺎﻋﺪﻧﺎﻥ ﻓﻮﺕ ﺣﻮﺵ ﺍﺧﺘﻬﺎ ، ﺑﻌﺘﻴﻬﺎ ﻓﻲ ﻣﺴﺞ ﻭﻗﻠﺘﻲ ﺑﺎﻳﺘﻪ ﻭﻣﺎﻧﻘﺪﺭﺵ ﻧﻜﻠﻤﻚ ﻣﺸﻴﻴﻴﺘﻬﺎ ﻟﻴﻚ ، ﺑﻌﺪﻫﺎ ﺗﻮﺻﻠﻲ ﻟﻠﺒﺤﺮ ﺗﺒﻌﺘﻲ ﻣﺴﺞ ﻭﺗﻘﻮﻟﻲ ﺍﺣﻨﻲ ﻣﺸﻴﻨﺎ ﻟﻠﺒﺤﺮ ﻭﺣﺎﺟﺰﻳﻦ ﺍﺳﺒﻮﻉ ، ﻗﺼﺪﻱ ﺍﻧﺘﻲ ﺷﻨﻮ ﻣﺶ ﺣﺎﺳﺒﻪ ﻭﺭﺍﻙ ﺭﺍﺟﻞ ﻭﺍﻻ ﻛﻴﻒ ﻣﺶ ﺩﺍﻳﺮﺗﻴﻠﻲ ﺣﺴﺎﺏ ﺑﻜﻞ ﻭﻧﻘﻮﻝ ﺍﺳﻜﺖ ﻳﺎﻋﺪﻧﺎﻥ ﻣﺎﺗﻘﻴﺪﺵ ﺍﻟﺒﻨﺖ ،ﻟﻜﻦ ﺍﻧﺘﻲ ﻣﺎﺗﺒﻴﺶ ﺗﻔﻬﻤﻲ ﺑﺮﻭﺣﻚ ﻭﺩﻳﻤﺎ ﺩﺍﻳﺮﺗﻴﻨﻲ ﺣﺎﺟﺔ ﺛﺎﻧﻮﻳﺔ ﻓﻲ ﺣﻴﺎﺗﻚ
ﻧﻮﺭﺱ : ﺍﻭﻑ ﻋﺪﻧﺎﻥ ﺍﻧﻲ ..
ﻭﻗﻄﻊ ﻋﻠﻴﻬﺎ ﻋﺪﻧﺎﻥ : ﺧﻠﻴﻚ ﻫﻜﻲ ﺑﺎﻫﻲ ﻳﺎﻧﻮﺭﺱ ﺩﻳﻤﺎ ﺧﻠﻴﻚ ﻫﻜﻲ ، ﻭﻟﻒ ﻋﻄﺎﻫﺎ ﺑﻈﻬﺮﻩ ﻭﻃﻠﻊ ﺑﺎﻛﻮ ﺩﺧﺎﻥ ﺍﺧﺪﻱ ﻭﺍﺣﺪ ﻭﻭﻟﻌﻪ
ﻧﻮﺭﺱ ﻛﻴﻒ ﺑﺘﻘﺮﺏ ﻣﻨﻪ ﺑﺘﺘﻜﻠﻢ ﻗﻄﻊ ﻋﻠﻴﻬﺎ
ﻋﺪﻧﺎﻥ : ﺍﻧﻲ ﻃﺎﻟﻊ ﻭﻳﺎﺭﻳﺖ ﻣﺎﺗﺘﺼﻠﻴﺶ ﻟﻴﻦ ﺗﻌﺮﻓﻲ ﺭﻭﺣﻚ ﻭﺭﺍﺟﻌﻲ ﻧﻔﺴﻚ ﺯﻳﻴﻴﻦ ﺑﺎﺍﺍﻫﻲ ، ﻭﻟﻒ ﻃﻠﻊ ﻭﻗﺮﺑﻊ ﺑﺎﺏ ﺍﻟﺠﻨﺎﻥ
ﻧﻮﺭﺱ ﻗﻌﻤﺰﺕ ﻭﺍﺿﺎﻳﻘﺖ : ﺍﻭﻭﻑ ﻳﺎﺭﺑﻲ ﺍﻭﻑ ﺷﻦ ﻫﺬﺍ ، ﻭﻃﻠﻌﺖ ﻭﺭﺍﻩ ﻭﺭﻭﺣﺖ ﻟﻠﺤﻮﺵ
،،،،،،،،،
ﻓﻘﺖ ﻉ ﻭﻟﻴﺪ ﻳﻨﺎﺷﺐ ﻓﻴﺎ
ﺍﻧﻲ ﻧﺤﺮﻙ ﻓﻲ ﻭﺟﻬﻲ ﺑﻀﻴﻖ : ﻭﻟﻴﻴﺪ ﺧﻠﻴﻨﻲ ﻧﻌﺴﺎﺍﻧﻪ
ﻭﻟﻴﺪ ﻳﻘﻠﺪ ﺻﻮﺗﻲ : ﻭﻟﻴﻴﺪ ﺧﻠﻴﻨﻲ ﻧﻌﺴﺎﺍﻧﻪ ، ﺗﻲ ﺗﻨﻮﺿﻲ ﻫﻴﺎ ﻟﻴﻚ ﺧﻤﺲ ﺳﺎﻋﺎﺕ ﺭﺍﻗﺪﻩ ﺳﺎﺩﻙ
ﺍﻧﻲ : ﺍﻭﻑ ﻳﺎﺣﺒﻴﺒﻲ ﺗﻌﺒﺎﻧﻪ ﺧﻠﻴﻨﻲ
ﻭﻟﻴﺪ : ﺗﻲ ﻧﻮﺿﻲ ﻳﺎﻛﺴﻮﻟﺔ ﻫﻴﺎ ﻧﺒﻲ ﻧﺘﻐﺪﺍ
ﺍﻧﻲ : ﺑﺎﻫﻲ ﺧﻠﻴﻨﻲ ﺷﻮﻳﺔ ﺑﺲ ﺷﻮﻳﺔ
ﻭﻟﻴﺪ ﻳﻘﻠﺪ ﺻﻮﺗﻲ : ﺷﻮﻳﺔ ﺑﺲ ﺷﻮﻳﺔ ﺑﺲ ، ﺧﻤﻴﺮﺓ ﻧﻮﻡ ﺳﺎﺍﺩﻙ ﻫﻴﺎﺍ ﻳﺎﺑﻴﺒﻲ ﺣﺒﻴﺒﺘﻲ ﻏﺰﺍﻟﺘﻲ ﺳﻤﻮﺣﺘﻲ ﻫﻴﺎﺍ ﻧﻮﻭﻭﺳﺘﻲ
ﺍﻧﻲ : ﺍﻭﻭﻑ ﻧﻀﺖ ﺧﻼﺹ ﺑﻄﻞ
ﻭﻟﻴﺪ ﺷﺎﺩ ﺷﻌﺮﻱ ﻭﻳﺪﻳﺮ ﻓﻴﻪ ﻋﻠﻲ ﻭﺟﻬﻲ : ﻧﻮﺿﻲ ﻫﻴﺎﺍ ﻧﻌﺮﻓﻚ ﺍﻧﻲ ﻛﺎﻥ ﻧﺴﻴﺒﻚ ﺗﻮﻟﻲ ﺗﺮﻗﺪﻱ
ﺍﻧﻲ ﻧﺤﺮﻙ ﻓﻲ ﻭﺟﻬﻲ : ﺧﻼﺹ ﺧﻼﺹ ﻭﺍﻟﻠﻪ ﻧﻀﺖ ، ﻭﻓﺘﺤﺖ ﻋﻴﻮﻧﻲ ﻭﻗﻌﻤﺰﺕ ، ﻭﺑﻌﺪﻫﺎ ﻧﻀﺖ ﻃﻠﻌﺖ ﻣﻼﺑﺴﻲ ﻭﺩﻭﺷﺖ ، ﻭﺍﻧﻲ ﻃﺎﻟﻌﻪ ﻭﺍﻧﺸﻒ ﻓﻲ ﺷﻌﺮﻱ
ﻭﻟﻴﺪ : ﻳﺎﺣﻠﻴﻠﻲ ﻣﻦ ﻫﺎﻟﻤﺸﻔﺸﻔﻪ
ﺍﻧﻲ ﻗﺮﺑﺖ ﻣﻦ ﺍﻟﺴﺮﻳﺮ ﻭ ﻗﻤﺖ ﺍﻟﻤﺨﺪﻩ ﺣﻄﻴﺘﻬﺎ ﻋﻠﻲ ﻭﺟﻬﻪ : ﺑﺎﺭﺩ ، ﻭﻗﻌﺪﺕ ﻧﻠﻢ ﻓﻲ ﺷﻌﺮﻱ
ﻭﻟﻴﺪ ﺣﻮﻝ ﺍﻟﻤﺨﺪﻩ ﻭﻫﻮ ﻳﻀﺤﻚ : ﻫﻬﻬﻬﻪ ، ﺍﺗﻜﻰ ﻋﻠﻲ ﺍﻟﻤﺨﺪﻩ : ﺗﻌﺮﻓﻲ ﻣﻦ ﺑﻜﺮﻱ ﻭﺍﻧﻲ ﻧﺘﺄﻣﻞ ﻓﻴﻚ ﻭﺍﻧﺘﻲ ﺭﺍﻗﺪﻩ ﺗﻬﺒﻠﻲ
ﺍﻧﻲ ﺍﺑﺘﺴﻤﺖ ﻭﺗﻠﻔﺘﺘﻠﻪ
ﻭﻟﻴﺪ : ﻭﺷﺸﻔﺸﻮﻓﻪ ﻣﺨﺮﺑﻪ ﺍﻟﻤﻮﺿﻮﻉ ﻟﻴﻦ ﺣﻮﻟﺘﻬﻮﻟﻚ ﺍﻟﺘﺎﻟﻲ
ﺍﻧﻲ ﻗﺮﻧﺖ ﺣﻮﺍﺟﺒﻲ ﻭﻗﻌﻤﺰﺕ ﻉ ﺍﻟﺴﺮﻳﺮ ﻭﻗﺮﺑﺖ ﻣﻨﻪ ﻭﺟﺒﺪﺕ ﺍﻟﻤﺨﺪﻩ ﻣﻦ ﺗﺤﺘﻪ ﺍﻟﻲ ﻣﺘﻜﻲ ﻋﻠﻴﻬﺎ ﻭﻗﻌﺪﺕ ﻧﺨﺒﻂ ﻓﻴﻪ ﺑﻴﻬﺎ : ﺑﺎﺍﺭﺩ ﺑﺎﺭﺩ ﺧﻴﺰﻱ ﻣﺪﺍﻡ ﻣﺸﻔﺸﻔﻪ ﻋﻼﺵ ﻭﺍﺧﺪﻧﻲ
ﻭﻟﻴﺪ ﻳﻐﻄﻲ ﻭﺟﻬﻪ : ﻫﻬﻬﻬﻬﻬﻬﻬﻬﻬﻪ ﻭﺣﻠﺖ ﻓﻴﻚ ﺷﻦ ﻧﺪﻳﺮ ، ﺗﻲ ﻏﻴﺮ ﺑﻄﻠﻲ ﻳﺎﻫﺒﻠﻪ ﻫﻬﻬﻬﻪ
ﺍﻧﻲ ﻣﺴﺘﻤﺮﻩ ﻧﺨﺒﻂ ﻓﻴﻪ : ﻭﺣﻠﺖ ﻓﻴﺎ ﺻﺎﺭ ﻫﺎ ﻭﺣﻠﺖ ﻓﻴﺎ
ﻭﻟﻴﺪ ﻗﻌﻤﺰ ﻭﺟﺒﺪ ﻳﺪﻳﺎ ﺷﺪﻫﻢ
ﺍﻧﻲ ﻧﺤﻮﻝ ﻧﻔﻚ ﻳﺪﻳﺎ ﻣﻨﻪ : ﺣﻮﻭﻝ ﺣﻮﻝ ﺑﺎﺭﺩ ﺍﻃﻠﻖ ﻳﺪﻳﺎ ﻣﺰﺍﻝ ﻣﺎﻓﺸﻴﺘﺶ ﻏﻠﻲ ﻓﻴﻚ
ﻭﻟﻴﺪ : ﻫﻬﻬﻬﻪ ﺗﻲ ﺑﻄﻠﻲ ﺧﻴﺮ ﻣﺎﺍﻧﻮﺽ
ﺍﻧﻲ : ﻧﻮﺽ ﻫﻲ ﺗﺮﺍ ﻭﺭﻳﻨﻲ ﺑﻨﺨﺎﻑ ﻣﻨﻚ ﺗﻮﺍ ﺍﻧﻲ ﻋﻠﻲ ﺍﺳﺎﺱ
ﻭﻟﻴﺪ ﻃﻠﻖ ﻳﺪﻳﺎ
ﺍﻧﻲ ﻋﻠﻲ ﻃﻮﻝ ﻭﻗﻔﺖ ﻭﻧﻘﺰﺕ ﻣﻦ ﺍﻟﺴﺮﻳﺮ ﻭﻓﺘﺤﺖ ﺑﺎﺏ ﺩﺍﺭ ﺍﻟﻨﻮﻡ ﻭﻫﺮﺑﺖ ﻧﺠﺮﻱ
ﻭﻟﻴﺪ ﻧﺎﺽ ﻭﺭﺍﻱ ﻭﻗﻌﺪ ﻳﺠﺮﻱ ﻭﺭﺍﻱ : ﺗﻌﺎﺍﻟﻲ ﻣﺶ ﻣﺶ ﺧﺎﻳﻔﻪ ﺗﻌﺎﺍﻟﻲ
ﺍﻧﻲ ﺧﺸﻴﺖ ﺍﻟﺼﺎﻟﻪ ﻧﺠﺮﻱ ﻭﻫﻮ ﻟﺤﻘﻨﻲ ﺣﺼﻠﺖ ﺧﻼﺹ ﻓﺎﺻﻞ ﺑﻴﻨﻨﺎ ﺍﻟﺼﺎﻟﻮﻥ
ﺍﻧﻲ ﻧﺤﺎﻳﻞ : ﺑﻌﺪ ﺧﻴﺮﻟﻚ
ﻭﻟﻴﺪ ﻳﻘﺮﺏ : ﺷﻦ ﺑﺘﺪﻳﺮﻱ ﻳﻌﻨﻲ
ﺍﻧﻲ : ﺍ ﺍ ﺷﻦ ﺩﺧﻠﻚ ﺷﻦ ﺑﻨﺪﻳﺮ ﺑﻌﺪ ﻳﺎﻭﻟﻴﺪ ﻣﺎﺗﻘﺮﺑﺶ
ﻭﻟﻴﺪ ﻳﺰﻳﺪ ﻳﻘﺮﺏ
ﺍﻧﻲ ﺷﺎﺩﻩ ﺍﻟﻤﺨﺪﻩ ﻭﻧﺪﻳﺮ ﻓﻴﻬﺎ ﻳﻤﻴﻦ ﻳﺴﺎﺭﺭ ﺑﻨﻀﺮﺑﻪ ﻋﻠﻲ ﺍﺳﺎﺱ
ﻭﻟﻴﺪ ﻗﺮﺏ ﻣﻨﻲ ﻭﺷﺪ ﻳﺪﻳﺎ ﻭﺟﻲ ﻭﺭﺍﻱ ﻭﻟﻒ ﻳﺪﻳﻪ ﻋﻠﻴﺎ : ﻣﺶ ﺧﺎﻳﻔﻪ ﻫﺎ ﺻﺎﺭ ﻣﺶ ﺧﺎﻳﻔﻪ
ﺍﻧﻲ : ﻭﻋﻼﺵ ﺑﻨﺨﺎﻑ ﻣﻨﻚ ﻭﺧﺮﺭﺭ
ﻭﻟﻴﺪ ﺯﺍﺩ ﻗﻨﻂ ﺑﻴﺪﻳﻪ ﻋﻠﻴﺎ : ﻋﻨﻴﺪﻩ
ﺍﻧﻲ : ﺑﺎﺭﺩ
ﻭﻟﻴﺪ : ﻣﺸﻔﺸﻔﻪ
ﺍﻧﻲ : ﺷﻴﻦ
ﻭﻟﻴﺪ ﺯﺍﺩ ﻗﻨﻂ ﺑﻴﺪﻳﻪ ﻟﻴﻦ ﻳﺪﻳﺎ ﻭﺟﻌﻮﻧﻲ : ﺩﺑﻪ
ﺍﻧﻲ : ﻫﻴﻴﻲ ﻳﺪﻳﺎ ﻭﺑﻌﺪﻳﻦ ﺍﻧﻲ ﻣﺶ ﺩﺑﻪ ﺣﻮﻝ ﺣﻮﻝ ، ﻭﻗﻌﺪﺕ ﻧﺤﺎﻭﻝ ﻧﻔﻚ ﺭﻭﺣﻲ ﻟﻜﻦ ﻫﻮ ﻗﺎﻧﻂ
ﻭﻟﻴﺪ ﺷﺎﺩﻧﻲ ﻭﻣﺶ ﻣﻌﺪﻝ ﻋﻠﻴﺎ ﻭﻟﻔﻨﻲ ﺑﺪﻱ ﻭﺟﻬﻲ ﻗﺪﺍﻡ ﻭﺟﻬﻪ ﻭﺳﻴﺐ ﻳﺪﻳﺎ ﻭﻗﺎﻣﻨﻲ ﺑﺴﺮﻋﻪ ﻋﻠﻲ ﻛﺘﻔﻪ
ﺍﻧﻲ ﻧﺨﺒﻂ ﻓﻲ ﻇﻬﺮﻩ : ﺗﻲ ﻧﺰﻟﻨﻲ ﺑﻨﻄﻴﻴﻴﺢ ﻭﻭﻭﻩ ﻭﻟﻴﻴﻴﺪ
ﻭﻟﻴﺪ : ﻫﻬﻬﻬﻪ ﻇﻬﺮﻱ ﻭﻣﺎﻧﻴﺶ ﻣﻨﺰﻟﻚ
ﺍﻧﻲ ﺯﺩﺕ ﻧﺨﺒﻂ ﻓﻲ ﻇﻬﺮﻩ : ﺗﻲ ﻧﺰﺯﺯﻟﻨﻲ ﻧﺰﻟﻨﻲ ﺷﻦ ﺑﺘﺪﻳﺮ
ﻭﻟﻴﺪ ﻣﺎﺷﻲ ﺑﻴﺎ ﺟﻬﺔ ﺩﺍﺭ ﺍﻟﻨﻮﻡ ﻭﻣﺶ ﻣﻌﺒﺮﻧﻲ ، ﻭﺻﻞ ﺑﻴﺎ ﻗﺪﺍﻡ ﺍﻟﺴﺮﻳﺮ ﻭﻃﻴﺤﻨﻲ ﻋﻠﻴﻪ
( ﺳﺎﺩﻛﻢ ﻟﺤﺪ ﺍﻫﻨﻲ ﻫﻬﻬﻪ )
،،،،،،
ﻭﺍﺣﻨﻲ ﻧﺎﻛﻠﻮ
ﻭﻟﻴﺪ : ﻛﻢ ﻣﺰﺍﻝ ﻋﻠﻲ ﻣﻮﻋﺪ ﺍﻟﺪﻛﺘﻮﺭﺓ
ﺍﻧﻲ : ﻣﺰﺍﻝ ﺍﻟﺴﺒﺖ ﺍﻟﺠﺎﻱ ﺍﻟﻴﻮﻡ ﺍﺗﻨﻴﻦ
ﻭﻟﻴﺪ : ﺑﺎﻫﻲ ﺩﻭﺍﻙ ﺍﺧﺪﻳﺘﻴﻪ ﺍﻟﻴﻮﻡ
ﺍﻧﻲ : ﺍﻳﻪ ﺍﺧﺪﻳﺖ
ﻭﻟﻴﺪ : ﺑﻨﺴﺎﻟﻚ ﺣﻘﺎ ﻫﺪﺍﻛﺎ ﺍﻟﻴﻮﻡ ﻣﻨﻰ ﺧﻴﺮﻫﺎ ؟
ﺍﻧﻲ ﺑﺎﺳﺘﻐﺮﺍﺏ : ﺧﻴﺮﻫﺎ
ﻭﻟﻴﺪ : ﻣﺶ ﻋﺎﺭﻑ ﻛﻴﻒ ﺟﻮﻫﺎ ﻣﺶ ﻣﻠﻴﺢ ﻧﺤﺲ ﻓﻴﻬﺎ ﻭﺣﺘﻰ ﻛﻼﻣﻬﺎ ﻣﻊ ﻋﻤﺎﺩ ﻣﺶ ﻋﺎﺭﻑ ﻛﻴﻒ
ﺍﻧﻲ : ﻣﺶ ﻋﺎﺭﻓﻪ ﻣﺎﻻﺣﻈﺘﺶ ، ﻣﺮﺍﺕ ﻣﺘﻌﺎﺭﻛﻴﻦ ﻋﺎﺩﻱ ﺗﺼﻴﺮ ﺗﻮ ﻳﺘﺼﺎﻟﺤﻮ
ﻭﻟﻴﺪ : ﻣﺶ ﻋﺎﺭﻓﻪ ﻳﺴﺘﺮ ﺍﻟﻠﻪ ، ﻫﻲ ﺗﻮﺍ ﻟﻤﺎ ﻧﺰﻟﺖ ﻗﺎﻋﺪﻩ ﻟﻮﻃﻰ ﺳﺎﻟﺘﻬﺎ ﻋﻠﻲ ﻋﻤﺎﺩ ﻗﺎﻟﺖ ﻣﺶ ﺟﺎﻳﻨﻲ ﺍﻟﻴﻮﻡ ﻋﻨﺪﻩ ﺷﻐﻞ ﻭﻋﻤﺎﺩ ﻛﻠﻤﻨﻲ ﺍﻣﺒﻜﺮﻱ ﻗﺎﻟﻲ ﻧﻤﺸﻮ ﻧﻜﺴﺪﻭ ﻓﻲ ﺍﻟﻘﻬﻮﺓ
ﺍﻧﻲ : ﺗﻠﻘﺎﻩ ﺍﺷﺒﺢ ﻓﻴﺶ ﻣﺰﻋﻠﻬﺎ ﺗﻮ ﻳﺘﺮﺍﺿﻮ
ﻭﻟﻴﺪ : ﺍﻥ ﺷﺎﺀ ﺍﻟﻠﻪ ، ﻫﻲ ﺍﻧﻲ ﺷﺒﻌﺖ ﺍﻟﺤﻤﺪ ﻟﻠﻪ ﺗﺒﻲ ﺣﺎﺟﺔ ﺑﻨﻄﻠﻊ
ﺍﻧﻲ : ﺻﺤﺔ ، ﺳﻼﻣﺘﻚ ﺣﺒﻴﺒﻲ ، ﺍﻧﻲ ﺑﻨﻀﻢ ﺍﻟﺴﻔﺮﺓ ﻭﺑﻨﻨﺰﻝ ﺟﻨﺐ ﻋﻤﺘﻲ
ﻭﻟﻴﺪ : ﺑﺎﻫﻲ ﺗﻤﺎﻡ ، ﻭﺑﺎﺱ ﻋﻠﻲ ﺭﺍﺳﻲ ﻭﻃﻠﻊ
ﺍﻧﻲ ﻛﻤﻠﺖ ﻣﺎﻛﻠﺘﻲ ﻭﻗﻤﺖ ﺍﻟﺴﻔﺮﺓ ﺿﻤﻴﺘﻬﺎ ، ﻭﻟﺒﺴﺖ ﻭﻧﺰﻟﺖ
ﺍﻧﻲ ﺧﺸﻴﺖ ﻋﻠﻲ ﻋﻤﺘﻲ ﻓﻲ ﺍﻟﻤﻄﺒﺦ : ﺍﻟﺴﻼﻡ ﻋﻠﻴﻜﻢ
ﻋﻤﺘﻲ : ﻭﻋﻠﻴﻜﻢ ﺍﻟﺴﻼﻡ ﺍﻫﻠﻴﻦ
ﺍﻧﻲ : ﺗﻄﻴﺒﻲ ﻓﻲ ﺍﻟﻌﺸﻲ ؟
ﻋﻤﺘﻲ : ﺍﻳﻪ ﻭﺍﻟﻠﻪ ﺑﻨﺪﻳﺮ ﺭﻳﺤﺔ ﻣﻜﺮﻭﻧﻪ ﻣﺤﻤﻮﺩ ﺟﺎﻳﻴﻪ ﺻﺎﺣﺒﻪ
ﺍﻧﻲ : ﺍﻳﻪ ﺷﻔﺖ ﻛﻨﺎﺩﺭ ﻗﺪﺍﻡ ﺍﻟﻤﺮﺑﻮﻋﻪ ﺍﺳﺘﻐﺮﺑﺖ ، ﺑﺮﻱ ﺍﻧﺘﻲ ﻗﻌﻤﺰﻱ ﺗﻮ ﻧﻜﻤﻠﻬﺎ ﻋﻠﻴﻚ
ﻋﻤﺘﻲ : ﺧﻼﺹ ﻗﻌﺪﺕ ﻋﻠﻲ ﺻﺒﺔ ﺍﻟﻤﻜﺮﻭﻧﻪ ﺑﺲ ، ﻛﺎﻧﺶ ﺗﺤﻄﻲ ﺻﻔﺮﻩ ﻭﺳﻼﻃﺔ
ﺍﻧﻲ : ﺑﺎﻫﻲ ﺗﻮ ﻧﺪﻳﺮ ، ﻭﻃﻠﻌﺖ ﺩﺭﺕ ﺳﻼﻃﺔ ﻭﻭﺗﻴﺖ ﺳﻔﺮﺓ ﻭﺑﻌﺪ ﻃﺎﺑﺖ ﺍﻟﻤﻜﺮﻭﻧﻪ ﺣﻄﻴﻨﺎﻫﺎ ﻭﻃﻘﻴﺖ ﻋﻠﻲ ﻣﺤﻤﻮﺩ
ﻣﺤﻤﻮﺩ : ﺍﻭﻭﻭﻩ ﺻﺤﻴﺘﻮ ﺷﻜﻠﻬﺎ ﻣﻜﺮﻭﻧﻪ ﻣﻠﻴﺤﺔ
ﺍﻧﻲ : ﺗﻄﻴﻴﺐ ﻋﻤﻴﻤﻪ ﺍﻛﻴﺪ ﻣﻠﻴﺤﺔ
ﻣﺤﻤﻮﺩ : ﺗﻲ ﺍﻣﻲ ﺣﺎﺟﺔ ﺻﻘﻊ ﺑﻜﻞ ، ﻭﺑﺎﺱ ﻋﻠﻲ ﺭﺍﺱ ﻋﻤﺘﻲ ، ﺻﺤﻴﺘﻲ
ﺍﻧﻲ ﻧﺸﻮﻑ ﻭﻣﺒﺘﺴﻤﻪ ﻛﻴﻒ ﺑﺎﺱ ﻋﻠﻲ ﺭﺍﺳﻬﺎ
ﻋﻤﺘﻲ : ﺳﻠﻤﻚ ﺻﺤﺘﻴﻦ
ﻣﺤﻤﻮﺩ ﻗﺎﻡ ﺍﻟﺴﻔﺮﺓ ﻭﺧﺶ ﺑﻴﻬﺎ ﻟﻠﻤﺮﺑﻮﻋﻪ
ﺻﺎﺣﺒﻪ ﻋﻤﺮ : ﺍﻭﻭﻭﻭﻩ ﻣﺒﻜﺒﻜﺔ ﺻﻨﺘﻬﺎ ﻓﺎﺣﺖ
ﻣﺤﻤﻮﺩ : ﺍﻳﻪ ﻫﻲ ﻗﺪﻡ ﻣﺪ ﻳﺪ
ﻋﻤﺮ : ﻗﺪﺍﺵ ﻳﻌﺰ ﻋﻠﻴﺎ ﺗﻄﻴﻴﺐ ﻋﻤﺘﻲ ﻓﺘﺤﻴﺔ ، ﺧﻠﻲ ﻧﺒﻲ ﻧﻐﺴﻞ ﻳﺪﻳﺎ
ﻣﺤﻤﻮﺩ : ﺍﻃﻠﻊ ﻟﻠﺤﻤﺎﻡ ﺍﻟﺒﺮﺍﻧﻲ
ﻋﻤﺮ ﻓﺘﺢ ﺍﻟﺒﺎﺏ ﻭﻃﻠﻊ ﺧﺶ ﻟﻠﺤﻤﺎﻡ ﻏﺴﻞ ﻳﺪﻳﻪ ﻭﻃﻠﻊ
ﻭﻓﻲ ﺍﻟﻠﺤﻈﺔ ﺍﻟﻲ ﻃﻠﻊ ﻓﻴﻬﺎ ﻫﻮ ﻛﺎﻧﺖ ﺭﺣﻤﺔ ﻃﺎﻟﻌﻪ ﻟﻠﺠﻨﺎﻥ ﻣﻦ ﺟﻬﺔ ﺍﻟﻤﻄﺒﺦ ﻭﺷﺎﺩﻩ ﻗﻬﻮﺗﻬﺎ ﻭﺗﺸﺮﺏ ﻣﺎﺗﻨﺪﺭﻳﺶ ﻋﻠﻴﻪ
ﻋﻤﺮ ﻗﻌﺪ ﻭﺍﻗﻒ ﻭﻳﺸﻮﻓﻠﻬﺎ
ﺭﺣﻤﺔ ﻛﺎﻧﺖ ﻋﻠﻲ ﺍﻟﺮﻏﻢ ﻣﻦ ﻗﺴﻮﺓ ﻗﻠﺒﻬﺎ ﻭﻭﻋﺎﺭﺗﻬﺎ ﺍﻻ ﺍﻧﻬﺎ ﻛﺎﻧﺖ ﺟﻤﻴﻠﻪ ﻭﻋﻴﻮﻧﻬﺎ ﻣﻠﻮﻧﻪ ، ﻭﻓﺠﺄﺓ ﻗﺎﻣﺖ ﺭﺍﺳﻬﺎ ﺍﻟﻘﺖ ﻋﻤﺮ ﻳﺸﻮﻓﻠﻬﺎ ﻭﺳﺮﺣﺎﻥ ﻓﻴﻬﺎ ، ﻣﻦ ﺍﻟﺨﻠﻌﻪ ﻃﻴﺤﺖ ﺍﻟﻔﻨﺠﺎﻥ ﻭﺧﺮﺕ ﻭﺧﺸﺖ ﻟﻠﻤﻄﺒﺦ ﺑﺨﻄﻮﺍﺕ ﺳﺮﻳﻌﻪ
ﻋﻤﺮ ﺍﺳﺘﺎﻗﻆ ﻟﺮﻭﺣﻪ ﻭﺍﻣﺸﻲ ﻟﻠﻤﺮﺑﻮﻋﻪ ﻭﻫﻮ ﻳﻔﻜﺮ ﺣﺘﻰ ﺍﻟﻤﺎﻛﻠﺔ ﻣﺎﺍﻛﻼﺵ ﺑﺎﻫﻲ ﻻﻥ ﻋﺠﺒﺎﺗﻪ ﺭﺣﻤﺔ ﻫﻠﺒﺎ ﻭﻫﻮ ﺍﻭﻝ ﻣﺮﺓ ﻳﺸﻮﻓﻬﺎ
ﺍﻣﺎ ﺭﺣﻤﺔ ﺍﻧﻲ ﻛﻨﺖ ﻓﻲ ﺍﻟﻤﻄﺒﺦ ﻭﻧﻐﺴﻞ ﻓﻲ ﺍﻟﻄﻨﺠﺮﺓ ﻓﺠﺎﺓ ﺧﺸﺖ ﺑﺴﺮﻋﻪ ﻭﻗﺮﺑﻌﺖ ﺍﻟﺒﺎﺏ ﻭﻫﻲ ﻭﺟﻬﻬﺎ ﻣﺨﻄﻮﻑ
ﺍﻧﻲ ﺗﻠﻔﺘﻠﻬﺎ ﺑﺎﺳﺘﻐﺮﺍﺏ : ﺷﻦ ﺻﺎﺭ
ﺭﺣﻤﺔ ﺗﺎﺧﺪ ﻓﻲ ﻧﻔﺲ : ﺻﺎﺣﺐ ﻣﺤﻤﻮﺩ
ﺍﻧﻲ ﻏﺴﻠﺖ ﻳﺪﻱ ﻭﻧﺸﻔﺘﻬﺎ ﻭﻗﺮﺑﺖ ﻣﻨﻬﺎ : ﺧﻴﺮﻩ ﺷﻦ ﺻﺎﺭ
ﺭﺣﻤﺔ ﺗﺘﻨﻔﺲ ﺑﺴﺮﻋﻪ
ﺍﻧﻲ ﺷﺪﻳﺘﻬﺎ ﻣﻦ ﻳﺪﻫﺎ ﻭﻗﻌﻤﺰﺗﻬﺎ ﻉ ﺍﻟﻜﺮﺳﻲ ﻭﺍﻧﻲ ﻣﺴﺘﻐﺮﺑﻪ ﻭﺧﺎﻳﻔﻪ ﺷﻦ ﺻﺎﺭﻟﻬﺎ ، ﺻﺒﻴﺘﻠﻬﺎ ﻣﻴﻪ ﺷﺮﺑﺖ ، ﺍﺧﺪﻳﺖ ﺍﻟﻄﺎﺳﻪ ﺣﻄﻴﺘﻬﺎ ﻉ ﺍﻟﻄﺎﻭﻟﺔ ﻭﻗﻌﻤﺰﺕ ﻓﻲ ﺍﻟﻜﺮﺳﻲ ﺍﻟﻲ ﻗﺪﺍﻣﻬﺎ : ﺷﻦ ﺻﺎﺭ ﺧﻮﻓﺘﻴﻨﻲ
ﺭﺣﻤﺔ : ﺻﺎﺣﺐ ﻣﺤﻤﻮﺩ ﺷﺎﻓﻨﻲ
ﺍﻧﻲ : ﺑﺎﻫﻲ ﺧﻴﺮﻙ ﺧﺎﻳﻔﻪ ﻣﻌﻠﻴﺸﻲ ﺗﺼﻴﺮ ﻣﺶ ﺫﻧﺒﻚ
ﺭﺣﻤﺔ : ﻧﺴﻴﺒﺔ ﻳﻬﺒﻞ
ﺍﻧﻲ ﻋﻠﻲ ﻗﺪ ﻣﺎﻛﻨﺖ ﺧﺎﻳﻔﻪ ﺍﻧﻔﻠﻘﺖ ﺑﺎﻟﻀﺤﻚ : ﻫﻬﻬﻬﻬﻬﻬﻬﻬﻬﻬﻬﻪ ﺍﻧﺘﻲ ﻗﺼﺪﻙ ﻗﺮﻳﺐ ﺗﻔﻘﺪﻱ ﺍﻟﻮﻋﻲ ﻭﺗﺮﻋﺸﻲ ﻣﻊ ﺑﻌﻀﻚ ﻋﻠﻲ ﺧﺎﻃﺮ ﻳﻬﺒﻞ
ﺭﺣﻤﺔ : ﺣﻲ ﻋﻠﻴﺎ ﻛﺎﻥ ﻳﻘﻮﻝ ﻟﻤﺤﻤﻮﺩ
( ﺍﻧﻲ ﻣﺴﺘﻐﺮﺑﻪ ﻃﺒﻌﺎ ﺍﺻﻼ ﺍﻭﻝ ﻣﺮﺓ ﻧﺸﻮﻑ ﺭﺣﻤﺔ ﻫﻜﻲ ﺩﻳﻤﺎ ﻧﻌﺮﻑ ﺍﻧﻪ ﺷﺨﺼﻴﺘﻬﺎ ﻭﺍﻋﺮﺓ ﻭﻗﺎﺳﻴﻪ ﺣﺘﻰ ﺍﺳﻠﻮﺑﻬﺎ ﺗﻮﻗﻌﺘﻬﺎ ﺗﻘﻮﻟﻲ ﻣﺎﺩﺧﻠﻜﺶ ﻭﺗﻜﺸﺦ ﻟﻜﻦ ﺑﺎﻟﻌﻜﺲ ﻗﺎﻟﺖ ﻳﻬﺒﻞ ﻭﻋﺠﺒﻬﺎ ﻭﻓﻮﻗﻬﺎ ﺧﺎﻳﻔﻪ ﻣﻦ ﻣﺤﻤﻮﺩ ، ﺗﻲ ﺣﺘﻰ ﻭﻟﻴﺪ ﻣﺎﺗﺨﺎﻓﺶ ﻣﻨﻪ ، ﻣﺎﺷﻔﺘﻬﺎﺵ ﻭﻻﻣﺮﺓ ﺧﺎﻳﻔﻪ ﻣﻦ ﺣﺪ ﺍﻟﻲ ﻓﻲ ﺭﺍﺳﻬﺎ ﺗﺪﻳﺮﻩ )
ﺍﻧﻲ ﻣﺼﺪﻭﻣﺔ ﻭﻧﺸﻮﻓﻠﻬﺎ
ﺭﺣﻤﺔ : ﺧﻴﺮﻙ ﺗﺸﻮﻓﻴﻠﻲ ﻫﻜﻲ
ﺍﻧﻲ : ﻫﻬﻬﻬﻬﻬﻬﻬﻬﻬﻪ ﺷﻲ
ﺭﺣﻤﺔ : ﺣﻮﻟﻲ ﺗﺮﺍ ﻣﻦ ﻗﺪﺍﻣﻲ ﺑﻨﻄﻠﻊ ﻧﻘﻌﻤﺰ ﻓﻲ ﺍﻟﺠﻨﺎﻥ ﺑﺎﻟﻚ ﻳﻄﻠﻊ ﻣﺮﺓ ﺗﺎﻧﻴﻪ ، ﻭﻧﺎﺿﺖ ﻭﻃﻠﻌﺖ ﻟﻠﺠﻨﺎﻥ
ﻭﺍﻧﻲ ﻗﺎﻋﺪﻩ ﻧﻀﺤﻚ ﻭﻓﻲ ﺣﺎﻟﺔ ﺻﺪﻣﻪ
ﺗﻌﺸﻴﺖ ﻣﻊ ﻋﻤﻴﻤﻪ ﻭﻗﻤﺖ ﺍﻟﺴﻔﺮﻩ ﻭﺍﻧﻲ ﺧﺎﺷﻪ ﻟﻠﻤﻄﺒﺦ ﻧﺴﻤﻊ ﻓﻲ ﻣﺤﻤﻮﺩ ﻳﻜﺸﺦ ﻋﻠﻲ ﺭﺣﻤﺔ، ﺣﻄﻴﺖ ﺍﻟﺴﻔﺮﺓ ﻭﻓﺘﺤﺖ ﺑﺎﺏ ﺍﻟﻤﻄﺒﺦ ﻭﻃﻠﻌﺖ
ﻣﺤﻤﻮﺩ : ﻳﻨﻌﻦ ..... ﺳﻜﺮﻱ ﻓﻤﻚ ﺷﻦ ﻣﻄﻠﻌﻚ ﺍﻫﻨﻲ ﺍﻧﺘﻲ ﻋﺎﺭﻓﻪ ﻓﻲ ﺭﺍﺟﻞ ﻓﻲ ﺍﻟﻤﺮﺑﻮﻋﻪ ﻭﺍﻻ ﻋﺎﺭﻓﻪ ﺍﻧﻪ ﻳﺨﺸﻮ ﻟﻠﺤﻤﺎﻡ ﺍﻟﺒﺮﺍﻧﻲ ﺷﻦ ﻃﻠﻌﻚ ﻫﺎ ﺗﻜﻠﻤﻲ
ﺭﺣﻤﺔ ﺑﻬﺪﻭﺀ ﻭﺑﺮﻭﺩ : ﻭﺍﻧﺖ ﺷﻦ ﺩﺧﻠﻚ ﻭﺑﻌﺪﻳﻦ ﻳﻄﻠﻊ ﺍﻧﻲ ﺍﻧﻲ ﻣﺶ ﻗﺪﺍﻣﻪ ﻣﻘﻌﻤﺰﺓ
ﻣﺤﻤﻮﺩ ﺷﺪﻫﺎ ﻣﻦ ﺷﻌﺮﻫﺎ ﻭﺩﺧﻠﻬﺎ ﻟﻠﻤﻄﺒﺦ
ﺍﻧﻲ ﺷﺪﻳﺖ ﻳﺪ ﻣﺤﻤﻮﺩ ﻧﺒﻲ ﻧﻔﻜﻬﺎ ﻣﻦ ﺷﻌﺮﻫﺎ : ﻭﺳﻊ ﺑﺎﻟﻚ ﻳﺎﻣﺤﻤﻮﺩ ﻭﺻﻠﻲ ﻉ ﺍﻟﻨﺒﻲ ﻣﺶ ﻫﻜﻲ ﺗﻨﺤﻞ
ﺭﺣﻤﺔ : ﺗﻲ ﺣﻮﻭﻭﻝ ﻳﺪﻙ ﻳﺎﺍﺍﺣﻴﻮﺍﻥ ﺍﻧﺖ ﺷﻦ ﺩﺧﻠﻠﻠﻠﻚ ﺣﻮﻝ ﻭﺍﻻ ﻧﻌﻴﻂ ﻧﻠﻢ ﻋﻠﻴﻚ ﺍﻟﺪﻧﻴﺎ ﺗﻮﺍ
ﻣﺤﻤﻮﺩ : ﺿﻤﻲ ﻓﻤﻚ ، ﻭﺩﻓﻬﺎ ﻟﻮﺳﻂ ﺍﻟﻤﻄﺒﺦ ﻭﻃﻠﻖ ﺷﻌﺮﻫﺎ
ﺍﻧﻲ : ﺍﻫﺪﻯ ﻳﺎﻣﺤﻤﻮﺩ ﻋﻴﺐ ﻣﺶ ﻫﻜﻲ
ﻣﺤﻤﻮﺩ : ﺍﺳﻜﺘﻲ ﺍﻧﺘﻲ ﻣﺎﺩﺧﻠﻜﺶ
ﺍﻧﻲ ﺍﻧﺠﻤﻄﺖ ﻭﺳﻜﺘﺖ ﺍﻧﺼﺪﻣﺖ ﺍﺻﻼ
ﻣﺤﻤﻮﺩ ﺑﻌﺼﺒﻴﻪ : ﺍﻗﺴﻢ ﺑﺪﻳﻦ ﺍﻟﻠﻪ ﺭﺟﻠﻚ ﺗﻄﻠﻊ ﺑﺮﺍ ﺍﻟﺒﺎﺏ ﺑﺲ ﺟﺮﺑﻲ ﺍﻧﺘﻲ ﻣﺪﻱ ﺭﺟﻠﻚ ﻭﺍﻟﻠﻪ ﻧﻜﺴﺮﻫﺎ ﺍﻟﻠﻪ ﺍﻧﻄﻤﺮﻱ ﺍﻫﻨﻲ ، ﻭﺍﻫﻮ ﺍﻟﺮﺍﺟﻞ ﺑﺎﻳﺖ ﻋﻨﺪﻱ ﺗﻲ ﻭﺍﻟﻠﻪ ﻭﺍﻟﻠﻪ ﻳﺎﺭﺣﻤﺔ ﻣﺎﺗﺒﺴﻴﺶ ﺩﺍﺧﻞ ﺍﻟﺤﻮﺵ ﻧﻘﺼﻠﻚ ﺭﺟﻠﻴﻚ ﻭﺍﻫﻮ ﻗﻠﺘﻬﺎ
ﺭﺣﻤﺔ : ﺗﻲ ﺑﺮﺍ ﻳﺎﻣﺮﻳﺾ ﺍﻗﺴﻢ ﺑﺎﻟﻠﻪ ﻋﻨﺪﻙ ﺣﺎﻟﻪ ﻧﻔﺴﻴﻪ ﺑﺎﺍﻫﻲ ، ﻭﻛﻞ ﺧﺎﻧﺐ ﻣﺸﻜﺎﻙ ﻛﺎﻥ ﺍﻧﺖ ﺗﺪﻳﺮ ﻓﻴﻬﻢ ﺍﻟﺤﺮﻛﺎﺕ ﻫﺎﺩﻱ ﻟﻠﺒﻨﺎﺕ ﺍﻧﻲ ﻣﺶ ﺯﻱ ﻫﺎﺩﻭﻭﻛﺎ ﺍﻟﺒﻨﺎﺕ ﺑﺎﺍﺍﺍﺍﻫﻲ ﻣﺶ ﺯﻳﻬﺎ ﺍﻧﻲ
ﺍﻧﻲ ﻣﺼﺪﻭﻣﻪ ﻭﻭﺍﻗﻔﻪ ﻓﻲ ﻣﻜﺎﻥ ﻭﻧﺘﻔﺮﺝ ﻋﻠﻴﻬﻢ
ﻣﺤﻤﻮﺩ ﻳﻘﺪﻡ ﻭﺑﻴﻀﺮﺑﻬﺎ ﺗﺨﺶ ﻋﻤﺘﻲ
ﻋﻤﺘﻲ ﺑﺼﻮﺕ ﻋﺎﻟﻲ ﻭﺣﺎﺯﻡ : ﻭﺍﻟﻠﻪ ﺗﻤﺪ ﻳﺪﻙ ﻋﻠﻴﻬﺎ ﻻﻋﺎﺩ ﻭﻟﺪﻱ ﻭﻻﻧﻌﺮﻓﻚ ، ﺧﻴﺮﺭﻛﻢ ﺷﻨﻮ ﺑﺘﺤﺸﻤﻮﻭﻧﺎ ﻫﺎﺍ ﺑﺘﺤﺸﻤﻮﻧﺎ ﻋﻘﺎﺏ ﺍﻟﻮﻗﺖ ﺍﺻﻮﺍﺗﻜﻢ ﺳﻤﻌﻮﻫﺎ ﺍﻟﺠﻴﺮﺭﺍﻥ
ﺭﺣﻤﺔ : ﺷﻮﻓﻲ ﻭﻟﺪﻙ ﺍﻟﻲ ﻳﺘﻤﺮﺟﻞ ﻋﻠﻴﺎ
ﻋﻤﺘﻲ : ﺿﻤﻲ ﻓﻤﻚ ﺍﻧﺘﻲ ﻳﺎﺍﻡ ﻟﺴﺎﻥ ﻃﻮﻳﻞ ﻭﺧﺸﻲ ﻟﺪﺍﺭﻙ ﺍﻣﺸﻲ ﻣﺎﻧﺒﻴﺶ ﻧﺸﻮﻓﻚ ﺍﻫﻨﻲ
ﺭﺣﻤﺔ ﻟﻔﺖ ﻭﻫﻲ ﺗﺘﻤﺘﻢ ﻭﺧﺸﺖ ﻟﺪﺍﺭﻫﺎ
ﻣﺤﻤﻮﺩ ﺑﻌﺼﺒﻴﻪ : ﺷﺪﻳﻬﺎ ﺍﻟﺪﺍﺧﻞ ﺧﻴﺮ ﻣﺎﻧﻘﻴﻢ ﺟﻨﺎﺍﺯﺗﻬﺎ ﺍﻧﻲ ﺍﻟﻴﻮﻡ
ﻋﻤﺘﻲ : ﻭﺍﻟﻠﻪ ﺗﻤﺪ ﻳﺪﻙ ﻋﻠﻴﻬﺎ ﻣﺎﻋﺎﺩ ﻓﻤﻲ ﻳﻼﻏﻲ ﻓﻤﻚ ﺑﺎﺍﺍﻫﻲ ﺍﻫﻮ ﻗﻠﺖ ﺍﻧﻲ ، ﻭﻋﻼﺵ ﻫﺎﻟﺰﺍﺯﺓ ﻫﺎﺩﻱ ﻛﻠﻬﺎ ﺷﻦ ﺩﺍﺭﺕ ﻫﺎﺍ ﺍﻟﻲ ﺟﺎﻱ ﻣﺮﻛﺐ ﻓﻲ ﺭﻭﺣﻚ ﻭﺻﻮﺗﻚ ﺳﻤﻌﻮﻩ ﺍﻟﺠﻴﺮﺍﻥ
ﻣﺤﻤﻮﺩ ﺑﻌﺼﺒﻴﻪ : ﺗﻲ ﺍﻟﺰﺡ ﻣﻘﻌﻤﺰﺗﻠﻲ ﺑﺮﺍﺍﺍﺍ ﻭﺍﻟﺮﺍﺟﻞ ﻳﻄﻠﻊ ﻟﻠﺤﻤﺎﻡ ، ﻧﻌﺮﻓﻬﺎ ﺍﻧﻲ ﻧﻌﺮﻓﻬﻢ ﺍﻧﻲ ﺍﻟﻄﺮﻭﺡ ﺍﻟﺰﺍﻳﺪﺓ ﺍﻟﻲ ﻳﺪﻳﺮﻭ ﻓﻴﻬﺎ ﻧﻌﺮﺭﺭﻓﻬﺎ ، ﻭﻟﻒ ﻭﻃﻠﻊ ﻭﻗﺮﺑﻊ ﺑﺎﺏ ﺍﻟﻤﻄﺒﺦ
ﻋﻤﺘﻲ : ﺑﻴﻬﺒﻠﻮﻧﻲ ﺍﻧﻲ ﺑﻴﺠﻠﻄﻮﻧﻲ ﺷﻲ ﻳﻮﻡ ﻣﻦ ﺍﻻﻳﺎﻡ
ﺍﻧﻲ ﺻﺒﻴﺘﻠﻬﺎ ﻣﻴﻪ ﻭﻗﻌﻤﺰﺗﻬﺎ : ﻫﺎﻙ ﺍﺷﺮﺑﻲ ﻣﻴﻪ ﻭﻣﺎﺗﺮﻋﺸﻴﺶ ﺭﻭﺣﻚ ﻳﺎﻋﻤﻴﻤﻪ ، ﺗﺼﻴﺮ ﺍﻟﻤﺸﺎﻛﻞ ﻫﺎﺩﻱ ﺑﻴﻦ ﺍﻟﺨﻮﺕ ﻣﻌﻠﻴﺸﻲ ﺗﻮ ﻏﺪﻭﺓ ﺗﻠﻘﻴﻬﻢ ﻭﻻﻛﺎﻥ ﺣﺎﺟﺔ ﺻﺎﺭﺕ
ﻋﻤﺘﻲ ﺷﺮﺑﺖ ﻭﺣﻄﺖ ﺍﻟﻄﺎﺳﻪ : ﻫﺎﻟﻔﺮﺧﻪ ﻫﺎﺩﻱ ﻟﻤﺎ ﺧﻮﺗﻬﺎ ﻳﻌﺼﺒﻮ ﻧﻘﻮﻟﻠﻬﺎ ﺳﻜﺮﻱ ﻓﻤﻚ ﺍﺳﻜﺘﻲ ﻟﻤﺎ ﻳﺘﻌﻔﻠﻘﻮ ﻭﺍﻟﻠﻪ ﻣﻌﺎﺩ ﻳﻌﺮﻓﻮ ﻭﺍﺣﺪ ﻭﻻﺩﻱ ﻭﻧﻌﺮﻓﻬﻢ ﻭﻫﻲ ﺷﻲ ﻣﺎﺗﺴﻜﺘﺶ ﺗﺒﺪﺍ ﻛﻠﻤﺔ ﺑﻜﻠﻤﺔ ﻣﻌﺎﻫﻢ ﻭﻫﻤﺎ ﻋﻔﺎﺭﻳﺘﻬﻢ ﻓﻲ ﺭﺩﺍﻥ ﺍﻟﺪﻭﺓ ﺷﻲ ﻳﻮﻡ ﺿﺮﺑﻪ ﻣﻦ ﺍﻟﻀﺮﺑﻪ ﺗﻜﺴﺮﻟﻬﺎ ﻋﻈﺎﻣﻬﺎ
ﺍﻧﻲ : ﺍﻧﺘﻲ ﻣﺎﺗﺮﻋﺸﻴﺶ ﺭﻭﺣﻚ ﻳﺎﻋﻤﻴﻤﻪ ، ﺷﻦ ﺑﺘﺪﻳﺮﻟﻬﻢ ﻫﺎﺩﻭ ﺍﻃﺒﺎﻋﻬﻢ ﻭﺧﻮﺕ ﺗﻮ ﻳﻮﻟﻮ ﻭﻳﺤﻨﻮ ﻋﻠﻲ ﺑﻌﺾ ، ﺭﺑﻲ ﻳﻬﺪﻳﻬﻢ
ﻋﻤﺘﻲ : ﺍﻥ ﺷﺎﺀ ﺍﻟﻠﻪ ، ﻭﻭﻗﻔﺖ ﻭﻃﻠﻌﺖ ﻣﻦ ﺍﻟﻤﻄﺒﺦ ﻭﻫﻲ ﺗﻘﻮﻝ ﺑﻴﺠﻠﻄﻮﻧﻲ ﺑﻴﺠﻠﻄﻮﻧﻲ ﻭﺗﺮﻋﺶ ﻣﻊ ﺑﻌﻀﻬﺎ
ﺍﻧﻲ ﺿﻤﻴﺖ ﺳﻔﺮﻩ ﺍﻟﻐﺪﻱ ، ﻭﺣﻄﻄﻴﺖ ﺷﺎﻫﻲ ﻋﻠﻲ ﺍﻟﻨﺎﺭ ﻭﻭﺗﻴﺖ ﺳﻔﺮﻩ ﻭﺣﻄﻴﺖ ﺣﻠﻮﻳﺎﺕ ﻭﻃﻠﻌﺘﻬﺎ
ﻭﺍﻧﻲ ﻃﺎﻟﻌﻪ ﺗﺨﺶ ﻣﻨﻰ ﻭﻣﻌﺎﻫﺎ ﻭﻓﺎﺀ : ﺍﻟﺴﻼﻡ ﻋﻠﻴﻜﻢ
ﺍﻧﻲ ﻭﻋﻤﺘﻲ : ﻭﻋﻠﻴﻜﻢ ﺍﻟﺴﻼﻡ
ﻋﻤﺘﻲ : ﻭﻳﻨﻚ ﻧﻀﺖ ﻣﻦ ﺍﻟﻨﻮﻡ ﻣﺎﻟﻘﻴﺘﻜﺶ
ﻣﻨﻰ : ﺭﻛﺒﺖ ﻟﻮﻓﺎﺀ
ﻭﻓﺎﺀ : ﻛﻴﻒ ﺣﺎﻟﻚ ﻳﺎﻧﻮﺳﻪ
ﺍﻧﻲ ﺳﻠﻤﺖ ﻋﻠﻴﻬﺎ : ﺍﻟﺤﻤﺪ ﻟﻠﻪ ﻛﻮﻳﺴﺔ ﻛﻴﻒ ﺣﺎﻟﻚ ﺍﻧﺘﻲ ﻭﻛﻴﻒ ﺣﺎﻝ ﻫﺎﻟﻜﺘﻜﻮﺗﻪ ، ﻳﺎﻭﻭﺧﻴﺘﻲ ﺳﻠﻤﻬﺎ ﺍﻟﻌﺴﻞ ، ﻭﺍﺧﺪﻳﺘﻬﺎ ﻣﻨﻬﺎ
ﻭﻓﺎﺀ ﺗﺒﺘﺴﻢ
ﻋﻤﺘﻲ : ﻭﻳﻦ ﻭﻟﺪﻙ ﻳﺎﻣﻨﻰ
ﻣﻨﻰ : ﺍﺧﺪﺍﻩ ﻭﻟﻴﺪ ﺍﻣﺒﻜﺮﻱ ﻣﻌﺎﻩ ، ﺍﻧﻲ ﺑﻨﺨﺶ ﻧﺘﻜﻰ ﻧﺮﻗﺪ
ﺍﻧﻲ ﺭﻛﺰﺕ ﻓﻲ ﻣﻨﻰ ﻛﻮﻳﺲ ﻛﺎﻥ ﺟﻮﻫﺎ ﻣﺶ ﻣﻠﻴﺢ ﺻﺢ ، ﻭﻋﻴﻮﻧﻬﺎ ، ﻋﻴﻮﻧﻬﺎ ﺣﻤﺮ ﺑﺎﻛﻴﻪ ﺯﻋﻤﺎ ﺧﻴﺮﻫﺎ
ﻋﻤﺘﻲ : ﻣﺰﺍﻝ ﺑﻜﺮﻱ ﺧﻴﺮﻙ ﺍﺷﺮﺑﻲ ﻣﻌﺎﻧﺎ ﺷﺎﻫﻲ
ﺍﻧﻲ : ﺗﻌﺎﻟﻲ ﻧﺼﺒﻠﻚ ﺷﺎﻫﻲ
ﻣﻨﻰ : ﻻﻻ ﻭﺍﻟﻠﻪ ﻣﺎﻋﻨﺪﻱ ﻧﻴﻪ ، ﻭﻃﻠﻌﺖ ﺧﺸﺖ ﻟﺪﺍﺭﻫﺎ ﻭﺳﻜﺮﺗﻬﺎ
ﻋﻤﺘﻲ ﻟﻮﻓﺎﺀ : ﺧﻴﺮﻫﺎ ﺍﻟﺒﻨﺖ ﺷﻦ ﺻﺎﻳﺮﻟﻬﺎ
ﻭﻓﺎﺀ : ﺍﻛﻴﺪ ﺗﻌﺐ ﺍﻟﺒﺤﺮ ﻭﻟﻰ ﻋﻠﻴﻬﺎ
ﻋﻤﺘﻲ ﺑﻘﻠﻖ : ﺍﻥ ﺷﺎﺀ ﺍﻟﻠﻪ ﺧﻴﺮ
ﺍﻧﻲ ﺷﻔﺖ ﻟﻮﻓﺎﺀ ﻭﻫﻲ ﺷﺎﻓﺘﻠﻲ ﺣﺴﻴﺘﻬﺎ ﻛﺎﺍﻧﻬﺎ ﺗﻌﺮﻑ ﺣﺎﺟﺔ
ﺷﺮﺑﻨﺎ ﺍﻟﺸﺎﻫﻲ ﻭﻫﺪﺭﺯﻧﺎ ﺷﻮﻳﺔ ﻋﻠﻲ ﺧﺸﻪ ﻋﺒﺪ ﺍﻟﻘﺎﺩﺭ
ﻋﺒﺪ ﺍﻟﻘﺎﺩﺭ ﻃﺒﺲ ﻗﺎﻡ ﺑﻨﺘﻪ : ﺑﻨﻴﻪ ﺑﺎﺑﺎ ﺷﻦ ﺣﺎﻟﻬﺎ ، ﻛﻴﻒ ﺣﺎﻟﻚ ﻳﺎﻧﺴﻴﺒﺔ
ﺍﻧﻲ : ﺍﻟﺤﻤﺪ ﻟﻠﻪ ﻛﻮﻳﺴﺔ ﻛﻴﻒ ﺣﺎﻟﻚ ﺍﻧﺘﻲ
ﻋﺒﺪ ﺍﻟﻘﺎﺩﺭ : ﺍﻟﺤﻤﺪ ﻟﻠﻪ ﺗﻤﺎﻡ ، ﺷﻦ ﺟﻮﻙ ﺗﻮﺍ ﻳﺎﺍﻣﻲ
ﻋﻤﺘﻲ : ﺑﺎﻫﻲ ﺍﻟﺤﻤﺪ ﻟﻠﻪ
ﻋﺒﺪ ﺍﻟﻘﺎﺩﺭ : ﺷﻦ ﻣﺤﻤﻮﺩ ﺑﺎﻳﺖ ﻋﻨﺪﻩ ﺻﺎﺣﺒﻪ
ﻋﻤﺘﻲ : ﺍﻳﻪ ﻗﺎﻋﺪ ﻋﻨﺪﻩ ﺍﻟﻠﻴﻠﻪ ﺗﻌﺎﻟﻰ ﻧﺼﺒﻠﻚ ﺷﺎﻫﻲ
ﻋﺒﺪ ﺍﻟﻘﺎﺩﺭ ﻗﻌﻤﺰ ﻭﻳﻠﻌﺐ ﻓﻲ ﺑﻨﺘﻪ : ﻳﺎﺭﻳﺖ ﻭﺍﻟﻠﻪ
ﻭﻓﺎﺀ ﻭﻗﻔﺖ : ﻫﺎﺗﻲ ﻧﺴﺨﻨﻪ ﺍﻛﻴﺪ ﺑﺮﺩ
ﻋﺒﺪ ﺍﻟﻘﺎﺩﺭ : ﻣﻨﻰ ﺭﻭﺣﺖ
ﻋﻤﺘﻲ : ﻻﻻ ﻗﺎﻋﺪﻩ ﺧﺸﺖ ﺭﻗﺪﺕ ﺗﺎﻋﺒﻪ ﻣﻦ ﺍﻟﺒﺤﺮ ﺷﻜﻠﻬﺎ
ﻋﺒﺪ ﺍﻟﻘﺎﺩﺭ : ﻋﺎﺩ ﺍﻧﺘﻮ ﺷﺒﻌﺘﻮ ﻓﻴﻪ
ﻋﻤﺘﻲ : ﺍﻳﻪ ﻻﻣﺎﺷﺎﺀ ﺍﻟﻠﻪ ﻏﻴﺮﻭ ﺟﻮﻫﻢ
ﻭﺟﺎﺑﺖ ﻭﻓﺎﺀ ﺍﻟﺸﺎﻫﻲ ﻭﻗﻌﺪﻧﺎ ﻧﺤﻜﻮ ﻭﺷﻮﻱ ﻧﺴﻤﻌﻮ ﻓﻲ ﺻﻮﺕ ﻭﻟﻴﺪ
ﻭﻟﻴﺪ ﺧﺎﺵ ﻭﻗﺎﻳﻢ ﻭﻟﻴﺪ ﻭﻟﺪ ﻣﻨﻰ ﺭﺍﻗﺪ : ﺍﻟﺴﻼﻡ ﻋﻠﻴﻜﻢ ، ﻭﻳﻨﻬﺎ ﺧﻠﻲ ﺗﺤﻂ ﻭﻟﺪﻫﺎ ﻫﺪﺍ ﺭﻗﺪ ﻭﺣﺼﻠﺖ ﻓﻴﻪ
ﺍﻧﻲ : ﻫﺎﺗﻪ ﺭﺍﻗﺪﻩ ﻣﻨﻰ ﻭﻳﻦ ﺗﺮﻗﺪ ﻓﻴﻪ ﻫﻲ
ﻋﻤﺘﻲ ﻓﺮﺷﻴﻠﻪ ﺍﻫﻨﻲ ﺗﻮ ﻧﺮﻗﺪ ﺟﻨﺒﻪ
ﺍﻧﻲ ﻓﺮﺷﺘﻠﻪ ﻭﺣﻄﻪ ﻭﻟﻴﺪ ﻭﺟﺒﺘﻠﻪ ﻏﻄﺎ ﻭﻏﻄﻴﺘﻪ
ﻭﻟﻴﺪ : ﻫﻲ ﻧﻮﺳﺔ ، ﺗﺒﻲ ﺣﺎﺟﺔ ﻳﺎﺍﻣﻲ
ﻋﻤﺘﻲ : ﺳﻼﻣﺘﻜﻢ
ﻋﺒﺪ ﺍﻟﻘﺎﺩﺭ : ﻫﻲ ﺣﺘﻰ ﺍﻫﻨﻲ ﻧﺴﺘﺎﺫﻧﻮ ﻫﺪﺍﻛﺎ ﻫﻮ ﺑﻨﺮﻗﺪ
ﻋﻤﺘﻲ : ﺗﺼﺒﺤﻮ ﻉ ﺧﻴﺮ ﺑﺮﻭ ﺯﻳﻨﻪ
ﺍﺣﻨﻲ : ﺗﺼﺒﺤﻲ ﻉ ﺧﻴﺮ
ﻭﺭﻛﺒﻨﺎ ﻭﻛﻞ ﻭﺍﺣﺪ ﺧﺶ ﻟﺸﻘﺘﻪ
،،،،،،
ﺗﺎﻧﻲ ﻳﻮﻡ ﻧﻀﺖ ﺍﻟﺼﺒﺢ ﻉ ﺍﻟﺴﺎﻋﻪ 9 ﺩﻭﺷﺖ ﻭﺩﺭﺕ ﻓﻄﻮﺭ ﻟﻮﻟﻴﺪ ﻭﻧﻮﺿﺘﻪ ﺧﺶ ﻳﺪﻭﺵ ﻭﺍﻧﻲ ﻧﺤﻮﺱ ﻓﻲ ﺍﻟﻤﻄﺒﺦ ﻭﻧﻮﺗﻲ ﻓﻲ ﻃﺎﻭﻟﺔ ﺍﻟﻔﻄﻮﺭ
ﻭﻟﻴﺪ ﻣﻦ ﺍﻟﺪﺩﺍﺭ : ﻧﻮﻭﺳﻪ ﻳﺎﻧﻮﺳﻪ
ﺍﻧﻲ ﺍﻣﺸﻴﺘﻠﻪ : ﺟﻴﺖ ﻧﻌﻢ ﻳﺎﺣﺒﻴﺒﻲ
ﻭﻟﻴﺪ : ﻣﺎﻧﺒﻴﺶ ﺍﻟﺴﺮﻭﺍﻝ ﻫﺬﺍ ﺍﻧﺎ ﻳﺎﺣﺒﻴﺒﺘﻲ ﻣﺶ ﻗﻠﺘﻠﻚ ﻧﺒﻲ ﺍﻻﺯﺭﻕ
ﺍﻧﻲ ﺑﺘﺮﺩﺩ : ﺣﺒﻴﺒﻲ ﺍﺳﻔﻪ ﺑﺲ ﺍﻧﺤﺮﻕ ﻣﻨﻲ ﻭﺍﻧﻲ ﻧﺤﺪﺩ ﻓﻴﻪ ﺍﻣﺲ
ﻭﻟﻴﺪ ﺑﻀﻴﻖ : ﺑﺎﻫﻲ ﺑﺎﻫﻲ ﻭﺍﺧﺪﻱ ﺍﻟﺴﺮﻭﺍﻝ ﻭﻟﺒﺴﻪ
ﺍﻧﻲ ﺗﻀﺎﻳﻘﺖ ﻛﻴﻒ ﺍﻧﻪ ﺗﻀﺎﻳﻖ ﺗﻲ ﻣﺶ ﻗﺼﺪﻱ ﺍﻧﻲ ﺷﺪ ﻣﻨﻲ ﻫﻮ ، ﻃﻠﻌﺖ ﻣﻦ ﺍﻟﺪﺍﺭ ﻟﻠﻤﻄﺒﺦ ﻭﻗﻌﻤﺰﺕ ﻧﺮﺍﺟﻲ ﻓﻴﻪ ﻳﻜﻤﻞ ﺑﺪﻝ ﻭﻳﺠﻲ
ﻭﻟﻴﺪ ﺧﺶ ﻭﻗﻌﻤﺰ ﺑﺪﻭﻥ ﻭﻻ ﻛﻠﻤﺔ
ﺍﻧﻲ : ﺣﺒﻴﺒﻲ
ﻭﻟﻴﺪ ﻗﺎﻡ ﺭﺍﺳﻪ : ﻧﻌﻢ
ﺍﻧﻲ : ﺗﺰﻋﻠﺶ ﻣﻨﻲ
ﻭﻟﻴﺪ : ﻟﻴﻴﺶ ﺑﻨﺰﻋﻞ
ﺍﻧﻲ : ﻣﺎﻫﻮ ﻋﻠﻲ ﺧﺎﻃﺮ ﺣﺮﻗﺖ ﺍﻟﺴﺮﻭﺍﻝ ﻣﺶ ﻗﺼﺪﻱ ﺍﻧﻲ
ﻭﻟﻴﺪ : ﻣﺎﺻﺎﺭ ﺷﻲ ﻓﻮﺗﻲ ﺗﺮﺍ ﺩﻳﺮﻳﻠﻲ ﺳﻨﺪﻭﺗﺶ
ﺍﻧﻲ : ﺣﺎﺍﺿﺮ ، ﻭﺩﺭﺗﻠﻪ ﺳﻨﺪﻭﺗﺶ ﻭﺍﻋﻄﻴﺘﻬﻮﻟﻪ ، ﻭﺍﻧﻲ ﻧﺼﺒﻠﻪ ﻓﻲ ﺍﻟﻘﻬﻮﻩ ، ﻣﺶ ﻋﺎﺭﻑ ﻛﻴﻒ ﻣﻦ ﻏﻴﺮ ﺗﺮﻛﻴﺰ ﺣﻄﻴﺖ ﺍﻟﺒﻜﺮﺝ ﻋﻠﻲ ﻳﺪﻱ ﻭﻫﻮ ﺳﺎﺍﺧﻦ : ﺍﺍﺍﺍﻱ ، ﻭﺣﻄﻴﺖ ﺍﻟﺒﻜﺮﺝ ﻭﺍﻧﻲ ﻧﺘﺎﻟﻢ
ﻭﻟﻴﺪ : ﺧﻴﺮﻙ ﺧﻴﺮﻙ ﺷﻦ ﺻﺎﺭ
ﺍﻧﻲ : ﺣﺮﻗﻨﻲ ﺍﻟﺒﻜﺮﺝ
ﻭﻟﻴﺪ ﻭﻗﻒ ﻭﺟﺒﺪ ﻳﺪﻱ ﻭﻣﺎﺷﻲ ﺟﻬﺔ ﺍﻟﺜﻼﺟﻪ : ﻳﺎﺣﺒﻴﺒﺘﻲ ﺧﻴﺮﻙ ﻣﺎﺗﺮﻛﺰﻳﺶ ، ﻭﻓﺘﺢ ﺍﻟﻔﺮﻳﺰ ﻭﻃﻠﻊ ﺛﻠﺞ ﻭﻗﻌﺪ ﻳﺤﻂ ﻓﻴﻪ ﻋﻠﻲ ﻳﺪﻱ
ﺍﻧﻲ ﻗﻌﺪﺕ ﻧﺒﻜﻲ : ﺣﺎﺍﺭﺓ ﺣﺒﻴﺒﻲ ﺣﺎﺭﺓ ﺍﺍﻱ
ﻭﻟﻴﺪ : ﺍﺳﺲ ﻳﺎﺩﻟﻮﻋﻪ ﺧﻼﺹ ﺗﻮ ﻳﺒﺮﺍ ﻫﻜﻲ ﺑﺎﻟﺜﻠﺞ ، ﻭﺣﻮﻝ ﺍﻟﺜﻠﺞ ﻭﺑﺎﺳﻨﻲ ﻉ ﺍﻟﺤﺮﻗﻪ ، ﻭﺭﺩ ﺍﻟﺜﻠﺞ ﻭﻗﻌﺪ ﻳﺪﻟﻚ ﻓﻲ ﻳﺪﻱ ﻭﻳﺸﻮﻑ ﻟﻌﻴﻮﻧﻲ ﻭﻣﺒﺘﺴﻢ
ﺍﻧﻲ ﻧﺒﻜﻲ
ﻭﻟﻴﺪ : ﻳﺎﻫﺒﻠﺔ ﻳﺎﺳﺮ ﺑﻜﺎﺀ ﺣﺮﻗﻪ ﻋﺎﺩﻳﻪ ﺭﺍﻫﻮ ﺧﻴﺮﻙ ﻳﺎﺭﻭﺣﻲ ﺗﺮﻛﺒﻲ ﻋﻠﻲ ﺭﻭﺣﻚ
ﺍﻧﻲ ﻧﻤﺴﺢ ﻓﻲ ﺩﻣﻮﻋﻲ ﺑﻴﺪﻱ ﺍﻟﺜﺎﻧﻴﻪ : ﻭﺟﻌﺘﻨﻲ ﻳﺎﺣﺒﻴﺒﻲ
ﻭﻟﻴﺪ : ﺧﻼﺹ ﺗﻮ ﻳﻤﺸﻲ ﺍﻟﻮﺟﻊ ، ﻭﻗﻌﺪ ﻳﺪﻟﻚ ﻓﻲ ﻳﺪﻱ ﺑﺎﻟﺜﻠﺞ ﻓﺘﺮﺓ ﻭﺑﻌﺪﻫﺎ ﺣﻮﻟﻪ ﻭﺑﺎﺱ ﻳﺪﻱ ﻭﺭﺩﻳﻨﺎ ﻟﻠﻄﺎﻭﻟﺔ ﻭﻛﻤﻠﻨﺎ ﻓﻄﻮﺭﻧﺎ ، ﻭﻃﻠﻊ ﻭﻟﻴﺪ ﻭﺍﻧﻲ ﻗﻌﺪ ﻧﻀﻢ ﻓﻲ ﺻﻔﺮﻩ ﺍﻟﻔﻄﻮﺭ
،،،،،،،
ﻓﻲ ﺣﻮﺷﻨﺎ ﻧﺎﺿﺖ ﻣﺎﻣﺎ ﻉ ﺍﻟﺴﺎﻋﻪ 10 ﻧﺰﻟﺖ ﺍﻟﻘﺖ ﻧﻮﺍﻝ ﻓﻲ ﺍﻟﻤﻄﺒﺦ ﻭﺗﻮﺗﻲ ﻑ ﺍﻟﻔﻄﻮﺭ
ﻧﻮﺍﻝ : ﺻﺒﺎﺍﺣﻮﻭﻭ ﻭﻳﻦ ﻣﺘﺎﺧﺮﺓ ﺍﻟﻴﻮﻡ ﻳﺎﺳﺖ ﺍﻟﺤﺒﺎﻳﺐ
ﻣﺎﻣﺎ ﺑﺎﺍﺳﺘﻐﺮﺍﺏ : ﺻﺒﺎﺡ ﺍﻟﻨﻮﺭ ﻣﻨﻴﻦ ﺟﺎﺗﻚ ﻧﺎﻳﻀﻪ ﺑﻜﺮﻱ
ﻧﻮﺍﻝ : ﺗﻲ ﺭﺍﻗﺪﻩ ﺍﻣﺲ ﻣﻦ ﺑﻌﺪ ﺍﺫﺍﻥ ﺍﻟﻌﺸﻲ ﻋﻠﻲ ﻃﻮﻭﻝ ﺷﺒﻌﺎﻧﻪ ﻧﻮﻡ ، ﻭﺍﻟﻴﻮﻡ ﺍﻧﺘﻮ ﻣﺤﻈﻮﻇﻴﻦ ﻓﻄﻮﺭ ﻣﻦ ﻳﺪﻳﺎ ﻭﺟﻮ
ﻣﺎﻣﺎ : ﺍﻥ ﺷﺎﺀ ﺍﻟﻠﻪ ﺩﻭﻡ ﻣﺎﺷﺎﺀ ﺍﻟﻠﻪ ﻋﻠﻲ ﺍﻟﻔﻼﺣﺔ ، ﺩﺭﺗﻲ ﺷﺎﻫﻲ ؟
ﻧﻮﺍﻝ : ﺩﺭﺕ ﺍﻳﻪ ﻧﺼﺒﻠﻚ
ﻣﺎﻣﺎ : ﺍﻳﻪ ﻫﻲ ﻳﺎﺭﻳﺖ ﺧﻠﻲ ﻧﺪﻟﻌﻮ ﻣﺪﺍﻡ ﻣﺪﻟﻌﺘﻨﺎ ﻧﻮﺍﻝ ﺍﻟﻴﻮﻡ
ﻧﻮﺍﻝ : ﺗﺪﻟﻌﻲ ﻛﺎﻥ ﻣﺎﺧﺪﻣﺖ ﻣﺎﻣﺘﻲ ﻣﻦ ﺑﻨﺨﺪﻡ ﺍﻧﻲ
ﻣﺎﻣﺎ ﻗﺎﻣﺖ ﻋﻴﻮﻧﻬﺎ ﺷﺎﻓﺘﻠﻬﺎ ﺑﻨﺺ ﻋﻴﻦ : ﺍﻳﺸﻲ ﺍﻳﺸﻲ ﻣﺎﺷﺎﺀ ﺍﻟﻠﻪ ، ﻗﻮﻟﻲ ﺷﻦ ﻋﻨﺪﻙ ﻣﻦ ﻃﻠﺐ ﺍﺩﻭﻱ ﻃﻮﻝ
ﻧﻮﺍﻝ : ﻫﻬﻬﻬﻬﻪ ﻣﻦ ﺍﻻﺧﻴﺮ ﺑﻨﺪﻭﻱ ﻣﻌﺎﻙ ﻓﻲ ﻣﻮﺿﻮﻉ
ﻣﺎﻣﺎ : ﻋﺎﺭﻓﺎﺗﻚ ﺍﻧﻲ ﻣﺎﺗﺪﻳﺮﻳﺶ ﺣﺎﺟﺔ ﺑﻼﺵ
ﻧﻮﺍﻝ ﻗﻌﻤﺰﺕ ﻗﺪﺍﻡ ﻣﺎﻣﺎ : ﻣﺎﻣﺎ ﻣﺤﻤﻮﺩ ﻳﺒﻲ ﻳﺠﻲ ﻳﺨﻄﺒﻨﻲ
ﻣﺎﻣﺎ ﺷﺎﻓﺘﻠﻬﺎ ﻭﺣﻄﺖ ﻃﺎﺳﻪ ﺍﻟﺸﺎﻫﻲ : ﻗﺒﻞ ﻣﺎﻧﺨﺸﻮ ﻓﻲ ﻣﻮﺿﻮﻉ ﺍﻟﺨﻄﺒﻪ ﺟﺎﻭﺑﻴﻨﻲ ﺍﻧﺘﻲ ﻗﺒﻞ
ﻧﻮﺍﻝ ﺑﺎﺳﺘﻐﺮﺍﺏ : ﻋﻠﻲ ﺷﻨﻮ ؟
ﻣﺎﻣﺎ : ﺗﺤﺴﺎﺑﻴﻨﻲ ﻣﺶ ﻓﺎﻫﻤﻪ ﻛﻼﻡ ﺣﻤﺎﺓ ﻧﺴﻴﺒﺔ ﻭﺗﻠﻘﻴﺤﻬﺎ ﻋﻠﻴﻚ ، ﺍﻛﻴﺪ ﺍﺷﺒﺢ ﺷﻦ ﺩﺍﻳﺮﻩ ﺑﺎﺵ ﺷﺎﺩﺗﻬﺎ ﻋﻠﻴﻚ ﻫﻜﻲ ﻛﻼﻣﻬﺎ ﻭﺍﺿﺢ ﺷﻦ ﺩﺍﻳﺮﻩ ﻣﻦ ﻓﻀﻴﺤﺔ ؟ ﻭﻃﻠﻌﺘﻚ ﺍﻟﻔﺠﺮ ﻫﺎﺩﻳﻜﺎ ﻣﺎﻧﺴﻴﺘﻬﺎﺵ ﻭﻣﻨﻬﺎ ﺑﺪﺕ ﺗﻠﻘﺢ ﻋﻠﻴﻚ ، ﻧﻔﻬﻤﻜﻢ ﺍﻧﻲ ﻣﻦ ﻋﻴﻮﻧﻜﻢ ﻟﻤﺎ ﺗﺒﺪﻭ ﺩﺍﻳﺮﻳﻦ ﺣﺎﺟﺔ ، ﺍﺩﻭﻱ ﻃﻮﻝ ﺷﻦ ﺩﺍﻳﺮﻩ
ﻧﻮﺍﻝ : ﻳﺎﻣﺎﻣﺎ ﻫﻲ ﺷﺎﻓﺘﻨﺎ ﻭﺍﻗﻔﻴﻦ ﻧﻬﺪﺭﺯﻭ ﺑﺲ ﺍﻣﺸﻲ ﺷﺎﺩﺗﻬﺎ
ﻣﺎﻣﺎ : ﺍﻧﺘﻲ ﺷﻦ ﻳﻄﻠﻌﻚ ﻓﻲ ﺍﻟﻠﻴﻞ ﺍﺍﺻﻼ ﻣﻌﺎﺍﻩ ﺍﻧﻲ ﻋﻼﻗﺘﻚ ﺑﻴﻪ ﻣﻦ ﺍﻻﻭﻝ ﻗﻠﺘﻠﻚ ﻣﺎﻧﺒﻴﻬﺎﺵ ، ﺳﻜﺮﺗﻲ ﺭﺍﺳﻚ ﻭﺩﺭﺗﻲ ﺍﻟﻲ ﻓﻲ ﺩﻣﺎﻏﻚ ﻭﺗﻮﺍ ﺷﺎﺩﺗﻚ ﺍﺧﺘﻪ ﻭﺍﻟﺠﺎﻳﻪ ﺍﻣﻪ ، ﻛﻴﻒ ﺗﺒﻴﻬﻢ ﻳﺸﻮﻓﻮﻟﻚ ﻫﺎﺍ ﺗﺒﺪﻱ ﺷﻦ ﻓﻲ ﻧﻈﺮﻫﻢ ، ﻭﺳﻠﻒ ﺍﺧﺘﻚ ﺭﺍﻫﻮ ﻋﻠﻲ ﺷﻦ ﻧﺎﻭﻳﻪ ، ﻧﺎﻭﻳﻪ ﺗﺪﻳﺮﻱ ﻣﺸﺎﻛﻞ ﻻﺧﺘﻚ
ﻧﻮﺍﻝ : ﻳﺎﻣﺎﻣﺎ ﺷﻦ ﺩﺧﻞ ﺗﻮﺍ ﻫﻲ ﺩﺭﺍﻩ ﻛﺒﺪ ﺷﺪﺗﻬﺎ ﻭﺑﻌﺪﻳﻦ ﻣﺎﻫﻮ ﻫﺬﺍ ﻋﻼﺵ ﻧﻘﻮﻟﻚ ﻭﺍﻓﻘﻲ ﺍﻧﻪ ﻳﺨﻄﺐ ﻟﻜﻦ ﺍﻧﺘﻲ ﻣﺎﺗﺒﻴﺶ ﺗﻮﺍﻓﻘﻲ
ﻣﺎﻣﺎ : ﺑﺎﻩ ﻗﻮﻟﻴﻠﻪ ﺑﺎﻫﻲ ، ﻭﺧﻠﻴﻨﺎ ﻧﺸﻮﻓﻮ ﻟﻮﻳﻦ ﺑﻴﻮﺻﻞ
ﻧﻮﺍﻝ : ﺗﻮ ﻳﺎﻣﺎﻣﺎ ﺍﻧﺘﻲ ﺑﺮﻭﺣﻚ ﺷﻔﺘﻴﻪ ﻛﻴﻒ ، ﻋﻼﺵ ﻣﺎﺗﺤﺒﻴﺸﻲ
ﻣﺎﻣﺎ : ﺍﻧﻲ ﻣﺶ ﻣﺎﻧﺤﺒﺎﺷﻲ ﻭﺑﺎﻳﻦ ﻋﻠﻴﻪ ﻛﻮﻳﺲ ﻭﻣﺎﺷﺎﺀ ﺍﻟﻠﻪ ﻋﻠﻴﻪ ، ﻟﻜﻦ ﺍﻧﻲ ﺧﺎﻳﻔﻪ ﻋﻠﻴﻚ ﻣﻦ ﻋﻨﺎﺩﻙ ﻭﺗﺼﺮﻓﺎﺗﻚ ﺍﻟﻐﻠﻂ ﺍﻟﻲ ﺗﺪﻳﺮﻱ ﻓﻴﻬﺎ ﺭﺍﻧﻲ ﺍﻡ ﻭﺍﻧﺘﻲ ﻣﺴﺆﻭﻟﻴﺘﻲ ، ﺍﻧﺘﻲ ﻗﺎﻋﺪﻩ ﺻﻐﻴﺮﻩ ﻭﻗﺮﺍﺭ ﺯﻱ ﻫﺪﺍ ﻣﺎﻳﺨﺪﻭﺵ ﻫﻜﻲ ﻓﻜﺮﻱ ﻛﻮﻳﺲ ﻓﻜﺮﻱ ﺍﻛﺜﺮ ﻭﻓﻜﺮﻱ ﺑﻌﻘﻠﻚ ﺍﻟﻤﺮﺓ ﻫﺎﺩﻱ ﻭﺻﻠﻲ ﺍﺳﺘﺨﺎﺭﺓ ﻭﻟﻮ ﺍﺭﺗﺤﺘﻲ ﺑﺮﻱ ﻗﻮﻟﻴﻠﻪ ﻳﺠﻴﺐ ﺍﻣﻪ ﻟﻜﻦ ﻫﺎ ﺑﺸﺮﻁ ﻋﺮﺱ ﻣﺶ ﺗﻮﺍ ، ﻭﻗﺎﻣﺖ ﻃﺎﺳﻪ ﺍﻟﺸﺎﻫﻲ ﻭﻗﻌﺪﺕ ﺗﺸﺮﺏ
ﻧﻮﺍﻝ ﻣﺶ ﻣﺼﺪﻗﻪ ﺍﻧﻪ ﻣﺎﻣﺎ ﻭﺍﻓﻘﺖ ﻧﺎﺿﺖ ﺗﺠﺮﻱ ﺣﻀﻨﺘﻬﺎ : ﺍﺣﺴﻦ ﺍﻡ ﻭﺍﻟﻠﻪ ، ﻳﻴﻴﻴﻲ ﻧﻤﺸﻲ ﺗﻮﺍ ﺑﻨﺼﻠﻲ ﺍﺳﺘﺨﺎﺍﺭﺓ ﻭﻧﻜﻠﻤﻪ
ﻣﺎﻣﺎ : ﺑﻨﺎﺕ ﺍﺧﺮ ﺍﻟﻮﻗﺖ ﺗﻘﻮﻝ ﻓﻴﻬﺎ ﻓﻲ ﻭﺟﻬﻲ ﻧﻤﺸﻲ ﻧﻜﻠﻤﻪ ﺧﻴﺰﻱ ﻣﻌﺎﺵ ﺗﺘﺤﺸﻤﻮ ﺍﻧﺘﻮ
ﻧﻮﺍﻝ : ﻫﻬﻬﻬﻬﻬﻪ ، ﻭﺑﺎﺳﺘﻬﺎ ﻋﻠﻲ ﺧﺪﻫﺎ : ﻣﺎﺍﻫﻮ ﺍﻣﻲ ﻋﺴﺴﺴﻞ ﺍﻧﻲ
ﻣﺎﻣﺎ : ﺧﻮﺩﻟﻚ ﻳﺎﻧﺎﺩﻳﻪ ﻣﻦ ﺍﻟﻜﻼﻡ ﺍﻟﻤﻌﺴﻞ ﻳﺴﺘﺮ ﺍﻟﻠﻪ ﻭﺧﻼﺹ
ﻧﻮﺍﻝ : ﻫﻬﻬﻬﻬﻬﻪ ، ﻭﻃﻠﻌﺖ ﺭﻛﺒﺖ ﺗﺠﺮﻱ
،،،،،،،،
ﻗﺎﻣﺖ ﺍﻟﺘﻠﻴﻔﻮﻥ ﺍﻟﻘﺎﺗﻪ ﺑﻮ ﻭﻟﻴﺪﻱ ﻳﺘﺼﻞ ﻗﻠﺒﺖ ﺍﻟﺘﻠﻴﻔﻮﻥ ﻭﻭﻟﺖ ﻟﻤﺨﺪﺗﻬﺎ ﺗﺒﻜﻲ ﻭﺗﻔﻜﺮ ، ﺷﺮﻳﻦ ﻣﺮﻩ ﺗﺎﻧﻴﻪ ﻗﺎﻣﺎﺗﻪ ﻭﺭﺩﺕ ﺑﺼﻮﺕ ﻣﺨﻨﻮﻕ : ﺍﻟﻮ
ﻋﻤﺎﺩ : ﻭﻳﻨﻚ ﻳﺎﻣﻨﻰ ﻋﻼﺵ ﻣﺎﺗﺮﺩﻳﺶ
ﻣﻨﻰ : ﻣﺎﺳﻤﻌﺘﺎﺷﻲ
ﻋﻤﺎﺩ : ﺑﺎﻫﻲ ﻛﻴﻒ ﺣﺎﻟﻚ ﺍﻟﻴﻮﻡ ﻭﻛﻴﻒ ﺣﺎﻝ ﻭﻟﻴﺪﻱ
ﻣﻨﻰ : ﺍﻟﺤﻤﺪ ﻟﻠﻪ
ﻋﻤﺎﺩ : ﻫﻲ ﺷﻦ ﻧﺠﻴﻚ
ﻣﻨﻰ : ﻋﻤﺎﺩ ﻣﺰﺍﻝ ﻧﺤﺲ ﻓﻲ ﺭﻭﺣﻲ ﺗﻌﺒﺎﻧﻪ
ﻋﻤﺎﺩ : ﺧﻴﺮﻙ ﺑﺎﻫﻲ ﻧﺮﻓﻌﻚ ﻟﻠﻤﺴﺘﺸﻔﻰ
ﻣﻨﻰ : ﻻﻻ ﻣﺎﻓﻴﺶ ﺩﺍﻋﻲ
ﻋﻤﺎﺩ : ﺑﺎﻩ ﻣﺶ ﺑﺮﻧﺎﻣﺞ ﻫﻜﻲ ﻗﺼﺪﻱ ﺗﻮﺍ ﻟﻴﻚ ﺍﺭﺑﻌﻪ ﺍﻳﺎﻡ ﺑﺮﺍ ﺣﻮﺷﻚ
ﻣﻨﻰ : ﻏﺪﻭﺓ ﻧﺮﻭﺡ
ﻋﻤﺎﺩ : ﺑﺎﻫﻲ ﺍﻟﻲ ﻳﺮﻳﺤﻚ ، ﺧﻠﻴﻠﻲ ﺑﺎﻟﻚ ﻉ ﺭﻭﺣﻚ
ﻣﻨﻰ ﺧﻨﻘﺘﻬﺎ ﺍﻟﻌﺒﺮﺓ ﻭﺩﻣﻮﻋﻬﺎ ﺧﺎﻧﻮﻫﺎ ﻭﻧﺰﻟﻮ : ﺍﻥ ﺷﺎﺀ ﺍﻟﻠﻪ ﺳﻼﻡ ، ﺳﻜﺮﺕ ﻋﻠﻴﻪ ﻭﻃﺎﺣﺖ ﻋﻠﻲ ﻣﺨﺪﺗﻬﺎ ﺗﺒﻜﻲ
ﻃﻖ ﺍﻟﺒﺎﺏ ﻣﺴﺤﺖ ﺩﻣﻮﻋﻬﺎ ﻭﺍﻧﻘﻠﺒﺖ ﻉ ﺍﻟﺠﻬﺔ ﺍﻟﺘﺎﻧﻴﻪ ﺩﺍﺭﺕ ﺭﻭﺣﻬﺎ ﺭﺍﻗﺪﻩ
ﻭﻓﺎﺀ ﺧﺸﺖ ﻭﺳﻜﺮﺕ ﺍﻟﺒﺎﺏ ﻭﺭﺍﻫﺎ
# ﻳﺘﺒﻊ
