منقولة
الحلقةة[32]
من ﺭﻭﺍﻳﺔ - - ->" #ﺳﻨــﺪ_ﺍﻷﻧﺜــﻰ_ﺭﺟــﻞ "
ﻧﺮﺟﺲ ﺷﺎﺩﻩ ﺍﻟﺴﻤﺎﻋﺎﺕ : ﻣﺎﻣﺎ ﻧﺒﻲ ﻧﺘﻤﺸﻰ ﺷﻮﻳﺔ ﻋﺎﺩﻱ
ﻣﺎﻣﺎ : ﺑﺎﻩ ﺑﺮﻱ ﻟﻜﻦ ﺭﺩﻱ ﺑﺎﻟﻚ ﻣﻦ ﺭﻭﺣﻚ ﻭﻣﺎﺗﺒﺎﻋﺪﻳﺶ ﺑﺎﺵ ﻣﺎﺗﺮﻳﺤﻴﺶ
ﻧﺮﺟﺲ : ﺑﺎﻩ ﺣﺎﺿﺮ ، ﻭﺭﻛﺒﺖ ﺳﻤﺎﻋﺎﺗﻬﺎ ﻭﻓﺘﺤﺖ ﺍﻏﺎﻧﻲ ﻫﺎﺩﻳﻪ ﻭﻗﻌﺪﺕ ﺗﻤﺸﻲ ﻉ ﺍﻟﺸﻂ ﻭﻛﻞ ﻣﺮﺓ ﺗﺒﺎﻋﺪ ﻟﺤﺪ ﻣﺎﻭﺻﻠﺖ ﻣﻜﺎﻥ ﻛﺎﻥ ﻛﻠﻪ ﺭﺷﺎﺩ ﻛﺒﻴﺮﻩ ﻭﻛﺎﻥ ﻣﻜﺎﻥ ﺣﻠﻮ ﻫﻠﺒﺎ ﻭﻋﺎﻟﻲ ﻋﻠﻲ ﺍﻟﺒﺤﺮ ﻭﻗﺮﺑﺖ ﻣﻨﻪ ﻭﺷﺎﻓﺖ ﻭﺍﺣﺪ ﻋﻄﻴﻬﺎ ﺑﻈﻬﺮﻩ ﻭﻣﻘﻌﻤﺰ ﻭﺷﺎﺩ ﻋﻮﺩ ﻭﻳﻌﺰﻑ ﺣﻮﻟﺖ ﺳﻤﺎﻋﺎﺗﻬﺎ ﻭﻗﺪﻣﺖ ﻭﻗﻌﻤﺰﺕ ﺑﻌﻴﺪ ﻋﻠﻴﻪ ﺑﺸﻮﻳﺔ ﻭﺭﺍﻩ ﻭﻗﻌﺪﺕ ﺗﺴﻤﻊ
ﻛﺎﻥ ﻳﻌﺰﻑ ﺑﺸﻜﻞ ﺣﻠﻮ ﻫﻠﺒﺎ ﻭﻋﻠﻲ ﻟﺤﻦ ﺣﺰﻳﻦ ﺣﻠﻮ ، ﻧﺮﺟﺲ ﻗﻌﺪﺕ ﺗﺴﻤﻊ ﻭﺗﺸﻮﻑ ﻟﻠﺒﺤﺮ ﻭﻗﻌﺪﺕ ﺳﺮﺣﺎﻧﻪ
ﻫﻮ ﻳﻌﺰﻑ ﻭﻳﺸﻮﻑ ﻟﻠﺒﺤﺮ ﻭﻳﻌﺒﺮ ﻋﻠﻲ ﻓﻲ ﺩﺍﺧﻠﻪ ﺑﺎﻟﻌﺰﻑ ﻗﻌﺪ ﻳﻌﺰﻑ ﻟﻤﺪﺓ ﻋﺸﺮﺓ ﺩﻗﺎﻳﻖ ﻭﻛﺎﻥ ﻋﺰﻓﻪ ﺭﻭﻋﻪ ، ﻛﻤﻞ ﻋﺰﻑ ﺣﻂ ﺍﻟﻌﻮﺩ ﺟﻨﺒﻪ ﻭﺗﻨﻬﺪ
ﻧﺮﺟﺲ ﻛﺎﻥ ﺗﺸﻮﻓﻠﻪ ﻣﻦ ﺍﻟﺨﻠﻒ ﻭﻛﺎﻥ ﺗﻠﻘﻰ ﺗﻘﺪﻡ ﺗﻄﻠﺐ ﻣﻨﻪ ﻳﻌﺰﻑ ﺛﺎﻧﻲ
،،،
ﻣﺎﻣﺎ : ﻳﺎﻧﻮﺳﻪ ﺷﻮﻓﻲ ﺍﺧﺘﻚ ﻭﻳﻦ ﺍﻣﺸﺖ ﺧﻴﺮﻫﺎ ﻋﻄﻠﺖ
ﺍﻧﻲ : ﺑﺎﻫﻲ ، ﻭﻗﻤﺖ ﺍﻟﺘﻠﻴﻔﻮﻥ ﻭﺍﺗﺼﻠﺖ ﺑﻴﻬﺎ
ﻋﻨﺪ ﻧﺮﺟﺲ ﻗﻄﻊ ﺳﺮﺣﺎﻧﻬﺎ ﺻﻮﺕ ﺗﻠﻴﻔﻮﻧﻬﺎ
ﻧﺮﺟﺲ ﺭﺩﺕ : ﺍﻟﻮ ﻧﻮﺳﻪ
ﻫﻮ ﺍﻧﺘﺒﻪ ﻟﺼﻮﺕ ﺍﻟﺘﻠﻴﻔﻮﻥ ﻭﺗﻠﻔﺖ ﺍﻟﻘﺎﻫﺎ ﻣﻘﻌﻤﺰﻩ ﻭﺭﺍﻩ ﻗﻌﺪ ﻳﺸﻮﻓﻠﻬﺎ ﻛﻴﻒ ﺗﺘﻜﻠﻢ
ﺍﻧﻲ : ﻭﻳﻨﻚ ﻣﺎﻣﺎ ﺍﻧﺸﻐﻠﺖ ﻋﻠﻴﻚ
ﻧﺮﺟﺲ : ﻫﻲ ﺍﻫﻮ ﺟﺎﻳﻪ ، ﻭﻭﻗﻔﺖ ﺷﺎﻓﺘﻠﻪ ﺍﻟﻘﺎﺗﻪ ﻳﺸﻮﻓﻠﻬﺎ ، ﻛﺎﻧﻮ ﻋﻴﻮﻧﻪ ﺑﻨﻴﻪ ﻟﻮﻧﻬﺎ ﺣﻠﻮ ﻭﺧﺼﻼﺕ ﺷﻌﺮﻩ ﺍﻟﺒﻨﻲ ﺗﺪﺍﻋﺐ ﺟﺒﻬﺘﻪ ﻭﻟﺤﻴﺘﻪ ﺍﻟﻜﺜﻴﻔﻪ ﺍﻟﻤﻬﻤﻠﺔ ﺯﺍﻳﺪﺍﺗﻪ ﻭﺳﺎﻣﻪ ، ﻧﺮﺟﺲ ﺳﺮﺣﺖ ﻓﻴﻪ ﻟﻮﻫﻠﻪ ﺑﻌﺪﻫﺎ ، ﺍﺑﺘﺴﻤﺘﻠﻪ ﺍﺑﺘﺴﺎﻣﻪ ﺧﻔﻴﻔﻪ
ﻫﻮ ﺍﺑﺘﺴﻢ ﻻﺍﺭﺍﺩﻱ ﻣﻦ ﺑﺴﻤﺘﻬﺎ ﻭﻗﻌﺪ ﻳﺸﻮﻑ ﻓﻴﻬﺎ ﻛﻴﻒ ﺗﺒﻌﺪ ، ﻭﺑﻌﺪ ﻣﺎﺍﻣﺸﺖ ﻭﺍﺧﺘﻔﺖ ﺗﻠﻔﺖ ﺟﻬﺔ ﺍﻟﺒﺤﺮ ﻭﺗﻨﻬﺪ ﻭﺭﺟﻊ ﻟﺴﺮﺣﺎﻧﻪ ﻭﻫﻮ ﺣﺎﺱ ﺑﺸﻲﺀ ﻏﺮﻳﺐ
،،،،،
ﺍﻣﺎ ﻧﺮﺟﺲ ﺟﺘﻨﺎ ﻭﻗﻌﻤﺰﺕ ﻉ ﺍﻟﻜﺮﺳﻲ
ﻣﺎﻣﺎ : ﻭﻳﻦ ﺍﻣﺸﻴﺘﻲ
ﻧﺮﺟﺲ ﺍﺷﺮﺕ ﻉ ﺍﻟﺠﻬﺔ ﺍﻟﻲ ﺍﻣﺸﺖ ﻣﻨﻬﺎ : ﻏﺎﺩﻱ ﻓﻲ ﺟﻬﺔ ﻫﻜﻲ ﺭﺷﺎﺩ ﻭﻋﺎﻟﻴﻪ ﻉ ﺍﻟﺒﺤﺮ ﻗﻌﻤﺰﺕ ﺷﻮﻳﺔ ﻣﻨﻈﺮ ﺣﻠﻮ
ﻣﺎﻣﺎ : ﺑﺎﻫﻲ ﻣﻌﺎﺵ ﺗﺒﺎﻋﺪﻱ ﻫﻠﺒﺎ
ﺍﻧﻲ ﻗﻌﺪﺕ ﻧﺸﻮﻑ ﻟﻨﺮﺟﺲ ﻛﺎﻧﺖ ﺗﺘﻜﻠﻢ ﺑﺎﺍﺭﺗﺒﺎﻙ ﻭﺳﺮﺣﺎﻧﻪ
ﻧﻮﺍﻝ ﻃﺎﻟﻌﻪ ﻣﻦ ﺍﻟﺪﺍﺭ ﻭﻫﻲ ﻻﺑﺴﻪ ﺑﻠﻮﺯﺓ ﺯﺭﻗﺎﺀ ﻃﻮﻳﻠﺔ ﺷﻮﻳﺔ
ﺍﻧﻲ ﺷﻔﺘﻠﻬﺎ ﺯﺑﻄﺖ ﺍﻧﻪ ﻣﺤﻤﻮﺩ ﻗﺎﻟﻠﻬﺎ ﻏﻴﺮﻱ ﺳﻮﺭﻳﺘﻚ ﻫﻬﻬﻬﻪ ﻣﺎﺗﺨﺎﻓﺶ ﺍﻻ ﻣﻨﻪ
ﻧﻮﺍﻝ : ﺧﻴﺮﻙ ﺗﺸﻮﻓﻴﻠﻲ ﻫﻜﻲ
ﺍﻧﻲ : ﻫﻬﻬﻬﻪ ﺷﻲ
ﻧﻮﺍﻝ : ﺭﻳﺤﻴﻨﻲ
ﻧﻮﺭﺱ : ﻫﻲ ﺗﻌﺎﻟﻮ ﻧﺨﺸﻮ ﻧﻌﻮﻣﻮ ﺧﺎﻃﺮﻱ ﻧﻌﻮﻡ
ﺍﻧﻲ : ﺷﻮﻳﺔ ﻧﺴﺎﻝ ﻭﻟﻴﺪ ، ﻭﻧﻀﺖ ﺍﻣﺸﻴﺖ ﺟﻬﺔ ﺍﻟﻄﺎﻭﻟﺔ ﺍﻟﻲ ﻣﻘﻌﻤﺰﻳﻦ ﻓﻴﻬﺎ ﻭﻟﻴﺪ ﻭﻣﺤﻤﻮﺩ ، ﻭﻛﺎﻧﻮ ﺣﺎﻃﻴﻦ ﺩﺟﺎﺝ ﻳﺸﻮﻭ ﻓﻴﻪ
ﺍﻧﻲ : ﻭﻟﻴﺪ
ﻭﻟﻴﺪ ﻭﻗﻒ ﻭﻗﺪﻡ ﺟﻬﺘﻲ : ﺷﻨﻮ
ﺍﻧﻲ : ﻧﺒﻮ ﻧﺨﺸﻮ ﻧﻌﻮﻣﻮ ﺍﻧﻲ ﻭﺍﻟﺒﻨﺎﺕ
ﻭﻟﻴﺪ ﻳﺸﻮﻑ ﺟﻬﺔ ﺍﻟﺸﻂ : ﺑﺎﻩ ﻣﺎﺩﺍﻣﻪ ﻣﺶ ﺯﺣﻤﺔ ﺧﺸﻮ ﺗﻮﺍ ﻭﺍﻭﻝ ﻣﺎﺗﺰﺣﻢ ﺍﻃﻠﻌﻮ
ﺍﻧﻲ ﺍﺑﺘﺴﻤﺖ : ﺑﺎﻩ ﺣﺎﺿﺮ ، ﻭﺍﻣﺸﻴﺖ ﻗﻠﺖ ﻟﻠﺒﻨﺎﺕ ﻫﻴﺎ ﻭﺧﺸﻴﻨﺎ ﻟﻠﺒﺤﺮ
ﻟﻌﺒﻨﺎ ﻭﺩﺭﻧﺎ ﺟﻮ ﺍﺳﺘﺮﺟﻌﺖ ﺍﻳﺎﻡ ﻃﻔﻮﻭﻟﺘﻲ ﻫﻬﻪ ﻛﻨﺎ ﺯﻱ ﺍﻻﻃﻔﺎﻝ ﺍﻧﻄﺮﻭ ﻓﻲ ﺍﻟﻤﻴﻪ ﻋﻠﻲ ﺑﻌﺾ ﻭﺿﺤﻜﻨﺎ ، ﻭﻛﺎﻧﺖ ﻧﻮﺍﻝ ﺍﻛﺜﺮ ﻭﺣﺪﺓ ﻓﻴﻨﺎ ﺗﻌﺮﻑ ﺗﻌﻮﻡ ﻭﻗﻌﺪﺕ ﺗﻐﻄﺲ ﻭﺗﻐﺮﻕ ﻓﻴﻨﺎ ﻣﺸﻴﻨﺎ ﺍﻟﺠﻮ ﺣﻠﻮ ﻟﺤﺪ ﻣﺎﺍﺷﺮﻟﻲ ﻭﻟﻴﺪ ﺍﻧﻪ ﻧﻄﻠﻌﻮ ﻧﺘﻐﺪﻭ ، ﻃﻠﻌﻨﺎ ﻧﺸﻔﻨﺎ ﺭﻭﺣﻨﺎ ﻭﻏﻴﺮﻧﺎ ﻣﻼﺑﺴﻨﺎ ﻭﻗﻌﻤﺰﻧﺎ ﻧﺘﻐﺪﻭ ﻣﻊ ﺑﻌﺾ ﺣﺘﻰ ﻭﻟﻴﺪ ﻭﻣﺤﻤﻮﺩ ﻣﻌﺎﻧﺎ ﻧﻔﺲ ﺍﻟﻄﺎﻭﻟﺔ
ﻣﺤﻤﻮﺩ : ﺗﺮﺍ ﺭﺣﻤﺔ ﻣﺪﻳﻠﻲ ﺍﻟﺼﻮﻧﻴﻪ ﻭﺍﺷﺮﻟﻬﺎ ﻋﻠﻲ ﺻﻮﻧﻴﻪ ﻓﻴﻬﺎ ﺳﻼﻃﺔ
( ﻛﺎﻧﺖ ﺍﻟﺼﻮﻧﻴﻪ ﻗﺮﻳﺒﻪ ﻣﻦ ﻧﻮﺍﻝ ﻭﻫﻮ ﻃﻠﺒﻬﺎ ﻣﻘﺼﻮﺩ ، ﻫﻬﻬﻪ ﻋﺎﺭﻓﺎﺗﻪ ﺍﻧﻲ )
ﻧﻮﺍﻝ ﻗﺎﻣﺖ ﺍﻟﺼﻮﻧﻴﻪ ﻭﻣﺪﺗﻬﺎﻟﻪ
ﻣﺤﻤﻮﺩ ﺧﺪﻱ ﺍﻟﺼﻮﻧﻴﻪ ﻭﻣﺲ ﻳﺪﻫﺎ ﻭﺍﺑﺘﺴﻤﻠﻬﺎ
ﻧﻮﺍﻝ ﺍﺑﺘﺴﻤﺖ ﻭﺗﺤﺸﻤﺖ ﻭﻧﺰﻟﺖ ﺭﺍﺳﻬﺎ
ﻋﻤﺘﻲ ﺗﻨﻮﺽ : ﺍﻟﺤﻤﺪ ﻟﻠﻪ ، ﺍﻧﻲ ﺑﻨﺨﺶ ﻧﺘﻜﻰ ﺍﻟﺪﺍﺧﻞ ﺷﻮﻳﻪ ﺣﺴﻪ ﺍﻟﺸﻤﺲ ﺿﺮﺑﺘﻠﻲ ﺭﺍﺳﻲ
ﻣﺎﻣﺎ : ﺍﻳﻪ ﻭﺍﻟﻠﻪ ﺣﺘﻰ ﺍﻧﻲ ﺣﺴﻪ ﺭﺍﺳﻲ ﻭﺟﻌﻨﻲ ﺧﻠﻲ ﻧﺨﺶ ﻣﻌﺎﻙ
ﻭﺧﺸﻮ ﻣﺎﻣﺎ ﻭﻋﻤﺘﻲ ﺍﻟﺪﺍﺧﻞ ﻭﻗﻌﺪﻧﺎ ﺍﺣﻨﻲ ﻧﻬﺪﺭﺯﻭ ، ﻭﻣﺤﻤﻮﺩ ﻭﻧﻮﺍﻝ ﺷﺒﻌﺎﻧﻴﻦ ﻣﻦ ﺍﻟﻨﻈﺮﺍﺕ ﻟﺒﻌﺾ
ﻭﻟﻴﺪ ﺍﺷﺮﻟﻲ ﺑﻤﻌﻨﻰ ﻫﻲ ﺍﻧﻮﺿﻮ
ﺍﻧﻲ ﻭﻗﻔﺖ ﻭﺍﻧﺴﺤﺒﺖ ﺍﻧﻲ ﻭﻭﻟﻴﺪ ﻭﺍﻣﺸﻴﻨﺎ ﻭﻗﻌﺪﻧﺎ ﻧﺘﻤﺸﻮ ﻉ ﺍﻟﺸﻂ
ﻭﻟﻴﺪ : ﺣﺒﻴﺒﺘﻲ ﺧﺪﻳﺘﻲ ﺩﻭﺍﻙ
ﺍﻧﻲ : ﺍﻳﻪ ﺧﺪﻳﺖ ، ﻗﻤﺖ ﺭﺍﺳﻲ ﺷﻔﺘﻠﻪ ، ﺣﺒﻴﺒﻲ ﺧﺎﻃﺮﻱ ﻧﻌﻮﻡ ﺍﻧﻲ ﻭﻳﺎﻙ
ﻭﻟﻴﺪ : ﺧﻠﻴﻬﺎ ﻓﻲ ﺍﻟﻠﻴﻞ ﺍﺣﻠﻰ
ﺍﻧﻲ : ﺍﻣﻢ ﺑﺎﻩ
ﻗﻌﺪﻧﺎ ﻧﺘﻤﺸﻮ ﻉ ﺍﻟﺸﻂ ﻭﻧﻬﺪﺭﺯﻭ
ﻧﺮﺟﺲ ﻭﻧﻮﺍﻝ ﻣﺎﺷﻴﻴﻦ ﺟﻬﺔ ﺍﻟﺒﺤﺮ
ﻧﺮﺟﺲ ﺗﻠﻔﺘﺖ ﺷﺎﻓﺖ ﻧﻔﺲ ﺍﻟﺸﺨﺺ ﺍﻟﻲ ﺍﻣﺒﻜﺮﻱ ﻛﺎﻥ ﻻﺑﺲ ﺷﻮﺭﺕ ﻭﻣﺎﺷﻲ ﺟﻬﺔ ﺍﻟﺸﻂ ﻭﺧﺶ ﻗﻌﺪ ﻳﻌﻮﻡ ﻛﺎﻥ ﻣﺴﺎﻓﻪ ﻣﺶ ﺑﻌﻴﺪﻩ
ﺧﺸﻮ ﻧﺮﺟﺲ ﻭﻧﻮﺍﻝ ﻭﺑﻌﺪﻫﺎ ﺧﺶ ﻣﺤﻤﻮﺩ ﺣﺘﻰ ﻫﻮ ﻭﻭﻓﺎﺀ ﻭﻧﻮﺭﺱ ﻭﺭﺣﻤﺔ ﻗﻌﺪﻭ ﻣﻘﻌﻤﺰﻳﻦ ﻉ ﺍﻟﻜﺮﺍﺳﻲ ﻭﻳﻬﺪﺭﺯﻭ
ﻣﺤﻤﻮﺩ ﻏﻄﺲ ﻭﻗﺮﺏ ﺟﻬﺔ ﻧﻮﺍﻝ ﻭﻳﺠﺒﺪﻫﺎ ﻣﻦ ﺭﺟﻠﻬﺎ ﻳﻐﺮﻗﻬﺎ
ﻧﻮﺍﻝ : ﻭﻭﻭﻩ ﺍﺍﺍﺍ ﻭﻗﻌﺪﺕ ﺗﻘﺎﻭﻡ ﺑﻌﺪﻫﺎ ﺷﺪﻫﺎ ﻣﺤﻤﻮﺩ
ﻧﻮﺍﻝ ﺗﺨﺒﻂ ﻓﻴﻪ ﻭﺑﻨﻔﺲ ﺩﺍﻫﺶ : ﺑﺎﺍﺭﺩ ﺑﺎﺍﺭﺩ ﺣﻴﻮﺍﻥ ﻣﺎﺑﺮﺩﻙ ﺣﻮﻝ ﺣﻮﻝ ﻣﻦ ﻋﻠﻴﺎ
ﻣﺤﻤﻮﺩ ﻣﻴﺖ ﺑﺎﻟﻀﺤﻚ ﻭﻳﺸﺪ ﻓﻴﻬﺎ
ﻧﺮﺟﺲ : ﻫﻬﻬﻬﻬﻪ
ﺍﻧﻲ ﻉ ﺍﻟﺸﻂ ﻛﻨﺖ ﻧﺮﺍﻗﺐ ﻓﻴﻬﻢ : ﻫﻬﻬﻪ ﻭﻟﻴﺪ ﺷﻮﻑ ﻫﻬﻪ ﻣﺤﻤﻮﺩ ﻏﺮﻕ ﻧﻮﺍﻝ
ﻭﻟﻴﺪ : ﻫﻬﻬﻬﻬﻪ ﻭﺍﻟﻠﻪ ﺍﻻ ﺑﺎﺭﺩ ﺧﻮﻱ ﻫﺬﺍ
ﺍﻧﻲ : ﻫﻬﻬﻬﻪ ﻣﺶ ﻋﺎﺭﻑ ﻟﻤﻦ ﻃﺎﻟﻊ
ﻭﻟﻴﺪ : ﺗﻮ ﺍﻧﺘﻲ ﻋﻠﻲ ﻣﻦ ﺗﻠﻘﺤﻲ
ﺍﻧﻲ : ﻫﻬﻬﻬﻪ ﻣﺎﻋﻠﻲ ﺣﺪ
ﻭﻟﻴﺪ : ﻣﺎﻋﻠﻲ ﺣﺪ ﺻﺎﺭ ﺍﻫﺎ ﻣﺎﻋﻠﻲ ﺣﺪ ، ﻭﻗﺎﻣﻨﻲ ﺣﻄﻨﻲ ﻓﻮﻕ ﻛﺘﻔﻪ ﻭﺷﺪ ﺭﺟﻠﻴﺎ
ﺍﻧﻲ : ﻭﻟﻴﻴﺪ ﻧﺰﺯﻟﻨﻲ ﻫﻴﻲ ﻳﺎﻭﻟﻴﺪ ﺍﻟﻨﺎﺱ ﻳﺸﻮﻓﻮﻟﻨﺎ ﻫﻬﻬﻬﻬﻪ ﺗﻲ ﻧﺰﻟﻨﻲ ﻳﺎﺍﻣﺠﻨﻮﻥ
ﻭﻟﻴﺪ : ﺑﺎﺵ ﻧﻮﺭﻳﻚ ﻛﻴﻒ ﺗﻠﻘﺤﻲ
ﺍﻧﻲ ﻧﺨﺒﻂ ﻓﻴﻪ ﺑﻴﺪﻱ ﻋﻠﻲ ﻇﻬﺮﻩ : ﻫﻬﻪ ﻭﻟﻴﺪ ﻧﺰﻟﻨﻲ ﺑﺎﻟﻠﻪ ﻋﻠﻴﻚ ﻣﻌﺎﺵ ﻧﻠﻘﺢ
ﻭﻟﻴﺪ ﻣﺶ ﻣﻌﺪﻝ ﻋﻠﻴﺎ ﻭﺧﺎﺵ ﺟﻬﺔ ﺍﻟﺒﺤﺮ
ﻣﺤﻤﻮﺩ ﻳﻀﺤﻚ ﻭﻳﻬﺪﻱ ﻓﻲ ﻧﻮﺍﻝ ﺷﺎﻓﻨﻲ : ﻏﻴﺮ ﻳﺎﺍﻣﻬﺒﻮﻟﺔ ﻫﻬﻬﻪ ﺍﻫﺪﻱ ﺷﻮﻓﻲ ﺷﻮﻓﻲ
ﻧﻮﺍﻝ ﺗﻀﺮﺏ ﻓﻴﻪ : ﻣﺎﻧﺒﻴﺶ ﻧﺸﻮﻭﻑ ﺍﻃﻠﻘﻨﻲ ﻋﺎﺭﻓﺎﺗﻚ ﺑﺘﺴﺘﻐﻔﻠﻨﻲ ﻭﺗﻐﺮﻗﻨﻲ
ﻣﺤﻤﻮﺩ : ﻫﻬﻬﻬﻬﻪ ﻭﺍﻟﻠﻪ ﻣﻌﺎﺩ ﻣﻐﺮﻗﻪ ﻏﻴﺮ ﺍﻫﺪﻱ ﺑﻴﺶ ﻧﻄﻠﻘﻚ ، ﺷﻮﻓﻲ ﻫﻮﻧﺎ ﺣﺘﻰ ﻧﺴﻴﺒﻪ ﻣﺪﺧﻠﻬﺎ ﻭﻟﻴﺪ
ﻧﻮﺍﻝ ﺗﻠﻔﺘﺖ ﺷﺎﻓﺘﻨﻲ : ﻫﻪ ﺣﻲ ﻋﻠﻴﻪ ﻛﻴﻒ ﺷﺎﺩﻫﺎ ﻫﻬﻬﻬﻪ
ﻣﺤﻤﻮﺩ : ﺑﻨﻄﻠﻘﻚ ﻫﺎ ﺷﺪﻱ ﺭﻭﺣﻚ ﻻﺗﻐﺮﻗﻲ ﻫﻬﻬﻬﻪ
ﻧﻮﺍﻝ ﻓﻜﺖ ﺭﻭﺣﻬﺎ : ﻣﺎﻧﻐﺮﻗﺶ ﺍﻧﻲ ﻛﺎﻥ ﺍﻧﺖ ﺗﻘﻌﺪ ﺑﻌﻴﺪ ﻋﻠﻴﺎ
ﻭﻗﻌﺪﻭ ﻳﺸﻮﻓﻠﻨﺎ ﻛﻴﻒ ﺷﺎﺩﻧﻲ ﻭﻟﻴﺪ ﻭﻳﻀﺤﻚ
ﻭﻟﻴﺪ ﻗﻌﺪ ﻳﺨﺶ ﺑﻴﺎ ﻟﻠﻐﺮﻳﻖ ﻭﺍﻧﻲ ﻣﺎﻧﻌﺮﻓﺶ ﻧﻌﻮﻡ ﻛﻮﻳﺲ ﻭﻧﺰﻟﻨﻲ ﻣﻦ ﻋﻠﻲ ﻛﺘﻔﻪ
ﺍﻧﻲ ﻛﻌﺒﺸﺖ ﻓﻲ ﺭﻗﺒﺘﻪ : ﻭﻟﻴﻴﺪ ﻃﻠﻌﻨﻲ ﻃﻠﻌﻨﻲ ﻣﺎﻧﻌﺮﻓﺶ ﻧﻌﻮﻡ ﻏﺮﻳﻖ ﻫﻠﺒﺎ
ﻭﻟﻴﺪ : ﻫﻬﻬﻬﻪ ﺍﺭﺧﻲ ﺭﻭﺣﻚ ﺗﻮ ﻧﻌﻠﻤﻚ
ﺍﻧﻲ ﺯﺩﺕ ﺷﺪﻳﺖ ﻓﻲ ﺭﻗﺒﺘﻪ : ﻭﻟﻴﺪ ﻃﻠﻌﻨﻲ ﻃﻠﻌﻨﻲ
ﻭﻟﻴﺪ : ﻫﻬﻬﻬﻬﻬﻪ ﻣﺎﺣﺴﺒﺘﻜﺶ ﺧﻮﺍﻓﻪ ﻫﻜﻲ ، ﺗﻲ ﻏﻴﺮ ﺍﺭﺧﻲ ﺭﻭﺣﻚ
ﻧﻮﺍﻝ ﻭﻣﺤﻤﻮﺩ ﻗﻌﺪﻭ ﻳﻌﻮﻣﻮ ﻟﻴﻦ ﻭﺻﻠﻮ ﻓﻴﻨﺎ
ﻧﻮﺍﻝ : ﻫﻬﻬﻬﻬﻬﻬﻬﻬﻪ ﻣﻨﻈﺮﻙ ﻓﻈﻴﻊ ﻛﻴﻒ ﻣﻜﻌﺒﺸﻪ
ﺍﻧﻲ : ﺍﺳﻜﺘﻲ ﺍﻧﺘﻲ ﺗﻌﺮﻓﻲ ﺗﻌﻮﻣﻲ ﺍﻧﻲ ﻣﺎﻧﻌﺮﻓﺶ ، ﻭﺗﺠﻲ ﻣﻮﺟﺔ ﻣﺎﻛﺎﻧﺘﺶ ﻛﺒﻴﺮﺓ ﺑﺲ ﺩﻓﺘﻨﺎ ، ﻭﻭﻭﻭﻭﻭﻩ ﻭﻟﻴﻴﻴﻴﺪ ﻭﻗﻌﺪﺕ ﻧﺒﻜﻲ
ﻭﻟﻴﺪ : ﻫﻬﻬﻬﻬﻬﻬﻬﻪ ﺧﻮﺍﻓﻪ ، ﻭﻗﻌﺪ ﻳﻌﻮﻡ ﺑﻴﺎ ﻟﺠﻬﺔ ﺍﻟﺸﻂ
ﻣﺤﻤﻮﺩ : ﻫﻬﻬﻬﻬﻬﻬﻬﻪ ﻭﺍﻟﻠﻪ ﺍﻻ ﻃﻠﻌﺘﻲ ﺧﻮﺍﻓﻪ ﺣﻖ ﻳﺎﻧﺴﻴﺒﻪ
ﺍﻧﻲ ﻧﺒﻜﻲ : ﺍﺳﺲ ﺍﻧﺖ
ﻣﺤﻤﻮﺩ ﻭﻧﻮﺍﻝ ﻣﻴﺘﻴﻦ ﺑﺎﻟﻀﺤﻚ
ﻭﻟﻴﺪ : ﻫﻬﻬﻬﻬﻬﻬﻪ ﺗﻲ ﺧﻼﺹ ﺍﻫﻮ ﺑﻨﻄﻠﻌﻮ
ﺍﻧﻲ : ﻣﻌﺎﺍﺵ ﺗﻀﺤﻚ ﺍﺳﻜﺖ ﻭﺍﻟﻠﻪ ﻣﻌﺎﺩ ﻣﻜﻠﻤﺘﻚ ﻭﺍﻟﻠﻪ ﻛﺎﻥ ﻏﺮﻗﺖ ﻭﻣﺘﺖ ﻣﺎﻧﻲ ﻣﺴﺎﻣﺤﺎﺍﺗﻚ ﺑﺎﻫﻲ
ﻭﻟﻴﺪﺩ : ﻫﻬﻬﻬﻬﻬﻬﻬﻬﻬﻬﻬﻬﻬﻬﻬﻪ
ﺍﻧﻲ ﺷﺪﻳﺖ ﻋﻠﻲ ﺭﻗﺒﺘﻪ ﺑﺎﻟﻘﻮﺓ : ﻣﻌﺎﺍﺍﺵ ﺗﻀﺤﻚ
ﻭﻟﻴﺪ ﻳﺸﺪ ﺿﺤﻜﺘﻪ : ﺗﻲ ﺍﺍﻱ ﻫﻬﻬﻬﻬﻪ ﺭﻗﺒﺘﻲ
ﺍﻧﻲ : ﺗﺴﺘﺎﻫﻞ
ﻣﺤﻤﻮﺩ : ﻫﻬﻬﻬﻬﻬﻪ ﻧﺴﻴﺒﺔ ﻫﻲ ﺗﺠﻲ ﻧﻌﻮﻣﻮ
ﺍﻧﻲ ﻓﻨﺼﺖ ﻓﻴﻪ : ﺍﺳﻜﺖ ﺧﻴﺮﻟﻚ ﺭﺍﻫﻮﻭ ﺍﻥ ﺷﺎﺀ ﺍﻟﻠﻪ ﺗﻐﺮﻗﻮﻭ ﻳﺎﺭﺑﻲ
ﻣﺤﻤﻮﺩ : ﻫﻬﻬﻬﻬﻬﻬﻬﻪ
ﻭﻟﻴﺪ ﻳﻨﺰﻟﻨﻲ ﻉ ﺍﻟﺸﻂ : ﻫﻬﻬﻪ ﻫﻲ ﻳﺎﺧﻮﺍﻓﻪ ﻃﻠﻌﻨﺎ
ﺍﻧﻲ ﻓﻜﻴﺖ ﺭﻭﺣﻲ ﻭﺗﻠﻔﺘﺖ ﻣﺎﺭﺩﻳﺘﺶ ﻋﻠﻴﻪ ﻭﻗﻌﺪﺕ ﻧﻤﺸﻲ ﺑﺴﺮﻋﻪ
ﻭﻟﻴﺪ ﺟﻲ ﻭﺭﺍﻱ : ﺣﻲ ﺣﻲ ﺯﻋﻠﺖ ﻧﻮﻭﺳﺔ ﻧﻮﺳﺘﻲ ﻫﻬﻬﻪ ﻣﺸﻔﺸﻔﻪ ﻳﺎﻫﺒﻠﺔ ﻫﻬﻬﻬﻪ
ﺍﻧﻲ ﺗﻠﻔﺘﺘﻠﻪ : ﻣﻌﺎﺵ ﺗﻜﻠﻤﻨﻲ ، ﻭﺭﺟﻌﺖ ﺗﻠﻔﺘﺖ ﻭﺍﻣﺸﻴﺖ
ﻭﻟﻴﺪ ﻟﺤﻘﻨﻲ ﻭﺷﺪ ﻳﺪﻱ : ﻫﻬﻬﻬﻪ ﻳﺎﻫﺒﻠﺔ ﺧﻼﺹ ﺍﺳﻒ ﻣﻦ ﻏﻴﺮ ﺯﻋﻞ
ﺍﻧﻲ ﻗﻌﺪﺕ ﻧﺒﻜﻲ : ﺑﺎﺍﺭﺩ ﺍﻧﺖ
ﻭﻟﻴﺪ : ﺣﻲ ﻣﻌﺎﺵ ﺗﺒﻜﻲ ، ﻭﺟﺒﺪﻧﻲ ﺍﺣﻀﻨﻲ ، ﺧﻼﺹ ﺍﺳﻒ ﻣﻌﺎﺵ ﻧﻌﺎﻭﺩﻫﺎ
ﺍﻧﻲ ﻗﻌﺪﺕ ﻧﺒﻜﻲ ﻭﻧﺪﻑ ﻓﻴﻪ ﻭﻧﻘﻮﻝ : ﺑﺎﺭﺩ ﺑﺎﺭﺩ
ﻭﻟﻴﺪ ﻳﺸﺪ ﻓﻴﺎ ﻭﻳﺘﺄﺳﻒ ﻭﻳﻌﺎﻭﺩ
ﻣﺤﻤﻮﺩ ﻟﻨﻮﺍﻝ : ﻧﻮﺍﻝ ﻧﻮﺍﻝ ﺷﻮﻓﻲ ﻏﺎﺩﻱ ، ﺧﻮﻱ ﻳﺘﻠﺼﻖ ﺗﻮ ﺑﺎﺵ ﺗﺴﺎﻣﺤﻪ
ﻧﻮﺍﻝ : ﻫﻬﻬﻬﻬﻬﻬﻬﻬﻪ ﻣﻬﺒﻮﻟﺔ ﻗﻌﺪﺕ ﺗﺒﻜﻲ
ﻣﺤﻤﻮﺩ : ﺗﻲ ﺍﺳﺲ ﺣﺘﻰ ﺍﻧﺘﻲ ﻗﺮﻳﺐ ﺑﻜﻴﺘﻲ ﻟﻤﺎ ﻏﺮﻗﺘﻚ
ﻧﻮﺍﻝ : ﻻﻧﻚ ﺑﺎﺭﺩ ﻭﺧﻠﻌﺘﻨﻲ ﻋﻠﻲ ﻓﺠﺄﻩ
ﻣﺤﻤﻮﺩ : ﺑﺎﻩ ﻫﻲ ﺧﻼﺹ ﻧﻄﻠﻌﻮ ﺑﺘﻈﻠﻢ
ﻧﻮﺍﻝ : ﻣﺰﺍﻝ ﺧﺎﻃﺮﻱ ﻧﻌﻮﻡ
ﻣﺤﻤﻮﺩ : ﻫﻴﺎﺍ ﻗﺪﺍﻣﻲ ﺑﺪﺕ ﺗﺰﺣﻢ ﺷﺒﺎﺏ ﺍﺻﻼ
ﻧﻮﺍﻝ : ﺣﺒﻴﺒﻲ ﻏﻴﺮ ﻧﺰﻳﺪﻭ ﺷﻮﻳﺔ ﺑﺴﺲ ﺷﻮﻳﺔ
ﻣﺤﻤﻮﺩ : ﻧﻄﻠﻌﻮ ﺍﻟﻔﺠﺮ ﺗﺒﺪﺃ ﻓﺎﺿﻴﻪ ﻭﻣﻠﻴﺤﺔ
ﻧﻮﺍﻝ : ﻭﻋﺪ ﺭﺍﻫﻮ ﺗﻄﻠﻊ ﻣﻌﺎﻱ ﺍﻟﻔﺠﺮ
ﻣﺤﻤﻮﺩ : ﻭﻋﺪ
ﻧﻮﺍﻝ ﺗﻘﻮﻝ ﻟﻨﺮﺟﺲ ﺍﻟﻲ ﺑﻌﻴﺪﻩ ﻋﻠﻴﻬﻢ ﺷﻮﻳﺔ : ﻧﺮﺟﺲ ﻫﻲ ﺑﻨﻄﻠﻌﻮﻭ
ﻧﺮﺟﺲ : ﺑﺎﻩ ﺍﻃﻠﻌﻮ ﺗﻮ ﻧﻠﺤﻘﻜﻢ
ﻧﻮﺍﻝ ﻭﻣﺤﻤﻮﺩ ﻃﻠﻌﻮ
ﻭﻗﻌﺪﺕ ﻧﺮﺟﺲ ﺗﻌﻮﻡ ﻭﻓﺠﺄﺓ ﺗﺘﻠﻔﺖ ﺗﺠﻲ ﻋﻴﻨﻬﺎ ﻓﻲ ﻋﻴﻦ ﺍﻟﺸﺎﺏ ﻧﻔﺴﻪ ﺍﻟﻲ ﻛﺎﻥ ﻳﻌﺰﻑ ﺍﺑﺘﺴﻤﻠﻬﺎ ﺑﺎﺩﻟﺘﻠﻪ ﺍﻻﺑﺘﺴﺎﻣﻪ
ﻓﺠﺄﺓ ﻳﺠﻲ ﺗﻴﺎﺭ ﻭﻧﺮﺟﺲ ﺣﺴﺖ ﺍﻧﻪ ﻓﻲ ﺣﺎﺟﺔ ﺗﺴﺤﺐ ﻓﻴﻬﺎ ﻟﻠﺨﻠﻒ ﻗﻌﺪﺕ ﺗﻘﺎﻭﻡ ﻣﺎﻗﺪﺭﺗﺶ ﻗﻌﺪ ﺍﻟﺘﻴﺎﺭ ﻳﺴﺤﺐ ﻓﻴﻬﺎ ﻗﻌﺪﺕ ﺗﻌﻴﻂ ﻭﺗﻘﺎﻭﻡ
ﺷﺎﻓﻬﺎ ﻛﻴﻒ ﺗﻘﺎﻭﻡ ﻭﺳﻤﻌﻬﺎ ﺗﻌﻴﻂ ﻗﻌﺪﺕ ﻳﻌﻮﻡ ﺟﻬﺘﻬﺎ ﺑﺴﺮﺭﻋﻪ ، ﻧﺮﺟﺲ ﻗﺎﻭﻣﺖ ﻗﺎﻭﻣﺖ ﻭﻏﺮﻗﺖ ﻭﺍﻏﻨﻲ ﻋﻠﻴﻬﺎ ﺍﻭﻝ ﻣﺎﺧﺸﺖ ﺗﺤﺖ ﺳﻄﺢ ﺍﻟﻤﻴﻪ ، ﻏﻄﺲ ﺑﺴﺮﻋﻪ
ﻧﻮﺭﺱ ﻛﺎﻧﺖ ﺗﺮﺍﻗﺐ ﻓﻲ ﻧﺮﺟﺲ ﻣﻦ ﺑﻌﻴﺪ ﻭﺍﻭﻝ ﻣﺎﺷﺎﻓﺘﻬﺎ ﻭﻗﻔﺖ ﻭﺑﺨﻠﻌﻪ : ﻧﺮﺭﺭﺭﺟﺲ ﻧﺮﺭﺭﺟﺲ ﻏﺮﻗﺖ ﻳﺎﺍﺍﻣﺎﻣﺎ ﺍﻧﻲ ﺷﻔﺘﻬﺎﺍﺍﺍ ﻳﺎﻣﺎﻣﺎ
ﻭﻟﻴﺪ ﻭﻣﺤﻤﻮﺩ : ﻭﻳﻨﻬﺎ ﻭﻳﻨﻬﺎ
ﻧﻮﺭﺱ ﺍﺷﺮﺗﻠﻬﻢ ﻉ ﺍﻟﺠﻬﺔ ﺍﻟﻲ ﺷﺎﻓﺖ ﻓﻴﻬﺎ ﻧﺮﺟﺲ ﺍﺧﺮ ﻣﺮﺓ ﻭﻟﻴﺪ ﺍﻣﺸﻲ ﺑﺴﺮﻋﻪ ﺟﻬﺔ ﺍﻟﺒﺤﺮ ﻭﺧﺶ ﺍﻣﺎ ﻣﺤﻤﻮﺩ ﺍﻣﺸﻲ ﻟﺸﺒﺎﺏ ﺍﻻﻧﻘﺎﺫ ﻓﻲ ﺍﻟﺒﺤﺮ ﻭﻗﺎﻟﻠﻬﻢ ﻭﺟﻮ ﻛﻠﻬﻢ ﻳﺠﺮﻭ ﻭﺧﺸﻮ ﻭﺧﺶ ﻣﻌﺎﻫﻢ
ﻣﺎﻣﺎ ﺗﺨﺒﻂ ﻋﻠﻲ ﻭﺟﻬﻬﺎ ﻭﺗﺒﻜﻲ : ﺣﻲ ﻋﻠﻴﺎ ﺑﻨﻴﺘﻲ ﺣﻲ ﻋﻠﻴﺎ
ﺍﻧﻲ ﻗﻌﺪﺕ ﻧﺒﻜﻲ ﻭﺣﺘﻰ ﻧﻮﺭﺱ ﻭﻛﻨﺎ ﻗﺪﻣﻨﺎ ﺟﻬﺔ ﺍﻟﺸﻂ ﻭﻧﺴﺘﻨﻮ ﻓﻴﻬﻢ ﺍﻣﺘﻰ ﻳﻨﻘﺬﻭﻫﺎ ﻛﺎﻧﺖ ﻟﺤﻈﺎﺕ ﻭﻻﺍﺑﺸﻊ ﻛﻨﺎ ﻧﺮﻋﺸﻮ ﻭﺧﺎﻳﻔﻴﻦ ﻭﻧﺒﻜﻮ
ﻭﺻﻞ ﻓﻲ ﻳﺪﻫﺎ ﺳﺤﺒﻬﺎﺍ ﻭﻫﻲ ﻓﺎﻗﺪﻩ ﺍﻟﻮﻋﻲ ﻟﻒ ﻳﺪﻫﺎ ﻋﻠﻲ ﺭﻗﺒﺘﻬﺎ ﻭﺣﺎﻭﻝ ﻳﺸﺪﻫﺎ ﻛﻮﻳﺲ ﻭﻗﻌﺪ ﻳﻌﻮﻡ ﺑﻴﻬﺎ ﻟﺤﺪ ﻣﺎﻭﺻﻠﻮ ﻓﻴﻪ ﺑﺘﺎﻉ ﺍﻻﻧﻘﺎﺫ ﻭﻛﺎﻧﻮ ﺑﻘﺎﺭﺏ ﺻﻐﻴﺮ
ﺍﻟﺮﺍﺟﻞ ﻣﺪﻟﻪ ﻳﺪﻩ ﻭﺳﺎﻋﺪﻩ ﺍﻧﻪ ﻳﺮﻛﺐ ﻉ ﺍﻟﻘﺎﺭﺏ ﻭﺣﻂ ﻧﺮﺟﺲ ﻣﺪﺩﻫﺎ ﻭﻗﻌﺪ ﻳﺪﻳﺮﻟﻬﺎ ﻓﻲ ﺍﺳﻌﺎﻓﺎﺕ ﻋﺪﻟﻠﻬﺎ ﺭﺍﺳﻬﺎ ﻭﻣﺪﺩﻫﺎ ﻛﻮﻳﺲ ﻭﻗﺪ ﻳﺪﻟﻜﻠﻬﺎ ﻓﻲ ﺟﻬﺔ ﺍﻟﻘﻠﺐ
ﺍﻟﺮﺍﺟﻞ : ﺗﻮ ﻧﺪﻳﺮﻟﻬﺎ ﺍﻻﺳﻌﺎﻓﺎﺕ ﻏﻴﺮ ﻧﻮﺻﻠﻮ ﺑﻴﻬﺎ ﻟﻠﺸﻂ
ﻫﻮ : ﺣﺘﻰ ﻧﺎ ﺩﻛﺘﻮﺭ ، ﺍﻟﺒﻨﺖ ﻣﺎﺗﺘﻨﻔﺴﺶ ، ﻭﻗﻌﺪ ﻳﺪﻳﺮﻟﻬﺎ ﻓﻲ ﺗﻨﻔﺲ ﺻﻨﺎﻋﻲ ﻻﻧﻪ ﻣﺎﻓﻴﺶ ﻓﻲ ﻳﺪﻩ ﺷﻲ ﺗﺎﻧﻲ ﺧﺎﻑ ﺗﻤﻮﺕ ، ﻭﺑﻌﺪﻫﺎ ﻗﻌﺪ ﻳﻀﻐﻂ ﻋﻠﻲ ﺍﻟﺼﺪﺭ ﺑﻴﺪﻳﻪ ﺍﻟﺰﻭﺯ
ﻧﺮﺟﺲ ﺑﺪﺕ ﺗﺘﻨﻔﺲ ﻭﺑﺪﺕ ﺗﻔﻴﻖ ﺷﻮﻳﺔ ﺷﻮﻳﺔ
ﻗﻌﻤﺰﻫﺎ ﻭﻋﺪﻟﻬﺎ ﻭﻗﺮﺏ ﺭﺍﺳﻬﺎ ﻣﻦ ﺟﻬﺔ ﺣﺎﺷﻴﻪ ﺍﻟﻘﺎﺭﺏ
ﻧﺮﺟﺲ ﺍﻭﻝ ﻣﺎﻓﺎﻗﺖ ﺑﺪﺕ ﺗﺘﻘﻴﺄ ﻭﺳﺎﻋﺪﻫﺎ ﺍﻟﻮﺿﻊ ﺍﻟﻲ ﺣﻄﻬﺎ ﺑﻴﻪ
ﻭﺻﻠﻮ ﻟﻠﺸﻂ ﻭﺳﺎﻋﺪﻫﺎ ﻋﻠﻲ ﺍﻟﻨﺰﻭﻝ ﻭﺍﻟﻤﺸﻲ ﻻﻧﻬﺎ ﻛﺎﻧﺖ ﺩﺍﻳﺨﻪ
ﻫﻮ : ﺍﻟﺤﻤﺪ ﻟﻠﻪ ﻉ ﺳﻼﻣﺘﻚ ، ﺭﺩﻱ ﺑﺎﻟﻚ ﻣﺮﺓ ﺗﺎﻧﻴﻪ ﺑﺎﻫﻲ
ﻧﺮﺟﺲ ﺑﺼﻮﺕ ﺩﺍﻳﺦ : ﺑﺎﻩ
ﺍﺣﻨﻲ ﺷﻔﻨﺎﻫﻢ ﺍﻣﺸﻴﻨﺎ ﻧﺠﺮﻭ ﺟﻬﺘﻬﻢ
ﺍﻧﻲ ﺍﺿﺒﻄﺘﻬﺎ : ﺍﻟﺤﻤﺪ ﻟﻠﻪ ﻉ ﺳﻼﻣﺘﻚ ﺧﻮﻓﺘﻴﻨﺎ ﻋﻠﻴﻴﻚ
ﻧﺮﺟﺲ : ﺍﻧﻲ ﻛﻮﻳﺴﺔ ﻣﺎﺗﺨﺎﻓﻮﺵ
ﻭﺷﺪﺗﻬﺎ ﻣﺎﻣﺎ ﺍﺿﺒﻄﺘﻬﺎ ﻭﻗﻌﺪﺕ ﺗﺒﻜﻲ
ﻧﺮﺟﺲ ﺑﺘﻌﺐ : ﺧﻼﺹ ﻳﺎﻣﺎﻣﺎ ﻭﺍﻟﻠﻪ ﺍﻧﻲ ﻛﻮﻳﺴﺔ ، ﻭﺗﻠﻔﺘﺖ ﺟﻬﺔ ﺍﻟﻲ ﻭﺍﻗﻒ ﻭﺭﺍﻫﺎ ﻭﻣﺒﺘﺴﻢ ، ﺍﺷﻜﺮﻳﻪ ﻫﻮ ﻳﺎﻣﺎﻣﺎ
ﻣﺎﻣﺎ : ﺑﺎﺭﻙ ﺍﻟﻠﻪ ﻓﻴﻚ ﻳﺎﻭﻟﻴﺪﻱ ﺭﺑﻲ ﻳﻔﺮﺣﻚ ﻭﻳﺮﺯﻗﻚ ﻳﺎﺭﺏ
ﺍﻧﻲ : ﺷﻜﺮﺍ ﺑﺎﺭﻙ ﺍﻟﻠﻪ ﻓﻴﻚ
ﻭﻟﻴﺪ ﻃﺎﻟﻊ ﻣﻦ ﺍﻟﺒﺤﺮ : ﺍﻟﺤﻤﺪ ﻟﻠﻪ ﻉ ﺳﻼﻣﺘﻚ ﻳﺎﻧﺮﺟﺲ ﺧﺸﺎﺷﻮﻫﺎ ﺍﻟﺪﺍﺧﻞ
ﺧﺪﻳﻨﺎ ﻧﺮﺟﺲ ﻭﺧﺸﺸﻨﺎﻫﺎ ﻟﻠﺪﺍﺭ ﻭﻣﺪﺩﻧﺎﻫﺎ
ﻭﻟﻴﺪ ﻳﻘﺪﻡ ﺟﻬﺘﻪ ﻭﻳﻤﺪ ﻳﺪﻩ : ﻣﺸﻜﻮﺭ ﺑﺎﺭﻙ ﺍﻟﻠﻪ ﻓﻴﻚ
:... ﻭﻓﻴﻚ ﺑﺎﺭﻙ ﺍﻟﻠﻪ ﻫﺬﺍ ﺍﻟﻮﺍﺟﺐ ، ﻭﻳﻤﺪﻟﻪ ﻳﺪﻩ ، ﺍﻥ ﺣﺴﻦ
ﻭﻟﻴﺪ : ﺍﻫﻼ ﻭﺳﻬﻼ ﺍﻧﻲ ﻭﻟﻴﺪ ﺗﺸﺮﻓﻨﺎ
ﺣﺴﻦ : ﺑﺎﻟﺠﻮﺩﺓ ، ﻫﻲ ﺍﻣﺎﻻ ﺍﻧﻲ ﻧﻄﻠﺐ ﺍﻻﺫﻥ
ﻭﻟﻴﺪ : ﺗﻔﻀﻞ ﻣﺸﻜﻮﺭ ﻣﺮﺓ ﺗﺎﻧﻴﻪ
ﺣﺴﻦ : ﺍﻟﻌﻔﻮ ﻣﻊ ﺍﻟﺴﻼﻣﻪ
ﻣﺸﻲ ﺣﺴﻦ ﻭﻫﻮ ﻳﻔﻜﺮ ﻓﻲ ﻧﺮﺟﺲ ﻭﻳﺒﺘﺴﻢ ﻭﻳﻘﻮﻝ ﻓﻲ ﺧﺎﻃﺮﻩ : ﻧﺮﺟﺲ ﻧﺮﺟﺲ ﺣﻠﻮ ﺍﺳﻤﻬﺎ ﻟﻨﻘﻨﻬﺎ ﺧﺸﺖ ﺧﺎﻃﺮﻱ ﻓﻴﻬﺎ ﺣﺎﺟﺔ ﻏﺮﻳﺒﻪ ﺷﺪﺗﻨﻲ ﻟﻴﻬﺎ
ﻣﺎﻣﺎ ﺣﺼﻠﺘﻬﺎ ﺭﻋﺸﻪ ﻣﻘﻌﻤﺰﺓ ﻭﻭﺟﻬﻬﺎ ﻗﺎﻋﺪ ﺍﺻﻔﺮ ﻭﻣﻌﺎﺵ ﻗﺎﺩﺭﻩ ﺗﻮﻗﻒ ﻋﻠﻲ ﺭﺟﻠﻴﻬﺎ
ﺍﻧﻲ ﻧﻤﺪﻟﻬﺎ ﻃﺎﺳﻪ ﻣﻴﻪ : ﺧﻮﺩﺩﻱ ﻳﺎﻣﺎﻣﺎ ﺍﺷﺮﺑﻲ ﻭﻫﺪﻱ ﺭﻭﺣﻚ
ﻋﻤﺘﻲ : ﻭﺍﻟﻠﻪ ﻣﺴﻜﻴﻨﻪ ﺣﺼﻠﺘﻬﺎ ﺭﻋﺸﻪ
ﻭﻓﺎﺀ : ﺍﻟﺤﻤﺪ ﻟﻠﻪ ﻉ ﺳﻼﻣﺘﻬﺎ
ﻧﻮﺭﺱ ﺗﻘﻌﻤﺰ : ﺣﺘﻰ ﺍﻧﻲ ﻣﻌﺎﺵ ﻗﺎﺩﺭﺓ ﻧﻮﻗﻒ ﻋﻠﻲ ﺭﺟﻠﻴﺎ ﻣﻦ ﺍﻟﺮﻋﺎﺵ ، ﺷﻔﺘﻬﺎ ﺑﻌﻴﻮﻧﻲ ﻛﻴﻒ ﺗﻐﺮﻕ ﻭﺗﺤﺎﻭﻝ ﺗﻘﺎﻭﻡ ، ﻭﻗﺮﺑﺖ ﻣﻦ ﺟﻬﺔ ﺭﺍﺱ ﻧﺮﺟﺲ ﻭﺣﻀﻨﺘﻬﺎ ﻭﻗﻌﺪﺕ ﺗﺒﻜﻲ
ﺍﻧﻲ : ﺧﻼﺹ ﻳﺎﻧﻮﺭﺱ ﺍﻟﺤﻤﺪ ﻟﻠﻪ ﻉ ﻛﻞ ﺣﺎﻝ ﻣﺎﺗﺰﻳﺪﻳﻬﺎﺵ
ﻭﻟﻴﺪ ﻳﻨﺎﺩﻱ ﻣﻦ ﻗﺪﺍﻡ ﺍﻟﺪﺍﺭ : ﻧﻮﻭﺳﻪ ﻳﺎﻧﻮﺳﻪ
ﺍﻧﻲ ﻃﻠﻌﺖ : ﻧﻌﻢ
ﻭﻟﻴﺪ : ﻛﻴﻒ ﺣﺎﻟﻬﺎ ﺗﻮﺍ
ﺍﻧﻲ : ﺍﻟﺤﻤﺪ ﻟﻠﻪ ﻭﻗﻌﺪﺕ ﻧﺒﻜﻲ
ﻭﻟﻴﺪ : ﻣﻌﺎﺵ ﺗﺒﻜﻲ ﺧﻼﺹ ﺍﻟﺤﻤﺪ ﻟﻠﻪ ﻉ ﺳﻼﻣﺘﻬﺎ
ﺍﻧﻲ : ﺧﻔﺖ ﻧﺨﺴﺮﻫﺎ ﺍﺭﻋﺸﺖ ﻋﻠﻴﻬﺎ
ﻭﻟﻴﺪ ﻳﻤﺴﺤﻠﻲ ﺩﻣﻮﻋﻲ : ﺭﺑﻲ ﻳﺤﻔﻈﻬﺎ ﻭﺍﻫﻮ ﺍﻟﺤﻤﺪ ﻟﻠﻪ ﺭﺑﻲ ﻧﺠﺎﻫﺎ ﺧﻼﺹ ﻋﺎﺩ ﻧﻮﺳﺘﻲ ﺑﻄﻠﻲ ﺑﻜﻲ
ﺍﻣﺸﺖ ﺍﻟﺮﻋﺸﻪ ﻋﻠﻲ ﺧﻴﺮ ﻭﻟﻴﺪ ﻗﺎﻝ ﻟﻮ ﺗﺒﻮ ﻧﺮﻭﺣﻮ ﻧﺮﻭﺣﻮ ﺑﺲ ﻧﺮﺟﺲ ﻗﺎﻟﺖ ﻻ ﺧﻠﻴﻜﻢ ﻭﻣﺎﻧﺤﺮﻣﻜﻤﺶ ﻭﻗﻌﺪﻧﺎ
ﻓﻲ ﺍﻟﻠﻴﻞ ﻣﺘﺎﺧﺮ ﺍﻧﻲ ﻭﻭﻟﻴﺪ ﻣﻘﻌﻤﺰﻳﻦ ﻉ ﺍﻟﺸﻂ ﻭﻫﻮ ﺣﺎﺿﻨﻲ ﻭﺍﻧﻲ ﻣﻨﺴﻨﺪﻩ ﻋﻠﻴﻪ
ﻭﻟﻴﺪ : ﻫﻲ ﺣﺒﻴﺒﺘﻲ ﺗﺎﺧﺮ ﺍﻟﻮﻗﺖ ﺧﺸﻲ ﺍﺭﺗﺎﺣﻲ ﺗﻌﺒﺘﻲ ﻫﻠﺒﺎ ﺍﻟﻴﻮﻡ
ﺍﻧﻲ : ﺍﻳﻪ ﻭﺍﻟﻠﻪ ﺗﻌﺒﺎﻧﻪ
ﻭﻟﻴﺪ : ﺧﻮﺩﻱ ﺩﻭﺍﻙ ﻣﺎﺗﻨﺴﻴﺶ
ﺍﻧﻲ : ﺑﺎﻩ ﺣﺎﺿﺮ ، ﻭﺑﺴﺘﻪ ﻋﻠﻲ ﺧﺪﻩ ، ﺑﻨﺮﻗﺪ ﺑﻌﻴﺪﻩ ﻋﻠﻴﻚ ﺍﻟﻴﻮﻡ
ﻭﻟﻴﺪ ﺷﺪ ﻭﺟﻬﻲ ﺑﻴﻦ ﻳﺪﻳﻪ : ﺑﻨﺴﺘﺎﺣﺸﻚ ﺍﻟﻴﻮﻡ
ﺍﻧﻲ : ﻭﺍﻻﺳﺒﻮﻉ ﻫﺬﺍ ﻛﻠﻪ
ﻭﻟﻴﺪ : ﻣﺎﺗﺨﻠﻴﻨﻴﺶ ﺗﻮ ﻧﻬﺮﺏ ﺑﻴﻚ ﻭﻧﺮﻭﺣﻮ ﻟﺤﻮﺷﻨﺎ
ﺍﻧﻲ : ﻫﻬﻬﻬﻬﻪ ﻧﺪﻣﺖ ﺷﻜﻠﻚ
ﻭﻟﻴﺪ : ﻫﻬﻬﻬﻬﻬﻪ ﻭﺍﻟﻠﻪ ﻧﺪﻣﺖ ﻫﻲ ﺭﺍﻗﺪﻩ ﺑﻌﻴﺪﻩ ﻋﻠﻴﺎ ، ﺑﺎﻫﻲ ﻏﺪﻭﺓ ﻧﺎﺧﺪﻭ ﺩﺍﺭ ﺍﻧﻲ ﻭﻳﺎﻙ ﺑﺲ
ﺍﻧﻲ : ﻣﺶ ﻛﺎﺍﻧﻪ ﻋﻴﺐ ﺑﻌﺪﻳﻦ
ﻭﻟﻴﺪ : ﺗﻲ ﺷﻦ ﻋﻴﺐ ﻣﺮﺗﻲ
ﺍﻧﻲ : ﻫﻬﻬﻪ ﺑﻪ ﺩﻳﺮ ﺍﻟﻲ ﻳﺮﻳﺤﻚ
ﻭﻟﻴﺪ : ﺍﻧﺘﻲ ﺭﺍﺣﺘﻲ ﻭﺑﺎﺳﻨﻲ
ﺧﺸﻴﻨﺎ ﻛﻞ ﻭﺍﺣﺪ ﻟﻠﺪﺍﺭ ﺍﻟﻲ ﻓﻴﻬﺎ ﻭﺭﻗﺪﻧﺎ
،،،،
ﺍﻣﺎ ﺑﻌﺪ ﺍﺫﺍﻥ ﺍﻟﻔﺠﺮ ﻋﻠﻲ ﻃﻮﻝ ﻭﺻﻞ ﻣﺴﺞ ﻟﻨﻮﺍﻝ > ﻳﺎﺧﻤﻴﺮﻩ ﺍﻟﻨﻮﻡ ﻫﻲ ﻧﻮﺿﻲ ﺍﻟﻔﺠﺮ ﺍﺫﻥ < ﺑﻌﺪﻫﺎ ﻭﺻﻠﻬﺎ ﻣﺴﺞ ﺗﺎﻧﻲ > ﻧﻮﺍﻝ ﻫﻴﺎﺍ < ﻭﻧﻮﺍﻝ ﺗﺘﻘﻠﺐ ﻭﻳﺰﻋﺞ ﻓﻴﻬﺎ ﺻﻮﺕ ﺍﻟﺮﺳﺎﻳﻞ ﻭﻣﺰﺍﻝ ﺧﺎﻃﺮﻫﺎ ﺑﺘﺮﻗﺪ > ﻧﻮﺍﺍﺍﺍﻝ <
ﻓﺘﺤﺖ ﻋﻴﻮﻧﻬﺎ ﻗﺮﺕ ﺍﻟﻤﺴﺞ ﺻﺤﺼﺤﺖ ﻛﺘﺒﺘﻠﻪ ﺍﻫﻮ ﻃﺎﻟﻌﻪ ﻭﻧﺎﺿﺖ ﺷﺎﻓﺘﻨﺎ ﻛﻠﻨﺎ ﺭﺍﻗﺪﻳﻦ ﺍﺧﺪﻳﺖ ﻭﺷﺎﺡ ﺑﺎﻟﺸﻮﻳﺔ ﻭﺣﻄﺎﺗﻪ ﻋﻠﻲ ﺭﺍﺳﻬﺎ ﻭﻃﻠﻌﺖ ﺍﻟﻘﺖ ﻣﺤﻤﻮﺩ ﻳﺮﺍﺟﻲ ﻓﻴﻬﺎ
ﻣﺤﻤﻮﺩ : ﺑﺎﻫﻲ ﺍﻟﻲ ﻧﻀﺘﻲ
ﻧﻮﺍﻝ : ﺗﻲ ﻧﻌﺴﺎﻧﻪ ﺑﻜﻞ
ﻣﺤﻤﻮﺩ ﺟﺒﺪﻫﺎ ﻭﺣﻀﻨﻬﺎ
ﻧﻮﺍﻝ ﺍﻧﺼﺪﻣﺖ : ﺷﻦ ﺻﺎﺭ ؟
ﻣﺤﻤﻮﺩ : ﺧﺎﻃﺮﻱ ﻓﻴﻪ ﺍﻟﺤﻀﻦ ﻫﺬﺍ ﻣﻦ ﻗﺒﻞ ، ﻭﺣﻂ ﻳﺪﻩ ﻋﻠﻲ ﺧﺪﻫﺎ ﻭﺑﻬﻤﺲ : ﻧﺤﺒﻚ
ﻧﻮﺍﻝ ﺗﺸﻮﻑ ﻟﻌﻴﻮﻧﻪ : ﻧﺤﺒﻚ ﺍﻛﺜﺮ
ﻭﻓﻲ ﺍﻟﻠﺤﻈﺔ ﻫﺎﺩﻱ ﺗﻄﻠﻊ ﻭﺗﺸﻮﻓﻬﻢ ...... : ﻫﻴﻴﻴﻴﻴﻲ
ﻣﺤﻤﻮﺩ ﻭﻧﻮﺍﻝ ﺍﻧﺨﻠﻌﻮ ﻭﺑﻌﺪﻭ ﻋﻠﻲ ﺑﻌﺾ ﻭﺷﺎﻓﻮ ﻭﺧﺎﻓﻮ ﻭﺍﻧﺼﺪﻣﻮ ﻭﻣﻌﺎﺵ ﻋﺮﻓﻮ ﺷﻦ ﻳﺪﻳﺮﻭ ......
#يتبع
