منقولة
الحلقةة[20]
من ﺭﻭﺍﻳﺔ - - ->" #ﺳﻨــﺪ_ﺍﻷﻧﺜــﻰ_ﺭﺟــﻞ "
ﻗﻌﺪﺕ ﺳﺎﻋﻪ ﻧﺮﺍﺟﻲ ﻟﻴﻴﻴﻦ ﻣﻠﻴﺖ ﺑﻌﺪﻫﺎ ﺷﺮﻳﻦ ﺍﻟﺠﺮﺱ
ﻛﺎﻥ ﺟﺎﻱ ﻣﻌﺎﻩ ﺍﺧﺘﻪ ﺳﻠﻤﺖ ﻋﻠﻴﻬﺎ ﻭﻛﻨﺖ ﻣﺎﻧﻌﺮﻓﺶ ﺣﺘﻰ ﺍﺳﻤﻬﺎ ﻋﻠﻰ ﻓﻜﺮﺓ ﻭﻻﺣﺘﻰ ﺍﺳﻢ ﺍﻟﻌﺮﻳﺲ ﻭﻻﻧﻌﺮﻑ ﺍﻟﻌﻴﻠﺔ ﻫﻜﻲ ﻭﺧﻼﺹ ﻏﻴﻀﻪ ﻓﻲ ﻭﻟﻴﺪ
ﻧﺎﺩﺍﻧﻲ ﺍﻳﻤﻦ ﺍﻧﻪ ﻧﺠﻲ ﻧﺨﺶ ﻟﻔﻴﺖ ﻭﺷﺎﺣﻲ ﻭﺷﺪﻳﺖ ﺳﻔﺮﺓ ﺍﻟﻘﻬﻮﺓ ﻭﺧﺸﻴﺖ ﺑﻴﻬﺎ ﻭﺍﻧﻲ ﺭﺍﺳﻲ ﻟﻮﻃﻰ : ﺍﻟﺴﻼﻡ ﻋﻠﻴﻜﻢ
ﻫﻮ : ﻋﻠﻴﻜﻢ ﺍﻟﺴﻼﻡ
ﺍﻧﻲ ﻗﻤﺖ ﺭﺍﺳﻲ ﻭﺷﻔﺘﻠﻪ ﻭﻗﻔﺖ ﻓﻲ ﻣﻜﺎﻧﻲ ﻣﻦ ﺍﻟﺼﺪﻣﺔ ﺻﺪﻣﺔ ﻏﻀﺐ ﻭﻓﺮﺣﻪ ﻓﻲ ﻧﻔﺲ ﺍﻟﻮﻗﺖ ﻭﻣﺶ ﻣﺼﺪﻗﻪ
ﺍﻳﻤﻦ : ﺍﺣﻢ ﺧﺸﻲ ﻳﺎﻧﻮﺳﺔ
ﺍﻧﻲ ﻧﺰﻟﺖ ﺭﺍﺳﻲ ﻭﻗﺪﻣﺖ ﺑﺎﻟﻘﻬﻮﺓ ﻭﻗﻤﺖ ﺭﺍﺳﻲ ﻭﺷﻔﺘﻠﻪ ﺷﺒﺤﻪ ﺗﻔﻨﻴﻴﺼﻪ ﺣﻄﻴﺖ ﺍﻟﻘﻬﻮﺓ ﻉ ﺍﻟﻄﺎﻭﻟﺔ ﻭﻫﻮ ﻭﻗﻒ ﻣﺪ ﻳﺪﻩ ﺳﻠﻤﺖ ﻋﻠﻴﻬﻢ ﻭﺍﻧﻲ ﻧﺸﻮﻓﻠﻪ ﻭﻧﻔﻨﺺ ﻓﻴﻴﻪ ﺑﺘﺎﻉ ﺍﻗﺴﻢ ﺑﺎﻟﻠﻪ ﺍﻟﻤﺎ ﻧﻮﺭﻳﻚ
ﻭﻟﻴﺪ : ﻛﻴﻒ ﺣﺎﻟﻚ ﻳﺎﻧﺴﻴﺒﺔ
ﺍﻧﻲ ﻓﻨﺼﺖ ﻓﻴﻪ : ﺍﻟﺤﻤﺪ ﻟﻠﻪ ﻭﺍﻧﺖ ( ﻗﺎﻋﺪﻩ ﺷﺎﺩﻩ ﺭﻭﺣﻲ ﺑﺎﻟﺴﻴﻒ ﻻﻥ ﺍﻳﻤﻦ )
ﻭﻟﻴﺪ : ﺍﻟﺤﻤﺪ ﻟﻠﻪ ﺗﻤﺎﻡ ﺷﻦ ﺍﺧﺒﺎﺭ ﺍﻟﺪﺭﺍﺳﻪ ﻭﺍﻟﺠﺎﻣﻌﻪ ( ﻳﺎﺍﺳﻼﻡ ﻣﺎﻳﻌﺮﻓﺶ ﻳﻤﺜﻞ ﺑﻜﻞ ﺗﻲ ﻭﺍﻟﻠﻪ ﺍﻟﻤﺎ ﻳﺸﻮﻑ )
ﺍﻧﻲ : ﺗﻤﺎﻡ ﻣﺎﺷﻴﺔ
ﺍﻳﻤﻦ : ﺍﻧﻲ ﻋﻨﺪﻱ ﺗﻠﻴﻔﻮﻥ ﺑﻨﺪﻳﺮﻩ ﺧﻮﺩﻭ ﺭﺍﺣﺘﻜﻢ ، ﻭﻃﻠﻊ
ﺍﻧﻲ ﺷﻔﺖ ﻟﻮﻟﻴﺪ ﻭﻗﺎﻋﺪﻩ ﻧﻔﻨﺺ ﻓﻴﻪ
ﻭﻟﻴﺪ : ﻫﻬﻬﻬﻬﻪ ﻋﻴﻮﻧﻚ ﺑﻴﻄﻠﻌﻮ ﺧﻼﺹ ﻳﺎﺳﺮ ﺗﻔﻨﻴﺺ
ﺍﻧﻲ : ﺍﺳﺴﺲ ﻣﺎﺗﺪﻭﻳﺶ ﻣﻌﺎﻱ ﻭﻻﻛﻠﻤﺔ
ﻭﻟﻴﺪ : ﻫﻬﻬﻬﻬﻪ ، ﻭﻧﺎﺽ ﻗﻌﻤﺰ ﺟﻨﺒﻲ
ﺍﻧﻲ ﻟﻔﺘﺖ ﻭﺟﻬﻲ ﻟﻠﺠﻬﺔ ﺍﻟﺘﺎﻧﻴﻪ ( ﻗﻠﺒﻲ ﻓﺮﺣﺎﻥ ﺑﺲ ﻣﺘﻐﺎﻳﻀﻪ ﻣﻨﻪ ﻳﺤﺮﻗﻠﻲ ﻓﻲ ﺩﻣﻲ
ﻭﻟﻴﺪ ﻣﺪ ﻳﺪﻩ ﻭﻟﻔﺘﻠﻲ ﻭﺟﻬﻲ : ﻣﺎﻫﻮ ﺍﻧﻲ ﺩﺭﺕ ﻫﻜﻲ ﻣﻔﺎﺟﺌﺔ ﻧﺒﻴﻚ ﺗﻔﺮﺣﻲ ﻣﺶ ﺗﺘﻜﻨﻄﻲ
ﺍﻧﻲ ﻧﺰﻟﺖ ﻋﻴﻮﻧﻲ
ﻭﻟﻴﺪ : ﻫﻴﺎ ﺣﺒﻴﺒﺘﻲ ﻋﺎﺩ ﻋﺎﺭﻑ ﺭﻭﺣﻲ ﺯﻋﻠﺘﻚ ﻭﺣﺮﻗﺘﻠﻚ ﺩﻣﻚ ﺑﺲ ﻧﺒﻴﻚ ﺗﺘﻔﺎﺟﺌﻲ
ﺍﻧﻲ ﻏﻠﺒﺘﻨﻲ ﺍﺑﺘﺴﺎﻣﺘﻲ : ﻣﺎﺗﻮﻗﻌﺘﺶ ﺑﻜﻞ
ﻭﻟﻴﺪ : ﻫﻬﻬﻪ ﻭﺍﻟﻠﻪ ﻧﺤﺒﺒﻚ
ﺍﻧﻲ ﺧﺪﻭﺩﻱ ﻭﻟﻮ ﺣﻤﺮ ﺍﺳﺎﺳﺎ ﻫﻮ ﻗﺮﻳﺐ ﻣﻨﻲ ﻫﻠﺒﺎ : ﺑﺎﻩ ﺣﺘﻰ ﺍﻧﻲ ﺧﻼﺹ ﻭﺧﺮ ﺗﻮ ﻳﺨﺶ ﺍﻳﻤﻦ
ﻭﻟﻴﺪ ﻳﺸﺪ ﻳﺪﻱ : ﻣﺎﻧﺒﻴﺶ ﻧﻮﺧﺮ ﻫﻲ ﺗﻬﺮﺑﻲ ﻣﻌﺎﺍﻱ
ﺍﻧﻲ : ﻫﻬﻬﻬﻪ ﻭﺧﺮ ﻭﺧﺮ ﺍﻧﺖ ﺧﻼﺹ ﻋﻠﻴﻚ
ﻭﻟﻴﺪ : ﻏﻴﺮﺭ ﻫﻴﺎﺍ ﻭﺍﻟﻠﻪ ﺍﻻ ﻭﺍﻋﺮﻩ ﺗﻮ ﻧﻄﻠﻊ ﻣﻦ ﺣﻮﺷﻜﻢ ﻭﺍﻧﺘﻲ ﻣﺶ ﻣﻌﺎﻱ ، ﺧﻠﻴﻨﺎ ﻧﺪﻳﺮﻭ ﺍﻟﻌﺮﺱ ﺑﺴﺮﻋﻪ
ﺍﻧﻲ : ﺍﺳﺎﺳﺎ ﻣﻦ ﻗﺎﻟﻚ ﺑﻨﻮﺍﻓﻖ
ﻭﻟﻴﺪ : ﺷﻨﻮﻭﻭ ﺗﻮﺍﻓﻘﻲ ﻏﺼﺒﻦ ﻋﻨﻚ ﻛﺎﻥ ﻫﺬﺍ ﻧﺨﻄﻔﻚ ﺗﻌﺮﻓﻴﻨﻲ ﻧﺪﻳﺮﻫﺎ
ﺍﻧﻲ : ﻣﺶ ﺑﺎﻟﺴﻴﻒ
ﻭﻟﻴﺪ : ﻻﺍﺍ ﺑﺎﻟﺴﻴﻒ ﻭﺍﻟﻲ ﺗﺤﺼﻞ ﻓﻴﻪ ﺩﺑﺮﻟﻪ ﺍﻧﺘﻲ ﺣﺼﻠﺘﻲ ﻓﻴﺎ ﺩﺑﺮﻱ
ﺍﻧﻲ : ﻫﻬﻬﻬﻪ
ﻭﻟﻴﺪ ﻗﺎﻡ ﻳﺪﻱ ﻭﺑﺎﺳﻬﺎ : ﺭﺑﻲ ﻻﻳﺤﺮﻣﻨﻲ ﻣﻦ ﻫﺎﻟﻀﺤﻜﺔ
ﺍﻧﻲ ﺟﺒﺪﺕ ﻳﺪﻱ : ﻫﻴﻲ ﻳﺎﻣﺠﻨﻮﻥ ﻭﺧﺮ
ﻭﻟﻴﺪ : ﻫﻬﻬﻪ ﺑﺎﻩ ﻫﺎﺍ ﻭﺧﺮﺕ ، ﻭﻗﻌﻤﺰ ﻓﻲ ﻛﺮﺳﻴﻪ ﻗﺪﺍﻣﻲ ، ﺍﻳﻪ ﻗﺒﻞ ﻣﺎﻧﻨﺴﻰ ﻭﺣﻂ ﻳﺪﻩ ﻓﻲ ﺟﻴﺒﻪ ﻭﻃﻠﻊ ﺑﺎﻛﻮ ﺻﻐﻴﺮ
ﺍﻧﻲ : ﺷﻨﻮ
ﻭﻟﻴﺪ ﻳﻔﺘﺢ ﺍﻟﺒﺎﻛﻮ ﻭﻳﻤﺪﻩ ﻟﻴﺎ ﻛﺎﻥ ﺧﺎﺗﻢ ﺩﺑﻠﺔ ﺣﻠﻮ ﻫﻠﺒﺎ
ﺍﻧﻲ ﻧﻤﺪ ﻳﺪﻱ ﻧﺎﺧﺪ ﻣﻨﻪ ﺍﻟﺒﺎﻛﻮ : ﺣﺒﻴﺒﻲ ﺣﻠﻮﻭ ﻫﻠﺒﺎ
ﻭﻟﻴﺪ ﻭﻗﻒ : ﻫﺎﺗﻲ ﻧﻠﺒﺴﻬﻮﻟﻚ ﻭﻣﻦ ﺍﻟﻴﻮﻡ ﺧﻠﻲ ﺍﻟﻨﺎﺱ ﻛﻠﻬﺎ ﺗﻌﺮﻑ ﺍﻧﺘﻲ ﻟﻴﺎ ﺑﺲ
ﺍﻧﻲ ﺍﺑﺘﺴﻤﺖ ﺍﺑﺘﺴﺎﻣﻪ ﻓﺮﺡ : ﺷﻜﺮﺍﺍﺍ ﺣﺒﻴﺒﻲ
ﻭﻟﺒﺴﻠﻲ ﺍﻟﺨﺎﺗﻢ ﻭﺑﺎﺱ ﻋﻠﻲ ﻳﺪﻱ : ﺍﻟﻒ ﻣﺒﺮﻭﻙ ﻳﺎﻋﺮﻭﺳﺘﻲ
ﺍﻧﻲ : ﻫﻬﻬﻬﻪ ﻭﺍﻟﻒ ﻣﺒﺮﻭﻙ ﻋﻠﻴﻚ ﺣﺘﻰ ﺍﻧﺖ ﻳﺎﻋﺮﻳﺴﻲ
ﻭﻟﻴﺪ ﺭﺟﻊ ﻗﻌﻤﺰ ﻓﻲ ﻣﻜﺎﻧﻪ ﻭﻳﺸﻮﻓﻠﻲ ﻭﻋﻴﻮﻧﻪ ﻣﻠﻴﺎﻧﺎﺕ ﺣﺐ ﺑﺎﺩﻟﺘﻪ ﻧﻔﺲ ﺍﻟﻨﻈﺮﺓ
> ﺍﺣﺒﻚ ﻳﺎﻣﻦ ﺳﺘﻜﻮﻥ ﺣﻼﻟﻲ ﺍﻣﺎﻡ ﺍﻟﻨﺎﺱ ﺑﺎﺫﻥ ﺍﻟﻠﻪ <
ﺧﺶ ﺍﻳﻤﻦ ﻭﻫﺪﺭﺯ ﺷﻮﻳﺔ ﻫﻮ ﻭﻭﻟﻴﺪ ﻭﺷﻮﻱ ﻭﻃﻠﻊ ﻭﻟﻴﺪ ﺭﻭﺡ ﻭﻣﻌﺎﻩ ﺍﺧﺘﻪ
ﺍﻧﻲ ﻛﻨﺖ ﻓﺮﺣﺎﻧﻪ ﺑﻨﻄﻴﺮ ﺭﻛﺒﺖ ﻟﺪﺍﺭﻱ ﻧﺠﺮﻱ ﻭﻗﻌﺪﺕ ﺍﻧﻘﺰ ﻣﻦ ﺍﻟﻔﺮﺭﺣﺔ ﻭﺧﻮﺍﺗﻲ ﻳﺒﺎﺭﻛﻮﻟﻲ ﻭﺳﺠﺪﺕ ﺳﺠﺪﺓ ﺷﻜﺮ ﻟﺮﺑﻲ
،،،،،
ﺍﻣﺎ ﻭﻟﻴﺪ ﺍﻭﻝ ﻣﺎﺭﻭﺡ
ﻓﺘﺤﻴﻪ : ﺷﻨﻮ ﻋﺠﺒﺎﺗﻚ ( ﻋﻠﻲ ﺍﺳﺎﺱ ﻣﺎﻳﻌﺮﻓﻨﻴﺶ )
ﻭﻟﻴﺪ : ﺍﻛﻴﻴﺪ ﻗﺼﺪﻱ ﺍﻳﻪ ﻣﺎﺷﺎﺀ ﺍﻟﻠﻪ ﻋﻠﻴﻬﺎ ﻣﻨﻲ ﺍﻧﻲ ﻣﻮﺍﻓﻖ
ﻓﺘﺤﻴﺔ : ﺭﻭﺭﻭﺭﻭﺭﻭﺭﻭﺭﻱ ﺭﺑﻲ ﻳﻜﻤﻞ ﻓﺮﺣﺘﻚ ﻭﺗﻮﺍﻓﻖ ﻫﻲ ﻭﻧﻔﺮﺡ ﺑﻴﻚ ﺍﻧﺖ ﻭﺧﻮﻙ
ﻭﻟﻴﺪ : ﺍﻥ ﺷﺎﺀ ﺍﻟﻠﻪ ﺍﻥ ﺷﺎﺀ ﺍﻟﻠﻪ
ﻣﻨﻰ : ﻫﻲ ﺑﺼﺮﺍﺣﺔ ﺗﻬﺒﺒﻞ ﻭﻃﺎﻟﻌﻴﻦ ﻋﻠﻲ ﺑﻌﺾ ﺍﻧﺘﻮ ﺍﻟﺰﻭﺯ
ﻓﺘﺤﻴﻪ : ﺍﻳﻪ ﻻ ﻣﺎﺷﺎﺀ ﺍﻟﻠﻪ ﻋﻠﻴﻬﺎ ﺯﻱ ﺍﻟﺮﻳﻤﻪ
ﺭﺣﻤﺔ ﻭﺍﻗﻔﻪ ﻋﻠﻲ ﺑﺎﺏ ﺩﺍﺭﻫﺎ : ﻗﺼﺪﻱ ﺍﻟﻲ ﺗﺸﻜﺮﻭ ﻭﺗﻌﺎﻭﺩﻭ ﻓﻴﻬﺎ ﺭﺍﻫﻲ ﻋﺎﺩﻳﻪ ﺟﺪﺍ ﻭﻣﺶ ﺣﻠﻮﺓ ﺍﻧﻲ ﺍﺣﻠﻰ ﻣﻨﻬﺎ ﻭﺷﺎﻳﻔﻪ ﺭﻭﺣﻬﺎ ﻉ ﺍﻟﻔﺎﺿﻲ
ﻭﻟﻴﺪ : ﺍﻟﻤﻬﻢ ﺍﻧﻲ ﻋﺎﺟﺒﺘﻨﻲ ﻭﻧﺸﻮﻑ ﻓﻴﻬﺎ ﺍﺣﻠﻰ ﻭﺣﺪﺓ
ﻓﺘﺤﻴﺔ : ﺍﻧﺘﻲ ﻳﺎﺍﻡ ﻟﺴﺎﻥ ﻛﺎﻥ ﻣﺎﺗﺒﻄﻠﻴﺶ ﻧﺠﻴﻚ ﻧﻮﺭﻳﻚ ﺗﻮﺍ ﺧﻠﻲ ﺧﻮﻙ ﻓﺮﺣﺎﻥ ﻭﺍﻟﺒﻨﺖ ﻣﺎﺷﺎﺀ ﺍﻟﻠﻪ ﻋﻠﻴﻬﺎ ﺣﺘﻰ ﻣﻦ ﺍﻟﻌﻴﻮﻥ ﺯﻱ ﺍﻟﻔﻨﺎﺟﻴﻦ
ﺭﺣﻤﺔ : ﻋﻴﻮﻭﻧﻬﺎ ﻋﺎﺩﻳﺎﺕ ﻋﻴﻮﻧﻲ ﺍﺣﻠﻰ ﻣﻠﻮﻧﺎﺕ
ﻣﻨﻰ : ﻳﺎﺳﺮ ﻳﺎﺭﺣﻤﺔ ﺧﻴﺮﻙ ﻉ ﺍﻟﺒﻨﺖ
ﺭﺣﻤﺔ : ﻭﺍﻟﻠﻪ ﻫﺎﺩﻱ ﻣﻦ ﻗﺒﻞ ﻣﺎﺗﻮﺻﻞ ﺧﻠﺘﻜﻢ ﻫﻜﻲ ﺍﻣﺎﻻ ﻟﻤﺎ ﺗﺠﻲ ﻛﻴﻒ ﺗﺪﻳﺮﻭ
ﻭﻟﻴﺪ ﺑﻌﺼﺒﻴﻪ : ﻭﺍﻟﻠﻪ ﻳﺎﺭﺣﻤﺔ ﻭﺍﻟﻠﻪ ﻭﺍﻟﻠﻪ ﻟﻮ ﻣﺎﺗﺴﻜﺮﻳﺶ ﻓﻤﻚ ﻧﺠﻲ ﻧﺴﻜﺮﻫﻮﻟﻚ ﺍﻧﻲ ﻭﻣﺎﺍﺩﺧﻠﻜﺶ ﻓﻴﻬﺎ ﺍﻧﺘﻲ ﺍﻧﻲ ﻧﺒﻴﻴﻬﺎ ﻭﻧﺤﺒﻬﺎﺍ ﻭﻭﺍﻟﻠﻪ ﺗﺠﻴﺒﻲ ﺍﺳﻤﻬﺎ ﺑﺴﻮﺀ ﻋﻠﻲ ﻟﺴﺎﻧﻪ ﻭﺍﻟﻠﻪ ﻳﺎﺭﺣﻤﺔ ﻣﺎﺗﻠﻮﻣﻲ ﺍﻻ ﻧﻔﺴﻚ
ﺭﺣﻤﻪ ﺑﻬﺰﻭﺓ : ﻗﻮﻝ ﻫﻜﻲ ﻣﻦ ﺍﻻﻭﻝ ﻋﻼﻗﻪ ﻭﺗﺤﺒﻬﺎ ﻭﺗﻜﻠﻢ ﻓﻴﻚ ﻟﻴﺶ ﺩﺍﺱ
ﻣﻨﻰ : ﺭﺭﺭﺭﺭﺣﻤﺔ ﺧﻼﺹ ﻋﺎﺍﺩ
ﻭﻟﻴﺪ ﻳﻔﻨﺺ ﻓﻴﻬﺎ ﺑﻌﺼﺒﻴﺔ ﻭﺷﺎﺩ ﺭﻭﺣﻪ ﺑﺎﻟﺴﻴﻒ
ﺭﺣﻤﺔ : ﺍﻗﻌﺪﻭ ﻓﻴﻬﺎ ﻭﺧﺸﺖ ﻭﻗﺮﺑﻌﺖ ﺑﺎﺏ ﺩﺍﺭﻫﺎ
ﻓﺘﺤﻴﺔ : ﻫﺎﻟﻔﺮﺧﻪ ﻫﺎﺍﺩﻱ ﻣﺎﻋﺮﻓﺘﺶ ﻧﺮﺑﻴﻬﺎ ﺍﻧﻲ ﻣﺎﺗﻌﺪﻟﺶ ﻋﻠﻴﻬﺎ ﻳﺎﻭﻟﻴﺪﻱ ﻣﺎﺗﺨﺮﺑﻠﻜﺶ ﻓﺮﺣﺘﻚ
ﻭﻟﻴﺪ : ﻣﺎﺻﺎﺭ ﺷﻲ ﻳﺎﺍﻣﻲ ، ﻭﻳﻦ ﻣﺤﻤﻮﺩ
ﻓﺘﺤﻴﻪ : ﻭﺍﻟﻠﻪ ﻣﺎﻧﻌﺮﻑ ﻫﺎﻟﻔﺮﺥ ﺑﻴﺠﻠﻄﻨﻲ ﻟﻴﻪ ﻗﺪﺍﺵ ﻳﻮﻡ ﻣﺎﻳﺘﻜﻠﻤﺶ ﻣﻌﺎﻧﺎ ﻳﺮﻭﺡ ﺍﻋﻘﺎﺏ ﺍﻟﻠﻴﻞ ﻳﺮﻗﺪ ﻭﻳﻄﻠﻊ ﺍﻟﺼﺒﺢ ﺣﺘﻰ ﺍﻟﻤﺎﻛﻠﺔ ﻧﺨﻠﻴﻠﻪ ﻓﻴﻬﺎ ﻓﻲ ﺍﻟﻤﻄﺒﺦ ﻣﺎﻳﺎﻛﻠﺶ ﻓﻴﻬﺎ ﻳﺎﻟﻴﻪ ﻫﺪﺍﻛﺎ ﺍﻟﻴﻮﻡ ﻗﻠﺘﻠﻪ ﺑﻮﻙ ﻗﺎﻝ ﺍﻧﻪ ﺧﺎﻃﺒﻠﻚ ﻣﻨﻰ ﻣﻦ ﻟﻤﺎ ﺍﻧﺖ ﺻﻐﻴﺮ ﻭﺗﻌﺮﻑ ﺑﻮﻙ ﻭﺍﻟﻠﻪ ﻛﺎﻥ ﻗﺎﻝ ﻛﻠﻤﺔ ﺧﻼﺹ ﻭﻣﺴﺘﺤﻴﻞ ﻳﻮﻟﻲ ﻋﻠﻲ ﺧﺎﻃﺮ ﺧﻮﻭﻩ ﻛﺎﻥ ﻫﺬﺍ ﻳﺘﻘﺎﻃﻌﻮ ﻗﻮﻟﻲ ﻳﺎﻭﻟﻴﺪﻱ ﺗﻮ ﺍﻧﻲ ﺷﻦ ﻧﺪﻳﺮ ﻫﻮ ﺣﺘﻰ ﺍﻧﺖ ﻣﺶ ﻋﺎﺭﻑ ﻛﻴﻒ ﻭﺍﻓﻘﻠﻚ
ﻭﻟﻴﺪ : ﻻﺣﻮﻝ ﻭﻻﻗﻮﺓ ﺍﻻ ﺑﺎﻟﻠﻪ ﻳﺎﺍﻣﻲ ﻭﺍﻟﻠﻪ ﺑﻮﻱ ﻏﺎﻟﻂ ﻫﻮ ﻣﺎﻳﺒﻴﻬﺎﺵ ﺍﻟﺤﺎﺟﺔ ﻫﺎﺩﻱ ﻣﺎﺗﺠﻴﺶ ﺑﺎﻟﺴﻴﻒ
ﻓﺘﺤﻴﺔ : ﻣﺎﻋﻨﺪﻱ ﻣﺎﻧﺪﻳﺮ ﺍﻧﻲ ﻳﺘﻔﺎﻫﻢ ﻣﻊ ﺑﻮﻩ
،،،،،،
ﺍﻣﺎ ﻣﺤﻤﻮﺩ ﻓﺎﺍﺗﺼﻞ ﺑﻨﻮﺍﻝ
ﻧﻮﺍﻝ ﻛﺎﻧﺖ ﻣﻘﻌﻤﺰﺓ ﺟﻨﺒﻨﺎ ﻭﻛﻠﻨﺎ ﻧﻬﺪﺭﺯ ﺑﺲ ﻟﻤﺎ ﺷﺮﻳﻦ ﻓﻮﻧﻬﺎ ﻧﺎﺿﺖ ﻣﻦ ﺟﻨﺒﻨﺎ ﺭﻛﺒﺖ ﻭﺳﻜﺮﺕ ﺩﺍﺭﻫﺎ : ﺍﻟﻮ
ﻣﺤﻤﻮﺩ : ﺍﻫﻠﻴﻦ ﺷﻦ ﺍﻟﺠﻮ
ﻧﻮﺍﻝ : ﺗﻤﺎﻡ ﺍﻟﺤﻤﺪ ﻟﻠﻪ ﺷﻦ ﺟﻮﻙ ﺍﻧﺖ
ﻣﺤﻤﻮﺩ : ﺍﻫﻮ ﺗﻤﺎﻡ ﺷﻦ ﺩﺍﻳﺮﺓ
ﻧﻮﺍﻝ : ﺷﻲ ﻛﻨﺖ ﻣﻘﻌﻤﺰﺓ ﺧﻮﻙ ﻣﺎﻟﻴﺶ ﻫﻠﺒﺎ ﻣﺮﻭﺡ
ﻣﺤﻤﻮﺩ ﺑﺎﺍﺳﺘﻐﺮﺍﺏ : ﺧﻮﻭﻱ ؟؟؟
ﻧﻮﺍﻝ : ﺍﻳﻪ ﻭﻟﻴﺪ ﺧﻮﻙ
ﻣﺤﻤﻮﺩ : ﻭﻟﻴﺪ ﺧﻮﻱ ﺷﻦ ﻳﺪﻳﺮ ﻋﻨﺪﻛﻢ ؟ ﺷﻦ ﺻﺎﻳﺮ ؟
ﻧﻮﺍﻝ ﺑﺎﺍﺳﺘﻐﺮﺍﺏ : ﻣﻌﻘﻮﻟﺔ ﻣﺎﺗﻌﺮﻓﺶ ﻭﻟﻴﺪ ﺧﻄﺐ ﻧﺴﻴﺒﺔ ﺍﻟﻴﻮﻡ ﻫﻮ ﺟﻲ ﻭﺩﺍﺭﻫﺎﻟﻬﺎ ﻣﻔﺎﺟﺌﺔ ﺗﻬﺒﻞ
ﻣﺤﻤﻮﺩ : ﺧﻄﺐ ﻧﺴﻴﺒﺔ ؟؟ ،، ﺍﻫﺎ ﺗﻤﺎﻡ
ﻧﻮﺍﻝ : ﻛﻴﻒ ﻣﺎﺗﻌﺮﻓﺶ
ﻣﺤﻤﻮﺩ : ﺍﺳﺎﺳﺎ ﻟﻴﺎ ﻗﺪﺍﺵ ﻳﻮﻡ ﻣﺎﻧﺮﻭﺣﺶ ﻟﻠﺤﻮﺵ ﺍﻻ ﻓﻲ ﺍﻟﻠﻴﻞ ﻭﻧﻄﻠﻊ ﺍﻟﺼﺒﺢ ﻭﻫﻮ ﺍﺗﺼﻞ ﺑﻴﺎ ﺳﺎﻝ ﻋﻠﻲ ﺣﺎﻟﻲ ﺑﺲ ﻣﺎﺣﻜﺎﻟﻴﺶ
ﻧﻮﺍﻝ : ﻟﻴﺶ ﻣﺤﻤﻮﺩ ﺧﻴﺮﻙ ﺣﺘﻰ ﻟﻴﻚ ﻗﺪﺍﺵ ﻳﻮﻡ ﻧﺤﺲ ﻓﻴﻚ ﻣﺘﻀﺎﻳﻖ
ﻣﺤﻤﻮﺩ ﺗﻨﻬﺪ ﻭﻗﺎﻝ : ﺷﻮﻳﺔ ﻣﺸﺎﻛﻞ ﻭﺗﻤﺮ ﻣﺎﺗﺪﻭﺭﻳﺶ ﻏﺪﻭﺓ ﻣﺪﺭﺳﺔ ﻭﺍﻻ
ﻧﻮﺍﻝ : ﺍﻳﻪ ﺍﻥ ﺷﺎﺀ ﺍﻟﻠﻪ
ﻣﺤﻤﻮﺩ : ﺷﻦ ﺍﺳﻢ ﻣﺪﺭﺳﺘﻚ
ﻧﻮﺍﻝ : ﻣﺪﺭﺳﻪ *****
ﻣﺤﻤﻮﺩ : ﻳﺠﻴﻜﻢ ﺑﺎﺹ
ﻧﻮﺍﻝ : ﺍﻳﻪ
ﻣﺤﻤﻮﺩ : ﺍﻟﺴﺎﻋﻪ ﻗﺪﺍﺵ ﺗﻄﻠﻌﻮ
ﻧﻮﺍﻝ : ﻧﻄﻠﻌﻮ ﻣﻦ ﺍﻟﺤﻮﺵ ﺍﻟﺴﺒﻌﻪ
ﻭﻗﻌﺪﺕ ﻧﻮﺍﻝ ﺗﻬﺪﺭﺯ ﻣﻊ ﻣﺤﻤﻮﺩ ﻓﺘﺮﺓ ﻭﺑﻌﺪﻫﺎ ﺳﻜﺮﺕ ﻭﺟﺘﻨﺎ
ﻭﻫﺪﺭﺯﻧﺎ ﻟﺤﺪ ﺍﻟﻠﻴﻞ ﻭﺑﻌﺪﻫﺎ ﻛﻠﻤﺖ ﻭﻟﻴﺪ ﻭﻫﺪﺭﺯﺕ ﻣﻌﺎﻩ ﻭﺭﻳﻀﻴﺖ ﻏﺼﺒﻦ ﻋﻨﻲ ﺑﻜﻼﻣﻪ ﻭﻃﻮﻝ ﺍﻟﻮﻗﺖ ﻧﺸﻮﻑ ﻟﺨﺎﺗﻢ ﺣﻮﻟﺖ ﺍﻟﺨﺎﺕ ﺍﻻﻭﻝ ﻭﺣﻄﻴﺘﻪ ﺑﺪﻟﻪ
،،،،
ﻧﻀﺖ ﺍﻟﺼﺒﺢ ﻋﻠﻲ ﺩﻭﺷﺔ ﺍﺧﻮﺍﺗﻲ ﻃﺎﻟﻌﻴﻦ ﻟﻠﻤﺪﺭﺳﺔ ﻭﺍﻧﻲ ﻛﻨﺖ ﺑﻨﺮﻓﻊ ﻧﻮﺭﺱ ﺑﺘﺴﺠﻞ ﻓﻲ ﺍﻟﺠﺎﻣﻌﻪ ﺻﻠﻴﺖ ﻭﺩﺭﺕ ﺩﻭﺭﻩ : ﻫﺎﻙ ﻧﻮﺭﺱ ﻭﻟﻌﻲ ﺍﻟﺴﻴﺎﺭﺓ ﻣﻦ ﺑﻴﻦ ﻣﺎﻟﺒﺴﺖ ﺍﻟﺸﻮﺯ ﻭﺍﻟﻮﺷﺎﺡ
ﻃﻠﻌﻨﺎ ﻭﺍﻣﺸﺖ ﺳﺠﻠﺖ ﺍﻋﺪﺍﺩﺍﺕ ﻃﺒﻴﺔ ﻭﻗﺮﺍﻳﺘﻬﺎ ﻣﺰﺍﻝ ﺗﺒﺪﺍ ﻓﻲ ﺷﻬﺮ ﺗﻼﺗﻪ
،،،،
ﻣﺮ ﺍﺳﺒﻮﻉ ﻭﺭﺩﻳﻨﺎ ﻋﻠﻲ ﺍﻫﻞ ﻭﻟﻴﺪ ﺑﺎﻟﻤﻮﺍﻓﻘﻪ ﻭﻫﻤﺎ ﻣﻮﺍﻓﻘﻴﻦ ﻏﺪﻭﺓ ﺑﺘﺠﻲ ﺍﻣﻪ ﺑﺘﺤﺪﺩ ﻣﻮﻋﺪ ﻟﻠﻔﻀﺎﻧﻴﻪ ﻭﺍﻟﺒﻴﺎﻥ ﻳﺒﻮﻩ ﻗﺮﻳﺐ ﻭﺍﻟﻴﻮﻡ ﻃﺎﻟﻌﻴﻦ ﻧﺸﺮﻭ ﻓﻲ ﺣﺎﺟﺎﺕ ﺑﻴﺶ ﻧﺴﺘﻘﺒﻠﻮﻫﻢ
ﺍﻣﺎ ﻧﻮﺍﻝ ﻓﻜﺎﻧﺖ ﺗﻜﻠﻢ ﻓﻲ ﻣﺤﻤﻮﺩ ﻛﻞ ﻳﻮﻡ ﻭﻣﺎﻓﻴﻬﻤﺶ ﺣﺪ ﺻﺎﺭﺡ ﺍﻟﺘﺎﻧﻲ ﺑﺎﻟﻲ ﻓﻲ ﻗﻠﺒﻪ
ﻫﺎﺟﺮ ﻫﻲ ﻭﺍﻳﻤﻦ ﺟﻮﻫﻢ ﺣﻠﻮ ﻭﺍﻳﻤﻦ ﻓﺘﺢ ﺍﻟﻤﻮﺿﻮﻉ ﻣﻊ ﻋﻤﺘﻲ ﻭﺍﻟﻴﻮﻡ ﻛﻠﻤﺘﻨﻲ ﻗﺎﻟﺘﻠﻲ ﺣﺪﺩﻱ ﻣﻌﺎﻫﻢ ﻣﻮﻋﺪ ﻳﺨﻄﺒﻮﻫﺎ ﻭﻛﻠﻤﺘﻬﺎ ﻭﻗﺎﻟﻮﻟﻬﻢ ﺗﻘﺪﺭﻭ ﺗﺠﻮ ﺑﻌﺪ ﻏﺪﻭﺓ ﻭﻫﺎﺟﺮ ﻓﺮﺣﺎﻧﻪ ﺑﺘﻄﻴﺮ ﻭﺍﻳﻤﻦ ﺣﺘﻰ ﻫﻮ ﻓﺮﺣﺘﻪ ﻣﺶ ﺳﺎﻳﻌﺎﺗﻪ
،
ﺍﻧﻲ : ﺍﻟﺴﻼﻡ ﻋﻠﻴﻜﻢ
ﻧﻮﺭﺱ ﺟﺎﻳﻪ : ﺧﻴﺮﻛﻢ ﻋﻄﻠﺘﻮ ﺍﻟﻐﺪﻱ ﻃﺎﺏ
ﻣﺎﻣﺎ : ﻫﺎﺩﻱ ﻧﻮﺳﻪ ﻟﻤﺖ ﺍﻟﺴﻮﻕ ﻛﻠﻪ ﻣﺎﺧﻠﺖ ﻣﺎﺧﺪﺕ ﺣﺘﻰ ﺍﻟﻘﻔﻄﺎﻥ ﺍﻟﻲ ﺑﺘﻄﻠﻊ ﺑﻴﻪ ﺧﺪﺕ ﺯﻭﺯ ﻛﻔﺖ ﻭﻭﻓﺖ ﻓﻠﺴﺖ ﺑﻴﺎ
ﻧﻮﺍﻝ : ﻣﺶ ﻣﻨﻬﺎ ﻳﺎﺣﻨﻪ ﺍﻣﺎﻟﻲ ﺣﺒﻴﺐ ﺍﻟﻘﻠﺐ ﺣﺘﻰ ﻫﻤﺎ
ﻧﺮﺟﺲ : ﻋﺎﻳﺸﻪ ﺍﻟﻠﺤﻈﺔ ﻧﻮﺳﻪ
ﺍﻧﻲ : ﻣﺎﻧﻴﺶ ﺭﺍﺩﻩ ﻋﻠﻴﻜﻢ ﻧﺒﻴﺶ ﻧﻌﻜﺮ ﻣﺰﺍﺟﻲ ، ﺣﻘﺎ ﻣﺎﻣﺎ ﻭﻳﻦ ﺧﺎﻟﺘﻲ ﻣﻐﻄﺴﺔ
ﻣﺎﻣﺎ : ﺍﻟﻌﺸﻴﻪ ﺑﺎﻟﻚ ﺗﺠﻲ ﻭﺑﻌﺪ ﻏﺪﻭﺓ ﺍﻳﻤﻦ ﻗﺎﻟﻠﻨﺎ ﻣﻮﻋﺪ ﺍﻟﻤﺤﻜﻤﺔ
ﺍﻧﻲ : ﺍﻥ ﺷﺎﺀ ﺍﻟﻠﻪ ﺧﻴﺮ
ﻧﻮﺍﻝ : ﺑﻨﻤﺸﻲ ﻣﻌﺎﻛﻢ ﻳﺎﻣﺎﻣﺎ ﻧﺒﻲ ﻧﺮﺩﻟﻪ ﺍﻟﻜﻒ
ﻣﺎﻣﺎ : ﺭﻳﺤﻴﻠﻲ ﺭﻭﺣﻚ
ﻭﺧﺸﻴﺖ ﻏﻴﺮﺕ ﻟﺒﺴﺖ ﺑﻴﺠﺎﻣﻪ ﻭﺗﻐﺪﻳﻨﺎ ﻭﻏﺴﻠﻨﺎ ﺍﻻﻣﺎﻋﻴﻦ ﺑﻌﺪﻫﺎ ﺧﺎﻟﺘﻲ ﺟﺖ
ﻣﺎﻣﺎ : ﺍﻫﻼ ﺍﻫﻼ ﺧﺸﻮ ﺗﻔﻀﻠﻮ ، ﺗﻌﺎﻟﻰ ﻳﺎﻋﻤﺎﺩ ﻛﻴﻒ ﺣﺎﻟﻚ ﺷﻦ ﻗﺎﻋﺪ ﻭﺟﻬﻚ ﻳﻮﺟﻊ ﻓﻴﻚ
ﻋﻤﺎﺩ : ﺍﻟﺤﻤﺪ ﻟﻠﻪ ﻳﺎﺧﺎﻟﺘﻲ ﺷﻮﻓﻲ ﺣﺘﻰ ﻓﻲ ﺍﺛﺎﺭ ﺍﻣﺸﺖ
ﻣﺎﻣﺎ : ﺍﻳﻪ ﺑﺎﻩ ﺍﻟﺤﻤﺪ ﻟﻠﻪ
ﺳﺎﺭﺓ ﻭﻫﻲ ﺧﺎﺷﻪ ﻣﻦ ﺍﻟﺒﺎﺏ : ﻳﺎ ﺩﺑﻠﺔ ﺍﻟﺨﻄﻮﺑﻪ ﻋﻘﺒﺎﻟﻨﺎﻛﻠﻨﺎ
ﻭﻧﺒﻨﻲ ﻃﻮﺑﻪ ﻃﻮﺑﻪ ﻓﻲ ﻋﺶ ﺣﺒﻨﺎ
ﻧﺘﻬﻨﻰ ﺑﺎﻟﺨﻄﻮﺑﻪ ﻭﻧﻘﻮﻝ ﻣﻦ ﻗﻠﺒﻨﺎ
ﻳﺎﺩﺑﻠﺔ ﺍﻟﺨﻄﻮﺑﻪ
ﻭﻗﻌﺪﺕ ﺗﻐﻨﻲ ﻭﺗﺼﻔﻖ ﻭﺭﻭﺭﻭﺭﻭﺭﻭﺭﻭﺭﻱ
ﺍﻧﻲ : ﻫﻬﻬﻬﻬﻬﻪ ﻣﺰﺍﻝ ﺍﻟﻌﺮﺱ
ﺳﺎﺭﺓ : ﺗﻲ ﺍﻧﺘﻲ ﺑﺘﺴﺒﻘﻴﻨﻲ ﺍﻧﻲ ﻣﺰﺍﻝ ﻣﺎﺩﻩ ﻭﺟﻬﻲ ﻧﺮﺍﺟﻲ ﻣﺎﺗﻜﻠﻤﻮﺵ ﻉ ﺍﻟﺒﻴﺎﻥ ﺍﻣﺎ ﺍﻧﺘﻲ ﺷﻜﻠﻬﻢ ﻧﺎﺷﻄﻲ
ﺍﻧﻲ : ﻫﻬﻬﻬﻪ ﺟﺒﺘﻲ ﺍﻟﺴﻲ ﺩﻱ ﺍﻟﻲ ﻗﻠﺘﻠﻚ ﻋﻠﻴﻪ
ﺳﺎﺭﺓ : ﻳﺐ ﻳﺐ ﻭﻳﻦ ﺣﻮﻟﺘﻮ ﺍﻟﻤﻨﻈﻮﻣﻪ
ﺍﻧﻲ : ﻓﻲ ﻣﻜﺘﺒﻪ ﺍﻟﺼﺎﻟﻮﻥ ﺗﻌﺎﻟﻲ ﻧﺠﻴﺒﻮﻫﺎ ﻣﻊ ﺑﻌﺾ، ﻭﻗﻤﻨﺎ ﺍﻟﻤﻨﻈﻮﻣﺔ ﻭﺣﻄﻴﻨﺎﻫﺎ ﻓﻲ ﺍﻟﺼﺎﻟﺔ ﻭﻓﺘﺤﻨﺎ ﺳﻴﺪﻱ ﺯﻣﺰﺍﻣﺎﺕ ﻭﻗﺎﻭﻳﻨﺎﻩ ﻋﻠﻲ ﻗﻮﻭﺗﻪ
ﻣﻌﺎﺩ : ﻳﺎﺍﺍﺍﻋﻦ ﺷﻜﻠﻚ ﺍﻧﺘﻲ ﻭﻳﺎﺍﺍﻫﺎ ﻧﻘﺼﻲ ﺍﻟﺒﻠﻲ
ﻣﺎﺣﺪ ﻳﺴﻤﻊ ﻓﻴﻪ ﻃﺒﻌﺎ ﻫﻬﻬﻬﻪ
ﻭﺭﻗﺼﻨﺎ ﻭﻫﻴﺠﻨﺎ ﺗﻘﻮﻝ ﺍﻟﻌﺮﺱ ﻏﺪﻭﺓ ﻭﺣﺘﻰ ﺍﻟﻌﺮﻭﺳﻪ ﻣﺶ ﻣﻘﺼﺮﻩ ﺍﺳﺎﺳﺎ ﺍﻧﻲ ﺍﻟﻤﻨﺸﻄﺔ ﻫﻬﻪ
ﻣﺎﻣﺎ : ﻫﺒﻠﻮ ﺧﻼﺹ ﻋﻠﻴﻬﻢ
ﺧﺎﻟﺘﻲ : ﻫﻬﻬﻬﻬﻬﻪ ﺧﻠﻴﻬﻢ ﻓﺮﺣﺎﻧﺎﺕ
ﻣﺎﻣﺎ : ﺍﻳﻪ ﻭﺍﻟﻠﻪ ﻧﺴﻴﺒﺔ ﻣﺎﺗﻮﻗﻌﺘﻬﺎ ﺍﻻ ﺗﺨﺶ ﻓﻲ ﺣﺎﻟﺔ ﻧﻔﺴﻴﻪ ﻣﻦ ﺍﻻﻛﺘﺌﺎﺏ ﺍﻟﻲ ﻛﺎﻥ ﻓﻴﻬﺎ ﻧﺤﻤﺪ ﻓﻲ ﺭﺑﻲ ﻃﻮﻝ ﺍﻟﻮﻗﺖ
ﺧﺎﻟﺘﻲ : ﻣﺴﻜﻴﻨﻪ ﻣﺎﺷﺎﻓﺖ ﺭﺑﻲ ﻳﻔﺮﺣﻬﺎ ﺍﻥ ﺷﺎﺀ ﺍﻟﻠﻪ
ﻣﺎﻣﺎ : ﺍﻥ ﺷﺎﺀ ﺍﻟﻠﻪ ﻭﺗﻔﺮﺣﻲ ﺑﺒﻨﺎﺗﻚ ﻳﺎﺭﺏ
ﺧﺎﻟﺘﻲ : ﺍﻥ ﺷﺎﺀ ﺍﻟﻠﻪ ، ﻛﻴﻒ ﺣﺎﻝ ﺣﻤﺎﺗﻚ ﻓﺎﺩﻳﺔ
ﻣﺎﻣﺎ : ﺍﻟﺤﻤﺪ ﻟﻠﻪ ﺑﺎﻫﻴﻪ ﺧﻴﺮ ﻣﻦ ﻗﺒﻞ ﻗﻠﺘﻠﻬﺎ ﺑﺎﻟﻚ ﺍﻥ ﺷﺎﺀ ﺍﻟﻠﻪ ﺗﺠﻲ ﻏﺪﻭﺓ
ﻛﺎﻥ ﻳﻮﻡ ﺣﻠﻮ ﻫﻠﺒﺎ ﺑﻌﺪ ﺗﻌﺒﻨﺎ ﻣﻦ ﺍﻟﺮﻗﻴﺺ ﻗﻌﻤﺰﻧﺎ ﺩﺭﻧﺎ ﺑﻴﺘﺰﺍ ﻭﺑﻮﺭﻳﻚ ﻭﺍﻟﺴﻼﻃﺎﺕ ﻟﻐﺪﻭﺓ ﻭﺣﻄﻴﻨﺎ ﻓﻲ ﺍﻟﻔﺮﻳﺰ
ﻧﻮﺍﻝ : ﺧﺎﻟﺘﻲ ﺑﺎﻳﺘﻪ ﻭﺍﻻ
ﺧﺎﻟﺘﻲ : ﺍﻥ ﺷﺎﺀ ﺍﻟﻠﻪ ﻣﺎﺩﺍﻡ ﻏﺪﻭﺓ ﻋﻄﻠﻪ
ﺳﺎﺭﺓ : ﺧﺎﻟﺘﻲ ﻣﺎﻋﻨﺪﻛﺶ ﺩﺭﺑﻮﻛﺔ
ﻣﺎﻣﺎ : ﻻ ﻭﺍﻟﻠﻪ ﻳﺎﺑﻨﻴﺘﻲ ﻣﺎﺩﺭﺕ ﺍﻋﺮﺍﺱ
ﻧﺮﺟﺲ : ﻓﻲ ﺣﻮﺵ ﺍﺣﻨﻴﻨﻪ ﻓﻲ ﺩﺭﺑﻮﻛﻪ
ﺳﺮﻭﺭ : ﺟﻴﺒﻮﻫﺎ
ﻧﻮﺍﻝ : ﺗﻌﺎﻟﻮ ﻣﻌﺎﻱ ﻧﻤﺸﻮ ﻧﺠﻴﺒﻮﻫﺎ ﻭﻧﺎﺿﻮﻭ ﻳﺠﺮﻭ ﻧﻮﺍﻝ ﻭﺳﺮﻭﺭ ﻭﻧﻮﺭﺱ ﻃﻠﻌﻮ ﻣﻦ ﺟﻨﺎﺍﻧﻨﺎ ﻋﻠﻴﻲ ﺧﺸﻪ ﺳﻴﺎﺭﺓ ﻟﻠﺤﻮﺍﺯﺓ ﻛﻠﻬﻢ ﺗﻠﻔﺘﻮﻟﻬﺎ ﻭﻗﻌﺪﻭ ﻭﺍﻗﻔﻴﻦ ﻳﻘﺼﻘﺼﻮ ﻣﻦ ﺟﻲ
ﻭﻳﻨﺰﻝ ﻋﺪﻧﺎﻥ : ﺍﻟﺴﻼﻡ ﻋﻠﻴﻜﻢ
ﻧﻮﺍﻝ : ﻭﻋﻠﻴﻜﻢ ﺍﻟﺴﻼﻡ ﺍﻫﻼ ﺍﻫﻼ ﻧﻮﺭﺗﻨﺎ ﻳﺎﻧﺴﻴﺒﻨﺎ
ﻧﻮﺭﺱ ﺗﻘﺮﺻﻬﺎ : ﻭﻋﻠﻴﻜﻢ ﺍﻟﺴﻼﻡ
ﻋﺪﻧﺎﻥ : ﻫﻬﻬﻬﻬﻪ ﻓﻜﻴﻨﻲ ﻣﻨﻚ ﻳﺎﻧﻮﺍﻝ
ﻧﻮﺍﻝ : ﺍﻧﻲ ﺍﻣﺸﻴﺖ ﻭﺷﺪﺕ ﺳﺮﻭﺭ ﻣﻦ ﻳﺪﻫﺎ ﻭﺧﻠﺖ ﻋﺪﻧﺎﻥ ﻭﻧﻮﺭﺱ ﻭﺍﻗﻔﻴﻦ ﺑﺮﻭﺣﻬﻢ
ﻋﺪﻧﺎﻥ : ﺷﻦ ﺟﻮﻙ
ﻧﻮﺭﺱ : ﺗﻤﺎﻡ ﻭﺍﻧﺖ
ﻋﺪﻧﺎﻥ : ﺗﻤﺎﻡ ﻛﻨﺖ ﻣﺎﺷﻲ ﻣﺎﻧﻌﺮﻓﺶ ﺷﻦ ﺍﻟﻲ ﺧﻼﻧﻲ ﻧﺠﻲ ﺍﻫﻨﻲ ﻣﻤﻜﻦ ﺍﻟﺸﻮﻕ
ﻧﻮﺭﺱ : ﻫﻬﻪ ﺑﺎﻩ ﻛﻮﻳﺲ
ﻋﺪﻧﺎﻥ : ﻧﻮﺭﺱ ﻧﻄﻠﺐ ﻣﻨﻚ ﻃﻠﺐ
ﻧﻮﺭﺱ : ﺗﻔﻀﻞ
ﻋﺪﻧﺎﻥ : ﻣﻤﻜﻦ ﺭﻗﻢ ﺗﻠﻴﻔﻮﻧﻚ ﻣﺶ ﻣﺸﺮﻭﻉ ﻫﻜﻲ
ﻧﻮﺭﺱ : ﺍﻣﻢ ﺍﻭﻛﻲ ﺳﺠﻞ
ﻭﺳﺠﻞ ﺭﻗﻤﻬﺎ ﻭﻫﺪﺭﺯ ﻣﻌﺎﻫﺎ ﺑﻌﺪﻫﺎ ﺍﻣﺸﻮ ﻣﻊ ﺑﻌﺾ ﻟﺤﻮﺵ ﺣﻨﻴﻨﻪ
ﺍﻣﺎ ﻧﻮﺍﻝ ﻭﺳﺮﻭﺭ ﺟﺎﺑﻮ ﺍﻟﺪﺭﺑﻮﻛﺔ ﻭﺟﻮ ﻳﺠﺮﻭ
ﺳﺎﺭﺓ : ﻣﺪﻱ ﻟﻨﺴﻴﺒﺔ ﻣﺪﻱ
ﺍﻧﻲ ﺧﺪﻳﺖ ﺍﻟﺪﺭﺑﻮﻛﺔ ﻭﺑﺪﻳﺖ ﻧﺪﺭﺑﻚ : ﻭﻳﺎﺍﻓﺮﺣﺔ ﻭﻳﺶ ﻧﺪﻳﺮﻟﻚ *** ﺗﺠﻴﻨﻲ ﻭﺍﻻ ﻧﻄﻴﺮﻟﻚ
ﻣﺎﻣﺎ : ﻫﻬﻬﻬﻪ ﻋﻠﻴﻚ ﺟﻴﻞ ﺍﻏﺒﺮ
ﺧﺎﻟﺘﻲ : ﺑﺎﻟﻠﻪ ﺯﻱ ﺍﻳﺎﻣﺎﺗﻨﺎ ﺍﺣﻨﻲ ﺍﻟﻌﺮﻭﺳﺔ ﻣﺎﺗﻄﻠﻌﺶ ﻣﻦ ﺍﻟﺪﺍﺭ ﻣﻦ ﻟﻤﺎ ﻳﺨﻄﺒﻮﻫﺎ ﻭﺗﻘﻌﺪ ﺗﺘﺤﺸﻢ ﻣﺎﺗﻘﺎﺑﻠﺶ ﺣﺘﻰ ﺑﻮﻫﺎ ﻭﺍﻣﻬﺎ ﻭﻧﻘﻌﺪﻭ ﻧﺘﺪﺭﻗﻮ ﺗﻮﺍ ﻳﺪﺭﺑﻜﻮ ﻭﺗﻠﻘﻴﻬﺎ ﺑﺘﻄﻴﺮ ﻣﻦ ﺍﻟﻔﺮﺣﺔ
ﻭﻗﻠﺒﻨﺎ ﺍﻟﺤﻮﺵ ﺗﺪﺭﺑﻴﻚ ﻭﻏﻨﻲ ﻭﺟﻮ ﻣﺶ ﻋﺎﺩﻱ ﺣﺘﻰ ﻭﻟﻴﺪ ﺍﻟﻘﻴﺘﻪ ﻣﺘﺼﻞ ﻋﺸﺮ ﻣﻜﺎﻟﻤﺎﺕ ﻭﺍﻧﻲ ﻣﺎﺳﻤﻌﺘﺎﺷﻲ : ﻳﺎﻭﻳﻠﻲ
ﺍﺗﺼﻠﺖ ﻭﻗﻠﺖ ﺑﺨﻮﻑ : ﺍﻟﻮ
ﻭﻟﻴﺪ : ﺍﻳﻮﻭﻩ ﺑﺎﻫﻲ ﺍﻟﻲ ﺭﺿﻴﺘﻲ ﻋﻠﻴﻨﺎ ﻭﺭﺩﻳﺘﻲ ﻭﻳﻨﻚ ﻣﻦ ﺑﻜﺮﻱ ﺍﻧﺸﻐﻠﺖ ﻗﺮﻳﺐ ﺍﻫﺒﻠﺖ
ﺍﻧﻲ : ﺳﻮﺭﻱ ﺣﺒﻴﺒﻲ ﺑﺲ ﻣﺎﻫﻮ ﺻﻮﺕ ﺍﻟﺪﺭﺑﻮﻛﺔ ﻭﻗﺒﻠﻬﺎ ﺍﻟﻤﻨﻈﻮﻣﺔ ﻭﺍﻟﻠﻪ ﻣﺎﺳﻤﻌﺘﻪ
ﻫﺪﺭﺯﺕ ﻣﻊ ﻭﻟﻴﺪ ﺷﻮﻳﺔ ﻭﺳﻜﺮﺕ ﻗﺎﻟﻲ ﺍﻫﻠﻲ ﻣﻘﺮﺭﻳﻦ ﺍﻟﺒﻴﺎﻥ ﺑﻌﺪ ﺍﺳﺒﻮﻉ ﺑﻴﺸﻮﻓﻮ ﻟﻮ ﻳﻨﺎﺳﺒﻨﺎ ﺍﻭ ﻻ ﻭﻗﺎﻟﻲ ﻓﻲ ﻗﺮﺍﺭ ﻣﻔﺎﺟﺌﺔ ﺑﻴﻘﻮﻟﻬﻮﻟﻲ ﻓﻲ ﺍﻟﻠﻴﻞ
ﺭﺟﻌﺖ ﻟﻠﺒﻨﺎﺕ ﻭﻛﻤﻠﻨﺎ ﻫﺒﺎﻟﻨﺎ ﻭﺗﻌﺸﻴﻨﺎ ﻭﺧﺸﻮ ﺭﻗﺪﻭ ﻭﺍﻧﻲ ﺍﺗﺼﻠﺖ ﺑﻮﻟﻴﺪ
ﺍﻧﻲ : ﺍﻟﻮ
ﻭﻟﻴﺪ : ﺍﻳﻮﻭﻩ ﺍﻫﻠﻴﻦ ﺑﻌﺮﻭﺳﺘﻲ ﺍﻟﺤﻠﻮﺓ
ﺍﻧﻲ : ﻫﻲ ﻗﻮﻟﻲ ﺷﻦ ﺍﻟﻤﻔﺎﺟﺌﺔ
ﻭﻟﻴﺪ : ﺍﻟﺤﻤﺪ ﻟﻠﻪ ﻣﺎﺩﺍﻡ ﺳﻤﻌﺖ ﺻﻮﺗﻚ ﺍﻧﺘﻲ ﻛﻴﻒ ﺣﺎﻟﻚ
ﺍﻧﻲ : ﻏﻴﺮ ﻫﻴﺎ ﻗﻮﻝ
ﻭﻟﻴﺪ : ﺩﻭﻡ ﻳﺎﺭﺏ ﻓﺮﺣﺎﻧﻪ ﺣﺒﻴﺒﺘﻲ ؟
ﺍﻧﻲ : ﻭﻟﻴﺪ ﻣﻦ ﻏﻴﺮ ﺗﺴﻬﻮﻳﻚ ﺍﻟﻔﻀﻮﻝ ﺑﻴﻘﺘﻠﻨﻲ
ﻭﻟﻴﺪ : ﺩﻭﻭﻡ ﺍﻟﻔﺮﺣﺔ ﻳﺎﻋﻤﺮﻱ
ﺍﻧﻲ : ﻭﻟﻴﻴﻴﺪ
ﻭﻟﻴﺪ : ﻭﻳﺨﻠﻴﻚ ﻟﻴﺎ ﻳﺎﻋﻴﻮﻥ ﻭﻟﻴﺪ ﺷﻦ ﺩﺭﺗﻲ ﺍﻟﻴﻮﻡ
ﺍﻧﻲ : ﻫﻬﻬﻬﻬﻪ ﻭﻟﻴﺪ ﺑﻄﻞ ﺑﺮﺍﺩﺓ
ﻭﻟﻴﺪ : ﺍﺣﺤﺢ ﻣﺎﻓﻴﺶ ﻣﻨﻚ ﺍﻣﻞ ﺑﻜﻞ
ﺍﻧﻲ : ﻣﺎﻓﻴﺶ ﺑﻜﻞ ، ﻫﻴﺎ ﻗﻮﻝ
ﻭﻟﻴﺪ : ﺷﻦ ﺑﻨﻘﻮﻝ
ﺍﻧﻲ : ﺍﻟﻤﻔﺎﺟﺌﺔ
ﻭﻟﻴﺪ : ﻣﻔﺎﺟﺌﺔ ﺷﻨﻮ
ﺍﻧﻲ : ﻭﺍﺍﺍﻙ ﺍﻧﺖ ﺗﺴﺘﻤﺘﻊ ﻟﻤﺎ ﺗﺤﺮﻗﻠﻲ ﺩﻣﻲ
ﻭﻟﻴﺪ : ﻫﻬﻬﻬﻬﻪ ﺣﺎﺟﺔ ﻗﺮﻳﺒﻪ ﻣﻦ ﻫﻜﻲ
ﺍﻧﻲ ﻭﻟﻴﻴﻴﻴﺪ
ﻭﻟﻴﺪ : ﺑﺎﻩ ﺗﻮ ﻧﻘﻮﻝ ﻫﻲ ﺷﺪﻱ ﻗﻠﺒﻚ ، ﻳﻮﻡ ﺍﻟﺒﻴﺎﻥ ﻧﺒﻲ ﻧﻘﺮﺍ ﺍﻟﻔﺎﺗﺤﺔ
ﺍﻧﻲ : ﻫﺎ ﺷﻨﻮ
ﻭﻟﻴﺪ : ﺑﺘﻮﻟﻲ ﺣﻼﻟﻲ
ﺍﻧﻲ : ﺡ ﺣﺒﻴﺒﻲ ﻗﺼﺪﻙ ﺑﺠﺪ ﻳﻌﻨﻲ ﺍﻧﻲ ﺍﻧﻲ ﻭﺍﻧﺖ
ﻭﻟﻴﺪ : ﺍﻳﻴﻴﻪ ، ﺷﻦ ﺭﺍﻳﻚ ﺍﻧﺘﻲ
ﺍﻧﻲ ﺑﻔﺮﺣﺔ : ﺍﺣﻠﻰ ﻣﻔﺎﺟﺌﺔ ﻭﻏﺪﻭﺓ ﺍﻫﻠﻚ ﺑﻴﻘﻮﻟﻮﻫﺎ ﻟﻤﺎﻣﺎ
ﻭﻟﻴﺪ : ﺍﻥ ﺷﺎﺀ ﺍﻟﻠﻪ
ﺍﻧﻲ : ﻭﻟﻴﺪ ﺑﺠﺪ ﺣﺒﻴﺒﻲ ﻣﺶ ﻣﺼﺪﻗﻪ ﻓﺮﺭﺣﺎﻧﻪ ﺑﻨﻄﻴﺮ
ﻭﻟﻴﺪ : ﺍﻫﻢ ﺣﺎﺟﺔ ﺗﻜﻮﻧﻲ ﺍﻧﺘﻲ ﻓﺮﺣﺎﻧﻪ ﻳﺎﻋﻤﺮﻱ
ﺍﻧﻲ : ﺣﻲ ﺣﺒﻴﺒﻲ ﻣﻌﻨﺎﻫﺎ ﺗﻘﺪﺭ ﺗﺨﺶ ﺗﻠﺒﺴﻠﻲ ﺍﻟﺪﺑﻠﺔ
ﻭﻟﻴﺪ : ﺍﺍﺍ ﻣﺎﻧﻌﺮﻓﺶ
ﺍﻧﻲ : ﻻ ﺣﺒﻴﺒﻲ ﺑﺘﻠﺒﺴﻨﻲ
ﻭﻟﻴﺪ : ﺑﺎﻩ ﺣﺎﺿﺮ
ﻭﻗﻌﺪﺕ ﻧﻬﺪﺭﺯ ﺍﻧﻲ ﻭﻭﻟﻴﺪ ﻟﻘﺮﻳﺐ ﺍﻟﺴﺎﻋﻪ ﺍﺭﺑﻌﻪ ﺍﻟﻔﺠﺮ ﻭﺍﻧﻲ ﻓﺮﺣﺎﻧﻪ ﻭﻫﻮ ﻓﺮﺣﺘﻪ ﻣﺶ ﺳﺎﻳﻌﺎﺗﻪ ﺑﻜﻞ
ﻧﻀﺖ ﺍﻟﺼﺒﺢ ﻋﻠﻲ ﺻﻮﻭﺕ ﺍﻟﺘﺪﺭﺑﻴﻚ ﻋﻠﻲ ﺑﺎﺏ ﺩﺍﺭ ﻧﺮﺟﺲ ﻭﻧﻮﺍﻝ
ﻋﺮﻓﺘﻮ ﻣﻨﻮ ﺍﻛﻴﺪ ﻫﻲ ﻣﻦ ﻏﻴﺮﻫﺎ ﻣﺰﻋﺠﺔ
ﺍﻧﻲ : ﺳﺎﺍﺍﺍﺍﺍﺍﺭﻩ ﺑﻄﻠﻠﻠﻠﻠﻠﻲ ﺑﻨﺮﺭﺭﺭﻗﺪ
ﺳﺎﺭﺓ : ﺗﺮﻗﺪﻱ ﻋﻴﻨﻚ ﻧﻮﻭﺿﻲ ﻳﺎﺍﺣﻠﻮﺓ ﻧﻮﺿﻲ ﻳﺎﻋﺮﻭﺳﺔ ﻋﺰﻭﺯﺗﻚ ﺟﺎﺍﻳﻪ ﺍﻟﻴﻮﻡ
ﻧﻮﺍﻝ ﺑﺼﻮﺕ ﻋﺎﻟﻲ : ﻳﺎﺍﺍﺣﻴﻮﺍﺍﺍﺍﻧﻪ ﻳﺎﺳﺎﺍﺍﺍﺍﺭﺓ ﺳﻜﺮﺭﺭ ﺍﻟﺮﻭﻭﺷﻦ
ﺳﺎﺭﺓ ﻧﺰﻟﺖ ﻭﻛﺎﻥ ﺧﻄﺮﺕ ﻓﻲ ﺑﺎﻟﻬﺎ ﺣﺎﺟﺔ ﻭﺍﺣﻨﻲ ﺍﺭﺗﺤﻨﺎ ﻭﺍﺳﺘﺮﺧﻴﻨﺎ ﺷﻮﻱ ﻋﻠﻲ ﺍﺳﺎﺱ ﺑﻨﻮﻟﻮ ﻧﺮﻗﺪﻭ ﻭﺷﻮﻳﺔ ﻭﻧﺴﻤﻊ ﺻﻮﻭﺕ ﻃﻖ ﺑﺎﻟﻜﺎﺷﻴﻚ ﻋﻠﻲ ﺍﻟﻄﻨﺠﺮﺭﺓ : ﻫﻴﺎﺍ ﻫﻴﺎﺍ ﻧﻮﺿﻮ ﻫﻴﺎ ﻫﻴﺎ ﻧﻮﺿﻮ ﻫﻴﺎ ﻫﻴﺎ ﻧﻮﺿﻮ ﻭﺗﻠﺤﻦ ﻓﻴﻬﺎ
ﻧﻀﻨﺎ ﻛﻠﻨﺎ ﻏﺼﺒﻦ ﻋﻨﻨﺎ ﻣﻦ ﺍﻻﺯﻋﺎﺝ ﻓﻄﺮﻧﺎ ﻭﺑﺪﻳﻨﺎ ﻧﺪﻭﺭﻭ ﻉ ﺍﻟﺤﻮﺵ ﺿﻤﺎﻥ ﺧﻔﻴﻒ ﺍﺳﺎﺳﺎ ﻣﻀﻤﻮﻡ ﻭﺑﻌﺪﻫﺎ ﻣﺎﻣﺎ ﺩﺍﺭﺕ ﺍﻟﺮﺯ ﺍﻻﺑﻴﺾ ﻫﻲ ﻭﺧﺎﻟﺘﻲ ﻟﻠﻌﺸﻲ ﻭﺍﺣﻨﻲ ﺩﺭﻧﺎ ﺍﻣﺒﻄﻦ ﻭﺗﺴﺎﻋﺪﻧﺎ ﻓﻴﻬﺎ ﻭﺩﺭﻧﺎ ﺷﺮﺍﺋﺢ ﺩﺟﺎﺝ
ﻣﻊ ﺍﻟﺴﺎﻋﻪ 5 ﻛﻠﻨﺎ ﻣﻜﻤﻠﻴﻦ ﻛﻞ ﺷﻲ
ﺍﻧﻲ : ﺍﻧﻲ ﺑﻨﻤﺸﻲ ﻧﺪﻭﺵ ﻭﻧﺒﺪﺍ ﻧﻮﺗﻲ ﺭﻭﺣﻲ ، ﻭﺭﻛﺒﺖ
ﺧﺎﻟﺘﻲ : ﺑﺮﻱ ﺭﺑﻲ ﻳﻌﺎﻭﻧﻚ ﻭﺍﻧﺘﻲ ﻳﺎﻧﺎﺩﻳﺔ ﺣﺘﻰ ﺍﻧﺘﻲ ﺑﺮﻱ ﺍﺑﺪﻱ ﻭﺗﻲ ﺭﻭﺣﻚ ﻭﺍﻫﻮ ﺍﻧﻲ ﻭﺍﻟﺒﻨﺎﺕ ﻧﻜﻤﻠﻮ ﺍﻟﻤﻄﺒﺦ
ﻣﺎﻣﺎ : ﻻﻻ ﺧﻠﻴﻨﻲ ﻧﻜﻤﻞ ﻣﻌﺎﻛﻢ
ﺧﺎﻟﺘﻲ : ﻭﺍﻟﻠﻪ ﺗﻤﺸﻲ ﺑﺮﻱ ﻭﺗﻲ ﺭﻭﺣﻚ ﻫﺪﺍﻛﺎ ﻫﻮ
ﺩﻭﺷﺖ ﻭﺑﻌﺪﻫﺎ ﺳﺎﺭﺓ ﺍﺳﺘﺸﻮﺭﺗﻠﻲ ﺷﻌﺮﻱ ﻭﻟﺒﺴﺖ ﻗﻔﻄﺎﻥ ﺍﺑﻴﺾ ﻟﻠﺮﻛﺒﺔ ﻭﺩﺭﺕ ﻟﻘﻄﺔ ﺑﺴﻴﻄﺔ ﻟﺸﻌﺮﻱ ﻭﻭﺗﻴﺖ ﺭﻭﺣﻲ ﻭﻣﻊ ﺍﻟﺴﺎﻋﻪ ﺳﺒﻌﻪ ﺟﻮﻭ ﻭﺍﻧﻲ ﻣﺘﻮﺗﺮﺓ ﺷﻮﻳﺔ ﻛﺎﻧﺖ ﺧﺎﻟﺘﻪ ﻭﺍﻣﻪ ﻭﻣﻨﻰ ﺍﺧﺘﻪ
ﻃﻠﻌﺖ ﻧﻮﺭﺱ ﻓﺮﻗﺖ ﻋﻠﻴﻬﻢ ﺍﻟﻌﺼﻴﺮ ﻭﺑﻌﺪﻫﺎ ﺧﺸﻴﺖ ﺍﻧﻲ ﺳﻠﻤﺖ ﻋﻠﻴﻬﻢ ﻭﻗﻌﻤﺰﺕ ﻣﻘﺎﺑﻠﺘﻬﻢ ﻭﻗﻌﺪﻭ ﻳﻬﺪﺭﺯﻭ ﻭﺑﻌﺪﻫﺎ ﺟﺒﺖ ﺍﻟﻘﻬﻮﺓ
ﻓﺘﺤﻴﺔ : ﻋﺎﺭﻓﻪ ﻳﺎﻧﺎﺩﻳﺔ ﺍﻥ ﺍﺣﻨﻲ ﺟﺎﻳﻴﻦ ﻧﺤﺪﺩﻭ ﻣﻮﻋﺪ ﻟﻠﺒﻴﺎﻥ ﻭﻓﻲ ﻧﻔﺲ ﺍﻟﻴﻮﻡ ﻭﻟﺪﻱ ﻳﺒﻲ ﺍﻟﻔﺎﺗﺤﺔ
ﻣﺎﻣﺎ : ﻛﻴﻒ ﻗﺼﺪﻙ ﺍﻟﻔﺎﺗﺤﺔ ﻗﺒﻞ ﺍﻟﻌﺮﺱ
ﻓﺘﺤﻴﺔ : ﺍﻳﻪ ﻭﺍﻟﻠﻪ ﻫﻜﻲ ﺍﻥ ﺷﺎﺀ ﺍﻟﻠﻪ ﻛﺎﻥ ﻭﺍﻓﻘﺘﻮ ﺍﻟﻔﺎﺗﺤﺔ ﺍﻟﻌﺼﺮ ﻭﺑﻌﺪ ﺍﻟﻤﻐﺮﺏ ﻧﺠﻴﺒﻮ ﺍﻟﺘﻠﺒﻴﺴﻪ
ﻣﺎﻣﺎ : ﻭﺍﻟﻠﻪ ﻣﺎﻧﻌﺮﻑ ﻓﺎﺟﺌﺘﻮﻧﻲ ﺑﺎﻟﻤﻮﺿﻮﻉ ( ﻋﻠﻴﻚ ﻏﺒﻴﻪ ﺍﻧﻲ ﻳﺎﺭﻳﺘﻨﻲ ﻗﻠﺘﻠﻬﺎ )
ﻓﺘﺤﻴﺔ : ﻭﺍﻟﻠﻪ ﻋﻨﺪﻙ ﺍﻟﺤﻖ ﺣﺘﻰ ﺍﻧﻲ ﻓﺎﺟﺌﻨﻲ ﻟﻤﺎ ﻗﺎﻟﻲ ﺑﺲ ﻫﻮ ﻳﺒﻲ ﺍﻟﺒﻨﺖ ﺗﻜﻮﻥ ﺣﻼﻟﻪ
ﻣﺎﻣﺎ : ﺍﻛﻴﺪ ﻣﻦ ﺣﻘﻪ ﻭﺍﻧﺘﻮ ﺍﻣﺘﻰ ﺗﺒﻮ ﺍﻟﺒﻴﺎﻥ
ﻓﺘﺤﻴﻪ : ﻭﺍﻟﻠﻪ ﻣﺎﺩﺍﺑﻴﻨﺎ ﻣﻊ ﺍﻻﺳﺒﻮﻉ ﺍﻟﺠﺎﻱ
ﻣﺎﻣﺎ : ﻭﺍﻟﻠﻪ ﻳﺎﻓﺘﺤﻴﻪ ﺍﺳﺒﻮﻉ ﻣﺎﻳﺴﺪﺵ ﻧﻮﺗﻮ ﻓﻴﻪ ﺭﻭﺣﻨﺎ ﺭﺍﻫﻮ ﺑﺘﺸﺮﻱ ﻗﻔﻄﺎﻥ ﻭﺣﻮﺳﻪ ﻭﻣﻌﺎﻫﺎ ﻓﺎﺗﺤﺔ
ﻓﺘﺤﻴﻪ : ﺍﻣﺘﻰ ﻳﻨﺎﺳﺒﻜﻢ ﺍﻧﺘﻮ
ﻣﺎﻣﺎ : ﻉ ﺍﻻﻗﻞ ﺍﺳﺒﻮﻋﻴﻦ
ﻓﺘﺤﻴﻪ : ﺧﻼﺹ ﺍﻣﺎﻻ ﺍﻟﺨﻤﻴﺲ ﺍﻟﺠﺎﻱ ﻻ ﺍﻟﻲ ﺑﻌﺪﻫﺎ ﻫﻜﻲ ﺑﺎﻫﻲ
ﻣﺎﻣﺎ : ﻋﻠﻲ ﺑﺮﻛﺔ ﺍﻟﻠﻪ ﺍﻥ ﺷﺎﺀ ﺍﻟﻠﻪ
ﺧﺎﻟﺘﻲ : ﺭﻭﺭﻭﺭﻭﺭﻭﺭﻱ ﺭﺑﻲ ﻳﺘﻤﻢ ﻋﻠﻲ ﺧﻴﺮ ﺍﻥ ﺷﺎﺀ ﺍﻟﻠﻪ
ﺍﻧﻲ ﻣﺘﺤﺸﻤﺔ ﻭﻣﻨﺰﻟﺔ ﺭﺍﺳﻲ ﻟﻮﻃﻰ ﻭﺧﻼﺹ
،،،،
ﻓﺎﺗﻮ ﺍﺳﺒﻮﻋﻴﻦ ﻭﻃﻮﻝ ﻫﺎﻻﺳﺒﻮﻋﻴﻦ ﻭﺍﻧﻲ ﻧﺠﺮﻱ ﻭﻧﻄﻠﻊ ﻳﺎﺍﻣﺎ ﺍﻧﻲ ﻭﻣﺎﻣﺎ ﻳﺎﺍﻣﺎ ﻣﻊ ﻫﺎﺟﺮ ﻳﺎﺍﻣﺎ ﺳﺎﺭﺓ ﻭﻣﺮﺍﺕ ﺑﺮﻭﺣﻲ ﺗﺒﻬﺪﻟﺖ ﻫﻠﺒﺎ ﺑﺎﻟﻄﻠﻮﻉ ﺑﺲ ﻭﻟﻴﺪ ﻣﺴﺎﻋﺪﻧﻲ ﻫﻠﺒﺎ ﻓﻲ ﺍﻳﺎﻡ ﻧﺘﻼﻗﻰ ﻣﻌﺎﻫﺎ ﻭﻧﻤﺸﻮ ﻟﻠﻤﺤﻼﺕ ﻳﺨﺘﺎﺭ ﻣﻌﺎﻱ ﻭﻣﺴﺘﺤﻴﻞ ﻳﺨﻠﻴﻨﻲ ﻧﺪﻓﻊ ﺍﺳﺎﺳﺎ ﺣﺘﻰ ﺍﻟﻘﻔﻄﺎﻥ ﻣﻦ ﺫﻭﻗﻪ ﻫﻮ ﻭﺍﻟﺪﺑﻠﺔ ﺍﻣﺸﻴﻨﺎ ﺍﺧﺪﻳﻨﺎﻫﺎ ﻣﻊ ﺑﻌﺾ ﻭﻛﺎﻧﻮ ﻫﺎﻻﺳﺒﻮﻉ ﺭﻏﻢ ﺍﻟﺘﻌﺐ ﺍﻻ ﺍﻧﻬﻢ ﻛﺎﻧﻮ ﺍﺣﻠﻰ ﺍﺳﺒﻮﻋﻴﻦ ﻓﻲ ﺣﻴﺎﺗﻲ ﻓﺮﺣﺎﻧﻪ
ﻭﺍﻳﻪ ﺑﺎﻟﻨﺴﺒﻪ ﻟﻬﺎﺟﺮ ﺍﻣﺸﺖ ﻋﻤﺘﻲ ﻃﻠﺒﺘﻬﺎ ﻭﺍﻣﺸﻴﻨﺎ ﻣﻌﺎﻫﺎ ﻭﺭﺩﻭ ﺑﺎﻟﻤﻮﻓﻘﻪ ﻣﺰﺍﻝ ﺑﻴﺪﻳﺮﻭ ﻓﻀﺎﻧﻴﻪ ﺑﻌﺪ ﺑﻴﺎﻧﻲ
ﻏﺪﻭﺓ ﺍﻟﺒﻴﺎﻥ ﻭﺍﻧﻲ ﺣﺎﻳﺴﻪ ﻭﻣﺘﻮﺗﺮﺓ ﻗﺎﻋﺪﻩ ﺣﺎﻃﺔ ﻗﻨﺎﻉ ﻋﻠﻲ ﻭﺟﻬﻲ ﻭﻧﻔﻜﺮ ﻛﻴﻒ ﺣﻴﻜﻮﻥ ﻏﺪﻭﺓ ﻭﻫﻞ ﻧﻄﻠﻊ ﺣﻠﻮﺓ ﺍﻭ ﻻ ﻭﻛﻴﻒ ﻭﻟﻴﺪ ﺣﻴﻜﻮﻥ ﻭﻋﻘﻠﻲ ﻣﺸﻮﺵ ﺑﻜﻞ
ﺭﻥ ﻓﻮﻧﻲ ﻛﺎﻧﺖ ﻫﺎﺟﺮ : ﺍﻟﻮ
ﺍﻧﻲ : ﺍﻟﻮ ﺍﻫﻠﻴﻦ
ﻫﺎﺟﺮ : ﺷﻦ ﺟﻮﻙ
ﺍﻧﻲ : ﺗﻤﺎﻡ ﺍﻫﻮ ﻣﺘﻮﺗﺮﺓ ﻫﻠﺒﺎ ﻭﻣﺶ ﻋﺎﺭﻓﻪ ﺣﺎﺳﻪ ﺭﻭﺣﻲ ﺣﺎﻳﺴﻪ
ﻫﺎﺟﺮ : ﻋﻼﺵ ﺣﺎﻳﺴﻪ ﺍﻫﺪﻱ ﻭﻣﺎﺗﻮﺗﺮﻳﺶ ﺭﻭﺣﻚ ﺑﺎﺫﻥ ﺍﻟﻠﻪ ﻛﻞ ﺷﻲ ﻳﻤﺸﻲ ﻋﻠﻲ ﺧﻴﺮ
ﺍﻧﻲ : ﺍﻥ ﺷﺎﺀ ﺍﻟﻠﻪ ، ﺗﺠﻴﻨﻲ ﺍﻟﻴﻮﻡ
ﻫﺎﺟﺮ : ﺍﺻﻼ ﻣﻦ ﻏﻴﺮ ﻣﺎﺗﻘﻮﻟﻲ ﺟﺎﻳﺎﺗﻚ ﻭﺑﺎﻳﺘﻪ ﻋﻨﺪﻙ ﻭﻣﺎﺷﻴﻪ ﻣﻌﺎﻙ ﻏﺪﻭﺓ ﻟﻠﻤﺰﻳﻦ
ﺍﻧﻲ : ﺑﺎﻟﺤﻖ ﻭﻭﻭﻩ ﺟﻮ ﻣﺶ ﻋﺎﺩﻱ ﺣﺘﻰ ﺳﺎﺭﺓ ﺑﺘﻤﺸﻲ ﻣﻌﺎﻱ ﻟﻠﻤﺰﻳﻦ ﺍﺻﻼ ﻧﺒﻴﻜﻢ ﺟﻨﺒﻲ ﺿﺮﻭﺭﻱ
ﻭﻫﺪﺭﺯﺕ ﻣﻊ ﻫﺎﺟﺮ ﻭﺟﻮ ﺳﺎﻋﻪ ﻭﺟﺘﻨﻲ ﻭﺟﺖ ﺧﺎﻟﺘﻲ ﻭﻋﻤﺘﻲ ﻭﻋﻠﻴﺎ ﻭﻧﺴﺎﻭﻳﻦ ﺍﺧﻮﺍﻟﻲ ﺍﻟﺤﻮﺵ ﺗﻌﺒﻰ ﻭﺍﻟﻤﻨﻈﻮﻣﺔ ﻣﻔﺘﻮﺣﺔ ﻭﺟﻮ ﺣﻠﻮ
،،،،
ﻧﻀﺖ ﺍﻟﺴﺎﻋﻪ ﺗﻤﺎﻧﻴﻪ ﻉ ﺻﻮﺕ ﺍﻟﻤﻨﺒﻪ ﻭﺗﻴﺖ ﺭﻭﺣﻲ ﻭﻧﻮﺿﺖ ﺳﺎﺭﻩ ﻭﻫﺎﺟﺮ ﻭﻧﺰﻟﺖ ﺍﻟﻘﻴﺖ ﻣﺎﻣﺎ ﻓﻲ ﺍﻟﻤﻄﺒﺦ : ﺻﺒﺎﺡ ﺍﻟﺨﻴﺮ
ﻣﺎﻣﺎ : ﺻﺒﺎﺡ ﺍﻟﻨﻮﺭ ﻫﺎﻙ ﻛﻮﻟﻲ ﺳﺒﻊ ﺗﻤﺮﺍﺕ ﻃﻠﻌﺘﻬﻤﻠﻚ ﺗﻮﺍ
ﻛﻠﻴﺖ ﺍﻟﺘﻤﺮﺍﺕ ﻭﻃﻠﻌﺖ ﻛﺎﻥ ﺳﺎﺭﻩ ﺑﺘﺮﻓﻌﻨﻲ ﻣﺸﻴﺖ ﻟﻠﻤﺰﻳﻦ ﻭﻓﻲ ﺍﻟﻄﺮﻳﻖ ﻛﻠﻤﻨﻲ ﻭﻟﻴﺪ ﻗﺎﻟﻲ ﺣﺘﻰ ﻫﻮ ﺑﻴﻤﺸﻲ ﻟﻠﺤﻼﻕ ﻭﺑﻴﻮﺗﻲ ﺭﻭﺣﻪ ﻟﻠﻔﺎﺗﺤﻪ ﻭﻛﺎﻥ ﻓﺮﺣﺎﻥ ﺑﻴﻄﻴﺮ ﻭﻳﻘﻮﻝ ﻭﺍﺧﻴﺮﺍ ﺑﺘﻮﻟﻲ ﺣﻼﺍﻟﻲ
،،،،،
ﺍﻟﺴﺎﻋﻪ 4 ﺗﻮﺍ ﺍﻧﻲ ﻓﻲ ﺍﻟﻄﺮﻳﻖ ﻣﺮﻭﺣﻴﻦ ﻣﻦ ﺍﻟﻤﺰﻳﻦ ﻭﺻﻠﻨﺎ ﻟﺒﺎﺏ ﺍﻟﺤﻮﺵ ﻭﺳﺎﺭﺓ ﺷﺎﺩﻩ ﺍﻟﻜﻼﻛﺲ ﺑﻴﻴﻴﺐ ﺑﻴﻴﺐ ﺑﻴﻴﺐ
ﺩﺧﻠﺖ ﺍﻟﺴﻴﺎﺭﺓ ﻟﻠﺠﻨﺎﻥ ﻭﻧﺰﻟﺖ ﻣﻦ ﺍﻟﺴﻴﺎﺭﺓ ﻗﻤﺖ ﺍﻟﻮﺷﺎﺡ ﺍﻟﻲ ﻛﻨﺖ ﻣﻨﺰﻻﺗﻪ ﻋﻠﻲ ﺭﺍﺳﻲ ﺍﻭﻝ ﻣﻦ ﻗﺎﺑﻠﺘﻨﻲ ﻣﺎﻣﺎ ﻛﺎﻧﻮ ﻋﻴﻮﻧﻬﺎ ﻣﻌﺒﻴﻴﻦ ﺩﻣﻮﻉ ﺟﻴﺖ ﻧﺠﺮﻱ ﺍﺿﺒﻄﺘﻬﺎ ﻭﻗﻌﺪﺕ ﻧﺒﻜﻲ ﺩﻣﻮﻉ ﻓﺮﺣﺔ ﻭﺣﺰﻥ ﻓﺮﺣﺘﻲ ﻛﺎﻧﺖ ﻧﺎﻗﺼﺘﻬﺎ ﺣﺎﺟﺔ
ﻧﺎﻗﺼﺘﻬﺎ ﻓﺮﺣﺔ ﺑﺎﺑﺎ ﺍﻟﻠﻪ ﻳﺮﺣﻤﻪ ﻟﻮ ﻛﺎﻥ ﺣﻲ ﺭﺍﻫﻮ ﺗﻮﺍ ﻓﺮﺣﺎﻥ ﻫﻠﺒﺎ ﻛﻨﺖ ﺍﻏﻠﻰ ﻭﺣﺪﺓ ﻋﻨﺪﻩ ﺍﺳﺎﺳﺎ ﻛﺎﻥ ﻣﺶ ﺣﻴﻨﻘﺺ ﺷﻲ ﻭﺣﻴﺪﻳﺮﻟﻲ ﺑﻴﺎﻥ ﻛﺒﻴﺮ ﺑﺲ ﻫﻜﻲ ﺭﺑﻲ ﻣﻘﺪﺭ ﺍﻟﺤﻤﺪ ﻟﻠﻪ ﻉ ﻛﻞ ﺣﺎﻝ ﻛﻞ ﺷﻲ ﻟﻠﺒﻴﺎﻥ ﻭﺗﻴﻨﺎﻩ ﺑﺮﻭﺣﻨﺎ ﻛﻨﺖ ﻃﻮﻝ ﺍﻟﻮﻗﺖ ﻧﺤﺲ ﻓﻲ ﺷﻲ ﻧﺎﻗﺺ ﻭﺣﺎﺟﺔ ﻧﺎﻏﺰﺗﻨﻲ ﻓﻲ ﻗﻠﺒﻲ ﺍﻟﻠﻪ ﻳﺮﺣﻤﻚ ﻳﺎﺑﺎﺑﺎ
ﻓﻜﺘﻨﻲ ﺧﺎﻟﺘﻲ ﻣﻦ ﻣﺎﻣﺎ ﺑﺎﻟﺴﻴﻒ : ﺗﻲ ﺑﻄﻠﻲ ﺧﺮﺑﺘﻲ ﻣﻜﻴﺎﺍﺍﺟﻚ
ﺍﻧﻲ ﻧﺤﺎﻭﻝ ﻧﻤﺴﺢ ﺩﻣﻮﻋﻲ : ﺣﻘﺎ ﺗﺨﺮﺏ
ﻧﻮﺭﺱ ﻃﺎﻟﻌﻪ ﺗﺠﺮﻱ ﻭﺍﻭﻝ ﻣﺎﺷﺎﻓﺘﻨﻲ ﻭﻗﻔﺘﻨﺎ ﻓﻲ ﻣﻜﺎﻧﻬﺎ ﻛﻨﺖ ﻣﺤﻮﻟﺔ ﺍﻟﻮﺷﺎﺡ ﺩﺍﻳﺮﻩ ﺗﺴﺮﻳﺤﺔ ﻣﺮﻓﻮﻋﻪ ﻓﻮﻕ ﻭﻗﻔﻄﺎﻥ ﺍﺣﻤﺮ ﻃﻮﻳﻞ ﻋﻴﻮﻧﻬﺎ ﺗﻌﺒﻮ ﺩﻣﻮﻉ : ﻧﺴﻴﺒﺔ ﻃﺎﻟﻌﻪ ﺗﻬﺒﻠﻲ ﻭﺟﺘﻨﻲ ﺗﺠﺮﻱ ﺍﺿﺒﻄﺘﻨﻲ ﺍﻟﻒ ﻣﺒﺮﻭﻙ ﻳﺎﺍﻭﺧﻴﺘﻲ ﺍﻟﻒ ﻣﺒﺮﻭﻙ
ﻭﺟﻮ ﻧﺮﺟﺲ ﻭﻧﻮﺍﻝ ﺍﺿﺒﻄﺘﻬﻢ ﻭﺗﺨﻨﻖ ﻓﻴﺎ ﺍﻟﻌﺒﺮﺓ ﻭﺷﺎﺩﺓ ﺩﻣﻮﻋﻲ ﺑﺎﻟﺴﻴﻒ
ﺧﺎﻟﺘﻲ : ﺣﻮﻟﻮ ﻣﻦ ﻋﻠﻲ ﺍﺧﺘﻜﻢ ﺧﻠﻮﻫﺎ ﺗﺨﺶ ﻫﻴﺎ ﺧﺸﻲ ﺧﺸﻲ ﻭﺭﻭﺭﻭﺭﻭﺭﻭﺭﻱ
ﻋﻤﺘﻲ ﻓﺎﺩﻳﺔ ﺗﺠﻲ ﺟﻬﺘﻲ : ﺭﻭﺭﻭﺭﻭﺭﻭﺭﻱ ﺍﻟﻒ ﻣﺒﺮﻭﻙ ﻳﺎﺑﻨﻴﺘﻲ ﺍﻟﻒ ﻣﺒﺮﻭﻙ ﻳﺎﺑﻨﺖ ﺍﻟﻐﺎﻟﻲ ﺍﻟﻒ ﻣﺒﺮﻭﻙ
ﻋﻠﻴﺎ : ﻣﺒﺮﻭﻙ ﻳﺎﻧﻮﺳﺴﻪ
ﺍﻧﻲ : ﺍﻟﻠﻪ ﻳﺒﺎﺭﻙ ﻓﻴﻚ ﺍﻟﻔﺎﻝ ﻟﻴﻚ ﺣﺒﻴﺒﺘﻲ
ﺳﺎﺭﺓ : ﻣﺪﻭﻟﻲ ﺍﻟﺪﺭﺑﻮﻛﺔ ﻭﻗﻌﺪﺕ ﺗﺪﺭﺑﻚ ﻭﻳﻐﻨﻮ ﻭﻗﻠﺒﻮﻫﺎ
ﺍﻧﻲ ﻣﻘﻌﻤﺰﺓ ﻧﺘﻔﺮﺝ ﻋﻠﻴﻬﻢ ﻭﻓﺮﺣﺎﻧﻪ ﻣﺶ ﻗﺎﺩﺭﺓ ﻧﻮﺻﻒ ﺷﻌﻮﺭﻱ ﻭﻓﺮﺣﻪ ﻣﺎﻣﺎ ﻛﺎﻧﺖ ﺑﺎﻟﺪﻧﻴﺎ ﻛﻠﻬﺎ
ﺷﻮﻱ ﻭﺷﺮﻳﻦ ﺗﻠﻴﻔﻮﻥ ﻣﺎﻣﺎ : ﺍﻟﻮ ﺍﻳﻤﻦ ﺷﻦ ﺻﺎﺭ
ﺍﻳﻤﻦ : ﺍﻧﻘﺮﺕ ﺍﻟﻔﺎﺗﺤﻪ ﺍﻋﻄﻴﻨﻲ ﻧﻮﺳﺔ ﻧﺒﺎﺭﻛﻠﻬﺎ
ﻣﺎﻣﺎ : ﺭﻭﺭﻭﺭﻭﺭﻭﺭﻭﺭﻭﺭﻱ
ﺧﺎﻟﺘﻲ ﻭﻋﻤﺘﻲ ﻭﻧﺴﺎﻭﻳﻦ ﺧﺎﻟﻲ : ﺭﻭﺭﻭﺭﻭﺭﻭﺭﻭﺭﻭﺭﻱ
ﺧﺪﻳﺖ ﺍﻟﻔﻮﻥ ﻭﺭﺩﻳﺖ ﻋﻠﻲ ﺍﻳﻤﻦ ﻭﺍﻧﻲ ﻋﻴﻮﻧﻲ ﻣﻌﺒﻴﺎﺕ ﺩﻣﻮﻉ
ﺍﻳﻤﻦ : ﺍﻟﻒ ﻣﺒﺮﻭﻭﻙ ﺍﻥ ﺷﺎﺀ ﺍﻟﻠﻪ ﺑﺎﻟﺤﻴﺎﻩ ﺍﻟﺴﻌﻴﺪﺓ
ﺍﻧﻲ ﻧﻤﺴﺢ ﺩﻣﻌﺘﻲ : ﺍﻟﻠﻪ ﻳﺒﺎﺭﻙ ﻓﻴﻚ ﺍﻟﻔﺎﻝ ﻟﻴﻚ ﻳﺎﺭﺏ
ﺍﻳﻤﻦ : ﻳﺎﺍﺍﺍﺍﺍﺍﺭﺏ ﻛﺜﺮﻱ ﻣﻨﻬﺎ ﺍﻟﺪﻋﻮﻩ ﻫﺎﺩﻱ
ﺍﻧﻲ : ﻫﻬﻬﻬﻬﻪ
ﻭﺷﻮﻱ ﻭﺭﻥ ﻋﻠﻴﺎ ﻭﻟﻴﺪ : ﺍﻟﻮ
ﻭﻟﻴﺪ : ﺍﻟﻒ ﻣﺒﺮﻭﻭﻭﻭﻭﻭﻙ ﻳﺎﺍﺍﻣﺮﺍﺗﻲ ﻳﺎﺍﺍﺣﻼﻟﻲ ﺍﻧﺘﻲ ﻳﺎﺍﺍﺍﺣﺐ ﺣﻴﺎﺗﻲ ﻭﻋﻤﺮﻱ ﻭﻗﻠﺒﻲ ﻭﻛﻞ ﺷﻲ
ﺍﻧﻲ : ﻫﻬﻬﻬﻪ ﺍﻟﻒ ﻣﺒﺮﻭﻙ ﻋﻠﻴﻨﺎ ﺣﺒﻴﺒﻲ
ﻭﻟﻴﺪ : ﻭﺍﺧﻴﺮﺍﺍﺍﺍﺍﺍ ﺗﻌﺮﻓﻲ ﻟﻤﺎ ﻛﻤﻠﻮ ﻗﺮﻳﺐ ﻧﻀﺖ ﻋﻴﻄﺘﻠﻬﻢ ﻓﻲ ﺍﻟﺼﺎﻟﺔ ﻭﻗﻠﺘﻠﻬﻢ ﻭﺍﺧﻴﺮﺭﺭﺭﺭﺍ ﺣﺒﻴﺒﺘﻲ ﻭﻟﺖ ﻣﺮﺗﻲ
ﺍﻧﻲ : ﻫﻬﻬﻬﻬﻪ ﻣﺠﻨﻮﻥ
ﻛﻨﺖ ﻃﺎﻳﺮﺓ ﻣﻦ ﺍﻟﻔﺮﺣﺔ ﻭﻣﺶ ﻗﺎﺩﺭﺓ ﻧﻮﺻﻒ ﺍﻟﺸﻌﻮﺭ
ﺟﻲ ﺍﻟﻤﻐﺮﺏ ﻭﺷﻮﻱ ﻧﺴﻤﻌﻮ ﺻﻮﺕ ﻛﻼﻛﺴﺎﺕ ﻛﻨﺖ ﻓﻮﻕ ﺍﻧﻲ ﻧﺘﻔﺮﺝ ﻣﻦ ﺍﻟﺮﻭﺷﻦ ﻭﺑﺪﻭ ﻳﻨﺰﻟﻮ ﻭﻧﺰﻟﻮ ﺳﻮﺍﺑﻴﺘﻬﻢ ﻭﺍﻟﺤﻮﺵ ﺍﻧﻘﻠﺐ ﺻﻐﺎﺭﻳﺖ ﻭﻓﺘﺤﻮ ﺍﻟﻤﻨﻈﻤﻮﻣﻪ
ﺑﻌﺪﻫﺎ ﺑﻨﺺ ﺳﺎﻋﻪ ﻗﺎﻟﺘﻠﻲ ﻣﺎﻣﺎ ﺍﻧﺰﻟﻲ ﻓﺘﺤﻮ ﺍﻟﻤﻨﻈﻤﻮﻣﻪ ﻋﻠﻲ ﺍﺳﻤﺎﺀ ﺍﻟﻠﻪ ﺍﻟﺤﺴﻨﻰ ﻭﺩﺭﺟﻮﻧﻲ ﻋﻠﻴﻬﺎ ﺧﺸﻴﺖ ﺳﻠﻤﺖ ﻋﻠﻲ ﻋﻴﻠﺘﻪ ﻛﻠﻬﻢ ﻭﺑﻌﺪﻫﺎ ﻗﻌﻤﺰﺕ ﻭﻗﻌﺪﻭ ﻳﺪﺭﺑﻜﻮ ﻭﻳﻐﻨﻮ ﻭﻛﺎﻥ ﺟﻮ ﺧﻴﺎﻝ ﺗﻌﺸﻮ ﺑﻌﺪﻫﺎ ﻟﺒﺴﺖ ﻗﻔﻄﺎﻥ ﺍﻟﻲ ﺟﺎﻳﻮﻩ ﻫﻤﺎ ﻛﺎﻥ ﻟﻮﻧﻪ ﻓﻮﺷﻴﺎ ﻣﻨﻔﻮﺥ ﻃﻠﻊ ﻋﻠﻴﺎ ﻳﻬﺒﻠﻞ ﻭﻭﻟﻴﺖ ﻃﺮﺭﻑ
ﻫﺎﺟﺮ : ﻃﺎﻟﻌﻪ ﻃﺮﺭﻑ ﺗﻬﺒﻠﻲ
ﻧﺰﻟﺖ ﻭﺷﻮﻱ ﻭﻗﺎﻟﻮ ﻋﺮﻳﺴﻲ ﺑﻴﺨﺶ ﻭﻗﻔﺖ ﻭﺍﻧﻲ ﻃﻠﺒﺖ ﻳﻔﺘﺤﻮ ﺍﻏﻨﻴﻪ ﻳﺎﺩﺑﻠﺔ ﺍﻟﺨﻄﻮﺑﺔ ﻭﺧﺶ ﻭﻟﻴﺪ
ﻳﺎ ﺩﺑﻠﺔ ﺍﻟﺨﻄﻮﺑﻪ ﻋﻘﺒﺎﻟﻨﺎﻛﻠﻨﺎ
ﻭﻧﺒﻨﻲ ﻃﻮﺑﻪ ﻃﻮﺑﻪ ﻓﻲ ﻋﺶ ﺣﺒﻨﺎ
ﻧﺘﻬﻨﻰ ﺑﺎﻟﺨﻄﻮﺑﻪ ﻭﻧﻘﻮﻝ ﻣﻦ ﻗﻠﺒﻨﺎ
ﻳﺎﺩﺑﻠﺔ ﺍﻟﺨﻄﻮﺑﻪ
ﻭﻭﻭﻭﻭﻭ .......
# ﻳﺘﺒﻊ
