منقولة
الحلقةة[31]
من ﺭﻭﺍﻳﺔ - - ->" #ﺳﻨــﺪ_ﺍﻷﻧﺜــﻰ_ﺭﺟــﻞ "
ﻭﻗﻌﻤﺰ ﺟﻨﺒﻲ ﻭﻟﻴﺪ ﻭﻗﻌﺪﻧﺎ ﻧﺮﺍﺟﻮ ﻓﻲ ﺩﻭﺭﻱ ﻟﺤﺪ ﻣﺎﻧﺎﺩﺕ ﺍﻟﻤﻤﺮﺿﺔ ﻋﻠﻴﺎ
ﻭﻗﻔﺖ ﻭﻭﻗﻒ ﻣﻌﺎﻱ ﻭﻟﻴﺪ ﻭﺷﺪ ﻳﺪﻱ ، ﺧﺸﻴﻨﺎ ﻋﻨﺪ ﺍﻟﺪﻛﺘﻮﺭﺓ
ﺍﻟﺪﻛﺘﻮﺭﺓ ﺗﺒﺘﺴﻢ : ﺗﻔﻀﻠﻮ ﻗﻌﻤﺰﻭ ، ﻛﻴﻒ ﺣﺎﻟﻚ ﺍﻟﻴﻮﻡ
ﺍﻧﻲ : ﺍﻟﺤﻤﺪ ﻟﻠﻪ ﺗﻤﺎﻡ ﻣﺸﻜﻮﺭﺓ
ﺍﻟﺪﻛﺘﻮﺭﺓ : ﺷﻮﻓﻲ ﺍﻧﻲ ﻃﻠﺒﺘﻚ ﺍﻟﻴﻮﻡ ﻧﺒﻲ ﻧﺪﻳﺮ ﻓﻲ ﻓﺤﻮﺻﺎﺕ ﺍﻛﺜﺮ ﻭﻧﺒﻲ ﻧﺘﺎﻛﺪ ﻣﻦ ﺷﻲ
ﺍﻧﻲ : ﺷﻲ ﺷﻨﻮ ؟ ﻓﻲ ﺣﺎﺟﺔ ؟
ﺍﻟﺪﻛﺘﻮﺭﺓ : ﺍﻳﻪ ﺑﺲ ﻣﺎﺗﺨﺎﻓﻴﺶ ﻛﻞ ﺷﻲ ﻟﻴﻪ ﻋﻼﺝ ﻭﺍﻟﻲ ﻓﻴﻚ ﻣﺎﻫﻮﺵ ﺧﻄﻴﺮ
ﺍﻧﻲ ﺑﺨﻮﻑ : ﺷﻦ ﻓﻲ ؟
ﺍﻟﺪﻛﺘﻮﺭﺓ : ﻋﻨﺪﻙ ﻛﻴﺲ ﻋﻠﻲ ﺍﻟﻤﺒﻴﺾ ﻻﺯﻡ ﻳﺘﺤﻮﻝ ، ﺍﻧﻲ ﺗﻮﺍ ﺑﻨﺰﻳﺪ ﻧﺪﻳﺮﻟﻚ ﺍﻟﺠﻬﺎﺯ ﺑﻴﺶ ﻧﻌﺮﻓﻮ ﺣﺠﻤﻪ ﺑﺎﻟﻀﺒﻂ ﻭﺑﻌﺪﻫﺎ ﺗﻤﺸﻲ ﺗﺪﻳﺮﻱ ﻓﺤﻮﺻﺎﺕ ﺗﺎﻧﻴﻪ ، ﻭﺍﻟﻜﻴﺲ ﻫﺪﺍ ﻫﻮ ﺳﺒﺐ ﺗﺄﺧﺮ ﺍﻟﺤﻤﻞ ﻋﻨﺪﻙ ﻧﺤﻮﻟﻮﻩ ﻭﺑﻌﺪﻫﺎ ﻧﺘﺎﺑﻌﻮ ﻭﺍﻥ ﺷﺎﺀ ﺍﻟﻠﻪ ﺧﻴﺮ
ﺍﻧﻲ ﺣﻄﻴﺖ ﻳﺪﻱ ﻋﻠﻲ ﻓﻤﻲ ﻭﻗﻌﺪﺕ ﻧﺸﻮﻓﻠﻬﺎ ﻭﻛﻼﻣﻬﺎ ﻛﺎﻥ ﺻﺪﻣﻪ : ﺑﻌﺪ ﻳﺘﺤﻮﻝ ﻓﻲ ﺍﻻﻛﻴﺪ ﻧﺤﻤﻞ
ﺍﻟﺪﻛﺘﻮﺭﺓ : ﻭﺍﻟﻠﻪ ﺷﻦ ﺑﻨﻘﻮﻟﻚ ﺍﻟﺒﺎﻳﻦ ﺍﻧﺘﻲ ﺍﺻﻼ ﻋﻨﺪﻙ ﻣﺸﻜﻠﺔ ﺗﺎﻧﻴﻪ ﻏﻴﺮ ﺍﻟﻜﻴﺲ ﺍﻧﻲ ﺑﻌﺪ ﻧﺤﻮﻟﻚ ﺍﻟﻜﻴﺲ ﻟﻮ ﺗﺄﺧﺮﺗﻲ ﻓﻲ ﺍﻟﺤﻤﻞ ﻧﺒﻌﺘﻚ ﻟﺪﻛﺘﻮﺭ ﻭﺍﺳﺘﺸﺎﺭﻱ ﻓﻲ ﺍﻣﺮﺍﺽ ﺍﻟﻨﺴﺎﺀ ﻭﺍﻟﻌﻘﻢ
ﺍﻧﻲ ﺷﻔﺖ ﻟﻮﻟﻴﺪ ﺍﻟﻲ ﻛﺎﻥ ﻣﺎﺳﻚ ﻳﺪﻱ ﻭﻳﺸﻮﻓﻠﻲ
ﺍﻟﺪﻛﺘﻮﺭﺓ ﺗﺎﺑﻌﺖ : ﻧﺼﻴﺤﺔ ﻟﻴﻚ ﺗﺤﻮﻟﻲ ﺍﻟﻜﻴﺲ ﺑﺄﺳﺮﻉ ﻭﻗﺖ ﻗﺒﻞ ﻣﺎﻳﻜﺒﺮ ﺍﻛﺜﺮ
ﺍﻧﻲ ﺗﻠﻔﺘﻠﻬﺎ : ﺑﺎﻩ ﻛﻴﻒ ﻋﻤﻠﻴﻪ ﻗﺼﺪﻙ ؟
ﺍﻟﺪﻛﺘﻮﺭﺓ : ﺍﻳﻪ ﻓﺘﺢ ﺑﺴﻴﻂ ﻳﻌﻨﻲ
ﺍﻧﻲ : ﺍﻣﺘﻰ ﺍﻗﺮﺏ ﻣﻮﻋﺪ ﻧﻘﺪﺭ ﻧﺪﻳﺮ ﻓﻴﻪ ﺍﻟﻌﻤﻠﻴﻪ
ﺍﻟﺪﻛﺘﻮﺭﺓ : ﺍﻧﺘﻲ ﺗﻮﺍ ﺗﺪﻳﺮﻱ ﺍﻟﺠﻬﺎﺯ ﻭﺑﻌﺪﻫﺎ ﺍﻟﻔﺤﻮﺻﺎﺕ ﻭﺍﻧﻲ ﺣﻨﻘﺮﺭﻟﻚ ﻣﻮﻋﺪ
ﺍﻧﻲ : ﺑﺎﻫﻲ
ﻛﺘﺒﺖ ﺍﻟﺪﻛﺘﻮﺭﺓ ﺍﻟﺘﺤﺎﻟﻴﻞ ﻭﺍﻟﻔﺤﻮﺻﺎﺕ ﺍﻟﻲ ﺗﺒﻴﻬﻢ ﺍﺧﺪﻳﺖ ﺍﻟﻮﺭﻗﻪ ﻭﻃﻠﻌﺖ ﻗﻌﻤﺰﺕ ﻋﻠﻲ ﺍﻭﻝ ﻛﺮﺳﻲ
ﻭﻟﻴﺪ ﻗﻌﻤﺰ ﺟﻨﺒﻲ ﻭﺣﻂ ﻳﺪﻩ ﻋﻠﻲ ﺭﺟﻠﻲ : ﻧﻮﺳﺔ ﻣﺎﺗﺨﺎﻓﻴﺶ ﺣﺎﺟﺔ ﺑﺴﻴﻄﺔ ﻫﻲ ﻳﺎﺭﻭﺣﻲ ﻋﻤﻠﻴﻪ ﺻﻐﻴﺮﺓ ﻳﺤﻮﻟﻮﻩ ﻭﺧﻼﺹ ﺗﻢ
ﺍﻧﻲ ﺣﻄﻴﺖ ﻳﺪﻳﺎ ﻋﻠﻲ ﻭﺟﻬﻲ ﻭﻗﻌﺪﺕ ﻧﺒﻜﻲ ﻭﺑﺼﻮﺕ ﻣﺘﻘﻄﻊ : ﻭﻟﻴﺪ ﺍﻧﻲ ﻧﺒﻲ ﺑﻴﺒﻲ ﻭﻛﺎﻥ ﻣﻌﺎﺵ ﻧﻘﺪﺭ ﻧﺠﻴﺐ ﺑﻴﺒﻲ ﺍﻧﺎ ﻧﺒﻲ ﺑﻴﺒﻲ ﻭﻟﻴﻴﺪ
ﻭﻟﻴﺪ ﺟﺒﺪﻧﻲ ﻟﺤﻀﻨﻪ : ﺑﺎﺫﻥ ﺍﻟﻠﻪ ﻳﺎﺭﻭﺣﻲ ﺭﺑﻲ ﺣﻴﺮﺯﻗﻚ ﺑﺒﻴﺒﻲ ﻭﺗﺒﺪﻱ ﺍﺣﻠﻰ ﺍﻡ ﻓﻲ ﺍﻟﺪﻧﻴﺎ ﻛﻠﻬﺎ ﻭﺗﺠﻴﺒﻴﻠﻲ ﺑﻨﻮﺗﻪ ﺷﻌﺮﻫﺎ ﻣﺸﻔﺸﻒ ﺯﻱ ﺍﻣﻬﺎ ﻫﻬﻬﻪ
ﺍﻧﻲ ﻗﻌﺪﺕ ﻧﺒﻜﻲ ﻭﻧﻀﺤﻚ : ﺍﻧﻲ ﻧﺒﻲ ﻭﻟﺪ ﺯﻳﻚ ﻭﻋﻴﻮﻧﻪ ﺯﻳﻚ
ﻭﻟﻴﺪ : ﻻﻻ ﻋﻴﻮﻥ ﺍﻣﻪ ﺍﺣﻠﻰ
ﺍﻧﻲ ﻗﻌﺪﺕ ﻧﺒﻜﻲ ﺗﺎﻧﻲ ﻭﺧﺸﻴﺖ ﻓﻲ ﺣﻀﻨﻪ : ﻭﻟﻴﺪ ﻛﺎﻥ ﻣﻌﺎﺵ ﻧﻘﺪﺭ ﻧﺠﻴﺐ ﺑﻴﺒﻲ ﻭﻧﺤﺮﻣﻚ ﻣﻨﻬﻢ
ﻭﻟﻴﺪ ﻗﺎﻣﻠﻲ ﺭﺍﺳﻲ ﻭﺣﻂ ﺻﺒﻌﻪ ﻋﻠﻲ ﻓﻤﻲ : ﺍﺳﺴﺲ ﺗﻮﺍ ﻣﺎﺗﻀﺎﻳﻘﻴﺶ ﺭﻭﺣﻚ ﻭﺑﺎﺫﻥ ﺍﻟﻠﻪ ﺍﻟﻲ ﻋﻨﺪ ﺭﺑﻲ ﺧﻴﺮ ، ﻭﻣﺴﺤﻠﻲ ﺩﻣﻮﻋﻲ ﻫﻴﺎ ﻋﺎﺩ ﺑﻄﻠﻲ ﺑﻜﻲ ﺗﻮﻟﻲ ﺷﻴﻨﻪ ﺭﺍﻫﻮ ﻟﻤﺎ ﺗﺒﻜﻲ
ﺍﻧﻲ : ﻫﻴﻴﻲ ﻭﻟﻴﻴﺪ
ﻭﻟﻴﺪ : ﻫﻬﻬﻬﻪ ﻏﻴﺮ ﺷﻮﻓﻲ ﺍﻟﻨﺎﺱ ﻛﻴﻒ ﻳﺸﻮﻓﻮﻟﻨﺎ ﻋﻠﻴﻚ ﺣﺸﻤﻪ ﻳﺎﺩﻟﻮﻋﻪ
ﺍﻧﻲ ﻗﻌﺪﺕ ﻧﺸﻮﻑ ﺣﻮﺍﻟﻴﻨﺎ ﻭﺍﻟﻘﻴﺖ ﺍﻟﻨﺎﺱ ﻛﻠﻬﺎ ﻓﺎﺗﺤﺔ ﻋﻴﻮﻧﻬﺎ ﻓﻴﻨﺎ ﻗﻌﺪﺕ ﻧﻀﺤﻚ : ﻫﻬﻬﻬﻬﻪ ، ﻭﺯﺩﺕ ﺍﺿﺒﻄﺘﻪ
ﻭﻟﻴﺪ : ﻫﻬﻬﻬﻬﻪ ﻣﺠﻨﻮﻧﻪ ﻗﻠﺖ ﻧﻘﻮﻟﻠﻬﺎ ﺑﺎﻟﻚ ﺗﺘﺤﺸﻢ ﺯﺍﺩﺕ
ﺍﻧﻲ : ﻫﻬﻬﻬﻪ ﻳﻤﻠﺤﻮ
ﻭﻟﻴﺪ : ﻫﻲ ﺧﻠﻴﻨﺎ ﻧﻤﺸﻮ ﻧﺪﻳﺮﻭ ﺍﻟﺘﺤﺎﻟﻴﻞ ﻭﺗﻌﺎﻟﻲ ﺍﻏﺴﻠﻲ ﻭﺟﻬﻚ
ﺍﻧﻲ ﺑﺎﻩ
ﺧﺸﻴﺖ ﻟﺤﻤﺎﻡ ﺍﻟﻨﺴﺎﺀ ﻏﺴﻠﺖ ﻭﺟﻬﻲ ﻭﺑﻌﺪﻫﺎ ﻃﻠﻌﻨﺎ ﺍﻣﺸﻴﺖ ﺩﺭﺕ ﺍﻟﻲ ﻗﺎﻟﺘﻠﻲ ﻋﻠﻴﻪ ﺍﻟﺪﻛﺘﻮﺭﺓ ﻭﺭﻓﻌﻨﺎ ﺍﻟﻨﺘﻴﺠﺔ ﻟﻠﺪﻛﺘﻮﺭﺓ
ﺍﻟﺪﻛﺘﻮﺭﺓ ﺑﻌﺪ ﻗﺮﺕ ﺍﻟﺘﻘﺮﻳﺮ ﺣﻄﺎﺗﻪ ﻉ ﺍﻟﻄﺎﻭﻟﺔ ﻭﺷﺎﻓﺘﻠﻲ : ﻣﺎﺗﺨﺎﻓﻴﺶ ﺑﺴﻴﻄﺔ ﺍﻥ ﺷﺎﺀ ﺍﻟﻠﻪ ، ﺗﻮ ﺣﻨﻜﺘﺒﻠﻚ ﻋﻼﺝ ﺗﺄﺧﺪﻳﻪ ﻟﻤﺪﺓ ﺃﺳﺒﻮﻋﻴﻦ ﻭﺑﻌﺪﻫﺎ ﻧﺪﻳﺮﻟﻚ ﻣﺮﺍﺟﻌﺔ ﺗﺠﻴﻨﻲ ﻭﻧﺤﺪﺩﻟﻚ ﻳﻮﻡ ﻧﺪﻳﺮﻟﻚ ﻓﻴﻪ ﺍﻟﻌﻤﻠﻴﻪ ﻭﺍﻥ ﺷﺎﺀ ﺍﻟﻠﻪ ﺧﻴﺮ
ﺍﻧﻲ : ﺍﻥ ﺷﺎﺀ ﺍﻟﻠﻪ
ﻛﺘﺒﺖ ﺍﻟﺪﻛﺘﻮﺭﺓ ﺍﻟﺪﻭﺍﺀ ﻭﺍﺧﺪﻱ ﻭﻟﻴﺪ ﺍﻟﻮﺭﻗﻪ ﻭﺷﺪﻟﻲ ﻳﺪﻱ ﻭﻃﻠﻌﻨﺎ
ﻭﻟﻴﺪ : ﺍﺭﻛﺒﻲ ﺍﻧﺘﻲ ﺍﻟﺴﻴﺎﺭﺓ ﻧﺸﻮﻓﻠﻚ ﺩﻭﺍﻙ ﻭﻧﺠﻲ
ﺍﻧﻲ : ﺑﺎﻫﻲ ، ﺭﻛﺒﺖ ﺍﻟﺴﻴﺎﺭﺓ ﻭﻗﻌﺪﺕ ﻧﻔﻜﺮ ﻭﺧﺎﻳﻔﻪ ﻣﻦ ﺍﻟﻤﻮﺿﻮﻉ
ﺷﻮﻱ ﻭﺟﻲ ﻭﻟﻴﺪ ﻭﻣﺪﻟﻲ ﻛﻴﺴﺔ ﺍﻟﺪﻭﺍ ﻭﺍﻧﻄﻠﻘﻨﺎ ﻓﻲ ﺍﻟﻄﺮﻳﻖ ﺍﻧﻲ ﻛﻨﺖ ﻃﻮﻝ ﺍﻟﻮﻗﺖ ﺣﺎﻃﺔ ﻳﺪﻱ ﻋﻠﻲ ﺧﺪﻱ ﻭﻧﺸﻮﻑ ﺟﻬﺔ ﺍﻟﺮﻭﺷﻦ
ﻭﻟﻴﺪ ﻳﺸﺪ ﻳﺪﻱ : ﺣﺒﻴﺒﺘﻲ
ﺍﻧﻲ ﺗﻠﻔﺘﺘﻠﻪ
ﻭﻟﻴﺪ : ﺷﻦ ﺭﺍﻳﻚ ﻧﺨﻄﻤﻮ ﻉ ﺍﻟﺒﺤﺮ
ﺍﻧﻲ : ﺑﺎﻫﻲ ﻣﺎﻋﻨﺪﻳﺶ ﻣﺸﻜﻠﺔ
ﻭﻟﻴﺪ ﺑﺎﺱ ﻳﺪﻱ ﻭﺣﻄﻬﺎ ﻉ ﺍﻟﻤﺎﺭﺷﺎ ﻭﺣﻂ ﻳﺪﻩ ﻓﻮﻗﻬﺎ
ﺍﻧﻲ ﺷﻔﺘﻠﻪ ﻭﺍﺑﺘﺴﻤﺘﻠﻪ ﺑﺤﺐ
ﻭﺻﻠﻨﺎ ﻟﻠﺒﺤﺮ ﻧﺰﻟﻨﺎ ﻭﻗﻌﺪﻧﺎ ﻧﺘﻤﺸﻮ ﻭﻫﻮ ﻛﺎﻥ ﻻﻑ ﻳﺪﻩ ﻋﻠﻲ ﻛﺘﻔﻲ ﻭﺿﺎﻣﻨﻲ ﻟﻴﻪ
ﺍﻧﻲ ﻗﻤﺖ ﺭﺍﺳﻲ ﻭﺷﻔﺘﻠﻪ : ﻧﺤﺒﻚ
ﻭﻟﻴﺪ ﺑﺎﺱ ﻋﻠﻲ ﺭﺍﺳﻲ : ﻧﻤﻮﺕ ﻓﻴﻚ ﺍﻧﻲ
ﺍﻧﻲ : ﺣﺒﻴﺒﻲ ﻛﺎﻥ ﻻﻗﺪﺭ ﺍﻟﻠﻪ ﻣﺎﻧﻘﺪﺭﺵ ﻧﺠﻴﺐ ﺑﻴﺒﻲ ﺍﻧﻲ ﺗﺴﻴﺒﻨﻲ
ﻭﻟﻴﺪ : ﺍﺳﺲ ﺗﻔﺎﺋﻠﻲ ﺧﻴﺮ ﺑﺲ ﻭﺍﻥ ﺷﺎﺀ ﺍﻟﻠﻪ ﺭﺑﻲ ﻳﺮﺯﻗﻨﻲ ﻣﻨﻚ ﺍﺣﻠﻰ ﺑﻴﺒﻴﺎﺕ ، ﻭﻟﻮ ﺭﺑﻲ ﻣﺶ ﻛﺎﺗﺐ ﻳﻜﻮﻥ ﻟﻴﻨﺎ ﺍﻃﻔﺎﻝ ﻓﻌﺎﺩﻱ ﻗﻀﺎﺀ ﻭﻗﺪﺭ ﺍﻟﻤﻬﻢ ﺍﻧﺘﻲ ﺟﻨﺒﻲ ﻭﺍﻧﻲ ﻣﻬﻤﺎ ﻳﻜﻮﻥ ﻣﺴﺘﺤﻴﻞ ﻧﺴﻴﺒﻚ ﺍﻻ ﻟﻮ ﺭﺑﻲ ﺧﺪﻱ ﺍﻣﺎﻧﺘﻪ
ﺍﻧﻲ ﺗﻠﻔﺘﺘﻠﻪ ﺑﺴﺮﻋﻪ : ﺑﻌﻴﻴﺪ ﺍﻟﺴﻮﻭ ، ﻭﺗﺸﺒﺘﺖ ﻓﻴﻪ ، ﺭﺑﻲ ﻳﺨﻠﻴﻚ ﻟﻴﺎ ﺍﻧﺖ ﺍﻟﺒﻮ ﻭﺍﻟﺨﻮ ﻭﺍﻟﺴﻨﺪ ﻭﻛﻞ ﺷﻲ ﺑﺎﻟﻨﺴﺒﻪ ﻟﻴﺎ ﻣﺶ ﻣﺴﺘﻌﺪﻩ ﻧﺘﻴﺘﻢ ﻣﺮﺓ ﺗﺎﻧﻴﻪ ﺧﻠﻴﻚ ﺟﻨﺒﻲ
ﻭﻟﻴﺪ ﺿﻤﻨﻲ ﺑﻘﻮﺓ : ﺍﻥ ﺷﺎﺀ ﺍﻟﻠﻪ ﺣﺎﺿﺮ ﺩﻳﻤﺎ ﺣﻨﻘﻌﺪ ﺟﻨﺒﻚ ، ﺗﻮ ﺍﻧﺘﻲ ﻣﺎﺗﻀﺎﻳﻘﻴﺶ ﺭﻭﺣﻚ ﺑﺎﻻﻓﻜﺎﺭ
ﺍﻧﻲ : ﺍﻥ ﺷﺎﺀ ﺍﻟﻠﻪ
ﻭﻟﻴﺪ : ﺗﺨﺸﻲ ﺗﻌﻮﻣﻲ ﺣﺒﻴﺒﺘﻲ ﻣﺮﺍﺕ ﺣﺘﻰ ﻳﺨﻔﻒ ﻋﻠﻴﻚ ﺍﻟﻀﻴﻖ ، ﻭﺗﻮﺍ ﻗﺮﻳﺐ ﺗﻈﻠﻢ ﻭﺍﻟﻤﻴﻪ ﻣﺼﻘﻌﻪ ﻣﻠﻴﺤﺔ
ﺍﻧﻲ : ﻻﻻ ﺣﺒﻴﺒﻲ ﺑﻨﺒﻞ ﻣﻼﺑﺴﻲ ﻭﻣﺎﻋﻨﺪﻳﺶ ﻏﻴﺎﺭ ﻣﺮﺓ ﺗﺎﻧﻴﻪ
ﻭﻟﻴﺪ : ﺗﻮ ﻧﻔﻜﺮ ﻧﺤﺠﺰ ﻧﻤﺸﻮ ﻟﺸﺎﻟﻴﻪ ﺍﺳﺒﻮﻉ ﻭﻳﻤﺸﻮ ﻣﻌﺎﻧﺎ ﺍﻟﻌﻴﻠﺔ
ﺍﻧﻲ : ﻭﺍﻟﻠﻪ ﻓﻜﺮﺓ ﻳﺎﺭﻭﺣﻲ ، ﻋﺎﺩﻱ ﻳﻤﺸﻮ ﻣﻌﺎﻧﺎ ﻣﺎﻣﺎ ﻭﺍﺧﻮﺍﺗﻲ
ﻭﻟﻴﺪ : ﺍﻳﻪ ﻃﺒﻌﺎ ﻛﻴﺪ ﺍﻧﻲ ﻧﻘﺼﺪ ﺍﻟﻌﻴﻠﺘﻴﻦ ﻧﻤﺸﻮ ﻛﻠﻨﺎ
ﺍﻧﻲ ﺍﺿﺒﻄﺘﻪ : ﻭﺍﻟﻠﻪ ﻓﻜﺮﺓ ﺣﻠﻮﺓ ﺷﻜﺮﺍ ﻟﻴﻚ ﺣﺒﻴﺒﻲ ﺍﻛﻴﺪ ﺍﺧﻮﺍﺗﻲ ﺣﻴﻔﺮﺣﻮ
ﻭﻟﻴﺪ : ﻣﺎﺗﺸﻜﺮﻧﻴﺶ ﺣﺘﻰ ﻫﻤﺎ ﺍﺧﻮﺍﺗﻲ ﺭﺍﻫﻮ
ﺍﻧﻲ : ﺭﺑﻲ ﻳﺨﻠﻴﻚ ﻟﻴﺎ
ﻗﻌﻤﺰﻧﺎ ﻉ ﺍﻟﺸﻂ ﻭﻗﻌﺪﻧﺎ ﻧﺮﺍﻗﺒﻮ ﻓﻲ ﺍﻟﻐﺮﻭﺏ ﻭﻧﻬﺪﺭﺯﻭ ﻭﻛﻨﺖ ﺣﺎﺳﻪ ﺑﺄﻣﺎﻥ ﻭﻓﺮﺣﺔ
،،،،،،،،،
ﺍﻣﺎ ﻋﻨﺪ ﻧﻮﺍﻝ
ﻣﺤﻤﻮﺩ : ﻳﺎﻧﻮﺍﺍﻝ ﻧﺒﻲ ﻧﻘﻮﻝ ﻻﻣﻲ
ﻧﻮﺍﻝ : ﺑﺎﻩ ﺍﻧﻲ ﻣﺎﻋﻨﺪﻳﺶ ﻣﺸﻜﻠﺔ ﻟﻜﻦ ﻣﺎﻣﺎ ﻣﺶ ﻣﻮﺍﺍﻓﻘﻪ ﺷﻦ ﺗﺒﻴﻨﻲ ﻧﺪﻳﺮ ﻫﻲ ﻗﺎﻟﺘﻠﻲ ﻗﺎﻋﺪﻩ ﺻﻐﻴﺮﺓ ﺧﻠﻲ ﺍﻫﻮ ﺑﻨﺨﺶ ﻟﻠﺠﺎﻣﻌﻪ ﻫﻜﻲ ﺑﻌﺪ ﺳﻨﻪ ﻣﻤﻜﻦ ﺗﻮﺍﻓﻖ
ﻣﺤﻤﻮﺩ : ﺍﻭﻭﻭﻭﻑ ﺍﻟﺰﻓﺖ ﻭﺍﻟﻠﻪ ﻣﺎﻧﻲ ﻗﺎﺩﺭ ﻧﺼﺒﺮ ﻭﺧﻼﺹ ﺣﺼﻠﺖ ﺷﻘﻪ ﺑﻨﺸﺮﻳﻬﺎ ﻭﻋﻨﺪﻱ ﺣﻘﻬﺎ
ﻧﻮﺍﻝ : ﻭﻳﻦ ﺷﻘﻪ
ﻣﺤﻤﻮﺩ : ﺍﻟﻌﻤﺎﺭﺍﺕ ﺍﻟﺠﺪﺩ ﻓﻲ ﺍﻟﺸﺎﺭﻉ ﺍﻟﻲ ﻭﺭﺍﺀ ﺣﻮﺷﻨﺎ ﻓﻲ ﺷﻘﻪ ﺑﻴﺒﻴﻌﻬﺎ ﻋﺠﺒﺘﻨﻲ ﺑﻨﺘﻢ ﻓﻴﻬﺎ
ﻧﻮﺍﻝ : ﺑﺎﻩ ﺗﻮ ﺍﻧﻲ ﻧﺰﻳﺪ ﻧﺪﻭﻱ ﻣﻊ ﻣﺎﻣﺎ ﻭﺍﻧﻚ ﻋﻠﻲ ﺍﺳﺎﺱ ﺗﺪﻳﺮ ﺧﻄﺒﻪ ﺑﺲ ﻭﺑﻌﺪﻫﺎ ﺳﺎﻫﻞ
ﻣﺤﻤﻮﺩ : ﻭﺑﻨﻘﺮﺃ ﺍﻟﻔﺎﺗﺤﺔ ﺭﺍﻫﻮﻭ
ﻧﻮﺍﻝ : ﻻﻻ ﻓﻮﺗﻬﺎ ﺍﻟﻔﺎﺗﺤﺔ ﻧﺒﻴﻬﺎ ﺍﺳﺒﻮﻉ ﺍﻟﻌﺮﺱ
ﻣﺤﻤﻮﺩ : ﻻﻻ ﻧﺒﻴﻬﺎ ﺗﺒﺪﻱ ﻣﺮﺗﻲ ﻭﻧﺒﻲ ﻧﺸﻮﻓﻚ ﺩﻳﻤﺎ ﻭﺗﺤﺖ ﻋﻴﻮﻥ ﺍﻣﺎﻟﻴﻚ
ﻧﻮﺍﻝ : ﻣﺤﻤﻮﺩ ﻭﺍﻟﻠﻪ ﻋﺎﺭﻓﻪ ﺑﺘﺼﻴﺮ ﻣﺸﺎﻛﻞ
ﻣﺤﻤﻮﺩ : ﻋﺎﺭﻓﻪ ﺭﻭﺣﻚ ﻳﻌﻨﻲ ﻣﻌﺎﺵ ﺗﻘﺪﺭﻱ ﺗﻌﺎﻧﺪﻱ
ﻧﻮﺍﻝ : ﻭﺭﺍﺱ ﻣﺤﻤﻮﺩ ﺧﻠﻴﻬﺎ ﻓﻲ ﺍﻟﻌﺮﺱ ﻭﺍﻟﻠﻪ ﻋﺒﺎﻳﻪ ﻣﺎﻧﻘﺪﺭ ﻧﻠﺒﺴﻬﺎ ﺗﻮﺍ ﺭﺯﻳﻨﻪ ﺭﺍﻫﻮ
ﻣﺤﻤﻮﺩ : ﺑﻌﺪ ﺍﻟﻌﺮﺱ ﺑﺘﻠﺒﺴﻲ ﺧﻤﺎﺭ ﻓﻠﻬﺬﺍ ﻧﺒﻲ ﻧﻠﺒﺴﻚ ﺑﺎﻟﺘﺪﺭﻳﺞ ﻃﺒﻘﻪ ﻓﻮﻕ ﻃﺒﻘﻪ ﻣﺎﺗﺠﻲ ﻋﻨﺪﻱ ﻟﻴﻦ ﺗﺒﺪﻱ ﻣﻴﻪ ﻣﻴﻪ
ﻧﻮﺍﻝ : ﻫﻴﻴﻴﻲ ﺧﻤﺎﺭ ﺷﻨﻮﻭ ﻣﻌﺎﺵ ﺑﻨﺘﺰﻭﺟﻚ ﻣﻌﺎﺵ ﺻﺎﺭﻟﻲ ﺧﻼﺹ
ﻣﺤﻤﻮﺩ : ﻫﻬﻬﻬﻬﻪ ﺑﻤﺰﺍﺟﻚ ﻫﻮ ﻳﻌﻨﻲ
ﻧﻮﺍﻝ : ﻭﺍﻟﻠﻪ ﺣﺒﻴﺒﻲ ﺧﻤﺎﺭ ﻭﻭﻙ ﻏﻤﻪ ﺭﺍﻫﻮ
ﻣﺤﻤﻮﺩ : ﺗﻮ ﺗﺘﻌﻮﺩﻱ ﻋﻠﻴﻪ
ﻧﻮﺍﻝ : ﺗﻲ ﺍﻧﻲ ﺍﻟﻌﺒﺎﻳﻪ ﻭﺣﺎﻣﻠﻪ ﻫﻤﻬﺎ ﺯﻳﺎﺩﻩ ﺧﻤﺎﺭ ﺍﻧﻲ ﻟﺒﺴﻲ ﻛﻠﻪ ﺳﺒﻮﺭ ﻭﺍﻟﻠﻪ ﻗﺼﻪ
ﻣﺤﻤﻮﺩ : ﻋﺎﺩﻱ ﺍﻟﻲ ﻳﺤﺐ ﻳﻘﺪﺭ ﻳﺘﻨﺎﺯﻝ
ﻧﻮﺍﻝ : ﺑﺎﻩ ﺃﺑﺪﺍ ﺍﻧﺖ ﻭﺗﻨﺎﺯﻝ ﻋﻠﻲ ﺷﺮﻭﻃﻚ
ﻣﺤﻤﻮﺩ : ﻧﻮﺍﻝ ﺍﻧﻬﻴﻪ ﺍﻟﻤﻮﺿﻮﻉ ﻫﺪﺍﺍ ﺗﻮﺍ ﻭﺍﻧﻲ ﻛﻼﻣﻲ ﻣﺎﻧﺘﻨﺎﺯﻟﺶ ﻋﻠﻴﻪ
ﻧﻮﺍﻝ : ﺍﻭﻭﻭﻑ
ﻣﺤﻤﻮﺩ : ﺷﻦ ﻗﻠﻨﺎ ﻋﻠﻴﻬﺎ ﺍﻻﻭﻑ ﺍﺣﻨﻲ
ﻧﻮﺍﻝ : ﺑﺎﻩ ﻫﺎ ﺍﻭﻭﻑ ﻣﻌﺎﺵ ﻧﻌﺎﻭﺩﻫﺎ
ﻣﺤﻤﻮﺩ : ﻧﻮﺍﺍﻝ
ﻧﻮﺍﻝ : ﻫﻬﻬﻬﻬﻪ ﺑﺎﻩ ﺧﻼﺹ ﺗﻲ ﺑﺎﻫﻲ ﺍﺻﺒﺮ ﻋﻠﻴﺎ ﻣﺘﻌﻮﺩﺓ ﺩﻳﻤﺎ ﻓﻴﺎ
ﻣﺤﻤﻮﺩ : ﺑﺎﺍﻫﻲ ، ﺣﻘﺎ ﺍﻣﺘﻰ ﻧﻘﺪﺭ ﻧﻌﻄﻴﻚ ﻫﺪﻳﺔ ﻧﺠﺎﺣﻚ
ﻧﻮﺍﻝ : ﻣﺶ ﻋﺎﺍﺭﻓﻪ ، ﺑﺎﻩ ﻗﻮﻟﻲ ﺷﻦ ﻫﻲ
ﻣﺤﻤﻮﺩ : ﻻﻻ ﺧﻠﻴﻬﺎ ﻣﻔﺎﺟﺌﺔ
ﻧﻮﺍﻝ : ﻫﻴﺎ ﻭﺭﺍﺱ ﺣﺒﻴﺒﻲ ﻭﺭﺍﺳﻲ ﺣﻤﻮﺩﻱ ﻓﻀﻮﻟﻲ ﺑﻴﻘﺘﻠﻨﻲ
ﻣﺤﻤﻮﺩ : ﻫﻬﻬﻬﻪ ﻓﻀﻮﻟﻴﺔ ﻫﻠﺒﺎ ﺍﻧﺘﻲ ﺭﺍﻫﻮ
ﻧﻮﺍﻝ : ﺑﺎﻩ ﻫﺪﻳﻠﻲ ﻓﻀﻮﻟﻲ ﻭﻗﻮﻟﻲ ﺷﻦ ﺍﻟﻬﺪﻳﺔ
ﻣﺤﻤﻮﺩ : ﻻﺍ
ﻧﻮﺍﻝ : ﺣﻤﻮﺩﻱ
ﻣﺤﻤﻮﺩ : ﻻ
ﻧﻮﺍﻝ : ﺣﺒﻴﻴﺒﻲ
ﻣﺤﻤﻮﺩ ﺑﻌﻨﺎﺩ ﻭﻫﻮ ﻳﻀﺤﻚ : ﻻ
ﻧﻮﺍﻝ : ﻋﻴﻮﻧﻲ ﻭﻗﻠﺒﻲ ﻭﺭﻭﺣﻲ ﻫﻴﺎﺍ ﻋﺎﺩ
ﻣﺤﻤﻮﺩ : ﻫﻬﻬﻬﻪ ﻻ
ﻧﻮﺍﻝ : ﺭﺍﻫﻮ ﻧﻘﻮﻝ ﺍﻭﻑ
ﻣﺤﻤﻮﺩ : ﺟﺮﺭﺑﻲ
ﻭﻗﻌﺪﻭ ﻫﻜﻲ ﻭﻧﻮﺍﻝ ﺗﺘﺤﺎﻳﻞ ﻋﻠﻴﻪ ﻭﻫﻮ ﻣﺴﻜﺮ ﺭﺍﺳﻪ ﻣﺎﺑﺎﺵ ﻳﻘﻮﻟﻠﻬﺎ
،،،،،،،،
ﺛﺎﻧﻲ ﻳﻮﻡ ﻛﺎﻥ ﺟﻤﻌﻪ ﻧﻀﺖ ﻉ ﺍﻟﺴﺎﻋﻪ ١١ ﺩﺭﺕ ﺩﻭﺵ ﻭﻗﻌﺪﺕ ﻧﺠﻬﺰ ﻓﻲ ﺍﻟﻔﻄﻮﺭ ﻭﺑﻌﺪﻫﺎ ﺍﻣﺸﻴﺖ ﺑﻨﻮﺽ ﻭﻟﻴﺪ
ﺍﻧﻲ ﻗﻌﻤﺰﺕ ﻋﻠﻲ ﺣﺎﺷﻴﻪ ﺍﻟﺴﺮﻳﺮ : ﺣﺒﻴﺒﻲ ﻭﻟﻴﺪﺩ ﺣﺒﻴﺒﻲ
ﻭﻟﻴﺪ : ﻣﻤﻢ ﻫﺎ
ﺍﻧﻲ : ﺣﺒﻴﺒﻲ ﻫﻲ ﻧﻮﺽ ﻳﺎﺍﻛﺴﻮﻝ
ﻭﻟﻴﺪ ﺟﺒﺪﻧﻲ ﻭﺍﺿﺒﻄﻨﻲ ﻭﺧﻼﻧﻲ ﺭﺍﻗﺪﻩ ﺟﻨﺒﻪ : ﺧﻠﻴﻨﻲ ﺑﻨﺮﻗﺪ
ﺍﻧﻲ : ﺧﻤﻴﺮﺭ ﻧﻮﻡ ﺑﻴﺒﻲ ﺭﺍﻫﻮ
ﻭﻟﻴﺪ : ﺍﺳﺲ
ﺍﻧﻲ : ﺭﺍﻫﻮ ﺻﻼﺓ ﺍﻟﺠﻤﻌﻪ ﺣﺘﻔﻮﺗﻚ
ﻭﻟﻴﺪ : ﻛﻢ ﺍﻟﺴﺎﻋﻪ
ﺍﻧﻲ 11 ﻭﻧﺺ
ﻭﻟﻴﺪ : ﺍﻭﻭﻑ ﻣﺴﻬﺮﺗﻴﻨﻲ ﻟﻠﺴﺎﻋﻪ ﺗﻼﺗﻪ ﺍﻣﺲ ﻛﻠﻪ ﻣﻨﻚ
ﺍﻧﻲ : ﻫﻬﻬﻬﻬﻬﻪ ﺍﻳﺸﻲ ﻭﻻﻛﺎﻧﻪ ﻫﻮ ﺍﻟﺴﺒﺐ
ﻭﻟﻴﺪ : ﻫﻬﻬﻬﻪ ، ﻭﻧﺎﺽ ﺑﺎﺳﻨﻲ ﻋﻠﻲ ﺭﺍﺳﻲ ﻭﺧﺶ ﻟﻠﺤﻤﺎﻡ ﻳﺪﻭﺵ
ﺍﻧﻲ ﻃﻠﻌﺖ ﻟﻠﻤﻄﺒﺦ ﻭﻗﻌﻤﺰﺕ ﻉ ﺍﻟﻜﺮﺳﻲ ﻭﻗﻌﺪﺕ ﻧﺮﺍﺟﻲ ﻓﻴﻪ
ﻭﻟﻴﺪ ﻳﻨﺎﺩﻱ : ﻧﻮﻭﺳﻪ
ﺍﻧﻲ ﻧﻀﺖ ﻭﺟﻴﺘﻪ : ﻧﻌﻢ ، ﻭﻗﺮﺑﺖ ﻣﻨﻪ ﺑﺴﺘﻪ ﻋﻠﻲ ﺧﺪﻩ ﻧﻌﻴﻤﻪ ﻧﻌﻴﻤﻪ
ﻭﻟﻴﺪ : ﺍﻟﻠﻪ ﻳﻨﻌﻢ ﻋﻠﻴﻚ ، ﻭﻳﻦ ﺳﻮﺭﻳﺘﻲ
ﺍﻧﻲ : ﺣﺒﻴﺒﻲ ﺍﻫﻴﺎ ﻣﻌﻘﻮﻟﺔ ﻣﺎﺷﻔﺘﻬﺎﺵ
ﻭﻟﻴﺪ : ﻫﻬﻬﻪ ﻣﺎﺷﻔﺘﺶ
ﺍﻧﻲ : ﺗﻌﺎﻝ ﺍﻓﻄﺮ ﻭﺑﻌﺪﻫﺎ ﺍﻟﺒﺴﻬﺎ
ﻭﻗﻌﻤﺰﻧﺎ ﻓﻄﺮﻧﺎ ﻭﺑﻌﺪﻫﺎ ﻟﺒﺲ ﻭﻟﻴﺪ ﺳﻮﺭﻳﺘﻪ ﺍﻟﻌﺮﺑﻴﻪ ﻭﻫﻮ ﻳﺒﺦ ﻓﻲ ﺍﻟﻌﻄﺮ
ﺍﻧﻲ ﺧﺎﺷﻪ ﻟﻠﺪﺍﺭ : ﻳﻴﻲ ﺣﺒﻴﺒﻲ ﺣﻠﻮﺓ ﻃﺎﻟﻌﻪ ﻋﻠﻴﻚ ﺍﻟﻌﺮﺑﻴﻪ
ﻭﻟﻴﺪ ﻳﺒﻄﻢ ﻓﻲ ﺍﻟﻜﻢ : ﻋﻴﻮﻧﻚ ﺍﻟﺤﻠﻮﺓ ﻫﺎ ﺷﻮﻓﻲ ﺗﻤﺎﻡ
ﺍﻧﻲ ﻗﺮﺑﺖ ﻣﻨﻪ ﻭﺑﺴﺘﻪ ﻋﻠﻲ ﺧﺪﻩ : ﺗﻬﺒﺒﻞ ، ﺍﺳﺘﻨﻰ ﺷﻮﻳﺔ ﻧﺠﻴﺐ ﻓﻮﻧﻲ ﻧﺼﻮﺭﻭ ﻣﻊ ﺑﻌﺾ
ﻭﻟﻴﺪ : ﻫﻬﻬﻪ ﺑﺎﻫﻲ ﻫﻲ
ﻭﺻﻮﺭﺕ ﺍﻧﻲ ﻭﻳﺎﻩ ﺑﻌﺪﻫﺎ ﻫﻮ ﻃﻠﻊ ﻭﺍﻧﻲ ﻏﻴﺮﺕ ﻣﻼﺑﺴﻲ ﻭﻧﺰﻟﺖ ﻟﻌﻤﺘﻲ ﺍﻟﻘﻴﺖ ﻭﻓﺎﺀ ﻟﻮﻃﻰ
ﺍﻧﻲ : ﺍﻟﺴﻼﻡ ﻋﻠﻴﻜﻢ
ﻋﻤﺘﻲ ﻭﻭﻓﺎﺀ : ﻭﻋﻠﻴﻜﻢ ﺍﻟﺴﻼﻡ ﺍﻫﻠﻴﻦ
ﺳﻠﻤﺖ ﻋﻠﻴﻬﻢ : ﺷﻦ ﺑﺘﺪﻳﺮﻭ ﻏﺪﻱ
ﻋﻤﺘﻲ : ﺑﺎﺯﻳﻦ ﻟﻴﻨﺎ ﻣﺪﺓ ﻋﻠﻴﻪ
ﺍﻧﻲ : ﺍﻧﺘﻲ ﺑﺮﻱ ﺍﺭﺗﺎﺣﻲ ﻳﺎﻋﻤﺘﻲ ﻭﺍﻧﻲ ﺗﻮ ﻧﺴﺎﻋﺪ ﻭﻓﺎﺀ
ﻋﻤﺘﻲ : ﺍﻟﻠﻪ ﻳﺮﻳﺤﻚ ﻳﺎﺑﻨﻴﺘﻲ ﻭﺍﻟﻠﻪ ﻣﻌﺎﺩ ﻗﺎﺩﺭﻩ ﻧﻮﻗﻒ
ﻭﻓﺎﺀ : ﻗﻌﻤﺰﻱ ﺍﻧﺘﻲ ﻳﺎﻣﺮﺕ ﻋﻤﻲ ﻭﺍﺣﻨﻲ ﺗﻮ ﻧﺪﻳﺮﻭﻩ ﻣﺎﺗﺨﻤﻤﻴﺶ ﻓﻴﻪ
ﻭﺍﻣﺸﺖ ﻋﻤﺘﻲ ﻗﻌﻤﺰﺕ ﻭﻗﻌﺪﺕ ﺍﻧﻲ ﻭﻭﻓﺎﺀ ﻓﻲ ﺍﻟﻤﻄﺒﺦ ﻧﺤﻮﺳﻮ
ﻭﻓﺎﺀ : ﺣﻘﺎ ﻧﻮﺳﻪ ﻻﺑﺎﺱ ﻋﺒﺪﻭ ﻗﺎﻟﻲ ﻭﻟﻴﺪ ﻗﺎﻟﻪ ﺍﻣﺲ ﻣﺎﺷﻲ ﻳﻌﺎﻳﻦ ﻓﻴﻚ
ﺍﻧﻲ : ﺍﻳﻪ ﻭﺍﻟﻠﻪ ﺩﺭﺕ ﻛﺸﻒ
ﻭﻓﺎﺀ : ﺧﻴﺮﻙ ﻻﺑﺎﺱ
ﺍﻧﻲ : ﻭﺍﻟﻠﻪ ﻛﻼﻡ ﺍﻟﻨﺎﺱ ﻭﺳﻮﺳﻨﻲ ﻳﺎﻭﻓﺎﺀ ﻭﻫﻤﺎ ﻛﻞ ﻣﺎﻳﺸﻮﻓﻮﻧﻲ ﺧﻴﺮﻙ ﻣﺎﺣﻤﻠﺘﻴﺶ ﺧﻴﺮﻙ ﻣﺎﺣﻤﻠﺘﻴﺶ
ﻭﻓﺎﺀ : ﻣﺎﺗﺪﻭﺭﻳﺶ ﺍﻟﻨﺎﺱ ﺩﻳﻤﺎ ﻫﻜﻲ ﺭﺍﻫﻮ ﻣﺎﻳﺴﻴﺒﻮ ﺣﺪ ﻓﻲ ﺣﺎﻟﻪ
ﺍﻧﻲ : ﻭﺍﻟﻠﻪ ﻋﻘﺪﻭﻧﻲ ﻟﻴﻦ ﺗﻀﺎﻳﻘﺖ ﻭﻟﻴﺪ ﻓﻲ ﺍﻻﻭﻝ ﺭﻓﺾ ﺑﻌﺪﻫﺎ ﻗﺎﻟﻲ ﺑﺎﻫﻲ ﻧﻤﺸﻮ ﻭﻃﻠﻊ ﻋﻨﺪﻱ ﻛﻴﺲ ﻉ ﺍﻟﻤﺒﻴﺾ
ﻭﻓﺎﺀ : ﺑﺴﻴﻄﺔ ﻣﻌﻨﺎﻫﺎ ﺣﺒﻴﺒﺘﻲ ﻳﺘﺤﻮﻝ
ﺍﻧﻲ : ﺍﻳﻪ ﻻﺣﺘﻰ ﺍﻟﺪﻛﺘﻮﺭﺓ ﻗﺎﻟﺘﻠﻲ ﺳﺎﻫﻠﻪ ﻭﺍﻥ ﺷﺎﺀ ﺍﻟﻠﻪ ﺧﻴﺮ
ﻭﻓﺎﺀ : ﻭﺍﻣﺘﻰ ﺑﺘﻨﺤﻴﻪ ؟
ﺍﻧﻲ : ﻭﺍﻟﻠﻪ ﺗﻮﺍ ﻋﻄﺘﻨﻲ ﻋﻼﺝ ﺍﺳﺒﻮﻋﻴﻦ ﻭﺑﻌﺪﻫﺎ ﻧﻤﺸﻴﻠﻬﺎ ﺗﺎﻧﻲ ﻭﻫﻲ ﺗﺰﻳﺪ ﺗﺸﻮﻑ
ﻭﻓﺎﺀ : ﺑﺎﻩ ﺍﻥ ﺷﺎﺀ ﺍﻟﻠﻪ ﺧﻴﺮ
ﺍﻧﻲ : ﺍﻧﺘﻲ ﺣﺴﻴﺘﻪ ﺟﻮﻙ ﻣﺶ ﺣﻠﻮ
ﻭﻓﺎﺀ ﻭﻫﻲ ﻣﺘﻀﺎﻳﻘﻪ ﺑﻜﻞ : ﻋﺒﺪﻭ ﺯﻋﻼﻥ ﻣﻨﻲ ﻭﻻﻗﺒﻞ ﻳﻄﻠﻊ ﻟﻠﺠﻤﻌﻪ ﺗﻌﺎﺭﻛﻨﺎ
ﺍﻧﻲ : ﺧﻴﺮﻛﻢ ؟
ﻭﻓﺎﺀ ﺗﻨﻬﺪﺕ : ﻣﺎﻳﺒﻴﻨﻴﺶ ﻧﺎﺧﺪ ﻣﺎﻧﻊ ﺣﻤﻞ ﻭﺍﻧﻲ ﺑﻨﺘﻲ ﻋﻤﺮﻫﺎ ﺷﻬﺮﻳﻦ ﺑﺲ
ﺍﻧﻲ : ﺑﺎﻩ ﻫﻮ ﻋﻼﺵ ﻣﺎﻳﺒﻴﻜﺶ ﺗﺎﺧﺪﻳﻪ ﻗﺼﺪﻱ ﺑﻨﺘﻚ ﺻﻐﻴﺮﻩ ﻭﻋﻨﺪﻙ ﺍﻟﺤﻖ
ﻭﻓﺎﺀ : ﻣﺎﻧﻌﺮﻓﺶ ﻗﺎﻟﻲ ﻻ ﻭﻓﻴﻪ ﺍﺿﺮﺍﺭ ﻭﻣﺶ ﻋﺎﺭﻑ ﺷﻨﻮ ﻭﺍﻧﻲ ﻟﻤﺎ ﺧﺪﻳﺘﻪ ﺭﺍﺣﺖ ﻣﻦ ﺑﺎﻟﻲ ﻧﻘﻮﻟﻪ ﺑﻜﻞ ﻭﻛﻞ ﻣﺎﻧﺤﻂ ﻓﻲ ﺑﺎﻟﻲ ﺑﻨﻘﻮﻟﻚ ﻭﺍﻟﻠﻪ ﻧﻨﺴﻰ ﻳﺤﺴﺎﺑﻨﻲ ﺑﻠﻌﺎﻧﻲ ﻣﺎﻧﺒﻴﺶ ﻧﻘﻮﻟﻪ
ﺍﻧﻲ : ﻳﺎﺭﻭﺣﻲ ﺑﺎﻩ ﺣﺎﻭﻟﻲ ﺗﻔﻬﻤﻴﻪ
ﻭﻓﺎﺀ : ﻣﺎﺑﺎﺵ ﻳﺴﻤﻌﻠﻲ ﻛﻞ ﻣﺎﺑﻨﺠﻲ ﻧﺸﺮﺣﻠﻪ ﻳﺘﻜﻨﻄﻰ ﻭﻳﻄﻠﻊ ﻭﻳﺴﻴﺒﻨﻲ
ﺍﻧﻲ : ﻣﺸﻜﻠﻪ ﻭﺍﻟﻠﻪ ، ﺍﻧﺘﻲ ﺗﻮﺍ ﺧﻠﻴﻪ ﻳﻬﺪﺃ ﺷﻮﻳﺔ ﻭﻣﻌﺎﺵ ﺗﺠﻲ ﺟﻴﻬﺘﻪ ﻭﻟﻤﺎ ﺗﺤﺴﻴﻪ ﺍﻫﺪﻱ ﺣﺎﻭﻟﻲ ﺗﻔﻬﻤﻴﻪ ﺑﻬﺪﻭﺀ
ﻭﻓﺎﺀ : ﻣﺎﻧﺘﺤﻤﻼﺷﻲ ﻫﻜﻲ ﺯﻋﻼﻥ ﻣﻨﻲ ﺑﻜﻞ ﺗﻌﺮﻓﻲ ﻟﻴﻦ ﻧﻀﺎﻳﻖ ﻭﻧﻘﻌﺪ ﻧﺒﻜﻲ
ﺍﻧﻲ : ﻻﻻ ﺣﺒﻴﺒﻲ ﻣﺎﺗﻀﺎﻳﻘﻴﺶ ﺭﻭﺣﻚ ﻭﺧﻠﻴﻪ ﻳﻬﺪﺃ ﻭﺍﻥ ﺷﺎﺀ ﺍﻟﻠﻪ ﺗﻮ ﻳﻔﻬﻢ ﻋﻠﻴﻚ
ﻭﻗﻌﺪﺕ ﻧﻬﺪﺭﺯ ﺍﻧﻲ ﻭﻭﻓﺎﺀ ﻟﺤﺪ ﻣﺎﺭﻭﺣﻮ ﻣﻦ ﺻﻼﺓ ﺍﻟﺠﻤﻌﻪ ﻭﻧﻮﺿﻨﺎ ﺭﻭﺣﻨﺎ ﻭﻭﺗﻴﻨﺎ ﺳﻔﺮ ﺍﻟﻐﺪﻱ ﻭﺣﻄﻴﻨﺎ ﻗﻌﺪﻧﺎ ﻧﺘﻐﺪﻭ ﻣﻊ ﺑﻌﺾ
ﻭﻟﻴﺪ : ﺗﻮ ﻓﻲ ﺣﺪ ﻳﺄﻛﻞ ﺑﺎﺯﻳﻦ ﺑﺎﻟﻜﺎﺷﻴﻚ
ﺍﻧﻲ : ﻓﻲ ﺍﻧﻲ
ﻭﻟﻴﺪ : ﻋﻠﻴﻚ ﺩﻟﻊ
ﻋﻤﺘﻲ : ﻫﻬﻬﻪ ﻣﻌﻠﻴﺸﻲ ﺗﺎﻛﻞ ﺑﺎﻟﻲ ﻳﺮﻳﺤﻬﺎ
ﻭﻟﻴﺪ : ﺍﻣﻲ ﺣﺸﻴﺸﺘﻚ ﺗﺪﺍﻓﻌﻲ ﻋﻠﻴﻬﺎ ﺍﻧﺘﻲ
ﺍﻧﻲ : ﺳﻠﻢ ﻋﻤﻴﻤﺘﻲ ﻳﺎﺭﺑﻲ ﻫﻬﻬﻪ
ﻣﺤﻤﻮﺩ : ﻫﻬﻬﻬﻪ ﻣﻌﻠﻴﺸﻲ ﻳﺎﻭﻟﻴﺪ
ﻭﻟﻴﺪ : ﻛﻮﻝ ﻭﺍﺳﻜﺖ ﺍﻧﺖ ، ﺣﻘﺎ ﻛﻠﻤﺖ ﺻﺎﺣﺒﻲ ﺣﺠﺰﺕ ﺩﺍﺭﻳﻦ ﻓﻲ ﺍﻟﺒﺤﺮ ﺍﺳﺒﻮﻉ ﻧﻤﺸﻮ ﺑﻌﺪ ﻏﺪﻭﺓ ﻭﺣﺘﻰ ﺍﺧﻮﺍﺕ ﻭﺍﻡ ﻧﻮﺳﻪ ﺑﻴﻤﺸﻮ
ﺭﺣﻤﺔ : ﺍﻭﻭﻭﻩ ﻣﻠﻴﺤﺔ ﺑﻜﻞ
ﻋﺒﺪ ﺍﻟﻘﺎﺩﺭ : ﺍﻧﻲ ﻣﺎﻧﻘﺪﺭﺵ ﻧﻤﺸﻲ ﺗﻤﺸﻲ ﻣﻌﺎﻛﻢ ﻭﻓﺎﺀ ﻛﺎﻥ ﺗﺒﻲ
ﻭﻟﻴﺪ : ﺗﻲ ﻻ ﻋﺎﺩ ﻧﺒﻮﻫﺎ ﻫﻜﻲ ﻟﻤﻪ ﻳﺎﺍﺭﺍﺟﻞ
ﻋﺒﺪ ﺍﻟﻘﺎﺩﺭ : ﻻ ﻭﺍﻟﻠﻪ ﺻﻌﺒﻪ ﺑﻜﻞ ﻋﻨﺪﻱ ﻣﻮﺍﻋﻴﺪ ﻓﻲ ﺍﻟﻌﻴﺎﺩﻩ ﻭﻫﻜﻲ ﻧﻤﺸﻲ ﻣﻌﺎﻛﻢ ﺍﻭﻝ ﻳﻮﻡ ﻧﻜﺴﺪ ﻭﺑﻌﺪﻫﺎ ﻧﺮﻭﺡ
ﻣﺤﻤﻮﺩ : ﻭﺍﻟﻠﻪ ﻣﻠﻴﺤﺔ ﺗﻐﻴﻴﺮﻩ ﺟﻮ
ﻭﻟﻴﺪ : ﺷﻦ ﺭﺍﻳﻚ ﻳﺎﺍﻣﻲ
ﻋﻤﺘﻲ : ﻋﺎﺩﻱ ﻳﺎﻭﻟﻴﺪﻱ ﺍﻟﻲ ﻳﺮﻳﺤﻜﻢ ﺩﻳﺮﻭﻩ ﻣﺎﻋﻨﺪﻳﺶ ﻣﺎﻧﻊ
ﻭﻟﻴﺪ : ﺗﻤﻢ ﻣﻌﻨﺎﻫﺎ ، ﺑﻴﺶ ﺗﻌﻄﻲ ﻋﻠﻢ ﻻﺍﻣﻚ ﻳﺎﻧﻮﺳﻪ
ﺍﻧﻲ : ﺍﻥ ﺷﺎﺀ ﺍﻟﻠﻪ ﺣﺎﺿﺮ
ﻭﻋﻤﻚ ﻣﺤﻤﻮﺩ ﻓﺮﺣﺎﻥ ﻳﺎﻋﻴﻨﻲ ﻧﻮﺍﻝ ﺑﺘﻤﺸﻲ ﻣﻌﺎﻧﺎ
ﻛﻤﻠﻨﺎ ﻏﺪﺍﻧﺎ ﻭﺿﻤﻴﻨﺎ ﺍﻻﻣﺎﻋﻴﻦ ﻭﺑﻌﺪﻫﺎ ﺩﺭﻧﺎ ﺷﺎﻫﻲ ﻭﻗﻌﻤﺰﻧﺎ ﻭﻗﻌﺪﻧﺎ ﻧﻬﺪﺭﺯﻭ ﻭﻳﺨﻄﻄﻮ ﻋﻠﻲ ﻣﺸﻴﻪ ﺑﻌﺪ ﻏﺪﻭﺓ ﺷﻦ ﻧﺮﻓﻌﻮ ﻭﺷﻦ ﻣﺎﻧﺮﻓﻌﻮﺵ ﻭﺍﻧﻲ ﻛﻠﻤﺖ ﻣﺎﻣﺎ ﻭﻗﺎﻟﺖ ﺑﺎﻫﻲ ﻭﺍﺧﻮﺍﺗﻲ ﻓﺮﺣﻮ
ﻭﻟﻴﺪ ﺷﺎﺩ ﺑﺘﻮﻝ ﻭﻳﻠﻌﺐ ﻓﻴﻬﺎ ﻭﺍﻧﻲ ﻗﻌﺪﺕ ﻧﺸﻮﻓﻠﻪ ﻛﻴﻒ ﻛﺎﻥ ﻣﺒﺘﺴﻢ ﻭﻳﺒﻮﺱ ﻋﻠﻴﻬﺎ ﻭﻳﻌﺎﻭﺩ ﻭﺧﻨﻘﺘﻨﻲ ﺍﻟﻌﺒﺮﺓ ﺧﻔﺖ ﻧﺤﺮﻣﻪ ﻣﻦ ﻫﺎﻟﻔﺮﺣﺔ ﻭﻫﻮ ﻳﺤﺐ ﺍﻟﺼﻐﺎﺭ
ﻭﻟﻴﺪ ﻳﻤﺪﻟﻲ ﻓﻮﻧﻪ : ﺻﻮﺭﻳﻨﻲ ﻣﻌﺎﻫﺎ ﻧﻮﺳﻪ
ﺍﻧﻲ ﺧﺪﻳﺖ ﺍﻟﺘﻠﻴﻔﻮﻥ ﻭﺍﺑﺘﺴﻤﺖ : ﺑﺎﻩ ﺣﺎﺿﺮ ﻏﻴﺮ ﺷﺪﻫﺎ ﻛﻮﻳﺲ ﻫﻜﻲ ﺑﻴﺶ ﺗﺒﺎﻥ ، ﺍﻳﻮﺍﻩ ﺑﺎﻟﻀﺒﻂ ﻫﻲ ﻭﺻﻮﺭﺗﻬﻢ ﻭﻣﺪﻳﺘﻠﻪ ﺍﻟﻔﻮﻥ ﻭﻗﻌﺪﺕ ﻧﺮﺍﻗﺐ ﻓﻴﻪ ﻭﻫﻮ ﺣﺲ ﺑﻌﻴﻮﻧﻲ ﻭﻓﻬﻢ ﻋﻠﻴﺎ
ﻭﻟﻴﺪ ﻣﺪ ﺑﺘﻮ ﻻﻣﻬﺎ ﻭﻗﻌﺪ ﻳﺸﻮﻓﻠﻲ ﻭﻣﺒﺘﺴﻢ ﺑﺎﺩﻟﺘﻪ ﺍﻻﺑﺘﺴﺎﻣﻪ
،،،،،،
ﺛﺎﻧﻲ ﻳﻮﻡ ﺟﻮﻧﻲ ﻣﺎﻣﺎ ﻭﺍﺧﻮﺍﺗﻲ ﺑﺎﺗﻮ ﻋﻨﺪﻱ ﺑﺎﺵ ﻧﻄﻠﻌﻮ ﻣﻊ ﺑﻌﺾ
ﺟﻲ ﺍﻟﻴﻮﻡ ﺍﻟﻲ ﺑﻌﺪﻩ ﻧﻀﺖ ﺍﻟﺴﺎﻋﻪ 7 ﻭﻗﻌﺪﺕ ﻧﻮﺗﻲ ﻓﻲ ﺍﻟﺸﻨﻄﺔ ﻭﻧﺎﺿﺖ ﻣﺎﻣﺎ ﻭﻗﻌﺪﺕ ﺗﺤﻂ ﻓﻲ ﺗﻮﺍﺑﻞ ﻭﻫﻜﻲ ﻣﺮﺍﺕ ﻧﻘﻌﺪﻭ ﻧﻄﻴﺒﻮ ﺑﻴﻬﻢ ﻭﻭﺗﻴﺖ ﻓﻄﻮﺭ ﻭﻉ ﺍﻟﺴﺎﻋﻪ ﺗﻤﺎﻧﻴﻪ ﻧﻮﺿﺘﻬﻢ ﻛﻠﻬﻢ ﻭﻓﻄﺮﻧﺎ ﻭﻟﺒﺴﻨﺎ ﻭﻧﺰﻟﻨﺎ ﺍﻟﻘﻴﻨﺎ ﻣﺤﻤﻮﺩ ﻓﻲ ﺍﻟﺠﻨﺎﻥ ﻣﻘﻌﻤﺰ ﻭﻳﺪﺧﻦ
ﻭﻟﻴﺪ : ﺩﺧﺎﻥ ﻉ ﺍﻟﺼﺒﺢ ﺗﻲ ﻟﻮﺡ ﻳﺎﺭﺍﺟﻞ
ﻣﺤﻤﻮﺩ ﻟﻤﺎ ﺷﺎﻑ ﻧﻮﺍﻝ ﻃﻔﺎﻩ
ﻭﻧﻮﺍﻝ ﺗﻔﻨﺺ ﻓﻴﻪ
ﺍﻧﻲ : ﺻﺒﺎﺡ ﺍﻟﺨﻴﺮ ﻳﺎﻣﺤﻤﻮﺩ
ﻣﺤﻤﻮﺩ : ﺻﺒﺎﺡ ﺍﻟﻨﻮﺭ ﺷﻦ ﺑﺘﻄﻠﻌﻮ ﺗﻮﺍ
ﻭﻟﻴﺪ : ﺍﻳﻪ ﺑﻌﺪ ﺷﻮﻳﺔ ﻫﻴﺎ ﻭﺍﺗﻲ ﺍﻧﺖ ﻭﺍﻻ
ﻣﺤﻤﻮﺩ : ﻭﺍﺗﻲ ﺍﻳﻪ ﻧﺮﺍﺟﻲ ﻓﻴﻬﻢ ﻳﻮﺗﻮ ﺭﻭﺣﻬﻢ
ﺍﺣﻨﻲ ﺧﺸﻴﻨﺎ ﺍﻟﺪﺍﺧﻞ ﺍﻟﻘﻴﺘﻬﻢ ﻗﺎﻋﺪﻳﻦ ﻳﻮﺗﻮ ﻓﻲ ﺭﻭﺣﻬﻢ ﻭﻭﻓﺎﺀ ﻣﻘﻌﻤﺰﺓ ﻓﻲ ﺍﻟﺼﺎﻟﺔ ﻭﺷﺎﺩﻩ ﺑﻨﺘﻬﺎ
ﺍﺣﻨﻲ : ﺍﻟﺴﻼﻡ ﻋﻠﻴﻜﻢ ﺻﺒﺎﺡ ﺍﻟﺨﻴﺮ
ﻭﻓﺎﺀ : ﺻﺒﺎﺡ ﺍﻟﻨﻮﺭ ﺍﻫﻠﻴﻦ ﻛﻴﻒ ﺣﺎﻟﻜﻢ ﺍﻟﻴﻮﻡ
ﻣﺎﻣﺎ : ﺍﻟﺤﻤﺪ ﻟﻠﻪ ﻛﻮﻳﺴﻴﻦ
ﻭﻗﻌﺪﻧﺎ ﻣﻘﻌﻤﺰﻳﻦ ﻧﺮﺍﺟﻮ ﻓﻲ ﻋﻤﺘﻲ ﻭﺭﺣﻤﺔ ﻳﻄﻠﻌﻮ ، ﻭﺑﻌﺪﻭ ﻭﺗﻮ ﺭﻭﺣﻬﻢ ﻗﻌﺪﻭ ﻣﺤﻤﻮﺩ ﻭﻭﻟﻴﺪ ﻳﻄﻠﻌﻮ ﻓﻲ ﺍﻟﺤﺎﺟﺎﺕ ﻭﻳﺤﻄﻮ ﻓﻴﻬﻢ ﻓﻲ ﺍﻟﺴﻴﺎﺭﺍﺕ
ﺭﻛﺒﺖ ﺍﻧﻲ ﻣﻊ ﻭﻟﻴﺪ ﻭﺍﺧﻮﺍﺗﻲ ﺭﻛﺒﻮ ﻣﻊ ﻧﻮﺭﺱ ﻋﻠﻲ ﺍﺳﺎﺱ ﺗﻄﻠﻊ ﻭﺭﺍﻧﺎ ﻭﻣﺤﻤﻮﺩ ﺭﻛﺒﺖ ﻣﻌﺎﻩ ﻋﻤﺘﻲ ﻭﺭﺣﻤﺔ ﻭﻭﻓﺎﺀ
ﻭﻟﻴﺪ ﻭﺍﻗﻒ ﻋﻠﻲ ﺭﻭﺷﻦ ﻋﻤﺘﻲ : ﺍﻣﻲ ﻣﺎﻗﻠﺘﻴﺶ ﻟﻤﻨﻰ ﺑﺎﻟﻚ ﺗﺒﻲ ﺗﻤﺸﻲ
ﻋﻤﺘﻲ : ﻻﻭﺍﻟﻠﻪ ﻧﺴﻴﺘﻬﺎ
ﻭﻟﻴﺪ : ﺗﻮ ﻧﺸﻮﻑ ﻋﻤﺎﺩ ﺩﻗﻴﻘﻪ
ﻭﺍﺗﺼﻞ ﻭﻟﻴﺪ ﺑﻌﻤﺎﺩ ﻭﻗﺎﻟﻪ ﻟﻮ ﻳﻘﺪﺭﻭ ﻳﺠﻮ ﻭﻋﻄﺎﻫﻢ ﻭﻳﻦ ﺍﺣﻨﻲ ﻣﺎﺷﻴﻴﻦ ﻭﺳﻜﺮ
ﻋﻠﻲ ﻃﻠﻌﻪ ﻋﺒﺪ ﺍﻟﻘﺎﺩﺭ : ﺷﻦ ﻗﺎﻋﺪﻳﻦ ﻣﺎﺍﻣﺸﻴﺘﻮﺵ
ﻭﻟﻴﺪ : ﺍﻫﻮ ﺑﻨﻄﻠﻌﻮ ﺍﺣﻨﻲ ﺍﻧﺖ ﺗﺰﺑﻂ ﺍﻟﻤﻜﺎﻥ ﻭﺍﻻ ﺑﺎﺵ ﺗﺠﻲ
ﻋﺒﺪ ﺍﻟﻘﺎﺩﺭ : ﺍﻳﻪ ﻧﺰﺑﻄﻪ ﺗﻢ ﺍﻧﺘﻮ ﻏﻴﺮ ﺗﻮﻛﻠﻮ ﺗﻮ
ﻭﻟﻴﺪ : ﺍﻥ ﺷﺎﺀ ﺍﻟﻠﻪ ﻫﻲ ﻣﻊ ﺍﻟﺴﻼﻣﻪ
ﻭﻃﻠﻌﻨﺎ ﻭﻛﺎﻧﺖ ﻣﺴﺎﻓﻪ ﺑﻌﻴﺪﻩ ﻳﻌﻨﻲ ﺳﺎﻋﻪ ﻓﻲ ﺍﻟﻄﺮﻳﻖ ﻭﻛﻨﺎ ﻓﺎﺗﺤﻴﻦ ﺍﻏﺎﻧﻲ ﻭﻧﻬﺪﺭﺯﻭ ﻃﻮﻝ ﺍﻟﻮﻗﺖ
ﻧﻮﺭﺱ : ﻭﺍﻟﻠﻪ ﺗﻌﺒﺖ ﻣﻦ ﺍﻟﺴﻮﺍﻗﻪ ﺗﻲ ﺍﻣﺘﻰ ﺑﻨﻮﺻﻠﻮ
ﻣﺎﻣﺎ : ﻳﺎﺭﻳﺘﻪ ﺧﻠﻴﺘﻲ ﺳﻴﺎﺭﺗﻚ ﻓﻲ ﺣﻮﺷﻬﻢ ﻭﺭﻛﺒﻨﺎ ﻣﻊ ﻭﻟﻴﺪ
ﻧﻮﺭﺱ : ﻧﺠﻴﺒﻬﺎ ﺧﻴﺮ ﻳﺎﻣﺎﻣﺎ ﺑﻌﺪﻳﻦ ﻧﺮﻭﺣﻮ ﻋﻠﻲ ﻃﻮﻝ ﻟﺤﻮﺷﻨﺎ
ﻧﻮﺍﻝ : ﺍﻧﻲ ﺑﻨﺮﺭﻗﺪ ﻭﻟﻤﺎ ﻧﻮﺻﻠﻮ ﻧﻮﺿﻮﻧﻲ ، ﻭﺣﻄﺖ ﺭﺍﺳﻬﺎ ﻋﻠﻲ ﺍﻟﺮﻭﺷﻦ ﻭﻏﻤﻀﺖ ﻋﻴﻮﻧﻬﺎ ﻭﺭﺍﺣﺖ ﻓﻴﻬﺎ ﻧﻮﻣﻪ
ﻣﺤﻤﻮﺩ ﻳﺴﻮﻕ ﻭﻗﺮﺏ ﻣﻦ ﺳﻴﺎﺭﺓ ﻧﻮﺭﺱ ﻭﺟﺖ ﻓﻲ ﺍﺷﺎﺭﺓ ﻭﻗﻒ ﺟﻨﺒﻬﻢ ﻭﺷﺎﻑ ﻧﻮﺍﻝ ﻛﻴﻒ ﺭﺍﻗﺪﻩ ﻉ ﺍﻟﺮﻭﺷﻦ ﺳﺮﺡ ﻓﻴﻬﺎ ﻭﻣﺒﺘﺴﻢ
ﻋﻤﺘﻲ : ﺧﺪﻳﺖ ﻟﺤﻢ ﻳﺎﻣﺤﻤﻮﺩ
ﻣﺤﻤﻮﺩ ﺳﺮﺣﺎﻥ
ﻋﻤﺘﻲ : ﺣﻤﻴﺪﺍ ﻧﻜﻠﻢ ﻓﻴﻚ
ﻣﺤﻤﻮﺩ ﺳﺮﺣﺎﻥ ﻓﻲ ﻋﺎﻟﻢ ﺗﺎﻧﻲ
ﻋﻤﺘﻲ ﻧﺨﺼﺎﺍﺗﻪ : ﻣﺤﻤﻮﻭﻭﺩ
ﻣﺤﻤﻮﺩ ﺍﻧﺨﻠﻊ : ﻫﺎﺍ ﻳﺎﺍﻣﻲ ﺷﻦ ﻓﻲ ﺧﻴﺮﻙ ﺧﻠﻌﺘﻴﻨﻲ
ﻋﻤﺘﻲ : ﻟﻴﺎ ﺳﺎﻋﻪ ﻧﺪﻭﻱ ﺑﺮﻭﺣﻲ ﻭﻳﻦ ﺳﺮﺣﺎﻥ
ﻣﺤﻤﻮﺩ : ﺷﻦ ﻗﻠﺘﻲ
ﻋﻤﺘﻲ : ﺧﺪﻳﺘﻮ ﻟﺤﻢ ﺑﻴﺶ ﺗﺸﻮﻭ ﻏﺎﺩﻱ
ﻣﺤﻤﻮﺩ : ﻭﻟﻴﺪ ﻗﺎﻝ ﺗﻮ ﺑﻴﺎﺧﺪ ﺍﻛﻴﺪ ﻳﻮﻗﻒ ﻋﻠﻲ ﺟﺰﺍﺭ
ﻭﻗﻌﺪ ﻣﺤﻤﻮﺩ ﻃﻮﻝ ﺍﻟﻄﺮﻳﻖ ﻳﻘﺮﺏ ﻣﻦ ﺳﻴﺎﺭﺓ ﻧﻮﺭﺱ ﻭﻳﺸﻮﻑ ﻟﻨﻮﺍﻝ ﻛﻴﻒ ﺭﺍﻗﺪﻩ ﻛﺎﻧﺖ ﻣﻼﻣﺤﻬﺎ ﻃﻔﻮﻟﻴﻪ ﻭﻳﺸﻮﻑ ﻓﻴﻬﺎ ﻛﺎﻧﻬﺎ ﻣﻼﻙ ﺭﺍﻗﺪ ﻭﻗﺪﺍﺵ ﻣﺮﺓ ﻗﺮﻳﺐ ﺩﺍﺭ ﺑﻴﻬﻢ ﺣﺎﺩﺙ ﻳﺴﺮﺡ ﻭﻫﻮ ﻳﺴﻮﻕ
ﻭﺻﻠﻨﺎ ﻭﻧﺰﻟﻨﺎ ﺧﺸﻴﻨﺎ ﻟﻠﺪﻳﺎﺭ ﻣﺤﻤﻮﺩ ﻭﻭﻟﻴﺪ ﻗﻌﺪﻭ ﻓﻲ ﺩﺍﺭ ﻭﺍﺣﻨﻲ ﺧﺪﻳﻨﺎ ﺩﺍﺭ ﻣﻊ ﺑﻌﺾ ﺣﻄﻴﻨﺎ ﺣﺎﺟﺎﺗﻨﺎ ﻭﺑﻌﺪﻫﺎ ﻃﻠﻌﻨﺎ ﻗﻌﻤﺰﻧﺎ ﻋﻠﻲ ﻃﺎﻭﻟﺔ ﻗﺪﺍﻡ ﺍﻟﺪﺍﺭ ﻭﻗﻌﺪﻧﺎ ﻧﻬﺪﺭﺯﻭ
ﻭﻣﺤﻤﻮﺩ ﻭﻧﻮﺍﻝ ﻳﺘﺒﺎﺩﻟﻮ ﻓﻲ ﺍﻟﻨﻈﺮﺍﺕ ﻣﻦ ﺗﺤﺖ ﻟﺘﺤﺖ ﻭﺍﻧﻲ ﺯﺍﺑﻄﺘﻬﻢ ﻭﺣﺘﻰ ﻣﺎﻣﺎ ﻗﻌﺪﺕ ﻣﺮﻛﺰﺓ ﻋﻠﻲ ﻧﻮﺍﻝ ﻭﻻﺣﻈﺘﻬﺎ
ﻣﺤﻤﻮﺩ ﺑﻌﺖ ﻣﺴﺞ ﻟﻨﻮﺍﻝ : ﺧﺸﻲ ﺑﺪﻟﻲ ﺍﻟﻲ ﻻﺑﺴﺘﻴﻬﺎ
ﻧﻮﺍﻝ ﺭﺩﺕ ﺑﻤﺴﺞ ﺑﺎﺍﺳﺘﻌﺒﺎﻁ : ﺷﻦ ﻫﻲ ؟
ﻣﺤﻤﻮﺩ : ﺍﻟﺴﻮﺭﻳﺔ ﺍﻟﺰﻓﺖ ﺍﻟﻲ ﻻﺑﺴﺘﻴﻬﺎ ﻋﻼﺵ ﻏﻴﺮﺗﻲ ﺍﻟﻲ ﺟﻴﺘﻲ ﺑﻴﻬﺎ ﺍﻻﻭﻟﻰ
ﻧﻮﺍﻝ : ﻣﺎﻫﻮ ﻧﺒﻲ ﻧﻌﻮﻡ
ﻣﺤﻤﻮﺩ ﻗﺎﻡ ﺭﺍﺳﻪ ﻭﻓﻨﺺ ﻓﻴﻬﺎ ﻭﻛﺘﺒﻠﻬﺎ : ﺑﺘﻨﻮﺿﻲ ﺗﻐﻴﺮﻳﻬﺎ ﻭﺍﻻ ﻧﺠﻴﻚ ﺗﻮﺍ
ﻧﻮﺍﻝ : ﺧﻴﺮﻙ ﻣﻌﻘﺪ ﻫﻜﻲ
ﻣﺤﻤﻮﺩ : ﺍﻧﻲ ﻫﻜﻲ ﻫﻴﺎ ﻳﺎﻧﻮﺍﻝ ﺧﻴﺮﻟﻚ
ﻧﻮﺍﻝ : ﺍﻭﻭﻑ
ﻣﺤﻤﻮﺩ ﺷﺎﻓﻬﺎ ﻟﻤﺎ ﻧﻔﺨﺖ : ﺣﻲ ﻋﻠﻴﻚ ﻣﻦ ﺍﻻﻭﻭﻑ ﻫﺎﺩﻱ
ﻧﻮﺍﻝ ﻗﻌﺪﺕ ﺗﻀﺤﻚ
ﺍﺣﻨﻲ ﺗﻠﻔﺘﻨﺎﻟﻬﺎ ﻗﻌﺪﻧﺎ ﻧﺸﻮﻓﻮﻟﻬﺎ
ﻧﻮﺍﻝ : ﻫﺎﺩﻱ ﺻﺎﺣﺒﺘﻲ ﻫﻬﻬﻪ ﻣﺴﻜﻴﻨﻪ ﺗﺒﻲ ﺗﻤﺸﻲ ﻟﻠﺒﺤﺮ ﻭﺧﻮﻫﺎ ﻗﺎﻳﻠﻠﻬﺎ ﻻ ﻭﻗﻌﺪﺕ ﻧﺘﺴﻬﻮﻙ ﻋﻠﻴﻬﺎ ﻫﻬﻬﻪ ، ﻭﺗﻀﺤﻚ ﻓﻲ ﺿﺤﻜﺔ ﺻﻔﺮﺍ ﺑﺘﺎﻉ ﻭﺣﺪﺓ ﺩﺍﻳﺮﻩ ﻋﻤﻠﻪ ، ﻭﻛﺎﻥ ﺻﻮﺗﻬﺎ ﻋﺎﻟﻲ ﺷﻮﻱ ﻭﻫﻲ ﺗﺒﺮﺭ
ﻣﺤﻤﻮﺩ ﺳﻤﻌﻬﺎ ﻭﻗﻌﺪ ﻳﻀﺤﻚ ﻭﺑﻌﺘﻠﻬﺎ : ﻫﻬﻬﻬﻬﻬﻪ ﻓﻦ ﻓﻲ ﺍﻟﺘﻔﻠﻴﻢ
ﻧﻮﺍﻝ ﺷﺎﺩﻩ ﺿﺤﻜﺘﻬﺎ ﻭﻛﺘﺒﺘﻠﻪ : ﻫﻬﻬﻬﻬﻪ ﻛﻠﻪ ﻣﻨﻚ ﻗﻌﺪﺕ ﺯﻱ ﺍﻟﻌﺒﻴﻄﺔ
ﻣﺤﻤﻮﺩ : ﺍﺻﻼ ﺍﻧﺘﻲ ﻋﺒﻴﻄﺔ
ﻧﻮﺍﻝ ﺷﺎﻓﺘﻠﻪ ﻭﻓﻨﺼﺖ ﻓﻴﻬﺎ ﻭﻛﺘﺒﺘﻠﻪ : ﺣﻘﺎ ﺭﺍﻫﻮ ﺑﺎﻟﻚ ﺗﺤﺴﺎﺑﻨﻲ ﻧﺴﻴﺖ ﺍﻣﺒﻜﺮﻱ ﻟﻤﺎ ﺗﺪﺧﻦ ﻣﺶ ﻗﻠﺘﻠﻲ ﺑﻨﺴﻴﺒﻪ
ﻣﺤﻤﻮﺩ : ﺑﻨﺴﻴﺒﻪ ﻭﺍﻟﻠﻪ ﺑﺪﻳﺖ ﻧﺎﺧﺪ ﻓﻲ ﻭﺍﺣﺪ ﻓﻲ ﺍﻟﻴﻮﻡ ﺑﺲ ﻭﻓﻲ ﺍﻳﺎﻡ ﻣﺎﻧﺪﺧﻨﺶ ﻣﺮﺍﺕ ﻳﻌﻨﻲ ﺑﺲ
ﻧﻮﺍﻝ : ﺣﺘﻰ ﺍﻟﻤﺮﺍﺕ ﻫﺎﺩﻱ ﺍﻧﺴﺎﻫﺎ ﻭﺍﻟﻠﻪ ﻣﻌﺎﺩ ﻧﻜﻠﻤﻚ ﻣﺎﻧﺤﺒﺎﺷﻲ ﺍﻧﻲ ﺍﻟﺪﺧﺎﻥ
ﻣﺤﻤﻮﺩ : ﺗﻲ ﺑﺎﻫﻲ ﺳﺎﺍﻫﻞ ﺳﺎﺍﻫﻞ ﺗﻮﺍ ﺍﻧﺘﻲ ﻧﻮﺿﻲ ﻏﻴﺮﻱ ﺍﻟﻲ ﻻﺑﺴﺘﻴﻬﺎ ﻭﺍﻟﺒﺴﻲ ﻟﺒﺴﻪ ﺑﺎﻫﻴﻪ ﻛﺎﻥ ﻫﺪﺍ ﻣﺎﺗﺤﻠﻤﻴﺶ ﺗﻌﻮﻣﻲ
ﻧﻮﺍﻝ : ﺑﺎﻫﻲ
ﺧﺸﺖ ﻧﻮﺍﻝ ﻭﻗﻌﺪﺕ ﺗﺪﻭﺭ ﻓﻲ ﺳﻮﺭﻳﺔ ﻃﻮﻳﻠﺔ
ﻧﺮﺟﺲ ﺷﺎﺩﻩ ﺍﻟﺴﻤﺎﻋﺎﺕ : ﻣﺎﻣﺎ ﻧﺒﻲ ﻧﺘﻤﺸﻰ ﺷﻮﻳﺔ ﻋﺎﺩﻱ
ﻣﺎﻣﺎ : ﺑﺎﻩ ﺑﺮﻱ ﻟﻜﻦ ﺭﺩﻱ ﺑﺎﻟﻚ ﻣﻦ ﺭﻭﺣﻚ ﻭﻣﺎﺗﺒﺎﻋﺪﻳﺶ ﺑﺎﺵ ﻣﺎﺗﺮﻳﺤﻴﺶ
ﻧﺮﺟﺲ : ﺑﺎﻩ ﺣﺎﺿﺮ ، ﻭﺭﻛﺒﺖ ﺳﻤﺎﻋﺎﺗﻬﺎ ﻭﻓﺘﺤﺖ ﺍﻏﺎﻧﻲ ﻫﺎﺩﻳﻪ ﻭﻗﻌﺪﺕ ﺗﻤﺸﻲ ﻉ ﺍﻟﺸﻂ ﻭﻛﻞ ﻣﺮﺓ ﺗﺒﺎﻋﺪ ﻟﺤﺪ ﻣﺎﻭﺻﻠﺖ ﻣﻜﺎﻥ ﻛﺎﻥ ﻛﻠﻪ ﺭﺷﺎﺩ ﻛﺒﻴﺮﻩ ﻭﻛﺎﻥ ﻣﻜﺎﻥ ﺣﻠﻮ ﻫﻠﺒﺎ ﻭﻋﺎﻟﻲ ﻋﻠﻲ ﺍﻟﺒﺤﺮ ﻭﻗﺮﺑﺖ ﻣﻨﻪ ﻭﺷﺎﻓﺖ .........
#يتبع
