منقولة
الحلقةة[60]
من ﺭﻭﺍﻳﺔ - - ->" ﺳﻨــﺪ ﺍﻷﻧﺜــﻰ ﺭﺟــﻞ "
ﺭﻛﺒﺖ ﺍﻟﺴﻴﺎﺭﺓ
ﻭﻟﻴﺪ : ﺷﻦ ﻳﺎﺑﻴﺒﻲ ﺟﻮﻙ ﺗﻮﺍ ؟
ﺍﻧﻲ : ﺍﻟﺤﻤﺪ ﻟﻠﻪ ﺍﺣﺴﻦ ، ﺍﻧﺖ ﺷﻦ ﺩﺭﺕ ﺍﻟﻴﻮﻡ
ﻭﻟﻴﺪ : ﺍﻏﻠﺐ ﺍﻟﻴﻮﻡ ﻗﻌﺪﺕ ﻓﻲ ﺍﻟﻤﺤﻞ
ﺍﻧﻲ : ﻭﻳﻦ ﺗﻐﺪﻳﺖ
ﻭﻟﻴﺪ : ﻣﺶ ﻗﺘﻠﻚ ﻋﺎﺯﻣﺘﻨﻲ ﻣﻨﻰ ﻣﺸﻴﺘﻠﻬﺎ
ﺍﻧﻲ : ﺑﺎﻩ ﺗﻤﺎﻡ
ﻗﻌﺪﻧﺎ ﻟﺤﻈﺎﺕ ﺻﻤﺖ
ﻭﻟﻴﺪ : ﻛﻠﻤﺘﻨﻲ ﻋﺒﻴﺮ ﺍﻣﺒﻜﺮﻱ
ﺍﻧﻲ ﻗﺮﻧﺖ ﺣﻮﺍﺟﺒﻲ ﻋﻠﻰ ﻃﻮﻝ ﻭﺷﻔﺘﻠﻪ
ﻭﻟﻴﺪ : ﺗﺴﺎﻝ ﻭﺗﺴﻠﻢ ﻋﻠﻴﻚ
ﺍﻧﻲ ﻟﻔﺘﺖ ﻭﺟﻬﻲ ﺟﻬﺔ ﺍﻟﺮﻭﺷﻦ : ﺍﻣﺘﻰ ﺑﻨﺨﻠﺼﻮ ﻣﻦ ﻗﺼﺘﻬﺎ
ﻭﻟﻴﺪ ﺷﺪ ﻳﺪﻱ ﻭﺑﺎﺳﻬﺎ : ﺣﺒﻴﺒﺘﻲ ﺍﻟﻐﻴﻮﺭﺓ ﺳﺎﻟﺖ ﻋﻠﻲ ﺣﺎﻟﻨﺎ ﺑﺲ ﻭﻗﺎﻟﺖ ﺳﻜﻨﺖ ﻓﻲ ﺷﻘﺘﻬﺎ
ﺍﻧﻲ ﺳﺎﻛﺘﻪ ﻭﻧﺸﻮﻑ ﻟﻠﺮﻭﺷﻦ
ﻭﻟﻴﺪ ﻛﻤﻞ : ﻭﺳﺎﻟﺖ ﻋﻠﻲ ﺍﻣﻲ ﺑﺲ ﻭﺳﻜﺮﺕ
ﺍﻧﻲ : ﻛﺜﺮ ﺧﻴﺮﻫﺎ
ﻭﻟﻴﺪ : ﻳﺎﻧﻮﺳﻪ ﺧﻴﺮﻙ ﻫﻲ ﺳﺎﻟﺖ ﻋﺎﺩﻱ ، ﻭﺑﺎﺱ ﻳﺪﻱ : ﻭﺍﻟﺸﻮﺍﺭﺏ ﺍﻟﻤﻄﺮﻣﺎﺕ ﺍﻟﺤﻠﻮﺍﺕ ﻫﺎﺩﻭﻭ ﺑﻴﻘﻌﺪﻭ ﻫﻜﻲ
ﺍﻧﻲ ﺍﺑﺘﺴﻤﺖ ﺑﺲ ﻗﺎﻋﺪﻩ ﻣﻠﻔﺘﻪ ﻭﺟﻬﻲ
ﻭﻟﻴﺪ : ﺍﻳﻮﺍﺍﺍ ﻫﻜﻲ ﻭﺭﻳﻨﺎ ﺍﻻﺑﺘﺴﺎﻣﺎﺕ ﻭﻭﺭﻳﻨﻲ ﺳﻨﻮﻧﻚ ﺷﻮﻳﺔ ﻳﺎﺳﺮﻙ ﺗﻄﺮﻳﻢ ﺷﻮﺍﺭﺏ
ﺍﻧﻲ ﺗﻠﻔﺘﺘﻠﻪ : ﻫﻬﻬﻬﻪ ﺗﻌﺮﻑ ﺍﻧﻚ ﺑﺎﺭﺩ
ﻭﻟﻴﺪ : ﻫﻬﻬﻬﻪ ﻻﻭﺍﻟﻠﻪ ، ﻭﻗﺮﺏ ﻭﺟﻬﻪ ﻣﻨﻲ ﻭﻗﻌﺪﺕ ﻋﻴﻮﻧﻪ ﻓﻲ ﻋﻴﻮﻧﻲ
ﻭﻛﻨﺎ ﻭﺍﻗﻔﻴﻦ ﺍﺷﺎﺭﻩ ﺣﻤﺮﺍﺀ
ﻗﻌﺪﺕ ﻧﺸﻮﻑ ﻟﻌﻴﻮﻧﻪ ﺣﺘﻰ ﺍﻧﻲ
ﻭﺭﺍﻧﺎ ﺍﻟﺴﻴﺎﺭﺍﺕ ﻛﻼﻛﺴﺎﺍﺕ ، ﻭﻭﻟﻴﺪ ﻗﺎﻋﺪ ﺳﺮﺣﺎﻥ
ﺍﻧﻲ : ﻭﻟﻴﺪ ﻫﻬﻬﻬﻬﻪ
ﻭﻟﻴﺪ ﺷﺎﻑ ﻣﻦ ﺍﻟﻤﺮﺍﻳﻪ ﺍﻟﻲ ﻳﻌﻴﻂ ﻋﻠﻴﻪ ﻭﺍﻟﻲ ﻳﺴﺐ : ﻫﻬﻬﻬﻪ ﻻﺯﻡ ﻳﺨﺮﺑﻮ
ﺍﻧﻲ : ﻫﻬﻬﻬﻬﻪ ﺣﺘﻰ ﺍﻧﺖ ﻣﻬﺒﻮﻝ ﺍﺻﻼ ﺟﺎﺍﻱ ﻓﻲ ﻧﺺ ﻃﺮﻳﻖ
،،،،،،،،،،،
ﻓﻲ ﺣﻮﺵ ﺍﺣﻨﻴﻨﻪ
ﻣﺮﺕ ﻋﻤﻲ ﻟﻄﻔﻴﻪ : ﻫﻲ ﺍﻣﺎﻻ ﺍﺣﻨﻲ ﻧﻤﺸﻮ ﻟﺤﻮﺷﻨﺎ ﻧﺮﺗﺎﺣﻮ
ﺭﻭﻳﺪﺓ : ﻳﺎﺭﻳﺖ ﻭﺍﻟﻠﻪ ﺧﻼﺹ ﻧﻌﺴﺖ ﺑﻜﻞ
ﺣﻨﻴﻨﻪ : ﻏﻴﺮ ﺯﻳﺪﻭ ﻫﺪﺭﺯﻭ ﺷﻮﻳﺔ
ﻋﻤﻲ ﺷﺎﻓﻠﻬﻢ ﺑﻤﻌﻨﻰ ﺯﻳﺪﻭ ﺷﻮﻳﺔ
ﻧﻮﺍﻝ ﻭﻧﻮﺭﺱ ﻳﻐﺴﻠﻮ ﻓﻲ ﺍﻣﺎﻋﻴﻦ ﺍﻟﻌﺸﻲ ﻓﻲ ﺍﻟﻤﻄﺒﺦ ، ﻭﻋﻠﻴﺎ ﺗﺼﺐ ﻓﻲ ﻋﺼﻴﺮ ﻭﺗﻮﺗﻲ ﻓﻲ ﺻﻔﺮﺓ ﻓﻮﺍﻛﻪ
ﻧﻮﺍﻝ : ﻏﻴﺮ ﺭﺩﻱ ﺑﺎﻟﻚ ﺗﺒﺰﻋﻴﻬﺎ ﻋﻠﻲ ﻋﺒﺪ ﺍﻟﻤﻨﻌﻢ ﺑﺲ
ﻧﻮﺭﺱ : ﻫﻬﻬﻬﻬﻬﻪ ﺍﻗﺴﻢ ﺑﺎﻟﻠﻪ ﻧﺤﺴﻪ ﻣﺴﺘﻌﺪ ﻳﺮﺗﻜﺐ ﻓﻴﻬﺎ ﺟﺮﻳﻤﺔ
ﻋﻠﻴﺎ : ﻫﻬﻬﻬﻬﻬﻬﻬﻬﻪ ﺗﻲ ﺍﺳﻜﺘﻮ ﻳﺪﻳﺎ ﻗﻌﺪﻭ ﻳﺮﻋﺸﻮ ﻣﻦ ﺗﻮﺍ
ﻋﺒﺪ ﺍﻟﻤﻨﻌﻢ ﺷﺮﻳﻦ ﺗﻠﻴﻔﻮﻧﻪ ، ﻃﻠﻊ ﻳﺘﻜﻠﻢ ﻓﻲ ﺍﻟﺠﻨﺎﻥ
ﻋﻠﻴﺎ ﻓﻲ ﻭﺣﺪﻩ ﻣﻦ ﺍﻟﻄﻮﺍﺳﻲ ﻓﻴﻬﺎ ﻣﻴﻪ ، ﻗﺮﺑﺖ ﻣﻦ ﺍﻟﺮﻭﺷﻦ ﻭﺑﺘﺒﺰﻋﻬﺎ
ﻋﺒﺪ ﺍﻟﻤﻨﻌﻢ ﻳﻤﺸﻲ ﻓﻲ ﺍﻟﺠﻨﺎﻥ ﻭﻳﺘﻜﻠﻢ ﺑﺎﻟﺘﻠﻴﻔﻮﻥ ﻭﻗﺮﺏ ﻣﻦ ﺭﻭﺷﻦ ﺍﻟﻤﻄﺒﺦ ﻭﻭﻗﻒ ﺗﺤﺘﻪ ، ﻭﻛﺎﻥ ﺭﻭﺷﻦ ﺍﻟﻤﻄﺒﺦ ﻋﺎﻟﻲ ﺑﺤﻜﻢ ﻓﻲ ﺩﺭﺟﺎﺕ ﺩﺍﺧﻞ ﻓﻲ ﺍﻟﺤﻮﺵ
ﻋﻠﻴﺎ ﻗﺮﺑﺖ ﻣﻦ ﺍﻟﺮﻭﺷﻦ ﻭﺍﺷﺮﺕ ﻟﻨﻮﺍﻝ ﻭﻧﻮﺭﺱ ﻳﺴﻜﺘﻮ
ﻧﻮﺍﻝ ﻭﻧﻮﺭﺱ ؟؟؟
ﻋﻠﻴﺎ ﻭﺍﻗﻔﻪ ﻭﺗﺴﻤﻊ
ﻋﺒﺪ ﺍﻟﻤﻨﻌﻢ : ﺍﻧﺘﻲ ﺣﺎﻓﻈﻲ ﻋﻠﻲ ﺻﺤﺘﻚ ﻭﺑﻌﺪﻱ ﻋﻠﻴﻬﺎ ﺍﻟﺤﺎﺟﺎﺕ ﻫﺎﺩﻱ ، ﺍﺍﺍﺍﻩ ﻧﺤﺒﺒﺒﺒﺒﺒﺒﺒﺒﻚ ﺍﺳﺘﺎﺣﺸﺘﻚ
ﻧﻮﺍﻝ ﻭﻧﻮﺭﺱ ﻭﻋﻠﻴﺎ ﺳﻤﻌﻮﻩ
ﻭﺗﺎﺧﺪ ﻋﻠﻴﺎ ﻃﺎﺳﻪ ﺍﻟﻤﻴﻪ ﻭﺗﺰﻳﺪ ﺗﻌﺒﻴﻬﺎ ، ﻭﺗﻘﺮﺏ ﻣﻦ ﺍﻟﺮﻭﺷﻦ ﺗﺼﺒﻬﺎﺍﺍ ﻋﻠﻴﻪ ﻛﻠﻬﺎ
ﻧﻮﺍﻝ ﻭﻧﻮﺭﺱ ﺷﻬﻘﻮ : ﻫﻴﻴﻴﻴﻲ ، ﻭﺣﻄﻮ ﻳﺪﻳﻬﻢ ﻋﻠﻲ ﻓﻤﻬﻢ ﻛﺘﻤﻮﻫﺎ
ﺍﻣﺎ ﻋﻠﻴﺎﺍ ﻓﺤﻄﺖ ﺍﻟﻄﺎﺳﻪ ﻭﻛﻤﻠﺖ ﺻﺒﺎﻥ ﺍﻟﻌﺼﻴﺮﻋﺒﺪ ﺍﻟﻤﻨﻌﻢ ﻟﻤﺎ ﺍﻧﺼﺒﺖ ﻋﻠﻴﻪ ﺍﻟﻤﻴﻪ ﻳﺤﺴﺎﺏ ﻓﻲ ﺷﻴﺸﻤﻪ ﻭﺍﻻ ﺣﺎﺟﺔﻗﻌﺪﻣﺼﺪﻭﻡ ﻟﻔﺘﺮﺓ ، ﻭﺗﻠﻴﻔﻮﻧﻪ ﺗﻨﻘﻊ ﻣﻴﻪ ، ﺷﺎﻑ ﻓﻮﻗﻪ ﺍﻟﻘﻲ ﺭﻭﺷﻦ ﺍﻟﻤﻄﺒﺦ : ﻣﻦ ﺍﻟﺤﻴﻮﻭﻭﻭﻭﺍﻧﻪ ﺍﻟﻲ ﺑﺰﺯﺯﻋﺖ ﺍﻟﻤﻴﻪ ﻳﺎﻋﻦ ###
ﻧﻮﺍﻝ ﻭﻧﻮﺭﺱ ﻳﺸﻮﻓﻮ ﻭﻣﺼﺪﻭﻣﺔ ﻭﺧﺎﻓﻮ ﺍﻟﺤﻖ
ﺍﻣﺎ ﻋﻠﻴﺎ ﻓﺘﺼﺐ ﻓﻲ ﺍﻟﻌﺼﻴﺮ ﻭﻭﺟﻬﻬﺎ ﻋﻼﻣﺎﺕ ﺑﺮﻭﺩ ﻟﻜﻦ ﻣﻦ ﺩﺍﺧﻞ ﺗﻐﻠﻲ ﻭﻏﺎﺭﺕ
ﻋﺒﺪ ﺍﻟﻤﻨﻌﻢ ﺧﺸﺶ ﻳﺠﺮﻱ ﺯﻱ ﺍﻟﺜﻮﻭﻭﺭ ، ﻭﻋﻠﻲ ﻃﻮﻝ ﻟﻠﻤﻄﺒﺦ ، ﺑﻐﻴﺾ ﻭﺷﺎﺩ ﻋﻠﻲ ﺳﻨﻮﻧﻪ ﻭﻗﺒﻀﻪ ﻳﺪﻩ : ﻣﻦ ﺍﻟﻲ ﺑﺰﻋﺖ ﺍﻟﻤﻴﻪ
ﻧﻮﺭﺱ ﻭﻧﻮﺍﻝ ﺷﺎﻓﻮﻟﻪ ﻭﺧﺎﻓﻮ ﻋﻠﻲ ﻋﻠﻴﺎ ﻻﻧﻪ ﻣﻤﻜﻦ ﻳﻘﺘﻠﻬﺎ ، ﺍﻻﻭﻟﻰ ﺗﺒﺰﻳﻌﻪ ﺍﻟﻘﻬﻮﺓ ﻭﺗﻮﺍ ﺍﻟﻤﻴﻪ
ﻋﻠﻴﺎ ﺷﺎﻓﺘﻠﻪ ﺑﻜﺴﺮﺓ ﻋﻴﻦ ﻭﻛﻤﻠﺖ ﺻﺒﺎﻥ ﺍﻟﻌﺼﻴﺮ
ﺍﻣﺎ ﻋﺒﺪ ﺍﻟﻤﻨﻌﻢ ﻓﻜﺎﻥ ﻣﻨﻈﺮﻩ ﻣﻀﺤﻚ ﺷﻌﺮﻩ ﻣﺒﻠﻮﻝ ﻭﺗﻴﺸﺮﺗﻪ ﻣﻦ ﻓﻮﻕ ﻣﺒﻠﻮﻝ ﻭﺷﺎﺩ ﺗﻠﻴﻔﻮﻧﻪ ﺍﻟﻲ ﻳﻘﻄﺮ ﺍﻣﻴﻪ : ﺗﻲ ﺗﻜﻠﻤﻤﻤﻲ ﺍﻧﺘﻲ ﻭﻳﺎﺍﺍﺍﻫﺎ ﻣﻦ ﺍﻟﻲ ﺑﺰﻋﺖ ﺍﻟﻤﻴﻪ ، ﻭﺷﺎﻑ ﻟﻌﻠﻴﺎ : ﻭﺍﻟﻠﻪ ﻣﺎﺗﻄﻠﻌﻲ ﺍﻻ ﺍﻧﺘﻲ ﺍﻡ ﺍﻟﻌﻤﺎﻳﻞ
ﻧﻮﺍﻝ ﻭﻧﻮﺭﺱ ﺷﺎﻓﻮ ﻟﺒﻌﺾ ﻭﺷﺪﻭ ﺿﺤﻜﺘﻬﻢ
ﻋﻠﻴﺎ ﻗﺎﻣﺖ ﻋﻴﻨﻬﺎ ﻭﺷﺎﻓﺘﻠﻪ ﻭﻣﺎﺭﺩﺗﺶ ﻋﻠﻴﻪ ، ﻗﺎﻣﺖ ﺻﻔﺮﺓ ﺍﻟﻲ ﻓﻴﻬﺎ ﻋﺼﻴﺮ ﻭﻓﺎﻛﻬﺔ ، ﻭﺑﺘﻄﻠﻊ ﺑﻴﻬﺎ
ﻋﺒﺪ ﺍﻟﻤﻨﻌﻢ ﺧﺒﻂ ﻳﺪﻩ ﻓﻲ ﺍﻟﺒﺎﺍﺏ : ﻛﻠﺒﺒﺒﺐ ﻧﻨﺒﺢ ﺍﻧﻲ ﺗﻜﻠﻤﻲ ﺍﻧﺘﻲ ﻭﻳﺎﻫﺎ ﻣﻦ ﺍﻟﻲ ﺑﺰﻋﺘﻬﺎ
ﻋﻠﻴﺎ ﻣﺎﺷﻴﺔ ﺟﻬﺔ ﺍﻟﺒﺎﺏ ﻭﻣﺶ ﻣﻌﺪﻟﺔ ﻋﻠﻴﻪ
ﻋﺒﺪ ﺍﻟﻤﻨﻌﻢ ﻭﻗﻒ ﻗﺪﺍﻣﻬﺎ : ﺍﻧﺘﻲ ﻭﺍﻻ
ﻋﻠﻴﺎ ﻭﻗﻔﺖ ﻭﻣﺎﺗﺒﻴﺶ ﺗﺸﻮﻓﻠﻪ ﻭﻳﺪﻳﻬﺎ ﻗﻌﺪﻭ ﻳﺮﻋﺸﻮ ﻟﻜﻦ ﺩﺍﻳﺮﺓ ﺭﻭﺣﻬﺎ ﻗﻮﻳﺔ ﻭﻭﺍﺛﻘﻪ ﻣﻦ ﻧﻔﺴﻬﺎ
ﻋﺒﺪ ﺍﻟﻤﻨﻌﻢ ﻗﺮﺏ ﻣﻨﻬﺎ ﺑﻤﻌﻨﻰ ﺳﻜﺮ ﻋﻠﻴﻬﺎ ﺍﻟﻄﺮﻳﻖ
ﻋﻠﻴﺎ ﺍﻭﻝ ﻣﺎﺷﻤﺖ ﺭﻳﺤﺔ ﻋﻄﺮﻩ ﺗﺠﻤﻌﻮ ﺍﻟﺪﻣﻮﻉ ﻓﻲ ﻋﻴﻮﻧﻬﺎ : ﺣﻮﻝ
ﻋﺒﺪ ﺍﻟﻤﻨﻌﻢ : ﻣﺶ ﻣﺤﻮﻝ ﺍﻧﺘﻲ ﺍﻟﻲ ﺑﺰﻋﺘﻴﻬﺎ ﻭﺍﻻ ، ﻭﻗﺎﻡ ﻃﺎﺳﻪ ﻋﺼﻴﺮ ﻭﻣﻮﺟﻬﻬﺔ ﺟﻬﺘﻬﺎ ﻳﻌﻨﻲ ﻣﺴﺘﻌﺪ ﻳﺒﺰﻋﻬﺎ
ﺍﻣﺎ ﻋﻠﻴﺎ ﻓﺎﺍﻧﺼﺪﻣﺖ ، ﻭﻧﻮﺭﺱ ﻭﻧﻮﺍﻝ ﻣﺶ ﺍﻗﻞ ﻣﻦ ﺻﺪﻣﺘﻬﺎ ، ﻟﻜﻦ ﻋﻠﻴﺎ ﻣﺎﺑﻴﻨﺘﻼﺷﻲ ، ﻗﻌﺪﺕ ﺗﺸﻮﻑ ﻟﻌﻴﻮﻧﻪ ﺑﺜﻘﻪ ﻭﻋﺪﻡ ﻣﺒﺎﻻﺓ
ﻋﺒﺪ ﺍﻟﻤﻨﻌﻢ ﻧﻈﺮﺍﺕ ﻋﻠﻴﺎ ﺗﺴﺘﻔﺰ ﻓﻴﻪ : ﻣﺎﺩﺍﻡ ﺳﺎﻛﺘﻪ ﻣﻌﻨﺎﻫﺎ ﺍﻧﺘﻲ
ﻋﻠﻴﺎ ﺑﻐﻴﺾ : ﺍﻳﻪ ﺍﻧﻲ ﻭ ﻣﺘﻌﻤﺪﻩ ﻭﻋﺒﻴﺘﻬﺎ ﺯﻳﺎﺍﺩﻩ ﺑﺎﺍﺵ ﺗﻨﻐﺴﻞ ﺑﻴﻬﺎ ﻏﺴﻠﻞ ، ﺷﻦ ﻋﻨﺪﻙ ﺑﺘﺪﻳﺮ ﻳﻌﻨﻲ ﻫﻲ ؟؟
ﻋﺒﺪ ﺍﻟﻤﻨﻌﻢ ﻏﺎﺍﺽ ﻭﻗﺎﻡ ﺍﻟﻄﺎﺳﺔ ﺑﺘﺎﻉ ﺍﻟﻌﺼﻴﺮ ﻭﺻﺒﻬﺎ ﻓﻮﻭﻕ ﺭﺍﺱ ﻋﻠﻴﺎ
ﻋﻠﻴﺎ ﻧﻮﺭﺱ ﻧﻮﺍﻝ
ﻋﻠﻴﺎ : ﺍﺍﺍﺍﺍﺍ ﺣﻘﻴﻴﻴﻴﻴﻴﺮ
ﻋﺒﺪ ﺍﻟﻤﻨﻌﻢ ﺣﻂ ﺍﻟﻄﺎﺳﺔ ﻋﻠﻲ ﺍﻟﻄﺎﻭﻟﺔ ﺑﻐﻴﺾ : ﺑﺎﺵ ﺗﻌﺮﻓﻲ ﻣﻊ ﻣﻦ ﺗﻠﻌﺒﻲ ، ﻭﻃﻠﻊ ﻣﻦ ﺍﻟﻤﻄﺒﺦ ﺑﺨﻄﻮﺍﺕ ﻋﺼﺒﻴﻪ
ﻋﻠﻴﺎ ﻗﻌﺪﺕ ﻣﺼﺪﻭﻣﻪ ﻭﺍﻟﻌﺼﻴﺮ ﻓﻮﻕ ﺷﻌﺮﻫﺎ ، ﻭﻳﻘﻄﺮ ﻋﻠﻲ ﻭﺟﻬﻬﺎ
ﻧﻮﺭﺱ ﻗﺪﻣﺖ ﺟﻬﺘﻬﺎ ﺗﺠﺮﻱ ﻭﺧﺪﺕ ﻣﻨﻬﺎ ﺍﻟﺼﻔﺮﺓ ، ﺣﻄﺘﻬﺎ ﻉ ﺍﻟﻄﺎﻭﻟﺔ
ﻧﻮﺍﻝ ﻃﻠﻌﺘﻠﻬﺎ ﻓﻮﻃﺔ ﻭﻗﻌﺪﺕ ﺗﻤﺴﺤﻠﻬﺎ
ﺍﻣﺎ ﻋﻠﻴﺎ ﻓﻤﺼﺪﻭﻣﺔ ﻭﺍﻟﺪﻣﻮﻉ ﻣﻌﺒﻴﺎﺕ ﻓﻲ ﻋﻴﻮﻧﻬﺎ : ﺍﻗﺴﻢ ﺑﺎﻟﻠﻪ ﻧﻮﺭﻳﻪ ﺍﻟﺤﻘﻴﺮ ﺑﺎﻫﻲ ، ﻭﺍﻟﻠﻪ ﻣﺎﻧﻲ ﻣﻔﻮﺗﺘﻬﺎ
ﻧﻮﺍﻝ : ﺣﺘﻰ ﺍﻧﺘﻲ ﻳﺎﻋﻠﻴﺎ ﻏﺎﻟﻄﺔ ﻣﺎﻟﻘﻴﺘﻲ ﻣﻦ ﺗﻨﺎﺷﺒﻲ ﺍﻻ ﺍﻟﺪﺭﺍﻩ ﺍﻟﻜﺒﺪ ﻫﺪﺍ ﺍﻟﻲ ﺣﺘﻰ ﺑﺼﺎﺭﺓ ﻣﺎﻳﺒﺼﺮﻭ ﻣﻌﺎﻩ
ﻋﻠﻴﺎ ﻋﻴﻮﻧﻬﺎ ﻣﻌﺒﻴﺎﺕ ﺩﻣﻮﻉ : ﻭﺍﻟﻠﻪ ﻳﺸﻮﻑ ﻭﺍﻟﻠﻪ ﺭﺍﺳﻲ ﻭﺭﺍﺳﻪ ﺍﻟﺤﻴﻮﺍﻥ ﻫﺪﺍ
ﻧﻮﺭﺱ : ﻓﻜﻚ ﻳﺎﻋﻠﻴﺎ ﻭﺍﻟﻠﻪ ﻫﻮ ﻣﺎﻳﺘﺤﺸﻢ ﺷﻮﻓﻲ ﺑﺰﻉ ﻋﻠﻴﻚ ﺍﻟﻌﺼﻴﺮ ﻭﻻﺩﺍﺭﻟﻚ ﺣﺴﺎﺍﺏ ، ﻳﻌﻨﻲ ﻋﻨﺪﻩ ﻋﺎﺩﻱ ﻳﺪﻳﺮ ﺍﻱ ﺣﺎﺟﺔ
ﻋﻠﻴﺎ : ﺍﻗﺴﻢ ﺑﺎﻟﻠﻪ ﻧﺮﺩﻫﺎﻟﻪ ﺑﺎﺵ ﻳﻌﺮﻑ ﻣﻦ ﻫﻲ ﻋﻠﻴﺎ
ﻧﻮﺍﻝ : ﺑﺎﻩ ﻏﻴﺮ ﺑﺮﻱ ﺩﻭﺷﻲ ، ﻋﻨﺪﻙ ﻣﻼﺑﺲ ؟
ﻋﻠﻴﺎ : ﻋﻨﺪﻱ ﻣﺨﻠﻴﺘﻬﻢ ﻓﻲ ﺩﻭﻻﺏ ﺍﺣﻨﻴﻨﻪ ﺍﻟﻤﻬﻨﻲ ، ﻃﻠﻌﻴﻬﻤﻠﻲ ﺑﺎﻟﻠﻪ ﻋﻠﻴﻚ
ﻧﻮﺭﺱ : ﺑﺎﻩ ﻏﻴﺮ ﺑﺮﻱ ﺧﺸﻲ ﺍﻧﺘﻲ ﻭﺗﻮ ﻧﺠﻴﺒﻬﻤﻠﻚ
ﺍﻣﺸﺖ ﻋﻠﻴﺎ ﻟﻠﺤﻤﺎﻡ ( ﺣﺸﺎﻛﻢ ) ﻭﺟﺎﺑﺘﻠﻬﺎ ﻧﻮﺭﺱ ﺍﻟﺤﻮﺍﻳﺞ
ﺍﻣﺎ ﻋﺒﺪ ﺍﻟﻤﻨﻌﻢ ﻓﻄﻠﻊ ﻟﺤﻮﺷﻬﻢ ﻃﻮﻝ ﺑﺪﻝ ﺣﻮﺍﻳﺠﻪ ، ﺑﻌﺪﻫﺎ ﻗﻌﺪ ﻳﺸﻮﻑ ﻓﻲ ﺗﻠﻴﻔﻮﻧﻪ ﺧﻼﺹ ﺗﺴﻜﺮ ، ﻭﻳﻐﻠﻲ ﻭﻳﺴﺐ ﻭﻳﻌﺎﻭﺩ ﻓﻲ ﻋﻠﻴﺎ
،،،،،،،،،،،،،،،،،
ﻭﺻﻠﻨﺎ ﻟﻠﺤﻮﺵ ، ﺧﺸﻴﻨﺎ ﻋﻨﺪ ﺍﻋﻤﻴﻤﻪ ﻋﻠﻲ ﻃﻮﻝ ، ﻭﻗﻌﺪﻧﺎ ﻧﻬﺪﺭﺯﻭ ﺟﻨﺒﻬﻢ ، ﻭﻛﺎﻧﺖ ﻭﻓﺎﺀ ﻟﻮﻃﻰ ﻭﻋﺒﺪ ﺍﻟﻘﺎﺩﺭ ﻭﻣﺤﻤﻮﺩ ﻗﺎﻋﺪﻳﻦ
ﻋﻤﺘﻲ : ﻏﻴﺮ ﺭﺩﻭ ﺑﺎﻟﻜﻢ ﺍﻛﻴﺪ ﺍﻟﺠﻮ ﺻﻘﻊ ﻏﺎﺩﻱ ﺍﺭﻓﻌﻲ ﺛﻘﻴﻞ
ﺍﻧﻲ : ﻭﺍﻟﻠﻪ ﺭﻓﻌﺖ ﻛﻢ ﺣﺎﺟﺔ ﺛﻘﻴﻠﺔ ﺷﻮﻳﺔ
ﻋﺒﺪ ﺍﻟﻘﺎﺩﺭ ﻟﻮﻟﻴﺪ : ﺍﻧﺖ ﺍﻣﺎ ﻣﺤﻞ ﺍﻟﻲ ﺑﺘﺠﻴﺒﻠﻪ ﺑﻀﺎﻋﻪ
ﻭﻟﻴﺪ : ﻣﺤﻞ ﺍﻻﻃﻔﺎﻝ ﺍﻟﻲ ﻣﺄﺟﺮﻩ ﻋﺒﺪ ﺍﻟﺮﺅﻭﻑ ، ﻣﺶ ﻋﺎﺭﻑ ﻋﻴﺎﻟﻪ ﻣﺮﻳﻀﻪ ﻭﺍﻻ ﺷﻨﻮ ﻗﺎﻟﻲ ﻣﺎﻧﻘﺪﺭﺵ ﻭﺍﻟﻤﺤﻞ ﻳﺒﻲ ﺑﻀﺎﻋﻪ ﺍﻋﻄﺎﻧﻲ ﺍﺳﻢ ﻛﻢ ﻣﺎﺭﻛﺔ ﻭﻣﻜﺎﻧﺎﺕ ﺍﻟﺠﻤﻠﻪ ﻭﻫﻜﻲ ﺑﻨﺸﻮﻓﻠﻪ
ﻣﺤﻤﻮﺩ : ﻋﺎﺭﻑ ﻳﺎﻭﻟﻴﺪ ﻛﺎﻥ ﺍﻟﻤﺤﻞ ﺑﻤﺎ ﺍﻥ ﻛﻤﻠﻨﺎﻟﻪ ﺻﻴﺎﻧﻪ ، ﻧﻤﺸﻮ ﻟﻠﺼﻴﻦ ﻧﺠﻴﺒﻮﻟﻪ ﺑﻀﺎﻋﻪ
ﻭﻟﻴﺪ : ﺑﻌﺪ ﻧﺮﻭﺡ ﻣﻦ ﺗﺮﻛﻴﺎ ﻧﻤﺸﻲ ﺍﻧﻲ ﻭﻳﺎﻙ ﻛﺎﻥ ﺳﺨﺮ ﺭﺑﻲ
ﺭﺣﻤﺔ : ﺍﻟﻤﻬﻢ ﺍﻧﻲ ﺗﺤﺴﺒﻨﻲ ﻓﻲ ﻫﺪﻳﺔ ﻣﺎﺗﺮﻭﺣﻠﻴﺶ ﻳﺪﻳﻚ ﻓﺎﺿﻴﺎﺕ
ﻭﻟﻴﺪ : ﺑﺎﻩ ﺣﺎﺿﺮ
ﻣﺤﻤﻮﺩ : ﺗﻌﺮﻓﻲ ﻛﺎﻥ ﺍﻧﻲ ﺳﺎﻓﺮﺕ ﺍﻧﺘﻲ ﺍﻟﻮﺣﻴﺪﺓ ﺍﻟﻲ ﻣﺎﺗﺤﻠﻤﻴﺶ ﻧﺠﻴﺒﻠﻚ ﻫﺪﻳﺔ
ﺭﺣﻤﺔ : ﺣﺘﻰ ﺍﻧﻲ ﻣﺶ ﻋﺎﺑﻴﻪ ﻋﻠﻴﻚ ﺍﺻﻼ ﺍﺑﺨﻞ ﻣﻨﻚ ﻣﺎﻓﻴﺶ
ﻣﺤﻤﻮﺩ : ﺍﻗﺴﻢ ﺑﺎﻟﻠﻪ ﻟﺴﺎﻧﻚ ﻣﺎﻳﺒﻲ ﺍﻻ ﺍﻟﻘﺺ
ﻋﺒﺪ ﺍﻟﻘﺎﺩﺭ : ﻫﻬﻬﻬﻬﻬﻪ ﻭﺍﻟﻠﻪ ﻣﺎﺗﻘﺪﺭﻙ ﺍﻻ ﻫﻲ
ﻭﻗﻌﺪﻧﺎ ﻧﻬﺪﺭﺯﻭ ﻟﻌﻨﺪ ﺍﻟﺴﺎﻋﻪ ﻋﺸﺮﺓ ﺭﻛﺒﻨﺎ
ﻛﻤﻠﺖ ﺑﺎﻗﻲ ﺣﺎﺟﺎﺗﻲ ﻭﺣﻄﻴﺖ ﻛﻞ ﺷﻲ ﻓﻲ ﺍﻟﺸﻨﺎﻃﻲ ، ﻭﺭﻗﺪﻧﺎ
،،،،،،،،،،،،
ﻓﻲ ﺣﻮﺵ ﺣﻨﻴﻨﻪ ، ﺑﺎﺗﺖ ﻋﻤﺘﻲ ﻭﻋﻠﻴﺎ ﻭﻗﻌﺪ ﻣﻌﺎﻫﻢ ﻋﺪﻧﺎﻥ ، ﻭﻋﻤﻲ ﺣﺘﻰ ﻫﻮ ﻗﻌﺪ ﻋﻨﺪ ﺣﻨﻴﻨﻪ ﻣﺴﺘﺎﺣﺸﻬﺎ
ﻣﻊ ﺍﻟﺴﺎﻋﻪ ﻋﺸﺮﺓ
ﻛﺎﻧﻮ ﻣﻘﻌﻤﺰﻳﻦ ﻓﻲ ﺩﺍﺭ ﺍﻟﻤﻌﻴﺸﻪ ﻭﺩﺍﻳﺮﻳﻦ ﺷﺎﻫﻲ ﻭﻋﻤﺘﻲ ﻭﻋﻤﻲ ﻳﻬﺪﺭﺯﻭ ﻣﻊ ﺑﻌﺾ ، ﻭﻋﺪﻧﺎﻥ ﻳﻬﺪﺭﺯ ﻣﻊ ﻧﻮﺭﺱ ﺑﺎﻟﺮﺳﺎﻳﻞ ، ﻭﻋﻠﻴﺎ ﻓﺎﺗﺤﺔ ﺍﻟﻔﻴﺲ ﻭﻣﺮﺓ ﻣﺮﺓ ﻳﺘﻌﺎﺭﻛﻮ
ﻭﻳﻄﻖ ﺍﻟﺒﺎﺏ
ﻧﺎﺽ ﻋﺪﻧﺎﻥ ﻓﺘﺢ ﺍﻟﺒﺎﺏ ﺍﻟﻘﺎﻩ ﻋﺒﺪ ﺍﻟﻤﻨﻌﻢ : ﺧﺶ ﺧﺶ
ﻋﺒﺪ ﺍﻟﻤﻨﻌﻢ : ﻧﺴﻴﺖ ﺣﻮﺍﻳﺠﻲ ﺍﻫﻨﻲ ﻓﻲ ﺍﻟﻤﺮﺑﻮﻋﻪ ، ﺷﻦ ﻗﺎﻋﺪﻳﻦ ﺳﺎﻫﺮﻳﻦ ؟
ﻋﺪﻧﺎﻥ : ﻗﺎﻋﺪﻳﻦ ﺍﻫﻮ ﻣﻜﺴﺪ ﺗﻌﺎﻝ ﻛﺴﺪ ﻣﻌﺎﻱ ، ﺩﺍﻳﺮﻳﻦ ﺷﺎﻫﻲ ﻭﻋﺎﻟﺔ ﻭﺟﻮ
ﻋﺒﺪ ﺍﻟﻤﻨﻌﻢ : ﻫﻬﻬﻪ ﺷﺎﻫﻲ ﻭﻋﺎﻟﺔ ﻭﺟﻮ
ﻋﻠﻴﺎ ﺳﻤﻌﺖ ﺻﻮﺕ ﻋﺒﺪ ﺍﻟﻤﻨﻌﻢ ﻗﻌﺪ ﻗﻠﺒﻬﺎ ﻳﻄﻖ ﺑﻘﻮﻭﺓ ﻭﻓﻲ ﻧﻔﺲ ﺍﻟﻮﻗﺖ ﻏﺎﻳﻀﻪ ﻣﻨﻪ ، ﺑﻌﺪﻫﺎ ﺷﺎﻓﺖ ﻟﺮﻭﺣﻬﺎ ﺍﻟﻘﺖ ﺭﻭﺣﻬﺎ ﺑﺒﻴﺠﺎﻣﻪ ﻗﺪﻳﻤﻪ ﻭﺷﻌﺮ ﻣﺸﻔﺸﻒ ، ﻧﺎﺿﺖ ﺗﺠﺮﺭﻱ ﺑﺘﻄﻠﻊ ﺑﺘﻮﺍﺳﻲ ﺷﻜﻠﻬﺎ
ﻭﺍﻫﻨﻲ ﻋﺪﻧﺎﻥ ﻭﻋﺒﺪ ﺍﻟﻤﻨﻌﻢ ﺟﺎﻳﻴﻦ ﺟﻬﺔ ﺍﻟﺪﺍﺭ ﻭﻳﻬﺪﺭﺯﻭ
ﻭﻋﻠﻴﺎ ﻭﻫﻲ ﺗﺠﺮﻱ ﺗﺨﺶ ﻓﻲ ﻋﺒﺪ ﺍﻟﻤﻨﻌﻢ ﻟﻴﻦ ﻗﺮﻳﺐ ﻃﻴﺤﺎﺗﻪ
ﻋﺒﺪ ﺍﻟﻤﻨﻌﻢ : ﻋﻤﻴﻴﻴﻴﻪ ﺍﻧﺘﻲ ﻋﻤﻴﻴﻴﻪ
ﻋﻠﻴﺎ ﺭﻳﺤﺔ ﺑﺮﻓﺎﻧﻪ ﻗﻮﻳﺔ ﻟﻴﻦ ﺩﺍﺧﺖ ﻣﻨﻬﺎ ، ﻭﺧﺮﺕ ﻭﺣﻄﺖ ﻳﺪﻫﺎ ﻋﻠﻲ ﺭﺍﺳﻬﺎ
ﻋﺪﻧﺎﻥ : ﻣﺶ ﻋﺎﺭﻓﻪ ﺍﻣﺘﻰ ﺗﺪﻳﺮﻱ ﻋﻘﻞ ﻭﻋﻴﻮﻧﻲ
ﻋﻤﻲ : ﻣﺎﺍﺻﺎﺭ ﺷﻲ ﺗﻌﺎﻟﻰ ﻳﺎﻋﺒﺪﻭ ﺍﺳﻬﺮ ﻣﻌﺎﻧﺎ
ﻋﺒﺪ ﺍﻟﻤﻨﻌﻢ ﻣﺘﻐﺎﺽ ﻣﻦ ﻋﻠﻴﺎ ، ﻭﻋﻠﻴﺎ ﻛﺬﻟﻚ ﻻﻧﻪ ﻫﺰﺑﻬﺎ ، ﻭﻭﺍﻗﻔﻪ ﻗﺪﺍﻣﻪ ﻭﺗﻔﻜﺮ ﻓﻲ ﺧﻄﺔ ﻟﻼﻧﺘﻘﺎﻡ
ﻭﻋﺒﺪ ﺍﻟﻤﻨﻌﻢ ﺑﻴﺘﺨﻄﺎﻫﺎ ﺑﻴﺨﺶ ، ﺍﻣﺸﺖ ﻋﻠﻴﺎ ﻣﺪﺕ ﺭﺟﻠﻬﺎ ﻭﺍﻋﺘﺮ ﻓﻴﻬﺎ ﻗﺮﺭﻳﺐ ﺟﻲ ﻋﻠﻲ ﻭﺟﻬﻪ
ﺍﻣﺎ ﻋﺪﻧﺎﻥ ﻓﺸﺎﻓﻬﺎ ، ﻭﻗﺎﻟﻬﺎ ﺑﺼﻮﺕ ﻭﺍﻃﻲ ﻭﺍﺩ ﻋﻠﻲ ﺳﻨﻮﻧﻪ : ﺣﻲ ﻋﻠﻲ ﺍﻣﻚ ﻳﺎﺣﻴﻮﺍﻧﻪ ﺑﻄﻠﻲ
ﺍﻣﺎ ﻋﺒﺪ ﺍﻟﻤﻨﻌﻢ ﻓﺎﻟﻤﻮﻗﻒ ﻛﺎﻥ ﺳﺨﻴﻒ ﺑﻜﻞ ، ﻟﻤﺎ ﺍﻋﺘﺮ ﺍﻟﻘﻲ ﺭﻭﺣﻪ ﻫﺎﺩ ﻓﻲ ﻧﺺ ﺍﻟﺪﺍﺭ ﺑﺎﺵ ﻳﺘﻮﺍﺯﻥ ﻭﻣﺎﻳﻄﻴﺤﺶ ، ﺗﻠﻔﺖ ﻟﻌﻠﻴﺎ ﻭﻋﻴﻮﻧﻪ ﺷﺮﺍﺭﺓ ، ﻭﺷﺪ ﻋﻠﻲ ﻳﺪﻩ ﻣﻦ ﺍﻟﻐﻴﺾ
ﺣﻨﻴﻨﻪ ﺍﺷﺮﺗﻠﻪ : ﺗﻌﺎﻝ ﻗﻌﻤﺰ ﺟﻨﺒﻲ ﻫﺪﺭﺯ ﻋﻠﻴﺎ
ﻋﺒﺪ ﺍﻟﻤﻨﻌﻢ ﻗﻌﻤﺰ ﺟﻨﺒﻪ ﻭﻳﺴﺤﻦ ﻣﻦ ﺩﺍﺧﻞ
ﻋﻠﻴﺎ ﺷﺎﻓﺘﻠﻪ ﺑﻀﺤﻜﺔ ﺧﺒﺚ ﻭﻟﻔﺖ ﻭﺍﻣﺸﺖ
ﺣﻨﻴﻨﻪ ﺗﻤﺴﺢ ﻋﻠﻲ ﻇﻬﺮ ﻋﺒﺪ ﺍﻟﻤﻨﻌﻢ : ﻣﺎﺷﺎﺀ ﺍﻟﻠﻪ ﺍﻟﺪﻛﺘﻮﺭ ﺍﻣﺘﻰ ﻧﻔﺮﺣﻮ ﺑﻴﻚ ﺍﻧﺖ ﻭﺧﻮﻙ ﺍﻥ ﺷﺎﺀ ﺍﻟﻠﻪ
ﻋﺒﺪ ﺍﻟﻤﻨﻌﻢ ﺿﺤﻚ ﺿﺤﻜﺔ ﻣﺠﺎﻣﻠﻪ : ﻫﻬﻬﻬﻪ ﻣﺰﺍﻝ ﺑﻜﺮﻱ
ﺣﻨﻴﻨﻪ : ﻭﻳﻦ ﻣﺰﺍﻝ ﺑﻜﺮﻱ ﺑﻮﻙ ﻓﻲ ﻋﻤﺮﻙ ﺍﻧﺖ ﺗﻮﺍ ﻋﻨﺪﻩ ﺗﻼﺗﻪ ﺻﻐﺎﺭ
ﻋﺒﺪ ﺍﻟﻤﻨﻌﻢ : ﻫﻬﻬﻬﻬﻪ ﻫﺪﺍﻛﺎ ﺑﻮﻱ ﻛﺎﻥ ﻫﺎﺑﻞ ﻋﻠﻲ ﺍﻣﻲ
ﻋﻤﻲ : ﺍﻳﺸﻲ ﺍﻟﻲ ﻣﺎﻳﺘﺤﺸﻢ
ﺣﻨﻴﻨﻪ : ﻫﻬﻬﻬﻬﻪ ﻭﺍﻟﻠﻪ ﻫﻮ ﻣﻦ ﻧﺎﺣﻴﺔ ﻫﺎﺑﻞ ﻋﻠﻴﻬﺎ ، ﻛﺎﻥ ﻣﺎﺧﺪﺍﻫﺎ ﺭﺍﻫﻮ ﻧﺒﺘﺖ ﻓﻴﻪ ﻧﺨﻠﺔ ﺑﺎﻋﺮﺍﺟﻴﻨﻬﺎ
ﻋﻤﻲ ﻳﻀﺤﻚ ﻭﻣﺘﺤﺸﻢ
ﻋﺪﻧﺎﻥ : ﻫﻬﻬﻬﻪ ﺗﺮﻳﺘﻪ ﻋﻤﻲ ﻃﻠﻊ ﻋﺎﻳﺶ ﻗﺼﺔ ﺣﺐ
ﻋﻤﺘﻲ : ﺣﺘﻰ ﻋﺒﺪ ﺍﻟﻌﻈﻴﻢ ﺍﻟﻠﻪ ﻳﺮﺣﻤﻪ ﻛﺎﻥ ﻳﺒﻲ ﻧﺎﺩﻳﺔ ، ﺍﻟﺰﻭﺯ ﺍﺧﺪﻭ ﺍﻟﻲ ﻳﺒﻮﻫﻢ
ﺧﺸﺖ ﻋﻠﻴﺎ ﻭﻫﻲ ﺍﻧﺴﺎﻧﻪ ﺗﺎﻧﻴﻪ ﻣﺎﺗﻘﻮﻟﺶ ﻧﻔﺲ ﺍﻟﻤﺸﻔﺸﻔﻪ ﺍﻟﻲ ﺍﻣﺒﻜﺮﻱ ، ﻗﺎﻳﻤﻪ ﺷﻌﺮﻫﺎ ﺫﻳﻞ ﻓﻮﻕ ، ﻭﻣﻐﻴﺮﺓ ﺍﻟﺒﻴﺠﺎﻣﻪ
ﻋﺒﺪ ﺍﻟﻤﻨﻌﻢ ﻳﺒﻲ ﻳﺮﺩﻟﻬﺎ ﻛﻴﻒ ﻋﺘﺮﺍﺗﻪ ﺍﻣﺒﻜﺮﻱ : ﻣﻨﻮ ﻫﺎﺩﻱ ؟
ﻋﻠﻴﺎ : ﻋﺰﺭﺍﺋﻴﻞ ﺍﻟﻲ ﺑﻴﻘﺒﺾ ﺭﻭﺣﻚ ، ﻭﻗﻌﻤﺰﺕ
ﻋﻤﺘﻲ : ﻫﻴﻴﻴﻴﻲ ﻋﻄﻴﻚ ﺑﻜﺸﺔ ﺑﻌﻴﺪ ﺍﻟﺴﻮ
ﻋﺪﻧﺎﻥ ﻓﻨﺺ ﻓﻴﻬﺎ ﻟﻜﻦ ﻓﻲ ﻧﻔﺲ ﺍﻟﻮﻗﺖ ﺷﺎﺩ ﺿﺤﻜﺘﻪ
ﻋﺒﺪ ﺍﻟﻤﻨﻌﻢ ﻏﺎﺽ : ﺣﺴﻴﺖ ﺣﺘﻰ ﺍﻧﻲ ﻻﻧﻚ ﻣﺶ ﻧﻔﺲ ﺍﻟﻤﺨﻠﻮﻗﻪ ﺍﻟﻲ ﺍﻣﺒﻜﺮﻱ ﻣﺘﺸﺮﺩﺓ
ﻋﻤﻲ : ﻫﻬﻬﻬﻪ ﺗﺤﺸﻢ ﻳﺎﻭﻟﺪ ، ﺗﻌﺎﻟﻲ ﺟﻨﺒﻲ ، ﺑﻨﺖ ﺧﺎﻟﻬﺎ ﻫﺎﺍﺩﻱ
ﻋﻠﻴﺎ ﻣﺪﺕ ﻟﺴﺎﻧﻬﺎ ﻟﻌﺒﺪ ﺍﻟﻤﻨﻌﻢ ﺑﺎﺳﺘﻔﺰﺍﺯ ، ﻭﻧﺎﺿﺖ ﻗﻌﻤﺰﺕ ﺟﻨﺐ ﻋﻤﻲ
ﻋﻤﻲ : ﺷﻦ ﺗﺨﺼﺼﺘﻲ ﻓﻲ ﻗﺮﺍﻳﺘﻚ ؟
ﻋﻠﻴﺎ : ﻃﺐ ﺍﺳﻨﺎﻥ
ﻋﺒﺪ ﺍﻟﻤﻨﻌﻢ : ﻗﺼﺪﻙ ﺍﻧﺘﻲ ﺑﺘﻄﻠﻌﻲ ﺩﻛﺘﻮﺭﺓ ﻓﻲ ﺍﻟﺸﻚ ﻭﺍﻟﻠﻪ
ﻋﻠﻴﺎ : ﻣﺎﺩﺍﻡ ﺍﻧﺖ ﻭﻟﻰ ﻭﺻﺎﺭ ﻣﻨﻚ ﻭﻭﻟﻴﺖ ﺩﻛﺘﻮﺭ ﻣﻌﻨﺎﻫﺎ ﺍﻧﻲ ﻧﻮﻟﻲ ﺑﺮﻭﻓﻴﺴﻮﺭﺓ
ﻋﻤﺘﻲ : ﻣﺎﻓﻴﻚ ﻏﻴﺮ ﻃﻮﻟﺔ ﺍﻟﻠﺴﺎﻥ
ﻋﺪﻧﺎﻥ ﻳﻬﺪﺭﺯ ﻣﻊ ﻧﻮﺭﺱ ﺑﺎﻟﺮﺳﺎﺋﻞ ، ﺍﻣﺸﻲ ﻗﺎﻟﻠﻬﺎ ﻋﻠﻴﺎ ﻭﻋﺒﺪ ﺍﻟﻤﻨﻌﻢ ﻳﺘﻌﺎﺭﻛﻮ ﻓﻨﻮﺭﺱ ﺍﺣﻜﺘﻠﻪ ﻛﻴﻒ ﺻﺒﺖ ﻋﻠﻴﻪ ﺍﻣﻴﻪ ﺍﻣﺒﻜﺮﻱ ﻟﻜﻦ ﺣﺬﻓﺖ ﻣﻘﻄﻊ ﺍﻧﻪ ﺳﻤﻌﻮﻩ ﻳﺘﻜﻠﻢ ﺑﺎﻟﺘﻠﻴﻔﻮﻥ ، ﻭﻗﺎﻟﺘﻠﻪ ﻛﻴﻒ ﺑﺰﻉ ﻋﻠﻲ ﻋﻠﻴﺎ ﺍﻟﻌﺼﻴﺮ ، ﻭﻋﺪﻧﺎﻥ ﻳﻘﺮﺍ ﻓﻲ ﺭﺳﺎﻟﺘﻬﺎ ﻭﻳﺘﺨﻴﻞ ﻓﻲ ﻣﻨﻈﺮ ﻋﻠﻴﺎ ﻣﺒﻠﻮﻟﺔ ﺑﺎﻟﻌﺼﻴﺮ ﻭﺍﻃﺮﺑﻖ ﺿﺤﻚ
ﻛﻠﻬﻢ ﺷﺎﻓﻮﻟﻪ ؟؟
ﻋﻤﺘﻲ : ﺍﻥ ﺷﺎﺀ ﺍﻟﻠﻪ ﺑﺎﻟﻠﻄﻒ
ﻋﺪﻧﺎﻥ ﺷﺎﻑ ﻟﻌﻠﻴﺎ ﻭﺗﺨﻴﻠﻬﺎ ﻭﻗﻌﺪ ﻳﻀﺤﻚ ﻣﻦ ﺟﺪﻳﺪ
ﻋﻠﻴﺎ : ﻣﻠﺒﻮﺱ ﺍﻗﺴﻢ ﺑﺎﻟﻠﻪ ﻻﺯﻡ ﺗﺪﻭﺭﻳﻠﻪ ﺷﻴﺦ ﺭﺍﻫﻮ
ﻋﻤﺘﻲ : ﺍﺷﺒﺢ ﻣﻊ ﻣﻦ ﻳﻬﺪﺭﺯ
ﻭﻛﻠﻜﻬﻢ ﻳﺸﻮﻓﻮﻟﻪ ﻭﻣﺶ ﻓﺎﻫﻤﻴﻦ ﻭﻋﺪﻧﺎﻥ ﻛﻞ ﺷﻮﻳﺔ ﻳﻨﻮﺽ ﻳﻀﺤﻚ
،،،،،،،،،،،،،،،،
ﻗﺒﻞ ﺍﻟﻔﺠﺮ ﺑﺴﺎﻋﻪ
ﻭﻟﻴﺪ : ﻧﻮﻭﺳﺔ ﻧﻮﻭﺳﺔ ﻳﺎﺧﻤﻴﺮﺓ ﻧﻮﻡ ﻧﻮﺿﻲ ﻭﻗﺖ
ﺍﻧﻲ
ﻭﻟﻴﺪ : ﻧﻮﻭﻭﺳﺔ ﻓﺎﺍﺗﺘﺘﻨﺎ ﺍﻟﻄﻴﺎﺭﺓ ﺣﻲ ﻳﺎﺣﻲ
ﺍﻧﻲ ﻧﻀﺖ ﻣﺨﻠﻮﻋﻪ ﻗﻌﻤﺰﺕ : ﻫﻴﻴﻲ ﺑﺎﻟﺤﻖ
ﻭﻟﻴﺪ : ﻫﻬﻬﻬﻬﻬﻬﻬﻪ ﺗﻲ ﻧﻮﺿﻲ ﻳﺎﻣﺸﻔﺸﻔﻪ ﻟﻮ ﺑﺘﻘﻌﺪﻱ ﺭﺍﻗﺪﻩ ﺍﻛﻴﺪ ﺑﺘﻔﻮﺗﻨﺎ
ﺍﻧﻲ ﺣﻄﻴﺖ ﻳﺪﻱ ﻋﻠﻲ ﺭﺍﺳﻲ : ﺑﺎﺭﺭﺩ ﺭﺍﺍﻫﻮ
ﻭﻟﻴﺪ : ﺳﺎﻋﻪ ﻭﺍﻗﻒ ﺍﻧﻮﺽ ﻓﻴﻚ ﻟﻤﺎ ﻗﻠﺖ ﺍﻟﻄﻴﺎﺭﺓ ﻓﺎﺗﺘﻨﺎ ﻧﻀﺘﻲ ﺗﺠﺮﺭﻱ ، ﻭﻗﻌﻤﺰ ﻉ ﺍﻟﺴﺮﻳﺮ ﻭﻳﻌﺪ ﻓﻲ ﻓﻠﻮﺳﻪ
ﺍﻧﻲ ﻗﻤﺖ ﺍﺍﻣﺨﺪﻩ ﺍﻟﻲ ﺟﻨﺒﻲ ﻭﺧﺒﻄﺘﻪ ﺑﻴﻬﺎ
ﻭﻟﻴﺪ ﺍﻧﺨﻠﻊ ﻭﺷﺎﻓﻠﻲ ، ﻭﺷﺪ ﺷﺎﺭﺑﻪ ﺍﻟﺘﺤﺘﻲ ، ﻭﺣﻂ ﺍﻟﻔﻠﻮﺱ ﻉ ﺍﻟﺸﻜﻤﺎﺟﺔ ، ﻭﻗﺎﻡ ﺍﻟﻤﺨﺪﻩ ﻭﺭﺩﻟﻲ ﺍﻟﺨﺒﻄﺔ
ﺍﻧﻲ : ﺗﻬﻬﻬﻬﻬﻪ ﺗﻲ ﺍﺍﻩ ﺭﺍﺳﻲ
ﻭﻟﻴﺪ : ﺍﻧﺘﻲ ﺍﻟﻲ ﺑﺪﻳﺘﻲ ﺗﻨﺎﺷﺒﻲ ، ﻭﻭﻟﻰ ﻳﻌﺪ ﻓﻲ ﻓﻠﻮﺳﻪ
ﺍﻧﻲ : ﺍﺭﻓﻊ ﻫﻠﺒﺎ ﻓﻠﻮﺱ ﺭﺍﻫﻮ ﻧﺒﻲ ﻧﺘﺪﻫﻮﺭ ﻭﻧﺒﻲ ﻧﺸﺮﻱ ﻫﻠﺒﺎ ﺣﺎﺟﺎﺕ ﻭﻧﺒﻲ ﻧﺠﺮﺏ ﻛﻞ ﺍﻻﻛﻼﺕ ﻏﺎﺩﻱ ﻭﻧﺒﻲ ﻧﻤﺸﻲ ﻟﻜﻞ ﺍﻻﻣﺎﻛﻦ
ﻭﻟﻴﺪ ﺷﺎﻓﻠﻲ ﺑﻜﺴﺮﺓ ﻋﻴﻦ : ﺍﻧﺘﻲ ﺣﺴﺎﺏ ﻣﺎﻛﻠﺘﻚ ﺑﺮﻭﺣﻬﺎ ﻣﺤﺴﻮﺏ
ﺍﻧﻲ : ﻫﻬﻬﻬﻪ ﺍﻧﻲ ﻧﺒﻲ ﻧﺠﺮﺏ ﻛﻞ ﺷﻲ
ﻭﻟﻴﺪ : ﻧﻌﺮﻓﻬﺎ ﺗﺠﺮﺑﺘﻚ ﺍﻧﻲ ﺯﻱ ﻓﻲ ﺩﺑﻲ ﻭﺍﻻ ، ﻭﻗﻌﺪ ﻳﻘﻠﺪ ﻓﻲ ﺻﻮﺗﻲ : ﻧﺒﻲ ﻫﺎﺩﻱ ﻭﻧﺒﻲ ﻫﺎﺩﻱ ﻭﺣﻲ ﻫﺎﺩﻱ ﺷﻜﻠﻬﺎ ﺣﻠﻮﻭﺓ ، ﻭﻓﻲ ﺍﻻﺧﻴﺮ ﺗﺴﻴﺒﻴﻪ
ﺍﻧﻲ : ﻫﻬﻬﻬﻬﻬﻪ ﻻﻻ ﻗﺎﻟﻮﻟﻲ ﻣﺎﻛﻠﺔ ﺗﺮﻛﻴﺎ ﺣﻠﻮﺓ
ﻭﻟﻴﺪ ﻭﻗﻒ ﻭﻳﺤﻂ ﻓﻲ ﺷﻨﻄﺘﻪ : ﺑﺎﻫﻲ ﻣﺶ ﻧﺎﻭﻳﺔ ﺗﻨﻮﺿﻲ ﺍﻧﺘﻲ
ﺍﻧﻲ ﻧﺘﻜﺴﻞ : ﻣﺰﺍﻝ ﺧﺎﻃﺮﻱ ﻧﺮﻗﺪ
ﻭﻟﻴﺪ : ﺧﻼﺹ ﺍﻣﺎﻻ ﺍﺭﻗﺪﻱ ﻭﺍﻧﻲ ﺗﻮ ﻧﻤﺸﻲ ﺑﺮﻭﺣﻲ
ﺍﻧﻲ ﻧﺰﻟﺖ ﻣﻦ ﺍﻟﺴﺮﻳﺮ : ﺗﻤﺸﻲ ﻋﻴﻨﻚ ، ﻭﺧﺸﻴﺖ ﻧﺠﺮﻱ ﻟﻠﺤﻤﺎﻡ
ﻭﻭﺗﻴﻨﺎ ﺭﻭﺣﻨﺎ ﻭﻃﻠﻌﻨﺎ ﻟﻠﻤﻄﺎﺭ ﻭﺻﻠﻨﺎ ﻣﺤﻤﻮﺩ
ﻭﺍﻟﻄﻴﺎﺭﺓ ﺗﺄﺧﺮﺕ ﺗﻼﺗﻪ ﺳﺎﻋﺎﺕ ، ﻭﺗﺸﺤﻮﻳﺮﺓ ﺍﻟﻤﻄﺎﺭ ، ﺭﻛﺒﺖ ﺍﻟﻄﻴﺎﺭﺓ ﻗﺮﻳﺐ ﺍﻟﺴﺎﻋﻪ 12 ﺍﻟﻈﻬﺮ
،،،،،،،،،،،،،
ﻧﻮﺍﻝ ﻛﻴﻒ ﻧﺎﻳﻀﻪ ، ﻧﺰﻟﺖ ﻭﺷﻌﺮﻫﺎ ﻗﺎﻋﺪ ﻣﺸﻔﺸﻒ : ﻣﺎﺍﺍﺍﻣﺎﺍﺍ
ﻣﺎﻣﺎ : ﺗﻌﺎﻟﻲ ﺍﻧﻲ ﻓﻲ ﺍﻟﻤﻄﺒﺨﺦ
ﻧﻮﺍﻝ ﺧﺸﺖ : ﻣﺎﺍﺍﻣﺎ ﻧﺒﻲ ﺣﻮﺍﻳﺞ ﻏﺪﻭﺓ ﺍﻭﻝ ﻳﻮﻡ ﺟﺎﻣﻌﻪ
ﻧﺮﺭﺟﺲ : ﻫﻴﻴﻴﻲ ﺑﺎﻟﺤﻖ
ﻧﻮﺍﻝ : ﺍﻳﻪ ﺗﻮﺍ ﺷﻔﺘﻬﺎ ﻓﻲ ﺍﻟﻨﺖ
ﻣﺎﻣﺎ ﺷﺎﻓﺖ ﻟﻨﻮﺭﺱ : ﻭﺍﻧﺘﻲ
ﻧﻮﺭﺱ : ﻻ ﺍﻧﻲ ﻣﺰﺍﻝ
ﻧﻮﺍﻝ : ﺑﺎﻩ ﺗﻄﻠﻌﻴﻨﺎ ﺍﻟﻴﻮﻡ
ﻧﻮﺭﺱ : ﺑﺎﻩ ﻏﻴﺮ ﺑﺮﻱ ﺍﻏﺴﻠﻲ ﻭﺟﻬﻚ ﺑﺎﻟﻠﻪ ﻋﻠﻴﻚ ﻭﺍﻧﺘﻲ ﻣﻮﻟﻴﺔ ﺯﻱ ﺍﻟﻐﻮﻟﺔ
ﻧﻮﺍﻝ : ﺣﻴﻮﺍﻧﻪ ، ﻭﻟﻔﺖ ﻃﻠﻌﺖ ﻣﻦ ﺍﻟﻤﻄﺒﺦ ﻭﺭﻛﺒﺖ
،،،،،،،،،،
ﺷﺮﻳﻦ ﺍﻟﺤﻮﺵ ﻗﻠﺒﻬﺎ ﻗﻌﺪ ﻳﻄﻖ ﺑﻘﻮﺓ ، ﺧﺸﺖ ﻭﺍﺳﺖ ﺷﻌﺮﻫﺎ ﺑﺴﺮﻋﻪ ﻭﻭﻟﺖ ﻗﻌﻤﺰﺕ ﻓﻲ ﺍﻟﺼﺎﻟﺔ
ﺍﻣﻬﺎ ﻣﻦ ﺍﻟﻤﻄﺒﺦ : ﻳﺎﺍﺍﻫﺎﺍﺍﺟﺮﺭ ﺍﻓﺘﺤﻲ ﺍﻟﺒﺎﺏ ﻳﺪﻳﺎ ﻣﺶ ﻓﺎﺿﻴﺎﺕ
ﻫﺎﺟﺮ ﻧﺎﺿﺖ ﻭﻗﻠﺒﻬﺎ ﻳﻄﻖ ﻭﻗﺮﺑﺖ ﻣﻦ ﺍﻟﺒﺎﺏ : ﻣﻨﻮﻭ
:.... ﺍﻧﻲ ﺍﻳﻤﻦ ﺍﻓﺘﺤﻲ
ﻗﻠﺒﻬﺎ ﻗﻌﺪ ﻳﻄﻖ ﺍﻛﺜﺮ ﻭﻣﺸﺎﻋﺮﻫﺎ ﻣﻠﺨﺒﻄﺔ ، ﻓﺘﺤﺖ ﺍﻟﺒﺎﺏ ﺑﺎﻟﺸﻮﻳﺔ ﻭﺧﻼﺗﻪ ﻣﺮﺩﻭﺩ ﻭﻟﻒ ﺑﺘﺨﺶ
ﺍﻳﻤﻦ ﺧﺶ ﻭﺳﻜﺮ ﺍﻟﺒﺎﺏ ﻭﺭﺍﻩ ، ﻭﻣﺪ ﻳﺪﻩ ﺷﺪ ﻳﺪﻫﺎ ﺑﺴﺮﻋﻪ ﻗﺒﻞ ﺗﻤﺸﻲ
ﻫﺎﺟﺮ ﻣﻠﻔﺘﻪ ﻭﺟﻬﻬﺎ ﻭﻫﻮ ﺷﺎﺩ ﻳﺪﻫﺎ : ﺍﻃﻠﻘﻨﻲ ﻳﺎﺃﻳﻤﻦ
ﺃﻳﻤﻦ ﺟﺒﺪﻫﺎ ﻟﻴﻦ ﻭﻟﺖ ﻣﻘﺎﺑﻠﺘﻪ ، ﻭﻗﺎﻡ ﺭﺍﺳﻬﺎ ﺑﻴﺪﻳﻪ ، ﻭﺑﺎﺱ ﺑﻴﻦ ﻋﻴﻮﻧﻬﺎ
ﻫﺎﺟﺮ ﻏﻤﻀﺖ ﻋﻴﻮﻧﻬﺎ ، ﻭﻛﺎﻧﺖ ﻣﺴﺘﺎﺣﺸﺎﺗﻪ ﺑﻜﻞ ، ﻋﻴﻮﻧﻬﺎ ﺗﻌﺒﻮ ﺩﻣﻮﻉ ﻭﻭﺧﺮﺕ ﻣﻨﻪ
ﺃﻳﻤﻦ : ﻫﺠﻮﺭﺓ ﻛﻴﻒ ﺣﺎﻟﻚ ﺍﻟﻴﻮﻡ
ﻫﺎﺟﺮ ﺷﺎﺩﺓ ﺩﻣﻮﻋﻬﺎ ﻭﻣﺎﺗﺒﻴﺶ ﺗﺸﻮﻓﻠﻪ
ﺍﻳﻤﻦ ﻗﺮﺏ ﻣﻨﻬﺎ : ﺗﻜﻠﻤﻲ ﺑﺎﻫﻲ ﻗﻮﻟﻲ ﺍﻱ ﺣﺎﺟﺔ ﻋﺎﺗﺒﻴﻨﻲ ﻫﺰﺑﻴﻨﻲ ﻣﺎﺗﻬﺮﺑﻴﺶ ﻣﻨﻲ ، ﻗﺎﻡ ﻳﺪﻩ ﺑﻴﺤﻄﻬﺎ ﻋﻠﻲ ﺧﺪﻫﺎ
ﻫﺎﺟﺮ ﺧﺎﻓﺖ ﻣﻦ ﻗﻴﻤﻪ ﻳﺪﻩ ﻭﻭﺧﺮﺕ ﺑﺤﺮﻛﺔ ﻻﺍﺭﺍﺩﻳﺔ ﺣﻄﺖ ﻳﺪﻫﺎ ﻋﻠﻲ ﺧﺪﻫﺎ ، ﻏﻤﻀﺖ ﻋﻴﻮﻧﻬﺎ ﺑﻘﻮﺓ ﻭﻓﺘﺤﺘﻬﻢ ﻭﻗﻌﺪﺕ ﺗﺸﻮﻓﻠﻪ ﺑﻌﻴﻮﻥ ﺧﺎﻳﻔﻪ
ﺍﻳﻤﻦ ﺣﺲ ﺑﺤﺎﺟﺔ ﺧﺸﺖ ﻗﻠﺒﻪ ، ﻭﻛﺮﻩ ﺭﻭﺣﻪ ﺍﻟﻠﺤﻈﺔ ﻫﺎﺩﻳﻜﺎ ﺍﻟﻲ ﺧﻼﻫﺎ ﺗﺨﺎﻑ ﻣﻨﻪ ﻭﻣﺪ ﻳﺪﻩ ﻋﻠﻴﻬﺎ ، ﻟﻴﻦ ﺍﻟﻌﺒﺮﺓ ﺧﻨﻘﺎﺗﻪ ﻭﻗﻌﺪ ﻳﺸﻮﻓﻠﻬﺎ ﺑﻨﺪﻡ ﻭﻋﺠﺰ ، ﻭﺧﺮ ﻣﻦ ﻋﻠﻴﻬﺎ
ﻫﺎﺟﺮ ﻓﺎﻗﺖ ﻟﺮﻭﺣﻬﺎ ﻧﺰﻟﺖ ﻳﺪﻫﺎ ﻭﻧﺰﻟﺖ ﺭﺍﺳﻬﺎ ﻭﺩﻣﻮﻋﻬﺎ ﺑﺪﺕ ﺗﻨﺰﻝ ، ﻣﻌﺎﺵ ﻗﺪﺭﺕ ﺗﺘﺤﺮﻙ ﻣﻦ ﻣﻜﺎﻧﻬﺎ
ﺃﻳﻤﻦ : ﺍﺳﻒ ﻭﺍﻟﻠﻪ ﺍﺳﻒ ﻭﺍﻟﻠﻪ ﺍﻧﻲ ﻭﺍﺣﺪ ﻣﺎﻧﺴﺘﺎﻫﻠﻚ ﺍﻟﻲ ﺧﻠﻴﺘﻚ ﺗﺘﺄﻟﻤﻲ ﻭﻣﺪﻳﺖ ﻳﺪﻱ ﻋﻠﻴﻚ ، ﺳﺎﻣﺤﻴﻨﻲ ﻫﺎﺟﺮ ﺑﺎﻟﻠﻪ ﻋﻠﻴﻚ ﺳﺎﻣﺤﻴﻨﻲ ، ﻭﻧﺰﻟﺖ ﺩﻣﻌﻪ ﻣﻨﻪ ، ﻭﺭﺷﻒ ﺧﺸﻤﻪ
ﻭﺍﻫﻨﻲ ﻫﺎﺟﺮ ﻗﺎﻣﺖ ﻋﻴﻨﻬﺎ ﻭﺷﺎﻓﺖ ﺩﻣﻌﺘﻪ ﺍﻟﻲ ﻧﺰﻟﺖ ، ﻗﺪﻣﺖ ﺑﺤﺮﻛﺔ ﺳﺮﻳﻌﻪ ﺍﺿﺒﻄﺎﺗﻪ ﻭﻗﻌﺪﺕ ﺗﺒﻜﻲ
ﺃﻳﻤﻦ ﻗﻌﺪ ﻭﺍﻗﻒ ﻣﺼﺪﻭﻡ ﻣﺎﻛﺎﻧﺶ ﻣﺘﻮﻗﻊ ﺭﺩﺓ ﺍﻟﻔﻌﻞ ﻫﺎﺩﻱ ﻛﺎﻧﺖ ﻣﺸﺎﻋﺮﻩ ﻣﻠﺨﺒﻄﺔ ، ﻓﺮﺡ ﺍﻧﻬﺎ ﺍﺿﺒﻄﺎﺗﻪ ﺑﺲ ﻗﻠﺒﻪ ﻭﺟﻌﻬﻪ ﻋﻠﻴﻬﺎ ﺍﻟﻲ ﺧﻼﻫﺎ ﺗﺒﻜﻲ ، ﻧﺎﺩﻡ ﻻﻧﻪ ﻣﺪ ﻳﺪﻩ ﻋﻠﻴﻬﺎ ﻭﻟﻮ ﺑﻴﺪﻩ ﻛﻴﻒ ﻳﺮﺟﻊ ﺍﻟﻮﻗﺖ ﻛﺎﻥ ﻣﺴﺘﺤﻴﻞ ﺣﺘﻰ ﻳﻤﺴﻬﺎ ﺑﺴﻮﺀ
ﺍﻣﻬﺎ ﻃﻠﻌﺖ ﺑﺘﺸﻮﻑ ﻣﻨﻮ ﺟﻲ ﺷﺎﺍﻓﺘﻬﺎ ﻣﻀﺒﻄﺎﺗﻪ ﻭﺧﺮﺕ ﻭﺧﺸﺖ ﻟﻠﻤﻄﺒﺦ ﻭﺗﺪﻋﻲ ﺍﻥ ﺷﺎﺀ ﺍﻟﻠﻪ ﻳﺘﺼﺎﻟﺤﻮ
ﻣﺎﻋﺮﻓﺶ ﻗﻴﻤﺘﻬﺎ ﺍﻻ ﺑﻌﺪ ﺍﻣﺸﺖ ﻭﺳﻴﺒﺎﺗﻪ ، ﺍﻧﺤﺮﻡ ﺍﺳﺒﻮﻋﻴﻦ ﻣﻨﻬﺎ ﻛﺎﻧﻮ ﺑﺎﻟﻨﺴﺒﺔ ﻟﻴﻪ ﺳﻨﺘﻴﻦ ، ﺩﻓﺎﺗﻪ ﺑﻘﻮﺓ ﻭﻫﻲ ﺗﺒﻜﻲ ، ﻭﻗﻌﺪﺕ ﺗﺸﻮﻓﻠﻪ ﺑﺤﺰﻥ ﻭﺍﻟﺪﻣﻮﻉ ﺗﻨﺰﻝ ﻣﻨﻬﺎ
ﺃﻳﻤﻦ ﺗﻨﻬﺪ ﺑﻀﻴﻖ ﻭﻳﺸﻮﻓﻠﻬﺎ ﻭﻗﺎﻟﺒﻪ ﻭﺍﺟﻌﻪ ، ﻛﻴﻒ ﺷﻜﻠﻬﺎ ﺗﺒﻜﻲ ﻭﺷﺎﺭﺑﻬﺎ ﺍﻟﺘﺤﺘﻲ ﻳﺮﻋﺶ ﻛﻴﻒ ﺍﻟﺒﻴﺒﻲ ﺍﻟﺰﻋﻼﻥ : ﺣﺒﻴﺒﺘﻲ
ﻫﺎﺟﺮ ﺗﺒﻜﻲ : ﻣﻌﺎﺵ ﺗﻘﻮﻝ ﺣﺒﻴﺒﺘﻲ ، ﺍﻟﻲ ﻳﺤﺐ ﻣﺎﻳﺄﺫﻳﺶ ﺣﺒﻴﺒﺘﻪ ﺍﻟﻲ ﻳﺤﺐ ﻣﺎﻳﻀﺮﺑﺶ ﺣﺒﻴﺒﺘﻪ ﺍﻟﻲ ﻳﺤﺐ ﻣﺎﻳﺨﻠﻴﺶ ﺣﺒﻴﺒﺘﻪ ﺗﺒﻜﻲ ﻋﻠﻴﻪ ﺍﻟﻲ ﻳﺤﺐ ﻣﺎﻳﺮﻗﺪﺵ ﻭﻳﺨﻠﻲ ﺣﺒﻴﺒﺘﻪ ﺗﺘﺄﻟﻢ ،، ﻭﻛﺎﻧﺖ ﺗﺤﻜﻲ ﻭﺗﺮﺷﻒ ﻭﺗﺎﺧﺪ ﻓﻲ ﻧﻔﺲ ﺑﻘﻮﺓ
ﺃﻳﻤﻦ ﻗﺮﺏ ﻣﻨﻬﺎ : ﻫﺎﺟﺮ ﺍﻧﺘﻲ ﻛﻮﻳﺴﺔ ؟
ﻫﺎﺟﺮ ﺷﺎﻓﺘﻠﻪ ﺑﺨﻴﺒﺔ ﺁﻣﻞ : ﺧﻠﻴﻚ ﺑﻌﻴﺪ ﻋﻠﻲ ﺣﻴﺎﺗﻲ ﺣﻨﻜﻮﻥ ﻛﻮﻳﺴﺔ ، ﻟﻔﺖ ﻫﺎﺟﺮ ﻭﺍﻣﺸﺖ ﺟﻬﺔ ﺩﺍﺭﻫﺎ ﺑﺨﻄﻮﺍﺕ ﺳﺮﻳﻌﻪ ﻭﻫﻲ ﺩﻣﻮﻉ ﻳﻨﺰﻟﻮ ﻣﻨﻬﺎ ، ﺗﻤﻨﺖ ﺗﻘﻌﺪ ﺍﻛﺜﺮ ﻓﻲ ﺣﻀﻨﻪ ﺗﻤﻨﺖ ﻳﺤﻮﻝ ﻣﻨﻬﺎ ﺍﻻﻟﻢ ﺍﻟﻲ ﺗﺤﺲ ﺑﻴﻪ ﻭﺷﻮﻗﻬﺎ ﻟﻴﻪ ﺗﻤﻨﺖ ﻣﺎﻳﺴﻴﺒﻬﺎﺵ ﺗﻠﻒ ﻭﺗﻤﺸﻲ ﻭﻳﻘﻮﻟﻮﻟﻬﺎ ﻣﺴﺘﺤﻴﻞ ﻧﺮﻭﺡ ﻟﻠﺤﻮﺵ ﺍﻻ ﻭﺍﻧﺘﻲ ﻣﻌﺎﻱ
ﺑﺲ ﻋﺠﺰ ﺍﻳﻤﻦ ﻭﻧﺪﻣﻪ ﻣﺎﺧﻼﺗﺎﺷﻲ ﻳﺪﻳﺮ ﺷﻲ ﻣﺎﻗﺪﺭﺵ ﺣﺘﻰ ﻳﻘﺮﺏ ﻣﻨﻬﺎ ، ﺍﻳﻤﻦ ﻃﻠﻊ ﻣﻦ ﺍﻟﺤﻮﺵ ﻭﺳﻜﺮ ﺍﻟﺒﺎﺏ ﺭﻛﺐ ﺳﻴﺎﺭﺗﻪ ﻭﻫﻮ ﻧﺎﺩﻡ ﻭﻛﺎﺭﻩ ﺭﻭﺣﻪ ، ﻗﻌﺪ ﻳﺒﻜﻲ ﺯﻱ ﺍﻟﺒﻴﺒﻲ ، ﺍﻳﻪ ﻳﺒﻜﻲ ﻟﻤﺎ ﺗﻌﺸﻘﻲ ﺷﺨﺺ ﻟﺪﺭﺟﺔ ﺗﺨﺎﻓﻲ ﻋﻠﻴﻪ ﻣﻦ ﻧﺴﻤﻪ ﻫﻮﺍﺀ ﻟﻜﻦ ﺗﻜﺘﺸﻒ ﺍﻧﻚ ﺍﻧﺖ ﺍﻟﻲ ﺗﺄﺫﺫﻱ ﻓﻴﻪ ﺍﻧﺖ ﺍﻟﻲ ﺗﺨﻠﻲ ﻓﻴﻪ ﻳﺘﻮﺟﻊ ، ﻭﻗﺘﻬﺎ ﺣﺠﻢ ﺍﻻﻟﻢ ﺍﻟﻲ ﺣﻴﻜﻮﻥ ﻓﻲ ﻗﻠﺒﻚ ﻣﺎﺗﻘﺪﺭﺵ ﺗﻮﺻﻔﻪ ﺑﺎﻱ ﻛﻠﻤﺔ
،،،،،،،،،،،،،
ﻭﺻﻠﻨﺎ ﻟﻤﻄﺎﺭ ﺍﺳﻄﻨﺒﻮﻝ ، ﻧﺰﻟﻨﺎ ﻣﻦ ﺍﻟﻄﻴﺎﺭﺓ ﻭﺑﻌﺪﻫﺎ ﺧﺪﻳﻨﺎ ﺍﻟﺤﻘﺎﺋﺐ ﻭﻣﻦ ﺍﺟﺮﺍﺀﺍﺕ ﺍﻟﻄﻴﺎﺭﺓ ﻭﻣﻦ ﺍﻫﻨﻲ ﻻﻫﻨﻲ ﻃﻠﻌﻨﺎ ﻣﻦ ﺍﻟﻤﻄﺎﺭ ﺍﻟﺴﺎﻋﻪ 8 ، ﺧﺪﻳﻨﺎ ﺗﺎﻛﺴﻲ ﻭﺻﻠﻨﺎ ﻟﻬﻮﺗﻴﻞ ﻣﺶ ﺑﻌﻴﺪ ﻫﻠﺒﺎ ﻉ ﺍﻟﻤﻄﺎﺭ
ﺧﺸﻴﺖ ﻟﻠﻐﺮﻓﻪ ﻟﻮﺣﺖ ﺭﻭﺣﻲ ﻋﻠﻲ ﻃﻮﻝ ﻉ ﺍﻟﺴﺮﻳﺮ : ﺗﻌﺒﺎﺍﺍﺍﻧﻪ ﻧﺒﻲ ﻧﺮﻗﺪ
ﻭﻟﻴﺪ ﻗﻌﻤﺰ ﺟﻨﺒﻲ : ﻭﺍﻟﻠﻪ ﺣﺘﻰ ﺍﻧﻲ ﻧﺤﺲ ﻓﻲ ﺭﻭﺣﻲ ﻣﺘﻬﺘﻚ ، ﻟﻜﻦ ﺧﻠﻲ ﻧﻄﻠﺒﻮ ﻧﺎﻛﻠﻮ ﺣﺎﺟﺔ ﺑﻌﺪﻫﺎ ﻧﺮﻗﺪﻭ
ﺍﻧﻲ : ﻳﺎﺭﻳﺖ ﺟﻌﺎﻧﻪ ﺑﻜﻞ
ﻭﻟﻴﺪ : ﺍﻫﻮ ﺗﻮ ﻧﻄﻠﺐ ﻣﻦ ﻣﻄﻌﻢ ﺍﻟﻔﻨﺪﻕ
ﺧﺸﻴﺖ ﺩﻭﺷﺖ ﺑﻌﺪﻫﺎ ﻃﻠﻌﺖ ﻗﺎﻟﻲ ﻭﻟﻴﺪ ﻭﺻﻰ ﻋﻠﻲ ﻋﺸﻲ
ﻓﺘﺤﺖ ﺷﻨﻄﺘﻲ ﻭﻃﻠﻌﺖ ﺑﻌﺾ ﺍﻟﺤﺎﺟﺎﺕ ، ﻭﺑﻌﺪﻫﺎ ﻗﻌﻤﺰﺕ ﻧﺮﺍﺟﻲ ﻓﻲ ﺍﻟﻌﺸﻲ ﻭﻋﻴﻮﻧﻲ ﺑﻴﺘﺴﻜﺮﻭ ﻣﻦ ﺍﻟﺘﻌﺐ
،،،،،،،،،،،،
ﻓﻲ ﺣﻮﺵ ﺣﻨﻴﻨﻪ
ﻣﺎﻣﺎ : ﺗﺮﺍ ﺷﻮﻓﻲ ﺍﺧﺘﻚ ﺑﺎﻟﻚ ﻓﺎﺗﺤﺔ ﻧﺖ
ﻧﻮﺭﺱ : ﻣﺶ ﻓﺎﺗﺤﺔ ﻳﺎﻣﺎﻣﺎ ﺍﻟﻔﺎﻳﺒﺮ ﻣﺴﻜﺮ ﻣﻦ ﺍﻟﺴﺒﻌﻪ ﺍﻟﺼﺒﺢ ﺍﻫﻮ ﺷﻮﻓﻲ
ﻣﺎﻣﺎ : ﺑﺎﻫﻲ ﺷﻮﻓﻲ ﻭﻟﻴﺪ
ﻧﻮﺭﺱ : ﻭﻟﻴﺪ ﻭﻟﻴﺪ ، ﺍﻫﻮﻭ ﺍﻟﻘﻴﺘﻪ ﻓﺎﺍﺗﺢ ﻧﺖ
ﻣﺎﻣﺎ : ﺍﺗﺼﻠﻲ ﺑﺎﻫﻲ
ﻣﺮﺕ ﻋﻤﻲ : ﻫﻮ ﻣﺎﺷﻴﻴﻦ ﺩﻫﻮﺍﺭﻱ ﻭﺍﻻ ﻋﻼﺝ ﻭﺍﻻ ﺷﻨﻮ
ﻣﺎﻣﺎ : ﻻﺩﻫﻮﺍﺭﻱ ، ﻋﻼﺵ ﻋﻼﺝ ﺍﻟﻠﻄﻒ ، ﻳﻐﻴﺮﻭ ﻓﻲ ﺟﻮﻫﻢ ﺑﺲ
ﺭﻭﻳﺪﺓ : ﻓﻲ ﺑﻠﺪﺍﻥ ﺍﺣﻠﻰ ﻗﺼﺪﻱ ﺗﺮﻛﻴﺎ ﺍﻧﻲ ﺍﻣﺸﻴﺘﻠﻬﺎ ﻋﺎﺩﻳﺔ ، ﻭﺍﻟﻠﻴﺒﻴﻴﻦ ﻛﻠﻬﻢ ﻏﺎﺩﻱ
ﻧﻮﺍﻝ : ﺳﺎﺩ ﺷﻬﺮ ﺍﻟﻌﺴﻞ ﻣﺎﺷﺎﺀ ﺍﻟﻠﻪ ﺭﻓﻌﻬﺎ ﺷﻬﺮ ﻟﺪﺑﻲ ، ﻭﺑﻌﺪﻳﻦ ﻫﻲ ﺧﺎﻃﺮﻫﺎ ﻓﻴﻬﺎ ﺗﺮﻛﻴﺎ ﻭﻫﺎﺩﻱ ﻫﺪﻳﺔ ﻋﻴﺪ ﻣﻴﻼﺩﻫﺎ
ﺭﻭﻳﺪﺓ : ﻣﺸﺖ ﻟﺪﺑﻲ ؟؟
ﻧﻮﺍﻝ : ﺍﻳﻪ ﻟﺪﺑﻲ
ﻧﻮﺭﺱ ﺗﺘﺼﻞ ﺑﻮﻟﻴﺪ ﻉ ﺍﻟﻔﺎﻳﺒﺮ ﻳﻨﺎﺩﻱ ﻣﺎﻳﺮﺩ
،،،،
ﺍﻧﻲ ﻭﻗﺘﻬﺎ ﺧﺪﺍﻧﻲ ﺍﻟﻨﻮﻡ ﻉ ﺍﻟﻜﻨﺒﺔ ، ﻭﻭﻟﻴﺪ ﻓﻲ ﺍﻟﺤﻤﺎﻡ ، ﺍﻧﺨﻠﻌﺖ ﻣﻦ ﺻﻮﺕ ﺍﻟﺘﻠﻴﻔﻮﻥ ، ﻧﻀﺖ ﻗﻤﺘﻪ ﺍﻟﻘﻴﺘﻬﺎ ﻧﻮﺭﺱ
ﺭﺩﻳﺖ ﺑﺼﻮﺕ ﻧﺎﻋﺲ : ﺍﻟﻮ
ﻧﻮﺭﺱ : ﺍﻟﻮ ﻧﺴﻴﺒﺔ ﻭﺻﻠﻠﺘﻮﻭ ؟؟
ﺍﻧﻲ ﺍﺗﻜﻴﺖ ﻉ ﺍﻟﺴﺮﻳﺮ : ﻻﻻ ﻧﻜﻠﻢ ﻓﻴﻚ ﻓﻲ ﺍﻟﻄﻴﺎﺭﺓ ﻗﺎﻋﺪﻩ
ﻧﻮﺭﺱ : ﻫﻬﻬﻬﻪ ﺣﻴﻮﺍﻧﻪ ، ﻣﺎﻣﺎ ﺗﺒﻲ ﺗﻄﻤﻦ ﻋﻠﻴﻜﻢ ﺍﻧﺘﻲ ﻣﺶ ﻓﺎﺗﺤﺔ ﻧﺖ ﻓﻲ ﺗﻠﻴﻔﻮﻧﻚ،
ﺍﻧﻲ : ﺗﻠﻴﻔﻮﻧﻲ ﻣﺎﻧﻨﺪﺭﻳﺶ ﺣﺘﻰ ﻋﻠﻴﻪ ﻓﻲ ﺍﻟﺸﻨﻄﺔ ﻭﻣﻤﻜﻦ ﻛﺎﻣﻞ ﺷﺤﻨﻪ
ﻧﻮﺭﺱ : ﺑﺎﻩ ﻫﺎﻙ ﺗﺒﻴﻚ ﻣﺎﻣﺎ
ﻣﺎﻣﺎ ﺧﺪﺕ ﺍﻟﺘﻠﻴﻔﻮﻥ : ﺍﻳﻮﺍ ﻳﺎﻧﻮﺳﻪ ﺍﻟﺤﻤﺪ ﻟﻠﻪ ﻉ ﺳﻼﻣﻪ ﻛﻴﻒ ﺣﺎﻟﻚ
ﺍﻧﻲ : ﺍﻟﺤﻤﺪ ﻟﻠﻪ ﻛﻮﻳﺴﺔ ﺍﻟﻠﻪ ﻳﺴﻠﻤﻚ ، ﻛﻴﻒ ﺣﺎﻟﻜﻢ ﺍﻧﺘﻮ
ﻣﺎﻣﺎ : ﺑﺎﻫﻴﻴﻦ ﺍﻟﺤﻤﺪ ﻟﻠﻪ ، ﺷﻦ ﺗﻌﺒﺘﻮ ؟
ﺍﻧﻲ : ﺗﺸﺤﻮﻳﺮﺓ ﺑﻜﻞ
ﻣﺎﻣﺎ : ﻻﺯﻡ ﻣﻨﻬﺎ ﻫﺎﺩﻱ ، ﺷﻦ ﺻﻘﻊ ﻏﺎﺩﻱ
ﺍﻧﻲ : ﺍﻳﻪ ﺻﻘﻊ ﺷﻮﻳﺔ
ﻣﺎﻣﺎ : ﺭﻓﻌﺘﻲ ﺣﻮﺍﻳﺞ ﺛﻘﻴﻠﺔ
ﺍﻧﻲ : ﺟﺒﺖ ﻟﻜﻦ ﻣﺎﺍﻋﺘﻘﺪﺵ ﻳﺪﻓﻮ ﺗﻮ ﻧﺸﻮﻑ ﻧﺸﺮﻭ ﻣﻦ ﺍﻫﻨﻲ ﻭﺧﻼﺹ
ﻭﺍﻫﻨﻲ ﻭﻟﻴﺪ ﻃﻠﻊ ﻣﻦ ﺍﻟﺤﻤﺎﻡ ﻭﺳﻤﻊ ﺟﻤﻠﺘﻲ ﺍﻻﺧﻴﺮﺓ : ﻏﻴﺮ ﻳﺴﺨﻦ ﻣﻜﺎﻧﻚ ﺍﻧﺘﻲ ﺍﻫﻨﻲ ، ﻭﺍﻧﺘﻲ ﺷﺎﻳﻄﺔ ﻓﻴﻚ ﺍﻟﻨﺎﺭ ﻋﻠﻲ ﺍﻟﺸﺮﻱ
ﺍﻧﻲ : ﻫﻬﻬﻬﻬﻬﻬﻪ ﺳﻤﻌﺘﻴﻪ ﻳﺎﻣﺎﻣﺎ
ﻣﺎﻣﺎ : ﻫﻬﻬﻬﻬﻬﻪ ﺳﻤﻌﺘﻪ ﺍﻳﻪ ، ﺑﺎﻩ ﺭﺩﻭ ﺑﺎﻟﻜﻢ ﻣﻦ ﺑﻌﻀﻜﻢ ، ﻭﻃﻤﻨﻴﻨﻲ ﻋﻠﻴﻚ
ﺍﻧﻲ : ﺍﻥ ﺷﺎﺀ ﺍﻟﻠﻪ ﺣﺎﺿﺮ ، ﺳﻠﻤﻲ ﻋﻠﻴﻬﻢ
ﺳﻜﺮﺕ ﻣﻦ ﻣﺎﻣﺎ ﻭﺷﻔﺖ ﻟﻮﻟﻴﺪ ﺍﻟﻲ ﻭﺍﻗﻒ ﻉ ﺩﻭﻻﺏ ﻭﻳﺠﻔﻒ ﻓﻲ ﺷﻌﺮﻩ ﺑﺎﻟﻔﻮﻃﺔ
ﻗﻌﺪﺕ ﻧﺘﺄﻣﻞ ﻓﻴﻪ ﺷﻌﺮﻩ ﻛﻴﻒ ﻣﻴﻪ ﻭﻧﺎﺯﻻﺕ ﺧﺼﻼ ﻋﻠﻲ ﺟﺒﻬﺘﻪ ، ﺍﺑﺘﺴﻤﺖ
ﻭﻟﻴﺪ ﺷﺎﻓﻠﻲ : ﺧﻴﺮﻙ ؟
ﺍﻧﻲ : ﻫﻬﻬﻪ ﺷﻲ
ﻭﻃﻖ ﺍﻟﺒﺎﺏ ، ﺍﻣﺸﻲ ﻭﻟﻴﺪ ﻓﺘﺢ ﺍﻟﺒﺎﺏ ﻭﺩﺧﻞ ﺍﻟﺮﺍﺟﻞ ﺍﻟﻌﺸﻲ ﻭﺣﻄﻪ ﻉ ﺍﻟﻄﺎﻭﻟﺔ ﻭﺍﻣﺸﻲ
ﺍﻧﻲ ﻃﻠﻌﺖ ﻭﻗﺮﺑﺖ ﻣﻦ ﺍﻟﺼﻔﺮﺓ : ﺍﻣﻤﻤﻤﻢ ﺟﻌﺎﺍﺍﻧﻪ
ﻭﻟﻴﺪ : ﻫﻲ ﺗﻌﺎﻟﻲ
،،،،،،،،،،
ﺛﺎﻧﻲ ﻳﻮﻡ ﺍﻟﺼﺒﺢ
ﻧﻮﺍﻝ ﺗﻜﻠﻢ ﻓﻲ ﻣﺤﻤﻮﺩ ﻭﺗﺤﺪﺩ ﻓﻲ ﺣﻮﺍﻳﺠﻬﺎ : ﺗﻲ ﺑﺎﻫﻲ ﺣﺒﻴﺒﻲ ﻛﻢ ﻣﺮﺓ ﺑﺘﻮﺻﻲ
ﻣﺤﻤﻮﺩ : ﻣﻴﻪ ﻭﻣﺮﺓ ﻭﺍﻥ ﺷﺎﺀ ﺍﻟﻠﻪ ، ﺍﻳﻮﺍﺍﺍ ﺯﻱ ﻣﺎﻗﻠﺘﻠﻚ ﺍﻟﺒﺴﻲ ﺣﺎﺟﺔ ﻃﻮﻳﻠﺔ .....
ﻧﻮﺍﻝ ﻗﺎﻃﻌﺎﺗﻪ ﻭﻫﻲ ﺗﻘﻠﺪ ﻓﻲ ﺻﻮﺗﻪ : ﻭﻓﻜﻴﻨﻲ ﻣﻦ ﻟﺒﺰ ﺍﻟﻤﻜﻴﺎﺝ ﺍﻟﻲ ﺗﺪﻳﺮﻭ ﻓﻴﻪ ﻋﻠﻲ ﻭﺟﻮﻫﻜﻢ ، ﻭﻣﺎﺗﻮﻗﻔﻴﺶ ﻋﻠﻲ ﺍﻱ ﺣﺪ ﻭﻋﻴﻮﻧﻚ ﻓﻲ ﺍﻟﻮﻃﺎﺀ ﻭﺍﻧﻲ ﻏﻴﺮ ﻧﺎﺧﺪﻙ ﺑﺲ ﺍﻟﻤﺎ ﺗﻠﺒﺴﻲ ﺧﻤﺎﺭ ﺍﻧﻲ ﻣﺎﻧﺒﻴﺶ ﻣﻦ ﻳﺸﻮﻑ ﻟﻤﺮﺗﻲ
ﻣﺤﻤﻮﺩ : ﻫﻬﻬﻬﻬﻬﻪ ﻭﺍﻟﻠﻪ ﻛﺎﻥ ﻧﺸﺪﻙ ﻧﻮﺭﻳﻚ
ﻧﻮﺍﻝ : ﻫﻬﻬﻬﻬﻬﻬﻪ ﺗﻲ ﻟﻴﻚ ﺳﺎﻋﻪ ﺗﻌﺎﻭﺩ ﻓﻲ ﻧﻔﺲ ﺍﻟﻜﻼﻡ ﺣﻔﻈﺘﻪ
ﻣﺤﻤﻮﺩ : ﺑﺎﻩ ﺑﺮﻱ ﻭﺗﻲ ﺭﻭﺣﻚ ﻭﺍﻧﻲ ﺣﺘﻰ ﺍﻧﻲ ﺍﻧﻮﺽ ﻧﺪﻭﺵ ﺑﺎﺵ ﻧﻠﺤﻖ ﻧﺠﻴﻚ
ﻧﻮﺍﻝ : ﺗﻤﺎﻡ
ﺳﻜﺮﺕ ﻧﻮﺍﻝ ﻭﻗﻌﺪﺕ ﺗﻮﺗﻲ ﻓﻲ ﺭﻭﺣﻬﺎ ، ﻭﻫﻲ ﺗﻠﺒﺲ ﻃﺎﺣﺖ ﺍﻟﺪﺑﻠﺔ ﻻﻥ ﻛﺎﻧﺖ ﻭﺍﺳﻌﻪ ﻗﺎﻣﺘﻬﺎ ﻭﺣﻄﺘﻬﺎ ﻉ ﺍﻟﻜﻤﺎﺩﻳﻨﻮ ﻋﻠﻲ ﺍﺳﺎﺱ ﺗﺪﻳﺮﻟﻬﺎ ﻟﺼﻘﻪ ﺑﻌﺪﻳﻦ ﺗﻠﺒﺴﻬﺎ
ﻧﻮﺭﺱ ﺗﻄﻖ ﻓﻲ ﺍﻟﺒﺎﺏ : ﺗﻴﻴﻲ ﻫﻴﺎﺍﺍﺍ ﺳﺎﻋﺘﻴﻴﻴﻦ ﺗﻮﺗﻲ ﻓﻲ ﺭﻭﺣﻚ ﻧﺒﻲ ﺍﻟﻮﺷﺎﺡ ﺍﻻﺯﺭﻕ
ﻧﻮﺍﻝ : ﺑﺎﺍﺍﻫﻲ ﺍﻧﻲ ﻭﺍﺗﻴﻪ ، ﻭﻓﺘﺤﺖ ﺍﻟﺒﺎﺏ ﻭﻫﻲ ﺗﻮﺍﺳﻲ ﻓﻲ ﻭﺷﺎﺣﻬﺎ ﻭﻧﺎﺯﻟﺔ : ﺧﺸﻲ ﺷﻮﻓﻴﻪ ﻓﻲ ﺍﻟﺪﻭﻻﺏ ، ﻭﺭﺍﻫﻮ ﺍﻧﻲ ﻧﺒﻲ ﺍﻟﻜﻨﺪﺭﺓ ﺍﻟﻜﺤﻠﺔ
ﻧﺮﺟﺲ : ﺗﻲ ﺍﺻﻼ ﺍﻧﻲ ﺑﻨﻠﺒﺲ ﻓﺮﺩﻩ ﻭﺣﺪﺓ ﻋﻠﻲ ﺧﺎﻃﺮ ﺭﺟﻠﻲ ، ﻧﺒﻲ ﻛﻨﺪﺭﺗﻚ ﺍﻟﻮﺭﺩﻳﺔ
ﻧﻮﺍﻝ ﻭﺍﻗﻔﻪ ﻋﻠﻲ ﺍﻟﻤﺮﺍﻳﺔ : ﺑﺮﻱ ﺧﻮﺩﻳﻬﺎ
ﻧﺮﺟﺲ : ﺑﺎﻫﻲ ﺟﻴﺒﻴﻬﺎﻟﻲ ﺭﺟﻠﻲ ﺗﻮ ﺷﻦ ﻳﻨﻮﺿﻨﻲ
ﻧﻮﺍﻝ ﺷﺎﻓﺘﻠﻬﺎ ، ﻭﺍﻣﺸﺖ ﻟﻠﺪﻭﻻﺏ ﻭﺣﺬﻓﺘﻠﻬﺎ ﺍﻟﻜﻨﺪﺭﺓ
ﻧﺮﺟﺲ : ﺷﻜﺮﺍ
ﻣﺎﻣﺎ ﻣﻦ ﺍﻟﻤﻄﺒﺦ : ﻫﻲ ﺗﻌﺎﻟﻮﻭ ﺍﻓﻄﺮﻭ
ﻭﺍﻫﻨﻲ ﺗﻠﻴﻔﻮﻥ ﻧﺮﺟﺲ ﺷﺮﻳﻦ ، ﻭﻗﻔﺖ ﺑﺴﺮﻋﻪ ﻭﺷﺪﺕ ﻋﻜﺎﺯﺗﻬﺎ ﻭﻗﻌﺪﺕ ﺗﻌﻜﺰ ﺑﺴﺮﻋﻪ ﺗﺒﻲ ﺗﺮﻛﺐ
ﻧﻮﺍﻝ ﺷﺎﻓﺘﻠﻬﺎ : ﻫﺎﺩﻱ ﻏﻴﺮ ﺗﻮﺍ ﺧﻼﺹ ﻛﻨﺘﻲ ﺭﺟﻠﻚ ﻣﺶ ﻗﺎﺩﺭﺓ ﺗﺘﺤﺮﻛﻲ ﺑﻜﻞ ﺣﺘﻰ ﺍﻟﻜﻨﺪﺭﺓ ﺗﺒﻴﻨﺎ ﻧﻤﺪﻭﻫﺎﻟﻚ
ﻧﺮﺟﺲ : ﻫﻬﻬﻬﻬﻪ ﺍﺧﻄﻴﻨﻲ ، ﻭﺭﻛﺒﺖ ﺍﻭﻝ ﺩﺭﺟﺔ
ﻧﻮﺍﻝ : ﺑﺎﻩ ﻏﻴﺮ ﺗﻌﺎﻟﻲ ﺗﻜﻠﻤﻲ ﺍﻫﻨﻲ ﻫﺪﺍ ﻛﻠﻪ ﻋﻼﺵ
ﻧﻮﺭﺱ ﺟﺖ ﻭﺭﺍ ﻧﺮﺟﺲ : ﻣﻨﻮﻭ ؟
ﻧﺮﺟﺲ ﺩﺳﺖ ﺗﻠﻴﻔﻮﻧﻬﺎ ﻓﻲ ﺟﻴﺒﻬﺎ ﻭﺗﺮﻛﺐ : ﺷﻦ ﺩﺧﻠﻜﻢ ﺗﻘﺼﻘﻴﺺ ﻳﺎﻟﻄﻴﻒ
ﻧﻮﺭﺱ ﻗﺎﻣﺖ ﺣﺎﺟﺒﻬﺎ : ﻣﻌﺎﺩ ؟
ﻧﺮﺟﺲ ﺷﺎﻓﺘﻠﻬﺎ ﺑﺎﺳﺘﻐﺮﺍﺏ : ﺷﻦ ﺩﺧﻞ ﻣﻌﺎﺩ ﺗﻮﺍ
ﻧﻮﺭﺱ : ﻻ ﻏﻴﺮ ﺣﺴﻴﺘﻪ ﺣﺎﻁ ﻋﻠﻴﻚ ﺍﻟﻌﻴﻦ
ﻧﺮﺟﺲ ﺗﺮﻛﺐ ﻭﻣﻦ ﻏﻴﺮ ﻣﺎﺗﺸﻮﻓﻠﻬﻢ : ﻣﻌﺎﺩ ﺯﻱ ﺧﻮﻱ ،ﻭﻛﻤﻠﺖ ﺭﻛﺒﺖ
ﻧﻮﺭﺱ ﻟﻨﻮﺍﻝ : ﻓﻀﻮﻝ ﺑﻴﻘﺘﻠﻨﻲ ﻧﺒﻲ ﻧﻌﺮﻑ ﻣﻨﻮ
ﻧﻮﺍﻝ : ﺑﺮﻱ ﻗﺼﻘﺼﻲ ﻭﻗﻮﻟﻴﻠﻲ
ﻧﻮﺭﺱ : ﺗﻮ ﻧﺤﺼﻞ ﻋﻠﻴﻬﺎ ﺑﻌﺪﻳﻦ
