منقولة
الحلقةة[15]
من ﺭﻭﺍﻳﺔ - - ->" #ﺳﻨــﺪ_ﺍﻷﻧﺜــﻰ_ﺭﺟــﻞ "
ﻭﻟﻴﺪ : ﺍﻳﻮﻩ
ﺍﻧﻲ : ﺍﻟﻮ ﺍﻫﻠﻴﻦ
ﻭﻟﻴﺪ : ﺷﻦ ﺍﺧﺒﺎﺭﻙ
ﺍﻧﻲ : ﺍﻟﺤﻤﺪ ﻟﻠﻪ ﻭﺍﻧﺖ
ﻭﻟﻴﺪ : ﺗﻤﺎﻡ
ﺍﻧﻲ : ﻛﻴﻒ ﻓﻘﺪﺕ ﺍﻻﻣﻞ ﺍﻧﻚ ﺗﺘﺼﻞ
ﻭﻟﻴﺪ : ﻛﻨﺖ ﻣﻊ ﺍﻟﻌﺎﺋﻠﺔ ﻭﻧﺴﻴﺖ ﺍﻟﻮﻗﺖ ﻟﻴﻦ ﻧﻌﺴﺖ ﺧﺸﻴﺖ ﺍﺗﺼﻠﺖ ﺑﻴﻚ ﻃﻮﻝ
ﺍﻧﻲ : ﺑﺎﺍﻩ ﻭﻟﻴﺪ ﺍﻧﻲ ﻓﻲ ﻫﻠﺒﺎ ﺍﺳﺌﻠﺔ ﻓﻲ ﺭﺍﺳﻲ ﻧﺒﻲ ﻧﻌﺮﻑ ﺍﻟﻲ ﺻﺎﺭﻟﻚ ﺑﺎﻟﻀﺒﻂ ﺍﺣﻜﻴﻠﻲ ﻛﻞ ﺷﻲ ﻣﻦ ﻳﻮﻡ ﺍﻟﻤﺸﺆﻭﻡ ﻫﺪﺍﻛﺎ ﻟﺤﺪ ﺍﻟﻴﻮﻡ
ﻭﻟﻴﺪ : ﻫﺬﺍ ﺍﻟﻴﻮﻡ ﺍﻟﻤﺸﺆﻭﻡ ﻫﺪﺍﻛﺎ ﺑﻌﺪ ﺳﻜﺮﺕ ﻣﻨﻚ ﻛﻨﺖ ﻓﻲ ﺟﻬﺔ ﻃﺮﻳﻖ ﺍﻟﻤﻄﺎﺭ ﺩﺭﺳﺖ ﻋﻠﻲ ﻣﺤﻞ ﻭﺩﺭﺳﺖ ﻗﺪﺍﻣﻲ ﺳﻴﺎﺭﺓ ﺍﻟﺮﺍﺟﻞ ﺍﻟﻲ ﻓﻴﻬﺎ ﺍﻭﻝ ﻣﺎﻧﺰﻝ ﻧﺴﻤﻊ ﻓﻲ ﺻﻮﺕ ﺭﺻﺎﺹ ﻗﻤﺖ ﺭﺍﺳﻲ ﺍﻟﻘﻴﺘﻬﻢ ﻣﻘﻨﺼﻴﻨﻪ ﻣﺪﻳﺖ ﻳﺪﻱ ﻭﻃﻠﻌﺖ ﻣﺴﺪﺳﻲ ﻣﻦ ﺗﺤﺖ ﺍﻟﻜﺮﺳﻲ ﻭﺍﺗﺼﻠﺖ ﺑﺼﺎﺣﺒﻲ ﻳﺨﺪﻡ ﻓﻲ ﻛﺘﻴﺒﺔ ﻭﻧﺰﻟﺖ ﺍﺣﻤﻴﺖ ﺭﻭﺣﻲ ﺑﺎﻟﺴﻴﺎﺭﺓ ﻭﻗﻨﺼﺖ ﺍﻟﻲ ﺿﺮﺏ ﺍﻟﺮﺍﺟﻞ ﻓﻲ ﺭﺍﺳﻪ ﻣﺎﺕ ﻧﻀﺖ ﻧﺠﺮﻱ ﻧﺒﻲ ﻧﺴﻌﻒ ﺍﻟﺮﺍﺟﻞ ﺑﺲ ﻟﻼﺳﻒ ﻛﺎﻧﻮ ﻣﺠﻤﻮﻋﻪ ﻭﺍﺣﺪ ﻣﻨﻬﻢ ﻗﻨﺼﻨﻲ ﻓﻲ ﺑﻄﻨﻲ ﻭﻓﻲ ﺭﺟﻠﻲ ﻣﺎﺟﺖ ﺍﻟﻜﺘﻴﺒﺔ ﻟﻴﻦ ﻛﺎﻥ ﺍﻟﻲ ﻗﺎﻧﺼﻨﻲ ﺧﺎﻧﺐ ﺳﻴﺎﺭﺗﻲ ﻭﻫﺮﺏ ﻭﻛﺎﻥ ﻓﻴﻬﺎ ﺍﻟﻔﻮﻥ ﻭﻫﺪﺍ ﻋﻼﺵ ﺗﻜﻠﻤﻲ ﻓﻴﺎ ﻣﺎﺗﺤﺼﻠﻴﺶ ﻓﻴﺎ ﺑﻌﺪﻫﺎ ﻓﻘﺪﺕ ﺍﻟﻮﻋﻲ ﻭﺳﻌﻔﻮﻧﻲ ﻛﺎﻥ ﺣﺎﻟﺘﻲ ﺧﻄﻴﺮﺓ ﺍﻭﻝ ﻣﺎﺭﺟﻌﻠﻲ ﺍﻟﻮﻋﻲ ﻗﻌﺪﺕ ﻧﺴﺎﻝ ﺷﻦ ﺻﺎﺭ ﻓﻲ ﺍﻟﺮﺍﺟﻞ ﻗﺎﻟﻮﻟﻲ ﺗﻮﻓﻰ ﺑﺲ ﻗﺒﻠﻬﺎ ﻣﺎﻛﻨﺘﺶ ﻧﻌﺮﻑ ﻣﻦ ﻫﻮ ﺍﻟﺮﺍﺟﻞ ﻫﺬﺍ ﻭﻟﻤﺎ ﻋﺮﻓﺖ ﺍﻧﺼﺪﻣﺖ
ﺍﻧﻲ ﺑﺨﻮﻑ ﻭﻣﻦ ﺑﻴﻦ ﺩﻣﻮﻋﻲ : ﻣﻦ ؟
ﻭﻟﻴﺪ ﺑﺘﺮﺩﺩ : ﺑﻮﻙ
ﺍﻧﻲ ﺷﻬﻘﺖ ﺷﻬﻘﻪ ﻛﺒﻴﺮﺭﻩ ﻭﺍﻧﻬﺮﺕ ﺑﻜﻲ
ﻭﻟﻴﺪ : ﺣﺒﻴﺒﺘﻲ ﺍﻧﻲ ﻧﺤﻜﻴﻠﻚ ﻣﺶ ﺑﻴﺶ ﺗﺒﻜﻲ ﺧﻼﺹ ﺑﺎﻟﻠﻪ ﻋﻠﻴﻚ ﺍﻫﺪﻱ ﻣﻌﺎﺵ ﺑﻨﺤﻜﻲ ﺷﻲ ﻫﻲ ﻣﺎﺩﺍﻡ ﺑﺘﺒﻜﻲ
ﺍﻧﻲ ﻣﺴﺤﺖ ﺩﻣﻮﻋﻲ : ﻛﻤﻞ ﻣﻌﺎﺵ ﻧﺒﻜﻲ
ﻭﻟﻴﺪ : ﺍﻟﻤﻬﻢ ﻫﻤﺎ ﺩﺍﺭﻭﻟﻲ ﻋﻤﻠﻴﻪ ﺍﻫﻨﻲ ﻓﻲ ﻟﻴﺒﻴﺎ ﻗﺪﺭﻭ ﻳﻨﺤﻮ ﺍﻟﺮﺻﺎﺻﻪ ﺍﻟﻲ ﻓﻲ ﺑﻄﻨﻲ ﺑﺲ ﺍﻟﻲ ﻓﻲ ﺭﺟﻠﻲ ﻣﺎﻗﺪﺭﻭﺵ ﻳﻨﺤﻮﻫﺎ ﻛﺎﻧﺖ ﻓﻲ ﻣﻜﺎﻥ ﺣﺴﺎﺱ ﺗﻌﺘﺒﺮ ﺳﻌﻔﻮﻧﻲ ﺑﻌﺪ ﻣﻤﻜﻦ ﺍﺭﺑﻊ ﺍﻳﺎﻡ ﻻﺍﻟﻤﺎﻧﻴﺎ ﻗﻌﺪﺕ ﻣﻦ ﻋﻤﻠﻴﻪ ﻟﻌﻤﻠﻴﺔ ﺳﻨﻪ ﻭﺍﺭﺑﻌﻪ ﺷﻬﻮﺭ ﻣﺎﻭﻗﻔﺘﺶ ﻋﻠﻲ ﺭﺟﻠﻴﺎ
ﺍﻧﻲ : ﻳﺎﺭﻭﺣﻲ ﻳﺎﻣﺎ ﺣﺴﻴﺖ ﻳﺎﺣﺒﻴﺒﻲ
ﻭﻟﻴﺪ : ﻫﺪﺍ ﻛﻠﻪ ﻛﺎﻥ ﻳﻬﻮﻥ ﺑﺎﻟﻨﺴﺒﻪ ﻟﻴﺎ ﺍﻻ ﺍﻧﻚ ﺗﺒﺘﻌﺪﻱ ﻋﻠﻴﺎ ﻛﻠﻪ ﻋﺎﺩﻱ ﺍﻻ ﺍﻧﻲ ﻣﺎﻧﻌﺮﻓﺶ ﺷﻦ ﺻﺎﻳﺮ ﻓﻴﻚ ﺗﻌﺒﺖ ﻧﻔﺴﻴﺘﻲ ﻫﻠﺒﺎ ﺑﻌﺪ ﺗﻼﺗﻪ ﺍﺳﺎﺑﻴﻊ ﻣﻤﻜﻦ ﻓﻲ ﺍﻟﻤﺎﻧﻴﺎ ﻗﻌﺪﺕ ﻧﺘﺼﻞ ﺑﻴﻚ ﺑﺲ ﺗﻠﻴﻔﻮﻧﻚ ﻳﻌﻄﻲ ﻣﻘﻔﻞ ﻭﺑﻌﺪﻫﺎ ﺧﺎﺭﺝ ﺍﻟﺨﺪﻣﻪ ﻗﺮﻳﺐ ﻫﺒﻠﺖ ﻭﻧﺪﻣﺖ ﻋﻠﻲ ﺍﻟﻜﻼﻡ ﺍﻟﻲ ﻗﻠﺘﻪ ﻫﺪﺍﻛﺎ ﺍﻟﻴﻮﻡ ﻛﻠﻪ ﻓﺘﺤﺖ ﻓﻴﺲ ﺍﻳﻤﻴﻠﻚ ﻣﺴﻜﺮ ﻛﻞ ﺑﺮﺍﻣﺠﻚ ﻣﺴﻜﺮﺓ ﻟﻴﺶ ﺳﻜﺮﺗﺘﻴﻬﻢ
ﺍﻧﻲ : ﺍﻳﻤﻴﻠﻲ ﺍﻟﻔﻴﺲ ﺑﻌﺪ ﺗﻼﺗﻪ ﺍﻳﺎﻡ ﺍﻟﻌﺰﻱ ﺳﻜﺮﺗﻪ ﻭﻗﺮﺭﺕ ﺍﻧﻲ ﻣﻌﺎﺵ ﻧﻔﺘﺤﻪ ﺑﻜﻞ ﻭﻣﻌﺎﺵ ﺩﺭﺕ ﺍﻳﻤﻴﻞ ﺍﺻﻼ ﺍﻣﺎ ﺭﻗﻤﻲ ﻓﻤﻤﻜﻦ ﺑﻌﺪ ﺍﺳﺒﻮﻋﻴﻦ ﻛﻨﺖ ﻓﻲ ﻣﺤﻞ ﺍﻟﺒﺎﻳﻦ ﺧﻨﺒﻮ ﻓﻮﻧﻲ ﻣﻦ ﺍﻟﺸﻨﻄﺔ ﺭﻭﺣﺖ ﻣﺎﻟﻘﻴﺘﺎﺷﻲ
ﻭﻟﻴﺪ : ﻛﺄﻥ ﺍﻟﺪﻧﻴﺎ ﻛﺎﻧﺖ ﻣﺼﻤﻤﻪ ﺍﻧﻬﺎ ﺗﺒﺎﻋﺪﻧﺎ ﻋﻠﻲ ﺑﻌﺾ
ﺍﻧﻲ : ﺍﻳﻴﻪ ﺍﻟﺤﻤﺪ ﻟﻠﻪ ﻳﺎﺭﺑﻲ ، ﺍﻧﻲ ﻛﻨﺖ ﻧﺤﺴﺎﺑﻚ ﻣﻴﺖ ﺑﻜﻞ ﻳﺎﻭﻟﻴﺪ ﻗﺮﻳﺐ ﻫﺒﻠﺖ
ﻭﻟﻴﺪ : ﺣﻜﺎﻟﻲ ﻣﺤﻤﻮﺩ
ﺍﻧﻲ : ﻛﻴﻒ ﺣﻜﺎﻟﻚ ﻣﺤﻤﻮﺩ ﻣﻦ ﻭﻳﻦ ﻋﺮﻑ
ﻭﻟﻴﺪ : ﺍﻧﺘﻲ ﻟﻤﺎ ﻛﻨﺘﻲ ﻓﻲ ﺍﻟﻤﺴﺘﺸﻔﻰ ﺍﻟﺒﺎﻳﻦ ﻣﺤﻤﻮﺩ ﺗﻌﺮﻑ ﻋﻠﻲ ﻧﻮﺍﻝ ﻭﺷﻜﻠﻪ ﺣﻜﺘﻠﻪ ﺍﻟﻘﺼﻪ ﻭﺻﻠﺖ ﺑﻴﺎ ﺭﺍﻫﻮ ﺑﻌﺘﺘﻪ ﻟﺤﻮﺷﻜﻢ ﻳﻮﻗﻒ ﻗﺪﺍﻡ ﺍﻟﺤﻮﺵ ﻗﻌﺪ ﺷﻬﺮ ﻛﺎﻣﻞ ﻗﺎﻟﻲ ﺍﻧﻚ ﻛﻮﻳﺴﺔ ﻭﺍﻟﻲ ﻃﻤﻨﻲ ﺍﻧﻚ ﻛﻞ ﻳﻮﻡ ﺗﻄﻠﻌﻲ ﻭﺗﺨﺸﻲ ﻳﻌﻨﻲ ﻣﺶ ﻣﺘﺰﻭﺟﺔ
ﺍﻧﻲ : ﻫﻬﻬﻬﻬﻪ ﺻﺎﺭ ﻧﻔﺲ ﺍﻟﺘﻔﻜﻴﺮ
ﻭﻟﻴﺪ : ﻫﻬﻬﻪ ﺍﻳﻪ ﻭﻫﺪﺍﻛﺎ ﺍﻟﻲ ﻛﻠﻤﺘﻴﻪ ﻭﻗﺎﻟﻚ ﻭﻟﻴﺪ ﻣﺎﺕ ﻫﺪﺍ ﺍﻟﻲ ﻗﻨﺼﻨﻲ
ﺍﻧﻲ : ﻫﻴﻴﻴﻴﻲ ﺑﺠﺪﻳﺎﺕ
ﻭﻟﻴﺪ : ﺍﻳﻪ ﺑﺲ ﺷﺪﻭﻭﻩ
ﺍﻧﻲ : ﺑﺠﺪ
ﻭﻟﻴﺪ : ﻣﺤﻤﻮﺩ ﻟﻢ ﺍﻟﻤﺎﻓﻴﺎ ﺑﺘﺎﻋﻪ ﻭﻗﺎﻡ ﺑﺎﻟﻮﺍﺟﺐ ﻭﺳﻠﻤﻮﻩ ﻟﻜﺘﻴﺒﻪ
ﺍﻧﻲ : ﺭﺑﻲ ﻳﻨﺘﻘﻢ ﻣﻨﻪ
ﻭﻟﻴﺪ : ﺍﻥ ﺷﺎﺀ ﺍﻟﻠﻪ ، ﻋﺎﺭﻓﻪ ﻣﺴﺘﺎﺣﺸﻚ ﻣﺴﺘﺎﺣﺸﻚ ﻫﻠﺒﺎﺍ ﻳﺎﻧﺴﻴﺒﺔ ﺧﺎﻳﻒ ﺗﻀﻴﻌﻲ ﻣﻨﻲ ﺗﺎﻧﻲ ﻧﺒﻲ ﻧﺠﻲ ﻧﺨﻄﺒﻚ ﻣﻌﺎﺵ ﻧﺒﻲ ﻧﺴﻴﺒﻚ ﺩﻗﻴﻘﻪ ﻭﺣﺪﺓ
ﺍﻧﻲ : ﺑﺠﺪﺩ ﺣﺒﻴﺒﻲ
ﻭﻟﻴﺪ : ﺑﺠﺪ ﻳﺎﻋﻴﻮﻥ ﺣﺒﻴﺒﻚ ﺍﻳﻴﻪ ﻭﻣﻤﻜﻦ ﻏﺪﻭﺓ ﻧﺨﻠﻲ ﺍﻣﻲ ﺗﺠﻴﻜﻢ
ﺍﻧﻲ : ﻫﻬﻬﻬﻪ ﻣﺴﺘﻌﺠﻞ ﻟﻬﺎﻟﺪﺭﺟﺔ
ﻭﻟﻴﺪ : ﻭﺃﻛﺜﺮﺭ ، ﺣﻘﺎﺍ ﺍﻣﺒﻜﺮﻱ ﻗﻠﺘﻴﻠﻲ ﻓﻲ ﻣﻮﺿﻮﻉ ﻳﺨﺺ ﻫﺪﺍ ﺍﻟﻲ ﺍﺳﻤﻪ ﺍﻳﻤﻦ ﺑﺘﺤﻜﻴﻬﻮﻟﻲ ﺍﺣﻜﻲ
ﺍﻧﻲ ﺣﺒﻴﺖ ﻧﻐﻴﻀﻪ ﺑﺼﺮﺍﺣﺔ ﺍﺳﺘﺎﺣﺸﺖ ﻋﺼﺒﻴﺘﻪ : ﻫﺪﺍ ﺍﻳﻤﻦ ﻗﺒﻞ ﻣﺎﻳﺘﻮﻓﻰ ﺑﺎﺑﺎ ﻭﺻﺎﺍﻩ ﻋﻠﻴﻨﺎ ﻭﻭﺻﺎﻩ ﻋﻠﻴﺎ ﺍﻛﺜﺮ ﺷﻲ ﻭﻫﻮ ﺍﻟﻲ ﻭﻗﻒ ﻣﻌﺎﻧﺎ ﻭﺳﺎﻧﺪﻧﺎ ﺑﻌﺪ ﻭﻓﺎﻩ ﺑﺎﺑﺎ ﻟﻮﻻﻩ ﺭﺍﻫﻮ ﻣﺎﻗﺪﺭﻧﺎﺵ ﻧﻮﻗﻔﻮ ﻋﻠﻲ ﺭﺟﻠﻴﻨﺎ
ﻭﻟﻴﺪ : ﺑﺎﺍﻩ ﻛﺜﺮ ﺧﻴﺮﻩ ﻟﺨﺼﻲ ﺷﻦ ﺍﻟﻤﻮﺿﻮﻉ
ﺍﻧﻲ : ﺍﻟﻤﻬﻢ ﻫﻮ ﻋﻠﻤﻨﻲ ﺍﻟﺴﻮﺍﻗﻪ ﻭﺷﺮﺍﻟﻲ ﺳﻴﺎﺭﺓ ﻭﺩﺭﺑﻨﻲ ﻭﻭﻗﻒ ﺟﻨﺒﻲ ﺣﺘﻰ ﻟﻤﺎ ﻃﺤﺖ ﻭﺧﺸﻴﺖ ﻟﻠﻤﺴﺘﺸﻔﻰ ﻣﺎﺳﻴﺒﻨﻴﺶ ﻭﻻﻟﺤﻈﺔ
ﻭﻟﻴﺪ : ﺑﺎﺍﺍﺍﺍﻫﻲ ﻧﺴﻴﺒﺔ ﺍﺧﺘﺼﺮﺭﻱ
ﺍﻧﻲ : ﻫﻬﻬﻬﻪ ﺑﺎﻩ ﺧﻴﺮﻙ ﻣﻌﺼﺐ ﺍﻧﺖ
ﻭﻟﻴﺪ : ﻛﻴﻒ ﺗﺒﻴﻨﻲ ﻣﺎﻧﻌﺼﺒﺶ ﺍﻥ ﺷﺎﺍﺀ ﺍﻟﻠﻪ ﻭﺍﻧﺘﻲ ﻃﺎﻳﺤﺔ ﺗﺸﻜﺮﻱ ﻭﺗﻌﺎﻭﺩﻱ ﻣﻦ ﺑﻜﺮﻱ ﻓﻴﻪ ﺍﻭﻙ ﻫﻮ ﻛﺎﻥ ﺳﻨﺪ ﻟﻴﻚ ﺍﻓﻀﻞ ﻣﻨﻲ ﻗﻮﻭﻟﻴﻬﺎ ﻳﺎﻧﺴﻴﺒﻪ ﺑﺲ ﻳﻌﻠﻢ ﺍﻟﻠﻪ ﺑﺎﻟﻲ ﺻﺎﺭ ﻓﻴﺎ
ﺍﻧﻲ : ﺗﻮ ﻣﻦ ﻗﺎﻝ ﻫﻜﻲ
ﻭﻟﻴﺪ : ﺍﻧﻲ ﻗﻠﺖ ﻻﻥ ﻛﻼﻣﻚ ﻫﻜﻲ ﻳﻘﻮﻝ
ﺍﻧﻲ : ﺍﻳﻪ ﺍﻳﻤﻦ ﺳﻨﺪ ﺑﻌﺪ ﺑﺎﺑﺎ ﻻﻧﻪ ﺧﻮﻱ
ﻭﻟﻴﺪ : ﻛﻴﻒ ﺧﻮﻙ
ﺍﻧﻲ : ﺧﻮﻱ ﺑﺎﻟﺮﺿﺎﻋﻪ
ﻭﻟﻴﺪ ﺑﺮﺍﺣﺔ : ﺑﺎﻩ ﻗﻠﺘﻴﻬﺎ ﺍﻟﺠﻤﻠﻪ ﻫﺎﺩﻱ ﻣﻦ ﺑﻜﺮﻱ ﻭﺍﻻ ﻻﺯﻡ ﺗﻌﺼﺒﻴﻨﻲ
ﺍﻧﻲ : ﻫﻬﻬﻬﻬﻪ ﺍﺳﺘﺎﺣﺸﺖ ﻏﻴﺮﺗﻚ ﻣﺎﻫﻮ ﻭﺍﻻ ﻣﺶ ﻣﻦ ﺣﻘﻲ ﻧﺴﺘﺎﺣﺸﻚ
ﻭﻟﻴﺪ : ﻣﻦ ﺣﻘﻚ ﻟﻜﻦ ﻣﺶ ﻻﺯﻡ ﺗﻌﺼﺒﻴﻨﻲ ﻳﺎﻣﺸﻔﺸﻔﻪ
ﺍﻧﻲ : ﻫﻬﻬﻬﻬﻬﻪ ﺗﺒﺪﺍ ﻭﺳﻴﻢ ﻟﻤﺎ ﺗﻌﺼﺐ
ﻭﻟﻴﺪ : ﻫﻬﻬﻬﻬﻪ ﻫﺒﻠﺔ ﺑﺎﺍﻫﻲ ﺍﺣﻜﻴﻠﻲ ﺷﻦ ﻗﺼﻪ ﺧﻮﻙ ﺑﺎﻟﺮﺿﺎﻋﻪ ﻛﻴﻒ ﺻﺎﺭ
ﺍﻧﻲ : ﺍﺣﻜﻴﺘﻠﻪ ﻛﻴﻒ ﻋﻤﺘﻲ ﺭﺿﻌﺘﻨﻲ
ﻭﻟﻴﺪ : ﺑﺎﻩ ﻛﻮﻳﺲ
ﺍﻧﻲ : ﺍﺣﻜﻴﻠﻲ ﻛﻴﻒ ﻛﺎﻧﺖ ﺍﻟﻤﺎﻧﻴﺎ
ﻭﻟﻴﺪ : ﺣﻠﻮﺓ ﺑﺲ ﻧﻌﺘﺒﺮ ﻣﺎﺍﺳﺘﻤﺘﻌﺘﺶ ﺑﻴﻬﺎ ﻫﻠﺒﺎ ﻛﻨﺖ ﻧﺪﻫﻮﺭ ﺑﻜﺮﻭﺳﺔ
ﺍﻧﻲ : ﻳﺎﺭﻭﺣﻲ ﺑﺎﻩ ﺣﻘﺎﺍ ﻟﻴﺶ ﻣﺎﻛﻤﻠﺘﺶ ﻋﻼﺟﻚ
ﻭﻟﻴﺪ : ﻣﻌﺎﺵ ﻗﺪﺭﺕ ﻣﻠﻴﻴﺖ ﻭﺍﺻﻼ ﻣﺰﺍﻟﻲ ﻋﻼﺝ ﻃﺒﻴﻌﻲ ﺑﺲ ﺗﻮ ﻧﺪﻳﺮﻩ ﺍﻫﻨﻲ ﻣﻌﺎﺵ ﺑﻨﻄﻠﻊ ﻣﻦ ﻟﻴﺒﻴﺎ ﺍﻧﻲ
ﺍﻧﻲ : ﺍﻻﺍﺍﺍ ﻓﻲ ﺷﻬﺮ ﺍﻟﻌﺴﻞ
ﻭﻟﻴﺪ : ﻫﻬﻬﻬﻬﻬﻬﻬﻪ ﻻ ﻋﺎﺩ ﻓﻲ ﺷﻬﺮ ﺍﻟﻌﺴﻞ ﻏﺼﺒﻦ ﻋﻨﻲ ﻧﺪﻳﺮﻭﻩ ﺷﻬﺮﻳﻦ ﺯﻳﺎﺩﺓ ﻣﺶ ﺧﺴﺎﺍﺭﺓ ﻓﻲ ﺣﺒﻴﺒﺘﻲ
ﺍﻧﻲ : ﻧﺤﺒﺒﺒﺒﺒﺒﻚ
( ﺟﺰﺀ ﻣﻦ ﺍﻟﻨﺺ ﻣﻔﻘﻮﻭﺩ ﻫﻬﻬﻬﻪ ) ﺍﺳﺘﻤﺮﺕ ﻫﺪﺭﺯﺗﻲ ﻣﻊ ﻭﻟﻴﺪ ﻟﺤﺪ ﺍﻟﺴﺎﻋﻪ ﺧﻤﺴﻪ ﺍﻟﻔﺠﺮ ﻭﺑﻌﺪﻫﺎ ﺭﻗﺪﻧﺎ ﻭﻧﻮﺿﻮﻧﻲ 9 ﻭﺍﻧﻲ ﻛﻨﺖ ﻣﺪﺭﻭﺧﻪ ﻧﺒﻲ ﻧﺮﺭﻗﺪ ﻣﺰﻋﺠﻴﻦ
ﺍﻧﻲ : ﻣﺎﻣﺎ ﺑﺎﻟﻠﻪ ﻋﻠﻴﻚ ﺧﻠﻴﻨﻲ ﻧﺒﻲ ﻧﺮﻗﺪ
ﻣﺎﻣﺎ : ﺑﺘﻨﻮﺿﻲ ﻭﺍﻻ ﻧﺠﻴﺐ ﻣﺎﻟﻘﻲ ﻣﻴﻪ ﺗﻮﺍ ﺍﻧﻲ
ﺍﻧﻲ : ﻭﻭﺍﺍﻙ ﻳﺎﻣﺎﻣﺎ ﻫﺎ ﻧﻀﺖ
ﻧﻀﺖ ﺩﺭﺕ ﺩﻭﺭﺗﻲ ﻭﻗﻌﻤﺰﺕ ﻓﻄﺮﺕ ﺑﺮﻭﺣﻲ ﻛﻠﻬﻢ ﻧﺎﻳﻀﻴﻦ ﻗﺒﻠﻲ ﻭﺷﻮﻱ ﻭﺭﻥ ﻓﻮﻧﻲ ﺍﺣﺒﻬﻢ ﻟﻴﻴﻴﺶ ﺧﻠﻮﻭﻧﻲ ﻫﻮﻭ ﺑﺎﻟﻀﺒﻂ ﺣﺒﻴﺒﻲ ﺭﺩﻳﺖ : ﺍﻟﻮ ﺻﺒﺎﺣﻮ
ﻭﻟﻴﺪ ﺑﺼﻮﺕ ﻧﺎﻋﺲ : ﺍﻳﻮﻩ ﺻﺒﺎﺡ ﺍﻟﻮﺭﺩ
ﺍﻧﻲ : ﺣﺒﻴﺒﻲ ﻛﺴﻮﻭﻝ ﻫﺪﺍ ﻭﻳﻦ ﻧﺎﻳﺾ
ﻭﻟﻴﺪ : ﻫﻬﻬﻪ ﺳﺎﺩ ﻣﺮﺗﻲ ﻧﺎﺷﻄﺔ ﻧﺎﻳﻀﻪ ﺑﻜﺮﻱ ﻓﺎﻟﺤﺔ
ﺍﻧﻲ : ﻫﻬﻬﻪ ﺍﻳﻪ ﺑﺎﻟﻀﺒﻂ ﻧﺺ ﺳﺎﻋﻪ ﻟﻴﺎ ﻓﺎﻳﻘﻪ ﺑﺲ ﻫﻲ ﺗﻌﺎﻟﻰ ﺍﻓﻄﺮ ﻣﻌﺎﻱ
ﻭﻟﻴﺪ : ﻫﻬﻬﻬﻪ ﻋﺒﻴﺖ ﻋﻠﻴﻚ ﻭﺍﻟﻠﻪ ﻳﺎﺣﻠﻴﻠﻲ
ﺍﻧﻲ : ﻻﺣﻈﺖ ﺍﻧﻚ ﻣﻮﻟﻲ ﺗﺪﻭﻱ ﺯﻱ ﺣﻨﻴﻨﻪ ﻫﻬﻬﻬﻪ
ﻭﻟﻴﺪ : ﻫﻬﻬﻬﻬﻬﻪ
ﻫﺪﺭﺯﺕ ﺷﻮﻱ ﻋﻠﻴﻪ ﻭﺑﻌﺪﻫﺎ ﺳﻜﺮﺕ ﻭﻗﻌﺪﺕ ﻧﻌﺎﻭﻥ ﻓﻴﻬﻢ ﻓﻲ ﺿﻤﺎﻥ ﺍﻟﺤﻮﺵ ﻭﺑﻌﺪﻫﺎ ﺍﺗﺼﻞ ﺑﻴﺎ ﻭﻟﻴﺪ ﻭﻗﻌﺪﺕ ﻧﻬﺪﺭﺯ ﻣﻌﺎﺍﺍﻩ ﻟﻴﻴﻦ ﻭﺗﻲ ﺍﻟﻐﺪﻱ ﺳﻜﺮﺭﺕ ﻣﺴﺘﺘﺎﺍﺣﺸﻴﻦ ﺑﻌﻀﻨﺎ ﻫﻠﺒﺎ ﻧﺘﻤﻨﻰ ﻣﺎﻧﺴﻜﺮ ﻣﻨﻪ ﺑﻜﻞ ﻧﺒﻲ ﻧﺘﻄﻤﻦ ﻋﻠﻴﻪ ﻛﻞ ﺩﻗﻴﻘﻪ ﺧﺎﻳﻔﻪ ﻳﻀﻴﻊ ﻣﻨﻲ ﺗﺎﻧﻲ
ﻗﻌﻤﺰﻧﺎ ﺗﻐﺪﻳﻨﺎ ﻭﻗﻌﺪﻧﺎ ﻧﻬﺪﺭﺯﻭ
ﻧﻮﺍﻝ : ﺑﺎﻟﺸﻮﻳﺔ ﻋﻠﻴﻚ ﻳﺎﺍﻋﻠﻴﺎ ﺭﺍﻫﻮﻭ ﺍﻟﻤﺎﻛﻠﺔ ﻣﺶ ﻫﺎﺭﺑﻪ
ﻋﻠﻴﺎ ﻭﻫﻲ ﺗﻤﻀﻎ : ﺧﻠﻴﻨﻲ ﺑﺎﻟﻠﻪ ﻣﻴﺘﻪ ﺟﻮﻭﻉ ﻭﻣﺴﺘﺎﺣﺸﻪ ﺍﻟﻤﺴﻘﻲ ﻭﺭﺭﺯ ﺍﻣﻚ ﺣﺎﺟﺔ ﻣﺶ ﻋﺎﺩﻳﻪ ﻳﺴﻠﻤﻮﻭ ﻳﺪﻳﻚ ﻳﺎﻣﺮﺕ ﺧﺎﻟﻲ
ﻋﺪﻧﺎﻥ ﻭﻫﻮ ﺧﺎﺵ ﻟﻠﺪﺍﺭ : ﻫﺎﺩﻱ ﺩﻳﻤﺎ ﻣﻔﺠﻮﻋﻪ ﻣﺎﺗﺴﺘﻐﺮﺑﺶ ﻛﺎﻥ ﻧﺤﻜﻴﻠﻜﻢ ﺷﻦ ﺗﺎﻛﻞ ﻏﺎﺍﺩﻱ
ﻋﻠﻴﺎ : ﺗﻲ ﺍﺳﻜﺖ ﺍﻧﺖ ﺍﻛﺒﺮ ﻗﻔﺎﺹ ﺷﻔﺘﻪ
ﻋﺪﻧﺎﻥ : ﻗﻔﺎﺍﺹ ﻋﻴﻴﻴﻨﻚ ﻧﻮﻛﻞ ﻓﻴﻚ ﻓﻲ ﺧﻤﺲ ﻭﺟﺒﺎﺕ ﻭﻓﻮﻗﻬﺎ ﺗﺒﻲ ﺯﻳﺎﺩﺓ
ﻛﻠﻨﺎ : ﻫﻴﻴﻴﻴﻲ ﺧﻤﺴﺴﺴﺴﺴﻪ
ﻋﻠﻴﺎ : ﻭﻫﺎﺩﻭ ﺗﻌﺘﺒﺮ ﻓﻴﻬﻢ ﻭﺟﺒﺎﺍﺕ
ﻋﺪﻧﺎﻥ : ﻧﻬﺎﺍﺭ ﺍﺳﻮﺩ ﺗﻔﻄﺮ ﺍﻟﺼﺒﺢ ﺑﺮﻳﻮﻭﺵ ﻭﻋﺼﻴﺮ ﻭﺗﺮﻭﺡ ﻟﻠﻬﻮﺗﻴﻞ ﺗﻔﺘﺢ ﺗﻦ ﺗﺪﻳﺮ ﺳﻨﺪﻭﺗﺶ ﺗﻦ ﻭﻣﺮﺍﺕ ﺟﺒﻨﻪ ﻣﻊ ﺍﻟﻈﻬﺮ ﺗﻘﻮﻟﻲ ﺑﻨﺘﻐﺪﺍ ﻧﺮﻓﻌﻬﺎ ﺗﺘﻐﺪﻯ ﺍﻟﻌﺼﺮ ﺗﻘﻮﻝ ﺟﻌﺎﻧﻪ ﻧﺪﺧﻠﻬﺎ ﻟﻜﺎﻓﻲ ﺗﺎﺧﺪ ﻣﺮﺍﺕ ﺯﻭﺯ ﻛﻴﻜﺎﺕ ﻭﻧﺴﻜﺎﻓﻴﻪ ﻭﺍﻻ ﻋﺼﻴﺮ ﻭﻣﻊ ﺍﻟﻤﻐﺮﺏ ﺗﻘﻮﻝ ﺩﺑﺮﻭﻭﻟﻲ ﺟﻌﺎﻧﻪ ﻧﺎﺧﺪﻟﻪ ﻫﻤﺒﻮﺭﻏﺮ ﻣﺮﺍﺕ ﻭﺍﻻ ﺷﺎﻭﺭﻣﺎ ﻭﺍﻻ ﺳﻜﺎﻟﻮﺏ ﺣﺎﺟﺔ ﺳﻨﺪﻭﺗﺶ ﻫﻜﻲ ﻣﺎﺗﺠﻲ ﺍﻟﺴﺎﻋﻪ ١١ ﺍﻟﻠﻴﻞ ﺗﻘﻮﻝ ﺑﻨﺘﻌﺸﻰ ﺗﻘﻮﻭﻝ ﻧﻌﻠﻒ ﻓﻲ ﺑﻘﺮﺭﺓ
ﻛﻠﻨﺎ : ﻫﻬﻬﻬﻬﻬﻬﻬﻬﻬﻬﻬﻬﻬﻬﻬﻪ
ﻋﻠﻴﺎ : ﺑﻘﺮﺭﺓ ﻋﻴﻴﻨﻚ ﺍﺿﻌﻒ ﻣﻨﻚ
ﻋﺪﻧﺎﻥ : ﻣﺎﻫﻮ ﻫﺬﺍ ﺍﻟﻲ ﻣﺤﻴﺮﻧﻲ ﺗﻘﻮﻝ ﻳﺎﻛﻠﻮ ﻣﻌﺎﻙ ﺩﻭﺩ ﺑﺎﻟﻠﻪ ﺣﻨﺎﻥ ﻣﺶ ﻣﺮﺓ ﻗﻮﻟﺘﻴﻠﻬﺎ ﻳﺎﻛﻠﻮ ﻣﻌﺎﻙ ﺩﻭﺩ
ﺣﻨﻴﻨﻪ : ﻛﺎﺍﻧﻚ ﻋﻠﻴﺎ ﻧﺒﻴﻬﺎ ﺗﻌﺎﻳﻦ ﺗﻮ ﺗﻤﺸﻲ ﻟﻔﺠﺮﺓ ﺟﺎﺍﺭﺗﻨﺎ ﺗﻜﺸﻒ ﻋﻠﻴﻬﺎﺍ ﻭﻋﻨﺪﻫﺎ ﺩﻭﺍﺍﺀ ﻳﺴﻤﻦ ﺗﺪﻳﺮ ﻓﻴﻴﻴﻪ ﻳﺎﺳﻼﻡ ﻋﻠﻴﻴﻪ ﻫﻮﻧﺎ ﺑﻨﺖ ﺧﺪﻳﺠﺔ ﻛﺎﻧﺖ ﻫﻜﻲ ﺯﻳﻚ ﺭﻗﻴﻘﻪ ﺑﺘﻤﻮﺕ ﻭﻟﺖ ﺯﻱ ﺍﻟﺘﻔﻴﻔﻴﺤﺔ ﻭﺟﻬﻚ ﻫﻜﻲ ﻣﺪﻭﺭ ﻣﺎﺷﺎﺀ ﺍﻟﻠﻪ ﻟﻜﻦ ﺍﻧﺘﻮ ﺑﻨﺎﺕ ﺗﻮﺍ ﺗﺒﻮ ﺍﻟﺮﻗﺎﺍﺷﻪ ﻭﺗﺘﺴﻬﻮﻛﻮ
ﻛﻠﻨﺎ : ﻫﻬﻬﻬﻬﻬﻬﻬﻬﻬﻬﻪ
ﻋﺪﻧﺎﻥ : ﻫﻬﻬﻬﻬﻬﻬﻪ ﺍﻟﺮﺷﺎﻗﻪ ﻳﺎﺣﻨﺎﻱ ﺍﺳﻤﻬﺎ ﻫﻬﻬﻬﻬﻪ
ﺍﺣﻤﺪ ﺧﺎﺵ : ﺿﺤﻜﻮﻭﻧﺎ ﺷﻦ ﻓﻲ
ﻋﺪﻧﺎﻥ : ﺍﺷﺮﺣﻮﻟﻪ ﻫﺪﺍﺍ ﺗﻮﺍ
ﺍﻳﺔ : ﻫﻬﻬﻪ ﺧﻴﺮﻙ ﻋﻠﻲ ﺭﺍﺟﻠﻲ ﻳﺎﻋﺪﻧﺎﻥ ﺗﻌﺎﻟﻰ ﻳﺎﺣﻤﻮﺩﻱ ﺗﻮ ﻧﺸﺮﺣﻠﻚ ﺍﻧﻲ
ﻃﺒﻌﺎ ﻧﻮﺍﻝ ﻛﺎﻥ ﻛﺄﻥ ﻣﻦ ﻳﻜﺴﺮﻟﻬﺎ ﻓﻲ ﺭﻗﺒﺘﻬﺎ ﻭﺷﺎﺩﻩ ﺭﻭﺣﻬﺎ ﺑﺎﻟﺴﻴﻒ
ﻋﺪﻧﺎﻥ : ﻣﺎﺗﻘﻮﻟﻴﻠﻴﺶ ﺧﻴﺮﺭﻫﺎ ﻫﺎﺩﻱ ﺗﺎﻛﻞ ﻫﻜﻲ ﻭﺍﺷﺮ ﻋﻠﻲ ﻧﻮﺭﺱ
ﻣﺎﻣﺎ : ﻫﺎﺩﻱ ﺩﻳﻤﺎ ﻣﺎﻛﻠﺘﻬﺎ ﻫﻜﻲ ﺗﻨﻘﺶ ﺗﻨﻘﻴﺶ
ﻋﺪﻧﺎﻥ ﺟﻲ ﻗﻌﻤﺰﻱ ﻭﺩﻑ ﻧﻮﺍﻝ ﺍﻟﻲ ﻛﺎﻧﺖ ﻣﻘﻌﻤﺰﺓ ﺟﻨﺐ ﻧﻮﺭﺱ : ﺣﻮﻟﻲ ﻏﺎﺩﻱ
ﻧﻮﺍﻝ : ﺑﺎﻟﺸﻮﻭﻳﺔ ﻋﻠﻴﺎ ﺧﻴﺮﺭﻙ ﻏﺠﺮ
ﻋﺪﻧﺎﻥ : ﻣﺶ ﺣﻨﺮﺩ ﻋﻠﻴﻚ ، ﻭﺟﺒﺪ ﻛﺎﺷﻴﻚ ﻧﻮﺭﺱ ﻣﻦ ﻳﺪﻫﺎ
ﻧﻮﺭﺱ : ﺧﻴﺮﺭﻙ
ﻋﺪﻧﺎﻥ : ﻛﺴﺮﺗﻴﻠﻲ ﺭﻗﺒﺘﻲ ﺑﻤﺎﻛﻠﺘﻚ ، ﻭﻋﺒﻰ ﻛﺎﺷﻴﻜﻪ ﺭﺯ ﻭﺟﻲ ﺑﻴﻮﻛﻞ ﻧﻮﺭﺱ
ﻧﻮﺭﺱ ﻟﻔﺘﺖ ﻭﺟﻬﻬﺎ : ﺷﻦ ﺑﻴﺒﻲ ﺍﻧﻲ
ﻛﻠﻨﺎ ﻣﻴﺘﻴﻦ ﺿﺤﻚ
ﻋﺪﻧﺎﻥ ﻣﺎﻋﺪﻟﺶ ﻋﻠﻴﻬﺎ ﻭﺭﺻﻠﻬﺎ ﺍﻟﻜﺎﺷﻴﻚ ﺭﺻﺎﻥ
ﻣﺎﻣﺎ : ﻫﻬﻬﻬﻬﻬﻪ ﺯﻳﺪﻫﺎ ﻛﺎﺷﻴﻚ ﺗﺎﺍﻧﻲ ﻳﺎﺍﻋﺪﻧﺎﻥ
ﻧﻮﺭﺱ ﺗﻤﻀﻎ ﻗﺮﻳﺐ ﺗﻨﺨﻨﻖ
ﻛﻠﻨﺎ : ﻫﻬﻬﻬﻬﻬﻬﻬﻬﻪ
ﻋﻤﺘﻲ : ﺑﺎﻟﺸﻮﻳﺔ ﻋﻠﻲ ﺍﻟﺒﻨﻴﻪ ﺗﻮ ﺗﻨﺨﻨﻖ
ﻋﺪﻧﺎﻥ : ﻣﺎﻳﺼﻴﺮﻟﻬﺎ ﺷﻲ ، ﻭﻋﺒﻰ ﻛﺎﺷﻴﻚ ﺗﺎﻧﻲ
ﻧﻮﺭﺱ ﺟﺖ ﺑﺘﻮﻗﻒ ﺑﺘﻬﺮﺏ
ﻋﺪﻧﺎﻥ ﺷﺪﻟﻬﺎ ﻳﺪﻫﺎ ﻗﻌﻤﺰﻫﺎ ﺑﺎﻟﺴﻴﻒ ﻭﺑﺪﻱ ﻳﻮﻛﻞ ﻓﻴﻬﺎ ﻭﻛﻠﻬﺎ ﻗﺮﻳﺐ ﻋﺸﺮ ﻛﻮﺍﺷﻴﻚ ﻭﻛﻠﻬﻢ ﻣﻌﺒﻴﺎﺕ ﻟﻴﻦ ﺧﻼﺹ ﻭﻫﻲ ﻗﺮﻳﺐ ﺗﺒﻜﻲ ﻭﺍﺣﻨﻲ ﻣﻴﺘﻴﻦ ﻋﻠﻴﻬﺎ ﺿﺤﻚ
ﻋﺪﻧﺎﻥ : ﻫﻲ ﺳﻠﻢ ﺑﻴﻨﻴﺘﻲ ﻧﻮﺿﻲ ﺻﺤﺔ ﺻﺤﺔ ﻣﺎﺍﺷﺎﺀ ﺍﻟﻠﻪ ﻋﻠﻲ ﺍﻟﺒﻄﻠﺔ
ﻧﻮﺭﺱ ﻓﻨﺼﺖ ﻓﻴﻪ : ﻭﺍﻟﻠﻪ ﺍﻟﻤﺎ ﺗﺸﻮﻑ ﻭﺍﻣﺸﺖ ﺗﺠﺮﻱ ﻟﻠﻤﻄﺒﺦ
ﺍﻧﻲ : ﻫﻬﻬﻬﻬﻬﻪ ﺍﻗﺴﻢ ﺑﺎﻟﻠﻪ ﺟﻮ ﻣﺶ ﻃﺒﻴﻌﻲ ﺑﻜﻞ
ﻧﻮﺍﻝ : ﻫﻬﻬﻬﻬﻬﻪ ﺗﻌﺎﻟﻮ ﻧﻮﺭﻳﻜﻢ ﺣﺎﺟﺔ ﻭﻟﻔﺘﺘﻠﻨﺎ ﻓﻮﻭﻧﻬﺎ ﻭﻛﺎﻧﺖ ﺗﺼﻮﺭ ﻓﻲ ﻧﻮﺭﺱ
ﻧﺮﺟﺲ : ﻫﻬﻬﻬﻬﻪ ﺣﻲ ﻋﻠﻴﻚ ﻛﺎﻥ ﺗﺸﻮﻓﻪ ﺍﻟﻤﺎ ﺗﻜﺴﺮﻟﻚ ﻓﻮﻧﻚ
ﻧﻮﺍﻝ : ﻭﺍﻟﻠﻪ ﻣﺎﻣﺎﺳﺤﺎﺗﻪ ﺣﺎﺟﺔ ﺗﺎﺭﻳﺨﻴﺔ
ﻋﺪﻧﺎﻥ ﻧﺎﺽ ﻟﺤﻖ ﻧﻮﺭﺱ ﻭﻭﻗﻒ ﻋﻠﻲ ﺍﻟﺒﺎﺏ ﻳﺮﺍﻗﺐ ﻓﻴﻬﺎ ﻛﻴﻒ ﺗﺪﻭﺭ ﻓﻲ ﺍﻟﻤﻄﺒﺦ ﻭﻣﺎﺗﻨﺪﺭﻳﺶ ﻋﻠﻴﻪ ﻭﻫﻮ ﺳﺮﺣﺎﻥ ﻓﻴﻬﺎ
ﻧﻮﺭﺱ ﺗﻠﻔﺘﺖ ﺍﻟﻘﺖ ﻋﺪﻧﺎﻥ ﺳﺮﺣﺎﻥ ﻭﺟﻬﻬﺎ ﻭﻟﻰ ﺍﻟﻮﺍﻥ
ﻋﺪﻧﺎﻥ ﺍﺳﺘﺎﻗﻆ : ﺻﺤﺔ
ﻧﻮﺭﺱ : ﺳﻠﻤﻚ
ﻋﺪﻧﺎﻥ : ﻛﻮﻟﻲ ﻛﻮﻳﺲ ﺑﻼﺵ ﻣﺎﻛﻠﺔ ﺍﻟﺪﻟﻊ ﺩﻳﺮﻱ ﺑﺎﻟﻚ ﻉ ﺭﻭﺣﻚ
ﻧﻮﺭﺱ : ﺍﻥ ﺷﺎﺀ ﺍﻟﻠﻪ ﺣﺎﺿﺮ
ﺑﻌﺪﻫﺎ ﻧﻀﻨﺎ ﺿﻤﻴﻨﺎ ﺍﻟﻤﻄﺒﺦ ﻭﻏﺴﻠﻨﺎ ﺍﻻﻣﺎﻋﻴﻦ ﻭﻗﻌﻤﺰﻧﺎ ﻧﻬﺪﺭﺯﻭ
ﺍﺣﺒﻬﻢ ﻟﻴﺶ ﺧﻠﻮﻧﻲ .. ﺣﺒﻴﺒﻲ
ﻗﻌﺪﺕ ﻧﻬﺪﺭﺯ ﻣﻌﺎﺍﻩ ﻭﺟﻮﻱ ﺣﻠﻮ
،،،،،،
ﺍﻣﺎ ﻋﻨﺪ ﻣﺤﻤﻮﺩ ﻓﻜﺎﻥ ﻳﺪﻭﺭ ﻓﻲ ﺩﺍﺭﻩ ﻭﻳﺒﻲ ﻳﺘﺼﻞ ﺑﻨﻮﺍﻝ ﻣﺶ ﻗﺎﺩﺭ ﻭﻣﺶ ﻋﺎﺭﻑ ﺷﻦ ﻳﻘﻮﻟﻠﻬﺎ ﺑﻌﺪﻫﺎ ﺍﺗﺼﻞ
ﻧﻮﺍﻝ : ﺍﻟﻮ
ﻣﺤﻤﻮﺩ : ﺍﻟﻮ ﺍﻫﻠﻴﻦ ﻧﻮﺍﻝ ﺍﺳﻤﻌﻲ ﻣﺎﻧﻌﺮﻓﺶ ﻋﻼﺵ ﺍﺗﺼﻠﺖ ﻟﻜﻦ ﻫﻜﻲ ﺍﺗﺼﻠﺖ ﻭﺧﻼﺍﺹ ﺣﺴﻴﺖ ﺭﻭﺣﻲ ﻧﺒﻲ ﻧﻜﻠﻤﻚ ﻣﻌﻠﻴﺸﻲ ﻛﺎﻥ ﺍﺯﻋﺠﺘﻚ ﻧﺴﻜﺮ ﻭﺍﻻ ﻣﺶ ﻓﺎﺿﻴﺔ
ﻧﻮﺍﻝ : ﻫﻬﻬﻬﻬﻬﻪ ﺧﻮﺩ ﻧﻔﺲ
ﻣﺤﻤﻮﺩ : ﻫﻬﻬﻬﻪ ﺗﻲ ﻣﺎﻫﻮ ﻭﺍﻟﻠﻪ ﻣﻦ ﺑﻜﺮﻱ ﻧﺤﻮﺱ ﺧﻔﺖ ﻧﺘﺼﻞ
ﻧﻮﺍﻝ : ﻫﻬﻬﻬﻬﻪ ﻻﻻ ﻋﺎﺩﻱ
ﻣﺤﻤﻮﺩ : ﻗﺼﺪﻙ ﻋﺎﺩﻱ ﻧﺘﺼﻞ ﻳﻌﻨﻲ
ﻧﻮﺍﻝ : ﺍﻳﻪ ﻋﺎﺩﻱ
ﻣﺤﻤﻮﺩ ﻓﺮﺡ : ﺑﺎﻩ ﻗﻮﻟﻴﻠﻲ ﻛﻴﻒ ﺣﺎﻟﻚ
ﻧﻮﺍﻝ : ﺗﻤﺎﻡ ﺍﻟﺤﻤﺪ ﻟﻠﻪ ﺷﻦ ﺍﺧﺒﺎﺭﻙ ﺍﻧﺖ
ﻭﻗﻌﺪﻭ ﻳﻬﺪﺭﺯﻭ ﻭﺗﻌﺮﻓﻮ ﻋﻠﻲ ﺑﻌﺾ ﺍﻛﺜﺮ ﻭﻋﺮﻓﻮ ﺍﻃﺒﺎﻉ ﺑﻌﺾ
# ﻳﺘﺒﻊ
