منقولة
الحلقةة[39]
من ﺭﻭﺍﻳﺔ - - ->" #ﺳﻨــﺪ_ﺍﻷﻧﺜــﻰ_ﺭﺟــﻞ "
ﻧﻮﺍﻝ ﻟﻨﻮﺭﺱ : ﺍﻧﺘﻲ ﺷﻦ ﺻﺎﻳﺮ ﺑﻴﻨﻚ ﻭﺑﻴﻦ ﻋﺪﻧﺎﻥ ﺍﻣﺒﻜﺮﻱ ﻟﻤﺎ ﺟﻲ ﻟﺤﻨﻴﻨﻪ ﻭﺷﺎﻓﻚ ﻃﺎﻟﻌﻪ ﻭﺟﻬﻪ ﺍﻧﻘﻠﺐ ﻭﻣﺘﺠﺎﻫﻠﻚ ﻣﻼﺣﻈﺎﺗﻪ ﻗﺪﺍﺵ ﻟﻴﻪ
ﻧﻮﺭﺱ ﺗﻨﻬﺪﺕ : ﺍﻭﻭﻑ ﺗﻌﺎﺭﻛﻨﺎ ﺑﻌﺪ ﺭﻭﺣﺖ ﻣﻦ ﺍﻟﺒﺤﺮ ، ﺗﻮ ﻧﺮﻛﺒﻮ ﻭﻧﺤﻜﻴﻠﻚ ، ﻭﻃﻠﻌﺖ ﻗﺒﻞ ﻧﻮﺍﻝ ﻭﻗﺎﻣﺖ ﺭﺍﺳﻬﺎ ﻭﺷﺎﻓﺖ ﻟﺠﻬﺔ ﺍﻟﺪﺭﻭﺝ ﺍﻧﺼﺪﻣﺖ ﻭﻣﻌﺎﺵ ﻋﺮﻓﺖ ﻛﻴﻒ ﺗﺘﺼﺮﻑ
ﻧﻮﺍﻝ ﻃﻠﻌﺖ : ﻫﻴﺎﺍ ﺧﻮﻓﻲ ﺭﻭﺣﻚ ، ﻭﺍﻣﺸﺖ ﻭﺗﺨﻄﺘﻬﺎ ، ﺍﻭﻝ ﻣﺎﺣﻄﺖ ﺭﺟﻠﻬﺎ ﻋﻠﻲ ﺍﻭﻝ ﺩﺭﺟﺔ ﻗﺎﻣﺖ ﺭﺍﺳﻬﺎﺍ
ﻧﻮﺭﺱ ﻗﻌﺪﺕ ﻭﺍﻗﻔﻪ ﻭﻣﻌﺎﺵ ﻋﺮﻓﺖ ﺗﺘﺼﺮﻑ ﻭﺧﺎﻓﺖ ﻋﻠﻲ ﻧﻮﺍﻝ
ﻧﻮﺍﻝ ﻗﻌﺪﺕ ﺗﺸﻮﻑ ﻭﺍﻟﺪﻣﻮﻉ ﺗﺠﻤﻌﺖ ﻓﻲ ﻋﻴﻮﻧﻬﺎ ﻭﻭﻭﻭﻭ
ﺧﻠﻮﻧﺎ ﻧﺮﺟﻌﻮﻭ ﺳﺎﻋﻪ ﻟﻠﺨﻠﻒ
ﻭﻓﺎﺀ ﻭﻫﻲ ﻃﺎﻟﻌﻪ ﻣﻦ ﺍﻟﺸﻘﻪ : ﻣﻨﻰ ﻣﺎﺗﺒﻴﺶ ﺗﻨﺰﻟﻲ ﻣﺘﺎﻛﺪﺓ
ﻣﻨﻰ ﻣﻘﻌﻤﺰﺓ ﻉ ﺻﺎﻟﻮﻥ ﺍﻟﺼﺎﻟﻪ : ﻻﻣﺶ ﻧﺎﺍﺯﻟﺔ ﺑﻨﺴﺘﻨﻰ ﺑﺎﺑﺎ ﻟﻴﻦ ﻳﺠﻴﻨﻲ
ﻭﻓﺎﺀ : ﺑﺎﻩ ﻛﺎﻥ ﺗﺒﻲ ﺣﺎﺟﺔ ﻛﻠﻤﻴﻨﻲ ﻭﺗﻮ ﻧﺒﻌﺘﻠﻚ ﻣﻦ ﺍﻟﻐﺪﻱ ﺑﺎﻫﻲ
ﻣﻨﻰ : ﺑﺎﻫﻲ ، ﻭﻓﺘﺤﺖ ﺍﻟﺘﻠﻔﺰﻳﻮﻥ ﻭﻗﻌﻤﺰﺕ
ﻭﻓﺎﺀ ﻧﺰﻟﺖ ﻭﺳﻜﺮﺕ ﺑﺎﺏ ﺍﻟﺸﻘﻪ
ﺑﻌﺪﻫﺎ ﺑﺸﻮﻳﺔ ﺟﻮ ﻣﺎﻣﺎ ﻭﺍﺧﻮﺍﺗﻲ ﻭﺧﺸﻮ ﻟﻮﻃﻰ ﻭﻗﻌﺪﻭ ﻳﻬﺪﺭﺯﻭ
ﻧﻮﺭﺱ ﻟﻨﻮﺍﻝ ﺑﺼﻮﺕ ﻭﺍﻃﻲ : ﻏﺮﻳﺒﻪ ﺣﺒﻴﺐ ﺍﻟﻘﻠﺐ ﻣﺎﻗﺎﺑﻠﻨﺎﺵ ﻗﺒﻞ ﻟﻤﺎ ﻧﺠﻮ ﻓﻲ ﻭﺟﻬﻨﺎ ﻧﻠﻘﻮﻩ
ﻧﻮﺍﻝ : ﻫﻬﻪ ﻣﺎﻗﻠﺘﻼﺷﻲ
ﻧﻮﺭﺱ : ﻋﻼﺵ
ﻧﻮﺍﻝ : ﺧﻠﻴﻨﻲ ﻧﺪﻳﺮﻫﺎﻟﻪ ﻣﻔﺎﺟﺌﺔ ﻟﻴﻪ ﻗﺪﺍﺵ ﻳﻮﻡ ﻳﺒﻲ ﻳﺸﻮﻓﻨﻲ
ﻧﻮﺭﺱ : ﻳﺎﻋﻴﻨﻲ ﻳﺎﻋﻴﻨﻲ
ﻧﻮﺍﻝ : ﺍﻣﺎﻻ ﺷﻨﻮ
ﺑﻌﺪ ﺣﻮﺍﻟﻲ ﻧﺺ ﺳﺎﻋﻪ
ﺟﺖ ﺍﻧﻲ ﻭﺧﺸﻴﺖ ، ﻭﻟﻴﺪ ﻃﻠﻊ ، ﻭﺑﻌﺪﻫﺎ ﺑﺎﺍﻗﻞ ﻣﻦ ﻋﺸﺮﺓ ﺩﻗﺎﻳﻖ ﺟﻲ ﻣﺤﻤﻮﺩ
ﻓﻲ ﻫﺎﻟﻠﺤﻈﺔ ﻛﺎﻧﺖ ﻫﻲ ﻓﻮﻕ ﻭﺗﺮﺍﻗﺐ ﻣﻦ ﺍﻟﺮﻭﺷﻦ ﺗﺮﺍﺟﻲ ﻓﻴﻪ ، ﻭﻟﻤﺎ ﺷﺎﻓﺘﻪ ﻓﺘﺤﺖ ﺑﺎﺏ ﺍﻟﺸﻘﻪ ﻭﻃﻠﻌﺖ
ﻗﺮﺑﺖ ﻣﻦ ﺍﻟﺪﺭﻭﺝ ﻭﺑﺼﻮﺕ ﺷﺒﻪ ﻣﺎﻳﻨﺴﻤﻌﺶ : ﻣﺤﻤﻮﻭﺩ ﻣﺤﻤﻮﺩ
ﻣﺤﻤﻮﺩ ﺍﺳﺘﻐﺮﺏ ﻣﻦ ﺍﻟﻬﻤﺲ ﻭﻗﺎﻡ ﺭﺍﺳﻪ : ﺗﻜﻠﻤﻲ ﻓﻴﺎ
ﻫﻲ : ﺍﻳﻪ
ﻣﺤﻤﻮﺩ : ﺷﻦ ﺗﺒﻲ
ﻫﻲ ﻧﺰﻟﺖ ﺍﻭﻝ ﺩﺭﺟﺔ : ﺗﻌﺎﻝ ﻓﻮﻕ ﻧﺒﻴﻚ ﻓﻲ ﻣﻮﺿﻮﻉ
ﻣﺤﻤﻮﺩ : ﺗﺒﺼﺮﻱ ﺍﻛﻴﺪ ، ﻣﺎﺍﻋﺘﻘﺪﺵ ﻓﻲ ﺑﻴﻨﻨﺎ ﻣﻮﺿﻮﻉ ﻳﻨﺤﻜﻰ ﻳﺎﻣﻨﻰ
ﻣﻨﻰ : ﻣﺎﺗﻘﻌﺪﺵ ﺗﻌﺎﻣﻞ ﻓﻴﺎ ﺑﻬﺎﻟﻄﺮﻳﻘﻪ ﻭﻛﺎﺭﻫﻨﻲ ﺭﺍﻫﻮ ﻣﺶ ﺍﻧﻲ ﺍﻟﻲ ﺧﻄﺒﺘﻚ ﻭﻫﺮﺑﺖ ﻭﺳﻴﺒﺘﻚ ﻣﻌﻠﻖ ، ﻣﺶ ﺍﻧﻲ ﺑﺎﻫﻲ ﻓﻠﻬﺬﺍ ﻣﺎﻓﻴﺶ ﺩﺍﻋﻲ ﻟﻠﻲ ﺗﺪﻳﺮ ﻓﻴﻪ
ﻣﺤﻤﻮﺩ ﻗﺮﺏ ﻣﻦ ﺍﻟﺪﺭﻭﺝ : ﺷﻦ ﻗﺼﺪﻙ ﻳﻌﻨﻲ ﺗﻮ ﺍﻧﺘﻲ ، ﻣﺶ ﺧﻼﺹ ﻣﺨﻄﻮﺑﺔ ﻭﻋﺮﺳﻚ ﺍﻟﺸﻬﺮ ﺍﻟﺠﺎﻱ
ﻣﻨﻰ : ﻣﺨﻄﻮﺑﺔ ﺍﻳﻪ ، ﺑﺲ ﺍﻧﺖ ﺍﺭﻛﺐ ﻧﺘﻜﻠﻤﻮ ﺍﻫﻨﻲ ﻳﺠﻲ ﺣﺪ ﻳﻔﻬﻤﻨﺎ ﻏﻠﻂ
ﻣﺤﻤﻮﺩ ﻟﻔﺖ ﺟﻬﻬﺎ ﻳﻤﻴﻦ : ﻻﺣﻮﻝ ﻭﻻﻗﻮﺓ ﺍﻻ ﺑﺎﻟﻠﻪ ، ﻭﺭﻛﺐ ﺍﻟﺪﺭﺟﺎﺕ ﻟﻴﻦ ﻭﺻﻠﻨﺎ ﻟﻠﺪﺭﺟﺔ ﺍﻟﻲ ﻗﺒﻞ ﺍﻻﺧﻴﺮﻩ ، ﺭﻛﺒﺖ ﻫﺎ ﺷﻦ ﺗﺒﻲ
ﻣﻨﻰ ﺷﺪﺕ ﻳﺪﻩ : ﻣﺤﻤﻮﺩ ﺍﻧﻲ ﻧﺤﺒﻚ ، ﻋﻼﺵ ﻋﻠﻘﺘﻨﻲ ﻓﻴﻚ ﻫﻜﻲ ﻭﺍﻣﺸﻮﻳﺖ ﻭﻫﺮﺑﺖ ﺍﻧﻲ ﻣﺎﻧﺤﺒﺎﺷﻲ ﻣﻨﺼﻮﺭﺭ
ﻭﻓﻲ ﻫﺎﻟﻠﺤﻈﺔ ﻃﻠﻌﺖ ﻧﻮﺍﻝ ﻭﻧﻮﺭﺱ
ﻧﻮﺭﺱ ﺷﺎﻓﺖ ﻛﻴﻒ ﻣﻨﻰ ﺷﺎﺩﻩ ﻳﺪ ﻣﺤﻤﻮﺩ ﻭﻫﻮ ﻗﺮﻳﺐ ﻣﻨﻬﺎ ﺍﻧﺼﺪﻣﺖ ﻭﻭﻗﻔﺖ ﻓﻲ ﻣﻜﺎﻧﻬﺎ
ﻧﻮﺍﻝ ﻛﺎﻧﺖ ﻣﺶ ﻗﺎﻳﻤﻪ ﺭﺍﺳﻬﺎ ﻭﺍﻣﺸﺖ ﻭﺍﻭﻝ ﻣﺎﺣﻄﺖ ﺭﺟﻠﻬﺎ ﻋﻠﻲ ﺍﻟﺪﺭﺟﺔ ﺍﻻﻭﻟﻰ ﻗﺎﻣﺖ ﺭﺍﺳﻬﺎ ﻭﺷﺎﻓﺖ
ﻫﻲ ﺛﻮﺍﻧﻲ ﻛﺎﻧﺖ ﻟﻜﻦ ﻛﺎﻧﺖ ﺻﺎﻋﻘﻪ ﺑﺎﻟﻨﺴﺒﻪ ﻟﻨﻮﺍﻝ
ﻣﺤﻤﻮﺩ ﻛﺎﻥ ﻣﺘﺠﻤﺪ ﻭﻳﺸﻮﻑ ﻟﻴﺪﻩ ﺍﻟﻲ ﺷﺎﺩﺗﻬﺎ ﻣﻨﻰ ﺑﻜﻞ ﺟﺮﺃﺓ ﻭﻣﺼﺪﻭﻡ ، ﻭﺍﻭﻝ ﻣﺎﺍﺳﺘﺪﺭﻙ ﺭﻭﺣﻪ ﻃﻠﻖ ﻳﺪﻫﺎ ﺑﻘﻮﻭﺓ ﻭﻟﻒ ﻭﺟﺖ ﻋﻴﻨﻪ ﻓﻲ ﻋﻴﻴﻦ ﻧﻮﺍﻝ ﺍﻟﻲ ﻛﺎﻧﺖ ﻭﺍﻗﻔﻪ ﻣﺼﺪﻭﻭﻣﺔ ﻓﻲ ﺍﻭﻝ ﺩﺭﺟﺔ
ﻧﻮﺍﻝ ﺍﻟﺪﻣﻮﻉ ﺗﺠﻤﻌﺖ ﻓﻲ ﻋﻴﻮﻧﻬﺎ ﻭﻫﻲ ﺗﺸﻮﻑ ﻟﻌﻴﻮﻥ ﻣﺤﻤﻮﺩ ﺍﻟﻲ ﻣﺼﺪﻭﻡ ﻣﺎﺗﻮﻗﻌﺶ ﻳﺸﻮﻑ ﻧﻮﺍﻝ ﻓﻲ ﻫﺎﻟﻠﺤﻈﺔ ﺑﺎﻟﺬﺍﺕ ﻭﻻﻫﻲ ﺗﺸﻮﻓﻪ
ﺍﻣﺎ ﻣﻨﻰ ﻓﺴﺤﺒﺖ ﺭﻭﺣﻬﺎ ﻭﺧﺸﺖ ﻟﻠﺸﻘﻪ ﻭﺳﻜﺮﺗﻬﺎ
ﻣﺮﺕ ﺩﻗﺎﻳﻖ ﺑﻬﺎﻟﺸﻜﻞ ﻣﺤﻤﻮﺩ ﻣﺼﺪﻭﻡ ﻭﻭﺍﻗﻒ ﻓﻲ ﻣﻜﺎﻧﻪ ﻭﻳﺸﻮﻑ ﻟﻨﻮﺍﻝ
ﻧﻮﺍﻝ ﻛﺎﻥ ﻗﻠﺒﻬﺎ ﻳﻨﻌﺼﺮ ﺑﺎﺍﻟﻢ ﺣﺴﺖ ﻛﺄﻥ ﻣﻮﺱ ﺧﺶ ﻓﻲ ﻗﻠﺒﻬﺎ ﻭﺳﺤﺒﻮﻩ ﺑﺎﻟﻘﻮﺓ ﻭﺧﻠﻰ ﻗﻠﺒﻬﺎ ﻳﻨﺰﻑ ﻧﺰﻑ ، ﺍﺳﺘﺪﺭﻛﺖ ﺭﻭﺣﻬﺎ ﻧﻮﺍﻝ ﻭﺟﻤﻌﺖ ﻣﺎﺗﺒﻘﻰ ﻟﻴﻬﺎ ﻣﻦ ﻗﻮﻭﺓ ، ﻣﻊ ﺍﻧﻪ ﻛﺎﻧﺖ ﻓﻲ ﺍﺷﺪ ﺣﺎﻻﺕ ﺿﻌﻒ ﻓﻲ ﺍﺷﺪ ﺣﺎﻟﺔ ﺧﺬﻻﻥ ، ﻣﺠﺮﻭﺣﺔ ﻣﻜﺴﻮﺭﺓ ﺣﺎﻳﺮﻩ ﺍﻟﻒ ﺳﺆﺍﻝ ﻭﺳﺆﺍﻝ ﻳﺪﻭﺭ ﻓﻲ ﺑﺎﻟﻬﺎﺍ ، ﻧﺰﻟﺖ ﺭﺍﺳﻬﺎ ﻭﻋﺼﺮﺕ ﻋﻴﻮﻧﻬﺎ ﻭﺑﻠﻌﺖ ﺭﻳﻘﻬﺎ ﻭﺟﻤﻌﺖ ﻗﻮﺗﻬﺎ ﻭﻗﺎﻣﺖ ﺭﺍﺳﻬﺎ ﻣﻦ ﻏﻴﺮ ﻣﺎﺗﺸﻮﻓﻠﻪ ، ﻭﺍﺳﺘﻤﺮﺕ ﻓﻲ ﺭﻛﻮﺏ ﺍﻟﺪﺭﻭﺝ ﻭﺭﺟﻠﻴﻬﺎ ﺗﺮﺭﻋﺶ ، ﻭﺩﻣﻮﻋﻬﺎ ﻛﺎﺩﺕ ﺗﺨﻮﻭﻧﻬﺎ ، ﻭﺍﻭﻝ ﻣﺎﻭﺻﻠﺖ ﻓﻲ ﺍﻟﺪﺭﺟﺔ ﺍﻟﻲ ﻫﻮ ﻭﺍﻗﻒ ﻓﻴﻬﺎ
ﻣﺤﻤﻮﺩ ﺷﺪ ﻳﺪﻫﺎ ﺑﺎﺵ ﻣﺎﺗﻤﺸﻴﺶ : ﻧﻮﺍﻝ ﻭﺍﻟﻠﻪ ﻓﻬﻤﺘﻲ ﻏﻠﻂ
ﻧﻮﺍﻝ ﺳﺤﺒﺖ ﻳﺪﻫﺎ ﺑﻘﻮﻭﻭﺓ ﻣﻦ ﻳﺪﻩ ﻭﻫﻲ ﻣﺎﺗﺒﻴﺶ ﺣﺘﻰ ﺗﻠﺘﻔﺘﻠﻪ ﻭﺭﻛﺒﺖ ﺍﺧﺮ ﺩﺭﺟﺔ ﻭﻭﻗﻔﺖ ﻗﺪﺍﻡ ﺑﺎﺏ ﺍﻟﺸﻘﻪ ﻃﻠﻌﺖ ﺍﻟﻤﻔﺘﺎﺡ
ﻣﺤﻤﻮﺩ ﻗﺮﺏ ﻣﻨﻬﺎ : ﻧﻮﺍﻝ ﺍﺳﻤﻌﻴﻨﻲ
ﻧﻮﺍﻝ ﻳﺪﻫﺎ ﺗﺮﻋﺶ ﻭﺗﺤﺎﻭﻝ ﺗﺪﺧﻞ ﺍﻟﻤﻔﺘﺎﺡ ﻟﻜﻦ ﻣﺎﻗﺪﺭﺕ ﻣﺎﺑﺎﺵ ﻳﺨﺶ
ﻧﻮﺭﺱ ﺭﻛﺒﺖ ﺑﺨﻄﻮﺍﺕ ﺳﺮﻳﻌﻪ ﺧﺎﻓﺖ ﻋﻠﻲ ﻧﻮﺍﻝ ، ﺷﺎﻓﺖ ﻟﻤﺤﻤﻮﺩ ﺷﺒﺤﺔ ﺍﺳﺘﺤﻘﺎﺭ ، ﻭﻗﺮﺑﺖ ﻣﻦ ﻧﻮﺍﻝ ﺳﺤﺒﺖ ﻣﻨﻬﺎ ﺍﻟﻤﻔﺘﺎﺡ ﻭﻓﺘﺤﺖ ﺍﻟﺒﺎﺏ ﻭﺩﺧﻠﺘﻬﺎ ، ﻭﺭﺩﺕ ﺍﻟﺒﺎﺏ ﻭﺭﺍﻫﺎ
ﻧﻮﺭﺱ ﻟﻤﺤﻤﻮﺩ ﺍﻟﻲ ﻭﺍﻗﻒ ﻋﺎﺟﺰ ﻭﻣﺶ ﻋﺎﺭﻑ ﻛﻴﻒ ﻳﻔﺴﺮ : ﺣﺮﺍﻡ ﻋﻠﻴﻚ ﻣﺎﻓﻴﻜﺶ ﺫﺭﺓ ﺭﺣﻤﺔ ﺍﻧﺖ ، ﻧﻮﺍﻝ ﺩﺭﺍﺗﻚ ﻛﻞ ﺷﻲ ﺑﺎﻟﻨﺴﺒﻪ ﻟﻴﻬﺎ ، ﻧﻮﺍﻝ ﺍﻋﺘﺒﺮﺍﺗﻚ ﻣﺼﺪﺭ ﻗﻮﺗﻬﺎ ، ﻧﻮﺍﻝ ﺣﺒﺎﺗﻚ ﺍﻛﺜﺮ ﻣﻦ ﻧﻔﺴﻬﺎ ﻛﺎﻧﺖ ﺟﺎﻳﻪ ﺑﺎﺵ ﺗﺪﻳﺮﻫﺎﻟﻚ ﻣﻔﺎﺟﺌﺔ ﺑﺎﻟﻤﻘﺎﺑﻞ ﺍﻧﺖ ﺍﻋﻄﻴﺘﻬﺎ ﺍﺣﺴﻦ ﻣﻔﺎﺟﺌﺔ ﻭﺍﻟﻠﻪ
ﻣﺤﻤﻮﺩ : ﻧﻮﺭﺱ ﻭﺍﻟﻠﻪ ﺍﻻ ﻓﻬﻤﺖ ﻏﻠﻂ ﻻﺯﻡ ﺗﻌﻄﻴﻨﻲ ﻓﺮﺻﻪ ﻧﺤﻜﻴﻠﻬﺎ ﺍﻟﻲ ﺻﺎﺭ ﻭﺍﻟﻠﻪ ..
ﻗﻄﻌﺖ ﻋﻠﻴﻪ ﻧﻮﺭﺱ : ﻣﻌﺎﺵ ﺗﺤﻠﻒ ﺑﺎﻟﻠﻪ ﻋﻠﻴﻚ ، ﻭﻟﻔﺖ ﻭﺧﺸﺖ ﻭﻗﺮﺑﻌﺖ ﺍﻟﺒﺎﺏ
ﻣﺤﻤﻮﻭﺩ ﺗﻨﻬﺪ ﺑﻀﻴﻴﻴﻖ ﻭﻋﺠﺰ ﻭﺗﻠﻔﺖ ﺟﻬﺔ ﺷﺸﻘﻪ ﻋﺒﺪ ﺍﻟﻘﺎﺩﺭ ﺷﺎﻑ ﻇﻞ ﻣﻨﻰ ﻓﻲ ﺍﻟﺮﻭﺷﻦ ﺗﺮﺍﻗﺐ ، ﺗﻤﻨﻰ ﻳﻘﺪﺭ ﻳﻬﺪ ﻋﻠﻴﻬﺎ ﺍﻟﺤﻮﺵ ﻭﻳﻨﺘﻘﻢ ﻣﻨﻬﺎ ﻫﻲ ﺍﻟﺴﺒﺐ ، ﺧﻼﺗﻪ ﻋﺎﺟﺰ ﻭﻣﺶ ﻋﺎﺭﻑ ﻳﺘﺼﺮﻑ ، ﺗﻌﻮﺫ ﻣﻦ ﺍﻟﺸﻄﺎﻥ ﻭﻧﺰﻝ ، ﻃﻠﻊ ﻭﻗﺮﺑﻊ ﺍﻟﺒﺎﺏ ﻭﺭﻩ
ﺍﻣﺎ ﻧﻮﺍﻝ ﺍﻭﻝ ﻣﺎﺧﺸﺖ ﻧﺰﺯﻟﺖ ﺩﻣﻌﻪ ﺳﺨﻮﻭﻧﻪ ﻋﻠﻲ ﺧﺪﻫﺎﺍ ، ﻣﺴﺤﺘﻬﺎ ﺑﻘﻮﻭﻭﺓ ﻭﺧﺸﺖ ﻟﻠﺤﻤﺎﻡ ﻏﺴﻠﺖ ﻭﺟﻬﻬﺎ ﻗﻌﺪﺕ ﺗﻐﺴﻞ ﻓﻴﻪ ﺑﻜﻞ ﻗﻮﺗﻬﺎ ﻭﺑﻤﻴﻪ ﻣﺼﻘﻌﻪ ، ﻧﺸﻔﺎﺗﻪ ﻭﻃﻠﻌﺖ
ﺍﻟﻘﺖ ﻧﻮﺭﺱ ﺧﺎﺷﻪ ﻭﻫﻲ ﺧﺎﻳﻔﻪ ﻋﻠﻴﻬﺎ : ﻧﻮﺍﻝ
ﻧﻮﺍﻝ : ﻫﻴﺎ ﺗﺎﺧﺮﻧﺎ ﻋﻠﻲ ﻧﺴﻴﺒﺔ ﺷﻦ ﻗﺎﻟﺖ ﺗﺒﻲ ﻫﻲ
ﻧﻮﺭﺱ : ﻧﻮﺍﻝ ﺍﻧﺘﻲ ﻛﻮﻳﺴﺔ ﻭﺍﻻ
ﻧﻮﺍﻝ ﻟﻔﺖ ﻭﺟﻬﻬﺎ : ﺑﺎﺍﺣﺴﻦ ﺣﺎﻝ ، ﻫﻴﺎ ، ﻭﺧﺸﺖ ﻟﺪﺍﺭﻱ ﻭﻓﺘﺤﺖ ﺍﻟﻀﻲ
ﻧﻮﺭﺱ ﻟﺤﻘﺘﻬﺎ ﻭﻫﻲ ﺗﺸﻮﻓﻠﻬﺎ ﻭﺧﺎﻳﻔﻪ ﻋﻠﻴﻬﺎ
ﻧﻮﺍﻝ ﻓﺘﺤﺖ ﺍﻟﺪﻭﻻﺏ ﻭﻗﻌﺪﺕ ﺗﻄﻠﻊ ﻓﻲ ﺣﻮﺍﻳﺞ ﻫﻲ ﺍﺻﻼ ﻣﺎﺗﺸﻮﻓﺶ ﺣﺘﻰ ﻓﻲ ﺷﻜﻠﻬﻢ ﺗﻄﻠﻊ ﻭﺧﻼﺹ ﻭﻳﺪﻳﻬﺎ ﻳﺮﻋﺸﻮ
ﻧﻮﺭﺱ ﻗﺮﺑﺖ ﻣﻨﻬﺎ : ﻧﻮﺍﻝ ﻧﺴﻴﺒﻪ ﻣﺎﺗﺒﻴﺶ ﻫﺎﺩﻭ
ﻧﻮﺍﻝ : ﻫﺎ ﺍﻣﺎﻻ ﺷﻨﻮ ﻣﺶ ﻫﺎﺩﻭ ﺗﺒﻴﻬﻢ ، ﻭﻗﻌﺪﺕ ﺗﻘﻴﻢ ﻓﻲ ﺍﻟﺤﻮﺍﻳﺞ ﻭﺗﻮﻳﺮﻟﻬﺎ ﻓﻴﻬﻢ
ﻧﻮﺭﺱ ﺟﺒﺪﺕ ﻣﻨﻬﺎ ﺍﻟﻘﻔﻄﺎﻥ : ﻫﺎﺗﻲ ﺗﻮ ﻧﻄﻠﻌﻠﻬﺎ ﺍﻧﻲ ﺍﻧﺘﻲ ﻗﻌﻤﺰﻱ
ﻧﻮﺍﻝ : ﻻﻻ ﺗﻮ ﻧﺴﺎﻋﺪﻙ ، ﻭﻗﻌﺪﺕ ﺗﻔﺮﻛﺲ ﻓﻲ ﺍﻟﺤﻮﺍﻳﺞ ﻋﻠﻲ ﺍﺳﺎﺱ ﺗﺪﻭﺭ ، ﻭﻫﻲ ﻣﺎﺗﺸﻮﻑ ﻓﻲ ﺷﻲ ﻳﺪﻳﻬﺎ ﻳﺮﻋﺸﻮ
ﻧﻮﺭﺱ ﺷﺪﺗﻠﻬﺎ ﻳﺪﻳﻬﺎ : ﻧﻮﺍﻝ ﺍﻫﺪﻱ ﺧﻼﺹ ﺍﺭﺗﺎﺡ ﺗﻮ ﻧﺪﻭﺭ ﺍﻧﻲ
ﻧﻮﺍﻝ ﻧﺰﻟﺖ ﺭﺍﺳﻬﺎ : ﻧﻮﺭﺱ ﻋﻼﺵ ؟
ﻧﻮﺭﺱ ﻣﺎﻋﺮﻓﺘﺶ ﺷﻦ ﺗﺠﺎﻭﺑﻬﺎ : ﻧﻮﺍﻝ ﺭﺍﻫﻮ ﻭﺍﻟﻠﻪ ﻣﺎﻳﺴﺘﺎﻫﻞ ﻣﺎﺗﺪﻳﺮﻳﺶ ﻓﻲ ﺭﻭﺣﻚ ﻫﻜﻲ ، ﻧﻮﺭﺱ ﺳﻜﺘﺖ ﺷﻮﻳﺔ ، ﻣﺶ ﻫﺎﺩﻱ ﻧﻔﺴﻬﺎ ﺍﻟﻲ ﻛﺎﻧﻮ ﺧﺎﻃﺒﻴﻨﻬﺎﻟﻪ
ﻧﻮﺍﻝ ﻗﺎﻣﺖ ﺭﺍﺳﻬﺎ : ﺻﺢ ﻳﺎﻧﻮﺭﺱ ﻫﻲ ، ﻭﻓﻜﺖ ﻳﺪﻫﺎ ﻣﻦ ﻧﻮﺭﺱ ﻭﻣﺴﺤﺖ ﺩﻣﻌﺘﻬﺎ ، ﻫﻲ ﻫﻲ ، ﻭﻧﺎﺿﺖ ، ﻗﻌﺪﺕ ﺗﻤﺸﻲ ﺑﺨﻄﻮﺍﺕ ﺳﺮﻳﻌﻪ ﺗﺠﺎﻩ ﺍﻟﺒﺎﺏ
ﻧﻮﺭﺱ ﻟﺤﻘﺘﻬﺎ : ﻧﻮﺍﻝ ﻧﻮﺍﻝ ﻭﻳﻦ ﻣﺎﺷﻴﻪ ﻭﺍﻧﺘﻲ ﺑﺤﺎﻟﺘﻚ ﻫﺎﺩﻱ
ﻧﻮﺍﻝ ﻣﺶ ﻣﻌﺪﻟﻪ ﻭﻣﺎﺷﻴﻪ
ﻧﻮﺭﺱ ﺟﺮﺕ ﻭﻟﺤﻘﺘﻬﺎ ﻭﺷﺪﺗﻬﺎ ﻣﻦ ﻳﺪﻫﺎ : ﺍﺳﺘﻨﻲ ﻭﻳﻦ ﻣﺎﺷﻴﻪ
ﻧﻮﺍﻝ : ﺑﻨﻤﺸﻴﻠﻬﺎ ﻭﻳﻦ ﻫﻲ ﻟﻮﻃﻰ ﺍﻛﻴﺪ ﻭﺍﻻ
ﻧﻮﺭﺱ : ﺷﻦ ﺑﺘﻤﺸﻴﻠﻬﺎ ﺷﻦ ﺑﺘﻘﻮﻟﻴﻴﻠﻬﺎ
ﻧﻮﺍﻝ : ﺗﻮ ﻧﻌﺮﻑ ﺷﻦ ﻧﻘﻮﻟﻠﻬﺎ ﺍﻃﻠﻘﻴﻨﻲ ﺑﺲ ﻭﻗﻮﻟﻴﻴﻠﻲ ﻭﻳﻦ ﺍﻣﺸﺖ ﻫﻲ ﻟﻤﺎ ﺍﻧﻲ ﺭﻛﺒﺖ ﺍﻛﻴﺪ ﺷﻔﺘﻴﻬﺎ
ﻧﻮﺭﺱ : ﺧﺸﺖ ﻟﺸﻘﻪ ﺍﺧﺘﻬﺎ
ﻧﻮﺍﻝ ﻗﻌﺪﺕ ﺗﺤﺎﻭﻝ ﺗﻔﻚ ﻳﺪﻫﺎ ﻟﻜﻦ ﻧﻮﺭﺱ ﺷﺎﺩﺗﻬﺎ ﺑﻘﻮﺓ : ﻳﺎﻧﻮﺭﺱ ﺍﻃﻠﻘﻴﻨﻲ
ﻧﻮﺭﺱ ﺟﺒﺪﺗﻬﺎ ﻭﻗﻌﻤﺰﺗﻬﺎ ﻉ ﺍﻟﻜﺮﺳﻲ : ﻧﻮﺍﻝ ﻓﻜﺮﻳﻠﻲ ﺑﻌﻘﻠﻚ ﺷﻮﻳﺔ ﻋﺎﺭﻓﻪ ﺍﻧﻚ ﻓﻲ ﻣﻮﻗﻒ ﺻﻌﺐ ﺑﺲ ﻳﻤﻜﻦ ﻓﻲ ﺷﻲ ﺍﺣﻨﻲ ﻣﺶ ﻓﺎﻫﻤﻴﻨﻪ ، ﻳﻌﻨﻲ ﻫﻮ ﻣﺶ ﻛﺎﻧﺖ ﻣﺨﻄﻮﺑﻪ ﻟﻴﻪ ﻋﻼﺵ ﻣﺎﻭﺍﻓﻘﺶ ﻣﻦ ﺍﻻﻭﻝ ﻟﻮ ﻛﺎﻥ ﻳﺨﻮﻥ ﻓﻴﻚ ﻋﻼﺵ ﺗﻮﺍ ﺗﻔﻜﺮﻫﺎ ﻗﺼﺪﻱ ﻗﺼﺪﻱ ﺣﺘﻰ ﺍﻟﺴﻔﺮ ﺳﺎﻓﺮ ﻋﻠﻲ ﺧﺎﻃﺮ ﺑﺎﺵ ﻳﻬﺮﺏ ﻭﺷﻔﺘﻲ ﻧﺴﻴﺒﻪ ﺷﻦ ﻗﺎﻟﺖ ﺍﻟﻜﻼﻡ ﺍﻟﻲ ﻗﺎﻟﻬﻮﻟﻬﺎ ﻭﻟﻴﺪ ﻗﺼﺪﻱ ﻓﻲ ﺗﻔﺴﻴﺮ ﺍﻧﺘﻲ ﺗﻮﺍ ﺍﻫﺪﻱ ﻭﻛﻞ ﺷﻲ ﻳﻨﺤﻞ
ﻧﻮﺍﻝ ﻣﻄﺒﺴﻪ ﺭﺍﺳﻬﺎ ﻭﺣﺎﻃﺔ ﻭﺟﻬﻬﺎ ﺑﻴﻦ ﻳﺪﻳﻬﺎ ﻭﺑﻌﺪ ﻧﻮﺭﺱ ﻛﻤﻠﺖ ﻛﻼﻣﻬﺎ ﻗﺎﻣﺖ ﺭﺍﺳﻬﺎ : ﻫﻴﺎﺍ ﻧﻨﺰﻟﻮ ﻋﻄﻠﻨﺎ ﻋﻠﻲ ﻧﻮﺳﻪ
ﻧﻮﺭﺱ : ﺑﺎﻩ ﺍﻧﺘﻲ ﺗﻮﺍ ﺗﻤﺎﻡ ﺗﻘﺪﺭ ﺗﺸﺪﻱ ﺭﻭﺣﻚ ﻳﻌﻨﻲ
ﻧﻮﺍﻝ ﻭﻗﻔﺖ : ﺗﻤﺎﻡ ﺍﻟﺘﻤﺎﻡ ، ﻫﻲ
ﻭﺍﺧﺪﻭ ﺍﻟﻤﻼﺑﺲ ﻭﻧﺰﻟﻮ ﺧﺸﻮ
ﻣﺎﻣﺎ : ﺧﻴﺮﻛﻢ ﻋﻄﻠﺘﻮ ﻭﻳﻨﻜﻢ ﻫﺬﺍ ﻛﻠﻪ
ﻧﻮﺭﺱ : ﻣﺎﻫﻮ ﻣﺎﻋﺮﻓﻨﺎﺵ ﻓﻲ ﺍﻟﺒﺪﺍﻳﻪ ﻭﻳﻦ ﺣﻮﺍﻳﺠﻬﺎ ﻗﻌﺪﻧﺎ ﻧﺪﻭﺭﻭ ، ﻭﺧﺸﺖ ﻟﻠﺪﺍﺭ ، ﻫﻲ ﻧﻮﺳﻪ ﺗﻨﻮﺿﻲ ﺗﺒﺪﻟﻲ
ﺍﻧﻲ ﻗﻌﻤﺰﺕ ﺑﺎﻟﺸﻮﻳﻪ : ﺑﺎﻫﻲ
ﻋﻤﺘﻲ : ﺍﻫﻮ ﺗﻮ ﻧﻄﻠﻌﻮ ﺍﺣﻨﻲ ، ﺳﺎﻋﺪﻳﻬﺎ ﺑﺲ ﺑﺎﻟﺸﻮﻳﻪ ﻋﻠﻴﻬﺎ ﺭﺩﻱ ﺑﺎﻟﻚ ﻣﻦ ﺍﻟﺠﺮﺡ
ﻧﻮﺭﺱ : ﺍﻥ ﺷﺎﺀ ﺍﻟﻠﻪ ﺣﺎﺿﺮ
ﻭﺳﺎﻋﺪﺗﻲ ﻧﻮﺭﺱ ، ﻟﺒﺴﺖ ﺑﻴﺠﺎﻣﻪ ﻣﺮﻳﺤﺔ ﻭﻓﻮﻗﻬﺎ ﺭﻭﺏ ﻃﻮﻳﻞ ﺭﺑﻄﺘﻪ ﻭﻭﺳﺘﻨﻲ ﻉ ﺍﻟﻔﺮﺍﺵ ﻭﺍﺗﻜﻴﺖ
ﺷﻮﻳﺔ ﻭﺧﺸﻮ ﺣﻄﻮ ﺍﻟﻐﺪﻱ
ﻋﻤﺘﻲ ﺗﻤﺪﻟﻲ ﺻﻮﻧﻴﻪ : ﻫﺬﺍ ﺑﺮﻭﺩﻭ ﺑﺎﻫﻲ ﺍﺷﺮﺑﻴﻪ
ﺍﻧﻲ ﻭﺍﺳﻴﺖ ﺭﻭﺣﻲ ﻭﺍﺧﺪﻳﺖ ﺍﻟﺴﻔﺮﻩ ﺣﻄﻴﺘﻬﺎ ﻋﻠﻲ ﺭﺟﻠﻴﺎ : ﺻﺤﻴﺘﻲ ﺑﺎﺭﻙ ﺍﻟﻠﻪ ﻓﻴﻚ
ﻋﻤﺘﻲ : ﺳﻠﻤﻚ ، ﺻﺤﺔ
ﻭﻗﻌﻤﺰﻭ ﻳﺘﻐﺪﻭ
ﻋﻤﺘﻲ ﻣﻘﻌﻤﺰﺓ ﺟﻨﺐ ﻧﻮﺍﻝ : ﻛﻮﻟﻲ ﻳﺎﺑﻨﺘﻲ ﺍﻟﻠﻄﻒ
ﻧﻮﺍﻝ : ﻧﺎﻛﻞ ﺍﻫﻮ ﻭﺍﻟﻠﻪ
ﺭﺣﻤﺔ : ﺍﺷﺒﺢ ﺧﻴﺮﻫﺎ ﺣﺎﺿﺮﺗﻬﺎ ﺍﻧﻲ ﻓﻲ ﺍﻟﻤﺎﻛﻠﺔ ﻣﺎﺍﺷﺎﺀ ﺍﻟﻠﻪ ﺗﻬﻨﻲ
ﻧﻮﺍﻝ ﻗﺎﻣﺖ ﺭﺍﺳﻬﺎ ﻭﺷﺒﺤﺘﻠﻬﺎ ﺷﺒﺒﺒﺤﺔ
ﻧﻮﺭﺱ ﺷﺪﺕ ﺿﺤﻜﺘﻬﺎ ﻋﻠﻲ ﺷﺒﺤﺔ ﻧﻮﺍﻝ ﻫﻬﻬﻬﻪ
ﻋﻤﺘﻲ : ﻛﻮﻟﻲ ﺑﻨﻴﺘﻲ ﻛﻮﻟﻲ ﻣﺎﺗﺘﺤﺸﻤﻴﺶ
ﻧﻮﺍﻝ : ﻻﻭﺍﻟﻠﻪ ﻣﺶ ﻣﺘﺤﺸﻤﺔ ﺍﻫﻮ ﻧﺎﻛﻞ
ﻋﻤﺘﻲ ﻗﻌﺪﺕ ﺗﺤﻄﻠﻬﺎ ﻓﻲ ﺍﻟﺮﺯ ﻗﺪﺍﻣﻬﺎ ﻭﺍﻟﻠﺤﻢ ﻭﺗﻘﻮﻟﻠﻬﺎ ﻛﻮﻟﻲ
ﻭﻧﻮﺭﺱ ﺷﺎﺩﻩ ﺿﺤﻜﺘﻬﺎ ﺑﺎﻟﺴﻴﻒ ﻓﻲ ﺍﻱ ﻭﻗﺖ ﺗﻄﺮﺑﻖ ﺿﺤﻚ
ﻭﻛﻤﻠﻮ ﻣﺎﻛﻠﺔ ﻭﻧﺎﺿﻮ ﻳﺪﻳﺮﻭ ﻓﻲ ﺍﻻﻣﺎﻋﻴﻦ
ﻧﻮﺍﻝ ﻭﺍﻗﻔﻪ ﺗﻐﺴﻞ ﻓﻲ ﺍﻻﻣﺎﻋﻴﻦ ﻭﺗﻔﻜﺮ ﺷﻦ ﺣﺘﺪﻳﺮ ﻣﻊ ﻣﺤﻤﻮﺩ ﻭﻛﻴﻒ ﺣﺘﺘﻌﺎﻣﻞ ﻣﻌﺎﻩ ﻫﻲ ﻗﺎﻋﺪﻩ ﻣﺶ ﻓﺎﻫﻤﻪ ﺑﺲ ﻓﻲ ﺣﺎﺟﺔ ﻏﻠﻂ ﻭﻣﺶ ﺳﺎﻫﻠﻪ ﺗﺸﻮﻓﻲ ﺣﺒﻴﺒﻚ ﺍﻳﺪﻩ ﻓﻲ ﻳﺪ ﻭﺣﺪﺓ ﺗﺎﻧﻴﻪ ﻭﻭﺍﻗﻔﻴﻦ ﻓﻲ ﻣﻜﺎﻥ ﺑﺮﻭﺣﻬﻢ ﻣﻬﻤﺎ ﻛﻨﺘﻲ ﻭﺍﺛﻘﻪ ﻓﻴﻪ ﻓﻲ ﻫﺪﻳﻜﺎ ﺍﻟﻠﺤﻈﺔ ﺣﺘﻨﺼﺎﺑﻲ ﺑﺨﻴﺒﻪ ﺍﻣﻞ
ﺍﻣﺎ ﻧﻮﺭﺱ ﻓﻜﺎﻧﺖ ﺗﻀﻢ ﻣﻌﺎﻫﻢ ﻭﺳﺮﺣﺎﻧﻪ ﺣﺘﻰ ﻫﻲ ﺗﻔﻜﺮ ﻓﻲ ﺍﻟﻤﻮﻗﻒ ﺍﻟﻲ ﺻﺎﺭ ﻣﻊ ﻣﺤﻤﻮﺩ ﻭﻧﻮﺍﻝ ﻭﺗﻔﻜﺮ ﺣﺘﻰ ﻓﻲ ﻋﺪﻧﺎﻥ ﺍﻟﻲ ﺯﻋﻼﻥ ﻣﻨﻬﺎ ﻭﻫﻲ ﻗﺎﻋﺪﻩ ﺗﻜﺎﺑﺮ ﻣﺎﺗﺒﻴﺶ ﺗﺘﺼﻞ ﻟﻴﻦ ﻫﻮ ﻳﺘﺼﻞ
ﻗﺒﻞ ﺍﻟﻤﻐﺮﺏ ﺑﺎﻟﺸﻮﻳﺔ
ﻣﺎﻣﺎ : ﻫﻴﺎ ﻧﻮﺿﻲ ﻳﺎﺑﻨﺘﻲ ﻗﺒﻞ ﻻﻳﺄﺫﻥ ﻋﻠﻴﻨﺎ ﺍﻟﻤﻐﺮﺏ
ﻋﻤﺘﻲ : ﺧﻴﺮﻙ ﺍﻟﻌﻔﻮ ﻳﺎﻧﺎﺩﻳﻪ ﻗﻌﺪﺗﻲ ﻫﺎﻟﻠﻴﻠﺔ
ﻣﺎﻣﺎ : ﻻﻭﻳﻦ ﻭﺍﻟﻠﻪ ﺧﻼﺹ ﻫﺪﺍﻛﺎ ﻫﻮ ﻭﻏﺪﻭﺓ ﺑﺎﻟﻚ ﻧﻤﺸﻲ ﻻﺧﺘﻲ
ﺍﻧﻲ ﺑﺎﺍﺳﺘﻐﺮﺍﺏ : ﺧﻴﺮﻫﺎ ﺧﺎﻟﺘﻲ ﻓﻴﻬﺎ ﺣﺎﺟﺔ ؟
ﻣﺎﻣﺎ : ﻻﻻ ﻣﺎﻓﻲ ﺷﻲ ﻏﻴﺮ ﺑﻴﺠﻮ ﺍﻟﻲ ﻭﺍﺧﺪﻳﻦ ﺳﺎﺭﻩ ﺑﻴﺤﺪﺩﻭ ﺍﻟﻌﺮﺱ ﺭﺳﻤﻲ ﻭﺑﻴﺘﻔﻘﻮ ﺷﻦ ﺑﻴﺪﻳﺮﻭ ﻭﺷﻦ ﻣﺎﻫﻤﺶ ﺩﺍﻳﺮﻳﻦ
ﺍﻧﻲ : ﺍﻫﺎ ﺑﺎﻩ ﺍﻥ ﺷﺎﺀ ﺍﻟﻠﻪ ﺧﻴﺮ ﻣﻌﺎﺵ ﻛﻠﻤﺘﻬﺎ ﺳﺎﺭﻩ ﻣﺎﻧﻨﺪﺭﻳﺶ ﻋﻠﻴﻬﺎ ، ﻭﺍﻧﻲ ﻛﻤﻠﺖ ﺟﻤﻠﺘﻲ ﻣﻦ ﺍﻫﻨﻲ ﺷﺮﻳﻦ ﺗﻠﻴﻔﻮﻧﻲ ﺷﻔﺘﻪ ﻭﺿﺤﻜﺖ : ﻋﻤﺮﻫﺎ ﻃﻮﻳﻞ
ﻣﺎﻣﺎ : ﻫﻬﻬﻬﻪ ﻫﻲ ؟
ﺍﻧﻲ : ﻫﻬﻪ ﺍﻳﻪ ، ﻭﺭﺩﻳﺖ : ﺍﻟﻮ
ﺳﺎﺭﺓ : ﺍﻳﻮﻭﻥ ﺍﻫﻼ ﺷﻦ ﺣﺎﻟﻚ ﺍﻟﺤﻤﺪ ﻟﻠﻪ ﻉ ﺳﻼﻣﺘﻚ ، ﻛﻴﻒ ﺣﺎﻟﻚ ﺗﻮﺍ ، ﺳﺎﻣﺤﻴﻨﻲ ﺭﺍﻫﻮ ﻣﺎﺍﺗﺼﻠﺘﺶ ﻭﺍﻟﻠﻪ ﻫﺬﺍ ﻭﻳﻦ ﻗﺎﻟﺘﻠﻲ ﻣﺎﻣﺎ ، ﻭﺑﻌﺪﻳﻦ ﺍﻧﺘﻲ ﻣﻌﺎﺵ ﺗﺪﻭﺭﻱ ﻭﻻﺗﺘﺼﻠﻲ ﻭﻻﺗﻘﻮﻟﻲ ﻛﺎﻥ ﻫﺬﺍ ﺍﻭﻝ ﻭﺣﺪﺓ ﻧﻌﺮﻑ ﺍﻧﻚ ﺑﺘﺪﻳﺮﻱ ﻋﻤﻠﻴﻪ ﺗﻌﺮﻓﻲ ﺗﻮﺍ ﻛﻨﺖ ﻣﺘﻜﻨﻄﻴﻪ ﻛﻴﻒ ﻣﺎﻗﺎﻟﻮﻟﻴﺶ ﺍﻻ ﺍﻟﻴﻮﻡ ﻣﺎﺗﺰﻋﻠﻴﺶ ﺍﻳﻮﺍﻩ ﺍﻟﺤﻖ ﻋﻠﻴﻚ ، ﻭﺑﻌﺪﻳﻦ ﺧﻴﺮﻙ ﺷﻦ ﺍﻟﻲ ﺻﺎﺭﻟﻚ ، ﻭﺍﻥ ﺷﺎﺀ ﺍﻟﻠﻪ ﻣﺎﺗﻌﺒﺘﻴﺶ
ﺍﻧﻲ : ﻛﻤﻠﺘﻲ ؟ ﺧﻮﺩﻱ ﻧﻔﺲ
ﺳﺎﺭﺓ : ﻫﻬﻬﻬﻬﻬﻬﻬﻬﻬﻬﻬﻬﻪ ﺗﻲ ﻣﺎﻫﻮﻭ ﻣﻐﻠﻮﻟﺔ ﻭﻣﺘﺤﺸﻤﻪ ﻣﻨﻚ ﻭﻣﺎﻋﺮﻓﺘﺶ ﺍﻻ ﺗﻮﺍﺍﺍﺍ
ﺍﻧﻲ : ﻫﻬﻬﻬﻪ ﺑﺎﻫﻲ ﺑﺎﻟﺸﻮﻳﺔ ﺑﺎﻟﺸﻮﻳﺔ ، ﻣﻦ ﻟﻤﺎ ﻗﻠﺖ ﺍﻟﻮ ﺍﻧﺘﻲ ﻋﻠﻘﺘﻲ ﺍﻟﺮﺍﺩﻳﻮ ﺗﻘﻮﻝ ﻭﺣﺪﺓ ﻛﺎﻧﺖ ﺗﺤﻔﻆ ﻓﻲ ﺍﻟﻜﻼﻡ ﻗﺒﻞ ﻣﺎﺗﺘﺼﻞ ﻭﺗﺴﻤﻊ ﻓﻴﻪ ﻣﻊ ﺑﻌﺾ ﺑﺎﺵ ﻣﺎﺗﻨﺴﺎﺷﻲ
ﺳﺎﺭﺓ : ﻫﻬﻬﻬﻬﻬﻬﻬﻬﻪ ﺍﺳﺘﺎﺣﺸﺘﻚ ﻳﺎﻛﻠﺒﻪ ﻭﺍﻟﻠﻪ ، ﺑﺎﻫﻲ ﻛﻴﻒ ﺣﺎﻟﻚ ﺗﻮﺍ
ﺍﻧﻲ : ﺍﻟﺤﻤﺪ ﻟﻠﻪ ﻛﻮﻳﺴﻪ ، ﺍﻧﺘﻲ ﺷﻦ ﺍﺧﺒﺎﺭﻙ ﻭﺷﻦ ﺟﻮ ﻋﺼﻮﻣﻚ
ﺳﺎﺭﺓ : ﺍﻟﺤﻤﺪ ﻟﻠﻪ ﺗﻤﺎﻡ ، ﻏﺪﻭﺓ ﺑﻴﺠﻮ ﺍﻣﻪ ﻭﺍﺧﻮﺍﺗﻪ ﺑﻴﺤﺪﺩﻭ ﺍﻟﻌﺮﺱ ﺍﺣﺘﻤﺎﻝ ﺑﻌﺪ ﺷﻬﺮﻳﻦ
ﺍﻧﻲ : ﺑﺎﻩ ﺍﻥ ﺷﺎﺀ ﺍﻟﻠﻪ ﻋﻠﻲ ﺧﻴﺮﺭ ، ﺍﻧﺘﻲ ﻛﻤﻠﺘﻲ ﺑﺘﺎﺗﻚ
ﺳﺎﺭﺓ : ﺍﻳﻪ ﺷﺒﻪ ﻛﻤﻠﺖ ﺣﺎﺟﺎﺕ ﺑﺴﻴﻄﺔ ﺑﺲ ﻣﺰﺍﻟﻲ ﻭﺍﻟﻔﻴﻠﻮ ﺷﻔﺖ ﻛﻢ ﻓﻴﻠﻮ ﻋﺠﺒﻨﻲ ﺧﻠﻲ ﻳﺤﺪﺩﻭ ﻭﻧﻤﺸﻲ ﻧﺤﺠﺰ ، ﺍﺳﻤﻌﻲ ﻣﻦ ﺍﻻﺧﻴﺮ ﺭﺍﻫﻮ ﻓﻲ ﺍﻟﻔﻴﻠﻮ ﺑﺘﻤﺸﻲ ﻣﻌﺎﻱ ﻧﺒﻲ ﻧﺎﺧﺪ ﺭﺍﻳﻚ
ﺍﻧﻲ : ﺍﻥ ﺷﺎﺀ ﺍﻟﻠﻪ ﻧﻄﻠﻊ ﻣﻌﺎﻙ ﻋﺎﺩﻱ ﻣﺎﺍﻋﺘﻘﺪﺵ ﻭﻟﻴﺪ ﻳﻌﺎﺭﺽ ﻏﻴﺮ ﻛﺎﻥ ﻉ ﺍﻟﻔﻴﻠﻮ
ﻋﻤﺘﻲ : ﻏﻴﺮ ﻭﺍﻟﻠﻪ ﻛﺎﻥ ﻗﻌﺪﺗﻮ ﻫﺎﻟﻠﻴﻠﺔ ﺯﺩﺗﻲ ﻫﺪﺭﺯﺗﻲ
ﻣﺎﻣﺎ ﺗﻠﺒﺲ ﻓﻲ ﻋﺒﺎﻳﺘﻬﺎ : ﻳﺎﺭﻳﺖ ﻭﺍﻟﻠﻪ ﻧﻘﺪﺭ ﻟﻜﻦ ﺍﻟﻠﻪ ﻏﺎﻟﺐ ﻭﺑﻌﺪﻳﻦ ﻋﻨﺪﻱ ﺍﻟﺒﻨﺖ ﺍﻟﺜﺎﻧﻴﻪ ﻣﺨﻠﻴﺘﻬﺎ ﻓﻲ ﺍﻟﺤﻮﺵ
ﻋﻤﺘﻲ : ﻋﺎﻭﺩﻳﻬﺎ ﻋﺎﺩ ﺗﻌﺎﻟﻲ ﻫﺪﺭﺯﻱ ﻣﺶ ﻻﺯﻡ ﺑﺤﺎﺟﺔ
ﻣﺎﻣﺎ : ﺍﻥ ﺷﺎﺀ ﺍﻟﻠﻪ ﺑﺎﺫﻥ ﺍﻟﻠﻪ ﺣﺘﻰ ﺍﻧﺘﻲ ﺗﻌﺎﻟﻲ ﺷﻲ ﻳﻮﻡ ﻫﺪﺭﺯﻱ ، ﻭﺗﻠﻔﺘﺖ ﻟﻨﻮﺍﻝ : ﺍﻗﻌﺪﻱ ﺍﻧﺘﻲ ﻣﻊ ﺍﺧﺘﻚ ﻋﺎﻭﻧﻴﻬﺎ
ﻧﻮﺍﻝ ﺗﻘﻮﻝ ﻣﻦ ﺻﺐ ﻋﻠﻴﻬﺎ ﻣﻴﻪ ﺳﺨﻮﻧﻪ ﻫﻲ ﻣﺶ ﻃﺎﻳﻘﻪ ﺩﻗﻴﻘﻪ ﻓﻲ ﺍﻟﺤﻮﺵ ﻛﺎﻥ ﺗﻠﻘﻰ ﺗﺮﻭﺡ ﺍﻟﺪﻗﻴﻘﻪ ﻫﺎﺩﻱ ﻗﺒﻞ ﺍﻟﻲ ﺑﻌﺪﻫﺎ : ﻫﺎ ﺑﺎﻫﻲ
ﺍﻧﻲ ﻛﻤﻠﺖ ﻣﻜﺎﻟﻤﺘﻲ ﻣﻊ ﺳﺎﺭﻩ ﻭﺳﻜﺮﺕ ، ﺍﻟﻘﻴﺖ ﻣﺎﻣﺎ ﻻﺑﺴﻪ ﻭﺍﺗﻴﻪ ﻭﺣﺘﻰ ﻧﻮﺭﺱ
ﻣﺎﻣﺎ : ﻫﺎ ﻳﺎﻧﻮﺳﻪ ﺭﺩﻱ ﺑﺎﻟﻚ ﻣﻦ ﺟﺮﺣﻚ ﻭﻣﺶ ﻻﺯﻡ ﺍﻟﺤﺮﻛﺔ ﻫﻠﺒﺎ ﺍﻫﻮ ﻗﻌﺪﺕ ﻣﻌﺎﻙ ﻧﻮﺍﻝ ﺗﺒﻲ ﺣﺎﺟﺔ ﺧﻠﻴﻬﺎ ﺗﺪﻳﺮﻫﺎ ﻭﺭﺩﻱ ﺑﺎﻟﻚ ﺗﺪﻭﺷﻲ ، ﺣﺎﻓﻈﻲ ﺍﻟﻠﻪ ﻳﺮﺑﺤﻚ
ﺍﻧﻲ : ﺍﻥ ﺷﺎﺀ ﺍﻟﻠﻪ ﺣﺎﺿﺮ
ﻧﻮﺭﺱ ﺳﻠﻤﺖ ﻋﻠﻴﺎ : ﻫﻲ ﺑﺎﻟﺴﻼﻣﻪ ، ﻟﻮ ﺣﺼﻠﺖ ﻓﺮﺻﻪ ﻏﺪﻭﺓ ﻧﺠﻴﻚ
ﺍﻧﻲ : ﻣﺎﺗﺠﻴﺶ ﺑﺮﻭﺣﻚ ﺑﺲ
ﻧﻮﺭﺱ : ﺗﻮ ﻧﺠﻲ ﺍﻧﻲ ﻭﻧﺮﺟﺲ ﺍﻥ ﺷﺎﺀ ﺍﻟﻠﻪ ، ﺑﺎﻱ ، ﻭﺳﻠﻤﺖ ﻋﻠﻲ ﻋﻤﺘﻲ ﻭﺭﺣﻤﺔ ﻭﻭﻓﺎﺀ ﻭﻃﻠﻌﺖ
ﻧﻮﺍﻝ ﻟﺤﻘﺘﻬﺎ ﻭﺷﺪﺗﻬﺎ ﻋﻠﻲ ﺟﻨﺐ : ﻣﺎﻧﺒﻴﺶ ﻧﻘﻌﺪ ﻳﺎﻧﻮﺭﺱ ﺩﺑﺮﻱ ﺣﻞ
ﻧﻮﺭﺱ ﺑﺼﻮﺕ ﻭﺍﻃﻲ : ﻧﻮﺍﻝ ﻣﻦ ﻏﻴﺮ ﻋﺎﺭ ﻭﺑﻌﺪﻳﻦ ﻛﻴﻒ ﻧﺴﻴﺒﻮ ﻧﺴﻴﺒﻪ ﺑﺮﻭﺣﻬﺎ ﻫﻜﻲ ؟ ﻛﻴﻒ ﺗﺠﻲ ، ﻭﺑﻌﺪﻳﻦ ﺍﻧﺘﻲ ﺍﻧﻄﻤﺮﻱ ﺟﻨﺐ ﻧﺴﻴﺒﻪ ﻣﺎﺗﺘﺤﺮﻛﻴﺶ ﻣﻦ ﺟﻨﺒﻬﺎ ﻭﺳﻜﺮﻱ ﺗﻠﻴﻔﻮﻧﻚ ﻭﺗﻢ ﺍﻟﻤﻮﺿﻮﻉ ﻭﻻﻛﺎﺍﻧﻚ ﻣﻮﺟﻮﺩﺓ
ﻧﻮﺍﻝ : ﺍﻭﻭﻑ ﺍﻭﻭﻑ ﺍﻭﻭﻑ ﻣﺶ ﻃﺎﻳﻘﻪ ﻧﻘﻌﺪ ﺍﻫﻨﻲ ﺑﻜﻞ ، ﻏﺪﻭﻭﺓ ﺗﺠﻲ ﺭﺍﺍﻫﻮﻭ ﺩﺑﺮﻱ ﻣﺎﺩﺧﻠﻴﺶ ﻓﻴﻚ
ﻧﻮﺭﺱ : ﺑﺎﺍﻩ ﺗﻮ ﻏﺪﻭﺓ ﻧﺠﻲ ﻏﻴﺮ ﺍﻧﺘﻲ ﺗﻮﺍ ﺑﻄﻠﻲ ﻋﺎﺭ ﻭﺧﻠﻴﻚ ﻋﺎﺩﻳﻪ
ﻧﻮﺍﻝ : ﺍﻭﻭﻭﻑ ﺑﺎﻫﻲ
ﺭﻭﺣﺖ ﻣﺎﻣﺎ ﻭﻧﻮﺭﺱ ﻭﺧﺸﺖ ﻧﻮﺍﻝ ﻗﻌﻤﺰﺕ
،،،،،،،،،،،،،،،،،
ﻓﻲ ﺣﻮﺷﻨﺎ ﻛﺎﻧﺖ ﻧﺮﺟﺲ ﻣﻘﻌﻤﺰﻩ ﻭﻓﺎﺗﺤﺔ ﻓﻴﺪﻳﻮ ﻓﻲ ﺍﻟﻴﻮﺗﻴﻮﺏ ، ﻭﺍﺣﺪ ﻳﺪﻧﺪﻥ ﻉ ﺍﻟﻌﻮﺩ ﺑﻠﺤﻦ ﺣﺰﻳﻦ ، ﻗﻌﺪﺕ ﺗﺴﻤﻊ ﻭﺗﺬﻛﺮ ﻓﻲ ﺣﺴﻦ ﻓﻲ ﻣﻮﻗﻒ ﺍﻟﺒﺤﺮﺭ ، ﻛﻞ ﻣﺎﻳﺨﻄﺮ ﻋﻠﻲ ﺑﺎﻟﻬﺎ ﻛﺎﻥ ﻗﻠﺒﻬﺎ ﻳﻄﻖ ﺑﻘﻮﺓ ، ﺑﺲ ﻟﻤﺎ ﺗﺬﻛﺮ ﻣﻨﻈﺮ ﺍﻟﻤﺴﺘﺸﻔﻰ ﻳﻨﻌﺼﺮ ﻗﻠﺒﻬﺎ ، ﺭﻏﻢ ﺍﻧﻬﺎ ﻣﺶ ﻣﺘﺎﻛﺪﺓ ﻭﻻﺗﻌﺮﻑ ﻣﻦ ﻫﻲ ﺍﻟﻲ ﺍﺿﺒﻄﻬﺎ ﻫﻜﻲ ﻭﻳﻤﻜﻦ ﻇﺎﻟﻤﺎﺗﻪ ﻟﻜﻦ ﺍﻟﻐﻴﺮﻩ ﻋﺎﻣﻴﻪ ﻋﻠﻴﻬﺎ ﻭﻏﺎﺍﺭﺕ ﻫﻠﺒﺎ ﻣﻦ ﺍﻟﺒﻨﺖ ، ﻭﺣﺴﺖ ﺍﻧﻪ ﺣﺐ ﺍﻧﺘﻬﻲ ﻗﺒﻞ ﻣﺎﻳﺒﺪﺃ
ﻭﻗﻔﺖ ﺣﺴﺖ ﺑﺪﻭﺧﻪ ﻗﻌﻤﺰﺕ
ﻣﻦ ﺍﻣﺲ ﻣﻌﺎﺵ ﺍﻛﻠﺖ ﺷﻲ ، ﻧﻔﺴﻬﺎ ﻣﺴﺪﻭﺩﻩ ﻋﻠﻲ ﻛﻞ ﺷﻲ ، ﺍﺳﺘﻨﺪﺕ ﻟﻠﺤﻴﻂ ، ﻟﺤﺪ ﻣﺎﺣﺴﺖ ﺗﻮﺍﺯﻥ ﺭﺟﻌﻠﻬﺎ ﺷﻮﻳﺔ ، ﻓﺘﺤﺖ ﺍﻟﺪﻭﻻﺏ ﻃﻠﻌﺖ ﻭﺷﺎﺡ ﺣﻄﺎﺗﻪ ﻋﻠﻲ ﺭﺍﺳﻬﺎ ﺣﻄﺎﻥ ، ﺣﻄﺖ ﺍﻟﺴﻤﺎﻋﺎﺕ ﻓﻲ ﻭﺩﺍﻧﻬﺎ ، ﻭﻓﺘﺤﺖ ﺍﻏﻨﻴﻪ ﺍﻡ ﺍﻟﻌﻴﻮﻥ ﺍﻟﺴﻮﺩ ، ﺍﻭﻝ ﺍﻏﻨﻴﻪ ﺳﻤﻌﺘﻬﺎ ﻣﻦ ﺣﺴﻦ ﻣﺴﺘﺤﻴﻞ ﺗﻨﺴﻰ ﺻﻮﺗﻪ ﻭﻫﻮ ﻳﻐﻨﻲ ، ﻓﺘﺤﺖ ﺑﺎﺏ ﺩﺍﺭﻫﺎ ﻭﻧﺰﻟﺖ ، ﻃﻠﻌﺖ ﻭﺍﻣﺸﺖ ﻟﺤﻮﺵ ﺍﺣﻨﻴﻨﻪ ﻗﻌﺪﺕ ﻣﻌﺎﻫﺎ
ﻟﻴﻦ ﺭﻭﺣﻮ ﻣﺎﻣﺎ ﻭﻧﻮﺭﺱ ﺭﻭﺣﺖ ﻣﻌﺎﻫﻢ ﻟﻠﺤﻮﺵ
ﻣﺎﻣﺎ : ﺗﻐﺪﻳﺘﻲ ﻧﺮﺟﺲ ؟
ﻧﺮﺟﺲ ﻣﺎﺗﺒﻴﺶ ﺗﻘﻮﻝ ﺍﻧﻬﺎ ﻣﺎﻛﻠﺘﺶ : ﺍﻳﻪ ﺗﻐﺪﻳﺖ
،،،،،،،،،،،،،،،،،،،
ﻋﻤﺘﻲ ﻟﻮﻓﺎﺀ : ﺭﻭﺣﺖ ﺍﺧﺘﻚ
ﻭﻓﺎﺀ : ﺍﻳﻪ ﻣﻦ ﺑﻜﺮﻱ ﺟﺎﻫﺎ ﺑﻮﻱ
ﻋﻤﺘﻲ : ﺑﺎﻫﻲ ، ﺷﻦ ﻛﻤﻠﺖ ﺑﺘﺎﺗﻬﺎ
ﻭﻓﺎﺀ : ﺍﻳﻪ ﺍﻟﺤﻤﺪ ﻟﻠﻪ ﺷﺒﻪ ﻛﻤﻠﺖ ﻛﻞ ﺷﻲ
ﻋﻤﺘﻲ : ﺑﺎﻫﻲ ﺭﺑﻲ ﻳﺠﻴﺒﻠﻬﺎ ﺍﻟﻲ ﻓﻴﻪ ﺍﻟﺨﻴﺮ
ﻭﻓﺎﺀ : ﺍﻥ ﺷﺎﺀ ﺍﻟﻠﻪ
ﻃﺒﻌﺎ ﻧﻮﺍﻝ ﺗﺴﻤﻊ ﻭﺑﺘﻄﺮﺭﺑﻖ ﻭﻓﻲ ﻋﻘﻠﻬﺎ ( ﺑﺎ ﺑﺘﺎﺗﻬﺎ ﻳﻌﻨﻲ ﺑﺘﺘﺰﻭﺝ ﻗﺮﺭﻳﺐ ﺷﻨﻨﻦ ﺗﺪﻳﺮﺭﺭ ﻣﻊ ﻣﺤﻤﻮﻭﻭﺩ )
،،،،،،،،،
ﺗﻌﺎﻟﻮ ﻧﻤﺸﻮ ﻟﻤﻜﺎﻥ ﺛﺎﻧﻲ ﻗﺪﺍﺵ ﻟﻴﻨﺎ ﻣﻌﺎﺵ ﺷﻔﻨﺎ ﺷﻦ ﺻﺎﻳﺮ ﻓﻴﻬﻢ
ﻫﻲ ﻃﻠﻌﺖ ﻣﻦ ﺍﻟﺪﺍﺭ ﻭﻛﺎﻧﺖ ﻻﺑﺴﻪ ﺷﻮﺭﺕ ﺟﻴﻨﺰ ﻗﺼﻴﺮ ﻭﻋﻠﻴﻪ ﺑﺪﻱ ﺍﺑﻴﺾ ﺣﻠﻮ ﻭﻗﺎﻳﻤﻪ ﺷﻌﺮﻫﺎ ﺫﻳﻞ ﻓﻮﻕ ﻛﺎﻧﺖ ﺍﻟﻠﺒﺴﻪ ﻣﺒﻴﻨﺘﻬﺎ ﺣﻠﻮﻭﺓ ﻭﺻﻐﻴﺮﻩ ، ﺧﺸﺖ ﻟﻠﻤﻄﺒﺦ ﻭﻫﻲ ﻣﺘﺠﺎﻫﻠﺔ ﺍﻟﻲ ﻣﻘﻌﻤﺰﻩ ﻉ ﺍﻟﺼﺎﻟﻮﻥ
ﻫﻮ ﻣﻘﻌﻤﺰ ﻭﺍﻭﻝ ﻣﺎﺳﻤﻊ ﺻﻮﺕ ﺑﺎﺏ ﺍﻟﺪﺍﺭ ﺍﻧﻔﺘﺢ ﺗﻠﻔﺘﺖ ﻗﻌﺪﺕ ﻳﺮﺍﻗﺐ ﻓﻲ ﻣﺸﻴﺘﻬﺎ ﻭﻫﻲ ﻣﺘﺠﺎﻫﻼﺗﻪ ﻭﻗﺮﻳﺐ ﻳﻬﺒﻞ ﻋﻠﻴﻬﺎ
ﺩﺍﺭﺕ ﻗﻬﻮﺓ ﺣﺴﺒﺎﺗﻪ ﻭﺣﻄﺘﻬﺎ ﻓﻲ ﺻﻔﺮﺍ ﻭﺣﻄﺖ ﻣﻌﺎﻫﺎ ﺑﻜﻼﻭﺓ ، ﻗﺎﻣﺖ ﺍﻟﺼﻔﺮﺍ ﻭﻃﻠﻌﺘﻬﺎ ، ﻭﺻﻠﺖ ﻗﺪﺍﻣﻪ ﺣﻄﺖ ﺍﻟﺼﻔﺮﺍ ﻉ ﺍﻟﻄﺎﻭﻟﺔ ﻭﻗﻌﻤﺰﺕ ﺑﺪﻭﻥ ﺍﻱ ﻛﻠﻤﻪ ، ﺳﺤﺒﺖ ﻓﻨﺠﺎﻧﻬﺎ ﺑﻬﺪﻭﺀ ﻭﻫﻲ ﻋﻴﻮﻧﻬﺎ ﻉ ﺍﻟﺘﻠﻔﺰﻳﻮﻥ
ﻫﻮﻭ ﺗﻨﺮﻓﺰ ﻣﻦ ﺣﺮﻛﺘﻬﺎ ﻟﻜﻦ ﻫﻮ ﺍﻟﻐﺎﻟﻂ ﻻﺯﻡ ﻳﺘﺤﻤﻞ ﻧﺘﺎﺋﺞ ﻏﻠﻄﺘﻪ ﻗﺮﺭﺏ ﻣﻨﻬﺎ
ﻫﻲ ﻗﻠﺒﻬﺎ ﻳﺪﺩﻕ ﺑﻘﻮﻭﺓ ﻭﺗﻮﺗﺮﺕ ﻟﻜﻦ ﻣﺎﺗﺒﻴﺶ ﺗﺒﻴﻨﻠﻪ ﻗﻌﺪﺕ ﺗﺸﺮﺏ ﻓﻲ ﻓﻨﺠﺎﻧﻬﺎ ﻭﻋﻴﻮﻧﻬﺎ ﻉ ﺍﻟﺘﻠﻔﺰﻳﻮﻥ ﻟﻜﻦ ﻋﻘﻠﻬﺎ ﻣﻌﺎﻩ ﻭﻗﻠﺒﻬﺎ ﻋﻨﺪﻩ
ﻫﻮ ﻗﺮﺏ ﻟﻴﻦ ﻭﻟﻪ ﻓﻤﻪ ﻗﺪﺍﻡ ﻭﺩﻧﻬﺎ ﻭﺑﺼﻮﺕ ﻫﺎﻣﺲ : ﻣﻨﻰ ﻧﺤﺒﻚ
ﻣﻨﻰ ﺣﻄﺖ ﻓﻨﺠﺎﻧﻬﺎ ﻭﻫﻲ ﺗﺘﻨﻔﺲ ﺑﺴﺮﺭﻋﻪ ﻭﻗﻠﺒﻬﺎ ﺑﻴﻄﻠﻊ ﻣﻦ ﻣﻜﺎﻧﻪ ﺑﺲ ﻋﻴﻮﻧﻬﺎ ﻉ ﺍﻟﺘﻠﻔﺮﺯﻳﻮﻥ ﻗﺎﻋﺪﺍﺕ ﺗﻤﺎﻟﻜﺖ ﻧﻔﺴﻬﺎ ﻭﻗﺎﻟﺘﻠﻪ ﺑﺪﻭﻥ ﻣﺎﺗﺸﻮﻓﻠﻪ : ﻛﻢ ﻣﺮﺓ ﻗﻠﺘﻬﺎﻟﻬﺎ ؟
ﻋﻤﺎﺍﺩ ﻭﺧﺮﺭ ﻭﺍﺗﻜﻰ ﻉ ﺍﻟﺼﺎﻟﻮﻥ ﻭﻫﻮ ﻣﺘﻨﺮﻓﺰ : ﻣﻨﻰ ﺧﻼﺹ ﻗﺪﺍﺵ ﻣﺮﺓ ﺑﻨﺘﺄﺳﻒ ﻭﻭﻋﺪﺗﻚ ﻣﻌﺎﺵ ﺗﺘﻜﺮﺭ ﺧﻴﺮﻙ ﻫﻜﻲ
ﻣﻨﻰ ﺗﻠﻔﺘﺘﻠﻪ : ﻟﻴﺶ ﺍﻧﺖ ﺩﺍﻳﺮ ﻓﻲ ﺑﺎﻟﻚ ﺍﻧﻪ ﻏﻠﻄﺘﻚ ﺗﻐﺘﻔﺮ ﺑﻬﺎﻟﺴﻬﻮﻟﺔ
ﻋﻤﺎﺩ : ﺍﺳﺘﻐﻔﺮ ﺍﻟﻠﻪ ﻭﺍﺗﻮﺏ ﺍﻟﻴﻪ ﻣﻨﻰ ﺍﻟﻲ ﺗﺒﻴﻬﺎ ﺍﻧﻲ ﺣﺎﺍﺿﺮ ﺍﻧﺘﻲ ﺑﺲ ﻗﻮﻟﻲ ﺷﻦ ﺗﺒﻲ ﺑﺎﺵ ﺗﺴﺎﻣﺤﻴﻨﻲ
ﻣﻨﻰ ﺍﺗﻜﺖ ﻭﻫﻲ ﺗﺘﺼﻨﻊ ﺍﻟﺒﺮﻭﺩ : ﻣﺎﻋﻨﺪﻳﺶ ﺷﻲ ﻣﻌﻴﻦ ﻓﻲ ﺑﺎﻟﻲ
ﻋﻤﺎﺩ ﺑﻴﻄﺮﺭﺑﻖ ﻟﻜﻦ ﺷﺎﺩ ﺭﻭﺣﻪ ﺍﻟﻐﻠﻂ ﻣﻨﻪ ﻭﻫﻮﻭﻳﺴﺘﺎﻫﻞ ﺍﻛﺜﺮ ﻣﻦ ﻫﺎﻟﻤﻌﺎﻣﻠﻪ ، ﻗﻌﺪ ﺳﺎﻛﺖ ﻭﻳﻬﺰ ﻓﻲ ﺭﺟﻠﻪ ﺑﺼﺒﻴﻪ
ﻣﻨﻰ ﻛﺎﻧﺖ ﺗﺮﺍﻗﺐ ﻓﻲ ﺣﺮﻛﺎﺗﻪ ﻣﻦ ﺗﺤﺖ ﻟﺘﺤﺖ ﻭﻗﻠﺒﻬﺎ ﻳﺮﺟﻒ ﻟﻜﻦ ﺗﺘﺼﻨﻊ ﻓﻲ ﺍﻟﻘﻮﺓ ﻭﺍﻟﺒﺮﻭﺩ ، ﻭﻗﻔﺖ ﻭﻋﻄﺎﺗﻪ ﺑﻈﻬﺮﻫﺎ : ﻗﺒﻞ ﻣﺎﻧﻨﺴﻰ ﻏﺪﻭﺓ ﻧﺒﻲ ﻧﻤﺸﻲ ﻟﺤﻮﺷﻨﺎ ﺑﺘﺮﻓﻌﻨﻲ ؟
ﻋﻤﺎﺩ ﺑﻌﺼﺒﻴﻪ : ﻭﻋﻼﺵ ﺑﺘﻤﺸﻲ ﺍﻭﻝ ﺍﻣﺲ ﺍﻣﺸﻴﻴﺘﻲ ؟
ﻣﻨﻰ ﻗﺎﻋﺪﻩ ﻋﺎﻃﻴﺎﺗﻪ ﻇﻬﺮﻫﺎ : ﺗﻤﺎﻡ ﺗﻮ ﻧﻜﻠﻢ ﻣﺤﻤﻮﺩ ، ﻭﺍﻣﺸﺖ
ﻋﻤﺎﺩ ﺑﻌﺼﺒﻴﻪ ﻭﺻﻮﻭﺕ ﻋﺎﺍﺍﻟﻲ : ﻣﺎﺍﺍﺗﻜﻠﻤﻲ ﺣﺪ ﻭﺍﻟﻠﻪ ﺗﻜﻠﻤﻲ ﺣﺪﺩ ﺗﺘﺸﻮﻭﻭﻓﻲ ﻳﺎﺍﻣﻨﻰ ﺍﻧﻲ ﺭﺍﺟﻠﻚ ﺍﻧﻲ ﻧﺮﻓﻌﻚ
ﻣﻨﻰ ﻣﻜﻤﻠﻪ ﻃﺮﻳﻘﻬﺎ ﻭﻫﻲ ﻗﻠﺒﻬﺎ ﻳﺮﻗﺺ ﻣﻦ ﺍﻟﻔﺮﺣﺔ ، ﺧﺸﺖ ﻟﺪﺍﺭ ﻭﻟﻴﺪ ﻗﻌﺪﺕ ﺗﻠﻌﺐ ﻓﻴﻪ ﺷﻮﻳﺔ ﻭﺑﺪﻫﺎ ﺭﺟﻌﺖ ﻟﺪﺍﺭﻫﺎ ، ﺍﺗﻜﺖ ﻋﻠﻲ ﺳﺮﻳﺮﻫﺎ ﻭﻗﻌﺪﺕ ﺗﻔﻜﺮ
( ﺧﻴﺎﻧﻪ ﻋﻤﺎﺩ ﻣﺎﻓﻴﺶ ﻟﻴﻬﺎ ﻣﺒﺮﺭ ، ﻫﻲ ﻣﺶ ﻣﻘﺼﺮﻩ ﻣﻌﺎﻩ ﻭﺗﺤﺒﻪ ﺷﻦ ﺍﻟﻲ ﻳﺨﻠﻴﻪ ﻳﺘﺼﺮﻑ ﺗﺼﺮﻓﺎﺕ ﻣﺮﻫﻖ ﻭﻳﻜﻠﻢ ﻏﻴﺮﻫﺎ ﺑﺎﻟﺘﻠﻴﻔﻮﻥ ، ﺷﻦ ﺍﻟﻲ ﻧﺎﻗﺺ ﻋﻨﺪﻩ ﻳﺪﻭﺭ ﻓﻴﻪ ﺑﺮﺍ ، ﺷﻦ ﺍﻟﻲ ﻧﺎﻗﺺ ﻓﻲ ﻣﻨﻰ ﻭﺍﻟﻘﺎﻩ ﻓﻲ ﺍﻟﺒﻨﺖ ﺍﻟﺘﺎﻧﻴﻪ، ﻭﻓﻮﻕ ﻣﻦ ﻫﻜﻲ ﺍﺭﺑﻌﻪ ﺷﻬﻮﺭ ﻭﻫﻮ ﻏﺎﻓﻠﻬﺎ ﺍﻫﻤﻠﻬﺎ ﺭﻏﻢ ﺷﺪﻩ ﺍﻫﺘﻤﺎﻣﻬﺎ ﻫﻲ ، ﻣﺎﻓﻜﺮﺗﺶ ﻓﻲ ﻳﻮﻡ ﻳﻜﻮﻥ ﻳﺨﻮﻥ ﻓﻴﻬﺎ ﺑﻜﻞ ﺣﻄﺖ ﻓﻴﻪ ﺍﻟﺜﻘﻪ ﺍﻟﻜﺎﻣﻠﻪ ﻣﻦ ﻟﻤﺎ ﺍﻋﺘﺒﺮﺍﺗﻪ ﺳﻨﺪﻫﺎﺍ ﻭﻭﺍﻓﻘﺖ ﺍﻧﻪ ﻳﻜﻮﻥ ﺯﻭﺟﻬﺎ ، ﺟﻤﻴﻊ ﺍﻟﺨﻴﺎﻧﺎﺕ ﻭﺍﻟﻐﺪﺭ ﻣﺆﻟﻤﻪ ، ﻭﻟﻜﻦ ﻟﻤﺎ ﺗﺠﻴﻚ ﻣﻦ ﺍﻟﺸﺨﺺ ﺍﻟﻲ ﺍﻧﺖ ﻣﻌﺘﺒﺮﻩ ﻛﻞ ﺷﻲ ﻳﻜﻮﻥ ﺍﻻﻟﻢ ﻣﻀﻌﻒ ﻓﻴﻬﺎ ، ﺗﻨﻜﺴﺮ ﺑﺪﻝ ﺍﻟﻤﺮﺓ ﻣﺮﺗﻴﻦ
ﻣﻨﻰ ﺗﺤﺎﻭﻝ ﺗﻌﺎﻗﺐ ﻋﻤﺎﺩ ﻋﻠﻲ ﺗﺘﺼﺮﻓﻪ ﻗﻌﺪﺕ ﺗﻠﺒﺲ ﻓﻲ ﻣﻼﺑﺲ ﺣﻠﻮﺓ ﻭﻣﻌﺎﺵ ﺗﻄﻠﻊ ﻣﻦ ﺍﻟﺤﻮﺵ ﻫﻠﺒﺎ ﻟﻜﻦ ﺗﺘﺠﺎﻫﻞ ﻓﻴﻪ ﻭﻭﺗﻈﺎﻫﺮ ﺑﺎﻟﻘﻮﺓ ، ﻣﺎﺧﻼﺗﺎﺷﻲ ﻳﺮﻗﺪ ﻣﻌﺎﻫﺎ ﻓﻲ ﻧﻔﺲ ﺍﻟﺪﺍﺭ ، ﻛﺎﻧﺖ ﺗﺤﺎﻭﻝ ﺗﺬﻭﻗﻪ ﺟﺰﺀ ﻣﻦ ﺍﻻﻟﻢ ﺍﻟﻲ ﺣﺴﺎﺗﻪ ﻫﻲ ، ﻟﻜﻦ ﻫﻲ ﻛﺎﻧﺖ ﺗﺰﻳﺪ ﻓﻲ ﺭﻭﺣﻬﺎ ﻋﺬﺍﺏ )
،،،،،،،،،،،،،،
ﻣﻊ ﺍﻟﺴﺎﻋﻪ ٩
ﺭﺣﻤﺔ ﺧﺸﺖ ﻟﻠﺪﺍﺭ : ﻣﺤﻤﻮﺩ ﻳﺒﻲ ﻳﺨﺶ
ﺍﻧﻲ ﻋﺪﻟﺖ ﻣﻦ ﺭﻭﺣﻲ ﺷﻮﻳﺔ ﻭﺣﺎﻭﻝ ﻧﻘﻌﻤﺰ : ﺑﺎﻫﻲ ﺧﻠﻴﻪ ﻳﺨﺶ ، ﻧﻮﺍﻝ ﺟﻨﺒﻚ ﻭﺷﺎﺣﻚ ﻭﺍﻻ
ﻧﻮﺍﻝ ﻗﺎﻣﺖ ﻭﺷﺎﺣﻬﺎ ﻭﻟﻔﺎﺗﻪ ﻉ ﺍﻟﺴﺮﻳﻊ : ﺍﻳﻪ ، ﻭﻗﻠﺒﻬﺎ ﻗﻌﺪ ﻳﺪﻕ ﺑﻘﻮﺓ ﻭﺗﺪﻋﻲ ﻓﻲ ﺩﺍﺧﻠﻬﺎ ﺍﻥ ﺷﺎﺀ ﺍﻟﻠﻪ ﺭﺑﻲ ﻳﻘﺪﺭﻧﻲ ﻭﻧﻜﻮﻥ ﻗﻮﻳﺔ ، ﻳﺎﺭﺑﻲ ﻣﺎﻧﻀﻌﻔﺶ ﻗﺪﺍﻣﻪ
ﻣﺤﻤﻮﺩ ﺧﺶ : ﺍﻟﺴﻼﻡ ﻋﻠﻴﻜﻢ ، ﻭﺗﻠﻔﺖ ﺍﻟﻘﻲ ﻧﻮﺍﻝ ، ﺗﻮﺗﺮ ،
ﺍﺣﻨﻲ : ﻭﻋﻠﻴﻜﻢ ﺍﻟﺴﻼﻡ
ﻣﺤﻤﻮﺩ : ﺍﻟﺤﻤﺪ ﻟﻠﻪ ﻉ ﺳﻼﻣﺘﻚ ﺷﻦ ﺍﺧﺒﺎﺭﻙ
ﺍﻧﻲ : ﺍﻟﻠﻪ ﻳﺴﻠﻤﻚ ﺑﺎﻫﻲ ﺍﻟﺤﻤﺪ ﻟﻠﻪ ، ﺷﻦ ﺍﺧﺒﺎﺭﻙ ﺍﻧﺖ
ﻋﻤﺘﻲ : ﻭﻳﻨﻚ ﺍﻟﻴﻮﻡ ﻣﺎﺭﻭﺣﺘﺶ ﻗﺒﻞ ﺗﺮﻭﺡ ﺍﻟﻈﻬﺮ ﺗﺒﺪﻝ ﻭﺗﻄﻠﻊ ، ﻭﻳﻨﻚ ﺣﺘﻰ ﻏﺪﺍﻙ ﻗﺎﻋﺪ ﻟﺘﻮ
ﻣﺤﻤﻮﺩ : ﺗﻐﺪﻳﺖ ﻋﻨﺪ ﺻﺎﺣﺒﻲ ﻣﺎﺗﺪﻭﺭﻳﺶ ، ﻛﻴﻒ ﺣﺎﻟﻚ ﻳﺎﻧﻮﺍﻝ
ﻧﻮﺍﻝ ﻗﺎﻣﺖ ﺭﺍﺳﻬﺎ : ﺍﻟﺤﻤﺪ ﻟﻠﻪ
ﻭﻓﺎﺀ : ﺑﺎﻟﻠﻪ ﺣﻤﻴﺪﺍ ﻧﻄﻠﺐ ﻣﻨﻚ ﻃﻠﺐ
ﻣﺤﻤﻮﺩ : ﺷﻨﻮ ؟
ﻭﻓﺎﺀ : ﺑﺘﻮﻝ ﺭﻗﺪﺕ ﻧﺒﻲ ﻧﺮﻛﺒﻬﺎ ﻭﻣﻌﺎﺵ ﻗﺪﺭﺕ ﻧﻘﻴﻤﻬﺎ
ﻣﺤﻤﻮﺩ : ﺑﺎﻩ ﻫﺎﺗﻴﻬﺎ ﻧﺮﻛﺒﻬﺎﻟﻚ
ﻭﻓﺎﺀ ﻗﺎﻣﺘﻬﺎ ﻭﻣﺪﺗﻬﺎﻟﻪ : ﻫﻲ ﺗﺼﺒﺤﻮ ﻉ ﺧﻴﺮ
ﻋﻤﺘﻲ : ﻣﺰﺍﻝ ﺑﻜﺮﻱ ﺯﺩﺗﻲ ﻫﺪﺭﺯﺗﻲ
ﻭﻓﺎﺀ : ﻭﺍﻟﻠﻪ ﺑﻨﻮﺗﻲ ﻋﺸﻲ ﻟﻌﺒﺪﻭ ﻗﺮﻳﺐ ﻳﺮﻭﺡ
ﻋﻤﺘﻲ : ﺍﻫﺎ ﺑﺎﻩ ﺗﺼﺒﺤﻲ ﻉ ﺧﻴﺮ
ﻭﻓﺎﺀ : ﻭﺍﻧﺘﻮ ﺑﺨﻴﺮ ، ﻭﺍﻟﺤﻤﺪ ﻟﻠﻪ ﻉ ﺳﻼﻣﺘﻚ ﻳﺎﻧﻮﺳﻪ ﻣﺮﺓ ﺗﺎﻧﻴﻪ
ﺍﻧﻲ : ﺍﻟﻠﻪ ﻳﺴﻠﻤﻚ
ﺭﻛﺒﺖ ﻭﻓﺎﺀ ﻭﻣﺤﻤﻮﺩ ﻭﺭﺍﻫﺎ ، ﺭﻛﺒﻠﻬﺎ ﺑﻨﺘﻬﺎ ﻭﻧﺰﻝ ﺧﺶ ﻟﺪﺍﺭﻩ ﻃﻮﻝ
ﻗﻌﺪﻧﺎ ﻧﻬﺪﺭﺯﻭ ﻟﻌﻨﺪ 12 ﺧﺸﺖ ﻋﻤﺘﻲ ﺭﻗﺪﺕ ﻭﺭﺣﻤﺔ ﺧﺸﺖ ﺩﺍﺭﻫﺎ ﻭﻧﻮﺍﻝ ﻓﺮﺷﺖ ﺟﻨﺒﻲ ﻭﺍﺗﻜﺖ ﻭﺳﺮﺣﺎﻧﻪ
ﺍﻧﻲ : ﺍﺳﻤﻌﻴﻲ ﻣﺎﻻﺣﻈﺘﻴﺶ ﻣﺤﻤﻮﺩ ﺟﻮﻩ ﻣﺶ ﻣﻠﻴﺢ
ﻧﻮﺍﻝ ﺳﺮﺣﺎﺍﻧﻪ ﻣﺎﺗﻨﺪﺭﻱ ﻉ ﺍﻟﺪﻧﻴﺎ
ﺍﻧﻲ : ﻧﻮﺍﻝ ﻓﻲ ﻣﻦ ﻧﻜﻠﻢ ، ﻭﺍﻻ ﻣﺘﻌﺎﺭﻛﻴﻦ
ﻧﻮﺍﻝ ﻗﺎﻋﺪﻩ ﺳﺮﺣﺎﻧﻪ
ﺍﻧﻲ ﻣﺪﻳﺖ ﻳﺪﻱ ﻧﺨﺼﺘﻬﺎ ﺑﺎﻟﻘﻮﻭﺓ : ﻧﻮﻭﻭﺍﻟﻞ
ﻧﻮﺍﻝ ﺗﻠﻔﺘﺖ ﺑﺨﻠﻔﻌﻪ : ﺗﻲ ﺧﻴﺮﺭﻙ
ﺍﻧﻲ : ﺗﻲ ﻟﻴﺎ ﺳﺎﻋﻪ ﻧﻜﻠﻢ ﻓﻴﻚ
ﻧﻮﺍﻝ : ﺗﺒﻲ ﺣﺎﺟﺔ
ﺍﻧﻲ : ﻣﺘﻌﺎﺭﻛﺔ ﺍﻧﺘﻲ ﻭﻣﺤﻤﻮﺩ ؟
ﻧﻮﺍﻝ ﻗﻌﻤﺰﺕ : ﻣﺶ ﻋﺎﺭﻓﻪ ﻛﻴﻒ ﻧﻘﻮﻟﻚ
ﺍﻧﻲ : ﻳﺴﺎﺍﺗﺮ ﺍﻥ ﺷﺎﺀ ﺍﻟﻠﻪ ﺧﻴﺮ
ﻧﻮﺍﻝ : ﺣﻜﺘﻠﻲ ﻛﻞ ﺍﻟﻲ ﺻﺎﺭ
ﺍﻧﻲ : ﻣﺶ ﻋﺎﺭﻓﻪ ﺍﻣﺮ ﻣﺤﻴﺮ
ﻧﻮﺍﻝ : ﻣﻌﺎﺵ ﻋﺮﻓﺖ ﻛﻴﻒ ﻧﺘﺼﺮﻑ ، ﻗﺎﻟﺘﻠﻲ ﻧﻮﻭﺭﺱ .....
ﺍﻧﻲ : ﺻﺢ ﺍﺣﺴﻦ ﺣﺎﺟﺔ
ﻭﺷﻮﻱ ﻭﻳﺮﻥ ﻓﻮﻧﻲ ﺍﻟﻘﻴﺘﻪ ﻭﻟﻴﺪ
ﺍﻧﻲ : ﻧﻌﻢ ﻳﺎﺑﻴﺒﻲ
ﻭﻟﻴﺪ : ﺑﺘﺮﺭﻗﺪﻱ ﻟﻮﻃﻰ ؟
ﺍﻧﻲ : ﺍﻳﻪ ﻗﺎﻟﻮﻟﻲ ﻓﻜﻚ ﻣﻦ ﺍﻟﺪﺭﻭﺝ
ﻭﻟﻴﺪ : ﺑﻨﻘﻌﺪﺩ ﻓﻲ ﺍﻟﺸﻘﻪ ﺑﺮﻭﺣﻲ ﺍﻧﻲ ﺍﻟﻴﻮﻡ
ﺍﻧﻲ : ﻣﻌﻠﻴﺸﻲ ﺍﺳﺘﺎﺣﺸﻨﻲ
ﻭﻟﻴﺪ : ﻧﺒﻲ ﻧﺨﺶ ﻧﺸﻮﻓﻚ ﻗﺒﻞ ﻣﺎﻧﺮﻛﺐ
ﺍﻧﻲ : ﺑﺎﻫﻲ ﺧﺶ ﺭﺍﻗﺪﻳﻦ ﻣﻌﺎﻱ ﻧﻮﺍﻝ ﺑﺲ
ﻭﻟﻴﺪ : ﺑﺎﻩ ﺷﻮﻳﺔ ﻭﻧﻮﺻﻞ ﺍﻧﻲ
ﺍﻧﻲ : ﺑﺎﻩ ﺭﺩ ﺑﺎﻟﻚ ﻉ ﺭﻭﺣﻚ ، ﺳﻼﻡ
ﻧﻮﺍﻝ : ﺑﻴﺨﺸﻠﻚ
ﺍﻧﻲ : ﺍﻳﻪ ﻳﺒﻲ ﻳﺸﻮﻓﻨﻲ
ﻧﻮﺍﻝ : ﺑﺎﻫﻲ
ﻭﺷﻮﻱ ﻭﺟﻲ ﻭﻟﻴﺪ ﺍﻭﻝ ﻣﺎﺧﺶ ﻧﻮﺍﻝ ﻃﻠﻌﺖ ، ﻋﻠﻲ ﺍﺳﺎﺱ ﺗﺨﻠﻴﻨﺎ ﺑﺮﺍﺣﺘﻨﺎ ﻭﺟﻮ ، ﺧﺸﺖ ﻟﻠﻤﻄﺒﺦ
ﻭﻟﻴﺪ ﻗﻌﻤﺰ ﻭﺑﺎﺱ ﺧﺪﻱ : ﺷﻦ ﺗﺤﺴﻲ ﺗﻮﺍ ﺑﻴﺒﻲ ؟
ﺍﺗﻲ : ﺍﻟﺤﻤﺪ ﻟﻠﻪ ﺍﺣﺴﻦ ﻳﺎﺭﻭﺣﻲ
ﻭﻟﻴﺪ : ﺑﺎﻩ ﺍﻟﺤﻤﺪ ﻟﻠﻪ ، ﻭﻳﺒﻮﺱ ﻓﻲ ﻳﺪﻱ ، ﺷﻦ ﻳﺼﺒﺮﻧﻲ ﺍﻧﻲ ﻋﻠﻲ ﺑﻌﺪﻙ
ﺍﻧﻲ ﺍﺑﺘﺴﻤﺖ : ﻛﻠﻪ ﻳﻬﻮﻥ ﻳﺎﺭﻭﺣﻲ
ﻧﻮﺍﻝ ﻋﺒﺖ ﻃﺎﺳﻪ ﻣﻴﻪ ﻭﻗﻌﻤﺰﺕ ﻉ ﺍﻟﻜﺮﺳﻲ ﻭﻗﻌﺪﺕ ﺗﺸﺮﺏ ﻭﺳﺮﺣﺎﻧﻪ ﻭﻋﺎﻃﻴﻪ ﺍﻟﺒﺎﺏ ﺑﻈﻬﺮﻫﺎ
ﻣﺤﻤﻮﺩ ﺧﺎﺵ ﻣﻦ ﺑﺎﺏ ﺍﻟﻤﻄﺒﺦ ﺷﺎﻓﻬﺎ ﺧﺶ ﺑﺎﻟﺸﻮﻳﺔ ﻭﺳﻜﺮﺕ ﻭﺭﺍﻩ ﺍﻟﺒﺎﺏ
ﻧﻮﺍﻝ ﺗﻠﻔﺖ : ﻭﻭﻭﻭﻭﻭﻭ .......
،،،،،،،،
ﻭﻟﻴﺪ : ﺧﺪﻳﺘﻲ ﺩﻭﺍﻙ ﻳﺎﻗﻠﺒﻲ
ﺍﻧﻲ : ﺍﺧﺪﻳﺖ ﺍﻳﻪ
ﻭﻟﻴﺪ ﻛﻴﻒ ﺑﻴﺘﻜﻠﻢ ﻗﻄﻊ ﻋﻠﻴﻪ ﺗﻠﻴﻔﻮﻧﻪ ﺍﻟﻲ ﺷﺮﻳﻦ
ﻭﻟﻴﺪ : ﺍﻟﻮﻭ
ﺍﻟﻤﺘﺼﻞ : ﻭﻟﻴﺪﺩ ﺃﻟﺤﻖ ............
ﻭﻟﻴﺪ ﻭﻗﻒ ﺑﻔﺰﺯﻉ : ﺷﻦ ﺗﻘﻮﻝ ﺍﻧﺖ ﻣﺘﺎﻛﺪ ﻣﻦ ﺍﻟﻤﻮﺿﻮﻉ ، ﻛﻴﻴﻴﻒ ﺻﺎﺭ ﺑﺲ
ﻭﻭﻭﻭﻭ ..........
# ﻳﺘﺒﻊ
