منقولة
الحلقةة[41]
من ﺭﻭﺍﻳﺔ - - ->" #ﺳﻨــﺪ_ﺍﻷﻧﺜــﻰ_ﺭﺟــﻞ "
ﻣﺤﻤﻮﺩ ﺧﺒﻂ ﺭﺟﻠﻪ ﺑﻘﻮﺓ ﻓﻲ ﺍﻟﺤﻴﻂ : ﺗﻲ ﻛﻴﻴﻒ ﻭﻟﺪ ﺍﻝ #### ﻳﻄﻠﻌﻮﻭﻩ #####
ﻭﻟﻴﺪ ﺑﻌﺼﺒﻴﻪ : ﺗﻲ ﺿﻢ ﻓﻤﻚ ﻭﺷﻮﻭﻑ ﺍﻟﻔﺎﻇﻚ ﺍﻟﺰﻓﺖ ﻧﺴﺎﻭﻳﻦ ﺍﻫﻨﻲ
ﺍﺣﻨﻲ ﻗﺎﻋﺪﻳﻦ ﻓﻲ ﺣﺎﻟﺔ ﺻﺪﻣﻪ
ﻭﺻﺪﻣﻪ ﻋﺒﻴﺮ ﺍﻛﺒﺮ ﻫﻲ ﺣﺴﺐ ﻣﺎﺍﺳﺘﻨﺘﺠﺖ ﺍﻧﻪ ﻳﻌﺮﻓﻮﻩ
ﻣﺤﻤﻮﺩ : ﺗﻲ ﺍﻧﻲ ﺍﻟﻜﻠﺐ ﻫﺪﺍﻛﺎ ﻗﻠﺘﻠﻪ ﻣﺎﺗﻄﻠﻌﺎﺷﻲ ﻋﻼﺍﺍﺵ ﻳﻄﻠﻠﻌﻪ
ﻭﻟﻴﺪ ﺳﺤﺒﻪ ﻣﻦ ﻳﺪﻳﺎ ﻭﺑﻌﺼﺒﻴﻪ : ﺍﻃﻠﻊ ﻭﺭﺍﺱ ﺍﻣﻚ ﺑﺮﺍﺍﺍﺍ ﻧﺘﻜﻠﻤﻮ ﻭﺍﻧﺖ ﻟﺴﺎﻧﻚ ﻣﺎﺗﻌﺮﻑ ﺗﺸﺪﻩ
ﻃﻠﻊ ﻭﻟﻴﺪ ﻭﻣﺤﻤﻮﺩ ﻭﻋﺒﺪ ﺍﻟﻘﺎﺩﺭ
ﻭﺧﻠﻮﻧﺎ ﺍﺣﻨﻲ ﻧﺸﻮﻓﻮ ﻟﺒﻌﺾ ﻭﻣﺼﺪﻭﻣﻴﻦ ﺷﻦ ﺍﻟﻲ ﺻﺎﺍﻳﺮ ﻭﻣﻦ ﻭﻳﻦ ﻳﻌﺮﻓﻮ
ﺍﻣﺎ ﻋﺒﻴﺮ ﻓﻘﻌﺪﺕ ﺗﺒﻜﻲ
ﻋﻤﺘﻲ ﻗﻌﺪﺕ ﺗﻬﺪﻱ ﻓﻴﻬﺎﺍ
ﻗﺎﻣﺖ ﻧﻮﺍﻝ ﻭﺭﺣﻤﺔ ﺻﻔﺮﺓ ﺍﻟﻔﻄﻮﺭ ﻭﺧﺸﻮ ﻟﻠﻤﻄﺒﺦ ﻗﻌﺪﺕ ﺭﺣﻤﺔ ﺗﻀﻢ ﻭﻧﻮﺍﻝ ﺗﺴﺎﻋﺪ ﻓﻴﻬﺎ
،،،،،،،،،
ﺗﻌﺎﻟﻮ ﻧﺮﺟﻌﻮ ﻗﺒﻞ ﻳﻮﻡ ﻣﻦ ﺣﺮﻕ ﺍﻟﺤﻮﺵ
ﻋﺒﻴﺮ ﺑﺎﺏ ﺷﻘﺘﻬﺎ ﻃﻘﻄﻖ ، ﻗﺮﺑﺖ ﻣﻦ ﺍﻟﺒﺎﺏ : ﻣﻨﻮﻭﻭ ؟
ﻫﻮ ﺑﺼﻮﺗﻪ ﺍﻟﻐﻠﻴﺾ ﺍﻟﻲ ﻳﻬﺰ ﺍﻟﺒﺪﻥ : ﺍﻓﺘﺤﻴﻲ
ﻋﺒﻴﺮ ﻋﺮﻓﺎﺗﻪ ﻣﻦ ﺻﻮﺗﻪ ، ﺍﻟﺼﻮﺕ ﻫﺪﺍ ﺗﻌﺮﻓﻪ ﻛﻮﻳﺲ ﻭﺗﻌﺮﻑ ﺻﺎﺣﺒﻪ ﺍﻛﺜﺮ ﻣﻦ ﻧﻔﺴﻬﺎﺍ ، ﺣﻄﺖ ﻳﺪﻫﺎ ﻋﻠﻲ ﻓﻤﻬﺎ ﻭﻫﻲ ﺗﺮﻋﺶ ﻣﻊ ﺑﻌﻀﻬﺎﺍ
ﺧﺎﻟﺪ : ﺍﻓﺘﺤﻲ ﻗﻠﺖ ﺍﻓﻀﻞ ﻣﺎﻧﻜﺴﺮ ﺍﻟﺒﺎﺏ
ﻋﺒﻴﺮ ﻓﺘﺤﺖ ﺍﻟﺒﺎﺏ ﻻﺍﺭﺍﺩﻳﺎ ﻭﻫﻲ ﺗﺮﻋﺶ ، ﻭﺧﺮﺕ
ﺧﺎﻟﺪ ﺧﺶ ﻭﺳﻜﺮ ﺍﻟﺒﺎﺏ ﻭﺭﺍﻩ ، ﻭﺷﺎﻓﻠﻬﺎ ﺑﺸﺒﺤﺔ ﺣﻘﻴﺮﺓ ﻫﻠﺒﺎ ، ﺧﻠﺖ ﺟﺴﻤﻬﺎ ﻳﻬﺘﺰ ﻣﻦ ﺍﻟﺨﻮﻑ
ﺧﺎﻟﺪ : ﻭﻳﻦ ﻣﻮﻟﻴﻪ ﻣﻐﺮﻳﻪ ﻭﺣﻠﻮﺓ ، ﻭﻏﻤﺰ
ﻋﺒﻴﺮ ﻭﺧﺮﺕ ﺍﻛﺜﺮ ﻭﻫﻲ ﺗﺮﻋﺶ
ﺧﺎﻟﺪ ﻳﻘﺪﻡ ﻭﻳﺸﻮﻓﻠﻬﺎ
ﻋﺒﻴﺮ ﺗﻠﻔﺘﺖ ﻗﺎﻣﺖ ﻣﺰﻫﺮﻳﻪ ﺑﺤﺮﻛﺔ ﺳﺮﻳﻌﻪ ﻭﺷﺪﺗﻬﺎ ﻭﻫﻲ ﺗﺮﻋﺶ : ﻭﺧﺮﺭﺭ ﻳﺎﺍﺧﺎﻟﺪ ﻭﺍﻻ ﻧﻜﺴﺮﻫﺎ ﻋﻠﻲ ﺭﺍﺳﻚ
ﺧﺎﻝ ﻳﺒﺘﺴﻢ ﺑﺨﺒﺚ : ﺧﻼﺹ ﻋﻼﺵ ﺗﻌﺼﺒﻲ ﻳﺎﺣﻠﻮﺓ ﺍﻧﻲ ﺟﺎﻱ ﺑﻨﺘﻜﻠﻢ ﻣﻌﺎﻙ ﺑﺲ ﻭﺑﻌﺪﻳﻦ ﻣﺴﺘﺎﺣﺸﻚ ﺑﺎﻋﺪﻭﻧﻲ ﻋﻠﻴﻚ ﻫﻠﺒﺎ
ﻋﺒﻴﺮ ﺯﺍﺩﺕ ﻗﺎﻣﺖ ﺍﻟﻤﺰﻫﺮﻳﻪ ﻭﺷﺪﺗﻬﺎ ﺑﻘﻮﺓ : ﺧﺎﻟﺪ ﺑﻌﺪ ﻣﺎﻓﻲ ﺷﻲ ﺑﻴﻴﻨﻨﺎ ﻧﺤﻜﻴﻪ ﺧﻼﺹ ﺍﻃﻠﻊ ﺍﻟﻠﻪ ﻳﺮﺑﺤﻚ
ﺧﺎﻟﺪ ﻳﻘﻴﻢ ﺭﺍﺳﻪ ﻭﻳﺘﻔﺤﺺ ﺍﻟﺸﻘﻪ : ﺷﻘﻪ ﺣﻠﻮﺓ ﻭﺍﻟﻠﻪ ﻣﺎﺍﺷﺎﺀ ﺍﻟﻠﻪ ، ﺑﻌﺪﻳﻦ ﺷﺎﻓﻠﻬﺎ : ﺳﻤﻌﺖ ﺣﺼﻠﺘﻲ ﻭﺭﺛﻪ ﻣﻦ ﺑﻮﻙ
ﻋﺒﻴﺮ ﺳﺎﻛﺘﻪ ﻭﺧﺎﻳﻔﻪ
ﺧﺎﻟﺪ : ﺑﻜﻢ ﺧﺪﻳﺘﻴﻬﺎ ﺍﻟﺸﻘﻪ
ﻋﺒﻴﻴﺮ ﺗﺮﻋﺶ : ﺍﻧﺖ ﺷﻦ ﺩﺧﻠﻚ
ﺧﺎﻟﺪ ﺑﻨﻈﺮﺓ ﺣﺎﺩﺓ : ﻗﻠﺖ ﺑﻜﻢ ﺧﺪﻳﺘﻴﻬﺎ
ﻋﺒﻴﺮ ﺑﺨﻮﻑ : 50 ﺍﻟﻒ
ﺧﺎﻟﺪ ﺍﺑﺘﺴﻢ ﺑﺨﺒﺚ : ﻏﺪﻭﺓ ﺗﻤﺸﻲ ﺗﺪﻭﺭﻱ ﻣﻜﺘﺐ ﻋﻘﺎﺭﺍﺕ ﻭﺍﻋﺮﺿﻴﻬﺎ ﻟﻠﺒﻴﻊ
ﻋﺒﻴﺮ : ﻭﻋﻼﺍﺍﺵ ﺍﻧﻲ ﻣﺎﻧﺒﻴﺶ ﻧﺒﻴﻌﻬﺎ ﻭﻳﻦ ﺑﻨﻘﻌﺪ
ﺧﺎﻟﺪ ﺷﺎﻓﻠﻬﺎ : ﺩﺑﺮﻱ ﺭﺍﺳﻚ ﻭﺍﻧﻲ ﻓﻠﻮﺱ ﺍﻟﺸﻘﻪ ﻧﺒﻴﻬﻢ ﻣﺤﺘﺎﺟﻬﻢ
ﻋﺒﻴﺮ ﺑﺼﻮﺕ ﻳﺮﻋﺶ : ﺍﻧﺖ ﻣﺶ ﻛﺎﻧﻮ ﺣﺎﺑﺴﻴﻨﻚ ﻛﻴﻒ ﻃﻠﻌﺖ
ﺧﺎﻟﺪ ﻗﺮﺏ ﻣﻨﻪ ﻭﻣﺒﺘﺴﻢ ﺍﺑﺘﺴﺎﻣﻪ ﺧﺒﻴﺜﻪ : ﻭﺍﻧﺘﻲ ﻛﻴﻒ ﻋﺮﻓﺘﻲ ﺣﺒﺴﻮﻧﻲ
ﻋﺒﻴﺮ ﺗﻮﺧﺮ ﻭﺗﺮﻋﺶ : ﺳﻤﻌﺖ
ﺧﺎﻟﺪ : ﺳﻤﻌﺘﻲ ﻫﺎﺍ ، ﻣﺶ ﺍﻧﻲ ﺍﻟﻲ ﻳﺨﻠﻮﻧﻲ ﻓﻲ ﺍﻟﺤﺒﺲ ﻓﻲ ﺍﻟﻔﺘﺮﺓ ﻫﺎﺩﻱ ﻛﻠﻬﺎ ﻭﺣﻨﻨﺘﻘﻢ ﻣﻨﻬﻢ ، ﻭﺑﻌﺪﻳﻦ ﺷﻜﻠﻚ ﻗﺎﻋﺪﻩ ﻣﺎﺗﻌﺮﻓﻴﻨﻴﺶ ﺍﻧﻲ ﻭﺭﺍﻳﺎ ﺭﺟﺎﻟﺔ
ﻋﺒﻴﺮ ﺳﺎﻛﺘﻪ ﻭﻗﺎﻋﺪﻩ ﺷﺎﺩﻩ ﺍﻟﻤﺰﻫﺮﻳﺔ
ﺧﺎﻟﺪ ﻗﻌﻤﺰ ﻉ ﺍﻟﺼﺎﻟﻮﻥ : ﺟﻌﺎﻥ ﺩﻳﺮﻳﻠﻲ ﺣﺎﺟﺔ ﻧﺎﻛﻠﻬﺎ ، ﻭﺷﺎﻑ ﺟﻨﺒﻪ ﺍﻟﻘﻲ ﻧﺴﻴﺒﻪ ﺭﺍﻗﺪﻩ : ﺍﻓﻒ ﺗﻌﺎﻟﻲ ﺣﻮﻟﻴﻬﺎ ﻣﻦ ﺟﻨﺒﻲ ﻣﺎﺗﻌﺮﻓﻴﺶ ﺗﻐﻴﺮﻳﻠﻬﺎ
ﻋﺒﻴﺮ ﻗﺮﺑﺖ ﻭﻗﺎﻋﺪﻩ ﺷﺎﺩﻩ ﺍﻟﻤﺰﻫﺮﻳﻪ : ﺍﻟﺒﻨﺖ ﺭﺍﻗﺪﻩ ﻛﻴﻒ ﺣﻨﻐﻴﺮﻟﻠﻬﺎ ﻭﺑﻌﺪﻳﻦ ﺍﻧﺖ ﻫﺎﺩﻱ ﺑﻨﺘﻚ ﻣﻔﺮﻭﺽ ﺗﺠﻲ ﺗﺴﺎﻝ ﻋﻠﻴﻬﺎ ﻭﺗﺤﻀﻨﻬﺎ ﻭﺗﻜﻮﻥ ﻣﺴﺘﺎﺣﺸﻬﺎ ﻣﺶ ﺟﺎﻱ ﺗﻄﻠﺐ ﻓﻲ ﺍﻟﻔﻠﻮﺱ
ﺧﺎﻟﺪ ﺷﺎﻓﻠﻬﺎ : ﺷﻦ ﺣﺴﻚ ﻗﻠﺘﻲ
ﻋﺒﻴﺮ ﺑﻠﻌﺖ ﺭﻳﻘﻬﺎ : ﺍﻃﻠﻊ ﻣﻦ ﺍﻟﺸﻘﻪ
ﺧﺎﻟﺪ ﻭﻗﻒ : ﺑﺎﻫﻲ ﺑﻨﻄﻠﻊ ﻟﻜﻦ ﺍﻋﻄﻴﻨﻲ ﻣﻔﺎﺗﻴﺢ ﺍﻟﺴﻴﺎﺭﻩ ﻣﺎﻋﻨﺪﻳﺶ ﺑﺸﻦ ﻧﺮﻭﺡ
ﻋﺒﻴﺮ ﺗﺮﻋﺶ : ﺧﻮﺩ ﺗﺎﻛﺴﻲ
ﺧﺎﻟﺪ ﺑﻌﺼﺒﻴﻪ : ﻗﻠﺖ ﻫﺎﺍﺍﺗﻲ ﻣﻔﺎﺗﻴﺢ ﺍﻟﺴﻴﺎﺭﻩ ﺍﻧﻲ
ﻋﺒﻴﺮ ﻭﺧﺮﺕ ﻭﻗﺎﻣﺖ ﺍﻟﻤﺰﻫﺮﻳﺔ : ﺧﺎﻟﺪ ﺍﻗﺴﻢ ﺑﺎﻟﻠﻪ ﻧﻌﻴﻂ ﻧﻠﻢ ﻋﻠﻴﻚ ﺍﻟﺪﻧﻴﺎ
ﺧﺎﻟﺪ : ﺟﺮﺑﻲ ﺗﺮﺍ ﻧﺴﻤﻊ ﺣﺴﻚ
ﻋﺒﻴﺮ : ﺍﻗﺴﻢ ﺑﺎﻟﻠﻪ ﻧﻌﻴﻂ ﻣﻌﺎﺵ ﺧﺎﺍﻳﻔﻪ ﻣﻨﻚ ﺍﻧﻲ ﺑﺎﻟﻚ ﺗﺤﺴﺎﺑﻨﻲ ﻧﺨﺎﻑ ﻣﻨﻚ ﻋﻘﺎﺏ ﻣﺠﺮﺭﻡ ﺣﻘﻴﻴﻴﻴﺮ
ﺧﺎﻟﺪ ﻋﺼﺼﺼﺐ ﻭﻗﺎﻡ ﺍﻟﻤﺰﻫﺮﻳﻪ ﺍﻟﻲ ﺟﻨﺒﻪ ، ﻭﺣﺬﻓﻬﺎ ﺟﻬﺔ ﻋﺒﻴﺮ
ﻋﺒﻴﺮ ﻋﻴﻄﻄﺖ ﺑﺎﺍﻋﻠﻰ ﺻﻮﺕ ﻭﺗﻔﺎﺩﺕ ﺍﻟﻤﺰﻫﺮﻳﻪ
ﺧﺎﻟﺪ ﻳﻘﺪﻡ ﻣﻨﻬﺎ ، ﻗﻄﻊ ﻋﻠﻴﻪ ﺻﻮﺕ ﺗﻠﻴﻔﻮﻧﻪ
ﺧﺎﻟﺪ : ﻫﺎﺍ ، ﺷﻨﻮﻭ ، ﺑﺎﻫﻲ ﺗﻮ ﻧﺠﻴﻚ ﺧﻠﻴﻚ ﺟﻨﺒﻪ ، ﻭﺳﻜﺮ ، ﻭﺷﺎﻑ ﻟﻌﺒﻴﺮ : ﻧﻘﻈﻚ ﺍﻟﺘﻠﻴﻔﻮﻥ ﻣﻨﻲ ، ﻭﻗﺮﺏ ﻋﻠﻲ ﻣﺰﻫﺮﻳﺎﺕ ﻣﺤﻄﻮﻃﺎﺕ ﻓﻲ ﺍﻟﻤﻜﺘﺒﻪ ﻭﺗﺤﻒ ، ﻗﻌﺪ ﻳﻄﻴﺢ ﺑﺎﻟﻮﺣﺪﺓ ﻭﻳﺪﻭﻱ : ﺍﻟﺸﻘﻪ ﺗﻨﺒﺎﻉ ﻭﻓﻠﻮﺳﻬﺎ ﻧﺒﻴﻬﻢ ﺗﺎﻣﺎﺕ ، ﻫﺎﺩﻱ ﺍﻭﻝ ﺣﺎﺟﺔ ، ﺗﺎﻧﻲ ﺣﺎﺟﺔ ﻳﺎﻋﺒﻮﺭﺓ ، ﻭﻛﺴﺮ ﺍﻟﻤﺰﻫﺮﻳﻪ ﻭﻛﻤﻞ : ﻟﻤﺎ ﻧﻄﻠﺐ ﻃﻠﺐ ﺗﻨﻔﺬﻳﻴﻴﻪ ﻓﺎﺍﻫﻤﻪ ، ﻭﻃﻴﺢ ﺍﻟﺜﺎﻟﺜﻪ ﺑﻘﻮﻳﺔ ﻭﻫﻮ ﻳﻌﻴﻂ ﺑﻌﺼﺒﻴﻪ : ﺳﻴﺎﺍﺍﺭﺗﻚ ﺗﻨﺒﺎﻉ ﺣﺘﻰ ﻫﻲ ﻭﺗﺠﻴﺒﻲ ﺣﻘﻬﺎ ﻣﻊ ﺍﻟﺸﻘﻪ ﻭﺍﻻ ﺗﻨﺴﻲ ﺑﻨﺘﻚ ، ﺑﺮﻱ ﻟﺨﻮﺗﻚ ﻳﻜﻔﻠﻮﻙ ﻓﺎﺍﺍﻫﻤﻪ ، ﻭﻗﺎﺍﻡ ﻣﺰﻫﺮﻳﻪ ﻭﺍﻣﺸﻲ ﺑﻴﻬﺎ ﻟﺤﺪ ﺍﻟﺒﺎﺏ ، ﻭﻟﻒ ﺑﺴﺮﺭﻋﻪ ﺣﺬﻓﻬﺎ ﺟﻬﺔ ﻧﺴﻴﺒﻪ ﺍﻟﺮﺍﻗﺪﻩ
ﻧﺴﻴﺒﻪ ﺍﻧﺨﻠﻌﺖ ﻭﻧﺎﺿﺖ ﺗﻌﻴﻂ
ﺧﺎﻟﺪ ﺍﺑﺘﺴﻢ ﻭﻃﻠﻊ ﻭﻗﺮﺑﻊ ﺍﻟﺒﺎﺏ
ﻋﺒﻴﺮ ﻃﺎﺣﺖ ﻉ ﺍﻻﺭﺽ ﻭﻫﻲ ﺗﺒﻜﻲ ، ﻭﻗﻌﺪﺕ ﺗﺰﺣﻒ ﻟﺒﻨﺘﻬﺎ ، ﻭﺻﻠﺖ ﻓﻴﻬﺎ ﺟﺒﺪﺗﻬﺎ ﻭﺣﻀﻨﺘﻬﺎ ﻭﻗﻌﺪﺕ ﺗﺒﻜﻲ
ﺍﻣﺎ ﺧﺎﻟﺪ ﻃﻠﻊ ، ﻭﻫﻮ ﻃﺎﻟﻊ ﻗﻌﺪ ﻳﺸﻮﻑ ﻟﻤﺤﻞ ﺍﻷﺛﺎﺙ ، ﻗﻌﺪ ﻳﻘﺮﺏ ﺑﺎﻟﺒﻄﻲﺀ
ﺧﺎﻟﺪ ﺿﺤﻚ ﺑﺨﺒﺚ ﻭﻗﺎﻝ ﺑﺼﻮﺕ ﻭﺍﻃﻲ : ﺍﻫﻼ ﺑﻤﺤﻤﻮﺩ ﻣﺨﺘﺎﺭ ، ﻭﺣﻂ ﻳﺪﻩ ﻋﻠﻲ ﺍﺛﺮ ﺍﻟﺠﺮﺡ ﺍﻟﻲ ﻓﻲ ﺭﺍﺳﻪ ﻭﻗﺒﺾ ﻋﻠﻲ ﻳﺪﻩ ﺍﻟﺘﺎﻧﻴﻪ ، ﺑﻌﺪﻫﺎ ﻟﻒ ﻭﺍﻣﺸﻲ ﺑﻌﺼﺒﻴﻪ
،،،،،،،،
ﻧﺠﻮ ﻟﻠﻮﻗﺖ ﺍﻟﺤﺎﻟﻲ
ﺍﻧﻲ ﻣﻘﻌﻤﺰﺓ ﻉ ﺍﻟﺼﺎﻟﻮﻥ
ﻭﻋﺒﻴﺮ ﻗﺒﺎﻟﺘﻲ ﻫﻲ ﻭﻋﻤﺘﻲ ﺟﻨﺒﻬﺎ ،ﻭﻧﺤﺎﻭﻟﻮ ﻧﻬﺪﻭﻫﺎ ﻭﺍﻟﻮﺍﺿﺢ ﺍﻧﻬﺎ ﺧﺎﻳﻔﻪ ﻫﻠﺒﺎ
ﺍﻣﺎ ﻓﻲ ﺍﻟﺠﻨﺎﻥ
ﻓﻜﺎﻥ ﻣﺤﻤﻮﺩ ﻳﻠﻮﺩ ﻭﻳﺨﺒﻂ ﻓﻲ ﻟﻠﺤﻴﻮﻁ ﺑﺮﺟﻠﻪ
ﻭﻟﻴﺪ ﻣﻘﻌﻤﺰ ﻭﻣﺘﻮﺗﺮ ﻭﻳﻤﺴﺢ ﻋﻠﻲ ﻭﺟﻬﻪ ﺑﺎﻟﻘﻮﻩ ﻭﺑﻌﺼﺒﻴﻪ ، ﻭﻳﻬﺰ ﻓﻲ ﺭﺟﻠﻪ
ﻋﺒﺪ ﺍﻟﻘﺎﺩﺭ ﻭﺍﻗﻒ ﻭﻣﺘﻮﺗﺮ ﺣﺘﻰ ﻫﻮ
ﻣﺤﻤﻮﺩ ﻳﺨﺒﻂ ﺍﻟﺤﻴﻂ : ﻫﻮﻭ ﻭﻟﻴﺪ ﺍﻝ #### ﺍﻟﻲ ﺣﺮﻕ ﺍﻟﻤﺤﻞ ، ﻗﺴﻤﺎ ﺑﺎﻟﻠﻪ ﻣﺎﻳﻄﻠﻊ ﺍﻻ ﻫﻮﻭ
ﻋﺒﺪ ﺍﻟﻘﺎﺩﺭ ﺑﻌﺼﺒﻴﻪ : ﺗﻲ ﺑﻄﻞ ﺳﺒﺎﻥ ﻳﺎﻣﺤﻤﻮﺩ ﺍﻗﺴﻢ ﺑﺎﻟﻠﻪ ﻋﺼﺒﺘﻨﻲ ﺭﺍﺍﻫﻮﻭﻭ
ﻣﺤﻤﻮﺩ ﺑﻌﺼﺒﻴﻪ ﻭﺻﻮﺕ ﻋﺎﻟﻲ : ﻣﺎﺩﺧﻠﻜﺶ ﻓﻴﺎﺍﺍﺍﺍ ﺍﻝ ##### ﺧﻠﻴﻨﻲ ##### ﻣﺎﺍﺣﺪ ﺩﺧﻠﻪ ﻓﻴﺎ ، ﺍﻧﻲ ﻭﻟﺪ ﺍﻝ ##### ﺍﻟﻤﺎﺍ ﻧﻘﺘﻠﻪ ﻭﺍﻟﻠﻪ ﺍﻟﻤﺮﺓ ﺍﻟﻲ ﻓﺎﺍﺗﺖ ﻣﺎﻗﺘﻠﺘﺎﺷﻲ ﺍﻟﻤﺮﺓ ﻫﺎﺩﻱ ﻧﻘﺘﻠﻪ ﺍﻧﻲ ﻭﻧﺸﺮﺏ ﻣﻦ ﺩﻣﻪ
ﻭﻟﻴﺪ ﻭﻗﻒ ﺑﻌﺼﺒﻴﻪ : ﺗﻴﻴﻲ ﺿﻤﻠﻲ ﻓﻤﻚ ﻭﻳﻦ ﺑﺘﻠﻘﺎﻩ ﺗﺮﺍ ﻭﺍﻻ ﻏﻴﺮ ﺗﺸﺤﻂ
ﻣﺤﻤﻮﺩ : ﺷﻦ ﻗﺼﺪﻙ ﺍﻧﺖ ﺗﻮﺍﺍﺍ ، ﺍﻟﻤﺮﻩ ﺍﻟﻲ ﻓﺎﺗﺖ ﻓﺘﺤﺘﻠﻪ ﺭﺍﺍﺳﻪ ﺍﻟﻤﺮﻩ ﻫﺎﺩﻱ ﻧﻔﺸﺨﻮﻟﻪ ﻣﺮﺓ ﻭﺣﺪﺓ ، ﻭﻣﺎﺗﺪﻳﺮﻟﻴﺶ ﺭﻭﺣﻚ ﺑﻜﻞ ﺗﻮﺍﺍﺍ ﺍﻧﺖ ﺍﻟﻲ ﻗﻠﺘﻠﻲ ﻣﺎﺗﻘﺘﻼﺷﻲ ﻭﺍﻻ ﻗﺴﻤﺎ ﺑﺎﻟﻠﻪ ﺭﺍﻫﻮ ﻓﺮﻏﺖ ﻓﻴﻪ ﺍﻟﻤﻘﺮﻭﻥ
ﻋﺒﺪ ﺍﻟﻘﺎﺩﺭ : ﻭﺑﺎﺍﻫﻲ ﻭﻗﺘﻠﺘﻪ ﺷﻦ ﺗﻮﻟﻲ ﺑﻌﺪﻫﺎ ، ﻭﺑﺼﻮﺕ ﻋﺎﻟﻲ : ﺗﻮﻟﻲ ﺯﻳﻪ ﻣﺠﺮﺭﺭﻡ ﻓﺎﺍﺍﻫﻢ ﻣﻤﻤﺠﺮﺭﻡ
ﻣﺤﻤﻮﺩ : ﻣﺶ ﻣﺠﺮﺭﻡ ﻫﻮ ﺍﻟﻲ ﻣﺠﺮﺭﻡ ﻫﻮ ﺍﻟﻲ ﻳﺴﺘﺤﻖ ﺍﻟﻘﺘﻞ
ﻭﻟﻴﺪ : ﺗﻲ ﻳﺎﻣﺤﻤﻮﺩ ﺧﻼﺹ ﺍﺳﻜﺖ ﻫﻮ ﻣﺎﻣﺴﻜﻮﺵ ﻋﻠﻴﻪ ﻗﻀﻴﻪ ﻗﺘﻞ
ﻣﺤﻤﻮﺩ : ﺗﻲ ﻛﻴﻒ ﻣﺶ ﻗﻀﻴﺔ ﻗﺘﺘﻞ ﻳﺎﺍﻭﻟﻴﺪ ﻣﺶ ﻫﻮ ﺍﻟﻲ ﻗﺘﻞ ﻋﺒﺪ ﺍﻟﻌﻈﻴﻢ ﺑﻮ ﻧﺴﻴﺒﻪ ﻭﺿﺮﺑﻚ ﺣﺘﻰ ﺍﻧﺖ
ﻭﻓﻲ ﻫﺎﻟﻠﺤﻈﺔ ﻛﺎﻧﺖ ﻧﻮﺍﻝ ﻃﺎﻟﻌﻪ ﻣﻦ ﺍﻟﻤﻄﺒﺦ ﻭﻫﻲ ﻋﻠﻲ ﺍﺳﺎﺱ ﺗﻤﺴﺢ ﻓﻲ ﺍﻟﺼﻮﻧﻴﻪ ، ﺿﺮﺑﻬﺎ ﺍﻟﻔﻀﻮﻝ ﻭﺗﺒﻲ ﺗﻌﺮﻑ ﺷﻦ ﺍﻟﻲ ﺻﺎﻳﺮ، ﻭﻗﻔﺖ ، ﻭﺳﻤﻌﺖ ﺍﺧﺮ ﺟﻤﻠﻪ ﻟﻤﺤﻤﻮﺩ ﻃﺎﺍﺣﺖ ﺍﻟﺼﻮﻧﻴﻪ ﻣﻦ ﻳﺪﻫﺎ
ﻭﻟﻴﺪ ﻛﺎﻥ ﺑﻴﺮﺩ ﻋﻠﻲ ﻣﺤﻤﻮﺩ ﺑﺲ ﺳﻤﻌﻮ ﺍﻟﺼﻮﻧﻴﻪ ، ﺗﻠﻔﺘﻮ ﻛﻠﻬﻢ ﻭﺷﺎﻓﻮ ﻧﻮﺍﻝ ﻭﺍﻗﻔﻪ ﻭﻣﺼﺪﻭﻣﻪ ﻭﻋﻴﻮﻧﻬﺎ ﺩﻣﻮﻉ
ﻣﺤﻤﻮﺩ ﺍﻧﺼﺪﻡ
ﻧﻮﺍﻝ ﺑﺼﻮﺕ ﻣﻘﻄﻊ : ﻱ ﻳﻌﻨﻲ ﻫﻮ ﻫﻮ ﺍﻟﻲ ﻗﺘﻞ ﺑﺎﺑﺎ ، ﺭﺍﺟﻠﻬﺎ ﻫﻮ ، ﻭﺍﻧﻬﺎﺭﺕ ﺑﻜﻲ ،ﻭﻗﻌﻤﺰﺕ ﻋﻠﻲ ﺭﻛﺎﺑﻬﺎ
ﻣﺤﻤﻮﺩ ﻗﺪﻣﻠﻬﺎ ﺑﺴﺮﻋﻪ ﻭﻗﻌﻤﺰ ﻋﻠﻲ ﺭﻛﺎﺑﻪ : ﻧﻮﺍﻝ ﻧﻮﺍﻝ ﺍﻫﺪﻱ
ﻭﻟﻴﺪ ﻗﺮﺏ ﻣﻨﻬﺎ : ﻻﻻ ﻓﻬﻤﺘﻲ ﻏﻠﻂ ﻳﺎﻧﻮﺍﻝ ﻫﺬﺍ ﺍﻟﻲ ﺿﺮﺑﻨﻲ ﺍﻧﻲ ﻭﺍﻟﻠﻪ ﻣﺶ ﺍﻟﻲ ﺿﺮﺏ ﺑﻮﻙ
ﻧﻮﺍﻝ ﻋﻴﻄﺖ : ﻣﻌﺎﺍﺍﺵ ﺗﻜﺬﺫﺏ ﻋﻠﻴﺎ ﻫﻮ ﺍﻟﻲ ﻗﺘﻠﻪ ﻭﺍﻻ
ﻭﻟﻴﺪ ﻋﻴﻂ ﺑﺼﻮﺕ ﻋﺎﻟﻲ : ﻭﺍﻟﻠﻪ ﻣﺎﺍﺍﻫﻮﻭﻭ ﻗﻠﺘﻠﻚ ﺍﻧﻲ ﺿﺮﺑﺘﻪ ﺑﺮﺻﺎﺻﻪ ﻓﻲ ﺭﺍﺳﻪ ﺍﻟﻲ ﻗﺘﻞ ﺑﻮﻭﻭﻙ ﺍﺭﺗﺤﺘﻲ ﺗﻮﺍ ﻋﺮﻓﺘﻲ ، ﻭﺿﺮﺭﺏ ﺍﻟﻄﺎﺍﻭﻟﻪ ﺑﺎﺍﻗﻮﻯ ﻗﻮﺗﻪ ﺑﺮﺟﻠﻪ ﻟﻴﻦ ﺍﻧﻘﻠﺒﺖ ﻃﺎﺣﺖ
ﻣﺤﻤﻮﺩ ﻗﻌﺪ ﻳﺸﻮﻭﻑ ﻟﻮﻟﻴﺪ ﺑﺼﺪﻣﻪ ، ﺍﻭﻝ ﻣﺮﺓ ﻳﻌﺮﻑ ﺍﻧﻪ ﻭﻟﻴﺪ ﻫﻮ ﺍﻟﻲ ﺿﺮﺏ ﺍﻟﻲ ﻗﺘﻞ ﺑﺎﺑﺎ ﻓﻲ ﺭﺍﺳﻪ
( ﻛﻨﺖ ﺍﻧﻲ ﻭﺧﺎﻟﻲ ﻭﺍﻳﻤﻦ ﻭﻋﺒﺪ ﺍﻟﻘﺎﺩﺭ ﺧﻮ ﻭﻟﻴﺪ ﺍﻟﻮﺣﻴﺪﻳﻦ ﺍﻟﻲ ﻧﻌﺮﻓﻮ ﺑﺄﻧﻪ ﻭﻟﻴﺪ ﻗﻨﺺ ﺍﻟﻲ ﻗﺘﻞ ﺑﺎﺑﺎ ، ﻭﺑﻌﺪﻫﺎ ﺟﻲ ﻭﺍﺣﺪ ﻭﻗﻨﺺ ﻭﻟﻴﺪ )
ﺍﺣﻨﻲ ﺍﻟﺪﺍﺧﻞ ﻟﻤﺎ ﺳﻤﻌﻨﺎ ﺻﻮﺕ ﻋﻴﺎﻁ ﻧﻮﺍﻝ ﻭﺑﻌﺪﻫﺎ ﻭﻟﻴﺪ ﻭﺧﺒﻄﻪ ﺍﻟﻄﺎﻭﻟﺔ ﻧﻀﻨﺎ ﻧﺠﺮﻭ
ﺍﻧﻲ ﻧﻄﻴﺖ ﻣﻦ ﺍﻟﺨﻠﻌﻪ ، ﻭﺣﻄﻴﺖ ﻳﺪﻱ ﻋﻠﻲ ﺟﻨﺒﻲ ﻣﻦ ﺍﻻﻟﻢ ﻭﻗﻌﺪﺕ ﻧﻤﺸﻲ ﺑﺨﻄﻮﺍﺕ ﺳﺮﻳﻌﻪ ﻧﻮﻋﺎ ﻣﺎ
ﻃﻠﻌﻨﺎ ﻭﻗﻔﻨﺎ ﻉ ﺍﻟﺒﺎﺏ
ﻭﻟﻴﺪ ﻣﻌﺼﺐ ﻭﻛﻤﻞ ﺑﺼﻮﺕ ﻋﺎﺍﺍﻟﻲ : ﺧﺎﺍﺍﻟﺪ ﺿﺮﺑﻨﻲ ﺍﻧﻲ ﻣﺶ ﺑﻮﻭﻙ ، ﺍﻧﻲ ﺍﻟﻲ ﻗﺘﻞ ﺑﻮﻭﻭﻙ ﻗﺘﻠﺘﻪ ﻓﻬﻤﺘﻲ ﻗﺘﻠﺘﻪ
ﻧﻮﺍﻝ ﻣﻘﻌﻤﺰﻩ ﻉ ﺍﻻﺭﺽ ﻭﻗﺎﻳﻤﻪ ﺭﺍﺳﻬﺎ ﻭﺩﻣﻮﻉ ﺗﻨﺰﻝ ﻣﻨﻬﺎ ﻭﻋﻴﻮﻧﻬﺎ ﻋﻠﻲ ﻭﻟﻴﺪ ﺍﻟﻲ ﻣﻌﺼﺐ ﻉ ﺍﻻﺧﺮ
ﻛﻠﻨﺎ ﻛﻨﺎ ﻧﺸﻮﻭﻓﻮ ﻟﻮﻟﻴﺪ ﻛﻴﻒ ﻣﻌﺼﺐ ﻭﻣﺼﺪﻭﻭﻣﻴﻦ
ﺍﻧﻲ ﺍﻭﻝ ﻣﺮﺓ ﻧﺸﻮﻑ ﻭﻟﻴﺪ ﺑﺎﻟﺤﺎﻟﺔ ﻫﺎﺩﻱ ﻭﺍﻟﻌﺼﺒﻴﻪ ﻫﺎﺩﻱ
( ﻭﻟﻴﺪ ﺗﻌﺮﺽ ﻟﻬﻠﺒﺎ ﺿﻐﻮﻃﺎﺕ ﻭﻭﺭﺍﺀ ﺑﻌﺾ ، ﺍﻭﻝ ﺷﻲ ﺗﻌﺎﺭﻙ ﻣﻊ ﺻﺎﺣﺐ ﻣﺤﻞ ﺍﻻﺛﺎﺙ ﺑﻌﺪﻫﺎ ﺣﺼﻞ ﻣﺤﻤﻮﺩ ﻭﻣﺸﺖ ﺍﻣﻮﺭﻩ ﺗﻤﺎﻡ ، ﻟﻴﻦ ﺍﻧﺤﺮﻕ ﺍﻟﻤﺤﻞ ، ﻭﻓﻠﻮﺱ ﺍﻟﺮﺍﺟﻞ ﺍﻟﻲ ﻣﺤﻄﻮﻃﻴﻦ ﻓﻲ ﺍﻟﻤﺤﻞ ، ﻣﺒﻠﻎ ﻛﺒﻴﺮ ﻭﻭﻟﻴﺪ ﻳﻔﻜﺮ ﻛﻴﻒ ﻳﺮﺩﻩ ﻭﻣﺘﻮﺗﺮ ﻭﺍﺑﺴﻂ ﺷﻲ ﻣﺴﺘﻌﺪ ﻳﻨﻔﺠﺮ ، ﺧﺘﻤﺖ ﺑﻘﺼﻪ ﺧﺎﺍﺍﻟﺪ ، ﻭﻃﻠﻮﻋﻪ ﻣﻦ ﺍﻟﺤﺒﺲ )
ﻋﺒﻴﺮ ﻃﺎﺣﺖ ﻋﻠﻲ ﺭﻛﺎﺍﺑﻬﺎ ﻭﺗﺒﻜﻲ
ﻋﻤﺘﻲ ﻣﻌﺎﺵ ﻗﺪﺭﺕ ﺗﻮﻗﻒ ﺟﺎﺑﺘﻠﻬﺎﺍ ﺭﺣﻤﺔ ﻛﺮﺳﻲ ﺑﺴﺮﻋﻪ ﻭﻗﻌﻤﺰﺗﻬﺎ ﻋﻠﻴﻪ
ﻭﻓﺎﺀ ﻛﺎﻧﺖ ﻓﻲ ﺷﻘﺘﻬﺎ ﺳﻤﻌﺖ ﺍﻟﻌﻴﺎﻃﻪ ﻃﻠﻌﺖ ﺗﺠﺮﻱ ﻭﻗﻌﺪﺕ ﺗﺸﻮﻑ ﻣﻦ ﺍﻟﺪﺭﻭﺝ ﻭﻟﻤﺎ ﻗﻌﺪﺕ ﺗﻤﺴﻊ ، ﻗﻌﺪﺕ ﻣﺼﺪﻭﻣﻪ ﻭﺣﺎﻃﺔ ﻳﺪﻫﺎ ﻋﻠﻲ ﻓﻤﻬﺎ
ﻋﺒﺪ ﺍﻟﻘﺎﺩﺭ ﻳﺤﺎﻭﻝ ﻳﺸﺪ ﻭﻟﻴﺪ : ﻭﻟﻴﺪ ﺍﻫﺪﻯ ﺧﻼﺍﺹ
ﻭﻟﻴﺪ ﻟﻔﻠﻪ ﺑﺴﺮﺭﻋﻪ ﻭﺑﻌﺼﺒﻴﻪ : ﺧﻠﻠﻴﺒﻴﻨﻲ ﻣﺎﺍﺍﺩﺧﻠﻜﺶ ﺍﻧﺖ ﺗﺸﻮﻭﻑ ﻓﻴﺎ ﻣﻬﺒﻮﻭﻝ ﺍﻧﻲ ﺗﻮﺍ ﺗﺸﻮﻭﻭﻑ ﻓﻴﺎ ﻣﻬﺒﻮﻭﻝ ﻗﻮﻭﻭﻝ
ﻋﺒﺪ ﺍﻟﻘﺎﺩﺭ ﻣﺼﺪﻭﻡ ﻭﻳﺸﻮﻑ ﻟﻮﻟﻴﺪ ﻭﺧﻼﺹ
ﺍﻧﻲ ﻣﺘﻜﻴﺔ ﻉ ﺍﻟﺒﺎﺏ ﻭﺩﻣﻮﻋﻲ ﻧﺰﻟﻮ ﻣﻦ ﺍﻟﺨﻮﻑ ﻟﻴﻦ ﻗﻌﺪﺕ ﻧﺮﻋﺶ
،،،،،،،،،،،
ﻓﻲ ﺍﻟﻮﻗﺖ ﻫﺪﺍﺍ
ﻧﻮﺭﺱ ﺣﻄﺖ ﻣﺎﻣﺎ ﻓﻲ ﺣﻮﺵ ﺧﺎﻟﺘﻲ ﻭﻃﻠﻌﺖ ﺑﺎﻟﺴﻴﺎﺭﻩ
ﻣﺎﻣﺎ ﻗﻌﻤﺰﺕ ﻫﻲ ﻭﻧﺮﺟﺲ : ﻛﻴﻒ ﺣﺎﻟﻜﻢ
ﻣﻌﺎﺩ ﺧﺎﺵ : ﺍﻭﻭﻭﻭﻩ ﻋﻴﻠﺔ ﺣﺮﻑ ﺍﻟﻨﻮﻥ ﻋﻨﺪﻧﺎ ، ﺷﻦ ﺍﺧﺒﺎﺭﻙ ﻳﺎﺧﺎﻟﺘﻲ
ﻣﺎﻣﺎ : ﺍﻟﺤﻤﺪ ﻟﻠﻪ ﻛﻴﻒ ﺣﺎﻟﻚ ﺍﻧﺖ ، ﻭﻭﻳﻦ ﻣﺎﺷﺎﺀ ﺍﻟﻠﻪ ﻣﺘﻐﻴﺮ ﻗﺪﺍﺵ ﻟﻴﺎ ﻣﻌﺎﺵ ﺷﻔﺘﻚ ﻋﺎﺩ
ﻣﻌﺎﺩ ﻳﺒﺘﺴﻢ : ﺍﻧﺘﻲ ﻣﻌﺎﺵ ﺟﻴﺘﻴﻨﺎ ﻳﺎﺍﺧﺎﻟﺘﻲ ، ﻭﺗﻠﻔﺖ ﻟﻨﺮﺟﺲ : ﻣﺨﺘﺸﻪ ﺷﻦ ﺍﻟﺠﻮ
ﻧﺮﺟﺲ ﺗﺒﺘﺴﻢ : ﺗﻤﺎﻡ ﻭﺍﻧﺖ ﺷﻦ ﺟﻮﻙ
ﺳﺎﺭﺓ ﺧﺎﺷﻪ ﻭﺧﺸﺖ ﻓﻲ ﺍﻟﻤﻮﺿﻮﻉ ﻃﻮﻭﻝ : ﺷﻔﺘﻲ ﻳﺎﺍﺧﺎﻟﺘﻲ ﺍﻟﻤﺼﺮﻭﺏ ﻭﻟﻰ ﻭﺻﺎﺭ ﻣﻨﻪ
ﻣﻌﺎﺍﺩ ﻗﺮﺭﻥ ﺣﻮﻭﺍﺟﺒﻪ : ﻣﺶ ﻋﺎﺭﻓﻪ ﺷﻜﻠﻚ ﻧﺎﻭﻳﻪ ﺗﻄﻠﻌﻲ ﻣﻌﺎﻗﻪ ﺍﻟﻴﻮﻡ ﻻﻡ ﺧﻄﻴﺒﻚ
ﺳﺎﺭﺓ ﻭﺧﺮﺕ : ﺧﻔﺖ ﻛﺎﻥ ﺩﺭﺕ ﺷﻮﻳﺔ ﻋﻀﻼﺕ ﺧﻼﺹ
ﻣﻌﺎﺩ ﻗﺪﻡ : ﺣﻲ ﻋﻠﻴﻬﺎﺍ ﻫﺎﺍﺩﻱ ، ﺍﻣﻲ ﻳﺎﺍﺷﺪﻱ ﺑﻨﺘﻚ ﻳﺎﺍﻣﺎ ﻭﺍﻟﻠﻪ ﻧﺨﻠﻴﻬﺎﻟﻚ ﻣﻌﺎﻗﻪ ﺍﻟﻴﻮﻡ
ﺧﺎﻟﺘﻲ : ﺑﻄﻠﻮﻭ ﻋﺎﺭ ﺍﻧﺘﻮ ﺍﻟﺰﻭﺯ ، ﻭﺍﻧﺘﻮ ﻗﺴﻤﺎ ﺑﺎﻟﻠﻪ ﻻﺗﻜﺒﺮﻭ ﻻﺗﺪﻳﺮﻭ ﻋﻘﻞ ﺗﻘﻌﺪﻭ ﺑﺼﻐﺎﺭﻛﻢ ﻭﻣﺎﻓﻴﻜﻢ ﻋﻘﻞ
ﻣﺎﻣﺎ : ﻫﻬﻬﻬﻬﻪ ﺭﺑﻲ ﻳﺤﻔﻈﻬﻢ ﻟﺒﻌﺾ ﻳﺎﺍﻭﺧﻴﺘﻲ
ﺳﺎﺭﺓ : ﻫﻴﺎﺍ ﻛﺎﻥ ﺑﻨﻤﺸﻲ ﻟﻠﻤﺰﻳﻦ
ﻣﻌﺎﺩ : ﻣﺰﻳﻦ ﺷﻨﻮﻭ
ﺳﺎﺭﺓ : ﺷﻦ ﻣﺰﻳﻦ ﺷﻨﻮ ﻧﺒﻲ ﻧﺴﺘﺸﻮﺭ ﺷﻌﺮﻱ ﺗﺒﻴﻨﻲ ﻧﻄﻠﻌﻠﻬﻢ ﻫﻜﻲ
ﻣﻌﺎﺩ : ﺧﻠﻴﻬﻢ ﻳﺸﻮﻓﻮ ﺍﻟﺤﻘﻴﻘﻪ ﺍﻟﻤﺮﺓ ﻋﻼﺵ ﺗﺨﺪﻋﻲ ﻓﻴﻬﻢ
ﺳﺎﺭﺓ : ﺑﺘﺮﻓﻌﻨﻲ ﻭﺍﻻ ﻧﻤﺸﻲ ﺑﺮﻭﺣﻲ ﺑﺴﻴﺎﺭﻩ ﻣﺎﻣﺎ
ﻣﻌﺎﺩ : ﺗﻤﺸﻲ ﺑﻌﻴﻨﻚ ﻣﺶ ﺑﺴﻴﺎﺭﻩ ﻣﺎﻣﺎ ﻛﺎﻧﺶ ﺗﺒﻴﻨﻲ ﻧﻜﺴﺮﻟﻚ ﺭﺍﺳﻚ ، ﻗﻌﻤﺰﻱ ﻭﺩﻳﺮﻱ ﺷﻌﺮﻙ ﻓﻲ ﺍﻟﺤﻮﺵ ﻭﺭﻳﺤﻴﻨﻲ ﻣﻦ ﻭﺟﻴﺠﻚ
ﺳﺎﺭﺓ ﺑﺼﻮﻭﺕ ﻋﺎﻟﻲ : ﻳﺎﺍﻣﺎﻣﺎ ﻛﻠﻤﻴﻪ
ﺧﺎﻟﺘﻲ : ﺧﻼﺹ ﺍﻧﺘﻲ ﺩﻳﺮﻱ ﻓﻲ ﺍﻟﺤﻮﺵ ﻭﺧﻼﺹ ﺍﺳﺘﺸﻮﺭﻱ ﻋﺎﺩﻱ ، ﺍﻫﻲ ﺍﺧﺘﻚ ﺗﺴﺘﺸﻮﺭﻟﻚ
ﺳﺎﺍﺭﺓ : ﺗﻴﻴﻲ ﺍﻭﻭﻭﻑ ، ﻭﻗﻌﻤﺰﺕ ﻭﻫﻲ ﻗﺮﻳﺐ ﺗﺒﻜﻲ
ﻣﻌﺎﺩ ﺷﺎﻓﻬﺎ ﻭﺟﻌﺎﺗﻪ : ﺑﺎﻫﻲ ﻫﻲ ﻧﻮﻭﺿﻲ ﻳﺎﺩﺭﺍﻩ ﺍﻟﻜﺒﺪﺩ ، ﺧﻤﺲ ﺩﻗﺎﻳﻖ ﻧﻠﻘﺎﻙ ﻭﺍﺗﻴﻪ ، ﻭﻛﻴﻒ ﺑﻴﻄﻠﻊ
ﺗﻨﻘﺰ ﻋﻠﻴﻪ ﺳﺎﺍﺭﻩ ﻭﺗﻀﺒﻄﻪ
ﻣﻌﺎﺩ : ﻫﻬﻬﻬﻪ ﺗﻲ ﺣﻮﻭﻟﻲ ﻭﻭﻩ ﻫﺎﻟﻠﺼﻘﻪ
ﺧﺸﺖ ﺳﺎﺭﻩ ﺗﺠﺮﻱ ﻟﺪﺍﺭﻫﺎ ﺗﻮﺗﻲ ﻓﻲ ﺭﻭﺣﻬﺎ
ﻣﺎﻣﺎ ﻭﺧﺎﻟﺘﻲ ﺿﺤﻜﻮ ﻋﻠﻴﻬﺎ ﺑﻌﺪﻳﻦ ﻗﻌﺪﻭ ﻳﻬﺪﺭﺯﻭ ، ﺷﻦ ﺑﻴﻮﺗﻮ ﺍﻟﻌﺮﺱ ﻭﺷﻦ ﺑﻴﺪﻳﺮﻭ
،،،،،،،،،،
ﻗﻌﻤﺰ ﻉ ﺍﻟﺼﺎﻟﻮﻥ ﻭﺗﻜﻰ ﻳﺪﻳﻪ ﻋﻠﻲ ﺭﻛﺎﺑﻪ ﻭﺣﻂ ﺭﺍﺳﻪ ﻋﻠﻲ ﻛﻔﻮﻓﻪ
ﻛﺎﻧﺖ ﻃﺎﻟﻌﻪ ﻣﻦ ﺍﻟﻤﻄﺒﺦ ﺷﺎﻓﺎﺗﻪ ، ﻋﺮﻓﺖ ﻓﻲ ﺣﺎﺟﺔ ﻗﺪﻣﺖ ﻭﻗﻌﻤﺰﺕ ﺟﻨﺒﻪ : ﻋﻤﺎﺩ
ﻋﻤﺎﺩ ﻗﺎﻡ ﺭﺍﺳﻪ
ﻣﻨﻰ ﺷﺎﻓﺖ ﻟﻌﻴﻮﻧﻪ ﻛﺎﻧﻮ ﻣﺰﻏﻠﻠﻴﻦ ﺩﻣﻮﻉ
ﻣﻨﻰ ﺑﺨﻮﻑ : ﺷﻦ ﻓﻲ
ﻋﻤﺎﺩ : ﻓﺪﻭﻯ
ﻣﻨﻰ ﺑﺎﺍﺳﺘﻐﺮﺍﺏ : ﻣﻦ ﻓﺪﻭﻯ ؟
ﻋﻤﺎﺩ : ﺍﻟﻲ ﻛﻨﺖ ﻧﻜﻠﻢ ﻓﻴﻬﺎ
ﻣﻨﻰ ﻗﺮﻧﺖ ﺣﻮﺍﺟﺒﻬﺎ : ﻭﺑﺎﺍﺍﻫﻲ
ﻋﻤﺎﺩ : ﻛﻠﻤﺘﻨﻲ ﺍﻣﺒﻜﺮﻱ
ﻣﻨﻰ ﺑﻌﺼﺒﻴﻪ : ﺍﻧﺖ ﻗﺎﻋﺪ ﺗﻜﻠﻢ ﻓﻴﻬﺎ ؟ ﻭﺍﻧﻲ ﺻﺎﺑﺮﻩ ﻋﻠﻴﻚ ﻭﺍﻧﻘﻮﻝ ﺗﺼﻠﺢ ، ﻭﻭﻗﻔﺖ ﻭﻛﻤﻠﺖ ﻛﻼﻣﻬﺎ : ﻟﻜﻦ ﻣﺎﻓﻴﺶ ﻣﻨﻚ ﻓﺎﺍﻳﺪﻩ ﺧﺎﺍﻳﻦ ﺩﻳﻤﺎ ﺗﻘﻌﺪ ...
ﻗﺎﻃﻌﻬﺎ ﻋﻤﺎﺩ : ﺍﺳﻜﺘﻲ ﻭﺍﻓﻬﻤﻲ ، ﺟﺒﺪﻫﺎ ﻣﻦ ﻳﺪﻫﺎ ﻭﺭﺩﻫﺎ ﻗﻌﻤﺰﻫﺎ : ﻣﻨﻰ
ﻣﻨﻰ ﻗﺎﻟﺒﻪ ﻭﺟﻬﻬﺎ ﻭﺩﻣﻌﺘﻬﺎ ﻓﻲ ﻋﻴﻨﻬﺎ
ﻋﻤﺎﺩ : ﻣﻨﻰ ﻓﺪﻭﻯ ﻛﻠﻤﺘﻨﻲ ﺗﺒﻲ ﺗﻄﻠﺐ ﻣﻨﻚ ﺍﻧﺘﻲ ﺍﻟﺴﻤﺎﺡ
ﻣﻨﻰ ﺗﻠﻔﺘﺘﻠﻪ ﺑﻌﺼﺒﻴﻪ : ﺳﻤﺎﺍﺡ ﺷﻨﻮ ﺍﻟﻲ ﺗﻄﻠﺐ ﻓﻴﻪ ، ﻛﺎﻧﺖ ﺣﺘﻬﺪﻣﻠﻲ ﺣﻮﻭﺷﻲ ، ﺍﻧﻲ ﻣﺴﺘﺤﻴﻴﻞ ﻧﺴﺎﺍﻣﺤﻬﺎ ﺣﺴﺒﻲ ﺍﻟﻠﻪ ﻭﻧﻌﻢ ﺍﻟﻮﻛﻴﻞ ﻓﻴﻬﺎ ﻭﻓﻴﻚ ، ﻭﻗﻌﺪﺕ ﺗﺒﻜﻲ ، ﻭﻏﻄﺖ ﻭﺟﻬﻬﺎ ﺑﻴﺪﻳﻬﺎ
ﻋﻤﺎﺩ : ﻣﻨﻰ ﻓﺪﻭﻯ ﻋﻨﺪﻫﺎ ﻟﻠﻮﻛﻴﻤﻴﺎ ( ﺳﺮﻃﺎﻥ ﺍﻟﺪﻡ )
ﻣﻨﻰ ﻗﺎﻣﺖ ﺭﺍﺳﻬﺎ ﻭﺷﺎﻓﺘﻠﻪ ﺑﺼﺪﻣﻪ
ﻋﻤﺎﺩ : ﻫﻲ ﺍﻳﺎﻣﻬﺎ ﻣﻌﺪﻭﺩﺓ ﻭﺍﻻﻋﻤﺎﺭ ﺑﻴﺪ ﺍﻟﻠﻪ ، ﻟﻜﻦ ﺍﻟﻤﺮﺽ ﻣﺘﻤﻜﻦ ﻣﻨﻬﺎ
ﻣﻨﻰ ﻣﺼﺪﻭﻣﻪ ﻭﺗﺸﻮﻓﻠﻪ
ﻋﻤﺎﺩ ﻛﻤﻞ : ﻛﻠﻤﺘﻨﻲ ﻭﻫﻲ ﻧﺎﺩﻣﻪ ﻛﺎﻥ ﺻﻮﺗﻬﺎ ﺿﻌﻴﻒ ، ﻗﺎﻟﺘﻠﻲ ﻧﺒﻴﻬﺎ ﺗﺴﺎﻣﺤﻨﻲ ﺑﺲ ﺍﻧﻲ ﻧﺎﺩﻣﻪ ﻋﻠﻲ ﺩﺭﺗﻪ ، ﺗﺒﻲ ﺗﺘﻜﻠﻢ ﻣﻌﺎﻙ ﻳﺎﻣﻨﻰ ؟
ﻣﻨﻰ ﻧﺰﻟﺖ ﺭﺍﺳﻬﺎ ﺣﻄﺎﺗﻪ ﺑﻴﻦ ﻳﺪﻳﻪ ، ﻭﺑﻌﺪﻳﻦ ﻗﺎﻣﺖ ﺭﺍﺳﻬﺎ ﻭﺷﺎﻓﺘﻠﻪ ، ﻭﻗﺎﻟﺖ ﺑﺼﻮﺕ ﻳﺮﺟﻒ ( ﻳﻤﻬﻞ ﻭﻻﻳﻬﻤﻞ ﻳﺎﻋﻤﺎﺩ )
ﻋﻤﺎﺩ ﻣﺠﺮﺩ ﻗﺎﻟﺖ ﺍﻟﻜﻠﻤﺔ ﺣﺲ ﺟﺴﻤﻪ ﺍﻫﺘﺰ ﻣﻊ ﺑﻌﻀﻪ
ﻣﻨﻰ ﻧﺎﺿﺖ ﻭﺧﺸﺖ ﺩﺍﺭﻫﺎ ، ﺳﻜﺮﺕ ﺍﻟﺒﺎﺏ ﻭﺣﺬﻓﺖ ﺭﻭﺣﻬﺎ ﻉ ﺍﻟﺴﺮﻳﺮ ﻭﻫﻲ ﻣﺼﺪﻭﻣﻪ
ﺳﺨﻔﺘﻬﺎ ، ﻗﻌﺪﺕ ﺗﻔﻜﺮ ﺷﻮﻳﺔ ﻭﻃﻠﻌﺖ
ﻋﻤﺎﺩ ﻛﺎﻥ ﻗﺎﻋﺪ ﻓﻲ ﻣﻜﺎﻧﻪ ﻭﻭﺍﺿﺢ ﻋﻠﻴﻪ ﻳﻔﻜﺮ ﻭﻣﻬﻤﻮﻡ
ﻣﻨﻰ ﻭﻗﻔﺖ ﻋﻠﻴﻪ
ﻗﺎﻡ ﺭﺍﺳﻪ ﺷﺎﻓﻠﻬﺎ ﺑﺎﺍﺳﺘﻐﺮﺍﺏ
ﻣﻨﻰ : ﺍﺭﻓﻌﻨﻲ ﻟﻴﻬﺎ
ﻋﻤﺎﺩ ﺷﺎﻓﻠﻬﺎ ﺑﺎﺍﺳﺘﻐﺮﺍﺏ : ﻭﻳﻦ ﻧﺮﻓﻌﻚ
ﻣﻨﻰ : ﻭﻳﻦ ﻣﺎﻫﻲ ﻣﻮﺟﻮﺩﺓ
ﻋﻤﺎﺩ : ﺭﺍﻗﺪﻩ ﻓﻲ ﺍﻟﻤﺴﺘﺸﻔﻰ ﻫﻲ ، ﻣﻨﻰ ﺍﻧﺘﻲ ﺑﺠﺪﻳﺎﺕ ﺗﺒﻲ ﺗﻤﺸﻲ ؟
ﻣﻨﻰ ﻗﻌﻤﺰﺕ : ﺍﻳﻪ ﻭﺣﻨﺴﺎﻣﺤﻬﺎ
ﻋﻤﺎﺩ ﻓﺮﺭﺡ ﻭﺣﻀﻨﻬﺎ ﻻﺍﺭﺍﺩﻳﺎ : ﻭﺍﻟﻠﻪ ﻧﻌﺮﻓﻚ ﻃﻴﺒﻪ ﻭﻗﻠﺒﻚ ﺍﺑﻴﺾ ، ﻭﺑﻌﺪﻳﻦ ﻓﻜﻬﺎ ﻭﺷﺎﺩ ﻳﺪﻳﻬﺎ ، ﻗﻌﺪ ﻳﺘﻜﻠﻢ ﻭﻳﺸﻮﻑ ﻟﻌﻴﻮﻧﻬﺎ : ﺳﺎﻣﺤﻴﻨﻲ ﺣﺘﻰ ﺍﻧﻲ ﻳﺎﺣﺒﻴﺒﺘﻲ ﻳﺎﺍﻃﻴﺒﺔ ﻭﺍﻟﻠﻪ ﻧﺎﺩﻡ ﻭﻟﻠﻠﻪ ﻣﻌﺎﺩ ﻧﻌﺎﻭﺩﻫﺎ ﺭﺑﻲ ﻳﺠﺎﺍﺯﻳﻨﻲ ﻋﻠﻲ ﺍﻓﻌﺎﻟﻲ ﺑﺲ ﺍﻧﺘﻲ ﺍﺭﺿﻲ ﻋﻠﻴﺎ
ﻣﻨﻰ ﻓﻜﺖ ﻳﺪﻳﻬﺎ : ﺍﻣﺘﻰ ﻧﻘﺪﺭﻭ ﻧﻤﺸﻮ
ﻋﻤﺎﺩ : ﻟﻮ ﺗﺒﻲ ﺗﻮﺍ
ﻣﻨﻰ : ﻭﻭﻟﻴﺪ ؟
ﻋﻤﺎﺩ : ﺟﻴﺒﻴﻪ ﻣﻌﺎﻧﺎ ، ﺑﻌﺪﻫﺎ ﻧﺮﻓﻌﻚ ﻟﺤﻮﺵ ﺍﻫﻠﻚ ﻣﺶ ﺑﺘﺸﻮﻓﻲ ﻣﺮﺕ ﺧﻮﻙ
ﻣﻨﻰ ﺑﺎﻫﻲ ، ﻭﺍﻣﺸﺖ ﺧﺸﺖ ﺩﺍﺭﻫﺎ
،،،،،،،،،
ﺧﻠﻮﻧﺎ ﻧﺮﺟﻌﻮ ﻟﺤﻮﺷﻨﺎ
ﻭﻟﻴﺪ ﻗﻌﻤﺰ ﺑﻘﻮﺓ ﻋﻠﻲ ﺍﻟﻜﺮﺳﻲ ﻭﺣﻂ ﺭﺍﺳﻪ ﺑﻴﻦ ﻳﺪﻳﻪ ﻭﻳﻬﺰ ﻓﻲ ﺭﺟﻠﻴﻪ ﺑﻌﺼﺒﻴﻪ
ﺭﺣﻤﺔ : ﺷﻦ ﺍﻟﻲ ﺻﺎﻳﺮ ﻳﺎﻋﺒﺪ ﺍﻟﻘﺎﺩﺭ ﻓﻬﻤﻨﺎ
ﻋﺒﺪ ﺍﻟﻘﺎﺩﺭ : ﻣﺶ ﻭﻗﺘﻪ ﺗﻮﺍ
ﺭﺣﻤﺔ : ﺗﻲ ﻛﻴﻴﻒ ﻣﺶ ﻭﻭﻗﺘﻪ ﻭﺍﻧﺘﻮ ﻗﻠﺒﺘﻮ ﺍﻟﺤﻮﺵ ﺑﻌﻴﺎﺍﻃﻜﻢ ﺍﺣﻜﻮﻟﻨﺎ ﻧﺒﻮ ﻧﻌﺮﻓﻮﻭ
ﻋﺒﺪ ﺍﻟﻘﺎﺩﺭ ﺑﻌﺼﺒﻴﻪ ﻭﺻﻮﺕ ﻋﺎﻟﻲ : ﺑﺘﺨﺸﻲ ﻭﺍﻻ ﻧﺠﻴﻲ ﻧﻘﺘﻠﻚ ﺍﻧﻲ ﺗﻮﺍ
ﺭﺣﻤﺔ : ﻋﺎﺩﻱ ﺷﻜﻠﻜﻢ ﺑﺘﻮﻟﻮ ﻋﻴﻠﻪ ﻣﺠﺮﻣﻴﻦ ﻫﻮﻧﺎ ﺧﻮﻙ ﻗﺎﺍﺗﻞ ﻭﺍﺍﺣﺪ ﺍﻟﺤﻖ ﺣﺘﻰ ﺍﻧﺖ ﺍﻗﺘﻞ
ﺍﻧﻲ ﺷﻔﺖ ﻟﺮﺣﻤﺔ ﺑﺼﺪﺩﻣﻪ ﻭﺧﻼﺹ ﺗﻌﻔﻠﻘﺖ
ﻋﺒﺪ ﺍﻟﻘﺎﺩﺭ ﻋﺼﺐ ﺍﻛﺜﺮ ﻭﻛﺎﻥ ﺑﻴﺮﺩ
ﺑﺲ ﺍﻧﻲ ﺳﺒﻘﺘﻪ ﻭﻗﻠﺘﻠﻬﺎ ﺑﺼﻮﺕ ﺣﺎﺩ : ﺭﺣﻤﺔ ﺍﻟﺘﺰﻣﻲ ﺣﺪﻭﻭﺩﻙ ﻭﻟﻴﻴﻴﺪ ﻣﺎﻫﻮ ﻗﺎﺍﺗﻞ ﻭﻻﻣﺠﺮﻡ ﻭﻟﻴﺪ ﻛﺎﻥ ﻓﻲ ﻭﺿﻊ ﺭﺻﺎﺹ ﻭﺿﺮﺏ ﻭﻟﻮ ﻣﺎﺿﺮﺑﺶ ﻳﻀﺮﺑﻮﻭﻩ ﻣﺎﻳﺘﺴﺎﻣﺎﺵ ﻣﺠﺮﻡ ﺍﻫﻨﻲ
ﺭﺣﻤﺔ : ﻋﻨﺪﻙ ﺣﻖ ﻣﺎﻫﻮ ﻫﻮ ﺑﺴﺒﺐ ﺑﻮﻙ ﻗﻌﺪ ﺳﻨﺘﻴﻦ ﺑﺮﺍ ﻣﻌﺎﺵ ﺷﻔﻨﺎﻩ
ﺍﻧﻲ ﺍﻧﺼﺪﻣﺖ ﻭﻋﻴﻄﺖ ﺑﺼﻮﺕ ﻋﺎﻟﻲ : ﺍﺣﺘﺘﺮﺭﻣﻲ ﻧﻔﺴﻚ ﻭﺍﻟﺘﺰﻣﻲ ﺣﺪﻭﻭﻭﺩﻙ ﺍﻻ ﺑﺎﺑﺎ ﺍﻳﻮﺍﺍﺍﻩ ﺍﻻ ﺑﺎﺍﺍﺑﺎﺍ ﻗﺴﻤﺎ ﺑﺎﻟﻠﻪ ﺍﻟﻲ ﻳﺪﻭﻱ ﻋﻠﻴﻪ ﺑﺴﻮﻭﺀ ﻧﻘﺼﻠﻠﻪ ﻟﺴﺎﺍﻧﻪ ﻋﺎﺍﺭﻓﻪ ﻧﻘﺼﻬﻮﻭﻭﻟﻚ
ﺭﺣﻤﺔ ﺍﻧﺼﺪﻣﺖ ﻭﻗﻌﺪﺕ ﺳﺎﻛﺘﻪ
ﻭﻟﻴﺪ ﻗﺎﻡ ﺭﺍﺳﻪ ﻭﻗﻌﺪ ﻳﺸﻮﻓﻠﻲ ﺑﺼﺪﻣﻪ
ﺍﻧﻲ ﺣﺴﻴﻴﺖ ﺑﺎﻟﻠﻢ ﻣﻜﺎﺍﻥ ﺍﻟﻌﻤﻠﻴﻪ ، ﺩﻣﻮﻭﻋﻲ ﻗﻌﺪﻭ ﻳﻨﺰﻟﻮﻭ ﻟﻔﻴﺖ ﻭﺧﺸﻴﺖ ﺑﺴﺮﺭﻋﻪ ﻭﺳﻜﺮﺕ ﻋﻠﻴﺎ ﺍﻟﺪﺍﺭ ﻭﻗﻌﻤﺰﺕ ﻗﻌﺪﺕ ﻧﺒﻜﻲ ﻭﺷﺎﺩﻩ ﻋﻠﻲ ﺟﻨﺒﻲ ، ﻟﻴﻦ ﺍﺧﺪﻳﺖ ﺣﺒﺔ ﻣﺴﻜﻦ ، ﻭﺍﺗﻜﻴﺖ
ﺍﻣﺎ ﺑﺮﺍ
ﻟﻤﺎ ﺧﺸﻴﺖ
ﻭﻟﻴﺪ : ﺷﻦ ﺍﻟﻜﻼﻡ ﺍﻟﻲ ﻗﻠﺘﻴﻪ ﺗﻮﺍ ﺍﻧﺘﻲ ﻣﺎﺗﻌﺮﻓﻴﺶ ﺗﺤﺘﺮﻣﻲ ﻧﻔﺴﻚ
ﻋﻤﺘﻲ ﺑﺘﻌﺐ : ﺍﻟﻠﻪ ﻳﺮﺑﺤﻚ ﻳﺎﻭﻟﻴﺪﻱ ﺧﻼﺍﺹ
ﻭﻟﻴﺪ ﺧﺎﻑ ﻋﻠﻲ ﺍﻣﻪ ﻭﻗﺮﺏ ﻣﻨﻬﺎ ﺑﺨﻮﻑ : ﺍﻣﻲ ﺍﻧﺘﻲ ﻛﻮﻳﺴﻪ
ﻋﻤﺘﻲ : ﻛﻮﻭﻳﺴﻪ ﻣﺎﻓﻴﺎ ﺷﻲ ﻏﻴﺮ ﺑﻄﻠﻮ ﻋﺮﺍﻙ ﻭﺧﺸﻮ ﺍﻟﺪﺍﺧﻞ ﻳﺎﻭﻟﺪﻱ ﺟﺎﻳﻴﻦ ﻓﻲ ﺍﻟﺠﻨﺎﻥ ﻭﺍﻟﺠﻴﺮﺍﻥ ﻳﺴﻤﻌﻮ
ﺭﺣﻤﺔ : ﺭﻋﺸﻮﻫﺎ ، ﻣﺮﺓ ﺍﻧﺖ ﻳﻨﻮﺿﻮ ﻋﻠﻴﻚ ﻣﺮﺓ ﻣﺮﺗﻚ ﻭﺗﻔﺸﻮ ﻏﻠﻜﻢ ﻓﻴﻨﺎ ﺑﻌﺪﻫﺎ ﻗﻮﻟﻬﺎ ﺍﻧﺘﻲ ﻛﻮﻳﺴﻪ
ﻭﻟﻴﺪ ﺍﻋﺼﺎﺍﺑﻪ ﺧﻼﺹ ﻣﺶ ﻣﺘﺤﻤﻞ ﻭﻻﻛﻠﻤﻪ ، ﺿﺮﺭﺏ ﻳﺪﻩ ﺑﺎﺍﻗﻮﻯ ﻗﻮﺗﻪ ﻓﻲ ﺍﻟﺤﻴﻂ ﺍﻟﻲ ﻭﺍﻗﻔﻪ ﻗﺪﺍﻣﻪ ﺭﺣﻤﺔ ، ﻳﺪﻩ ﺟﺖ ﺟﻨﺒﻬﺎ ﺑﺎﻟﺰﺑﻂ
ﺭﺣﻤﺔ ﻟﻔﺖ ﻭﺧﺸﺖ ﻟﻠﺤﻮﺵ ﺑﺴﺮﺭﻋﻪ
ﻣﺤﻤﻮﺩ ﻛﺎﻥ ﻣﻄﺒﺲ ﻋﻠﻲ ﻧﻮﺍﻝ ﺍﻟﻲ ﺍﻧﻬﺎﺭﺕ ﻓﺠﺄﺓ ﻣﻌﺎﺵ ﻗﺪﺭﺕ ﺗﻮﻗﻒ ، ﻳﺤﺎﻭﻝ ﻳﻬﺪﻳﻬﺎ
ﻧﻮﺍﻝ ﺣﺎﻃﻪ ﺭﺍﺳﻬﺎ ﻋﻠﻲ ﻛﺘﻔﻪ ﻭﺩﻣﻮﻋﻬﺎ ﻳﻨﺰﻟﻮ : ﻧﺒﻲ ﺑﺎﺑﺎ ﻳﺎﻣﺤﻤﻮﺩ ﺍﻧﻲ ﻋﻼﺵ ﻫﻜﻲ ﻣﻜﺘﻮﺑﻠﻲ ﻧﻜﻮﻥ ﻳﺘﻴﻤﻪ ﻋﻼﺵ ﻗﺘﻠﻮﻩ ﺑﺎﻫﻲ ﺷﻦ ﺩﺍﺭ ﻫﻮ ، ﻋﻼﺵ ﻳﺨﻠﻮﻧﺎ ﻣﻦ ﻏﻴﺮ ﻻﺍﺏ ﻻﺳﻨﺪ
ﻣﺤﻤﻮﺩ ﻭﺍﺟﻌﻪ ﻛﻼﻡ ﻧﻮﺍﻝ ﻗﻌﺪ ﻳﺤﺎﻭﻝ ﻳﻬﺪﻳﻬﺎ
ﻭﻓﺎﺀ ﻟﻤﺎ ﺍﻫﺪﻱ ﺍﻟﻮﺿﻊ ﺧﺸﺖ ﻟﺒﺴﺖ ﻋﺒﺎﻳﻪ ﻭﺷﺪﺕ ﺑﻨﺘﻬﺎ ﻭﻧﺰﻟﺖ ﺗﺠﺮﻱ ﻭﻗﻌﺪﺕ ﺟﻨﺐ ﻋﻤﺘﻲ
ﻋﺒﻴﺮ ﻣﻀﺒﻄﻪ ﺑﻨﺘﻬﺎ ﻭﺗﺒﻜﻲ ، ﻭﻣﺎﻫﻴﺶ ﻋﺎﺭﻓﻪ ﺷﻦ ﺗﺪﻳﺮ
،،،،،،،،،،
ﻧﻮﺭﺱ ﻛﺎﻧﺖ ﺟﺎﻳﺘﻨﻲ ، ﻓﺪﺭﺳﺖ ﻋﻠﻲ ﺳﻮﺑﺮﻣﺎﺭﻛﺖ
ﻭﻫﻲ ﻧﺎﺯﻟﺔ ﺷﺎﻓﺖ ﺳﻴﺎﺭﻩ ﻋﺪﻧﺎﻥ ، ﻗﻌﺪﺕ ﺗﺮﻛﺰ ﻋﺪﻧﺎﻥ ﺳﻴﺎﺭﺗﻪ ، ﻭﺷﻮﻳﺔ ﻭﻳﻨﺰﻝ
ﻋﺪﻧﺎﻥ ﺳﻜﺮ ﺍﻟﺴﻴﺎﺭﻩ ﻭﻗﺎﻡ ﺭﺍﺳﻪ ﻓﺠﺎﻩ ، ﻭﺗﺠﻲ ﻋﻴﻨﻬﺎ ﻓﻲ ﻋﻴﻨﻪ
ﻧﻮﺭﺱ ﺍﺑﺘﺴﻤﺖ ﻭﻗﺪﻣﺖ
ﻋﺪﻧﺎﻥ ﻗﻌﺪ ﻭﺍﻗﻒ ﻓﻲ ﻣﻜﺎﻧﻪ ﻭﻣﺘﻜﻨﻄﻲ ﻣﻨﻬﺎ
ﻧﻮﺭﺱ ﻣﺪﺕ ﻳﺪﻫﺎ ﺳﻠﻤﺖ ﻋﻠﻴﻪ ، ﺳﻠﻢ ﻫﻮ ﻉ ﺍﻟﺴﺎﻛﺖ
ﻧﻮﺭﺱ : ﻋﺪﻧﺎﻥ ﻻﺍﻣﺘﻰ ﺑﻨﻘﻌﺪ ﻫﻜﻲ
ﻋﺪﻧﺎﻥ : ﻣﺶ ﻓﺎﺿﻲ ﺍﻧﻲ
ﻧﻮﺭﺱ ﺷﺪﺕ ﻳﺪﻩ : ﻻﻓﺎﺿﻲ ﻧﻌﺮﻓﻚ ، ﻋﺪﻧﺎﻥ ﻭﺍﻟﻠﻪ ﺍﻋﻴﻴﺖ ﺭﺍﻫﻮ ﺍﻣﺘﻰ ﺑﺘﺤﻦ ﻋﻠﻴﺎ
ﻋﺪﻧﺎﻥ : ﺍﻧﺘﻲ ﺍﻟﻲ ﻭﺻﻠﺘﻴﻨﺎ ﻫﻜﻲ ، ﻭﻳﺎﺭﻳﺖ ﺗﻐﻴﺮﺗﻲ ﻗﺎﻋﺪﻩ ﺯﻱ ﻣﺎﺍﻧﺘﻲ ﺣﺘﻰ ﺍﻟﻄﻠﻮﻉ ﺗﻮﺍ ﻃﺎﻟﻌﻪ ﻣﻦ ﻏﻴﺮ ﻣﺎﺗﻘﻮﻟﻲ ﻭﻣﺎﻫﻴﺶ ﺍﻭﻝ ﻣﺮﺓ ﻃﺒﻌﺎ ﻫﺬﺍ ﺍﻗﺮﺏ ﻣﺜﺎﻝ ﺑﺲ
ﻧﻮﺭﺱ : ﻣﺎﻧﺒﻴﺶ ﻧﻘﻮﻟﻚ ﻟﻴﻦ ﺗﺮﺟﻌﻠﻲ ، ﻟﻤﺎ ﺗﺮﺟﻌﻠﻲ ﻧﺒﺪﺍ ﻧﺤﻜﻴﻠﻚ
ﻋﺪﻧﺎﻥ ﻗﻌﺪ ﻳﺸﻮﻓﻠﻬﺎ ﻭﻣﺎﺭﺩﺵ
ﻧﻮﺭﺱ : ﺷﻦ ﺗﺪﻳﺮ ﺍﻫﻨﻲ ﺍﻧﺖ
ﻋﺪﻧﺎﻥ : ﺷﻲ ﻣﺨﻄﻢ ﺩﺭﺳﺖ ﺑﻨﺎﺧﺪ ﺩﺧﺎﻥ ، ﻭﺍﻧﺘﻲ ﺷﻦ ﺟﻴﺒﻚ ﺍﻫﻨﻲ
ﻧﻮﺭﺱ : ﺑﻨﻤﺸﻲ ﻟﻨﻮﺳﻪ ، ﻋﻄﺸﺖ ﻓﻲ ﺍﻟﺴﺒﺎﺭﻩ ﺍﻣﺸﻲ ﻧﺰﻟﺖ ﻧﺸﺮﻱ ﻋﺼﻴﺮ ﻭﻣﻴﻪ
ﻋﺪﻧﺎﻥ : ﺑﺎﻩ ﻭﻟﻲ ﻟﺴﻴﺎﺭﺗﻚ ﺗﻮ ﻧﺠﻴﺒﻠﻚ
ﻧﻮﺭﺱ : ﺑﺲ ....
ﻋﺪﻧﺎﻥ : ﻣﺎﺑﺴﺶ ﻗﻠﺖ ﺍﺭﻛﺒﻲ ﻟﺴﻴﺎﺭﺗﻚ ﺍﻧﻲ
ﻧﻮﺭﺱ : ﺑﺎﻫﻲ ، ﻭﺍﻣﺸﺖ ﺭﻛﺒﺖ ﺳﻴﺎﺭﺗﻬﺎ
ﺷﺮﺍﻟﻬﺎ ﺣﺎﺟﺎﺗﻬﺎ ﺍﻋﻄﺎﻫﻤﻠﻬﺎ ، ﻭﺭﻛﺐ ﺳﻴﺎﺭﺗﻪ ﻭﺍﻣﺸﻲ ﻭﺭﺍﻩ ﺑﺎﺵ ﻳﻮﺻﻠﻬﺎ
،،،،،،،،
ﻭﺻﻠﻮ ﻟﻠﻤﺴﺘﺸﻔﻰ
ﻧﺰﻟﺖ ﻗﺒﻠﻪ ﻭﺗﻮﺟﻬﺖ ﺟﻬﺔ ﺍﻟﺒﺎﺏ ، ﺧﺸﺖ ﻭﻟﻔﺘﻠﻪ : ﻭﻳﻦ ﻧﻤﺸﻮ
ﻋﻤﺎﺩ : ﺗﻌﺎﻟﻲ ﻣﻌﺎﻱ ﺑﺲ ، ﻭﺷﺪﻫﺎ ﻣﻦ ﻳﺪﻫﺎ
ﻫﻲ ﻗﻠﺒﻬﺎ ﻗﻌﺪ ﻳﺪﻕ ﻭﻓﺮﺣﺖ ﻣﻦ ﺩﺍﺧﻞ ، ﻭﻣﺎﻗﺪﺭﺗﺶ ﺗﻌﺎﺭﺿﻪ
ﺭﻛﺒﻮ ، ﻭﺻﻠﻮ ﻗﺪﺍﻡ ﺍﻟﺤﺠﺮﺓ ﻃﻘﻮ ﻭﺧﺸﻮ
ﻫﻲ ﻗﺎﻣﺖ ﺭﺍﺳﻬﺎ ﻭﺷﺎﻓﺘﻠﻬﻢ ﺍﺑﺘﺴﻤﺖ ﺍﺑﺘﺴﺎﻣﻪ ﺑﺴﻴﻄﺔ : ﻣﻨﻰ ، ﻋﻤﺎﺩ
ﻣﻨﻰ : .......
،،،،،،،،،،،
ﻓﻲ ﺍﻟﺤﻮﺵ ﻋﻨﺪﻧﺎ
ﺍﻧﻲ ﻗﺎﻋﺪﻩ ﻓﻲ ﺍﻟﺪﺍﺭ ﻭﻧﺒﻜﻲ
ﻋﺒﻴﺮ ﻭﻋﻤﺘﻲ ﻭﻭﻓﺎﺀ ﺧﺸﻮ ﻗﻌﻤﺰﻭ ﻓﻲ ﺍﻟﺼﺎﻟﻪ ﻭﻛﻞ ﻭﺣﺪﺓ ﺗﺤﺎﻭﻝ ﺗﻮﺍﺳﻲ ﺍﻟﺜﺎﻧﻴﻪ
ﺭﺣﻤﺔ ﺧﺸﺖ ﻟﺪﺍﺭﻫﺎ ﻣﻌﺎﺵ ﻃﻠﻌﺖ
ﻧﻮﺍﻝ ﻣﻘﻌﻤﺰﻩ ﻓﻲ ﻛﺮﺳﻲ ﺍﻟﺠﻨﺎﻥ ﺗﺸﺮﺏ ﻓﻲ ﺍﻟﻤﻴﻪ
ﻣﺤﻤﻮﺩ ﻭﺍﻗﻒ ﺟﻨﺒﻬﺎ ﻭﺧﺎﻳﻒ ﻋﻠﻴﻬﺎ
ﻋﺒﺪ ﺍﻟﻘﺎﺩﺭ ﻭﺍﻗﻒ ﺑﻌﻴﺪ ﺷﻮﻳﺔ ﻭﻣﺘﻮﺗﺮ
ﻭﻟﻴﺪ ﻣﻘﻌﻤﺰ ﻭﺣﺎﻁ ﺭﺍﺳﻪ ﺑﻴﻦ ﻳﺪﻳﻪ
ﻃﻄﻖ ﻃﻄﻄﻖ ﻃﻄﻄﻘﻘﻖ
ﻛﻠﻨﺎ ﺷﻔﻨﺎ ﻟﺒﻌﺾ ﺑﺨﻮﻭﻑ
ﻛﺎﻥ ﺍﻟﺒﺎﺏ ﻳﻄﻘﻄﻖ ﺑﺸﻜﻞ ﻣﺨﻴﻴﻒ ﻭﺻﻮﻭﺕ ﻋﺎﺍﺍﻟﻲ
ﺻﻮﺕ ﺍﻟﻄﻖ ﻫﺰ ﺍﺟﺴﺎﻣﻨﺎ
ﺍﻧﻲ ﻧﻀﺖ ﻭﻗﻌﺪﺕ ﻧﻤﺸﻲ ﺑﺎﻟﺸﻮﻳﺔ ﻭﺧﻮﻑ ﻭﻃﻠﻌﺖ ﻣﻦ ﻟﻠﺪﺍﺭ ﻭﺍﻣﺸﻴﺘﻠﻬﻢ ﻓﻲ ﺍﻟﺼﺎﻟﻪ
ﺍﻧﻲ ﺑﺨﻮﻑ : ﺷﻦ ﻫﺬﺍ
ﻋﻤﺘﻲ ﺧﻮﻓﻬﺎ ﻣﺎﻳﻘﻠﺶ ﻋﻠﻴﺎ : ﻳﺴﺘﺮ ﺍﻟﻠﻪ ﻳﺎﺑﻨﻴﺘﻲ ﻭﺧﻼﺹ
ﻣﺤﻤﻮﺩ ﻟﻨﻮﺍﻝ : ﺧﺸﻲ ﺍﻟﺪﺍﺧﻞ
ﻧﻮﺍﻝ ﺧﺸﺖ ﻣﻦ ﺍﻟﺨﻮﻑ
ﺍﻟﺒﺎﺏ ﻣﺴﺘﻤﺮ ﻳﻄﻖ ﺑﻘﻮﻭﺓ ﻣﺶ ﻃﺒﻴﻌﻴﻪ
ﻭﻟﻴﺪ ﻭﻋﺒﺪ ﺍﻟﻘﺎﺩﺭ ﺛﻮﺍﻧﻲ ﻗﻌﺪﻭﻭ ﻳﺸﻮﻓﻮ ﻟﺒﻌﺾ ، ﺑﻌﺪﻫﺎ ﺍﻣﺸﻮ ﺟﻬﺔ ﺍﻟﺒﺎﺏ
ﻭﻟﻴﺪ ﻭﻗﻒ ﻭﺟﻨﺒﻪ ﻋﺒﺪ ﺍﻟﻘﺎﺩﺭ ﻭﻭﺭﺍﻫﻢ ﻣﺤﻤﻮﺩ
ﻭﻟﻴﺪ ﺣﻂ ﻳﺪﻩ ﻭﻓﺘﺢ ﺍﻟﺒﺎﺏ ﻭﻭﻭﻭ
# ﻳﺘﺒﻊالحلقةة[41]
من ﺭﻭﺍﻳﺔ - - ->" ﺳﻨــﺪ ﺍﻷﻧﺜــﻰ ﺭﺟــﻞ "
