منقولة
الحلقةة[37]
من ﺭﻭﺍﻳﺔ - - ->" #ﺳﻨــﺪ_ﺍﻷﻧﺜــﻰ_ﺭﺟــﻞ "
ﻣﻨﻰ ﺭﻛﺒﺖ ﺍﻟﺴﻴﺎﺭﻩ ﻭﻫﻲ ﻣﺘﻀﺎﻳﻘﻪ : ﺍﻟﺴﻼﻡ ﻋﻠﻴﻜﻢ
ﻋﻤﺎﺩ : ﻭﻋﻠﻴﻜﻢ ﺍﻟﺴﻼﻡ ، ﻭﻭﻟﻊ ﻭﺍﻣﺸﻲ ، ﺷﻦ ﻛﻴﻒ ﺣﺎﻟﻚ ﺗﻮﺍ
ﻣﻨﻰ : ﺍﻟﺤﻤﺪ ﻟﻠﻪ ، ﻭﻟﻔﺖ ﻭﺟﻬﻬﺎ ﺟﻬﺔ ﺍﻟﺮﻭﺷﻦ ﻭﻫﻲ ﺗﻔﻜﺮ
ﻋﻤﺎﺩ ﻣﺴﺘﻐﺮﺏ ﺗﺼﺮﻓﺎﺗﻬﺎ ﺗﻠﻔﺘﻠﻬﺎ : ﻣﻨﻰ
ﻣﻨﻰ ﺗﻠﻔﺘﺘﻠﻪ : ﻧﻌﻢ ، ﻭﺟﺖ ﻋﻴﻨﻬﺎ ﻓﻲ ﻋﻴﻨﻪ ﻧﺰﻟﺖ ﻋﻴﻮﻧﻬﺎ ﻭﺧﺎﻳﻔﻪ ﺭﻭﺣﻬﺎ ﺗﻀﻌﻒ
ﻋﻤﺎﺩ : ﺷﻮﻓﻴﻠﻲ
ﻣﻨﻰ ﺗﺸﻮﻑ ﺍﻟﻘﺪﺍﻡ ﻭﻣﺎﺗﺒﻴﺶ ﺗﺸﻮﻓﻠﻪ : ﺷﻦ ﻓﻲ ﻳﺎﻋﻤﺎﺩ
ﻋﻤﺎﺩ : ﺧﻴﺮﻙ ﺷﻦ ﻓﻲ ﺗﺼﺮﻓﺎﺗﻚ ﻣﺶ ﻃﺒﻴﻌﻴﻪ
ﻣﻨﻰ : ﻣﺎﺷﻲ ﺧﻠﻴﻨﺎ ﻧﻮﺻﻠﻮ ﻟﻠﺤﻮﺵ ﻭﻧﺤﻜﻮ
ﻋﻤﺎﺩ ﻣﺴﺘﻐﺮﺏ : ﺑﺎﻫﻲ
ﻭﻗﻌﺪﻭ ﻃﻮﻝ ﺍﻟﻄﺮﻳﻖ ﺳﺎﻛﺘﻴﻦ
ﻭﺍﻭﻝ ﻣﺎﺧﺸﻮ ﺧﺸﺶ ﻭﻟﻴﺪ ﻳﺠﺮﻱ ﻟﺪﺍﺭﻩ ﻭﻳﻠﻌﺐ ﺑﺎﻟﻌﺎﺑﻪ ﻭﻣﻨﻰ ﺧﺸﺖ ﺩﻭﺷﺖ ﻭﻃﻠﻌﺖ ﻓﺴﺘﺎﻥ ﺑﺴﻴﻂ ﻟﻮﻧﻪ ﻭﺭﺩﻱ ﻫﺎﺩﻱ ﻟﺒﺴﺎﺗﻪ ﻭﻗﺎﻣﺖ ﺷﻌﺮﻫﺎ ﻓﻮﻕ ﻭﺭﺳﻤﺖ ﻋﻴﻨﻬﺎ ﻭﺩﺍﺭﺕ ﺭﻭﺝ ﻭﻭﺩﻱ ﻫﺎﺩﻱ ، ﻭﻗﻔﺖ ﺷﺎﻓﺖ ﻟﺮﻭﺣﻬﺎ ﺷﻮﻳﺔ ﻭﻫﻲ ﻣﻦ ﺩﺍﺧﻞ ﻗﻠﺒﻬﺎ ﻳﺮﻋﺶ ، ﻃﻠﻌﺖ ﻭﺍﻣﺸﺖ ﻗﻌﻤﺰﺕ ﺟﻨﺒﻪ ﻉ ﺍﻟﺼﺎﻟﻮﻥ ﺑﺪﻭﻥ ﻣﺎﺗﺸﻮﻓﻠﻪ
ﻋﻤﺎﺩ ﺷﺎﻓﻠﻬﺎ ﻭﺍﺑﺘﺴﻢ ﻭﻗﺮﺏ ﻣﻨﻬﺎ : ﺍﻭﻭﻩ ﻉ ﺍﻟﻠﺒﺲ ﺍﻟﺤﻠﻮ ﻭﺍﻟﻄﺮﺣﺎﺕ ﻭﻳﻦ ﻳﺎﺑﻴﺒﻲ ﻛﻞ ﻳﻮﻡ ﺗﺤﻠﻮﻱ ﺍﻛﺜﺮ، ﻣﺶ ﺣﺮﺍﻡ ﻋﻠﻴﻚ ﺗﺤﺮﻣﻲ ﻓﻴﺎ ﻣﻨﻚ ﻫﻜﻲ ، ﻭﻛﻴﻒ ﺑﻴﺰﻳﺪ ﻳﻘﺮﺏ
ﻣﻨﻰ ﺑﻌﺪﺕ ﻭﺣﻄﺖ ﻳﺪﻫﺎ ﻗﺪﺍﻣﻪ ﻭﻫﻲ ﻣﻄﺒﺴﻪ ﺭﺍﺳﻪ ﻭﻣﺶ ﻗﺎﺩﺭﻩ ﺗﺸﻮﻓﻠﻪ
ﻋﻤﺎﺩ ﺍﺳﺘﻐﺮﺏ ﻭﺗﻜﻨﻄﻰ ﻣﻦ ﺍﻟﺤﺮﻛﺔ ﻭﺧﺮ ﻭﺍﺗﻜﻰ
ﻣﻨﻰ : ﻧﺒﻲ ﻧﺘﻜﻠﻢ ﻓﻲ ﻣﻮﺿﻮﻉ ﻣﻌﺎﻙ ﻗﺒﻞ ﻛﻞ ﺷﻲ
ﻋﻤﺎﺩ : ﺍﻟﻲ ﻫﻮﻭ
ﻣﻨﻰ ﺗﻠﻔﺘﺘﻠﻪ : ﺍﺳﻤﻌﻨﻲ ﻟﻠﻨﻬﺎﻳﻪ ﻭﻣﺎﺗﻘﺎﻃﻌﻨﻴﺶ ، ﺍﻧﻲ ﻗﺎﻋﺪﻩ ﻧﺤﺎﻭﻝ ﻧﺘﺼﺮﻑ ﺑﻌﻘﻼﻧﻴﻪ ﺭﻏﻢ ﻛﻞ ﺷﻲ
ﻋﻤﺎﺩ ﻳﺸﻮﻓﻠﻬﺎ ﻭﺧﻼﺹ ﻭﻣﺴﺘﻐﺮﺏ
ﻣﻨﻰ ﻛﻤﻠﺖ : ﻣﺶ ﻣﺴﺘﻌﺪﻩ ﻧﺤﺮﻡ ﻭﻟﺪﻱ ﻣﻦ ﺑﻮﻩ ﻋﻠﻲ ﺧﺎﻃﺮ ﻏﻠﻄﻪ ﺯﻱ ﻫﺎﺩﻱ ﺭﻏﻢ ﺍﻧﻬﺎ ﻣﺎﺗﻐﺘﻔﺮﺵ
ﻋﻤﺎﺩ ﺑﺎﺍﺳﺘﻐﺮﺍﺏ : ﺷﻦ ﺗﻘﻮﻟﻲ ؟ ﻣﺎﻓﻬﻤﺘﺶ ﺷﻲ ، ﻭﺷﻦ ﻏﻠﻄﺔ ﻣﺎﻏﻠﻄﻪ ﻭﺗﺤﺮﻣﻲ ﻭﻟﺪﻙ ﻣﻦ ﺑﻮﻩ ﺗﻜﻠﻤﻲ ﺑﻮﺿﻮﺡ
ﻣﻨﻰ ﺑﻬﺪﻭﺀ ﻣﺼﻄﻨﻊ : ﻋﻠﻰ ﻣﺎﺍﻋﺘﻘﺪ ﻗﻠﺘﻠﻚ ﺧﻠﻴﻨﻲ ﻧﻜﻤﻞ ﻛﻼﻣﻲ ﻟﻠﻨﻬﺎﻳﻪ ﻭﻣﺎﺗﻘﺎﻃﻌﻨﻴﺶ ، ﺳﻜﺘﺖ ﺷﻮﻳﺔ ﻭﻛﻤﻠﺖ : ﺍﻧﻲ ﺣﺎﻣﻞ ، ﻭﻃﺒﺴﺖ ﺭﺍﺳﻬﺎ
ﻋﻤﺎﺩ ﺑﻔﺮﺣﺔ : ﺑﺠﺪﻳﺎﺍﺕ ، ﺑﻌﺪﻳﻦ ﺷﺎﻓﻬﺎ ﻛﻴﻒ ﻣﻄﺒﺴﻪ ﺭﺍﺳﻬﺎ ﻗﺮﻥ ﺣﻮﺍﺟﺒﻪ ﻭﻛﺸﺮ : ﺑﺎﻩ ﻭﺧﻴﺮﻙ ﻣﺶ ﻓﺮﺣﺎﻧﻪ
ﻣﻨﻰ ﺗﺤﺎﻭﻝ ﺗﻤﺴﻚ ﺩﻣﻮﻋﻬﺎ ﻭﺑﻌﺼﺒﻴﻪ : ﻻﻧﻲ ﻧﺒﻲ ﻧﻄﻴﺤﻪ ، ﻋﻤﺎﺩ ﺍﻧﻲ ﺳﻤﻌﺘﻚ ﻛﻴﻒ ﺗﻜﻠﻢ ﻓﻴﻬﺎ ﺳﻤﻌﺘﻚ ﻛﻴﻒ ﺗﻘﻮﻟﻠﻬﺎ ﺣﺒﻴﺒﺘﻲ ﺳﻤﻌﺘﻚ ﻛﻴﻒ ﺗﺘﻐﺰﻝ ﻓﻴﻪ ، ﻭﻗﻌﺪﺕ ﺗﻌﻴﻂ ﺑﺼﻮﺕ ﻋﺎﻟﻲ : ﺳﻤﻌﺘﻚ ﺍﻧﻲ ﺳﻤﻌﺘﺘﺘﺘﻚ ﺑﻮﻭﻭﻭﺫﻧﻲ ﺍﻧﻲ ﺳﻤﻌﺘﻚ ، ﻭﺍﻧﻬﺎﺭﺕ ﺑﻜﻲ
ﻋﻤﺎﺩ ﺑﺨﻮﻑ ﻗﺪﻡ ﻋﻠﻴﻬﺎ : ﺧﻼﺹ ﻣﻨﻰ ﺍﻫﺪﻱ ﺧﻠﻴﻨﺎ ﻧﺤﻠﻮ ﺍﻟﻤﻮﺿﻮﻉ ﺑﺎﻟﺘﻔﺎﻫﻢ ، ﻭﻛﻴﻒ ﺑﻴﺤﻂ ﻳﺪﻩ ﻋﻠﻲ ﻛﺘﻔﻬﺎ
ﻣﻨﻰ : ﺑﻌﺪ ﻣﻦ ﻋﻠﻴﺎ ﻣﺎﺗﻠﻤﺴﻨﻴﺶ ﺍﻧﺖ ﺧﻨﺘﻨﻲ ﺧﻨﺘﻨﻲ ﻋﻼﺍﺍﺍﺵ ﻓﻲ ﺷﻦ ﻗﺼﺮﺕ ﻣﻌﺎﻙ ﻗﻮﻟﻲ ، ﺍﻧﻲ ﺭﺍﺟﻌﺖ ﻧﻔﺴﻲ ﻣﺎﻟﻘﻴﺘﺶ ﺭﻭﺣﻲ ﻣﻨﻘﺼﻪ ﻓﻲ ﺷﻲ ﻣﻌﺎﻙ ﻭﻋﻨﺪﻙ ﻣﻨﻲ ﻭﻟﺪ ، ﻭﻟﺪﺩﻙ ﻭﻟﺪﺩﻙ ﻣﺎﻓﻜﺮﺗﺶ ﻓﻴﻪ ﻗﺒﻞ ﻣﺎﺗﻜﻠﻤﻬﺎﺍﺍﺍ
ﻋﻤﺎﺩ : ﻳﺎﻣﻨﻰ ﻳﺎﺣﺒﻴﺒﺘﻲ
ﻗﺎﻃﻌﺎﺗﻪ ﻣﻨﻰ : ﻣﻌﺎﺍﺍﺵ ﺗﻘﻮﻟﻲ ﺣﺒﻴﺒﺘﻲ ﻛﺬﺍﺍﺍﺏ ﻛﺬﺍﺍﺏ ﻣﻌﺎﺵ ﺗﻘﻮﻟﻬﺎ
ﻋﻤﺎﺩ : ﺑﺎﺍﻫﻲ ﻏﻴﺮ ﺍﻧﺘﻲ ﺍﻫﺪﻱ ﻣﺶ ﻫﻜﻲ ﺗﻨﺤﻞ
ﻣﻨﻰ : ﻣﺶ ﻫﻜﻲ ﺗﻨﺤﻞ ﺻﺎﺭ ﻣﺶ ﻫﻜﻲ ﺍﻫﺎ ﻣﺶ ﻫﻜﻲ ﺍﺳﺘﺴﻠﻤﺖ ﺑﺼﺮﺍﺣﺔ ﺍﻧﻲ ﺍﺳﺘﺴﻠﻤﺖ
ﻋﻤﺎﺩ : ﻭﺍﻟﻠﻪ ﻧﺰﻭﺓ ﻭﻏﻠﻄﺔ ﻣﻌﺎﺵ ﺗﺘﻜﺮﺭ ﺧﻼﺹ ﺑﺲ ﺍﻧﺘﻲ ﺍﻫﺪﻱ
ﻣﻨﻰ ﻗﻌﻤﺰﺕ : ﺍﻭﻛﻲ ﺍﻧﻲ ﺍﻫﺪﻳﺖ ﻫﻲ ﺍﺣﻜﻲ ﻋﻼﺵ ؟ ﻋﻼﺵ ﺩﺭﺕ ﻫﻜﻲ ، ﺍﻋﻄﻴﻨﻲ ﻣﺒﺮﺭ ﻭﺍﺣﺪ ﻳﺨﻠﻴﻨﻲ ﻧﺴﺎﻣﺤﻚ
ﻋﻤﺎﺩ : ﻋﺎﺭﻑ ﺭﻭﺣﻲ ﻏﻠﻄﺖ ﺑﺲ ﻭﺍﻟﻠﻪ ﻧﺰﻭﺓ ﻭﻣﻌﺎﺵ ﺗﺘﻜﺮﺭ ﺍﻧﺘﻲ ﺣﻮﻟﻲ ﻣﻦ ﺭﺍﺳﻚ ﻓﻜﺮﺓ ﺗﻄﻴﻴﺢ ﺍﻟﻌﻴﻞ ﻭﻛﻞ ﺷﻲ ﻳﻨﺤﻞ
ﻣﻨﻰ : ﺷﻦ ﺍﻟﻲ ﺑﺘﺤﻞ ﻭﺍﻻ ﺑﺘﺤﻞ ، ﺧﻴﺎﻧﺘﻚ ﺍﺳﺘﻐﻔﺎﻟﻚ ﻟﻴﺎ ﻋﺪﻡ ﺗﻘﺪﻳﺮﻱ ﺍﻻﻫﻤﺎﻝ ، ﺗﺨﻴﻴﺐ ﻇﻦ ﻭﻟﺪﻙ ﺍﻟﻲ ﻃﺎﻟﻤﺎ ﺗﻤﻨﻴﺖ ﻳﻄﻠﻊ ﺯﻳﻚ ﺑﺲ ﺗﻮﺍ ﺧﻼﺹ
ﻋﻤﺎﺩ : ﻣﻨﻰ ﻣﻦ ﻏﻴﺮ ﻛﻼﻡ ﺟﺎﺭﺡ ﺍﻭﻛﻲ ﻏﻠﻄﺖ ﻟﻜﻦ ﺍﻧﻲ ﻣﺘﻘﺼﺮﺗﺶ ﻣﻌﺎﻙ
ﻣﻨﻰ : ﻫﻬﻬﻬﻬﻲ ( ﺿﺤﻜﺔ ﺧﻴﺒﻪ ﺍﻣﻞ ﺿﺤﻜﺔ ﻗﻬﻬﺮ ﻋﻠﻲ ﺣﺒﻴﺒﻬﺎ ﻭﺯﻭﺟﻬﺎ ﺍﻟﻲ ﻃﺎﻟﻤﺎ ﺍﻋﺘﺒﺮﺍﺗﻪ ﺳﻨﺪ ﻟﻴﻬﺎ ﻣﻦ ﻳﻮﻡ ﻃﻠﻌﺖ ﻣﻦ ﺣﻮﺵ ﺑﻮﻫﺎ ﻭﺟﺖ ﻟﺤﻮﺷﻪ ﻭﻗﺎﻋﺪﻩ ﻟﺘﻮﺍ ﺗﻌﺘﺒﺮ ﻣﺘﻤﺴﻜﺔ ﺑﻴﻪ ﻣﺎﺗﺒﻴﺶ ﺗﺨﺴﺮﻩ ﺭﻏﻢ ﺧﻴﺎﻧﺘﻪ ﻭﺍﺳﺘﻐﻔﺎﻟﻪ ﻟﻴﻬﺎ ) ﻭﻧﺰﻟﺖ ﺩﻣﻌﻪ ﺧﺎﻧﺖ ﻗﻬﻮﺗﻬﺎ
ﻋﻤﺎﺩ ﻗﺮﺏ ﻭﻣﺴﺢ ﺩﻣﻌﺘﻪ : ﻣﻨﻰ ﺧﻼﺹ ﺑﺎﻟﻠﻪ ﻋﻠﻴﻚ ﻣﺎﺗﺒﻜﻲ ، ﺍﻫﺪﻱ ﻭﺍﻧﻲ ﻧﻮﻋﺪﻙ ﻧﺤﻜﻴﻠﻚ ﻛﻞ ﺷﻲ ﻣﻦ ﺍﻟﺒﺪﺍﻳﻪ
ﻣﻨﻰ ﻣﺴﺤﺖ ﺩﻣﻮﻋﻬﺎ : ﺍﺣﻜﻲ ﻫﻲ ﻧﺴﻤﻊ ﺍﻧﻲ
ﻋﻤﺎﺩ : ﻣﺮﺓ ﺍﻣﺸﻴﺖ ﻟﻤﺤﻞ ﻛﻨﺖ ﺍﺻﻼ ﻭﺍﺧﺪﻟﻚ ﻫﺪﻳﻪ ﻣﻨﻪ ﻭﺗﺮﺩﺩﺕ ﻋﻠﻲ ﺍﻟﻤﺤﻞ ﻗﺪﺍﺵ ﻣﺮﺓ ، ﻭﻣﺮﺓ ﺍﺧﺪﻳﺖ ﺭﻗﻢ ﻭﻗﻌﺪﺕ ﻧﻜﻠﻢ ﻓﻴﻬﺎ ، ﻋﺎﺭﻑ ﺭﻭﺣﻲ ﻏﺎﻟﻂ ﻟﻜﻦ ﻭﺍﻟﻠﻪ ﻧﺤﺒﻚ ﺍﻧﺘﻲ
ﻣﻨﻰ : ﺍﺳﺲ ﺍﺳﺲ ﻣﻦ ﻏﻴﺮ ﻛﺬﺏ ، ﻗﺪﺍﺵ ﻟﻴﻚ ﺗﻜﻠﻢ ﻓﻴﻬﺎ
ﻋﻤﺎﺩ : ﺍﻧﻲ ﻣﺶ ﻛﺬﺍﺍﺏ ، ﻭﻣﻦ ﺑﻌﺪ ﻋﻴﺪ ﻣﻴﻼﺩ ﺑﺎﺍﺳﺒﻮﻋﻴﻦ ﺍﺣﺴﺒﻲ
ﻣﻨﻰ ﻗﻌﺪﺕ ﺗﺤﺴﺐ ﻭﺑﻌﺪﻳﻦ ﻗﺎﻟﺘﻠﻪ ﺑﺨﻴﺒﻪ ﺍﻣﻞ : ﺍﺭﺑﻌﻪ ﺷﻬﻮﺭ ﻳﻌﻨﻲ ﺍﺭﺑﻌﻪ ﺷﻬﻮﺭ ﺗﻜﻠﻢ ﻓﻴﻬﺎ ﻭﺍﻧﻲ ﺭﺍﻗﺪﻩ ﻋﻠﻲ ﻭﺩﺍﻧﻲ ﻭﺍﻧﻲ ﻧﻘﻮﻝ ﺧﻴﺮﻩ ﻣﺘﻐﻴﺮ ﻫﻜﻲ ﺧﻴﺮﻩ ﺩﻳﻤﺎ ﻃﺎﻟﻊ ، ﺑﺎﻟﻚ ﻳﺎﻣﻨﻰ ﻣﻘﺼﺮﻩ ﻣﻌﺎﻩ ﺑﺪﻳﺖ ﻧﻬﺘﻢ ﺑﻨﻔﺴﻲ ﺍﻛﺜﺮ ﻭﻣﺎﺗﻐﻴﺮ ﺷﻲ ، ﻛﻨﺖ ﺗﻄﻠﻊ ﺑﺎﺵ ﺗﻜﻠﻤﻬﺎ ﺻﺢ
ﻋﻤﺎﺩ ﺳﺎﻛﺖ ﻭﻣﻨﺰﻝ ﺭﺍﺳﻪ ﻭﺧﻼﺹ
ﻣﻨﻰ : ﺷﻦ ﻛﻨﺘﻮ ﻣﻘﺮﺭﻳﻦ ﻗﻠﺘﻠﻬﺎ ﺣﺘﺘﺰﻭﺟﻬﺎ ؟
ﻋﻤﺎﺩ : ﻻ ﻣﺎﻭﻋﺪﺗﻬﺎ ﺑﺸﻲ
ﻣﻨﻰ : ﺑﺮﺍﻓﻮ ﻋﻠﻴﻚ ﻳﺎﺣﺒﻴﺒﻲ ﺑﺮﺍﻓﻮ ﺗﻠﻌﺐ ﻳﻌﻨﻲ ﺗﻠﻌﺐ ﻋﻠﻴﻬﺎ ﺻﺢ ، ﻣﺎﺗﻔﻜﺮﺵ ﺍﻧﻪ ﻓﻲ ﻳﻮﻡ ﺗﺠﻴﻚ ﺑﻨﺖ ﻭﻳﻠﻌﺐ ﻋﻠﻴﻬﺎ ﺷﺨﺺ ﺷﻦ ﺗﻜﻮﻥ ﺭﺩﻩ ﻓﻌﻠﻚ ﻭﻗﺘﻬﺎ ﺷﻦ ﺣﺘﺪﻳﺮ ﺑﺎﻟﻠﻪ ﻋﻠﻴﻚ ؟ ﺑﻨﺘﻚ ﻟﻌﺐ ﻋﻠﻴﻬﺎ ﻭﺍﺣﺪ ﻫﻮ ﺍﺳﺎﺳﺎ ﻳﺨﻮﻥ ﻓﻲ ﺯﻭﺟﺘﻪ ﻗﻮﻟﻲ ﺷﻦ ﺣﺘﺪﻳﺮﻟﻪ ؟
ﻋﻤﺎﺩ : ﻳﺎﻣﻨﻰ ﻫﻲ ﺍﻟﻲ ﺟﺮﺕ ﻭﺭﺍﻱ ﻭﺗﻌﺮﻓﻨﻲ ﺣﺘﻰ ﻣﺘﺰﻭﺝ ﻭﻣﻦ ﺍﻻﻭﻝ ﻗﻠﺘﻠﻬﺎ ﺍﻧﻲ ﻣﺎﻧﻘﺪﺭﺵ ﻻﻧﺘﺰﻭﺟﻚ ﻻﺷﻲ ﻗﺎﻟﺖ ﻋﺎﺩﻱ ﺍﻧﻲ ﻧﺒﻴﻚ ﺍﻧﺖ ﻭﺧﻼﺹ
ﻣﻨﻰ ﺗﺸﻮﻓﻠﻪ ﺑﺎﺍﺳﺘﺤﻘﺎﺍﺭ
ﻋﻤﺎﺩ ﻗﺎﻡ ﻋﻴﻮﻧﻪ ﺍﻟﻘﺎﻫﺎ ﺗﺸﻮﻓﻠﻪ : ﻣﻨﻰ ﻣﺎﺗﺸﻮﻓﻴﻠﻴﺶ ﻫﻜﻲ ﺑﺎﻟﻠﻪ ﻋﻠﻴﻚ ﻭﺍﻟﻠﻪ ﺍﺳﻒ ﻭﺣﻨﺼﻠﺢ ﻏﻠﻄﺘﻲ ﻭﺍﻟﻠﻪ ﻭﻋﺪ
ﻣﻨﻰ : ﻟﻮ ﻛﺎﻧﻚ ﻋﻠﻴﺎ ﻣﺴﺘﺤﻴﻞ ﻧﺴﺎﻣﺤﻚ ﻭﻻﻛﻨﺖ ﻃﻠﺒﺖ ﺍﻟﻄﻼﻕ ، ﻟﻜﻦ ﻣﺶ ﺫﻧﺐ ﻭﻟﻴﺪ ﻓﻲ ﻏﻠﻄﺎﺕ ﺑﻮﻩ
ﻋﻤﺎﺩ : ﻣﻨﻰ
ﻣﻨﻰ ﻗﺎﻃﻌﺎﺗﻪ : ﺍﻫﻠﻲ ﻟﻤﺎ ﺍﻋﻄﻮﻧﻲ ﻟﻴﻚ ﻗﺎﻟﻮﻟﻚ ﺭﺩ ﺑﺎﻟﻚ ﻣﻨﻬﺎ ﻭﺍﻧﺖ ﺗﻘﻮﻝ ﻣﺎﺗﻮﺻﻮﻧﻴﺶ ﻋﻠﻲ ﻋﻴﻮﻧﻲ ، ﻭﻟﻴﺪ ﺧﻮﻱ ﺍﻟﻲ ﺻﺎﺣﺒﻚ ﺣﻂ ﻓﻴﻚ ﺍﻟﺜﻘﻪ ﻭﻋﻄﺎﻙ ﺍﺧﺘﻪ ﻋﻠﻲ ﺍﺳﺎﺱ ﺍﻧﻚ ﺗﻜﻮﻥ ﻗﺪﻫﺎ ، ﻟﻜﻦ ، ﻭﻗﻮﺳﺖ ﻓﻤﻬﺎ ﺑﺎﺍﺳﺘﻬﺰﺍﺀ ، ﻭﻭﻗﻔﺖ ﻭﻋﻄﺎﺗﻪ ﺑﻈﻬﺮﻫﺎ : ﻳﺎﺭﻳﺖ ﻏﺪﻭﺓ ﺗﺎﺧﺪﻟﻲ ﻣﻮﻋﺪ ﻧﺠﻬﺾ ﻓﻴﻪ ﺍﻟﺒﻴﺒﻲ ، ﻭﻛﻴﻒ ﺑﺘﻤﺸﻲ ﺗﺸﺪﻫﺎ ﻳﺪﻩ
ﻋﻤﺎﺩ ﺷﺪ ﻳﺪﻫﺎ ﻭﻟﻔﻬﺎ ﻟﻴﻪ ﻭﺣﻀﻨﻬﺎ : ﻻ ﻳﺎﻣﻨﻰ ﺣﺮﺍﺍﻡ ﻣﺎﺗﺠﻬﻀﻴﺸﻲ ﻭﺍﻟﻠﻪ ﻭﻋﺪ ﻧﺼﻠﺢ ﻏﻠﻄﺘﻲ ﻭﻋﺪ ﺳﺎﺍﻣﺤﻴﻨﻲ ﺑﺎﻟﻠﻪ ﻋﻠﻴﻚ
ﻣﻨﻰ ﺩﻣﻮﻋﻬﺎ ﻳﻨﺰﻟﻮ ﻭﻫﻲ ﻓﻲ ﺣﻀﻨﻪ ﻭﻣﺶ ﻗﺎﺩﺭﻩ ﺗﺪﻳﺮ ﺷﻲ ﺭﻏﻢ ﺧﻴﺎﻧﺘﻪ ﻭﺧﺬﻻﻧﻬﺎ ﺍﻻ ﺍﻧﻬﺎ ﻗﺎﻋﺪﻩ ﻣﺎﺗﺒﻴﺶ ﺗﺨﺴﺮﻩ ، ﺣﺎﻭﻟﺖ ﺗﺘﻨﺎﻗﺶ ﻣﻌﺎﻩ ﻛﺎﻧﺖ ﺗﺮﺍﺟﻲ ﻓﻴﻪ ﻳﻘﻮﻟﻠﻬﺎ ﻻ ﻣﺎﺧﻨﺘﻜﺶ ، ﺗﺮﺍﺟﻲ ﻓﻴﻪ ﻳﻘﻮﻟﻠﻬﺎ ﺍﻧﺘﻲ ﺳﻤﻌﺘﻲ ﻏﻠﻂ ﻛﺎﻧﺖ ﻣﺴﺘﻌﺪﻩ ﺗﻜﺬﺏ ﻭﺩﺍﻧﻬﺎ ﻋﻠﻲ ﺧﺎﻃﺮ ﺑﺲ ﺗﺤﺒﻪ ، ﺗﺤﺒﻪ ﻭﻋﺎﺭﻓﻪ ﺍﻧﻪ ﺣﺘﺴﺎﻣﺤﻪ
ﻣﻨﻰ ﺩﻓﺎﺗﻪ ﻭﻟﻔﺖ ﻋﻄﺎﺗﻪ ﺑﻈﻬﺮﻫﺎ ﻭﺧﺸﺖ ﺑﺨﻄﻮﺍﺕ ﺳﺮﻳﻌﻪ ﻟﺪﺍﺭﻫﺎ ﻭﺳﻜﺮﺗﻬﺎ ﺑﺎﻟﻤﻔﺘﺎﺡ ﻭﻃﺎﺣﺖ ﻉ ﺍﻟﺴﺮﻳﺮﺭ ﺗﺒﻜﻲ
ﺍﻣﺎ ﻋﻤﺎﺩ ﻗﻌﻤﺰ ﻉ ﺍﻟﺼﺎﻟﻮﻥ ﻭﻫﻮ ﻳﺴﺘﺮﺟﻊ ﻓﻲ ﺍﻓﻜﺎﺭﻩ ، ﺣﺮﻙ ﻳﺪﻳﻪ ﺑﺴﺮﻋﻪ ﻋﻠﻲ ﺷﻌﺮﻩ ﻭﻫﻮ ﻣﻄﺒﺲ ﺭﺍﺳﻪ : ﺷﻦ ﺩﺭﺕ ﺍﻧﻲ ﺷﻦ ﺩﺭﺭﺭﺕ ﺷﻦ ﻟﺒﺰﺯﺕ ﺍﺳﺘﻐﻔﺮ ﺍﻟﻠﻪ ﻭﺍﺗﻮﺏ ﺍﻟﻴﻪ ، ﻭﻫﻮ ﻣﻄﺒﺲ ﺭﺍﺳﻪ
ﺟﺎﻩ ﻭﻟﻴﺪ ﻭﻫﻮ ﺧﺎﻳﻒ : ﺑﺎﺑﺎ ﺑﺎﺍﺑﺎ ﻋﻼﺵ ﻣﺎﻣﺎ ﺗﺒﻜﻲ
ﻋﻤﺎﺩ ﻗﺎﻡ ﺭﺍﺳﻪ ﻭﺷﺎﻓﻠﻪ ﻭﻣﺪﻟﻪ ﻳﺪﻳﻪ ﻭﺑﺼﻮﺕ ﻣﺨﻨﻮﻕ : ﺗﻌﺎﻟﻰ ﻳﺎﺑﺎﺑﺎ
ﻭﻟﻴﺪ ﻗﺪﻡ ﻟﺒﻮﻩ ﻭﺍﺿﺒﻄﻪ ﻭﻗﻌﻤﺰ ﻋﻠﻲ ﺭﺟﻠﻴﻪ
ﻋﻤﺎﺩ ﻗﻌﺪ ﻳﻠﻌﺐ ﻓﻴﻪ ﻭﻫﻮ ﺍﻟﻨﺪﻡ ﻭﺍﻛﻠﻪ
،،،،،،،،،
ﺍﻧﻲ : ﻭﻳﻦ ﺭﺣﻤﺔ
ﻋﻤﺘﻲ : ﺗﺤﻮﺱ ﻓﻲ ﺍﻟﻤﻄﺒﺦ ﻭﺍﻟﻠﻪ ﺍﻥ ﺷﺎﺀ ﺍﻟﻠﻪ ﻣﺎﻧﺎﺧﺪﻫﺎﺵ ﺑﻌﻴﻦ ﻟﻜﻦ ﺍﻟﻴﻮﻡ ﻣﺎﺷﺎﺀ ﺍﻟﻠﻪ ﻧﺎﺷﻄﺔ ﻛﺎﻥ ﺗﺸﻮﻓﻲ ﺩﺍﺭﺕ ﺍﻟﻔﻄﻮﺭ ﻭﺿﻤﺖ ﺍﻟﺤﻮﺵ ﻭﺩﺍﺭﺕ ﺍﻟﺸﺎﻫﻲ ﺍﻣﺒﻜﺮﻱ ﻟﺨﻮﻫﺎ ﻭﺍﻧﻲ ﺣﻄﻴﺖ ﺍﻟﻐﺪﻱ ﻉ ﺍﻟﻨﺎﺭ ﻭﻫﻲ ﻛﻤﻼﺗﻪ
ﺍﻧﻲ : ﻫﻬﻬﻬﻬﻬﻬﻪ ﻣﺎﺷﺎﺀ ﺍﻟﻠﻪ
ﻋﻤﺘﻲ : ﻫﻬﻬﻬﻪ ﺍﻳﻪ ﻭﺍﻟﻠﻪ ، ﻟﻜﻦ ﺗﺤﺴﺎﺑﻨﻲ ﻣﺶ ﻓﺎﻳﻘﺘﻠﻬﺎ ﺗﺒﻲ ﺗﻄﻴﺢ ﺻﺎﺣﺐ ﻣﺤﻤﻮﺩ ﻳﻘﻮﻝ ﺑﻨﺘﻬﻢ ﻓﺎﻟﺤﺔ
ﺍﻧﻲ ﺍﻃﺮﺑﻘﺖ ﺿﺤﻚ ﻋﻠﻲ ﻛﻠﻤﺘﻬﺎ : ﻫﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻪ
ﺭﺣﻤﺔ ﺧﺸﺖ ﻣﺴﺘﻐﺮﺑﻪ ﻣﻦ ﺍﻟﻀﺤﻚ : ﺿﺤﻜﻮﻧﺎ ﻣﻌﺎﻛﻢ
ﻋﻤﺘﻲ : ﻫﻬﻬﻬﻬﻪ ﻛﻤﻠﻲ ﻋﻮﺍﻟﺘﻚ ﺍﻧﺘﻲ ﺍﻣﺸﻲ ﺗﻮ ﻳﻘﻮﻝ ﺑﺎﻳﺮﻩ
ﺭﺣﻤﺔ ﻭﺟﻬﻬﺎ ﻭﻟﻰ ﺍﺣﻤﺮ : ﻣﻦ ﻫﻮ ؟
ﻋﻤﺘﻲ : ﺍﻟﻌﺮﻳﺲ
ﺍﻧﻲ : ﻫﻬﻬﻬﻬﻬﻬﻬﻬﻪ
ﺭﺣﻤﺔ : ﺗﻴﻲ ﺍﻣﺎ ﻋﺮﻳﻴﺲ
ﻋﻤﺘﻲ : ﻫﻬﻬﻪ ﺟﻴﺒﻴﻠﻲ ﻃﺎﺳﻪ ﻣﻴﻪ ﺗﺮﺍ
ﺭﺣﻤﺔ : ﺗﻴﻲ ، ﻭﻃﻠﻌﺖ
ﺍﻧﻲ : ﻫﻬﻬﻬﻬﻬﻬﻬﻪ
ﻋﻤﺘﻲ : ﻫﻬﻬﻬﻪ ﻃﺎﺭﺗﻠﻬﺎ
ﻗﻌﺪﺕ ﻧﻬﺪﺭﺯ ﺍﻧﻲ ﻭﻋﻤﺘﻲ ﻟﻴﻦ ﺧﺶ ﻣﺤﻤﻮﺩ
ﻣﺤﻤﻮﺩ : ﺍﻭﻭ ﻧﺴﻴﺒﻪ ﺷﻦ ﺍﻟﺠﻮ
ﺍﻧﻲ ﺍﺑﺘﺴﻤﺖ : ﺗﻤﺎﻡ ﺍﻟﺤﻤﺪ ﻟﻠﻪ
ﻣﺤﻤﻮﺩ : ﻳﺎﺍﻣﻲ ﻫﻲ ﺷﻨﻮ ﺍﻟﻐﺪﻱ ﺍﻟﺮﺍﺟﻞ ﺑﻴﺮﻭﺡ ﺑﻌﺪ ﺍﻟﻐﺪﻱ
ﻋﻤﺘﻲ : ﻉ ﺍﻟﻨﺎﺭ ﺷﻦ ﺑﻨﺪﻳﺮﻟﻪ ﻣﺰﺍﻝ ﻣﺎﻃﺎﺑﺶ ، ﻗﻮﻟﻲ ﻫﺪﺍ ﻭﻟﺪ ﻋﻴﻠﻪ ﻣﻨﻮ
ﺭﺣﻤﺔ ﻭﻗﻔﺖ ﻣﻦ ﺑﺎﺏ ﺍﻟﻤﻄﺒﺦ ﺗﺴﻤﻊ
ﻣﺤﻤﻮﺩ : ﻫﺪﺍ ﻋﻤﺮ ﺍﻟﻲ ﻣﺮﺓ ﺭﻓﻌﺘﻚ ﻓﻲ ﻋﺰ ﺍﻣﻪ ﻓﻲ ﻣﺼﺮﺍﺗﻪ ﻛﺎﻥ ﺗﺬﻛﺮﻱ
ﻋﻤﺘﻲ : ﺍﻳﻪ ﺍﻳﻪ ﻟﻜﻦ ﻣﺶ ﻣﺼﺎﺭﺗﻪ ﻫﻤﺎ
ﻣﺤﻤﻮﺩ : ﻻﻻ ﻏﻴﺮ ﺑﻮﻩ ﻳﺨﺪﻡ ﻏﺎﺩﻱ ﻭﺣﺘﻰ ﻋﻤﺎﻣﻪ ﻣﺴﺘﻘﺮﻳﻦ ﻏﺎﺩﻱ ، ﺗﻮ ﺍﻻﺳﺒﻮﻉ ﺍﻟﺠﺎﻱ ﻋﻨﺪﻩ ﻋﺮﺱ ﺍﺧﺘﻪ ﻋﺎﺯﻣﻴﻨﻚ ﺗﻮ ﻧﺮﻓﻌﻚ
ﻋﻤﺘﻲ : ﺑﺎﻫﻲ ﺍﻥ ﺷﺎﺀ ﺍﻟﻠﻪ ، ﻳﺎﺍﺍﺭﺣﻤﺔ ﺷﻮﻭﻓﻲ ﺍﻟﻄﻨﺠﺮﺓ
ﺭﺣﻤﺔ ﻃﺒﻌﺎ ﻛﺎﻧﺖ ﺳﺮﺣﺎﻧﻪ ، ﺍﺳﻤﻪ ﻋﻤﺮ ﻭﻳﺴﻜﻦ ﻓﻲ ﻣﺼﺮﺍﺗﻪ ﺑﺎﻫﻲ ﺣﺼﻠﺖ ﻣﻌﻠﻮﻣﺎﺕ ﻭﻓﺎﻗﺖ ﻋﻠﻲ ﺻﻮﺕ ﻋﻤﺘﻲ : ﻫﻲ ﺑﺎﺍﻫﻲ ﻳﺎﻣﺎﻣﺎ ﺑﻨﺴﻘﻲ ﺍﻫﻮ
ﺍﻧﻲ : ﺧﻠﻲ ﺍﻧﻮﺽ ﻧﺴﺎﻋﺪﻫﺎ
ﻋﻤﺘﻲ : ﻭﻟﻴﺪ ﻣﻌﻄﻞ ﺍﻟﻴﻮﻡ
ﺍﻧﻲ : ﺍﻳﻪ ﻭﺍﻟﻠﻪ ﻗﺎﻝ ﻣﻌﻄﻞ ﻃﻔﻴﺖ ﺍﻟﻐﺪﻱ ﻭﺧﻠﻴﺘﻪ
ﻋﻤﺘﻲ : ﺑﺎﻫﻲ
ﻃﻠﻌﺖ ﻗﻌﺪﺕ ﻧﺴﺎﻋﺪ ﻓﻲ ﺭﺣﻤﺔ ﻓﻲ ﺗﻮﺗﻲ ﺍﻟﺼﻔﺮﺓ
ﺭﺣﻤﺔ ﺗﻮﺍﺳﻲ ﻓﻲ ﺻﻮﻧﻴﻪ ﺍﻟﺴﻼﻃﺔ : ﺷﻮﻭﻓﻴﻬﺎ ﺑﺎﻫﻴﻪ ﻫﻜﻲ
ﺍﻧﻲ : ﺍﻳﻪ ﻛﻮﻳﺴﻪ
ﺭﺣﻤﺔ ﺗﺪﻭﺭ ﻭﺗﻔﺮﻓﺶ ﻓﻲ ﺍﻟﻤﻄﺒﺦ ﻭﺍﻧﻲ ﺷﺎﺩﻩ ﺿﺤﻜﺘﻲ
ﺍﻧﻲ : ﻫﻲ ﺧﻼﺹ ﻧﺎﺩﻱ ﻣﺤﻤﻮﺩ ﻳﺎﺧﺪﻫﺎ
ﺧﺪﻱ ﻣﺤﻤﻮﺩ ﺍﻟﻐﺪﻱ ﻭﺣﻄﺖ ﻋﻤﺘﻲ ﻭﺭﺣﻤﺔ ﻏﺪﺍﻫﻢ ﻭﺍﻧﻲ ﺭﻛﺒﺖ ﻟﺸﻘﺘﻲ ﻧﺴﺘﻨﻰ ﻓﻲ ﻭﻟﻴﺪ
ﺍﺗﺼﻠﺖ ﺑﻬﺎﺟﺮ
ﻫﺎﺟﺮ ﺑﺼﻮﺕ ﻧﺎﻋﺲ : ﺍﻟﻮ
ﺍﻧﻲ ﺷﻬﻘﺖ : ﻫﻴﻴﻴﻲ ﺍﻥ ﺷﺎﺀ ﺍﻟﻠﻪ ﺭﺍﻗﺪﻩ ﻟﺘﻮﺍ ﺍﻟﺴﺎﻋﻪ 3
ﻫﺎﺟﺮ : ﺗﻲ ﺍﺳﻜﺘﻲ ﻭﺍﻟﻠﻪ ﻣﺎﻧﺤﻜﻴﻠﻚ ﺟﺎﻳﺘﻨﻲ ﻉ ﺍﻟﻨﻮﻡ ﺍﻻﻳﺎﻡ ﻫﺎﺩﻱ
ﺍﻧﻲ : ﻫﻬﻬﻬﻪ ﺭﻭﺣﺖ ﻟﺤﻮﺷﻚ ؟
ﻫﺎﺟﺮ : ﺭﻭﺣﺖ ﺍﻳﻪ ﺍﻭﻝ ﺍﻣﺲ ، ﺟﺒﺪﻧﻲ ﺟﺒﺪ
ﺍﻧﻲ : ﻫﻬﻬﻬﻬﻪ ﺷﻦ ﺟﻮﻛﻢ
ﻫﺎﺟﺮ : ﻣﺎﺷﻲ ﺍﻫﻮ ﻣﺮﺓ ﻣﺮﺓ ﻧﺘﻜﻮﻫﺎ ﻋﺮﻛﺔ ﻭﺧﻼﺹ ، ﻳﺘﺤﻤﻞ ﻳﺘﺤﻤﻞ ﻭﻳﺘﻜﻨﻄﻰ ﺍﻧﻲ ﻃﻮﻝ ﺍﻟﻮﻗﺖ ﺭﺍﻗﺪﻩ ﻭﻣﺶ ﻃﺎﻳﻘﻪ ﺭﻳﺤﺘﻪ ﺍﺻﻼ
ﺍﻧﻲ : ﻫﻬﻬﻬﻬﻬﻪ ﻣﺎﺑﻌﺪﻩ ﻣﺴﻜﻴﻦ
ﻫﺎﺟﺮ : ﻫﻮ ﺍﻟﻲ ﺧﻼﻧﻲ ﻧﺤﻤﻞ ﻳﺘﺤﻤﻞ
ﺍﻧﻲ : ﻫﻬﻬﻬﻬﻬﻬﻬﻬﻬﻬﻬﻬﻪ ﺧﻴﺰﻱ
ﻫﺎﺟﺮ : ﻫﻬﻬﻬﻬﻬﻬﻪ ، ﺍﻧﺘﻲ ﻗﻮﻟﻴﻠﻲ ﺷﻦ ﺟﻮﻛﻢ
ﺍﻧﻲ : ﺗﻤﺎﻡ ﺍﻟﺤﻤﺪ ﻟﻠﻪ ، ﺍﺳﺘﺎﺣﺸﺖ ﺷﻮﻓﺘﻚ ﺑﺲ
ﻫﺎﺟﺮ : ﻣﺶ ﻋﺎﺭﻓﻪ ﻭﺍﻟﻠﻪ ﺗﻌﺎﻟﻴﻠﻲ ﺍﻧﺘﻲ ، ﻗﺒﻞ ﻧﺘﻼﻗﻮ ﻓﻲ ﺍﻟﺠﺎﻣﻌﻪ ﻭﺗﻮﺍ ﺗﺨﺮﺟﻨﺎ ﻭﻗﻌﻤﺰﻧﺎ
ﺍﻧﻲ : ﺍﻳﻪ ﻭﺍﻟﻠﻪ ، ﻟﻜﻦ ﺍﻧﺘﻲ ﻗﺼﺪﻱ ﻣﺶ ﺗﺘﻮﺣﻤﻲ ﻋﻠﻲ ﺣﻮﺷﻚ ﺗﻌﺎﻟﻴﻠﻲ ﻏﻴﺮﻱ ﺟﻮﻙ
ﻫﺎﺟﺮ : ﺗﻮ ﻧﺸﻮﻑ ﺍﻳﻤﻦ ، ﺍﺳﻜﺘﻲ ﺗﻌﺮﻓﻲ ﻣﻦ ﺍﻭﻝ ﺍﻣﺲ ﻣﺮﻭﺣﺔ ﺍﻟﺤﻮﺵ ﺳﻴﺒﺘﻪ ﺍﺳﺒﻮﻉ ﻗﺎﻋﺪﻩ ﻣﺎﻣﺴﻴﺘﺶ ﻓﻴﻪ ﺣﺘﻰ ﺣﺎﺟﺔ ﻭﻻﺿﻤﻴﺖ ﺣﺎﺟﺔ
ﺍﻧﻲ : ﻣﺎﺗﻌﺒﻴﺶ ﺭﻭﺣﻚ ﺗﻮﺍ ﻭﺷﻮﻓﻲ ﻣﺮﺍ ﺗﺠﻴﻚ
ﻫﺎﺟﺮ : ﺍﻳﻪ ﺗﻮ ﻧﺸﻮﻑ ، ﺍﻳﻤﻦ ﻗﺎﻟﻲ ﻋﻤﺘﻲ ﺗﺠﻴﺐ ﻓﻲ ﻣﺮﺍ ﻣﺮﺍﺕ ﻟﺤﻮﺷﻬﺎ ﺗﻮ ﻧﺎﺧﺪ ﺭﻗﻤﻬﺎ
ﺍﻧﻲ : ﺑﺎﻩ ﺍﺣﺴﻦ ، ﺻﻮﺕ ﺳﻴﺎﺭﻩ ﺍﻛﻴﺪ ﻭﻟﻴﺪ
ﻫﺎﺟﺮ : ﻧﺘﻼﻗﻮ
ﺍﻧﻲ : ﺍﻥ ﺷﺎﺀ ﺍﻟﻠﻪ ﺳﻼﻡ
ﺳﻜﺮﺕ ﻭﻧﻀﺖ ﺩﺭﺕ ﺩﻭﺭﺓ ﻋﻠﻲ ﺭﻭﺣﻲ ﻉ ﺍﻟﺴﺮﻳﻊ ﻭﻭﻟﻌﺖ ﻋﻠﻲ ﺍﻟﻄﻨﺠﺮﺓ ﻳﺴﺨﻦ ﺍﻟﻐﺪﻱ ﻭﻗﻌﺪﺕ ﻧﺴﺘﻨﻰ ﻓﻴﻪ ﻳﺮﻛﺐ
ﻭﻟﻴﺪ ﻓﺘﺢ ﺍﻟﺸﻘﻪ ﻭﺧﺶ ﻭﺳﻜﺮ ﺍﻟﺒﺎﺏ ﻭﺭﺍﻩ : ﻧﻮﻭﺳﻪ
ﺍﻧﻲ ﺟﻴﺘﻪ ﻭﺑﺎﺍﺑﺘﺴﺎﻣﻪ : ﻳﺎﻋﻴﻮﻭﻭﻥ ﻧﻮﺳﻪ ، ﻭﻗﺮﺑﺖ ﻣﻨﻪ ﻭﺍﺿﺒﻄﺘﻪ
ﻭﻟﻴﺪ ﺣﻀﻨﻲ ﺯﻳﻦ : ﺍﻭﻭﻭﻩ ﺣﺒﻴﺒﺘﻲ ﻣﺴﺘﺎﺣﺸﺘﻨﻲ
ﺍﻧﻲ : ﺍﻧﻲ ﺩﻳﻤﺎ ﻧﺴﺘﺎﺣﺶ ﻓﻴﻚ ﺍﺻﻼ
ﻭﺧﺸﻴﻨﺎ ﻭﺗﻐﺪﻳﻨﺎ
،،،،،،،،
ﻣﺮﻭ ﺍﻻﻳﺎﻡ ﻭﺟﻲ ﻳﻮﻡ ﺍﻣﺸﻴﺖ ﻟﻠﺪﻛﺘﻮﺭﺓ ﺣﺪﺩﺗﻠﻲ ﻏﺪﻭﺓ ﻋﻤﻠﻴﺘﻲ ، ﺭﻭﺣﺖ ﻭﻗﺎﻋﺪﻩ ﻧﻮﺗﻲ ﻓﻲ ﺣﻮﺍﻳﺠﻲ
ﻭﻟﻴﺪ : ﻛﻠﻤﺘﻲ ﺍﻣﻚ ﻗﻠﺘﻴﻠﻬﺎ ﻏﺪﻭﺓ ﻋﻤﻠﻴﺘﻚ
ﺍﻧﻲ : ﺍﻳﻪ
ﻭﻟﻴﺪ ﻗﺮﺏ ﻣﻨﻲ ﻭﻗﻌﻤﺰ ﻓﻲ ﺟﻨﺒﻲ : ﺣﺒﻴﺒﺘﻲ ﺧﻴﺮﻙ
ﺍﻧﻲ ﺗﻠﻔﺘﺘﻠﻪ ﻭﺩﻣﻮﻋﻲ ﻗﺮﻳﺐ ﻳﻨﺰﻟﻮ : ﺧﺎﻳﻔﻪ
ﻭﻟﻴﺪ : ﺣﺒﻴﺒﺘﻲ ﻋﻼﺵ ﺧﺎﻳﻔﻪ ﺍﻟﺪﻛﺘﻮﺭﺓ ﻃﻤﻨﺘﻨﺎ ﺍﻟﺤﻤﺪ ﻟﻠﻪ ﺍﻧﻪ ﺍﻟﻌﻤﻠﻴﻪ ﺑﺴﻴﻄﺔ ﻭﻧﺎﺟﺤﺔ ﻋﻼﺵ ﺍﻟﺨﻮﻑ ﺗﻮﻛﻠﻲ ﻋﻠﻲ ﺭﺑﻲ ﻭﺍﺩﻋﻲ ﺑﺲ
ﺍﻧﻲ ﺩﻣﻮﻋﻲ ﻧﺰﻟﻮ : ﺑﺎﻫﻲ ﻭﺑﻌﺪﻫﺎ ﻳﺎﻭﻟﻴﺪ ، ﻭﻟﻴﺪ ﺍﻟﺪﻛﺘﻮﺭﺓ ﻗﺎﻟﺘﻠﻲ ﻋﻨﺪﻱ ﻣﺸﻜﻠﻪ ﻓﻲ ﺍﻟﺮﺣﻢ ﻳﻌﻨﻲ ﺣﺘﻰ ﺑﻌﺪ ﺍﻟﻌﻤﻠﻴﻪ ﻣﺶ ﺣﻨﺤﻤﻞ
ﻭﻟﻴﺪ ﻣﺴﺤﻠﻲ ﺩﻣﻮﻭﻋﻲ : ﺍﺳﺲ ﺧﻼﺹ ﻳﺎﺑﻴﺒﻲ ، ﺍﻟﻲ ﻋﻨﺪ ﺭﺑﻲ ﺧﻴﺮ ﻭﺑﺮﻛﺔ ﻭﺍﻟﻠﻪ ﺣﺘﻰ ﻟﻮ ﻣﺎﺟﺒﻨﺎﺵ ﺻﻐﺎﺭ ﺍﻧﻲ ﻭﺟﻮﺩﻙ ﻓﻲ ﺣﻴﺎﺗﻲ ﺍﻫﻢ ﺷﻲ ﺑﺎﻟﻨﺴﺒﻪ ﻟﻴﺎ ، ﻭﻟﻮ ﺭﺑﻲ ﻛﺎﺗﺒﻠﻨﺎ ﻧﺠﻴﺒﻮ ﺻﻐﺎﺭ ﺣﻨﺠﻴﺒﻮ ﻭﻟﻮ ﻣﺶ ﻋﺎﺭﻑ ﺷﻦ ﻗﺎﻟﻮ ، ﻭﻟﻮ ﻣﺶ ﻛﺎﺗﺒﻠﻨﺎ ﻣﻬﻤﺎ ﺗﺪﻳﺮﻱ ﻣﻦ ﻋﻼﺝ ﻣﺶ ﻣﻦ ﻧﺼﻴﺒﻚ ﻳﺠﻮﻙ ﺻﻐﺎﺭ ﺧﻼﺹ
ﺍﻧﻲ ﺯﺩﺕ ﻧﺒﻜﻲ ﻭﺗﻜﻴﺖ ﺭﺍﺳﻲ ﻋﻠﻲ ﺻﺪﺭﻩ : ﻟﻜﻦ ﻳﺎﻭﻟﻴﺪ ﺑﻨﺢ ...
ﻗﻄﻊ ﻋﻠﻴﺎ ﻭﻟﻴﺪ : ﺍﺳﺴﺲ ﺑﺴﺲ ﺍﻧﻲ ﺗﻨﻮﺿﻴﻠﻲ ﻏﺪﻭﺓ ﺑﺎﻟﺴﻼﻣﻪ ﺑﺲ ﻫﺪﺍ ﺍﻟﻲ ﻧﺒﻴﻪ ، ﻭﻗﺎﻣﻠﻲ ﺭﺍﺳﻲ ﻭﺷﺪﻩ ﺑﻴﻦ ﻳﺪﻳﻪ ﻭﺑﺎﺱ ﺟﺒﻬﺘﻲ : ﺧﻼﺹ ﻳﺎﺣﺒﻴﺒﺘﻲ ﺍﻟﺪﻟﻮﻋﻪ ﻫﻲ ﻧﻮﺿﻲ ﺍﻏﺴﻠﻲ ﻭﺟﻬﻚ ﻭﺗﻌﺎﻟﻲ ﺍﺭﻗﺪﻱ ﺍﺭﺗﺎﺣﻲ ﺑﺎﺵ ﻏﺪﻭﺓ ﺗﻨﻮﺽ ﻣﺼﺤﺼﺤﻪ
ﺍﻧﻲ : ﺑﺎﻫﻲ ، ﻧﻀﺖ ﻏﺴﻞ ﻭﺟﻬﻲ ﻭﺧﺸﻴﺖ ﻟﻠﺴﺮﻳﺮ ﻭﺭﻗﺪﺕ ﻓﻲ ﺣﻀﻨﻪ
،،،،،،،
ﺍﻟﺴﺎﻋﻪ 8
ﻭﻟﻴﺪ : ﺷﻦ ﻭﺍﺗﻴﻪ
ﺍﻧﻲ ﻣﺘﻮﺗﺮﺓ ﻭﺧﺎﻳﻔﻪ : ﺍﻳﻪ ﻭﺍﺗﻴﻪ ﻭﺍﺗﻴﻪ ﺷﻨﻄﺘﻲ ﺣﻮﺍﻳﺠﻲ ﻫﺎﺩﻱ ﻭﺷﻨﻄﻪ ﻳﺪﻱ ﺗﻠﻴﻔﻮﻧﻲ ، ﺍﺍ ﻭﻟﻴﺪ ﻛﻠﻤﺖ ﻣﺎﻣﺎ
ﻭﻟﻴﺪ : ﻛﻠﻤﺘﻬﺎ ﻭﻗﺎﻟﺖ ﻧﻮﺭﺱ ﺑﺘﺠﻴﺒﺒﻬﻢ
ﺍﻧﻲ : ﺑﺎﻫﻲ
ﻃﻠﻌﻨﺎ ﻭﺭﻛﺒﻨﺎ ﻟﻠﺴﻴﺎﺭﻩ ﻭﺍﻧﻲ ﻃﻮﻝ ﺍﻟﻮﻗﺖ ﻧﻘﺮﺍ ﻓﻲ ﺍﻟﻤﻌﻮﺫﺍﺕ ﻭﺍﻟﻘﺮﺁﻥ
ﻭﻟﻴﺪ ﺣﺎﻁ ﻳﺪﻱ ﻉ ﺍﻟﻤﺎﺭﺷﻪ ﻭﺣﻂ ﻳﺪﻩ ﻓﻮﻗﻬﺎ ﻭﻳﺴﻮﻕ ﻭﻛﻞ ﺷﻮﻱ ﻳﻘﻮﻟﻲ ﻛﻼﻡ ﻳﺤﺎﻭﻝ ﻳﺮﻳﺤﻨﻲ ﻭﻳﺤﻮﻝ ﺍﻟﺨﻮﻑ ﻣﻦ ﻋﻠﻴﺎ
ﺧﺸﻴﻨﺎ ﻟﻠﻤﺴﺘﺸﻔﻰ ﺧﺸﻴﺖ ﻟﻠﺤﺠﺮﺓ ﻭﻗﻌﺪﺕ ﻧﺮﺍﺟﻲ ﻟﺤﺪ ﻣﺎﺟﺖ ﺍﻟﻤﻤﺮﺿﻪ ﻭﻟﺒﺴﺘﻨﻲ ﺛﻮﺏ ﺍﻟﻌﻤﻠﻴﺎﺕ ﻭﺍﻧﻲ ﻃﺎﻟﻌﻪ ﻣﻦ ﺍﻟﺪﺍﺭ ﺟﻮ ﻣﺎﻣﺎ ﻭﺍﺧﻮﺍﺗﻲ
ﺍﻧﻲ ﻗﺮﻳﺐ ﻧﺒﻜﻲ ﻭﺧﺎﻳﻔﻪ
ﻭﻟﻴﺪ ﺷﺪ ﻳﺪﻱ : ﺧﻼﺹ ﻋﺎﺩ ﻳﺎﺣﺒﻴﺒﺘﻲ ﺍﻫﺪﻱ
ﻣﺎﻣﺎ : ﺍﻫﺪﻱ ﻳﺎﻧﻮﺳﻪ ﺍﻗﺮﻱ ﺍﻳﻪ ﺍﻟﻜﺮﺳﻲ ﻭﺗﻮﻛﻠﻲ ﻋﻠﻲ ﺭﺑﻲ
ﻧﻮﺭﺱ : ﺗﻨﻮﺿﻲ ﺑﺎﻟﺴﻼﻣﻪ
ﻧﺮﺟﺲ : ﺭﺑﻲ ﻳﻨﻮﺿﻚ ﺑﺎﻟﺴﻼﻣﻪ ﻧﻮﺳﻪ
ﻧﻮﺍﻝ : ﻣﺎﺗﺨﺎﻓﻴﺶ ﺍﻧﺴﻪ ﻧﺎﺿﻠﻲ ﺗﻨﻮﺿﻲ ﺑﺎﻟﺴﻼﻣﻪ ﺍﻥ ﺷﺎﺀ ﺍﻟﻠﻪ
ﺍﻟﻤﻤﺮﺿﺔ : ﻫﻲ ﻳﺎﺭﻳﺖ ﺗﺨﻠﻮﻧﻲ ﻧﺎﺧﺪ ﺍﻟﻤﺮﻳﻀﻪ ﺧﻼﺹ ﺑﻨﺪﺧﻠﻮﻫﺎ ﻟﻠﻌﻤﻠﻴﺎﺕ ، ﻭﻣﺎﺗﺨﺎﻓﻴﺶ ﻳﺎﺍﺧﺘﻲ ﺭﺍﻫﻮ ﻋﻤﻠﻴﻪ ﻋﺎﺩﻳﻪ ﻭﺑﺎﺫﻥ ﺍﻟﻠﻪ ﺗﻨﻮﺿﻲ ﺑﺎﻟﺴﻼﻣﻪ
ﺍﻧﻲ ﺷﻔﺘﻠﻬﻢ ﻭﺍﻟﺘﻔﺖ ﻭﺍﻣﺸﻴﺖ ﻣﻊ ﺍﻟﻤﻤﺮﺿﻪ
ﺍﻟﻤﻤﺮﺿﻪ ﺷﺎﺩﻩ ﻳﺪﻱ : ﻫﻬﻪ ﺧﻴﺮﻙ ﺗﺮﻋﺸﻲ
ﺍﻧﻲ : ﻣﺎﻧﻌﺮﻓﺶ ﻧﻌﺘﺒﺮ ﺍﻭﻝ ﻣﺮﻩ ﻧﺨﺶ ﻋﻤﻠﻴﻪ
ﺍﻟﻤﻤﺮﺿﻪ : ﻣﺎﺗﺨﺎﻓﻴﺶ ﻭﺍﻟﻠﻪ ﺑﺴﻴﻄﺔ ﻳﻌﻨﻲ ﺑﺲ ﺑﻴﻔﺘﺤﻮ ﻳﺤﻮﻟﻮ ﺍﻟﻜﻴﺲ ﻭﻳﺨﻴﻂ ﻭﺧﻼﺹ ﺗﻮﻛﻠﻲ ﻋﻠﻲ ﺭﺑﻲ
ﺍﻧﻲ : ﺍﻥ ﺷﺎﺀ ﺍﻟﻠﻪ
ﺧﺸﻴﺖ ﻏﺮﻓﻪ ﺍﻟﻌﻤﻠﻴﻪ
( ﻣﺘﻤﻤﺪﻩ ﻉ ﺍﻟﺴﺮﻳﺮ ﻭﺟﻨﺒﻲ ﺍﻻﺟﻬﺰﺓ ﻭﺭﻳﺤﺔ ﺍﻟﻤﻌﻘﻢ ﺧﺶ ﺍﻟﺪﻛﺘﻮﺭ ﺍﻟﺘﺨﺪﻳﺮ ﻭﺿﺮﺑﻠﻲ ﻳﺒﺮﺓ ﻗﻌﺪﺕ ﻧﺘﻔﺤﺺ ﻓﻲ ﺍﻟﻮﺟﻮﻩ ﺍﻟﻲ ﺟﻨﺒﻲ ﻭﺑﻌﺪﻫﺎ ﻣﻌﺎﺵ ﻧﻨﺪﺭﻱ ﻋﻠﻲ ﺷﻲ )
ﺧﺎﺭﺝ ﻏﺮﻓﻪ ﺍﻟﻌﻤﻠﻴﺎﺕ
ﻭﻟﻴﺪ : ﻛﺎﻥ ﺗﺨﺸﻲ ﺗﺘﺮﻳﺤﻲ ﺍﻟﺪﺍﺧﻞ ﻳﺎﻋﻤﺘﻲ
ﻣﺎﻣﺎ : ﻣﺘﺮﻳﺤﺔ ﺣﺘﻰ ﺍﻫﻨﻲ ﻭﺍﻟﻠﻪ
ﻭﻟﻴﺪ ﻭﻗﻒ : ﺑﺎﻫﻲ ﺍﻧﻲ ﻧﺎﺯﻝ ﻛﺎﻓﺘﻴﺮﻳﺎ ﺷﻮﻳﺔ ﻭﻧﺠﻲ ، ﺗﺒﻮ ﺣﺎﺟﺔ
ﻣﺎﻣﺎ : ﺳﻼﻣﺘﻚ
ﻭﻟﻴﺪ : ﺑﻨﺎﺕ ﺗﺒﻮ ﺣﺎﺟﺔ
ﻧﺮﺟﺲ : ﺍﻧﻲ ﻧﺒﻲ ﻣﻴﻪ
ﻧﻮﺍﻝ ﻭﻧﻮﺭﺱ : ﻣﺎﻧﺒﻮ ﺷﻲ
ﻭﻟﻴﺪ : ﺑﺎﻫﻲ ، ﻭﺍﻣﺸﻲ ﺟﺎﺑﻠﻬﻢ ﻓﻄﻮﺭ ﻭﺍﺧﺪﺍﻟﻬﻢ ﺷﺎﻫﻲ ﻭﺷﻜﻼﻃﺎﺕ ﻭﺭﻛﺐ
ﻧﻮﺭﺱ ﻓﻮﻧﻬﺎ ﺷﺮﻳﻦ ﺍﻟﻘﺘﻬﺎ ﻫﺎﺟﺮ : ﺍﻫﻠﻴﻦ ﺻﺒﺎﺡ ﺍﻟﺨﻴﺮ ﻫﺎﺟﺮ
ﻫﺎﺟﺮ : ﺻﺒﺎﺡ ﺍﻟﻨﻮﺭ ﻛﻴﻒ ﺣﺎﻝ
ﻧﻮﺭﺱ : ﺍﻟﺤﻤﺪ ﻟﻠﻪ ﻭﺍﻧﺘﻲ
ﻫﺎﺟﺮ : ﺗﻤﺎﻡ ﺷﻦ ﺻﺎﺭ ﻓﻲ ﻧﻮﺳﻪ
ﻧﻮﺭﺱ : ﻗﺒﻞ ﺷﻮﻱ ﺧﺸﺸﻮﻫﺎ ﻟﻐﺮﻓﻪ ﺍﻟﻌﻤﻠﻴﺎﺕ
ﻫﺎﺟﺮ : ﺑﺎﻩ ﺍﻥ ﺷﺎﺀ ﺍﻟﻠﻪ ﺧﻴﺮ ، ﻃﻤﻨﻴﻨﻲ ﻟﻤﺎ ﺗﻄﻠﻊ ﻣﺮﺍﺕ ﺍﻟﻌﺸﻴﻪ ﻧﺠﻲ ﺍﻧﻲ ﻭﺍﻳﻤﻦ
ﻧﻮﺭﺱ : ﺑﺎﻩ ﺗﻤﺎﻡ
ﻫﺎﺟﺮ : ﻣﻊ ﺍﻟﺴﻼﻣﻪ
ﻣﺎﻣﺎ : ﻋﻼﺵ ﻣﺘﻌﺐ ﺭﻭﺣﻚ ﻳﺎﻭﻟﻴﺪﻱ ﻭﺍﻟﻠﻪ
ﻭﻟﻴﺪ : ﻣﺎﺩﺭﺕ ﺷﻲ ﻳﺎﻋﻤﺘﻲ
ﻭﻗﻌﺪﻭ ﻳﻔﻄﺮﻭ ﻭﻳﻬﺪﺭﺯﻭ ﻭﻳﺮﺍﺟﻮ ﻓﻲ ﺍﻟﺪﻛﺘﻮﺭ ﻳﻄﻠﻊ
ﻧﺮﺟﺲ : ﺍﻧﻲ ﺑﻨﻤﺸﻲ ﺍﻟﺘﻮﺍﻟﻴﺖ
ﻣﺎﻣﺎ : ﺗﻌﺮﻓﻲ ﻣﻜﺎﻧﻪ ؟
ﻧﺮﺟﺲ : ﺍﻳﻪ ﺷﻔﺘﻪ ﺍﻣﺒﻜﺮﻱ
ﻭﺍﻣﺸﺖ ﻧﻮﺭﺱ ﻭﻫﻲ ﻣﺎﺍﺷﻴﻪ ﺗﺸﻮﻭﻑ ..... ﻗﻌﺪﺕ ﺗﺮﻛﺰ ﻛﻮﻭﻭﻳﺲ ﻭﻓﺘﺤﺖ ﻓﻤﻬﺎ ﺑﺼﺪﻣﻤﺔ ﻣﻦ ﺍﻟﻤﺸﻬﺪ ﺍﻟﻲ ﺷﺎﻓﺎﺗﻪ ﻭﻭﻭﻭ ........
،،،،،،،
ﻃﻠﻊ ﺍﻟﺪﻛﺘﻮﺭ
ﻭﺟﺎﻩ ﻭﻟﻴﺪ : ﻫﺎ ﺷﻦ ﺻﺎﺭ ﻃﻤﻨﺎ ﻳﺎﺩﻛﺘﻮﺭ
ﻣﺎﻣﺎ ﻭﺍﺧﻮﺍﺗﻲ ﻧﺎﺿﻮ ﻗﺮﺑﻮ : ﺷﻦ ﻳﺎﺩﻛﺘﻮﺭ
ﺍﻟﺪﻛﺘﻮﺭ ...........:
# ﻳﺘﺒﻊ
