منقولة
الحلقةة[59]
من ﺭﻭﺍﻳﺔ - - ->" ﺳﻨــﺪ ﺍﻷﻧﺜــﻰ ﺭﺟــﻞ "
ﺑﻌﺪ ﺳﻠﻤﺖ ﻋﻠﻲ ﺍﻟﻌﻴﻠﺔ ﻛﻠﻬﺎ ﻭﺗﺤﻤﺪﺕ ﻋﻠﻲ ﺳﻼﻣﺘﻬﻢ ، ﻭﻭﻟﻴﺪ ﺳﻠﻢ ، ﻗﻌﻤﺰﺕ ﺟﻨﺐ ﻋﻤﻲ ﻭﻧﺸﻮﻓﻠﻪ ﻭﺩﻣﻮﻋﻲ ﻳﻨﺰﻟﻮ
ﺣﻨﻴﻨﻪ ﺣﺘﻰ ﻫﻲ ﻗﻌﺪﺕ ﺗﺒﻜﻲ
ﻋﻤﻲ : ﺍﻧﻲ ﻣﺎﺟﻴﺘﺶ ﺑﺎﺵ ﺗﻘﻌﺪﻭ ﺗﺒﻜﻮ ﻫﻴﺎ ﻋﺎﺩ ﻳﺎﻧﻮﺳﺔ ﺍﻣﺴﺤﻲ ﺩﻣﻮﻋﻚ
ﻭﻟﻴﺪ ﺷﺪ ﻳﺪﻱ ﻭﻣﺪﻟﻲ ﻣﻨﺪﻳﻞ ، ﺧﺪﻳﺖ ﻣﻨﺪﻳﻞ ﻭﻗﻌﺪﺕ ﻧﻤﺴﺢ ﻓﻲ ﺩﻣﻮﻋﻲ
ﻋﻤﻲ : ﻛﻴﻒ ﺣﺎﻟﻚ ﻳﺎﻭﻟﻴﺪ ﻣﺎﺳﻤﺤﺘﻠﻨﺎﺵ ﺍﻟﻔﺮﺻﻪ ﻗﺒﻞ ﻭﺗﻌﺮﻓﻨﺎ
ﻭﻟﻴﺪ : ﺍﻟﺤﻤﺪ ﻟﻠﻪ ﺑﺨﻴﺮ ﻭﺍﻟﻠﻪ ، ﻣﻌﻠﻴﺸﻲ ﺍﻟﻈﺮﻭﻑ ﻣﻌﺮﻭﻓﻪ ، ﻛﻴﻒ ﺣﺎﻝ ﺻﺤﺘﻚ ﺍﻧﺖ ﻭﺷﻦ ﺍﺧﺒﺎﺭﻙ
ﻛﻨﺖ ﺍﻧﻲ ﻭﺍﺧﻮﺍﺗﻲ ﻧﺸﻮﻓﻮ ﻟﻌﻤﻲ ﻟﻤﺎ ﻳﺤﻜﻲ ﻭﻛﺎﻧﻪ ﺑﺎﺑﺎ
ﻧﻮﺭﺱ ﻗﻌﺪﺕ ﺳﺎﻛﺘﻪ ﻭﻣﺎﻧﺰﻟﺘﺶ ﻣﻨﻬﺎ ﺩﻣﻌﻪ ﻭﻗﻌﺪﺕ ﺗﺮﺍﻗﺐ ﻓﻲ ﻋﻤﻲ ﺑﻌﺪﻫﺎ ﻣﻌﺎﺵ ﻗﺪﺭﺕ ﺗﺘﻤﺎﺳﻚ ، ﺍﻧﻬﺎﺭﺕ ﺑﻜﻲ ﻭﻧﺎﺿﺖ ﺗﺠﺮﺭﻱ ﻃﻠﻌﺖ ﻣﻦ ﺍﻟﺤﻮﺵ
ﻛﻠﻨﺎ ﺷﻔﻨﺎ ﺟﻬﺘﻬﺎ ، ﻋﺪﻧﺎﻥ ﻧﺎﺽ ﻳﺠﺮﻱ ﻭﻟﺤﻘﻬﺎ
ﻟﻄﻔﻴﻪ ﻣﺮﺕ ﻋﻤﻲ : ﺧﻴﺮﻫﻢ ﺑﻨﺎﺗﻚ ﻳﺎﻧﺎﺩﻳﺔ ﺍﻟﻠﻄﻒ
ﻣﺎﻣﺎ ﻧﺰﻟﺖ ﺭﺍﺳﻬﺎ ﻭﺷﺎﺩﺓ ﺩﻣﻌﺘﻬﺎ ، ﺍﻧﻲ ﻭﺍﺧﻮﺍﺗﻲ ﻗﻌﺪﻧﺎ ﻧﺸﻮﻓﻮ ﻟﺒﻌﺾ ﻭﺩﻣﻌﺘﻨﺎ ﺣﺎﺻﻠﻪ
ﻋﻤﻲ : ﺍﻧﻲ ﻛﺎﻥ ﻧﺤﺴﺎﺑﻜﻢ ﻫﻜﻲ ﺑﺘﺪﻳﺮﻭ ﺭﺍﻫﻮ ﻭﺍﻟﻠﻪ ﻣﺎﺟﻴﺖ
ﻧﻮﺍﻝ : ﻋﻼﺵ ﻳﺎﻋﻤﻲ ﻣﺎﺗﺠﻴﺶ ﻋﻼﺵ ﺗﺤﺮﻡ ﻓﻴﻨﺎ ﻣﻨﻚ ﻭﺍﻧﺖ ﺭﻳﺤﺔ ﺑﺎﺑﺎ ، ﻭﻧﺰﻟﺖ ﺩﻣﻌﺘﻬﺎ : ﺍﺣﻨﻲ ﻧﺸﻮﻓﻮ ﻓﻲ ﺻﻮﺭﺓ ﺑﺎﺑﺎ ﻓﻴﻚ ﺍﻟﻲ ﻓﻘﺪﻧﺎﻫﺎ ﻣﻦ ﺗﻼﺗﻪ ﺳﻨﻴﻦ ، ﻣﻦ ﻛﺜﺮﺓ ﻭﺣﺸﺘﻨﺎ ﻟﻴﻪ ﻟﻴﻦ ﺑﺪﻳﻨﺎ ﻧﺸﻮﻓﻮ ﻓﻴﻚ ﻓﻲ ﺻﻮﺭﺗﻪ ﻭﺍﻧﺖ ﺗﺸﺒﻬﻠﻪ ﺣﺘﻰ ﺭﻳﺤﺘﻚ ﺯﻱ ﺭﻳﺤﺘﻪ ﻳﺎﻋﻤﻲ ، ﻳﺎﺳﺮ ﺍﻧﺤﺮﻣﻨﺎ ﻣﻦ ﺑﻮﻧﺎ ﻧﻨﺤﺮﻣﻮ ﻣﻨﻚ ﺣﺘﻰ ﺍﻧﺖ
ﻋﻤﻲ ﻧﺰﻟﺖ ﺩﻣﻌﺘﻪ ، ﺍﻣﺎ ﺍﻧﻲ ﻭﻧﺮﺟﺲ ﻭﻣﺎﻣﺎ ﻓﻜﺎﻧﻮ ﺩﻣﻮﻋﻨﺎ ﻳﻨﺰﻟﻮ ﺍﻛﺜﺮ ﻣﻊ ﻛﻞ ﻛﻠﻤﺔ ﻗﺎﻟﺘﻬﺎ ﻧﻮﺍﻝ
ﻧﻮﺍﻝ ﻧﺎﺿﺖ ﻃﻠﻌﺖ ﻭﺧﺸﺖ ﻟﻠﺤﻤﺎﻡ
ﻋﻤﻲ ﺗﻨﻬﺪ ﺑﻀﻴﻖ ﻭﻧﺰﻝ ﺭﺍﺳﻪ
ﺭﻭﻳﺪﺓ : ﺧﻴﺮﻛﻢ ﻗﻠﺒﺘﻮﻫﺎ ﻧﻜﺪ ، ﻋﺮﻓﻴﻨﺎ ﻳﺎﻧﺴﻴﺒﺔ ﺑﻮﻟﻴﺪ
ﺍﻧﻲ ﺷﻔﺘﻠﻬﺎ ﺷﺒﺤﺔ ﺗﻘﺪﺭ ﺗﻔﻬﻤﻬﺎ ﻛﻮﻳﺲ
ﻭﻟﻴﺪ ﺍﺭﺗﺒﻚ ﻭﻓﻬﻤﻨﻲ
ﺍﻣﺎ ﻋﺒﺪ ﺍﻟﻤﻨﻌﻢ ﻓﻔﻨﺺ ﻓﻲ ﺭﻭﻳﺪﺓ
ﻋﻤﺘﻲ ﻣﺤﺎﻭﻟﺔ ﻟﺘﻐﻴﻴﺮ ﺍﻟﻤﻮﺿﻮﻉ : ﻭﻳﻦ ﺭﺍﺟﻠﻚ ﺍﻧﺘﻲ ﺭﻭﻳﺪﺓ
ﺭﻭﻳﺪﺓ ﺗﻠﻔﺘﺖ ﻟﻌﻤﺘﻲ : ﺍﻣﺸﻲ ﻻﻣﻪ ﻋﻠﻲ ﻃﻮﻝ ﻭﺍﻧﻲ ﺟﻴﺖ ﻣﻊ ﺑﺎﺑﺎ
ﻣﺎﻣﺎ ﺳﺎﻛﺘﻪ ﻭﻣﺘﻀﺎﻳﻘﻪ ﺑﻜﻞ
ﺍﻣﺎ ﻧﻮﺭﺱ ﻓﻠﻤﺎ ﻃﻠﻌﺖ ﻃﻠﻊ ﻭﺭﺍﻫﺎ ﻋﺪﻧﺎﻥ
ﻧﻮﺭﺱ ﺗﻤﺸﻲ ﺑﺴﺮﻋﻪ ﻭﺗﺒﻜﻲ
ﻋﺪﻧﺎﻥ ﻳﻤﺸﻲ ﻭﺭﺍﻫﺎ : ﻧﻮﺭﺱ ﺭﺍﺟﻲ ﻧﻮﺭﺱ ﺷﻮﻓﻴﻠﻲ ﺧﻴﺮ
ﻧﻮﺭﺱ ﺗﻤﺸﻲ ﻭﺗﺒﻜﻲ ﻭﺻﻮﺭﺓ ﺑﺎﺑﺎ ﺑﻴﻦ ﻋﻴﻮﻧﻬﺎ
ﻋﺪﻧﺎﻥ ﻗﺪﺭ ﻳﻠﺤﻖ ﻋﻠﻴﻬﺎ ﻭﺷﺪﻫﺎ ﻣﻦ ﻳﺪﻫﺎ : ﻧﻮﺭﺱ ﺣﺒﻴﺒﺘﻲ ﺧﻴﺮﺭﻙ
ﻧﻮﺭﺱ ﺗﺒﻜﻲ ﺑﺎﻟﻌﺒﺮﺓ ، ﻭﺯﻱ ﺍﻟﺒﻴﺒﻲ : ﻧﺒﻲ ﺑﺎﺑﺎ ﻳﺎﻋﺪﻧﺎﻥ
ﻋﺪﻧﺎﻥ ﺍﻧﺼﺪﻡ ﻭﺧﻨﻘﺎﺗﻪ ﺍﻟﻌﺒﺮﺓ ﺣﺘﻰ ﻫﻮ ، ﻣﺪ ﻳﺪﻩ ﻣﺴﺤﻠﻬﺎ ﺩﻣﻮﻋﻬﺎ : ﺣﺒﻴﺒﺘﻲ ﺍﻫﺪﻱ ﺍﺩﻋﻴﻠﻪ ﺑﺎﻟﺮﺣﻤﺔ ﺑﺲ
ﻧﻮﺭﺱ ﺗﺒﻜﻲ ﻭﺗﺸﻬﻖ ، ﺍﺿﺒﻄﺖ ﻋﺪﻧﺎﻥ
ﻋﺪﻧﺎﻥ ﻗﻌﺪ ﻭﺍﻗﻒ ﻣﺼﺪﻭﻡ ﻭﻣﻌﺎﺵ ﻋﺮﻑ ﺷﻦ ﻳﺪﻳﺮ ﻭﻟﻒ ﻳﺪﻳﻪ ﻋﻠﻴﻪ ﻭﻗﻌﺪ ﻳﻬﺪﻱ ﻓﻴﻬﺎ
ﺍﻣﺎ ﻧﻮﺍﻝ ﻓﻠﻤﺎ ﺧﺸﺖ ﻟﻠﺤﻤﺎﻡ ﻗﻌﺪﺕ ﺗﺒﻜﻲ ﻭﺗﻐﺴﻞ ﻓﻲ ﻭﺟﻬﻬﺎ ﺗﺒﻲ ﺩﻣﻮﻋﻬﺎ ﺗﻮﻗﻒ ﻭﺍﻫﻨﻲ ﺷﺮﻳﻦ ﺗﻠﻴﻔﻮﻧﻬﺎ ﻣﺤﻤﻮﺩ ، ﺣﺴﺖ ﺍﻧﻪ ﻫﺪﺍ ﺍﻟﻲ ﻛﺎﻧﺖ ﺗﺮﺍﺟﻲ ﻓﻴﻪ ﻭﻣﺤﺘﺎﺟﺎﺗﻪ ﻓﻲ ﺍﻟﻮﻗﺖ ﻫﺪﺍ
ﻧﻮﺍﻝ ﺭﺩﺕ ﻭﻫﻲ ﺗﺒﻜﻲ : ﺍﻟﻮ ﻣﺤﻤﻮﺩ
ﻣﺤﻤﻮﺩ ﺧﺎﻑ ﺑﻌﺪ ﺳﻤﻊ ﺻﻮﺗﻬﺎ : ﺷﻦ ﻓﻲ ﺧﻴﺮﻙ ؟ ﻧﻮﺍﻝ ﺧﻴﺮﻙ ﺗﺒﻜﻲ
ﻧﻮﺍﻝ ﻗﻌﺪﺕ ﺗﺒﻜﻲ ﺍﻛﺜﺮ
ﻣﺤﻤﻮﺩ : ﻧﻮﺍﻝ ﺷﻦ ﺻﺎﻳﺮ ﻣﺎﺗﺨﻮﻓﻴﻨﻴﺶ ، ﺣﺒﻴﺒﻲ ﻧﻮﺍﻝ ﺍﻫﺪﻱ
ﻧﻮﺍﻝ ﺑﺼﻮﺕ ﻣﺘﻘﻄﻊ : ﻣﺤﻤﻮﺩ ﻋﻼﺵ ﺑﺎﺑﺎ ﺍﻣﺸﻲ ﻭﺳﻴﺒﻨﺎ ﺍﻋﻼﺵ ﻣﺎﻗﻌﺪﺵ ﻣﻌﺎﻧﺎ ﺍﺣﻨﻲ ﺍﺳﺘﺎﺣﺸﻨﺎﻩ ﻭﺍﻟﻠﻪ ، ﻭﻗﻌﺪﺕ ﺗﺒﻜﻲ ﺍﻛﺜﺮ
ﻣﺤﻤﻮﺩ ﺍﻧﺼﺪﻡ ﻣﻦ ﻛﻼﻡ ﻧﻮﺍﻝ : ﺣﺒﻴﺒﻲ ﺷﻦ ﺧﻄﺮﻩ ﺍﻟﻜﻼﻡ ﻫﺪﺍ ﺗﻮﺍ ، ﺍﺩﻋﻴﻠﻪ ﺑﺎﻟﺮﺣﻤﺔ ﻳﺎﺭﻭﺣﻲ ﻭﺍﻟﻠﻪ ﻣﺎﻳﻨﻔﻊ ﺍﻟﺒﻜﺎﺀ ﻭﺍﻟﺤﺰﻥ ﻓﺮﺣﻮﻩ ﻓﻲ ﻗﺒﺮﻩ ﺑﺎﻟﺪﻋﺎﺀ
ﻭﻗﻌﺪﺕ ﻧﻮﺍﻝ ﺗﺒﻜﻲ ﻭﻣﺤﻤﻮﺩ ﻳﻬﺪﻱ ﻓﻴﻬﺎ
ﻋﻤﺘﻲ : ﻧﻮﺿﻲ ﻳﺎﻓﺎﺩﻳﺔ ﺣﻄﻮ ﺍﻟﻐﺪﻱ
ﻋﻤﺘﻲ ﻭﻗﻔﺖ ﻭﻣﻌﺎﻫﺎ ﻣﺎﻣﺎ ﻭﺍﻣﺸﻮ ﻟﻠﻤﻄﺒﺦ ﻭﺑﻌﺪﻫﺎ ﻟﺤﻘﺘﻬﻢ ﺳﻤﻴﻪ ﻭﻋﻠﻴﺎ
ﻣﺎﻣﺎ ﻗﺮﺑﺖ ﻣﻦ ﺍﻟﺤﻤﺎﻡ ﻭﻃﻘﺖ ﻋﻠﻴﻪ : ﻧﻮﺍﻝ ﺍﻧﺘﻲ ﻗﺎﻋﺪﻩ ﻓﻲ ﺍﻟﺤﻤﺎﻡ
ﻧﻮﺍﻝ ﺍﻫﺪﺕ ﺷﻮﻳﺔ ﺑﻌﺪ ﻧﻮﺑﺔ ﻣﻦ ﺍﻟﺒﻜﻲ : ﺣﺒﻴﺒﻲ ﺧﻠﻴﻚ ، ﺍﻧﻲ ﻃﺎﻟﻌﻪ ﻳﺎﻣﺎﻣﺎ
ﻣﺎﻣﺎ : ﺧﻴﺮﻙ ﻟﻴﻚ ﺳﺎﻋﻪ ﻓﻲ ﺍﻟﺤﻤﺎﻡ ﺍﻃﻠﻌﻲ ﻣﺎﺗﺸﻐﻠﻴﻨﻴﺶ ، ﻭﺍﻣﺸﺖ
ﻣﺤﻤﻮﺩ : ﺍﻧﺘﻲ ﺍﻥ ﺷﺎﺀ ﺍﻟﻠﻪ ﻗﺎﻋﺪﻩ ﻓﻲ ﺍﻟﺤﻤﺎﻡ
ﻧﻮﺍﻝ : ﺍﻳﻪ ﻣﺎﻫﻮ ﺍﻧﻲ ﺍﻣﺒﻜﺮﻱ ﻛﻨﺖ ﻧﺒﻜﻲ ﻭﺧﺸﻴﺖ ﺍﻟﺤﻤﺎﻡ ﺍﻣﺸﻲ ﺍﻧﺖ ﺍﺗﺼﻠﺖ
ﻣﺤﻤﻮﺩ : ﺑﺎﻩ ﺍﻃﻠﻌﻲ ﻳﺎﻣﻬﺒﻮﻟﺔ ﻭﻣﻌﺎﺵ ﺗﺒﻜﻲ ﻓﻲ ﺍﻟﺤﻤﺎﻡ ﻣﺶ ﻛﻮﻳﺲ
ﻧﻮﺍﻝ ﻓﺘﺤﺖ ﺍﻟﺒﺎﺏ ﻭﻃﻠﻌﺖ ﺑﻌﺪ ﻣﺎﻏﺴﻠﺖ ﻭﺟﻬﻬﺎ ﻭﺍﻟﺘﻠﻴﻔﻮﻥ ﻗﺎﻋﺪ ﻋﻠﻲ ﻭﺩﻧﻬﺎ
ﺍﻧﻲ ﺍﻫﺪﻳﺖ ﺷﻮﻳﺔ ، ﻭﻟﻴﺪ ﻣﻘﻌﻤﺰﺓ ﺟﻨﺒﻲ ﻭﻣﻨﺰﻝ ﺭﺍﺳﻪ ﻭﻳﻬﺪﺭﺯ ﻣﻊ ﻋﻤﻲ ، ﻭﻣﺘﺤﺸﻢ ﻻﻧﻪ ﻣﺮﺕ ﻋﻤﻲ ﻭﺍﻟﺒﻨﺎﺕ ﻣﻘﻌﻤﺰﺍﺕ ﻭﺗﻘﻴﺪ ، ﻭﻗﻒ : ﺍﻧﻲ ﻧﺴﺘﺎﺫﻥ ﺗﻮﺍ ﻭﺍﻟﺤﻤﺪ ﻟﻠﻪ ﻉ ﺳﻼﻣﺘﻜﻢ ﻣﺮﺓ ﺗﺎﻧﻴﻪ
ﺣﻨﻴﻨﻪ : ﻏﻴﺮ ﻗﻌﻤﺰ ﻳﺎﻭﻟﻴﺪﻱ ﺗﻐﺪﻯ ﻣﻌﺎﻧﺎ
ﻭﻟﻴﺪ : ﻣﺮﺓ ﺗﺎﻧﻴﻪ ﻳﺎﺣﺎﺟﺔ ﺍﻥ ﺷﺎﺀ ﺍﻟﻠﻪ ﻏﻴﺮ ﻣﻌﺰﻭﻡ
ﺣﻨﻴﻨﻪ : ﺑﺎﻩ ﺑﺎﺵ ﺗﺠﻲ ﻫﺎ ﻣﺮﺓ ﺗﺎﻧﻴﻪ ﺗﺘﻐﺪﻯ ﻋﻨﺪﻱ
ﻭﻟﻴﺪ : ﺍﻥ ﺷﺎﺀ ﺍﻟﻠﻪ ﺑﺎﺫﻥ ﺍﻟﻠﻪ ، ﺗﺸﺮﻓﺖ ﺑﻤﻌﺮﻓﺘﻚ ﻳﺎﻋﻤﻲ
ﻧﻮﺭﺱ ﺍﻫﺪﺕ ﺷﻮﻳﺔ ﺑﻌﺪﺕ ﻣﻦ ﻋﺪﻧﺎﻥ ﻭﻗﻌﺪﺕ ﺗﻤﺴﺢ ﻓﻲ ﺩﻣﻮﻋﻬﺎ
ﻋﺪﻧﺎﻥ ﺷﺪ ﻳﺪﻫﺎ ﻭﺟﺒﺪﻫﺎ ﻭﺟﺒﺪ ﻛﺮﺳﻲ ﻭﻗﻌﻤﺰﻫﺎ ﻋﻠﻴﻪ ، ﻭﻫﻮ ﻗﻌﻤﺰ ﺭﻛﺒﺔ ﻭﻧﺺ ﻗﺪﺍﻣﻬﺎ
ﻋﺪﻧﺎﻥ : ﻗﻄﻮﻭﺳﺔ ﺳﺎﺍﺩﻙ ﺑﻜﻲ ﺭﺍﻫﻮ ﻭﻟﻴﺘﻲ ﻏﻮﻟﺔ ﻋﻴﻮﻧﻚ ﻣﻨﻔﻮﺧﺎﺕ ﻭﺷﻴﻨﻪ ﺑﻜﻞ
ﻧﻮﺭﺱ ﺍﺑﺘﺴﻤﺖ ، ﻭﺿﺮﺑﺎﺗﻪ ﺑﺎﻟﺨﻔﻴﻒ ﻋﻠﻲ ﻛﺘﻔﻪ ، ﻭﻗﻌﺪﺕ ﺗﻤﺴﺢ ﻓﻲ ﻋﻴﻮﻧﻬﺎ
ﻭﻟﻴﺪ ﺳﻠﻢ ﻭﻃﻠﻊ ، ﻧﻀﺖ ﻃﻠﻌﺖ ﻭﺭﺍﻩ
ﻭﻟﻴﺪ ﻟﺒﺲ ﻛﻨﺪﺭﺗﻪ ﻭﻗﺮﺏ ﻣﻨﻲ ﺷﺪ ﻳﺪﻱ : ﺣﺒﻴﺒﺘﻲ ﻣﻌﺎﺵ ﻧﺒﻲ ﻧﺸﻮﻑ ﺩﻣﻮﻋﻚ ﺑﺎﻫﻲ
ﺍﻧﻲ ﻧﺰﻟﺖ ﺭﺍﺳﻲ ﻭﺧﻨﻘﺘﻨﻲ ﺍﻟﻌﺒﺮﺓ ﻣﻦ ﺟﺪﻳﺪ
ﻭﻟﻴﺪ ﻗﺎﻣﻠﻲ ﺭﺍﺳﻲ ﺑﻴﺪﻩ : ﻳﺎﺳﺮ ﺯﻋﻞ ﻳﺎﺣﺒﻴﺒﺘﻲ ﻣﺎﺗﺨﻠﻴﻨﻴﺶ ﻧﻤﺸﻲ ﻭﺑﺎﻟﻲ ﻣﺸﻐﻮﻝ ﻋﻠﻴﻚ
ﺍﻧﻲ : ﻭﺍﻋﺮﻩ ﻳﺎﺣﺒﻴﺒﻲ
ﻭﻟﻴﺪ : ﻋﺎﺭﻑ ﻭﺍﻟﻠﻪ ﻳﺎﺭﻭﺣﻲ ﺷﻌﻮﺭﻙ ﺑﺲ ﺷﻮﻓﻲ ﺣﺘﻰ ﻋﻤﻚ ﺗﻀﺎﻳﻖ ﻟﻤﺎ ﺷﺎﻓﻜﻢ ﻣﺘﻀﺎﻳﻘﺎﺕ ، ﻭﺣﻂ ﻳﺪﻩ ﻋﻠﻲ ﺧﺪﻱ : ﺑﻮﻙ ﺍﺩﻋﻲ ﺭﺑﻲ ﻳﻐﻔﺮﻟﻪ ﻭﻳﺮﺣﻤﻪ ، ﺍﻧﻲ ﻧﻘﻮﻝ ﻧﻮﺳﻪ ﻗﻮﻳﺔ ﻭﺍﻧﺘﻲ ﺍﻟﻜﺒﻴﺮﺓ ﻓﻲ ﺍﺧﻮﺍﺗﻚ ﻻﺯﻡ ﺗﻜﻮﻥ ﻣﺼﺪﺭ ﻗﻮﺗﻬﻢ ﻣﺶ ﺍﻧﺘﻲ ﺍﻟﻲ ﺗﺒﻜﻲ ﻭﺗﺰﻳﺪﻱ ﺗﺨﻠﻴﻬﻢ ﻳﺒﻜﻲ
ﺍﻧﻲ : ﻣﺶ ﺑﻴﺪﻱ ﻭﺍﻟﻠﻪ ﻋﻠﻲ ﻃﻮﻝ ﺟﺖ ﺻﻮﺭﺓ ﺑﺎﺑﺎ ﻗﺪﺍﻡ ﻋﻴﻮﻧﻲ ﻣﻌﺎﺵ ﻗﺪﺭﺕ ﺍﺳﺘﺎﺣﺸﺘﻪ ، ﻭﻧﺰﻟﺖ ﺭﺍﺳﻲ
ﻭﻟﻴﺪ ﺷﺪ ﻭﺟﻬﻲ ﺑﻴﻦ ﻳﺪﻳﻪ : ﺗﺸﻮﻓﻴﻪ ﻓﻲ ﺍﻟﺠﻨﻪ ﻳﺎﺭﻭﺣﻲ ﺍﻥ ﺷﺎﺀ ﺍﻟﻠﻪ ﺧﻼﺹ ﺍﻫﺪﻱ ﺗﻮﺍ
ﺍﻧﻲ ﻗﻌﺪﺕ ﻧﺸﻮﻑ ﻟﻌﻴﻮﻧﻪ ﻛﻴﻒ ﻳﻌﺎﻣﻞ ﻓﻴﺎ ﺯﻱ ﺍﻟﻄﻔﻠﻪ ﻭﻳﻬﺪﻱ ﻓﻴﺎ ، ﻣﺶ ﻋﺎﺭﻓﻪ ﻣﻦ ﻏﻴﺮ ﻛﻨﺖ ﺷﻦ ﺣﻨﺪﻳﺮ ﻫﻮ ﻣﺼﺪﺭ ﻗﻮﺗﻲ
>> ﺣﺒﻴﺒﻲ ﺍﺑﻘﻰ ﺑﺠﺎﻧﺒﻲ ﻓﺄﻧﺎ ﻣﻦ ﻏﻴﺮﻙ ﺗﺎﺋﻬﺔ ﻻﺃﻋﺮﻑ ﻃﺮﻳﻘﻲ <<
ﻃﻠﻊ ﻭﻟﻴﺪ ﺑﻌﺪ ﺗﻮﺻﻴﺎﺕ ، ﻭﻫﻮ ﻃﺎﻟﻊ ﺷﺎﻑ ﻧﻮﺭﺱ ﻭﻋﺪﻧﺎﻥ ﺩﺍﺭ ﺭﻭﺣﻪ ﺍﺣﻮﻝ ﻭﺧﺮ ، ﻭﻗﻌﺪ ﻳﺘﻨﺤﻨﺢ
ﻋﺪﻧﺎﻥ ﻛﺎﻥ ﻣﻘﻌﻤﺰ ﺭﻛﺒﻪ ﻭﻧﺺ ﻭﺷﺎﺩ ﻳﺪﻳﻦ ﻧﻮﺭﺱ ﻭﻳﺤﺎﻭﻝ ﻳﻐﻴﺮﻟﻬﺎ ﺟﻮﻫﺎ ، ﺑﻌﺪ ﺳﻤﻊ ﺻﻮﺕ ﻭﻟﻴﺪ ﻧﺎﺽ ﻭﻗﻒ ﺟﻨﺐ ﻧﻮﺭﺱ
ﻭﻟﻴﺪ ﻗﺪﻡ ، ﺍﺑﺘﺴﻤﻠﻬﻢ : ﻫﻲ ﻧﺸﻮﻓﻮﻛﻢ ﻋﻠﻲ ﺧﻴﺮ
ﻋﺪﻧﺎﻥ ﺍﺷﺮﻟﻪ : ﻣﻊ ﺍﻟﺴﻼﻣﻪ ﻳﺎﻃﻴﺮ
ﻧﻮﺭﺱ ﻛﺎﻧﺖ ﻣﻨﺰﻟﺔ ﺭﺍﺳﻬﺎ
ﻋﺪﻧﺎﻥ ﻭﻟﻰ ﻗﻌﻤﺰ ﻣﻦ ﺟﺪﻳﺪ ﻭﺷﺪ ﻳﺪﻫﺎ ﺑﺎﺳﻬﺎ : ﻫﻴﺎﺍ ﻋﺎﺩ ﺍﻓﺮﺩﻳﻬﺎﺍ
ﺍﻣﺎ ﻧﻮﺍﻝ ﻓﺒﻌﺪ ﻃﻠﻌﺖ ﻣﻦ ﺍﻟﺤﻤﺎﻡ ﻭﻗﺎﻋﺪﻩ ﺗﺘﻜﻠﻢ ﺧﺸﺖ ﻟﺪﺍﺭ
ﻭﺍﻫﻨﻲ ﻋﻠﻲ ﻃﻠﻊ ﻣﻦ ﺍﻟﻤﺮﺑﻮﻋﻪ ﻭﻳﺪﻭﺭ ﻓﻲ ﺍﻟﻤﻄﺒﺦ ﺑﻴﺸﺮﺏ ، ﻓﺨﺶ ﻟﻠﺪﺍﺭ
ﻧﻮﺍﻝ ﻛﺎﻧﺖ ﻋﺎﻃﻴﺎﺗﻪ ﺑﺎﻟﻈﻬﺮ ﻭﺗﺘﻜﻠﻢ : ﺍﻧﻲ ﻟﻤﺎ ﺷﻔﺘﻪ ﻓﻲ ﺍﻻﻭﻝ ﺷﺪﻳﺖ ﺭﻭﺣﻲ ﻭﻣﺎﺑﻴﺘﺶ ﻧﺒﻜﻲ ﺳﻠﻤﺖ ﻋﻠﻴﻪ ﺑﻌﺪﻫﺎ ﺷﺪﻳﺖ ﺭﻭﺣﻲ ﻫﻠﺒﺎ ﻭﻣﻌﺎﺵ ﻗﺪﺭﺕ ﻳﺎﺣﺒﻴﺒﻲ ﺻﻮﺭﺓ ﺑﺎﺑﺎ ﻗﺪﺍﻡ ﻋﻴﻨﻲ ، ﻧﺴﻴﺒﺔ ﻛﺎﻧﺖ ﺍﻛﺜﺮ ﻭﺣﺪﺓ ﻓﻴﻨﺎ ﻣﻨﻬﺎﺭﺓ ﺍﺣﻨﻲ ﺷﺪﻳﻨﺎ ﺭﻭﺣﻨﺎ ﺑﺲ ﻫﻲ ﻣﻦ ﺍﻭﻝ ﻣﺎﺧﺸﺖ ﺗﺒﻜﻲ ﻭﺍﻧﻲ ﻟﻤﺎ ﺷﻔﺘﻬﺎ ﺗﺒﻜﻲ ﻣﻌﺎﺵ ﻗﺪﺭﺕ ، ﺍﺳﺘﺎﺣﺸﺘﻪ ﻳﺎﺣﺒﻴﺒﻲ ﺍﺳﺘﺎﺣﺸﺖ ﺣﻨﻴﺘﻪ ﻋﻠﻴﻨﺎ ﺍﺳﺘﺎﺣﺸﺖ ﺣﻀﻨﻪ
ﻋﻠﻲ ﻭﻗﻒ ﻋﻠﻲ ﺑﺎﺏ ﺍﻟﺪﺍﺭ ﺭﻣﺶ ﻋﺎﺭﻑ ﺷﻦ ﺍﻟﻲ ﺧﻼﻩ ﻳﻮﻗﻒ ﻭﻳﺴﻤﻊ ﻛﻼﻣﻬﺎ
ﻣﺤﻤﻮﺩ ﻳﻬﺪﻱ ﻓﻲ ﻧﻮﺍﻝ ، ﺑﻌﺪﻫﺎ ﺟﺎﻩ ﺻﺎﺣﺒﻪ : ﺣﺒﻴﺒﻲ ﺍﻧﻲ ﺗﻮﺍ ﻻﺯﻡ ﻧﺴﻜﺮ ، ﻧﻜﻠﻤﻚ ﺑﻌﺪﻳﻦ
ﻧﻮﺍﻝ : ﻣﺎﺷﻲ
ﻣﺤﻤﻮﺩ : ﺩﻳﺮﻳﻠﻲ ﺑﺎﻟﻚ ﻣﻦ ﺭﻭﺣﻚ ﻭﻓﻜﻴﻨﻲ ﻣﻦ ﺍﻟﺒﻜﻲ
ﻧﻮﺍﻝ : ﺑﺎﻩ
ﻣﺤﻤﻮﺩ : ﺧﻠﻲ ﺗﻠﻴﻔﻮﻧﻚ ﺟﻨﺒﻚ ﻧﺘﺼﻞ ﺑﻴﻚ ﺑﻌﺪﻳﻦ ﻧﺘﻄﻤﻦ ﻋﻠﻴﻚ ، ﻭﻣﺎﺗﺨﻠﻴﻨﻴﺶ ﻣﺸﻐﻮﻝ ، ﻭﻣﺎﺗﻀﺎﻳﻘﻴﺶ ﺭﻭﺣﻚ ﺑﺎﻫﻲ ؟
ﻧﻮﺍﻝ ﺑﺎﻩ ﺣﺎﺿﺮ ، ﻭﻟﻔﺖ ﻭﻟﻘﺖ ﻋﻠﻲ ﻭﺍﻗﻒ ﻭﻳﺸﻮﻓﻠﻬﺎ ﺍﻧﺼﺪﻣﺖ
ﻣﺤﻤﻮﺩ : ﻣﺎﺷﻲ ﻫﻲ ﺳﻼﻡ ﻭﺳﻜﺮ
ﻧﻮﺍﻝ : ﺍﻧﺖ ﺷﻦ ﺗﺪﻳﺮ ﺍﻫﻨﻲ
ﻋﻠﻲ : ﻣﻦ ﻫﺪﺍ ؟ ﺣﺒﻴﺒﻚ ؟
ﻧﻮﺍﻝ ﻗﺎﻣﺖ ﻳﺪﻫﺎ ﺍﻟﻴﻤﻴﻦ ﻭﺣﺮﻙ ﺍﻟﺪﺑﻠﺔ ﺑﺼﺒﻌﻬﺎ : ﺧﻄﻴﺒﻲ
ﻋﻠﻲ : ﺍﻣﺘﻰ ﺍﻧﺨﻄﺒﺘﻲ
ﻧﻮﺍﻝ : ﻛﻴﻒ ﺍﻧﺖ ﻣﺎﺗﻌﺮﻓﺶ ﺍﻻﺳﺒﻮﻉ ﺍﻟﻲ ﻓﺎﺕ ﻛﺎﻥ ﺑﻴﺎﻧﻲ
ﻋﻠﻲ : ﻻ ﻣﺎﻧﻌﺮﻓﺶ ، ﻗﺼﺪﻙ ﺍﻟﺒﻨﺖ ﺍﻟﺼﻐﻴﺮﻩ ﻫﺎﺩﻳﻜﺎ ﺍﻟﻲ ﺗﺪﻳﺮ ﻓﻲ ﺯﻭﺯ ﻗﺮﻳﻨﺎﺕ ﻛﺒﺮﺕ ﻫﻜﻲ ﻭﺯﻳﺎﺩﻩ ﻣﺨﻄﻮﺑﻪ
ﻧﻮﺍﻝ ﺭﻏﻢ ﻛﺎﻧﺖ ﻣﺘﻀﺎﻳﻖ ﺑﺲ ﺿﺤﻜﺘﻬﺎ ﻛﻠﻤﺘﻪ : ﻫﻬﻬﻬﻪ ﺍﻣﺎﻻ ﺷﻨﻮ ﺑﻨﻘﻌﺪ ﺩﻳﻤﺎ ﺻﻐﻴﺮﺓ
ﻋﻠﻲ ﻣﺮﻛﺰ ﻓﻴﻬﺎ : ﻣﻬﻤﺎ ﺗﻜﺒﺮﻱ ﺩﻳﻤﺎ ﻧﺸﻮﻑ ﻓﻴﻚ ﻗﺎﻋﺪﻩ ﻫﺎﺩﻳﻜﺎ ﻟﻠﻄﻔﻠﻪ ﺍﻟﻌﻨﻴﺪﻩ ﺍﻟﺼﻐﻴﺮﺓ
ﻧﻮﺍﻝ ﺍﺳﺘﻐﺮﺑﺖ ﻣﻦ ﻛﻼﻣﻪ ﺑﺲ ﻗﻌﺪﺕ ﺗﻀﺤﻚ ﻭﻣﺎﺭﺩﺗﺶ ﺑﻮﻻ ﻛﻠﻤﺔ
ﻋﻠﻲ : ﺍﻧﻲ ﻧﺪﻭﺭ ﻓﻲ ﺍﻟﻤﻄﺒﺦ ﺑﻨﺸﺮﺏ ﺍﻟﻘﻴﺖ ﺭﻭﺣﻲ ﺍﻫﻨﻲ ﻓﻲ ﺍﻟﺪﺍﺭ
ﻧﻮﺍﻝ : ﻫﻬﻬﻬﻪ ﺍﻫﻮ ﺗﻌﺎﻝ ، ﻭﻃﻠﻌﺖ ﻧﻮﺍﻝ ﻭﺧﻄﻤﺖ ﺟﻨﺐ ﻋﻠﻲ
ﻋﻠﻲ ﺣﺲ ﺑﺤﺎﺟﺔ ﻧﻐﺰﺕ ﻗﻠﺒﻪ ﻟﻤﺎ ﺧﻄﻤﺖ ﻧﻮﺍﻝ ﻣﻦ ﺟﻨﺒﻪ ﻭﻟﻒ ﻗﻌﺪ ﻳﺮﺍﻗﺐ ﻓﻴﻬﺎ ﻛﻴﻒ ﺗﺪﻝ ﻓﻴﻪ ﻉ ﺍﻟﻤﻄﺒﺦ
ﻭﻟﻴﺖ ﻟﻠﺼﺎﻟﻮﻥ ﻗﻌﻤﺰﺕ ﺟﻨﺐ ﻋﻤﻲ
ﻋﻤﻲ ﻟﻨﺮﺟﺲ : ﺍﻣﺘﻰ ﻃﺤﺘﻲ ﻳﺎﻧﺮﺟﻮﺳﻪ
ﻧﺮﺟﺲ : ﺍﻻﺳﺒﻮﻉ ﺍﻟﻲ ﻓﺎﺕ
ﻋﻤﻲ : ﺭﺩﻱ ﺑﺎﻟﻚ ﻣﺮﺓ ﺗﺎﻧﻴﻪ ، ﺷﻦ ﺗﻘﺮﻱ ﺗﻮﺍ ؟
ﻧﺮﺟﺲ : ﺑﻨﺨﺶ ﺟﺎﻣﻌﻪ ﺍﻥ ﺷﺎﺀ ﺍﻟﻠﻪ
ﻋﻤﻲ : ﻣﺎﺍﺷﺎﺀ ﺍﻟﻠﻪ ﻛﺒﺮﺭﺭﺗﻲ
ﻧﺮﺟﺲ ﺍﺑﺘﺴﻤﺖ
ﻋﻤﻲ ﺗﻠﻔﺘﻠﻲ : ﻛﻴﻒ ﻭﻟﻴﺪ ﻣﻌﺎﻙ ؟ ﻣﺴﺎﻋﺪﻙ ﻛﻮﻳﺲ ؟
ﺍﻧﻲ : ﺍﻟﺤﻤﺪ ﻟﻠﻪ ﻳﺎﻋﻤﻲ ﻛﻮﻳﺲ ﻫﻠﺒﺎ ﻣﻌﺎﻱ
ﻋﻤﻲ : ﺍﻳﻪ ﻭﺍﺿﺢ ﻋﻠﻴﻪ ﺍﺻﻼ ﺍﻧﻪ ﺭﺍﺟﻞ ﻣﺎﺷﺎﺀ ﺍﻟﻠﻪ ﻋﻠﻴﻪ
ﻣﺮﺕ ﻋﻤﻲ ﻟﻄﻔﻴﻪ : ﺷﻦ ﻳﺨﺪﻡ
ﺍﻧﻲ : ﻋﻨﺪﻩ ﻛﻢ ﻣﺤﻞ ﻣﺄﺟﺮﻫﻢ ﻭﻣﺎﺳﻚ ﻭﺍﺣﺪ ﻣﻨﻬﻢ
ﻣﺮﺕ ﻋﻤﻲ : ﺯﻱ ﺷﻨﻮ ﻣﺤﻼﺕ
ﺍﻧﻲ : ﻋﻨﺪﻩ ﻣﺤﻠﻴﻦ ﺍﺛﺎﺙ ﻭﺍﺗﻨﻴﻦ ﻣﻼﺑﺲ ﻭﻣﺎﺳﻚ ﻭﺍﺣﺪ ﻣﻨﻬﻢ
ﺣﻨﻴﻨﻪ : ﻻﻫﻮ ﻣﺎﺷﺎﺀ ﺍﻟﻠﻪ ﻋﻠﻴﻪ
ﻋﻤﻲ : ﺍﻣﻲ ﺍﺣﻨﻲ ﺍﺣﺘﻤﺎﻝ ﻧﺴﺘﻘﺮﻭ ﺍﻫﻨﻲ
ﻣﺮﺕ ﻋﻤﻲ ﺷﺎﻓﺘﻠﻪ ﻭﻣﺼﺪﻭﻣﻪ ﻣﻦ ﺍﻣﺘﻰ ﺍﻟﻘﺮﺍﺭ ﻭﻃﺎﺭﺗﻠﻬﺎ
ﺣﻨﻴﻨﻪ : ﻳﺎﺭﻳﺖ ﻳﺎﻭﻟﻴﺪﻱ ﺍﻣﻨﻴﺘﻲ ﻫﺎﺩﻱ ﺗﺴﺘﻘﺮ ﻓﻲ ﺑﻼﺩﻱ ﻭﺗﻘﻌﺪ ﺟﻨﺒﻲ ، ﻳﺎﺳﺮ ﺧﻮﻙ ﺭﺑﻲ ﺧﺪﻱ ﺍﻣﺎﻧﺘﻪ ﻭﺍﻧﺖ ﻋﺸﺮﻳﻦ ﺳﻨﻪ ﻣﺤﺮﻭﻣﻪ ﻣﻨﻚ ، ﻣﺎﺩﺍﺑﻴﺎ ﺍﻧﻲ ﻋﺎﺭﻓﻪ ﻋﻤﺮﻱ ﺧﻼﺹ ﻣﺶ ﻃﺎﻣﻌﻪ ﻧﻌﻴﺶ ﺍﻛﺜﺮ ﻣﻦ ﺍﻟﻲ ﻋﺸﺘﻪ ﺍﻟﺤﻤﺪ ﻟﻠﻪ
ﺍﻧﻲ : ﺑﻄﻮﻝ ﻋﻤﺮﻙ ﻳﺎﺣﻨﻴﻨﻪ
ﻋﻤﻲ : ﺑﻄﻮﻝ ﻋﻤﺮﻙ ﻳﺎﺍﻣﻲ ﺍﻫﻮ ﺍﻟﺪﻧﻴﺎ ﺷﻐﻠﺘﻨﺎ ، ﺍﻧﻲ ﺑﻨﺘﻘﺎﻋﺪ ﻣﻌﺎﺵ ﻧﻘﺪﺭ ﺍﻟﺨﺪﻣﺔ
ﺣﻨﻴﻨﻪ : ﺍﻟﻲ ﻳﺮﻳﺤﻚ ﻳﺎﻭﻟﻴﺪﻱ ﺩﻳﺮﻩ
ﺃﻳﻤﻦ ﻳﻬﺪﺭﺯ ﻣﻊ ﻋﺼﺎﻡ ﻭﺍﺣﻤﺪ ﻣﺸﺎﺭﻛﻬﻢ ﻓﻲ ﺍﻟﺤﺪﻳﺚ
ﻋﺒﺪ ﺍﻟﻤﻨﻌﻢ ﻳﻬﺪﺭﺯ ﻫﻮ ﻭﺍﻧﻮﺭ
ﻭﺭﻭﻳﺪﺓ ﻭﻣﺮﺕ ﻋﻤﻲ ﺳﺎﻛﺘﻴﻦ ﻭﻣﺮﺓ ﻣﺮﺓ ﻳﺸﺎﺭﻛﻮ
ﻓﻲ ﺍﻟﻤﻄﺒﺦ ﻣﺎﻣﺎ ﻭﻋﻤﺘﻲ ﻳﺴﻘﻮ ﻓﻲ ﺍﻟﻐﺪﻱ ، ﺳﻤﻴﻪ ﺗﻘﺮﺽ ﻓﻲ ﺍﻟﺴﻼﻃﺔ ﻭﻋﻠﻴﺎ ﺗﻮﺗﻲ ﻓﻲ ﺍﻟﺼﻔﺮ ، ﻧﻮﺍﻝ ﻭﻋﻠﻲ ﻭﺍﻗﻔﻴﻦ ﻭﻳﻬﺪﺭﺯﻭ ﻭﻛﻞ ﻣﺎﻧﻮﺍﻝ ﺑﺘﻬﺮﺏ ﻋﻠﻲ ﻳﻘﻌﺪ ﻳﻔﺘﺢ ﻓﻲ ﻣﻮﺍﺿﻴﻊ ﻣﻌﺎﻫﺎ ﻓﻘﻌﺪﺕ ﺗﻬﺪﺭﺯ ﻣﻌﺎﻩ
ﻧﻮﺭﺱ ﺑﻌﺪ ﺍﻫﺪﺕ ﺧﺸﺖ ، ﻋﺪﻧﺎﻥ ﺧﺶ ﻟﻠﺼﺎﻟﻮﻥ ﻭﻫﻲ ﺧﺸﺖ ﻟﻠﻤﻄﺒﺦ
،،،،،،،،،،
ﻓﻲ ﺩﺍﺭﻫﺎ ﻗﺎﻋﺪﻩ ﻭﺗﻔﻜﺮ ﺗﻮﺍ ﻟﻴﻬﺎ ﺍﺳﺒﻮﻋﻴﻦ ﻗﺎﻋﺪﻩ ﻓﻲ ﺣﻮﺵ ﺑﻮﻫﺎ ، ﺍﻳﻤﻦ ﻛﻞ ﻳﻮﻡ ﻳﺠﻴﻬﺎ ﺗﻄﻠﻌﻠﻪ ﺷﻮﻳﺔ ﻭﺗﺘﻌﺎﺭﻙ ﻣﻌﺎﻩ ﻳﺎﺍﻣﺎ ﻣﺎﺗﻄﻠﻌﻼﺷﻲ ﺑﻜﻞ ، ﺑﺲ ﺍﻟﻴﻮﻡ ﻣﺎﺟﻬﺎﺵ ﻭﻫﻲ ﻣﺴﺘﻐﺮﺑﻪ ﻭﻗﻌﺪﺕ ﺗﺮﺍﺟﻲ ، ﺭﻏﻢ ﺍﻧﻬﺎ ﺯﻋﻼﻧﻪ ﻣﻨﻪ ﻭﺍﻟﻲ ﺩﺍﺭﻩ ﻓﻴﻬﺎ ﻣﺶ ﺷﻮﻳﺔ ﻟﻜﻦ ﻣﺴﺘﺎﺣﺸﺎﺗﻪ ﻭﻣﻦ ﺣﺒﻬﺎ ﻟﻴﻪ ﻣﺶ ﻗﺎﺩﺭﺓ ﺗﺴﺘﻐﻨﻲ ﻋﻠﻴﻪ
ﻃﻖ ﺍﻟﺒﺎﺏ ، ﻫﻲ : ﺍﺩﺧﻞ
ﺧﺶ ﻣﺤﻤﺪ ﺧﻮﻫﺎ ﻭﺳﻜﺮ ﺍﻟﺒﺎﺏ ﻭﺭﺍﻩ
ﻫﺎﺟﺮ ﻋﺮﻓﺎﺗﻪ ﺷﻦ ﺑﻴﻘﻮﻝ ﻣﻮﺿﻮﻉ ﺍﻟﻤﻌﺘﺎﺩ : ﻣﺤﻤﺪ ﺍﺭﺟﻮﻙ ﻣﺎﻋﻨﺪﻳﺶ ﺧﻠﻮﻕ ﻧﺘﻜﻠﻢ ﻓﻲ ﺍﺳﻄﻮﺍﻧﻪ ﻛﻞ ﻳﻮﻭﻡ
ﻣﺤﻤﺪ ﻗﻌﻤﺰ ﻋﻠﻲ ﺍﻟﻜﺮﺳﻲ : ﻭﺍﻧﻲ ﺍﻻﺳﻄﻮﺍﻧﻪ ﻫﺎﺩﻱ ﺑﻨﺘﻜﻠﻢ ﻓﻴﻬﺎ ﻛﻞ ﻳﻮﻡ ﻟﻴﻦ ﻧﻌﺮﻑ ﺷﻦ ﺍﻟﺴﺒﺐ ، ﺗﻮﺍ ﻟﻴﻚ ﺍﺳﺒﻮﻋﻴﻦ ﻗﺎﻋﺪﻩ ﺍﻫﻨﻲ ﺍﻟﺮﺍﺟﻞ ﻛﻞ ﻳﻮﻡ ﻳﺠﻲ ﻭﺍﻧﻲ ﻗﺎﻋﺪﻩ ﻣﺎﻓﻬﻤﺘﺶ ﺷﻦ ﺍﻟﻲ ﻳﺪﻭﺭ ﻓﻲ ﺭﺍﺍﺳﻚ ﺍﻟﻜﺎﺳﺢ ﻫﺪﺍﺍ ، ﻣﺪﺍﻳﺮﻩ ﻣﺎﻓﻲ ﺭﺍﺳﻚ ﻭﻣﺶ ﻣﻌﺘﺒﺮﺓ ﻭﺭﺍﻙ ﺭﺟﺎﻟﺔ ﺑﻜﻞ
ﻫﺎﺟﺮ ﺣﻄﺖ ﺭﺍﺳﻬﺎ ﺑﻴﻦ ﻳﺪﻳﻬﺎ ﻭﻣﺎﺭﺩﺗﺶ ﻋﻠﻴﻪ
ﻣﺤﻤﺪ : ﺣﻨﺴﺄﻟﻜﻢ ﻛﻞ ﻳﻮﻡ ﻭﻧﻔﺲ ﺍﻟﺴﺆﺍﻝ ، ﺷﻦ ﺍﻟﻲ ﺻﺎﻳﺮ ﺑﻴﻨﻜﻢ ؟؟؟ ﻻﻫﻮ ﻳﺒﻲ ﻳﺪﻭﻱ ﻭﻻﺍﻧﺘﻲ ﺗﺒﻲ ﺗﺪﻭﻱ ، ﺗﻜﻠﻠﻤﻤﻲ ﻧﺪﻳﺮﻭﻟﻚ ﺣﻞ ﻣﺎﺗﻘﻌﺪﻳﺶ ﻫﻜﻲ ﻣﺎﺩﺗﻴﻠﻲ ﻭﺟﻬﻚ
ﻫﺎﺟﺮ : ﻣﺤﻤﺪ ﺍﻃﻠﻊ ﺭﺍﻙ ﺩﺭﻫﺘﻠﻲ ﻛﺒﺪﻱ ﺍﻗﺴﻢ ﺑﺎﻟﻠﻪ ﺩﺭﻫﺖ ﻛﺒﺪﻱ ﻣﻦ ﻫﺎﻟﻤﻮﺿﻮﻉ ﺍﻟﻲ ﻣﺎﺗﺒﻴﺶ ﺗﻤﻞ ﻣﻨﻪ
ﻣﺤﻤﺪ : ﻣﺎﻧﻤﻠﺶ ﻟﻴﻴﻦ ﻧﻌﺮﺭﺭﺭﻑ ، ﺗﻲ ﻏﻠﻂ ﺍﻟﺰﺡ ﺍﻟﻲ ﺗﺪﻳﺮﻱ ﻓﻴﻪ ، ﺗﻜﻠﻤﻲ ﻧﺤﻠﻮﻭﻩ ﺍﻟﻤﻮﺿﻮﻭﻉ ، ﻓﻲ ﺷﻦ ﻏﺎﻟﻂ ﻣﻌﺎﻙ ﺍﻟﺮﺍﺟﻞ ﻧﻤﺸﻲ ﻧﺘﻔﺎﻫﻢ ﻣﻌﺎﻩ
ﻫﺎﺟﺮ : ﻣﺎﻏﻠﻂ ﻓﻲ ﺷﻲ ﺍﻃﻠﻊ ﻭﺧﻠﻴﻨﻲ ﺑﺮﻭﺣﻲ ﺑﺲ
ﻣﺤﻤﺪ ﻭﻗﻒ : ﻭﺍﻟﻠﻪ ﺭﺍﺳﻚ ﻫﺬﺍ ﻣﺎﻳﺒﻲ ﺍﻻ ﺍﻟﺘﻜﺴﻴﺮ ﻋﻠﻲ ﺍﻟﻌﻨﺎﺩ ، ﻭﻃﻠﻊ ﻭﻗﺮﺑﻊ ﺍﻟﺒﺎﺏ
،،،،،،،،،،،
ﺣﻄﻴﻨﺎ ﺍﻟﻐﺪﻱ ، ﺍﺣﻨﻲ ﺍﻟﻨﺴﺎﻭﻳﻦ ﺧﺸﻴﻨﺎ ﻓﻲ ﺩﺍﺭ ﺍﻟﻤﻌﻴﺸﻪ ، ﻭﻋﻤﻲ ﻭﺍﻻﻭﻻﺩ ﺯﻭﺯ ﻗﻌﺎﺩ ﻓﻲ ﺍﻟﺼﺎﻟﻮﻥ
ﻭﺍﻟﻬﺪﺭﺯﺓ ﻭﺍﻟﺤﻮﺵ ﺩﻭﺷﺔ ، ﺑﺲ ﻓﻲ ﺣﺎﺟﺔ ﻧﺎﻗﺼﻪ ﻛﻨﺖ ﻓﺮﺣﺎﻧﻪ ﺑﻠﻤﺔ ﺍﻟﻌﻴﻠﺔ ﺑﺲ ﻓﻴﺤﺎﺟﺔ ﻧﺎﻗﺼﻪ ﺟﺰﺀ ﺍﻟﻘﻠﺐ ﻣﻬﻨﺎﺵ ﻋﻤﻮﺩ ﺍﻟﺤﻮﺵ ﻣﻬﻨﺎﺵ ، ﺍﻟﻲ ﻛﺎﻥ ﻫﻮ ﻭﻋﻤﻲ ﺍﺣﻠﻰ ﺧﻮﺕ ﻣﻬﻨﺎﺵ ، ﺑﺎﺑﺎ ﻣﻬﻨﺎﺵ ، ﻗﻌﺪﺕ ﻧﺎﻛﻞ ﻭﺣﺎﺟﺔ ﻏﺼﻪ ﻓﻲ ﻗﻠﺒﻲ
ﻋﺼﺎﻡ ﺧﺶ ﺑﻴﻐﺴﻞ ﻳﺪﻳﻪ : ﻭﺍﻟﻠﻪ ﻳﺴﻠﻤﻮ ﻳﺪﻳﻬﺎ ﺍﻟﻲ ﻣﺪﺍﻳﺮﺍﺗﻪ ﺍﻟﺒﺎﺯﻳﻦ ﻣﺎﺍﺷﺎﺀ ﺍﻟﻠﻪ
ﻋﻤﺘﻲ : ﺻﺤﺔ ﺻﺤﺔ ﻫﺎﺩﻱ ﻣﺮﺕ ﻋﻤﻚ ﻧﺎﺩﻳﺔ
ﻋﺼﺎﻡ : ﻳﺴﻠﻤﻮ ﻳﺪﻳﻚ ﻭﺍﻟﻠﻪ ﻭﻳﻌﻄﻴﻚ ﺍﻟﺼﺤﺔ ﻗﺪﺍﺵ ﻟﻴﺎ ﻣﻌﺎﺩ ﺍﻛﻠﻴﺖ ﺑﺎﺯﻳﻦ ﻫﻜﻲ
ﻋﻠﻲ ﺧﺶ ﺑﻌﺪﻩ : ﻭﺍﻟﻠﻪ ﺑﺎﺍﺯﻳﻦ ﺻﻘﻌﻊ ﻛﺎﻥ ﻓﻲ ﺯﻳﺎﺩﺓ ﻣﺎﻧﻘﻮﻟﺶ ﻻ
ﻣﺎﻣﺎ : ﻫﻬﻬﻬﻪ ﺗﻌﺎﻝ ﻛﻮﻝ ﻣﻌﺎﻧﺎﺍ ﺍﻫﻮ ﺍﺣﻨﻲ ﺗﻼﺗﻪ ﺑﺲ ﻉ ﺍﻟﺼﻔﺮﺓ
ﻋﻠﻲ ﺟﻲ ﻳﺠﺮﻱ ﻭﻗﻌﻤﺰ ﺭﺑﻊ ﺟﻨﺐ ﻧﻮﺍﻝ : ﺯﻳﺪﻱ ﻏﺎﺩﻱ ﻳﺎﺳﻤﻴﻨﻪ
ﻧﻮﺍﻝ : ﺗﻲ ﺑﺮﺍ ﺭﻭﺡ ﺍﻧﺖ ﺍﻟﺴﻤﻴﻦ
ﻋﻠﻲ : ﺑﺴﻢ ﺍﻟﻠﻪ ، ﻭﺑﺪﻱ ﻳﺎﻛﻞ
ﻋﻠﻴﺎ : ﺣﻲ ﻳﺎﺣﻲ ﻛﻤﻞ ﻋﻠﻴﻨﺎﺍ ﺍﻟﺒﺎﺍﺯﻳﻦ ﺗﻲ ﺍﻧﻲ ﻣﺰﺍﻝ ﺟﻌﺎﺍﺍﻧﻪ
ﻣﺎﻣﺎ : ﻫﻬﻬﻬﻬﻪ ﺍﻫﻮ ﻣﺰﺍﻝ ﻓﻲ ﻛﻮﻟﻮ
ﻋﻤﺘﻲ : ﻫﺎﻟﺒﻨﺖ ﻫﺎﺩﻱ ﻣﺎﺗﺪﻳﺮ ﻋﻘﻞ
ﺧﺶ ﻋﺒﺪ ﺍﻟﻤﻨﻌﻢ : ﺍﻣﻲ ﻧﺮﻓﻊ ﺍﻟﺸﻨﺎﻃﻲ ﻟﻠﺤﻮﺵ
ﻭﺍﻫﻨﻲ ﻋﻠﻴﺎ ﻛﺎﻧﺖ ﺗﺎﻛﻞ ﻓﻲ ﺍﻟﺒﺎﺯﻳﻦ ﺑﻴﺪﻫﺎ ، ﺳﺤﺒﺖ ﻳﺪﻫﺎ ﻭﻗﻌﺪﺕ ﺗﺸﻮﻓﻠﻪ ﺑﺒﺮﺍﺋﺔ ، ﻟﻜﻦ ﻟﻼﺳﻒ ﻋﺒﺪ ﺍﻟﻤﻨﻌﻢ ﻣﺎﺷﺎﻓﻠﻬﺎﺵ ﺑﻜﻞ ، ﻋﻠﻴﺎ ﺍﻏﺘﺎﺿﺖ ﻟﻜﻦ ﺍﺩﻋﺖ ﺍﻧﻪ ﻣﺎﻳﺸﻮﻓﻠﻬﺎﺵ ﻛﺎﻧﺖ ﻣﺮﺑﻌﻪ ﻭﻃﺎﻳﺤﺔ ﻓﻴﻬﺎ ﻣﺎﻛﻠﺔ ﺗﺤﺸﻤﺖ ﻳﻘﻮﻝ ﻫﺎﺩﻱ ﻣﺠﺎﻋﻪ
ﻃﻠﻊ ﻋﺒﺪ ﺍﻟﻤﻨﻌﻢ ﻭﻫﻮ ﻣﺎﺷﺎﻓﻠﻬﺎﺵ ﺑﻜﻞ ، ﻋﻠﻴﺎ ﺣﻤﺪﺕ ﺭﺑﻲ ﻭﻓﻲ ﻧﻔﺲ ﺍﻟﻮﻗﺖ ﺍﻏﺘﺎﺿﺖ
ﻋﻠﻲ ﻃﺎﻳﺢ ﻓﻴﻬﺎ ﻣﺎﻛﻠﺔ ﻭﻗﺮﻳﺐ ﻳﻜﻤﻞ ﻋﻠﻴﻬﻢ ، ﻭﻣﺸﻜﻠﺘﻪ ﺟﻲ ﻣﻊ ﻋﻠﻴﺎ ﻭﻧﻮﺍﻝ ﺍﻟﻲ ﻣﺎﻳﻌﺮﻓﻮﺵ ﻳﺴﺎﻳﺮﻭ ﻓﻲ ﺍﻟﻤﺎﻛﻠﺔ ﺑﻜﻞ ﺍﻟﺰﻭﺯ ﻣﺎﺷﺎﺀ ﺍﻟﻠﻪ ، ﻭﻗﻌﺪﻭ ﻃﻮﻝ ﺍﻟﻮﻗﺖ ﻳﺘﻌﺎﺭﻛﻮ
ﺍﻧﻲ ﻭﻗﻔﺖ : ﺍﻟﺤﻤﺪ ﻟﻠﻪ
ﺣﻨﻴﻨﻪ : ﻏﻴﺮ ﺯﻳﺪﻱ ﻛﻮﻭﻟﻲ ﻳﺎﺍﻧﺴﻴﺒﺔ ﻣﺎﺍﻛﻠﻴﺘﻴﺶ ﺑﺎﻫﻲ
ﻋﻤﺘﻲ : ﺩﻭﺏ ﻣﺎﻧﻘﺸﺘﻲ ﺍﻧﺘﻲ ﻏﻴﺮ ﻗﻌﻤﺰﻱ ﺧﻮﺩﻱ ﺣﺘﻰ ﻟﺤﻤﺔ
ﺍﻧﻲ : ﻻﻭﺍﻟﻠﻪ ﺍﻟﺤﻤﺪ ﻟﻠﻪ ﺷﺒﻌﺖ ﻣﺎﻋﻨﺪﻳﺶ ﻋﻠﻴﻪ ﺍﻟﺒﺎﺯﻳﻦ ﻫﻠﺒﺎ ، ﻭﻃﻠﻌﺖ ﻟﻠﻤﻄﺒﺦ
ﻋﺼﺎﻡ ﻭﺍﻗﻒ ﻭﻳﺘﻜﻠﻢ ﺑﺎﻟﺘﻠﻴﻔﻮﻥ ﻭﻋﺎﻃﻴﻨﻲ ﻇﻬﺮﻩ
ﺍﻧﻲ : ﺍﺣﻢ ، ﻭﻗﺪﻣﺖ ﺑﻨﻐﺴﻞ ﻳﺪﻳﺎ
ﻋﺼﺎﻡ ﺳﻜﺮ ﺍﻟﺘﻠﻴﻔﻮﻥ ، ﻭﺗﻠﻔﺘﻠﻲ : ﺷﻦ ﺍﺧﺒﺎﺭﻙ ﻳﺎﻧﺴﻴﺒﺔ
ﺍﻧﻲ : ﺍﻟﺤﻤﺪ ﻟﻠﻪ ﺗﻤﺎﻡ ﻭﺍﻧﺖ
ﻋﺼﺎﻡ : ﻣﺎﺷﻴﺔ ، ﻭﻭﻗﻒ ﺷﻮﻳﺔ ﻭﻃﻠﻊ
ﻭﻣﺸﻲ ﺍﻟﻴﻮﻡ ﻫﻜﻲ ﻗﻌﺪﻧﺎ ﻓﻲ ﺣﻮﺵ ﺣﻨﻴﻨﻪ ﻭﻧﻬﺪﺭﺯﻭ ﻛﺎﻥ ﺟﻮ ﻋﺎﺋﻠﻲ ﺣﻠﻮ ﻭﻋﻤﺘﻲ ﻃﻮﻝ ﺍﻟﻴﻮﻡ ﺗﺪﻳﺮ ﻓﻲ ﺍﻟﻌﺎﻟﺔ ﻭﺍﻟﻌﻴﻠﺔ ﻛﻠﻬﺎ ﻣﻮﺟﻮﺩﺓ ﻣﺎﻋﺪﺍ ﺍﻧﺖ ﻳﺎﺍﺑﺎﺑﺎ
ﺟﺎﻧﻲ ﻭﻟﻴﺪ ﺑﻌﺪ ﺻﻼﺓ ﺍﻟﻤﻐﺮﺏ ، ﺳﻠﻤﺖ ﻭﻃﻠﻌﺖ
ﺭﻛﺒﺖ ﺍﻟﺴﻴﺎﺭﺓ
ﻭﻟﻴﺪ : ﺷﻦ ﻳﺎﺑﻴﺒﻲ ﺟﻮﻙ ﺗﻮﺍ ؟
ﺍﻧﻲ : ﺍﻟﺤﻤﺪ ﻟﻠﻪ ﺍﺣﺴﻦ ، ﺍﻧﺖ ﺷﻦ ﺩﺭﺕ ﺍﻟﻴﻮﻡ
ﻭﻟﻴﺪ : ﺍﻏﻠﺐ ﺍﻟﻴﻮﻡ ﻗﻌﺪﺕ ﻓﻲ ﺍﻟﻤﺤﻞ
ﺍﻧﻲ : ﻭﻳﻦ ﺗﻐﺪﻳﺖ
ﻭﻟﻴﺪ : ﻣﺶ ﻗﺘﻠﻚ ﻋﺎﺯﻣﺘﻨﻲ ﻣﻨﻰ ﻣﺸﻴﺘﻠﻬﺎ
ﺍﻧﻲ : ﺑﺎﻩ ﺗﻤﺎﻡ
ﻗﻌﺪﻧﺎ ﻟﺤﻈﺎﺕ ﺻﻤﺖ
ﻭﻟﻴﺪ : ﻛﻠﻤﺘﻨﻲ ﻋﺒﻴﺮ ﺍﻣﺒﻜﺮﻱ
ﺍﻧﻲ ﻗﺮﻧﺖ ﺣﻮﺍﺟﺒﻲ ﻋﻠﻰ ﻃﻮﻝ ﻭﺷﻔﺘﻠﻪ............
# ﻳﺘﺒﻊ
