منقولة
الحلقةة[77]
من ﺭﻭﺍﻳﺔ - - ->" ﺳﻨــﺪ ﺍﻷﻧﺜــﻰ ﺭﺟــﻞ "
ﺍﻫﺪﺕ ﻧﺮﺟﺲ ﺷﻮﻳﺔ ﺑﻌﺪ ﻧﻮﺑﺔ ﺑﻜﺎﺍﺀ
ﻣﻌﺎﺫ ﺷﺪﻫﺎ ﻣﻦ ﻳﺪﻫﺎ ﻭﻗﻌﻤﺰ ﻣﻘﺎﺑﻠﻬﺎ : ﺍﺣﻜﻴﻠﻲ ﺷﻦ ﻓﻴﻪ
ﻧﺮﺟﺲ ﻗﻌﺪﺕ ﺗﻤﺴﺢ ﻓﻲ ﺩﻣﻮﻋﻬﺎ ﻭﺳﻜﺘﺖ ، ﻧﺰﻟﺖ ﺭﺍﺳﻬﺎ
ﻣﻌﺎﺩ ﻣﺪ ﻳﺪﻫﺎ ﻭﻗﺎﻣﻠﻬﺎ ﺭﺍﺳﻬﺎ : ﺍﺣﻜﻲ ﺷﻦ ﻓﻲ ﻳﺎﻧﺮﺟﺲ
ﻧﺮﺟﺲ ﺑﺼﻮﺕ ﻣﺨﻨﻮﻕ : ﺣﺴﻦ ﺧﻄﺐ ﻭﺣﺪﺓ ﻏﻴﺮﻱ
ﻣﻌﺎﺩ : ﻛﻴﻒ ﻛﻴﻒ ﺧﻄﺐ ﻭﺣﺪﺓ ﻏﻴﺮﻙ ﻫﺎﺩﻱ ﻛﻴﻒ
ﻧﺮﺟﺲ ﻃﻠﻌﺖ ﺗﻠﻴﻔﻮﻧﻬﺎ ﻣﻦ ﺟﻴﺒﻬﺎ ﻭﻓﺘﺤﺖ ﺍﻟﻔﻴﺲ
ﻗﻌﺪﺕ ﺗﺪﻭﺭ ﻓﻲ ﺻﻔﺤﺘﻪ ﻣﺎﻟﻘﺖ ﺷﻲ
ﺧﺸﺖ ﻋﻠﻲ ﺻﻔﺤﺔ ﺍﺧﺘﻪ ﻣﺎﻟﻘﺘﺶ ﺍﻟﻤﻨﺸﻮﺭ : ﻭﻳﻦ ﺍﻟﻤﻨﺸﻮﺭ ﺍﺧﺘﻔﻲ ، ﻣﻌﺎﺩ ﻣﻤﻜﻦ ﻛﻨﺖ ﻧﺤﻠﻢ ، ﺻﺢ ﻓﻲ ﺍﺣﺘﻤﺎﻝ ﻛﺎﻥ ﺣﻠﻢ
ﻣﻌﺎﺩ ﻳﺸﻮﻓﻠﻬﺎ ﻭﻋﺎﺟﺰ ﻉ ﺍﻟﻜﻼﻡ
ﻧﺮﺟﺲ ﺑﻔﺮﺣﺔ ﺃﻣﻞ : ﺷﻜﻠﻲ ﻛﻨﺖ ﻧﺤﻠﻢ ﻣﺎﻓﻴﺶ ﻭﻻﻣﻨﺸﻮﺭ ﻋﻠﻴﻪ ﻣﻬﻨﺎﺵ ﺍﻟﺼﻮﺭﺓ ، ﺷﻜﻠﻪ ﺻﻮﺭﺓ ﺑﻴﺎﻧﻪ ﺣﻠﻢ ﻣﺶ ﺣﻘﻴﻘﺔ ، ﻣﻌﺎﺩ ﺣﺴﻦ ﻣﺎﺗﺨﻼﺵ ﻋﻠﻴﺎ ﻭﺍﻻ
ﻣﻌﺎﺩ ﻗﻌﺪ ﻳﺸﻮﻓﻠﻬﺎ ﻭﺧﻼﺹ ﻣﻌﺎﺵ ﻗﺪﺭ ﻳﻨﻄﻖ ﺑﻮﻻ ﻛﻠﻤﺔ
ﻋﻠﻲ ﺧﺸﺔ ﻧﻮﺍﻝ ﻟﻠﻤﻄﺒﺦ ﺷﺎﻓﺘﻠﻬﻢ ﺑﺎﺳﺘﻐﺮﺍﺏ : ﺧﻴﺮﻛﻢ ﻣﻌﺎﺵ ﻃﻠﻌﺘﻮ ﻣﻦ ﺍﻟﻤﻄﺒﺦ ؟
ﻣﻌﺎﺩ ﻧﺰﻝ ﺭﺍﺳﻪ ﻭﻳﺤﺲ ﻓﻲ ﺭﻭﺣﻪ ﻣﺨﻨﻮﻕ
ﻧﺮﺟﺲ ﻭﻗﻔﺖ ﻭﺟﺖ ﻟﻨﻮﺍﻝ ﺍﺿﺒﻄﺘﻬﺎ ، ﻭﺑﻔﺮﺣﺔ : ﻃﻠﻌﺖ ﻧﺤﻠﻢ ﻳﺎﻧﻮﺍﻝ ﺣﺴﻦ ﻣﺎﺗﺨﻼﺵ ﻋﻠﻴﺎ ﻛﻨﺖ ﻧﺤﺴﺎﺑﻪ ﺍﻣﺸﻲ ﻟﻮﺣﺪﺓ ﻏﻴﺮﻱ
ﻧﻮﺍﻝ ﻗﺮﻧﺖ ﺣﻮﺍﺟﺒﻬﺎ ﻭﺷﺎﻓﺖ ﻟﻤﻌﺎﺩ ﻭﻣﺶ ﻓﺎﻫﻤﻪ ﺷﻦ ﺍﻟﻲ ﺻﺎﺭ
ﻧﺮﺟﺲ ﻣﺒﺘﺴﻤﻪ ﻭﺗﻤﺴﺢ ﻓﻲ ﺩﻣﻮﻋﻬﺎ : ﻟﻜﻦ ﻣﺶ ﻋﺎﺭﻓﻪ ﺧﻴﺮﻩ ﻣﺴﻜﺮ ﺗﻠﻴﻔﻮﻧﻪ ﺍﻧﺸﻐﻠﺖ ﻋﻠﻴﻪ ، ﻭﺷﺪﺕ ﺗﺠﺮﺏ ﻓﻲ ﺭﻗﻤﻪ
ﻧﻮﺍﻝ ﻣﻌﺎﺵ ﻗﺪﺭﺕ ﺗﺘﺤﻤﻞ : ﺍﻧﺘﻲ ﺍﻣﺘﻰ ﺑﺘﻔﻴﻘﻲ ﻟﻌﻤﻤﺮﻙ ﺍﻻﺥ ﺍﻟﻲ ﻣﺸﻐﻮﻟﺔ ﻋﻠﻴﻪ ﺑﻴﺎﻧﻪ ﺍﻣﺲ ﻛﺎﺍﺍﻥ ﺍﺳﺘﺎﻗﻈﻲ ﻭﻣﻐﻴﺮﻩ ﺭﻗﻤﻪ ﻭﺍﻫﻮﻭﻭ ﻛﺎﻥ ﺗﺒﻴﻪ ﺍﺳﺘﻨﻲ ﺷﻮﻳﺔ ﺑﺲ ﺗﻮ ﻧﻮﺭﻳﻬﻮﻟﻚ ، ﻭﻃﻠﻌﺖ ﺗﻠﻴﻔﻮﻧﻬﺎ ﻭﻣﺪﺗﻬﻮﻟﻬﺎ : ﺍﻫﻮﻭﻭ ﺭﻗﻤﻪ ﻟﻮ ﻣﺶ ﻣﺼﺪﻗﺔ ﺍﺗﺼﻠﻲ ﻭﺍﺳﻤﻌﻲ ﺑﻮﺩﻧﻚ ﺍﻟﺨﺎﻳﻦ ﺍﻟﺤﻘﻴﺮ ﺍﻟﻲ ﻣﺸﻐﻮﻟﺔ ﻋﻠﻴﻪ ﻫﻮ ﻣﺶ ﻣﻌﺒﺮﺭﺭﻙ ﻓﻴﻘﻲ ﻟﻌﻤﻤﻤﺮﻙ
ﻣﻌﺎﺩ ﻭﻗﻒ ﻭﻳﺸﻮﻓﻠﻬﻢ ﺍﻟﺰﻭﺯ ﻭﻣﺶ ﻗﺎﺩﺭ ﻳﺘﻜﻠﻢ
ﻧﺮﺟﺲ ﻋﻠﻲ ﻃﻮﻝ ﺩﻣﻮﻋﻬﺎ ﻧﺰﻟﻮ : ﺗﻜﺪﺑﻲ ﺍﻧﺘﻲ ﻣﻬﻨﺎﺵ ﺍﻟﻤﻨﺸﻮﺭ ﻭﺍﻟﻠﻪ ﻣﺶ ﻣﻮﺟﻮﺩ ﻫﺎ ﺗﻌﺎﻟﻲ ﺷﻮﻭﻓﻲ ﻭﺍﻟﻠﻪ ﻣﺎﻣﻮﺟﻮﺩ
ﻧﻮﺍﻝ : ﻣﺴﺤﻪ ﺑﻌﺪ ﻣﺎﻛﻠﻤﺘﻪ ﺍﻧﻲ ﻭﻫﺰﺑﺘﻪ ، ﺯﻳﺪﻱ ﺍﻗﻌﺪﻱ ﺍﻣﻠﻲ ﺭﻭﺣﻚ ﻫﻜﻲ ﺍﻟﻘﺎﻙ ﺩﺭﻭﻳﺸﺔ ﻭﻃﻴﺒﺔ ﻭﺗﺼﺪﻗﻲ ﻛﻞ ﺷﻲ ، ﻭﻃﻠﻌﺖ ﻭﺳﻴﺒﺘﻬﺎ
ﻧﺮﺟﺲ ﻗﻌﺪﺕ ﻭﺍﻗﻔﻪ ﻭﺗﺒﻜﻲ ، ﺷﺎﻓﺖ ﻟﻤﻌﺎﺩ : ﺗﻜﺪﺏ ﻋﻠﻴﺎ ﻫﻲ ﻭﺍﻻ ﻗﻮﻟﻲ ﻳﺎﻣﻌﺎﺩ ﻫﻲ ﺗﻜﺪﺏ ﻭﺍﻻ
ﻣﻌﺎﺩ ﻗﺮﺕ ﻣﻨﻬﺎ ﻭﻣﻌﺎﺵ ﻋﺮﻑ ﻛﻴﻒ ﻳﺘﺼﺮﻑ ﻗﻌﺪ ﻳﺸﻮﻓﻠﻬﺎ ﻭﻣﺤﺮﻭﻕ ﻋﻠﻴﻬﺎ ﻭﺧﻼﺹ ، ﺻﺐ ﻃﺎﺳﺔ ﻣﻴﻪ ﻭﻣﺪﻫﺎﻟﻬﺎ
ﻧﺮﺟﺲ ﻣﺪﺕ ﻳﺪﻫﺎ ﻭﺗﺮﻋﺶ ﺷﺪﺕ ﺍﻟﻄﺎﺳﺔ ، ﻣﻌﺎﺩ ﻟﻤﺎ ﺷﺎﻓﻬﺎ ﺗﺮﻋﺶ ﺷﺪﻟﻬﺎ ﺍﻟﻄﺎﺳﺔ ﺷﺮﺑﻬﺎ ، ﻭﺑﻌﺪﻫﺎ ﻗﻌﻤﺰﻫﺎ ﺍﻟﻜﺮﺳﻲ ﻭﺧﻼﻫﺎ ﺗﺒﻜﻲ ﻭﺗﻔﺮﻍ ﺍﻟﻲ ﺑﺪﺍﺧﻠﻬﺎ
ﺍﻣﺎ ﻧﺮﺟﺲ ﻓﻜﺎﻧﺖ ﻣﺤﺮﻭﻗﻪ ﻭﺑﺪﺍﺧﻠﻬﺎ ﻧﺎﺭ ﻣﻬﻤﺎ ﻧﺰﻟﺖ ﻣﻦ ﺩﻣﻮﻉ ﻣﺎﺗﻄﻔﻴﻬﺎﺵ
" ﻭﺍﺍﻩ ﻣﻦ ﻋﺸﻖ ﻗﺪ ﻣﺰﻕ ﻗﻠﻮﺑﻨﺎ ﺍﻟﻤﺎ
ﻭﺍﺍﻩ ﻣﻦ ﻋﺸﻖ ﻳﺠﻌﻠﻨﺎ ﻧﺮﻯ ﻣﻦ ﻧﺤﺐ ﻓﻲ ﺣﻀﻦ ﻏﻴﺮﻧﺎ ﻭﻻﻧﺴﺘﻄﻴﻊ ﺍﻟﺘﻜﻠﻢ
ﻭﺍﺍﻩ ﻣﻦ ﺷﻌﻖ ﻳﺠﻌﻠﻨﺎ ﻧﺜﻖ ﺑﺎﺍﺷﺨﺎﺹ ﻻﻳﺴﺘﺤﻘﻮﻥ
ﻭﺍﺍﻩ ﻣﻦ ﻋﺸﻖ ﻳﺠﻌﻠﻨﺎ ﻧﺎﺩﻣﻴﻦ ﻋﻠﻰ ﻗﺮﺍﺭﺍﺕ ﺻﺎﺋﺒﺔ
ﻭﺍﺍﻩ ﻣﻦ ﻋﺸﻖ ﻳﺆﻟﻢ ﻛﻞ ﻗﻠﺐ ﻗﺪ ﺩﻕ ﺑﺎﺑﻪ ﻣﻦ ﻗﺒﻞ "
،،،،،،،،
ﺍﻟﺴﺮﺣﺎﻥ ﻣﺎﻳﻔﺎﺭﻗﺶ ﻓﻴﻪ ، ﻭﻃﻮﻝ ﺍﻟﻮﻗﺖ ﻳﻔﻜﺮ
ﻫﻞ ﺍﻟﻲ ﺩﺍﺭﻩ ﺻﺢ ﺍﻭ ﺧﻄﺄ
ﺭﺟﻊ ﺑﺘﻔﻜﻴﺮﻩ ﻻﻭﻗﺎﺕ ﻏﺮﻳﺒﺔ ﻏﻴﺮﺗﻠﻪ ﺣﻴﺎﺗﻪ ﺑﻜﺎﻣﻠﻬﺎ
"' ﻭﻗﻔﺖ ﻋﻠﻴﻪ : ﺗﺒﻲ ﺷﻲ
ﺣﺴﻦ ﻣﻘﻌﻤﺰ : ﻣﻴﺔ ﺑﺲ ﻟﻮ ﺳﻤﺤﺘﻲ
ﺍﻣﺸﺖ ﺟﺎﺑﺘﻠﻪ ﻣﻴﻪ ﻭﻣﺪﺗﻬﺎﻟﻪ ﻭﻣﺒﺘﺴﻤﻪ
ﺣﺴﻦ ﺷﺮﺏ ﻭﺷﺎﻓﻠﻬﺎ : ﻟﻴﺶ ﻗﺎﻋﺪﺓ ﻭﺍﻗﻔﻪ ﻗﻌﻤﺰﻱ
ﻗﻌﻤﺰﺕ ﻭﻋﻴﻮﻧﻬﺎ ﻋﻠﻴﻬﺎ ﻣﺎﺣﻮﻟﺘﻬﻤﺶ ﻣﻨﻪ
ﺣﺴﻦ : ﺗﻌﺮﻓﻲ ، ﻭﺷﺎﻓﻠﻬﺎ ﺍﻟﻘﺎﻫﺎ ﺳﺮﺣﺎﻧﻪ : ﻫﻠﻮﻭ ﺍﻣﻴﺮﺓ
ﺍﻣﻴﺮﺓ ﻭﻗﺎﻋﺪﺓ ﺷﺒﻪ ﺳﺮﺣﺎﻧﻪ : ﻗﻠﺐ ﺍﻣﻴﺮﺓ ﻧﻌﻢ
ﺣﺴﻦ ﻗﻌﺪ ﻳﺸﻮﻓﻠﻬﺎ
ﺍﻣﻴﺮﺓ ﻓﺎﻗﺖ ﻟﺮﻭﺣﻬﺎ ﻭﻧﺰﻟﺖ ﻋﻴﻮﻧﻬﺎ
ﺣﺴﻦ ﺳﺮﺡ ﻓﻴﻬﺎ
ﻧﺎﺿﺖ ﺍﻣﻴﺮﺓ ﺑﻌﺪ ﻧﺎﺩﺕ ﻋﻠﻴﻬﺎ ﺍﻣﻬﺎ ﻭﺟﺖ ﻗﻌﻤﺰﺕ ﺟﻨﺒﻪ ﺍﻣﻪ
ﺍﻣﻪ : ﻫﺎ ﻳﺎﻭﻟﻴﺪﻱ ﺷﻦ ﺭﺍﻳﻚ ، ﻭﺷﺎﻓﺖ ﻟﺠﻬﺔ ﺍﻣﻴﺮﺓ ﺍﻟﻲ ﺗﺘﺒﺎﻋﺪ ﻭﺿﺤﻜﺖ
ﺣﺴﻦ : ﻓﻲ ﺷﻨﻮ
ﺍﻣﻪ ﻏﻤﺰﺗﻠﻪ : ﻓﻲ ﺍﻣﻴﺮﺓ
ﺣﺴﻦ ﻗﻌﺪ ﻳﻀﺤﻚ : ﻛﻨﻬﺎ
ﺍﻣﻪ : ﻛﺎﺍﻧﻚ ﻣﻮﻟﻲ ﺗﺴﺘﻐﺒﻰ ﻳﺎﻭﻟﺪ ﺷﻦ ﺭﺍﻳﻚ ﻓﻴﻬﺎ ﻛﻌﺮﻭﺳﺔ ﻟﻴﻚ
ﺣﺴﻦ : ﻳﺎﺍﻣﻲ ﺍﻧﻲ ﺟﺎﻱ ﻭﻋﺎﺭﻓﺘﻴﻨﻲ ﻋﻠﻲ ﺷﻨﻮ ﺑﻨﻜﻠﻤﻚ
ﺍﻣﻪ : ﻭﻛﻨﻬﺎ ﺍﻣﻴﺮﺓ ﺯﻱ ﺍﻟﻐﺰﺍﻟﺔ ﺍﺳﻢ ﺍﻟﻠﻪ ﻋﻠﻴﻬﺎ
ﺣﺴﻦ : ﻳﺎﺍﻣﻲ ﺍﻧﻲ ﻧﺒﻲ ﻫﺎﺩﻳﻜﺎ ﺻﺢ ﺍﻣﻴﺮﺓ ﺟﻤﻴﻠﺔ ﻭﻣﻤﻜﻦ ﺣﺘﻰ ﺍﺣﻠﻰ ﻣﻦ ﻧﺮﺟﺲ ﺑﺲ ﺍﻧﻲ ﻧﺒﻲ ﻧﺮﺟﺲ
ﺍﻣﻪ ﻟﻮﺕ ﺷﻮﺍﺭﺑﻬﺎ ﻣﺶ ﻋﺎﺟﺒﻬﺎ : ﺍﺳﻤﻊ ﻫﻤﺎ ﻛﻠﻤﺘﻴﻦ ﺣﻄﻬﻢ ﻓﻲ ﺭﺍﺳﻚ ﺍﻧﻲ ﻫﺎﺩﻳﻜﺎ ﻣﺶ ﺣﻨﻌﺪﻱ ﻧﺨﻄﺒﻬﺎ ، ﻭﻭﻗﻔﺖ ﺍﻣﺸﺖ ﻭﺧﻼﺗﻪ
ﺣﺴﻦ ﻗﻌﺪ ﻣﻘﻌﻤﺰ ﻣﺼﺪﻭﻡ ﻣﻦ ﻛﻼﻡ ﺍﻣﻪ ﻭﻳﻔﻜﺮ ﺷﻦ ﺣﻴﺪﻳﺮ '"
،،،،،،
ﻭﻣﺮﺕ ﻫﺎﺩﻱ ﺍﻟﻠﻴﻠﺔ ﻋﻠﻲ ﺍﻟﺠﻤﻴﻊ
ﺑﻌﺾ ﻣﻨﻬﻢ ﻓﺮﺣﺎﻥ ﻭﻟﻴﻠﺘﻪ ﻣﺮﺕ ﺑﺎﺍﻣﺎﻥ ﻭﻗﻠﻮﺑﻬﻢ ﻣﻠﻴﺎﻥ ﺣﺐ ﻭﻳﺴﺘﻨﻮ ﺍﻣﺘﻰ ﺭﺑﻲ ﺣﻴﺠﻤﻌﻬﻢ ﺗﺤﺖ ﺳﻘﻒ ﻭﺍﺣﺪ
ﺯﻱ ﺳﺎﺭﺓ ﻭﻣﻌﺘﺼﻢ
ﻭﺍﻟﺒﻌﺾ ﻣﺮﺕ ﻋﻠﻴﻬﻢ ﻟﻴﻠﺔ ﺣﺰﻳﻨﻪ ﻣﻠﻴﺎﻧﻪ ﺩﻣﻮﻉ ، ﻭﻣﺎﺍﺻﻌﺐ ﺷﻌﻮﺭ ﺍﻟﺨﺪﻻﻥ ﻭﺍﻟﺨﻴﺎﻧﻪ
ﺯﻱ ﻧﺮﺟﺲ
ﻭﺍﻟﺒﻌﺾ ﺷﻌﻮﺭ ﺍﻟﻨﺪﻡ ﻻﻳﺘﺮﻛﻬﻢ ﻭﺍﻟﺘﻔﻜﻴﺮ ﺑﻬﻞ ﻫﻢ ﻋﻠﻰ ﺻﺢ ﺍﻡ ﺧﻄﺄ
ﺯﻱ ﻋﻠﻴﺎ ﻭﺣﺴﻦ
ﻭﺍﻟﺒﻌﺾ ﻣﻨﻬﻢ ﻛﺎﻥ ﺧﺎﻳﻒ ﻣﻦ ﺍﻟﻤﺴﺘﻘﺒﻞ ﺧﺎﻳﻒ ﻳﺨﺴﺮ ﺣﺒﻪ
ﺯﻱ ﺭﻧﺎ ﻭﻋﺒﺪ ﺍﻟﻤﻨﻌﻢ
ﻭﺍﻟﺒﻌﺾ ﺭﻗﺪ ﻓﻲ ﺍﻣﺎﻥ ﻭﻛﻞ ﻭﺍﺣﺪ ﻓﻴﻬﻢ ﻓﻲ ﺣﻀﻦ ﺣﺒﻴﺒﻪ ﻭﻫﻤﺎ ﻳﺸﻮﻓﻮ ﻟﻠﻤﺴﺘﻘﺒﻞ ﺑﻨﻈﺮﺓ ﺗﻔﺎﺋﻞ
ﺯﻱ ﻧﻮﺳﺔ ﻭﻭﻟﻴﺪ ﻫﺎﺟﺮ ﻭﺃﻳﻤﻦ
،،،،
" ﻭﻳﺎﻭﺟﻊ ﺍﺭﺣﻢ ﻗﻠﺒﻲ ﻣﻦ ﺣﺐ ﻻﺟﺪﻭﻯ ﻣﻨﻪ "
ﺗﺎﻧﻲ ﻳﻮﻡ ﺍﻟﺼﺒﺢ
ﻣﻌﺎﺩ : ﻏﻴﺮ ﻳﺎﺧﺎﻟﺘﻲ ﻧﺪﻳﺮ ﺑﻴﻬﺎ ﺩﻭﺭﺓ ﺑﺲ ﻧﻐﻴﺮﻟﻬﺎ ﺟﻮ ﺑﺲ ﻭﺍﻟﻠﻪ ﻣﺶ ﻃﺎﻳﻖ ﻧﺸﻮﻓﻬﺎ ﻫﻜﻲ ﺍﻓﻬﻤﻴﻨﻲ
ﻣﺎﻣﺎ : ﻳﺎﻣﻌﺎﺩ ﻋﺎﺭﻓﺎﺗﻚ ﻭﺍﻟﻠﻪ ﻣﺎﺷﺎﺀ ﺍﻟﻠﻪ ﻋﻠﻴﻚ ﻭﻣﺎﺗﺒﻴﻠﻬﺎ ﺍﻻ ﺍﻟﺨﻴﺮ ﻟﻜﻦ ﻏﻠﻂ ﺗﻄﻠﻌﻬﺎ ﺑﺮﻭﺣﻬﺎ
ﻣﻌﺎﺩ : ﻣﺎﻫﻮ ﺳﺎﺭﺓ ﺧﻠﻴﺘﻬﺎ ﻓﻲ ﺍﻟﺠﺎﻣﻌﻪ ﻭﺳﺮﻭﺭ ﻋﻨﺪﻫﺎ ﺍﻣﺘﺤﺎﻥ ﺗﻘﺮﺍ ﻣﻦ ﺑﻨﻄﻠﻊ ﻣﻌﺎﻫﺎ
ﻣﺎﻣﺎ ﺳﻜﺘﺖ ﺷﻮﻳﺔ : ﺍﻣﺘﻰ ﺗﺮﻭﺡ ﺑﻴﻬﺎ ؟
ﻣﻌﺎﺩ ﺑﻔﺮﺣﺔ : ﻣﺶ ﺣﻨﻌﻄﻠﻮ ﻧﻔﻄﺮﻭ ﻭﻧﺪﻳﺮ ﺑﻴﻬﺎ ﺩﻭﺭﺓ ﻭﻧﺮﻭﺣﻮ ﻗﺒﻞ ﺍﻟﺴﺎﻋﻪ 3 ﻧﻜﻮﻧﻮ ﻋﻨﺪﻙ
ﻣﺎﻣﺎ : ﺑﺎﻫﻲ ﻟﻜﻦ ﻫﺎ ﻗﺒﻞ 3 ﺗﻜﻮﻧﻮ ﺍﻫﻨﻲ ﻭﺭﺩ ﺑﺎﻟﻚ ﻣﻦ ﺍﻟﺴﻴﺎﺭﺍﺕ ﻋﺎﺩ ﻭﺍﻟﻄﺮﻳﻖ ﻭﺗﺮﺩ ﺑﺎﻟﻚ ﻣﻨﻬﺎ
ﻣﻌﺎﺩ ﻃﺎﺭ ﻣﻦ ﺍﻟﻔﺮﺣﺔ : ﺣﺎﺿﺮ ﻳﺎﺧﺎﻟﺘﻲ ﻭﺍﻟﻠﻪ ﺣﺎﺿﺮ ﻓﻲ ﻋﻴﻮﻧﻲ
ﻣﺎﻣﺎ : ﺑﺎﻩ ﺧﻠﻲ ﻧﻤﺸﻲ ﻧﺸﻮﻓﻬﺎ ، ﻭﻛﻴﻒ ﺑﺘﻨﻮﺽ ﻣﺎﻣﺎ ﺑﺘﺮﻛﺐ
ﻧﺰﻟﺖ ﻧﺮﺟﺲ ﺗﺤﻚ ﻓﻲ ﻋﻴﻮﻧﻬﺎ ﺍﻟﻲ ﻣﻌﺒﻴﺎﺕ ﻧﻮﻡ
ﻣﻌﺎﺩ ﺍﺑﺘﺴﻢ : ﺻﺒﺎﺡ ﺍﻟﺨﻴﺮ ﺻﺤﺔ ﺍﻟﻨﻮﻡ
ﻧﺮﺟﺲ ﺍﺳﺘﻐﺮﺑﺖ ﻓﻲ ﺟﻴﺘﻪ : ﺻﺒﺎﺡ ﺍﻟﻨﻮﺭ
ﻣﺎﻣﺎ ﻗﻌﺪﺕ ﺗﺸﻮﻑ ﻟﻌﻴﻮﻥ ﻧﺮﺟﺲ ﺍﻟﻤﻨﻔﻮﺧﺎﺕ ﻭﻭﺍﺿﺢ ﺍﻧﻬﺎ ﺭﺍﻗﺪﺓ ﻭﻫﻲ ﺗﺒﻜﻲ : ﻣﻌﺎﺩ ﻳﺒﻲ ﻳﻄﻠﻌﻚ ، ﺗﻤﺸﻲ ؟
ﻧﺮﺟﺲ ﻗﻌﻤﺰﺕ : ﻟﻮﻳﻦ
ﻣﺎﻣﺎ ﻛﻴﻒ ﺑﺘﺘﻜﻠﻢ ﺳﺒﻘﻬﺎ ﻣﻌﺎﺩ : ﻧﻔﻄﺮﻭ ﻫﻜﻲ ﻭﻧﺘﺪﻫﻮﺭ ﺑﻴﻚ ﺷﻮﻳﺔ ﻓﻲ ﺍﻟﻤﺪﻳﻨﻪ ﻣﺶ ﺣﻨﻌﻄﻠﻮ ﻫﺎ ﺷﻦ ﺭﺍﻳﻚ
ﻧﺮﺟﺲ : ﻣﺎﻋﻨﺪﻳﺶ ﻧﻴﺔ ﻳﺎﻣﻌﺎﺩ
ﻣﻌﺎﺩ : ﻫﻴﺎ ﺑﺎﻟﻠﻪ ﻋﻠﻴﻚ ﺗﻐﻴﺮﻱ ﺟﻮﻙ ﺗﻲ ﺍﻧﻲ ﻣﺎﺻﺪﻗﺖ ﺍﻣﻚ ﻭﺍﻓﻘﺖ
ﻣﺎﻣﺎ ﻗﻌﺪﺕ ﺗﺸﻮﻓﻠﻬﻢ ﺍﻟﺰﻭﺯ
ﻧﺮﺟﺲ : ﺑﺠﺪ ﻳﺎﻣﻌﺎﺩ ﻭﺍﻟﻠﻪ ﻣﺎﻋﻨﺪﻱ ﻧﻴﺔ ﻧﻄﻠﻊ ﺑﻜﻞ ﻋﺎﺭﻓﺎﺗﻚ ﺗﺒﻲ ﺗﻐﻴﺮﻟﻲ ﺟﻮﻱ ﺑﺲ ﺻﺤﻴﺖ ﺧﻠﻴﻬﺎ ﻣﺮﺓ ﺗﺎﻧﻴﻪ
ﻣﻌﺎﺩ ﺑﺨﻴﺒﺔ ﺍﻣﻞ : ﻋﻠﺸﺎﻥ ﺧﺎﻃﺮﻱ ﻧﺮﺟﻮﺳﺔ ﻫﻴﺎ ﻋﺎﺩ ﻭﺍﻟﻠﻪ ﻣﺎﻧﻌﻄﻠﻮ ﻭﺗﻐﻴﺮﻱ ﺟﻮﻙ
ﻧﺮﺟﺲ ﺳﻜﺘﺖ
ﻣﻌﺎﺩ : ﻫﻴﺎ ﻭﺗﻲ ﺭﻭﺣﻚ ﻭﺍﻧﻲ ﻧﺴﺘﻨﺎﻙ
ﻧﺮﺟﺲ ﻓﻜﺮﺕ ﺷﻮﻳﺔ ﺍﻟﻘﺖ ﺭﻭﺣﻬﺎ ﻣﺶ ﺧﺎﺳﺮﺓ ﺷﻲ : ﺑﺎﻩ ﺗﻤﺎﻡ ﻧﺒﺪﻝ ﻭﻧﺠﻲ ، ﻭﻧﺎﺿﺖ ﺭﻛﺒﺖ
ﻣﻌﺎﺩ ﻓﺮﺡ ﻭﻗﻌﺪ ﻣﻘﻌﻤﺰ ﻳﺮﺍﺟﻲ ﻓﻴﻬﺎ
ﻣﺎﻣﺎ ﺳﺎﻛﺘﻪ ﻭﺗﺸﻮﻓﻠﻪ
ﻣﻌﺎﺩ ﻻﺣﻈﻬﺎ : ﺧﻴﺮﻙ ﻳﺎﺧﺎﻟﺘﻲ ؟ ﺭﺍﻫﻮ ﻛﺎﻧﻚ ﻣﺸﻐﻮﻟﺔ ﻋﻠﻲ ﻧﺮﺟﺲ ﻭﺍﻟﻠﻪ ﻣﺎﺭﺍﺡ ﻧﻌﻄﻠﻮ ﻭﻋﺪ ﺷﻮﻳﺔ ﺑﺲ ﻧﻐﻴﺮﻟﻬﺎ ﺟﻮﻫﺎ
ﻣﺎﻣﺎ ﺷﺎﻓﺘﻠﻪ ﻧﻈﺮﺓ ﻏﺎﻣﻀﺔ ، ﻭﺑﺼﻮﺕ ﺟﺪﻱ : ﺭﺩ ﺑﺎﻟﻚ ﻋﻠﻴﻬﺎ
ﻣﻌﺎﺩ : ﻓﻲ ﻋﻴﻮﻧﻲ ﻫﻲ ﻳﺎﺧﺎﻟﺘﻲ
ﻣﺎﻣﺎ : ﺣﺘﻰ ﻟﻮ ﺻﺎﺭﻟﻲ ﺷﻲ ﺧﻠﻴﻚ ﺩﻳﻤﺎ ﺟﻨﺒﻬﺎ ﺭﺍﻫﻲ ﺣﺴﺎﺳﺔ ﻭﻣﺎﺗﺘﺤﻤﻠﺶ ﻭﻗﻠﺒﻬﺎ ﺭﻫﻴﻒ
ﻣﻌﺎﺩ ﺷﺎﻑ ﻟﻤﺎﻣﺎ ﺑﺎﺳﺘﻐﺮﺍﺏ : ﺑﻌﻴﺪ ﺍﻟﺴﻮ ﻋﻠﻴﻚ ﺍﻥ ﺷﺎﺀ ﺍﻟﻠﻪ ﺣﺎﺿﺮ ﻣﺎﺗﺨﺎﻓﻴﺶ ﻋﻠﻴﻬﺎ ﺍﻧﻲ ﻣﺴﺘﺤﻴﻞ ﻧﺠﺮﺣﻬﺎ ﻧﺨﺎﻑ ﻋﻠﻴﻬﺎ ﻣﻦ ﺍﻟﻨﺴﻤﻪ
ﻣﺎﻣﺎ ﺍﺑﺘﺴﻤﺖ ﻭﺍﻣﺸﺖ ﻣﻦ ﻏﻴﺮ ﻣﺎﺗﺤﻜﻲ ﻛﻠﻤﺔ
ﻗﻌﺪ ﻣﻌﺎﺩ ﻳﺮﺍﺟﻲ ﻓﻲ ﻧﺮﺟﺲ ﺍﻣﺘﻰ ﺗﻨﺰﻝ ﻭﻳﻠﻌﺐ ﺑﺘﻠﻴﻔﻮﻧﻪ
ﺍﻣﺎ ﻧﺮﺟﺲ ﻓﺘﺤﺖ ﺍﻟﺪﻭﻻﺏ ﺑﺘﻠﺒﺲ
ﺍﻭﻝ ﻣﺎﻗﺎﺑﻠﺘﻬﺎ ﺑﻠﻮﺯﺓ ﺳﻮﺩﺍ ﻫﺪﻳﺔ ﺣﺴﻦ
ﻃﻠﻌﺘﻬﺎ ﺣﻀﻨﺘﻬﺎ ﺷﻤﺖ ﺭﻳﺤﺘﻬﺎ ، ﻭﻟﺒﺴﺘﻬﺎ
!!
ﻭﺗﺖ ﺭﻭﺣﻬﺎ ﻭﻧﺰﻟﺖ
ﻣﻌﺎﺩ ﻭﻗﻒ ﻣﺒﺘﺴﻢ : ﺍﻭﻭﻭ ﺷﻦ ﺍﻟﻄﺮﺣﺎﺕ ﺍﻟﺼﻘﻊ ﻫﺎﺩﻭ
ﻧﺮﺟﺲ ﺍﺑﺘﺴﻤﺖ ﻭﺑﺼﻮﺕ ﻭﺍﻃﻲ : ﻫﺪﻳﺔ ﺣﺴﻦ ، ﻭﻭﻗﻔﺖ ﻟﻠﻤﺮﺍﻳﺔ ﺗﺸﻮﻑ ﻟﺮﻭﺣﻬﺎ
ﻣﻌﺎﺩ ﺗﻼﺷﺖ ﺍﻻﺑﺘﺴﺎﻣﻪ ﻣﻦ ﻋﻠﻲ ﻭﺟﻬﻪ ﻭﺣﺲ ﻛﺎﺍﻧﻪ ﻣﻦ ﻏﺮﺯ ﻓﻲ ﻗﻠﺒﻪ ﻣﻮﺳﻰ ﻭﻗﺖ ﻗﺎﻟﺖ ﻫﺪﻳﺔ ﺣﺴﻦ ، ﻗﻌﺪ ﺳﺎﻛﺖ ﻭﻳﺸﻮﻓﻠﻬﺎ
ﻭﺍﻗﻔﻪ ﻉ ﺍﻟﻤﺮﺍﻳﺔ ﻭﺗﺸﻮﻑ ﻟﻠﺒﻠﻮﺯﺓ ﻭﺗﺪﻛﺮ ﻓﻴﻪ ﻭﻗﺖ ﺍﻫﺪﻫﺎﻟﻬﺎ ﻭﻋﻴﻮﻧﻬﺎ ﺗﻌﺒﻮ ﺩﻣﻮﻉ
ﻧﺰﻟﺖ ﺩﻣﻌﻪ
ﻣﻌﺎﺩ ﺷﺎﻓﻬﺎ ، ﻭﺑﺼﻮﺕ ﻣﺨﻨﻮﻕ : ﻫﻲ ﻧﻤﺸﻮ ، ﺍﺣﻨﻲ ﻃﻠﻌﻨﺎ ﻳﺎﺧﺎﻟﺘﻲ
ﻣﺎﻣﺎ : ﻓﻲ ﺣﻔﻆ ﺍﻟﻠﻪ ﺩﻳﺮﻭ ﺑﺎﻟﻜﻢ ﻋﻠﻲ ﺭﻭﺣﻜﻢ
ﺳﺒﻖ ﻣﻌﺎﺩ ﻧﺮﺟﺲ ﻓﺘﺤﻠﻬﺎ ﺍﻟﺒﺎﺏ
ﺧﻼﻫﺎ ﺗﺮﻛﺐ ﻭﺳﻜﺮﻩ ﻭﺭﺍﻫﺎ
ﻭﺭﻛﺐ ﻓﻲ ﻣﻜﺎﻧﻪ
ﻭﻟﻊ ﺳﻴﺎﺭﺓ ﻭﻃﻠﻊ
ﻓﺘﺢ ﺍﻏﺎﻧﻲ ﻭﻧﻘﺼﻬﻢ ﺷﻮﻳﺔ ﻭﻗﻌﺪ ﻳﺴﻮﻕ ﻭﺳﺎﻛﺖ ﻭﻣﺨﻨﻮﻕ ﻭﻳﺸﻮﻑ ﻟﻠﺒﺴﺔ ﻧﺮﺟﺲ ﻭﻣﺘﻀﺎﻳﻖ ﻭﻃﺎﻳﺮﺗﻠﻪ
ﻧﺮﺟﺲ : ﺷﻜﺮﺍ ﻻﻧﻚ ﻣﺎﺳﻴﺒﺘﻨﻴﺶ
ﻣﻌﺎﺩ ﻧﻘﺺ ﺍﻟﻤﺴﺠﻞ ﺍﻛﺜﺮ ﻭﺷﺎﻓﻠﻬﺎ : ﻋﻔﻮﺍ ﻫﺎﺩﻱ ﺣﺎﺟﺔ ﻣﺎﺗﺴﺘﺎﻫﻠﺶ ﺷﻜﺮ
ﻧﺮﺟﺲ : ﺑﺎﻟﻌﻜﺲ ﺗﺴﺘﺎﻫﻞ ﻧﺸﻜﺮﻙ ﻋﻠﻲ ﻛﻞ ﺷﻲ ﺩﺭﺗﻪ ﻣﻌﺎﻱ ﻣﺴﺘﺤﻴﻞ ﻧﻨﺴﺎﻟﻚ ﺷﻲ ، ﻭﻗﻔﺘﻚ ﻣﻌﺎﻱ ﻣﺎﻭﻗﻔﺶ ﻣﻌﺎﻱ ﻓﻴﻬﺎ ﺣﺪ ﺑﺠﺪ ﻳﺎﻣﻌﺎﺩ ﺷﻜﺮﺍ ،ﻛﻞ ﻣﺎﻧﻘﻮﻝ ﺍﻥ ﺍﻧﻲ ﻭﺣﻴﺪﺓ ﻭﻣﺎﻓﻴﺶ ﺣﺪ ﻳﺤﺲ ﺑﻴﺎ ، ﺗﺠﻲ ﺍﻧﺖ ﺗﻮﻗﻒ ﺟﻨﺒﻲ ﻭﺗﻜﺪﺑﻨﻲ ﻓﻲ ﻛﻼﻣﻲ
ﻣﻌﺎﺩ ﺍﺑﺘﺴﻤﻠﻬﺎ : ﻭﺣﻨﻘﻌﺪ ﺟﻨﺒﻚ ﻻﺧﺮ ﻋﻤﺮﻱ
ﻧﺮﺟﺲ : ﺭﺑﻲ ﻳﺨﻠﻴﻚ ، ﻭﻟﻔﺖ ﻭﺟﻬﻬﺎ ﺷﺎﻓﺖ ﻟﺠﻬﺔ ﺍﻟﺮﻭﺷﻦ ﻭﺳﺮﺣﺖ
ﺍﻣﺎ ﻣﻌﺎﺩ ﻓﻜﻠﻤﺎﺕ ﻧﺮﺟﺲ ﻓﺮﺣﺎﺗﻪ ﻫﻠﺒﺎ ، ﻗﻌﺪ . ﻳﺴﻮﻕ ﻭﻫﻮ ﻣﺒﺘﺴﻢ ﻭﻃﺎﻳﺮﻓﺮﺣﻪ
ﺍﻧﺎ ﻧﺮﺟﺲ ﻓﻜﺎﻧﺖ ﺗﺸﻮﻑ ﻟﻠﺮﻭﺷﻦ ﻓﻲ ﻋﺎﻟﻢ ﺗﺎﻧﻲ
،،،،،،
ﺣﺴﻦ : ﺍﻣﻲ ﻣﻌﺎﺵ ﻧﺒﻴﻬﺎ ﺍﻣﻴﺮﺓ
ﺍﻣﻪ : ﻧﻌﻢ ﻧﻌﻢ ﺷﻦ ﺗﻘﻮﻝ ﺍﻧﺖ ﻟﻌﺒﺔ ﺍﻣﺎﻻ ﻫﻲ ، ﺍﻧﺖ ﺍﻟﻲ ﻭﺍﻓﻘﺖ ﺑﺮﻭﺣﻚ ﻣﺎﺣﺪ ﺿﻐﻂ ﻋﻠﻴﻚ
ﺣﺴﻦ : ﺍﻳﻪ ﺻﺢ ﻭﺍﻓﻘﺖ ﺑﺲ ﻣﻌﺎﺵ ﻧﺒﻴﻬﺎ ، ﺣﺴﺒﺖ ﺭﻭﺣﻲ ﺑﺪﻳﺖ ﻧﺤﺒﻬﺎ ﻟﻜﻦ ﺍﻧﻲ ﻣﻌﺎﺵ ﻧﺒﻴﻬﺎ
ﺍﻣﻪ : ﻫﻨﻲ ﺭﻭﺣﻚ ﺍﻟﺤﺐ ﻳﺠﻲ ﺑﻌﺪ ﺍﻟﻌﺸﺮﺓ ﻭﺧﻼﺹ ﺗﻮﺍ ﺩﺭﻧﺎ ﺍﻟﺒﻴﺎﻥ ﺑﻨﺤﺪﺩ ﺣﺘﻰ ﺍﻟﻌﺮﺱ ﻗﺮﻳﺐ ، ﻭﻧﺎﺿﺖ ﻭﺳﻴﺒﺎﺗﻪ
ﺣﺴﻦ ﺣﻂ ﻭﺟﻬﻪ ﺑﻴﻦ ﻳﺪﻳﻪ ، ﻭﻳﻔﻜﺮ
،،،،،،،
ﻫﺎﺟﺮ : ﺃﻳﻴﻴﻴﻴﻴﻴﻴﻴﻴﻴﻴﻴﻴﻴﻴﻤﻦ
ﺃﻳﻤﻦ ﺍﻧﺨﻠﻊ : ﺗﻴﻴﻲ ﺧﻴﻴﺒﻴﻴﺮﻙ
ﻫﺎﺟﺮ : ﻟﻴﻴﻴﻴﺎ ﺳﺎﺍﺍﺍﻋﻪ ﺍﻧﻮﺽ ﻓﻴﻴﻴﻚ ﻣﺶ ﻋﻨﺪﻙ ﺧﺪﻣﺔ ﻧﻮﻭﺽ ﺍﻓﻄﺮ
ﺃﻳﻤﻦ : ﻭﻫﻜﻲ ﻳﻨﻮﺿﻮ ﺍﻟﻨﺎﺱ ﻣﺎﺗﻌﺮﻓﻴﺶ ﺗﻨﻮﺿﻲ ﺑﻬﺪﻭﺀ
ﻫﺎﺟﺮ ﺷﺎﻓﺘﻠﻪ : ﻃﻴﺢ ﻭﺍﻟﻠﻪ ﺳﻌﺪﻙ ﻣﻦ ﺑﻜﺮﻱ ﻭﺍﻧﻲ ﺍﻧﻮﺽ ، ﺗﺪﻟﻌﺖ ﻗﻠﺖ ﺍﻳﻤﻦ ﺣﺒﻴﺒﻲ ﻳﺎﻋﻴﻮﻧﻲ ﻧﻮﺽ ﻳﺎﺭﻭﺣﻲ ﻧﻮﺭﻟﻲ ﺍﻟﺤﻮﺵ ﺑﻨﻮﺿﺘﻚ ، ﻛﺘﺒﺖ ﻓﻴﻚ ﺷﻌﺮ ﻭﺍﻧﺖ ﺗﻘﻮﻝ ﻣﻴﺖ ، ﻭﺑﺪﺕ ﺗﻀﻢ ﻓﻲ ﺍﻟﺴﺮﻳﺮ
ﺃﻳﻤﻦ : ﻭﻳﻦ ﻣﻌﺘﺰ
ﻫﺎﺟﺮ : ﻓﻲ ﺍﻟﺼﺎﻟﺔ ، ﺗﻲ ﻫﻴﺎ ﻧﻮﺽ ﺧﻠﻲ ﻧﻀﻢ ﺍﻟﺴﺮﻳﺮ
ﺃﻳﻤﻦ ﻗﻌﻤﺰ : ﻭﻭﻭﺍﺍﺍﻙ ﻣﺶ ﻋﺎﺭﻑ ﻣﻦ ﺍﻟﻲ ﻗﺎﻟﻲ ﺍﻟﺰﻭﺍﺝ ﺭﺍﺣﺔ ، ﺷﻜﻠﻪ ﻣﺠﺮﺑﺶ ﻋﻴﺎﻁ ﺍﻟﻲ ﻋﻨﺪﻱ ، ﻭﻭﻗﻒ ﻭﻣﺎﺷﻲ ﻭﻳﺪﻭﻱ : ﺣﺘﻰ ﺍﻟﺘﻨﻮﻳﺾ ﻣﺶ ﺯﻱ ﺍﻟﻨﺎﺱ
ﻫﺎﺟﺮ ﻭﻗﻔﺖ ﻭﺷﺎﻓﺘﻠﻪ : ﻛﻤﻠﺖ ﻭﺍﻻ ﻣﺰﺍﻝ
ﺃﻳﻤﻦ : ﻫﻬﻬﻪ ﻧﺴﻜﺖ ﺧﻴﺮ ﻻﻧﻪ ﻣﺎﺗﻜﻤﻠﺶ ﺍﻟﺪﻭﺓ
ﻫﺎﺟﺮ : ﺑﻪ ﺍﻟﺤﻤﺪ ﻟﻠﻪ ﻋﺎﺭﻑ ﺩﻭﺗﻚ ﻣﺎﺗﻜﻤﻠﺶ ﻫﻲ ﺑﺮﺍ ﺷﺪ ﻋﺰﻭﻭ ﻣﻦ ﺑﻴﻦ ﻣﺎﺣﻄﻴﺖ ﺍﻟﻔﻄﻮﺭ
ﺃﻳﻤﻦ : ﺍﻧﺘﻲ ﻳﻮﻡ ﺗﺎﻧﻲ ﺑﺘﺨﻠﻴﻨﻲ ﻧﺮﺿﻌﻪ ﺑﺲ ، ﺣﺘﻰ ﻣﻦ ﺷﻤﺎﻟﻪ ﻏﻴﺮﺗﻬﻮﻟﻪ ﻣﺶ ﻋﺎﺭﻑ ﺍﻧﻲ ﺍﻻﻡ ﻭﺍﻻ ﺍﻧﺘﻲ
ﻫﺎﺟﺮ : ﻣﺎﻓﻴﻬﺎﺵ ﻋﻴﺐ ﻛﺎﻥ ﺳﺎﻋﺪﺗﻨﻲ ﺣﺘﻰ ﺍﻟﺮﺳﻮﻝ ﺻﻠﻰ ﺍﻟﻠﻪ ﻋﻠﻴﻪ ﻭﺳﻠﻢ ﻛﺎﻥ ﻳﻌﺎﻭﻥ ﻓﻲ ﺯﻭﺟﺎﺗﻪ
ﺃﻳﻤﻦ ﺧﺶ ﺍﻟﺤﻤﺎﻡ ﻭﺧﻼﻫﺎ ﺗﺪﻭﻱ
ﻫﺎﺟﺮ ﺗﻀﻢ ﻭﻣﺴﺘﻤﺮﺓ ﺗﺪﻭﻱ ، ﻛﻤﻠﺖ ﺩﺍﺭﻫﺎ ،ﻭﻃﻠﻌﺖ ﺣﻄﺖ ﺍﻟﻔﻄﻮﺭ ﻉ ﺍﻟﻄﺎﻭﻟﺔ ، ﻭﻗﻌﻤﺰﺕ ﺗﺮﺍﺟﻲ ﻓﻲ ﺃﻳﻤﻦ
ﺃﻳﻤﻦ ﺧﺶ : ﺍﻭﻭﻭ ﺷﻜﻠﻪ ﻓﻄﻮﻭﺭ ﻣﻠﻴﺢ ، ﺗﺮﺍﺍ ﻣﺪﻳﻠﻲ ﻭﻟﺪﻱ ﻧﺸﻮﻓﻪ ﻫﻜﻲ
ﻫﺎﺟﺮ ﻣﺪﺗﻬﻮﻟﻪ
ﺃﻳﻤﻦ ﻗﻌﺪ ﻳﺒﻮﺱ ﻓﻴﻪ ﻭﻳﻠﻌﺐ ﻓﻴﻪ
ﻫﺎﺟﺮ ﻗﺎﻣﺖ ﺗﻠﻴﻔﻮﻧﻬﺎ ﻭﻗﻌﺪﺕ ﺗﺼﻮﺭ ﻓﻴﻪ ﻭﺑﻌﺪﻫﺎ : ﻫﻲ ﺣﺒﻴﺒﻲ ﻫﺎﺗﻪ ﻭﺍﻓﻄﺮ
ﺃﻳﻤﻦ ﻣﺪﻫﻮﻟﻬﺎ ﻭﻗﻌﺪ ﻳﻔﻄﺮ
ﺷﻮﻳﺔ ﻭﺻﻮﺕ ﺗﻠﻴﻔﻮﻥ ﺷﺮﻳﻦ
ﺃﻳﻤﻦ : ﺗﺮﺍ ﻫﺠﻮﺭﺓ ﺷﻮﻓﻴﻠﻲ ﻫﺪﺍ ﺗﻠﻴﻔﻮﻧﻲ
ﻫﺎﺟﺮ ﺷﺪﺕ ﻭﻟﺪﻫﺎ ﻛﻮﻳﺲ : ﻻﻻ ﻫﺪﺍ ﻓﻮﻧﻲ
ﺍﻣﺸﺖ ﺟﺎﺑﺎﺗﻪ ﻭﺟﺖ ﻭﺗﺸﻮﻑ ﻟﻠﺮﻗﻢ ﺑﺨﻮﻑ ﻣﻤﺰﻭﺝ ﺑﺎﺳﺘﻐﺮﺍﺏ : ﺭﻗﻢ ﻏﺮﻳﺐ
ﺃﻳﻤﻦ ﺣﻂ ﺍﻟﻄﺎﺳﺔ ﻭﺷﺎﻓﻠﻬﺎ : ﺗﺮﺍ ﺍﻋﻄﻴﻨﻲ ، ﻗﻌﺪ ﻳﺪﻗﻖ ﻓﻲ ﺍﻟﺮﻗﻢ : ﻫﺪﺍ ﻧﻔﺲ ﺭﻗﻢ ﻫﺪﺍﻛﺎ ﺍﻟﻴﻮﻡ
ﻫﺎﺟﺮ ﺑﺨﻮﻑ ﻗﻌﻤﺰﺕ : ﺍﻣﺎ ﺭﻗﻢ
ﺃﻳﻤﻦ ﺭﺩ : ﺍﻟﻮﻭ ، ﻣﻨﻮﻭﻭ ﻓﺼﻞ ﺍﻟﺨﻂ ﻋﻠﻴﻪ
ﻫﺎﺟﺮ ﻗﻌﺪﺕ ﺗﺸﻮﻓﻠﻪ ﻭﺧﺎﻳﻔﻪ ﻭﻋﻴﻮﻧﻬﺎ ﺗﻌﺒﻮ ﺩﻣﻮﻉ
ﺃﻳﻤﻦ ﺧﺪﻱ ﻧﻔﺲ ، ﻧﺎﺽ ﻭﻗﻌﻤﺰ ﺟﻨﺒﻬﺎ
ﻫﺎﺟﺮ ﺗﺸﻮﻓﻠﻪ
ﺃﻳﻤﻦ ﺷﺪﻟﻬﺎ ﻭﺟﻬﻬﺎ ﺑﻴﻦ ﻳﺪﻳﻪ ، ﻭﺑﺼﻮﺕ ﻫﺎﺩﻱ ﻭﺣﻨﻮﻥ : ﺧﻴﺮﻙ ﺗﺮﻋﺸﻲ
ﻫﺎﺟﺮ : ﻣﻨﻮ ﺍﻟﺮﻗﻢ ﺑﺎﻫﻲ ﺍﻧﻲ ﻣﺎﻧﻌﺮﻓﺎﺷﻲ
ﺃﻳﻤﻦ ﻗﻌﺪ ﻳﺸﻮﻑ ﻟﻌﻴﻮﻧﻬﺎ ﺍﻗﺮﻱ ﻓﻴﻬﻢ ﺍﻟﺼﺪﻕ : ﺗﻮ ﻧﻐﻴﺮﻟﻚ ﺷﻔﺮﺗﻚ ﻭﺗﺮﺗﺎﺣﻲ ﻭﻣﻌﺎﺵ ﻳﺘﺼﻞ ، ﺧﻼﺹ ﻳﺎﺭﻭﺣﻲ ﺧﻴﺮﻙ ﺧﺎﻳﻔﻪ
ﻫﺎﺟﺮ ﻧﺰﻟﻮ ﺩﻣﻮﻋﻬﺎ ﻃﻮﻝ ، ﻗﻌﺪ ﺃﻳﻤﻦ ﻳﻤﺴﺤﻠﻬﺎ ﻓﻴﻬﻢ : ﺍﻫﺪﻱ ﻳﺎﺭﻭﺣﻲ ﺧﻴﺮﻙ ﻫﺠﻮﻭﺭﺗﻲ
ﻫﺎﺟﺮ ﺣﻄﺖ ﺭﺍﺳﻬﺎ ﻋﻠﻲ ﺻﺪﺭﻩ : ﻭﻗﻌﺪﺕ ﺗﺴﻤﻊ ﻓﻲ ﺩﻗﺎﺕ ﻗﻠﺒﻪ ﻭﺳﺎﻛﺘﻪ
ﺃﻳﻤﻦ ﻟﻒ ﻳﺪﻩ ﻋﻠﻴﻬﺎ ، ﺑﺎﺳﻠﻬﺎ ﺭﺍﺳﻬﺎ ﻭﻗﻌﺪ ﻳﻔﻜﺮ
" ﻭﻣﺎﺃﺟﻤﻞ ﺍﻟﺤﺐ ﺍﻟﺬﻱ ﻳﺠﻌﻠﻨﺎ ﻧﺘﻐﻴﺮ ﻣﻦ ﺃﺟﻞ ﻣﻦ ﻧﺤﺐ "
،،،،،،،،
ﻋﻠﻴﺎ ﻣﻘﻌﻤﺰﺓ ﻓﻲ ﺩﺍﺭﻫﺎ ﺗﻘﺮﺍ ﻭﻧﺎﻳﻀﻪ ﻣﻦ ﺍﻟﻔﺠﺮ
ﺗﺴﻤﻊ ﻓﻲ ﺻﻮﺕ ﻣﺶ ﻏﺮﻳﺐ ﻋﻠﻴﻬﺎ ﻓﻲ ﺣﻮﺷﻬﻢ ، ﻛﺬﺑﺖ ﻭﺩﺍﻧﻬﺎ ، ﻭﻧﺎﺿﺖ ﻓﺘﺤﺖ ﺑﺎﺏ ﺩﺍﺭﻫﺎ ﻭﻭﻗﻔﺖ ﺑﺮﺍ
ﻋﻤﺘﻲ : ﺧﺶ ﻳﺎﻋﺒﺪ ﺍﻟﻤﻨﻌﻢ
ﻋﻠﻴﺎ ﺍﻧﺼﺪﻣﺖ ﻭﻗﺪﻣﺖ
ﻋﺒﺪ ﺍﻟﻤﻨﻌﻢ ﺧﺶ ، ﺣﻮﻝ ﻛﻨﺪﺭﺗﻪ ، ﻭﻗﻌﻤﺰ ﻉ ﺍﻟﺼﺎﻟﻮﻥ
ﻋﻤﺘﻲ : ﻓﻄﺮﺕ ؟
ﻋﺒﺪ ﺍﻟﻤﻨﻌﻢ : ﺍﻟﺤﻤﺪ ﻟﻠﻪ ﻳﺎﻋﻤﺘﻲ ﺗﻌﺎﻟﻲ ﻗﻌﻤﺰﻱ ﺑﺲ ، ﺑﻨﺤﻜﻲ ﻣﻌﺎﻙ ﻓﻲ ﻣﻮﺿﻮﻉ
ﻋﻠﻴﺎ ﺣﻄﺖ ﻳﺪﻫﺎ ﻋﻠﻲ ﻗﻠﺒﻬﺎ ﻭﻗﺪﻣﺖ ﺷﻮﻳﺔ ﺑﺎﺵ ﺗﺴﻤﻌﻬﻢ ﻣﻦ ﻏﻴﺮ ﻣﺎﻳﺸﻮﻓﻮﻫﺎ
ﻋﺒﺪ ﺍﻟﻤﻨﻌﻢ : ﺍﻧﻲ ﻳﺎﻋﻤﺘﻲ ﺟﺎﻱ ﺑﻨﺤﻜﻲ ﻣﻌﺎﻙ ﻓﻲ ﺍﻟﻤﻮﺿﻮﻉ ﺍﻟﻲ ﻣﺮﺓ ﻛﻠﻤﺎﺗﻚ ﻋﻠﻴﻪ ﺍﻣﻲ ، ﺑﺨﺼﻮﺹ ﺍﻧﻪ ﻧﺒﻲ ﻋﻠﻴﺎ
ﻋﻤﺘﻲ ﺳﺎﻛﺘﻪ ﻭﺗﺸﻮﻓﻠﻪ
ﻋﺒﺪ ﺍﻟﻤﻨﻌﻢ ﻛﻤﻞ : ﺍﻧﻲ ﺻﺢ ﻛﻨﺖ ﻧﺒﻲ ﻧﺘﻘﺪﻡ ﻟﻌﻠﻴﺎ ﺑﺲ ﺷﻜﻠﻲ ﺍﺳﺘﻌﺠﻠﺖ ﻓﻲ ﺍﻟﻤﻮﺿﻮﻉ ﺷﻮﻳﺔ
ﻋﻤﺘﻲ : ﺍﻧﺖ ﺩﺭﺕ ﺑﻨﺘﻲ ﻟﻌﺒﺔ ﻳﻮﻡ ﺗﺒﻴﻬﺎ ﻭﻳﻮﻡ ﻣﻌﺎﺵ ﺗﺒﻴﻬﺎ ، ﺑﻌﺪ ﻛﻠﻤﺖ ﺍﻟﺒﻨﺖ ﺍﻧﻲ ﻭﻗﻠﺘﻠﻬﺎ ﻳﺒﻴﻚ ﺗﺠﻲ ﺍﻧﺖ ﺗﺎﻧﻲ ﻳﻮﻡ ﺗﻘﻮﻝ ﻻ ﻣﻌﺎﺵ ﻧﺒﻴﻬﺎ ، ﺑﻨﺘﻲ ﺍﻧﻲ ﺍﻟﻒ ﻭﺍﺣﺪ ﻳﺘﻤﻨﺎﻫﺎ ﻟﻜﻦ ﻟﻌﺐ ﺍﻟﺼﻐﺎﺭ ﻫﺪﺍ ﻻ ، ﺍﻧﺖ ﺩﻛﺘﻮﺭ ﻭﻣﺎﺷﺎﺀ ﺍﻟﻠﻪ ﻋﻠﻴﻚ ﺑﻌﻘﻠﻚ ﺷﻦ ﺟﺎﺍﻙ ﻣﺎﻋﺠﺒﺘﻨﻴﺶ ﻣﻨﻚ ﺍﻟﺤﺮﻛﺔ ﺑﻜﻞ ﺍﻟﺤﻖ ﻭﺟﻌﺘﻨﻲ
ﻋﻠﻴﺎ ﺍﻧﺼﺪﻣﺖ
ﻋﺒﺪ ﺍﻟﻤﻨﻌﻢ ﻧﺰﻝ ﺭﺍﺳﻪ : ﻋﺎﺭﻑ ﻳﺎﻋﻤﺘﻲ ﻭﺍﻟﻠﻪ ﻣﻌﺎﻙ ﺣﻖ ﻭﺍﻥ ﺷﺎﺀ ﺍﻟﻠﻪ ﻳﺠﻴﻬﺎ ﺍﻟﻲ ﻳﺴﻌﺪﻫﺎ ﺍﻓﻀﻞ ﻣﻨﻲ
ﻋﻠﻴﺎ ﺣﺴﺖ ﻛﺎﺍﻧﻪ ﻣﻦ ﻏﺮﺯ ﻓﻲ ﻗﻠﺒﻬﺎ ﻣﻮﺱ ، ﺗﻌﺒﻮ ﻋﻴﻮﻧﻬﺎ ﺩﻣﻮﻉ ﺑﺲ ﺷﺪﺗﻬﻢ ﻭﻗﻌﺪﺕ ﻭﺍﻗﻔﻪ
ﻋﻤﺘﻲ : ﺍﻥ ﺷﺎﺀ ﺍﻟﻠﻪ ﺣﻴﺠﻴﻬﺎ ﺑﺎﺩﻥ ﺍﻟﻠﻪ ﺍﻟﻲ ﻳﺴﺘﺎﻫﻠﻬﺎ
ﻋﺒﺪ ﺍﻟﻤﻨﻌﻢ : ﻭﺍﻧﻲ ﻋﻠﻴﺎ ﺯﻱ ﺍﺧﺘﻲ ﺑﺎﺫﻥ ﺍﻟﻠﻪ ﺍﻱ ﺣﺎﺟﺔ ﺗﺒﻴﻬﺎ ﺣﺎﺿﺮ ﻭﺍﻧﻲ ﺩﻳﻤﺎ ﺣﻨﻘﻌﺪ ﺟﻨﺒﻬﺎ
ﻋﻤﺘﻲ : ﻛﺜﺮ ﺧﻴﺮﻙ ﻋﻨﺪﻫﺎ 4 ﺧﻮﺕ ﻣﺼﻨﻌﻴﻦ ﺍﻣﻨﻌﻴﻦ ﻣﺎﺷﺎﺀ ﺍﻟﻠﻪ
ﻋﺒﺪ ﺍﻟﻤﻨﻌﻢ ﺑﻠﻌﻬﺎ ، ﻭﻭﻗﻒ : ﻣﺎﺷﻲ ﻳﺎﻋﻤﺘﻲ ﺳﺎﻣﺤﻴﻨﻲ ﻧﺴﺘﺎﺫﻧﻚ ﺗﻮﺍ
ﻋﻤﺘﻲ ﻭﻗﻔﺖ : ﺍﺷﺮﺏ ﺣﺘﻰ ﻗﻬﻮﺓ
ﻋﺒﺪ ﺍﻟﻤﻨﻌﻢ : ﻣﺮﺓ ﺗﺎﻧﻴﻪ ﺍﻥ ﺷﺎﺀ ﺍﻟﻠﻪ ، ﻫﻲ ﺳﻠﻤﻴﻠﻲ ﻉ ﺍﻟﻮﻻﺩ ، ﻭﻟﺒﺲ ﻛﻨﺪﺭﺗﻪ ﻭﻃﻠﻊ
ﻋﻤﺘﻲ : ﺳﻠﻢ ﻋﻠﻲ ﺍﻣﻚ ﺑﺎﻟﺴﻼﻣﻪ ،ﻭﺳﻜﺮﺕ ﺍﻟﺒﺎﺏ
ﻋﻠﻴﺎ ﻭﻟﺖ ﻟﺪﺍﺭﻫﺎ ﻭﺩﻣﻮﻋﻬﺎ ﻳﻨﺰﻟﻮ ، ﺍﻧﺼﺪﻣﺖ ﻣﻦ ﻛﻼﻡ ﻋﺒﺪ ﺍﻟﻤﻨﻌﻢ ، ﺭﻏﻢ ﺍﻧﻪ ﻳﻌﺘﺒﺮ ﺗﺨﻠﻰ ﻋﻠﻴﻬﺎ ، ﺑﺲ ﻣﺎﻗﺎﻟﺶ ﺍﻥ ﻫﻲ ﺍﻟﻲ ﺭﻓﻀﺎﺗﻪ
ﻛﺒﺮ ﻓﻲ ﻋﻴﻨﻬﺎ ﺣﺒﻪ ، ﺑﺲ ﺧﻼﺹ ﻣﻌﺎﺵ ﻳﻨﻔﻊ ﻫﻮ ﻗﺎﻝ ﺣﻴﺠﻴﻬﺎ ﺍﻟﻲ ﻳﺴﻌﺪﻫﺎ ﻳﻌﻨﻲ ﺳﻴﺒﻨﻲ ﺧﻼﺹ
ﻓﻲ ﻟﺤﻈﺔ ﺿﻌﻒ ﻗﺎﻣﺖ ﺍﻟﻤﻮﺑﺎﻳﻞ ﻭﺣﺘﺘﺼﻞ
ﺑﺲ ﻟﻠﺤﻈﺔ ﺗﺮﺍﺟﻌﺖ ﻛﺎﻥ ﻛﺒﺮﻳﺎﺋﻬﺎ ﻭﻛﺮﺍﻣﺘﻬﺎ ﺍﻛﺒﺮ ﻣﻦ ﺍﻱ ﺷﻲ
ﺳﻤﻌﺖ ﻧﻐﻤﻪ ﺍﻟﻤﺴﺞ ، ﻓﺘﺤﺖ ﻋﻠﻰ ﻃﻮﻝ
( ﺷﻔﺖ ﻇﻠﻚ ﻭﺍﻧﺘﻲ ﺗﺴﻤﻌﻲ ﻓﻲ ﻛﻼﻣﻨﺎ ، ﻭﻋﺎﺭﻓﻚ ﺳﻤﻌﺘﻲ ﻛﻞ ﺷﻲ
ﻣﺎﻋﻨﺪﻳﺶ ﺟﺮﺃﺓ ﻧﺘﺼﻞ ﺑﻴﻚ ﻻﻥ ﻧﻌﺮﻑ ﻧﻔﺴﻲ ﺿﻌﻴﻒ ﻗﺪﺍﻡ ﺻﻮﺗﻚ ، ﺍﻥ ﺷﺎﺀ ﺍﻟﻠﻪ ﺭﺑﻲ ﻳﺠﻴﺒﻠﻚ ﺍﻟﺸﺨﺺ ﺍﻟﻲ ﻳﺴﻌﺪﻙ ﻭﻳﻜﻮﻥ ﺍﻓﻀﻞ ﻣﻨﻲ
ﺭﺑﻲ ﻳﻌﻠﻢ ﻗﺪﺍﺵ ﺣﺒﻴﺘﻚ
ﻟﻜﻦ ﺍﻧﺘﻲ ﺍﻟﻲ ﺍﺧﺘﺮﺗﻲ ﻫﺎﺩﻱ ﺍﻟﻄﺮﻳﻖ ﻭﺭﻓﻀﺘﻲ ﻭﺍﺧﺘﺮﺗﻲ ﺣﻠﻤﻚ ﺍﻟﻲ ﻣﻦ ﻟﻤﺎ ﺻﻐﻴﺮﺓ ﺗﺤﻠﻤﻲ ﺑﻴﻪ
ﻭﻣﻌﺎﻙ ﺣﻖ ﻭﺍﻧﻲ ﻣﺎﺣﺒﻴﺘﺶ ﻧﻀﻐﻂ ﺍﻛﺜﺮ ﻭﺍﻥ ﺷﺎﺀ ﺍﻟﻠﻪ ﺭﺑﻲ ﻳﻮﻓﻘﻚ
ﺑﺲ ﺧﻠﻴﻨﻲ ﻧﺠﻲ ﻟﻠﺠﺰﺀ ﺍﻟﻲ ﺣﻴﻮﺟﻌﻚ ﺯﻱ ﻣﺎﻭﺟﻌﺘﻴﻨﻲ ﻭﻗﺖ ﻓﻀﻠﺘﻲ ﻋﻠﻴﺎ ﻗﺮﺍﻳﺘﻚ ، ﺍﻧﻲ ﻗﺮﺭﺕ ﻧﺘﺰﻭﺝ ﺍﻻﻧﺴﺎﻧﻪ ﺍﻟﻲ ﻓﻌﻼ ﺣﺒﺘﻨﻲ ﺑﺠﺪﻳﺎﺕ ﻭﺭﻏﻢ ﺍﻥ ﺍﻧﻲ ﻛﻨﺖ ﻧﺪﻝ ﻣﻌﺎﻫﺎ ﻭﺳﻴﺒﺘﻬﺎ ﺑﺲ ﺍﻭﻝ ﻣﺎﺭﺟﻌﺘﻠﻬﺎ ﺳﺎﻣﺤﺘﻨﻲ ، ﺣﺐ ﺍﻟﺠﻨﻮﻥ ﺍﻟﻲ ﻓﻲ ﺻﻮﺗﻬﺎ ﻛﺎﻓﻲ ﻳﺨﻠﻴﻨﻲ ﻧﻌﻴﺶ ﻣﻌﺎﻫﺎ ﻓﻲ ﺭﺍﺣﺔ ﻃﻮﻝ ﻋﻤﺮﻱ
ﻣﺎﻧﻜﺪﺑﺶ ﻋﻠﻴﻚ ﻭﻧﻘﻮﻝ ﻣﺎﺗﻤﻨﻴﺘﻜﺶ ﺍﻧﺘﻲ ﻧﺼﻴﺒﻲ ﺑﺲ ﻫﺪﺍ ﺍﺧﺘﻴﺎﺭﻙ ﻭﺗﺤﻤﻠﻲ ﻋﻮﺍﻗﺒﻪ
ﻭﺍﻥ ﺷﺎﺀ ﺍﻟﻠﻪ ﺑﺎﻟﺘﻮﻓﻴﻖ ﻭﺗﺠﺎﻭﺑﻲ ﻓﻲ ﺍﻣﺘﺤﺎﻧﺎﺗﻚ
ﺳﻼﻡ )
ﻋﻠﻴﺎ ﻃﺎﺡ ﻣﻦ ﻳﺪﻫﺎ ﺍﻟﺘﻠﻴﻔﻮﻥ ﻭﻣﺼﺪﻭﻣﺔ ﺑﺎﻟﻜﻼﻡ
ﻃﺎﺣﺖ ﺗﺒﻜﻲ ﻭﺣﺎﺳﺔ ﻛﺎﺍﻧﻬﺎ ﻓﻲ ﻛﺎﺑﻮﺱ
ﺍﻣﺎ ﻋﺒﺪ ﺍﻟﻤﻨﻌﻢ ﻓﻤﺴﺢ ﺍﻟﺪﻣﻌﻪ ﺍﻟﻲ ﻧﺰﻟﺖ ﻣﻦ ﻋﻴﻨﻪ ﻭﻫﻮ ﻳﻜﺘﺐ ، ﻭﻟﻊ ﺍﻟﺴﻴﺎﺭﺓ ﻭﻃﻠﻊ
ﻭﻓﻲ ﻧﺺ ﺍﻟﻄﺮﻳﻖ ﺭﻥ ﺗﻠﻴﻔﻮﻥ ، ﺭﺩ ﻋﻠﻰ ﻃﻮﻝ : ﺍﻟﻮ
ﺭﻧﺎ : ﻛﻴﻒ ﺣﺎﻟﻚ ﻳﺎﻋﺒﺪﻭ
ﻋﺒﺪ ﺍﻟﻤﻨﻌﻢ : ﺑﺨﻴﺮ ﻭﺍﻧﺘﻲ
ﺭﻧﺎ : ﺑﺨﻴﺮ ﻣﺎﺩﺍﻡ ﺣﺒﻴﺒﻲ ﺑﺨﻴﺮ ، ﻋﻨﺪﻳﻴﻲ ﻟﻴﻴﻴﻚ ﻣﻔﺎﺟﺌﺘﻴﻦ
ﻋﺒﺪ ﺍﻟﻤﻨﻌﻢ : ﻓﺮﺣﻴﻨﻲ
ﺭﻧﺎ : ﺑﺎﺍﻣﺎ ﻭﺣﺪﺩﺩﺓ ﻧﺒﺪﺍﺍﺍ ﺯﻋﻤﺎﺍ
ﻋﺒﺪ ﺍﻟﻤﻨﻌﻢ : ﻫﻬﻬﻪ ﺍﺑﺪﻱ ﺑﺎﻟﻲ ﺻﺎﺭﺕ ﺍﻭﻝ ﻭﺣﺪﺓ
ﺭﻧﺎ : ﺍﻣﻤﻢ ﺑﺎﺍﺍﻩ ، ﺍﻣﺲ ﻓﺴﺨﺖ ﺧﻄﻮﻭﺑﺘﻲ ﻭﺍﻟﻴﻮﻡ ﺟﻲ ﺍﺧﺪﻱ ﺣﺎﺟﺎﺗﻪ ﻭﺩﺑﻠﺘﻪ
ﻋﺒﺪ ﺍﻟﻤﻨﻌﻢ : ﻭﺍﻫﻠﻚ ﻣﺎﻗﺎﻟﻮ ﺷﻲ
ﺭﻧﺎ : ﻗﻠﺘﻠﻬﻢ ﻣﺶ ﻣﺮﺗﺎﺣﺔ ﻣﻌﺎﻩ ﻭﻣﺎﺣﺒﻴﺘﺎﺷﻲ ﻓﺎﺍﺣﺘﺮﻣﻮ ﺭﺍﻳﻲ
ﻋﺒﺪ ﺍﻟﻤﻨﻌﻢ : ﻭﺗﺎﻧﻲ ﻣﻔﺎﺟﺄﺓ ﺷﻦ ﻫﻲ
ﺭﻧﺎ : ﺍﺣﻤﻢ ﺍﺣﻤﻤﻢ
ﻋﺒﺪ ﺍﻟﻤﻨﻌﻢ : ﻫﻬﻬﻪ ﻫﻲ ﻗﻮﻟﻲ
ﺭﻧﺎ : ﺍﻻﺳﺒﻮﻉ ﺍﻟﺠﺎﻱ ﻣﺮﻭﺣﻴﻦ ﻟﻠﻴﺒﻴﺎ
ﻋﺒﺪ ﺍﻟﻤﻨﻌﻢ : ﺟﺪﻳﻴﻴﻴﺎﺍﺍﺕ ﺍﻭﻭﻭ ﺣﻠﻮ ﺗﻮﺻﻠﻮ ﺑﺎﻟﺴﻼﻣﻪ
ﺭﻧﺎ : ﺍﻟﻠﻪ ﻳﺴﻠﻤﻚ ﻳﺎﺣﺒﻴﺒﻲ
ﻋﺒﺪ ﺍﻟﻤﻨﻌﻢ : ﺭﻧﻮﻭﺵ ﺍﻧﻲ
ﺭﻧﺎ ﻗﺎﻃﻌﺎﺗﻪ : ﻳﺎﻗﻠﺐ ﺭﻧﻮﺵ ﻭﺍﻟﻠﻪ ﺍﺳﺘﺎﺣﺸﺘﻬﺎ ﻣﻨﻚ ﺍﻟﻜﻠﻤﺔ ﻫﺎﺩﻱ
ﻋﺒﺪ ﺍﻟﻤﻨﻌﻢ : ﻫﻬﻬﻪ ﺭﻧﻮﺵ ﺍﻧﻲ ﻧﺴﻮﻭﻕ ﻧﻜﻠﻤﻚ ﺑﻌﺪﻳﻦ
ﺭﻧﺎ : ﺑﺎﻩ ﺭﺩ ﺑﺎﻟﻚ ﻣﻦ ﺍﻟﻄﺮﻳﻖ ، ﻧﺤﺒﺒﺒﻚ ﻫﻲ ﺳﻼﻡ
ﻋﺒﺪ ﺍﻟﻤﻨﻌﻢ ﻗﻌﺪ ﻳﺴﻮﻕ ﻭﻳﻔﻜﺮ
،،،،،،،
ﻋﺒﻴﺮ : ﺃﺳﺎﻣﻪ ﺣﺒﻴﺒﻲ ﻧﻮﺽ
ﺃﺳﺎﻣﻪ : ﺧﻠﻴﻨﻲ ﻋﻄﻠﺔ ﺍﻟﻴﻮﻡ ﺑﻨﺮﻗﺪ
ﻋﺒﻴﺮ ﻗﻌﻤﺰﺕ ﻉ ﺍﻟﺴﺮﻳﺮ : ﻏﻴﺮﺭ ﻫﻴﺎﺍ ﻧﻮﺽ ﺍﻧﻲ ﻧﺒﻲ ﻧﺴﺘﻐﻞ ﻋﻄﻠﺘﻚ ﻧﺒﻲ ﻧﻄﻠﻌﻮﻭ
ﺃﺳﺎﻣﻪ ﺷﺎﻓﻠﻬﺎ : ﻭﻳﻦ ﺑﺘﻤﺸﻲ
ﻋﺒﻴﺮ : ﻻﻱ ﻣﻜﺎﻥ ﻳﺎﺭﻭﺣﻲ ، ﻭﺣﺘﻰ ﺍﻟﺼﻐﺎﺭ ﻳﻐﻴﺮﻭ ﺟﻮﻫﻢ ، ﻭﻣﻤﻜﻦ ﻳﺘﻘﺮﺑﻮ ﻣﻦ ﺑﻌﺾ ﺍﻛﺜﺮ ، ﻗﺎﻋﺪﺓ ﻧﺴﻴﺒﺔ ﻣﺶ ﻣﺘﺄﻗﻠﻤﺔ
ﻣﻊ ﻣﺤﻤﺪ ﻭﻟﺪﻙ ﻭﺣﺘﻰ ﻫﻮ ﻣﺶ ﻣﺘﻌﻮﺩ ﻋﻠﻴﻬﺎ ، ﻳﻤﻜﻦ ﻟﻮ ﻧﻄﻠﻌﻮﻫﻢ ﻳﻠﻌﺒﻮ ﻣﻊ ﺑﻌﺾ ﻳﺘﻌﻮﺩﻭ ﻋﻠﻲ ﺑﻌﺾ
ﺍﺳﺎﻣﻪ : ﺑﺎﻩ ﺳﺎﻋﻪ ﺗﺎﻧﻴﻪ ﻗﺎﻋﺪﻩ 10
ﻋﺒﻴﺮ : ﺗﻲ ﻳﺎﺳﺮﻙ ﻧﻮﻡ ﻳﺎﺣﺒﻴﺒﻲ ﺣﺘﻰ ﺍﻟﺴﻬﻮﺭ ﻣﺎﺳﻬﺮﺗﺶ ﺭﺍﻗﺪ ﻣﻦ 11 ﻫﻴﺎﺍ ﺧﻼﺹ
ﺍﺳﺎﻣﻪ ﺣﻂ ﻣﺨﺪﺓ ﻓﻮﻕ ﺭﺍﺳﻪ
ﻋﺒﻴﺮ : ﻫﻬﻬﻬﻬﻪ ﻧﺒﺰﻉ ﻋﻠﻴﻚ ﻣﻴﺔ ﻭﺍﻟﻠﻪ ﻟﻮ ﻣﺎﺗﻨﻮﺿﺶ
ﺍﺳﺎﻣﻪ ﺷﺎﻓﻠﻬﺎ ﻣﻦ ﺗﺤﺖ ﺍﻟﻤﺨﺪﺓ : ﺗﻌﺮﻓﻲ ﺍﻧﻚ ﺍﺣﺮﻑ ﻣﻦ ﺑﻮ ﺯﻧﺎﻥ ﻟﻤﺎ ﺗﺒﻲ ﺣﺎﺟﺘﻚ
ﻋﺒﻴﺮ : ﻫﻬﻬﻪ ﻧﻌﺮﺭﻑ ﻫﻴﺎ ﻧﻮﺽ
ﺍﺳﺎﻣﻪ : ﺑﺎﻩ ﻧﻀﺖ ﺟﻴﺒﻴﻬﻤﻠﻲ ﺍﻟﺰﻭﺯ ﻧﺴﻴﺒﺔ ﻭﻣﺤﻤﺪ
ﻋﺒﻴﺮ ﻧﺎﺿﺖ : ﺑﺎﻩ ﺣﺎﺿﺮ ، ﻭﻃﻠﻌﺖ ﺑﺘﺠﻴﺒﻬﻢ
ﺍﺳﺎﻣﺔ ﻭﻟﻰ ﻏﻄﻰ ﺭﺍﺳﻪ ﻭﻏﻤﺾ ﻋﻴﻮﻧﻪ
ﻋﺒﻴﺮ : ﻫﻲ ﺣﻤﻮﺩﻱ ﻳﺒﻴﻚ ﺑﺎﺑﺎ ، ﻭﻳﻦ ﻧﻮﺳﺔ
ﻣﺤﻤﺪ : ﻣﺎﻧﺪﺭﻳﺲ ﻋﻠﻴﻬﺎ ﺭﺍﻗﺪﺓ ﻓﻲ ﺍﻟﺪﺍﺭ
ﻋﺒﻴﺮ ﺧﺸﺖ ﻟﻠﺪﺍﺭ ﺍﻟﻘﺘﻬﺎ ﺭﺍﻗﺪﺓ ﻗﺎﻣﺘﻬﺎ ، ﺣﻄﺘﻬﺎ ﻓﻲ ﺳﺮﻳﺮﻫﺎ ﻭﻃﻠﻌﺖ ، ﺷﺪﺕ ﻳﺪ ﻣﺤﻤﺪ ﻭﺭﻓﻌﺎﺗﻪ ﻟﺪﺍﺭ ﺍﻟﻨﻮﻡ
ﻋﺒﻴﺮ : ﺍﺳﺴﺎﺍﺍﻣﻪ ﻧﺴﺘﺴﻠﻢ ﺍﻧﻲ ﺗﻲ ﺷﻦ ﻫﺪﺍﺍ ﻧﻮﺽ
ﺍﺳﺎﻣﻪ ﻻﺣﻴﺎﺓ ﻟﻤﻦ ﺗﻨﺎﺩﻱ ﺣﺘﻰ ﺧﺪﺍﻩ ﺍﻟﻨﻮﻡ
ﻣﺤﻤﺪ ﻗﻌﺪ ﻳﻀﺤﻚ ﻭﻃﻠﻖ ﻳﺪﻩ ﻋﺒﻴﺮ : ﺑﺎﺑﺎ ﺩﻳﻤﺎ ﻫﻜﻲ ﻫﺪﺍ ﻫﻬﻬﻪ ، ﻭﻃﻠﻊ ﻳﻠﻌﺐ
ﻋﺒﻴﺮ ﻗﻌﺪﺕ ﺗﻀﺤﻚ ، ﺍﻃﻔﺖ ﺍﻟﻀﻲ ، ﻭﺗﻤﺪﺩﺕ ﺟﻨﺒﻪ ﻉ ﺍﻟﺴﺮﻳﺮ ﻭﺗﺸﻮﻓﻠﻪ ﻛﻴﻒ ﺭﺍﻗﺪ
،،،،،،،
ﻋﻤﺎﺩ ﺷﺎﺩ ﻭﻟﺪﻩ ﻳﻠﻌﺐ ﻓﻴﻪ
ﻭﻟﻴﺪ ﻧﺎﺽ : ﺻﺒﺎﺡ ﺍﻟﺤﻴﺮ ، ﻭﺗﻤﺪﺩ ﻉ ﺍﻟﺼﺎﻟﻮﻥ
ﻣﻨﻰ ﺗﺤﻂ ﻓﻲ ﺍﻟﻔﻄﻮﺭ : ﺻﺒﺎﺡ ﺍﻟﻮﺭﺩ ، ﻧﻮﺽ ﻫﻲ ﻳﺎﻣﺎﻣﺎ ﻧﻐﺴﻠﻚ ﻭﺟﻬﻚ
ﻭﻟﻴﺪ : ﻏﺴﻠﺘﻪ
ﻋﻤﺎﺩ : ﺑﺎﻩ ﻭﻳﻦ ﺑﻮﺳﺔ ﺑﺎﺑﺎ
ﻭﻟﻴﺪ : ﺑﻌﺪﻳﻦ ﻳﺎﺑﺎﺑﺎ ﻣﺎﺧﺎﻃﺮﻳﺶ ﺗﻮﺍ
ﻣﻨﻰ : ﻫﻬﻪ ﻋﻴﺐ ﻳﺎﻣﺎﻣﺎ ﻧﻮﺽ ﻟﺒﺎﺑﺎ
ﻭﻟﻴﺪ ﻧﺎﺽ ﺑﺎﺱ ﺑﻮﻩ ﻭﻭﻟﻰ ﺗﻤﺪﺩ
ﻋﻤﺎﺩ : ﻫﻴﺎ ﻳﺎﻣﻨﻰ ﻭﺍﻟﻠﻪ ﻭﻗﺖ
ﻣﻨﻰ : ﻫﻴﺎ ﻫﻴﺎ ﺗﻌﺎﻟﻰ ﻭﺍﺗﻲ
ﻋﻤﺎﺩ ﻭﻗﻒ ﻭﺷﺎﺩ ﻭﻟﺪﻩ : ﻫﻴﺎ ﻳﺎﻭﻟﻴﺪ ﻧﻮﺽ ﺍﻓﻄﺮ
ﻣﻨﻰ : ﺗﺤﻄﻨﻲ ﺣﺒﻴﺒﻲ ﻓﻲ ﺣﻮﺷﻨﺎ ﺗﻮﺍ ﻭﺍﻧﺖ ﻣﺎﺷﻲ
ﻋﻤﺎﺩ : ﻭﻳﻦ ﻋﻄﻠﺖ ﻣﺎﻧﻘﺪﺭﺵ ﺷﻦ ﻳﺮﻓﻌﻨﻲ ﻏﺎﺩﻱ ﻭﻧﻤﺸﻲ ﻟﻠﻌﻤﻞ
ﻣﻨﻰ : ﺑﺎﻩ ﻧﻜﻠﻢ ﻣﺤﻤﻮﺩ ﻳﺠﻴﻨﻲ، ﺍﻛﻴﺪ ﻳﺠﻮ ﻧﺎﺱ ﻏﺎﺩﻱ ﻧﻌﺎﻭﻧﻬﻢ
ﻋﻤﺎﺩ : ﺑﺎﻩ ﻣﺶ ﻣﺸﻜﻠﺔ ﻭﺗﻮ ﻧﺠﻴﻚ ﻓﻲ ﺍﻟﻠﻴﻞ ﻧﺮﻭﺡ ﺑﻴﻚ ، ﻭﻛﻴﻒ ﺑﺘﺘﻜﻠﻢ ﻣﻨﻰ : ﺭﺩ ﺑﺎﻟﻚ ﺗﻘﻮﻟﻴﻠﻲ ﺑﻨﺒﺎﺕ ﺑﻨﺮﻭﺡ ﺑﻴﻚ ﺗﻌﺮﻓﻴﻴﻨﻲ ﻣﺎﻧﺤﺒﻜﺶ ﺗﺒﺎﺗﻲ ﻭﺗﺠﻴﻨﻲ ﻗﺪﺍﻡ ﺍﻟﺒﺎﺏ ﺗﻘﻮﻟﻴﻠﻲ ﺑﻨﺒﺎﺕ
ﻣﻨﻰ : ﻣﺎﻫﻮ ﻳﺎﺣﺒﻴﺒﻲ ﻣﺎﻣﺎ ﺗﻘﻌﺪ ﺗﻘﻮﻟﻲ ﺍﻗﻌﺪﻱ ، ﻭﻟﻤﺎ ﻧﻠﻘﻰ ﻋﻨﺪﻫﻢ ﺣﻮﺳﺔ ﻣﺎﺩﺍﺑﻴﺎ ﻧﻌﺎﻭﻧﻬﻢ
ﻋﻤﺎﺩ : ﻏﺪﻭﺓ ﺍﻟﺼﺒﺢ ﻧﺮﺩﻙ ﺍﻧﻮﺿﻮ ﺑﻜﺮﻱ ﺑﺲ ﻭﻧﺮﻓﻌﻚ
،،،،،،
ﻧﻮﺭﺱ ﻓﺘﺤﺖ ﺑﺎﺏ ﺳﻴﺎﺭﺗﻬﺎ ﻭﺑﺘﺮﻭﺡ ، ﺗﺸﻮﻑ ﺳﻴﺎﺭﺓ ﻋﺪﻧﺎﻥ ﺧﺎﺷﺔ ﻟﻠﺠﺎﻣﻌﻪ
ﺳﻜﺮﺕ ﺑﺎﺏ ﺳﻴﺎﺭﺗﻬﺎ ﻭﻗﻌﺪﺕ ﺗﺮﺍﺟﻲ ﻓﻴﻪ
ﻋﺪﻧﺎﻥ ﺷﺎﻓﻬﺎ ، ﺩﺭﺱ ﻣﺶ ﺑﻌﻴﺪ ﻋﻠﻴﻬﺎ ، ﻭﻧﺰﻝ
ﻧﻮﺭﺱ ﻗﺪﻣﺖ ﺟﻴﻬﺘﻪ ﻭﻣﺒﺘﺴﻤﻪ
ﻋﺪﻧﺎﻥ ﻳﺸﻮﻓﻠﻬﺎ ، ﻭﻓﺠﺎﺓ ﺳﻤﻊ ﺻﻮﺕ ﺗﻠﻔﺖ : ﻣﻮﺩﺓ !
ﻣﻮﺩﺓ : ﺍﻳﻪ ﻛﻴﻒ ﺣﺎﻟﻚ ، ﻭﻣﺪﺕ ﻳﺪﻫﺎ ﺳﻠﻤﺖ ﻋﻠﻴﻪ
ﺳﻠﻢ ﻋﻠﻴﻬﺎ : ﺍﻫﻠﻴﻦ ﺍﻟﺤﻤﺪ ﻟﻠﻪ
ﻧﻮﺭﺱ ﻭﻗﻔﺖ ﻓﻲ ﻣﻜﺎﻧﻬﺎ
ﻣﻮﺩﺓ : ﺷﻦ ﺗﺪﻳﺮ ﺍﻫﻨﻲ ﻓﻲ ﺍﻟﺠﺎﻣﻌﻪ
ﻋﺪﻧﺎﻥ : ﻭﺍﻟﻠﻪ ﻋﻨﺪﻱ ﻭﺍﺣﺪ ﺍﻫﻨﻲ ﺟﺎﻳﻪ
ﻣﻮﺩﺓ ﺷﺎﻓﺖ ﻧﻮﺭﺱ ﻭﻗﻌﺪﺕ ﻭﺍﻗﻔﻪ : ﺍﻫﺎ ﻭﺍﻻ ﺑﺎﻟﻚ ﺣﺎﻱ ﻟﺨﻄﻴﺒﺘﻚ ﻫﻬﻬﻪ
ﻋﺪﻧﺎﻥ : ﻟﻠﺰﻭﺯ
ﻣﻮﺩﺓ ﻣﺸﺘﻬﺎ ﺑﻀﺤﻜﺔ : ﻭﻳﻦ ﻣﻌﺎﺵ ﻧﺸﻮﻓﻮ ﻓﻴﻚ ﻣﻌﺎﺵ ﺗﺠﻴﻨﺎ ﺣﺘﻰ ﺍﻣﻚ ﺳﺎﻟﺖ ﻋﻠﻴﻚ ﻫﺪﺍﻛﺎ ﺍﻟﻴﻮﻡ
ﻋﺪﻧﺎﻥ : ﺣﺎﻳﺲ ﺍﻫﻮ ﻧﻜﻤﻞ ﻓﻲ ﺍﻟﺤﻮﺵ ﺑﻴﻦ ﺳﻄﺎﻭﺍﺕ ﻭﺑﻨﻲ
ﻣﻮﺩﺓ : ﺑﺎﻩ ﻛﻮﻳﺲ ﺭﺑﻲ ﻳﻌﺎﻭﻧﻚ ، ﺍﻟﺒﻴﺎﻥ ﺧﻼﺹ ﺍﻟﺨﻤﻴﺲ ؟
ﻋﺪﻧﺎﻥ : ﺍﻳﻪ ﺍﻥ ﺷﺎﺀ ﺍﻟﻠﻪ
ﻣﻮﺩﺓ : ﺑﺎﻩ ﻛﻮﻳﺲ
ﻧﻮﺭﺱ ﻟﻤﺎ ﺍﻟﻘﺘﻬﺎ ﻣﻄﻮﻟﺔ ﻏﺎﺿﺖ ﻭﻗﺪﻣﺖ ، ﻟﻴﻦ ﻭﺻﻠﺖ ﻓﻴﻬﻢ ﻭﻭﻗﻔﺖ ﺟﻨﺐ ﻋﺪﻧﺎﻥ : ﺍﻫﻠﻴﻦ ﻣﻮﺩﺓ ﻛﻴﻒ ﺣﺎﻟﻚ
ﻣﻮﺩﺓ ﻣﻦ ﻏﻴﺮ ﻣﺎﺗﻤﺪ ﻳﺪﻫﺎ : ﺍﻟﺤﻤﺪ ﻟﻠﻪ ﻛﻮﻳﺴﺔ ، ﺑﺎﻩ ﺍﻣﺎﻻ ﺷﻜﻠﻲ ﺍﺯﻋﺠﺘﻜﻢ
ﻧﻮﺭﺱ : ﺣﺎﺟﺔ ﻗﺮﻳﺒﺔ ﻣﻦ ﻫﻜﻲ
ﻋﺪﻧﺎﻥ ﺷﺎﻑ ﻟﻨﻮﺭﺱ
ﻣﻮﺩﺓ ﺷﺒﺤﺘﻠﻬﺎ ﺷﺒﺤﺔ ﺣﺎﺩﺓ ، ﻭﺍﻣﺸﺖ
ﻧﻮﺭﺱ ﻗﻘﻌﺪﺕ ﺗﺸﻮﻓﻠﻬﺎ ﻭﻫﻲ ﻣﻔﻨﺼﺔ ﻓﻴﻬﺎ ﻭﻃﺎﻳﺮﺗﻠﻬﺎ ﻭﺍﺗﺒﻊ ﻓﻴﻬﺎ ﺑﻌﻴﻮﻧﻬﺎ ﻭﻛﺎﻥ ﺗﻠﻘﻰ ﺗﻨﻂ ﺗﺎﻛﻠﻬﺎ
ﻋﺪﻧﺎﻥ : ﻫﻬﻬﻬﻬﻪ ﻣﺸﺖ ﺧﻼﺍﺹ ﺗﻲ ﻋﻴﻮﻧﻚ ﺑﻴﻄﻠﻌﻮ
ﻧﻮﺭﺱ ﺷﺎﻓﺘﻠﻪ ﺑﺘﻔﻨﻴﺺ
ﻋﺪﻧﺎﻥ : ﻫﻬﻬﻬﻬﻬﻪ ﺧﻴﺮﻙ ﺗﻔﻨﺼﻲ
ﻧﻮﺭﺱ : ﻋﻼﺵ ﻭﺍﻗﻒ ﻋﻠﻴﻬﺎ
ﻋﺪﻧﺎﻥ : ﺗﻲ ﻫﻲ ﻛﻠﻤﺘﻨﻲ ﻛﻴﻒ ﻧﻔﻮﺗﻬﺎ
ﻧﻮﺭﺱ : ﺍﻳﻪ ﻓﻮﺗﻬﺎ ، ﻧﻌﺮﻓﻬﻢ ﺍﻧﻲ ﺣﺮﻛﺎﺗﻬﺎ ﺣﺎﻓﻈﺘﻬﻢ ﺍﻟﻲ ﻫﻜﻲ ﺍﻧﻲ
ﻋﺪﻧﺎﻥ : ﻫﻬﻬﻬﻬﻪ ﺗﻲ ﺧﻄﻴﺒﺘﻲ ﺍﻧﺘﻲ ﻳﺎﻫﺒﻠﺔ
ﻧﻮﺭﺱ : ﻧﻐﺎﺭ ﺍﻧﻲ ، ﻭﺷﺎﻓﺖ ﻟﻤﺠﻤﻮﻋﻪ ﺑﻨﺎﺕ ﻳﺸﻮﻓﻮ ﻟﺠﻴﻬﺘﻬﻢ ، ﻭﻟﻌﺪﻧﺎﻥ ﻭﺳﻴﺎﺭﺗﻪ ﻭﻛﻴﻒ ﻃﺎﺭﺡ ﻭﺍﻧﻴﻖ
ﻋﺪﻧﺎﻥ ﺷﺪ ﻳﺪﻫﺎ : ﺑﺎﻩ ﻏﻴﺮ ﺗﻌﺎﻟﻲ ﻧﻘﻌﻤﺰﻭ ﻓﻲ ﻣﻜﺎﻥ ، ﻭﺧﻄﻢ ﻣﻦ ﺟﻨﺐ ﺍﻟﺒﻨﺎﺕ ﻭﺷﺎﺩ ﻳﺪﻫﺎ
ﻧﻮﺭﺱ ﺷﺎﻓﺘﻠﻬﻢ ﻭﺍﺑﺘﺴﻤﺖ ﺍﺑﺘﺴﺎﻣﻪ ﻣﻜﺮ
ﺍﻟﺒﻨﺎﺕ ﻗﻠﺒﻮ ﻭﺟﻮﻫﻬﻢ ﻉ ﺍﻟﺠﻴﻬﺔ ﺍﻟﺘﺎﻧﻴﻪ
ﻋﺪﻧﺎﻥ ﻗﻌﺪ ﻳﻀﺤﻚ ﻭﺭﻓﻌﻬﺎ ﻟﻤﻜﺎﻥ ، ﻭﻗﻌﻤﺰﻭ
ﻭﻗﻌﺪﻭ ﻳﺤﻜﻮ ﻭﻧﻮﺭﺱ ﺗﺤﻜﻴﻠﻪ ﺷﻦ ﺣﺘﺪﻳﺮ ﻓﻲ ﺍﻟﺒﻴﺎﻥ
،،،،،،،
ﺷﺮﻳﻦ ﺗﻠﻴﻔﻮﻧﻬﺎ ﻭﻫﻲ ﻛﻴﻒ ﺑﺘﺨﺶ ﺍﻟﻘﺎﻋﻪ
ﻭﺧﺮﺕ ﻭﺭﺩﺕ : ﺍﻟﻮ
ﻣﺤﻤﻮﺩ : ﺻﺒﺎﺡ ﺍﻟﺨﻴﺮ
ﻧﻮﺍﻝ : ﺻﺒﺎﺡ ﺍﻟﻮﺭﺩ ﺷﻦ ﺍﺧﺒﺎﺭﻙ
ﻣﺤﻤﻮﺩ : ﺗﻤﺎﻡ ﺷﻦ ﺟﻮﻙ ، ﻭﻳﻦ ﻓﻲ ﺍﻟﺠﺎﻣﻌﻪ ؟
ﻧﻮﺍﻝ : ﺍﻳﻪ ﻛﻴﻒ ﻛﻨﺖ ﺑﻨﺨﺶ ﻟﻠﻘﺎﻋﺔ ﻗﺮﻳﺐ ﺗﺒﺪﺍ ﺍﻟﻤﺤﺎﺿﺮﺓ
ﻣﺤﻤﻮﺩ : ﺍﻫﺎ ﻣﺰﺍﻝ ﻋﻠﻴﻬﺎ 20 ﺩﻗﻴﻘﻪ
ﻧﻮﺍﻝ : ﺣﺎﻓﻆ ﺟﺪﻭﻟﻲ ﺍﻣﺎﻻ
ﻣﺤﻤﻮﺩ : ﺣﺎﻓﻈﻪ ﺍﻳﻪ ﺻﻤﻤﻢ
ﻧﻮﺍﻝ : ﺻﻤﻤﻢ ، ﻫﻬﻪ ﺑﺎﻩ ﻣﻤﻜﻦ ﺍﻟﻌﺸﻴﺔ ﻧﺠﻲ ﻋﻨﺪﻛﻢ ، ﺑﻨﻤﺸﻮ ﻟﻨﻮﺳﺔ
ﻣﺤﻤﻮﺩ : ﺍﻭﻭ ﻣﻌﻨﺎﻫﺎ ﻣﺶ ﻃﺎﻟﻊ ﺍﻧﻲ ﺍﻟﻴﻮﻡ ﺗﻠﻘﻴﻨﻲ ﺟﻨﺐ ﺍﻟﺒﺎﺏ
ﻧﻮﺍﻝ : ﻣﻦ ﻏﻴﺮ ﻫﺒﺎﻝ ، ﺍﺻﻼ ﺑﻨﺠﻮ ﺍﻣﺨﺮ ﻳﻌﻨﻲ ﺑﻨﻄﻠﻊ ﻣﻊ ﻧﻮﺭﺱ ﺑﻨﺎﺧﺪ ﻗﻔﻄﺎﻥ
ﻣﺤﻤﻮﺩ : ﻭﻋﻼﺵ ﺍﻟﻘﻔﻄﺎﻥ
ﻧﻮﺍﻝ : ﻣﺶ ﻗﻠﺘﻠﻚ ﺑﻴﺎﻥ ﻋﺪﻧﺎﻥ ﻭﻧﻮﺭﺱ ﺍﻟﺨﻤﻴﺲ
ﻣﺤﻤﻮﺩ : ﺍﻳﻪ ﺍﻳﻪ ﺗﺪﻛﺮﺕ
ﻭﻗﻌﺪﺕ ﺗﺤﻜﻲ ﻣﻌﺎﻩ ﻭﻳﺨﻄﻄﻮ ﻟﺤﺪ ﻣﺎﺑﺪﺕ ﺍﻟﻤﺤﺎﺿﺮﺓ
،،،،،،
ﺭﻛﺒﺖ ﺍﻟﺴﻴﺎﺭﺓ ﺑﻌﺪ ﺭﻛﺐ ﻭﻟﻴﺪ ﺟﻨﺒﻲ
ﻭﻟﻴﺪ : ﻫﻴﺎ ﺑﺎﺵ ﻣﺎﻧﻌﻄﻠﻮﺵ ﺍﻻﻭﻻﺩ ﺑﻴﺠﻮﻧﻲ ﻉ ﺍﻟﻐﺪﻱ
ﺍﻧﻲ ﻭﻟﻌﺖ ﺍﻟﺴﻴﺎﺭﺓ : ﻣﺎﻧﻌﻄﻠﻮﺵ ﺑﺎﺫﻥ ﺍﻟﻠﻪ
ﻭﻃﻠﻌﻨﺎ ، ﺍﻣﺸﻴﻨﺎ ﻟﻠﻤﺤﻼﺕ
ﻭﺍﺧﺪﻳﺖ ﻗﻔﻄﺎﻥ ﻋﻠﻲ ﺫﻭﻕ ﻭﻟﻴﺪ ﻃﺒﻌﺎ
ﻟﻮﻧﻪ ﺍﺣﻤﺮ ﻗﺼﻴﺮ ﻟﺤﺪ ﺍﻟﺮﻛﺒﺔ ﻭﻛﻢ ، ﻭﺑﺘﺎﻉ ﺣﻮﺍﻣﻞ ﻭﻃﻠﻊ ﻋﻠﻴﺎ ﺣﻠﻮ
ﻭﺑﻌﺪﻫﺎ ﻣﺸﻴﻨﺎ ﻗﻌﻤﺰﻧﺎ ﻓﻲ ﻛﺎﻓﻲ ﺷﻮﻳﺔ
ﻭﻭﻟﻴﺪ ﺑﺪﻱ ﻳﺘﻌﻮﺩ ﻉ ﺍﻟﻌﻜﺎﺯﺍﺕ ﺷﻮﻳﺔ ﺷﻮﻳﺔ ﻭﺑﺪﻱ ﻋﺎﺩﻱ ﻳﻤﺸﻲ ﺑﻴﻬﻢ
ﻭﺻﻠﻨﺎ ﻟﻠﺤﻮﺵ
ﻧﺰﻟﺖ ﺍﻧﻲ ، ﻭﺑﻌﺪﻫﺎ ﺳﺎﻋﺪﺕ ﻭﻟﻴﺪ ﻳﻨﺰﻝ
ﺍﻭﻝ ﻣﺎﺧﺸﻴﻨﺎ ﻗﺎﺑﻠﺘﻨﺎ ﺭﺣﻤﺔ
ﺭﺣﻤﺔ : ﺍﻟﺤﻤﺪ ﻟﻠﻪ ﻉ ﺍﻟﺴﻼﻣﻪ ﻭﻳﻴﻨﻜﻢ ، ﻧﺴﺎﻭﻳﻦ ﻋﻤﻲ ﺟﻮ ، ﻭﺍﻭﻻﺩ ﻋﻤﻲ ﻭﺍﺻﺤﺎﺏ ﻭﻟﻴﺪ ﻋﻄﻠﺘﻮﻭ
ﻭﻟﻴﺪ : ﺍﻫﻮ ﺟﻴﻨﺎ ، ﺧﻼﺹ ﻧﻮﺳﺔ ﺧﻠﻴﻨﻲ ﺗﻮ ﻧﺨﺶ ﻟﻠﻤﺮﺑﻮﻋﻪ ﺑﺮﻭﺣﻲ ، ﻭﺍﻧﺘﻲ ﻳﺎﺭﺣﻤﺔ ﺧﺸﻲ ﺍﻟﺒﺎﺏ ﺍﻟﺒﺮﺍﻧﻲ ﻣﻔﺘﻮﺡ ﻭﺍﻧﺘﻲ ﻃﺎﻟﻌﻪ ﻫﻜﻲ ، ﻫﻲ ﺧﺸﻮ ﺍﻟﺪﺍﺧﻞ ، ﻭﺍﻣﺸﻲ ﻟﻠﻤﺮﺑﻮﻋﻪ
ﺧﺸﻴﺖ ﺍﻧﻲ ﻭﺭﺣﻤﺔ
ﺳﻠﻤﺖ ﻋﻠﻲ ﻧﺴﺎﻭﻳﻦ ﻋﻤﻬﻢ ، ﻭﺧﺸﻴﺖ ﻟﻠﻤﻄﺒﺦ
ﺍﻟﻘﻴﺖ ﻭﻓﺎﺀ ﻭﻣﻨﻰ ﻳﻮﺗﻮ ﻓﻲ ﺷﺎﻫﻲ ﻭﻳﺪﻳﺮﻭ ﻓﻲ ﺍﻟﻐﺪﻱ
ﻗﻌﺪﺕ ﻧﺴﺎﻋﺪ ﻓﻴﻬﻢ
،،،،،،،
ﻧﺮﺟﺲ ﻧﺰﻟﺖ : ﺷﻜﺮﺍ ﻳﺎﻣﻌﺎﺩ ﺑﺠﺪ ﻏﻴﺮﺗﻠﻲ ﺟﻮﻱ
ﻣﻌﺎﺩ ﺍﺑﺘﺴﻢ : ﺍﻟﻌﻔﻮ ، ﻫﻲ ﺧﺸﻲ ﺷﻜﻠﻪ ﺍﻟﻤﻄﺮ ﺑﺘﺼﺐ
ﻧﺮﺟﺲ : ﻣﺎﺷﻲ ﻣﻊ ﺍﻟﺴﻼﻣﺔ
ﻣﻌﺎﺩ ﺭﻛﺐ ﺳﻴﺎﺭﺗﻪ ﻭﻳﺸﻮﻓﻠﻬﺎ
ﻧﺮﺟﺲ ﻣﺒﺘﺴﻤﻪ ﻭﺍﺷﺮﺗﻠﻪ ﺑﻴﺪﻫﺎ ﻭﺧﺸﺖ
ﻭﻓﻌﻼ ﺍﻭﻝ ﻣﺎﺧﺸﺖ ﻟﻠﺠﻨﺎﻥ ﺑﺪﺕ ﺍﻟﻤﻄﺮ ﺗﺼﺐ ﺧﺸﺖ ﺗﺠﺮﻱ ﺍﻟﺪﺍﺧﻞ
ﺷﺮﻳﻦ ﺗﻠﻴﻔﻮﻧﻬﺎ ﻃﻠﻌﺎﺗﻪ ﻛﺎﻥ ﺭﻗﻢ ﻏﺮﻳﺐ
ﺍﺳﺘﻐﺮﺑﺖ ﻭﻗﻌﺪﺕ ﺗﺸﻮﻑ ﻟﻠﺮﻗﻢ
ﺭﻥ ﺭﻥ ﻭﻓﺼﻞ ، ﻭﻫﻲ ﻗﺎﻋﺪﺓ ﺗﺸﻮﻑ ﻟﻠﺘﻠﻴﻔﻮﻥ ﻋﺎﻭﺩ ﺭﻥ ﻣﻦ ﺟﺪﻳﺪ
ﺭﺩﺕ ﻭﻗﻌﺪﺕ ﺳﺎﻛﺘﻪ
:... ﺍﻟﻮ ﻧﺮﺭﺟﺲ
ﻧﺮﺟﺲ ﻗﻠﺒﻬﺎ ﻗﻌﺪ ﻳﺪﻕ ﺑﺴﺮﻋﻪ ، ﻣﻌﺎﺵ ﻗﺪﺭﺕ ﺗﻮﻗﻒ ﻋﻠﻲ ﺭﺟﻠﻴﻬﺎ ، ﻗﻌﻤﺰﺕ ﻭﺍﻟﺘﻠﻴﻔﻮﻥ ﻋﻠﻲ ﻭﺩﻧﻬﺎ
ﺍﻟﺼﻮﺕ ﻫﺪﺍ ﻫﻲ ﺗﻌﺮﻓﻪ ﻛﻮﻳﺲ ، ﻟﻄﺎﻟﻤﺎ ﺭﻗﺪﺕ ﻭﻫﻲ ﺗﺴﻤﻊ ﻓﻴﻪ ، ﻋﻴﻮﻧﻬﺎ ﺗﻌﺒﻮ ﺩﻣﻮﻉ
ﺣﺴﻦ : ﻧﺮﺟﺲ ﺭﺩﻱ ﻋﻠﻴﺎ ، ﻋﺎﺭﻓﻚ ﺗﺴﻤﻌﻲ ﻓﻴﺎ ، ﻧﺮﺟﺲ
ﻭﺑﻌﺪﻫﺎ ﺗﻨﻬﺪ ﻭﺳﻜﺖ
ﻧﺮﺟﺲ ﺩﻣﻮﻋﻬﺎ ﻧﺰﻟﻮ ، ﻟﺴﺎﻧﻬﺎ ﺍﺭﺗﺒﻂ
ﺣﺴﻦ ﺳﻤﻌﻬﺎ ﺗﺮﺷﻒ ﻓﻲ ﺧﺸﻤﻬﺎ ﻭﻭﺍﺿﺢ ﺗﺒﻜﻲ : ﻧﺮﺟﻮﺳﺔ ﻣﻌﺎﺵ ﺗﺒﻜﻲ ﻳﺎﺣﺒﻴﺒﺘﻲ ﺑﺎﻟﻠﻪ ﻋﻠﻴﻚ ﻣﻌﺎﺵ ﺗﺒﻜﻲ ، ﺳﺎﻣﺤﻴﻨﻲ ﺍﻧﻲ ﻣﺎﻧﺴﺘﺎﻫﻠﺶ ﺣﺒﻚ
ﻧﺮﺟﺲ ﺯﺍﺩﺕ ﺗﺒﻜﻲ ﺍﻛﺜﺮ : ﻋﻼﺵ ﺑﺲ ؟
ﺣﺴﻦ : ﻻﻧﻲ ﻣﺎﻧﺴﺘﺎﻫﻠﻜﺶ ﻧﺮﺟﺲ ﺳﺎﻣﺤﻴﻨﻲ ، ﻧﺤﺒﻚ ﺍﻧﻲ ﻧﺮﺟﺲ ﺗﻌﺮﻓﻴﻨﻲ ﻧﺤﺒﻚ ﻭﺍﻻ
ﻧﺮﺟﺲ ﺑﻠﻌﺖ ﺭﻳﻘﻬﺎ ، ﻭﻓﻲ ﻟﺤﻈﺔ ﺟﺮﺃﺓ ﻭﺣﺮﻗﻪ : ﻟﻮ ﺗﺤﺒﻨﻲ ﺻﺢ ﻣﺎﻛﺎﻧﺶ ﺗﻄﻌﻨﻲ ﻓﻲ ﻇﻬﺮﻱ ﻫﻜﻲ ، ﻟﺤﺪ ﻣﺎﺗﻔﻀﺤﻚ ﺍﺧﺘﻚ ﻭﻧﺸﻮﻑ ﺑﺎﻟﺼﺪﻓﺔ ، ﺣﺮﺍﻡ ﻋﻠﻴﻚ ﺍﻧﺖ ﺷﻨﻮ ، ﺍﻧﺖ ﺷﻨﻮﻭﻭﻭﻭ ، ﺟﺎﻱ ﺗﻘﻮﻟﻲ ﻧﺤﺒﻚ ﺗﻮﺍ ، ﺍﻧﺖ ﺷﻨﻮ ﺣﺮﺍﺍﻡ ﻋﻠﻴﻚ ﻳﺎﺍﻧﺴﺎﻥ ﺣﺮﺍﻡ ﻋﻠﻴﻚ ،
ﻭﺍﻧﻬﺎﺭﺕ ﺑﻜﻲ
ﺣﺴﻦ ﻗﻌﺪ ﺳﺎﻛﺖ ﻭﻳﺴﻤﻊ ﻓﻴﻬﺎ
ﻧﺮﺟﺲ ﻓﺼﻠﺖ ﺍﻟﺨﻂ ، ﻭﺣﻄﺖ ﻭﺟﻬﻬﺎ ﺑﻴﻦ ﻳﺪﻳﻬﺎ ﻭﻣﻨﻬﺎﺭﺓ ﺑﻜﻲ
ﻣﺎﻣﺎ ﻃﻠﻌﺖ ﻣﻦ ﺍﻟﻤﻄﺒﺦ : ﻧﺮﺟﺲ ﺍﻧﺘﻲ ﺭﻭﺣﺘﻲ ، ﺧﻴﺮﻙ ﻧﺮﺟﺲ
ﺣﺴﻦ ﺑﻌﺪ ﺳﻜﺮﺕ ﺗﻨﻬﺪ ﻭﻗﻌﺪ ﻳﻔﻜﺮ
ﻣﺎﻣﺎ ﻗﻌﻤﺰﺕ ﺟﻨﺐ ﻧﺮﺟﺲ : ﺧﻴﺮﻙ ﻳﺎﻣﺎﻣﺎ ﺷﻦ ﻓﻲ ﻳﺎﺑﻨﺘﻲ ، ﺣﻮﻟﺘﻠﻬﺎ ﻳﺪﻳﻬﺎ ﻣﻦ ﻋﻠﻲ ﻭﺟﻬﻬﺎ
ﻧﺮﺟﺲ ﺣﻀﻨﺖ ﻣﺎﻣﺎ ﻭﺗﺒﻜﻲ
>>> ﺗﺴﻤﺤﻲ ﻟﻰ ﻳﺎﻣﻪ ﻣﻦ ﻭﻗﺘﻚ ﺷﻮﻳﺔ
ﺍﻧﺴﻰ ﺟﻨﺒﻚ ﺣﻤﻞ ﺷﺎﻳﻠﻪ ﺗﻘﻴﻞ ﻋﻠﻴﺎ
ﻭﺯﻯ ﻋﺎﺩﺗﻚ ﺗﺴﻤﻌﻴﻨﻰ
ﻟﻮ ﺑﻜﻴﺖ ﺍﺳﺘﺤﻤﻠﻴﻨﻰ
ﻳﺎﻣﻪ ﺯﺍﺩﺕ ﻗﺴﻮﺓ ﺍﻻﻳﺎﻡ ﻋﻠﻴﺎ
ﻛﻞ ﻳﻮﻡ ﺑﻘﻰ ﻳﺸﺒﻪ ﺍﻟﻴﻮﻡ ﺍﻟﻠﻰ ﻋﺪﻯ
ﻛﻠﻤﺘﻴﻦ ﻣﺶ ﻣﻔﻬﻮﻣﻴﻦ ﻋﻠﻰ ﺩﻣﻌﺔ ﺷﺎﺭﺩﺓ
ﺣﺘﻰ ﻟﻮﻥ ﺍﻟﺪﻧﻴﺎ ﺑﺎﻫﺖ
ﻭﺍﻟﻤﻌﺎﻧﻰ ﻑ ﻗﻠﺒﻰ ﺗﺎﻫﺖ <<<
،،،،،،
ﻓﺎﺕ ﻳﻮﻡ ﻭﺭﺍ ﻳﻮﻡ ﻧﻮﺗﻮ ﻟﺒﻴﺎﻥ ﻧﻮﺭﺱ
ﻭﻋﺪﻧﺎﻥ ﻭﻧﻮﺭﺱ ﻓﺮﺣﺘﻬﻢ ﻣﺶ ﺳﺎﻳﻌﺘﻬﻢ
ﺟﻲ ﻳﻮﻡ ﺍﻟﺒﻴﺎﻥ ﻣﺸﻴﺖ ﻣﻦ ﺍﻟﺼﺒﺢ
ﻧﻮﺭﺱ ﺍﻣﺸﺖ ﻫﻲ ﻭﺳﺎﺭﺓ ﻟﻠﻤﺰﻳﻦ ، ﺍﻧﻲ ﺑﺴﺒﺐ ﻇﻬﺮﻱ ﻣﺎﻗﺪﺭﺗﺶ ﻧﻤﺸﻲ ﻣﻌﺎﻫﺎ
ﻛﻞ ﻳﻮﻡ ﻳﻤﺮ ﻭﺑﻄﻨﻲ ﺗﻜﺒﺮ ﺍﻛﺜﺮ ﻭﻇﻬﺮﻱ ﻳﺰﻳﺪ ﻳﻮﺟﻌﻨﻲ ﺍﻛﺜﺮ
ﻗﺎﻋﺪﻳﻦ ﻓﻲ ﺍﻟﻤﻄﺒﺦ ﻧﻮﺗﻮ ﻓﻲ ﺣﻠﻮﻳﺎﺕ ﺑﻌﺪﻳﻦ ﻭﻧﺤﻄﻮ ﻓﻲ ﻛﻞ ﻓﻲ ﻣﺘﺎﺭﺩﻩ ﺑﺎﺵ ﺑﻌﺪﻳﻦ ﻣﺎﻧﺘﻔﺮﻛﺴﻮﺵ
ﻭﻧﻮﺗﻮ ﺭﻭﺣﻨﺎ
ﻭﻃﺒﻌﺎ ﻋﻠﻴﺎ ﺟﺘﻨﺎ ﻋﻠﺸﺎﻥ ﺗﺴﺎﻋﺪﻧﺎ ، ﻭﺑﻌﺪﻳﻦ ﻓﻲ ﺍﻟﺒﻴﺎﻥ ﺑﺘﺠﻲ ﻋﻤﺘﻲ ﻭﻋﻤﺎﺕ ﻋﺪﻧﺎﻥ ﻭﻧﺴﺎﻭﻳﻦ ﻋﻤﻪ
ﻓﺎﺗﺤﻴﻦ ﺍﻏﺎﻧﻲ ﺑﺎﻟﻤﻨﻈﻮﻣﺔ ﻭﺣﺎﻃﻴﻨﻬﺎ ﻓﻲ ﺍﻟﻤﻄﺒﺦ
ﻧﺮﺟﺲ ﺗﺪﻳﺮ ﻭﺳﺮﺣﺎﻧﻪ ﻣﺶ ﻣﻌﺎﻧﺎ ﺑﻜﻞ ، ﺩﺍﻳﺮﺓ ﺗﻠﻴﻔﻮﻧﻬﺎ ﻭﺿﻊ ﻃﻴﺮﺍﻥ ﻣﻦ ﻳﻮﻡ ﻛﻠﻤﻬﺎ ﺣﺴﻦ ، ﻭﺗﺤﺎﻭﻝ ﺗﻨﺴﺎﻩ
ﻧﻮﺍﻝ : ﺍﻥ ﺷﺎﺀ ﺍﻟﻠﻪ ﻏﻴﺮ ﻣﺎﺗﻠﻌﺒﺶ ﻓﻴﻬﺎ ﺍﻟﻤﺰﻳﻨﻪ
ﺍﻧﻲ : ﻫﻲ ﻋﻼﺵ ﻣﺎﺍﻣﺸﺘﺶ ﻟﻠﻤﺰﻳﻨﻪ ﻧﻔﺴﻬﺎ ﺍﻟﻲ ﻣﺸﻴﺘﻠﻬﺎ ﺍﻧﻲ ﻭﻳﺎﻙ ، ﻫﺎﺩﻳﻜﺎ ﻳﺪﻳﻬﺎ ﻣﺎﺷﺎﺀ ﺍﻟﻠﻪ ﻭﺗﺴﺮﻳﺤﺎﺗﻬﺎ ﺣﻠﻮﺓ
ﻧﻮﺍﻝ : ﻣﺎﺣﺼﻠﺘﺶ ﻋﻨﺪﻫﺎ ﺍﻟﻴﻮﻡ ، ﻋﻨﺪﻫﺎ ﻫﻠﺒﺎ ﻋﺮﺍﻳﺲ ﺧﻤﻴﺲ ﻣﺎﻫﻮ ، ﻫﻲ ﻫﺎﺩﻱ ﺍﻟﻲ ﻣﺸﺘﻠﻬﺎ ﺍﻟﻤﺰﻳﻦ ﺍﻟﻲ ﺩﺍﺭﺕ ﻟﻬﺎﺟﺮ ﻓﻲ ﻋﺮﺳﻬﺎ
ﺍﻧﻲ : ﺗﻌﺮﻓﻲ ﻓﻲ ﻫﺎﺟﺮ ﻫﻲ ﺍﻟﻮﺣﻴﺪﺓ ﺍﻟﻲ ﻃﻠﻌﺖ ﻗﻨﻴﻨﻪ ، ﺷﻔﺘﻬﻢ ﺍﻟﻌﺮﺍﻳﺲ ﺍﻟﻲ ﻣﻌﺎﻫﺎ ﻻﻋﺒﻪ ﻓﻴﻬﻢ
ﻧﻮﺍﻝ : ﺣﻲ ﻭﺍﻟﻠﻪ ﻛﺎﻥ ﻫﺪﺍ ﻧﻮﺭﺱ ﺗﻬﺒﻞ
ﻋﻠﻴﺎ : ﺗﻌﺮﻓﻲ ﺍﻧﻲ ﻧﺤﺲ ﻓﻴﻬﺎ ﺣﻈﻮﻅ ﺍﻟﻤﺰﻳﻦ ﺭﺍﻫﻮ ، ﻫﺎﺟﺮ ﻣﺤﻈﻮﻇﺔ ﺑﺲ
ﻫﺎﺟﺮ ﺧﺸﺖ ﻟﻠﻤﻄﺒﺦ : ﻛﺎﺍﻧﻲ ﺳﻤﻌﺖ ﺍﺳﻤﻲ ، ﺷﻦ ﺗﻘﺮﻣﻮ
ﺍﻧﻲ : ﻫﻬﻬﻪ ﻧﺤﻜﻮ ﻋﻠﻲ ﺍﻟﻤﺰﻳﻦ ﺍﻟﻲ ﻣﺸﻴﺘﻴﻠﻬﺎ ﻓﻲ ﻋﺮﺳﻚ
ﻫﺎﺟﺮ : ﺧﻴﺮﻫﺎ ﻣﺎﺗﻘﻮﻟﻴﺶ ﻧﻮﺭﺱ ﺍﻣﺸﺘﻠﻬﺎ
ﻧﻮﺍﻝ : ﺍﻳﻪ
ﻫﺎﺟﺮ : ﻣﺎﺗﺼﻠﺤﺶ ﺑﻜﻞ ﺍﻧﻲ ﻗﺮﻳﺐ ﻟﻌﺒﺖ ﻓﻴﺎ ، ﻏﻴﺮ ﺍﻧﻲ ﻗﻌﺪﺕ ﻧﻘﻮﻟﻠﻬﺎ ﻣﺎﻧﺒﻴﺶ ﻫﻜﻲ ﻭﻣﺎﻧﺒﻴﺶ ﻫﻜﻲ ﻭﺗﻌﺮﻓﻲ ﻃﻴﺮﺗﻬﺎﻟﻬﺎ ﻗﺮﻳﺐ ﻟﺰﺗﻨﻲ ﻗﻠﺘﻠﻬﺎ ﺩﺍﻓﻌﻪ ﻓﻠﻮﺱ ﻧﺒﻲ ﺣﺎﺟﺔ ﺣﻠﻮﺓ ﻣﺎﻧﺒﻴﺶ ﻧﺮﻭﺡ ﻟﻌﺮﻳﺴﻲ ﻏﻮﻟﺔ
ﺍﻧﻲ : ﻫﻬﻬﻪ ﺣﻲ ﻛﺎﻥ ﺗﺴﻤﻌﻚ ﻧﻮﺭﺱ ﻣﻤﻜﻦ ﺗﺴﻴﺒﻬﺎ ﻭﺗﺮﻭﺡ ﻣﺎﻳﺼﻴﺮﻟﻬﺎﺵ ﻣﻦ ﺍﻟﻤﻜﻴﺎﺝ
ﻧﻮﺍﻝ : ﻭﺍﻟﻠﻪ ﺗﻌﺮﻓﻲ ﻫﻲ ﻣﺎﺷﻴﺔ ﻭﻳﺪﻫﺎ ﻋﻠﻲ ﻗﻠﺒﻬﺎ
ﺳﺮﻭﺭ : ﻧﻜﻠﻤﻮ ﺳﺎﺭﺓ ﺑﺎﻫﻲ ﻧﻘﻮﻟﻮﻟﻬﺎ ﻗﺼﺪﻱ ﺗﻘﻮﻟﻠﻬﺎ ﻣﺎﺗﻜﺘﺮﻟﻬﺎﺵ ﻣﻜﻴﺎﺝ ﻭﺗﺪﻳﺮﻳﻠﻬﺎ ﺗﺴﺮﻳﺤﺔ ﺑﺴﻴﻄﺔ
ﻋﻠﻴﺎ : ﻛﺎﻥ ﺑﺘﻜﻠﻤﻴﻬﺎ ﺗﻮ ﺗﺨﺎﻑ
ﻫﺎﺟﺮ : ﻻﻻ ﺗﻜﻠﻤﻬﺎ ﺧﻴﺮ ﺗﻨﺒﻬﻬﺎ ، ﺍﺗﺼﻠﻲ ﺑﻴﻬﺎ ﻭﺍﻋﻄﻴﻬﺎﻟﻲ
ﺍﺗﺼﻠﺖ ﺳﺮﻭﺭ ﻭﻣﺪﺕ ﺍﻟﺘﻠﻴﻔﻮﻥ ﻟﻬﺎﺟﺮ
ﻫﺎﺟﺮ ﻗﻌﺪﺕ ﺗﺸﺮﺣﻠﻬﺎ
ﻋﻠﻴﺎ : ﺑﺎﻟﻠﻪ ﻏﻴﺮﻱ ﺍﻻﻏﻨﻴﻪ ﺍﻟﺤﺰﻳﻨﻪ ﺍﻟﻲ ﻓﺎﺗﺤﻴﻨﻬﺎ ﺍﻓﺘﺤﻴﻠﻨﺎ ﻭﺣﺪﺓ ﻧﺎﺷﻄﺔ ، ﺗﻌﺮﻓﻲ ﺍﻧﻲ ﻛﻨﺖ ﺍﻣﺘﺤﺎﻧﺎﺕ ﻭﻧﺒﻲ ﻧﻔﺮﻍ ﺷﺤﻨﺘﻲ ﺑﺼﺮﺍﺣﺔ
ﺍﻧﻲ : ﻫﻬﻬﻪ ﺗﻲ ﻫﻮ ﻫﺪﺍ ﺗﻠﻴﻔﻮﻥ ﻣﻨﻲ ﺍﻟﺲ ﻋﺎﻟﻘﻴﻨﻪ
ﻧﺮﺟﺲ : ﺗﻠﻴﻔﻮﻧﻲ ﺍﻧﻲ
ﺍﻧﻲ : ﺷﺪﻱ ﺍﻏﺎﻧﻴﻚ ﻛﻠﻬﻢ ﻫﺎﺩﻳﺔ ، ﺍﻋﻄﻴﻨﻲ ﻳﺎﻧﻮﺍﻝ ﺗﻠﻴﻔﻮﻧﻚ
ﺧﺪﻳﺖ ﺗﻠﻴﻔﻮﻥ
ﻭﻓﺘﺤﺖ ﻓﻴﻪ ﺍﻏﺎﻧﻲ
ﺍﻭﻝ ﺍﻏﻨﻴﻪ ﺟﺖ
>> ﺷﺎﻳﻒ ﺭﻭﺣﻪ ﻗﺎﻳﻢ ﺧﺸﻤﻪ
ﺷﺎﻳﻒ ﻫﻠﺒﺎ ﺭﻭﻳﺤﺘﻪ << ﻛﺎﻧﺖ ﻟﻌﺼﺎﻡ ﺍﻟﻄﻮﻳﻞ
ﻋﻠﻴﺎ ﻗﻌﺪﺕ ﺗﻐﻨﻲ ﻣﻌﺎﻫﺎ ﻭﺑﻌﺪﻫﺎ ﻗﻌﺪﺕ ﺗﺮﻗﺺ
ﻧﻮﺍﻝ : ﻫﻬﻬﻬﻬﻪ ﺍﻛﺒﺮ ﺑﻠﻌﻮﻃﺔ ﺍﻟﺒﻨﺖ ﻫﺎﺩﻱ ﺗﻮ ﻋﻼﺵ ﻣﺎﺑﻜﻴﺘﻴﺶ ﻋﻠﻴﻪ ﺑﻜﻞ
ﻋﻠﻴﺎ : ﺑﻜﻴﺖ ﺷﻮﻳﺔ ﻭﺑﻌﺪﻳﻦ ﻭﻟﻴﺖ ﻟﻌﻘﻠﻲ ، ﻣﺎﻫﻴﺶ ﻭﺍﻗﻔﻪ ﻋﻠﻲ ﺣﺪ
ﺍﻧﻲ ﻗﻌﺪﺕ ﻧﻀﺤﻚ ﻭﻧﺸﻮﻓﻠﻬﺎ
ﺷﻮﻳﺔ ﻭﻃﻖ ﺑﺎﺏ ﺍﻟﻤﻄﺒﺦ
ﻋﻠﻴﺎ ﺗﻐﺴﻞ ﻓﻲ ﺍﻻﻣﺎﻋﻴﻦ ﻭﺗﻐﻨﻲ ﻣﻊ ﺍﻻﻏﻨﻴﻪ
ﻧﻀﺖ ﻟﻔﻴﺖ ﻭﺷﺎﺣﻲ ﻋﻠﻲ ﺭﺍﺳﻲ ، ﻭﺑﻌﺪ ﻟﺒﺴﻮ ﺍﻭﺷﺤﺘﻬﻢ ﻓﺘﺤﺖ ﺍﻟﺒﺎﺏ
ﻛﺎﻥ ﻋﺒﺪ ﺍﻟﻤﻨﻌﻢ
ﺍﻧﻲ : ﺍﻫﻼ ﺗﻔﻀﻞ
ﻋﺒﺪ ﺍﻟﻤﻨﻌﻢ ﺧﺶ ﻭﻳﻤﺴﺢ ﻓﻲ ﺷﻌﺮﻩ ﻣﻦ ﺍﻟﻤﻴﻪ ﻻﻧﻪ ﻣﻄﺮ ﺑﺮﺍ ، ﻭﻛﻴﻒ ﺑﻴﺘﻜﻠﻢ ﺷﺎﻑ ﻟﻌﻠﻴﺎ ﺍﻟﻲ ﻣﺶ ﻣﺴﺘﺎﻗﻈﺔ ﺑﻴﻪ ﻭﺗﻐﻨﻲ
ﺍﺣﻨﻲ ﺳﻜﺘﻨﺎ ﻭﻗﻌﺪﻧﺎ ﻧﺸﻮﻓﻮﻟﻬﻢ ﺍﻟﺰﻭﺯ
ﻋﻠﻴﺎ ﻛﻤﻠﺖ ﺍﻻﻣﺎﻋﻴﻦ ، ﻭﺗﻤﺴﺢ ﻓﻲ ﻳﺪﻳﻬﺎ ﻭﺗﻐﻨﻲ : ﻳﺤﺴﺎﺑﻨﻲ ﺑﻨﻄﻴﺮ ﻧﺠﻦ ﻣﺎﺭﻳﺖ ﻏﻴﺮ ﺯﻭﻳﻠﻪ ** ﻣﺴﻴﻜﻴﻦ ﻟﻮ ﻳﺤﺴﺎﺑﻨﻲ ﺑﻨﻄﻴﺤﻠﻪ ﻭﻧﻤﺸﻴﻠﻪ
ﻭﺗﻐﻨﻲ ﺑﺎﻟﺤﺮﻛﺎﺕ ، ﻭﺗﻠﻒ ﺗﺸﻮﻑ ﻋﺒﺪ ﺍﻟﻤﻨﻌﻢ ﻭﺍﻗﻒ ﻳﺸﻮﻓﻠﻬﺎ ، ﻳﺒﺴﺖ ﻓﻲ ﻣﻜﺎﻧﻬﺎ
ﻛﻞ ﻭﺣﺪﺓ ﻓﻴﻨﺎ ﻣﻦ ﺍﻟﺒﻨﺎﺕ ﺗﻈﺎﻫﺮﺕ ﺍﻧﻬﺎ ﺗﺪﻳﺮ ﻓﻲ ﺣﺎﺟﺔ ﻭﻣﺶ ﻣﻌﺎﻫﻢ ﻭﻣﺶ ﻣﻨﺘﺒﻬﻴﻠﻬﻢ
ﻋﻠﻴﺎ ﻋﻴﻮﻧﻬﺎ ﺗﻌﺒﻮ ﺩﻣﻮﻉ ، ﻧﺰﻟﺖ ﺭﺍﺳﻬﺎ ﻭﺗﺠﺎﻫﻼﺗﻪ ﻭﻗﻌﻤﺰﺕ ﺗﺴﺎﻋﺪ ﻓﻲ ﺍﻟﺒﻨﺎﺕ
ﻋﺒﺪ ﺍﻟﻤﻨﻌﻢ ﻗﻌﺪ ﻭﺍﻗﻒ
ﻭﺷﻮﻳﺔ ﻭﻳﺠﻴﻨﺎ ﺻﻮﺕ ﻣﻦ ﻭﺭﺍ ﻋﺒﺪ ﺍﻟﻤﻨﻌﻢ : ﺍﻧﺖ ﺍﻫﻨﻲ ﻣﻦ ﺑﻜﺮﻱ ﻧﺪﻭﺭ ﻓﻴﻴﻚ ، ﺍﻭﻭﻭ ﻳﻌﻮﻟﻮ ﻟﺒﻴﺎﻧﻲ ، ﻭﺧﺶ ﻳﻤﺴﺢ ﻓﻲ ﺷﻌﺮﻩ ﻣﻴﻪ ﻣﻦ ﺍﻟﻤﻄﺮ
ﺍﻧﻲ : ﻫﻴﻴﻴﻲ ﺍﻧﺖ ﺷﻦ ﺟﺎﺑﻚ ﺍﻫﻨﻲ
ﻋﺪﻧﺎﻥ : ﺗﻲ ﺍﺳﻜﺘﻲ ﻏﻴﺮ ﻣﺎﺗﻘﻮﻟﻮﺵ ﻻﻣﻲ ﺑﺲ ، ﻭﻃﺒﺲ ﺧﺪﻱ ﻣﻘﺮﻭﺿﺔ
ﻧﻮﺍﻝ : ﺗﻴﻴﻴﻲ ﻓﺮﺭﻛﺴﺘﻬﺎ ﺑﻌﺪ ﺳﺎﻋﺔ ﻭﺍﻧﻲ ﻧﺮﺗﺒﺐ ﻓﻴﻴﻪ ، ﺗﻲ ﺍﻣﺸﻲ ﺍﻧﺖ ﺍﻟﻌﺮﻳﺲ ﺗﻮﺍ ﻣﻔﺮﻭﺽ ﻓﻲ ﺍﻟﺤﻼﻕ
ﻋﺪﻧﺎﻥ ﺷﺎﻑ ﻟﻌﻠﻴﺎ ﺍﻟﻲ ﻛﺎﻧﺖ ﺳﺮﺣﺎﻧﻪ ﻭﻣﺎﺗﺒﻴﺶ ﺗﻘﻴﻢ ﺭﺍﺳﻬﺎ : ﻫﺎﺩﻱ ﺷﻦ ﺗﺪﻳﺮ ﺍﻫﻨﻲ ، ﻭﺿﺮﺑﻬﺎ ﺑﺮﺟﻠﻪ
ﻋﻠﻴﺎ : ﺗﻴﻴﻲ ﻫﺎﺍﺍ ﺧﻴﺮ ﺑﻼﻙ ، ﺷﺎﻓﺘﻪ : ﺍﻧﺖ ﺷﻦ ﺗﺪﻳﺮ ﺍﻫﻨﻲ ﻛﺎﻥ ﺗﻨﺪﺭﻱ ﻋﻠﻴﻚ ﻣﺎﻣﺎ ﺍﻧﻲ ﻃﻠﻌﺖ ﺧﻠﻴﺘﻬﺎ ﺗﺪﻭﺭ ﻓﻴﻚ ﻣﺶ ﻋﺎﺭﻓﻪ ﺷﻦ ﺑﺘﺠﻴﺐ
ﻋﺪﻧﺎﻥ : ﺣﺘﻰ ﺍﻧﻲ ﻫﺮﺑﺖ ﻣﻨﻬﺎ ﻫﺮﻭﺏ ﺑﻨﻠﻬﻰ ﺑﺮﻭﺣﻲ ﺍﻟﻴﻮﻡ ﻓﺎﺗﺤﺘﻲ ﻭﺑﻴﺎﻧﻲ ﻭﻗﻌﺪﺕ ﻏﻴﺮ ﻓﻲ ﺟﻴﺐ ﻭﺍﺭﻓﻊ
ﺍﻧﻲ : ﺗﻲ ﻣﺰﺍﻝ ﺳﺎﻋﺘﻴﻦ ﻋﻠﻲ ﺍﻟﻔﺎﺗﺤﺔ ﺑﺲ ﻭﺍﻧﺖ ﻗﺎﻋﺪ ﻣﺶ ﻭﺍﺗﻲ
ﻋﺪﻧﺎﻥ : ﺗﻮﺍ ﺑﻨﻤﺸﻲ ﻣﺎﻫﻮ ﻛﻨﺖ ﻧﺪﻭﺭ ﻓﻲ ﺍﻟﺴﻄﻞ ﺍﻫﻮﺍ ، ﻭﺍﺷﺮ ﻋﻠﻲ ﻋﺒﺪ ﺍﻟﻤﻨﻌﻢ
ﻋﺒﺪ ﺍﻟﻤﻨﻌﻢ : ﺑﺮﺍ ﺭﻭﺡ ﺍﻣﺸﻴﺘﻠﻚ ﻟﺤﻮﺷﻜﻢ ﻣﺎﻟﻘﻴﺘﻜﺶ ﻭﺍﻧﺖ ﺯﻱ ﺍﻟﺰﺭﺑﻮﻁ ﻣﺎﺗﻘﻌﺪﺵ ﻓﻲ ﻣﻜﺎﻥ
ﻋﺪﻧﺎﻥ : ﺑﺎﻩ ﻏﻴﺮ ﺍﺳﻤﻌﻲ ﻣﺸﻔﺸﻔﻪ ﻋﻨﺪﻱ ﺩﺳﻜﺔ ﺍﻏﺎﻧﻲ ﻭﻓﻲ ﺍﻏﺎﻧﻲ ﻧﺒﻴﻚ ﺗﻔﺘﺤﻴﻬﻢ ﻟﻤﺎ ﻧﺨﺶ ﺍﻧﻲ
ﺍﻧﻲ : ﻭﻳﻦ ﺗﺮﺍ ﺍﻋﻄﻴﻨﻲ
ﻋﺪﻧﺎﻥ ﻃﻠﻊ ﺍﻟﺪﺳﻜﺔ : ﺗﻌﺎﻟﻲ ﻧﺴﻤﻌﻮﻫﻢ ﻓﻲ ﺍﻟﻤﻨﻈﻮﻣﺔ ﻭﻧﻮﺭﻳﻚ ﻛﻞ ﻭﺣﺪﺓ
ﺍﻧﻲ : ﺗﻌﺎﻟﻰ ﺑﺎﻩ ﺍﻫﻲ
ﻭﻗﻌﺪ ﻋﺪﻧﺎﻥ ﻳﻮﺭﻱ ﻓﻴﺎ ﻛﻞ ﺍﻏﻨﻴﻪ ﺍﻣﺘﻰ ﻧﻔﺘﺤﻬﺎ
ﺍﻧﻲ : ﻭﺑﺎﺍﻩ ﻟﻤﺎ ﺑﺘﻘﺼﻮ ﺍﻟﺘﻮﺭﺗﻪ ﺷﻦ ﺑﻨﻔﺘﺢ
ﻋﺪﻧﺎﻥ ﺧﺒﻂ ﻋﻠﻲ ﺟﺒﻬﺘﻪ : ﺗﻲ ﻧﺴﻴﺖ ، ﺑﺎﻩ ﺍﺳﻤﻌﻲ ﻫﻲ ﻋﺎﺩﻱ ﺍﻟﻲ ﻟﻤﺎ ﺑﻨﻠﺒﺴﻬﺎ ﺍﻟﺪﺑﻠﺔ ﺧﻠﻴﻬﺎ ﻣﻔﺘﻮﺣﺔ ﻟﻴﻦ ﺑﻨﻘﺼﻮ ﺍﻟﺘﻮﺭﺗﻪ
ﺍﻧﻲ : ﻻﻻ ﺗﻮ ﻋﻨﺪﻱ ﺍﻏﻨﻴﻪ ﺣﻠﻮﺓ
ﻋﺪﻧﺎﻥ : ﺗﺮﺍ ﺳﻤﻌﻴﻬﺎﻟﻲ
ﺍﻧﻲ ﻃﻠﻌﺖ ﺗﻠﻴﻔﻮﻧﻲ ﻭﻗﻌﺪﺕ ﻧﺴﻤﻌﻠﻪ
ﻋﺒﺪ ﺍﻟﻤﻨﻌﻢ : ﺗﻴﻲ ﻫﻴﺎﺍ ﻳﺎﺭﺍﺟﻞ ﻛﺎﻥ ﺑﺘﺤﻠﻖ ﻭﺗﻮﺗﻲ ﺭﻭﺣﻚ
ﻋﺪﻧﺎﻥ : ﺑﺎﻫﻲ ﻫﻲ ، ﻫﺎ ﻣﺎﺗﻨﺴﻴﺶ ﺍﻳﻮﻩ ﻛﻞ ﻭﺣﺪﺓ ﻭﻛﻴﻒ ﻣﺎﻗﻠﺘﻠﻚ
ﺍﻧﻲ : ﺣﺎﺍﺿﺮ
ﻋﺪﻧﺎﻥ : ﻭﺍﺳﻤﻌﻲ ﺩﻳﺮﻱ ﺟﻮ ﻫﻜﻲ ﺑﺘﺎﻉ ﻫﺪﻳﺔ ﻣﻦ ﺍﻟﻌﺮﻳﺲ ﻭﻗﻴﻤﻴﻬﺎ ﺑﻴﺎ ، ﻭﻏﻤﺰﻟﻲ
ﺍﻧﻲ : ﻫﻬﻬﻬﻬﻬﻬﻪ ﻳﺎﺳﻼﻡ
ﻋﺪﻧﺎﻥ ﺿﺮﺏ ﻋﻠﻴﺎ ﺑﺮﺟﻠﻪ ﻋﻠﻲ ﺭﺟﻠﻬﺎ : ﻭﺍﺳﻤﻌﻲ ﺣﺘﻰ ﺍﻧﺘﻲ ﺍﺧﺘﻲ ﺍﻳﻮﻩ ﻗﻴﻤﻴﻬﺎ ﺑﻴﺎ ﻟﻤﺎ ﻧﺨﺶ ﻫﻜﻲ ﻭﺩﻳﺮﻭ ﺟﻮ ﻟﻨﻮﺭﺱ ﺍﻳﻮﻩ ﻣﺶ ﺗﻠﻬﻮ ﺑﺮﻭﺣﻜﻢ ﻭﺑﺎﻟﻤﻜﻴﺎﺝ ﻭﺍﻟﺴﺘﻮﻙ ﻭﻣﻌﺎﺵ ﺗﻠﻬﻮ ﺑﺎﻟﺒﻴﺎﻥ
ﻋﻠﻴﺎ ﻛﺎﻧﺖ ﺗﺤﻂ ﻓﻲ ﺍﻟﻔﺎﻛﻬﺔ ، ﻭﻟﻤﺎ ﺿﺮﺑﻬﺎ ﻋﻠﻲ ﺭﺟﻠﻬﺎ ﻗﺎﻣﺖ ﺭﺍﺳﻬﺎ ﻭﺷﺎﻓﺘﻠﻪ : ﻋﺎﺍﺭﻑ ﺍﻧﺖ ﺍﻟﻤﻮﻭﺱ ﻫﺪﺍﺍﺍ ﺑﻨﺒﻘﻚ ﺑﻴﻴﻪ ﺗﻮﺍ ، ﻳﺎﺣﻴﻮﺍﻥ ﺭﺟﻠﻲ ﻛﺴﺮﺗﻬﺎﻟﻲ
ﻋﺪﻧﺎﻥ ﻭﻗﻒ ﻉ ﺍﻟﺒﺎﺏ : ﺍﺧﺪﻣﻲ ﺧﺪﻣﺘﻚ ﺍﺧﺪﻣﻲ ﻭﺍﻧﺘﻲ ﻣﺎﻓﻴﻚ ﺍﻻ ﺍﻟﺪﻭﺍﺍ ، ﻭﻫﺎﺍ ﺯﻱ ﻣﺎﻭﺻﻴﺘﻜﻢ ﻣﺎﺗﻨﺴﻮﺵ
ﻧﻮﺍﻝ ﻗﻄﻌﺖ ﻋﻠﻴﻪ : ﻋﺪﻧﺎﺍﺍﺍﺍﺍﻥ ﺍﻃﻠﻠﻠﻊ ﻭﺭﺍﺱ ﺍﻣﻚ ﻭﺍﻟﻠﻪ ﻧﺘﺼﻞ ﺑﻌﻤﺘﻲ ﺷﻦ ﻫﺪﺍﺍ ﻧﻔﺲ ﺍﻻﺳﻄﻮﺍﻧﻪ ﻳﻌﺎﻭﺩ ﻓﻴﻬﺎ
ﻋﺪﻧﺎﻥ ﻃﻠﻊ ﻭﻫﻮ ﻳﻀﺤﻚ
،،،،،،،
ﻭﻫﻜﻲ ﻓﺎﺕ ﺍﻟﻮﻗﺖ
ﺗﻐﺪﻳﻨﺎ ﻭﺑﺪﻳﻨﺎ ﻧﻮﺗﻮ ﻓﻲ ﺭﻭﺣﻨﺎ
ﻭﺑﻌﺪ ﺍﻟﻌﺼﺮ ﺑﺴﺎﻋﻪ ﺍﺗﺼﻠﻮ ﺑﻴﻨﺎ ﻭﻗﺎﻟﻮ ﺍﻗﺮﻭ ﺍﻟﻔﺎﺗﺤﺔ
ﻭﺑﺪﺕ ﺍﻟﺰﻏﺎﺭﻳﻂ
ﺗﻌﺒﻮ ﻋﻴﻮﻧﻲ ﺩﻣﻮﻉ ﻓﺮﺣﺔ ، ﻧﺰﻏﺮﻁ ﻭﺩﻣﻮﻋﻲ ﻳﻨﺰﻟﻮ
ﻭﺷﻮﻳﺔ ﻭﺳﻤﻌﻨﺎ ﻛﻼﻛﺲ
ﻛﺎﻥ ﻣﻌﺎﺩ ﺟﺎﻳﺐ ﻧﻮﺭﺱ ﻭﺳﺎﺭﺓ
ﻃﻠﻌﻨﺎ ﺑﺴﺮﻋﻪ
ﺧﺶ ﺑﺎﻟﺴﻴﺎﺭﺓ ﻟﻠﺠﻨﺎﻥ ﻭﻳﻜﻠﻜﺲ
ﻧﺰﻟﺖ ﻧﻮﺭﺱ ، ﻭﻋﻤﺘﻲ ﻭﺧﺎﻟﺘﻲ ﻳﺰﻏﺮﺗﻮﻭ
ﻗﺪﻣﺖ ﺟﻴﻬﺘﻬﺎ ﺣﻮﻟﺖ ﺍﻟﻜﺎﺏ ﻣﻦ ﻋﻠﻲ ﺭﺍﺳﻬﺎ : ﺭﻭﺭﻭﺭﻭﺭﻭﺭﻱ ، ﺗﻬﺒﻠﻲ ﻃﺎﺍﺍﻟﻌﻪ ، ﻭﺍﺿﺒﻄﺘﻬﺎ ﻭﻧﺒﻜﻲ
ﺟﺖ ﻣﺎﻣﺎ ﺳﻠﻤﺖ ﻋﻠﻴﻬﺎ ﻭﺗﺒﻜﻲ ﻭﺗﺒﺎﺭﻛﻠﻬﺎ
ﻛﺎﻧﺖ ﻟﺤﻈﺎﺕ ﺍﻟﻔﺮﺣﺔ ﻓﻴﻬﺎ ﻃﺎﻏﻴﻪ ﻋﻠﻲ ﺍﻟﺤﺰﻥ
ﻭﺷﻮﻳﺔ ﻭﺧﺶ ﻋﻤﻲ ﺳﻠﻢ ﻋﻠﻲ ﻧﻮﺭﺱ ﻭﺑﺎﺱ ﺭﺍﺳﻬﺎ ﻭﺑﺎﺭﻛﻠﻬﺎ
ﻧﻮﺭﺱ ﺍﺿﺒﻄﺎﺗﻪ ﻭﺩﻣﻮﻋﻬﺎ ﻧﺰﻟﻮ
ﻣﺎﻧﺘﻮﻗﻌﺶ ﺷﻌﻮﺭﻫﺎ ﻛﺎﻥ ﻳﺨﺘﻠﻒ ﻋﻠﻴﺎ ، ﻛﻨﺖ ﻧﺘﻤﻨﻰ ﺑﺎﺑﺎ ﻫﻮ ﺍﻟﻲ ﺣﻀﻨﻬﺎ ﻭﺑﺎﺭﻛﻠﻬﺎ
ﺩﻳﻤﺎ ﻓﻲ ﻓﺮﺣﺘﻨﺎ ﻧﺘﻤﻨﻮ ﻓﻲ ﺑﺎﺑﺎ ﻣﻌﺎﻧﺎ
ﺧﺸﺖ ﻧﻮﺭﺱ ﺍﻟﺪﺍﺧﻞ
ﻭﺍﻣﺸﻲ ﺍﻟﻮﻗﺖ ﻟﺤﺪ ﻣﺎﺟﺎﺑﻮ ﺍﻟﺒﻴﺎﻥ
ﻭﻛﻼﻛﺲ ﻭﺟﻮ ﻛﺎﺍﻧﻪ ﻋﺮﺱ ، ﻭﻣﻨﻈﻮﻣﺔ ﻣﻔﺘﻮﺣﺔ
ﻃﻠﻌﺖ ﻧﻮﺭﺱ
ﻭﺑﻌﺪ ﻗﻌﻤﺰﺕ ﺳﻜﺮﻧﺎ ﺍﻟﻤﻨﻈﻮﻣﺔ ﻭﻗﻌﺪﻧﺎ ﻧﺪﺭﺑﻜﻮ ﻭﺩﺭﻧﺎ ﺟﻮ ﺣﻠﻮ
ﻣﺎﻣﺎ ﻃﻮﻝ ﺍﻟﻮﻗﺖ ﺗﺸﻮﻑ ﻟﻨﻮﺭﺱ ﻭﺗﺒﻜﻲ
ﺧﺎﻟﺘﻲ : ﻳﺎﻧﺴﻴﺒﺔ ﺍﺳﻤﻌﻲ ﺍﻟﻜﻼﻡ ﻭﺣﻮﻟﻲ ﺍﻟﺪﺭﺑﻮﻛﺔ ﻳﺎﺳﺮﻙ ﺭﺍﻙ ﺣﺎﻣﻞ
ﺍﻧﻲ : ﻳﺎﺧﺎﻟﺘﻲ ﺧﻠﻴﻨﻲ ﻛﺎﻥ ﺑﻨﺤﻮﻝ ﺍﻟﺪﺭﺑﻮﻛﺔ ﺑﻨﻮﺽ ﻧﺮﻗﺺ
ﻋﻤﺘﻲ : ﻫﻴﻴﻴﻲ ﺑﻌﺪﻫﺎ ﻭﻳﻦ ﻳﺤﻄﻨﺎ ﻭﻟﻴﺪ ﺗﻨﻮﺿﻲ ﺗﺮﻗﺼﻲ
ﺍﻧﻲ : ﻫﻬﻬﻬﻬﻬﻪ ﺍﻣﺎﻻ ﺧﻠﻴﻨﻲ ﻧﺪﺭﺑﻚ ﻋﺎﺩﻱ ﻳﺎﺧﺎﻟﺘﻲ ﺭﺍﻫﻲ ﻭﺍﻟﻠﻪ ﻣﺎﻣﻀﺎﻳﻘﺘﻨﻲ
ﺧﺶ ﻋﺪﻧﺎﻥ ﻭﻓﺘﺤﺖ ﺍﻻﻏﺎﻧﻲ ﺍﻟﻲ ﻫﻮ ﻳﺒﻴﻬﺎ
ﻭﻛﺎﻧﻮ ﻳﻬﺒﻠﻮ ﻫﻤﺎ ﺍﻟﺰﻭﺯ ﻣﻊ ﺑﻌﺾ
ﺧﺪﻭ ﻟﻘﻄﺎﺕ ﻭﻟﺒﺴﻬﺎ ﺩﺑﻠﺘﻬﺎ ﻭﻟﺒﺴﺎﺗﻪ
ﻭﻗﺼﻮ ﺍﻟﺘﻮﺭﺗﻪ ﻣﻊ ﺑﻌﺾ
ﻋﺪﻧﺎﻥ ﻃﻮﻝ ﺍﻟﻮﻗﺖ ﻳﻀﺤﻚ ﻭﻓﺮﺣﺎﻥ ﺑﻴﻄﻴﺮ
ﻭﻓﺮﺣﺔ ﻧﻮﺭﺱ ﻣﺶ ﺍﻗﻞ ﻣﻨﻪ ﺑﺲ ﻛﺎﻧﺖ ﻣﺘﺤﺸﻤﺔ ﺑﻜﻞ
ﻣﺮﺕ ﻫﺎﺩﻱ ﺍﻟﻠﻴﻠﺔ ﻣﻦ ﺍﺣﻠﻰ ﺍﻟﻠﻴﺎﻟﻲ ﻭﻛﻠﻬﺎ ﻣﻠﻴﺎﻧﻪ ﻓﺮﺡ ﻭﺣﺐ
ﺣﺘﻰ ﺍﻟﻲ ﻛﺎﻥ ﺣﺰﻳﻦ ﺑﻌﺪ ﻳﺸﻮﻑ ﻓﺮﺣﺔ ﺯﻭﺯ ﻋﺎﺷﻘﻴﻦ ﺟﻤﻌﻬﻢ ﺭﺑﻲ ﺑﺎﻟﺤﻼﻝ ﻳﻨﺴﻰ ﺣﺰﻧﻪ ﻭﻳﺘﻤﻨﺎﻟﻬﻢ ﻛﻞ ﺍﻟﻔﺮﺡ ﻭﺍﻟﺴﻌﺎﺩﺓ ﺑﺤﻴﺎﺗﻬﻢ
" ﻭﻛﻢ ﻧﺘﻤﻨﻰ ﺍﻥ ﻳﺪﻭﻡ ﺍﻟﻔﺮﺡ ﻭﻻﻳﺮﺣﻞ ﻋﻨﺎ ﺍﺑﺪﺍ ﻭﻟﻜﻦ ﻫﺬﻩ ﻫﻲ ﺍﻟﺤﻴﺎﺓ ﺗﻮﺟﻌﻚ ﻋﺸﺮﺍﺕ ﺍﻟﻤﺮﺓ ﻭﺗﻔﺮﺣﻚ ﻣﺮﺓ ﻭﺍﻟﺤﻤﺪ ﻟﻠﻪ ﻋﻠﻰ ﻛﻞ ﺷﻲ "
ﺗﺎﻧﻲ ﻳﻮﻡ
ﻛﻨﺖ ﺑﺎﻳﺘﻪ ﻣﻌﺎﻫﻢ
ﻧﻀﻨﺎ ﻣﻦ ﺍﻟﺼﺒﺢ ﻭﻗﻌﺪﻧﺎ ﻧﻀﻤﻮ ﻭﺍﻧﻈﻤﻮ
ﻭﻓﺮﺣﺔ ﺍﻟﻴﻮﻡ ﺍﻟﻲ ﻗﺒﻠﻪ ﻗﺎﻋﺪﺓ ﻋﻠﻲ ﻭﺟﻮﻫﻬﻨﺎ
ﻣﺎﻣﺎ : ﺧﻼﺹ ﻗﻌﻤﺰﻱ ﻳﺎﻧﻮﺳﺔ ﻳﺎﺳﺮﻙ ﻇﻬﺮﻙ
ﺍﻧﻲ : ﻫﻲ ﻳﺎﻣﺎﻣﺎ ﻧﻜﻤﻞ ﺍﻟﺼﺎﻟﺔ ﺑﺲ
ﻣﺎﻣﺎ ﺭﺍﻛﺒﺔ ﻓﻲ ﺍﻟﺪﺭﻭﺝ : ﻋﻨﻴﺪﺓ ﺑﻜﻞ
ﻭﻓﺠﺄﺓ ﻭﻗﻔﺖ ، ﻭﺣﺴﺖ ﺍﻟﺪﻧﻴﺎ ﺗﻠﻒ ﺑﻴﻬﺎ ، ﻭﻟﺖ ﻧﺰﻟﺖ
ﻧﺰﻟﺖ ﺍﺧﺮ ﺩﺭﺟﺔ ﻭﺟﺖ ﻃﺎﻳﺤﺔ ﻋﻠﻲ ﻃﻮﻟﻬﺎ
ﺍﻧﻲ : ﻣﺎﺍﺍﻣﺎﺍﺍ ﻣﺎﺍﺍﻣﺎ ﺧﻴﺮﺭﺭﻙ
ﻭﻭ
# ﻳﺘﺒﻊ
