منقولة
الحلقةة[18]
من ﺭﻭﺍﻳﺔ - - ->" #ﺳﻨــﺪ_ﺍﻷﻧﺜــﻰ_ﺭﺟــﻞ "
ﺍﻳﻤﻦ : ﺍﻟﻮ ﺍﻫﻠﻴﻦ
ﻫﺎﺟﺮ : ﻣﻨﻮ ﻣﻌﺎﻱ ؟ ( ﺗﺪﻳﺮ ﻓﻲ ﺍﻟﺠﻮ )
ﺍﻳﻤﻦ : ﺍﻧﻲ ﺍﻳﻤﻦ
ﻫﺎﺟﺮ : ﺍﻫﺎ ﺍﻫﻠﻴﻦ ﺍﻳﻤﻦ ﺳﻮﺭﻱ ﻛﻴﻒ ﺣﺎﻟﻚ
ﺍﻳﻤﻦ : ﺍﻟﺤﻤﺪ ﻟﻠﻪ ﺍﻥ ﺷﺎﺀ ﺍﻟﻠﻪ ﻣﺎﺍﺯﻋﺠﺘﻜﺶ
ﻫﺎﺟﺮ : ﻻﻻ ﺑﺎﻟﻌﻜﺲ ﻋﺎﺩﻱ
ﺍﻳﻤﻦ : ﺷﻦ ﺩﺍﻳﺮﺓ
ﻫﺎﺟﺮ : ﺗﻤﺎﻡ
ﺍﻳﻤﻦ : ﻓﻲ ﻣﻮﺿﻮﻉ ﻧﺒﻲ ﻧﺤﻜﻴﻪ ﻣﻌﺎﻙ ﻭﺍﺳﻤﻌﻴﻨﻲ ﻟﻼﺧﻴﺮ
ﻫﺎﺟﺮ : ﺗﻔﻀﻞ ﺍﻥ ﺷﺎﺀ ﺍﻟﻠﻪ ﺧﻴﺮ ؟
ﺍﻳﻤﻦ : ﻣﻦ ﺍﻻﺧﻴﺮ ﻳﺎﻫﺎﺟﺮ ﻣﺎﻋﻨﺪﻳﺸﻔﻲ ﺍﻟﻠﻒ ﻭﺍﻟﺪﻭﺭﺍﻥ ﺑﺼﺮﺍﺣﺔ ﻋﺎﺟﺒﺘﻨﻲ ﻣﻦ ﺍﻭﻝ ﻣﺮﺓ ﺷﻔﺘﻚ ﻓﻴﻬﺎ ﻭﺍﻗﻌﺪﺕ ﺍﻧﺎﺷﺐ ﻓﻴﻚ ﻭﺍﻭﻝ ﻣﺎﻋﺮﻓﺖ ﺍﻧﻚ ﺧﻄﺒﺘﻲ ﺳﺎﻓﺮﺕ ﻻﻣﻲ ﻭﻃﻮﻝ ﺍﻟﺴﺘﻪ ﺷﻬﻮﺭ ﻭﺍﻧﻲ ﻧﻔﻜﺮ ﻓﻴﻚ ﻣﺎﻏﺒﺘﻴﺶ ﻋﻠﻲ ﺑﺎﻟﻲ ﺑﻜﻞ ﻣﺎﻛﻨﺘﺶ ﻧﺆﻣﻦ ﺑﺎﻟﺤﺐ ﻣﻦ ﺍﻭﻝ ﻧﻈﺮﺓ ﺑﺲ ﺗﻮﺍ ﺟﺮﺑﺘﻪ ﺣﺒﺘﻚ ﻣﻦ ﺍﻭﻝ ﻣﺮﺓ ﺷﻔﺘﻚ ﻓﻴﻬﺎ ﻓﻲ ﺣﻮﺵ ﺧﺎﻟﻲ
ﻫﺎﺟﺮ ﻓﺮﺣﺎﻧﻪ ﺑﺘﻄﻴﺮﺭ ﺗﺴﻤﻊ ﻭﺧﻼﺹ
ﺍﻳﻤﻦ : ﺍﻧﺘﻲ ﺷﻦ ﺭﺍﻳﻚ ؟
ﻫﺎﺟﺮ ﻫﺎ ﺍﻩ ﺍﻛﻴﺪ، ﺑﻌﺪﻳﻦ ﺍﺳﺘﺎﻗﻈﺖ ﻟﺮﻭﺣﻚ ﺍﺣﻢ ﻗﺼﺪﻱ ﺧﻠﻴﻨﻲ ﻧﻔﻜﺮ ﻓﺎﺟﺌﺘﻨﻲ ﺑﺎﻟﻤﻮﺿﻮﻉ ﺍﻧﺖ
ﺍﻳﻤﻦ : ﻫﻬﻬﻬﻬﻬﻪ ﺍﻛﻴﺪ ﺧﻮﺩﻱ ﻭﻗﺘﻚ
ﻫﺎﺟﺮ : ﺗﻮ ﻟﻴﺶ ﺗﻀﺤﻚ
ﺍﻳﻤﻦ : ﻫﻬﻬﻬﻬﻪ ﻻﻧﻲ ﻧﺤﺒﻚ ﻳﺎﻣﻄﺮﺷﻘﻪ
ﻫﺎﺟﺮ ﻭﺟﻬﻬﺎ ﻭﻟﻰ ﺍﺣﻤﺮ ﻭﺭﺩﺕ ﺗﻠﻘﺎﺋﻴﺎ : ﺣﺘﻰ ﺍﻧﻲ
ﺍﻳﻤﻦ : ﺷﻨﻮ ﺣﺘﻰ ﺍﻧﺘﻲ ؟ ﺗﺤﺒﻴﻨﻲ ﻗﺼﺪﻙ
ﻫﺎﺟﺮ : ﺍﻳﻪ ﻫﺎ ﻻ
ﺍﻳﻤﻦ : ﻫﻬﻬﻬﻬﻬﻬﻬﻪ ﺑﺎﻩ ﺧﻴﺮﻙ
ﻫﺎﺟﺮ : ﻫﺎ ﻻﺷﻲ ( ﺍﻟﺤﻘﻴﻘﻪ ﺍﻧﻬﺎ ﻛﺎﻧﺖ ﺫﺍﻳﺒﻪ ﻣﻦ ﺻﻮﺗﻪ ﻋﻠﻴﻚ ﻫﺒﻠﻪ ﻫﻬﻬﻬﻪ )
ﺍﻳﻤﻦ : ﻫﻬﻬﻬﻬﻬﻬﻬﻪ ﺑﺎﻩ ﻧﺤﺒﻚ ﺍﻧﻲ ( ﻣﺤﺼﻞ ﺟﻮ ﺍﻟﺨﺎﻳﺐ )
ﻫﺎﺟﺮ : ﻫﺎ ﺑﺎﻩ ﻣﻌﺎﺵ ﺗﻀﺤﻚ
ﺍﻳﻤﻦ : ﻫﻬﻬﻬﻬﻬﻬﻪ ﺍﻧﺘﻲ ﺟﻮ ﻋﻠﻴﻚ ﺍﻭﻝ ﻣﺮﺓ ﻧﺸﻮﻓﻚ ﻫﻜﻲ ﻗﺒﻞ ﻧﺒﻲ ﺗﺮﺩﻱ ﻋﻠﻲ ﻃﻮﻝ ﻭﻟﺴﺎﻧﻚ ﻣﻠﻮﻱ ﻋﻠﻲ ﺭﻗﺒﺘﻲ ﺍﻟﻴﻮﻡ ﻛﻠﻪ ﺳﺮﺣﺎﻧﻪ ﻣﻦ ﻟﻤﺎ ﺟﻴﺖ ﺍﻣﺒﻜﺮﻱ ﺷﻔﺘﻚ
ﻫﺎﺟﺮ ﺣﻄﺖ ﻳﺪﻫﺎ ﺗﺸﻢ ﻓﻴﻬﺎﺍ : ﻣﺎﻧﻌﺮﻓﺶ ﻋﺎﺩﻱ ﻣﻤﻜﻦ ﺗﻌﺒﺎﻧﻪ ﺷﻮﻱ
ﺍﻳﻤﻦ ﻗﺮﻥ ﺣﻮﺍﺟﺒﻪ : ﺧﻴﺮﻙ ﺷﻦ ﻓﻲ ﺗﺤﺴﻲ ﻓﻲ ﺷﻲ ﻣﺮﻳﻀﻪ ؟؟؟؟
ﻫﺎﺟﺮ ﺗﺒﺘﺴﻢ : ﻻﻻ ﻛﻮﻳﺴﻪ ﺗﻤﺎﻡ
ﻭﺍﺳﺘﻤﺮﺕ ﺍﻟﻬﺪﺭﺯﺓ ﺑﻴﻨﺎﺗﻬﻢ ﻭﻫﺎﺟﺮ ﻗﺎﻋﺪﻩ ﻋﻠﻲ ﻧﻔﺲ ﺍﻟﺤﺎﻟﺔ ﻣﺴﺒﻬﺔ ﻭﺳﺮﺣﺎﻧﻪ ﻭﺗﺸﻢ ﻓﻲ ﺭﻳﺤﺘﻪ ﻓﻲ ﻳﺪﻫﺎ
،،،،
ﻭﻓﻲ ﻧﻔﺲ ﺍﻟﻮﻗﺖ ﻛﻨﺖ ﺍﻧﻲ ﻧﻬﺪﺭﺯ ﻣﻊ ﻭﻟﻴﺪ
ﻭﻟﻴﺪ : ﺣﺒﻴﺒﺘﻲ ﺣﻘﺎ ﺭﺍﻫﻮ ﻣﻤﻜﻦ ﻏﺪﻭﺓ ﻧﻔﺘﺢ ﺍﻟﻤﻮﺿﻮﻉ ﻣﻊ ﺍﻣﻲ ﻧﺠﻲ ﻧﺨﻄﺐ
ﺍﻧﻲ : ﺑﺎﻟﺤﻖ ﺣﺒﻴﺒﻲ
ﻭﻟﻴﺪ : ﺍﻳﻴﻪ ﻣﻌﺎﺵ ﻧﻘﺪﺭ ﻧﺼﺒﺮ ﺍﻧﻲ ﻣﻌﺎﺵ ﻧﻘﺪﺭ ﻧﺨﻠﻴﻚ ﺑﻌﻴﺪﻩ ﻋﻠﻴﺎ ﺍﻛﺜﺮ
ﺍﻧﻲ : ﻧﺤﺒﺒﺒﺒﺒﻚ
ﻭﻟﻴﺪ : ﻳﺎﺣﻠﻴﻠﻲ ﻭﺧﻼﺹ ، ﺑﻌﺪﻫﺎ ﺗﻨﻬﺪ ﺗﻨﻬﻴﺪﺓ ﺿﻴﻖ ﻭﻗﺎﻝ : ﻏﺪﻭﺓ ﺑﻨﻔﺘﺢ ﺍﻟﻤﻮﺿﻮﻉ ﻣﻊ ﺍﻣﻲ
ﺍﻧﻲ : ﺍﻥ ﺷﺎﺀ ﺍﻟﻠﻪ ﺑﺠﺪ ﺣﺒﻴﺒﻲ ﻓﺮﺣﺖ
ﻭﻟﻴﺪ : ﺩﻭﻭﻡ ﻓﺮﺣﺎﻧﻪ ﻳﺎﺭﺏ
ﺍﻧﻲ : ﺣﻘﺎﺍ ﺍﻣﺘﻰ ﺑﺘﻜﻤﻞ ﻋﻼﺟﻚ ﺣﺒﻴﺒﻲ ﻣﺎﺗﻬﻤﻠﺶ ﺭﻭﺣﻚ
ﻭﻟﻴﺪ : ﺍﻥ ﺍﻟﻠﻪ ﺍﻻﺳﺒﻮﻉ ﺍﻟﺠﺎﻱ ﻓﻲ ﻣﺮﻛﺰ ﻋﻼﺝ ﻃﺒﻴﻌﻲ ﺑﻨﻤﺸﻲ ﻧﺸﻮﻓﻪ ﻭﻧﺮﻓﻊ ﺗﻘﺮﻳﺮ ﺍﻟﺪﻛﺘﻮﺭ ﻭﻧﺒﺪﺍ ﻓﻴﻪ ﺍﻥ ﺷﺎﺀ ﺍﻟﻠﻪ
ﺍﻧﻲ : ﺑﺎﺍﻩ ﺍﻥ ﺷﺎﺀ ﺍﻟﻠﻪ
،،،
ﻫﺎﺟﺮ : ﻋﺎﺭﻑ ﺍﻟﻮﻗﺖ ﺗﺎﺧﺮ ﻫﻠﺒﺎ ﺍﻟﺴﺎﻋﻪ 2 ﺗﻮﺍ
ﺍﻳﻤﻦ : ﻧﺘﻤﻨﻰ ﻣﺎﻧﺴﻜﺮﺵ ﻣﻨﻚ ﻟﻠﺼﺒﺢ ﺑﺲ ﻳﻼ ﻧﺨﻠﻮﻙ ﺗﺮﻗﺪﻱ ﻭﺍﺿﺢ ﺍﻧﻚ ﺗﻌﺒﺎﻧﻪ ﻫﻠﺒﺎ
ﻫﺎﺟﺮ : ﺷﻲ ﺯﻱ ﻫﻜﻲ ( ﺗﺴﺘﺮﺯﻥ ﻗﺎﺍﺭﻳﺘﻬﺎ ﻗﺮﺍﻳﻪ ﺍﻧﻲ ﺣﺎﻓﻈﺘﻬﺎ ﺑﻠﻌﻮﻃﺔ )
ﺍﻳﻤﻦ : ﺧﻼﺹ ﻟﻴﻠﺘﻚ ﺳﻌﻴﺪﺓ
ﻫﺎﺟﺮ : ﻟﻴﻠﺘﻚ ﺍﺳﻌﺪ ﺗﺼﺒﺢ ﻉ ﺧﻴﺮ
ﺍﻳﻤﻦ : ﻭﺍﻧﺘﻲ ﻣﻦ ﺍﻫﻠﻲ
ﻫﺎﺟﺮ : ﻫﻬﻪ ﺳﻼﻡ
ﺳﻜﺮﺕ ﻭﻗﻌﺪﺕ ﺗﺸﻢ ﻓﻲ ﺭﻳﺤﺔ ﻳﺪﻩ ﻭﺫﺍﺍﻳﺒﻪ ﺣﺎﻟﺘﻬﺎ ﺣﺎﻟﺔ
،،،،
ﺳﺎﺍﺭﺓ : ﻧﻮﻭﺿﻲ ﻫﻴﺎﺍﺍﺍ ﺍﻟﺴﺎﻋﻪ 10 ﻭﺟﺒﺪﺕ ﺍﻟﻮﺭﻏﺎﺍﻥ
ﺍﻧﻲ : ﺍﻭﻭﻭﻑ ﻧﻔﺎﺍﺍﺧﻪ ﻫﺎﺍﺍﺗﻲ ﺍﻟﻮﺭﻏﺎﺍﻥ
ﺳﺎﺭﺓ ﺗﻔﺘﺢ ﻓﻴﺎﻟﺮﻭﺷﻦ : ﻻﺍﺍ ﻫﻴﺎﺍﺍ ﻧﻮﺿﻲ ﺍﻓﻄﺮﻱ ﻣﻌﺎﻱ
ﺍﻧﻲ : ﺟﻌﻨﻚ ﻣﻌﺎﺩ ﻓﻄﺮﺗﻲ ﻫﺎﺍﺍﺗﻲ ﺍﻟﻮﺭﻏﺎﺍﺍﻥ ﺧﻴﺮ ﻣﺎﻧﻮﺿﻠﻚ
ﺳﺎﺭﺓ : ﻧﺒﻴﻚ ﺗﻨﻮﺿﻲ ﺍﻧﻲ ﺍﺻﻼﺍ ﻭﻭﻗﻔﺖ ﻫﺎﻟﺒﺎﺏ ﻭﻗﻌﺪﺕ ﺗﺪﺭﺑﻚ ﻭﺭﻭﺭﻭﺭﻭﺭﻱ
ﺍﻧﻲ : ﻭﺍﺍﺍﺍﺍﻙ ﺧﻼﺹ ﺍﻗﻠﺒﻲ ﻭﺟﻬﻚ ﻧﻀﺖ
ﺳﺎﺭﺓ : ﺍﻳﻮﻩ ﺷﺎﻃﺮﻱ ﺗﻌﺠﺒﻴﻨﻲ
ﺍﻧﻲ : ﺍﻭﻑ ﻫﺎﻟﻨﻔﺎﺧﻪ ﻭﻧﻀﺖ ﻃﻠﻌﺖ ﻣﻦ ﺍﻟﺪﺍﺭ ﺍﻟﻘﻴﺘﻬﺎ ﻓﻲ ﺩﺍﺭ ﻧﺮﺟﺲ ﻭﻧﻮﺍﻝ ﻭﺭﺍﻗﺪﻩ ﻣﻌﺎﻫﻢ ﺳﺮﻭﺭ
ﺳﺎﺭﺓ : ﻧﻮﻭﻭﺿﻮﻭ ﻫﻴﺎﺍﺍ ﻭﻭﻗﻔﺖ ﻉ ﺍﻟﺒﺒﺎﺏ ﺗﺪﺭﺑﻚ ﻫﻴﺎﺍﺍ ﻳﺎﻧﺎﺷﻄﺎﺍﺕ ﻫﻴﺎﺍ ﻧﻮﺿﻮﻭ ﺍﻟﺴﺎﻋﻪ ١ ( ﺑﻠﻌﻮﻃﺔ )
ﻧﻮﺍﻝ ﺷﺬﺕ ﺍﻟﻔﻴﺎﻕ ﻭﺣﺬﻓﺎﺗﻪ ﻋﻠﻴﻬﺎ : ﺍﻗﻠﺒﻲ ﻭﺟﻬﻚ ﺧﻴﺮﻟﻚ
ﻧﺮﺟﺲ : ﺍﻭﻑ ﻳﺎﺳﺎﺭﺓ ﺑﻨﺮﻗﺪﻭ ﺭﻗﺪﻧﺎ ﻣﺘﺎﺧﺮ
ﺳﺮﻭﺭ ﻧﺎﺿﺖ ﻣﺘﻌﻮﺩﺓ ﻋﻠﻴﻬﺎ ﺩﻳﻤﺎ ﻫﻜﻲ
ﺳﺎﺭﺓ : ﻧﺠﻴﻴﻠﻲ ﺍﺧﺘﻲ ﺍﻟﻨﺎﺷﻄﺔ ﺍﻟﻲ ﺗﻨﻮﺽ ﻋﻠﻲ ﻃﻮﻝ
ﺳﺮﻭﺭ : ﻻﻧﻲ ﻋﺎﺭﻓﺎﺗﻚ ﻧﻔﺎﺧﻪ ﻭﻣﺶ ﺣﺘﻤﺸﻲ ﻟﻴﻦ ﺍﻧﻮﺿﻮ ﺍﻧﻮﺽ ﺧﻴﺮ ﻣﻦ ﺯﻳﺎﺩﺓ ﻧﻔﺦ ﻭﻃﻠﻌﺖ
ﺍﻧﻲ : ﻫﻬﻬﻬﻬﻬﻪ ﺍﻗﺴﻢ ﺑﺎﻟﻠﻪ ﻋﻨﺪﻫﺎ ﺣﻖ ﺍﻛﺒﺮ ﻧﻔﺎﺧﻪ
ﻧﺮﺟﺲ : ﻣﺎﺑﻌﺪ ﻣﻌﺘﺼﻢ ﻓﻲ ﺍﻟﺤﺼﻠﻪ ﺍﻟﻲ ﺣﺼﻞ ﻓﻴﻬﺎ
ﻧﻮﺍﻝ : ﺗﺤﺴﺎﺑﻴﻬﺎ ﻣﻌﻌﺎﻧﺎ ﺣﻨﻲ ﺑﺲ ﺗﻮ ﺑﻌﺪﻳﻦ ﺗﺒﺪﺍ ﺯﻱ ﺍﻟﻨﻌﺠﻪ ﺗﻨﻮﺽ ﻓﻴﻪ ﺑﺮﻗﻪ ﻭﺑﺪﻟﻊ ﺍﻟﻐﺠﺮﺭﻳﺔ ﻓﻲ ﻭﺟﻮﻫﻨﺎ ﺑﺲ
ﺳﺎﺭﺓ : ﻫﻬﻬﻬﻬﻬﻪ ﺍﻫﻮ ﺗﻔﻬﻤﻲ ﻓﻲ ﺍﻟﺠﻮﻭﻭ ﻭﺭﺟﻌﺖ ﺗﺪﺭﺑﻚ ﻫﻴﺎﺍ ﻫﻴﺎ ﻧﻮﺿﻮ ﻫﻴﺎ ﻫﻴﺎ ﻧﻮﺿﻮ
ﻭﻧﻀﻨﺎ ﻛﻠﻨﺎ ﻣﻦ ﺩﻭﺷﺔ ﺳﺎﺭﺓ ﻧﺰﻟﻨﺎ ﻓﻄﺮﻧﺎ ﺑﻌﺪﻫﺎ ﺍﻳﻤﻦ ﻛﻠﻢ ﻣﻌﺎﺩ ﻭﺧﻄﻢ ﻋﻠﻴﻪ ﺍﻣﺸﻲ ﻫﻮ ﻭﻳﺎﻩ ﻭﺍﺣﻨﻲ ﺿﻤﻴﻨﺎ ﺍﻟﺤﻮﺵ ﻭﻗﻌﺪﻧﺎ ﻧﺮﺍﺟﻮ ﻓﻲ ﺧﺒﺮ ﻣﻨﻬﻢ
،،،،،
ﺍﻣﺎ ﻓﻲ ﺣﻮﺵ ﻭﻟﻴﺪ
ﻭﻟﻴﺪ : ﺍﻣﻲ ﻓﻲ ﻣﻮﺿﻮﻉ ﻧﺒﻲ ﻧﻜﻠﻤﻚ ﻓﻴﻪ
ﻓﺘﺤﻴﻪ : ﺷﻨﻮ ﺍﻥ ﺷﺎﺀ ﺍﻟﻠﻪ ﺧﻴﺮ
ﻭﻟﻴﺪ : ﻧﺒﻴﻚ ﺗﻤﺸﻲ ﺗﺨﻄﺒﻴﻠﻲ
ﻓﺘﺤﻴﻪ : ﺭﻭﺭﻭﺭﻭﺭﻱ ﻫﺎﻟﻨﻬﺎﺭ ﺍﻟﻤﺒﺎﺭﻙ ﺧﻠﻴﻨﻲ ﻧﻤﺸﻲ ﻧﻜﻠﻢ ﻧﺎﺟﻴﺔ ﻭﺍﻟﻌﺸﻴﻪ ﻧﻤﺸﻮ ﻧﺎﺧﺪﻭ ﻋﻮﺍﻃﻒ
ﻭﻟﻴﺪ : ﺍﻣﻲ ﺍﻧﻲ ﻋﻮﺍﻃﻒ ﻣﺎﻧﺒﻴﻬﺎﺵ ﻧﺒﻲ ﺑﻨﺖ ﺗﺎﻧﻴﻪ
ﻓﺘﺤﻴﻪ : ﻭﺧﻴﺮﺭﻫﺎ ﺑﻨﺖ ﺍﺧﺘﻲ ﻭﻣﻦ ﻫﻲ ﻫﺎﻟﺒﻨﺖ ﺍﻟﺜﺎﻧﻴﻪ ﻣﻦ ﻭﻳﻦ ﺟﺎﻳﺒﻬﺎ ﺧﻮﻙ ﺩﺍﻳﺮ ﻣﺎﻓﻲ ﺭﺍﺳﻪ ﻭﻻﻳﺒﻲ ﻻﻋﻮﺍﻃﻒ ﻭﻻ ﻣﻨﻰ ﻭﺍﻧﺖ ﺑﺘﺪﻳﺮ ﺯﻳﻪ ﺣﺘﻰ ﺍﻧﺖ ﺍﺣﻨﻲ ﻣﺎﻧﺎﺧﺪﻭﺵ ﻣﻦ ﺍﻟﺒﺮﺍﻧﻴﻪ ﻭﻋﻨﺪﻫﺎ ﺑﻨﺎﺕ ﺯﻱ ﺍﻟﻮﺭﺩﺍﺕ ﺷﻮﻓﻮ ﺧﻮﻛﻢ ﺍﻟﻜﺒﻴﺮ ﻗﻠﻨﺎﻟﻪ ﺑﻨﺨﻄﺒﻮﻟﻚ ﻣﺎﺗﻜﻠﻤﺶ ﺣﺘﻰ ﻛﻠﻤﻪ ﻭﻫﻮﻧﺎ ﻋﺮﺳﻪ ﻗﺮﻳﺐ
ﻭﻟﻴﺪ : ﺍﻣﻲ ﺍﻧﻲ ﻣﺎﻧﻴﺶ ﺯﻱ ﻋﺒﺪ ﺍﻟﻘﺎﺩﺭ ﺍﻧﻲ ﻣﺎﻧﺒﻴﺶ ﻣﻦ ﺍﻟﻌﻴﻠﻪ ﻓﻲ ﺑﻨﺖ ﺑﻨﺖ ﻧﺎﺱ ﻭﻣﺤﺘﺮﻣﻪ ﻭﻧﺒﻲ ﻧﺨﻄﺒﻬﺎ
ﻓﺘﺤﻴﻪ : ﺍﻟﻀﻨﻮﺓ ﺿﻨﻮﺗﻲ ﻭﺍﻟﻔﻌﻞ ﻣﺎﻫﻮ ﻓﻌﻠﻲ ﺑﻨﺖ ﻣﻨﻮ ﻫﺎﺍﺩﻱ
ﻭﻟﻴﺪ : ﺗﺘﺬﻛﺮﻱ ﺍﻟﺮﺍﺟﻞ ﺍﻟﻲ ﻗﺘﻠﻮﻩ ﻟﻤﺎ ﺍﻧﺼﺒﺖ ﺍﻧﻲ ﻫﺎﺩﻱ ﺑﻨﺘﻪ ﻭﺳﺎﻟﺖ ﺣﺘﻰ ﻋﻠﻲ ﺍﻟﻌﻴﻠﻪ ﻛﻠﻬﺎ ﻣﺎﻓﻴﺶ ﺣﺪ ﺫﻣﻬﺎﻟﻲ ﻳﺎﺍﻣﻲ
ﻓﺘﺤﻴﻪ : ﺍﻧﻲ ﻗﻤﺖ ﻳﺪﻳﺎ ﻣﻨﻜﻢ ﻭﻣﻌﺎﺵ ﺩﺧﻠﻨﻲ ﻓﻴﻜﻢ ﺑﺮﺍﺍ ﻫﻮﻧﺎ ﻛﻠﻢ ﺑﻮﻭﻙ ﻗﻮﻟﻪ
ﻭﻟﻴﺪ : ﻣﺎﻫﻮ ﻻﺯﻡ ﺍﻧﺘﻲ ﺗﻮﺍﻓﻘﻲ ﻣﺎﻧﻘﺪﺭﺵ ﻧﺪﻳﺮ ﺣﺎﺟﺔ ﻣﻦ ﻏﻴﺮ ﺭﺿﺎﻙ
ﻓﺘﺤﻴﻪ : ﺑﺸﺮﻁ ﻧﻤﺸﻲ ﻧﺸﻮﻓﻬﺎ ﻗﺒﻞ ﻛﺎﻥ ﺷﻴﻨﻪ ﻭﻣﺎﻋﺠﺒﺘﻨﻴﺶ ﻣﺎﺗﺤﻠﻤﺶ ﺗﺎﺧﺪﻫﺎ ﻟﻴﺎ ﺭﺍﻱ ﺣﺘﻰ ﺍﻧﻲ
ﻭﻟﻴﺪ : ﻣﺘﺎﻛﺪ ﺍﻧﻬﺎ ﺣﺘﻌﺠﺒﻚ
ﻓﺘﺤﻴﻪ : ﺑﺎﻩ ﺑﺮﺍ ﺍﺩﻭﻱ ﻟﺒﻮﻙ ﻭﺍﻥ ﺷﺎﺀ ﺍﻟﻠﻪ ﻳﺼﻴﺮ ﺧﻴﺮ
ﻭﻟﻴﺪ ﺑﺎﺱ ﻋﻠﻲ ﺭﺍﺱ ﺍﻣﻪ : ﺭﺑﻲ ﻳﺨﻠﻴﻚ ﻟﻴﻨﺎ ﻳﺎﻏﺎﻟﻴﺔ
ﺑﻌﺪﻫﺎ ﻃﻠﻊ ﺍﻣﺸﻲ ﻟﺒﻮﻩ ﻟﻘﺎﻩ ﻓﺎﻳﻖ : ﺍﻟﺴﻼﻡ ﻋﻠﻴﻜﻢ ﻛﻴﻒ ﺣﺎﻟﻚ ﺗﻮﺍ ﻳﺎﺑﻮﻱ
ﻣﺨﺘﺎﺭ : ﻭﻋﻠﻴﻜﻢ ﺍﻟﺴﻼﻡ ﺑﺎﻫﻲ ﺍﻟﺤﻤﺪ ﻟﻠﻪ ﺗﻌﺎﻝ ﻗﻌﻤﺰ ﺟﻨﺒﻲ
ﻭﻟﻴﺪ ﻳﻘﻌﻤﺰ : ﺑﻮﻱ ﻧﺒﻲ ﻧﺪﻭﻳﻠﻚ ﻓﻲ ﻣﻮﺿﻮﻉ
ﻣﺨﺘﺎﺭ : ﻗﻮﻝ
ﻭﻟﻴﺪ : ﻧﺒﻲ ﻧﺨﻄﺐ ﻳﺎﺑﻮﻱ ﺷﻘﺘﻲ ﻛﺎﻣﻠﻪ ﻭﻧﺨﺪﻡ ﻭﺗﻮﺍ ﺑﻨﺸﺮﻱ ﺳﻴﺎﺭﺓ ﺟﺪﻳﺪﺓ ﻭﻋﻤﺮﻱ ﻫﺪﺍﻛﺎ ﻫﻮ
ﻣﺨﺘﺎﺭ : ﻣﺒﺎﺍﺭﻙ ﻣﻘﺪﻣﺎ ﺧﻠﻴﻨﻲ ﻧﻜﻠﻢ ﻋﻤﻚ ﻧﺎﺧﺪﻭ ﺑﻨﺘﻪ ﺭﻳﺤﺎﻧﻪ
ﻭﻟﻴﺪ : ﻳﺎﺑﻮﻱ ﺍﻧﻲ ﻣﺎﻧﺒﻴﺶ ﻣﻦ ﺍﻟﻌﻴﻠﻪ
ﻣﺨﺘﺎﺭ : ﻛﻴﻒ ﻣﺎﺗﺒﻴﺶ ﻣﻦ ﺍﻟﻌﻴﻠﻪ ﻗﺼﺪﻙ ﺗﺒﻲ ﺑﺮﺍﻧﻴﻪ
ﻭﻟﻴﺪ : ﺍﻳﻪ
ﻣﺨﺘﺎﺭ : ﺟﺪﻳﺪ ﻫﺪﺍ ﺍﻟﻜﻼﻡ ﻣﺎﻳﻤﺸﻴﺶ ﻣﻌﺎﻧﺎ ﻳﺎﻭﻟﻴﺪ ﺍﺣﻨﻲ ﻣﺎﻧﺎﺧﺪﻭﺵ ﻣﻦ ﺑﺮﺍ
ﻭﻟﻴﺪ : ﻳﺎﺑﻮﻱ ﺍﻧﻲ ﺑﻨﺎﺕ ﻋﻤﻲ ﻧﺸﻮﻑ ﻓﻴﻬﻢ ﺯﻱ ﺍﺧﻮﺍﺗﻲ ﻭﺭﺑﻲ ﻳﻌﻄﻴﻬﻢ ﻧﺼﻴﺒﻬﻢ ﻭﺑﻌﺪﻳﻦ ﺷﻮﻑ ﺍﻫﻮ ﻋﺒﺪ ﺍﻟﻠﻪ ﻭﻟﺪ ﻋﻤﻲ ﺟﻤﻌﻪ ﻭﺍﺧﺪ ﺑﺮﺍﻧﻴﻪ ﻭﺑﻨﺖ ﻧﺎﺱ ﻣﺎﺷﺎﺀ ﺍﻟﻠﻪ ﻋﻠﻴﻬﺎ ﻭﺷﻔﺖ ﻧﺴﺎﺑﺎﺗﻪ ﻓﻲ ﻋﺰﻭﻣﺔ ﻭﻟﺪﻩ ﻭﺍﻧﺖ ﺑﺮﻭﺣﻚ ﺷﻜﺮﺗﻬﻢ ﻧﺎﺱ ﺣﻘﺎﻧﻴﻴﻦ ﻭﻣﺎﺷﺎﺀ ﺍﻟﻠﻪ ﻋﻠﻴﻬﻢ
ﻣﺨﺘﺎﺭ : ﻭﺍﻧﺖ ﺗﻨﺪﺭﻱ ﻋﻠﻲ ﺭﻭﺣﻚ ﻛﻴﻒ ﺗﻄﻴﺢ ﻓﻴﻬﻢ ﻭﺑﻨﺖ ﻣﻨﻮ ﻫﺎﺩﻱ
ﻭﻟﻴﺪ : ﺑﻨﺖ ﻋﺒﺪ ﺍﻟﻈﻴﻢ ******* ﻫﺪﺍ ﺍﻟﻲ ﻗﺘﻠﻮﻩ ﻟﻤﺎ ﺍﻧﺼﺒﺖ ﻳﺎﺑﻮﻱ
ﻣﺨﺘﺎﺭ : ﻭﺳﺎﻟﺖ ﻋﻠﻴﻬﻢ ﺍﻧﺖ
ﻭﻟﻴﺪ : ﺍﻳﻪ ﺳﺎﻟﺖ ﻭﺳﺎﻟﺖ ﺣﺘﻰ ﻉ ﺍﻟﺒﻨﺖ ﻭﻣﺎﻋﺎﺑﻮﻟﻴﺶ ﺣﺘﻰ ﺣﺎﺟﺔ ﻓﻴﻬﻢ ﻧﺎﺱ ﻣﺎﺷﺎﺀ ﺍﻟﻠﻪ ﻋﻠﻴﻬﻢ
ﻣﺨﺘﺎﺭ : ﻭﻟﻴﺪ ﺭﺍﻫﻮ ﺯﻭﺍﺝ ﻋﺸﺮﺓ ﻋﻤﺮ ﻻﺯﻡ ﺗﻌﺮﻑ ﺗﺨﺘﺎﺭ ﺻﺢ ﺗﻌﻴﺶ ﺻﺢ
ﻭﻟﻴﺪ : ﺑﺎﺫﻥ ﺍﻟﻠﻪ ﺍﺧﺘﻴﺎﺭﻱ ﺻﺢ ، ﺷﻦ ﻗﻠﺖ ﻳﺎﺑﻮﻱ
ﻣﺨﺘﺎﺭ : ﺗﻮﻛﻞ ﻋﻠﻲ ﺍﻟﻠﻪ ﻭﺍﺭﻓﻊ ﺍﻣﻚ
ﻭﻟﻴﺪ ﻳﺒﻮﺱ ﻋﻠﻲ ﺭﺍﺱ ﺑﻮﻩ : ﺭﺑﻲ ﻳﺨﻠﻴﻚ ﻟﻴﻨﺎ ﻳﺎﺣﺎﺝ ﻭﻳﻄﻮﻝ ﻓﻲ ﻋﻤﺮﻙ
ﻭﻃﻠﻊ ﻭﻟﻴﺪ ﻭﺍﻟﺪﻧﻴﺎ ﻣﺶ ﺳﺎﻳﻌﺎﺗﻪ ﺭﻛﺐ ﻟﺴﻴﺎﺭﺗﻪ ﻭﺍﺗﺼﻞ ﺑﻴﺎ ﻋﻠﻰ ﻃﻮﻝ
ﺍﻧﻲ : ﺍﻟﻮ
ﻭﻟﻴﺪ ﺑﻔﺮﺣﻪ : ﺍﻳﻮﻭﻩ
ﺍﻧﻲ : ﺍﻫﻠﻴﻦ
ﻭﻟﻴﺪ : ﺍﺣﻢ ﻫﻞ ﻳﻤﻜﻨﻨﻲ ﺍﻥ ﺍﺗﻜﻠﻢ ﻣﻊ ﺍﻟﺴﻴﺪﺓ ﻧﺴﻴﺒﺔ ﻋﺒﺪ ﺍﻟﻌﻈﻴﻢ
ﺍﻧﻲ : ﻫﻬﻬﻬﻪ ﻧﻌﻢ ﺗﻔﻀﻞ ﻳﺎﺳﻴﺪ
ﻭﻟﻴﺪ : ﻟﻘﺪ ﺟﺌﺘﻚ ﻭﺍﻧﺎ ﺍﻧﺘﻈﺮ ﻫﺬﻩ ﺍﻟﻠﺤﻈﺔ ﻓﺮﺣﺘﻲ ﻻﺗﺴﻌﻨﻲ ﺍﺑﺪﺍ ﺍﺭﻳﺪ ﺍﻥ ﺃﻥ ﺍﺧﻄﻔﻚ ﻭﺍﻫﺮﺏ ﺑﻜﻲ ﺍﻟﻰ ﻣﻜﺎﻥ ﻻﻳﻮﺟﺪ ﺑﻴﻪ ﺍﺣﺪ ﺍﺣﻀﻨﻚ ﻭ ...
ﺍﻧﻲ ﻗﺎﻃﻌﺘﻪ : ﻭﻟﻴﻴﻴﻴﺪ ﺻﺎﺍﻳﺮﺗﻠﻚ ﺣﺎﺟﺔ ﺣﺮﺍﺭﺗﻚ ﻣﺮﺗﻔﻌﻪ
ﻭﻟﻴﺪ : ﺳﺒﺤﺎﻥ ﺍﻟﻠﻪ ﺗﺪﻳﺮ ﺭﻭﺣﻚ ﺭﻭﻣﺎﻧﺴﻲ ﻭﺑﺘﻘﻮﻝ ﻛﻼﻡ ﺣﻠﻮ ﻳﺤﺴﺎﺑﻮﻙ ﻣﺮﻳﺾ ﻭﺍﻻ ﺻﺎﻳﺮ ﺣﺎﺟﺔ ﺍﻣﺎ ﺍﻧﺘﻮ ﺍﻟﻠﻴﺒﻴﺎﺕ ﻧﻜﺪﻳﺎﺕ ﺩﺭﺟﺔ ﺍﻭﻟﻰ
ﺍﻧﻲ : ﻫﻬﻬﻬﻬﻪ ﺧﻒ ﻋﻠﻴﺎ ﻳﺎﺭﻭﻣﺎﻧﺴﻲ ﻣﺎﻫﻮ ﺍﻧﺖ ﺣﺴﻴﺘﻚ ﺑﺪﻳﺖ ﺗﺎﺧﺪ ﻭﺗﻌﻄﻲ
ﻭﻟﻴﺪ : ﺍﻧﻲ ﻗﺒﻞ ﺑﻨﻘﻮﻝ ....
ﺍﻧﻲ ﻗﺎﻃﻌﺘﻪ : ﻣﺎﻧﺒﻴﺶ ﻧﻌﺮﻑ
ﻭﻟﻴﺪ : ﺳﺒﺤﺎﻥ ﺍﻟﻠﻪ ﻋﻘﻠﻚ ﻭﻳﻦ ﺍﻣﺸﻲ ﺗﻮﺍ ﻫﻲ
ﺍﻧﻲ : ﻗﺎﻋﺪ ﻓﻲ ﻣﻜﺎﻧﻪ
ﻭﻟﻴﺪ : ﻻﻭﺍﻟﻠﻪ ﺩﻳﻤﺎ ﻣﺎﺷﻲ ﻳﺴﺎﺭ ﺍﻧﻲ ﻗﺒﻞ ﺑﻨﻘﻮﻝ ﻧﻄﻴﺮ ﺑﻴﻚ ﻭﻧﻮﺭﻳﻚ ﺍﻟﺰﻫﻮﺭ ﻭﺍﻟﻤﻨﺎﻇﺮ ﺍﻟﻄﺒﻴﻴﻌﻴﻪ
ﺍﻧﻲ : ﻫﻬﻬﻬﻬﻬﻬﻬﻬﻬﻪ ﺍﻳﻪ ﺑﺎﻟﻀﺒﻂ ﺣﺘﻰ ﺍﻧﻲ ﻓﻬﻤﺖ ﻋﻠﻴﻚ
ﻭﻟﻴﺪ : ﻋﻘﻞ ﻣﺴﻮﺱ ﻳﺎﻟﻄﻴﻒ
ﺍﻧﻲ : ﻫﻬﻬﻬﻬﻪ ﻓﻲ ﻋﻴﻴﻴﻨﻚ ﺑﺎﺭﺩ ﻋﻠﻰ ﻓﻜﺮﺓ ، ﺑﺎﻫﻲ ﻗﻮﻟﻲ ﺳﺒﺐ ﺍﻟﻔﺮﺣﺔ ﻭﻓﺮﺣﻨﻲ ﻣﻌﺎﻙ
ﻭﻟﻴﺪ : ﻧﺒﻲ ﻧﺘﻼﻗﻰ ﻣﻌﺎﻙ ﻧﻘﻮﻟﻚ ﻓﻲ ﺍﻟﺘﻠﻴﻔﻮﻥ ﻣﺎﺗﻤﺸﻴﺶ
ﺍﻧﻲ : ﻣﺎﻧﻌﺮﻓﺶ ﻣﺶ ﺣﻨﻄﻠﻊ ﺍﻟﻴﻮﻡ
ﻭﻟﻴﺪ : ﻏﺪﻭﺓ
ﺍﻧﻲ : ﻫﻮ ﻋﻨﺪﻱ ﺟﺎﻣﻌﻪ ﻏﺪﻭﺓ ﻟﻜﻦ ﻣﺎﺗﺤﻠﻤﺶ ﻧﺴﺘﻨﻰ ﻟﻐﺪﻭﺓ ﻗﻮﻟﻲ ﺗﻮﺍ
ﻭﻟﻴﺪ : ﻻﻻﻻ ﻧﺒﻲ ﻧﺸﻮﻓﻚ ﺍﺳﺎﺳﺎ ﺍﺳﺘﺎﺣﺸﺘﻚ ﻭﻣﻨﻬﺎ ﻣﺶ ﺗﺒﻴﻨﻲ ﻧﻔﺮﺣﻚ ﻏﺪﻭﺓ ﻧﺠﻲ ﻧﻘﻮﻟﻚ
ﺍﻧﻲ : ﻻﻭﺍﻟﻠﻪ ﻭﻟﻴﺪ ﻣﺎﻧﻘﺪﺭ ﻧﺼﺒﺮ ﻟﻐﺪﻭﺓ ﻣﺎﻧﺮﻗﺪﺵ ﺍﻟﻠﻴﻞ ﻛﺎﻥ ﻫﺬﺍ
ﻭﻟﻴﺪ : ﻫﻬﻬﻬﻬﻪ ﻗﺼﻘﺎﺻﻪ ﻳﺎﻟﻄﻴﻒ
ﺍﻧﻲ : ﺗﻲ ﻏﻴﺮﺭ ﻗﻮﻝ ﻫﻴﺎﺍ ﻣﻦ ﻏﻴﺮ ﺑﺮﺍﺩﻩ
ﻭﻟﻴﺪ : ﺳﺘﻜﻮﻧﻴﻦ ﻟﻲ ﻓﻘﻂ ﻭﺗﺮﺗﺪﻳﻦ ﺧﺎﺗﻤﻲ ﻓﻲ ﺍﺻﺒﻌﻚ ﺍﻻﻳﺴﺮ ﻭﺍﺯﻓﻚ ﺑﺎﻻﺑﻴﺾ ﻛﻤﻠﻜﺔ ﺗﺮﺗﺪﻱ ﺗﺎﺟﺎ ﺟﻤﻴﻼ
ﺍﻧﻲ : ﻣﻮﻟﻲ ﺷﺎﺍﻋﺮ ﻟﺤﻈﺔ ﻗﺼﺪﻙ ﻗﺼﺪﻙ ﺣﺒﻴﺒﻲ
ﻭﻟﻴﺪ : ﺑﺎﻟﻀﺒﻂ
ﺍﻧﻲ : ﺑﺠﺪﺩﺩ ﺑﻴﺒﻲ
ﻭﻟﻴﺪ : ﺍﻋﻄﻴﻨﻲ ﻣﻮﻋﺪ ﺗﻘﺪﺭ ﺗﺠﻴﻜﻤﻮﻓﻴﻪ ﺍﻣﻲ ﻭﺍﻻ ﻫﺎﺗﻲ ﺭﻗﻢ ﺗﻠﻴﻔﻮﻧﻚ ﺍﻣﻚ ﻭﺧﻠﻴﻬﺎ ﺗﺘﻔﺎﻫﻢ ﻣﻌﺎﻫﺎ
ﺍﻧﻲ : ﺗﻤﺎﺍﺍﺍﻡ ﺗﻮ ﻧﺒﻌﺘﻠﻚ ﺍﻟﺮﻗﻢ ﺑﻌﺪﻳﻴﻴﻴﻦ ، ﺣﺒﻴﺒﻲ ﻣﺶ ﻣﺼﺪﻗﻪ ﺑﻨﻄﻴﺮ ﻣﻦ ﺍﻟﻔﺮﺣﺔ
ﻭﻟﻴﺪ : ﺣﺘﻰ ﺍﻧﻲ ﻣﺎﺗﺸﻮﻓﻴﺶ ﻓﻴﺎ ﻧﺸﻌﺮ ﻣﻦ ﺑﻜﺮﻱ ﺍﻭﻝ ﻣﺎﻭﺍﻓﻘﻮ ﻛﻠﻤﺘﻚ ﻃﻮﻭﻝ ﻳﺎﻗﻠﺒﻲ ﺍﻧﺘﻲ
ﻭﻗﻌﺪﺕ ﻧﻬﺪﺭﺯ ﻣﻌﺎﻩ ﻭﺑﻌﺪ ﺳﻜﺮ ﺍﺿﺒﻄﺖ ﺍﻟﻔﻮﻥ ﻭﺑﻌﺪﻫﺎ ﻓﺘﺤﺖ ﺍﻏﻨﻴﻪ ﻫﻴﻔﺎﺀ ﻓﺮﺣﺎﻧﻪ
ﺣﺒﻴﺒﻲ ﻗﻠﺒﻲ ﻣﺎ ﺻﺪﻕ ﻟﻘﺎﻙ ..
ﺩﻟﻮﻗﺘﻰ ﺣﺎﺳﺔ ﺑﺄﻣﺎﺍﺍﻥ
ﺍﻥ ﺷﺎﺀ ﺍﻟﻠﻪ ﺍﻋﻴﺶ ﻋﻤﺮﻯ ﻛﻠﻪ ﻣﻌﺎﻩ ..
ﻋﻤﺮﻯ ﻣﺎ ﻫﺒﻌﺪ ﻣﻬﻤﺎ ﻛﺎﺍﺍﺍﻥ
ﺍﻟﻮﺍﺣﺪﺓ ﻣﻦ ﺍﻟﺪﻧﻴﺎ ﺗﺘﻤﻨﻰ ﺍﻳﻪ
ﻏﻴﺮ ﺣﺪ ﺗﺮﺗﺎﺡ ﻣﻌﺎﺍﺍﺍﺍﻩ ..
ﻳﺒﻘﻰ ﺣﺒﻴﺒﻬﺎ ﺷﺎﻳﻠﻬﺎ ﻓﻰ ﻋﻴﻨﻴﻪ
ﻭﻳﺤﻠﻰ ﻣﻌﻨﻲ ﺍﻟﺤﻴﺎﺍﺍﺍﺍﻩ
ﻓﺮﺣﺎﻧﺔ ﺍﻟﻠﻴﻠﺔ ﺍﻧﺎ ﻓﺮﺣﺎﻧﺔ
ﻛﻞ ﺍﻟﻌﻴﻮﻥ ﺷﺎﻳﻔﺎﻧﺎ
ﻣﺒﺴﻮﻃﺔ ﻣﺘﻠﺨﺒﻄﺔ ﻭﻣﻜﺴﻮﻓﺔ
ﺍﺳﺎﺳﻲ ﺣﺎﺟﺔ ﻣﻌﺮﻭﻓﺔ .. ﺷﻮﻑ ﺍﺩ ﺍﻳﻪ ﺣﻮﺍﻟﻴﻨﺎ
ﺍﻧﺎ ﻣﻦ ﺍﻟﻨﻬﺎﺭﺩﺓ ﺧﻼﺹ ﻛﻠﻰ ﻟﻴﻚ ..
ﻭﺍﻧﺖ ﺣﺒﻴﺒﻰ ﺍﻟﻮﺣﻴﻴﻴﺪ
ﻧﺴﻴﻨﻰ ﺭﻭﺣﻰ ﻭﺍﻧﺎ ﺑﻴﻦ ﺍﻳﺪﻳﻚ ..
ﺟﻮﺍﻳﺎ ﺍﺣﺴﺎﺱ ﺟﺪﻳﻴﻴﺪ
ﻣﻌﻘﻮﻟﺔ ﻛﻞ ﺍﻟﻠﻲ ﺍﻧﺎ ﺣﻠﻤﺖ ﺑﻴﻪ ..
ﻗﺪﺍﻡ ﻋﻴﻨﻴﺎ ﺧﻼﺍﺍﺍﺹ
ﺣﺒﻴﺒﻲ ﺟﻨﺒﻲ ﻭﻋﻴﻨﻴﺎ ﻓﻰ ﻋﻴﻨﻴﻪ ..
ﺍﻟﻠﻪ ﻋﻠﻰ ﺩﻩ ﺍﺣﺴﺎﺍﺱ
ﻓﺮﺣﺎﻧﺔ ﺍﻟﻠﻴﻠﺔ ﺍﻧﺎ ﻓﺮﺣﺎﻧﺔ
ﻛﻞ ﺍﻟﻌﻴﻮﻥ ﺷﺎﻳﻔﺎﻧﺎ
ﻣﺒﺴﻮﻃﺔ ﻣﺘﻠﺨﺒﻄﺔ ﻭﻣﻜﺴﻮﻓﺔ
ﺍﺳﺎﺳﻲ ﺣﺎﺟﺔ ﻣﻌﺮﻭﻓﺔ .. ﺷﻮﻑ ﺍﺩ ﺍﻳﻪ ﺣﻮﺍﻟﻴﻨﺎ
ﻭﻗﻌﺪﺕ ﻧﻠﻒ ﻓﻲ ﺍﻟﺪﺍﺭ ﻭﺍﻧﻘﺰ ﻭﻓﺮﺣﺎﺍﻧﻪ
ﺳﺎﺭﺓ ﺧﺸﺖ : ﺍﻥ ﺷﺎﺀ ﺍﻟﻠﻪ ﺧﻴﺮﺭ
ﺍﻧﻲ ﺟﻴﺖ ﺍﺿﺒﻄﺘﻬﺎﺍﺍ : ﻣﻌﻘﻮﻟﺔ ﻛﻞ ﺍﻟﻠﻲ ﺍﻧﺎ ﺣﻠﻤﺖ ﺑﻴﻪ ،، ﻗﺪﺍﻡ ﻋﻴﻨﻴﺎ ﺧﻼﺍﺹ ،، ﺣﺒﻴﺒﻲ ﺟﻨﺒﻲ ﻭﻋﻴﻨﻴﺎ ﻓﻲ ﻋﻴﻨﻴﻪ ،،، ﺍﻟﻠﻪ ﻋﻠﻰ ﺩﻩ ﺍﺣﺴﺎﺍﺱ ،، ﻓﺮﺣﺎﻧﻪ ﺍﻟﻠﻴﻠﻪ ﺍﻧﺎ ﻓﺮﺣﺎﻧﻪ ، ﻭﻗﻌﺪﺕ ﻧﻠﻒ ﻓﻲ ﺍﻟﺪﺍﺭ ﻭﻧﺮﻗﺺ
ﺳﺎﺭﺓ : ﺗﻲ ﺷﻦ ﻓﻲ ﻳﺎﻫﺒﻠﺔ
ﺍﻧﻲ : ﻭﻟﻴﺪ ﺑﻴﺠﻴﺐ ﺍﻣﺎﻟﻴﻪ ﺑﻴﺨﻄﺒﻨﻲ ﻭﻭﻭﻩ ﻭﺍﺧﻴﺮﺍﺍ ﻳﺎﺍﺍﺳﺎﺭﺓ
ﺳﺎﺭﺓ : ﺍﻟﻒ ﻣﺒﺮﻭﻭﻭﻙ ﻳﺎﺍﺍﻗﻠﺒﻲ ﺍﻥ ﺷﺎﺀ ﺍﻟﻠﻪ ﻳﻮﻟﻲ ﻣﻦ ﺣﻼﻟﻚ ﻳﺎﺭﺏ ﻣﺎﺷﻔﺘﻴﺶ ﺷﻮﻳﺔ
ﺍﻧﻲ : ﺍﻥ ﺷﺎﺀ ﺍﻟﻠﻪ ﻳﺎﺭﺏ ﺑﻨﻤﺸﻲ ﻧﺼﻠﻲ ﺭﻛﻌﺘﻴﻦ ﺷﻜﺮ ﻟﺮﺑﻲ ﺍﻟﺤﻤﺪ ﻟﻠﻪ ﻭﻋﻴﻮﻧﻲ ﺗﻌﺒﻮ ﺩﻣﻮﻉ
ﺳﺎﺭﺓ : ﻻﻻ ﺍﻻ ﻫﺎﺍﺩﻭ ﺧﻼﺹ ﺍﻟﺤﻤﺪ ﻟﻠﻪ ﺭﺑﻲ ﻓﺮﺣﻚ ﺑﻌﺪﻫﺎ ﻫﺬﺍ ﻛﻠﻪ ﻟﻴﺶ ﺍﻟﺪﻣﻮﻉ
ﺍﻧﻲ : ﺣﺎﺳﺔ ﻛﺎﺍﻧﻲ ﻓﻲ ﺣﻠﻢ ﻣﺎﻧﺒﻴﺶ ﻧﻔﻴﻖ ﻣﻨﻪ ﺑﻌﺪ ﻛﻞ ﻫﺎﻟﻤﻌﺎﻧﺎﺓ
ﺳﺎﺭﺓ : ﺭﺑﻲ ﻳﻔﺮﺣﻚ ﻳﺎﺭﺏ ﻭﺍﺿﺒﻄﺘﻨﻲ ﻓﺮﺣﺘﻠﻚ ﻛﻠﺒﺔ ﺍﻗﺴﻢ ﺑﺎﻟﻠﻪ
،،،،،
ﺍﻣﺎ ﻧﻮﺍﻝ ﻓﻜﺎﻧﺖ ﻣﻘﻌﻤﺰﺓ ﻭﺻﻠﻬﺎ ﻣﺴﺞ >> ﻧﻘﺪﺭ ﻧﺘﺼﻞ ﺑﻴﻚ <<
ﻗﻌﺪﺕ ﺷﻮﻳﺔ ﻭﺭﺩﺕ >> ﻋﺎﺩﻱ << ﺍﺗﺼﻞ ﻋﻠﻰ ﻃﻮﻝ : ﺍﻟﻮ
ﻣﺤﻤﻮﺩ : ﺍﻫﻠﻴﻦ ﻳﺎﻟﻄﺮﻑ
ﻧﻮﺍﻝ : ﺑﻨﺒﺪﻭ ﻣﺤﻤﻮﺩ
ﻣﺤﻤﻮﺩ : ﺑﺎﻩ ﺍﻫﻠﻴﻦ ﻳﺎﻟﺸﻴﻨﻪ
ﻧﻮﺍﻝ : ﺷﻴﻨﻪ ﻋﻴﻨﻚ
ﻣﺤﻤﻮﺩ : ﻣﺎﺍﻫﻮ ﺑﻨﻘﻮﻝ ﺣﻠﻮﺓ ﻭﺍﻻ ﻃﺮﻑ ﻧﺨﺎﻑ ﺗﻄﻠﻌﻴﻠﻲ ﻣﻦ ﺍﻟﻔﻮﻥ
ﻧﻮﺍﻝ : ﺍﻧﻲ ﺣﻠﻮﺓ ﻭﻃﺮﻑ ﻋﺎﺭﻓﻪ ﺭﻭﺣﻲ ﺑﺲ ﺍﻧﺖ ﻣﺎﻓﻴﺶ ﺩﺍﻋﻲ ﺗﻘﻮﻝ
ﻣﺤﻤﻮﺩ : ﺑﺎﻩ ﻫﺎ ﺳﻜﺖ ﻳﺎﺍﻡ ﻟﺴﺎﻥ ، ﻗﻮﻟﻴﻠﻲ ﺷﻦ ﺟﻮﻙ
ﻧﻮﺍﻝ : ﺗﻤﺎﻡ ﻭﺍﻧﺖ
ﻣﺤﻤﻮﺩ : ﺍﻫﻮ ﻣﺎﺷﻴﻪ ﺷﻦ ﺩﺍﻳﺮﺓ
ﻧﻮﺍﻝ : ﻋﻨﺪﻧﺎ ﺧﺎﻟﺘﻲ ﻛﻨﺖ ﻣﻜﺴﺪﺓ ﻣﻊ ﺑﻨﺖ ﺧﺎﻟﺘﻲ
ﻣﺤﻤﻮﺩ : ﺷﻦ ﺍﺳﻤﻬﺎ ؟
ﻧﻮﺍﻝ : ﺳﺮﻭﺭ
ﻣﺤﻤﻮﺩ : ﺍﺳﻤﻬﺎ ﺣﻠﻮﻭ ، ﺑﺎﻩ ﻫﻲ ﺣﻠﻮﺓ ﻭﺍﻻ ﺷﻴﻨﻪ
ﻧﻮﺍﻝ ﺗﻜﻨﻄﺖ : ﻣﺎﺍﻧﻌﺮﻓﺶ ﺍﺳﺎﻟﻬﺎ ﺑﺮﻭﺣﻚ ﻭﻫﻲ ﺳﻼﺍﺍﻡ
ﻣﺤﻤﻮﺩ : ﺗﻲ ﻏﻴﺮ ﺧﻴﺮﻙ ﻭﺳﻌﻲ ﺑﺎﻟﻚ
ﻧﻮﺍﻝ : ﻟﻤﺎ ﺗﺘﻜﻠﻢ ﻛﻮﻳﺲ ﺍﺗﺼﻞ ﻭﺑﻌﺪﻳﻦ ﺍﻧﺖ ﻣﺶ ﻣﺤﺘﺎﺝ ﺑﻨﺖ ﺧﺎﻟﺘﻲ ﻋﻨﺪﻙ ﻣﺎﺷﺎﺀ ﺍﻟﻠﻪ ﻣﺎﻳﻨﻌﺪﻭﺵ ﻭﺍﻛﻴﺪ ﻛﻠﻬﻢ ﺣﻠﻮ ﻻﻧﻚ ﺑﺎﻳﻦ ﺗﺸﻮﻑ ﻟﻠﺸﻜﻞ ﻫﻠﺒﺎﺍ ﻭﻣﺎﺩﺍﻡ ﻫﻜﻲ ﺗﻔﻜﻴﺮﻙ ﻣﻌﺎﺵ ﺗﺘﺼﻞ ﺑﻴﺎ ﺍﻧﻲ ﻣﺶ ﺯﻱ ﺍﻟﺒﻨﺎﺕ ﺍﻟﻲ ﺑﺎﻟﻬﺒﻞ ﻋﻨﺪﻙ ﻟﻮ ﻫﻤﺎ ﺗﻠﻌﺐ ﺑﻴﻬﻢ ﺍﻧﻲ ﻣﺶ ﺯﻳﻬﻢ ، ﻣﺶ ﺯﻳﻬﻢ ﻓﺎﺍﺍﻫﻢ
ﻣﺤﻤﻮﺩ : ﻳﺎﺭﻳﺖ ﺗﻨﻘﺼﻲ ﺻﻮﺗﻚ ﺍﻭﻝ ﺷﻲ ﺗﺎﻧﻲ ﺷﻲ ﺍﻧﻲ ﻣﺎﻗﻠﺘﻠﻚ ﺷﻲ ﻟﺪﺭﺟﺔ ﻳﺨﻠﻴﻚ ﺗﻨﺒﻜﻲ ﻓﻴﺎ ﻫﻜﻲ ﻛﻨﺖ ﻧﺒﺼﺮ ﻻﺍﻛﺜﺮ ﻭﺑﺎﻟﻨﺴﺒﺔ ﻟﻘﺼﻪ ﺑﻨﺎﺕ ﻣﺎﺑﻨﺎﺕ ﻳﺎﺭﻳﺖ ﻣﻌﺎﺵ ﺗﻌﺎﺍﻭﺩﻳﻬﺎ ﻫﺎﺩﻱ ﻻﻥ ﺻﺪﻳﻘﺎﺗﻲ ﻓﻲ ﺍﻟﻔﻴﺲ ﺯﻭﺯ ﺑﺲ ﻭﺍﻟﺒﺎﻗﻲ ﻳﺒﻌﺘﻮ ﻓﻲ ﻃﻠﺐ ﻭﻧﻘﺒﻞ ﺍﻧﻲ ﻭﻳﺎﺭﻳﺖ ﻳﺎﻧﻮﺍﻝ ﺗﻮﺯﻧﻲ ﻛﻼﻣﻚ ﻗﺒﻞ ﻣﺎﺗﻄﻠﻌﻴﻪ ﺍﻧﻲ ﻣﺎﻧﻴﺶ ﻣﻦ ﺍﻟﻲ ﻳﻠﻌﺐ ﺑﺒﻨﺎﺕ ﺍﻟﻨﺎﺱ ﻭﻳﺪﻳﺮﻫﻢ ﺑﺠﻮ ﺍﻟﻜﺴﺎﺍﺩ
ﻧﻮﺍﻝ ﺣﺴﺖ ﺑﻜﻼﻣﻬﺎ ﻏﻠﻂ ﻭﺍﻧﻔﻌﻠﺖ : ﺍﻭﻛﻲ ﺍﻭﻛﻲ ﺍﺳﻔﻪ ﻣﺶ ﻗﺼﺪﻱ ﺑﻜﻼﻣﻲ ﺑﺲ ﺍﻧﺖ ﻋﻔﻠﻘﺘﻨﻲ ﻭﺧﻠﻴﺘﻨﻲ ﻧﻘﻮﻝ ﻛﻼﻡ ﺧﺎﺭﺝ ﻋﻦ ﻗﺼﺪﻱ
ﻣﺤﻤﻮﺩ : ﻣﺎﺍﺻﺎﺭ ﺷﻲ ، ﺑﺲ ﺷﻨﻮ ﺍﻟﻘﺼﺔ ﺗﺎﻧﻲ ﻣﺮﺓ ﺗﺠﻴﺒﻴﻠﻲ ﺳﻴﺮﺓ ﺑﻨﺎﺕ ﻣﺎﺑﻨﺎﺕ ﻟﻬﺎﻟﺪﺭﺟﺔ ﺗﻐﺎﺭﻱ
ﻧﻮﺍﻝ : ﻟﻴﺶ ﺑﻨﻐﺎﺭ ﻣﺎﻋﻨﺪﻱ ﻋﻼﺵ ﺑﻨﻐﺎﺭ ﻋﺎﺩﻱ ﺍﺻﻼ ﺷﻦ ﺍﻟﻲ ﻳﺨﻠﻴﻨﻲ ﻧﻐﺎﺭ
ﻣﺤﻤﻮﺩ : ﻫﻬﻬﻬﻬﻬﻪ ﺍﻫﺎ ﺑﺎﻟﺰﺑﻂ
ﻧﻮﺍﻝ : ﺷﻦ ﻳﻀﺤﻚ
ﻣﺤﻤﻮﺩ : ﻫﻬﻬﻬﻪ ﺍﻧﺘﻲ ﺗﻔﺘﺮﺷﻲ ﻓﻲ ﺍﻟﻜﻼﻡ
ﻧﻮﺍﻝ ﺑﺘﻌﻔﻠﻴﻖ : ﺑﺎﻩ ﺧﻼﺹ ﺳﺎﺩ ﺿﺤﻚ
ﻣﺤﻮﺩ : ﺣﺎﺿﺮ ﻫﺎ ﻫﻬﻬﻬﻬﻬﻬﻬﻪ ﺧﻼﺹ ﺧﻼﺹ ﻣﺎﻗﺪﺭﺗﺶ ﻧﻤﺴﻚ ﺭﻭﺣﻲ
ﻧﻮﺍﻝ : ﻟﻮ ﺗﻀﺤﻚ ﺗﺎﻧﻲ ﻧﺴﻜﺮ
ﻣﺤﻤﻮﺩ : ﺧﻼﺹ ﺑﺎﻫﻲ ﺍﻧﺘﻲ ﺧﻴﺮﻙ ﻣﺘﻌﻔﻠﻘﻪ
ﻧﻮﺍﻝ : ﻣﺎﺧﻴﺮﻧﻴﺶ ﻭﺑﻄﻞ ﺗﺴﻬﻮﻳﻚ
ﻣﺤﻤﻮﺩ : ﺑﺎﻩ ﻫﺎ ﺳﻜﺮﻧﺎ ﺍﻟﻤﻮﺿﻮﻉ ،ﻗﻮﻟﻴﻠﻲ ﺍﻣﺘﻰ ﺗﺒﺪﺍ ﺍﻟﻤﺪﺭﺳﺔ
ﻧﻮﺍﻝ : ﺍﻻﺣﺪ
ﻣﺤﻤﻮﺩ : ﻭﻭﺗﻴﺘﻲ ﺭﻭﺣﻚ
ﻧﻮﺍﻝ : ﻻﻣﺰﺍﻝ
ﻣﺤﻤﻮﺩ : ﻣﺰﺍﻟﻚ ﻳﻮﻣﻴﻦ ﺑﺲ ﺷﻦ ﺗﺴﺘﻨﻲ
ﻧﻮﺍﻝ : ﺻﺎﺭﻭ ﺷﻮﻳﺔ ﻇﺮﻭﻑ ﻓﻲ ﺍﻟﺤﻮﺵ ﻭﻧﺴﻴﺒﺔ ﻫﻲ ﺍﻟﻲ ﺑﻄﻠﻌﻨﺎ ﺍﻟﺘﻬﻴﻨﺎ ﺑﻴﻬﺎ ﻣﻤﻜﻦ ﺑﻌﺪﻳﻦ ﺍﻟﻌﺸﻴﺔ ﻧﺬﻛﺮﻫﺎ
ﻣﺤﻤﻮﺩ : ﺷﻦ ﻓﻲ ﺍﻥ ﺷﺎﺀ ﺍﻟﻠﻪ ﺧﻴﺮ ؟
ﻧﻮﺍﻝ : ﻣﺎﻧﺒﻴﺶ ﻧﺸﻐﻠﻚ ﻣﺸﻜﻠﺔ ﻭﺍﻥ ﺷﺎﺀ ﺍﻟﻠﻪ ﺣﺘﻨﺤﻞ
ﻣﺤﻤﻮﺩ : ﺷﻦ ﺗﺸﻐﻠﻲ ﻣﺎﺗﺸﻐﻠﻲ ﻫﺎﺩﻱ ﺍﺣﻜﻴﻠﻲ ﺑﺎﻟﻚ ﻧﻘﺪﺭ ﻧﺴﺎﻋﺪﻛﻢ
ﻧﻮﺍﻝ : ﻫﺬﺍ ..... ﺍﺣﻜﺘﻠﻪ ﺍﻟﻘﺼﻪ ﻛﻠﻬﺎ ﻭﺍﺣﻜﺘﻠﻪ ﺣﺘﻰ ﻛﻴﻒ ﺿﺮﺑﻬﺎ ﻛﻒ
ﻣﺤﻤﻮﺩ : ﻛﻴﻴﻴﻴﻴﻒ ﻳﺘﺠﺮﺃ ﻳﻤﺪ ﻳﺪﻩ ﺍﻋﻄﻴﻨﻲ ﺍﺳﻤﻪ ﺑﺲ ﺍﻗﺴﻢ ﺑﺎﻟﻠﻪ ﻧﻜﺴﺮﻫﺎﻟﻪ ﻭﻧﻜﺴﺮﻟﻪ ﻋﻈﺎﻣﻪ ﻛﻠﻬﻢ
ﻧﻮﺍﻝ ﻏﻠﺒﺘﻬﺎ ﺩﻣﻌﺘﻬﺎ ﻭﻗﻌﺪﺕ ﺗﺒﻜﻲ
ﻣﺤﻤﻮﺩ : ﺗﺒﻜﻲ ﻗﺼﺪﻙ ﻧﻮﺍﺍﻝ ﺑﺎﻟﻠﻪ ﻋﻠﻴﻚ ﺍﻣﺴﺤﻲ ﺩﻣﻮﻋﻚ ﻭﺍﻟﻠﻪ ﻧﻘﺘﻠﻪ ﻗﺘﻞ ﻫﺎﻟﺤﻘﻴﺮ ﻭﻟﺪ ﺍﻝ ..... ﺍﺳﺘﻐﻔﺮ ﺍﻟﻠﻪ ﻳﺎﺭﺑﻲ
ﻧﻮﺍﻝ ﻣﻦ ﺑﻴﻦ ﺩﻣﻮﻋﻬﺎ : ﻋﻤﺮﻩ ﻣﺎﺣﺪ ﻣﺪ ﻋﻠﻴﺎ ﻳﺪﻩ ﺣﺘﻰ ﻣﻦ ﺑﺎﺑﺎ ﺍﻟﻠﻪ ﻳﺮﺣﻤﻪ
ﻣﺤﻤﻮﺩ : ﻭﺍﻟﻠﻪ ﻧﻜﺴﺮﻫﺎ ﻳﺪﻩ ﺍﻟﻲ ﺧﻠﺖ ﺩﻣﻮﻋﻚ ﻳﻨﺰﻟﻮ ﺧﻼﺹ ﻭﺭﺍﺱ ﻧﻮﺍﻝ ﻋﻴﻮﻧﻲ ﺑﻄﻠﻲ ﺑﻜﻲ
ﻧﻮﺍﻝ ﺳﻜﺘﺖ ﺑﻌﺪﻳﻦ ﻗﺎﻟﺘﻠﻪ : ﻋﻴﻮﻧﻲ ؟؟؟
ﻣﺤﻤﻮﺩ ﺗﻨﻬﺪ : ﺩﻳﺮﻱ ﺭﻭﺣﻚ ﻣﺎﺳﻤﻌﺘﻲ ﺷﻲ
ﻧﻮﺍﻝ : ﺍﻭﻛﻲ
ﻣﺤﻤﻮﺩ : ﺍﻟﻤﻬﻢ ﺍﻧﺘﻲ ﺗﻮﺍ ﻣﺎﺗﻀﺎﻳﻘﻴﺶ ﺭﻭﺣﻚ ﻭﻛﻞ ﺷﻲ ﻳﻨﺤﻞ ﺑﺎﺫﻥ ﺍﻟﻠﻪ
،،،،،
ﺳﻤﻌﻨﺎ ﺻﻮﺕ ﺍﻟﺠﺮﺱ ﻧﺰﻟﺖ ﺍﻧﻲ ﻭﺳﺎﺭﺓ ﻭﻧﻮﺭﺱ ﻭﺳﺮﻭﺭ ﻧﺰﻟﻮ
ﻧﻮﺍﻝ : ﻣﺤﻤﻮﺩ ﺍﻧﻲ ﺑﻨﺴﻜﺮ ﺗﻮﺍ ﺍﻳﻤﻦ ﻭﻋﻤﺎﺩ ﺍﻛﻴﺪ ﺟﻮ ﺧﻠﻴﻨﻲ ﻧﺸﻮﻑ ﺷﻦ ﺻﺎﺭ
ﻣﺤﻤﻮﺩ : ﺑﺎﻩ ﺍﻟﺒﺴﻲ ﺣﺠﺎﺏ ﻗﺒﻞ ﻣﺎﺗﻄﻠﻌﻲ
ﻧﻮﺍﻝ : ﻧﻌﻢ
ﻣﺤﻤﻮﺩ : ﺷﻨﻮ ﻧﻌﻢ ﺍﻳﻪ ﺍﻟﺒﺴﻲ ﻫﻤﺎ ﻛﺒﺎﺭ ﻭﺍﻧﺘﻲ ﻣﺶ ﺻﻐﻴﺮﺓ
ﻧﻮﺍﻝ : ﻧﺘﻜﻠﻤﻮ ﺑﻌﺪﻳﻦ ﻓﻲ ﺍﻟﻤﻮﺿﻮﻉ ﺧﻠﻴﻨﻲ ﻧﺸﻮﻓﻬﻢ
ﻣﺤﻤﻮﺩ : ﻣﺎﺍﺷﻲ ﻣﺎﺷﻲ
ﻧﻮﺍﻝ : ﺑﺎﻱ
ﻣﺤﻤﻮﺩ ﻃﻮﻭﻁ ﻃﻮﻁ ﺳﻜﺮ
ﻧﻮﺍﻝ ﻣﺎﻋﺪﻟﺘﺶ ﻭﻧﺰﻟﺖ ﺗﺠﺮﻱ
ﻣﺎﻣﺎ : ﺷﻨﻮ ﺻﺎﺭ ﻳﺎﻭﻟﻴﺪﻱ ﻃﻤﻨﺎ
ﺍﻳﻤﻦ : ﺗﻤﺖ ﺍﻟﺸﻜﻮﻯ ﻭﺍﺭﺗﻔﻌﺖ ﻋﻠﻴﻪ ﻗﻀﻴﺔ ﻭﺑﻌﺘﻮﻟﻪ ﻃﻠﺐ ﺍﺳﺘﺠﻮﺍﺏ
ﺧﺎﻟﺘﻲ : ﺍﻥ ﺷﺎﺀ ﺍﻟﻠﻪ ﺧﻴﺮ ﻭﺧﻼﺹ
ﻋﻤﺎﺩ : ﺗﻄﻤﻨﻲ ﻳﺎﺍﻣﻲ ﺍﻳﻤﻦ ﺣﻘﺎﻧﻲ ﻭﺍﻟﻠﻪ ﻣﺎﻗﺼﺮ
ﺍﻳﻤﻦ : ﻭﺍﺟﺒﻲ ﻫﺬﺍ
ﺧﺎﻟﺘﻲ : ﺑﺎﺭﻙ ﺍﻟﻠﻪ ﻓﻴﻚ ﻳﺎﻭﻟﻴﺪﻱ ﺭﺑﻲ ﻳﻌﻄﻴﻚ ﻣﺎﻓﻲ ﺑﺎﻟﻚ
ﺍﻳﻤﻦ : ﺍﻥ ﺷﺎﺀ ﺍﻟﻠﻪ ﻫﻲ ﺍﻧﻲ ﻧﺴﺘﺎﺫﻥ
ﻣﺎﻣﺎ : ﻭﻳﻦ ﻭﺍﻟﻠﻪ ﻣﺎﻙ ﻃﺎﻟﻊ ﺗﻐﺪﻯ ﻣﻌﺎﻧﺎ
ﺍﻳﻤﻦ : ﻭﺍﻟﻠﻪ ﻣﺎﻓﻲ ﺩﺍﻋﻲ ﻳﺎﻣﺮﺕ ﺧﺎﻟﻲ ﻋﻼﺵ ﺍﻟﺤﻠﻒ
ﻭﻗﻌﻤﺰﻧﺎ ﺗﻐﺪﻳﻨﺎ ﻛﻠﻨﺎ ﻭﺍﻳﻤﻦ ﻫﻮ ﻭﻋﻤﺎﺩ ﺻﻔﺮﺓ ﻓﻲ ﺍﻟﺼﺎﻟﻮﻥ
ﺑﻌﺪ ﺍﻟﻐﺪﻱ
ﺍﻳﻤﻦ ﺭﻭﺡ ﻭﺧﺎﻟﺘﻲ ﺣﺘﻰ ﻫﻲ ﺭﻭﺣﺖ ﺩﺭﻧﺎ ﺩﻭﺭﺓ ﻉ ﺍﻟﺤﻮﺵ
ﻧﺮﺟﺲ : ﻧﺴﻴﺒﺔ ﺭﺍﻫﻮ ﻣﺰﺍﻝ ﻳﻮﻣﻴﻦ ﺑﺲ ﻉ ﺍﻟﻤﺪﺭﺳﺔ ﺍﻣﺘﻰ ﺑﻨﺸﺮﻭ
ﻧﻮﺍﻝ : ﻣﻌﺎﺵ ﻓﻲ ﻭﻗﺖ ﺣﺘﻰ ﺍﻟﺒﺪﻟﺔ ﺗﻮ ﺑﻨﺎﺧﺪﻭﻫﺎ ﻭﺍﺗﻴﻪ ﻗﺒﻞ ﻧﺒﻲ ﻧﺨﻴﻂ
ﻣﺎﻣﺎ : ﺍﻟﺒﺴﻲ ﺑﺪﻟﺘﻚ ﺍﻟﺴﻨﻪ ﺍﻟﻲ ﻓﺎﺗﺖ ﻣﻦ ﺑﻴﻦ ﻣﺎﺧﻴﻄﺘﻲ
ﻧﻮﺭﺱ : ﺍﻳﻪ ﺻﺢ ﻫﻲ ﺍﻛﺜﺮ ﺷﻲ ﺗﺒﻲ ﺍﺳﺒﻮﻉ ﺍﺳﺒﻮﻉ ﻣﺸﻲ ﺑﻴﻬﺎ ﺑﻌﺪﻳﻦ ﺍﺷﺮﻱ ﺑﺪﻟﺔ ﺟﺪﻳﺪﺓ
ﺍﻧﻲ : ﻋﻠﻲ ﺭﺍﺣﺘﻜﻢ ﻫﻲ ﻧﻮﺿﻮ ﻭﺗﻮ ﺭﻭﺣﻜﻢ ﻣﺎﻣﺎ ﺗﻤﺸﻲ ﻣﻌﺎﻧﺎ
ﻣﺎﻣﺎ : ﺍﻧﻲ ﻛﺎﻥ ﺗﺪﻳﺮﻱ ﻓﻴﺎ ﺧﻴﺮ ﺗﺤﻄﻴﻨﻲ ﻋﻨﺪ ﻋﻤﺘﻚ ﻭﺑﻌﺪ ﺗﻜﻤﻠﻮ ﺍﺧﻄﻤﻮ ﻏﺎﺩﻱ
ﺍﻧﻲ : ﺍﻳﻴﻪ ﻋﻤﺘﻲ ﻧﺴﻴﻨﺎﻫﺎ ﻣﺮﺓ ﻭﺣﺪﺓ ﺧﻼﺹ ﻭﺗﻲ ﺭﻭﺣﻚ ﻧﺤﻄﻚ ﻭﺍﻧﺘﻲ ﻧﻮﺭﺱ
ﻧﻮﺭﺱ : ﺗﻮ ﻧﻤﺸﻲ ﻣﻊ ﻣﺎﻣﺎ ﻟﻌﻤﺘﻲ
ﻧﻮﺍﻝ ﺑﺮﻓﻌﻪ ﺣﺎﺟﺐ : ﺑﺘﺸﻮﻓﻲ ﺣﺒﻴﺒﻲ ﺍﻟﻘﻠﺐ
ﻧﻮﺭﺱ : ﺑﻄﻠﻲ ﺳﻤﺎﻃﺔ
ﻧﺮﺟﺲ : ﻫﻬﻬﻬﻬﻪ ﻫﻮ ﺑﺎﻟﺼﺮﺍﺣﺔ ﻫﺎﻟﻄﺮﻑ ﻭﻳﺴﺘﺎﻫﻞ ﻳﻤﺸﻮ ﻋﻠﻲ ﺧﺎﻃﺮﻩ
ﺍﻧﻲ : ﻫﻬﻬﻬﻬﻬﻬﻪ ﺍﻣﺎ ﻭﺍﻟﻠﻪ ﻳﺎﻣﺎﻣﺎ ﺑﻨﺎﺗﻚ ﻃﻠﻌﻮ ﻏﺎﻃﺴﻴﻦ
ﻧﺮﺟﺲ : ﺍﻧﻲ ﺣﺸﺎﺍﻧﻲ ﻧﻮﺭﺱ ﺑﺲ ﻗﺼﺪﺩﺩﻙ ﺣﺘﻰ ﻧﻮﺍﺍﺍﺍﻝ
ﻧﻮﺍﻝ ﺷﺎﻓﺘﻠﻲ ﻭﻓﻨﺼﺖ : ﺍﻧﻲ ﻫﺬﺍ ﻣﺎﻧﺎﻗﺼﻨﻲ
ﺍﻧﻲ ﺑﺮﻓﻌﻪ ﺣﺎﺟﺐ : ﺣﺸﺎﺍﻫﺎ ﻧﻮﺍﻝ ﻫﻬﻬﻬﻬﻬﻬﻪ
ﻧﺮﺟﺲ : ﺣﻴﻴﻴﻲ ﻣﻨﻮ
ﻧﻮﺭﺱ : ﻣﻨﻮ ﻣﻨﻮ ﻗﻮﻟﻴﻠﻨﺎ
ﺍﻧﻲ : ﻫﻬﻬﻬﻬﻬﻪ ﺗﻲ ﻫﻴﺎﺍ ﻧﻮﺿﻮ ﻭﺗﻮ ﺭﻭﺣﻜﻢ ﻭﻗﺖ
ﺭﻛﺒﻮ ﻭﺗﻮ ﺭﻭﺣﻬﻢ ﻭﺣﺘﻰ ﺍﻧﻲ ﺭﻛﺒﺖ ﻟﺒﺴﺖ ﺑﻠﻮﺯﺓ ﻟﻮﻧﻬﺎ ﺣﻨﻲ ﻭﺑﻨﻄﻠﻮﻥ ﺟﻴﻨﺰ ﻭﻭﺷﺎﺡ ﻣﺰﻛﺮﺵ ﻓﻴﻪ ﺍﻟﺤﻨﻲ
ﻧﻮﺭﺱ : ﺑﻠﻮﻭﺯﺗﻚ ﺣﻠﻮﺓ ﻧﺴﻴﺒﺔ
ﺍﻧﻲ : ﻣﺶ ﺣﻨﻌﻄﻴﻬﺎﻟﻚ
ﻧﻮﺭﺱ : ﺧﻴﺰﻱ ﻉ ﺍﻟﻘﻔﺎﺻﻪ
ﻧﺮﺟﺲ ﺗﻠﻒ ﻓﻲ ﺍﻟﻮﺷﺎﺡ : ﺍﻳﻪ ﺣﻠﻮﺓ ﺍﻣﺘﻰ ﺷﺮﻳﺘﻴﻬﺎ
ﻧﻮﺍﻝ : ﺣﻲ ﻋﻠﻲ ﺍﻣﻚ ﺣﻴﻲ
ﻧﺮﺟﺲ ﺑﺨﻠﻌﻪ : ﺧﻴﺮﺭﻙ
ﻧﻮﺍﻝ : ﻣﻦ ﻗﺎﻟﻚ ﺍﻗﺮﺑﻲ ﺍﻟﻮﺷﺎﺍﺍﺡ
ﻧﺮﺟﺲ : ﺍﻟﻘﻴﺘﻪ ﻓﻲ ﺍﻟﺪﻭﻻﺏ ﺍﺧﺪﻳﺘﻪ
ﻧﻮﺍﻝ : ﻣﺘﺎﻋﻲ ﻳﺎﺣﻤﺎﺭﺓ ﺑﻨﻤﺸﻲ ﺑﻴﻪ ﺍﻭﻝ ﻳﻮﻡ
ﻧﺮﺟﺲ : ﺑﺎﻩ ﻋﺎﺩﻱ ﺑﺮﻱ ﺑﻴﻪ ﻣﺎﻧﻴﺶ ﻭﺍﻛﻼﺗﻪ ﺍﻧﻲ ﺑﻨﻠﺒﺴﻪ ﻭﺑﻨﺮﺩﻩ
ﻭﻛﻴﻴﻒ ﺑﻴﺒﺪﻭ ﻳﺘﻌﺎﺍﺭﻛﻮ
ﻣﺎﻣﺎ : ﺧﻼﺍﺹ ﺍﻧﺘﻲ ﻭﻳﺎﻫﺎ ﻣﺎﺷﻴﻴﻦ ﻟﻠﺴﻮﻕ ﺍﺷﺮﻭﻭ ﻛﺪﺱ ﺍﻭﺷﺤﺔ ﻳﺎﺳﺮ
ﻧﻮﺍﻝ : ﻳﺎﻣﺎﻣﺎ ﻫﺬﺍ ﺍﻟﻮﺷﺎﺡ ﺟﺪﻳﺪ ﺍﻧﻲ ﻣﺎﻟﺒﺴﺘﺎﺷﻲ ﻫﻲ ﻧﺎﺿﺖ ﻟﺒﺴﺎﺗﻪ
ﻧﺮﺟﺲ : ﺗﻲ ﻫﻮﻭ ﻋﻘﺎﺍﺏ ﻭﺷﺎﺍﺡ ﻣﻜﺪﺱ ﻓﻲ ﺍﻟﺴﻮﻕ
ﻧﻮﺍﻝ : ﺍﺭﻣﻴﻪ ﺍﻣﺎﻻ
ﺍﻧﻲ : ﻭﻭﻭﺍﺍﺍﻙ ﻣﻨﻚ ﺍﻧﺘﻲ ﻭﻳﺎﻫﺎ ﻛﺎﻥ ﻣﺎﺗﻄﻠﻌﻮﺵ ﻗﺪﺍﻣﻲ ﺗﻮﺍ ﻗﺴﻤﺎ ﺑﺎﻟﻠﻪ ﻣﺎﻛﻢ ﻣﺎﺍﺷﻴﻴﻦ ﺍﻟﺰﻭﺯ
ﻃﻠﻌﻨﺎ ﻭﺳﻜﺮﻧﺎ ﺍﻟﺒﺎﺏ ﺭﻛﺒﺖ ﻭﻟﻌﺖ ﺍﻟﺴﻴﺎﺭﺓ ﻃﻠﻌﺖ ﺑﻴﻬﺎ ﻣﻦ ﺍﻟﺠﻨﺎﻥ
ﺍﻧﻲ : ﻧﻮﺍﻝ ﺍﻧﺰﻟﻲ ﺳﻜﺮﻱ ﺍﻟﺒﺎﺏ
ﻧﻮﺍﻝ : ﺍﻧﻲ ﻧﻠﺒﺲ ﻓﻲ ﺍﻟﺴﺒﻴﺪﺭﻭ ﻗﻮﻟﻲ ﻟﻨﺮﺟﺲ
ﺍﻧﻲ : ﻧﺮﺟﺲ ﺍﻧﺰﻟﻲ
ﻧﺮﺟﺲ : ﻧﻠﻒ ﻓﻲ ﺍﻟﻮﺷﺎﺡ ﺍﻧﻲ ﻗﻮﻟﻲ ﻟﻨﻮﺭﺱ
ﻧﻮﺭﺱ ﻛﺎﻧﺖ ﺗﺘﻜﻠﻢ ﻓﻲ ﺍﻟﺘﻠﻴﻔﻮﻥ ﻣﺎﻗﺪﺭﺗﺶ ﻧﻘﻮﻟﻠﻬﺎ
ﻣﺎﻣﺎ : ﻳﺎ ﻭﺣﺪﺓ ﻣﻨﻜﻢ ﺗﻨﺰﻝ
ﻧﻮﺍﻝ : ﻧﺮﺟﺲ ﺍﻧﺰﻟﻲ
ﻧﺮﺟﺲ : ﺍﻧﺰﻟﻲ ﺍﻧﺘﻲ
ﺍﻧﻲ : ﺍﻧﺰﻟﻮﻭﻭ ﺍﻧﺘﻮ ﺍﻟﺰﻭﺯ
ﻧﻮﺍﻝ : ﺗﻨﺰﻝ ﻫﻲ
ﻧﺮﺟﺲ : ﺍﻧﺘﻲ ﺍﻧﺰﻟﻲ
ﺍﻧﻲ : ﺍﻟﺰﻭﻭﻭﺯ ﺗﻨﺰﻟﻮﻭﻭﻭ ﻳﺎﺍﻣﺎ ﻭﺍﻟﻠﻪ ﺗﻮ ﺗﻘﻌﺪﻭ ﻓﻲ ﺍﻟﺤﻮﺵ ﻣﺮﺓ ﻭﺣﺪﺓ
ﻧﻮﺍﻝ ﻭﻧﺮﺟﺲ : ﺍﻭﻭﻭﻑ
،،،
ﻭﺻﻠﺖ ﻣﺎﻣﺎ ﻟﺤﻮﺵ ﻋﻤﺘﻲ ﺑﻌﺪﻫﺎ ﺍﻣﺸﻴﻨﺎ ﻟﻠﻤﺤﻼﺕ ﻭﺍﺷﺮﻭ ﻧﻮﺍﻝ ﻭﻧﺮﺟﺲ ﻭﺷﺎﺣﺎﺕ ﻭﺷﻨﺎﻃﻲ ﻭﺷﻮﺯﺍﺕ ﻭﻧﻘﻮﻝ ﻓﻴﻬﻢ ﺟﻤﻊ ﻻﻥ ﻛﻞ ﻭﺣﺪﺓ ﺧﺪﺕ ﻣﻦ ﻛﻞ ﺣﺎﺟﺔ ﺧﻤﺴﺔ ﻭﺧﺪﻭ ﺑﺪﺍﻟﻲ ﺛﺎﻧﻮﻱ ﻭﺑﻌﺪﻫﺎ ﺍﻣﺸﻮ ﺧﺪﻭ ﻣﺬﻛﺮﺍﺕ ﻭﻛﺮﺍﺳﺎﺕ ﻭﺍﺩﻭﺍﺕ ﻭﺧﻄﻤﻨﺎ ﻋﻠﻲ ﺣﻮﺵ ﻋﻤﺘﻲ ﺍﻟﻘﻴﻨﺎﻫﻢ ﻣﻘﻌﻤﺰﻳﻦ ﻓﻲ ﺩﺍﺭ ﺍﻟﻤﻌﻴﺸﻪ ﻭﻋﺪﻧﺎﺍﻥ ﻣﻮﺟﻮﺩ ﻃﺒﻌﺎ ﻭﻳﺨﻨﺐ ﻓﻲ ﻧﻈﺮﺍﺕ ﻣﺶ ﻣﻘﺼﺮ
ﺭﻭﺣﻨﺎ ﺍﻟﻤﻐﺮﺏ ﻟﻠﺤﻮﺵ
ﻧﺮﺟﺲ ﻭﻧﻮﺍﻝ ﻗﻌﺪﻭ ﻳﻨﻈﻤﻮ ﻓﻲ ﺣﺎﺟﺎﺗﻬﻢ ﻧﻮﺭﺱ ﻗﻌﻤﺰﺕ ﻣﻊ ﻣﺎﻣﺎ ﻭﺍﻧﻲ ﺭﻛﺒﺖ ﺩﺍﺭﻱ ﻛﻠﻤﺖ ﺣﺒﻴﺒﻲ ﻳﺎﺣﻨﻪ
ﺑﻌﺪﻫﺎ ﻧﺰﻟﻨﺎ ﺩﺭﻧﺎ ﻋﺸﻲ ﻭﺗﻌﺸﻴﻨﺎ ﻭﻫﺪﺭﺯﻧﺎ ﻭﺑﻌﺪﻫﺎ ﻛﻞ ﻭﺣﺪﺓ ﺧﺸﺖ ﻟﺪﺍﺭﻫﺎ ﻭﺭﻗﺪﺕ
......
# ﻳﺘﺒﻊ
