منقولة الحلقةة[24]
من ﺭﻭﺍﻳﺔ - - ->" ﺳﻨــﺪ ﺍﻷﻧﺜــﻰ ﺭﺟــﻞ "
ﺑﻌﺪ ﻳﻮﻣﻴﻦ ﻣﻦ ﺍﻟﻌﺮﺱ ﺳﺎﻓﺮﻧﺎ ﻟﺪﺑﻲ ﺷﻬﺮ ﻋﺴﻞ ﻗﻌﺪﻧﺎ ﺷﻬﺮ ﻭﻛﺎﺍﺍﻥ ﺍﺣﻠﻰ ﺷﻬﺮ ﻣﺮ ﻋﻠﻴﺎﺍ ﻛﻨﺖ ﻓﺮﺣﺎﻧﻪ ﺣﺴﻴﺖ ﺭﻭﺣﻲ ﺍﺳﻌﺪ ﻭﺣﺪﺓ ﻓﻲ ﺍﻟﺪﻧﻴﺎ ﻭﻟﻴﺪ ﻛﺎﻥ ﻣﺪﻟﻌﻨﻲ ﻭﺍﻱ ﺷﻲ ﻧﺒﻴﻪ ﻳﺪﻳﺮﻫﻮﻟﻲ ﺣﺒﻪ ﻟﻴﺎ ﻛﺎﻥ ﺍﺣﻠﻰ ﺣﺎﺟﺔ
،،،،،
ﺑﻌﺪ ﺷﻬﺮ ﻭﺻﻠﻨﺎ ﻟﻠﻤﻄﺎﺭ ﻧﺰﻟﺖ ﻣﻦ ﺍﻟﻄﻴﺎﺭﺓ ﻭﺍﻧﻲ ﻳﺪﻱ ﻓﻲ ﻳﺪ ﻭﻟﻴﺪ
ﺍﻧﻲ : ﻭﺍﺧﻴﺮﺍﺍ ﺣﺒﻴﺒﻲ ﺍﺳﺘﺎﺍﺣﺸﺖ ﻣﺎﻣﺎ ﻭﺍﺧﻮﺍﺗﻲ ﻭﺧﺎﻟﺘﻲ ﻭﺳﺎﺭﺓ ﻭﺳﺮﻭﺭ ﻭﻋﻤﺎﺩ ﻭﻫﺎﺍﺟﺮ ﻭﺍﻳﻤﻦ
ﻭﻟﻴﺪ ﺗﻠﻔﺘﻠﻲ ﻭﻫﻮ ﻗﺎﺭﻥ ﺣﻮﺍﺟﺒﻪ : ﻋﻤﺎﺩ ﻭﺍﻳﻤﻦ ؟؟ !!!!
ﺍﻧﻲ ﺍﺑﺘﺴﻤﺖ : ﺍﻳﻪ ﻭﺧﺎﺻﻪ ﺍﻳﻤﻦ
ﻭﻟﻴﺪ ﻗﺮﻥ ﺣﻮﺍﺟﺒﻪ ﺑﻐﻴﺾ ﻭﺗﻠﻔﺖ ﻟﻠﺠﻬﺔ ﺍﻟﺘﺎﻧﻴﻪ
ﺍﻧﻲ : ﻫﻬﻬﻬﻪ ﺣﺒﻴﺒﻲ ﺗﻮ ﻋﻼﺵ ﺍﻟﺤﺮﻛﺎﺕ ﻫﺎﺩﻱ
ﻭﻟﻴﺪ : ﺍﻧﺘﻲ ﺗﻌﺮﻓﻲ ﻋﻼﺵ ﺗﺤﺒﻲ ﺗﻐﻀﻴﻨﻲ ﻫﻜﻲ
ﺍﻧﻲ : ﺣﺒﻴﻴﻴﻴﺒﻲ ﺭﺍﻫﻮ ﺍﻳﻤﻦ ﺧﻮﻱ ﺑﺎﻟﺮﺿﺎﻋﻪ
ﻭﻟﻴﺪ : ﺍﻳﻪ ﻋﺎﺭﻑ ﺧﻮﻙ ﻭﻟﻮ ﻣﺶ ﺧﻮﻙ ﻛﻨﺖ ﺍﻣﺒﻜﺮﻱ ﻣﺶ ﻋﺎﺭﻑ ﺷﻦ ﺩﺭﺕ
ﺍﻧﻲ : ﻫﻬﻬﻬﻬﻪ ﺑﺎﺍﻫﻲ
ﻭﻟﻴﺪ : ﺍﺿﺤﻜﻲ ﺍﺿﺤﻜﻲ
ﺍﻧﻲ : ﻫﻬﻬﻬﻬﻪ ﻧﺤﺒﻚ ﻳﺎﻏﻴﻮﺭﻱ
ﺍﺧﺪﻳﻨﺎ ﺍﻟﺸﻨﺎﻃﻲ ﻭﻃﻠﻌﻨﺎ ﺍﻟﻘﻲ ﻧﺴﻴﺐ ﻭﻟﻴﺪ ﻳﺮﺍﺟﻲ ﻓﻴﻨﺎ
ﻋﻤﺎﺩ ﻳﺴﻠﻢ ﻋﻠﻲ ﻭﻟﻴﺪ : ﺍﻟﺤﻤﺪ ﻟﻠﻪ ﻉ ﺍﻟﺴﻼﻣﻪ ، ﻭﺗﻠﻔﺘﻠﻲ ﺍﻟﺤﻤﺪ ﻟﻠﻪ ﻉ ﺳﻼﻣﻪ ﻳﺎﻧﺴﻴﺒﺔ
ﺍﻧﻲ : ﺍﻟﻠﻪ ﻳﺴﻠﻤﻚ ﻣﺸﻜﻮﺭ
ﻛﺎﻧﺖ ﻭﻗﺘﻬﺎ ﺍﻟﺴﺎﻋﻪ 1 ﺍﻟﻈﻬﺮ
ﻭﺭﻛﺒﻨﺎ ﻟﺴﻴﺎﺭﺓ ﻋﻤﺎﺩ ﻭﺗﻮﺟﻪ ﻟﻠﺤﻮﺵ ﻭﺍﻭﻝ ﻣﺎﺧﺸﻴﻨﺎ ﻣﻦ ﺍﻟﺒﺎﺏ ﺍﻟﺨﺎﺭﺟﻲ
ﺭﺣﻤﻪ ﺗﺸﺮﺏ ﻓﻲ ﺍﻟﻘﻬﻮﺓ ﻭﺭﺟﻞ ﻉ ﺭﺟﻞ ﻭﺑﺮﻓﻌﻪ ﺣﺎﺟﺐ : ﺍﻟﺤﻤﺪ ﻟﻠﻪ ﻉ ﺍﻟﺴﻼﻣﻪ ﻳﺎﺧﻮﻱ ﺗﻮﻗﻌﻨﺎﻛﻢ ﻣﻌﺎﺵ ﺑﺘﺮﻭﺣﻮ
ﻋﻤﺎﺩ ﻳﻔﻨﺺ ﻓﻴﻬﺎ : ﺍﻟﻠﻪ ﻳﺴﻠﻤﻚ ﻳﺎﺭﺣﻤﺔ
ﺭﺣﻤﺔ ﺗﻨﻮﺽ ﻣﻦ ﻉ ﺍﻟﻜﺮﺳﻲ ﻭﺗﺠﻴﻨﻲ ﺗﻤﺪ ﻳﺪﻫﺎ ﻭﺣﺎﺟﺒﻬﺎ ﻗﺎﻋﺪ ﻣﺮﻓﻮﻉ ﻣﻊ ﺍﺑﺘﺴﺎﻣﻪ ﺻﻔﺮﺍ : ﺍﻟﺤﻤﺪ ﻟﻠﻪ ﻉ ﺍﻟﺴﻼﻣﻪ ﻳﺎﻋﺮﻭﺳﺘﻨﺎ
ﺍﻧﻲ ﺍﺑﺘﺴﻤﺖ ﻛﻤﺠﺎﻣﻠﺔ : ﺍﻟﻠﻪ ﻳﺴﻠﻤﻚ ﻛﻴﻒ ﺣﺎﻟﻜﻢ
ﺭﺣﻤﺔ : ﺍﻟﺤﻤﺪ ﻟﻠﻪ ﻛﻮﻳﺴﻴﻦ
ﻭﻟﻴﺪ : ﻭﻳﻦ ﺍﻣﻲ
ﺭﺣﻤﺔ : ﻃﻠﻌﺖ ﺍﻣﺸﺖ ﻟﺤﻮﺵ ﺍﻟﺠﻴﺮﺍﻥ
ﻭﻟﻴﺪ ﻳﺤﻂ ﺍﻟﺸﻨﺎﻃﻲ ﺟﻨﺐ ﺍﻟﺪﺭﻭﺝ ﻭﺗﻠﻔﺘﻠﻲ : ﺧﻠﻴﻨﺎ ﻧﺸﻮﻓﻮ ﺑﻮﻱ ﻭﻧﺴﻠﻤﻮ ﻋﻠﻴﻪ ﺑﻌﺪﻫﺎ ﻧﺮﻛﺒﻮ
ﺍﻧﻲ : ﺍﻭﻛﻲ ﺗﻤﺎﻡ
ﺧﺸﻴﻨﺎ ﺍﻟﺪﺍﺧﻞ ﻟﻠﺼﺎﻟﻮﻥ ﺍﻟﻘﻴﻨﺎ ﻋﻤﻲ ﻣﻘﻌﻤﺰ
ﻋﻤﻲ ﻣﺨﺘﺎﺭ : ﺍﻟﺤﻤﺪ ﻟﻠﻪ ﻉ ﺍﻟﺴﻼﻣﻪ ﺧﺸﻲ ﻳﺎﺑﻨﺘﻲ ﺧﺸﻲ
ﺍﻧﻲ ﻧﻘﺪﻡ ﺟﻴﻬﺘﻪ ﻭﺷﺪﻳﺖ ﻳﺪﻩ ﺑﺴﺘﻬﺎ : ﻛﻴﻒ ﺣﺎﻟﻚ ﻳﺎﻋﻤﻲ
ﻋﻤﻲ : ﺍﻟﺤﻤﺪ ﻟﻠﻪ ﻛﻮﻳﺲ ﺍﻥ ﺷﺎﺀ ﺍﻟﻠﻪ ﻣﺎﺗﻌﺒﺘﻮﺵ ﻓﻲ ﺍﻟﺮﺣﻠﺔ
ﺍﻧﻲ : ﻻﺍﺑﺪﺍ ﻋﺎﺩﻱ
ﻭﻟﻴﺪ : ﻛﻴﻒ ﺣﺎﻝ ﺻﺤﺘﻚ ﻳﺎﺑﻮﻱ ﺍﻥ ﺷﺎﺀ ﺍﻟﻠﻪ ﺗﺤﺲ ﻓﻲ ﺭﻭﺣﻚ ﺍﺣﺴﻦ
ﻋﻤﻲ : ﺍﻟﺤﻤﺪ ﻟﻠﻪ ﻉ ﻛﻞ ﺣﺎﻝ ﺍﻧﻲ ﻧﺤﺲ ﻓﻲ ﺍﻳﺎﻣﻲ ﻣﻌﺪﻭﺩﺓ ﻳﺎﻭﻟﻴﺪ ﺑﻤﺎ ﺃﻧﻚ ﺟﻴﺖ ﻧﺒﻲ ﻧﺪﻭﻱ ﻣﻌﺎﻙ ﻓﻲ ﻣﻮﺿﻮﻉ
ﺍﻧﻲ : ﺑﻌﺪ ﻋﻤﺮ ﻃﻮﻳﻞ ﻳﺎﻋﻤﻲ
ﻭﻟﻴﺪ : ﺑﻌﺪ ﻋﻤﺮ ﻃﻮﻳﻞ ﺧﻴﺮ ﺍﻥ ﺷﺎﺀ ﺍﻟﻠﻪ ؟
ﺍﻧﻲ : ﺍﻧﻲ ﻧﺴﺘﺎﺫﻥ ﺗﻮﺍ ﺑﻨﺮﻛﺐ
ﻋﻤﻲ : ﻣﺎﺷﻲ ﻳﺎﺑﻨﺘﻲ ﻓﻲ ﺣﻔﻆ ﺍﻟﻠﻪ
ﻭﻟﻴﺪ : ﺗﻮ ﻧﻠﺤﻘﻚ ﻭﻣﺎﺗﺮﻛﺒﻴﺶ ﺍﻟﺸﻨﺎﻃﻲ ﺧﻠﻴﻬﻢ ﺗﻮ ﻧﺮﻛﺒﻬﻢ ﺍﻧﻲ ﻭﻣﺪﻟﻲ ﻣﻔﺘﺎﺡ
ﺍﻧﻲ ﺧﺪﻳﺖ ﺍﻟﻤﻔﺘﺎﺡ : ﺍﻭﻛﻲ
ﻃﻠﻌﺖ ﺭﻛﺒﺖ ﻣﻦ ﺍﻟﺪﺭﻭﺝ ﺍﻭﻝ ﻣﺎﻭﺻﻠﺖ ﻗﺎﺑﻠﻮﻧﻲ ﺯﻭﺯ ﺷﻘﻖ ﻭﺣﺪﺓ ﻣﻦ ﺍﻟﺸﻘﻖ ﻛﺎﻥ ﻗﺪﺍﻣﻬﺎ ﺷﻮﺯ ﻓﻌﺮﻓﺖ ﺍﻥ ﺍﻟﺸﻘﻪ ﺍﻟﺘﺎﻧﻴﻪ ﺑﺘﺎﻋﻲ ﺍﻓﺘﺤﺖ ﺍﻟﺒﺎﺏ ﻭﺳﻤﻴﺖ ﺑﺴﻢ ﺍﻟﻠﻪ ﻭﺧﺸﻴﺖ ﺑﺮﺟﻠﻲ ﺍﻟﻴﻤﻴﻦ ﻻﻥ ﺍﻭﻝ ﻣﺮﺓ ﻧﺠﻲ ﻟﻠﺸﻘﻪ ﻓﺘﺤﺖ ﺍﻟﻀﻲ ﻭﺳﻜﺮﺕ ﺍﻟﺒﺎﺏ ﻭﺭﺍﻱ ﻛﺎﻥ ﻭﺍﺿﺢ ﻋﻠﻴﻬﺎ ﺷﻘﻪ ﻛﺒﻴﺮﺓ ﻗﻌﺪﺕ ﻧﺘﺠﻮﻝ ﺑﻴﻦ ﺍﻟﺪﻳﺎﺭ ﻭﻧﺤﻔﻆ ﻓﻲ ﺍﻟﺪﻳﺎﺭ ﻭﺍﺧﺮ ﺷﻲ ﻟﻘﻴﺖ ﺑﺎﺏ ﻣﺴﻜﺮ ﺍﻭﻝ ﻣﺎﺧﺸﻲ ﻉ ﺍﻟﻴﻤﻴﻦ ﺣﻤﺎﻡ ﻭﺷﻮﻱ ﻭﺗﻠﻘﻲ ﻉ ﺍﻟﻴﺴﺎﺭ ﺩﺍﺭ ﻧﻮﻡ ﻛﺎﻧﺖ ﺣﻠﻮﺓ ﻭﻛﺒﻴﺮﺓ ﻭﺍﺛﺎﺛﻬﺎ ﺭﺍﻗﻲ
ﺣﻮﻟﺖ ﻭﺷﺎﺣﻲ ﻭﺍﻟﺠﺎﻛﻴﺖ ﻗﻌﻤﺰﺕ ﻓﺘﺤﺖ ﺍﻟﺘﻠﻔﺰﻳﻮﻥ ﻭﻗﻌﺪﺕ ﻧﺮﺍﺟﻲ ﻓﻲ ﻭﻟﻴﺪ ﺍﻣﺘﻰ ﻳﺮﻛﺐ
،،،،،،
ﺍﻣﺎ ﻋﻨﺪ ﻭﻟﻴﺪ
ﻭﻟﻴﺪ : ﺍﺷﻐﻠﺘﻨﻲ ﻳﺎﺑﻮﻱ ﺷﻦ ﻓﻲ
ﻋﻤﻲ ﻣﺨﺘﺎﺭ : ﺍﻧﻲ ﻣﺶ ﻋﻨﺪﻱ ﺍﺭﺽ
ﻭﻟﻴﺪ : ﺍﻳﻪ ﺧﻴﺮﻫﺎ
ﻋﻤﻲ ﻣﺨﺘﺎﺭ : ﻧﺒﻲ ﻧﻜﺘﺒﻬﺎ ﻻﺧﻮﺍﺗﻚ
ﻭﻟﻴﺪ : ﺑﺎﻫﻲ ﻣﺎﻓﻴﺶ ﻣﺸﻜﻠﺔ ﺗﻮ ﻧﺸﻮﻑ ﻣﺤﺎﻣﻲ ﻭﻧﺘﻤﻮ ﺍﻻﻭﺭﺍﻕ
ﻋﻤﻲ ﻣﺨﺘﺎﺭ : ﺍﻧﻲ ﻳﺎﻭﻟﺪﻱ ﺣﺎﺱ ﺍﻳﺎﻣﻲ ﻣﻌﺎﺵ ﻫﻠﺒﺎ ﻛﺎﻥ ﻧﻠﻘﻰ ﺍﻟﻴﻮﻡ ﻧﺘﻤﻮ ﺍﻻﻭﺭﺍﻕ
ﻭﻟﻴﺪ : ﺭﺑﻲ ﻳﻄﻮﻝ ﻓﻲ ﻋﻤﺮﻙ ﺍﻥ ﺷﺎﺀ ﺍﻟﻠﻪ
ﻋﻤﻲ : ﻭﺻﻴﺘﻲ ﺗﺮﺩ ﺑﺎﻟﻚ ﻣﻦ ﺍﻣﻚ ﻭﺍﺧﺘﻚ ﻭﻣﺮﺗﻚ ﺣﺘﻰ ﻫﻲ ﺑﺎﻳﻦ ﻋﻠﻴﻨﺎ ﺑﻨﺖ ﻧﺎﺱ ﻣﺎﺷﺎﺀ ﺍﻟﻠﻪ ﻋﻠﻴﻬﺎ ﺣﻄﻬﺎ ﻓﻲ ﻋﻴﻮﻧﻚ ﻭﺭﺩ ﺑﺎﻟﻚ ﺗﺰﻋﻠﻬﺎ ، ﻛﺎﻥ ﺧﺎﻃﺮﻱ ﻧﺸﻮﻑ ﺍﺣﻔﺎﺩﻱ ﺑﺲ ﺑﺎﻳﻦ ﺍﻟﻌﻤﺮ ﻣﺎﻳﻠﺤﻘﻨﻴﺶ
ﻭﻟﻴﺪ : ﺭﺑﻲ ﻳﻄﻮﻝ ﻓﻲ ﻋﻤﺮﻙ ﻳﺎﺑﻮﻱ ﻭﺗﺸﻮﻑ ﺍﺣﻔﺎﺩ ﺍﺣﻔﺎﺩﻙ ﺍﻥ ﺷﺎﺀ ﺍﻟﻠﻪ ﺗﻔﺎﺋﻞ ﺧﻴﺮ
ﻋﻤﻲ ﻣﺨﺘﺎﺭ : ﺍﻥ ﺷﺎﺀ ﺍﻟﻠﻪ ، ﺧﻼﺹ ﺑﺮﺍ ﺍﻧﺖ ﺗﻮﺍ ﺍﺭﺗﺎﺡ ﺗﺎﻋﺐ ﻣﻦ ﺍﻟﺴﻔﺮ ﺍﻛﻴﺪ ﻭﺍﻟﻌﺸﻴﻪ ﺷﻮﻓﻠﻲ ﺍﻟﻤﻮﺿﻮﻉ
ﻭﻟﻴﺪ : ﺍﻥ ﺷﺎﺀ ﺍﻟﻠﻪ ﺗﺒﻲ ﺣﺎﺟﺔ ﺗﺎﻧﻴﻪ ﻳﺎﺑﻮﻱ
ﻋﻤﻲ : ﺳﻼﻣﺘﻚ
ﻭﻟﻴﺪ : ﻫﻲ ﺍﻟﺴﻼﻡ ﻋﻠﻴﻜﻢ
ﻃﻠﻊ ﻭﻟﻴﺪ ﻗﻌﺪ ﻳﺮﻛﺐ ﻓﻲ ﺍﻟﺸﻨﺎﻃﻲ ﺧﺶ ﺍﻟﻘﺎﻧﻲ ﻓﻲ ﺩﺍﺭ ﺍﻟﻨﻮﻡ
ﻭﻟﻴﺪ : ﺷﻨﻮ ﻣﺎﻗﻠﺘﻴﻠﻴﺶ ﻋﺠﺒﺎﺗﻚ ﺍﻟﺸﻘﻪ
ﺍﻧﻲ ﻭﻗﻔﺖ ﻭﺟﻴﺖ ﻗﺪﺍﻣﻪ : ﻋﺠﺒﺘﻨﻲ ﺣﻠﻮﺓ ﻫﻠﺒﺎ ﻭﺣﺘﻰ ﺍﻻﺛﺎﺙ ﺭﺍﻗﻲ ، ﺫﻭﻗﻚ ﺍﻧﺖ ﺣﺒﻴﺒﻲ ﺍﻻﺛﺎﺙ ﻏﻴﺮ ﺩﺍﺭ ﺍﻟﻨﻮﻡ ﻃﺒﻌﺎ
ﻭﻟﻴﺪ : ﺍﻳﻪ ﻛﻠﻪ ﺫﻭﻗﻲ ﺍﻫﻢ ﺷﻲ ﻋﺠﺒﺎﺗﻚ
ﺍﻧﻲ : ﻋﺠﺘﻨﻲ ﻫﻠﺒﺎ ﻫﻠﺒﺎﺍ
ﺑﻌﺪﻫﺎ ﺩﻭﺷﻨﺎ ﻭﺭﻗﺪﻧﺎ ﻭﻣﻌﺎﺵ ﻧﻨﺪﺭﻱ ﻋﻠﻲ ﺷﻲ ﻟﺤﺪ ﻣﺎﻓﻘﺖ ﺷﻔﺖ ﺍﻟﺴﺎﻋﻪ ﺍﻟﻘﻴﺘﻬﺎ 8
ﺍﻧﻲ : ﺭﻗﺪﻧﺎ ﻫﻠﺒﺎ ، ﻭﻟﻴﺪ ﻭﻟﻴﺪ ﺣﺒﻴﺒﻲ
ﻭﻟﻴﺪ : ﻫﻤﻤﻢ
ﺍﻧﻲ : ﻭﻟﻴﺪ ﺍﻟﺴﺎﻋﻪ ﺗﻤﺎﻧﻴﻪ ﻫﻴﺎ ﺣﺒﻴﺒﻲ ﻧﻮﺽ ﺑﻨﺴﻠﻤﻮ ﻋﻠﻲ ﻣﺎﻣﺘﻚ ﻭﺑﻌﺪﻫﺎ ﻧﺒﻲ ﻧﺸﻮﻑ ﻣﺎﻣﺎ
ﻭﻟﻴﺪ : ﻫﻲ ﺑﺎﺍﻫﻲ
ﻭﺗﻴﺖ ﺭﻭﺣﻲ ﻭﻗﻔﺖ ﻧﻠﺒﺲ ﻓﻲ ﻭﺷﺎﺣﻲ ﻉ ﺍﻟﻤﺮﺍﻳﻪ
ﻭﻟﻴﺪ : ﺍﻭﻭﻭﻩ ﻣﻦ ﺍﻟﺤﻠﻮﺓ ﻫﺎﺩﻱ
ﺍﻧﻲ : ﻫﻬﻬﻬﻬﻪ ﺍﻣﻢ ﻣﺶ ﻋﺎﺭﻓﻪ
ﻭﻟﻴﺪ : ﻫﻴﺎ ﺣﻠﻮﺗﻲ ﻭﻗﺖ
ﺍﻧﻲ : ﺩﻗﻴﻘﻪ ﺑﺲ ﻧﻮﺍﺳﻲ ﺍﻟﻮﺷﺎﺡ
ﻭﻟﻴﺪ : ﻣﺴﺎﻭﻱ ﻭﺍﻟﻠﻪ ﻋﺴﻞ ﻫﻴﺎ ، ﺟﺒﺘﻲ ﻫﺪﺍﻳﺎ ﺧﻮﺍﺗﻚ ﻭﺍﻣﻚ
ﺍﻧﻲ : ﺍﻳﻪ ﻫﻤﺎ ﻓﻲ ﺍﻟﻜﻴﺴﺔ ﺧﻮﺩﻫﻢ
ﻃﻠﻌﻨﺎ ﻣﻦ ﺍﻟﺸﻘﻪ ﻭﻓﻲ ﻧﻔﺲ ﺍﻟﻮﻗﺖ ﻛﺎﻧﺖ ﻭﻓﺎﺀ ﻭﻋﺒﺪ ﺍﻟﻘﺎﺩﺭ ﺭﺍﻛﺒﻴﻦ
ﻭﻓﺎﺀ : ﺍﻟﺤﻤﺪ ﻟﻠﻪ ﻉ ﺳﻼﻣﺘﻜﻢ ﻭﺳﻠﻤﺖ ﻋﻠﻴﺎ
ﺍﻧﻲ : ﺍﻟﻠﻪ ﻳﺴﻠﻤﻚ ﻛﻴﻒ ﺣﺎﻟﻜﻢ
ﻋﺒﺪ ﺍﻟﻘﺎﺩﺭ ﻳﻤﺪ ﻳﺪﻩ : ﺍﻟﺤﻤﺪ ﻟﻠﻪ ﻉ ﺍﻟﺴﻼﻣﻪ
ﺍﻧﻲ : ﺍﻟﻠﻪ ﻳﺴﻠﻤﻚ
ﺑﻌﺪ ﻣﺎﺳﻠﻤﻨﺎ ﺧﺸﻮ ﻫﻤﺎ ﻟﺸﻘﺘﻬﻢ ﻭﺍﺣﻨﻲ ﻧﺰﻟﻨﺎ ﻃﻘﻄﻘﻨﺎ ﻉ ﺍﻟﺒﺎﺏ ﻓﺘﺤﺘﻠﻨﺎ ﺭﺣﻤﺔ ﺍﻟﺒﺎﺏ ﻭﺧﺸﻴﻨﺎ ﺳﻠﻤﺖ ﻋﻠﻲ ﻋﻤﺘﻲ ﻭﻋﻠﻲ ﻣﺤﻤﻮﺩ ﺍﻟﻲ ﻛﺎﻥ ﻣﻘﻌﻤﺰ ﻣﻌﺎﻫﻢ ﻭﺑﺎﻳﻦ ﻋﻠﻴﻪ ﻣﺘﻀﺎﻳﻖ ﻭﺣﺴﻴﺖ ﻛﺎﺍﻧﻪ ﺻﺎﻳﺮ ﺣﺎﺟﺔ
ﻋﻤﺘﻲ : ﺷﻦ ﻛﻴﻒ ﻛﺎﻧﺖ ﺳﻔﺮﺗﻜﻢ ﺍﻥ ﺷﺎﺀ ﺍﻟﻠﻪ ﺍﺳﺘﻤﺘﻌﺘﻮ
ﺍﻧﻲ : ﺍﻳﻪ ﺍﻟﺤﻖ ﺳﻔﺮﺓ ﺣﻠﻮﺓ ﻭﺍﻟﺒﻼﺩ ﺣﻠﻮﺓ ﻫﻠﺒﺎ ﻣﺎﺷﺎﺀ ﺍﻟﻠﻪ ﻭﺍﺳﺘﻤﺘﻌﻨﺎ ﺍﻟﺤﻖ
ﻋﻤﺘﻲ : ﺑﺎﻩ ﺍﻟﺤﻤﺪ ﻟﻠﻪ ﺍﻥ ﺷﺎﺀ ﺍﻟﻠﻪ ﺩﻳﻤﺎ ﻓﺮﺣﺎﻧﻴﻦ ﻭﻣﺴﺘﻤﺘﻌﻴﻦ
ﺍﻧﻲ ﻧﺒﺘﺴﻢ : ﺍﻥ ﺷﺎﺀ ﺍﻟﻠﻪ ﻳﺎﺭﺏ ﺗﺴﻠﻤﻲ
ﻭﻟﻴﺪ : ﻫﻲ ﻧﻮﺳﺔ ﻧﻮﺿﻲ ﺍﻟﻮﻗﺖ ﺗﺎﺧﺮ
ﻋﻤﺘﻲ : ﺧﻴﺮﻛﻢ ﺯﻳﺪﻭ ﻛﻴﻒ ﻧﺰﻟﺘﻮ ﺍﻧﺘﻮ
ﺍﻧﻲ : ﻭﺍﻟﻠﻪ ﻳﺎﻋﻤﻴﻤﻪ ﻧﺒﻲ ﻧﻤﺸﻲ ﻧﺸﻮﻑ ﻣﺎﻣﺎ ﻭﺍﺧﻮﺍﺗﻲ ﻭﺗﻮﺍ ﺍﻟﺴﺎﻋﻪ ﺗﺴﻌﻪ
ﻋﻤﺘﻲ : ﺍﻳﻪ ﻋﻨﺪﻙ ﺣﻖ ، ﺣﻘﺎ ﺑﻨﻘﻮﻟﻚ ﻏﺪﻭﺓ ﺗﻤﺸﻲ ﻣﻌﺎﻧﺎ
ﻣﺤﻤﻮﺩ ﺑﻌﺼﺒﻴﻪ : ﺍﻣﻲ ﻗﻠﺖ ﻻ ﻳﻌﻨﻲ ﻻ ﻭﺍﻟﻠﻪ ﻣﺎﻧﻲ ﻭﺍﺧﺪﻫﺎ
ﺍﻧﻲ ﺑﺎﺍﺳﺘﻐﺮﺍﺏ : ﻭﻳﻦ ؟
ﻋﻤﺘﻲ : ﺑﻨﺨﻄﺒﻮ ﻟﻤﺤﻤﻮﺩ ﺑﻨﺖ ﻋﻤﻪ ﻣﻨﻰ ﺍﻛﻴﺪ ﺯﺑﻄﺘﻴﻬﺎ
ﺍﻧﻲ ﻛﻼﻣﻬﺎ ﻛﺎﻥ ﺻﺎﻋﻘﻪ ﻋﻠﻲ ﺭﺍﺳﻲ ﺟﺖ ﻓﻲ ﺑﺎﻟﻲ ﻧﻮﺍﻝ ﻋﻠﻲ ﻃﻮﻭﻝ ﻫﻲ ﺗﺤﺒﻪ : ﺍﻫﺎ ﺍﻳﻪ
ﻣﺤﻤﻮﺩ : ﺑﺘﻤﺸﻮ ﺑﺮﻭ ﻟﻜﻦ ﻭﺍﻟﻠﻪ ﺑﺘﺤﺸﻤﻮ ﺭﻭﺣﻜﻢ ﻭﺧﻼﺹ ﻭﺍﻟﻠﻪ ﺍﻟﺒﻨﺖ ﻣﺎﻫﻲ ﺧﺎﺷﻪ ﻋﻠﻲ ﺫﻣﺘﻲ
ﻭﻟﻴﺪ : ﺧﻼﺹ ﺍﺳﻜﺖ ﺍﻧﺖ ، ﻳﺎﺍﻣﻲ ﻣﺶ ﻗﺎﻝ ﻣﺎﻧﺒﻴﻬﺎﺵ ﻗﺪﺍﺵ ﻣﺮﺓ ﺧﻼﺹ ﺳﻜﺮﻭﻩ ﺍﻟﻤﻮﺿﻮﻉ
ﻋﻤﺘﻲ : ﺑﻮﻙ ﻫﻮ ﺍﻟﻲ ﻗﺎﻟﻲ ﺑﺮﻱ ﻏﺪﻭﺓ ﻭﻫﻮ ﺷﻜﻠﻪ ﻣﻜﻠﻢ ﻋﻤﻚ ﻭﻗﺎﻟﻪ ﺑﻨﺠﻮﻛﻢ ﺷﻦ ﺗﺒﻴﻨﻲ ﻧﺪﻳﺮ ﺍﻧﻲ ﺗﻮﺍ 50 ﺳﻨﻪ ﻣﻊ ﺑﻮﻙ ﻋﻤﺮﻱ ﻣﺎﻭﻃﻴﺘﻠﻪ ﻛﻠﻤﻪ ﻭﺍﻟﻲ ﻳﻘﻮﻟﻬﺎ ﻧﺪﻳﺮﻫﺎ
ﻭﻟﻴﺪ ﺗﻨﻬﺪ ﺑﻀﻴﻖ : ﺗﻮ ﻧﺤﺎﻭﻝ ﻧﺘﻜﻠﻢ ﻣﻌﺎﻩ ﺑﻮﻱ ﺍﻧﺘﻲ ﻣﺎﺗﻜﻠﻤﻴﻬﻤﺶ ﻭﻣﺎﺗﻤﺸﻴﺶ
ﻋﻤﺘﻲ : ﻭﺍﻟﻠﻪ ﺑﻮﻙ ﻭﻧﻌﺮﻓﻪ ﻛﺎﻥ ﻗﺎﻝ ﻛﻠﻤﺔ ﺧﻼﺹ
ﻣﺤﻤﻮﺩ ﻧﺎﺽ ﺑﻌﺼﺒﻴﻪ ﻭﻃﻠﻊ ﻭﺳﻜﺮ ﺍﻟﺒﺎﺏ ﺑﻘﻮﻭﺓ
ﺍﻧﻲ ﺍﻧﺨﻠﻌﺖ ﻭﻗﺎﻋﺪﻩ ﻣﺴﺘﻐﺮﺑﻪ ﺷﻦ ﺍﻟﻲ ﺻﺎﻳﺮ ﻭﺗﻔﻜﻴﺮﻱ ﻓﻲ ﻧﻮﺍﻝ
ﻭﻟﻴﺪ : ﻣﻌﺎﺵ ﺗﻀﻐﻄﻲ ﻋﻠﻴﻪ ﺍﻛﺜﺮ ﻳﺎﺍﻣﻲ ﻭﺗﻮ ﺍﻧﻲ ﻧﻜﻠﻢ ﺑﻮﻱ ، ﻧﻮﺳﻪ ﺗﺴﺘﻨﻴﻨﻲ ﺷﻮﻳﺔ ﻧﺸﻮﻑ ﺑﻮﻱ ﺧﻠﻲ ﻧﺤﻞ ﻫﺎﻟﻤﻮﺿﻮﻉ
ﺍﻧﻲ : ﺍﻭﻛﻲ
ﻭﻟﻴﺪ ﻃﻠﻊ ﻭﺧﺶ ﻟﺪﺍﺭ ﺑﻮﻩ : ﺍﻟﺴﻼﻡ ﻋﻠﻴﻜﻢ
ﻋﻤﻲ ﻣﺨﺘﺎﺭ : ﻭﻋﻠﻴﻜﻢ ﺍﻟﺴﻼﻡ ، ﻣﻦ ﺍﻟﻲ ﺧﺒﻂ ﺍﻟﺒﺎﺏ ﺗﻮﺍ
ﻭﻟﻴﺪ : ﺍﻫﺎ ﻣﻦ ﺍﻟﺮﻳﺢ ﺍﻧﺨﺒﻂ ﻣﺎﺩﻭﺭﺵ ، ﻳﺎﺑﻮﻱ ﺍﻧﻲ ﺟﺎﻱ ﺑﻨﺪﻭﻱ ﻣﻌﺎﻙ ﻓﻲ ﻣﻮﺿﻮﻉ
ﻋﻤﻲ : ﺧﻴﺮ ؟
ﻭﻟﻴﺪ : ﻣﺤﻤﻮﺩ ﺍﻧﺖ ﺧﺎﻃﺒﻠﻪ ﻣﻨﻰ ؟
ﻋﻤﻲ : ﺍﻱ ﺍﻧﻲ ﺧﻄﺒﺘﻬﺎ
ﻭﻟﻴﺪ : ﻟﻜﻦ ﻳﺎﺑﻮﻱ ﻣﺤﻤﻮﺩ ﻣﺎﻳﺒﻴﻬﺎﺵ ﻭﻳﺤﺴﺐ ﻓﻴﻬﺎ ﺯﻱ ﺍﺧﺘﻪ ﻭﻣﺶ ﺭﺍﺿﻲ ﻉ ﺍﻟﻤﻮﺿﻮﻉ ﻭﺣﺎﻟﻒ ﻣﺶ ﺣﻨﺎﺧﺪﻫﺎ
ﻋﻤﻲ : ﻭﺍﻟﻠﻪ ﻳﺒﻲ ﻳﻄﻴﺢ ﺑﻜﻠﻤﺘﻲ
ﻭﻟﻴﺪ : ﻣﺎﻋﺎﺵ ﺍﻟﻲ ﻳﻄﻴﺢ ﺑﻜﻠﻤﺘﻚ ﻳﺎﺑﻮﻱ ﻟﻜﻦ ﺍﻣﻮﺭ ﺯﻱ ﻫﺎﺩﻱ ﺑﺎﻟﺘﻔﺎﻫﻢ ﻭﺑﺎﻟﺮﺿﻰ ﻭﻫﻮ ﻣﺶ ﺭﺍﺿﻲ
ﻋﻤﻲ : ﻳﺮﺿﻰ ﻭﺍﻻ ﻳﻘﻌﻤﺰ ﺍﻧﻲ ﻛﻠﻤﻪ ﻭﻗﻠﺘﻬﺎ ﻭﻣﺘﻔﻖ ﻣﻊ ﻋﻤﻚ ﻣﻨﻰ ﻟﻤﺤﻤﻮﺩ ﻭﻣﺤﻤﻮﺩ ﻟﻤﻨﻰ
ﻭﻟﻴﺪ : ﻳﺎﺑﻮﻱ ﻏﻴﺮ ﺯﻳﺪ ﻓﻜﺮ ﻓﻲ ﺍﻟﻤﻮﺿﻮﻉ
ﻋﻤﻲ : ﺍﻧﻲ ﻛﻠﻤﻪ ﻭﺍﻋﻄﻴﺘﻬﺎ ﻟﺨﻮﻱ ﻭﻣﺎﻧﺘﺮﺍﺟﻌﺶ ﻋﻠﻴﻬﺎ
ﻭﻟﻴﺪ : ﺧﺬﺍ ﺍﺧﺮ ﻛﻼﻡ ﻋﻨﺪﻙ ﻳﺎﺑﻮﻱ
ﻋﻤﻲ : ﺍﺧﺮ ﻛﻼﻡ ﻭﻣﺎﻓﻴﺶ ﺑﻌﺪﻩ ﻛﻼﻡ
ﻭﻟﻴﺪ ﺗﻨﻬﺪ ﺑﻀﻴﻖ : ﺑﺎﻫﻲ ﺍﻧﻲ ﺗﻮﺍ ﺑﻨﺴﺘﺎﺫﻥ ﺑﻨﺮﻓﻊ ﻧﺴﻴﺒﺔ ﺑﺘﺸﻮﻑ ﺍﻣﻬﺎ
ﻃﻠﻊ ﻭﻟﻴﺪ ﻭﻛﺎﻥ ﻣﺘﻀﺎﻳﻖ ﻫﻠﺒﺎ ﻭﺟﺎﻧﺎ ﻓﻲ ﺍﻟﺪﺍﺭ ﻗﻌﻤﺰ ﺟﻨﺒﻲ ﻭﺣﻂ ﻳﺪﻳﻪ ﺑﻴﻦ ﺭﺍﺳﻪ
ﻋﻤﺘﻲ : ﻣﺎﺍﻗﺘﻨﻌﺶ ﻭﺍﻻ ﻗﻠﺘﻠﻚ
ﻭﻟﻴﺪ : ﻣﺶ ﻋﺎﺭﻓﻪ ﻋﻼﺵ ﺑﻮﻱ ﻫﻜﻲ ﻳﺴﻜﺮ ﻓﻲ ﺭﺍﺳﻪ ﻋﻠﻲ ﺣﺎﺟﺎﺕ ﺯﻱ ﻫﺎﺩﻱ ﻣﺶ ﺑﺎﻟﻐﺼﺐ ﻫﻲ
ﺭﺣﻤﺔ : ﺣﺘﻰ ﺍﻧﺖ ﻛﻨﺖ ﺣﺘﺎﺧﺪ ﻋﻮﺍﻃﻒ ﻏﻴﺮ ﻣﺶ ﻋﺎﺭﻑ ﺑﻮﻱ ﻫﺪﺍﻛﺎ ﺍﻟﻴﻮﻡ ﻛﻴﻒ ﺟﺎﻩ ﻭﻭﺍﻓﻖ
ﺍﻧﻲ ﺷﻔﺘﻠﻬﺎ ﺑﺼﺪﻣﻪ
ﻭﻟﻴﺪ ﻳﻔﻨﺺ ﻓﻴﻬﺎ : ﺭﺣﻤﺔ ﺗﻌﺮﻓﻲ ﺍﻥ ﺳﻜﺎﺗﻚ ﺍﻓﻀﻞ
ﺭﺣﻤﺔ : ﻫﺎ ﺳﻜﺘﺖ ﻟﻜﻦ ﻫﺬﺍ ﺍﻟﻮﺍﻗﻊ ﻭﺍﻟﻲ ﺻﺎﺭ
ﻋﻤﺘﻲ : ﺧﻼﺹ ﻫﺪﺍﻛﺎ ﻣﻮﺿﻮﻉ ﻭﻭﻓﺎﺕ
ﺍﻧﻲ ﺷﻔﺖ ﻟﻮﻟﻴﺪ ﺷﺒﺤﻪ ﺍﺳﺘﻐﺮﺍﺏ ﻭﻣﺶ ﻓﺎﻫﻤﻪ ﺷﻲ
ﻭﻟﻴﺪ : ﻫﻲ ﺧﻠﻴﻨﺎ ﻧﻤﺸﻮ ﻗﺒﻞ ﻻﻳﺘﺎﺧﺮ ﺍﻟﻮﻗﺖ
ﺍﻧﻲ : ﻟﻮ ﻣﺎﺗﻘﺪﺭﺵ ﻣﺶ ﻻﺯﻡ ﺍﻟﻴﻮﻡ ﻋﺎﺩﻱ ﺣﺘﻰ ﻏﺪﻭﺓ
ﻭﻟﻴﺪ : ﻻﻻ ﻣﺶ ﻣﺸﻜﻠﺔ ﻫﻴﺎ
ﺍﻧﻲ : ﻣﺎﺷﻲ ﻫﻲ ﺗﺼﺒﺤﻮ ﻉ ﺧﻴﺮ
ﻋﻤﺘﻲ : ﻭﺍﻧﺘﻲ ﺑﺨﻴﺮ ﺳﻠﻤﻲ ﻋﻠﻴﻬﺎ ﺍﻣﻚ
ﺍﻧﻲ : ﻳﻮﺻﻞ
ﻃﻠﻌﻨﺎ ﺭﻛﺒﻨﺎ ﺍﻟﺴﻴﺎﺭﺓ ﻭﻛﺎﻥ ﻭﻟﻴﺪ ﺳﺎﻛﺖ ﻭﻣﺘﻀﺎﻳﻖ
ﺍﻧﻲ : ﺣﺒﻴﺒﻲ
ﻭﻟﻴﺪ : ﻧﻌﻢ
ﺍﻧﻲ : ﻣﺎﻓﻬﻤﺘﺶ ﺍﻧﻲ ﻋﻼﺵ ﺑﻮﻙ ﻣﺼﺮ ﺍﻧﻪ ﻣﺤﻤﻮﺩ ﻳﺘﺰﻭﺝ ﺑﻨﺖ ﻋﻤﻚ
ﻭﻟﻴﺪ : ﻫﺬﺍ ﺑﻮﻱ ﺧﺎﻃﺐ ﻟﻤﺤﻤﻮﺩ ﻣﻨﻰ ﻣﻦ ﻋﻤﻲ ﻣﻦ ﻟﻤﺎ ﻫﻮ ﺻﻐﻴﺮ ﻳﻌﻨﻲ ﻋﻨﺪﻧﺎ ﺷﺒﻪ ﻛﻞ ﻭﻻﺩ ﻋﻤﻲ ﻫﻜﻲ ﺗﺰﻭﺟﻮ ﺑﺎﻟﻄﺮﻳﻘﻪ ﻫﺎﺩﻱ ﻣﻦ ﻟﻤﺎ ﺻﻐﻴﺮ ﻳﺤﺠﺰﻭﻟﻪ ﻭﺣﺪﺓ ﻣﻦ ﺍﻟﻌﻴﻠﻪ ﺗﻜﻮﻥ ﻗﺮﻳﺒﻪ ﻣﻦ ﺳﻨﻪ
ﺍﻧﻲ : ﻣﻌﻘﻮﻟﺔ ، ﻳﻌﻨﻲ ﻗﺼﺪﻙ ﺍﻧﺖ ﻛﺎﻧﻮ ﺣﺎﺟﺰﻳﻠﻚ ﻋﻮﺍﻃﻒ
ﻭﻟﻴﺪ : ﻋﻮﺍﻃﻒ ﻫﺎﺩﻱ ﺑﻨﺖ ﺧﺎﻟﺘﻲ ﻭﻫﻲ ﻣﺤﺠﻮﺯﺓ ﻟﻮﻟﺪ ﻋﻤﻬﺎ ﻓﻲ ﺍﻻﺳﺎﺱ ﺑﺲ ﻗﺎﻋﺪ ﻣﺶ ﻭﺍﺗﻲ ﻭﻛﺎﻧﻮ ﻳﺒﻮﻧﻲ ﺍﻧﻲ ﻧﺎﺧﺪﻫﺎ
ﺍﻧﻲ : ﻛﻴﻒ ﺗﺠﻲ ﻫﺎﺩﻱ
ﻭﻟﻴﺪ : ﻣﺎﻫﻮ ﻋﻤﺮﻫﺎ ﻭﻟﻰ 25 ﻳﻌﻨﻲ ﻛﺒﺮﺕ ﻭﺍﻟﻮﺍﺿﺢ ﺍﻧﻪ ﻭﻟﺪ ﻋﻤﻬﺎ ﻣﺎﻳﺒﻴﺶ ﻳﻮﺗﻲ ﺭﻭﺣﻪ ﺷﻜﻠﻪ ﻣﺎﻳﺒﻴﻬﺎﺵ
ﺍﻧﻲ : ﻣﺶ ﻣﻌﻘﻮﻟﺔ ﻗﺼﺪﻱ ﻛﻴﻒ ﻳﻔﻜﺮﻭ ﻫﻜﻲ ﻳﻌﻨﻲ ﻫﻲ ﻗﺎﻋﺪﻩ ﻣﺶ ﻛﺒﻴﺮﺓ ﻫﻠﺒﺎ ﻫﻲ
ﻭﻟﻴﺪ : ﻫﻤﺎ ﻫﻜﻲ ﺗﻔﻜﻴﺮﻫﻢ ﻣﻦ ﺟﺪﻭﺩ ﺟﺪﻭﺩﻧﺎ
ﺍﻧﻲ : ﻭﺍﻧﺘﻲ ﻛﻴﻒ ﻗﺪﺭﺕ ﺗﻘﻨﻌﻬﻢ ﺍﻧﻚ ﺗﺎﺧﺪﻧﻲ
ﻭﻟﻴﺪ : ﻭﺍﻟﻠﻪ ﻣﺎﻧﻌﺮﻓﺶ ﺗﻘﺪﺭﻱ ﺗﻘﻮﻟﻲ ﺣﺎﻟﻔﻨﻲ ﺍﻟﺤﻆ ﻫﺪﺍﻛﺎ ﺍﻟﻴﻮﻡ
ﺍﻧﻲ : ﻫﻬﻬﻬﻬﻪ ، ﺑﺲ ﺣﺒﻴﺒﻲ ﻣﺤﻤﻮﺩ ﺣﺴﻴﺘﻪ ﻣﺘﻀﺎﻳﻖ ﻫﻠﺒﺎ ﻣﻦ ﺍﻟﻤﻮﺿﻮﻉ ﻭﻣﻌﺎﻧﺪ ﺑﺸﺪﺓ ﻳﻌﻨﻲ ﻣﺶ ﺣﻴﺮﺿﻰ ﺗﻮﻗﻊ ﻳﺪﻳﺮ ﺍﻱ ﺷﻲ ﻭﻻﻳﺎﺧﺪﻫﺎ
ﻭﻟﻴﺪ : ﻳﺴﺘﺮ ﺍﻟﻠﻪ ﻫﺬﺍ ﺍﻟﻲ ﺧﺎﻳﻒ ﻣﻨﻪ ﻣﺤﻤﻮﺩ ﻋﻨﻴﺪ ﺑﻜﻞ ﺍﺣﺮﻑ ﻣﻦ ﺑﻮﻱ
ﺍﻧﻲ : ﺍﻥ ﺷﺎﺀ ﺍﻟﻠﻪ ﻋﻤﻲ ﻳﻘﺘﻨﻊ ﺍﺧﻲ ﻳﺎﺧﺪ ﺑﺎﻟﻐﺼﺐ ﻣﺶ ﺣﻴﻌﻴﺶ ﺳﻌﻴﺪ
ﻭﻟﻴﺪ : ﺑﻮﻱ ﻣﺶ ﺑﺎﻳﻦ ﺍﻧﻪ ﺣﻴﻘﺘﻨﻊ ﺑﻜﻞ ﻣﺴﻜﺮ ﺭﺍﺳﻪ ﻭﺧﺎﺻﻪ ﻛﺎﻥ ﺍﻋﻄﻲ ﻛﻠﻤﻪ ﻟﺨﻮﺗﻪ ﻣﺴﺘﺤﻴﻞ ﻳﺘﻨﺎﺯﻝ ﻋﻠﻴﻬﺎ ، ﺷﻮﻓﻲ ﺣﺘﻰ ﻋﺒﺪ ﺍﻟﻘﺎﺩﺭ ﺗﺰﻭﺝ ﺑﻨﻔﺲ ﺍﻟﻄﺮﻳﻘﻪ ﻟﻜﻦ ﻋﺒﺪ ﺍﻟﻘﺎﺩﺭ ﻣﺎﺗﻜﻠﻤﺶ ﺧﻄﺒﻮﻟﻪ ﻭﺗﺰﻭﺝ ﻭﺧﻼﺹ
ﺍﻧﻲ : ﺑﺲ ﻭﻓﺎﺀ ﻭﺍﺿﺢ ﻋﻠﻴﻬﺎ ﻛﻮﻳﺴﺔ ﻭﻫﻮ ﻛﻮﻳﺲ ﻭﻣﺎﺩﺍﻡ ﺍﻟﺰﻭﺯ ﻣﻮﺍﻓﻘﻴﻦ ﻳﻘﺪﺭﻭ ﻳﻌﻴﺸﻮ ﻣﻊ ﺑﻌﺾ
ﺍﺳﺘﻤﺮ ﺍﻟﺤﺪﻳﺚ ﺑﻴﻨﺎﺗﻨﺎ ﻋﻠﻲ ﻧﻔﺲ ﺍﻟﻤﻮﺿﻮﻉ ﻭﻭﻟﻴﺪ ﻣﺘﻀﺎﻳﻖ ﻟﺤﺪ ﻣﺎﻭﺻﻠﻨﺎ ﻟﺤﻮﺷﻨﺎ ﻧﺰﻟﺖ ﻣﻦ ﺍﻟﺴﻴﺎﺭﺓ ﻭﺷﺮﻳﻨﺖ ﻣﻦ ﺍﻟﺒﺎﺏ ﺍﻟﺨﺎﺭﺟﻲ
ﻧﺮﺟﺲ : ﻣﻨﻮ
ﻭﻟﻴﺪ ﻳﺤﺎﻭﻝ ﻳﻐﻴﺮ ﺻﻮﺗﻪ : ﺍﻓﺘﺤﻲ ﺍﻧﻲ
ﻧﺮﺟﺲ : ﻣﻨﻮ ﺍﻧﺖ
ﻭﻟﻴﺪ : ﺍﻳﻤﻦ
ﺍﻧﻲ ﺷﺎﺩﻩ ﺿﺤﻜﺘﻲ ﻛﺬﺑﻪ ﻣﺎﺗﺘﺼﺪﻗﺶ ﺑﻜﻞ
ﻓﺘﺤﺖ ﺍﻟﺒﺎﺏ ﻧﺮﺟﺲ ﻭﺧﺸﻴﻨﺎ ﻟﻠﺠﻨﺎﻥ ﻭﻗﻔﺖ ﻗﺪﺍﻡ ﺍﻟﺒﺎﺏ ﺍﻟﺪﺧﻼﻧﻲ
ﻧﺮﺟﺲ ﻓﺘﺤﺖ ﺍﻟﺒﺎﺏ : ﻧﻮﻭﻭﻭﻭﻭﻭﻭﻭﺳﻪ ﻭﺍﺿﺒﻄﺘﻨﻲ
ﺍﻧﻲ : ﺍﺳﺘﺎﺍﺍﺍﺣﺸﺘﻜﻤﻤﻢ
ﻧﺮﺟﺲ : ﺍﻟﺤﻤﺪ ﻟﻠﻪ ﻉ ﺍﻟﺴﻼﻣﻪ ﺣﺘﻰ ﺍﺣﻨﻲ ﺍﺳﺘﺎﺣﺸﻨﺎﻙ ﻫﻠﺒﺎ ﻋﻄﻠﺘﻲ
ﺍﻧﻲ : ﻫﻬﻬﻬﻬﻪ ﺷﻦ ﺍﺧﺒﺎﺭﻛﻢ ، ﻭﺳﺎﻣﻨﻪ ﻳﺎﻓﺮﺧﻪ
ﻧﺮﺟﺲ : ﻣﺎﻛﻠﺔ ﻭﺭﺍﺣﺔ ﺷﻨﻮ ﻧﺪﻳﺮ ، ﻭﺗﻠﻔﺘﺖ ﻟﻮﻟﻴﺪ ﻭﻣﺪﺗﻠﻪ ﻳﺪﻫﺎ ﺍﻟﺤﻤﺪ ﻟﻠﻪ ﻉ ﺍﻟﺴﻼﻣﻪ ﻭﻟﻴﺪ
ﻭﻟﻴﺪ : ﺍﻟﻠﻪ ﻳﺴﻠﻤﻚ
ﺧﺸﻴﻨﺎ ﺍﻟﺪﺍﺧﻞ
ﻧﺮﺟﺲ : ﻣﺎﺍﺍﻣﺎﺍﺍ ﺗﻌﺎﺍﻟﻲ ﻧﻮﻭﺳﺔ ﺟﺖ
ﻣﺎﻣﺎ ﻃﻠﻌﺖ ﺗﺠﺮﻱ ﻣﻦ ﺍﻟﻤﻄﺒﺦ : ﻧﻮﻭﺳﺔ ﺟﻴﺘﻲ ﺍﻟﺤﻤﺪ ﻟﻠﻪ ﻉ ﺍﻟﺴﻼﻣﻪ ﻭﺍﺿﺒﻄﺘﻨﻲ ﻭﻗﻌﺪﺕ ﺗﺒﻜﻲ
ﺍﻧﻲ : ﻣﺎﻣﺎ ﺧﻼﺹ ﻋﻼﺵ ﺗﺒﻜﻲ ﺍﻧﻲ ﺍﻫﻨﻲ
ﻧﻮﺭﺱ ﻭﻧﻮﺍﻝ ﻳﺠﺮﻭ ﻓﻲ ﺍﻟﺪﺭﻭﻭﺝ ﻭﻳﺠﻮ ﻃﺎﻳﺤﻴﻦ ﻫﻤﺎ ﺍﻟﺰﻭﺯ
ﺍﻧﻲ : ﻫﻬﻬﻬﻬﻬﻬﻬﻪ ﺑﺎﻟﺸﻮﻳﺔ ﺑﺲ
ﻣﺎﻣﺎ : ﺍﻟﻌﻘﻞ ﺍﻟﻌﻘﻞ
ﺳﻠﻤﺖ ﻋﻠﻴﻬﻢ ﻫﻤﺎ ﺍﻟﺰﻭﺯ ﻭﺳﻠﻤﻮ ﻋﻠﻲ ﻭﻟﻴﺪ ﻭﻗﻌﻤﺰﻧﺎ ﻓﻲ ﺍﻟﺼﺎﻟﺔ
ﻭﻟﻴﺪ : ﻛﻴﻒ ﺣﺎﻟﻚ ﻭﺣﺎﻝ ﺻﺤﺘﻚ
ﻣﺎﻣﺎ : ﺍﻟﺤﻤﺪ ﻟﻠﻪ ﻓﻲ ﻧﻌﻤﻪ ﻛﻴﻒ ﺣﺎﻝ ﺍﻣﻚ ﻭﺑﻮﻙ ﻭﺧﻮﺗﻚ ﻛﻠﻬﻢ
ﻭﻟﻴﺪ : ﺍﻟﺤﻤﺪ ﻟﻠﻪ ﺑﺎﺭﻙ ﺍﻟﻠﻪ ﻓﻴﻚ
ﺍﻧﻲ : ﻣﺎﻣﺎ ﻋﻤﻴﻤﻪ ﺗﺴﻠﻢ ﻋﻠﻴﻚ ﺣﻘﺎ
ﻣﺎﻣﺎ : ﺳﻠﻤﻬﺎ ﻭﺳﻠﻢ ﻣﻦ ﺟﺎﺏ ﺳﻼﻣﻬﺎ، ﺷﻨﻲ ﻛﻴﻒ ﻛﺎﻧﺖ ﺳﻔﺮﺗﻜﻢ
ﺍﻧﻲ : ﺣﻠﻮﺓ ﻫﻠﺒﺎ
ﻣﺎﻣﺎ : ﺍﻥ ﺷﺎﺀ ﺍﻟﻠﻪ ﻣﺎﺗﻌﺒﺎﺗﻜﺶ ﺑﺲ ﻳﺎﻭﻟﻴﺪ
ﻭﻟﻴﺪ : ﻫﻬﻬﻪ ﻫﻮ ﻣﻦ ﻧﺎﺣﻴﺔ ﺗﻌﺒﺘﻨﻲ ﺍﻳﻪ ﺍﻻﺳﺒﻮﻉ ﺍﻻﺧﻴﺮ ﻛﻞ ﻳﻮﻡ ﺗﺒﻜﻲ ﻭﻗﻌﺪ ﻳﻘﻠﺪ ﻓﻲ ﺻﻮﺗﻲ ( ﺍﺳﺘﺎﺣﺸﺖ ﻣﺎﻣﺎ ﻭﺧﻮﺍﺗﻲ ﻧﺒﻲ ﻣﺎﻣﺎ ﺍﺭﻓﻌﻨﻲ ﻟﻤﺎﻣﺎ )
ﻛﻠﻬﻢ : ﻫﻬﻬﻬﻬﻬﻬﻬﻪ
ﺍﻧﻲ ﻧﺨﺼﺘﻪ ﺑﻤﺮﻓﻖ ﻳﺪﻱ ﻭﻗﻠﺖ ﻟﻤﺎﻣﺎ : ﺗﻮ ﺍﻧﺘﻲ ﻳﺎﻣﺎﻣﺎ ﻣﻔﺮﻭﺽ ﺗﺴﺎﻟﻴﻨﻲ ﺍﻧﻲ ﺯﻋﻠﻚ ﺗﻌﺒﻚ ﻧﻘﺺ ﻋﻠﻴﻚ ﺣﺎﺟﺔ ﺍﻧﻲ ﺑﻨﺘﻚ
ﻣﺎﻣﺎ : ﻻﻻ ﻋﺎﺭﻓﺎﺗﻪ ﻭﻟﻴﺪ ﺣﺎﻃﻚ ﻓﻲ ﻋﻴﻮﻧﻪ ﻣﺎﻳﻨﻘﺺ ﻋﻠﻴﻚ ﺷﻲ
ﻭﻟﻴﺪ ﺷﺎﻓﻠﻲ ﺷﺒﺤﺔ ﺍﻧﺘﺼﺎﺭ
ﻭﻗﻌﺪﻧﺎ ﻧﻬﺪﺭﺯﻭ ﺑﻌﺪﻫﺎ ﻧﺎﺿﺖ ﻧﻮﺍﻝ ﻟﻠﻤﻄﺒﺦ ﻧﻀﺖ ﻭﺭﺍﻫﺎ
ﺍﻧﻲ : ﺑﺲ ﺍﺳﻤﻌﻲ
ﻧﻮﺍﻝ : ﺑﺴﻢ ﺍﻟﻠﻪ ﺍﻟﺮﺣﻤﻦ ﺍﻟﺮﺣﻴﻢ ﺧﻠﻌﺘﻴﻨﻲ ﺧﻴﺮﻙ
ﺍﻧﻲ : ﻗﻮﻟﻴﻠﻲ ﻗﺎﻋﺪﻩ ﺗﻜﻠﻤﻲ ﻓﻴﻪ ﻣﺤﻤﻮﺩ
ﻧﻮﺍﻝ : ﻋﻼﺵ
ﺍﻧﻲ : ﻏﻴﺮ ﺟﺎﻭﺑﻲ
ﻧﻮﺍﻝ : ﻧﻜﻠﻢ ﻓﻴﻪ ﺍﻳﻪ ﻟﻜﻦ ﻣﺶ ﻫﻠﺒﺎ ﻭﺗﻨﻬﺪﺕ ، ﻣﺶ ﻋﺎﺭﻓﻪ ﺧﻴﺮﻩ
ﺍﻧﻲ : ﻛﻴﻒ ﻳﻌﻨﻲ ؟
ﻧﻮﺍﻝ : ﻳﺴﺎﻝ ﻛﻞ ﻳﻮﻡ ﺑﺲ ﻛﻴﻒ ﺣﺎﻟﻚ ﻭﻗﺺ ﻟﻮ ﻛﺎﻥ ﻃﻮﻟﺖ ﺍﻟﺪﻭﺓ ﺑﻌﺪ ﻛﻴﻒ ﺣﺎﻟﻚ ﻣﻌﺎﺵ ﻳﺮﺩ ﻋﻠﻴﺎ ﻭﻣﺮﺓ ﻓﻲ ﺍﻻﺳﺒﻮﻋﻴﻦ ﻳﺘﺼﻞ ﻧﻘﻌﺪ ﺍﻧﻲ ﻧﺪﻭﻱ ﻭﻫﻮ ﺳﺎﻛﺖ ﻧﻘﻮﻟﻪ ﺧﻴﺮﻙ ﻳﻘﻮﻟﻲ ﺷﻲ ﺗﻌﺮﻓﻲ ﻣﺮﺍﺕ ﺑﺎﻟﺴﺎﻋﻪ ﻳﻘﻌﺪ ﻉ ﺍﻟﺨﻂ ﻭﻟﻤﺎ ﻧﺴﻜﺖ ﻳﻘﻮﻟﻲ ﺍﺩﻭﻱ ﻣﺶ ﻓﺎﻫﻤﻪ ﺷﻦ ﻧﻬﺎﻳﻪ ﺗﺼﺮﻓﺎﺗﻪ ، ﺗﻌﺮﻓﻲ ﻗﺪﺍﺵ ﻣﺮﺓ ﻧﻄﻠﻊ ﻧﻠﻘﻰ ﻓﻲ ﺳﻴﺎﺭﺗﻪ ﻣﺪﺭﺳﺔ ﻗﺪﺍﻡ ﺍﻟﺤﻮﺍﺯﺓ ﻭﻧﺪﻳﺮ ﻓﻲ ﺭﻭﺣﻲ ﻣﺎﺍﻧﺘﺒﻬﺘﺶ ﻭﻫﻮ ﻣﺎﻳﺠﻴﺒﺶ ﻓﻲ ﺳﻴﺮﺓ ﺍﻟﻤﻮﺿﻮﻉ ﻣﺎﻋﺮﻓﺘﺶ ﻳﺤﺒﻨﻲ ﻣﺎﻳﺤﺒﻨﻴﺶ ﻳﺒﻴﻨﻲ ﺻﺪﻳﻘﻪ ﺍﺧﺖ ﺷﻦ ﺑﺎﻟﻨﺴﺒﻪ ﻟﻴﻪ ﻣﺶ ﻓﺎﻫﻤﺔ
ﺍﻧﻲ ﺯﺩﺕ ﺗﻀﺎﻳﻘﺖ ﻣﻦ ﻛﻼﻡ ﻧﻮﺍﻝ ﻭﺍﻻﺳﺘﻨﺘﺎﺝ ﺍﻟﻮﺣﻴﺪ ﺍﻟﻲ ﺍﺳﺘﻨﺘﺠﻪ ﺑﺎﺍﺣﺘﻤﺎﻝ ﺍﻧﻪ ﻳﻜﻮﻥ ﻳﺤﺒﻬﺎ ﺑﺲ ﻳﺪﻳﺮ ﻫﻜﻲ ﺑﻴﺶ ﻣﺎﻳﺨﻠﻴﻬﺎﺵ ﺗﺘﻌﻠﻖ ﺑﻴﻪ
ﻧﻮﺍﻝ : ﻣﺶ ﻧﻔﺴﻪ ﻣﺤﻤﻮﺩ ﺍﻟﻲ ﺍﻭﻝ ﻣﺎﻋﺮﻓﺘﻪ ﺩﻳﻤﺎ ﻳﺘﺴﻬﻮﻙ ﻋﻠﻴﺎ ﺗﻮﺍ ﺣﺴﻴﺘﻪ ﺩﻳﻤﺎ ﺣﺰﻳﻦ ﻭﻣﺘﻀﺎﻳﻖ ﻭﻓﻲ ﺣﺎﺟﺔ ﺩﺍﺳﻬﺎ ﺑﺲ ﺷﻦ ﻫﻲ ﻣﺎﻧﻌﺮﻓﺶ ، ﻗﻮﻟﻴﻠﻲ ﻛﻴﻒ ﻧﺘﺼﺮﻑ ﻣﺎﻋﺮﻓﺘﺶ ﺷﻦ ﻧﺪﻳﺮ ﻣﺎﻧﻘﺪﺭﺵ ﻧﺠﻲ ﻧﻘﻮﻟﻪ ﺧﻴﺮﻙ ﻫﻜﻲ ﺗﺒﺎﻋﺪ ﻣﻦ ﻋﻠﻴﺎ ﻧﺨﺎﻑ ﻳﻔﻬﻤﻨﻲ ﻏﻠﻂ ﻭﻣﺶ ﻗﺎﺩﺭﺓ ﻧﺘﻘﺮﺏ ﻣﻨﻪ ﺍﻛﺜﺮ ﻻﻥ ﻣﺎﻧﺒﻴﺶ ﻧﻜﻮﻥ ﺑﺼﻮﺭﺓ ﺍﻟﻲ ﺗﺠﺮﻱ ﻭﺭﺍﻩ
ﺍﻧﻲ : ﻣﻦ ﺭﺍﻳﻲ ﺍﻧﻚ ﺗﺒﺎﻋﺪﻱ ﻋﻠﻴﻪ ﻭﺗﻘﻠﻠﻲ ﺗﻔﻜﻴﺮﻙ ﺑﻴﻪ ﺍﻗﻞ ﺍﻟﻢ ﺑﺎﻟﻨﺴﺒﻪ ﻟﻴﻚ ﻭﺑﺮﺃﻳﻲ ﺣﺮﻛﺎﺗﻪ ﻣﺘﻌﻤﺪﻩ ﻣﺎﻳﺒﻴﻜﺶ ﺗﺘﻌﻠﻘﻲ ﺑﻴﻪ ﻣﻤﻜﻦ ﺣﺲ ﺍﻧﻚ ﻓﻲ ﺷﻲ ﺗﺠﺎﻫﻪ
ﻧﻮﺍﻝ : ﺣﺎﻭﻟﺖ ﻛﻢ ﻣﺮﺓ ﻭﻣﺎﻗﺪﺭﺗﺶ ﻟﻤﺎ ﻳﺘﺼﻞ ﻧﺠﺮﻱ ﻃﻮﻝ ﻧﺮﺩ
ﺍﻧﻲ : ﻳﺼﻴﺮ ﺧﻴﺮ ﺯﻱ ﻣﺎﻗﻠﺘﻠﻚ ﺗﻮﺍ ﺣﺎﻭﻟﻲ ﺗﺒﺎﻋﺪﻱ ﺣﺘﻰ ﺍﻧﺖ ﺯﻱ ﻣﺎﻫﻮ ﻳﺒﺎﻋﺪ ﻭﺧﻠﻴﻨﺎ ﻧﻘﻌﻤﺰﻭ ﺟﻨﺒﻬﻢ ﺧﻴﺮ ﻣﺎﻳﺸﻜﻮ
ﻃﻠﻌﻨﺎ ﻗﻌﻤﺰﻧﺎ ﺟﻨﺒﻬﻢ ﻭﻛﺎﻥ ﻭﺍﺿﺢ ﻋﻠﻲ ﻧﻮﺍﻝ ﺍﻟﺴﺮﺣﺎﻥ ﻭﻛﺎﻧﺖ ﻣﺶ ﻫﻲ ﻧﻔﺴﻬﺎ ﺍﻟﻲ ﻟﺴﺎﻧﻬﺎ ﻃﻮﻳﻞ ﻭﺗﺘﺴﻬﻮﻙ ﻭﺗﺒﺼﺮ
ﻭﻟﻴﺪ : ﻫﻲ ﻧﻮﺳﺔ ﺍﻧﻮﺿﻮ ﺍﻟﻮﻗﺖ ﺗﺎﺧﺮ
ﺍﻧﻲ : ﻣﺎﺷﻲ ﻫﻲ
ﻣﺎﻣﺎ : ﻋﺎﻭﺩﻭﻫﺎ ﻣﺎﺗﻄﻮﻟﻮﺵ ﻋﻠﻴﻨﺎ
ﺍﻧﻲ : ﺍﻥ ﺷﺎﺀ ﺍﻟﻠﻪ ﺣﺎﺿﺮ
ﻃﻠﻌﻨﺎ ﻭﻛﻨﺖ ﻃﻮﻝ ﺍﻟﻄﺮﻳﻖ ﻧﻔﻜﺮ ﻓﻲ ﻛﻼﻡ ﻧﻮﺍﻝ ﻭﻧﻔﻜﺮ ﺷﻦ ﺑﻴﺼﻴﺮ ﻓﻴﻬﺎ ﻟﻮ ﻓﻌﻼ ﺧﻄﺒﻮﻟﻪ ﻭﺗﺰﻭﺝ ﻫﻲ ﺻﻐﻴﺮﺓ ﻭﺍﻭﻝ ﺣﺐ ﻟﻴﻬﺎ ﻓﻲ ﺍﻟﺒﺪﺍﻳﺔ ﻛﻨﺖ ﻧﺤﺴﺎﺑﻪ ﻣﺠﺮﺩ ﺍﻋﺠﺎﺏ ﻭﺣﻴﻤﺮ ﺑﺲ ﺑﺠﺪ ﻫﻲ ﺗﺤﺒﻪ ﻫﻠﺒﺎ ﻭﻭﺍﺿﺢ ﻣﻦ ﻋﻴﻮﻧﻬﺎ ﻭﻛﻼﻣﻬﺎ ﻭﻛﻴﻒ ﻣﺘﻐﻴﺮﻩ
ﻭﺻﻠﻨﺎ ﻟﻠﺤﻮﺵ ﺭﻛﺒﻨﺎ ﻃﻮﻝ ﻭﻣﺎﻃﻮﻟﻨﺎﺵ ﻭﺭﻗﺪﻧﺎ ﺗﻌﺐ ﺍﻟﺴﻔﺮ ﻗﺎﻋﺪ ﻣﺄﺛﺮ ﻓﻴﻨﺎ
،،،،،،
ﻧﻀﺖ ﻋﻠﻲ ﺻﻮﺕ ﺗﺨﺒﻴﻂ ﻉ ﺍﻟﺒﺎﺏ ﻭﻃﻖ ﺑﻘﻮﻭﺓ
ﺍﻧﻲ : ﻭﻟﻴﻴﺪ ﺷﻦ ﻫﺬﺍ
ﻭﻟﻴﺪ ﻳﻨﻮﺽ ﺑﺴﺮﻋﻪ ﻭﻳﻄﻠﻊ ﻣﻦ ﺍﻟﺪﺍﺭ
ﺍﻧﻲ ﺧﺪﻳﺖ ﻃﺮﻑ ﺍﻟﺮﻭﺏ ﻭﻟﺒﺴﺘﻪ ﻭﻃﻠﻌﺖ ﻭﺭﺍﻩ
ﺭﺣﻤﺔ : ﻭﻟﻴﺪ ﺍﻟﺤﻖ ﻳﺎﻭﻟﻴﺪ ﺑﻮﻱ ﺑﻮﻱ
ﻭﻟﻴﺪ : ﺧﻴﺮﺭﻩ ﺑﻮﻭﻱ ﺧﻴﺮﻩ
ﺭﺣﻤﺔ : ﻣﺮﺽ ﻧﻔﺲ ﺍﻟﻤﺮﺓ ﺍﻟﻲ ﻓﺎﺗﺖ ﻟﻤﺎ ﺟﺎﺗﻪ ﺍﻟﺠﻠﻄﺔ
ﻭﻟﻴﺪ ﻳﻄﻠﻊ ﻭﺭﺍ ﺭﺣﻤﺔ ﻭﻳﻨﺰﻝ ﻳﺠﺮﻱ
ﺍﻧﻲ ﺧﺸﻴﺖ ﻟﺒﺴﺖ ﻋﺒﺎﻳﺘﻲ ﻭﻟﻔﻴﺖ ﻓﻮﻕ ﺭﺍﺳﻲ ﻭﺷﺎﺡ ﻭﺍﺧﺪﻳﺖ ﺗﻴﺸﺮﺕ ﻟﻮﻟﻴﺪ ﻭﻧﺰﻟﺖ ﻭﺭﺍﻫﻢ ﻛﺎﻧﺖ ﺍﻟﺪﻧﻴﺎ ﻣﻈﻠﻤﻪ ﻗﺎﻋﺪﺓ ﺧﺸﻴﺖ ﺍﻟﻘﻴﺖ ﻭﻟﻴﺪ ﻭﻣﺤﻤﻮﺩ ﻗﺎﻳﻤﻴﻦ ﻋﻤﻲ ﻭﻃﻠﻌﻮﻩ ﺭﻛﺒﻮﻩ ﺍﻟﺴﻴﺎﺭﺓ
ﺍﻧﻲ : ﻭﻟﻴﺪﺩ ﻭﻟﻴﺪ ﻫﺎﻙ ﺍﻟﺒﺲ ﺍﻟﺘﻴﺸﺮﺕ
ﻭﻟﻴﺪ ﺧﺪﺍﻩ ﻣﻨﻲ ﻭﻟﺒﺴﻪ ﺑﺴﺮﻋﻪ ﻭﺭﻛﺐ ﺍﻟﺴﻴﺎﺭﺓ ﻫﻮ ﻭﻣﺤﻤﻮﺩ ﻋﻠﻲ ﻧﺰﻟﻪ ﻋﺒﺪ ﺍﻟﻘﺎﺩﺭ ﻭﻭﻓﺎﺀ ﺍﻟﻲ ﺍﻟﺨﻮﻑ ﻋﻠﻲ ﻭﺟﻮﻫﻬﻢ ﻣﺶ ﺍﻗﻞ ﻣﻨﻨﺎ ﺭﻛﺐ ﻣﻌﺎﻫﻢ ﻋﺒﺪ ﺍﻟﻘﺎﺩﺭ ﺍﻟﺴﻴﺎﺭﺓ ﻭﺍﻣﺸﻮ ﻳﺠﺮﻭ
ﻋﻤﺘﻲ ﻣﻘﻌﻤﺰﺓ ﻉ ﺍﻟﻜﺮﺳﻲ ﺗﺒﻜﻲ ﻭﺗﺨﺒﻂ ﻋﻠﻲ ﺭﺟﻠﻴﻬﺎ : ﺍﺍﻩ ﻳﺎﻋﻤﻮﺩ ﺑﻴﺘﻲ
ﺍﻧﻲ ﻗﻌﻤﺰﺕ ﺟﻨﺒﻬﺎ ﻭﺣﻄﻴﺖ ﻳﺪﻱ ﻋﻠﻲ ﻛﺘﻔﻬﺎ : ﻣﺎﺗﺮﻋﺸﻴﺶ ﺭﻭﺣﻚ ﻳﺎﻋﻤﻴﻤﻪ ﺑﺎﺫﻥ ﺍﻟﻠﻪ ﻳﻨﻮﺽ ﻛﻮﻳﺲ
ﻋﻤﺘﻲ : ﻟﻴﻴﻪ ﻗﺪﺍﺵ ﻳﻮﻡ ﺣﺎﺱ ﻭﻳﻘﻮﻟﻲ ﺍﻳﺎﻣﻲ ﻣﻌﺪﻭﺩﺓ ﻣﺰﺍﻝ ﺍﻳﺎﻡ ﻣﻌﺪﻭﺩﺓ ﻭﻳﻌﺎﻭﺩ ﻓﻴﻬﺎ ﻳﺎﺍﺭﺑﻲ ﻛﻴﻒ ﻧﺪﻳﺮ ﻳﺎﺍﺭﺑﻲ ﻳﺎﺭﺑﻲ ﻫﺬﺍ ﺳﻨﺪ ﺣﻮﺷﻲ ﻭﺑﻮ ﺻﻐﺎﺭﻱ ﻳﺎﺭﺑﻲ
ﺍﻧﻲ : ﻣﺎﺗﻘﻮﻟﻴﺶ ﻫﻜﻲ ﻳﺎﻋﻤﻴﻤﻪ ﺑﺎﺫﻥ ﺍﻟﻠﻪ ﻳﻨﻮﺽ ﻛﻮﻳﺲ
ﻭﺍﺳﺘﻤﺮﺕ ﻋﻤﺘﻲ ﻓﻲ ﺍﻟﺒﻜﻲ ﻭﺍﻧﻲ ﻧﺤﺎﻭﻝ ﻧﻬﺪﻳﻬﺎ ﻭﻭﻓﺎﺀ ﻗﻌﺪﺕ ﺗﻬﺪﻱ ﻓﻲ ﺭﺣﻤﺔ ﺍﻟﻲ ﺣﺘﻰ ﻫﻲ ﻛﺎﻧﺖ ﻣﻨﻬﺎﺭﺓ ﻭﺗﺒﻜﻲ ﺣﺎﻟﺘﻪ ﻛﺎﻧﺖ ﺻﻌﺒﻪ ﺍﻧﻲ ﺑﺮﻭﺣﻲ ﻟﻤﺎ ﺷﻔﺖ ﻛﻴﻒ ﻗﺎﻳﻤﻴﻨﻪ ﻟﻴﻦ ﺭﻋﺸﺖ ﻭﺩﻣﻌﻲ ﻧﺰﻟﺖ ﻣﻦ ﻋﻴﻨﻲ ﺭﺑﻲ ﻳﻨﻮﺿﻪ ﺑﺎﻟﺴﻼﻣﻪ ﻻﻥ ﻓﻌﻼ ﺍﻻﺏ ﺳﻨﺪ ﺍﻟﺤﻮﺵ
ﻗﻌﺪﻧﺎ ﻧﺮﺍﺟﻮ ﻟﻌﻨﺪ ﺍﻟﺴﺎﻋﻪ ﺗﻤﺎﻧﻴﻪ ﺍﻟﺼﺒﺢ ﻟﻴﻦ ﺭﻥ ﻓﻮﻧﻲ ﻭﻛﺎﻥ ﻭﻟﻴﺪ
ﺍﻧﻲ : ﺍﻟﻮ ﻭﻟﻴﺪ ﻃﻤﻨﺎ ﻛﻴﻒ ﺣﺎﻝ ﻋﻤﻲ
ﻭﻟﻴﺪ : ........
# ﻳﺘﺒﻊ
