منقولة
الحلقةة[53]
من ﺭﻭﺍﻳﺔ - - ->" ﺳﻨــﺪ ﺍﻷﻧﺜــﻰ ﺭﺟــﻞ "
ﻫﺎﺟﺮ ﺧﺸﺖ ﻟﻠﺼﺎﻟﻮﻥ ، ﻭﻗﻌﻤﺰﺕ ﻓﻲ ﺍﻗﺮﺏ ﻣﻜﺎﻥ ﻭﻫﻲ ﻣﺎﺗﺒﻴﺶ ﺗﺘﻜﻠﻢ ﻭﻻﺣﺘﻰ ﺗﺸﻮﻑ ﻻﻳﻤﻦ
ﺃﻳﻤﻦ ﺧﺪﻱ ﻧﻔﺲ ﻭﻧﺎﺽ ﻗﻌﻤﺰ ﺟﻨﺒﻬﺎ : ﻛﻴﻒ ﺣﺎﻟﻚ
ﻫﺎﺟﺮ ﻣﻦ ﻏﻴﺮ ﻣﺎﺗﺸﻮﻓﻠﻪ : ﺷﻦ ﺗﺒﻲ ﻳﺎﺃﻳﻤﻦ ﻟﻴﺶ ﺟﻴﺖ ؟
ﺃﻳﻤﻦ ﺷﺪ ﻳﺪﻫﺎ : ﺟﻴﺖ ﻧﺒﻲ ﻧﺘﻄﻤﻦ ﻋﻠﻴﻚ ، ﻭﻣﺪ ﻳﺪﻩ ﺍﻟﺘﺎﻧﻴﻪ ﺑﻴﺤﻮﻝ ﺷﻌﺮﻫﺎ ﻣﻦ ﻋﻠﻲ ﺧﺪﻫﺎ ، ﻭﺃﻭﻝ ﻣﺎﺣﻂ ﻳﺪﻫﺎ ﻋﻠﻲ ﺷﻌﺮﻫﺎ
ﻫﺎﺟﺮ ﺣﻮﻟﺘﻠﻪ ﻳﺪﻩ ﺑﺴﺮﻋﻪ ، ﻭﻭﻗﻔﺖ
ﺃﻳﻤﻦ ﻗﻌﺪ ﻳﺸﻮﻓﻠﻬﺎ
ﻫﺎﺟﺮ ﻗﻌﺪﺕ ﺗﺤﻂ ﻓﻲ ﺷﻌﺮﻫﺎ ﻋﻠﻲ ﺧﺪﻫﺎ ، ﻭﻛﻴﻒ ﺑﺘﻠﻒ ﺑﺘﻄﻠﻊ ، ﺃﻳﻤﻦ ﻧﺎﺽ ﻳﺠﺮﻱ ﺷﺪﻫﺎ ﻣﻦ ﻳﺪﻫﺎ ، ﻭﺣﻮﻟﻠﻬﺎ ﺷﻌﺮﻫﺎ ﻣﻦ ﺧﺪﻫﺎ ﺑﺴﺮﻋﻪ
ﻫﺎﺟﺮ : ﺣﻮﻭﻭﻝ ﻳﺎﺃﻳﻤﻦ
ﺃﻳﻤﻦ ﻗﻌﺪ ﻳﺸﻮﻑ ﻟﺨﺪﻫﺎ ﺍﻟﻤﺘﻮﺭﻡ ﻭﻣﺼﺪﻭﻡ ، ﺣﻂ ﻳﺪﻩ ﻋﻠﻴﻪ ﺑﺎﻟﺸﻮﻳﺔ
ﻫﺎﺟﺮ ﺣﻮﻟﺘﻠﻪ ﻳﺪﻩ ﺑﻘﻮﻭﺓ ، ﻭﺭﺩﺕ ﺷﻌﺮﻫﺎ ﻭﻫﻲ ﻣﺎﺗﺒﻴﺶ ﺗﺸﻮﻓﻠﻪ
ﺃﻳﻤﻦ ﺷﺪ ﻳﺪﻫﺎ ﺍﻟﺒﺴﻲ ﺣﻮﺍﻳﺠﻚ ﻧﺮﻓﻌﻚ ﻧﻌﺎﻳﻨﻚ
ﻫﺎﺟﺮ ﺿﺤﻜﺖ ﺿﺤﻜﺔ ﻉ ﺍﻟﺠﻨﺐ
ﺃﻳﻤﻦ : ﻫﺎﺟﺮ ﺑﺎﻟﻠﻪ ﻋﻠﻴﻚ ﻫﻴﺎ ﻧﻤﺸﻮ ﻳﺪﻳﺮﻭ ﺣﻞ ﻟﺨﺪﻙ ﻣﺘﻮﺭﻡ
ﻫﺎﺟﺮ ﺷﺎﻓﺘﻠﻪ ﻭﻫﻲ ﻣﺒﺘﺴﻤﻪ : ﺣﻞ ﺯﻱ ﺷﻨﻮ ، ﻭﺿﻤﺪﻭﻩ ﻭﻭﻟﻰ ﻛﻮﻳﺲ ، ﻟﻜﻦ ﻫﺬﺍ ﺷﻦ ﺣﻠﻪ ، ﻭﺃﺷﺮﺕ ﻋﻠﻲ ﻗﻠﺒﻬﺎ : ﺧﺪﻱ ﺩﻛﺘﻮﺭ ﻳﻘﺪﺭ ﻳﺪﺍﻭﻳﻬﻮﻟﻲ ، ﺃﻣﺎ ﻗﻠﺒﻲ ﺍﻟﻲ ﻛﺴﺮﺗﻪ ﻣﺎﻳﻘﺪﺭ ﺣﺪ ﻳﺪﺍﻭﻳﻪ ، ﻭﻃﻠﻘﺖ ﻳﺪﻳﻪ ﺑﻘﻮﺓ ، ﻭﻟﻔﺖ ﻃﻠﻌﺖ ﺑﺴﺮﻋﻪ ﻣﻦ ﺍﻟﺼﺎﻟﻮﻥ ﻭﺧﺸﺖ ﻟﺪﺍﺭﻫﺎ ﻭﺳﻜﺮﺕ ﺍﻟﺒﺎﺏ
ﺃﻳﻤﻦ ﻗﻌﻤﺰ ﻭﻫﻮ ﻧﺎﺩﻡ ﻋﻠﻲ ﺩﺍﺭﻩ ، ﺑﻌﺪﻫﺎ ﻧﺎﺽ ﻃﻠﻊ ، ﺭﻛﺐ ﺳﻴﺎﺭﺗﻪ ﻭﻭﻟﻊ ﻭﺍﻣﺸﻲ
،،،،،،،،،،
ﻓﻲ ﺍﻟﺴﻴﺎﺭﺓ
ﺍﻧﻲ ﺳﺎﻛﺘﻪ ﻭﻧﺸﻮﻑ ﺟﻬﺔ ﺍﻟﺮﻭﺷﻦ
ﻭﻟﻴﺪ ﺷﺪ ﻳﺪﻱ ﺑﺎﺳﻬﺎ ﻭﺣﻄﻬﺎ ﻉ ﺍﻟﻤﺎﺭﺷﺔ ، ﺣﺮﻛﺘﻪ ﺍﻟﻤﻌﺘﺎﺩﺓ ، ﺍﻧﻲ ﺗﻠﻔﺘﺘﻠﻪ ﺍﺑﺘﺴﻤﺘﻠﻪ
ﻭﻟﻴﺪ : ﻣﺶ ﻛﺎﻥ ﺧﻠﻴﺘﻴﻨﺎ ﻗﻌﺪﻧﺎ ﻓﻲ ﺍﻟﺤﻮﺵ ﺧﻴﺮ ﺭﺍﻫﻮ ﺷﺒﻌﺖ ﻣﻨﻚ
ﺍﻧﻲ : ﻫﻬﻬﻪ ﻫﻲ ﻭﺻﻠﻨﺎ ﺗﻮﺍ ﺧﻼﺹ ، ﻭﻧﺰﻟﺖ
ﻭﻟﻴﺪ ﻧﺰﻝ ﻭﺭﺍﻱ ، ﻭﺧﺸﻴﻨﺎ ﻣﻊ ﺑﻌﺾ
ﻃﻘﻄﻘﻨﺎ ﻉ ﺍﻟﺒﺎﺏ ﻭﻓﺘﺤﻠﻨﺎ ﻋﺪﻧﺎﻥ
ﻋﺪﻧﺎﻥ : ﺍﻭﻭﻭﻭ ﺍﻫﻼ ﺍﻫﻼ ﺗﻔﻀﻠﻮﻭ ، ﺍﻧﺴﺘﻨﺎ ﻳﺎﺍﺑﻮ ﻧﺴﻴﺐ
ﻭﻟﻴﺪ ﻣﺒﺘﺴﻢ : ﺍﻟﻠﻪ ﻳﺄﻧﺴﻚ ﺷﻦ ﺍﺧﺒﺎﺭﻙ
ﻋﺪﻧﺎﻥ : ﻃﻴﺒﻴﻴﻦ ﻭﺍﻟﻠﻪ ، ﺧﺸﻲ ﻳﺎﻣﺸﻔﺸﻔﻪ ﺍﻧﺘﻲ ﺍﻟﺪﺍﺧﻞ
ﺍﻧﻲ : ﻻﻻ ﺑﻨﺨﺶ ﻣﻌﺎﻛﻢ ﻟﻠﻤﺮﺑﻮﻋﻪ
ﻭﻟﻴﺪ ﺷﺎﻓﻠﻲ
ﺍﻧﻲ ﺷﺪﻳﺖ ﺿﺤﻜﺘﻲ ، ﻭﻟﻔﻴﺖ ﻭﺧﺸﻴﺖ
ﻋﺪﻧﺎﻥ ﺑﺼﻮﺕ ﻋﺎﻟﻲ : ﻟﺴﺎﻥ ﻃﻮﻳﻞ ﻭﺑﺮﺍﺩﺓ ﻫﺪﺍ ﻫﻮ
ﺍﻧﻲ ﺗﻠﻔﺘﺘﻠﻪ : ﻫﻬﻬﻬﻬﻪ ﺑﺎﻟﻚ ﻧﺴﻴﺖ ﺣﺎﺟﺔ ﺗﺎﻧﻴﻪ
ﻋﺪﻧﺎﻥ ﺭﻓﻊ ﺣﻮﺍﺟﺒﻪ ، ﻭﻭﻟﻴﺪ ﻳﺸﻮﻓﻠﻲ ﻭﻛﺎﻥ ﻳﻠﻘﻰ ﻳﺠﺒﺪﻧﻲ ﻣﻦ ﺷﻌﺮﻱ ﻭﻳﺮﻭﺡ ﺑﻴﺎ
ﺍﻧﻲ ﺷﻔﺖ ﻟﻮﻟﻴﺪ ﻭﻭﺷﺎﺩﺓ ﺿﺤﻜﺘﻲ ﻋﻠﻴﻪ ﻛﻴﻒ ﻳﺸﻮﻓﻠﻲ ﻭﻟﻔﻴﺖ ﺧﺸﻴﺖ ﻗﻌﺪﺕ ﻧﺴﻠﻢ
ﻭﺍﻧﻲ ﻧﻘﻌﻤﺰ : ﻭﻳﻦ ﻫﺎﺍﺟﺮ
ﻋﻠﻴﺎ : ﺗﻠﻘﻴﻬﺎ ﺟﺎﻳﻪ ﻓﻲ ﺍﻟﻄﺮﻳﻖ
ﻧﻮﺍﻝ : ﺷﻦ ﺣﺎﻝ ﺭﺍﺟﻠﻲ
ﻣﺎﻣﺎ ﺷﺎﻓﺘﻠﻬﺎ ﻭﺭﺍﻓﻌﻪ ﺣﻮﺍﺟﺒﻬﺎ
ﺍﻧﻲ : ﻫﻬﻬﻬﻪ ﺣﺎﻟﻪ ﺑﺎﻫﻲ ﺍﻟﻴﻮﻡ ﻣﺎﺷﻔﺘﺎﺷﻲ ﺍﻟﺤﻖ
ﺃﻳﻪ : ﻛﺒﺮ ﻭﺳﻤﻮﻩ ﻋﻤﺮ ( ﻣﺜﻞ ﻋﻠﻲ ﺍﺳﺎﺱ ﻫﻬﻬﻪ )
ﻧﻮﺍﻝ ﺷﺒﺤﺘﻠﻬﺎ ﻭﺑﺎﺳﺘﻌﺒﺎﻁ : ﻣﻨﻮ
ﺃﻳﻪ : ﺍﻧﺨﻄﺒﺘﻲ ﻭﺑﺪﻳﺘﻲ ﺗﻘﻮﻟﻲ ﻋﻠﻴﻪ ﺣﺘﻰ ﺭﺍﺟﻠﻚ
ﺳﻤﻴﻪ : ﻫﻬﻬﻪ ﺍﻟﺤﺐ ﻳﺎﺭﻭﺣﻲ ﺧﻠﻴﻬﺎ ﺍﺣﻠﻰ ﺍﻳﺎﻡ ﺣﻴﺎﺗﻬﺎ ﺗﻮﺍ ﻭﻫﻲ ﻣﺨﻄﻮﺑﺔ
ﻧﻮﺍﻝ ﺣﺎﺟﺐ ﻓﻮﻕ ﻭﺣﺎﺟﺐ ﻟﻮﻃﻰ : ﻭﺑﺎﻫﻲ ﺍﻧﺘﻲ ﺷﻦ ﻭﺍﺟﻌﻚ
ﺃﻳﺔ ﻟﻮﺕ ﺷﻮﺍﺭﺑﻬﺎ ﻭﺗﻠﻔﺘﺖ ﻉ ﺍﻟﺠﻬﺔ ﺍﻟﺘﺎﻧﻴﻪ
ﻋﺪﻧﺎﻥ ﺑﺼﻮﺕ ﻋﺎﻟﻲ ﻭﻫﻮ ﺧﺎﺵ : ﻧﺒﻮﻭﻭﻭﻭ ﻗﻬﻮﻭﻭﻭﻭﺓ
ﻧﻮﺭﺱ ﻃﺎﻟﻌﻪ ﻣﻦ ﺍﻟﻤﻄﺒﺦ ﻭﻫﻲ ﺷﺎﺩﻩ ﺻﻔﺮﺓ ﺍﻟﻘﻬﻮﺓ : ﻏﻴﺮ ﺍﺳﻜﺖ ﺑﺲ ﺍﻫﻲ ﺍﻟﻘﻬﻮﺓ
ﻋﺪﻧﺎﻥ : ﺍﻭﻭﻭﻩ ﺍﻟﻘﻄﻮﻭﺳﺔ ﺩﺍﻳﺮﺓ ﺍﻟﻘﻬﻮﺓ
ﻧﻮﺭﺱ ﻭﻫﻲ ﻣﺎﺩﺓ ﺍﻟﻘﻬﻮﺓ : ﺑﺎﻩ ﺧﻮﺩ ﺧﻮﻭﺩ ، ﻭﻣﻌﺎﺵ ﺗﻘﻮﻟﻲ ﻗﻄﻮﻭﺳﺔ ﻣﺎﻟﻘﻴﺘﺶ ﺍﻻ ﺍﻟﻤﺨﻠﻮﻕ ﺍﻟﻲ ﻣﺎﻧﺤﺒﺎﺷﻲ
ﻋﺪﻧﺎﻥ ﻳﺎﺧﺪ ﺍﻟﻘﻬﻮﺓ ﻭﻳﻤﺲ ﻳﺪﻫﺎ ﻣﺘﻌﻤﺪ ، ﻭﻗﺮﺏ ﻣﻦ ﻭﺩﻧﻬﺎ : ﻳﺎﺣﻠﻴﻠﻲ ﻣﻦ ﻫﺎﻟﻄﺮﺭﻑ
ﻧﻮﺭﺱ ﻭﺟﻬﻬﺎ ﻭﻟﻰ ﺍﺣﻤﺮ ﻭﺟﺒﺪﺗﻬﺎ ﻳﺪﻫﺎ ﻭﻭﺧﺮﺕ
ﻋﺪﻧﺎﻥ ﻗﻌﺪ ﻳﻀﺤﻚ ، ﻏﻤﺰﻟﻬﺎ ﻭﻟﻒ ﻭﺍﻣﺸﻲ
ﻧﻮﺭﺱ ﺧﺸﺖ ﺗﺠﺮﻱ ﻗﻌﻤﺰﺕ ﻓﻲ ﺍﻟﺪﺍﺭ ﻭﻫﻲ ﻭﺟﻬﻬﺎ ﺍﺣﻤﻤﺮﺭﺭ
ﻛﻠﻨﺎ : ﺧﻴﺮﻙ
ﻧﻮﺭﺱ : ﺷﻲ
ﺑﻌﺪ ﺷﻮﻱ ﺟﻲ ﺃﻳﻤﻦ : ﺍﻟﺴﻼﻡ ﻋﻠﻴﻜﻢ ، ﻭﺷﺎﻑ ﺟﻬﺔ ﺍﻟﻤﺮﺑﻮﻋﻪ ، ﻭﺧﺶ : ﺍﻫﻼ ﺍﻫﻼ ﻛﻴﻒ ﺣﺎﻝ
ﻭﻟﻴﺪ ﻭﻗﻒ ﺳﻠﻢ ﻋﻠﻴﻪ : ﺍﻟﺤﻤﺪ ﻟﻠﻪ ﺷﻦ ﺍﻣﻮﺭﻙ ﺍﻧﺖ
ﺃﻳﻤﻦ : ﺑﺨﻴﺮ ﻭﺍﻟﻠﻪ ، ﺟﺖ ﻧﻮﺳﺔ ﻭﺍﻻ
ﻭﻟﻴﺪ ﻗﺮﻥ ﺣﻮﺍﺟﺒﻪ ﻭﻃﺎﻳﺮﺗﻠﻪ : ﺍﻳﻪ ﺍﻟﺪﺍﺧﻞ
ﺃﻳﻤﻦ : ﺧﻠﻲ ﻧﺨﺶ ﻧﺴﻠﻢ ﺣﺘﻰ ﻋﻠﻲ ﻣﺮﺕ ﺧﺎﻟﻲ ، ﻭﻃﻠﻊ
ﻭﻟﻴﺪ ﻳﻬﺰ ﺑﺮﺟﻠﻪ ( ﻣﺠﻨﻮﻥ ﻫﻬﻬﻬﻪ ﺍﻗﻨﻌﻮﻩ ﺍﻧﻪ ﺧﻮﻱ )
ﺃﻳﻤﻦ ﻳﺴﻠﻢ ﻋﻠﻴﺎ : ﻛﻴﻒ ﺍﻟﺤﺎﻝ ﻳﺎﻣﺸﻔﺸﻔﻪ ﻭﻳﻦ ﻣﻌﺎﺵ ﺗﺪﻭﺭﻱ ﻫﻜﻲ ، ﻭﻟﻴﺪ ﺍﺧﺪﺍﻙ ﻣﻨﻨﺎ ( ﻭﻃﺒﻌﺎ ﻳﺘﻜﻠﻢ ﺑﺼﻮﺕ ﻋﺎﻟﻲ ﻭﺍﺣﻨﻲ ﻓﻲ ﺍﻟﺼﺎﻟﺔ ﻗﺮﻳﺒﻪ ﻣﻦ ﺍﻟﻤﺮﺑﻮﻋﻪ ﻭ %100 ﻭﻟﻴﺪ ﺳﻤﻌﻪ ﻫﻬﻬﻪ )
ﺍﻧﻲ : ﻫﻬﻬﻪ ﺣﺘﻰ ﺍﻧﺖ ﺍﺻﻼ ﻣﻌﺎﺵ ﺗﺪﻭﺭ ، ﻭﻳﻦ ﻫﺎﺟﺮ ﺍﻣﺎﻻ
ﺃﻳﻤﻦ ﻛﺸﺮ ﻭﻧﺰﻝ ﺭﺍﺳﻪ ﻭﻣﺎﺭﺩﺵ ﻋﻠﻲ ﺳﺆﺍﻟﻲ
ﺍﻧﻲ ﺷﻔﺘﻠﻪ ﺑﺎﺍﺳﺘﻐﺮﺍﺏ ﻭﺑﺼﻮﺕ ﻭﺍﻃﻲ : ﺃﻳﻤﻦ ﻭﻳﻦ ﻫﺎﺟﺮ ؟
ﺃﻳﻤﻦ ﺣﻂ ﻳﺪﻩ ﻋﻠﻲ ﻋﻴﻮﻧﻪ ﺣﻜﻬﻢ : ﻓﻲ ﺣﻮﺵ ﺍﻫﻠﻬﺎ
ﺍﻧﻲ : ﻟﻴﺶ ﻣﺎﺗﻌﺮﻓﺶ ﺍﻧﻪ ﺍﺣﻨﻲ ﺟﺎﻳﻴﻦ ﺍﻟﻴﻮﻡ
ﺃﻳﻤﻦ : ﻻ ﻣﺎﺗﻌﺮﻓﺶ
ﺍﻧﻲ ﺷﻔﺘﻠﻪ ﺑﺘﺸﻜﻴﻚ : ﺑﺎﻩ ﻋﻼﺵ ﻣﺎﻗﻠﺘﻠﻬﺎﺵ
ﺃﻳﻤﻦ ﺳﻜﺖ ﻭﻣﺎﻳﺒﻴﺶ ﻳﺸﻮﻓﻠﻲ
ﺍﻧﻲ : ﺷﻦ ﻓﻲ
ﺃﻳﻤﻦ : ﺣﺘﻰ ﺍﻧﺘﻲ ﺗﻌﺮﻓﻲ ﻋﻼﺵ ﻣﺎﻗﻠﺘﻴﻠﻴﺶ ؟
ﺍﻧﻲ ﺷﻔﺘﻠﻪ ﺑﺎﺳﺘﻐﺮﺍﺏ ﻭﻣﺶ ﻓﺎﻫﻤﻪ : ﻋﻠﻲ ﺷﻦ ؟
ﺃﻳﻤﻦ ﺑﺼﻮﺕ ﻭﺍﻃﻲ ﻧﻮﻋﺎ ﻣﺎ : ﻫﻲ ﻣﺎﺑﺘﺶ ﺗﻘﻮﻟﻲ ﻛﺎﻥ ﺍﻧﺘﻲ ﺍﻟﻲ ﻣﻔﺮﻭﺽ ﺗﻘﻮﻟﻴﻠﻲ ، ﻣﺎﺗﺨﻠﻴﻨﻴﺶ ، ﻭﺳﻜﺖ ﻭﺷﺪ ﻋﻠﻲ ﺷﺎﺭﺑﻪ ﺍﻟﻠﻮﻃﻲ ﻭﺗﻠﻔﺖ ﻟﻠﺠﻬﺔ ﺍﻟﺘﺎﻧﻴﻪ
ﺍﻧﻲ : ﻣﺎﻓﻬﻤﺘﺶ ﻋﻠﻲ ﺷﻨﻮ ﻳﺎﺍﻳﻤﻦ ﺑﻨﻘﻮﻟﻚ ؟
ﺃﻳﻤﻦ : ﻣﺎﻋﻠﻲ ﺷﻲ ، ﻭﻟﻒ ﻭﻛﻴﻒ ﺑﻴﻄﻠﻊ
ﻋﻤﺘﻲ ﻃﻠﻌﺖ ﻣﻦ ﺍﻟﻤﻄﺒﺦ : ﺍﻳﻤﻦ ﺍﻧﺖ ﺟﻴﺖ ، ﻭﻳﻦ ﻫﺎﺟﺮ ؟
ﺃﻳﻤﻦ ﺗﻠﻔﺘﻠﻬﺎ : ﻓﻲ ﺣﻮﺵ ﺍﻫﻠﻬﺎ ﻣﺘﻐﺪﻳﺔ ﻋﻨﺪ ﺍﻣﻬﺎ
ﻋﻤﺘﻲ : ﻭﻋﻼﺵ ، ﺍﻧﻲ ﺍﻣﺲ ﻛﻠﻤﺘﻬﺎ ﻭﻗﻠﺘﻠﻬﺎ ﺍﻟﻴﻮﻡ ﺍﻟﻐﺪﻱ ﻋﻨﺪﻧﺎ ﻗﺎﻟﺖ ﺑﺎﻫﻲ ﺣﺎﺿﺮ ﻣﺎﻗﺎﻟﺘﺶ ﺑﺘﺘﻐﺪﻯ ﻋﻨﺪ ﺍﻣﻬﺎ
ﺍﻧﻲ ﺷﻔﺖ ﻷﻳﻤﻦ ﻭﻣﺴﺘﻐﺮﺑﻪ ﻣﺶ ﻓﺎﻫﻤﻪ
ﺃﻳﻤﻦ ﻭﻟﻰ ﻭﻗﻌﻤﺰ ﻋﻠﻲ ﺍﻟﺼﺎﻟﻮﻥ : ﻣﺎﻧﻨﺪﺭﻳﺶ ﻋﻠﻴﻬﺎ ﻳﺎﺍﻣﻲ ﻗﺎﻟﺖ ﺑﺘﺘﻐﺪﻯ ﻋﻨﺪ ﺍﻣﻬﺎ ﺭﻓﻌﺘﻬﺎ
ﻋﻤﺘﻲ : ﺷﻮﻭﻓﻠﻲ ﺍﻫﻨﻲ ، ﺷﻦ ﻓﻲ ﻋﻼﺵ ﻣﺎﺟﺒﺘﺶ ﻣﺮﺗﻚ ، ﻣﺎﺗﻜﻮﻧﺶ ﻣﺎﺷﻴﺔ ﺣﺮﺟﺎﺍﻧﻪ
ﺃﻳﻤﻦ ﺣﻂ ﻳﺪﻩ ﻋﻠﻲ ﺟﺒﺘﻪ ﻭﺍﺗﻜﻮﻯ ﻉ ﺍﻟﺼﺎﻟﻮﻥ : ﻋﻠﻴﺎﺍﺍﺍﺍﺍ ﺩﻳﺮﻳﻠﻲ ﻗﻬﻮﺓ
ﻋﻤﺘﻲ ﻗﻌﻤﺰﺕ ﺟﻨﺒﻪ : ﺗﻜﻠﻢ ، ﺍﻥ ﺷﺎﺀ ﺍﻟﻠﻪ ﺭﺍﻓﻌﻬﺎ ﺣﺮﺟﺎﺍﻧﻪ
ﺃﻳﻤﻦ : ﺍﺳﺘﻐﻔﺮ ﺍﻟﻠﻪ ﺍﻟﻌﻈﻴﻢ ، ﻻ ﻳﺎﺍﻣﻲ ﺗﻌﺒﺖ ﺭﻓﻌﺘﻬﺎ
ﻋﻤﺘﻲ : ﺷﻮﻓﻠﻲ ﺍﻫﻨﻲ ، ﺭﺩ ﺑﺎﻟﻚ ﺗﺰﻋﻠﻬﺎ ﻭﺍﻻ ﺗﺪﻳﺮ ﺣﺎﺟﺔ ﺗﻨﺪﻡ ﻋﻠﻴﻬﺎ ، ﻧﻌﺮﻓﻪ ﺍﻧﻲ ﺍﻟﺒﻮﺭﻱ ﺑﺘﺎﻋﻚ ﻟﻤﺎ ﻳﻨﻮﺽ ﻋﻠﻴﻚ ﺧﻠﻴﻚ ﺩﻳﻤﺎ ﻭﺳﻊ ﺑﺎﻟﻚ ، ﻭﻧﻘﺺ ﻣﻦ ﻫﺎﻻﻋﺼﺎﺏ ﺭﺍﻫﻲ ﻣﺮﺗﻚ ﺣﺎﺍﻣﻞ ﻭﺯﻳﻬﺎ ﻭﺍﻟﻠﻪ ﻣﺎﺗﻠﻘﻰ ﻣﺎﺷﺎﺀ ﺍﻟﻠﻪ ﻋﻠﻴﻬﺎ ﻋﻘﻞ ﻭﻓﻼﺣﺔ ﻭﺯﻳﻦ ، ﺍﻫﻮ ﺍﻧﻲ ﻗﻠﺘﻠﻚ ﺭﺩ ﺑﺎﻟﻚ
ﺃﻳﻤﻦ : ﺗﻲ ﺑﺎﺍﻫﻲ ﻳﺎﺃﻣﻲ
ﻋﻤﺘﻲ : ﻣﺶ ﺑﺎﻫﻲ ﻫﻜﻲ ﻭﺧﻼﺹ ، ﺍﻟﺒﻮﺭﻱ ﺑﺘﺎﻋﻚ ﻧﻘﺺ ﻣﻨﻪ
ﺃﻳﻤﻦ ﻭﻗﻒ : ﺧﻼﺹ ﻓﻬﻤﺖ ، ﻭﻃﻠﻊ ﺑﺨﻄﻮﺍﺕ ﺳﺮﻳﻌﻪ
ﻋﻤﺘﻲ ﺷﺎﻓﺘﻠﻲ : ﻭﺍﻟﻠﻪ ﻣﺎﻳﻄﻠﻊ ﺍﻻ ﻣﺰﻋﻠﻬﺎ ، ﺗﺮﺍ ﻛﻠﻤﻴﻬﺎﻟﻲ
ﺍﻧﻲ ﺷﺪﻳﺖ ﻣﻮﺑﺎﻳﻠﻲ : ﺗﻮ ﻧﺸﻮﻓﻬﺎ ، ﺣﻄﻴﺖ ﻋﻠﻲ ﺭﻗﻢ ﻫﺎﺟﺮ ﻧﺎﺩﻯ ﻧﺎﺩﻯ ﻣﺎﺭﺩﺗﺶ : ﻣﺎﺗﺮﺩﺵ ﻳﺎﻋﻤﺘﻲ ، ﻭﺍﺗﺼﻠﺖ ﻣﺮﺓ ﻭﺍﺗﻨﻴﻦ ﻭﺗﻼﺗﻪ ، ﻣﺎﺭﺩﺗﺶ
،،،،
ﺍﻣﺎ ﻫﺎﺟﺮ ﻓﻜﺎﻧﺖ ﻓﻲ ﺩﺍﺭﻫﺎﺗﺒﻜﻲ ﻟﻤﺎ ﺷﺮﻳﻦ ﺍﻟﺘﻠﻴﻔﻮﻥ ﺗﻮﻗﻌﺎﺗﻪ ﺍﻳﻤﻦ ﺩﺍﺭﺍﺗﻪ ﺻﺎﻣﺖ ﻣﻦ ﻏﻴﺮ ﻣﺎﺗﺸﻮﻑ ﻭﻟﻮﺣﺎﺗﻪ ، ﻭﺷﻮﻳﺔ ﻃﻖ ﺑﺎﺏ ﺩﺍﺭﻫﺎ
ﻫﺎﺟﺮ ﺑﺼﻮﺕ ﻋﺎﻟﻲ : ﺧﻠﻮﻭﻧﻲ ﻓﻲ ﺣﺎﻟﻲ
ﻣﺤﻤﺪ ﺧﻮﻫﺎ ﻳﺨﺒﻂ ﻉ ﺍﻟﺒﺎﺏ : ﺍﻓﺘﺤﻲ ﺍﻟﺒﺎﺍﺍﺏ ﺧﻴﺮ ﻣﺎﻧﻔﻘﻌﻪ
ﻫﺎﺟﺮ ﻧﺎﺿﺖ ﺑﻐﻴﺾ ﻓﺘﺤﺘﻠﻪ ﺍﻟﺒﺎﺏ ﻭﺧﺸﺖ ﺗﻠﻮﺣﺖ ﻉ ﺍﻟﺴﺮﻳﺮ ﻭﺍﻋﻄﺎﺗﻪ ﺑﻈﻬﺮﻫﺎ
ﻣﺤﻤﺪ ﺧﺶ ﻭﺳﻜﺮ ﺍﻟﺒﺎﺏ ﻭﻗﻌﻤﺰ ﻉ ﺍﻟﻜﺮﺳﻲ : ﻧﻮﻭﺿﻲ ﺍﺷﺒﺤﻴﻠﻲ
ﻫﺎﺟﺮ ﻣﻠﻔﺘﻪ ﻭﺟﻬﻬﺎ : ﺷﻦ ﺗﺒﻲ
ﻣﺤﻤﺪ : ﺧﻴﺮﺭﻛﻢ ، ﺷﻦ ﺻﺎﻳﺮ ﺑﻴﻨﻚ ﻭﺑﻴﻦ ﺍﻳﻤﻦ
ﻫﺎﺟﺮ : ﻣﺎﺻﺎﻳﺮ ﺷﻲ ﺍﻃﻠﻊ ﻭﺧﻠﻴﻨﻲ ﻓﻲ ﺣﺎﻟﻲ
ﻣﺤﻤﺪ : ﻗﺎﻋﺪ ﻣﺎﺳﻚ ﺍﻋﺼﺎﺑﻲ ﺍﻧﻲ ﺭﺍﻫﻮ ، ﺗﻜﻠﻤﻲ ﺷﻦ ﺩﺍﻳﺮﻟﻚ
ﻫﺎﺟﺮ : ﻗﻠﺘﻠﻚ ﻣﺎﻓﻲ ﺷﻲ ﺍﻃﻠﻊ ﻭﺧﻠﻴﻨﻲ ﻓﻲ ﺣﺎﻟﻲ
ﻣﺤﻤﺪ ﻭﻗﻒ ﺑﻌﺼﺒﻴﻪ : ﻗﻠﺖ ﺗﻜﻠﻤﻤﻤﻤﻲ ﺍﻧﻲ ، ﺩﺍﻳﺮﻟﻚ ﺣﺎﺟﺔ ﻣﺰﻋﻠﻚ ﺿﺎﺍﺍﺍﺭﺑﻚ ﺧﻠﻲ ﻧﻤﺸﻲ ﻧﻔﺸﺨﻪ ﻭﻧﺘﻔﺎﻫﻢ ﻣﻌﺎﻩ ، ﺍﻣﺎ ﻛﺎﺍﺍﻥ ﺩﻟﻠﻠﻊ ﺑﻨﺎﺍﻭﻳﺖ ﻫﺪﺍ ﺍﻟﻲ ﺗﺪﻳﺮﻱ ﻓﻴﻴﻴﻪ ﻓﻜﻴﻨﻲ ﻣﻨﻨﻪ ﺍﻳﻴﻮﻭﻭﺍﺍﻩ
ﺍﻣﻬﺎ ﺧﺸﺖ ﻣﻦ ﺻﻮﺕ ﺍﻟﻌﺎﻟﻲ : ﺧﻴﺮﻛﻢ
ﻣﺤﻤﺪ ﻳﺪﻭﺭ ﺑﻌﺼﺒﻴﻪ : ﺍﺳﺎﻟﻲ ﺍﻟﻬﺎﻧﻢ ﻫﺎﺩﻱ ﺍﻟﻲ ﻣﺎﺗﺒﻴﺶ ﺗﺘﻜﻠﻢ ﻣﺶ ﺩﺍﻳﺮﺗﻠﻨﺎ ﺣﺴﺎﺍﺏ ، ﻭﺭﺍﺍﻫﻮﻭﻭ ﺍﻧﺘﻲ ﺷﻔﺘﻪ ﺧﺪﺩﺩﻙ
ﻫﺎﺟﺮ ﻣﻠﻔﺘﻪ ﻭﺟﻬﻬﺎ ﺍﻧﺼﺪﻣﺖ
ﻣﺤﻤﺪ ﺿﺮﺑﻬﺎ ﺑﺮﺟﻠﻪ ﺑﺎﻟﺸﻮﻳﺔ ﻋﻠﻲ ﺭﺟﻠﻬﺎ : ﻧﻮﻭﺿﻲ ﺷﻮﻭﻓﻴﻠﻲ ﺍﻫﻨﻲ ، ﺿﺎﺭﺑﻚ ﻭﺍﻻ ؟
ﻫﺎﺟﺮ ﻧﺎﺿﺖ ﻗﻌﻤﺰﺕ ﻭﺑﻌﺼﺒﻴﻪ : ﺷﻦ ﺗﺒﻴﻴﻲ ﻓﻬﻤﻨﻲ ﺷﻦ ﺗﺒﻲ ﻗﻠﺘﻠﻚ ﺍﻃﻠﻠﻠﻠﻊ ﻭﺧﻠﻴﻴﻴﻴﻨﻲ ﻓﻲ ﺣﺎﺍﺍﻟﻲ ﻭﺍﻻ ﻣﺎﺍﺍﺍﺍﻧﺒﻴﺶ ﻧﻘﻮﻭﻭﻭﻝ ﺍﻧﻲ ﺑﺎﺍﺍﺍﺍﻫﻲ ﻣﺎﺍﺍﺍﺍﺍﻧﺒﻴﺶ ، ﻭﺑﺼﻮﺕ ﻋﺎﻟﻲ : ﺧﻠﻮﻭﻭﻭﻧﻲ ﻓﻲ ﺣﺎﺍﺍﺍﻟﻲ ﺟﺎﺍﺍﺍﺍﺍﻳﻪ ﻟﺤﻮﻭﻭﺵ ﺑﻮﻭﻱ ﺍﻧﻲ ﺣﺘﻰ ﺣﻮﻭﺵ ﺑﻮﻭﻭﻱ ﻣﻤﻨﻮﻉ ﻧﺠﻴﻴﻴﻴﻴﻴﻪ ، ﺍﻃﻄﻠﻠﻠﻠﻠﻌﻮﻭﻭﻭ ﻣﻦ ﻋﻠﻴﻴﺎﺍﺍﺍﺍ ﺍﻃﻠﻠﻠﻌﻮ ، ﻣﺎﻧﺒﻲ ﻧﺸﻮﻭﻭﻑ ﺣﺪﺩﺩﺩ ﺍﻃﻠﻠﻠﻠﻠﻠﻌﻮﻭﻭﻭ
ﻣﺤﻤﺪ ﻭﺍﻣﻬﺎ ﻭﺍﻗﻔﻴﻦ ﻳﺸﻮﻓﻮﻟﻬﺎ ﻣﺼﺪﻭﻣﻴﻦ
ﻫﺎﺟﺮ ﻛﺎﻧﺖ ﺗﻌﻴﻂ ﺑﺼﻮﺕ ﻋﺎﺍﻟﻲ ﻭﺗﺒﻜﻲ ، ﻛﺎﻧﺖ ﻣﻨﻬﺎﺍﺭﺓ ﺑﻜﻞ ، ﻭﺷﺎﻓﻮ ﺧﺪﻫﺎ ﻛﻴﻒ ﻣﺘﻮﺭﻡ
ﻣﺤﻤﺪ ﻟﻴﻦ ﺧﻨﻘﺎﺗﻪ ﺍﻟﻌﺒﺮﺓ ﻣﻦ ﺷﻜﻠﻬﺎ ﻛﻴﻒ ﻛﺎﻥ ، ﻭﻃﻠﻊ ﻭﻗﺮﺑﻊ ﺍﻟﺒﺎﺏ
ﺍﻣﺎ ﺍﻣﻬﺎ ﻓﻘﻌﺪﺕ ﺗﺒﻜﻲ ﻭﻗﻌﻤﺰﺕ ﻉ ﺍﻟﺴﺮﻳﺮ ﻭﻗﻌﺪﺕ ﺗﺤﺎﻭﻝ ﺗﻬﺪﻳﻬﺎ
ﻫﺎﺟﺮ ﻛﺎﻧﺖ ﺗﺒﻜﻲ ﺑﺎﺍﻧﻬﻴﺎﺭ
،،،،،،،،،،،،
ﻋﻤﺘﻲ ﻓﺘﺤﻴﺔ : ﺑﺎﺵ ﺗﺠﻴﻨﺎ ﻭﺗﻬﺪﺭﺯﻱ ﻣﺮﺓ ﻣﺮﺓ ، ﻭﻗﻌﺪﺕ ﺗﺒﻮﺱ ﻓﻲ ﻧﺴﻴﺒﺔ
ﻋﺒﻴﺮ : ﺍﻥ ﺷﺎﺀ ﺍﻟﻠﻪ ﺑﺎﺫﻥ ﺍﻟﻠﻪ ، ﻣﺶ ﻋﺎﺭﻓﻪ ﻛﻴﻒ ﻧﺸﻜﺮﺭﻛﻢ ﻭﺍﻟﻠﻪ ﻭﺍﻻ ﺷﻦ ﻧﻘﻮﻝ
ﻋﻤﺘﻲ : ﻣﺎﺩﺭﻧﺎ ﺍﻻ ﺍﻟﻮﺍﺟﺐ ﻳﺎﺑﻨﻴﺘﻲ ، ﺍﻧﺘﻲ ﻋﻴﻨﻚ ﻣﻦ ﺭﻭﺣﻚ ﻭﻣﻦ ﺑﻨﻴﺘﻚ ﻭﺗﺒﻲ ﺍﻱ ﺣﺎﺟﺔ ﻣﺎﺗﺘﺮﺩﻳﺶ ﺍﻋﺘﺒﺮﻳﻨﻲ ﺯﻱ ﺍﻣﻚ
ﻋﺒﻴﺮ : ﺍﻥ ﺷﺎﺀ ﺍﻟﻠﻪ ، ﻭﺍﻫﻨﻲ ﺷﺮﻳﻦ ﺗﻠﻴﻔﻮﻧﻬﺎ ، ﺍﻟﻘﺎﺗﻪ ﺭﻗﻢ ﻏﺮﻳﺐ ، ﺭﺩﺕ : ﺍﻟﻮ
ﺍﻟﻤﺘﺼﻞ : ﺍﻟﺴﻼﻡ ﻋﻠﻴﻜﻢ ﻫﺪﺍ ﺗﻠﻴﻔﻮﻥ ﺍﻻﺳﺘﺎﺫﺓ ﻋﺒﻴﺮ
ﻋﺒﻴﺮ ﺑﺎﺳﺘﻐﺮﺍﺏ : ﺍﻳﻮﻩ ﺗﻔﻀﻞ
ﺍﻟﻤﺘﺼﻞ : ﺍﻧﻲ ﻧﺘﺼﻞ ﻣﻦ ﻣﺴﺘﺸﻔﻰ ***** ، ﺭﻗﻤﻚ ﻣﺴﺠﻞ ﻋﻨﺪﻧﺎ ﻋﻠﻲ ﺍﻟﻤﺮﻳﻀﻪ ﻓﺎﻃﻤﺔ ****
ﻋﺒﻴﺮ : ﺍﻥ ﺷﺎﺀ ﺍﻟﻠﻪ ﺧﻴﺮ ؟
ﺍﻟﻤﺘﺼﻞ : ﻋﻈﻢ ﺍﻟﻠﻪ ﻟﻜﻢ ﺍﻵﺟﺮ ﻳﺎﺃﺧﺘﻲ ﻓﻘﺪﻧﺎ ﺍﻟﻤﺮﻳﻀﺔ ﺃﻣﺲ ﻓﻲ ﺍﻟﻠﻴﻞ ﺗﻘﺪﺭﻭ ﺗﺠﻮ ﺗﺴﺘﻠﻤﻮ ﺍﻟﺠﺜﻤﺎﻥ
ﻋﺒﻴﺮ ﻃﺎﺡ ﻣﻨﻬﺎ ﺍﻟﻤﻮﺑﺎﻳﻞ ﻭﻭﺍﻗﻔﻪ ﻣﺼﺪﻭﻣﻪ ، ﻗﻌﺪﻭ ﺩﻣﻮﻋﻬﺎ ﻳﻨﺰﻟﻮ
ﻋﻤﺘﻲ ﺧﺎﻓﺖ : ﺷﻦ ﻓﻲ ﻳﺎﺑﻨﻴﺘﻲ ﺍﻥ ﺷﺎﺀ ﺍﻟﻠﻪ ﺧﻴﺮ
ﻋﺒﻴﺮ ﻗﻌﺪﺕ ﺗﺒﻜﻲ ﻭﻗﻌﻤﺰﺕ ﻉ ﺍﻟﻜﺮﺳﻲ : ﻋﻤﺘﻲ ﻓﺎﻃﻤﺔ
ﻋﻤﺘﻲ : ﺧﻴﺮﻫﺎ
ﻋﺒﻴﺮ ﻗﻌﺪﺕ ﺗﺒﻜﻲ ﺍﻛﺜﺮ ﻭﺣﻄﺖ ﻳﺪﻳﻬﺎ ﻋﻠﻲ ﻭﺟﻬﻬﺎ
ﻋﻤﺘﻲ ﻓﻬﻤﺖ : ﺍﻧﺎ ﻟﻠﻪ ﻭﺍﻧﺎ ﺍﻟﻴﻪ ﻟﺮﺍﺟﻌﻮﻥ ، ﻃﻮﻟﻲ ﺑﺎﻟﻚ ﻳﺎﺑﻨﻴﺘﻲ ﻛﻠﻨﺎ ﻟﻴﻬﺎ ، ﺭﺑﻲ ﻳﻐﻔﺮﻟﻬﺎ ﻭﻳﺮﺣﻤﻬﺎ ، ﻭﻗﻌﺪﺕ ﺗﻬﺪﻱ ﻓﻲ ﻋﺒﻴﺮ
،،،،،،،،،،،
ﺑﺎﻟﻲ ﺍﻧﺸﻐﻞ ﺑﺼﺮﺍﺣﺔ ﻋﻠﻲ ﻫﺎﺟﺮ ﻭﺍﺿﺢ ﺍﻧﻬﺎ ﺻﺎﻳﺮﻩ ﻣﺸﻜﻠﻪ ﺑﻴﻨﻬﻢ ، ﻗﻌﺪﺕ ﻧﺮﻥ ﻧﺮﻥ ﺑﺲ ﻣﺎﻓﻴﺶ ﺭﺩ ، ﻗﺮﺭﺕ ﻧﺘﺼﻞ ﺑﺄﻣﻬﺎ : ﺍﻟﻮ
ﺍﻣﻬﺎ : ﺍﻫﻠﻴﻦ ﻳﺎﻧﺴﻴﺒﺔ
ﺍﻧﻲ : ﻛﻴﻒ ﺣﺎﻟﻚ ﻭﻛﻴﻒ ﺣﺎﻝ ﻋﻮﻳﻠﺘﻚ
ﺍﻣﻬﺎ : ﺍﻟﺤﻤﺪ ﻟﻠﻪ ﻛﻮﻳﺴﺔ ﻛﻴﻒ ﺣﺎﻟﻚ ﺍﻧﺘﻲ ﻭﺣﺎﻝ ﺍﻣﻚ ﻭﺍﺧﻮﺍﺗﻚ ﻭﺭﺍﺟﻠﻚ
ﺍﻧﻲ : ﺍﻟﺤﻤﺪ ﻟﻠﻪ ﺑﺨﻴﺮ ﻭﺍﻟﻠﻪ ﻳﺎﺧﺎﻟﺘﻲ ﺳﻌﺎﺩ ﻣﺘﺼﻠﺔ ﺍﻟﺤﻖ ﺑﻨﺴﺄﻝ ﻋﻠﻲ ﻫﺎﺟﺮ ، ﻣﺎﺣﺼﻠﺘﻬﺎﺵ ﻋﻠﻲ ﺗﻠﻴﻔﻮﻧﻬﺎ
ﺍﻣﻬﺎ : ﻫﺎﺟﺮ ﺗﻮﺍ ﻛﻴﻒ ﺭﻗﺪﺕ ، ﺷﻦ ﺑﻨﻘﻮﻟﻚ ﻳﺎﺑﻨﻴﺘﻲ ﺟﺖ ﺍﻣﺲ ﻓﻲ ﺍﻟﻠﻴﻞ ﻭﺷﻜﻠﻬﺎ ﻣﺘﻌﺎﺭﻛﺔ ﻣﻊ ﺍﻳﻤﻦ ، ﻻﺑﺖ ﺗﺤﻜﻲ ﻭﻻﺑﺖ ﺗﺮﻭﺡ ﻣﻊ ﺭﺍﺟﻠﻬﺎ ﺣﺘﻰ ﺟﺎﻫﺎ ﺍﻣﺒﻜﺮﻱ ﻣﺎﻧﻌﺮﻑ ﺣﺘﻰ ﺷﻦ ﺻﺎﺭ ﺑﻴﻨﻬﻢ
ﺍﻧﻲ : ﺍﻥ ﺷﺎﺀ ﺍﻟﻠﻪ ﺧﻴﺮ
ﻭﻫﺪﺭﺯﺕ ﻣﻊ ﺍﻣﻬﺎ ﺷﻮﻳﺔ ﻭﺳﻜﺮﺕ
ﺃﻳﻪ : ﺷﻦ ﻳﺨﺪﻡ ﺧﻄﻴﺒﻚ ﻳﺎﻧﻮﺍﻝ
ﻧﻮﺍﻝ : ﻋﻨﺪﻩ ﻣﺤﻼﺕ
ﺃﻳﻪ : ﻣﺤﻼﺕ ﻣﺶ ﺧﺪﻣﺔ ﺛﺎﺑﺘﻪ ﻳﻮﻡ ﺭﺍﺑﺢ ﻭﻳﻮﻡ ﻣﻔﻠﺲ ﻣﻔﺮﻭﺽ ﻋﻨﺪﻩ ﺧﺪﻣﺔ ﻣﻀﻤﻮﻧﻪ
ﻧﻮﺍﻝ ﻭﺑﺼﻮﺕ ﻭﺍﻃﻲ ﻓﻲ ﻭﺩﻥ ﻧﻮﺭﺱ : ﺗﻮ ﻫﺎﺩﻱ ﺍﻟﻮﺍﺣﺪ ﺷﻦ ﺑﻴﺮﺩ ﻋﻠﻴﻬﺎ
ﻧﻮﺭﺱ : ﻫﻬﻬﻬﻬﻬﻬﻬﻬﻬﻬﻬﻬﻪ
ﻧﻮﺍﻝ : ﻳﺎﻋﻨﺸﻜﻠﻚ ، ﻭﺩﺍﺭﺕ ﺭﻭﺣﻬﺎ ﺑﺮﻳﺌﺔ
ﺃﻳﻪ : ﺿﺤﻜﻴﻨﺎ ﻣﻌﺎﻙ ﻳﺎﻧﻮﺭﺱ
ﻧﻮﺭﺱ : ﻫﻬﻬﻬﻬﻬﻪ ﺗﺪﻛﺮﺕ ﻣﻮﻗﻒ ﺑﺲ ﺿﺤﻜﻨﻲ
ﺃﻳﺔ ﻟﻮﺕ ﺷﻮﺍﺭﺑﻬﺎ : ﺑﺎﺍﻫﻲ ، ﻭﻭﻳﻦ ﺑﺘﺴﻜﻨﻲ ﻳﺎﻧﻮﺍﻝ
ﻧﻮﺍﻝ ﺑﺼﻮﺕ ﻭﺍﻃﻲ : ﺍﺳﺘﻐﻔﺮ ﺍﻟﻠﻪ ﺍﻟﻌﻈﻴﻢ ﺟﺎﻳﺘﻬﺎ ﻋﻠﻴﺎ ﺍﻟﻴﻮﻡ ﻫﺎﺩﻱ ، ﺑﻴﺒﻨﻲ ﻓﻮﻕ ﻣﻦ ﺷﻘﻖ ﺧﻮﺗﻪ
ﺃﻳﺔ : ﻣﻔﺮﻭﺽ ﺣﻮﺷﻚ ﺑﺮﻭﺣﻚ
ﻧﻮﺍﻝ : ﻳﻌﻨﻲ ﻋﻠﻲ ﺍﺳﺎﺱ ﺗﻮ ﺍﻧﺘﻲ ﺣﻮﺵ ﺑﺮﻭﺣﻚ ﻣﺎﻫﻮ ﺣﺘﻰ ﺍﻧﺘﻲ ﻓﻮﻕ ﻋﻤﺘﻲ ﺗﺴﻜﻨﻲ
ﺃﻳﺔ : ﺃﻧﻲ ﺣﻤﻮﺩﻯ ﻭﻋﺪﻧﻲ ﺑﻴﺒﻨﻴﻠﻲ ﺑﺮﺍ
ﻋﻠﻴﺎ ﺷﺎﻓﺘﻠﻬﺎ ﺣﺎﺟﺐ ﻓﻮﻕ ﻭﺣﺎﺟﺐ ﻟﻮﻃﻰ ، ﻭﻗﺮﺑﺖ ﻣﻦ ﻭﺩﻥ ﻧﻮﺭﺱ ﺑﺼﻮﺕ ﻭﺍﻃﻲ : ﻣﺮﺕ ﺧﻮﻱ ﺍﻛﺒﺮ ﺑﻠﻌﻮﻃﺔ
ﻭﺗﻄﺮﺑﻖ ﻧﻮﺭﺱ ﺑﺎﻟﻀﺤﻚ : ﻫﻬﻬﻬﻬﻬﻬﻬﻬﻬﻬﻪ
ﻧﻮﺭﺱ ﺟﺎﻳﺔ ﺑﻴﻦ ﻋﻠﻴﺎ ﻭﻧﻮﺍﻝ ﻭﺍﻟﻲ ﺑﺘﻘﻮﻝ ﺣﺎﺟﺔ ﺗﺠﻲ ﻓﻲ ﻭﺩﻧﻬﺎ ﻭﺿﺤﻜﺘﻬﺎ ﺗﻔﻀﺢ ﻓﻴﻬﻢ
ﺃﻳﺔ ﻟﻮﺕ ﺷﻮﺍﺭﺑﻬﺎ ﻭﻓﺎﻫﻤﻪ ﺍﻧﻬﻢ ﻳﺘﺴﻬﻮﻛﻮ ﻋﻠﻴﻬﺎ ، ﺗﺴﺘﺎﻫﻞ
ﺳﻤﻴﻪ ﺧﺎﺷﺔ ﻟﻠﺪﺍﺭ : ﻣﻌﻠﻴﺸﻲ ﻳﺎﺑﻨﺎﺕ ﺗﻌﺎﻟﻮ ﺟﻴﺒﻮ ﺻﻔﺮ ﺍﻟﻐﺪﻱ ، ﻳﺪﻱ ﺍﻧﻲ ﻭﺍﻟﻠﻪ ﻣﺎﻧﻘﺪﺭ
ﻧﻮﺭﺱ ﻭﻧﻮﺍﻝ ﻭﻋﻠﻴﺎ ﻭﻧﺮﺟﺲ ﻭﻗﻔﻮ ﻭﺍﻣﺸﻮ ﻟﻠﻤﻄﺒﺦ
ﺣﻄﻴﻨﺎ ﺍﻟﻐﺪﻱ ﻭﺗﻐﺪﻳﻨﺎ ﻭﻛﻤﻠﻨﺎ ﻏﺪﺍﻧﺎ
ﺑﻌﺪﻫﺎ ﻧﻀﻨﺎ ﻟﻠﻤﻄﺒﺦ ﻭﻗﻌﺪﻧﺎ ﻧﻀﻤﻮ ﻓﻴﻪ ﻭﻧﺘﺴﺎﻋﺪﻭ
ﻋﺪﻧﺎﻥ ﺧﺎﺵ ﻟﻠﻤﻄﺒﺦ : ﻣﺸﻔﺸﻔﻪ ﺍﻧﺘﻲ ﺭﺍﺟﻠﻚ ﻳﺒﻴﻚ
ﺍﻧﻲ : ﺑﺎﻫﻲ ، ﻭﻃﻠﻌﺖ ﺧﺸﻴﺖ ﻟﻠﻤﺮﺑﻮﻋﻪ ، ﺍﻟﻘﻴﺘﻪ ﺑﺮﻭﺣﻪ
ﻭﻟﻴﺪ ﺍﺑﺘﺴﻤﻠﻲ : ﻫﻲ ﻧﺮﻭﺣﻮ
ﺍﻧﻲ ﻗﺮﻧﺖ ﺣﻮﺍﺟﺒﻲ : ﻟﻴﺶ ﺣﺒﻴﺒﻲ
ﻭﻟﻴﺪ : ﺳﺎﺩ ﻳﺎﺭﻭﺣﻲ ﻭﺍﻧﻲ ﻧﺒﻲ ﻧﺮﻭﺡ ﻧﺮﻗﺪ
ﺍﻧﻲ : ﺑﺲ ﺣﺒﻴﺒﻲ ﺍﻧﻲ ﻣﺰﺍﻝ ﺧﺎﻃﺮﻱ ﺑﻨﻘﻌﺪ ﻣﺎﻫﺪﺭﺯﺗﺶ ﺣﺘﻰ ﻋﻠﻲ ﻋﻤﻴﻤﻪ ﻭﻫﻲ ﺗﻮ ﺗﺰﻋﻞ ﻣﻨﻲ
ﻭﻟﻴﺪ : ﺑﺎﺍﻫﻲ ﻧﻮﻟﻴﻠﻚ ﺑﻌﺪ ﺍﻟﻌﺼﺮ
ﺍﻧﻲ : ﺑﺎﺍﻫﻲ
ﻭﻟﻴﺪ : ﺣﻘﺎ ﻋﻤﻪ ﻋﺒﻴﺮ ﺍﻡ ﺧﺎﻟﺪ
ﺍﻧﻲ ﻗﺮﻧﺖ ﺣﻮﺍﺟﺒﻲ : ﺧﻴﺮﻫﺎ
ﻭﻟﻴﺪ : ﺗﻮﻓﻘﺖ ﺍﻣﺲ ﻓﻲ ﺍﻟﻠﻴﻞ ، ﺗﻮﺍ ﺍﻣﻲ ﻗﺎﻟﺘﻠﻲ ﺍﺗﺼﻠﻮ ﺑﻌﺒﻴﺮ ، ﻭﻫﻲ ﺍﻣﺸﺖ ﻟﻠﻤﺴﺘﺸﻔﻰ ﻭﻣﺶ ﻋﺎﺭﻓﻪ ﺷﻜﻠﻬﺎ ﻛﻠﻤﺖ ﺍﻗﺎﺭﺏ ﻟﻠﻤﺮﺣﻮﻣﺔ ﻋﻠﻲ ﺍﺳﺎﺱ ﺑﺘﺪﻳﺮ ﺍﻟﻌﺰﻱ ﻓﻲ ﺷﻘﻪ ﻋﺒﻴﺮ ﻭﺟﻨﺎﺯﺗﻬﺎ ﺍﻟﻌﺼﺮ
ﺍﻧﻲ : ﻳﺎﺭﻭﺣﻲ ﺭﺑﻲ ﻳﻐﻔﺮﻟﻬﺎ ﻭﻳﺮﺣﻤﻬﺎ ، ﺣﻜﺘﻠﻲ ﻭﻓﺎﺀ ﺍﻧﻲ ﻋﻠﻲ ﻗﺼﺘﻬﺎ ﻭﺟﻌﺘﻨﻲ
ﻭﻟﻴﺪ : ﻳﻼ ﺭﺑﻲ ﻳﺮﺣﻤﻬﺎ ، ﺧﻼﺹ ﺍﻧﻲ ﻧﻤﺸﻲ ﻟﻠﺠﻨﺎﺯﺓ ﻭﺑﻌﺪﻫﺎ ﻧﻌﺰﻱ ، ﻭﻧﺠﻴﻚ
ﺍﻧﻲ : ﺑﺎﻩ ﺗﻤﺎﻡ
ﻃﻠﻊ ﻭﻟﻴﺪ ، ﻭﺍﻧﻲ ﺭﺟﻌﺖ ﻟﻠﻤﻄﺒﺦ ﺑﻨﺸﻮﻑ ﺍﻟﺒﻨﺎﺕ
