منقولة
الحلقةة[21]
من ﺭﻭﺍﻳﺔ - - ->" #ﺳﻨــﺪ_ﺍﻷﻧﺜــﻰ_ﺭﺟــﻞ "
ﻧﺰﻟﺖ ﻭﺷﻮﻱ ﻭﻗﺎﻟﻮ ﻋﺮﻳﺴﻲ ﺑﻴﺨﺶ ﻭﻗﻔﺖ ﻭﺍﻧﻲ ﻃﻠﺒﺖ ﻳﻔﺘﺤﻮ ﺍﻏﻨﻴﻪ ﻳﺎﺩﺑﻠﺔ ﺍﻟﺨﻄﻮﺑﺔ ﻭﺧﺶ ﻭﻟﻴﺪ
ﻳﺎ ﺩﺑﻠﺔ ﺍﻟﺨﻄﻮﺑﻪ ﻋﻘﺒﺎﻟﻨﺎﻛﻠﻨﺎ
ﻭﻧﺒﻨﻲ ﻃﻮﺑﻪ ﻃﻮﺑﻪ ﻓﻲ ﻋﺶ ﺣﺒﻨﺎ
ﻧﺘﻬﻨﻰ ﺑﺎﻟﺨﻄﻮﺑﻪ ﻭﻧﻘﻮﻝ ﻣﻦ ﻗﻠﺒﻨﺎ
ﺧﺶ ﺑﺒﺪﻟﺘﻪ ﺍﻟﺴﻮﺩﺍﺀ ﻛﺎﻥ ﻳﻬﺒﻞ ﻭﺿﺤﻜﺘﻪ ﺍﻟﻲ ﺳﺤﺮﺗﻨﻲ
ﻗﻄﻊ ﺳﺮﺣﺎﻧﻲ ﺻﻮﺕ ﻭﺣﺪﺓ ﺗﻘﻮﻟﻲ : ﺍﺣﺴﻦ ﺣﺎﺟﺔ ﻟﺒﺴﺖ ﺍﻟﻘﻔﻄﺎﻥ ﺍﻟﻲ ﺟﺒﻨﺎﻩ ﺍﺣﺴﻦ ﻣﻦ ﺑﺘﺎﻋﻚ ﻫﺪﺍﻛﺎ
ﺗﻠﻔﺘﺖ ﻭﺍﻟﻘﻴﺘﻬﺎ ﺭﺣﻤﺔ ﻗﻌﺪﺕ ﻧﺸﻮﻓﻠﻬﺎ ﺑﺼﺪﻣﺔ ﻭﺍﺳﺘﻐﺮﺍﺏ
ﺿﺤﻜﺖ ﺑﺨﺒﺚ ﻭﺍﻣﺸﺖ ﻗﻌﺪﺕ ﻧﺸﻮﻓﻠﻬﺎ ﻭﻣﺴﺘﻐﺮﺑﻪ ﻭﻧﺤﺎﻭﻝ ﻧﺴﺘﻮﻋﺐ ﺍﻟﻜﻼﻡ ﺑﻌﺪﻫﺎ ﻓﻮﺗﺘﻬﺎ ﻭﻣﺎﺣﺎﻭﻟﺘﺶ ﻧﻌﻜﺮ ﻣﺰﺍﺟﻲ ﻭﺷﻔﺖ ﻟﻮﻟﻴﺪ ﺍﻟﻲ ﻭﻟﻰ ﻗﺮﻳﺐ ﻣﻨﻲ ﻭﻟﻰ ﻣﺪ ﻳﺪﻩ ﻭﺳﻠﻢ ﻋﻠﻴﺎ ﺑﺎﻟﺒﻮﺱ ﺑﺎﻟﺨﺪ ﻧﺰﻟﺖ ﺭﺍﺳﻲ ﻭﺣﺎﺳﻪ ﺧﺪﻭﺩﻱ ﻭﻟﻮ ﺣﻤﺮ
ﻭﻟﻴﺪ ﺑﻬﻤﺲ ﻓﻲ ﻭﺩﻧﻲ : ﺷﻦ ﺍﻟﺤﻼﻭﺓ ﻫﺎﺩﻱ ﺗﻮ ﻧﺸﺪﻙ ﻧﻬﺮﺏ ﺑﻴﻚ
ﺍﻧﻲ : ﻫﻬﻬﻬﻪ
ﻫﺎﺟﺮ ﻏﻴﺮﺕ ﺍﻻﻏﻨﻴﻪ ﻭﻓﺘﺤﺖ ﺍﻏﻨﻴﻪ ﺭﺍﻣﻲ ﻋﻴﺎﺵ ﻣﺒﺮﻭﻙ
ﻣﺒﺮﻭﻙ ﻣﺒﺮﻭﻙ ﻳﺎ ﺣﻴﺎﺓ ﻗﻠﺒﻰ ﻣﺒﺮﻭﻙ
ﻫﺎﻟﻔﺮﺣﻪ ﻓﺮﺣﺘﻨﺎ ﻭﺍﻟﻔﺮﺣﻪ ﺟﻤﻌﺘﻨﺎ
ﺷﻮ ﺣﻠﻮﻩ ﺩﻧﻴﺘﻨﺎ ﻣﺒﺮﻭﻙ ﻣﺒﺮﻭﻙ
ﻫﺎﻟﻔﺮﺣﻪ ﻓﺮﺣﺘﻨﺎ ﻭﺍﻟﻔﺮﺣﻪ ﺟﻤﻌﺘﻨﺎ
ﺷﻮ ﺣﻠﻮﻩ ﺩﻧﻴﺘﻨﺎ ﻣﺒﺮﻭﻙ ﻣﺒﺮﻭﻙ
ﻳﺎ ﺳﻼﻡ
ﻳﺎ ﺳﻼﻡ ﺷﻮ ﺑﺘﻤﻨﻰ ﺑﺤﻴﺎﺗﻚ ﺗﺘﻬﻨﻰ
ﻳﺎ ﺳﻼﻡ ﺷﻮ ﺑﺘﻤﻨﻰ ﺑﺤﻴﺎﺗﻚ ﺗﺘﻬﻨﻰ
ﻫﺎﻟﻔﺮﺣﻪ ﻓﺮﺣﺘﻨﺎ ﻭﺍﻟﻔﺮﺣﻪ ﺟﻤﻌﺘﻨﺎ
ﺷﻮ ﺣﻠﻮﻩ ﺩﻧﻴﺘﻨﺎ ﻣﺒﺮﻭﻙ ﻣﺒﺮﻭﻙ
ﻫﺎﻟﻔﺮﺣﻪ ﻓﺮﺣﺘﻨﺎ ﻭﺍﻟﻔﺮﺣﻪ ﺟﻤﻌﺘﻨﺎ
ﺷﻮ ﺣﻠﻮﻩ ﺩﻧﻴﺘﻨﺎ ﻣﺒﺮﻭﻙ ﻣﺒﺮﻭﻙ
ﻣﻨﻰ ﺗﻘﺪﻡ ﻭﻓﻲ ﻳﺪﻫﺎ ﺑﺎﻛﻮﻭﺍﺕ ﺍﻟﺪﺑﻠﺔ : ﻫﻲ ﻳﺎﻭﻟﻴﺪ ﻟﺒﺴﻬﺎ
ﻭﻟﻴﺪ ﻳﻘﻴﻢ ﺑﺎﻛﻮ ﺍﻟﺪﺑﻠﺔ ﻭﻳﺎﺧﺪ ﺍﻟﺨﺎﺗﻢ ﻭﻟﺒﺴﻬﻮﻟﻲ ﻭﺑﺎﺱ ﻳﺪﻱ
ﻃﺒﻌﺎ ﺍﻟﻤﺼﻮﺭﺓ ﻛﺎﻧﺖ ﺗﺎﺧﺪ ﻓﻲ ﻛﻞ ﺍﻟﻠﻘﻄﺎﺕ
ﺍﻟﺒﻨﺎﺕ ﻗﻠﺒﻮﻫﺎ ﻋﻴﺎﺍﻁ
ﺧﺎﻟﺘﻲ : ﺭﻭﺭﻭﺭﻭﺭﻭﺭﻭﺭﻱ
ﺍﻧﻲ ﻛﻨﺖ ﻓﺮﺣﺎﻧﻪ ﺑﻨﻄﻴﺮ ﺣﺎﺳﺔ ﺭﻭﺣﻲ ﻧﺤﻠﻢ ﻓﻲ ﺍﺣﻠﻰ ﺣﻠﻢ ﻣﺪﻳﺖ ﻳﺪﻱ ﺧﺪﻳﺖ ﺩﺑﻠﺔ ﻭﻟﻴﺪ ﻭﻟﺒﺴﺘﻬﺎﻟﻪ
ﻭﻟﻴﺪ ﺷﺪ ﻭﺟﻬﻲ ﺑﻴﻦ ﻳﺪﻳﻪ ﻭﺑﺎﺱ ﻋﻠﻲ ﺭﺍﺳﻲ ﻭﺣﻀﻨﻲ
ﻭﺍﻟﻤﺼﻮﺭﺓ ﻣﺴﺘﻐﻠﻪ ﺍﻟﻔﺮﺹ ﺗﺼﻮﺭ ﻭﺗﻌﺎﻭﺩ
ﺍﻧﻲ : ﻭﻟﻴﺪ ﻳﺎﻣﻬﺒﻮﻝ ﺑﻄﻞ ﻫﻬﻬﻬﻪ ﺭﺍﻫﻮ ﻗﺪﺍﻡ ﺍﻟﻨﺎﺱ ﺍﺣﻨﻲ ﻫﻬﻬﻪ ﺣﻲ ﻋﻠﻴﺎ
ﺍﻟﺒﻨﺎﺕ ﻗﻠﺒﻮﻫﺎ ﻋﻴﺎﻁ ﻭﻳﻘﻮﻟﻮﻟﻪ : ﺑﺎﻟﺸﻮﻳﻴﺔ ﻳﺎﻭﻟﻴﺪ ﻭﻭﺳﺴﻊ ﺑﺎﻟﻚ ﻣﺶ ﻫﻜﻲ
ﻭﻟﻴﺪ ﻃﻠﻘﻨﻲ ﻭﻗﻌﺪ ﻳﻀﺤﻚ : ﻫﻬﻬﻬﻬﻬﻪ
ﺍﻣﺎ ﺍﻧﻲ ﻭﺟﻬﻲ ﺍﺣﻤﺮﺭ ﻭﻧﻀﺤﻚ ﻭﺧﻼﺹ
ﻋﻤﺘﻲ ﻓﺘﺤﻴﺔ ﺗﻘﺪﻡ : ﺭﻭﺭﻭﺭﻭﺭﻭﺭﻱ ﺍﻟﻒ ﻣﺒﺮﻭﻙ ﻳﺎﻭﻟﻴﺪﻱ ﻭﺍﺿﺒﻄﺎﺗﻪ
ﺍﻧﻲ ﺷﻔﺖ ﻣﺎﻣﺎ ﻣﻦ ﺑﻌﻴﺪ ﺩﻣﻌﺘﻬﺎ ﻋﻠﻲ ﺧﺪﻫﺎ ﻭﻛﺎﻧﺖ ﺗﺼﻔﻖ ﻭﺗﺸﻮﻓﻠﻲ ﻋﻴﻮﻧﻬﺎ ﻣﻠﻴﺎﻧﺎﺕ ﺣﺰﺯﻥ ﻭﻓﺮﺣﺔ ﻗﺪﻣﺖ ﺑﺨﻄﻮﺍﺕ ﺳﺮﻳﻌﻪ ﻭﺍﺿﺒﻄﺘﻬﺎﺍ
ﻣﺎﻣﺎ ﺍﺿﺒﻄﺘﻨﻲ : ﺍﻟﻒ ﻣﺒﺮﻭﻙ ﻳﺎﺍﺑﻨﻴﺘﻲ ﺭﺑﻲ ﻳﻬﻨﻴﻚ ﻭﻗﻌﺪﺕ ﺗﺒﻜﻲ
ﺍﻧﻲ ﻣﺎﺳﻜﺔ ﺩﻣﻮﻋﻲ ﺑﺎﻟﺴﻴﻒ : ﺍﻟﻠﻪ ﻳﺒﺎﺭﻙ ﻓﻴﻚ ﻳﺎﺣﺒﻴﺒﺘﻲ ﺍﻧﺘﻲ ﺭﺑﻲ ﻳﺨﻠﻴﻚ ﻟﻴﻨﺎ ﻳﺎﺭﺏ ﻭﺑﺴﺘﻬﺎ ﻋﻠﻲ ﺭﺍﺳﻬﺎ
ﻛﺎﻧﺖ ﺍﺣﻠﻰ ﻟﺤﻈﺎﺕ ﺗﻤﺮ ﻋﻠﻴﺎ ﻓﺮﺣﺘﻲ ﻣﺶ ﺳﺎﻳﻌﺘﻨﻲ ﺍﺧﻮﺍﺗﻲ ﻓﺮﺣﺎﻧﺎﺕ ﻣﺎﻣﺎ ﻭﺩﻣﻮﻉ ﺍﻟﻔﺮﺣﻪ ﻓﻲ ﻋﻴﻮﻧﻬﺎ ﻋﻴﻠﺘﻲ ﻛﻠﻬﺎ ﻓﺮﺣﺎﻧﻪ
ﺟﻴﺖ ﺟﻬﺔ ﺍﺣﻨﻴﻨﻪ ﺍﻟﻲ ﻛﺎﻧﺖ ﻣﻘﻌﻤﺰﺓ ﻭﺩﻣﻮﻉ ﺍﻟﻔﺮﺣﻪ ﻻﻣﻌﻪ ﻓﻲ ﻋﻴﻮﻧﻬﺎ ﻭﺑﺴﺖ ﻋﻠﻲ ﺭﺍﺳﻬﺎ ﻭﺍﺿﺒﻄﺘﻬﺎ
ﺣﻨﻴﻨﻪ : ﺍﻟﻒ ﻣﺒﺮﻭﻙ ﻳﺎﺑﻨﺖ ﺍﻟﻐﺎﻟﻲ ﺍﻧﺘﻲ ﺍﻟﻒ ﻣﺒﺮﻭﻙ ﻳﺎﺑﻨﻴﺘﻲ
ﺍﻧﻲ : ﺍﻟﻠﻪ ﻳﺒﺎﺭﻙ ﻓﻴﻚ ﻳﺎﺣﻨﻴﻨﻪ
ﺣﻨﻴﻨﻪ ﻗﻌﺪﺕ ﺗﻘﺮﺍ ﻋﻠﻴﺎ ﻓﻲ ﺍﻟﻤﻌﻮﺫﺍﺕ ﻭﺍﻧﻲ ﻧﺸﻮﻓﻠﻬﺎ ﻭﻣﺒﺘﺴﻤﻪ ﻭﺧﻼﺹ
ﺭﺟﻌﺖ ﻭﻗﻔﺖ ﺟﻨﺐ ﻭﻟﻴﺪ ﺑﻌﺪ ﻣﺎﺳﻠﻤﺖ ﻭﺑﺴﺖ ﻋﻠﻲ ﺭﺍﺱ ﻋﻤﺘﻲ ﻓﺘﺤﻴﻪ
ﺧﺪﺗﻠﻨﺎ ﺍﻟﻤﺼﻮﺭﺓ ﻟﻘﻄﺎﺕ ﺍﻧﻲ ﻭﻭﻟﻴﺪ ﻭﻣﺎﻣﺎ ﻭﺍﺧﻮﺍﺗﻲ ﻭﺍﻣﻪ ﻭﺍﺧﻮﺍﺗﻪ ﻭﻛﻢ ﺻﻮﺭﺓ ﺑﺮﻭﺣﻨﺎ
ﻭﻟﻴﺪ : ﺭﺑﻲ ﻳﺼﺒﺮﻧﻲ ﻭﺧﻼﺹ
ﺍﻧﻲ : ﻫﻬﻬﻪ ﺧﻴﺮﻙ
ﻭﻟﻴﺪ : ﻃﺎﻟﻌﻪ ﺗﻬﺒﺒﺒﻠﻲ ﻭﺍﻧﺘﻲ ﺑﺎﻟﺤﻼﻭﺓ ﻫﺎﺩﻱ ﻛﻴﻒ ﺗﺒﻴﻨﻲ ﻧﺸﺪ ﺭﻭﺣﻲ ﻫﻲ ﻧﺤﻄﻚ ﻓﻮﻕ ﻛﺘﻔﻲ ﺗﻮﺍ ﻭﻧﺠﺮﻱ ﺑﻴﻚ ﻧﻬﺮﺑﻮ ﻫﻲ ﺷﻦ ﺭﺍﻳﻚ
ﺍﻧﻲ : ﻫﻬﻬﻬﻪ ﻣﺠﻨﻮﻥ
ﻭﻟﻴﺪ : ﻳﺤﺒﻚ ﺍﻟﻤﺠﻨﻮﻥ ﺷﻦ ﻳﺪﻳﺮ ﻫﻲ
ﺍﻧﻲ ﻗﺮﺑﺖ ﻣﻦ ﻭﺩﻧﻪ ﺍﻛﺜﺮ ﻭﻫﻤﺴﺖ : ﻭﺍﻧﻲ ﻧﻌﺸﻘﻪ ﺍﻟﻤﺠﻨﻮﻥ ﻭﻗﻌﻤﺖ ﻋﻴﻮﻧﻲ ﻭﻗﻌﺪﻭ ﻋﻴﻮﻧﻲ ﻓﻲ ﻋﻴﻮﻧﻪ
ﻭﻟﻴﺪ : ﻧﺤﺒﻚ ﻳﺎﻭﺭﺩﻩ ﺣﻴﺎﺗﻲ ﺍﻧﺘﻲ
ﺍﻧﻲ ﺍﺑﺘﺴﻤﺖ ﻭﻧﺰﻟﺖ ﺭﺍﺳﻲ
ﻣﻨﻰ : ﻫﻲ ﻭﻟﻴﺪ ﺑﻴﺶ ﺗﻘﺼﻮ ﺍﻟﺘﻮﺭﺗﻪ
ﺍﻧﻲ ﻭﻭﻗﻔﺖ ﻭﻣﻌﺎﻱ ﻭﻟﻴﺪ ﻭﻗﺼﻴﻨﺎ ﺍﻟﺘﻮﺭﺗﻪ ﻭﺧﺪﻱ ﻭﻟﻴﺪ ﻃﺮﻑ ﻭﻭﻛﻠﻬﻮﻭﻟﻲ
ﻭﺍﻟﺒﻨﺎﺕ ﻗﻌﺪﻭ ﻳﻌﻴﻄﻮﻭ ﻫﻬﻬﻬﻪ
ﻭﺑﻌﺪﻫﺎ ﻭﻛﻠﺘﻪ ﺍﻧﻲ ﻭﺻﻮﺭﻧﺎ
ﻭﺷﻮﻱ ﻭﻃﻠﻊ ﻭﻟﻴﺪ ﻭﺟﺎﺑﻮ ﺍﻟﺒﻨﺎﺕ ﺍﻟﺪﺭﺑﻮﻛﺔ ﻭﻗﻌﺪﻭ ﻳﺪﺭﺑﻜﻮ ﻭﻳﻐﻨﻮ ﻭﻳﺮﻗﺼﻮ ﻭﺩﺍﺭﻭ ﺟﻮ ﻳﻬﺒﻞ ﻭﺍﻧﻲ ﻣﺒﺘﺴﻤﻪ ﻭﻓﺮﺣﺎﻧﻪ ﻭﻧﺸﻮﻓﻠﻬﻢ ﻭﺧﻼﺹ ﻭﺷﺎﺩﻩ ﺭﻭﺣﻲ ﺑﻨﻮﺽ ﻧﺮﻗﺺ ﻣﻦ ﺍﻟﻔﺮﺣﺔ ﺑﺲ ﺑﻌﺪﻫﺎ ﺧﺎﻳﻔﻪ ﻳﻬﺮﺑﻮ ﺍﻣﺎﻟﻲ ﺍﻟﻌﺮﻳﺲ ﻫﻬﻬﻪ ﺭﺯﻧﺖ ﻭﻗﻌﻤﺰﺕ
ﺭﻭﺣﻮ ﺍﻣﺎﻟﻲ ﻭﻟﻴﺪ ﻭﻫﻤﺎ ﻃﻠﻌﻮ ﻣﻦ ﺍﻫﻨﻲ ﻭﺍﻧﻲ ﻭﻗﻔﺖ : ﻭﻭﻩ ﺍﻋﻴﻴﻴﺖ ﺣﻮﻟﻮ ﺑﻨﻠﺒﺲ ﺑﻨﻤﺸﻲ ﻧﻠﺒﺲ ﺑﻴﺠﺎﻣﺘﻲ
ﻛﻠﻬﻢ : ﻫﻬﻬﻬﻬﻪ
ﻭﺍﻧﻲ ﺭﺍﻛﺒﻪ ﻓﻲ ﺍﻟﺪﺭﻭﺝ ﻧﺴﻤﻊ ﻓﻲ ﺻﻮﺕ ﺳﺎﺭﺓ ﻓﺘﺤﺖ ﻓﻲ ﺍﻟﻤﻨﻈﻮﻣﺔ ﺍﻏﻨﻴﻪ ﻣﻦ ﺍﻻﺧﻴﺮ ﻧﺤﺒﻪ ﻧﺤﺒﻪ ﻟﻮﻟﻴﺪ ﺍﻟﺘﻼﻭﻱ ﻭﻟﻴﻴﻴﺖ ﻧﺰﻟﺖ ﻭﺧﺸﻴﺖ ﻗﻌﺪﺕ ﻧﺮﻗﺺ ﻣﻌﺎﻫﻢ
ﻫﺎﺟﺮ : ﻫﻬﻬﻬﻬﻬﻬﻪ ﻋﻠﻴﻚ ﻫﺒﻠﺔ
ﻧﻮﺍﻝ : ﻫﻬﻬﻬﻬﻬﻪ ﻧﺸﻮﻑ ﻓﻴﻬﺎ ﺷﺎﺩﺓ ﺭﻭﺣﻬﺎ ﻣﻦ ﺑﻜﺮﻱ
ﺧﺎﻟﺘﻲ : ﻫﻬﻬﻬﻪ ﺧﻠﻲ ﺗﺮﺭﻗﺺ ﻓﺮﺭﺣﺎﻧﻪ
ﻋﻤﺘﻲ ﻓﺎﺩﻳﺔ : ﻫﻬﻬﻪ ﺭﺑﻲ ﻳﻔﺮﺣﻚ ﻳﺎﺑﻨﻴﺘﻲ
ﺍﻧﻲ ﺷﺪﻳﺖ ﺟﺒﺪﺕ ﻣﺎﻣﺎ ﻭﻗﻌﺪﺕ ﻧﺮﻗﺺ ﻓﻴﻬﺎ ﻣﻌﺎﻱ
ﻣﺎﻣﺎ : ﻫﻬﻬﻬﻪ ﺗﻲ ﺍﻃﻠﻘﻴﻨﻲ
ﺍﻧﻲ : ﺗﻲ ﻏﻴﺮ ﻫﻴﺎ ﻭﺭﺍﺱ ﻣﺎﻣﺎ ﺍﺭﻗﺼﻲ ﻣﻌﺎﻱ
ﻋﻤﺘﻲ : ﻫﻬﻬﻪ ﺍﺭﻗﺼﻲ ﻣﻊ ﺍﻟﺒﻨﻴﻪ ﻳﺎﻧﺎﺩﻳﺔ
ﻭﺭﻗﺼﺖ ﻣﻊ ﻣﺎﻣﺎ ﻭﻣﻊ ﺍﻟﺒﻨﺎﺕ ﻭﺩﺭﻧﺎ ﺟﻮ ﻳﻬﺒﻞ ﻭﺍﺧﺮ ﺷﻲ ﻓﺘﺤﻮ ﺍﻏﻨﻴﻪ ﺳﻲ ﻻ ﻓﻲ ﻭﺑﺪﻭ ﻳﻨﻘﺰﻭ ﻭﻳﻬﻮﺳﻮ
ﻣﺎﻣﺎ : ﺧﻼﺹ ﻋﻠﻴﻬﻢ ﻫﺎﺍﺩﻭ
ﻋﻤﺘﻲ ﻓﺎﺩﻳﺔ ﻭﺧﺎﻟﺘﻲ : ﻫﻬﻬﻬﻬﻬﻪ
ﻛﺎﻥ ﺍﻟﺠﻮ ﺣﻠﻮﻭ ﻫﻠﺒﺎ ﻭﻛﻨﺖ ﺑﻨﻄﻴﺮ ﻣﻦ ﻓﺮﺭﺭﺣﺘﻲ ﻭﻛﻞ ﺷﻮﻱ ﺍﻧﺠﻲ ﻧﻀﺒﻂ ﻣﺎﻣﺎ
ﻣﺎﻣﺎ : ﻋﻄﻴﺘﻬﺎ ﻧﺒﻴﻬﺎ ﺗﻌﻘﻞ ﺯﺍﺩﺕ ﻫﺒﻠﺖ ﻳﺎﺣﺸﻤﺘﻲ ﻭﺧﻼﺹ
ﺍﻧﻲ ﻧﺼﻔﻖ : ﻫﻬﻬﻬﻬﻪ ﻭﻳﺎﻓﺮﺣﺔ ﻭﻳﺶ ﻧﺪﻳﺮﻟﻚ *** ﺗﺠﻴﻨﻲ ﻭﺍﻻ ﻧﻄﻴﺮﻟﻚ
ﻗﻌﺪﻧﺎ ﻟﻠﺴﺎﻋﻪ 12 ﻫﻜﻲ ﺑﺎﻟﻬﺒﺎﻝ ﻫﺬﺍ ﻫﺎﺟﺮ ﺟﺎﻫﺎ ﺑﻮﻫﺎ ﺭﻭﺣﺖ ﺧﺎﻟﺘﻲ ﻭﻋﻤﺘﻲ ﺑﺎﺗﻮ ﻋﻨﺪﻧﺎ
ﺍﺗﺼﻠﺖ ﺑﻮﻟﻴﺪ ﺍﻭﻝ ﻣﺎﺍﻧﻔﺘﺢ ﺍﻟﺨﻂ ﺍﻧﻔﺘﺤﺖ ﺍﻏﻨﻴﻪ ﺑﺮﻭﺯﺕ ﻃﻴﻔﻚ
>>>>>> ﺑﺮﻭﺯﺕ ﻃﻴﻔــﻚ ﻓــﻲ ﺧَــﻴﺎﻟﻲ ﺃﻣــﺎﻧﻲ
ﻳﺎ ﻣﺮﺗﺴـــﻢ ﻣﺎ ﺑﻴﻦ ﺟــﻔﻨﻲ ﻭﻋـــﻴﻨﻲ
ﻣﺎ ﺷﻔـــﺖ ﻣﺜﻠﻚ ﻓﻲ ﺍﻟﺒﺸﺮ ﺣَـﺪّ ﺛﺎﻧﻲ
ﺍﻧﺖ ﺍﻟﻮﺣــــﻴﺪ ﺍﻟﻠـّﻲ ﺗﺤﻠـِّــﻲ ﺳِـﻨﻴﻨﻲ
ﺃﺷـــﺘﺎﻕ ﻟﻚ ﻭﺍﻛــﺘﺐ ﺷﻌﻮﺭﻱ ﻣَﻌَﺎﻧﻲ
ﻭﺍﺭﺳـﻞ ﻟﻚ ﺍﺣﺴﺎﺳﻲ ﻭﻟﻬﻔَﺔ ﺣَـﻨﻴﻨﻲ
ﻭﺍﺩﻭّﺭﻙ .. ﻭﺃﻟﻘـــــﺎﻙ ﺑﻴﻦ ﺍﻟﻤَﺤَــﺎﻧﻲ
ﻓﻲ ﻭﺳـــﻂ ﻗﻠﺒـــﻲ ﻣَﻨﺰﻟﻚ ﻳﺎ ﺿِﻨﻴﻨﻲ
ﻋﺎﻳﺶ ﻓﻲ ﻛﻞ ﻧﺒﻀﺔ ﻏﻼ ﻓﻲ ﻛـﻴﺎﻧﻲ
ﻭﺍﺷﻌـــﺮ ﺑﺤــﺒﻚ ﻓﻲ ﻋـﺮﻭﻗﻲ ﻭﻓﻴﻨﻲ
ﺃﺣﺴـــﺪ ﻛــﻼﻣﻲ ﻟﻮ ﻧﻄﻖ ﻟﻚ ﻟﺴﺎﻧﻲ
ﻭﺍﺣﺴـﺪ ﻋﻠﻰ ﻣﺼﺎﻓﺤـﻚ ﺣﺘﻰ ﻳﻤﻴﻨﻲ
ﺧـــﺬﻧﻲ ﻏـــﺮﺍﻡ ﻭﻻ ﺗﻔﻜّـــﺮ ﺗﻌــﺎﻧﻲ
ﻭﺍﺷﺮﺑﻨﻲ ﺣـــﺐ ﻭﻻ ﺑﻌــﺪ ﺗﺮﺗــﻮﻳﻨﻲ
ﻋﻴﺶ ﺑﻌﻴﻮﻧﻲ ﻳﺎ ﻏــﻼ ﺍﻟﻘﻠﺐ ﻫﺎﻧﻲ
ﻟﻴﻠﻚ ﺳﻤــﺎ ﺟـﻔﻨـﻲ ﻭﺷﻤﺴـﻚ ﺟـﺒﻴﻨﻲ
ﻭﺩِّﻱ ﺃﻧﺎﻇِـــــﺮ ﻓــــﻲ ﻋـﻴﻮﻧﻚ ﺛﻮﺍﻧﻲ
ﻭﺍﻟﺼﻤﺖ ﺷﺎﻫـﺪ ﺑﻴﻦ ﺷﻮﻗــﻚ ﻭﺑﻴﻨﻲ
ﻭﺩّﻱ ﺃﻭﻗــِّـﻒ ﻓﻲ ﺣﻀــﻮﺭﻙ ﺯﻣـﺎﻧﻲ
ﻭﺍﻭﻗــِّـﻒ ﺍﻟﺴَّﺎﻋَــﺎﺕ ﺳَﺎﻋَــﺔ ﺗﺠـﻴﻨﻲ
ﺃﺑﺤــــﺮﺕ ﺍﺩﻭّﺭ ﻓﻲ ﻏـَــﺮﺍﻣﻚ ﻣُﻮﺍﻧﻲ
ﻭﺍﺗﻌَــﺒْﺖ ﻓﻲ ﻣُﻮﺟـﻚ ﻭﺑﺤﺮﻙ ﺳِﻔِﻴﻨﻲ
ﻻ ﺟﺎﺑﺘﻚ ﺻﺪﻓﻪ .. ﻭﻻ ﺟـــﻴﺖ ﻋَﺎﻧﻲ
ﻣﺘﻰ ﺗﺸﻮﻓﻚ ﻳﺎ ﺍﺭﻳﺶ ﺍﻟﻌـﻴﻦ ﻋﻴﻨﻲ؟
ﺑﺮﻭﺯﺕ ﻃﻴﻔﻚ ﻓﻲ ﺧﻴﺎﻟﻲ ﺍﻣﺎﻧﻲ
ﻳﺎﻣﺮﺗﺴﻢ ﻣﺎﺑﻴﻦ ﺟﻔﻨﻲ ﻭﻋﻴﻨﻲ
ﻣﺎﺷﻔﺖ ﻣﺜﻠﻚ ﻓﻲ ﺍﻟﺒﺸﺮ ﺣﺪ ﺛﺎﻧﻲ
ﺃﻧﺖ ﺍﻟﻮﺣﻴﺪ ﺍﻟﻲ ﺗﺤﻠﻲ ﺳﻨﻴﻨﻲ <<<<<
ﺍﻧﻲ ﻛﻨﺖ ﻧﺴﻤﻊ ﻭﻣﺒﺘﺴﻤﻪ ﻭﻋﻴﻮﻧﻲ ﻣﻌﺒﻴﺎﺕ ﺩﻣﻮﻉ ﻓﺮﺣﻪ ﺍﻭﻝ ﻣﺎﻛﻤﻠﺖ ﻗﻠﺖ : ﻧﺤﺒﻚ ﻳﺎﺍﻓﺮﺣﻪ ﻋﻤﺮﻱ ﻧﺤﺒﺒﻚ ﻳﺎﻗﻠﺒﻲ ﻭﺍﺣﻠﻰ ﺷﻲ ﺻﺎﺭ ﻓﻲ ﺣﻴﺎﺗﻲ ﻳﺎﺳﻨﺪﻱ ﻭﻗﻠﺒﻲ ﻭﺭﻭﺣﻲ ﻭﻛﻞ ﺷﻲ ﺑﺎﻟﻨﺴﺒﺔ ﻟﻴﺎ
ﻭﻟﻴﺪ : ﺣﺎﺍﺳﻪ ﺭﻭﺣﻲ ﺑﻨﻄﻴﺮ ﻳﺎﺍﻧﻮﺳﺘﻲ ﻣﻦ ﺍﻟﻔﺮﺣﺔ ﺍﻧﺘﻲ ﺗﻮﺍ ﺣﻼﻟﻲ ﻭﻣﺮﺗﻲ ﻭﻻﺑﺴﺔ ﺩﺑﻠﺘﻲ ﻣﺶ ﻣﺼﺪﻕ ﻣﺎﻧﺒﻴﺶ ﻧﻔﻴﻖ ﻣﻨﻪ ﺍﻟﺤﻠﻢ ﻫﺬﺍ
( ﻭﺟﺰﺀ ﻣﻦ ﺍﻟﻨﺺ ﻣﻔﻘﻮﺩ ﻫﻬﻬﻬﻬﻪ ﺍﺣﺘﺮﺍﻡ ﻟﻠﻘﻠﻮﺏ ﺍﻟﻀﻌﻴﻔﻪ )
،،،،
ﺍﻣﺎ ﻋﻨﺪ ﻫﺎﺟﺮ ﻭﺍﻳﻤﻦ
ﻫﺎﺟﺮ : ﻛﺎﻧﻮ ﻳﻬﺒﻠﻮ ﻫﻤﺎ ﺍﻟﺰﻭﺯ
ﺍﻳﻤﻦ : ﺭﺑﻲ ﻳﺒﺎﺭﻛﻠﻬﻢ ﺍﻥ ﺷﺎﺀ ﺍﻟﻠﻪ ﻋﻘﺒﺎﻟﻨﺎ ﻳﺎﻗﻠﺒﻲ
ﻫﺎﺟﺮ : ﺍﻥ ﺷﺎﺀ ﺍﻟﻠﻪ ﻳﺎﺭﺏ
ﺍﻳﻤﻦ : ﺣﺒﻴﺒﺘﻲ ﺭﺍﻫﻮ ﺣﺘﻰ ﺍﻧﻲ ﻧﺒﻲ ﻧﺪﻳﺮ ﺍﻟﻔﺎﺗﺤﻪ ﻳﻮﻡ ﺍﻟﺒﻴﺎﻥ ﺑﻴﺶ ﻧﺨﺶ
ﻫﺎﺟﺮ : ﺣﺘﻰ ﺍﻧﻲ ﻧﺒﻴﻚ ﺍﻧﺖ ﺗﻠﺒﺴﻨﻲ ﺍﻟﺪﺑﻠﺔ
،،،،،
ﻧﻀﺖ ﺗﺎﻧﻲ ﻳﻮﻡ ﺍﻟﺴﺎﻋﻪ ١ ﺍﻟﻈﻬﺮ ﻻﻥ ﺭﻗﺪﺕ ﺑﻌﺪ ﺍﻟﻔﺠﺮ ﺗﻠﻔﺘﺖ ﺍﻟﻘﻴﺖ ﺳﺎﺭﺓ ﻣﻘﻌﻤﺰﺓ ﻓﺎﺗﺤﺔ ﺍﻟﻔﻴﺲ
ﺍﻧﻲ : ﺻﺒﺎﺡ ﺍﻟﺨﻴﺮ
ﺳﺎﺭﺓ : ﺻﺒﺎﺣﻴﺔ ﻣﺒﺎﺭﻛﺔ ﻳﺎﻋﺮﻭﺱ
ﺍﻧﻲ ﺷﺪﻳﺖ ﺍﻟﻤﺨﺪﺓ ﻭﺣﺬﻓﺘﻬﺎ ﻋﻠﻴﻬﺎ : ﻏﺮﻳﺒﺔ ﻣﺎﺍﺯﻋﺠﺘﻴﻨﻴﺶ
ﺳﺎﺭﺓ : ﻋﻴﻴﺖ ﻭﺍﻧﻲ ﻧﺰﻋﺞ ﻟﻴﻦ ﻳﺄﺳﺖ ﻣﻨﻚ ﺗﻘﻮﻝ ﻣﻴﺘﻪ
ﺍﻧﻲ : ﻫﻬﻬﻬﻪ ﻟﻬﺎﻟﺪﺭﺟﺔ
ﺳﺎﺭﺓ : ﻣﺶ ﻣﻨﻚ ﻟﻠﻔﺠﺮ ﻭﺍﻧﻲ ﻧﺴﻤﻊ ﻓﻴﻚ ﺗﻮﺷﻮﺷﻲ
ﺍﻧﻲ ﻧﻀﺖ ﻗﻌﻤﺰﺕ ﺑﻔﺰﻋﻪ : ﺍﻥ ﺷﺎﺀ ﺍﻟﻠﻪ ﻣﺶ ﺭﺍﻗﺪﻩ ﺍﻧﺘﻲ ﻛﺎﺳﺮﺓ ﻭﺩﻧﻚ ﻳﺎﺣﻴﻮﺍﻧﻪ
ﺳﺎﺭﺓ : ﻫﻬﻬﻬﻬﻪ ﻳﺐ ﺳﻤﻌﺖ ﻛﻞ ﺷﻲ
ﺍﻧﻲ : ﻳﺎﺣﻤﺎﺭﺓ ﺷﻦ ﺳﻤﻌﺘﻲ
ﺳﺎﺭﺓ : ﻫﻬﻬﻬﻬﻬﻪ ﺍﻟﻲ ﻗﻠﺘﻴﻪ ﺣﻲ ﻳﺎﺣﻲ ﺧﺰﻱ ﺍﻟﻲ ﻣﺎﻳﺘﺤﺸﻤﻮ
ﺍﻧﻲ : ﺷﻦ ﻗﻠﺖ ﺗﺮﺍ
ﺳﺎﺭﺓ : ﻣﺎﻧﻘﺪﺭﺵ ﻧﻘﻮﻝ
ﺍﻧﻲ : ﻣﻌﻨﺎﻫﺎ ﻛﺬﺍﺑﺔ
ﺳﺎﺭﺓ : ﻫﻬﻬﻬﻪ ﺍﻳﻪ ﻃﻤﻨﻲ ﺭﻭﺣﻚ
ﺍﻧﻲ : ﻧﻮﺿﻲ ﻣﻦ ﻗﺪﺍﻣﻲ ﺑﻠﻌﻮﻃﺔ
ﺳﺎﺭﺓ : ﻫﻬﻬﻬﻬﻬﻬﻪ ﺑﺎﻫﻲ ﺍﻧﺘﻲ ﺧﻴﺮﻙ ﺧﺎﻳﻔﻪ ﺷﻦ ﻫﺪﺭﺯﺗﻮ ﺗﺮﺍ ﺍﺣﻜﻲ
ﺍﻧﻲ : ﻧﻮﺿﻲ ﻣﻦ ﻗﺪﺍﻣﻲ ﺍﻧﻲ ﻭﺭﺍﺟﻠﻲ ﺍﻧﺘﻲ ﺷﻦ ﺩﺧﻠﻚ
ﺳﺎﺭﺓ : ﻫﻬﻬﻬﻬﻪ ﺍﻳﻪ ﺍﻧﺘﻲ ﻭﺭﺍﺟﻠﻚ ﻋﺎﺩ ﻛﻴﻒ
ﺍﻧﻲ : ﻫﻬﻬﻬﻪ ﺑﻄﻠﻲ ﺗﺴﻬﻮﻳﻚ ﺧﻴﺮﻟﻚ ﻭﻧﻀﺖ ﻃﻠﻌﺖ ﺍﻟﻘﻴﺖ ﻣﺎﻣﺎ ﻛﻴﻒ ﺭﺍﻛﺒﻪ ﻣﻦ ﺍﻟﺪﺭﻭﺝ : ﺻﺒﺎﺡ ﺍﻟﺨﻴﺮ
ﻣﺎﻣﺎ : ﻣﺴﺎﺍﺀ ﺍﻟﻨﻮﺭ
ﺍﻧﻲ : ﻫﻬﻬﻬﻬﻪ ﺑﺎﻫﻲ ﻳﺎﻣﺎﻣﺎ ﻋﺎﺭﻓﻪ ﻇﻬﺮ ﺗﻌﺒﺎﻧﻪ ﺷﻦ ﻧﺪﻳﺮ
ﻭﺩﺭﺕ ﺩﻭﺭﺓ ﻭﺻﻠﻴﺖ ﻭﻧﺰﻟﺖ ﺍﻟﻘﻴﺖ ﻋﻤﺘﻲ ﻭﺧﺎﻟﺘﻲ ﻓﻲ ﺍﻟﻤﻄﺒﺦ ﻣﻘﻌﻤﺰﻳﻦ ﻗﻌﻤﺰﺕ ﻫﺪﺭﺯﺕ ﻋﻠﻴﻬﻢ ﻭﺑﻌﺪﻫﺎ ﺗﻐﺪﻳﻨﺎ ﻭﻗﻌﺪﻧﺎ ﻧﻬﺪﺭﺯﻭ ﻟﻠﻴﻞ ﻭﺭﻭﺣﺖ ﺧﺎﻟﺘﻲ ﻭﻋﻤﺘﻲ ﺟﺎﻫﺎ ﺍﻳﻤﻦ ﻭﺭﻭﺣﺖ ﻭﻫﺪﺭﺯﺕ ﻋﻠﻲ ﻭﻟﻴﺪ ﻟﺤﺪ ﺍﻟﺴﺎﻋﻪ 2 ﻭﻫﻮ ﻓﺮﺣﺎﻥ
ﺗﺎﻧﻲ ﻳﻮﻡ ﺍﻣﺸﻴﺖ ﻟﻠﺠﺎﻣﻌﻪ ﺣﻀﺮﺕ ﻣﺤﺎﺿﺮﺗﻲ ﻭﺭﻭﺣﺖ ﻭﺍﻣﺸﻮ ﺍﻻﻳﺎﻡ ﻋﺎﺩﻳﺔ
،،،،
ﺑﻌﺪ ﺷﻬﺮ
ﺍﻧﻲ ﻭﻭﻟﻴﺪ ﺟﻮﻧﺎ ﺣﻠﻮ ﻭﺑﺪﻳﻨﺎ ﻧﻮﺍﺯﻭ ﻓﻲ ﺍﺛﺎﺙ ﺍﻟﺸﻘﻪ ﻭﻧﺸﻮﻓﻮ ﻓﻲ ﺻﻮﺭ ﻓﻲ ﺍﻟﻨﺖ
ﺍﻳﻤﻦ ﻳﺒﻲ ﻳﺮﻓﻊ ﺑﻴﺎﻥ ﻟﻬﺎﺟﺮ ﻭﻭﻣﻤﻜﻦ ﺑﻌﺪ ﺍﺳﺒﻮﻋﻴﻦ
ﻧﻮﺍﻝ ﻳﺘﺼﻞ ﺑﻴﻬﺎ ﻣﺤﻤﻮﺩ ﻛﻞ ﻳﻮﻡ ﺑﺲ ﻣﺘﻐﻴﺮ ﻋﻠﻴﻬﺎ ﻫﻠﺒﺎ ﻳﻌﻨﻲ ﻳﺘﺼﻞ ﻳﺴﺎﻝ ﻋﻠﻲ ﺣﺎﻟﻬﺎ ﻭﻳﺴﻜﺮ ﻋﻠﻲ ﻃﻮﻝ ﻟﻮ ﻫﻲ ﺍﺗﺼﻠﺖ ﻣﺎﻳﺮﺩﺵ
ﻧﻮﺭﺱ ﻳﺘﺼﻞ ﺑﻴﻬﺎ ﻋﺪﻧﺎﻥ ﻛﻞ ﻳﻮﻡ ﻭﻳﺴﺘﻨﻰ ﻓﻴﻬﺎ ﻋﻠﻲ ﺍﻻﻗﻞ ﺗﻜﻤﻞ ﺳﻨﺘﻴﻦ ﻓﻲ ﺍﻟﺠﺎﻣﻌﻪ ﻭﻳﺨﻄﺐ ﻻﻥ ﻫﻲ ﺗﺒﻲ ﺗﻘﺮﺍ ﻃﺐ
ﻣﺎﻣﺎ ﻭﺧﺎﻟﺘﻲ ﺧﺪﻭ ﺣﻘﻬﻢ ﺑﺎﻟﻤﺤﻜﻤﺔ ﻭﺑﺎﻋﻮ ﺍﻻﺭﺽ ﺑﺘﺎﻋﻬﻢ
،
ﺍﻟﻴﻮﻡ ﺟﺎﻳﻪ ﻋﻤﺘﻲ ﺑﻴﺤﺪﺩﻭ ﻣﻮﻋﺪ ﺍﻟﻌﺮﺱ ﻗﺎﻟﻲ ﻭﻟﻴﺪ ﻓﻲ ﺍﻟﺼﻴﻒ ﺑﺲ ﻫﻤﺎ ﺣﻴﻘﻮﻟﻮﻟﻲ ﺍﻟﺘﺎﺭﻳﺦ
ﻣﺎﻣﺎ : ﻭﻳﻨﻬﻢ ﻳﺎﻧﻮﺳﻪ ﺍﻟﺴﺎﻋﻪ 7 ﺷﻜﻠﻬﻢ ﻣﺎﻫﻤﺶ ﺟﺎﻳﻴﻦ
ﺍﻧﻲ : ﻭﺍﻟﻠﻪ ﻣﺎﻧﻌﺮﻑ ﻳﺎﻣﺎﻣﺎ ﻧﺘﺼﻞ ﺑﻮﻟﻴﺪ ﺧﺎﺭﺝ ﺍﻟﺘﻐﻄﻴﻬﺮﻟﻴﻦ ﻧﺤﺲ ﻓﻲ ﺭﻭﺣﻲ ﺍﻧﺸﻐﻠﺖ
ﺷﻮﻱ ﻭﺭﻥ ﻓﻮﻥ ﻣﺎﻣﺎ ﻛﺎﻧﺖ ﻋﻤﺘﻲ
ﻣﺎﻣﺎ : ﺍﻟﻮ ، ﺍﻫﻠﻴﻦ ﻓﺘﺤﻴﻪ ﻛﻴﻒ ﺣﺎﻟﻚ، ﺍﻥ ﺷﺎﺀ ﺍﻟﻠﻪ ﺧﻴﺮ ، ﻻﻻ ﻛﻴﻒ ﺣﺎﻟﻜﻢ ﺍﻥ ﺷﺎﺀ ﺍﻟﻠﻪ ﻣﺎﺻﺎﺭﻟﻜﻢ ﺷﻲ
ﺍﻧﻲ ﺭﺟﻠﻴﺎ ﻳﺒﺴﻮ ﻓﻲ ﻣﻜﺎﻧﻬﻢ ﻣﻌﺎﺵ ﻗﺪﺭﺕ ﻧﺘﺤﺮﻙ
ﻣﺎﻣﺎ : ﻻﻻ ، ﻃﻠﻌﻮﻩ ، ﻋﻴﺐ ﻳﺎﻓﺘﺤﻴﻪ ﺍﻟﻤﻬﻢ ﺳﻼﻣﻪ ﻭﻟﺪﻙ ﺗﻮﺍ ، ﺍﻟﺤﻤﺪ ﻟﻠﻪ ﻉ ﺳﻼﻣﺘﻜﻢ ﻳﺎﻭﺧﻴﺘﻲ ، ﻣﻊ ﺍﻟﺴﻼﻣﻪ
ﺍﻧﻲ ﺩﻣﻮﻋﻲ ﻳﻨﺰﻟﻮ : ﻣﺎﻣﺎ ﻣﺎﺗﻘﻮﻟﻴﻬﺎﺵ ﻭﻟﻴﺪ ﺻﺎﺭﺗﻠﻪ ﺣﺎﺟﺔ ﻣﺎﻣﺎ ﺑﺎﻟﻠﻪ ﻋﻠﻴﻚ
ﻣﺎﻣﺎ : ﺍﻫﺪﻱ ﻣﺶ ﻭﻟﻴﺪ ﺍﻟﻲ ﺟﺎﻳﺒﻬﻢ
ﺍﻧﻲ : ﻛﻴﻒ ﺍﻣﺎﻻ ﻣﻨﻮ
ﻣﺎﻣﺎ : ﻗﺎﻟﺖ ﻭﻟﻴﺪ ﺻﺎﺭﻟﻪ ﺷﻐﻞ ﺟﺎﺑﻬﺎ ﻭﻟﺪﻫﺎ ﺍﻟﺼﻐﻴﺮ ﺍﺳﻤﻪ ﻣﺤﻤﻮﺩ ﺩﺍﺭﻭ ﺣﺎﺩﺙ ﻭﺍﻟﻀﺮﺑﺔ ﺟﺖ ﺟﻬﺔ ﻭﻟﺪﻫﺎ ﻫﻤﺎ ﻛﻮﻱ ...
ﻭﻗﻂ ﻋﻠﻴﻬﺎ ﺻﻮﺕ ﻧﻮﺍﻝ ﺑﻌﻴﻴﻄﺔ : ﺷﻨﻮﻭﻭﻭﻭﻭﻭﻭﻭﻭ ؟
ﺍﺣﻨﻲ ﻟﻴﻦ ﺍﻧﺨﻠﻌﻨﺎ ﺗﻠﻔﺘﻨﺎﻟﻬﺎ
ﺍﻧﻲ ﺍﻟﻮﺣﻴﺪﺓ ﺍﻟﻲ ﻛﻨﺖ ﻓﺎﻫﻤﺘﻬﺎ
ﻧﻮﺍﻝ ﺍﻧﻬﺎﺭﺕ ﺑﻜﻲ ﻭﻃﺎﺣﺖ ﻉ ﺍﻟﻮﻃﺎ ﻋﻠﻲ ﺭﻛﺎﺑﻬﺎ : ﺷﻦ ﺻﺎﺍﺍﺭﻟﻪ ﻳﺎﻣﺎﻣﺎ ﺻﺎﺭﺗﻠﻪ ﺣﺎﺟﺔ ﺑﺎﻟﻠﻪ ﻋﻠﻴﻚ ﻳﺎﻣﺎﻣﺎ ﻣﺎﺗﻘﻮﻟﻴﻬﺎﺵ
ﻣﺎﻣﺎ ﺑﺎﺍﺳﺘﻐﺮﺍﺏ : ﺍﻧﺘﻲ ﺍﺻﻼ ﻣﻦ ﻭﻳﻦ ﺗﻌﺮﻓﻴﻪ
ﺍﻧﻲ ﺟﺖ ﻧﺠﺮﻱ ﺍﺿﺒﻄﺖ ﻧﻮﺍﻝ ﻭﻗﻨﺘﻬﺎ ﻭﻗﻠﺘﻠﻬﺎ ﻓﻲ ﻭﺩﻧﻬﺎ : ﺍﻫﺪﻱ ﻳﺎﻧﻮﺍﻝ ﺧﻴﺮﺭﻙ ﺗﺒﻲ ﻣﺎﻣﺎ ﺗﺸﻚ ﻭﻗﻤﺘﻬﺎ ﻭﺳﻨﺪﺗﻬﺎ ﻋﻠﻴﺎ ﻭﺭﻛﺒﺖ ﺑﻴﻬﺎ
ﻣﺎﻣﺎ : ﺍﺳﺘﻨﻲ ﻭﻳﻦ ﻣﺎﺷﻴﺔ ﺑﻴﻬﺎ ﺗﻌﺎﻟﻲ ﻗﻮﻟﻴﻠﻲ ﻭﻳﻦ ﺗﻌﺮﻓﻴﻴﻴﻪ ﺍﻧﺘﻲ
ﺍﻧﻲ : ﺧﻼﺹ ﻣﺎﻣﺎ ﻧﺮﻛﺒﻬﺎ ﻧﻔﻬﻢ ﻣﻨﻬﺎ ﻭﻧﺠﻴﻚ ﺑﺎﻫﻲ
ﻣﺎﻣﺎ : ﺷﻦ ﻧﺎﻭﻳﻴﻦ ﺗﺠﻠﻄﻮﻧﻲ ﺍﻧﺘﻮ
ﻧﺮﺟﺲ : ﺑﻌﻴﺪ ﺍﻟﺴﻮ ﻋﻠﻴﻚ ﻳﺎﻣﺎﻣﺎ ﺍﻫﺪﻱ ﺗﻮ ﻧﻮﺳﺔ ﺗﻔﻬﻢ ﻣﻨﻬﺎ ﻭﺗﻘﻮﻟﻚ
ﻧﻮﺭﺱ : ﺧﻼﺹ ﻳﺎﻣﺎﻣﺎ ﻗﻌﻤﺰﻱ ﺍﻛﻴﺪ ﻧﻮﺍﻝ ﻋﻨﺪﻫﺎ ﺗﻔﺴﻴﺮ
ﺍﻣﺎ ﺍﻧﻲ ﺭﻓﻌﺖ ﻧﻮﺍﻝ ﻟﺪﺍﺭﻱ ﻭﺳﻜﺮﺗﻬﺎ ﻭﻫﻲ ﻗﻌﻤﺰﺕ ﻉ ﺍﻟﺴﺮﻳﺮ ﻭﺍﺳﺘﻤﺮﺕ ﻓﻲ ﺍﻟﺒﻜﻲ ﻭﺑﺼﻮﺕ ﻣﺘﻘﻄﻊ : ﺍﺗﺼﻠﻲ ﺑﻮﻟﻴﺪ ﺍﺳﺎﻟﻴﻪ ﺑﺎﻟﻠﻪ ﻋﻠﻴﻚ ﻗﻮﻟﻴﻠﻲ ﺑﺲ ﻛﻴﻒ ﺣﺎﻟﻪ ﺷﻦ ﺻﺎﺭﻟﻪ ﻭﺍﻟﻠﻪ ﻧﻬﺒﻞ ﻟﻮ ﺗﺼﻴﺮﻟﻪ ﺣﺎﺟﺔ
ﺍﻧﻲ : ﺑﺎﻩ ﺍﻫﻮ ﺗﻮ ﻧﺘﺼﻞ ﺍﻫﺪﻱ ﺑﺲ ، ﺍﺗﺼﻞ ﺑﻮﻟﻴﺪ ﻳﻨﺎﺩﻱ ﻣﺎﻳﺮﺩﺵ
ﻧﻮﺍﻝ : ﺧﻴﺮﻙ ﻣﺎﻳﺮﺩﺵ ﻋﻠﻴﻚ ﺣﻲ ﻋﻠﻴﺎ ﺍﻛﻴﺪ ﺻﺎﺭﺗﻠﻪ ﺣﺎﺟﺔ ﺍﺭﻓﻌﻴﻨﻲ ﻳﺎﻧﺴﻴﺒﺔ ﺑﺎﻟﻠﻪ ﻋﻠﻴﻚ ﺍﺭﻓﻌﻴﻨﻲ
ﺍﻧﻲ : ﻭﻳﻦ ﺑﻨﺮﻓﻌﻚ ﻳﺎﻧﻮﺍﻝ ﺍﺳﺘﻬﺪﻱ ﺑﺎﻟﻠﻪ ﺗﻌﻮﺩﻱ ﻣﻦ ﺍﻟﺸﻄﺎﻥ ﺑﺎﺫﻥ ﺍﻟﻠﻪ ﻛﻮﻳﺲ
ﻧﻮﺍﻝ ﻣﺴﺘﻤﺮﻩ ﻓﻲ ﺍﻟﺒﻜﻲ ﺑﺼﻮﺕ ﻋﺎﻟﻲ
ﺍﻧﻲ ﺟﻴﺖ ﻗﻌﻤﺰﺕ ﺟﻨﺒﻬﺎ : ﻧﻮﺍﻝ ﺣﺒﻴﺒﺘﻲ ﺧﻼﺹ ﺍﻫﺪﻱ ﻭﺍﻟﻠﻪ ﻛﻮﻳﺲ ﺻﺪﻗﻴﻨﻲ ﻛﺎﻥ ﻣﺶ ﻛﻮﻳﺲ ﻋﻤﺘﻲ ﺑﻴﻜﻮﻥ ﻋﻨﺪﻫﺎ ﺑﺎﻝ ﺣﺘﻰ ﺗﺘﺼﻞ ﻭﺗﻌﺘﺬﺭ ﻭﺑﻌﺪﻳﻦ ﻣﺎﻣﺎ ﻗﺎﻟﺖ ﻛﻮﻳﺲ ﻭﻗﺎﻟﺘﻠﻬﺎ ﺍﻟﺤﻤﺪ ﻟﻠﻪ ﻉ ﺳﻼﻣﺘﻪ
ﻧﻮﺍﻝ : ﻧﺒﻲ ﻧﺸﻮﻓﻪ ﻣﺎﺩﺧﻠﻴﺶ ﺍﻧﻲ ﻧﺒﻲ ﻧﺘﻄﻤﻦ ﻋﻠﻴﻪ ﺑﻌﻴﻮﻧﻲ
ﺍﻧﻲ : ﻧﻮﺍﻝ ﻣﺎﻧﻘﺪﺭﻭﺵ ﺭﺍﻫﻮ ﺍﻛﻴﺪ ﺍﻣﺎﻟﻴﻪ ﻛﻠﻬﻢ ﻣﻌﺎﻩ ﻛﻴﻒ ﺗﺒﻴﻨﻲ ﻧﺮﻓﻌﻚ ﻭﺍﻧﺘﻲ ﺣﺘﻰ ﺍﻫﻨﻲ ﻣﺶ ﺷﺎﺩﻩ ﺭﻭﺣﻚ ﺷﻦ ﺗﺒﻲ ﺍﻟﻨﺎﺱ ﻳﺸﻜﻮ ﻓﻴﻨﺎ ﻳﺮﻭﺡ ﻟﻠﺤﻮﺵ ﻭﻧﻤﺸﻮﻟﻬﻢ ﻓﻲ ﺣﻮﺷﻬﻢ ﻭﺻﺪﻗﻴﻨﻲ ﺍﻟﻤﺎ ﻳﻮﻟﻲ ﻛﻮﻳﺲ
ﻧﻮﺍﻝ ﺍﺳﺘﻤﺮﺕ ﻓﻲ ﺍﻟﺒﻜﻲ ﻗﺮﻳﺐ ﺳﺎﻋﻪ ﻭﻣﻦ ﻛﺜﺮ ﺍﻟﺒﻜﻲ ﺭﻗﺪﺕ ﻓﻲ ﺳﺮﻳﺮﻱ ﻏﻄﻴﺘﻬﺎ ﻭﻃﻠﻌﺖ ﺍﻟﻘﻴﺖ ﻣﺎﻣﺎ ﻣﻘﻌﻤﺰﺓ ﻓﻲ ﺍﻟﺼﺎﻟﺔ
ﻣﺎﻣﺎ : ﺗﻌﺎﻟﻲ ﺗﻌﺎﻟﻲ
ﺍﻧﻲ ( ﻳﺎﺭﺑﻲ ﺗﻮ ﺷﻦ ﺑﻨﻘﻮﻟﻠﻬﺎ ﺍﻟﻠﻪ ﻳﺴﺎﻣﺤﻚ ﻳﺎﻧﻮﺍﻝ ﻉ ﺍﻻﻗﻞ ﺷﺪﻳﺘﻲ ﺭﻭﺣﻚ ﺷﻮﻳﺔ ) ﺟﻴﺖ ﻗﻌﻤﺰﺕ ﺟﻨﺐ ﻣﺎﻣﺎ ﻭﺍﻧﻲ ﻣﻨﺰﻟﺔ ﺭﺍﺳﻲ ﻭﻧﻔﻜﺮ ﺷﻦ ﺑﻨﻘﻮﻝ
ﻣﺎﻣﺎ : ﺍﻧﻲ ﻧﺴﺘﻨﻰ ﻓﻲ ﺷﺮﺡ ﻟﻠﺪﺭﺍﻣﺎ ﺍﻟﻲ ﺻﺎﺭﺕ
ﺍﻧﻲ : ﻣﺎﻣﺎ ...
ﻗﺎﻃﻌﺘﻨﻲ ﻣﺎﻣﺎ : ﻣﻦ ﻏﻴﺮﺭ ﻛﺬﺏ ﺍﺣﻜﻲ ﻣﻦ ﻭﻳﻦ ﺗﻌﺮﻓﻪ ﺍﺧﺘﻚ ﻣﺎﺗﻘﻮﻟﻴﻠﻴﺶ ﺗﻜﻠﻢ ﻓﻴﻪ ﺑﺲ
ﺍﻧﻲ : ﺑﺎﻩ ﺑﻨﺤﻜﻴﻠﻚ ﻟﻜﻦ ﻫﻲ ﻣﺎﺗﻜﻠﻤﻴﻬﺎﺵ ﻫﻲ ﻣﺶ ﻋﻼﻗﻪ ﻳﻌﻨﻲ ﻣﺶ ﺩﺍﻳﺮﻩ ﻣﻌﺎﻩ ﻋﻼﻗﻪ ﻗﺼﺪﻱ ﺻﺪﺍﻗﻪ ﺑﺲ ﻫﻲ ﻣﻤﻜﻦ ﻧﻮﺍﻝ ﺣﺒﺎﺗﻪ ﺑﺲ ....
ﻗﺎﻃﻌﺘﻨﻲ ﻣﺎﻣﺎ : ﺣﺒﺎﺗﻪ ﺷﻨﻮ ﺷﻦ ﺗﻘﻮﻟﻲ ﺍﻧﺘﻲ ﻗﺎﻋﺪﻩ ﻓﺮﺧﻪ ﻫﻲ ﺷﻦ ﺗﻔﻬﻢ ﻓﻲ ﺍﻟﺪﻭﺓ ﻫﺎﺩﻱ
ﺍﻧﻲ : ﻳﺎﻣﺎﻣﺎ ﺑﺎﻩ ﻧﻘﻮﻟﻮ ﺗﻌﻠﻘﺖ ﺑﻴﻪ ﻛﺼﺪﻳﻖ ﻭﻟﻤﺎ ﺳﻤﻌﺖ ﻣﺎﺗﺤﻤﻠﺘﺶ
ﻣﺎﻣﺎ : ﺗﻌﺮﻓﻲ ﺍﺧﺘﻚ ﺻﻐﻴﺮﺓ ﻭﻗﺎﻋﺪﻩ ﻣﺮﺍﻫﻘﻪ ﻭﻓﻜﻮﻧﻲ ﻣﻦ ﺍﻟﺪﻭﺓ ﺍﻟﻔﺎﺿﻴﺔ ﺍﻧﺘﻲ ﻟﻤﺎ ﻛﻨﺘﻲ ﺗﻜﻠﻤﻲ ﻓﻲ ﻭﻟﻴﺪ ﺍﻛﺘﺸﻔﺘﻚ ﻫﻜﻲ ﻓﻲ ﻧﻔﺲ ﻋﻤﺮﻫﺎ ﻭﻗﻠﺘﻠﻚ ﻗﺎﻋﺪﻩ ﺻﻐﻴﺮﺓ ﻭﻣﻌﺎﺵ ﺗﻜﻠﻤﻴﻪ ﻟﻜﻦ ﺍﻧﺘﻲ ﺷﻲ ﺭﺍﺳﻚ ﻳﺎﺑﺲ ﻭﻋﺎﻧﺪﺗﻲ ﻭﺍﺳﺘﻤﺮﻳﺘﻲ ﺗﻜﻠﻤﻲ ﻓﻴﻪ ﻭﻋﻠﻰ ﻣﺎﺃﻇﻦ ﻣﺶ ﻻﺯﻡ ﻧﺮﺟﻌﻚ ﻟﺮﻗﺪﻩ ﺍﻟﻤﺴﺘﺸﻔﻰ ﻭﺍﻟﺴﻨﺘﻴﻦ ﺍﻟﻜﺎﻣﻼﺕ ﺍﻟﻲ ﺗﺒﻜﻲ ﻓﻴﻬﻢ
ﺍﻧﻲ : ﺗﻮ ﻳﺎﺍﻣﺎﻣﺎ ﺷﻦ ﺩﺧﻞ ﻋﻼﻗﺘﻲ ﺑﻮﻟﻴﺪ ﻭﺍﻫﻮ ﺗﻮﺍ ﺍﻟﺤﻤﺪ ﻟﻠﻪ ﺣﻼﻟﻪ ﻭﻗﺎﺭﻱ ﻋﻠﻴﺎ ﺍﻟﻔﺎﺗﺤﺔ
ﻣﺎﻣﺎ : ﺍﻳﻪ ﻭﻟﻴﺪ ﺻﺢ ﻃﻠﻊ ﺭﺍﺟﻞ ﻭﺧﻄﺒﻚ ﻟﻜﻦ ﻛﺎﻥ ﺟﺖ ﻓﻲ ﺣﺪ ﺗﺎﻧﻲ ﺭﺍﻙ ﺗﻮﺍ ﺗﺒﻜﻲ ﻧﺪﻡ ﻟﻮ ﻛﺎﻥ ﻫﺬﺍ ﺧﻮﻩ ﻃﻠﻊ ﺯﻳﻪ ﻭﺟﻲ ﻳﺨﻄﺐ ﻓﻲ ﺍﻻﺧﻴﺮ ﺑﺎﺍﻫﻲ ﺍﻣﺎ ﻛﺎﻥ ﻫﺬﺍ ﺭﻳﺤﻮﻧﻲ ﻣﻦ ﺍﻟﺪﻭﺓ ﺍﻟﻔﺎﺿﻴﻪ ﻭﺻﺪﻳﻖ ﻣﺎﺻﺪﻳﻖ ﻫﺪﺍ ﻣﺎﻋﻨﺪﻧﺎﺵ ﺍﻧﻲ ﺍﻡ ﻭﻧﺨﺎﻑ ﻋﻠﻲ ﺑﻨﺎﺗﻲ ﻟﻮ ﻟﻘﺪﺭ ﺍﻟﻠﻪ ﺑﻌﺪ ﺍﺗﻌﻠﻘﺖ ﺑﻴﻪ ﻭﺳﻴﺒﻬﺎ ﺗﺨﺶ ﻓﻲ ﺣﺎﻟﺔ ﻧﻔﺴﻴﻪ ﺍﺧﺘﻚ ﺍﻧﻲ ﺷﻦ ﻧﺪﻳﺮ
ﺍﻧﻲ : ﺍﻥ ﺷﺎﺀ ﺍﻟﻠﻪ ﻣﺎﻳﺼﻴﺮ ﺍﻻ ﺍﻟﺨﻴﺮ ﻳﺎﻣﺎﻣﺎ ﺧﻼﺹ ﺍﻧﺘﻲ ﺗﻮﺍ ﻣﺎﻓﻴﺶ ﺩﺍﻋﻲ ﺗﻀﻐﻄﻲ ﻋﻠﻴﻬﺎ
ﻣﺎﻣﺎ : ﺍﻧﺘﻲ ﺍﺧﺘﻬﺎ ﺍﻟﻜﺒﻴﺮﺓ ﺍﻟﻲ ﻣﻔﺮﻭﺽ ﺗﻨﺼﺤﻴﻬﺎ ﻣﺶ ﺗﺴﺎﻋﺪﻳﻬﺎ ﻉ ﺍﻟﻐﻠﻂ
ﺍﻧﻲ : ﻣﺎﻣﺎ ﻧﻮﺍﻝ ﻣﺎﺩﺍﺭﺗﺶ ﺣﺎﺟﺔ ﻏﻠﻂ ﻫﻲ ﻭﺑﻌﺪﻳﻦ ﻫﻲ ﻓﺎﻫﻤﺎﺗﻪ ﻟﻠﻜﻼﻡ ﻫﺬﺍ ﻭﺑﻌﺪﻳﻦ ﻣﺎﻓﻴﺶ ﺣﺪ ﻳﻘﺪﺭ ﻳﺘﺤﻜﻢ ﺑﻘﻠﺒﻪ
ﻣﺎﻣﺎ : ﺑﺎﻩ ﻛﻴﻒ ﺣﺎﻟﻬﺎ ﺗﻮﺍ ﻗﺎﻋﺪﻩ ﺗﺒﻜﻲ
ﺍﻧﻲ : ﺑﻜﺖ ﺑﻜﺖ ﻭﺭﻗﺪﺕ
ﻣﺎﻣﺎ : ﻻﺣﻮﻝ ﻭﻻﻗﻮﺓ ﺍﻻ ﺑﺎﻟﻠﻪ
ﻭﻗﻌﺪﺕ ﻣﻘﻌﻤﺰﺓ ﺟﻨﺐ ﻣﺎﻣﺎ ﻟﻠﺴﺎﻋﻪ ١ ﻭﺍﺧﻮﺍﺗﻲ ﺭﻗﺪﻭ ،
ﻭﻟﻴﺪ ﻣﺎﺍﺗﺼﻠﺶ ﺑﻜﻞ ﻛﻞ ﻣﺮﺓ ﻧﺘﺼﻞ ﺑﻴﻪ ﻣﺎﻳﺮﺩﺵ ﻣﺶ ﻋﺎﺭﻓﻪ ﻟﻤﺎ ﺗﻨﻮﺽ ﻧﻮﺍﻝ ﺷﻦ ﺣﻨﻘﻮﻟﻠﻬﺎ ﻭﺍﻧﻲ ﺍﺳﺎﺳﺎ ﻣﺎﺍﺗﻄﻤﻨﺘﺶ ﻋﻠﻴﻪ ﺷﻮﻱ ﻭﺭﻥ ﻓﻮﻧﻲ ، ﻭﻟﻴﺪ ﻭﺍﺧﻴﺮﺍ : ﺍﻟﻮ ﺣﺒﻴﺒﻲ
ﻭﻟﻴﺪ ﺑﺼﻮﺕ ﺗﺎﻋﺐ : ﺍﻳﻮﻩ ﻳﺎﺭﻭﺣﻲ
ﺍﻧﻲ : ﺗﻄﻤﻨﻲ ﻳﺎﺣﺒﻴﺒﻲ ﺷﻦ ﺻﺎﺭ ﻓﻲ ﻣﺤﻤﻮﺩ ﻭﻭﻳﻨﻚ ﻣﺎﺗﺮﺩﺵ ﺍﻧﺸﻐﻠﺖ
ﻭﻟﻴﺪ : ﺍﻟﺤﻤﺪ ﻟﻠﻪ ﻣﺤﻤﻮﺩ ﻛﻮﻳﺲ ﻣﺎﻓﻴﻪ ﺷﻲ ﻭﺗﻠﻴﻔﻮﻧﻲ ﻟﻤﺎ ﺳﻤﻌﺖ ﻛﻨﺖ ﻣﺘﻮﺗﺮ ﻧﺰﻟﺖ ﻭﺧﻠﻴﺘﻪ ﻓﻲ ﺍﻟﺴﻴﺎﺭﺓ
ﺍﻧﻲ : ﺍﻫﺎ ﺑﺎﻩ ﺍﻟﺤﻤﺪ ﻟﻠﻪ ﻋﻠﻲ ﺳﻼﻣﺘﻪ ، ﻗﺼﺪﻱ ﺷﻦ ﺣﺎﻟﺘﻪ ﺑﺎﻟﻀﺒﻂ
ﻭﻟﻴﺪ : ﺍﻟﻠﻪ ﻳﺴﻠﻤﻚ ، ﻋﻨﺪﻩ ﻛﺴﺮ ﻓﻲ ﺭﺟﻠﻪ ﻭ ﺑﻴﺒﺎﺕ ﺍﻟﻠﻴﻠﺔ ﻓﻲ ﺍﻟﻤﺴﺘﺸﻔﻰ ﻭﻏﺪﻭﺓ ﺍﻟﺼﺒﺢ ﻳﻄﻠﻊ
ﺍﻧﻲ : ﺍﻫﺎ
ﻫﺪﺭﺯﺕ ﻣﻊ ﻭﻟﻴﺪ ﺷﻮﻳﺔ ﺑﻌﺪﻫﺎ ﺭﻗﺪ ﻻﻧﻪ ﻛﺎﻥ ﺗﺎﻋﺐ ﻃﻤﻨﺖ ﻣﺎﻣﺎ ﻭﺧﺸﺖ ﺭﻗﺪﺕ ، ﺭﻛﺒﺖ ﻟﺪﺍﺭﻱ ﻧﺴﻤﻊ ﻓﻲ ﻧﻮﺍﻝ ﺗﺘﻜﻠﻢ ﻓﻲ ﺍﻟﺘﻠﻴﻔﻮﻥ ﻭﺗﺒﻜﻲ ﻭﻛﺎﻧﺖ ﻋﺎﻃﻴﺘﻨﻲ ﻇﻬﺮﻫﺎ ﻭﻗﻔﺖ ﻉ ﺍﻟﺒﺎﺏ ﺑﺪﻭﻥ ﻣﺎﺗﺤﺲ ﺑﻴﺎ
ﻧﻮﺍﻝ ﻭﻫﻲ ﺗﺒﻜﻲ : ﻣﺎﺗﻜﺬﺑﺶ ﻋﻠﻴﺎ ﻳﺎﻣﺤﻤﻮﺩ ﺑﺎﻟﻠﻪ ﻋﻠﻴﻚ ﻗﻮﻟﻲ ﺣﺎﻟﻚ ﻛﻴﻒ
ﻣﺤﻤﻮﺩ ﺑﺼﻮﺕ ﺗﻌﺒﺎﻥ ﺷﻮﻳﺔ : ﻭﺍﻟﻠﻪ ﻣﺎﻓﻴﺎ ﺣﺎﺟﺔ ﻛﺴﺮ ﻓﻲ ﻳﺪﻱ ﺑﺲ
ﻧﻮﺍﻝ : ﻛﺴﺮ ﻓﻲ ﺭﺟﻠﻚ ﻭﺭﻗﺪﻭﻙ ﺍﻛﻴﺪ ﻓﻴﻚ ﺣﺎﺟﺔ ﺗﺎﻧﻴﻪ
ﻣﺤﻤﻮﺩ : ﻭﺍﻟﻠﻪ ﻣﺎﻓﻴﺎ ﺣﺎﺟﺔ ﺍﻟﺪﻛﺘﻮﺭ ﻫﻜﻲ ﻗﺎﻝ ﻣﺎﻧﻌﺮﻓﺶ
ﻧﻮﺍﻝ ﺗﺒﻜﻲ
ﻣﺤﻤﻮﺩ : ﻋﻼﺵ ﺗﺒﻜﻲ ﺑﺎﻫﻲ ﻭﺍﻟﻠﻪ ﻣﺎﻧﺘﺤﻤﻞ ﺩﻣﻮﻋﻚ ﺧﻼﺹ ﺍﻧﻲ ﻣﺎﻓﻴﺎ ﺷﻲ
ﻧﻮﺍﻝ ﺗﺒﻜﻲ : ﻛﻨﺖ ﺧﺎﻳﻔﻪ ﺗﺴﻴﺒﻨﻲ ﺣﺘﻰ ﺍﻧﺖ ﺯﻱ ﻣﺎﺳﻴﺒﻨﺎ ﺑﺎﺑﺎ ﻛﻨﺖ ﺧﺎﻳﻔﻪ ﻧﻘﻌﺪ ﻣﻦ ﻏﻴﺮﻙ ﺍﻧﺖ ﻳﺎﻣﺤﻤﻮﺩ ﻣﻦ ﻳﻮﻡ ﻋﺮﻓﺘﻚ ﺑﺪﻳﺖ ﻧﺤﺲ ﺑﺎﻻﻣﺎﻥ ، ﻋﺎﺭﻑ ﻳﺎﻣﺤﻤﻮﺩ ﻟﻤﺎ ﻧﺸﻮﻑ ﻓﻴﻚ ﺗﻠﺤﻖ ﻓﻲ ﺑﺎﺹ ﺍﻟﻤﺪﺭﺳﺔ ﻭﺗﺸﻮﻓﻨﻲ ﻟﻤﺎ ﻧﺨﺶ ﻭﺗﻮﻟﻲ ﻟﻤﺎ ﻧﻄﻠﻊ ﻧﺸﻮﻑ ﻓﻴﻚ ﺭﺍﻫﻮ ﺍﻧﺖ ﺗﺤﺴﺎﺑﻨﻲ ﻣﺎﻧﻨﺪﺭﻳﺶ ﺑﺲ ﺍﻧﻲ ﻧﺸﻮﻑ ﻓﻴﻚ
ﻣﺤﻤﻮﺩ ﺑﺼﺪﻣﻪ : ﻛﻴﻒ ..
ﻗﺎﻃﻌﺎﺗﻪ ﻧﻮﺍﻝ : ﻧﺤﺲ ﺑﻴﻚ ﻧﺤﺲ ﺑﺎﻧﻚ ﻗﺮﻳﺐ ﻣﻨﻲ ﻧﺤﺲ ﺑﺄﻥ ﻋﻴﻮﻧﻚ ﺗﺮﺍﻗﺐ ﻓﻴﺎ ﻣﺮﺍﻗﺒﻪ ﻋﻴﻮﻧﻚ ﺗﺤﺴﺴﻨﻲ ﺇﻧﻲ ﺑﺄﻣﺎﻥ ﺗﺤﺴﺴﻨﻲ ﺍﻧﻚ ﻣﺶ ﺣﺘﺴﻤﺢ ﺑﺸﻲﺀ ﺳﻲﺀ ﻳﺼﻴﺮﻟﻲ ، ﻓﻲ ﻳﻮﻡ ﺍﻧﺖ ﻣﺎﺟﻴﺘﺶ ﻓﻴﻪ ﻓﻲ ﺍﻟﻤﺮﻭﺍﺡ ﻫﺪﺍﻛﺎ ﺍﻟﻴﻮﻡ ﺣﺴﻴﺖ ﺑﺎﺍﻧﻚ ﻣﻬﻨﺎﺵ ﺩﻭﺭﺗﻚ ﺑﻌﻴﻮﻧﻲ ﻣﺎﻟﻘﻴﺘﻜﺶ ﺑﺲ ﻃﻠﻌﺖ ﻣﻮﺻﻲ ﺻﺎﺣﺐ ﺍﻟﺒﺎﺹ ﻋﻠﻴﺎ ، ﻟﻴﺶ ﺩﺭﺕ ﻫﺬﺍ ﻛﻠﻪ ؟
ﺍﻧﻲ ﻧﺴﻤﻊ ﻭﺧﻠﺘﻨﻲ ﻧﺒﻜﻲ ﻣﻦ ﻛﺜﺮ ﻣﺎﻛﻼﻣﻬﺎ ﻳﻘﻄﻊ ﺍﻟﻘﻠﺐ
ﻣﺤﻤﻮﺩ ﻓﻲ ﻟﺤﻈﺔ ﺿﻌﻒ : ﻧﻮﺍﻝ ﻣﺎﻧﻌﺮﻓﺶ ﻗﻠﺒﻲ ﻳﻘﻮﺩ ﻓﻴﺎ
ﻧﻮﺍﻝ : ﻗﻠﺒﻚ ؟
ﻣﺤﻤﻮﺩ ﺍﺳﺘﺎﻗﻆ ﻟﺮﻭﺣﻪ : ﺑﻌﺪﻳﻦ ﻧﻜﻠﻤﻚ ﺧﻮﻱ ﺟﻲ ﻭﻣﻌﺎﺵ ﺗﺒﻜﻲ
ﻧﻮﺍﻝ : ﺑﺎﻩ ﺩﻳﺮ ﺑﺎﻟﻚ ﻉ ﺭﻭﺣﻚ ﺳﻼﻡ
ﺳﻜﺮﺕ ﻧﻮﺍﻝ ﻭﻣﺴﺤﺖ ﺩﻣﻮﻋﻬﺎ ﻭﺑﻌﺪﻫﺎ ﺍﺑﺘﺴﻤﺖ ﻋﻠﻲ ﻛﻠﻤﺘﻪ ﺍﻟﻲ ﻗﺎﻟﻬﺎ > ﻗﻠﺒﻲ ﻳﻘﻮﺩ ﻓﻴﺎ < ﺗﻠﻔﺘﺖ ﻭﺍﻟﻘﺘﻨﻲ ﺍﻧﺨﻠﻌﺖ
ﺍﻧﻲ ﻗﺪﻣﺖ ﻭﺍﺿﺒﻄﺘﻬﺎ : ﺧﻼﺹ ﺗﻮﺍ ﺍﺭﺗﺤﺘﻲ ﺗﻄﻤﻨﺘﻲ
ﻧﻮﺍﻝ : ﻫﻬﻬﻪ ﺍﻳﻪ
ﺭﻗﺪﺕ ﻧﻮﺍﻝ ﻋﻨﺪﻱ ﻓﻲ ﺍﻟﺪﺍﺭ ﻫﺪﺍﻛﺎ ﺍﻟﻴﻮﻡ ﻭﻗﻌﺪﻧﺎ ﻧﻬﺪﺭﺯﻭ ﻧﺼﺤﺘﻬﺎ ﺷﻮﻳﺔ ﻧﺼﺎﺋﺢ
،،،،،
ﺛﺎﻧﻲ ﻳﻮﻡ ﺍﻟﺼﺒﺢ ﺭﻭﺡ ﻣﺤﻤﻮﺩ ﻟﻠﺤﻮﺵ ﻭﺑﺪﻭ ﺍﻟﻨﺎﺱ ﻳﺠﻮﻫﻢ ﻟﺪﺭﺟﺔ ﻭﻟﻴﺪ ﻣﺎﺍﺗﺼﻠﺶ ﺑﻴﺎ
ﻣﺎﻣﺎ : ﻓﻲ ﺍﻟﻌﺸﻴﺔ ﻧﻤﺸﻮ ﻟﺤﻮﺵ ﺍﻣﺎﻟﻲ ﺭﺍﺟﻠﻚ
ﺍﻧﻲ ﻧﺸﺮﺏ ﻓﻲ ﺍﻟﻨﺴﻜﺎﻓﻴﻪ : ﺍﻟﻠﻪ ﻳﺎﻣﺎﻣﺎ ﻣﺶ ﻋﺎﺩﻳﻪ ﻛﻠﻤﺔ ﺭﺍﺟﻠﻚ ﻫﻬﻬﻬﻪ
ﻣﺎﻣﺎ : ﻗﻠﻪ ﺣﺸﻢ
ﺍﻧﻲ : ﻫﻬﻬﻬﻬﻬﻪ ﺗﻲ ﺭﺍﺟﻠﻲ ﻳﺎﻣﺎﻣﺎ
ﻧﻮﺭﺱ : ﻭﺍﻟﻠﻪ ﻳﺎﻣﺎﻣﺎ ﻫﺎﺩﻱ ﻛﺎﻥ ﺗﻠﻘﻰ ﺗﻤﺸﻴﻠﻪ ﺍﻟﻴﻮﻡ ﻗﺒﻞ ﻏﺪﻭﺓ
ﺍﻧﻲ : ﻟﻠﺘﺼﺤﻴﺢ ﺍﻟﺪﻗﻴﻘﻪ ﻫﺎﺩﻱ ﻗﺒﻞ ﺍﻟﺪﻗﻴﻘﻪ ﺍﻟﺠﺎﻳﻪ
ﻧﻮﺍﻝ ﺗﺨﺶ ﻟﻠﻤﻄﺒﺦ ﻭﺑﺨﻮﻑ ﻭﻫﻲ ﺗﺸﻮﻑ ﻟﻤﺎﻣﺎ : ﺻﺒﺎﺡ ﺍﻟﺨﻴﺮ
ﺍﻧﻲ ﻭﻧﻮﺭﺱ ﻭﻧﺮﺟﺲ : ﺻﺒﺎﺡ ﺍﻟﻨﻮﺭ ﻭﻗﻌﺪﻧﺎ ﻧﺸﻮﻓﻮ ﻟﻤﺎﻣﺎ
ﻣﺎﻣﺎ ﻭﻫﻲ ﻭﺍﻗﻔﻪ ﺟﻨﺐ ﺍﻟﺜﻼﺟﻪ ﻭﺗﻜﻠﻢ ﻓﻲ ﻧﻮﺍﻝ : ﺗﻌﺎﻟﻲ
ﻧﻮﺍﻝ ﺑﺘﺮﺩﺩ ﻭﻗﺪﻣﺖ ﺟﻬﺔ ﻣﺎﻣﺎ ﻟﻴﻦ ﻭﻟﺖ ﻗﺪﺍﻣﻬﺎ
ﻣﺎﻣﺎ ﺷﺒﺤﺖ ﻟﻨﻮﺍﻝ ﻭﺍﺿﺒﻄﺘﻬﺎ
ﻧﻮﺍﻝ
ﺍﺣﻨﻲ ﺍﻧﺼﺪﻣﻨﺎ
ﻣﺎﻣﺎ : ﻫﻲ ﺗﻌﺎﻟﻲ ﺍﻓﻄﺮﺭﻱ ﻭﺑﻴﺶ ﺗﻀﻤﻮ ﺍﻟﺤﻮﺵ ﺍﻟﻌﺸﻴﻪ ﻧﻤﺸﻮ ﻧﺰﻭﺭﻭ ﺳﻠﻒ ﺍﺧﺘﻚ
ﻧﻮﺍﻝ ﺗﺒﺘﺴﻢ : ﺑﺎﻫﻲ
ﻓﻄﺮﻧﺎ ﻭﺑﻌﺪﻫﺎ ﻣﺎﻣﺎ ﻗﻌﺪﺕ ﺗﺪﻳﺮ ﻓﻲ ﺍﻟﻐﺪﻱ ﻭﺍﺣﻨﻲ ﺿﻤﻴﻨﺎ ﺍﻟﺤﻮﺵ ﻭﺳﺎﻋﺪﻧﺎﻫﺎ ﻭﺗﻐﺪﻳﻨﺎ ﻭﻗﻌﻤﺰﻧﺎ ﻧﻬﺪﺭﺯﻭ ﻟﻌﻨﺪ ﺍﻟﻌﺼﺮ
ﻣﺎﻣﺎ : ﺑﺘﻤﺸﻮ ﻛﻠﻜﻢ
ﻧﻮﺭﺱ : ﺍﻧﻲ ﻻ
ﻧﺮﺟﺲ : ﻭﻻﺍﻧﻲ ﻣﺎﻓﻴﺶ ﺩﺍﻋﻲ
ﻧﻮﺍﻝ : ﻋﺎﺩﻱ ﻣﺎﻣﺎ ﻧﻤﺸﻲ
ﻣﺎﻣﺎ ﺷﺒﺤﺘﻠﻬﺎ ﺷﻮﻳﺔ ﺑﻌﺪﻳﻦ ﻗﺎﻟﺖ : ﺑﺸﺮﻁ
ﻧﻮﺍﻝ : ﺷﻨﻮ
ﻣﺎﻣﺎ : ﺑﻌﺪ ﻧﺮﻭﺡ ﻧﺒﻴﻚ ﺗﻔﻬﻤﻴﻨﻲ ﺑﺎﻟﺰﺑﻂ ﺑﺎﻫﻲ ﻭﺍﻧﺘﻲ ﻓﺎﻫﻤﺘﻴﻨﻲ
ﻧﻮﺍﻝ : ﺑﺎﻩ
ﻣﺎﻣﺎ : ﻫﻲ ﺍﻣﺎﻻ ﺑﺮﻭ ﻭﺗﻮ ﺭﻭﺣﻜﻢ
ﻧﻮﺍﻝ : ﻫﻴﺎﺍ ﻫﻲ ﻭﺭﻛﺒﺖ ﺗﺠﺮﻱ
ﻣﺎﻣﺎ : ﺍﺣﺢ ﻭﺧﻼﺹ
ﻭﺗﻴﻨﺎ ﺭﻭﺣﻨﺎ ﻛﻠﻤﺖ ﻭﻟﻴﺪ ﻭﻗﻠﺘﻠﻪ ﻧﺒﻲ ﻧﺠﻴﻜﻢ ﺑﺲ ﻣﺎﻧﻌﺮﻓﺶ ﺍﻟﻌﻨﻮﺍﻥ ﺑﺎﻟﻀﺒﻂ
ﻭﻟﻴﺪ : ﺧﻠﻴﻜﻢ ﻧﺠﻴﻜﻢ ﺍﻧﻲ
ﺍﻧﻲ : ﻛﻴﻒ ﺑﺲ ﻣﺮﺍﺕ ﻣﺎﻣﺎ ﻣﺎﺗﻮﺍﻓﻘﺶ
ﻭﻟﻴﺪ : ﻋﻼﺵ ﻣﺎﺗﻮﺍﻓﻘﺶ ﺍﻧﻲ ﺭﺍﺟﻠﻚ ﺗﻮﺍ ﻧﺺ ﺳﺎﻋﻪ ﻭﻧﻜﻮﻥ ﻋﻨﺪﻛﻢ ﻫﻲ ﺳﻼﻡ
ﺍﻧﻲ : ﻣﺎﺷﻲ ﺳﻼﻡ
ﻗﻠﺖ ﻟﻤﺎﻣﺎ ﻭﻗﺎﻟﺖ ﺍﻭﻛﻲ ﻭﺗﻴﻨﺎ ﺭﻭﺣﻨﺎ ﻭﺍﻧﻲ ﺍﻧﻘﺖ ﺭﻭﺣﻲ ﻭﺣﻄﻴﺖ ﺷﻮﻳﺔ ﻛﺤﻞ ﻭﻣﻠﻤﻊ
ﻧﻮﺍﻝ : ﻧﺴﻴﺒﺔ ﺷﻮﻓﻲ ﺣﻠﻮﺓ ﻫﺎﺩﻱ
ﺍﻧﻲ ﺷﻔﺘﻠﻬﺎ ﻭﺗﻠﻔﺘﺖ ﻟﻠﻤﺮﺍﻳﺔ : ﺣﻠﻮﺓ ﺍﻳﻪ
ﻧﻮﺍﻝ : ﻏﻴﺮ ﺷﻮﻓﻲ ﻣﺎﻓﻴﺎﺵ ﺣﺎﺟﺔ ﻣﺶ ﺣﻠﻮﺓ ﻫﻜﻲ ﻧﻐﻴﺮﻫﺎ
ﺍﻧﻲ : ﻧﻮﺍﻝ ﺧﻴﺮﻙ ﻗﻠﺘﻠﻚ ﺣﻠﻮﺓ
ﻧﻮﺍﻝ : ﻳﺎﺍﺳﺮﻙ ﻣﻦ ﺍﻟﻤﺮﺍﻳﻪ ﺷﻮﻓﻴﻠﻲ ﺷﻮﻳﺔ ﺑﺲ
ﺍﻧﻲ ﺗﻠﻔﺘﻠﻬﺎ : ﻗﻠﺘﻠﻚ ﺣﻠﻮﺓ ﺧﻴﺮﻙ ﻭﺍﻟﻠﻪ ﻃﺎﻟﻌﻪ ﻃﺮﻑ ﺑﺎﺍﻫﻲ ﺧﻼﺹ ﻫﻜﻲ ﺍﺭﺗﺤﺘﻲ
ﻧﻮﺍﻝ : ﺍﻳﻪ ﺗﻮﺍ ﺍﺭﺗﺤﺖ ، ﺣﺘﻰ ﺍﻧﺘﻲ ﺳﻮﺭﻳﺘﻚ ﺣﻠﻮﺓ ﺑﺲ ﺷﻦ ﺩﺍﻳﺮﻩ ﻛﺤﻞ
ﺍﻧﻲ : ﻣﺶ ﺣﻠﻮ
ﻧﻮﺍﻝ : ﻫﻮ ﺣﻠﻮ ﻣﺤﻠﻴﻚ ﺑﺲ ﻣﺶ ﺣﻠﻮﺓ ﺗﻤﺸﻴﻠﻬﻢ ﻭﺍﻧﺘﻲ ﺩﺍﻳﺮﺓ ﻛﺤﻞ ﻭﻣﻠﻤﻊ ﻭﻭﻟﻴﺪ ﺣﻴﺪﻳﺮﻟﻚ ﺩﻋﻜﻪ
ﺍﻧﻲ : ﻫﻮ ﻣﻦ ﻧﺘﺤﻴﻪ ﺑﻴﺪﻳﺮ ﺩﻋﻜﻪ ﺑﻴﺪﻳﺮ ﻟﻜﻦ ﻫﻜﻲ ﻳﺸﻮﻓﻨﻲ ﺻﻔﺮﺍ
ﻧﻮﺍﻝ : ﻋﺎﺩﻱ ﻃﺒﻴﻌﺘﻚ ﺍﺣﻠﻰ ﻭﻫﻮ ﺩﻳﻤﺎ ﻳﺸﻮﻑ ﻓﻴﻚ ﻋﻠﻲ ﻃﺒﻴﻌﺘﻚ ﺍﺻﻼ
ﻣﺴﺤﺖ ﺍﻟﻜﺤﻞ ﺩﺭﺕ ﻛﺮﻳﻢ ﺑﺲ ﻭﻧﺰﻟﺖ ﻭﺷﻮﻳﺔ ﻭﺟﻲ ﻭﻟﻴﺪ ﺩﺭﺱ ﺍﻟﺴﻴﺎﺭﺓ ﻭﻧﺰﻝ ﺧﺶ ﻟﻠﺠﻨﺎﻥ
ﻭﻟﻴﺪ ﻳﺴﻠﻢ ﻋﻠﻲ ﻣﺎﻣﺎ : ﻛﻴﻒ ﺣﺎﻟﻚ ﻳﺎﻋﻤﺘﻲ ﻛﻴﻒ ﺣﺎﻝ ﺍﻟﺼﺤﺔ
ﻣﺎﻣﺎ : ﺍﻟﺤﻤﺪ ﻟﻠﻪ ﺑﺨﻴﺮ ﺍﻧﺖ ﻛﻴﻒ ﺣﺎﻟﻚ ﻭﺍﻟﺤﻤﺪ ﻟﻠﻪ ﻉ ﺳﻼﻣﻪ ﻭﺧﻴﻴﻚ ﻭﺍﻣﻚ
ﻭﻟﻴﺪ : ﺍﻟﻠﻪ ﻳﺴﻠﻤﻚ ﺑﺎﺭﻙ ﺍﻟﻠﻪ ﻓﻴﻚ
ﺍﻧﻲ ﻧﻤﺪ ﻳﺪﻱ ﻧﺴﻠﻢ ﻋﻠﻴﻪ : ﻛﻴﻒ ﺣﺎﻟﻚ ﺍﻟﺤﻤﺪ ﻟﻠﻪ ﻉ ﺳﻼﻣﻪ ﺍﻫﻠﻚ
ﻭﻟﻴﺪ ﻭﻋﻴﻮﻧﻪ ﻗﻠﻮﺏ : ﺗﻤﺎﻡ ﺍﻟﻠﻪ ﻳﺴﻠﻤﻚ ﻭﻗﺮﺏ ﻣﻦ ﻭﺩﻧﻲ ﻭﻫﻤﺲ : ﺷﻦ ﺍﻟﺤﻼﻭﺓ ﻫﺎﺩﻱ
ﺍﻧﻲ : ﻫﻬﻬﻪ
ﻧﻮﺍﻝ : ﻛﻴﻒ ﺣﺎﻟﻚ ﻳﺎﻧﺴﻴﺒﻨﺎ
ﻭﻟﻴﺪ ﻳﺴﻠﻢ ﻋﻠﻴﻬﺎ : ﻫﻬﻬﻪ ﺍﻫﻠﻴﻦ ﻛﻴﻒ ﺍﻟﺤﺎﻝ
ﻭﺭﻛﺒﻨﺎ ﺍﻟﺴﻴﺎﺭﺓ ﻣﺎﻣﺎ ﻗﻌﻤﺰﺕ ﺍﻟﻘﺪﺍﻡ ﻭﺍﻧﻲ ﻭﺭﺍﺀ ﻛﺮﺳﻲ ﻭﻟﻴﺪ ﻭﻧﻮﺍﻝ ﺟﻨﺒﻲ
ﻭﻟﻴﺪ ﻳﺸﻮﻓﻠﻲ ﻣﻦ ﺍﻟﻤﺮﺍﻳﻪ ﻭﻣﺴﻴﺐ ﺍﻟﺴﻮﺍﻗﻪ
ﻣﺎﻣﺎ ﻻﺣﻈﺘﻬﺎ ﻣﺮﻛﺰﺓ ﻋﻠﻴﻬﺎ ﻣﺶ ﻣﻨﺘﺒﻪ ﻭﻧﺤﺲ ﻓﻴﻬﺎ ﺣﺎﻃﺔ ﻳﺪﻫﺎ ﻋﻠﻲ ﻗﻠﺒﻬﺎ ﻫﻬﻬﻪ
ﻭﺻﻠﻨﺎ ﻭﻛﺎﻥ ﺣﻮﺷﻬﻢ ﺯﺣﻤﻪ ﺭﺟﺎﻟﺔ ﺑﺮﺍ ﻭﺷﻜﻠﻪ ﺍﻟﺤﻮﺵ ﻣﻌﺒﻲ ﺳﺒﻘﺘﻨﺎ ﻣﺎﻣﺎ ﺧﺸﺖ ﻟﻠﺤﻮﺵ ﻭﺍﻧﻲ ﻭﻧﻮﺍﻝ ﻓﻲ ﺍﻟﺠﻨﺎﻥ ﻧﻤﺸﻮ ﺟﻬﺔ ﺍﻟﺤﻮﺵ ﺷﻮﻱ ﻭﻃﻠﻊ ﻣﺤﻤﻮﺩ ﻣﻦ ﺍﻟﺤﻮﺵ ﻭﻟﻤﺎ ﺷﺎﻑ ﻧﻮﺍﻝ ﻭﻗﻒ ﻓﻲ ﻣﻜﺎﻧﻪ ﻛﺎﻥ ﺷﺎﺩ ﻋﻜﺎﺯﺍﺗﻪ ﺍﻧﺴﻨﺪ ﻉ ﺍﻟﺤﻴﻂ
ﻧﻮﺍﻝ ﻗﺎﻣﺖ ﺭﺍﺳﻬﺎ ﻭﺟﺖ ﻋﻴﻨﻬﺎ ﻓﻲ ﻋﻴﻨﻪ ﻛﺎﻥ ﻭﺟﻬﻪ ﻣﺨﺒﺶ ﻫﻠﺒﺎ ﻋﻴﻮﻧﻬﺎ ﺗﻌﺒﻮ ﺩﻣﻮﻉ ﻭﻗﺮﺑﺖ ﻣﻨﻪ : ﺍﻟﺤﻤﺪ ﻟﻠﻪ ﻉ ﺳﻼﻣﺘﻚ ﻛﻴﻒ ﺣﺎﻟﻚ ﺍﻟﻴﻮﻡ ﺍﺗﺼﻠﺖ ﺑﻴﻚ ﻣﺎﺭﺩﻳﺘﺶ ﻋﻠﻴﺎ
ﻣﺤﻤﻮﺩ ﻳﻨﺰﻝ ﺭﺍﺳﻪ : ﺍﻟﺤﻤﺪ ﻟﻠﻪ ﺑﺨﻴﺮ ﺧﺸﻮ ﺗﻔﻀﻠﻮ
ﺍﻧﻲ : ﺍﻟﺤﻤﺪ ﻟﻠﻪ ﻉ ﺳﻼﻣﺘﻚ ﻳﺎﻣﺤﻤﻮﺩ ﻛﻴﻒ ﺣﺎﻟﻚ ﺗﻮﺍ
ﻣﺤﻤﻮﺩ : ﺍﻟﻠﻪ ﻳﺴﻠﻤﻚ ﺍﻟﺤﻤﺪ ﻟﻠﻪ
ﻧﻮﺍﻝ ﻗﻌﺪﺕ ﺗﺸﻮﻓﻠﻪ ﻭﻋﻴﻮﻧﻬﺎ ﻣﻌﺒﻴﺎﺕ ﺩﻣﻮﻉ ﻭﻫﻮ ﻳﻨﺰﻝ ﻓﻲ ﺭﺍﺳﻪ ﻭﻳﺘﺤﺎﺷﻰ ﺍﻟﻨﻈﺮ ﻟﻌﻴﻮﻧﻬﺎ
ﺟﺒﺪﺕ ﻧﻮﺍﻝ ﻣﻦ ﻳﺪﻫﺎ ﻭﺧﺸﻴﻨﺎ ﻗﺎﺑﻠﺘﻨﺎ ﻣﻨﻰ : ﺍﻫﻠﻴﻦ ﺑﻤﺮﺕ ﺧﻮﻱ
ﺍﻧﻲ : ﻫﻬﻬﻪ ﺍﻫﻠﻴﻦ ﻛﻴﻒ ﺣﺎﻟﻚ ﺍﻟﺤﻤﺪ ﻟﻠﻪ ﻉ ﺳﻼﻣﻪ ﻋﻤﻴﻤﻪ ﻭﻣﺤﻤﻮﺩ
ﻣﻨﻰ : ﺍﻟﻠﻪ ﻳﺴﻠﻤﻚ
ﺳﻠﻤﻨﺎ ﻭﻗﻌﻤﺰﻧﺎ ﻭﻗﻌﺪﻭ ﻳﻬﺪﺭﺯﻭ ﻭﻧﻮﺍﻝ ﻛﺎﻧﺖ ﺳﺮﺣﺎﻧﻪ ﻓﻲ ﻋﺎﻟﻢ ﺗﺎﻧﻲ
ﺍﻧﻲ : ﻧﻮﺍﻝ ﺧﻴﺮﻙ
ﻧﻮﺍﻝ : ﻫﺎ ﺷﻲ
ﻓﺘﺤﻴﺔ : ﻫﺎﺩﻱ ﻛﻨﺘﻲ ﻋﻔﺎﻑ ﺧﻄﻴﺒﺔ ﻭﻟﺪﻱ ﺍﻟﻜﺒﻴﺮ ﻭﻫﻲ ﺗﺄﺷﺮ ﻋﻠﻲ ﺑﻨﻴﻪ ﺗﺴﻠﻢ ﻋﻠﻲ ﻣﺎﻣﺎ
ﻋﻔﺎﻑ ﺗﺴﻠﻢ ﻋﻠﻴﺎ : ﻫﺬﺍ ﺳﻠﻔﺘﻲ ﻭﺍﻻ
ﺍﻧﻲ : ﻫﻬﻬﻬﻪ ﺍﻳﻪ ﻛﻴﻒ ﺣﺎﻟﻚ
ﻋﻔﺎﻑ : ﺍﻟﺤﻤﺪ ﻟﻠﻪ ﺗﻤﺎﻡ ﻣﺎﺣﺼﻠﺶ ﺍﻟﺸﺮﻑ ﻭﺗﻌﺮﻓﻨﺎ ﻗﺒﻞ
ﺍﻧﻲ : ﺍﻳﻪ ﻭﺍﻟﻠﻪ
ﻣﺎﻣﺎ : ﻣﺎﺷﺎﺀ ﺍﻟﻠﻪ ﻳﻌﻨﻲ ﻣﺰﺍﻟﻚ ﻭﻟﺪ ﻭﺍﺣﺪ ﺑﺲ ﻣﺶ ﺧﺎﻃﺒﺘﻴﻠﻪ
ﻓﺘﺤﻴﺔ : ﺍﻳﻪ ﺍﻥ ﺷﺎﺀ ﺍﻟﻠﻪ ﺣﺘﻰ ﻫﻮ ﻧﻔﻜﺮ ﻧﺨﻄﺒﻠﻪ ﺗﻮﺍ ﻭﻳﺪﻳﺮﻭ ﺍﻟﻌﺮﺱ ﻣﻊ ﺑﻌﻀﻬﻢ
ﻧﻮﺍﻝ ﻗﺎﻣﺖ ﺭﺍﺳﻬﺎ ﻭﻗﻌﺪﺕ ﺗﺸﻮﻑ ﻟﻌﻤﺘﻲ ﺑﺼﺪﻣﻪ ﻭﺧﻮﻑ
ﻣﺎﻣﺎ : ﺍﻥ ﺷﺎﺀ ﺍﻟﻠﻪ ﺗﺤﺼﻠﻴﻠﻪ ﺑﻨﺖ ﺍﻟﺤﻼﻝ
ﻓﺘﺤﻴﺔ : ﻣﻮﺟﻮﺩﺓ ﺍﻥ ﺷﺎﺀ ﺍﻟﻠﻪ ﻏﻴﺮ ﻳﻮﺍﻓﻖ ﺑﺴﺲ
ﻧﻮﺍﻝ ﺧﻨﻘﺘﻬﺎ ﺍﻟﻌﺒﺮﺓ
ﻗﻌﺪﻧﺎ ﻟﺤﺪ ﺍﻟﻨﻐﺮﺏ ﻭﻛﻠﻤﺖ ﻭﻟﻴﺪ ﻗﻠﺘﻠﻪ ﻟﻮ ﺗﻘﺪﺭ ﺭﻭﺡ ﺑﻴﻨﺎ ﻻﻧﻲ ﺣﺴﻴﺖ ﻧﻮﺍﻝ ﻓﻲ ﺍﻱ ﻭﻗﺖ ﺣﺘﻨﻬﺎﺭ ﺑﻜﻲ ﻭﺧﺎﺻﻪ ﻋﻤﺘﻲ ﺗﻌﺎﻭﺩ ﻭﺗﻜﺮﺭ ﻓﻲ ﻣﻮﺿﻮﻉ ﻣﺤﻤﻮﺩ ﻭﻗﺎﻟﺖ ﺍﻧﻪ ﺗﺒﻴﻠﻪ ﺑﻨﺖ ﻋﻤﻪ
ﺭﻭﺣﻨﺎ ﻟﻠﺤﻮﺵ ﻭﻧﻮﺍﻝ ﻋﻠﻲ ﻃﻮﻝ ﺭﻛﺒﺖ ﻟﺪﺍﺭﻫﺎ ﺳﻜﺮﺗﻬﺎ ﻋﻠﻴﻬﺎ ﻭﻗﻌﺪﺕ ﺗﺒﻜﻲ
ﺑﻌﺪ ﺍﺳﺒﻮﻉ ﺟﺘﻨﺎ ﻋﻤﺘﻲ ﺗﺎﻧﻲ ﻭﺣﺪﺩﺕ ﻣﻮﻋﺪ ﺍﻟﻌﺮﺱ ﻭﻛﺎﻥ ﺑﺘﺎﺭﻳﺦ 11/6 ﺍﻟﺘﺎﺭﻳﺦ ﺍﻟﻲ ﺍﻭﻝ ﻣﺮﺓ ﺷﻔﺖ ﻓﻴﻬﺎ ﻭﻟﻴﺪ ﻓﻲ ﺍﻟﺒﺤﺮ
ﺑﺪﻳﺖ ﻧﻄﻠﻊ ﻭﻧﻮﺗﻲ ﻓﻲ ﺭﻭﺣﻲ
ﻭﺑﻌﺪ ﺍﺳﺒﻮﻉ ﺑﻴﺎﻥ ﻫﺎﺟﺮ ﻧﻄﻠﻊ ﻣﻌﺎﻫﺎ ﻭﻧﺸﺮﻭ ﻣﻊ ﺑﻌﺾ ﻭﺍﻣﺸﻮ ﺍﻻﻳﺎﻡ ﻋﺎﺩﻱ ﻣﺎﻓﻴﺶ ﺷﻲ ﺟﺪﻳﺪ
ﻣﺤﻤﻮﺩ ﻣﻦ ﻳﻮﻡ ﺩﺍﺭ ﺍﻟﺤﺎﺩﺙ ﻣﺎﺍﺗﺼﻠﺶ ﺑﻨﻮﺍﻝ ﻭﻫﻲ ﻣﺎﺑﺘﺶ ﺗﺘﺼﻞ ﺗﺤﺎﻭﻝ ﺗﺒﺎﻋﺪ ﻣﻦ ﻋﻠﻴﻪ
،،،،،
ﺟﻲ ﻳﻮﻡ ﺑﻴﺎﻥ ﻫﺎﺟﺮ ﺑﺎﻳﺘﻪ ﻋﻨﺪﻫﺎ ﺍﻧﻲ ﻣﻦ ﺍﻟﻴﻮﻡ ﺍﻟﻲ ﻗﺒﻠﻪ ﺑﻌﺪ ﺍﺫﻥ ﺭﺍﺟﻠﻲ ﻃﺒﻌﺎ ﻫﻬﻬﻪ ﻧﻮﺗﻲ ﻓﻲ ﺭﻭﺣﻲ ﻗﺎﻋﺪﻩ ﺑﻨﻤﺸﻲ ﻣﻌﺎﻫﺎ ﻟﻠﻤﺰﻳﻦ ﻭﺍﻟﻔﺎﺗﺤﺔ ﺩﺍﻳﺮﻫﺎﻟﻬﺎ ﺍﻳﻤﻦ ﻣﻔﺎﺟﺌﺔ ﻣﺎﻗﺎﻟﻠﻬﺎﺵ
ﻫﺎﺟﺮ : ﺗﻌﺮﻓﻲ ﺗﻤﻨﻴﺖ ﻫﻮ ﺍﻟﻲ ﻳﺨﺶ ﻳﻠﺒﺴﻠﻲ ﺍﻟﺪﺑﻠﺔ ﻣﺎﻧﻌﺮﻓﺶ ﻫﻮ ﺍﻟﻲ ﻛﺎﻥ ﻳﺒﻲ ﻳﻘﺮﺍ ﺍﻟﻔﺎﺗﺤﺔ ﻭﻳﺨﺶ ﻓﺠﺄﺓ ﻏﻴﺮ ﺭﺍﻳﻪ
ﺍﻧﻲ ﻣﺎﺳﻜﺔ ﺿﺤﻜﺘﻲ : ﻣﻌﻠﻴﺸﻲ ﺍﻛﻴﺪ ﻋﻨﺪﻩ ﺳﺒﺐ ﺗﻮ ﻳﺨﺶ ﻳﻮﻡ ﺍﻟﻌﺮﺱ ﻭﺩﻳﺮﻱ ﻛﻞ ﺍﻟﻲ ﻓﻲ ﺧﺎﻃﺮﻙ
ﻫﺎﺟﺮ : ﺍﻭﻭﻑ ﺑﺎﻫﻲ ﻫﻴﺎ ﻧﻤﺸﻮ ﺍﻧﺘﻲ ﺑﺘﺴﻮﻗﻲ ﻭﺍﻻ
ﺍﻧﻲ : ﺍﻳﻪ ﻫﻴﺎ
ﻭﻃﻠﻌﻨﺎ ﺍﻣﺸﻴﻨﺎ ﻟﻠﻤﺰﻳﻦ
ﺍﻧﻲ ﻟﺒﺴﺖ ﻗﻔﻄﺎﻥ ﺍﺳﻮﺩ ﻗﺼﻴﺮ ﻭﻫﺎﺟﺮ ﻟﺒﺴﺖ ﻗﻔﻄﺎﻥ ﻛﺮﻳﻤﻪ ﻭﻣﻦ ﻓﻮﻕ ﻓﺼﻮﺹ ﺫﻫﺒﻲ ﻭﻃﻠﻌﺖ ﺗﻬﺒﻞ ﺯﻱ ﺍﻻﻣﻴﺮﺓ ﻓﻲ ﺍﻟﻔﺴﺘﺎﻥ ﻗﻌﺪﻧﺎ ﻟﺒﻌﺪ ﺍﻟﻌﺼﺮ ﻓﻲ ﺍﻟﻤﺰﻳﻦ
ﻭﻃﺒﻌﺎ ﻓﻲ ﺍﻟﻌﺼﺮ ﻛﺎﻧﻮ ﺩﺍﻳﺮﻳﻦ ﻓﻀﺎﻧﻴﻪ ﻭﺍﻳﻤﻦ ﺟﺎﺏ ﺷﻴﺦ ﻭﻃﻠﺐ ﻳﻘﺮﺍ ﺍﻟﻔﺎﺗﺤﺔ ﻭﺑﻮﻫﺎ ﻭﺧﻮﻫﺎ ﻣﺎﻋﺎﺭﺿﻮﺵ ﻭﻗﺎﻟﻮ ﻋﺎﺩﻱ ﻭﺍﻧﻘﺮﺕ ﺍﻟﻔﺎﺗﺤﺔ ﻭﻫﺎﺟﺮ ﻗﺎﻋﺪﻩ ﻣﺎﺗﻨﺪﺭﻳﺶ
ﺭﻭﺣﻨﺎ ﻟﺤﻮﺵ ﻫﺎﺟﺮ ﻭﺍﻧﻘﻠﺐ ﺍﻟﺤﻮﺵ ﺯﻏﺎﺭﻳﺖ ﻭﻗﻌﺪﻭ ﻳﺴﻠﻤﻮ ﻋﻠﻴﻬﺎ ﻭﺍﻧﻲ ﻗﺒﻠﻬﺎ ﻛﻠﻤﺖ ﺭﻳﻢ ﺍﺧﺘﻬﺎ ﺍﻧﻪ ﺗﻮﺻﻴﻬﻢ ﻣﺎﻳﻘﻮﻟﻮﻟﻬﺎﺵ
ﻭﺍﻣﺸﻲ ﺍﻟﻮﻗﺖ ﻭﺑﻌﺪﻫﺎ ﺟﺖ ﻋﻤﺘﻲ ﻭﻋﻠﻴﺎ ﻭﺳﻤﻴﻪ ﻭﺍﻳﻪ ﻭﺍﺧﻮﺍﺗﻲ ﻭﻣﺎﻣﺎ ﻭﺣﻨﻴﻨﻪ ﻭﻋﻤﺎﺕ ﺍﻳﻤﻦ ﻭﺩﺍﺭﻭ ﺟﻮ ﺑﻌﺪﻫﺎ ﻃﻠﻌﺘﻠﻬﻢ ﻫﺎﺟﺮ ﻭﻛﻠﻬﻢ ﻓﺎﺗﺤﻴﻦ ﻓﻤﻬﻢ ﺍﻧﻬﺎ ﻃﺎﻟﻌﻪ ﺗﻬﺒﻞ
ﻧﻮﺍﻝ : ﻭﺍﻟﻠﻪ ﺻﺎﺭ ﻣﻨﻚ ﻃﺎﻟﻌﻪ ﻃﺮﻑ
ﻫﺎﺟﺮ : ﻫﻬﻬﻪ ﺍﺻﻼ ﺍﻧﻲ ﻣﻦ ﻗﺒﻞ ﻃﺮﻑ
ﻧﻮﺍﻝ : ﺧﻔﻲ ﻋﻠﻴﻨﺎ
ﻭﺑﻌﺪﻫﺎ ﺟﻲ ﺍﻟﻮﻗﺖ ﺍﻟﻲ ﺑﺘﻠﺒﺲ ﻓﻴﻪ ﺍﻟﺪﺑﻠﺔ ﻛﻠﻤﻨﻲ ﺍﻳﻤﻦ ﻭﻗﺎﻝ ﺑﻴﺨﺶ ﺗﻮﺍ ﻗﻠﺘﻠﻬﺎ ﺗﻮﻗﻒ ﻋﻠﻲ ﺍﺳﺎﺱ ﻋﻤﺘﻲ ﺑﺘﻠﺒﺴﻬﺎ ﺑﺲ ﻋﻤﺘﻲ ﻗﻌﺪﺕ ﻣﻘﻌﻤﺰﺓ ﻭﻫﻲ ﺍﺳﺘﻐﺮﺑﺖ ﻭﺷﻮﻳﺔ ﻭﻳﺨﺶ ﺍﻳﻤﻦ ﻛﺎﻥ ﻃﺎﻟﻊ ﻃﺮﻑ
ﺍﻧﻲ : ﺭﻭﺭﻭﺭﻭﺭﻭﺭﻭﺭﻱ
ﻫﺎﺟﺮ ﺣﻄﺖ ﻳﺪﻫﺎ ﻋﻠﻲ ﻓﻤﻬﺎ ﻭﺍﻧﺼﺪﻣﺖ ﻭﻧﻔﺲ ﺍﻟﻮﻗﺖ ﻓﺮﺣﺎﻧﻪ
ﺍﻳﻤﻦ ﻳﻮﻗﻒ ﻗﺪﺍﻡ ﻫﺎﺟﺮ ﻭﻳﺴﻠﻢ ﻋﻠﻴﻬﺎ ﺑﺎﻟﺨﺪ ﻭﺑﻌﺪﻳﻦ ﻫﻤﺲ ﻓﻲ ﻭﺩﻧﻬﺎ : ﻣﺒﺮﻭﻙ ﻳﺎﻣﺮﺍﺗﻲ
ﻫﺎﺟﺮ ﻣﺼﺪﻭﻣﻪ ﻭﻗﻌﺪﺕ ﺗﺸﻮﻑ ﻟﻌﻴﻮﻧﻪ ﻭﻋﻴﻮﻧﻬﺎ ﻣﻠﻴﺎﻧﺎﺕ ﺩﻣﻮﻉ ﻭﻓﺮﺣﺎﻧﻪ
ﺍﻧﻲ : ﺍﺣﻢ ﺍﺣﻢ ﻫﻲ ﻟﺒﺴﻮ ﺍﻟﺪﺑﻠﺔ
ﺍﻳﻤﻦ ﻳﺎﺍﺧﺪ ﺍﻟﺨﺎﺗﻢ ﻭﻳﻘﻴﻢ ﻳﺪ ﻫﺎﺟﺮ ﻭﻳﻠﺒﺴﻬﺎ ﺍﻟﺨﺎﺗﻢ ﻭﺑﺎﺱ ﻳﺪﻫﺎ
ﺍﻧﻲ : ﺭﻭﺭﻭﺭﻭﺭﻭﺭﻭﺭﻱ
ﺍﻳﻤﻦ ﺑﺼﻮﻭﺕ ﻭﺍﻃﻲ ﻭﻏﺎﻳﺾ : ﻭﻭﺩﻧﻲ
ﺍﻧﻲ : ﻫﻬﻬﻬﻪ ﻋﺎﺩﻱ ﺍﻧﺖ ﻋﺮﻳﺲ ﺗﺤﻤﻞ
ﻫﺎﺟﺮ : ﻫﻬﻬﻬﻪ ﻻﻣﺎﻧﺒﻴﺶ ﻋﺮﻳﺲ ﺍﻃﺮﺵ
ﺍﻳﻤﻦ : ﻣﻌﺎﺵ ﻓﻴﻬﺎ ﺗﻮﺍ ﻻﺍﻃﺮﺵ ﻻﺍﺣﻮﻝ ﻻﺍﻋﻮﺭ ﺍﻟﻔﺎﺗﺤﺔ ﻭﺍﻧﻘﺮﺕ
ﻫﺎﺟﺮ ﺑﻜﻞ ﺣﺐ : ﻧﺤﺒﺒﻚ ﺍﺣﻠﻰ ﻣﻔﺎﺟﺌﺔ
ﺍﻧﻲ ﺑﺼﻮﺕ ﻭﺍﻃﻲ : ﺗﻲ ﻫﻴﺎﺍ ﻟﺒﺴﻴﻪ ﺍﻟﺪﺑﻠﺔ
ﻫﺎﺟﺮ ﺍﺧﺪﺕ ﺍﻟﺪﺑﻠﺔ ﻭﻟﺒﺴﺘﻬﺎﻟﻪ
ﺍﻟﻨﺴﺎﻭﻳﻦ : ﺭﻭﺭﻭﺭﻭﺭﻱ
ﻭﺑﻌﺪﻫﺎ ﻗﺼﻮ ﺍﻟﺘﻮﺭﺗﻪ ﻭﺑﻌﺪﻫﺎ ﻃﻠﻊ ﺍﻳﻤﻦ ﻭﺭﺣﺖ ﺍﻧﻲ ﻣﻌﺎﻫﻢ
ﺍﻣﺎ ﻫﺎﺟﺮ ﻓﻜﺎﻧﺖ ﻃﺎﻳﺮﺓ ﻭﺗﻨﻘﺰ ﻭﺗﺮﻗﺺ ﻓﻲ ﻛﻞ ﺍﻟﺤﻮﺵ ﻭﻓﺮﺣﺎﻧﻪ
،،،،
ﻣﺰﺍﻝ ﺷﻬﺮ ﻉ ﺍﻟﻌﺮﺱ ﻣﺮﻭ ﺍﻻﺭﺑﻌﻪ ﺷﻬﻮﺭ ﻛﻠﻪ ﺟﺮﻱ ﻭﺗﻮﺗﻲ ﺍﻟﻴﻮﻡ ﺍﺧﺮ ﻳﻮﻡ ﻓﻲ ﺍﻣﺘﺤﺎﻧﺎﺗﻲ ﺗﺒﻬﺪﻟﺖ ﺑﻴﻦ ﺍﻟﻘﺮﺍﻳﻪ ﻭﺍﻟﺸﺮﻱ ﻭﺣﺘﻰ ﻫﺎﺟﺮ ﻋﺮﺳﻬﺎ ﺑﻌﺪﻱ ﺑﺸﻬﺮﻳﻦ ﺍﻣﺎ ﺳﺎﺭﻩ ﻋﺮﺳﻬﺎ ﺍﻟﺴﻨﻪ ﺍﻟﺠﺎﻳﻪ
ﻧﻮﺭﺱ ﺑﺪﺕ ﺗﻘﺮﺍ ﻓﻲ ﺍﻟﺠﺎﻣﻌﻪ ﻭﺗﻜﻠﻢ ﻓﻲ ﻋﺪﻧﺎﻥ ﻗﺎﻋﺪﻩ
ﻧﻮﺍﻝ ﻣﺤﻤﻮﺩ ﻳﺘﺼﻞ ﻣﺮﺓ ﺑﻌﺪ ﻭﻳﻦ ﻳﺴﺎﻝ ﻋﻠﻴﻬﺎ ﻭﻳﺴﻜﺮ ﺑﺴﺮﻋﻪ ﻭﻗﺎﻋﺪﻩ ﺗﺸﻮﻑ ﻓﻴﻪ ﻛﻞ ﻳﻮﻡ ﻟﻤﺎ ﺗﻤﺸﻲ ﻟﻠﻤﺪﺭﺳﺔ ﻭﻟﻤﺎ ﺗﺮﻭﺡ ﻭﺍﻣﺘﺤﺎﻧﺎﺗﻬﻢ ﺗﺒﺪﺍ ﺍﻻﺳﺒﻮﻉ ﺍﻟﺠﺎﻱ
ﺍﻧﻲ ﺧﺎﺷﻪ ﻟﻠﺤﻮﺵ : ﺍﻟﺴﻼﻡ ﻋﻠﻴﻜﻢ ﻭﻟﻮﺣﺖ ﺭﻭﺣﻲ ﻉ ﺍﻟﻜﺮﺳﻲ
ﻣﺎﻣﺎ : ﻭﻋﻠﻴﻜﻢ ﺍﻟﺴﻼﻡ ﺷﻨﻮ ﺟﺎﻭﺑﺘﻲ
ﺍﻧﻲ : ﺟﺎﻭﺑﺖ ﺍﻳﻪ ﻭﺍﻙ ﻭﺍﺧﻴﺮﺍ
ﻣﺎﻣﺎ : ﻫﻴﺎ ﺑﺎﻫﻲ ﺗﻐﺪﻱ ﻭﺑﻴﺶ ﻧﻤﺸﻮ ﻧﺤﺠﺰﻭ ﻓﻲ ﺍﻟﻌﺸﻲ ﻳﻮﻡ ﺍﻟﺤﻔﻠﻪ
ﺍﻧﻲ : ﻭﺍﺍﻙ ﻳﺎﻣﺎﻣﺎ ﺗﻌﺒﺖ ﺑﺮﻭﺣﻲ ﻧﺴﻮﻕ ﻭﻧﺮﻓﻊ ﻭﻧﺠﻴﺐ ﻣﻌﺎﺵ ﻗﺎﺩﺭﺓ ﻧﻔﺮﻕ ﺭﻭﺣﻲ
ﻣﺎﻣﺎ : ﺷﻦ ﻧﺪﻳﺮﻭ ﺑﺎﻫﻲ ﻳﺎﺑﻨﺘﻲ ﻫﻲ ﺍﻫﻮ ﺍﻳﻤﻦ ﻣﺶ ﻣﻘﺼﺮ ﻣﻌﺎﻙ ﻟﻜﻦ ﻗﺪﺍﺵ ﻣﻨﻪ ﻭﻭﻟﻴﺪ ﻣﺶ ﻣﺨﻠﻴﻚ ﻣﺤﺘﺎﺟﺔ ﻟﻜﻦ ﺍﻟﺤﺎﺟﺎﺕ ﻫﺎﺩﻱ ﺍﻧﺘﻲ ﺗﺒﻴﻬﺎ
ﺍﻧﻲ : ﺣﻘﺎ ﻧﺴﻴﺖ ﺑﻨﻘﻮﻟﻚ ﻏﺪﻭﺓ ﻭﻟﻴﺪ ﻳﺒﻲ ﻳﺨﻄﻢ ﻋﻠﻴﺎ ﺑﻨﻤﺸﻮ ﻧﺨﺘﺎﺭﻭ ﺩﺍﺭ ﺍﻟﻨﻮﻡ
ﻣﺎﻣﺎ : ﻣﻦ ﻣﻌﺎﻩ
ﺍﻧﻲ : ﻫﻮ ﻣﻌﺎﻩ ﺭﺣﻤﻪ ﺑﺲ ﻳﺎﻣﺎﻣﺎ ﺭﺍﺟﻠﻲ ﻫﻮ ﺭﺍﻫﻮ
ﻣﺎﻣﺎ : ﻭﻛﺎﻥ ﻫﺬﺍ ﻫﺎﺩﻱ ﺍﻟﻌﺎﺩﺍﺕ
ﺍﻧﻲ ﻭﻗﻔﺖ ﻭﻧﺤﺲ ﺍﻟﺪﻧﻴﺎ ﺗﻠﻒ ﺑﻴﺎ ﺭﺟﻌﺖ ﻗﻌﻤﺰﺕ ﻋﻠﻲ ﻃﻮﻝ ﻭﺣﻄﻴﺖ ﻳﺪﻱ ﻋﻠﻲ ﺭﺍﺳﻲ
ﻣﺎﻣﺎ : ﺧﻴﺮﺭﻙ
ﺍﻧﻲ : ﻣﺎﻧﻌﺮﻓﺶ ﺩﺧﺖ
ﺍﻣﺸﻲ ﺍﻟﻴﻮﻡ ﻋﺎﺩﻱ ﻭﻃﻠﻌﺖ ﺍﺣﺠﺰﻧﺎ ﻓﻲ ﺍﻟﻌﺸﻴﻪ ﻓﻲ ﺍﻟﻌﺸﻲ ﻭﺑﻌﺪﻫﺎ ﺳﻬﺮﺕ ﻓﻲ ﺍﻟﻠﻴﻞ ﻣﻊ ﻭﻟﻴﺪ
ﺗﺎﻧﻲ ﻳﻮﻡ ﺍﻟﺴﺎﻋﻪ ﺧﻤﺴﻪ ﺧﻄﻢ ﻋﻠﻴﺎ ﻭﻟﻴﺪ ﻭﻣﻌﺎﻩ ﺭﺣﻤﺔ ﻭﻛﺎﻥ ﺗﺪﻳﺮ ﻓﻲ ﺣﺮﻛﺎﺕ ﻏﺮﻳﺒﻪ ﻛﺎﺍﻧﻪ ﻣﺶ ﻋﺎﺟﺒﻬﺎ ﺑﺲ ﻣﺎﺩﻭﺭﺗﺶ ﺍﺧﺘﺮﻧﺎ ﺩﺍﺭ ﻧﻮﻡ ﺣﻠﻮﺓ ﻟﻮﻧﻬﺎ ﺍﺳﻮﺩ ﻭﺣﺠﺰﻫﺎ ﻭﻟﻴﺪ
،،،،،
ﻓﺎﺗﻮ ﺗﻼﺗﻪ ﺍﺳﺎﺑﻴﻊ ﻭﺑﻌﺪ ﺍﺳﺒﻮﻉ ﺍﻟﻌﺮﺱ
ﻭﻭﻭﻭﻭ .....
# ﻳﺘﺒﻊ
