منقولة
الحلقةة[12]
من ﺭﻭﺍﻳﺔ - - ->" #ﺳﻨــﺪ_ﺍﻷﻧﺜــﻰ_ﺭﺟــﻞ "
ﺧﺪﻳﺖ ﺍﻟﺘﻠﻴﻔﻮﻥ ﺑﻠﻌﺖ ﺭﻳﻘﻲ ﻭﺩﺭﺕ ﺑﺤﺚ ﻋﻠﻲ ﺍﻳﻤﻴﻞ ﻭﻟﻴﺪ ﺍﻭﻝ ﻣﺎﺧﺸﻴﺖ ﻻﺣﻈﺖ ﺍﻧﻪ ﺻﻮﺭﺓ ﺍﻟﺒﺮﻭﻓﺎﻳﻞ ﻣﺘﻐﻴﺮﺓ ﻓﺘﺤﺘﻬﺎ ﻭﺍﻟﻘﻴﺘﻬﺎ ﻣﻨﺬ ... ﺍﺭﺑﻌﻪ ﺷﻬﻮﺭ !!!! ﻛﺎﻧﺖ ﺻﻮﺭﺓ ﺑﻴﺒﻲ ﻋﻤﺮﻩ ﺷﻬﻮﺭ ﻣﻤﻜﻦ ﻣﺎﻓﻬﻤﺘﺶ ﻫﺪﺍ ﻣﻨﻮ
ﻧﺰﻟﺖ ﻟﻠﺘﻌﻠﻴﻘﺎﺕ ﻛﻠﻬﻢ ﺭﺑﻲ ﻳﺤﻔﻈﻪ ﻭﺟﻮ ﻫﻜﻲ ﻟﻴﻴﻦ ﻭﺻﻠﺖ ﻓﻲ ﺗﻌﻠﻴﻖ ﻃﻴﺢ ﻗﻠﺒﻲ ﻭﻳﺒﺲ ﺭﺟﻠﻴﺎ > ﻳﺘﺮﺑﻰ ﻓﻲ ﻋﺰﻛﻢ ﻳﺎﺑﺮﻭ < ﺗﺠﻤﻌﻮ ﺍﻟﺪﻣﻮﻉ ﻓﻲ ﻋﻴﻮﻧﻲ ﻣﻌﻘﻮﻟﺔ ﻭﻟﺪ ﻭﻟﻴﺪ ﻭﺑﻌﺪﻫﺎ ﺗﻌﻠﻴﻖ > ﻳﺸﺒﻬﻚ ﻫﻠﺒﺎ ﻳﺎﻭﻟﻴﺪ < ﺍﻟﺪﻧﻴﺎ ﻇﻠﻤﺖ ﻓﻲ ﻭﺟﻬﻲ ﻭﺳﺘﻴﻦ ﺍﻟﻒ ﺳﺆﺍﻝ ﻭﺳﺆﺍﻝ ﻳﺪﻭﺭﻭ ﻓﻲ ﺭﺍﺳﻲ ﻣﻌﻘﻮﻟﺔ ﻭﻟﻴﺪ ﺍﺧﺘﻔﻲ ﻻﻧﻪ ﺗﺰﻭﺝ ﻳﺎﺭﺑﻲ ﻃﻠﻌﺖ ﺑﺴﺮﺭﻋﻪ ﻻﻧﻲ ﺧﻼﺹ ﺑﻨﺒﻜﻲ ﻭﺳﻜﺮﺕ ﺍﻳﻤﻴﻠﻪ ﻭﻣﺪﻳﺘﻪ ﻟﻨﻮﺍﻝ : ﺷﻜﺮﺍ
ﻧﻮﺍﻝ : ﻧﺴﻴﺒﺔ
ﺍﻧﻲ ﺑﻠﻌﺖ ﺭﻳﻘﻲ ﻓﻲ ﻣﺤﺎﻭﻟﺔ ﺍﻧﻪ ﺻﻮﺗﻲ ﻣﺎﻳﺒﻴﻦ ﺷﻲ ﺑﺲ ﻣﻊ ﻫﺬﺍ ﺗﻜﻠﻤﺖ ﺑﺼﻮﺕ ﻣﺨﻨﻮﻕ : ﻧﻌﻢ
ﻧﻮﺍﻝ : ﺑﺤﺜﻲ ﻋﻠﻲ ﺍﻳﻤﻴﻞ ﻭﻟﻴﺪ ﻭﺍﻻ
ﺍﻧﻲ : ﺍﻧﺴﻲ ﻭﻳﺎﺭﻳﺖ ﻣﺎﺗﺴﺄﻟﻴﻨﻲ ﺷﻲ ﻻﻧﻲ ﺑﺮﻭﺣﻲ ﻣﺶ ﻋﺎﺭﻓﻪ ﻭﻣﻌﺎﺵ ﻗﺪﺭﺕ ﻧﺸﺪ ﺩﻣﻮﻋﻲ
ﻧﻮﺍﻝ ﻧﺎﺿﺖ ﻭﺟﺖ ﺟﻨﺒﻲ : ﻧﻮﺳﻪ ﺍﻫﺪﻱ ﺧﻼﺹ ﺑﺎﻟﻠﻪ ﻋﻠﻴﻚ
ﺍﻧﻲ ﻣﺴﺤﺖ ﺩﻣﻮﻋﻲ : ﺧﻼﺹ ﺑﺮﻱ ﺍﺭﻗﺪﻱ
ﻧﺎﺿﺖ ﻧﻮﺍﻝ ﻭﻭﻟﺖ ﻟﻤﻜﺎﻧﻬﺎ ﻭﺍﻧﻲ ﻭﻗﻔﺖ ﺑﻜﻲ ﻗﻌﺪﺕ ﻧﻔﻜﺮ ﻭﺍﻻﺳﺌﻠﺔ ﺗﻠﻮﺩ ﻓﻲ ﺭﺍﺳﻲ ﻫﻞ ﻣﻤﻜﻦ ﻳﻜﻮﻥ ﺳﺒﺐ ﺍﺧﺘﻔﺎﺋﻪ ﺍﻧﻪ ﺗﺰﻭﺝ ؟ ﺑﺲ ﻟﻴﺶ ﻣﺎﻳﻘﻮﻟﻴﺶ ﻃﺒﻊ ﻭﻟﻴﺪ ﻣﺎﻳﺘﻬﺮﺑﺶ ﺣﺘﻰ ﻟﻮ ﺩﺍﻳﺮ ﻏﻠﻂ ﻳﻮﺍﺟﻬﻨﻲ ، ﺑﺎﻩ ﻣﻦ ﻫﻮ ﺍﻟﻲ ﺭﺩ ﻋﻠﻲ ﺗﻠﻴﻔﻮﻧﻪ ﻭﻗﺎﻟﻲ ﻣﺎﺕ ؟ ﻫﻞ ﻣﺮﺍﺕ ﻳﻜﻮﻥ ﻫﻮ ﻳﺘﻬﺮﺏ ﻣﻨﻲ ﻭﻳﻘﻮﻟﻠﻬﻢ ﻗﻮﻟﻮﻟﻬﺎ ﻣﺎﺕ ؟ ﺑﺲ ... ﻳﺎﺍﺍﺭﺑﻲ ﺯﻋﻤﺎ ﻳﻄﻠﻊ ﺣﻲ ﺣﺘﻰ ﻟﻮ ﺑﺼﻐﺎﺭﻩ ﻋﺎﺩﻱ ﺍﻟﻤﻬﻢ ﻳﻜﻮﻥ ﺣﻲ ﻧﺴﻤﻊ ﺍﻧﻪ ﺗﺰﻭﺝ ﻭﻻﻧﺴﻤﻊ ﺍﻧﻪ ﻣﺎﺕ
ﻭﺍﻓﻜﺎﺭ ﺗﺮﻓﻊ ﻭﺍﻓﻜﺎﺭ ﺗﺠﻴﺐ ﻟﺤﺪ ﻣﺎﻧﻌﺴﺖ ﻭﺭﻗﺪﺕ
......
ﻓﺎﺕ ﺷﻬﺮ ﻭﺑﺪﻭ ﺍﻻﻣﺘﺤﺎﻧﺎﺕ ﻭﺍﻧﻲ ﻃﻮﻝ ﺍﻟﺸﻬﺮ ﺗﺠﻴﻨﻲ ﻫﺎﺟﺮ ﻓﻲ ﺍﻟﺤﻮﺵ ﻭﻧﻘﺮﺍ ﺍﻧﻲ ﻭﻳﺎﻫﺎ ﻭﺍﻳﻤﻦ ﺷﺒﻪ ﻛﻞ ﻳﻮﻡ ﻳﻤﺮ ﻋﻠﻴﻨﺎ ﻳﻨﺎﺷﺐ ﻫﺎﺟﺮ ﻭﻳﺮﻭﺡ ﺑﺲ ﺍﻟﺰﻭﺯ ﺑﺪﻭ ﻳﻤﻴﻠﻮ ﻟﺒﻌﺾ ﻭﻫﺪﺍ ﻋﺮﻓﺘﻪ ﻣﻦ ﻋﻴﻮﻧﻬﻢ ﺑﺲ ﻣﻦ ﺍﺳﺒﻮﻉ ﺍﻳﻤﻦ ﺳﺎﻓﺮ ﺑﻌﻤﺘﻲ ﻫﻮ ﻭﻋﺪﻧﺎﻥ ﻭﻋﻠﻴﺎ ﻭﺑﺪﺕ ﺗﻌﺎﻟﺞ ﻓﻲ ﺗﺮﻛﻴﺎ ﺍﻣﺎ ﻧﻮﺍﻝ ﻭﻧﺮﺟﺲ ﻗﺮﺍﻳﻪ ﻭﺧﻼﺹ ﻭﻧﻮﺭﺱ ﺗﺠﻬﺰ ﻓﻲ ﺭﻭﺣﻬﺎ ﻻﻣﺘﺤﺎﻧﺎﺕ ﺍﻟﺸﻬﺎﺩﺓ ، ﺍﻣﺎ ﻣﺤﻤﻮﺩ ﻓﻜﺎﻥ ﻳﺮﺍﺟﻲ ﻓﻲ ﻧﻮﺍﻝ ﺗﻔﺘﺢ ﺍﻳﻤﻴﻠﻬﺎ ﺑﺲ ﻟﻼﺳﻒ ﻣﺎﻓﺘﺤﺘﺎﺷﻲ ﻭﻗﻌﺪ ﻳﺪﻭﺭ ﻓﻲ ﻃﺮﻳﻘﻪ ﻳﺠﻴﺐ ﻓﻴﻬﺎ ﺍﻟﻲ ﺧﺎﻧﺐ ﺗﻠﻴﻔﻮﻥ ﺧﻮﻩ ﻭﻧﻮﺍﻝ ﻛﻞ ﻳﻮﻡ ﺍﺗﺎﺑﻊ ﻓﻲ ﺍﺧﺒﺎﺭﻩ ﻉ ﺍﻟﻔﻴﺲ ﻣﻦ ﻏﻴﺮ ﻣﺎﺗﻀﻴﻔﻪ
ﺍﻣﺎ ﺑﺎﻟﻨﺴﺒﺔ ﻟﻴﺎ ﺍﻧﻲ ﻓﻘﺎﻟﻘﻪ ﺑﻜﻞ ﻣﻦ ﺍﻟﺠﺒﺲ ﺍﻣﺲ ﺍﻣﺸﻴﺖ ﻟﻠﺪﻛﺘﻮﺭ ﻏﻴﺮﻟﻲ ﺍﻟﺠﺒﺲ ﺑﺲ ﻗﺎﻟﻲ ﻣﺰﺍﻝ ﺗﻌﺎﻟﻴﻠﻲ ﺑﻌﺪ ﺷﻬﺮﻳﻦ ﺍﻭﻭﻑ ﺭﺑﻲ ﻳﺼﺒﺮﻧﻲ ﻧﺒﻲ ﻧﺴﻮﻕ ﻭﻧﺘﺤﺮﻙ ﺑﺮﺍﺣﺘﻲ ، ﻭﻛﻞ ﻳﻮﻡ ﻧﻔﻜﺮ ﻓﻲ ﻭﻟﻴﺪ ﻣﺎﻏﺎﺑﺶ ﻋﻦ ﺑﺎﻟﻲ ﺑﻜﻞ ﻭﻧﻔﺲ ﺍﻻﺳﺌﻠﺔ ﻓﻲ ﺭﺍﺳﻲ ﻣﺎﻟﻘﻴﺘﻠﻬﺎﺵ ﺟﻮﺍﺏ ﻭﻣﺎﺣﺎﻭﻟﺘﺶ ﻧﺒﺤﺚ ﻻﻧﻲ ﻣﺎﻧﺒﻴﺶ ﻧﺘﻌﺐ ﻧﺘﻔﺤﺺ ﻓﻲ ﻫﺪﺍﻳﺎﻩ ﻟﻴﺎ ﻛﻞ ﻳﻮﻡ ﻭﺧﻼﺹ ﻭﻧﺪﻋﻴﻠﻪ ﻫﻮ ﻭﺑﺎﺑﺎ ﻛﻞ ﺻﻼﺓ
.....
ﺍﻟﻴﻮﻡ ﺍﻣﺘﺤﺎﻧﺎﺗﻲ ﺑﺪﻭ ﻧﻀﺖ ﺍﻟﺼﺒﺢ ﻭﺗﻴﺖ ﺭﻭﺣﻲ ﻭﺧﻄﻤﺖ ﻋﻠﻴﺎ ﻫﺎﺟﺮ ﻛﺎﻥ ﺟﺎﻳﺒﻬﺎ ﺧﻮﻫﺎ
ﺍﻧﻲ ﺭﻛﺒﺖ ﺍﻟﺴﻴﺎﺭﺓ : ﺍﻟﺴﻼﻡ ﻋﻠﻴﻜﻢ ﺻﺒﺎﺡ ﺍﻟﺨﻴﺮ
ﻣﺤﻤﺪ ﻫﺎﺟﺮ : ﻋﻠﻴﻜﻢ ﺍﻟﺴﻼﻡ ﺻﺒﺎﺡ ﺍﻟﻨﻮﺭ
ﻫﺎﺟﺮ : ﻗﺎﺍﺭﻳﺔ ﺑﺎﻫﻲ ﻓﺮﺭﺧﻪ ﺧﺎﻳﻔﻪ ﺍﻧﻲ
ﺍﻧﻲ : ﺍﻳﻪ ﻗﺎﺍﺭﻳﻪ ﻭﻭﺭﺍﺱ ﺍﻣﻚ ﻣﺎﺗﺨﻮﻓﻴﻨﻴﺶ ﻓﻜﻴﻨﻲ ﻣﻨﻚ
ﻫﺎﺟﺮ : ﺗﻲ ﻭﺍﻟﻠﻪ ﻣﺘﻮﺗﺮﺓ
ﺍﻧﻲ : ﻋﻠﻲ ﺷﻦ ﺑﺘﺘﻮﺗﺮﻱ ﻣﺎﺩﺓ ﺳﺎﻫﻠﻪ ﻭﻟﻴﻨﺎ ﺷﻬﺮ ﻧﻘﺮﻭ ﻭﺍﻧﺘﻲ ﺩﻳﻤﺎ ( ﻭﺍﻧﻲ ﻧﻘﻠﺪ ﻓﻲ ﺻﻮﺗﻬﺎ ﻣﺘﻮﺗﺮﺓ ﺧﺎﺍﻳﻔﻪ ﺑﻄﻨﻲ ﺗﻮﻭﺟﻊ ﻓﻴﺎ ) ﺍﻟﺤﺮﻛﺎﺕ ﻫﺎﺩﻱ ﻓﻴﻚ ﻣﻦ ﺍﻟﺜﺎﻧﻮﻱ ﺗﺮﻋﺸﻴﻨﻲ ﻭﺑﻌﺪﻳﻦ ﺍﻧﺘﻲ ﺗﺨﺸﻲ ﺗﻄﺮﺑﻘﻲ ﺍﻟﺪﺭﺟﺔ ﻭﺍﻧﻲ ﻣﻦ ﺍﻟﺨﻮﻭﻑ ﻣﻌﺎﺵ ﻧﻘﺪﺭ ﻧﺠﺎﻭﺏ ﺷﻲ
ﻫﺎﺟﺮ : ﻫﻬﻬﻬﻬﻬﻪ ﺗﻲ ﺣﻤﺎﺭﺓ ﺍﻧﺘﻲ
ﻣﺤﻤﺪ : ﻫﻬﻬﻬﻬﻪ ﺍﻧﺘﻲ ﻣﻌﺎﺵ ﺗﻌﺪﻟﻲ ﻋﻠﻴﻬﺎﺍ ﻫﺎﺩﻱ ﺩﻳﻤﺎ ﻣﺮﻋﻮﺷﺔ ﺣﺘﻰ ﻓﻲ ﺍﻟﺤﻮﺵ ﻋﻠﻲ ﺍﺑﺴﻂ ﺷﻲ ﻭﺍﺣﻠﻰ ﺷﻲ ﺗﻘﺪﺭﻱ ﺗﺨﻠﻌﻴﻬﺎ ﺑﺴﺮﺭﻋﻪ
ﻫﺎﺟﺮ ﺿﺮﺑﺖ ﻛﺘﻔﻪ
ﺍﻧﻲ : ﻫﻬﻬﻬﻬﻬﻪ ﺗﺴﺘﺎﻫﻞ ﺩﻳﻤﺎ ﺍﺧﻠﻌﻬﺎ
ﻭﺻﻠﻨﺎ ﻟﻠﺠﺎﻣﻌﻪ ﻭﺍﻭﻝ ﻣﺎﻧﺰﻟﻨﺎ ﻛﺎﻥ ﻓﻲ ﺳﻴﺎﺭﺓ ﺑﻴﻀﺎ ﻫﻮﻧﺪﺍﻱ ﻣﺪﺭﺳﺔ ﻭﻛﺎﻥ ﻭﺍﻗﻒ ﻋﻠﻴﻬﺎ ﻭﺍﺣﺪ ﻣﺘﻜﻲ ﺍﻧﻲ ﺍﻭﻝ ﻣﺎﺷﻔﺘﻪ ﻗﻠﺒﻲ ﺍﻧﻘﺒﺾ ﻭﺧﻨﻘﺘﻨﻲ ﺍﻟﻌﺒﺮﺓ ﻛﺎﻥ ﻣﺘﻜﻲ ﻧﻔﺲ ﺗﺘﻜﺎﻳﻪ ﻭﻟﻴﺪ ﺟﺴﻤﻲ ﻗﺮﻳﺐ ﻣﻨﻪ ﺑﺲ ﻫﺪﺍ ﺍﺿﻌﻒ ﺣﺮﻛﺔ ﺭﺟﻠﻪ ﻛﻴﻒ ﻣﺮﻓﻮﻋﻪ ﻭﺣﻨﻴﻪ ﺍﻟﻈﻬﺮ ﺍﻧﻲ ﻭﻗﻔﺖ ﻭﻗﻌﺪﺕ ﻧﺸﻮﻓﻠﻪ ﻭﺍﻟﻌﺒﺮﺓ ﺧﺎﻧﻘﺘﻨﻲ ﻭﻛﺎﻥ ﻳﺪﺧﻦ
ﻫﺎﺟﺮ ﻻﺣﻈﺖ ﺍﻧﻲ ﻭﻗﻔﺖ ﻭﻗﻌﺪﺕ ﺗﺸﻮﻑ ﻭﻳﻦ ﻧﺸﻮﻑ ﺍﻧﻲ ﻣﺎﻓﻬﻤﺘﺶ ﻋﻼﺵ ﻧﺸﻮﻓﻠﻪ ﺑﺎﻟﻄﺮﻳﻘﻪ ﻫﺎﺩﻱ : ﻧﻮﺳﻪ ﺷﻦ ﻓﻲ ﻣﻦ ﻫﺪﺍ
ﺍﻧﻲ : ﺷﻮﻓﻲ ﻫﺎﺟﺮ ﻭﻟﻴﺪ
ﻫﺎﺟﺮ ﺗﺤﺴﺎﺑﻨﻲ ﻋﻘﻠﻲ ﺑﺪﻱ ﻳﻔﻮﺯ : ﻧﻮﺳﺔ ﻭﻟﻴﺪ ﺍﻟﻠﻪ ﻳﺮﺣﻤﻪ ﻭﻣﺎﺗﻘﻌﺪﻱ ﺍﺗﻌﺒﻲ ﻓﻲ ﺭﻭﺣﻚ ﻫﻜﻲ ﻫﻴﺎﺍ ﺧﻠﻴﻨﺎ ﻧﻤﺸﻮ ﺧﻴﺮ ﻣﺎﻧﺘﺎﺧﺮﻭ ﻉ ﺍﻻﻣﺘﺤﺎﻥ
ﺍﻧﻲ : ﻫﺎﺟﺮ ﺷﻮﻓﻲ ﻧﻔﺲ ﻃﺮﻳﻘﻪ ﺷﻌﺮﻩ ﺗﺘﻜﺎﻳﺘﻪ ﺣﺮﻛﺎﺗﻪ ﻧﺒﻲ ﻧﻘﺮﺏ ﻣﻨﻪ
ﻗﺮﺑﺖ ﻗﻌﺪﺕ ﻧﺸﻮﻓﻠﻪ ﺑﺘﺪﻗﻴﻖ ﺍﻛﺜﺮ ﻟﻔﺖ ﻭﺟﻬﻪ ﻭﺷﺎﻓﻠﻲ ﺑﺲ ﻣﺎﻛﺎﻧﺶ ﻭﻟﻴﺪ ﻟﻼﺳﻒ ﺧﻴﺒﺔ ﺍﻣﻞ ﺧﻨﻘﺘﻨﻲ ﺍﻟﻌﺒﺮﺓ ﻭﺗﻠﻔﺘﺖ ﺍﻣﺸﻴﺖ ﺑﺴﺮﺭﻋﻪ
ﺍﻣﺘﺤﺎﻧﻨﺎ ﻭﻃﻠﻌﻨﺎ ﻃﺒﻌﺎ ﻣﺎﻗﺪﺭﻧﺎﺵ ﺍﻧﻠﻮﺩﻭ ﻫﻠﺒﺎ ﻋﻠﻲ ﺧﺎﻃﺮ ﺍﻟﺠﺒﺲ ﻭﺑﻌﺎﻛﺎﺯﺍﺕ ﻗﻌﻤﺰﻧﺎ
ﻫﺎﺟﺮ : ﻧﺴﻴﺒﺔ ﻧﺴﻴﺒﺔ ﺟﺎﺍﻙ
ﺍﻧﻲ : ﻣﻨﻮﻭ
ﻫﺎﺟﺮ : ﺍﺳﺎﻣﻪ ﺟﺎﺍﻳﻚ ﺟﻴﻬﺘﻨﺎ ﺍﺳﻤﻌﻲ ﺍﻧﻲ ﺑﻨﻤﺸﻲ ﻟﻠﻜﺎﻓﺘﻴﺮﻳﺎ
ﺍﻧﻲ : ﺗﻤﺸﻲ ﻟﻌﻴﻨﻚ ﺍﻗﻌﺪﻱ ﺟﻨﺒﻲ ﺷﻦ ﻧﻘﻌﺪ ﻣﻌﺎﻩ ﺑﺮﻭﻭﺣﻲ ﺍﻳﺒﺴﻲ
ﺍﺳﺎﻣﻪ : ﺍﻟﺴﻼﻡ ﻋﻠﻴﻜﻢ ﻻﺍﺑﺎﺱ ﻻﺍﺑﺎﺍﺱ
ﺍﻧﻲ : ﻭﻋﻠﻴﻜﻤﻮﺍﻟﺴﻼﻡ ﺍﻫﻠﻴﻦ ﺍﺳﺎﻣﻪ ﺍﻟﻠﻪ ﻻﻳﻮﺭﻳﻚ ﺑﺎﺱ
ﺍﺳﺎﻣﻪ : ﺑﻌﻴﺪ ﺍﻟﺴﻮ ﻳﺎﺭﻳﺘﻬﺎ ﻓﻴﺎ ﻭﻻﻓﻴﻚ ﻭﻳﻨﻚ ﻟﻴﻚ ﺷﻬﺮ ﻣﺎﺗﺠﻴﺶ ﻭﻛﻴﻒ ﺻﺎﺭ ﻭﺍﺷﺮ ﻋﻠﻲ ﺭﺟﻠﻲ
ﺍﻧﻲ : ﺑﻌﻴﺪ ﺍﻟﺴﻮ ﻣﺎﻫﻮ ﻋﻠﻲ ﺧﺎﻃﺮ ﺍﻟﺠﺒﺲ ﻗﻌﺪﺕ ﻧﻘﺮﺍ ﻓﻲ ﺍﻟﺤﻮﺵ ﻭﻃﺤﺖ ﻣﻦ ﺍﻟﺪﺭﻭﺝ
ﺍﺳﺎﻣﻪ : ﺍﻟﺤﻤﺪ ﻟﻠﻪ ﻉ ﺳﻼﻣﺘﻚ ﺭﺩﻱ ﺑﺎﻟﻚ ﻣﺮﺓ ﺗﺎﻧﻴﻪ ﻣﺎﺗﺤﺮﻣﻴﻨﺎﺵ ﻣﻦ ﺷﻮﻓﺘﻚ ﻣﺮﺓ ﺗﺎﻧﻴﺔ
ﺍﻧﻲ ﺍﺑﺘﺴﺎﻣﻪ ﺻﻔﺮﺍ : ﺍﻥ ﺷﺎﺀ ﺍﻟﻠﻪ
ﺍﺳﻤﺎﻣﻪ : ﻛﻴﻒ ﺣﺎﻟﻚ ﻳﺎﻫﺎﺟﺮ
ﻫﺎﺟﺮ : ﻣﻦ ﺭﺑﻲ ﺍﻟﺤﻤﺪ ﻟﻠﻪ ﻗﺎﻟﺘﻬﺎ ﻭﻫﻲ ﻗﺎﻟﺒﻪ ﻭﺟﻬﻬﺎ
ﺍﺳﺎﻣﻪ : ﺗﻲ ﻏﻴﺮ ﺧﻴﺮﻙ ﻗﺎﻟﺒﻪ ﻭﺟﻬﻚ ﻉ ﺍﻟﺼﺒﺢ ﺗﻌﺮﻓﻲ ﻳﺎﺭﻳﺘﻬﺎ ﺍﻟﻜﺴﺮﻩ ﻓﻴﻚ ﻭﻻ ﻓﻲ ﻧﻮﺳﺔ
ﻫﺎﺟﺮ ﺗﻠﻔﺘﺘﻠﻪ ﻭﺗﻌﻄﻴﻪ ﻫﺎﺩﻳﻜﺎ ﺍﻟﺸﺒﺤﻪ ﺍﻟﻲ ﺗﺨﻠﻴﻪ ﻳﻤﻮﺕ ﺧﻮﻑ : ﺑﻌﻴﺪ ﺍﻟﺴﻮ ﻋﻠﻴﺎ ﻭﻋﻠﻲ ﻧﻮﻭﺳﺔ ﺍﻥ ﺷﺎﺀ ﺍﻟﻠﻪ ﻓﻴﻚ
ﺍﺳﺎﻣﻪ : ﺍﻥ ﺷﺎﺀ ﺍﻟﻠﻪ ﻓﻴﻚ ﺍﻧﺘﻲ ﻭﺑﺎﻟﻤﺮﺓ ﻳﻠﺼﻘﻮﻟﻚ ﻓﻤﻚ ﻭﻳﺮﻳﺤﻮﻧﺎ ﻣﻦ ﻟﺴﺎﻧﻚ
ﻫﺎﺟﺮ : ﺍﻥ ﺷﺎﺀ ﺍﻟﻠﻪ ﻓﻴﻚ ﻭﻳﻘﻌﻤﺰﻭﻙ ﺳﻨﻪ ﻓﻲ ﺍﻟﻤﺴﺘﺸﻔﻰ ﻭﻳﺮﻳﺤﻮﻧﺎ ﻣﻦ ﺑﺮﺍﺩﺗﻚ
ﺍﺳﺎﻣﻪ : ﻣﻘﺒﻮﻟﺔ ﻣﻨﻚ ﻳﺎﺍﻫﺎﺟﺮ ﻣﺶ ﺣﻨﺮﺩ ﻋﻠﻴﻚ ﻭﺣﻨﻜﻮﻥ ﺍﻟﻌﺎﻗﻞ
ﻫﺎﺟﺮ : ﻳﻜﻮﻭﻥ ﺍﺣﺴﻦ
ﺍﻧﻲ : ﺷﺎﺩﻩ ﺿﺤﻜﺘﻲ ﺑﺎﻟﺴﻴﻒ
ﺍﺳﺎﻣﻪ : ﺩﺍﻓﻌﻲ ﻋﻠﻴﺎ ﻳﺎﻧﻮﺳﺔ ﺻﺎﺣﺒﺘﻚ ﻃﺎﻳﺤﺔ ﻓﻴﺎ
ﺍﻧﻲ : ﺑﻴﻨﻚ ﻭﺑﻴﻨﻬﺎ
ﺍﺳﺎﻣﻪ ﺻﻌﻘﻪ ﺛﻼﺛﻴﻪ ﺍﻻﺑﻌﺎﺩ : ﺑﺎﻩ ﻫﻲ ﺍﻧﻲ ﺑﻨﻤﺸﻲ ﻭﻟﺪ ﻳﺮﺍﺟﻲ ﻓﻴﺎ ﻧﺴﺘﺎﺫﻥ
ﻫﺎﺟﺮ : ﻣﻊ ﺍﻟﺴﻼﻣﻪ ﻭﻧﺤﺬﻑ ﻭﺭﺍﻙ ﺳﺒﻌﻪ ﺭﺷﺎﺩﺍﺕ
ﺍﻧﻲ : ﺍﺫﻧﻚ ﻣﻌﺎﻙ
ﺍﺳﺎﻣﻪ : ﻣﺶ ﺣﻨﺮﺩ ﻋﻠﻴﻚ ﻳﺎﻫﺎﺟﺮ ﻭﻫﻲ ﻧﻮﺳﺔ ﺩﻳﺮﻱ ﺑﺎﻟﻚ ﻉ ﺭﻭﺣﻚ ﺳﻼﻡ
ﺍﻧﻲ : ﺳﻼﻡ
ﻫﺎﺍﺟﺮﺭ : ﻭﻭﻭﻭﻭﻩ ﺷﻦ ﻫﺬﺍﺍﺍ
( ﺧﻠﻮﻧﻲ ﻧﻌﺮﻓﻜﻢ ﻋﻠﻲ ﺍﺳﺎﻣﻪ ﺷﺎﺏ ﻣﻦ ﻧﻔﺲ ﺩﻓﻌﺘﻲ ﻣﻮﺍﻟﻴﺪ 92 ﺑﺎﺍﺭﺩ ﺷﻮﻳﺔ ﻳﻌﻨﻲ ﺛﻘﻴﻞ ﺩﻡ ﺑﺎﻟﻨﺴﺒﻪ ﻟﻠﺸﻜﻞ ﻋﺎﺩﻱ ﻳﺘﻠﺼﻖ ﺷﻮﻳﺔ ﻳﻌﻨﻲ ﺟﻲ ﻣﺮﺓ ﻭﻗﺎﻟﻲ ﻧﺒﻴﻚ ﻭﻫﻜﻲ ﻭﺍﻧﻲ ﺭﻓﻀﺖ ﻭﻣﻊ ﻫﺪﺍ ﻗﺎﻋﺪ ﻳﺠﻲ ﻭﻳﻜﻠﻢ ﻓﻴﺎ ﻣﺮﺍﺕ ﻳﺴﺨﻒ ﻓﻴﺎ ﻭﻣﺮﺍﺕ ﻧﺰﻫﻖ ﻭﻫﻮ ﻭﻫﺎﺟﺮ ﻣﺎﻳﺘﺤﺎﺑﻮﻭﺵ ﺩﻳﻤﺎ ﺗﻨﻘﺪ ﻓﻴﺎﺍ ﻫﺎﺟﺮ ﻫﻬﻬﻬﻪ )
ﺍﻧﻲ : ﻫﻬﻬﻬﻬﻬﻪ ﺗﻲ ﺣﺮﺍﻡ ﻋﻠﻴﻚ ﺑﺎﻟﺸﻮﻳﺔ ﻉ ﺍﻟﻮﻟﺪ
ﻫﺎﺟﺮ : ﺭﻳﺤﻴﻨﻲ ﺗﺮﺍﺍ ﺍﻭﻭﻑ
ﺍﻧﻲ : ﻫﻬﻬﻬﻪ ﺑﺎﻩ ﺧﻼﺹ ﺍﻫﺪﻱ ﺑﺎﻟﺸﻮﻳﺔ ﻋﻠﻴﻚ
ﻫﺎﺟﺮ : ﻳﺸﻨﺠﻠﻲ ﻓﻲ ﺍﻋﺼﺎﺑﻲ ، ﻭﺑﻌﺪﻳﻦ ﺍﻧﺘﻲ ﺑﻨﺴﺎﻟﻚ ﻣﻦ ﺑﻜﺮﻱ ﺧﻴﺮﻙ ﻻﺑﺴﻪ ﺍﺳﻮﺩ ﻛﻠﻚ ﺍﺳﻮﺩ
ﺍﻧﻲ ﻛﻨﺖ ﻻﺑﺴﺔ ﺑﻨﻄﻠﻮﻥ ﺍﺳﻮﺩ ﻭﻋﻠﻴﻬﺎ ﺳﻮﺭﻳﻪ ﺍﺳﻮﺩ ﻭﻓﻴﻬﺎ ﻗﺼﻪ ﻣﻦ ﺍﻟﻮﺳﻂ ﻭﺑﻌﺪﻳﻦ ﻣﺰﺧﺮﻓﻪ ﺷﻮﻳﺔ ﺑﺎﻻﺳﻮﺩ ﻭﺍﻟﻘﻬﻮﻱ ﺍﻟﺨﺎﻣﻖ ﻭﻛﻨﺪﺭﺓ ﺳﻮﺩﺍ ﻭﻭﺷﺎﺡ ﺍﺳﻮﺩ : ﻻﻧﻪ ﺍﻟﻲ ﻓﻲ ﻗﻠﺒﻲ ﻃﻠﻌﺘﻪ ﻓﻲ ﻟﺒﺴﻲ
ﻫﺎﺟﺮ : ﻳﻌﻨﻲ ﻭﺑﻌﺪﻳﻦ ﺑﺘﻘﻌﺪﻱ ﻻﺑﺴﻪ ﺍﺳﻮﺩ ﻻﺍﻣﺘﻰ
ﺍﻧﻲ : ﻣﻤﻜﻦ ﻟﻼﺑﺪ
ﻫﺎﺟﺮ : ﻧﺴﻴﺒﺔ ﺍﻧﺘﻲ ﻣﺎﺍﻋﺘﻘﺪﺵ ﺻﻐﻴﺮﺓ ﻭﻻﺟﺎﻫﻠﺔ ﺑﻴﺶ ﺗﺪﻳﺮﻱ ﺍﻟﺤﺮﻛﺎﺕ ﻫﺎﺩﻱ
ﺍﻧﻲ : ﻭﺍﻟﻠﻪ ﺍﻧﻲ ﻓﺘﺤﺖ ﺍﻟﺪﻭﻻﺏ ﺍﻟﻘﻴﺖ ﺍﺣﺴﻦ ﺷﻲ ﻳﻨﺎﺳﺐ ﺣﺎﻟﺘﻲ ﺍﻻﺳﻮﺩ
ﻫﺎﺟﺮ : ﺭﺍﺳﻚ ﺯﻱ ﺍﻟﺨﺮﺳﺎﻧﻪ ﻣﺴﺘﺤﻴﻞ ﺗﻔﻬﻤﻲ
ﺍﻧﻲ : ﺑﺎﻩ ﺍﻣﺎﻻ ﺑﻄﻠﻲ ﺟﻮ ﻧﺼﺎﺋﺢ
ﻫﺎﺟﺮ : ﻛﻴﻒ ﺣﺎﻝ ﻋﻤﺘﻚ ﺣﻘﺎ
ﺍﻧﻲ : ﺍﻟﺤﻤﺪ ﻟﻠﻪ ﻗﺎﻋﺪﻩ ﻋﻼﺟﻬﺎ ﺗﺒﻲ ﺣﺘﻰ ﺳﺘﻪ ﺷﻬﻮﺭ
ﻫﺎﺟﺮ : ﺍﻫﺎ ﻭﺍﻭﻻﺩﻫﺎ ﺑﻴﻘﻌﺪﻭ ﻣﻌﺎﻫﺎ
ﺍﻧﻲ ﺷﺒﺤﺘﻠﻬﺎ ﺷﺒﺤﻪ ﻉ ﺍﻟﺠﻨﺐ ﻣﻊ ﺿﺤﻜﺔ ﺧﺒﻴﺜﻪ : ﻗﺼﺪﻙ ﺃﻳﻤﻦ ﺑﻴﻘﻌﺪ ﻣﻌﺎﻫﺎ ؟ ﺍﻛﻴﺪ ﺑﻴﻘﻌﺪ ﻭﻣﺮﺍﺕ ﻳﺘﺰﻭﺝ ﻭﺣﺪﺓ ﻣﻦ ﻏﺎﺩﻱ ﺑﺎﻟﻤﺮﺓ
ﻫﺎﺟﺮ : ﺑﺎﻩ ﺭﺑﻲ ﻳﺸﻔﻴﻬﺎ ﻭﻳﺮﺩﻫﺎ ﺑﺎﻟﺴﻼﻣﻪ ﻭﻃﺒﻌﺎ ﻭﺍﺿﺢ ﺍﻧﻬﺎ ﺗﻀﺎﻳﻘﺖ
ﺍﻧﻲ ﻣﻌﺎﺵ ﻗﺪﺭﺕ ﻧﺸﺪ ﺿﺤﻜﺘﻲ : ﻫﻬﻬﻬﻬﻬﻬﻬﻪ ﺗﻲ ﺷﻜﻠﻪ ﻭﻟﺪ ﻋﻤﺘﻲ ﻃﻴﺤﻚ ﻣﺰﺑﻮﻁ
ﻫﺎﺟﺮ : ﺧﺮﺭﻓﻲ
ﺍﻧﻲ : ﺑﺲ ﺍﻣﺲ ﻛﻠﻤﺘﻪ ﻉ ﺍﻟﻔﺎﻳﺒﺮ ﺳﺎﻝ ﻋﻠﻴﻚ ﻋﻠﻰ ﻓﻜﺮﺓ ﻭﻳﺴﻠﻢ ﻋﻠﻴﻚ
ﻫﺎﺟﺮ : ﺳﺄﻝ ﻋﻠﻴﺎ ﺍﻧﻲ ؟ ﻣﻊ ﺷﺒﺤﺔ ﺻﺪﻣﺔ ﻣﺨﻠﻄﺔ ﺑﻔﺮﺣﻪ
ﺍﻧﻲ : ﺍﻳﻪ ﻗﺎﻟﻲ ﻛﻴﻒ ﺣﺎﻝ ﺻﺎﺣﺒﺘﻚ ﺍﻟﻤﻄﺮﺷﻘﻪ ﻗﻠﺘﻠﻪ ﺗﻤﺎﻡ ﻭﻫﻲ ﺍﻧﺨﻄﺒﺖ
ﻫﺎﺟﺮ : ﻫﺒﻠﺘﻲ ﺍﻧﺘﻲ ﺗﻮ ﺍﻧﻲ ﻧﺨﻄﺒﺖ ﻧﺴﻴﺒﺔ ﺷﻦ ﺗﺮﻓﺴﻲ ﺍﻧﺘﻲ ﻭﻗﺮﻧﺖ ﺣﻮﺍﺟﺒﻬﺎ ﻭﺗﻜﻨﻄﺖ ﻭﻗﻠﺒﺖ ﻭﺟﻬﻬﺎ ﻟﻠﺠﻬﺔ ﺍﻟﺘﺎﻧﻴﺔ
ﺍﻧﻲ ﺷﺎﺩﺓ ﺿﺤﻜﺘﻬﺎ ﺑﺎﻟﺴﻴﻒ ﻣﺴﺘﻤﺘﻌﻪ ﺑﺎﺳﺘﻔﺰﺍﺯﻫﺎ : ﺗﻲ ﻣﺶ ﺧﻄﺒﻚ ﻭﻟﺪ ﻋﻢ ﺑﻮﻙ ﻭﺍﻟﻮﻟﺪ ﺷﺎﺭﻳﻚ ﻭﺷﻜﻠﻪ ﻳﺤﺒﻚ
ﻫﺎﺟﺮ : ﻋﺎﺭﻓﺘﻴﻨﻲ ﺭﻓﻀﺘﻪ ﻭﻣﺎﻧﺒﻴﺸﻲ ﻭﺍﺍﻙ ﻳﺎﻧﺴﻴﺒﺔ
ﺍﻧﻲ : ﺗﻲ ﺑﺎﻫﻲ ﻋﺎﺩﻱ ﺧﻴﺮﻙ ﻣﺘﻜﻨﻄﻴﺔ
ﻫﺎﺟﺮ : ﺳﻼﻣﺘﻚ ﻭﺍﻟﻠﻪ ﻭﻻ ﻛﺎﺍﻧﻚ ﺩﺍﻳﺮﺓ ﺣﺎﺟﺔ ﺍﻧﻲ ﺑﻨﺮﻭﺡ ﻫﻴﺎ ﺑﺘﺮﻭﺣﻲ
ﺍﻧﻲ : ﻻ ﻣﺶ ﻣﺮﻭﺣﺔ ﺑﻨﺴﺘﻨﻰ ﺍﻳﻤﻦ ﻗﺎﻝ ﺑﻴﻤﺮ ﻟﻠﺠﺎﻣﻌﻪ ﺍﻟﻴﻮﻡ ﺻﺎﺣﺒﻪ ﻓﻲ ﻛﻠﻴﺘﻨﺎ
ﻫﺎﺟﺮ ﺗﻠﻔﺘﺘﻠﻲ : ﺗﻮ ﻣﺶ ﻣﺴﺎﻓﺮ
ﺍﻧﻲ : ﺍﻣﺲ ﺭﻭﺡ ﻋﻨﺪﻩ ﻗﻀﻴﺔ ﻣﻬﻤﺔ ﻭﺑﻴﺮﺟﻊ ﺧﻼﻝ ﻳﻮﻣﻴﻦ
ﻫﺎﺟﺮ : ﺗﻌﺮﻓﻴﻨﻲ ﺍﻧﻚ ﺣﻘﻴﺮﺭﺭﺭﺓ ﻭﻣﺎﺗﺘﺤﺸﻤﻴﺶ
ﺍﻧﻲ : ﻻﻭﺍﻟﻠﻪ ﺍﻭﻝ ﻭﺣﺪﺓ ﺍﻧﺘﻲ ﺗﻘﻮﻟﻴﻠﻲ ﻫﻬﻬﻬﻬﻬﻪ
ﻫﺎﺟﺮ ﺧﺒﻄﺘﻨﻲ ﺑﺸﻨﻄﺘﻬﺎ : ﺑﺎﻩ ﺗﻌﺎﻟﻲ ﺍﻣﺸﻲ ﻣﻌﺎﻱ ﻟﻠﺤﻤﺎﻡ ﺑﻨﻮﺍﺳﻲ ﺭﻭﺣﻲ
ﺍﻧﻲ : ﻫﻬﻬﻬﻬﻪ ﻭﻋﻼﺵ ﺍﻳﻤﻦ ﻳﺤﺴﺎﺑﻚ ﻣﺨﻄﻮﺑﺔ ﺭﺍﻫﻮ
ﻫﺎﺟﺮ ﺧﺪﻭﺩﻫﺎ ﻭﻟﻮ ﺣﻤﺮ ﻭﻗﺮﻧﺖ ﺣﻮﺍﺟﺒﻬﺎ : ﻣﺎﺗﺨﻠﻴﻨﻴﺶ ﻧﺮﺗﻜﺐ ﻓﻴﻪ ﺟﺮﻳﻤﺔ ﺗﻮ ﺷﻦ ﺩﺧﻞ ﺍﻳﻤﻦ
ﺍﻧﻲ : ﻫﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻪ
ﻫﺎﺟﺮ : ﺭﺑﻲ ﻳﺸﻔﻲ ﺍﻥ ﺷﺎﺀ ﺍﻟﻠﻪ ﺑﺎﻩ ﺍﺳﻤﻌﻲ ﻣﻦ ﺍﻻﺧﻴﺮ ﻫﻲ ﻭﺍﻟﻠﻪ ﻣﺎﻧﻌﺮﻑ ﻃﻮﻝ ﺍﻟﻮﻗﺖ ﻧﻔﻜﺮﺭ ﻓﻴﻪ ﻭﻓﻲ ﻛﻼﻣﻪ ﻭﻛﻴﻒ ﻳﻨﺎﺷﺐ ﻓﻴﺎ ﻭﺧﺎﻃﺮﻱ ﻧﺸﻮﻓﻪ ﻣﺎﻧﻌﺮﻓﺶ ﺷﻦ ﺻﺎﻳﺮﻟﻲ
ﺍﻧﻲ : ﻫﻬﻬﻬﻬﻬﻬﻪ ﻫﺪﺍ ﻛﻠﻪ ﻳﺎﺧﺎﻳﻨﻪ ﻭﻣﺎﺗﻘﻮﻟﻴﻠﻴﺶ
ﻫﺎﺟﺮ : ﻫﻬﻬﻬﻪ ﺑﺎﻩ ﻗﻮﻟﻴﻠﻲ ﻟﺒﺴﺘﻲ ﻣﻮﺍﺳﻴﺔ ﺍﺳﻤﻌﻲ ﺑﺠﺪﻳﺎﺕ ﺑﺠﺪﻳﺎﺕ ﺑﻴﺠﻲ ﻭﺍﻻ ﺗﺘﺴﻬﻮﻛﻲ
ﺍﻧﻲ : ﻫﻬﻬﻬﻪ ﺑﻴﺠﻲ ﺑﻴﺠﻲ ﻗﺎﻟﻲ ﻋﻨﺪﻩ ﺻﺎﺣﺒﻪ ﻣﻌﻴﺪ ﻓﻲ ﻛﻠﻴﺘﻨﺎ ﻓﻤﺶ ﻋﺎﺭﻑ ﺑﻴﺎﺧﺪ ﻣﻨﻪ ﺍﻭﺭﺍﻕ ﻣﺎﺍﻭﺭﺍﻕ ﻭﻗﺎﻟﻲ ﺗﻮ ﻧﻤﺮ ﻧﺸﻮﻓﻚ ﻭﻛﺎﻥ ﺑﺘﺮﻭﺣﻲ ﺭﻭﺣﻲ ﺗﻮ ﻧﻘﻮﻟﻪ ﻳﺮﻭﺡ ﺑﻴﺎ
ﻫﺎﺟﺮ : ﺗﺘﺴﻬﻮﻛﻲ ﺍﻛﻴﺪ ﻣﺶ ﺣﻨﺮﻭﺡ
ﻭﻧﺴﻤﻌﻮ ﻭﺍﺣﺪ ﻭﺭﺍﻧﺎ ﻳﻘﻮﻝ : ﻭﻋﻼﺵ ﻣﺎﺗﺒﻴﺶ ﺗﺮﻭﺣﻲ ﻳﺎﻋﺰﻭﺯﺓ ﺷﻦ ﻋﻨﺪﻙ
ﺍﻧﻲ : ﺍﻧﺨﻠﻌﺖ ﻭﺑﻌﺪﻳﻦ ﻗﻌﺪﺕ ﺷﺎﺩﺓ ﺿﺤﻜﺘﻲ ﺑﺎﻟﺴﻴﻒ
ﻫﺎﺟﺮ ﻳﺒﺴﺖ ﻓﻲ ﻣﻜﺎﻧﻬﺎ ﺗﺤﺴﺎﺑﻪ ﺳﻤﻊ ﻛﻼﻣﻨﺎ ﺑﺲ ﺗﺤﺎﻭﻝ ﺗﻨﻘﺬ ﺍﻟﻤﻮﻗﻒ : ﻭﺍﻧﺖ ﺍﻣﺘﻰ ﺟﻴﺖ ﺑﺴﻢ ﺍﻟﻠﻪ ﻭﻛﺎﺳﺮ ﻭﺫﻧﻚ ﻣﻌﺎﻧﺎ ﺯﻳﺎﺩﺓ
ﺍﻳﻤﻦ : ﺍﻟﺠﻤﻠﻪ ﺍﻻﺧﻴﺮﺓ ﺳﻤﻌﺘﻬﺎ ﻏﺼﺒﻦ ﻋﻨﻲ ﻻﻥ ﻣﺎﺷﺎﺀ ﺍﻟﻠﻪ ﺻﻮﺗﻚ ﺭﻧﺎﻥ ﺍﻟﺠﺎﻣﻌﻪ ﻛﻠﻬﺎ ﺗﺴﻤﻊ
ﻫﺎﺟﺮ : ﺗﻲ ﺗﻲ ﻭﺳﻜﺘﺖ
ﺍﻧﻲ : ﺍﺣﻢ ﺍﺣﻢ ﺍﻟﺤﻤﺪ ﻟﻠﻪ ﻉ ﺳﻼﻣﻪ ﻟﻴﻚ ﻭﺣﺸﺔ
ﺍﻳﻤﻦ : ﺍﻟﻠﻪ ﻳﺴﻠﻤﻚ ﻭﺗﻮ ﺑﻨﺪﻳﺮ ﺭﻭﺣﻲ ﺻﺪﻗﺘﻚ ﺍﺳﺘﺎﺣﺸﺘﻴﻨﻲ ﻓﻲ ﺍﺳﺒﻮﻉ
ﺍﻧﻲ : ﻣﺶ ﻫﻠﺒﺎ
ﻫﺎﺟﺮ ﻛﺎﻥ ﻭﺟﻬﻬﺎ ﺍﻟﻮﺍﻥ ﻭﺧﺎﺻﻪ ﺍﻧﻲ ﻧﺰﻳﺪ ﻧﺨﺰﺭﻁ ﻓﻴﻬﺎ ﻧﺸﺒﺤﻠﻬﺎ ﻭﺷﺎﺩﺓ ﺿﺤﻜﺘﻲ
ﺍﻳﻤﻦ : ﻋﺰﻭﺯﺓ ﺧﻴﺮﺭﻙ ﺳﺎﻛﺘﻪ ﺷﻦ ﻓﻲ
ﺍﻧﻲ : ﻣﺶ ﻋﺎﺭﻑ ﻫﺠﻮﺭﺓ ﺷﻜﻠﻬﺎ ﻣﺮﻳﻀﻪ ﺍﻟﻴﻮﻡ
ﻫﺎﺟﺮ
ﺍﻳﻤﻦ ﻭﺟﻬﻪ ﺗﻐﻴﺮ ﻭﺑﺪﻱ ﻋﻠﻴﻪ ﺍﻟﺨﻮﻑ : ﺧﻴﺮﻙ ﻻﺑﺎﺱ ﺷﻦ ﺗﺤﺴﻲ
ﻫﺎﺟﺮ : ﺍﺍﺍ ﺍﻟﻠﻪ ﻻ ﻳﻮ ﻭ ﻭﺭﻳﻚ ﺑﺎ ﺍ ﺱ ﻧﺤﺲ ﻓﻲ ﺭﻭﺣﻲ ﺑﻨﺎﺧﺪ ﺑﺮﺩﺓ ﺑﺲ
ﺍﻧﻲ : ﻧﺒﻲ ﻧﻤﺸﻲ ﻟﻠﻜﺎﻓﺘﻴﺮﻳﺎ ﺑﻨﺠﻴﺐ ﺣﺎﺟﺔ ﻧﺎﻛﻠﻬﺎ
ﺍﻳﻤﻦ : ﺭﺟﻠﻚ ﺍﻧﺘﻲ ﺗﺒﻲ ﻧﺠﻴﺒﻠﻚ ﺍﻧﻲ
ﺍﻧﻲ : ﻻﻻ ﻧﺒﻲ ﻧﻤﺸﻲ ﺍﻧﻲ ﻭﺑﻌﺪﻳﻦ ﺍﻟﺠﺒﺲ ﻫﺪﺍ ﺧﻔﻴﻒ ﻧﻘﺪﺭ ﻧﻤﺸﻲ ﺑﻴﻪ ﻛﻮﻳﺲ
ﻫﺎﺟﺮ ﺳﺎﻛﺘﻪ ﺑﺲ ﻭﻗﺮﻳﺐ ﻳﻐﻤﻰ ﻋﻠﻴﻬﺎ ﻣﻦ ﻋﻄﺮ ﺍﻳﻤﻦ ﻭﻛﺎﻥ ﻭﺳﻴﻢ ﻃﺎﻟﻊ ﻻﺑﺲ ﺑﺪﻟﺔ ﺭﺳﻤﻴﻪ ﺑﺲ ﻣﺤﻮﻝ ﺍﻟﺠﺎﻛﻴﺖ ﻗﺎﻋﺪ ﺑﺴﻮﺭﻳﺔ ﺑﻴﻀﺎ ﻭﻗﺮﻭﺍﻃﺔ
ﺍﻣﺸﻴﺖ ﺍﻧﻲ ﻟﻠﻜﺎﻓﺘﻴﺮﻳﺎ ﺧﺪﻳﺖ ﺷﻜﻼﺗﻪ ﻭﻗﻌﺪﺕ ﻧﺒﻄﺄ ﻓﻲ ﻣﺸﻴﺘﻲ ﻧﺒﻴﻪ ﻳﺘﻜﻠﻤﻮ
ﺍﻳﻤﻦ : ﺍﺣﻢ ﺷﻦ ﺑﻨﻘﻮﻟﻚ ﻋﺰﻭﺯﺓ
ﻫﺎﺟﺮ : ﺗﻲ ﻣﻌﺎﺵ ﺗﻘﻮﻟﻲ ﻋﺰﻭﺯﺓ
ﺍﻳﻤﻦ : ﻫﻬﻬﻬﻪ ﺑﺎﻩ ﺷﻦ ﺑﻨﻘﻮﻟﻚ
ﻫﺎﺟﺮ : ﻗﻮﻝ
ﺍﻳﻤﻦ : ﻗﺼﺪﻱ ﻋﺎﺩﻱ ﻧﺎﺧﺪ ﺭﻗﻢ ﺗﻠﻴﻔﻮﻧﻚ
ﻫﺎﺟﺮ ﻗﻠﺒﻬﺎ ﻳﺮﻗﺺ ﺭﻗﺺ ﺑﺲ ﺗﺪﻳﺮ ﻓﻲ ﺟﻮ ﺭﺯﻥ : ﻋﻼﺵ ﻗﺼﺪﻱ ﻓﻲ ﺣﺎﺟﺔ ؟
ﺍﻳﻤﻦ : ﺗﻜﻨﻄﻰ ﻣﻦ ﺭﺩﻫﺎ ﻭﺳﺆﺍﻟﻬﺎ ﺣﺴﻪ ﺭﻓﺾ : ﺍﻭﻛﻲ
ﻫﺎﺟﺮ ﺗﺨﺰﺭﻃﺖ ﺍﻣﺸﻲ ﻃﻠﻌﺖ ﻣﺬﻛﺮﺓ ﻭﻛﺘﺒﺖ ﻓﻲ ﻭﺭﻗﻪ ﺭﻗﻤﻬﺎ ﻭﻣﺪﺗﻬﻮﻟﻪ
ﺍﻳﻤﻦ ﺷﺎﻑ ﻟﻠﻮﺭﻗﻪ ﻭﺑﻌﺪﻳﻦ ﺷﺎﻓﻠﻬﺎ ﻭﺍﺑﺘﺴﻢ ﻛﺘﺐ ﺭﻗﻤﻬﺎ ﻭﺭﻧﻠﻬﺎ : ﺍﺳﺘﻨﻲ ﻣﻜﺎﻟﻤﺘﻲ ﺑﻌﺪﻳﻦ ﻧﺒﻲ ﻧﺘﻜﻠﻢ ﻣﻌﺎﻙ ﻓﻲ ﻣﻮﺿﻮﻉ ﻣﻬﻢ
ﻫﺎﺟﺮ : ﺍﻭﻛﻲ ﺑﺲ ﺧﻠﻴﻬﺎ ﻣﺘﺎﺧﺮ ﺷﻮﻳﺔ ﺍﻟﻌﺸﻴﻪ ﺑﻨﻤﺸﻲ ﻟﺤﻮﺵ ﻧﺴﻴﺒﺔ ﺑﻨﻘﺮﺍ ﻣﻌﺎﻫﺎ
ﺍﻳﻤﻦ : ﺑﺎﻩ ﺗﻤﺎﻡ
ﺍﻧﻲ ﻣﺨﺮﺑﺔ ﺍﻟﻠﺤﻈﺎﺕ ﻭﺍﻟﻤﻮﺍﻋﻴﺪ : ﺍﺣﻢ ﺍﺣﻢ ﺍﻧﻲ ﺟﻴﺖ
ﺍﻳﻤﻦ : ﻫﻲ ﺍﻣﺎﻻ ﺍﻧﻲ ﺍﻟﺮﺍﺟﻞ ﻳﺴﺘﻨﻰ ﻓﻴﺎ ﺩﺍﺧﻞ ﺗﺒﻲ ﻧﺮﻭﺡ ﺑﻴﻚ ﻧﻮﺳﻪ
ﻫﺎﺟﺮ : ﺍﻧﻲ ﺑﺎﺑﺎ ﺟﺎﻳﻨﻲ ﺗﻮﺍ ﺗﻮ ﻧﺤﻄﻬﺎ
ﺍﻳﻤﻦ : ﺑﺎﻩ ﺗﻤﺎﻡ ﻫﻲ ﺳﻼﻡ ﻭﻛﺎﻥ ﻣﺘﻠﺨﺒﻂ ﻭﻣﺮﺗﺒﻚ ﻭﻣﺎﻓﺎﺗﻨﻴﺶ ﺍﻟﺸﻲ ﻫﺪﺍ ﻃﺒﻌﺎ
ﺍﻧﻲ : ﺍﺣﻜﻲ ﺍﺣﻜﻲ ﺷﻦ ﺻﺎﺍﺭ ﺷﻜﻠﻚ ﻃﻴﺤﺘﻴﻪ
ﻫﺎﺟﺮ : ﻫﻬﻬﻬﻪ ﺍﺣﻢ ﺧﺪﻱ ﺭﻗﻤﻲ ﻭﻗﺎﻟﻲ ﻓﻲ ﻣﻮﺿﻮﻉ ﺑﻨﻜﻠﻤﻚ ﻓﻴﻪ
ﺍﻧﻲ : ﺭﻭﺭﻭﺭﻭﺭﻱ
ﻫﺎﺟﺮ : ﺗﻲ ﺍﺳﺲ ﻓﻀﺢ ﺑﻴﻚ ﺍﻥ ﺷﺎﺀ ﺍﻟﻠﻪ
ﺍﻧﻲ : ﻫﻬﻬﻬﻪ ﻭﻓﻲ ﻧﺺ ﺿﺤﻜﺘﻲ ﺗﻠﻔﺘﺖ ﻭﺷﻔﺖ
ﻫﻮ ﻧﻔﺲ ﺍﻟﺸﺎﺏ ﺍﻟﺼﺒﺢ ﻳﺸﺒﻪ ﻭﻟﻴﺪ ﻫﻠﺒﺎ ﺣﺘﻰ ﺣﺮﻛﺎﺗﻪ
ﻫﺎﺟﺮ ﺗﻠﻔﺘﺖ ﻭﺷﺎﻓﺎﺗﻪ : ﻧﻮﺳﺔ ﻗﺼﺪﻱ ﻫﻮ ﻳﺸﺒﻬﻪ ﻳﻌﻨﻲ ﻣﺎﺗﻘﻌﺪﻳﺶ ﻛﻞ ﻣﺎﺗﺸﻮﻓﻴﻪ ﺗﺘﻀﺎﻳﻘﻲ ﻭﻟﻴﺪ ﺍﻟﻠﻪ ﻳﺮﺣﻤﻪ
ﺍﻧﻲ ﺧﻨﻘﺘﻨﻲ ﻋﺒﺮﺗﻲ : ﻋﺎﺭﻓﻪ ﻳﺎﻫﺎﺟﺮ ﺻﻮﺭﺓ ﺍﻟﺒﻴﺒﻲ ﻣﺎﻓﺎﺭﻗﺘﺶ ﻋﻴﻮﻧﻲ ﻳﺸﺒﻪ ﻟﻮﻟﻴﺪ ﻫﻠﺒﺎ ﻭﺧﺎﺻﻪ ﻋﻴﻮﻧﻪ ﺯﻱ ﻋﻴﻮﻥ ﻭﻟﻴﺪ
ﻫﺎﺟﺮ : ﻟﻮ ﻛﺎﻥ ﻭﻟﺪﻩ ﺍﻛﻴﺪ ﻳﺸﺒﻬﻠﻪ
ﺍﻧﻲ ﻓﻜﺮﺓ ﺍﻧﻪ ﻭﻟﺪﻩ ﺗﺨﻠﻲ ﺩﻣﻮﻋﻲ ﻳﻨﺰﻟﻮ ﺑﺮﻭﺣﻬﻬﻢ ﺑﺲ ﺣﺎﻭﻟﺖ ﻧﺸﺪ ﺭﻭﺣﻲ ﻭﺍﻛﺘﻔﻴﺖ ﺍﻧﻲ ﻧﺰﻟﺖ ﺭﺍﺳﻲ
ﻫﺎﺟﺮ : ﻫﻲ ﺑﺎﺑﺎ ﻳﺮﻥ ﺧﻠﻲ ﻧﻄﻠﻌﻮ
ﺭﻭﺣﺖ ﻟﻠﺤﻮﺵ ﺭﻗﺪﺕ ﻭﺑﻌﺪﻫﺎ ﺟﺘﻨﻲ ﻫﺎﺟﺮ ﻭﻗﻌﺪﻧﺎ ﻧﻘﺮﻭ ﻟﺼﻼﺓ ﺍﻟﻤﻐﺮﺏ ﺑﻌﺪﻫﺎ ﻃﻠﻌﻨﺎ ﻣﻦ ﺩﺍﺭﻧﺎ ﻧﺰﻟﻨﺎ ﻟﻠﺼﺎﻟﺔ ﻟﻮﻃﺔ ﻭﺩﺭﻧﺎ ﻧﺴﻜﺎﻓﻴﻪ ﻭﻗﻌﻤﺰﻧﺎ ﻭﺑﻌﺪﻫﺎ ﻗﻌﻤﺰﺕ ﻧﻮﺍﻝ ﻭﻗﻌﺪﻧﺎ ﻧﻬﺪﺭﺯﻭ ﻭﺷﻮﻱ ﺍﻟﺒﺎﺏ ﺷﺮﻳﻦ ﻧﻮﺍﻝ ﺭﺩﺕ ﺍﻟﻘﺎﺗﻪ ﺍﻳﻤﻦ ﻋﻤﺮﻩ ﻃﻮﻳﻞ ﻃﺒﻌﺎ ﻻﻥ ﻧﻮﺍﻝ ﻭﻫﺎﺟﺮ ﻛﺎﻧﻮ ﻳﺘﻔﻘﻮ ﻋﻠﻲ ﺧﻄﺔ ﻟﻮ ﺟﻲ ﺑﻴﺪﻳﺮﻭﻫﺎ ﺗﻮ ﺗﻌﺮﻓﻮﻫﺎ ﺧﺶ ﺍﻳﻤﻦ ﻭﻫﺎﺟﺮ ﻟﺒﺴﺖ ﻭﺷﺎﺣﻬﺎ ﻭﻟﻘﺎﻧﺎ ﻓﻲ ﺍﻟﺼﺎﻟﻪ : ﺍﻟﺴﻼﻡ ﻋﻠﻴﻜﻢ ﺍﻭﻭﻭﻩ ﻋﺰﻭﺯﺓ ﺍﻫﻨﻲ ( ﻋﻠﻲ ﺍﺳﺎﺱ ﺟﺎﻱ ﺻﺪﻓﻪ ﻣﺎﻳﻨﺪﺭﻳﺶ ﻋﻠﻴﺎ ﺍﻧﻲ ﻳﺤﺴﺎﺑﻬﺎ ﺑﺘﻤﺸﻲ ﺗﻲ ﺑﻠﻌﻮﻁ ﺧﻮﻭﻳﺎ )
ﻧﺤﻨﺎ : ﻭﻋﻠﻴﻜﻢ ﺍﻟﺴﻼﻡ
ﻧﻮﺍﻝ : ﺍﻳﻪ ﻫﺠﻮﺭﺓ ﻣﻨﻮﺭﺗﻨﺎ ﺍﻟﻴﻮﻡ ﻟﻴﻬﺎ ﻓﺘﺮﺓ ﻣﺎﺟﺘﻨﺎﺵ ﺗﻮﻭﺗﻲ ﻟﺨﻄﺒﺘﻬﺎ
ﺍﻳﻤﻦ ﺍﻧﺨﻄﺒﺘﻲ ؟
ﻫﺎﺟﺮ : ﻻ ﻣﺶ ﺭﺳﻤﻲ ﻫﻮ ﺗﻘﺪﻡ ﺑﺲ ﻭﻛﻠﻢ ﺑﺎﺑﺎ ﻗﺼﺪﻱ ﻗﺮﻳﺒﻨﺎ ﻭﻗﺎﻋﺪﻳﻦ ﻣﺎﺭﺩﻳﻨﺎﺵ
ﻧﻮﺍﻝ : ﺑﺲ ﺣﺴﺐ ﺍﻟﻤﻮﺍﺻﻔﺎﺕ ﺍﻟﻲ ﻗﻠﺘﻴﻬﺎ ﻣﺎﻳﺮﺗﺪﺵ ﺑﺼﺮﺍﺣﺔ ﺭﺟﻞ ﺍﻋﻤﺎﻝ ﻭﻭﺳﻴﻢ ﻭﺷﺨﺼﻴﻪ ﻗﻮﻳﺔ ﻭﺣﻮﺵ ﻭﻋﻨﺪﻩ ﺷﻦ ﺗﺒﻲ ﺗﺎﻧﻲ
ﺍﻧﻲ ﻃﺒﻌﺎ ﻧﺸﺮﺏ ﻓﻲ ﻧﺴﻜﺎﻓﻲ ﻭﻧﺘﻔﺮﺝ ﻋﻠﻴﻬﻢ ﻭﺧﻼﺹ ﺍﺻﻼ ﻣﺘﻀﺎﻳﻘﻪ ﻧﺤﺲ ﻓﻲ ﺭﻭﺣﻲ ﻭﻛﻞ ﺷﻮﻱ ﻧﺸﻮﻑ ﻟﺨﺎﺗﻢ ﻭﻟﻴﺪ
ﻭﻧﻮﺍﻝ ﻭﻫﺎﺟﺮ ﻳﻨﻔﺬﻭ ﻓﻲ ﺧﻄﺘﻬﻢ ﻭﺷﺎﺩﻳﻦ ﺿﺤﻜﺘﻬﻢ ﺑﺎﻟﺴﻴﻒ
ﺍﻳﻤﻦ : ﺑﺎﻩ ﺍﻟﻒ ﻣﺒﺮﻭﻙ ﻭﻟﻒ ﺧﺒﻂ ﺑﺎﺏ ﺍﻟﺼﺎﻟﻮﻥ ﺑﺮﺟﻠﻪ ﻭﺑﻌﺪﻫﺎ ﻃﻠﻊ ﻭﺧﺒﻂ ﺑﺎﺏ ﺍﻟﺤﻮﺵ ﺑﺎﺍﻗﻮﻯ ﻗﻮﺗﻪ ﻭﺑﻌﺪﻫﺎ ﺍﻟﺒﺎﺏ ﺍﻟﺨﺎﺭﺟﻲ ﺑﻘﻮﺓ ﻣﺎﺗﻘﻠﺶ ﻋﻠﻲ ﺧﺒﻄﺔ ﺍﻟﺒﺎﺏ ﺍﻟﺪﺍﺧﻠﻲ
ﻫﺎﺟﺮ : ﻫﻬﻬﻬﻬﻬﻬﻬﻬﻬﻬﻬﻬﻪ
ﻧﻮﺍﻝ :
ﺍﻧﻲ : ﺣﻲ ﻋﻠﻴﻜﻢ
ﻫﺎﺟﺮ : ﺷﻜﻠﻪ ﻳﺒﻴﻨﻲ ﻭﺍﻻ ﺑﺠﺪﻳﺎﺕ ﺍﻧﺘﻮ ﺷﻦ ﺗﺴﺘﻨﺘﺠﻮ ﻣﻦ ﺣﺮﻛﺘﻪ ﻫﻬﻬﻬﻬﻪ
ﻧﻮﺍﻝ : ﺍﻧﻲ ﻧﺴﺘﻨﺘﺞ ﺍﻧﻲ ﻣﺎﻧﻌﺮﻓﻜﺶ ﻭﻭﺭﻃﺘﻨﻲ ﻣﻌﺎﻙ ﺗﻲ ﺍﻧﻲ ﺷﻦ ﺧﻼﻧﻲ ﻧﺘﻜﻠﻢ
ﻫﺎﺟﺮ : ﺗﻲ ﺧﻴﺮﻛﻢ ﻗﺼﺪﻱ ﻟﻮ ﻣﺎﻛﺎﻧﺶ ﻳﻔﻜﺮ ﻓﻴﺎ ﺭﺍﻫﻮ ﻣﺎﺩﺍﺭﺵ ﻫﻜﻲ ﻭﻭﺍﺿﺢ ﺍﻧﻪ ﺗﻜﻨﻄﻰ ﺍﻧﻲ ﻧﺨﻄﺒﺖ
ﻧﺮﺟﺲ ﻭﻧﻮﺭﺱ ﺟﻮﻭ ﻳﺠﺮﻭﻭ : ﺷﻦ ﻓﻲ
ﻧﻮﺭﺱ : ﺗﻬﻴﺄﻟﻲ ﺳﻤﻌﺖ ﺻﻮﺕ ﺍﻳﻤﻦ ﻭﺑﻌﺪﻫﺎ ﺧﺒﻄﺔ ﺍﻟﺒﺎﺏ ﺷﻦ ﻓﻴﻲ
ﻧﺮﺟﺲ : ﺷﻦ ﺻﺎﺍﺭ
ﻧﻮﺍﻝ ﻛﺎﻧﺖ ﻃﺒﻌﺎ ﻭﺟﻬﻬﺎ ﻣﺎﻳﺘﻔﺴﺮﺵ ﻭﺧﺎﻳﻔﻪ ﻭﺗﻬﺰﺏ ﻓﻲ ﻫﺎﺟﺮ : ﺗﻲ ﻛﻠﻪ ﻣﻦ ﺍﻟﺤﻤﺎﺭﺓ ﻫﺎﺩﻱ ﻫﻲ ﻧﺪﻳﺮﻭﻭ ﺧﻄﺔ ﻭﺍﻧﻲ ﺍﻟﻌﺒﻴﻄﺔ ﺍﻟﻲ ﻧﺴﻤﻊ ﻓﻲ ﻛﻼﻣﻲ ﺗﻲ ﻳﻌﻄﻴﻨﻲ ﻗﺼﻪ ﺍﻧﻲ ﺷﻦ ﺩﺧﻠﻨﻲ ﻓﻴﻚ ﻳﺒﻴﻚ ﻭﺍﻻ ﻣﺎﻳﺒﻴﻜﺶ ﺣﻲ ﻋﻠﻴﺎ ﺣﻲ
ﻧﻮﺭﺱ : ﺍﻥ ﺷﺎﺀ ﺍﻟﻠﻪ ﺗﻠﻌﺒﻮ ﻋﻠﻲ ﺍﻳﻤﻦ ﻭﺗﺨﻄﻄﻮ ﻭﻫﻮ ﺗﻌﻔﻠﻖ
ﻧﺮﺟﺲ : ﺣﻲ ﻋﻠﻴﻚ ﻳﺎﻧﻮﺍﻝ ﻭﺍﻧﺘﻲ ﻧﺴﻴﺒﺔ ﺣﺘﻰ ﺍﻧﺘﻲ ﻣﻌﺎﻫﻢ
ﺍﻧﻲ : ﻻﻻ ﻣﺎﺗﻜﻠﻤﺘﺶ ﻫﻤﺎ ﻳﺨﻄﻄﻮ ﻭﻫﺎﺩﻳﻜﺎ ﻧﻮﺍﻝ ﺗﺴﺘﺎﻫﻞ ﺗﻮ ﺗﺘﺤﻤﻞ ﻣﺎﻳﺠﻴﻬﺎ ﻣﻦ ﻗﺎﻟﻠﻬﺎ ﺗﺘﻜﻠﻢ
ﻫﺎﺟﺮ : ﺗﻲ ﺧﻴﺮﻛﻢ ﻗﺼﺪﻱ ﻫﻲ ﻋﺎﺩﻳﺔ ﻗﻌﺪﺕ ﺗﻘﻮﻟﻲ ﺍﻧﺨﻄﺒﺘﻲ ﻭﻫﻜﻲ ﻭﻧﺪﻭﻱ ﻋﻠﻲ ﻭﻟﺪ ﻋﻢ ﺑﺎﺑﺎ ﺍﻟﻲ ﺧﻄﺒﻨﻲ ﻭﻫﻮ ﺷﻜﻠﻪ ﻳﺒﻴﻨﻲ ﻗﻌﺪ ﻳﺨﺒﻂ ﻭﺗﻌﻔﻠﻖ ﻭﺑﻌﺪﻳﻦ ﻳﺎﻧﻮﺍﻝ ﺍﻧﺘﻲ ﻭﺍﻓﻘﺘﻲ ﻣﻦ ﺍﻻﻭﻝ ﻭﻗﻠﺘﻲ ﻋﺎﺩﻱ ﻭﺟﻮ ﻋﻼﺵ ﺗﻮﺍ ﺍﻟﺠﻮ ﻫﺪﺍ
ﻧﺮﺟﺲ : ﻫﻲ ﻣﺎﺗﻌﺮﻓﺶ ﺍﻳﻤﻦ ﻭﺍﻻ ؟ ﻭﺟﻬﺖ ﺍﻟﺴﺆﺍﻝ ﻟﻴﺎ ﺍﻧﻲ
ﺍﻧﻲ ﻫﺰﻳﺖ ﺭﺍﺳﻲ ﺑﻤﻌﻨﻰ ﻻ
ﻧﻮﺭﺱ : ﺍﻫﺎﺍ ﺍﻧﺘﻲ ﻣﺎﺗﻌﺮﻓﻴﺶ ﺟﻨﻮﻥ ﺍﻳﻤﻦ ﻟﻤﺎ ﻳﺘﻌﻔﻠﻖ ﺍﻛﻴﺪ
ﻫﺎﺟﺮ : ﻛﻴﻒ ﻳﻌﻨﻲ
ﻧﺮﺟﺲ : ﻳﻌﻨﻲ ﺍﺻﻼ ﻫﻮ ﻏﺮﻳﺒﺔ ﻣﺎﻋﺠﻨﻜﻤﺶ ﺍﻟﺰﻭﺯ ﻭﺍﻛﺘﻔﻲ ﺑﺎﻟﺘﺨﺒﻴﻂ ﺑﺲ ﻭﺗﻮﻗﻌﻲ ﻟﻮ ﺣﻖ ﻳﺒﻴﻚ ﺍﻟﻲ ﺟﻲ ﺧﻄﺒﻚ ﺗﺮﻭﺣﻲ ﺍﻟﻴﻮﻡ ﺗﺴﻤﻌﻲ ﺍﻧﻪ ﺍﻏﺘﺎﻟﻮﻩ
ﻫﺎﺟﺮ : ﺷﻨﻮﻭ
ﻧﻮﺍﻝ : ﺣﻲ ﻋﻠﻴﺎ ﺍﻧﻲ ﺑﻨﺮﻛﺐ ﺑﻨﺮﻗﺪﺩ ﺟﻲ ﺍﻳﻤﻦ ﻣﺮﺓ ﺗﺎﻧﻴﺔ ﻗﻮﻟﻮﻟﻪ ﺭﺍﻗﺪﻩ ﻭﻣﺎﻧﻌﺮﻓﺶ ﻻﻣﻦ ﺗﺰﻭﺝ ﻻﻣﻦ ﺧﻄﺐ ﻭﺭﻛﺒﺖ
ﻫﺎﺟﺮ : ﻗﺼﺪﻱ ﻣﺶ ﻟﻬﺎﻟﺪﺭﺟﺔ ﻳﻌﻨﻲ ﺍﻧﻲ ﺍﺩﻭﻳﺖ ﻋﻠﻲ ﺣﺪ ﺧﻄﺒﻨﻲ ﻟﻴﺶ ﻧﻮﺍﻝ ﺗﺨﺎﻑ ﺷﻦ ﺑﻴﺪﻳﺮﻟﻬﺎ
ﻧﺮﺟﺲ : ﺍﻳﻤﻦ ﻟﻤﺎ ﻳﺘﻌﻔﻠﻖ ﻣﻌﺎﺵ ﻳﻌﺮﻑ ﻭﺑﻤﺎ ﺍﻥ ﻧﻮﺍﻝ ﻫﻲ ﺍﻟﻲ ﺗﻜﻠﻤﺖ ﻓﺎﺍﻛﻴﺪ ﺣﻴﺪﻳﺮﻟﻬﺎ ﺍﺳﺘﺠﻮﺍﺏ ﺣﺘﻰ ﻧﺴﻴﺒﺔ ﻟﻜﻦ ﻧﺴﻴﺒﺔ ﻋﻼﻗﺘﻬﺎ ﺑﺎﺍﻳﻤﻦ ﻗﻮﻳﺔ ﻳﻌﻨﻲ ﺗﻘﺪﺭ ﺗﻄﻠﻊ ﻣﻨﻬﺎ ﻭﺍﻳﻤﻦ ﻣﺎﻳﺘﻌﻔﻠﻘﺶ ﻣﻨﻬﺎ
ﻫﺎﺟﺮ : ﺣﻲ ﻋﻠﻴﺎ ﻗﺼﺪﻱ ﺑﺎﻟﻚ ﺗﺒﺎﻟﻐﻮ ﺍﻧﺘﻮ ﺍﺣﻨﻲ ﻣﺎﻗﻠﻨﺎ ﺷﻲ ﺧﻄﻴﺮ ﻟﻬﺎﻟﺪﺭﺟﺔ
ﺍﻧﻲ : ﺍﻥ ﺷﺎﺀ ﺍﻟﻠﻪ ﺗﻤﺸﻲ ﻋﻠﻲ ﺧﻴﺮﺑﺲ
ﻫﺎﺟﺮ ﻗﻌﺪﺕ ﺧﺎﻳﻔﻪ ﻭﺭﻭﺣﺖ ﻭﻗﻌﺪﺕ ﺗﺮﺍﺟﻲ ﺑﺲ ﺍﻳﻤﻦ ﻣﺎﺍﺗﺼﻠﺶ ﻭﻫﻲ ﻣﺎﺣﺎﻭﻟﺘﺶ ﺗﺘﺼﻞ ﺑﻌﺪ ﻟﻤﺎ ﺷﺎﻓﺖ ﺧﻮﺍﺗﻲ ﺧﺎﻳﻔﺎﺕ ﻭﻗﻌﺪﺕ ﻣﺘﺨﺰﺭﻃﺔ ﻃﻮﻝ ﺍﻟﻮﻗﺖ ﻭﺍﻳﻤﻦ ﺗﻮﻗﻌﻨﺎﻩ ﻳﺠﻴﻨﺎ ﻭﻳﻘﻌﺪ ﻳﺴﺎﻝ ﺑﺲ ﻣﺎﺟﺎﺵ ﻭﺧﺸﻴﻨﺎ ﻛﻞ ﻭﺣﺪﺓ ﻟﺪﺍﺭﻫﺎ ﺭﻗﺪﻧﺎ ﺑﻌﺪ ﻣﺎﻛﻞ ﻭﺣﺪﺓ ﻓﻜﺮﺕ ﻟﻴﻦ ﺩﺍﺧﺖ
،،،،،،،،
ﺍﻣﺎ ﻋﻨﺪ ﻣﺤﻤﻮﺩ ﻓﺎﺍﺗﺼﻞ ﺑﺼﺪﻳﻘﻪ ﻟﻴﻪ ﺍﺳﻤﻬﺎ ﺍﻣﻞ ﺍﻛﺒﺮ ﻣﻨﻪ ﺑﺴﻨﺘﻴﻦ ﺻﺪﻳﻘﺘﻪ ﻣﻦ ﺍﻳﺎﻡ ﺍﻟﺠﺎﻣﻌﻪ ﻭﺩﺍﺭ ﺍﻟﺤﻮﺍﺭ
ﺍﻣﻞ : ﺍﻫﻼ ﺍﻫﻼ ﻋﺎﺵ ﻣﻦ ﺳﻤﻊ ﺻﻮﺗﻚ
ﻣﺤﻤﻮﺩ : ﺍﻫﻠﻴﻦ ﺷﻦ ﺍﻟﺠﻮ
ﺍﻣﻞ : ﺗﻤﺎﻡ ﺍﻟﺤﻤﺪ ﻟﻠﻪ ﺷﻦ ﺟﻮﻙ ﺍﻧﺖ
ﻣﺤﻤﻮﺩ : ﻣﺎﺷﻴﺔ
ﺍﻣﻞ : ﺷﻦ ﺻﺎﻳﺮ ﺻﻮﺗﻚ ﻣﺎﻃﻤﻨﺶ
ﻣﺤﻤﻮﺩ : ﻭﺍﻟﻠﻪ ﻣﺎﻓﻲ ﺷﻲ ﻏﻴﺮ ﺍﻧﻲ ﻓﻲ ﻣﻮﺿﻮﻉ ﻣﻀﺎﻳﻘﻨﻲ ﻭﺷﺎﻏﻠﻲ ﺑﺎﻟﻲ
ﺍﻣﻞ : ﺍﺣﻜﻲ
ﻣﺤﻤﻮﺩ : ﺍﻧﺘﻲ ﻋﺎﺭﻓﻪ ﺍﻟﻲ ﺻﺎﺭ ﻟﺨﻮﻱ
ﺍﻣﻞ : ﺍﻳﻪ ﺑﺎﻩ
ﻣﺤﻤﻮﺩ : ﻳﻮﻡ ﺍﻟﻲ ﺗﻘﻨﺺ ﺍﻟﺸﺨﺺ ﺍﻟﻲ ﻗﻨﺼﻪ ﺧﻨﺐ ﺳﻴﺎﺭﺗﻪ ﻭﺍﻟﺴﻴﺎﺭﺓ ﻛﺎﻥ ﻓﻴﻬﺎ ﺗﻠﻴﻔﻮﻥ
ﺍﻣﻞ : ﺍﻫﺎ ﺗﻤﺎﻡ
ﻣﺤﻤﻮﺩ : ﻣﻦ ﺷﻬﺮ ﻓﺎﺕ ﺍﻟﺸﻔﺮﺓ ﻣﻔﺘﻮﺣﺔ ﻭﺍﺗﺼﻠﺖ ﺑﻨﺖ ﺑﺎﻟﺸﻔﺮﺓ ﺳﺎﻻﺗﻪ ﻋﻦ ﻭﻟﻴﺪ ﻗﺎﻟﻠﻬﺎ ﻭﻟﻴﺪ ﻣﺎﺕ
ﺍﻣﻞ : ﺑﻪ
ﻣﺤﻤﻮﺩ : ﺍﺗﺼﻠﺖ ﺑﻴﻪ ﺍﻧﻲ ﻭﻟﻤﺎ ﺟﺒﺘﻠﻪ ﺳﻴﺮﺓ ﻭﻟﻴﺪ ﺗﻠﺨﺒﻂ ﺍﻣﺒﻜﺮﻱ ﺯﺩﺕ ﺟﺮﺑﺖ ﺍﻟﺮﻗﻢ ﺷﺮﻳﻦ ﻧﺒﻲ ﻧﺠﻴﺐ ﺻﺎﺍﺣﺐ ﺍﻟﺮﻗﻢ ﻧﺒﻲ ﻧﻌﺮﻑ ﻫﻮ ﺍﻟﻲ ﻗﻨﺺ ﻭﻟﻴﺪ ﻭﺍﻻ ﻻ ﻧﺒﻲ ﻧﻌﺮﻑ ﻭﻣﺎﻗﺪﺭﺗﺶ ﻧﺠﻴﻴﺒﻪ ﺍﻟﺸﻔﺮﺓ ﻗﺎﻋﺪﻩ ﺑﺎﺳﻢ ﻭﻟﻴﺪ ﺍﺍﺍﻩ ﺗﻨﻬﺪ ﺗﻨﻬﻴﺪﺓ ﻋﻤﻴﻴﻘﻪ
ﺍﻣﻞ : ﻋﻄﻴﻨﻲ ﺍﻟﺮﻗﻢ
ﻣﺤﻤﻮﺩ : ﻟﻴﻴﺶ ﺷﻦ ﺑﺘﺪﻳﺮﻱ ﺑﻴﻪ
ﺍﻣﻞ : ﺍﻧﺖ ﻣﺶ ﺗﺒﻲ ﺗﺠﻴﺐ ﺻﺎﺣﺐ ﺍﻟﺮﻗﻢ ﻫﺎﺕ ﺗﻮ ﻧﺠﻴﺒﻬﻮﻭﻟﻚ
ﻣﺤﻤﻮﺩ : ﻭﻛﻴﻴﻴﻒ ﻳﺎﻛﻮﻧﺎﻥ ﺑﺘﺠﻴﺒﻴﻪ
ﺍﻣﻞ : ﻫﺎﺕ ﻭﻣﺎﺗﺴﺎﻟﺶ
ﻣﺤﻤﻮﺩ : ﺑﺲ ﺍﻟﻤﻮﺿﻮﻉ ﻣﺶ ﺣﻴﻀﺮﻙ ﺍﻛﻴﺪ ؟
ﺍﻣﻞ : ﻻﺍﺑﺪﺍ ﻣﺶ ﺣﻴﻮﺻﻠﻲ
ﻣﺤﻤﻮﺩ : ﺗﻮ ﻧﺒﻌﺘﻬﻮﻟﻚ ﻓﻲ ﺭﺳﺎﻟﺔ
ﺍﻣﻞ : ﺗﻤﺎﻡ ﻧﺮﺍﺟﻲ ﻓﻴﻪ ﻭﻗﺒﻞ ﺍﺳﺒﻮﻋﻴﻦ ﻳﻜﻮﻥ ﻋﻨﺪﻙ ﻣﻌﻠﻮﻣﺎﺗﻪ
ﻣﺤﻤﻮﺩ : ﺍﻣﻞ ﻣﺶ ﻋﺎﺭﻑ ﺷﻦ ﻧﻘﻮﻟﻚ ﺑﺠﺪﻳﺎﺕ ﺷﻜﺮﺍﺍ
ﺍﻣﻞ : ﻣﺶ ﺑﻴﻨﺎﺗﻨﺎ ﻳﺎﺍﻫﺒﻞ ﺍﻧﺖ ﻛﻴﻒ ﺧﻮﻱ
ﻭﻓﻌﻼ ﺧﻼﻝ ﺍﺳﺒﻮﻉ ﻧﺴﻘﺖ ﺍﻣﻞ ﻣﻊ ﺍﻟﺸﺨﺺ ﻣﻮﻋﺪ ﺑﺲ ﻓﻲ ﻫﺎﻟﻤﻮﻋﺪ ﻣﺎﺍﻣﺸﺘﺶ ﻫﻲ ﻋﻄﺖ ﻟﻤﺤﻤﻮﺩ ﺍﻟﻤﻮﺍﺻﻔﺎﺕ ﻭﺍﻟﻤﻜﺎﻥ ﻭﺻﻮﺭﺓ ﻟﻠﺸﺨﺺ ﻭﻣﺤﻤﻮﺩ ﻟﻢ ﺍﻟﻤﺎﻓﻴﺎ ﺑﺘﺎﻋﻪ ﻭﻭﺗﺎﻧﻲ ﻳﻮﻡ ﺑﻴﻤﺸﻮ
،،،،،،
ﺑﺎﻟﻨﺴﺒﺔ ﻻﺍﻳﻤﻦ ﺳﺎﻓﺮ ﺗﺎﻟﺖ ﻳﻮﻭﻡ ﻭﻣﺎﻛﻠﻤﺶ ﻫﺎﺟﺮ ﻭﻟﻤﺎ ﻳﻜﻠﻤﻨﻲ ﻣﺎﻳﺠﻴﺒﺶ ﻓﻲ ﺳﻴﺮﺗﻬﺎ ﺍﻧﻲ ﻭﻫﺎﺟﺮ ﻗﺎﻋﺪﻳﻦ ﻧﻤﺘﺤﻨﻮ ﻣﺰﺍﻟﻠﻨﺎ ﻣﺎﺩﺗﻴﻦ ﻧﺮﺟﺲ ﻭﻧﻮﺍﻝ ﺑﺪﻭ ﺍﻣﺘﺤﺎﻧﺎﺗﻬﻢ ﺍﻟﻨﻬﺎﻳﺔ
ﺗﺎﻧﻲ ﻳﻮﻡ ﺍﻣﺸﻲ ﺍﻣﺘﺤﺎﻧﻨﺎ ﻋﺎﺩﻱ ﻭﻣﺮ ﻳﻮﻡ ﺭﻛﻴﻚ ﺟﺪﺍ
،،،،،
ﻣﺤﻤﻮﺩ ﺍﻣﺸﻲ ﻟﻠﻤﻜﺎﻥ ﺍﻟﻲ ﺩﺍﻳﺮﻳﻦ ﻓﻴﻪ ﺍﻟﻤﻮﻋﺪ ﻭﻳﺪﻭﺭ ﻓﻲ ﺍﻟﺸﺨﺺ ﻭﺷﺎﺩ ﺗﻠﻴﻔﻮﻧﻪ ﻭﻓﺎﺗﺢ ﻋﻠﻲ ﺍﻟﺼﻮﺭﺓ ﻟﺤﺪ ﻣﺎﻟﻘﺎﻩ ﺍﻣﺸﻮﻟﻪ ﻳﺠﺮﻭ ﻛﺘﻔﻮﻭﻩ ﻭﺭﻛﺒﻮﻩ ﻟﻠﺴﻴﺎﺭﺓ ﻭﺭﻓﻌﻮﻩ ﻟﺤﻮﺵ ﺻﺎﺣﺒﻬﻢ ﺭﺑﻄﻮﻩ ﻓﻲ ﻋﺮﺻﻪ
ﻣﺤﻤﻮﺩ : ﻣﻦ ﻭﻳﻦ ﺗﻌﺮﻑ ﻭﻟﻴﺪ ﻣﺨﺘﺎﺍﺭ ﻳﺎﺣﻤﺰﺯﺓ
ﺣﻤﺰﺓ : ﻣﺎﻧﻌﺮﻓﺎﺍﺷﻲ ﻭﺍﻧﺘﻮ ﻣﻨﻮ ﺷﻨﻮ ﺗﺒﻮ ﻣﻨﻲ
ﻣﺤﻤﻮﺩ : ﻗﻠﺖ ﻣﻨﻮﻳﻦ ﺗﻌﺮﻑ ﻭﻭﻭﻟﻴﺪ ﻭﻟﻴﺶ ﺭﻗﻤﻪ ﻋﻨﺪﻙ
ﺣﻤﺰﺓ : ﻗﻠﺖ ﻣﺎﻧﻌﺮﻓﺎﺍﺷﻲ ﻭﺍﺣﺪ ﻣﺎﺕ ﺍﻧﻲ ﺷﻦ ﻋﺮﻓﻨﻲ ﻓﻴﻪ
ﻣﺤﻤﻮﺩ : ﻛﻴﻒ ﻋﺮﻓﺖ ﺍﻧﻪ ﻣﺎﺕ
ﺣﻤﺰﺓ : ﺍﻧﻀﺮﺏ ﺑﺮﺻﺎﺹ ﺍﻛﻴﺪ ﻣﺎﺕ
ﻣﺤﻤﻮﺩ : ﻛﻴﻒ ﻋﺮﻓﺖ ﺍﻧﻪ ﺍﻧﻀﺮﺏ ﺑﺮﺻﺎﺹ
ﺣﻤﺰﺓ : ﻣﺎﺍﻧﻌﺮﻓﺶ ﺍﻟﻨﺎﺱ ﻳﺤﻜﻮﻭ
ﻣﺤﻤﻮﺩ ﺿﺮﺑﻪ ﺑﻘﺒﻀﺘﻪ ﻋﻠﻲ ﻭﺟﻬﻪ : ﺗﻜﻠﻤﻤﻤﻢ
ﺣﻤﺰﺓ : ﺍﺍﺍﺍﻩ ﻫﻮﻭ ﻗﻌﺪ ﻳﻘﻨﺺ ﻋﻠﻴﻨﺎ ﺷﻦ ﺗﺒﻴﻨﻲ ﻧﺪﻳﺮﺭ ﻗﻨﺼﺘﻪ ﻗﺮﺑﺖ ﻣﻨﻪ ﺍﻟﻘﻴﺘﻪ ﻣﺎﻳﺘﺤﺮﻛﺶ ﻋﺮﻓﺖ ﺍﻧﻪ ﻣﺎﺕ ﺧﺪﻳﺖ ﺳﻴﺎﺭﺗﻪ ﻭﻫﺮﺑﺖ ﺑﻴﻬﺎ ﻭﻛﺎﻥ ﻓﻴﻬﺎ ﺍﻟﺘﻠﻴﻔﻮﻥ ﻓﺨﺪﻳﺘﻪ
ﻣﺤﻤﻮﺩ : ﻳﻌﻨﻲ ﺍﻧﺖ ﺗﻌﺘﺮﻑ ﺍﻧﻚ ﺍﻧﺖ ﺍﻟﻲ ﻗﻨﺼﺘﻪ ﻭﻃﺎﺍﺍﺡ ﻓﻲ ﺿﺮﺏ ﻭﺍﻟﻮﻻﺩ ﻳﺸﺪﻭﻭ ﻓﻴﻪ
ﺣﻤﺰﺓ : ﻫﻮﻭ ﻳﺘﺤﺪﻯ ﻓﻴﻨﺎ ﻭﻳﻘﻨﻨﺺ
ﻣﺤﻤﻮﺩ : ﺗﻲ ﺍﺳﻜﺘﺘﺖ ﻳﺎﺍﺣﻘﻴﺮﺭﺭ ﻳﺎﺍﻧﺬﻝ ﻭﺍﻟﻠﻪ ﻣﺎﺍﻣﺨﻠﻴﻚ ﻋﺎﺍﺍﻳﺶ ﺩﻗﻴﻘﻪ ﻭﻃﺎﺍﺡ ﻓﻴﻪ ﺿﺮﺏ ﺗﺎﻧﻲ ﻭﻳﺨﺒﻂ ﻓﻴﻪ ﻓﻲ ﺍﻟﻌﺮﺻﻪ
ﺍﻻﻭﻻﺩ ﻗﺪﺭﻭ ﻳﻔﻜﻮ ﻣﺤﻤﻮﺩ ﻭﻳﻄﻠﻌﻮ ﻳﺒﻌﺪﻭﻩ ﻋﻠﻴﻪ ﻭﺣﻤﺰﺓ ﻗﻌﺪﻭﻭ ﺭﺍﺑﻄﻴﻨﻪ ﻭﻭﺟﻬﻪ ﻛﻠﻪ ﺩﻡ ﻣﻦ ﻛﺜﺮ ﺍﻟﻀﺮﺏ ﺑﻌﺪ ﻣﺎﺍﻫﺪﻱ ﻣﺤﻤﻮﺩ ﺍﺗﺼﻞ : ﺍﻟﻮ
ﻫﻮ : ﺍﻳﻮﻭﻩ ﻣﺤﻤﻮﺩ
ﻣﺤﻤﻮﺩ ........
# ﻳﺘﺒﻊ
