منقولة
الحلقةة[28]
من ﺭﻭﺍﻳﺔ - - ->" #ﺳﻨــﺪ_ﺍﻷﻧﺜــﻰ_ﺭﺟــﻞ "
ﺑﻌﺪ ﺃﺳﺒﻮﻉ
ﺧﻼﻝ ﺍﻷﺳﺒﻮﻉ ﻣﻨﺼﻮﺭ ﺧﻄﺐ ﻣﻨﻰ ﻭﺑﻮﻫﺎ ﻭﺍﻓﻖ ﻋﻠﻰ ﻃﻮﻝ ﻻﻧﻪ ﻳﺸﻮﻑ ﻓﻴﻬﺎ ﻓﺮﺻﻪ ﻣﺎﺗﺘﻀﺎﻳﻌﺶ ﻭﺍﻧﻪ ﻭﺍﺿﺢ ﻋﻠﻲ ﻣﺤﻤﻮﺩ ﻣﺎﻳﺒﻴﻬﺎﺵ ﻭﻟﻴﺪ ﺃﻛﺪ ﻟﻤﺤﻤﻮﺩ ﺍﻧﻪ ﻳﺮﻭﺡ
ﻃﺒﻌﺎ ﻧﻮﺍﻝ ﻗﺎﻋﺪﻩ ﻣﺎﺗﻌﺮﻓﺶ ﺍﻧﻪ ﻣﺤﻤﻮﺩ ﺣﻴﺮﻭﺡ ﻭﻫﻮ ﻛﻞ ﻳﻮﻡ ﻗﻌﺪ ﻳﻜﻠﻢ ﻓﻴﻬﺎ ﻳﺴﻤﻌﻬﺎ ﺍﻏﻨﻴﻪ ﺣﺐ ﻭﻳﺴﻜﺮ ﻗﻌﺪ ﻃﻮﻝ ﺍﻻﺳﺒﻮﻉ ﻧﻔﺲ ﺍﻟﺤﺮﻛﺔ
،،
ﺍﻟﻴﻮﻡ ﻋﺰﻣﺖ ﻣﺎﻣﺎ ﻭﺍﺧﻮﺍﺗﻲ ﻳﺠﻮ ﻳﺘﻐﺪﻭ ﻋﻨﺪﻱ
ﺍﻣﺲ ﺍﺗﺼﻞ ﻣﺤﻤﻮﺩ ﻭﻫﻮ ﺍﻟﻴﻮﻡ ﻣﺮﻭﺡ ﻳﻮﺻﻞ ﺍﻟﻌﺸﻴﻪ ، ﺍﻧﻲ ﻭﻭﻟﻴﺪ ﻭﻋﺒﺪ ﺍﻟﻘﺎﺩﺭ ﺑﺲ ﻧﻌﺮﻓﻮ ﻭﺻﺎﺩﻑ ﺍﻟﻴﻮﻡ ﺍﺧﻮﺍﺗﻲ ﻋﻨﺪﻱ
ﻧﻮﺍﻝ ﻣﺤﻤﻮﺩ ﻣﺎﺍﺗﺼﻠﺶ ﺑﻴﻬﺎ ﻻﺍﻣﺲ ﻭﻻﺍﻟﻴﻮﻡ ﻓﻘﺎﻋﺪﻩ ﺗﺪﻭﺭ ﻓﻲ ﺍﻟﺤﻮﺵ ﻭﺷﺎﺩﻩ ﺍﻟﺘﻠﻴﻔﻮﻥ ﻭﺗﺴﺘﻨﻰ ﻓﻲ ﺍﺗﺼﺎﻟﻪ
ﺍﻧﻲ ﺟﻴﺘﻬﺎ : ﻧﻮﺍﻝ ﺧﻴﺮﻙ
ﻧﻮﺍﻝ : ﺷﻲ
ﺍﻧﻲ : ﺍﺣﻜﻲ
ﻧﻮﺍﻝ : ﻣﺤﻤﻮﺩ ﻣﺎﺍﺗﺼﻠﺶ ﻻﺍﻣﺲ ﻻ ﺍﻟﻴﻮﻡ ﺍﻧﺸﻐﻠﺖ ﺗﻌﻮﺩﺕ ﻋﻠﻴﻪ ﻛﻞ ﻳﻮﻡ ﻳﺘﺼﻞ
ﺍﻧﻲ ﺍﺑﺘﺴﻤﺖ : ﺗﻮ ﻳﺘﺼﻞ ﻣﺎﺗﺸﻐﻠﻴﺶ ﺑﺎﻟﻚ ﻫﻲ ﺗﻌﺎﻟﻲ ﺑﺤﻄﻮ ﺍﻟﻐﺪﻱ
ﻧﻮﺍﻝ ﺑﻀﻴﻖ : ﺑﺎﻩ
ﻗﻌﺪﻧﺎ ﻧﻮﺗﻮ ﻓﻲ ﺍﻟﻐﺪﻱ ﻭﻃﺒﻌﺎ ﻋﻤﺘﻲ ﻭﺭﺣﻤﺔ ﻭﻭﻓﺎﺀ ﻋﻨﺪﻱ
ﺣﻄﻴﻨﺎ ﺍﻟﻐﺪﻱ ﻭﺑﻌﺘﺖ ﺻﻮﻧﻴﻪ ﻟﻮﻟﻴﺪ ﻭﻋﺒﺪ ﺍﻟﻘﺎﺩﺭ ﻗﻌﺪﻧﺎ ﻧﺘﻐﺪﻭ ﻭﻧﻬﺪﺭﺯﻭ ﺑﺲ ﻗﻌﺪﺕ ﻣﺮﻛﺰﺓ ﻋﻠﻲ ﻧﻮﺍﻝ ﺗﺎﻛﻞ ﻣﻦ ﻏﻴﺮ ﻧﻴﻪ
ﻋﻤﺘﻲ ﻟﻨﻮﺍﻝ : ﻛﻮﻟﻲ ﻳﺎﺑﻨﻴﺘﻲ ﻣﻦ ﺑﻜﺮﻱ ﻧﺸﻮﻑ ﻓﻴﻚ ﺗﻨﻘﺸﻲ ﺗﻨﻘﻴﺶ
ﻣﺎﻣﺎ : ﻣﺶ ﻋﺎﺭﻓﻪ ﺧﻴﺮﻫﺎ ﻣﻮﻟﻴﻪ ﻫﻜﻲ ﻣﻌﺎﺵ ﺗﺎﻛﻞ ﺑﺎﻫﻲ ﻫﺬﺍ ﻣﺎﺩﺍﻳﺮﺗﻠﻲ ﻓﻲ ﺍﻟﺤﻮﺵ
ﻧﻮﺍﻝ : ﻧﺄﻛﻞ ﺍﻫﻮ
ﻋﻤﺘﻲ : ﻭﻳﻦ ﺗﺄﻛﻠﻲ ﻣﺎﻳﺠﻮﺵ ﺧﻤﺲ ﻛﻮﺍﺷﻴﻚ ﻛﻠﻴﺘﻴﻬﻢ ، ﻭﻗﻌﺪﺕ ﺗﺤﻄﻠﻬﺎ ﻓﻲ ﺍﻟﻜﺴﻜﺴﻲ ﻗﺪﺍﻣﻬﺎ ﻭﺗﺤﻄﻠﻬﺎ ﻓﻲ ﺍﻟﻠﺤﻢ ﻭﺗﻘﻮﻟﻠﻬﺎ ﻛﻮﻟﻲ
ﻭﻧﻮﺍﻝ ﺗﺤﺸﻤﺖ ﻗﻌﺪﺕ ﺗﺎﻛﻞ ﺑﺎﻟﺴﻴﻒ
ﻭﺍﺣﻨﻲ ﻧﻀﺤﻜﻮ ﻭﺧﻼﺹ ﻗﺪﺭﺗﻬﺎ ﻋﻤﺘﻲ ﻭﺧﻠﺘﻬﺎ ﺗﺎﻛﻞ ﻭﻣﺎﺑﺘﺶ ﺗﺨﻠﻴﻬﺎ ﺗﻨﻮﺽ ﺍﻟﻰ ﺍﺧﺮ ﻭﺣﺪﺓ
ﻗﻤﻨﺎ ﺍﻟﺴﻔﺮ ﻭﻗﻌﺪﻧﺎ ﻧﻐﺴﻠﻮ ﻓﻲ ﺍﻻﻣﺎﻋﻴﻦ
ﻧﻮﺭﺱ ﺗﻤﺪ ﺍﻟﺼﻮﻧﻴﻪ ﻟﻨﻮﺍﻝ : ﻫﻬﻬﻬﻪ ﻭﺍﻟﻠﻪ ﻗﺪﺍﺗﻚ ﻋﻤﺘﻲ ﻓﺘﺤﻴﻪ
ﻭﻓﺎﺀ : ﻫﻬﻬﻬﻪ ﻫﺎﺩﻱ ﻣﺮﺕ ﻋﻤﻲ ﺩﻳﻤﺎ ﻫﻜﻲ ﻛﺎﻥ ﺍﻛﻠﻴﺘﻲ ﺟﻨﺒﻬﺎ ﻣﺴﺘﺤﻴﻞ ﺗﺨﻠﻴﻚ ﺗﻨﻮﺿﻲ ﻟﻴﻦ ﺗﺪﻳﺮﻟﻚ ﺗﺨﻤﻪ
ﺍﻧﻲ : ﻫﻬﻬﻬﻬﻬﻪ ﺗﺴﺘﺎﻫﻠﻲ ﺑﻴﺶ ﻣﻌﺎﺵ ﺗﺪﻟﻌﻲ
ﻧﻮﺍﻝ : ﺗﻮ ﺍﻧﺘﻮ ﻋﺎﺩ ﺷﻦ ﻳﺴﻠﻜﻨﻲ ﻣﻨﻜﻢ ﻣﺪﻳﻠﻲ ﺍﻟﺴﻔﺮﺓ ﻣﺪﻱ
ﺍﻧﻲ ﻗﻌﺪﺕ ﻧﻮﺗﻲ ﻓﻲ ﺍﻟﺸﺎﻫﻲ ﻭﺍﻟﺤﻠﻮﻳﺎﺕ
ﻧﻮﺭﺱ ﻭﻧﺮﺟﺲ ﻳﻐﺴﻠﻮ ﻓﻲ ﺍﻻﻣﺎﻋﻴﻦ ﻭﻭﻓﺎﺀ ﻭﻧﻮﺍﻝ ﻳﻀﻤﻮ
ﻛﻤﻠﻨﺎ ﺍﻟﻤﻄﺒﺦ ﻭﺣﻄﻴﻨﺎ ﺍﻟﺸﺎﻫﻲ ﻭﻗﻌﺪﻧﺎ ﻧﻬﺪﺭﺯﻭ ﺷﻮﻱ ﻧﺴﻤﻊ ﻓﻲ ﻭﻟﻴﺪ ﻳﻨﺎﺩﻱ ﻓﻴﺎ ﻃﻠﻌﺖ ﺍﻟﻘﻴﺘﻪ ﻭﺍﻗﻒ ﻳﻤﺸﻂ ﻓﻲ ﺷﻌﺮﻩ ﻋﻠﻲ ﺍﻟﻤﺮﺍﻳﻪ ﺍﻟﻲ ﺟﻨﺐ ﺍﻟﺒﺎﺏ
ﺍﻧﻲ : ﻧﻌﻢ ﺣﺒﻴﺒﻲ
ﻭﻟﻴﺪ : ﺍﻧﻲ ﺗﻮﺍ ﻃﺎﻟﻊ ﺑﻨﻤﺸﻲ ﻧﺠﻴﺐ ﻣﺤﻤﻮﺩ ﺗﺒﻮ ﺍﻱ ﺣﺎﺟﺔ ﻋﺒﺪ ﺍﻟﻘﺎﺩﺭ ﻗﺎﻋﺪ
ﺍﻧﻲ : ﺗﻤﺎﻡ ﺩﻳﺮ ﺑﺎﻟﻚ ﻣﻦ ﺍﻟﻄﺮﻳﻖ
ﻭﻟﻴﺪ : ﺣﺎﺿﺮ ،ﻭﻗﺮﺏ ﻣﻨﻲ ﻭﺷﺪ ﻭﺟﻬﻲ ﺑﻴﻦ ﻳﺪﻳﻪ ﻭﺑﺎﺳﻨﻲ ﻋﻠﻲ ﺭﺍﺳﻲ
ﺍﻧﻲ ﺍﺑﺘﺴﻤﺖ : ﻓﻲ ﺣﻔﻆ ﺍﻟﻠﻪ
ﻭﻟﻴﺪ : ﻣﻊ ﺍﻟﺴﻼﻣﻪ
ﻃﻠﻊ ﻭﻟﻴﺪ ﻭﺍﻧﻲ ﻭﻟﻴﺖ ﺧﺸﻴﺖ ﻗﻌﻤﺰﺕ ﺟﻨﺒﻬﻢ
ﻣﺎﻣﺎ : ﻛﻴﻒ ﺣﺎﻟﻪ ﻭﻟﻴﺪﻙ ﺍﻟﻲ ﻓﻲ ﺍﻣﺮﻳﻜﻴﺎ
ﻋﻤﺘﻲ : ﺍﻟﺤﻤﺪ ﻟﻠﻪ ﺍﻫﻮ ﻳﻜﻠﻢ ﻓﻴﺎ ﻣﺮﺓ ﻣﺮﺓ ﺗﻮ ﻟﻴﻪ ﻳﻮﻣﻴﻦ ﻣﺎﻛﻠﻤﻨﻴﺶ
ﺍﻧﻲ ﺷﻔﺖ ﻟﻨﻮﺍﻝ ﺍﻟﻘﻴﺘﻬﺎ ﻣﺮﻛﺰﺓ ﻣﻌﺎﻫﻢ ﻭﻛﺄﻧﻬﺎ ﺗﺴﺘﻨﻰ ﻓﻲ ﺳﻴﺮﺗﻪ
ﻣﺎﻣﺎ : ﺍﻥ ﺷﺎﺀ ﺍﻟﻠﻪ ﺭﺑﻲ ﻳﻮﻓﻘﻪ
ﻋﻤﺘﻲ : ﺍﻥ ﺷﺎﺀ ﺍﻟﻠﻪ ﺳﻠﻤﻚ
،،،،،،
ﺍﻣﺎ ﻋﻨﺪ ﻭﻟﻴﺪ ﻓﺄﻣﺸﻲ ﻟﻠﻤﻄﺎﺭ ﻭﻗﻌﺪ ﻳﺴﺘﻨﻰ ﻟﺤﺪ ﻣﺎﺷﺎﻑ ﻣﺤﻤﻮﺩ ﻣﻦ ﺑﻌﻴﺪ ﺟﺎﻱ ﻭﻳﺘﻠﻔﺖ ﻳﻤﻴﻦ ﻭﻳﺴﺎﺭ ﻭﻳﻜﺮ ﻓﻲ ﺷﻨﻄﺘﻪ
ﻭﻟﻴﺪ ﺗﻘﺪﻣﻠﻪ ﺑﺨﻄﻮﺍﺕ ﺳﺮﻳﻌﻪ ﻭﻗﺮﺏ ﻣﻨﻪ ﻭﺍﺿﺒﻄﻪ
ﻣﺤﻤﻮﺩ ﺍﺿﺒﻄﻪ ﺣﺘﻰ ﻫﻮ
ﻭﻟﻴﺪ ﻳﻀﺮﺏ ﻣﺤﻤﻮﺩ ﻋﻠﻲ ﻛﺘﻔﻪ : ﻣﻌﺎﺍﺵ ﺗﻌﺎﺍﻭﺩﻫﺎ ﺍﻟﺤﻤﺪ ﻟﻠﻪ ﻉ ﺳﻼﻣﺘﻚ
ﻣﺤﻤﻮﺩ ﺷﺪ ﻛﺘﻔﻪ ﻛﺎﻧﺖ ﺍﻟﻀﺮﺑﻪ ﺣﺎﺭﺓ : ﺗﻲ ﺧﻴﺮﺭﻙ ﻳﺎﺭﺍﺟﻞ ﺍﻟﻠﻪ ﻳﺴﻠﻤﻚ
ﻭﻟﻴﺪ : ﺑﺎﺵ ﻣﻌﺎﺵ ﺗﻔﻜﺮ ﺗﺪﻳﺮﻫﺎ ﻣﺮﺓ ﺗﺎﻧﻴﻪ
ﻣﺤﻤﻮﺩ : ﻫﻬﻬﻬﻪ ﺑﺎﻩ ﺗﻮﺑﺔ
ﻭﺭﻛﺒﻮ ﻟﻠﺴﻴﺎﺭﺓ ﻭﺧﻼﻝ ﺍﻟﻄﺮﻳﻖ ﻭﻟﻴﺪ ﺍﺣﻜﻲ ﻟﻤﺤﻤﻮﺩ ﺍﻟﻲ ﺻﺎﺭ ﻭﻛﻴﻒ ﻋﻤﻪ ﻭﺍﻗﻒ ﻋﻠﻲ ﻣﻨﺼﻮﺭ
ﻣﺤﻤﻮﺩ : ﺍﻟﺤﻤﺪ ﻟﻠﻪ ﻭﺍﻟﻠﻪ ﺟﻤﻴﻠﻚ ﻋﻠﻴﺎﺍ ﺍﻧﺖ ﻣﺶ ﻋﺎﺩﻱ ﺍﺣﺴﻦ ﺧﻮﻭ ، ﻋﻨﺪﻱ ﻟﻴﻚ ﻫﺪﻳﺔ ﻋﺸﻲ ﺑﻮﺭﺩﻳﻢ ﻋﻠﻲ ﺣﺴﺎﺑﻲ ﺣﺎﺟﺔ ﺻﻘﻊ
ﻭﻟﻴﺪ : ﻫﻬﻬﻬﻪ ﺧﻼﺹ ﺗﻤﻢ ﻣﺎﺗﺘﺮﺍﺟﻌﺶ ﺑﺲ
،،،،،
ﻛﻨﺎ ﻣﻘﻌﻤﺰﻳﻦ ﻧﺸﺮﺑﻮ ﻓﻲ ﺍﻟﺸﺎﻫﻲ ﻟﻴﻦ ﺳﻤﻌﺖ ﻭﻟﻴﺪ ﻓﺘﺢ ﺍﻟﺒﺎﺏ ﻭﻧﺎﺩﺍﻧﻲ : ﻧﻮﻭﺳﻪ
ﺍﻧﻲ ﻧﻀﺖ ﻭﺟﻴﺘﻪ : ﻧﻌﻤﻢ ، ﻭﻗﺮﺑﺖ ﻣﻨﻪ ﺍﻛﺜﺮ : ﺷﻦ ﺻﺎﺭ ﺣﺒﻴﺒﻲ ﺟﺒﺘﻪ
ﻭﻟﻴﺪ : ﺍﻳﻪ ﺍﻫﻮ ﻗﺎﻋﺪ ﻓﻲ ﺍﻟﺪﺭﻭﺝ ﺍﻟﺒﺴﻲ ﺣﺎﺟﺔ ﻓﻮﻕ ﺭﺍﺳﻚ ﻭﻗﻮﻟﻴﻠﻲ ﻻﻣﻲ
ﺍﻧﻲ ﺑﻔﺮﺣﺔ : ﺑﺎﺍﻫﻲ
ﻭﺍﻣﺸﻴﺖ ﻟﺒﺴﺖ ﺑﺪﻟﻪ ﺍﻟﺼﻼﺓ ﻭﺟﻴﺖ ﻟﻌﻤﺘﻲ
ﺍﻧﻲ : ﻋﻤﻴﻴﻤﻪ ﻋﻤﻴﻴﻤﻪ ﺗﻌﺎﻟﻲ
ﻋﻤﺘﻲ ﺑﺨﻮﻑ : ﺷﻦ ﻓﻲ
ﺍﻧﻲ ﺍﺑﺘﺴﻤﺖ : ﻛﻞ ﺧﻴﺮﺭ ﻳﺎﻋﻤﻴﻤﻪ ﻏﻴﺮ ﻫﻲ ﺳﺎﻋﺪﻱ ﺭﻭﺣﻚ
ﻭﺳﺎﻋﺪﺗﻬﺎ ﻭﻗﻔﺖ ، ( ﻋﻤﺘﻲ ﻣﻦ ﻟﻤﺎ ﻣﺎﺕ ﻋﻤﻲ ﺣﺮﻛﺔ ﺭﺟﻠﻴﻬﺎ ﺑﺪﺕ ﺭﺯﻳﻨﻪ )
ﺍﻧﻲ ﺷﺎﺩﺓ ﻓﻲ ﻳﺪ ﻋﻤﺘﻲ ﻭﺭﺍﻓﻌﺘﻬﺎ : ﺭﺣﻤﻪ ﺗﻌﺎﻟﻲ ﺣﺘﻰ ﺍﻧﺘﻲ ﻭﺗﻠﻔﺘﺖ ﻟﻨﻮﺍﻝ ﺿﺤﻜﺘﻠﻬﺎ ﻭﻏﻤﺰﺗﻠﻬﺎ
ﻧﻮﺍﻝ ﺍﺳﺘﻐﺮﺑﺖ ﺧﻠﺘﻨﺎ ﻃﻠﻌﻨﺎ ﻟﻠﺼﺎﻟﺔ ﺍﺣﻨﻲ ﺟﻬﺔ ﺍﻟﺒﺎﺏ ﻭﻟﺤﻘﺘﻨﺎ
ﺍﻧﻲ : ﻳﺎﻋﻤﺘﻲ ﻋﻨﺪﻱ ﻟﻴﻚ ﻣﻔﺎﺟﺄﺓ ﺗﻔﺮﺭﺡ
ﻋﻤﺘﻲ : ﻣﺤﻤﻮﻭﺩ ﺭﻭﺡ
ﺍﻧﻲ ﺗﻠﻔﺘﻠﻬﺎ ﺍﺑﺘﺴﻤﺘﻠﻬﺎ : ﺍﻳﻪ
ﻋﻤﺘﻲ ﻗﻌﺪﺕ ﺗﺴﺮﻉ ﻓﻲ ﻣﺸﻴﺘﻬﺎ ﻭﻃﻠﻌﺖ ﻣﻦ ﺍﻟﺒﺎﺏ
ﻣﺤﻤﻮﺩ ﻛﺎﻥ ﻣﺘﻜﻲ ﻋﻠﻲ ﺣﺪﻳﺪ ﺍﻟﺪﺭﻭﺝ ﻗﺪﺍﻡ ﺍﻟﺒﺎﺏ ﻭﺍﻭﻝ ﻣﺎﺷﺎﻑ ﻋﻤﺘﻲ ﻃﻠﻌﺖ ﺟﺎﻫﺎ ﻳﺠﺮﻱ ﻭﺍﺿﺒﻄﻬﺎ
ﻋﻤﺘﻲ ﻗﻌﺪﺕ ﺗﺒﻜﻲ : ﺣﻤﻴﻴﺪﺍ ﺍﻟﺤﻤﺪ ﻟﻠﻪ ﻉ ﺳﻼﻣﺘﻚ ﻣﻌﺎﺵ ﺗﺴﻴﺒﻨﻲ ﻭﺭﺍﺱ ﻭﻟﻴﺪﻱ
ﻣﺤﻤﻮﺩ : ﺧﻼﺹ ﻣﻌﺎﺵ ﺗﺒﻜﻲ ﻳﺎﺍﻣﻲ ﻣﻌﺎﺵ ﻧﺴﻴﺒﻜﻢ ﺧﻼﺹ
ﻋﻤﺘﻲ ﻗﺎﻋﺪﻩ ﺗﺒﻜﻲ ﻭﻣﺤﻤﻮﺩ ﻗﻌﺪ ﻣﻀﺒﻄﻬﺎ
ﻧﻮﺍﻝ ﻗﺪﻣﺖ ﺟﻬﺔ ﺍﻟﻤﻤﺮ ﺍﻟﻲ ﻳﻄﻠﻊ ﻟﻠﺒﺎﺏ ﻭﻭﻗﻔﺖ ﻓﻲ ﻧﺺ ﺍﻟﻤﻤﺮ ﺍﻭﻝ ﻣﺎﺷﺎﻓﺖ ﻣﺤﻤﻮﺩ ﻛﻴﻒ ﻣﻀﺒﻂ ﻋﻤﺘﻲ ﻋﻴﻮﻭﻧﻬﺎ ﺗﻌﺒﻮﻭ ﺩﻣﻮﻉ ، ﺩﻣﻮﻉ ﺷﻮﻕ ﻭﻋﺘﺎﺏ ﻭﺣﺐ ﻭﺣﺮﻣﺎﻥ
ﻣﺤﻤﻮﺩ ﻗﺎﻡ ﺭﺍﺳﻪ ﻭﺟﺖ ﻋﻴﻨﻪ ﻓﻲ ﻋﻴﻦ ﻧﻮﺍﻝ ﻋﻴﻮﻧﻪ ﺯﻏﻠﻠﻮ ﺩﻣﻮﻉ ﻗﻌﺪ ﻳﺸﻮﻓﻠﻬﺎ ﻭﻛﺄﻧﻪ ﻳﻤﻸ ﻓﻲ ﻋﻴﻮﻧﻪ ﻣﻨﻬﺎ ﺑﻌﺪ ﻏﻴﺎﺏ ﻭﺷﻮﻕ ﻭﻏﺮﺑﻪ ﻋﻴﻮﻧﻪ ﺍﻟﻲ ﺗﻌﺒﻮ ﺣﺰﻥ ﻭﻭﺣﺪﺓ ﺍﻟﻐﺮﺑﻪ ﻳﺒﻲ ﻳﻤﻠﻴﻬﻢ ﺑﺪﻑﺀ ﺍﻟﺤﺐ ، ﻗﻌﺪ ﻣﻀﺒﻂ ﻋﻤﺘﻲ ﻛﺄﻧﻪ ﻓﻘﺪ ﺍﻟﺤﻨﺎﻥ ﻓﻲ ﺍﻟﻐﺮﺑﻪ ﺍﻟﻤﻈﻠﻤﺔ ﻭﻳﺸﻮﻑ ﻟﻨﻮﺍﻝ ﻭﻳﺘﻤﻨﻰ ﺍﻟﻮﻗﺖ ﻳﻮﻗﻒ ﻋﻨﺪﻩ ﻫﺎﻟﻠﺤﻈﺔ ﻛﺎﻧﺖ ﺍﺟﻤﻞ ﻟﺤﻈﺎﺕ ﺑﺎﻟﻨﺴﺒﻪ ﻟﻤﺤﻤﻮﺩ
ﺍﻧﻲ ﻗﻌﺪﺕ ﻧﺮﺍﻗﺐ ﻓﻲ ﻧﻈﺮﺍﺕ ﻣﺤﻤﻮﺩ ﻭﺣﺮﻛﺎﺗﻪ ﻭﺗﺄﺛﺮﺕ ﺑﺎﻟﻤﻮﻗﻒ ﻗﺮﻳﺐ ﺑﻜﻴﺖ
ﺭﺣﻤﺔ ﻣﻘﺎﻃﻌﻪ : ﻣﺎﻣﺎ ﺧﻠﻴﻨﻲ ﻧﺴﻠﻢ ﻋﻠﻴﻪ ﺣﺘﻰ ﺍﻧﻲ ﺧﻴﺮﻙ ﺷﺪﻳﺘﻴﻪ
ﻋﻤﺘﻲ : ﺍﺳﺘﺎﺣﺸﺘﻪ ﻭﻟﻴﺪﻱ ﻗﺮﻳﺐ ﺷﻬﺮ ﻏﺎﺏ ﻋﻠﻴﺎ ﻛﺎﻧﻪ ﺳﻨﻪ
ﻣﺤﻤﻮﺩ ﻓﻚ ﻋﻤﺘﻲ : ﺧﻼﺹ ﻳﺎﺍﻣﻲ ﻫﻬﻬﻬﻪ ﺑﺘﺨﻠﻴﻨﻲ ﺣﺘﻰ ﺍﻧﻲ ﻧﺒﻜﻲ ، ﻛﺎﻥ ﻳﺘﻜﻠﻢ ﻭﻋﻴﻮﻧﻪ ﻋﺎﻟﻘﺎﺕ ﻓﻲ ﻧﻮﺍﻝ
ﻣﺤﻤﻮﺩ ﺳﻠﻢ ﻋﻠﻲ ﺭﺣﻤﺔ ﻭﻫﻮ ﻳﺘﺤﺮﻙ ﻭﻋﻴﻮﻧﻪ ﻣﺎﻳﺘﺤﺮﻛﻮﺵ ﻋﻴﻮﻧﻪ ﺛﺎﺑﺘﻴﻦ ﻋﻠﻲ ﻧﻮﺍﻝ ﻛﺎﻥ ﻳﻠﻘﻰ ﺣﺘﻰ ﺍﻟﺮﻣﺶ ﻣﺎﻳﺮﻣﺸﺶ ﻣﺎﻳﺒﻴﺶ ﺗﻔﻮﺕ ﺗﺎﻧﻴﻪ ﻣﻦ ﻏﻴﺮ ﻣﺎﻳﺸﻮﻓﻬﺎ ﻛﺎﻧﻮ ﻋﻴﻮﻧﻪ ﻳﺤﻜﻮ ﻣﻌﻨﻰ ﺍﻟﺸﻮﻕ ﺍﻟﻲ ﺩﺍﺧﻠﻪ
ﺍﻧﻲ ﻗﺪﻣﺖ ﺳﻠﻤﺖ ﻋﻠﻴﻪ : ﺍﻟﺤﻤﺪ ﻟﻠﻪ ﺍﻟﺴﻼﻣﻪ ﻳﺎﻣﺤﻤﻮﺩ ﻣﻌﺎﺵ ﺗﻌﺎﻭﺩﻫﺎ ﻭﺗﻐﻴﺐ ﻫﻜﻲ
ﻣﺤﻤﻮﺩ ﻳﺤﻚ ﺷﻌﺮﻩ ﻭﻳﻀﺤﻚ : ﻫﻬﻬﻬﻬﻪ ﺍﻋﺘﺒﺮﻭﻧﻲ ﻧﻘﻴﺲ ﻓﻲ ﻏﻼﻱ
ﻋﻤﺘﻲ ﺿﺮﺑﺎﺗﻪ ﺿﺮﺑﻪ ﺧﻔﻴﻔﻪ ﻋﻠﻲ ﻳﺪﻩ : ﻣﻌﺎﺵ ﺗﻘﻴﺲ ﻏﻼﻙ ﻭﺍﺍﺿﺢ
ﻣﺤﻤﻮﺩ : ﻫﻬﻬﻬﻪ ، ﻭﻗﺎﻡ ﻋﻴﻮﻧﻪ ﻟﻤﻜﺎﻥ ﻧﻮﺍﻝ ﺍﻟﻘﺎﻫﺎ ﻣﻬﻨﺎﺵ ﻗﻌﺪ ﻳﺪﻭﺭ ﺑﻌﻴﻮﻧﻪ ﺩﺍﺧﻞ ﺍﻟﺤﻮﺵ ﻣﺎﻟﻘﻬﺎﺵ
ﻧﻮﺍﻝ ﻟﻤﺎ ﺩﻣﻮﻋﻬﺎ ﻏﻠﺒﻮﻫﺎ ﻭﻧﺰﻟﻮ ﻟﻔﺖ ﻭﺧﺸﺖ ﺑﺴﺮﻋﻪ ﻟﻠﺤﻤﺎﻡ ( ﺣﺸﺎﻛﻢ )
ﻭﻟﻴﺪ : ﻫﻲ ﺧﺸﻮ ﺍﻟﺪﺍﺍﺧﻞ ﺷﻦ ﺑﺘﻘﻌﺪﻭ ﻭﺍﻗﻔﻴﻦ ﻓﻲ ﺍﻟﺪﺭﻭﺝ
ﻋﻤﺘﻲ : ﺧﻠﻲ ﻧﻨﺰﻝ ﻳﺎﺳﺮ ﺛﻘﻠﻨﺎ ﻋﻠﻴﻜﻢ ﻭﺧﻠﻲ ﻧﻄﻴﺐ ﺣﺎﺟﺔ ﻟﻤﺤﻤﻮﺩ ﺍﻛﻴﺪ ﺟﻌﺎﻥ ﻭﻟﻴﺪﻱ
ﺍﻧﻲ : ﻻﻻ ﺑﺎﻟﻌﻜﺲ ﻳﺎﻋﻤﻴﻤﻪ ﻭﺍﻟﻠﻪ ﻓﺮﺣﺎﻧﻪ ﺑﻴﻜﻢ ، ﻭﺍﻧﻲ ﻣﺨﻠﻴﺘﻠﻪ ﻏﺪﺍﻩ ﻣﺤﻤﻮﺩ ﺗﻮ ﻧﺤﻄﻬﻮﻟﻪ
ﻋﻤﺘﻲ ﺗﻠﻔﺘﺘﻠﻲ : ﻭﺍﻧﺘﻲ ﺍﻥ ﺷﺎﺀ ﺍﻟﻠﻪ ﺗﻌﺮﻓﻲ ﺍﻧﻪ ﺟﺎﻱ
ﺍﻧﻲ ﺑﺨﻮﻑ : ﻫﻬﻬﻬﻪ ﺍﻳﻪ
ﻣﺤﻤﻮﺩ : ﻫﻬﻬﻬﻬﻪ ﺣﺼﻠﺘﻲ ﻳﺎﻣﺮﺕ ﺧﻮﻱ ، ﻳﺎﺍﻣﻲ ﺍﻧﻲ ﻗﻠﺘﻠﻬﻢ ﻣﺎﺗﻘﻮﻟﻮﺵ
ﻋﻤﺘﻲ : ﺗﻲ ﺑﺎﻫﻲ ﺑﺎﻩ
ﻭﺧﺸﻮ ﺍﻟﺪﺍﺧﻞ ﻓﺘﺤﺖ ﺍﻟﺼﺎﻟﻮﻥ ﻭﻗﻌﻤﺰﻭ ﻓﻴﻪ ﻣﺤﻤﻮﺩ ﻭﻭﻟﻴﺪ ﻭﻋﻤﺘﻲ ﻗﻌﻤﺰﺕ ﻣﻌﺎﻫﻢ
ﺍﻧﻲ ﺧﺸﻴﺖ ﻟﻠﺪﺍﺭ ﺍﻟﻲ ﻣﻘﻌﻤﺰﻳﻦ ﻓﻴﻬﺎ ﻣﺎﻣﺎ ﻭﺍﺧﻮﺍﺗﻲ
ﻣﺎﻣﺎ : ﻭﻳﻦ ﺍﻣﺸﻴﺘﻮ ﺷﻦ ﻓﻲ
ﺍﻧﻲ : ﻣﺤﻤﻮﺩ ﺭﻭﺡ ﻭﺩﺍﻳﺮﻫﺎ ﻣﻔﺎﺟﺌﺔ ﻟﻌﻤﺘﻲ
ﻭﻓﺎﺀ : ﻭﺍﻟﻠﻪ ، ﺧﻠﻲ ﺍﻣﺎﻻ ﻧﻤﺸﻲ ﻧﺴﻠﻢ ﻋﻠﻴﻪ
ﺍﻧﻲ : ﻓﻲ ﺍﻟﺼﺎﻟﻮﻥ ﺗﻠﻘﻴﻬﻢ
ﻣﺎﻣﺎ : ﻧﻤﺸﻲ ﺣﺘﻰ ﺍﻧﻲ ﻧﺘﺤﻤﺪﻟﻪ ﻉ ﺳﻼﻣﺘﻪ
ﺍﻧﻲ : ﺑﺮﻱ ﻳﺎﺣﻨﻪ ﻫﻬﻬﻬﻪ ﺣﺘﻰ ﻫﻮ ﻣﺮﺍﺕ ﻳﻮﻟﻲ ﻧﺴﻴﺒﻚ
ﻣﺎﻣﺎ ﻣﺎﺳﻤﻌﺘﻨﻴﺶ ﻟﺒﺴﺖ ﺷﺎﺭﺑﺘﻬﺎ ﻭﻃﻠﻌﺖ ﺟﻬﺔ ﺍﻟﺼﺎﻟﻮﻥ
ﻧﻮﺭﺱ : ﺍﺳﻤﻌﻲ ﻭﻳﻦ ﻧﻮﺍﻝ ﻣﺎﺗﻘﻮﻟﻴﻠﻴﺶ ﻃﻠﻌﺖ ﺳﻠﻤﺖ ﻋﻠﻴﻪ ﺑﺲ
ﻧﺮﺟﺲ : ﺣﻲ ﻋﻠﻴﻬﺎ ﻛﺎﻥ ﻫﺬﺍ
ﺍﻧﻲ : ﻻﻻ ﻣﺶ ﻟﻬﺎﻟﺪﺭﺟﺔ ﺷﺎﻓﺎﺗﻪ ﻣﻦ ﺑﻌﻴﺪ ﺑﺲ ﺷﻜﻠﻬﺎ ﻭﺑﻌﺪﻳﻦ ﺍﺧﺘﻔﺖ ﺍﺷﺒﺢ ﻭﻳﻦ ﺧﺸﺖ ، ﺍﻧﺘﻮ ﺑﺮﻭ ﺷﻮﻓﻮﻫﺎ ﻭﺍﻧﻲ ﺧﻠﻲ ﻧﻤﺸﻲ ﻧﺤﻂ ﻏﺪﻱ ﻣﺤﻤﻮﺩ
،،،،
ﻭﺗﻴﺖ ﻏﺪﻱ ﻣﺤﻤﻮﺩ ﻭﺭﻓﻌﺘﻬﻮﻟﻪ ﻟﻠﺼﺎﻟﻮﻥ ﻭﻃﻠﻌﺖ ﻧﺪﻭﺭ ﻧﻮﺍﻝ ﺍﻟﻘﻴﺖ ﻧﻮﺭﺱ ﻭﻧﺮﺟﺲ ﻭﺍﻗﻔﻴﻦ ﻋﻠﻲ ﺑﺎﺏ ﺍﻟﺤﻤﺎﻡ
ﺍﻧﻲ : ﺧﻴﺮﻛﻢ ﻭﻳﻦ ﻧﻮﺍﻝ
ﻧﻮﺭﺱ : ﻓﻲ ﺍﻟﺤﻤﺎﻡ ﻭﻣﺎﺗﺒﻴﺶ ﺗﻄﻠﻊ
ﺍﻧﻲ ﻗﻌﺪﺕ ﻧﻄﻘﻄﻖ ﻃﻖ ﺧﻔﻴﻒ : ﻧﻮﺍﻝ ﺍﻃﻠﻌﻲ
ﻧﻮﺍﻝ ﺑﺼﻮﺕ ﺑﺎﻛﻲ : ﺳﻴﺒﻮﻧﻲ ﺑﺲ ﺗﻮ ﻧﻄﻠﻊ
ﻧﺮﺟﺲ : ﻧﻮﻧﻮ ﻣﺎﻣﺎ ﺗﻮ ﺗﺸﻚ ﻓﻴﻚ ﺍﻃﻠﻌﻲ ﺍﻫﻮ ﺭﻭﺡ ﻋﻼﺵ ﺗﺒﻜﻲ
ﺍﻧﻲ : ﻧﻮﺍﻝ ﺍﻃﻠﻌﻲ ﺑﻨﺪﻭﻱ ﻣﻌﺎﻙ ﻓﻲ ﺣﺎﺟﺔ
ﺷﻮﻱ ﻭﺍﻧﻔﺘﺢ ﺍﻟﺒﺎﺏ
ﻧﻮﺍﻝ ﻃﺎﻟﻌﻪ ﻭﻋﻴﻮﻧﻬﺎ ﻣﻨﻔﺨﺎﺕ
ﺍﻧﻲ ﺍﺿﺒﻄﺘﻬﺎ : ﺗﻮ ﻋﻼﺵ ﺗﺒﻜﻲ ﺍﻫﻮ ﺣﺒﻴﺐ ﺍﻟﻘﻠﺐ ﻭﺭﻭﺡ
ﻧﻮﺍﻝ ﺗﺒﻜﻲ : ﻋﻼﺵ ﻣﺎﻗﺎﻟﻴﺶ ؟ ﻭﺍﺿﺤﺔ ﻻﻧﻪ ﻣﺎﻳﺒﻴﻨﻴﺶ ﻭﻣﺎﻳﺒﻴﻨﻴﺶ ﻧﻌﺮﻑ
ﺍﻧﻲ : ﺑﺎﻟﻌﻜﺲ ﺣﺒﻴﺒﺘﻲ ﺍﻧﺘﻲ ﺗﻮﺍ ﻻﺯﻡ ﺗﺴﻤﻌﻴﻠﻪ ﻭﺍﻛﻴﺪ ﻋﻨﺪﻩ ﻋﺬﺭﻩ ﻭ ﺑﻌﺪﻫﺎ ﺭﺍﺡ ﺗﻔﻬﻤﻲ
ﻧﻮﺍﻝ ﺗﻤﺴﺢ ﺩﻣﻮﻋﻬﺎ : ﺑﺎﻩ ﺣﻨﺸﻮﻓﻮ ﻟﻮﻳﻦ ﺗﻮﺻﻞ
ﺍﻧﻲ : ﺍﻏﺴﻠﻲ ﻭﺟﻬﻚ ﺯﻳﻦ ﻭﺗﻌﺎﻟﻲ ﻧﻌﻄﻴﻚ ﻛﺮﻳﻤﻪ ﺍﺧﻔﻲ ﺑﻴﻬﺎ ﻭﺍﺿﺢ ﺍﻧﻚ ﺑﺎﻛﻴﻪ ﻛﺎﻥ ﺗﺸﻮﻓﻚ ﻣﺎﻣﺎ ﺗﺪﻳﺮﻟﻨﺎ ﻋﺮﺱ
،،،،،
ﻭﻣﻊ ﺻﻼﺓ ﺍﻟﻤﻐﺮﺏ ﻧﺰﻟﺖ ﻋﻤﺘﻲ ﻭﺭﺣﻤﺔ ﻭﻭﻓﺎﺀ ﺭﻭﺣﺖ ﻟﺸﻘﺘﻬﺎ ﻭﻭﻟﻴﺪ ﻃﻠﻊ ﻭﻣﺤﻤﻮﺩ ﻧﺰﻝ ﺧﺶ ﻟﺪﺍﺭﻩ
ﻭﺍﻧﻲ ﺷﺪﻳﺖ ﻓﻲ ﻣﺎﻣﺎ ﻭﺍﺧﻮﺍﺗﻲ ﻳﺒﺎﺗﻮ ﻋﻨﺪﻱ
ﻣﺎﻣﺎ ﻧﺎﺿﺖ ﺗﺼﻠﻲ ﻭﺍﻧﻲ ﻭﺍﺧﻮﺍﺗﻲ ﻣﻘﻌﻤﺰﻳﻦ ﻧﺘﻔﺮﺟﻮ ﻭﻧﺎﻛﻠﻮ ﻓﻲ ﻓﺸﺎﺭ ﺷﻮﻱ ﻭﺭﻥ ﻓﻮﻥ ﻧﻮﺍﻝ ﻛﻠﻨﺎ ﺗﻠﻔﺘﻨﺎﻟﻬﺎ
ﺍﻧﻲ : ﻣﻨﻮ ؟
ﻧﻮﺍﻝ ﻋﻴﻮﻧﻬﺎ ﺿﺤﻜﻮ ﻭﻗﺎﻟﺖ ﺑﺪﻟﻊ : ﺣﺒﻴﻴﻴﺒﻲ
ﻧﻮﺭﺱ ﺣﺬﻓﺖ ﻋﻠﻴﻬﺎ ﺍﻟﻤﺨﺪﻩ : ﺣﺒﻚ ﺑﺮﺹ ﺧﺰﻱ ﻣﺎﺗﺘﺤﺸﻤﺶ
ﻧﻮﺍﻝ ﺗﻮﻗﻒ : ﺍﺳﺲ ﺍﻧﺘﻲ ﻳﺎﺟﻤﺎﻋﻪ ﻋﺪﻧﺎﻥ ﻣﺶ ﻓﺎﻳﺘﻨﻲ ﺭﺍﻫﻮ ﻣﻜﺎﻟﻤﺎﺗﻜﻢ ﻳﺎﻗﻄﻮﺳﻪ ﻭﻃﻠﻌﺖ ﺗﺠﺮﻱ ﺧﺸﺖ ﻟﺪﺍﺭ ﺍﻟﻲ ﻣﺨﺼﺼﻴﻨﻬﺎ ﻟﻠﺒﻴﺒﻲ ﻭﺳﻜﺮﺗﻬﺎ
ﺍﻧﻲ ﺗﻠﻔﺘﺖ ﻟﻨﻮﺭﺱ : ﺷﻦ ﻗﺼﻪ ﻋﺪﻧﺎﻥ
ﻧﻮﺭﺱ : ﻣﺎﻫﻮ ﺗﻌﺮﻓﻲ ﺍﻧﻪ ﻋﺪﻧﺎﻥ ﻳﺒﻴﻨﻲ
ﺍﻧﻲ : ﺑﺲ ﻣﺎﺣﻜﻴﺘﻴﻠﻴﺶ ﺍﻧﻜﻢ ﺗﺘﻜﻠﻤﻮ ﺑﺎﻟﺘﻠﻴﻔﻮﻥ
ﻧﻮﺭﺱ : ﻓﻲ ﺍﺳﺒﻮﻉ ﻋﺮﺳﻚ ﻋﻄﺎﻧﻲ ﺭﻗﻤﻪ ﻭﻟﻤﺎ ﻛﻠﻤﺘﻪ ﺑﻌﺪ ﻣﺎﺣﺘﻰ ﺍﻧﺘﻲ ﺍﻣﺸﻴﺘﻲ ﻟﺪﺑﻲ ﻭﻣﺎﻟﻘﻴﺘﺶ ﻭﻗﺖ ﻧﺤﻜﻴﻠﻚ
ﺍﻧﻲ : ﺍﻣﻤﻢ ﺑﻪ ﻟﻜﻦ ﻣﺮﺓ ﺗﺎﻧﻴﻪ ﺗﺼﻴﺮ ﻣﻌﺎﻛﻢ ﺣﺎﺟﺔ ﺍﺣﻜﻮﻟﻲ ﻃﻮﻝ ﻣﺎﺗﺪﺳﻮﺵ ﻋﻠﻴﺎ
ﻧﺮﺟﺲ : ﺑﺎﻟﻨﺴﺒﻪ ﻟﻴﺎ ﺍﻧﻲ ﻣﺎﻋﻨﺪﻱ ﻣﺎﻧﺤﻜﻲ
،،،،،،
ﺍﻣﺎ ﻋﻨﺪ ﻧﻮﺍﻝ : ﺍﻟﻮ
ﻣﺤﻤﻮﺩ ﺗﻨﻬﺪ : ﺍﺳﺘﺎﺣﺸﺘﻚ ﺍﺳﺘﺎﺍﺍﺣﺸﺘﻚ ﺍﺳﺘﺎﺣﺸﺘﺘﺘﻚ ﻫﻠﺒﺎ ﻳﺎﻧﻮﺍﻝ ﺍﻧﺘﻲ ﺷﻦ ﺩﺭﺗﻲ ﻓﻴﺎ ﺑﺲ ، ﺍﺳﺘﺎﺣﺸﺖ ﻧﻈﺮﺓ ﺍﻟﺒﺮﺍﺀﺓ ﻓﻲ ﻋﻴﻮﻧﻚ ، ﺗﻌﺮﻓﻲ ﺍﻧﻪ ﻟﻤﺎ ﻋﻴﻮﻧﻚ ﻳﺒﺪﻭ ﻳﺪﻣﻌﻮ ﺗﺰﻳﺪ ﺗﻮﻟﻲ ﺣﻠﻮﺓ ﺍﻛﺜﺮ ﻳﻮﻟﻮ ﺟﺬﺍﺑﺎﺕ ، ﻳﺄﺳﺮﻭ ﻓﻴﺎ ﻛﻞ ﻣﺎﻧﺸﻮﻓﻬﻢ
ﻧﻮﺍﻝ ﻗﻌﺪﺕ ﺗﺴﻤﻊ ﻭﺳﺎﻛﺘﻪ ﻭﻣﺒﺘﺴﻤﻪ
ﻣﺤﻤﻮﺩ : ﻣﺎﺗﺴﻜﺘﻴﺶ ﺍﺳﺘﺎﺣﺸﺘﻪ ﺻﻮﺗﻚ ﺍﻟﺤﻨﻮﻥ ﻫﺬﺍ ﺻﻮﺗﻚ ﺍﻟﻄﻔﻮﻟﻲ ، ﻟﻤﺎ ﻛﻨﺖ ﻧﺘﺼﻞ ﺑﻴﻚ ﻟﻤﺎ ﺗﻘﻮﻟﻲ ﺍﻟﻮ ﻗﻠﺒﻲ ﻳﻘﻌﺪ ﻳﺪﻕ ﻟﺪﺭﺟﺔ ﻧﺨﺎﻑ ﺗﺴﻤﻌﻴﻪ ﺍﻧﺘﻲ ﻣﻦ ﺍﻟﺘﻠﻴﻔﻮﻥ ، ﺻﻮﺕ ﺍﻧﻔﺎﺳﻚ ﻭﺍﻧﺘﻲ ﺗﺴﻤﻌﻲ ﺻﻮﺕ ﺭﺷﻔﻪ ﺧﺸﻤﻚ ﻟﻤﺎ ﺗﺒﻜﻲ
ﻧﻮﺍﻝ : ﻟﻴﺶ ﺍﻣﺸﻴﺖ ﻟﻴﺶ ﺧﻠﻴﺘﻨﻲ
ﻣﺤﻤﻮﺩ ﺗﻨﻬﺪ : ﻏﺼﺒﻦ ﻋﻨﻲ ﻣﺎﻛﻨﺘﺶ ﻧﺒﻲ ﻧﺠﺮﺣﻚ ﻧﺘﻤﻨﻰ ﺗﺘﻔﺎﻫﻤﻴﻨﻲ ﻳﺎﻧﻮﺍﻝ ﻭﺍﻫﻮ ﺍﻭﻝ ﻣﺎﻧﺤﻠﺖ ﻣﺸﻜﻠﺘﻲ ﺭﺟﻌﺖ ﻧﺠﺮﻱ ، ﻛﻨﺖ ﻧﻔﻜﺮ ﻓﻴﻚ ﻛﻞ ﺩﻗﻴﻘﻪ ﺗﻼﺗﻪ ﺍﺳﺎﺑﻴﻊ ﻣﺮﻭ ﻛﺎﻧﻪ ﺗﻼﺗﻪ ﺳﻨﻴﻦ
ﻧﻮﺍﻝ ﺗﺒﻜﻲ : ﺑﺲ ﺍﻧﺖ ﻋﺬﺑﺘﻨﻲ ﻣﻌﺎﻙ ﺑﻤﺸﻴﻚ ﻣﻦ ﻏﻴﺮ ﻣﺎﺗﻜﻠﻤﻨﻲ ﻣﻦ ﻏﻴﺮ ﻣﺎﺗﻔﻬﻤﻨﻲ ﺧﻠﻴﺘﻨﻲ ﺣﺎﻳﺮﻩ ﻭﺗﺎﻳﻬﺔ ﻭﻣﺶ ﻋﺎﺭﻓﻪ ﻛﻴﻒ ﻧﺘﺼﺮﻑ ﻧﻠﻮﺩ ﻓﻲ ﺣﻠﻘﻪ ﻓﺎﺭﻏﻪ
ﻣﺤﻤﻮﺩ : ﻏﺼﺒﻦ ﻋﻨﻲ ﺣﺘﻰ ﺍﻧﻲ ﻣﺶ ﺭﺍﺿﻲ ﻧﺸﻮﻓﻚ ﺗﺘﻌﺬﺑﻲ ﻟﻬﺬﺍ ﺍﻟﺴﺒﺐ ﺳﺎﻓﺮﺕ
ﻧﻮﺍﻝ : ﻣﺤﻤﻮﺩ ﺍﻧﻲ ﻧﻌﺮﻑ ﺑﻘﺼﻪ ﺑﻨﺖ ﻋﻤﻚ ﺍﻟﻲ ﺧﻄﺒﻮﻫﺎﻟﻚ
ﻣﺤﻤﻮﺩ : ﻣﻦ ﻗﺎﻟﻚ ؟
ﻧﻮﺍﻝ : ﻧﺴﻴﺒﺔ ﺍﺣﻜﺘﻠﻲ
ﻣﺤﻤﻮﺩ ﺳﻜﺖ ﺷﻮﻳﺔ ﺑﻌﺪﻳﻦ ﻗﺎﻟﻠﻬﺎ : ﻧﻮﺍﻝ
ﻧﻮﺍﻝ : ﻧﻌﻢ
ﻣﺤﻤﻮﺩ : ﻧﺤﺒﻚ
ﻧﻮﺍﻝ
ﻣﺤﻤﻮﺩ : ﺍﻳﻪ ﻧﺤﺒﻚ ، ﻧﺤﺒﻚ ﺍﻛﺜﺮ ﻣﻦ ﻣﺎ ﺗﺘﺼﻮﺭﻱ ﺣﺒﻴﺘﻚ ﻣﻦ ﺍﻭﻝ ﻣﺮﺓ ﺷﻔﺘﻚ ﻓﻴﻬﺎ ﻟﻤﺎ ﻛﻨﺘﻲ ﺗﺪﻭﺭﻱ ﻓﻲ ﺣﺠﺮﺓ ﺍﻟﻤﻤﺮﺿﺎﺕ ﺗﺬﻛﺮﻱ ، ﻫﺪﺍﻛﺎ ﺍﻟﻴﻮﻡ ﺩﻕ ﻗﻠﺒﻲ ﻟﻴﻚ
ﻧﻮﺍﻝ ﻗﻌﺪﺕ ﺳﺎﻛﺘﻪ ، ﻣﺼﺪﻭﻣﻪ ﻭﻓﺮﺣﺎﻧﻪ ﻭﺧﺎﻳﻔﻪ ﻓﻲ ﻧﻔﺲ ﺍﻟﻮﻗﺖ
ﻣﺤﻤﻮﺩ : ﻣﻌﺎﺵ ﻧﺒﻲ ﻧﺴﻴﺒﻚ ﺍﻧﻲ ﻣﺴﺘﺤﻴﻞ ﻧﻔﻜﺮ ﻧﻤﺸﻲ ﻭﻧﺨﻠﻴﻚ ﻣﺮﺓ ﺗﺎﻧﻴﻪ ، ﻛﺎﺑﻮﺱ ﻭﺍﻥ ﺷﺎﺀ ﺍﻟﻠﻪ ﻣﺎﻳﻮﻟﻴﺶ
ﻧﻮﺍﻝ : ﺍﻭﻋﺪﻧﻲ ﻳﺎﻣﺤﻤﻮﺩ ﺍﻭﻋﺪﻧﻲ ﻣﻌﺎﺵ ﺗﺴﻴﺒﻨﻲ ؟
ﻣﺤﻤﻮﺩ : ﻭﻋﺪ ﻭﻋﺪ ﻣﺴﺘﺤﻴﻞ ﻧﺴﻴﺒﻚ ﺍﻧﺘﻲ ﻗﻠﺒﻲ ﻭﺭﻭﺣﻲ ﻭﺣﻴﺎﺗﻲ ﻛﻠﻬﺎ ﻓﻲ ﺣﺪ ﻳﺴﻴﺐ ﺭﻭﺣﻪ ﻭﻳﻤﺸﻲ
ﻧﻮﺍﻝ : ﻧﺤﺒﻚ ﺭﺑﻲ ﻳﺨﻠﻴﻚ ﻟﻴﺎ
ﻣﺤﻤﻮﺩ ﺑﻔﺮﺣﺔ : ﻭﻳﺨﻠﻴﻚ ﻟﻴﺎ ﺣﺒﻴﺒﻲ ﻭﻗﻠﺒﻲ ﺍﻧﺘﻲ
ﻧﻮﺍﻝ ﻣﺒﺘﺴﻤﻪ ﻭﻓﺮﺣﺎﻧﻪ ﻛﺎﻥ ﺗﻠﻘﻰ ﺗﻌﻴﻂ ﻭﺗﻐﻨﻲ ﻣﻦ ﺍﻟﻔﺮﺣﺔ ﺑﺲ ﺷﺎﺩﻩ ﺭﻭﺣﻬﺎ ﻋﻠﻲ ﺧﺎﻃﺮ ﻣﺤﻤﻮﺩ ﻉ ﺍﻟﺨﻂ ﺑﺲ ﻫﻬﻬﻪ
ﻣﺤﻤﻮﺩ : ﺣﺒﻴﺒﻲ ﻛﺄﻧﻚ ﺿﺎﻋﻔﻪ
ﻧﻮﺍﻝ : ﺍﻳﻪ ﺷﻮﻳﺔ ﺣﺘﻰ ﺍﻧﺖ ﺿﺎﻋﻒ
ﻣﺤﻤﻮﺩ ﻛﻴﻒ ﺑﻴﺮﺩ ﻗﺎﻃﻌﻪ ﺻﻮﺕ ﺑﺎﺏ ﺩﺍﺭﻩ ﻳﻄﻖ
ﻋﻤﺘﻲ ﻣﻦ ﻭﺭﺍ ﺍﻟﺒﺎﺏ : ﺣﻤﻴﺪﺍ ﻭﻟﺪ ﺧﻮﻙ ﻳﺒﻴﻚ
ﻣﺤﻤﻮﺩ : ﺑﺎﻩ ﺣﺎﺿﺮ ﻫﻲ ﺟﺎﻱ ، ﺣﺒﻴﺒﻲ ﺍﻧﻲ ﺗﻮﺍ ﺑﻨﻤﺸﻲ ﻧﺸﻮﻑ ﺧﻮﻱ ﻭﻧﻜﻠﻤﻚ ﺑﻌﺪﻳﻦ ﺍﻭﻙ
ﻧﻮﺍﻝ : ﺍﻭﻙ
ﻣﺤﻤﻮﺩ : ﻗﺎﻋﺪﻳﻦ ﺍﻫﻨﻲ ﺍﻧﺘﻮ ﺍﻟﻠﻴﻠﻪ
ﻧﻮﺍﻝ : ﺍﻳﻪ ﺑﺎﻳﺘﻴﻦ
ﻣﺤﻤﻮﺩ : ﺩﻳﺮﻱ ﺑﺎﻟﻚ ﻉ ﺭﻭﺣﻚ ﺳﻼﻡ
ﻧﻮﺍﻝ : ﺳﻼﻡ
ﻛﺎﻥ ﻓﻲ ﺳﺮﻳﺮ ﻟﻮﻟﻴﺪ ﻟﻤﺎ ﻛﺎﻥ ﻋﺰﺍﺑﻲ ﻭﻟﻤﺎ ﺗﺰﻭﺟﻨﺎ ﺭﻛﺒﻪ ﻭﺣﻄﻪ ﻓﻲ ﺍﻟﺪﺍﺭ ﻫﺎﺩﻳﻜﺎ
ﻧﻮﺍﻝ ﺭﻛﺒﺖ ﻓﻮﻕ ﺍﻟﺴﺮﻳﺮ ﻭﻗﻌﺪﺕ ﺗﻨﻘﺰ ﻭﺗﺮﻗﺺ ﻋﻠﻲ ﺍﻏﻨﻴﻪ
>> ﻃﻠﻊ ﻋﺎﺷﻖ ﻃﻠﻊ ﻣﻬﺘﻢ
ﻃﻠﻊ ﺫﺍﻳﺐ ﻃﻠﻊ ﻣﺸﺘﺎﻕ
ﻭﺍﻧﺎ ﺃﺣﺴﺐ ﻭﺣﺪﻱ ﺍﻟﻤﻐﺮﻡ
ﻃﻠﻌﻨﺎ ﺇﺛﻨﻴﻨّﺎ ﻋﺸّﺎﻕ
ﻃﻠﻊ ﻣﺸﻐﻮﻝ ﻫﻮ ﻣﺜﻠﻲ
ﻣﺜﻞ ﻣﺎ ﺃﺳﻬﺮﻟﻪ ﻳﺴﻬﺮﻟﻲ
ﻭﺃﻧﺎ ﺃﺣﺴﺐ ﻣﻦ ﺯﻣﺎﻥ ﺃﻫﻮﺍﻩ
ﺃﺛﺎﺭﻱ ﻳﺤﺒﻨﻲ ﻣﻦ ﻗﺒﻠﻲ
ﻣﺎﻣﺎ : ﺷﻨﻮ ﺍﻟﺼﻮﺕ ﻫﺬﺍ ؟
ﻧﻮﺭﺱ : ﻛﺄﻧﻪ ﺻﻮﺕ ﺃﻏﻨﻴﻪ ﺗﻠﻘﻴﻪ ﺗﻠﻴﻔﻮﻥ ﻧﻮﺍﻝ ﻳﺸﺮﻳﻦ
ﻧﺮﺟﺲ : ﺻﺢ ﻓﻲ ﺻﻮﺕ ﻛﺎﻧﻪ ﺣﺪ ﻳﻨﻘﺰ ﻋﻠﻲ ﺣﺎﺟﺔ
ﻣﺎﻣﺎ : ﺑﺎﻟﻠﻪ ﻧﻮﺿﻮ ﺷﻮﻓﻮﻫﺎ ﺍﺷﺒﺢ ﺷﻦ ﺗﺪﻳﺮ ﺗﻮ ﻗﺮﻳﺐ ﻳﺮﻭﺡ ﺍﻟﺮﺍﺟﻞ
ﺍﻧﻲ : ﻋﺎﺩﻱ ﻳﺎﻣﺎﻣﺎ ﺧﻠﻴﻬﺎ ﺑﺮﺍﺣﺘﻬﺎ ﻭﻟﻴﺪ ﻣﺰﺍﻝ ﻣﻌﻄﻞ
ﻣﺎﻣﺎ : ﺗﻲ ﻧﻮﺿﻮ ﺷﻮﻓﻮ ﺍﺧﺘﻜﻢ ﻫﺬﺍ ﻣﺶ ﺗﻠﻴﻔﻮﻥ ﻳﺸﺮﻳﻦ ﻫﻲ ﻓﺎﺗﺤﺘﻬﺎ ﺍﻻﻏﻨﻴﻪ
ﺍﻧﻲ ﻭﻧﻮﺭﺱ ﻭﻧﺮﺟﺲ ﻧﻀﻨﺎ ﻗﺮﺑﻨﺎ ﻣﻦ ﺍﻟﺪﺍﺭ ﻭﻓﺘﺤﻨﺎ ﺍﻟﺒﺎﺏ
>> ﺃﻧﺎ ﺧﻔﺖ ﺇﻧﻪ ﻳﺮﻓﻀﻨﻲ
ﺃﻭ ﺇﻧﻪ ﻣﺎ ﻳﻼﺣﻈﻨﻲ
ﻃﻠﻊ ﻣﻮ ﺑﺲ ﻫﻮ ﻣﻼﺣﻆ
ﻃﻠﻊ ﺩﺍﺭﺳﻨﻲ ﺣﺎﻓﻈﻨﻲ
ﺃﻧﺎ ﻣﻦ ﻋﻤﺮﻱ ﻛﻢ ﺿﻴﻌﺖ
ﻭﺃﻧﺎ ﺃﺣﺒﻪ ﻭﻻ ﺗﻜﻠﻤﺖ
ﺧﻼﺹ ﺍﻟﺤﻴﻦ ﺃﻧﺎ ﻻﺯﻡ
ﺃﺣﺒّﻪ ﺑﺴﺮﻋﻪ ﻣﺎﻓﻲ ﻭﻗﺖ
ﻧﻮﺍﻝ : ﻃﻠﻊ ﻋﺎﺷﻖ ﻃﻠﻊ ﻣﻬﺘﻢ
ﻃﻠﻊ ﺫﺍﻳﺐ ﻃﻠﻊ ﻣﺸﺘﺎﻕ
ﺍﻧﻲ ﻧﻮﺭﺱ ﻧﺮﺟﺲ
ﻧﻮﺍﻝ ﺗﻨﻘﺰ : ﻃﻠﻊ ﻋﺎﺷﻖ ﻃﻠﻊ ﻣﻬﺘﻢ ، ﻭﻧﻘﺰﺕ ﻣﻦ ﺍﻟﺴﺮﻳﺮ ﻭﺟﺖ ﺑﺎﺍﺳﺘﻨﻲ ﻋﻠﻲ ﺧﺪﻱ ﻭﻛﻤﻠﺖ ﺭﻗﺼﻴﻬﺎ
ﺍﻧﻲ : ﺑﺴﻢ ﺍﻟﻠﻪ ﺍﻟﺮﺣﻤﻦ ﺍﻟﺮﺣﻴﻢ
ﻧﺮﺟﺲ : ﻓﻴﻬﺎ ﺟﻦ ﺍﻧﻲ ﻣﺘﺄﻛﺪﺓ
ﻧﻮﺭﺱ : ﺃﻋﻮﺫ ﺑﻜﻠﻤﺎﺕ ﺍﻟﻠﻪ ﺍﻟﺘﺎﻣﺎﺕ ﻣﻦ ﺷﺮ ﻣﺎﺧﻠﻖ
ﻧﻮﺍﻝ ﻣﺎﻋﺪﻟﺘﺶ ﻋﻠﻴﻨﺎ ﻭﻗﻌﺪﺕ ﺗﻀﺤﻚ ﺑﻌﺪﻳﻦ ﻗﻌﺪﺕ ﺗﺒﺮﺑﺶ ﻓﻲ ﺗﻠﻴﻔﻮﻧﻬﺎ ﻭﻓﺘﺤﺖ ﺍﻏﻨﻴﻪ ﻣﻦ ﺍﻻﺧﻴﺮ ﻧﺤﺒﻪ ﻧﺤﺒﻪ
ﻭﻗﻌﺪﺕ ﺗﺮﻗﺺ
ﻧﻮﺭﺱ : ﻫﻬﻬﻬﻬﻬﻪ ﺍﻗﺴﻢ ﺑﺎﻟﻠﻪ ﻣﺎﻃﺒﻴﻌﻴﻪ
ﻧﺮﺟﺲ : ﻗﻠﺘﻠﻜﻢ ﻣﻠﺒﻮﺳﻪ ﺍﻧﻲ ﻣﺘﺎﻛﺪﺓ
ﺍﻧﻲ : ﻫﻬﻬﻬﻬﻪ ﺍﺷﺒﺢ ﺷﻦ ﻗﺎﻟﻠﻬﺎ ، ﻳﺎﺍﻫﺒﻠﻪ ﺷﻦ ﺻﺎﺍﺭ
ﻧﻮﺍﻝ ﺗﺮﻗﺺ ﻭﺗﻨﻘﺰ : ﻧﺤﺒﻪ ﻧﺤﺒﻪ ﻧﺤﺒﻪ ﻣﻦ ﺍﻻﺧﻴﺮ ﺣﺒﻴﺒﻲ ﻧﺤﺒﻪ ..
ﻧﺤﺒﻪ ﻧﺤﺒﻪ ﻧﺤﺒﻪ ﻭﻣﺎ ﺣﺪ ﻳﻨﺴﻴﻨﻲ ﻓﻲ ﺣﺒﻪ ..
ﻋﻠﻴﻪ ﻧﻐﻴﻴﻴﻴﻴﺮ ﻭﻣﻦ ﺍﻻﺧﻴﻴﻴﻴﻴﻴﻴﻴﺮ ﻧﺤﺒﻪ ﻧﺤﺒﻪ ..
ﻫﻮ ﺣﺒﻲ ﻭﺑﺲ ﺍﻟﻲ ﺷﺒﺤﻪ ﻟﻠﻌﻴﻦ ﻭﻧﺲ .. ﻋﻠﻴﻪ ﻧﻜﺒﺪ ﺑﻴﻪ ﻧﺤﺲ ﻣﺤﺒﻮﺑﻲ ﻳﺎﻣﻄﻴﺐ ﻗﻠﺒﻪ
ﺍﻧﻲ : ﻫﻬﻬﻬﻬﻪ ﺗﻲ ﻓﻬﻤﻴﻨﺎ ﻳﺎﻫﺒﻠﺔ
ﻧﻮﺭﺱ : ﻫﻬﻬﻬﻬﻪ ﻋﻄﻴﻚ ﺣﺒﺔ ﺷﻦ ﺻﺎﺍﺭ ﺍﺣﻜﻲ
ﻧﻮﺍﻝ ﺷﺪﺕ ﻧﻮﺭﺱ ﻣﻦ ﻳﺪﻫﺎ ﻭﻗﻌﺪﺕ ﺗﺮﻗﺺ ﻓﻴﻬﺎ
ﻧﻮﺭﺱ : ﻫﻬﻬﻬﻬﻬﻪ ﺍﻗﺴﻢ ﺑﺎﻟﻠﻪ ﺧﻼﺹ ﻋﻠﻴﻬﺎ
ﻣﺎﻣﺎ ﺟﺘﻨﺎ : ﻫﻴﻴﻴﻴﻴﻲ ﻳﺎﺣﺸﻤﺘﻲ ﺣﻲ ﻉ ﺍﻟﻌﺎﺭ ﺍﻟﺮﺍﺟﻞ ﻗﺮﻳﺐ ﻳﺮﻭﺡ ﻭﺍﻧﺘﻮ ﻗﺎﻟﺒﻴﻨﻪ ﻋﺮﺱ ﺍﻫﻨﻲ
ﻧﻮﺍﻝ ﺟﺖ ﺑﺎﺳﺖ ﻣﺎﻣﺎ ﻋﻠﻲ ﺧﺪﻫﺎ ﺩﺍﺭﺗﻠﻬﺎ ﺯﻱ ﻣﺎﺩﺭﺗﻠﻲ ﺑﻌﺪﻫﺎ ﺷﺪﺗﻬﺎ ﻣﻦ ﻳﺪﻳﻬﺎ ﻭﻗﻌﺪﺕ ﺗﺮﻗﺺ ﻓﻴﻬﺎ ﻣﻌﺎﻫﺎ ﻭﺗﻐﻨﻲ
ﻣﺎﻣﺎ : ﺣﻲ ﻉ ﺍﻟﺤﺸﻤﺔ ﻫﻬﻬﻬﻬﻪ ﺗﻲ ﺑﻄﻠﻲ ﻳﺎﻓﺮﺧﻪ ﻭﺍﻫﺪﻱ ﻫﻬﻪ ﺧﻴﺮﻫﺎ ﺷﻦ ﺻﺎﺭﻟﻬﺎ ﻫﺎﺩﻱ
ﻧﺮﺟﺲ : ﻫﻬﻬﻬﻬﻬﻪ ﻭﺍﻟﻠﻪ ﻣﺎﻧﻌﺮﻓﻮ ﻳﺎﻣﺎﻣﺎ ﻣﻦ ﻟﻤﺎ ﺧﺸﻴﻨﺎ ﻟﻠﺪﺍﺭ ﻭﻫﻲ ﻫﻜﻲ
ﻧﻮﺍﻝ ﻗﺪﻣﺖ ﺷﺪﺕ ﻧﺮﺟﺲ ﻣﻦ ﻳﺪﻫﺎ ﻭﻗﻌﺪﺕ ﺗﺮﻗﺺ ﻓﻴﻬﺎ ﺣﺘﻰ ﻫﻲ ﻭﺑﻌﺪﻳﻦ ﺟﺘﻨﻲ ﺍﻧﻲ ﺧﻠﺘﻨﺎ ﻛﻠﻨﺎ ﻧﺮﻗﺼﻮ ﻣﻌﺎﻫﺎ ﻭﺍﻟﻲ ﺗﻮﺧﺮ ﺗﻮﻟﻲ ﺗﺠﺒﺪﻫﺎ ﻗﻌﺪﻧﺎ ﻧﺮﻗﺼﻮ ﻣﻌﺎﻫﺎ ﻭﻣﺶ ﻓﺎﻫﻤﻴﻦ ﺷﻲ ﻧﻀﺤﻜﻮ ﻋﻠﻲ ﻫﺒﺎﻟﻬﺎ ﻭﺧﻼﺹ
ﻣﺎﻣﺎ : ﺧﻼﺹ ﻳﺎﺳﺮ ﻣﻦ ﺍﻟﺤﺸﻤﻪ ﺩﻳﺮﻱ ﻋﻘﻠﻚ ﻓﻲ ﺭﺍﺳﻚ
ﻧﻮﺭﺱ : ﺗﻲ ﺣﺘﻰ ﺍﺣﻨﻲ ﻋﻴﻴﻨﺎ ﺍﻋﺘﻘﻴﻨﺎ
ﻧﻮﺍﻝ ﻣﺎﺗﺮﺩﺵ ﻋﻠﻴﻬﻢ ﺗﻨﻘﺰ ﻭﺗﺮﻗﺺ ﻭﺧﻼﺹ
ﺍﻧﻲ : ﻫﻬﻬﻬﻬﻪ ﺧﻠﻮﻫﺎ ﺗﻮ ﺗﻔﺮﻍ ﺷﺤﻨﺘﻬﺎ ﺗﻬﺪﺃ ﺗﻌﺎﻟﻮ ﻧﺪﻳﺮﻭ ﻋﺸﻲ
ﻭﻃﻠﻌﻨﺎ ﻭﺧﻠﻴﻨﺎﻫﺎ ﻗﺎﻋﺪﻩ ﻋﻠﻲ ﺣﺎﻟﻬﺎ ﻓﻲ ﺍﻟﺪﺍﺭ
ﻣﺎﻣﺎ : ﻧﺪﻳﺮﻟﻜﻢ ﻋﺼﻴﺪﻩ
ﺍﻧﻲ : ﺗﻮ ﻧﺪﻳﺮ ﺣﺎﺟﺔ ﺍﻧﻲ ﻣﺎﺗﻌﺒﻴﺶ ﺭﻭﺣﻚ
ﻣﺎﻣﺎ : ﻻﻻ ﻋﺎﺩﻱ ﺭﺍﺟﻠﻚ ﻳﺎﻛﻞ ﻓﻴﻬﺎ ﺍﻟﻌﺼﻴﺪﻩ
ﺍﻧﻲ : ﻭﻟﻴﺪ ﻳﺤﺒﻬﺎ ﻫﻠﺒﺎ ﻟﻜﻦ ﺍﻧﻲ ﺣﺎﺭﻣﺎﺗﻪ ﻣﻨﻬﺎ ﻣﺎﻧﺤﺒﻬﺎﺵ ﻭﻣﺎﻧﻌﺮﻓﺶ ﻧﺪﻳﺮﻫﺎ
ﻣﺎﻣﺎ : ﺧﻼﺹ ﺍﻣﺎﻻ ﺍﻧﻲ ﻧﺪﻳﺮ ﻋﺼﻴﺪﻩ ﻭﺍﻧﺘﻲ ﺩﻳﺮﻱ ﺣﺎﺟﺔ ﺗﺎﻛﻠﻴﻬﺎ
ﺍﻧﻲ : ﺑﺎﻫﻲ
ﻭﻗﻌﺪﺕ ﻣﺎﻣﺎ ﺗﺪﻳﺮ ﻓﻲ ﺍﻟﻌﺼﻴﺪﻩ ﻭﺍﻧﻲ ﻗﻠﻴﺖ ﺩﺣﻴﺔ ﻛﻠﻴﺘﻬﺎ
ﺣﻄﻮ ﺍﻟﻌﺼﻴﺪﻩ ﻭﻗﻌﻤﺰﻭ ﻣﺎﻣﺎ ﻭﻧﻮﺭﺱ ﻭﻧﺮﺟﺲ ﻟﻜﻦ ﻧﻮﻭﺍﻝ ﻗﺎﻋﺪﻩ ﻓﻲ ﺍﻟﺪﺍﺭ
ﻣﺎﻣﺎ : ﻧﻮﺍﺍﻝ
ﻧﻮﺍﻝ : ﻧﻌﻢ ﻳﺎﻣﺎﻣﺎ
ﻣﺎﻣﺎ : ﺗﻌﺎﻟﻲ ﺗﻌﺸﻲ ﺍﻟﻠﻪ ﻳﺮﺑﺤﻚ ﻭﺩﻳﺮﻱ ﻋﻘﻠﻚ ﻓﻲ ﺭﺍﺳﻚ
ﻧﻮﺍﻝ : ﻫﻲ ﻫﻲ ، ﻭﺟﺖ ﻗﺪﺍﻡ ﺍﻟﺴﻔﺮﺓ ﻭﻃﺎﺣﺖ ﻃﻴﺎﺡ ﻭﺭﺑﻌﺖ ﺭﺟﻠﻴﻬﺎ ﻭﻗﺎﻣﺖ ﻛﻤﺎﻣﻬﺎ
ﻧﻮﺭﺱ : ﻧﺮﺟﺲ ﻛﻮﻟﻲ ﻛﻮﻟﻲ ﺍﻟﻠﻪ ﺍﻋﻠﻢ ﻧﻠﺤﻘﻮ ﻭﺍﻻ ﻣﺎﻧﻠﺤﻘﻮﺵ ﻭﺍﺿﺢ ﻣﻦ ﻗﻴﻤﻪ ﺍﻟﻜﻤﺎﻡ
ﻧﺮﺟﺲ : ﻫﻬﻬﻪ ﺗﺸﻮﻑ ﻟﻠﻤﺎﻛﻠﻪ ﺗﻘﻮﻝ ﻟﻴﻬﺎ ﻋﺎﻡ ﻣﺎﺍﻛﻠﺘﺶ
ﻧﻮﺍﻝ ﺑﻌﺪﻡ ﻣﺒﺎﻻﺓ : ﻣﺶ ﺣﻨﺮﺩ ﻋﻠﻴﻜﻢ ﻷﻥ ﻣﺰﺍﺟﻲ ﺣﻠﻮ ﻭﻣﺎﻧﺒﻴﺶ ﻧﻌﻜﺮﻩ
ﺍﻧﻲ : ﻫﻬﻬﻬﻬﻪ ﻣﺎﺩﺍﻡ ﻣﺰﺍﺟﻬﺎ ﺣﻠﻮ ﻣﻌﻨﺎﻫﺎ ﺍﻟﻠﻪ ﻳﻌﻮﺿﻜﻢ ﻓﻲ ﺍﻟﻌﺼﻴﺪﻩ ﻟﺤﻘﻮ ﻋﻠﻲ ﻓﻤﻴﻦ
ﻣﺎﻣﺎ : ﺣﻘﺎ ﺗﻌﺎﻟﻲ ﺟﺎﻱ ﻳﺎﻓﺮﺧﻪ ﻋﻼﺵ ﻛﻨﺘﻲ ﺗﺮﻗﺼﻲ
ﻧﻮﺍﻝ ﺍﻧﺨﻨﻘﺖ : ﻛﺢ ﻛﺢ ﻛﺢ ﻣﺪﻱ ﺍﻣﻴﻪ
ﻧﻮﺭﺱ ﺗﻤﺪﻟﻬﺎ ﺍﻟﻤﻴﻪ : ﻃﺎﺭ ﺍﻟﺴﻮ ﻫﻬﻬﻪ ﻃﺎﺭ ﺍﻟﺴﻮ ﻳﺎﻣﺎﻣﺎ ﺧﻴﺮﻙ ﺍﻟﺒﻨﺖ ﻗﺮﻳﺐ ﻣﺎﺗﺖ
ﻣﺎﻣﺎ : ﻣﺎﺗﻘﻮﻟﻴﻠﻴﺶ ﻃﻠﻌﺘﻴﻠﻪ ﺍﻣﺒﻜﺮﻱ ﻫﺬﺍ ﺍﻟﻲ ﻛﻨﺘﻲ ﺗﻜﻠﻤﻲ ﻓﻴﻪ
ﻧﻮﺍﻝ : ﺗﻮ ﻳﺎﺍﻣﺎﻣﺎ ﻣﺎﻋﻨﺪﻛﺶ ﻓﻴﺎ ﺛﻘﻪ ﺍﻧﺘﻲ ﻭﺍﻻ ﺷﻨﻮ
ﻣﺎﻣﺎ : ﺍﻧﻲ ﻗﻠﺘﻠﻚ ﻣﻦ ﻗﺒﻞ ﻣﻌﺎﺵ ﺗﻜﻠﻤﻴﻪ ﻣﺎﻟﻴﺸﻲ ﻋﻼﻗﻪ ﺑﺎﻟﺜﻘﻪ ﻫﺬﺍ ﻭﺍﻟﺮﺍﺟﻞ ﺧﺎﻃﺒﻴﻠﻪ
ﺍﻧﻲ : ﻣﺎﺻﺎﺭﺵ ﻣﻦ ﺍﻟﺨﻄﺒﻪ ﻳﺎﻣﺎﻣﺎ ﻓﺴﺨﻮﻫﺎ
ﻧﻮﺍﻝ ﺗﻠﻔﺘﺘﻠﻲ ﺑﺴﺮﻋﻪ : ﺑﺠﺪﻳﺎﺍﺕ ﻗﺼﺪﻙ ﻫﺬﺍ ﻋﻼﺵ ﺭﻭﺡ
ﺍﻧﻲ : ﺍﻳﻴﻪ ﺗﻘﺪﻣﻠﻬﺎ ﻭﻟﺪ ﻋﻤﻬﻢ ﺍﻟﺜﺎﻧﻲ ﻳﺒﻴﻬﺎ
ﻣﺎﻣﺎ : ﺣﺘﻰ ﻟﻮ ﻛﺎﻥ ﻣﻌﺎﺵ ﺗﻜﻠﻤﻴﻪ
ﻧﻮﺍﻝ ﻗﺎﻣﺖ ﻳﺪﻫﺎ ﻣﻦ ﺍﻟﺼﻮﻧﻴﻪ ﻭﻭﻗﻔﺖ ﺍﻛﻞ : ﻳﻌﻨﻲ ﺿﺮﻭﺭﻱ ﻟﻤﺎ ﻧﻔﺮﺡ ﺗﺪﻳﺮﻭ ﺣﺎﺟﺔ ﺗﻌﻜﺮﻟﻲ ﻣﺰﺍﺟﻲ
ﺍﻧﻲ : ﻣﺎﻣﺎ ﺧﻠﻴﻨﺎ ﻧﺘﻜﻠﻤﻮ ﻓﻲ ﺍﻟﻤﻮﺿﻮﻉ ﺑﻌﺪﻳﻦ ﺗﻮﺍ ﺍﻧﺘﻮ ﺗﻌﺸﻮ ﻭﻛﻞ ﺷﻲ ﻟﻴﻪ ﺣﻞ
ﻧﻮﺍﻝ ﺗﻨﻮﺽ : ﺍﻟﺤﻤﺪ ﻟﻠﻪ ﺷﺒﻌﺖ ﺷﺒﻌﻪ ﺣﻠﻮﺓ ﻭﻃﻠﻌﺖ ﻣﻦ ﺍﻟﺪﺍﺭ
ﺍﻧﻲ : ﻳﺎﻣﺎﻣﺎ ﺧﻔﻲ ﻋﻠﻴﻬﺎ ﺷﻮﻳﺔ ، ﻭﺭﺍﻫﻮ ﻣﺤﻤﻮﺩ ﻳﺤﺒﻬﺎ ﻭﻫﻮ ﻭﺍﻟﻠﻪ ﻛﻮﻳﺲ ﻭﺍﺧﻼﻗﻪ ﻣﺎﺷﺎﺀ ﺍﻟﻠﻪ ، ﻭﺷﻮﻓﻲ ﻣﻦ ﻛﺜﺮ ﺣﺒﻪ ﻟﻴﻬﺎ ﺳﺎﻓﺮ ﺑﻴﺶ ﻳﻬﺮﺏ ﻣﻦ ﺍﻟﺰﻭﺍﺝ ﻻﻧﻪ ﻋﺎﺭﻓﻬﺎ ﺗﺤﺒﻪ ﻭﻣﺎﻳﺒﻴﺶ ﻳﺠﺮﺣﻬﺎ
ﻣﺎﻣﺎ : ﺣﺘﻰ ﺍﻧﻲ ﺃﻡ ﻭ ﻧﺨﺎﻑ ﻋﻠﻲ ﺑﻨﺘﻲ ﻋﺎﺟﺒﻚ ﺣﺎﻟﻬﺎ ﺍﻻﻳﺎﻡ ﺍﻟﻲ ﻓﺎﺗﻮ ﻻﺗﺎﻛﻞ ﻭﻻﻧﺸﻮﻓﻮ ﻓﻴﻬﺎ ، ﻭﺑﻌﺪﻳﻦ ﻫﻲ ﻗﺎﻋﺪﻩ ﺻﻐﻴﺮﻩ ﻋﻠﻲ ﺍﻟﻜﻼﻡ ﻫﺬﺍ
ﺍﻧﻲ : ﻳﺎﻣﺎﻣﺎ ﺗﻮﺍ ﻭﺍﻟﻠﻪ ﻗﺪ ﻣﺎﺗﺤﺎﻭﻟﻲ ﻣﻌﺎﻫﺎ ﻣﺴﺘﺤﻴﻞ ﺗﻘﺘﻨﻊ ﻭﺧﺎﺻﻪ ﺗﻌﺮﻓﻴﻬﺎ ﻧﻮﺍﻝ ﻋﻨﻴﺪﻩ ﻭﺯﻳﺎﺩﻩ ﺣﺒﺎﺗﻪ ﻫﻲ ، ﻛﻞ ﻣﺎﺑﺘﻀﻐﻄﻲ ﻋﻠﻴﻬﺎ ﺑﺘﺰﻳﺪ ﺗﻌﺎﻧﺪ
ﻧﻮﺭﺱ : ﺻﺢ ﻳﺎﻣﺎﻣﺎ ﻭﺣﺘﻰ ﻛﺎﻥ ﻧﻮﺍﻝ ﺻﻐﻴﺮﻩ ﺑﺲ ﻭﺍﻟﻠﻪ ﺗﻔﻜﻴﺮﻫﺎ ﻭﻋﻘﻠﻬﺎ ﻛﺒﻴﺮ ﻣﺎﻳﻨﺨﺎﻓﺶ ﻋﻠﻴﻬﺎ
ﻣﺎﻣﺎ : ﺍﻧﺘﻲ ﺍﺳﻜﺘﻲ ، ﺣﺘﻰ ﺍﻧﺘﻲ ﺗﺤﺴﺎﺑﻴﻨﻲ ﻣﺎﻧﻌﺮﻓﺶ ﺍﻧﻚ ﺗﻜﻠﻤﻲ ﻓﻲ ﻋﺪﻧﺎﻥ ﻏﻴﺮ ﻧﺪﻳﺮ ﻓﻲ ﺭﻭﺣﻲ ﻣﺎﻧﻨﺪﺭﻳﺶ
ﻧﻮﺭﺱ ﺗﺨﺰﺭﻃﺖ : ﺁ ﻣﺶ ﻫﻜﻲ ...
ﻗﺎﻃﻌﺘﻬﺎ ﻣﺎﻣﺎ : ﺗﻮ ﺧﻠﻴﻨﻲ ﺍﻧﺘﻲ ﺣﺴﺎﺑﻚ ﺑﻌﺪﻳﻦ ﻻﻧﻚ ﺩﺳﻴﺘﻲ ﻋﻠﻴﺎ
ﺍﻧﻲ : ﺍﻧﺘﻲ ﻳﺎﻣﺎﻣﺎ ﻟﻮ ﺗﺒﻲ ﻧﻮﺍﻝ ﺗﺤﻜﻴﻠﻚ ﻭﻣﺎﺗﺪﺱ ﻋﻠﻴﻚ ﺷﻲ ﻣﺎﺗﻀﻐﻄﻴﺶ ﻋﻠﻴﻬﺎ
ﻭﻗﻌﺪﺕ ﻧﻘﻨﻊ ﻓﻲ ﻣﺎﻣﺎ ﻟﻴﻦ ﻧﻮﻋﺎ ﻣﺎ ﺃﻗﺘﻨﻌﺖ
ﺭﻭﺡ ﻭﻟﻴﺪ ﻭﺧﺶ ﻗﻌﻤﺰ ﻣﻌﺎﻧﺎ ﺣﻄﻴﺘﻠﻪ ﺍﻟﻌﺼﻴﺪﺓ
ﻭﻟﻴﺪ : ﺍﻭﻭﻭﻩ ﻋﺼﻴﺪﻩ
ﺍﻧﻲ : ﻫﻬﻬﻬﻪ ﻣﺎﻣﺎ ﺩﺍﺭﺗﻬﺎ
ﻭﻟﻴﺪ : ﻳﺴﻠﻤﻮ ﻳﺪﻳﻚ ﻳﺎﻋﻤﺘﻲ ﻭﺍﻟﻠﻪ ﻗﺪﺍﺵ ﻟﻴﺎ ﻣﻌﺎﺵ ﺍﻛﻠﻴﺘﻬﺎ
ﻣﺎﻣﺎ : ﺻﺤﺔ ﺻﺤﺔ
ﻭﻟﻴﺪ : ﺳﻠﻤﻚ
ﻭﻗﻌﺪ ﻭﻟﻴﺪ ﻳﺄﻛﻞ ﻭﻳﺸﻜﺮ ﻓﻲ ﺍﻟﻌﺼﻴﺪﻩ ﻭﻳﻌﺎﻭﺩ ﻭﻳﻠﻘﺢ ﻳﺒﻴﻨﻲ ﻧﺘﻌﻠﻤﻬﺎ ﺑﻄﺮﻳﻘﻪ ﻏﻴﺮ ﻣﺒﺎﺷﺮﻩ
ﺍﻧﻲ : ﻓﻬﻤﺖ ﻳﺎﻭﻟﻴﺪ ﺣﺎﺍﺿﺮ ﺗﻮ ﻧﺘﻌﻠﻤﻬﺎ
ﻭﻟﻴﺪ : ﻫﻬﻬﻬﻬﻪ
ﻣﺎﻣﺎ : ﺍﻳﻪ ﻣﺎﺩﺍﻡ ﺭﺍﺟﻠﻚ ﻳﺤﺒﻬﺎ ﺗﻌﻠﻤﻴﻬﺎ ﻋﻼﺵ ﻻ ﻣﺶ ﻭﺍﻋﺮﻩ ﻫﻲ
ﻛﻤﻞ ﻭﻟﻴﺪ ﻋﺸﺎﻩ ﻭﺩﺭﺕ ﺷﺎﻫﻲ ﺧﻔﻴﻒ ﻭﻗﻌﺪﻧﺎ ﻧﻬﺪﺭﺯﻭ ﻣﻊ ﺑﻌﺾ ﻟﻌﻨﺪ 12
ﻭﻟﻴﺪ : ﻫﻲ ﻧﺴﺘﺄﺫﻧﻚ ﻳﺎﻋﻤﺘﻲ ﺗﺼﺒﺤﻲ ﻉ ﺧﻴﺮ
ﻣﺎﻣﺎ : ﺍﺫﻧﻚ ﻣﻌﺎﻙ ، ﻗﺪﺍﻣﻚ ﻛﻞ ﺧﻴﺮ
ﻭﻟﻴﺪ : ﺗﺼﺒﺤﻮ ﻋﻠﻲ ﺧﻴﺮ
ﺍﺧﻮﺍﺗﻲ : ﻭﺍﻧﺖ ﺑﺨﻴﺮ
ﻓﺮﺷﺖ ﻟﻤﺎﻣﺎ ﻭﺍﺧﻮﺍﺗﻲ ﻓﻲ ﺍﻟﺪﺍﺭ ﺍﻟﻲ ﻣﺪﺍﻳﺮﻳﻴﻨﻬﺎ ﻟﻠﺒﻴﺒﻲ ﻭﺭﻗﺪﻧﺎ ﻛﻠﻨﺎ ﻣﻌﺎﺩﺍ ﻧﻮﺍﻝ
ﻧﻮﺍﻝ ﺍﻭﻝ ﻣﺎﺣﺴﺖ ﺍﻧﻪ ﺍﻟﻜﻞ ﺭﻗﺪ ﻃﻠﻌﺖ ﻟﺪﺍﺭ ﺍﻟﺘﻠﻔﺰﻳﻮﻥ ﺭﺩﺕ ﺍﻟﺒﺎﺏ ﻭﻗﻌﺪﺕ ﺗﺮﺍﺟﻲ ﻓﻲ ﻣﻜﺎﻟﻤﻪ ﻣﺤﻤﻮﺩ ﻭﺷﻮﻱ ﻭﺭﻥ ﻋﻠﻴﻬﺎ ﻭﻗﻌﺪﻭ ﻳﻬﺪﺭﺯﻭ ﻟﻌﻨﺪ ﺍﻟﺴﺎﻋﻪ 3 ﻣﺤﻤﻮﺩ ﺷﺮﺡ ﻟﻨﻮﺍﻝ ﻛﻞ ﺷﻲ ﻭﻗﻌﺪ ﻳﺤﻜﻴﻠﻬﺎ ﻉ ﺍﻻﺳﺎﺑﻴﻊ ﺍﻟﻲ ﻗﻀﺎﻫﻢ ﻓﻲ ﻟﻨﺪﻥ
ﺍﻳﻪ ﻃﻠﻊ ﻣﺎﺷﻲ ﻟﻨﺪﻥ ، ﻭﺭﻗﺪﻭ ﻫﻤﺎ ﻓﺮﺣﺎﻧﻴﻦ
# ﻳﺘﺒﻊ
