منقولة
الحلقةة[76]
من ﺭﻭﺍﻳﺔ - - ->" ﺳﻨــﺪ ﺍﻷﻧﺜــﻰ ﺭﺟــﻞ "
ﻫﻲ : ﺣﺴﺴﻦ ﺭﺍﻫﻮ ﻛﻠﻤﻨﻲ ﻭﺍﺣﺪ ﻳﺒﻲ ﺭﻗﻤﻚ
ﺣﺴﻦ : ﻣﻨﻮ ؟
ﻫﻲ : ﻣﺎﻧﻌﺮﻓﺶ ﺻﺎﺣﺒﻚ ﻛﺘﺒﻠﻲ ﻳﺒﻴﻪ ﻓﻲ ﺗﻌﻠﻴﻖ ﺍﻋﻄﻴﺘﻬﻮﻟﻪ ، ﻭﻣﺪﺗﻠﻪ ﺍﻟﺘﻠﻴﻔﻮﻥ
ﺣﺴﻦ ﻫﺪﺍ ﺍﻣﺎ ﻣﻨﺸﻮﺭ ، ﻭﺷﺎﻑ ﺍﻟﺼﻮﺭﺓ : ﺷﻦ ﺩﺭﺭﺭﺭﺭﺭﺗﻲ ﺍﻧﺘﻴﻴﻴﻴﻴﻴﺒﻲ
ﺍﺧﺘﻪ : ﺷﻦ ﺩﺭﺕ ﻛﻨﻚ
ﺣﺴﻦ : ﻣﻦ ﻗﺎﺍﺍﺍﺍﻟﻚ ﻧﺰﺯﺯﻟﻲ ﻫﻜﻲ ﻣﻦ ﻗﺎﺍﺍﺍﻟﻚ ﺍﻛﺘﺒﻲ ﺍﻟﺰﺯﺯﺯﺡ ﺷﻦ ﺩﺭﺗﺘﺘﺘﺘﻲ ﺑﺴﺴﺴﺲ
ﺍﺧﺘﻪ : ﺗﻲ ﻛﻨﻚ ﻣﺎﺩﺭﺗﺶ ﺷﻲ ﻏﻠﻂ ﺭﺍﻫﻮﻭ ﺍﻧﻲ ، ﻫﺎﺕ ﺗﻠﻴﻔﻮﻧﻲ
ﺣﺴﻦ : ﺍﻣﺤﻴﻴﻴﻴﻪ ﺍﻟﻤﻨﺸﻮﻭﺭ ﺍﻣﺤﻴﻴﻲ ﺗﻮﺍﺍ
ﻭﻳﻄﻠﻊ ﺗﻠﻴﻔﻮﻧﻪ ﻣﻦ ﺟﻴﺒﻪ ﻳﻠﻘﻰ 5 ﻣﻜﺎﻟﻤﺎﺕ ﻣﻦ ﺭﻗﻢ
ﻧﻮﺍﻝ : ﺍﻟﺤﻴﻮﺍﻥ ﻣﺎﻳﺮﺩﺵ ﻭﺍﻟﻠﻪ ﻭﺭﺍﻩ ﻭﺭﺍﻩ ﻟﻴﻦ ﻳﺮﺩ ، ﻭﻋﺎﻭﺩﺕ ﺍﻻﺗﺼﺎﻝ
ﺣﺴﻦ ﺭﺩ ﺑﺎﺳﺘﻐﺮﺍﺏ : ﺍﻳﻮﻩ
ﻧﻮﺍﻝ : ﺍﻟﻮ
ﺣﺴﻦ : ﺧﻴﺮ ؟
ﻧﻮﺍﻝ : ﻣﻨﻴﻦ ﺑﻴﺠﻲ ﺍﻟﺨﻴﺮ ﻭﻓﻲ ﻣﺨﻠﻮﻗﺎﺕ ﺯﻳﻚ ﺗﻤﺸﻲ ﻋﻠﻲ ﺳﻄﺢ ﺍﻻﺭﺽ
ﺣﺴﻦ ﻃﻠﻊ ﻣﻦ ﺟﻨﺐ ﺍﺧﺘﻪ : ﺷﻦ ﺗﻘﻮﻟﻲ ﺍﻧﺘﻲ ﻣﻨﻮ ؟
ﻧﻮﺍﻝ : ﺍﻧﻲ ﺍﻟﺠﻨﻲ ﺍﻟﻲ ﺑﻴﻠﺒﺲ ﻋﺮﻭﺳﺘﻚ ﺍﻟﻠﻴﻠﺔ ﻓﻲ ﺑﻴﺎﻧﻚ
ﻧﻮﺭﺱ ﺣﻄﺖ ﻳﺪﻫﺎ ﻋﻠﻲ ﻓﻤﻬﺎ ﻭﺗﻀﺤﻚ ﻭﻧﻮﺍﻝ ﺗﻔﻨﺺ ﻓﻴﻬﺎ
ﺣﺴﻦ : ﻧﻌﻤﻢ ؟؟
ﻧﻮﺍﻝ : ﺟﻠﻢ ﻳﻠﻮﻱ ﻟﺴﺎﻧﻚ ، ﺍﻧﺖ ﻣﺎﺗﺘﺤﺸﻤﺶ ﻋﻠﻲ ﻭﺟﻬﻚ ﺑﻜﻞ ﻣﺎﻓﻴﻜﺶ ﺫﺭﺭﺓ ﺍﺣﺴﺎﺱ ﻗﺼﺪﻱ ﺑﺠﺪ ﻣﺶ ﻣﺼﺪﻗﺔ ﻓﻲ ﻧﺎﺱ ﺑﺎﻟﺤﻘﺎﺭﺓ ﻫﺎﺩﻱ ﺯﻳﻚ
ﺣﺴﻦ ﻣﺼﺪﻭﻡ : ﺍﺣﺘﺘﺮﻣﻤﻲ ﻧﻔﺴﻚ
ﻧﻮﺍﻝ : ﺍﻱ ﺍﺣﺘﺮﺍﻡ ﻳﻠﻠﻲ ﻣﺎﺗﺘﺤﺸﻤﺶ ﻋﻠﻲ ﻭﺟﻬﻚ ﻟﻜﻦ ﺭﺑﻲ ﻫﻮ ﺍﻟﻲ ﻳﺎﺧﺪ ﻓﻴﻚ ﺍﻟﺤﻖ ، ﺑﺮﺍ ﺍﻥ ﺷﺎﺀ ﺍﻟﻠﻪ ﺍﻟﻴﻮﻡ ﺑﻴﺎﻧﻚ ﻳﻨﻘﻠﺐ ﻓﻮﻗﻲ ﻟﻮﻭﻃﻲ ﺑﺎﺍﻫﻲ ، ﻟﻜﻦ ﺍﺧﺘﻲ ﺭﺑﻲ ﻳﺎﺧﺪ ﺣﻘﻬﺎ ﻳﺎﻟﻲ ﺣﺴﺒﺎﺗﻚ ﺭﺍﺍﺟﻞ
ﺣﺴﻦ : ﺍﺣﺘﺮﻣﻲ ﻧﻔﺴﻚ ﺭﺍﺟﻞ ﻏﺼﺒﻦ ﻋﻨﻚ ﻭﻣﻦ ﻫﻲ ﺍﺧﺘﻚ
ﻧﻮﺍﻝ : ﻻﻻ ﺷﻜﻠﻬﻢ ﻫﻠﺒﺎ ﻫﻤﺎ ﻟﺪﺭﺟﺔ ﻣﺘﻠﺨﺒﻂ ﺍﻣﺎ ﻓﻌﻼ ﻭﺍﻟﻠﻪ ﻣﺎﺗﺴﺘﺤﻲ ﻋﻠﻲ ﻭﺟﻬﻚ ، ﻟﻜﻦ ﺷﻜﻠﻪ ﺍﺧﺘﻚ ﻓﻀﺤﺎﺗﻚ ﻣﺎﺗﻨﺪﺭﻳﺶ ﻋﻠﻴﻬﺎ ﺍﻧﺖ ﻟﻜﻦ ﺍﻟﺤﻤﺪ ﻟﻠﻪ ﺑﺎﺵ ﺍﺧﺘﻲ ﻣﺎﻗﻌﺪﺗﺶ ﻋﻠﻲ ﻋﻤﺎﻫﺎ
ﺣﺴﻦ : ﻣﺶ ﻋﺎﺭﻑ ﻋﻼﺵ ﻗﺎﻋﺪ ﻧﺴﻤﻊ ﻟﺪﻭﺗﻚ ﺍﻟﻔﺎﺿﻴﺔ ﺍﻧﻲ ﺑﺘﻘﻮﻟﻲ ﺍﻧﺘﻲ ﻣﻨﻮ ﻭﺍﻻ ﻧﺴﻜﺮ ﻋﻠﻲ ﻭﺟﻬﻚ ﺗﻮﺍ
ﻧﻮﺍﻝ : ﺗﺼﺮﻑ ﺑﺮﺟﻮﻟﻴﺔ ﺍﻟﻤﺮﺓ ﻫﺎﺩﻱ ﻭﺍﺳﻤﻊ ﺍﻟﺒﻨﺖ ﺍﻟﻤﺠﻨﻮﻧﻪ ﺍﻟﻲ ﻗﺎﻋﺪﻩ ﺗﻜﻠﻢ ﻓﻴﻚ ، ﺍﻧﻲ ﺍﺧﺖ ﺍﻟﻤﺴﻜﻴﻨﻪ ﺍﻟﻐﺎﻓﻠﻪ ﺍﻟﻲ ﻻﻗﻴﻬﺎ ﺻﻐﻴﺮﺓ ﻭﻓﻴﺴﻊ ﺗﺼﺪﻕ ﺟﺎﻱ ﺗﻠﻌﺐ ﻋﻠﻴﻬﺎ ﺗﺤﺴﺎﺏ ﻣﺎﻋﻨﺪﻫﺎﺵ ﺍﻫﻞ ﻭﺍﻻ ﺍﻧﺖ ﻓﻲ ﺑﺎﻟﻚ ﻣﺎﻋﻨﺪﻫﺎﺵ ﺍﺥ ﻭﺍﺏ ﻣﺎﻋﻨﺪﻫﺎﺵ ﻣﻦ ﻳﺎﺧﺪﻟﻬﺎ ﺣﻘﻬﺎ ﻋﻨﺪﻫﺎ ﺭﺏ ﻓﻮﻭﻕ ﻣﻨﻨﺎ ﻭﻳﺸﻮﻑ ﻓﻴﻨﺎﺍ ، ﻭﺍﻟﻠﻪ ﻳﺎﺣﺴﺴﻦ ﻳﺠﻴﻚ ﻳﻮﻡ ﻭﺗﺒﻜﻲ ﺩﻡ ﺑﺪﺍﻝ ﺩﻣﻮﻉ ﺍﺧﺘﻲ ﻫﺎﺩﻭ ﻭﺍﻟﻠﻪ ﻣﺎﻧﻲ ﻣﺴﺎﻣﺤﺎﺗﻚ ﻟﻮ ﻳﺼﻴﺮ ﺷﻲ ﻻﺧﺘﻲ ، ﻭﻟﻮ ﻓﻲ ﺑﺎﻟﻚ ﺍﻥ ﺍﻧﻲ ﺑﻨﺖ ﻣﺎﻧﻘﺪﺭ ﻧﺪﻳﺮ ﺷﻲ ﺯﻱ ﻣﺎﺟﺒﺖ ﺭﻗﻤﻚ ﺗﻮﺍ ﻧﻮﺻﻠﻚ ﻭﻳﻦ ﻣﺎﻛﻨﺖ ﻟﻜﻦ ﻛﻠﻤﺔ ﻭﺣﺪﺓ ﺑﺲ ﺣﺴﺒﻲ ﺍﻟﻠﻪ ﻭﻧﻌﻢ ﺍﻟﻮﻛﻴﻞ ﻓﻴﻚ ، ﻭﺳﻜﺮﺕ ﺍﻟﺘﻠﻴﻔﻮﻥ
ﺣﺴﻦ ﻗﻌﺪ ﻛﻼﻡ ﻧﻮﺍﻝ ﺑﻴﻦ ﻭﺩﺍﻧﻪ ﻭﻭﺍﻗﻒ ﻭﻣﺼﺪﻭﻡ ﻳﺤﺲ ﺑﺎﻟﺪﻧﻴﺎ ﺗﻠﻒ ﺑﻴﻪ ﻭﺍﻧﻪ ﻏﻠﻂ ﻓﻲ ﻏﻠﻠﻠﻄﺔ ﻛﺒﻴﻴﻴﺮﺓ ﻭﻇﻠﻢ ﺍﻧﺴﺎﻧﻪ ﺣﺒﺎﺗﻪ ﺑﺼﺪﻕ ﻭﺧﺎﻳﻒ ﻣﻦ ﺍﻟﻌﻘﺎﺏ ﺍﻟﻲ ﺣﻴﺠﻴﻪ ﻣﻦ ﺭﺑﻲ
>> ﻧﺘﻬﻮﺭ ﻭﻧﻘﻮﻡ ﺑﺎﻻﺧﻄﺎﺀ ﺩﺍﺋﻤﺎ ﻭﻻﻧﻌﺮﻑ ﺍﻧﻪ ﻛﻤﺎ ﺗﺪﻳﻦ ﺗﺪﺍﻥ ﻭﻟﻨﺎ ﺭﺏ ﻓﻮﻗﻨﺎ ﺳﻴﺤﺎﺳﺒﻨﺎ <<
ﻧﻮﺍﻝ ﻣﺴﺤﺖ ﺩﻣﻌﺘﻬﺎ ﺑﺴﺮﻋﻪ : ﻗﺪﺍﺍﺍﺵ ﺣﻘﻴﺮ
ﻧﻮﺭﺱ : ﺭﺑﻲ ﻳﻨﺘﻘﻢ ﻣﻨﻪ ﺍﻥ ﺷﺎﺀ ﺍﻟﻠﻪ ، ﻧﻮﺿﻲ ﻧﺸﻮﻓﻮ ﻧﺮﺟﺲ
ﻭﻧﺎﺿﻮ ﺍﻟﺰﻭﺯ ﺭﻛﺒﻮ
،،،،،،،
ﺍﻧﻲ : ﺣﺒﻴﺒﻲ ﻧﺠﻴﺒﻠﻚ ﺷﺎﻫﻲ
ﻭﻟﻴﺪ : ﻻ ﺗﻌﺎﻟﻲ ﺍﻫﻨﻲ ﺑﺲ
ﺍﻧﻲ : ﺗﻲ ﻳﺎﺣﺒﻴﺒﻲ ﻫﻨﻲ ﺭﻭﺣﻚ ﺑﺲ ﺟﺴﻤﻚ ﻛﻠﻪ ﻣﻜﺴﺮ ﻭﺍﻧﺖ ﺷﻲ ﻣﺶ ﻣﻬﺘﻢ ﺑﺮﻭﺣﻚ ﺑﻜﻞ ، ﺧﻠﻴﻚ ﺍﺻﺒﺮ ﻧﺠﻴﺐ ﻋﺼﻴﺮ ﻃﺒﻴﻴﻌﻲ ﺩﺭﺗﻪ ﺍﻣﺒﻜﺮﻱ
ﻭﻟﻴﺪ : ﺑﺎﻩ ﺟﻴﺒﻲ ﻭﺗﻌﺎﻟﻲ ﻓﻴﺴﻊ
ﺍﻧﻲ : ﺑﺎﻩ ﺣﺎﺿﺮ ، ﻭﺧﺸﻴﺖ ﻟﻠﻤﻄﺒﺦ ﺻﺒﻴﺖ ﻋﺼﻴﺮ ﻭﺟﺒﺘﻬﻮﻟﻪ
ﻭﻟﻴﺪ : ﺗﻌﺎﻟﻲ ﻗﻌﻤﺰﻱ
ﺍﻧﻲ ﻗﻌﻤﺰﺕ ﺟﻨﺒﻪ : ﺣﻘﺎ ﺣﺒﻴﺒﻲ ﺑﻴﺎﻥ ﻋﺪﻧﺎﻥ ﻭﻧﻮﺭﺱ ﺍﻟﺨﻤﻴﺲ ﺍﻟﺠﺎﻱ
ﻭﻟﻴﺪ : ﻟﻤﺎ ﺟﺎﻧﻲ ﺍﻣﺲ ﻋﺪﻧﺎﻥ ﻗﺎﻟﻲ ، ﻫﻮ ﻳﺒﻴﻬﺎ ﻣﻦ ﻗﺒﻞ ؟
ﺍﻧﻲ : ﺍﻳﻪ ، ﺣﺒﻴﺒﻲ ﻧﺒﻲ ﻗﻔﻄﺎﻥ ﺭﺍﻫﻮ
ﻭﻟﻴﺪ : ﺑﺎﻩ ﻳﺎﺣﺒﻴﺒﺘﻲ ﻟﻤﺎ ﻳﻄﻠﻌﻮ ﺍﺧﻮﺍﺗﻚ ﺍﻃﻠﻌﻲ ﻣﻌﺎﻫﻢ ﺍﻧﻲ ﻣﺎﻋﻨﺪﻳﺶ ﻛﻴﻒ ﻧﺮﻓﻌﻚ
ﺍﻧﻲ ﺷﻔﺘﻠﻪ ﺑﻮﺟﻪ ﺑﺮﺍﺀﺓ : ﻣﺎﻫﻮ ﻧﻘﺪﺭﺵ ﻻﺯﻡ ﻧﺎﺧﺪ ﺭﺍﻳﻚ ﻣﻌﺎﻳﺎ ﺣﺒﻴﺒﻲ
ﻭﻟﻴﺪ : ﺑﺎﻩ ﺑﻌﺪ ﺗﺠﻴﺒﻴﻪ ﻧﻌﻄﻴﻚ ﺭﺍﻳﻲ ﻭﺍﻛﻴﺪ ﺑﺘﺨﺘﺎﺭﻱ ﻭﺍﺣﺪ ﺣﻠﻮ
ﺍﻧﻲ ﻫﺰﻳﺖ ﺑﺎﺍﻛﺘﺎﻓﻲ : ﻻﺍ ﺳﺎﻫﻠﺔ ﻫﻲ ﻳﺎﺣﺒﻴﺒﻲ
ﻭﻟﻴﺪ ﺷﺎﻓﻠﻲ : ﺍﻧﺘﻲ ﻣﻦ ﺍﻻﺧﻴﺮ ﻓﻲ ﺣﺎﺟﺔ ﻓﻲ ﺭﺍﺳﻚ ﻗﻮﻟﻴﻬﺎ
ﺍﻧﻲ : ﻫﻬﻬﻪ ﻳﺎﺑﻴﺒﻲ ﻧﺴﻮﻕ ﺍﻧﻲ ﻭﺗﻤﺸﻲ ﻣﻌﺎﻱ ﺍﻧﺖ ﻭﻧﺪﻭﺭ ﻗﻔﻄﺎﻥ
ﻭﻟﻴﺪ : ﻻ
ﺍﻧﻲ : ﺣﺒﻴﻴﻴﺒﻴﻴﻲ
ﻭﻟﻴﺪ : ﻻ ﻳﺎﺣﺒﻴﺒﺘﻲ ﺧﻼﺹ
ﺍﻧﻲ ﻃﺮﻣﺖ ﺷﻮﺍﺭﺑﻲ : ﻋﻼﺵ ﺑﺎﻫﻲ
ﻭﻟﻴﺪ : ﺍﺻﻼ ﻇﻬﺮﻙ ﻭﺑﺘﺴﻮﻗﻲ ﺑﻴﻮﺟﻌﻚ ﺍﺧﺘﻚ ﺗﺴﻮﻕ ﺑﺮﻱ ﻣﻌﺎﻫﺎ ﻭﺧﻼﺹ ، ﻛﻠﻤﺔ ﻭﺣﺪﺓ ﻫﻴﻲ ﻻ
ﺍﻧﻲ ﻗﻌﺪﺕ ﻧﺸﻮﻑ ﺟﻬﺔ ﺍﻟﺘﻠﻔﺰﻳﻮﻥ ﻭﻣﻄﺮﻣﺔ ﺷﻮﺍﺭﺑﻲ ﻣﺶ ﻋﺎﺟﺒﻨﻲ
ﻭﻟﻴﺪ ﺳﻜﺖ ﻭﻗﻌﺪﺕ ﻳﺘﻔﺮﺝ ﺣﺘﻰ ﻫﻮ
ﻃﺎﺭﺗﻠﻲ ﺑﻜﻞ ﻭﻫﻮ ﻣﻌﺎﺵ ﺗﻜﻠﻢ ، ﺍﻣﺸﻲ ﻧﻀﺖ
ﻭﻟﻴﺪ : ﻭﻳﻦ ﻣﺎﺷﻴﺔ
ﻣﻦ ﻏﻴﺮ ﻣﺎﻧﺸﻮﻓﻠﻪ : ﺑﻨﺨﺶ ﻟﻠﺪﺍﺭ
ﻭﻟﻴﺪ : ﺗﻌﺎﻟﻲ ﺍﻫﻨﻲ
ﺍﻧﻲ ﺷﻔﺘﻠﻪ ﻭﻗﺎﻋﺪﻩ ﻣﻄﺮﻣﺔ ﺷﻮﺍﺭﺑﻲ : ﻭﻳﻦ
ﻭﻟﻴﺪ : ﺗﻌﺎﻟﻲ ﻳﺎﺩﻟﻮﻋﻪ ﺍﻫﻨﻲ
ﺟﻴﺖ ﻗﻌﻤﺰﺕ ﺟﻨﺒﻪ ﻭﻗﺎﻋﺪﺓ ﻣﻄﺮﻣﺔ
ﻭﻟﻴﺪ ﺟﺒﺪﻧﻲ ﻟﻴﻪ ﻭﻟﻒ ﻳﺪﻳﻪ ﻋﻠﻴﺎ : ﻭﻳﻦ ﻣﺎﺷﻴﺔ ﻳﺎﺯﻋﻼﻧﻪ ، ﻭﺑﺎﺳﻨﻲ : ﻣﺶ ﻣﻼﺣﻈﺔ ﺭﻭﺣﻚ ﻣﻮﻟﻴﺔ ﺩﻟﻮﻋﻪ ﺑﻜﻞ ، ﻭﺑﺎﺳﻨﻲ ﺗﺎﻧﻲ : ﻻﺯﻡ ﻛﻠﻤﺔ ﻻ ﻳﺎﺣﺒﻴﺒﺘﻲ ﻣﺮﺓ ﻣﺮﺓ
ﺍﻧﻲ : ﺑﺎﻩ ﺷﻦ ﻓﻴﻬﺎ ﻟﻮ ﺍﻧﻲ ﺳﻘﺖ ﻣﺎﻫﻮ ﻛﻨﺖ ﻧﺴﻮﻕ ﻗﺒﻞ ﻧﺘﺰﻭﺝ
ﻭﻟﻴﺪ : ﻭﺍﻧﻲ ﻣﺶ ﺭﺍﺿﻲ ﻋﻠﻴﻚ ﺗﺴﻮﻗﻲ ﻭﻣﺎﻓﻴﺶ ﺩﺍﻋﻲ
ﺍﻧﻲ : ﻣﺮﺓ ﻭﺣﺪﺓ ﺑﺲ ﻭﺍﻟﻠﻪ ﻋﻠﺸﺎﻧﻲ ﻳﺎﺣﺒﻴﺒﻲ
ﻭﻟﻴﺪ ﺷﺎﻓﻠﻲ : ﺣﺒﻴﺒﺘﻲ ﺳﻜﺮﻱ ﺍﻟﻤﻮﺿﻮﻉ ﺧﻼﺹ
ﺍﻧﻲ ﻋﻴﻮﻧﻲ ﺗﻌﺒﻮ ﺩﻣﻮﻉ ﻭﺑﻌﺪﺕ ﻣﻦ ﻋﻠﻴﻪ
ﻭﻟﻴﺪ ﺷﺎﻓﻠﻲ : ﻧﻮﺳﺔ ﻣﺎﺗﻜﺒﺮﻳﺶ ﺍﻟﻤﻮﺿﻮﻉ ﺧﻼﺹ ﻣﺶ ﻻﺯﻡ ﺍﻟﻜﻠﻤﺔ ﺍﻟﻲ ﻧﻘﻮﻟﻬﺎ ﻧﻌﺎﻭﺩﻫﺎ ﻣﻴﻪ ﻣﺮﺓ ، ﺧﻼﺹ ﻗﻠﺖ ﻻ ﻣﺶ ﻻﺯﻡ ﻣﻦ ﺍﻟﺰﻋﻞ ، ﻣﺎﺗﺴﻤﻌﻴﺶ ﻓﻲ ﻛﻼﻣﻲ ﺑﻜﻞ ﻻﺯﻡ ﻣﻦ ﺍﻟﺰﻋﻞ ﻭﺍﻟﻌﻨﺎﺩ
ﺍﻧﻲ ﻣﻨﺰﻟﺔ ﺭﺍﺳﻲ ﻭﺯﻋﻼﻧﻪ ﻧﺒﻴﺶ ﻧﺸﻮﻓﻠﻪ
ﻭﻟﻴﺪ : ﻧﻮﺳﺔ ﺷﻮﻓﻴﻠﻲ ﺭﺩﻱ ﻋﻠﻴﺎ
ﺍﻧﻲ ﺷﻔﺘﻠﻪ ﻭﻋﻴﻮﻧﻲ ﻣﻌﺒﻴﺎﺕ ﺩﻣﻮﻉ : ﺑﺎﻩ ﺷﻦ ﻓﻴﻬﺎ ؟؟ ، ﻭﻗﻌﺪﺕ ﻧﺒﻜﻲ
ﻭﻟﻴﺪ ﻗﺮﺏ ﻣﻨﻲ : ﺗﻮ ﻋﻼﺵ ﺍﻟﺒﻜﺎ ﻓﻴﻬﺎ ﻫﻠﺒﺎ ﺣﺎﺟﺎﺕ ﺍﻧﻲ ﻣﺶ ﺭﺍﺿﻲ ، ﺗﺮﺿﻲ ﺗﺪﻳﺮﻱ ﺣﺎﺟﺔ ﻭﺍﻧﻲ ﻣﺶ ﺭﺍﺿﻲ ﻋﻠﻴﻬﺎ ؟
ﺍﻧﻲ : ﻻ ﺑﺲ ﺷﻦ ﻓﻴﻬﺎ ﻣﺮﺓ ﻭﺣﺪﺓ ﺑﺲ ﻧﻤﺸﻮ ﻣﻊ ﺑﻌﺾ ﻧﺒﻲ ﻧﺎﺧﺪ ﺫﻭﻗﻚ
ﻣﺪ ﻳﺪﻩ ﻣﺴﺤﻠﻲ ﺩﻣﻮﻋﻲ : ﺑﺎﻩ ﺑﻄﻠﻲ ﺑﻜﺎ ، ﻭﺣﻄﻨﻲ ﻋﻠﻲ ﺻﺪﺭﻩ : ﺑﺎﻩ ﺣﺎﺿﺮ ﻧﻤﺸﻮ ﻭﺳﻮﻗﻲ ﻟﻜﻦ ﻫﺎﺍﺍ ﻣﺮﺓ ﻭﺣﺪﺓ ﺑﺲ ﺍﺧﺮﺭ ﻣﺮﺓ ﺭﺍﻫﻮ ﻣﺮﺓ ﺗﺎﻧﻴﻪ ﺣﺘﻰ ﺗﺒﻜﻲ ﻣﺶ ﻣﻌﺪﻝ
ﺍﻧﻲ ﻧﻄﻴﺖ ﻭﺷﻮﻓﺘﻠﻪ ﺑﻔﺮﺣﺔ : ﺑﺠﺪ ﺣﺒﻴﺒﻲ ﻣﻮﺍﻓﻖ ﻳﻌﻨﻲ ، ﻭﺣﻀﻨﺘﻪ : ﺭﺑﻲ ﻳﺨﻠﻴﻚ ﻟﻴﺎ ﻳﺎﻋﻴﻮﻧﻲ ﻭﻣﺎﻳﺤﺮﻣﻨﻲ ﻣﻨﻚ
ﻭﻟﻴﺪ : ﻫﻬﻬﻪ ﺑﺎﻩ ﺭﻗﺒﺘﻲ ﻳﺎﻧﻮﺳﺘﻲ
ﺍﻧﻲ ﻭﺧﺮﺕ : ﺣﻲ ﺍﺳﻔﻪ ﻭﺍﻟﻠﻪ ﻧﺴﻴﺘﻬﺎ ﻳﺎﺣﺒﻴﺒﻲ
ﻭﻟﻴﺪ : ﺣﺘﻰ ﻫﻮ ﺳﻮﻕ ﻳﻨﺴﻴﻚ ﻓﻴﺎ ﻃﺒﻌﺎ
ﺍﻧﻲ : ﻫﻬﻬﻬﻪ ﺍﺑﺪﺍ ﻳﺎﺣﺒﻴﺒﻲ ، ﺗﺮﺍ ﺗﻮﺟﻊ ﻓﻴﻚ ؟
ﻭﻟﻴﺪ : ﻻﻻ ﻟﻤﺎ ﻟﻔﻴﺖ ﻳﺪﻳﻚ ﻋﻠﻴﺎ ﺑﺲ ﻭﺟﻌﺘﻨﻲ ﺷﻮﻳﺔ ﺗﻮﺍ ﺗﻤﺎﻡ
ﺍﻧﻲ ﺑﺴﺘﻪ ﻋﻠﻲ ﺧﺪﻩ : ﺭﺑﻲ ﻳﺨﻠﻴﻚ ﻟﻴﺎ ﻧﺤﺒﻚ
ﻭﻟﻴﺪ ﻗﺎﻳﻢ ﺣﻮﺍﺟﺒﻪ : ﻫﺎ ﺗﻮﺍ ﺗﺤﺒﻴﻨﻲ ﻛﻨﺘﻲ ﻣﻄﺮﻣﺔ ﺷﻮﺍﺭﺑﻚ ﻋﻠﻴﺎ
ﺍﻧﻲ : ﻫﻬﻬﻬﻪ ﺍﻳﻪ ﻟﻤﺎ ﺗﻮﺍﻓﻖ ﻭﺗﺨﻠﻴﻨﻴﺶ ﻧﺰﻋﻞ ﻧﺤﺒﻚ
ﻭﻟﻴﺪ : ﻭﻛﺎﻥ ﻣﺎﻭﺍﻓﻘﺘﺶ
ﺍﻧﻲ : ﻧﺒﻜﻲ
ﻭﻟﻴﺪ : ﻫﻬﻬﻪ ﺳﻼﺣﻚ ﻋﺎﺩ ﺍﻧﺘﻲ ﻫﺪﺍﺍ ﻻﻗﻴﺘﻴﻨﻲ ﻣﺎﻧﺘﺤﻤﻠﺶ ﺩﻣﻮﻋﻚ ﻛﻞ ﺷﻮﻳﺔ ﻣﻨﺰﻟﺘﻴﻬﻢ
ﺍﻧﻲ : ﻫﻬﻬﻬﻬﻬﻬﻬﻪ
>> ﺣﺒﻴﺖ ﻋﻴﻮﻧﻚ ﺍﻧﺖ ﻭﻏﻴﺮ ﻋﻴﻮﻧﻚ ﻣﺎ ﺣﺒﻴﺖ
ﻣﺎﻟﺪﻧﻴﺎ ﻛﻠﻬﺎ ﺍﻧﺖ ﻏﻴﺮﻙ ﺍﻧﺖ ﻣﺎﻻﻗﻴﺖ
ﺯﻋﻠﺘﻚ ﺍﻧﺎ ﻣﺎﺗﺰﻋﻞ ﻣﻨﻲ ﻳﺎ ﺣﺒﻴﺒﻲ
ﻣﺄﻧﺖ ﺍﻧﺎ
ﻟﻌﻴﻮﻧﻚ ﺃﻧﺎ
ﺑﺪﻙ ﻗﻠﺒﻲ ﻭﺑﺪﻙ ﺭﻭﺣﻲ
ﺣﻴﺎﺗﻲ ﺍﻧﺎ <<
،،،،،،
ﻋﻠﻴﺎ : ﻭﻳﻨﻚ ﻣﺨﺘﻔﻲ ﻣﻌﺎﺵ ﺗﺘﺼﻞ
ﻋﺒﺪ ﺍﻟﻤﻨﻌﻢ : ﻣﺎﺣﺒﻴﺘﺶ ﻧﺰﻋﺠﻚ ﻓﻲ ﺍﻣﺘﺤﺎﻧﺎﺗﻚ
ﻋﻠﻴﺎ : ﺍﻧﺖ ﻣﺶ ﻗﺼﺔ ﺑﺘﺰﻋﺠﻨﻲ ﺍﻧﺖ ﻛﺎﻧﻚ ﺑﺪﻳﺖ ﺗﻨﺴﺤﺐ ﺑﺎﻟﺸﻮﻳﺔ
ﻋﺒﺪ ﺍﻟﻤﻨﻌﻢ : ﺍﻧﺘﻲ ﺷﺎﻳﻔﻪ ﻫﻜﻲ ؟
ﻋﻠﻴﺎ : ﺍﻳﻪ ﻧﺤﺴﻚ ﻣﻌﺎﺵ ﺗﺒﻲ ﺗﻜﻠﻤﻨﻲ
ﻋﺒﺪ ﺍﻟﻤﻨﻌﻢ : ﺍﻧﻲ ﻣﺎﻧﺒﻴﺶ ﻧﻔﺴﺪ ﻗﺮﺍﻳﺘﻚ ﺑﺲ
ﻋﻠﻴﺎ : ﺍﻧﺖ ﻣﺶ ﻋﻠﻲ ﻗﺮﺍﻳﺘﻲ ﺍﻧﺖ ﻋﻠﻲ ﺧﺎﻃﺮ ﺭﻓﻀﺖ ﺑﺲ ﻣﺎﺣﺎﻭﻟﺘﺶ ﺗﻔﻬﻤﻨﻲ ﺑﻜﻞ
ﻋﺒﺪ ﺍﻟﻤﻨﻌﻢ : ﺍﻧﻲ ﺗﻮﺍ ﻃﻠﻌﺖ ﻣﺎﺣﺎﻭﻟﺘﺶ ﻧﻔﻬﻤﻚ ﻟﻤﺎ ﻗﻠﺘﻠﻚ ﻳﺎﻋﻠﻴﺎ ﺷﻦ ﺗﺒﻴﻨﻲ ﻧﺪﻳﺮ ﺷﻦ ﻗﻠﺘﻲ ﺍﻧﺘﻲ ﻗﻠﺘﻲ ﻣﺎﻧﻘﺪﺭﺵ ﻧﺘﺨﻠﻰ ﻋﻠﻲ ﺣﻠﻤﻲ ، ﺣﻠﻤﻚ ﻃﻠﻊ ﺍﻫﻢ ﻣﻨﻲ
ﻋﻠﻴﺎ : ﺑﺎﻩ ﻗﺼﺪﻱ ﻧﻘﺪﺭﻭ ﻧﺎﺟﻠﻮ ﺍﻟﺰﻭﺍﺝ ﺑﻌﺪ ﺍﻟﺘﺨﺮﺝ
ﻋﺒﺪ ﺍﻟﻤﻨﻌﻢ : ﻛﺎﻥ ﺍﻭﺩﺍﻧﻲ ﻣﺎﺧﺎﻧﻮﻧﻴﺶ ﺳﻤﻌﺘﻚ ﺗﻘﻮﻟﻲ ﻧﺒﻲ ﺣﺘﻰ ﻧﺸﺘﻐﻞ ﻭﻣﺎﻧﻘﺪﺭﺵ ﻧﺘﺤﻤﻞ ﻣﺴﺆﻭﻟﻴﺔ
ﻋﻠﻴﺎ ﻓﻲ ﻟﺤﻈﺔ ﺿﻌﻒ ﻭﺧﻮﻑ ﻋﻠﻲ ﺣﺐ ﻳﻀﻴﻊ ﻣﻦ ﻳﺪﻳﻬﺎ ، ﻭﺑﺘﻮﺗﺮ : ﻗﺼﺪﻱ ﺍﻧﻲ ﻛﻨﺖ ﻓﻲ ﻫﺪﺍﻛﺎ ﺍﻟﻮﻗﺖ ﻧﻔﻜﺮ ﺑﻌﻘﻠﻲ ﻳﻌﻨﻲ ﻣﻦ ﻟﻤﺎ ﺍﻧﻲ ﺻﻐﻴﺮﺓ ﻧﺤﻠﻢ ﻧﻮﻟﻲ ﺩﻛﺘﻮﺭﺓ ﺑﺲ ﻟﻮ ﺍﻧﺖ ﺧﻼﺹ ﻣﻮﺍﻓﻖ ﻋﻠﻲ ﺍﻥ ﺍﻧﻲ ﻧﺸﺘﻐﻞ ﻋﺎﺩﻱ
ﻋﺒﺪ ﺍﻟﻤﻨﻌﻢ : ﻋﻠﻲ ﺷﻨﻮ ﻋﺎﺩﻱ
ﻋﻠﻴﺎ : ﻗﺼﺪﻱ ﻋﻠﻲ ﻣﻮﺿﻮﻉ ﺍﻟﺰﻭﺍﺝ ﺍﻟﻤﻬﻢ ﺑﻌﺪ ﺍﻟﺘﺨﺮﺝ
ﻋﺒﺪ ﺍﻟﻤﻨﻌﻢ : ﻣﺎﻧﻘﺪﺭﺵ ﻧﺮﺍﺟﻲ ﺍﻟﻔﺘﺮﺓ ﻫﺎﺩﻱ ﻛﻠﻬﺎ ﻟﻴﺶ ﻣﺎﺗﻜﻤﻠﻴﺶ ﻗﺮﺍﻳﺘﻚ ﻋﻨﺪﻱ
ﻋﻠﻴﺎ : ﻣﺎﻧﻘﺪﺭﺵ ﻳﺎﻋﺒﺪ ﺍﻟﻤﻨﻌﻢ ﻣﺴﺆﻭﻟﻴﺔ ﻭﻗﺮﺍﻳﺔ ﺻﻌﺒﺔ
ﻋﺒﺪ ﺍﻟﻤﻨﻌﻢ : ﺍﻧﺘﻲ ﻗﺎﻋﺪﻩ ﻣﺎﻏﻴﺮﺗﻴﺶ ﺭﺍﻳﻚ ﻋﻼﺵ ﺟﺎﻳﻪ ﻓﺎﺗﺤﻪ ﺍﻟﻤﻮﺿﻮﻉ ﻣﻦ ﺍﻻﻭﻝ ﻭﺗﻨﺎﻗﺸﻲ ﻓﻴﻪ
ﻋﻠﻴﺎ : ﺍﻭﻭﻑ ﺑﻨﺴﺎﻟﻚ ﺣﻘﺎ ﻛﻴﻒ ﺍﻧﻬﻴﺖ ﺍﻟﻤﻮﺿﻮﻉ ﻣﻊ ﺍﻣﻲ ﻭﺍﻣﻚ
ﻋﺒﺪ ﺍﻟﻤﻨﻌﻢ : ﺍﻟﻤﻬﻢ ﺍﻧﺘﻲ ﻃﻠﻌﺘﻲ ﻣﻦ ﺍﻟﻤﻮﺿﻮﻉ ﻭﻣﻌﺎﺵ ﺿﺎﻳﻘﺎﺗﻚ ﺧﻼﺹ
ﻋﻠﻴﺎ : ﻻﻧﺒﻲ ﻧﻌﺮﻑ ﻛﻴﻒ ﺑﺪﺕ ﻣﻌﺎﺵ ﺗﺤﺐ ﺳﻴﺮﺗﻚ
ﻋﺒﺪ ﺍﻟﻤﻨﻌﻢ : ﻣﺶ ﻣﺸﻜﻠﺔ ﺳﺎﻳﻮﺭﻫﺎ ﺗﺮﺿﻰ ﻋﻠﻴﺎ ﻭﺗﻨﺴﻰ
ﻋﻠﻴﺎ : ﻋﺒﺪ ﺍﻟﻤﻨﻌﻢ ﺧﻴﺮﻙ ﻫﻜﻲ ﻣﻮﻟﻲ ﺗﺤﻜﻲ ﻣﻌﺎﻳﺎ ﺑﺒﺮﻭﺩ ﺑﻜﻞ
ﻋﺒﺪ ﺍﻟﻤﻨﻌﻢ : ﺍﻧﻲ ﻫﻜﻲ
ﻋﻠﻴﺎ ﻏﺎﺿﺖ : ﺑﺎﻩ ﺧﻠﻴﻚ ﻫﻜﻲ ﺍﻧﻲ ﻋﻨﺪﻱ ﻗﺮﺍﻳﺔ ﺑﻨﺴﻜﺮ
ﻋﺒﺪ ﺍﻟﻤﻨﻌﻢ : ﺑﺎﻩ
ﻋﻠﻴﺎ ﺳﻜﺮﺕ ﻓﻲ ﻭﺟﻬﻪ ﻭﺗﻐﻠﻲ ﻋﻠﻴﻪ ﻭﻣﺶ ﻃﺎﻳﻘﻪ ﻣﻌﺎﻣﻠﺘﻪ ﻭﻣﻌﺎﺵ ﻗﺪﺭﺕ ﺣﺘﻰ ﺗﻘﺮﺍ ﻗﻌﺪﺕ ﺗﻔﻜﺮ ﻓﻲ ﺍﻟﻤﻮﺿﻮﻉ ﻭﺧﻼﺹ
" ﺩﺍﺋﻤﺎ ﻣﺎﻳﻔﻌﻞ ﺍﻟﻘﻠﺐ ﺑﻨﺎ ﻣﺎﻳﻮﺟﻌﻨﺎ ، ﻧﺠﺎﺯﻑ ﺑﻘﻠﻮﺑﻨﺎ ﻓﻲ ﻋﺸﻖ ﻏﻴﺮ ﻣﻌﺮﻭﻑ ﻧﻬﺎﻳﺘﻪ ، ﻭﻋﻨﺪﻣﺎ ﻧﻔﻜﺮ ﺑﻌﻘﻮﻟﻨﺎ ﻧﺨﺴﺮ ﻣﺎﺑﻨﺎﻩ ﻋﺸﻖ ﻗﻠﻮﺑﻨﺎ ، ﻧﻘﻊ ﻓﻲ ﻭﺟﻊ ﺍﻛﺒﺮ "
ﺍﻣﺎ ﻋﺒﺪ ﺍﻟﻤﻨﻌﻢ ﻓﺴﻜﺮ ﻭﻫﻮ ﻣﺘﻀﺎﻳﻖ ، ﻭﺷﻮﻳﺔ ﻭﺭﻥ ﺗﻠﻴﻔﻮﻥ
" ﺭﻧﺎ "
ﺭﺩ ﺑﺼﻮﺕ ﻣﺨﻨﻮﻕ : ﺍﻟﻮ
ﺭﻧﺎ : ﺍﻫﻠﻴﻦ ﻋﺒﺪﻭ ﻛﻴﻒ ﺣﺎﻟﻚ
ﻋﺒﺪ ﺍﻟﻤﻨﻌﻢ : ﻣﺎﺷﻴﺔ ﺟﻮﻙ ﺍﻧﺘﻲ
ﺭﻧﺎ : ﺗﻤﺎﻡ ﺧﻴﺮﻩ ﺻﻮﺗﻚ ﻫﻜﻲ؟
ﻋﺒﺪ ﺍﻟﻤﻨﻌﻢ : ﺷﻲ ، ﻗﻠﺘﻠﻚ ﺍﻧﺘﻲ ﻣﺮﺓ ﺑﻌﺘﻴﻠﻲ ﻣﺴﺞ ﺍﻧﻪ ﻓﻲ ﻧﺎﺱ ﺟﺎﻳﻴﻦ ﺧﺎﻃﺒﻴﻨﻚ ﺭﻓﻀﺘﻴﻬﻢ
ﺭﻧﺎ ﺳﻜﺘﺖ
ﻋﺒﺪ ﺍﻟﻤﻨﻌﻢ : ﺍﻟﻮﻭ
ﺭﻧﺎ : ﻧﻌﻢ
ﻋﺒﺪ ﺍﻟﻤﻨﻌﻢ : ﺭﺩﻱ ﺭﻓﻀﺘﻴﻬﻢ ؟
ﺭﻧﺎ : ﻻ ، ﻭﺧﻨﻘﺘﻬﺎ ﺍﻟﻌﺒﺮﺓ : ﺣﺘﻰ ﻗﺎﻋﺪﺓ ﻻﺑﺴﺔ ﺩﺑﻠﺘﻪ
ﻋﺒﺪ ﺍﻟﻤﻨﻌﻢ : ﻛﻴﻒ ﻳﻌﻨﻲ ﻫﻮ ﻟﺒﺴﻚ ﺍﻟﺪﺑﻠﺔ ؟؟؟ ﻭﻋﻼﺵ ﻣﺎﺗﻘﻮﻟﻴﻴﺶ
ﺭﻧﺎ : ﻋﺒﺪﻭ ﺍﻧﻲ ﻣﺎﻗﺪﺭﺗﺶ ﻧﻘﻮﻟﻚ ﻭﻗﺖ ﺭﺩﻳﺖ ﺗﻜﻠﻢ ﻓﻴﺎ ﺍﻧﻲ ﻛﻨﺖ ﻣﺶ ﻋﺎﻳﺸﺔ ﻭﻗﺖ ﺗﺒﺎﻋﺪ ﻋﻠﻴﺎ ﻭﻗﻠﺒﻚ ﻣﻊ ﻏﻴﺮﻱ ﺍﻧﻲ ﻣﺎﻧﻘﺪﺭﺵ ﻧﻌﻴﺶ ﻣﻦ ﻏﻴﺮﻙ ﻳﺎﻋﺒﺪ ﺍﻟﻤﻨﻌﻢ
ﻋﺒﺪ ﺍﻟﻤﻨﻌﻢ : ﺗﻲ ﺍﻧﺘﻲ ﺩﺳﻴﺘﻲ ﺣﺎﺟﺔ ﻛﺒﻴﺮﺓ ﻟﻴﺶ ﻣﺎﺗﻘﻮﻟﻴﺶ ﻣﻦ ﺍﻻﻭﻝ ﺍﻧﻲ ﻟﻤﺎ ﻣﺎﺣﻜﻴﺘﻴﺶ ﻉ ﺍﻟﻤﻮﺿﻮﻉ ﻗﻠﺖ ﺍﻛﻴﺪ ﺭﻓﻀﺎﺗﻪ
ﺭﻧﺎ : ﺍﻳﻪ ﻭﺍﻟﻠﻪ ﺣﻨﻔﺴﺦ ﺗﻮﺍ ﻧﻜﻠﻤﻪ ﻋﺎﺩﻱ ﻧﻘﻮﻟﻪ ﻣﺎﻓﻴﺶ ﻧﺼﻴﺐ
ﻋﺒﺪ ﺍﻟﻤﻨﻌﻢ : ﻣﻌﺎﺵ ﻳﻨﻔﻊ ﻳﺎﺭﻧﺎ ﺷﻮﻓﻲ ﺣﻴﺎﺗﻚ ﻭﻧﺼﻴﺒﻚ
ﺭﻧﺎ : ﺍﻧﻲ ﺣﻴﺎﺗﻲ ﻣﻌﺎﻙ ﺍﻧﺖ ﺑﺲ ﻳﺎﻋﺒﺪ ﺍﻟﻤﻨﻌﻢ ﻣﺎﺗﺴﻴﺒﻨﻴﺶ ﺑﺎﻟﻠﻪ ﻋﻠﻴﻚ ، ﻭﻗﻌﺪﺕ ﺗﺒﻜﻲ ﻭﺗﺘﺮﺟﻰ ﻓﻴﻪ
ﻋﺐ ﺍﻟﻤﻨﻌﻢ : ﺑﺎﻩ ﺧﻼﺹ ﻣﺎﺗﺒﻜﻴﺶ ﺑﺲ ﻣﺶ ﺣﻨﺴﻴﺒﻚ
!!
،،،،،،
ﻣﻘﻌﻤﺰ ﻓﻲ ﺳﻴﺎﺭﺗﻪ ﻭﻳﻔﻜﺮ ﻓﻲ ﻛﻞ ﺍﻟﻲ ﺻﺎﺭ ﻣﻌﺎﻩ ﻣﻦ ﻳﻮﻡ ﺟﻲ ﻟﺒﻨﻐﺎﺯﻱ ﻭﻛﻴﻒ ﺍﻻﺣﺪﺍﺙ ﺍﻣﺸﺖ ﺑﺴﺮﻋﻪ
ﺧﻠﻮﻧﺎ ﻧﺮﺟﻌﻮ ﺑﺬﺍﻛﺮﺓ ﺣﺴﻦ ﻭﻧﺸﻮﻓﻮ ﺍﻟﻲ ﺻﺎﺭ ﻣﻌﺎﻩ
" ﻭﺻﻞ ﻟﺤﻮﺷﻬﻢ ﺍﺳﺘﻘﺒﻠﻮﻩ ﺍﻣﻪ ﻭﺍﺧﻮﺍﺗﻪ ﻭﺍﻗﺎﺭﺑﻪ ﻭﻛﻞ ﻋﻴﻠﺘﻪ
ﻛﺎﻧﺖ ﻫﻲ ﻣﺘﻤﻴﺰﺓ ﺑﻠﺒﺴﺘﻬﺎ ﻭﺍﻧﺎﻗﺘﻬﺎ
ﻗﺪﻣﺖ ﺑﺨﻄﻮﺍﺕ ﺑﻄﻴﺌﺔ ﻭﺻﻠﺖ ﺭﻳﺤﺘﻬﺎ ﻟﻴﻪ ﻗﺒﻠﻬﺎ
ﻣﺪﺕ ﻳﺪﻫﺎ ﻭﺑﺎﺍﺑﺘﺴﺎﻣﻪ : ﺍﻟﺤﻤﺪ ﻟﻠﻪ ﻋﻠﻲ ﺳﻼﻣﺘﻚ
ﺣﺴﻦ : ﺍﻟﻠﻪ ﻳﺴﻠﻤﻚ
ﻫﻲ : ﻧﻮﺭﺗﻨﺎ ﺑﻌﺪ ﻛﺎﻧﺖ ﺑﻨﻐﺎﺯﻱ ﻇﻼﻡ
ﺣﺴﻦ : ﻧﻮﺭﻙ ﺳﺎﺑﻖ ، ﺍﻳﺔ ﻭﺍﻻ ﺍﻣﻴﺮﺓ ؟
ﻫﻲ : ﻣﻌﻘﻮﻟﺔ ﻧﺴﻴﺘﻨﻲ ﺑﺎﻟﺴﺮﻋﻪ ﻫﺎﺩﻱ ،ﻣﻊ ﺗﻘﻮﻳﺴﺔ ﻓﻢ
ﺣﺴﻦ ﺿﺤﻚ ﻭﺣﻚ ﺭﺍﺳﻪ : ﻟﻴﺎ ﺳﻨﺘﻴﻦ ﺣﺘﻰ ﺍﻧﻲ ﻭﺣﺘﻰ ﺍﻧﺘﻮ ﻛﺒﺮﺗﻮ ﻣﺎﺷﺎﺀ ﺍﻟﻠﻪ ﻣﻌﺎﺵ ﻧﻔﺮﻕ
ﻫﻲ ﺑﺎﺍﺑﺘﺴﺎﻣﻪ : ﺍﻧﻲ ﺍﻟﺴﻤﺤﺔ ﺍﻟﺼﻐﻨﻮﻧﻪ ﻛﺎﻥ ﻗﺎﻋﺪ ﺗﺬﻛﺮ
ﺣﺴﻦ ﺿﺤﻚ : ﻫﻬﻬﻪ ﻭﻳﻦ ﻭﻟﺖ ﺍﻟﺴﻤﺤﻪ ﺍﻟﻜﺒﻴﺮﺓ ﺗﻮﺍ ﻣﺎﺷﺎﺀ ﺍﻟﻠﻪ ﺍﻣﻴﺮﺓ ﻣﻌﻨﺎﻫﺎ
ﺍﻣﻴﺮﺓ ﺑﺨﺠﻞ : ﻫﻬﻬﻪ ﺍﻳﻮﺍ
ﺍﻡ ﺣﺴﻦ ﻣﺒﺘﺴﻤﻪ : ﻫﻲ ﻋﺪﻱ ﺧﻮﺩ ﺩﻭﺵ ﻳﺎﺣﺴﻮﻧﻪ ﻭﺗﻠﻘﻰ ﺍﻟﻐﺪﺍ ﻭﺍﺗﻲ
ﺣﺴﻦ ﻭﻗﻒ : ﻫﻲ ﺣﺎﺿﺮ ، ﻭﺧﺶ ﻟﺪﺍﺭﻩ ﻭﻫﻮ ﺷﺎﺩ ﺷﻨﻄﺘﻪ
ﻗﻌﻤﺰ ﻉ ﺍﻟﺴﺮﻳﺮ ﻃﻠﻊ ﺗﻠﻴﻔﻮﻧﻪ ﻣﻦ ﺟﻴﺒﻪ ﺍﻟﻘﺎﻩ ﻛﺎﻣﻞ
ﺷﺤﻨﻪ ﺣﻄﻪ ﻉ ﺍﻟﻜﺎﻣﺪﻳﻨﻮ ﻭﻗﻌﺪ ﻳﻄﻠﻊ ﻓﻲ ﺣﻮﺍﻳﺠﻪ
ﻃﻠﻊ ﻣﻦ ﺩﺍﺭﻩ : ﻭﻣﺎﺳﻚ ﻣﻼﺑﺴﻪ ﺑﻴﺨﺶ ﺍﻟﺤﻤﺎﻡ
ﺍﻣﻴﺮﺓ ﺟﺎﺗﻪ ﺑﻬﺪﻭﺀ : ﺗﺒﻲ ﻧﺴﺎﻋﺪﻙ ﺑﺸﻲ ؟
ﺣﺴﻦ ﺷﺎﻓﻠﻬﺎ ﻭﺷﺎﻑ ﻟﻤﻼﺑﺴﻪ : ﺍﻟﺤﻖ ﻛﺎﻥ ﺗﺮﺑﺤﻲ ﻓﻴﺎ ﺍﺟﺮ ﺗﻜﻮﻳﻠﻲ ﺍﻟﺘﻴﺸﺮﺕ
ﺍﻣﻴﺮﺓ ﺑﺎﺍﺑﺘﺴﺎﻣﻪ : ﺣﺎﺿﺮ ﻣﻦ ﻋﻴﻮﻧﻲ ، ﻭﻣﺪﺕ ﻳﺪﻫﺎ ﺍﺧﺪﺕ ﺍﻟﺘﻴﺸﺮﺕ ﻭﺗﻌﻤﺪﺕ ﺗﺤﻂ ﻳﺪﻫﺎ ﻋﻠﻲ ﻳﺪﻩ ، ﻭﺑﻌﺪﻫﺎ ﺳﺤﺒﺘﻬﺎ ﺑﺴﺮﻋﻪ ، ﻭﻟﻔﺖ ﻭﺍﻣﺸﺖ
ﺣﺴﻦ ﻗﻌﺪ ﺳﺮﺣﺎﻥ ﺷﻮﻳﺔ ﻭﺑﻌﺪﻫﺎ ﺧﺶ ﻟﻠﺤﻤﺎﻡ ....
ﻗﻄﻊ ﺳﺮﺣﺎﻧﻪ ﺗﻠﻴﻔﻮﻧﻪ ﻃﻠﻌﻪ ﻟﻘﺎﻩ ﺍﻣﻴﺮﺓ ، ﺣﺲ ﺭﻭﺣﻪ ﻣﺨﻨﻮﻕ ﻓﺼﻞ ﻋﻠﻴﻬﺎ ﻭﺭﺟﻊ ﺳﺮﺡ
" ﺑﻌﺪ ﻛﻤﻞ ﺍﻟﻐﺪﻱ ﺑﻴﻦ ﺍﻫﻠﻪ ﻭﻧﺎﺳﻪ ﻭﻛﺎﻧﻮ ﺍﻟﻜﻞ ﻣﺴﺘﺎﺣﺸﻴﻨﻪ
ﺧﺶ ﻟﻠﻤﻄﺒﺦ ﺑﻴﻐﺴﻞ ﻳﺪﻳﻪ ﻟﻘﺎﻫﺎ ﻭﺍﻗﻔﻪ ﻭﻋﺎﻃﻴﺎﺗﻪ ﺑﺎﻟﻈﻬﺮ ﻭﺳﺮﺣﺎﻧﻪ
ﺍﺑﺘﺴﻢ ﻭﻗﺪﻡ ﻣﺘﺴﻠﻞ ﻟﻴﻦ ﺟﻲ ﻭﺭﺍﻫﺎ : ﻣﺎﺗﻘﻮﻟﻴﺶ ﻭﻳﻦ ﺳﺮﺣﺎﻧﻪ
ﺍﻣﻴﺮﺓ ﻓﺰﺕ ﻭﻣﺨﻠﻮﻋﻪ ﻭﺍﺿﺢ ﻋﻠﻲ ﻭﺟﻬﻬﺎ ، ﻭﺑﺼﻮﺕ ﺑﻴﺒﻲ ﺯﻋﻼﻥ ﻋﻠﻲ ﻭﺷﻚ ﺍﻟﺒﻜﺎ : ﻓﺠﻌﺘﻨﻲ ﺣﺮﺍﻡ ﻋﻠﻴﻚ
ﺣﺴﻦ ﻳﺼﺐ ﻓﻲ ﻣﻴﻪ : ﻫﻬﻬﻬﻪ ﻓﻲ ﺷﻦ ﻛﻨﺘﻲ ﺗﻔﻜﺮﻱ
ﺍﻣﻴﺮﺓ : ﻣﺶ ﻋﺎﺭﻓﻪ ﻫﻜﻲ ﺳﺮﺣﺖ ﻓﺠﺎﺓ
ﺣﺴﻦ : ﺷﻜﻠﻚ ﻣﺎﺗﻐﺪﻳﺘﻴﺶ
ﺍﻣﻴﺮﺓ ﺑﺎﺍﺑﺘﺴﺎﻣﻪ : ﺍﻳﻪ ﻣﺎﻫﻮ ﺻﺎﻳﻤﻪ
ﺣﺴﻦ ﺑﺎﺍﺳﺘﻐﺮﺍﺏ : ﻟﻴﺶ
ﺍﻣﻴﺮﺓ : ﺍﺛﻨﻴﻦ ﻣﺎﻫﻮ
ﺣﺴﻦ ﻣﺘﻔﺎﺟﺊ : ﻣﺎﺍﺷﺎﺀ ﺍﻟﻠﻪ ، ﺷﻦ ﺗﻘﺮﻱ ﺍﻧﺘﻲ ﺗﻮﺍ
ﺍﻣﻴﺮﺓ : ﺍﻟﺴﻴﻤﺴﺘﺮ ﺍﻟﺜﺎﻧﻲ ﻗﺎﻧﻮﻥ
ﺣﺴﻦ : ﺑﺎﻟﺘﻮﻓﻴﻖ ، ﻛﺎﺍﻧﻲ ﻣﺎﺷﻔﺘﺶ ﺧﻮﻙ ﻣﺤﻤﺪ
ﺍﻣﻴﺮﺓ : ﻟﻴﺶ ﻣﺎﺗﻌﺮﻓﺶ ﺍﻧﻪ ﻣﺴﺎﻓﺮ ﻣﻦ ﺷﻬﺮ
ﺣﺴﻦ : ﻻﻻ ﻭﻳﻦ ﺳﺎﻓﺮ
ﺍﻣﻴﺮ : ﻣﺎﻧﺸﺴﺘﺮ
ﻭﻗﻌﺪﻭ ﻳﻬﺪﺭﺯﻭ ﺍﻟﺰﻭﺯ ﻭﻣﻨﺴﺠﻤﻴﻦ
ﺧﺸﺖ ﺍﻡ ﺣﺴﻦ ﻟﻠﻤﻄﺒﺦ ﺷﺎﻓﺘﻬﻢ ﻳﻬﺪﺭﺯﻭ ﺍﻟﺰﻭﺯ ﻓﺮﺣﺖ
ﺷﺎﻑ ﺣﺴﻦ ﻻﻣﻪ ﻭﺍﺑﺘﺴﻤﻠﻬﺎ "
ﺭﺟﻊ ﺣﺴﻦ ﺑﺎﻟﺬﺍﻛﺮﺓ ﻟﻠﺨﻠﻒ ﺍﻛﺜﺮ
ﺣﺴﻦ : ﺍﻣﻲ ﺍﻧﻲ ﺟﺎﻱ ﻏﺪﻭﺓ ﻟﺒﻨﻐﺎﺯﻱ
ﺍﻡ ﺣﺴﻦ : ﺭﻭﺭﻭﺭﻭﺭﻱ ﻃﻴﺐ ﻓﻴﻚ ﻳﺎﻭﻟﻴﺪﻱ ﻫﺎﺩﻱ ﺳﺎﻋﻪ ﺍﻟﻔﺮﺡ ، ﻫﻲ ﺗﻌﺎﻟﻰ ﺑﺎﺵ ﻧﻔﺮﺡ ﺑﻴﻚ ﻭﻋﺮﻭﺳﺘﻚ ﻭﺍﺗﻴﺔ ﺣﺴﻦ : ﻻﻳﺎﺍﻣﻲ ﺍﺻﻼ ﺍﻧﻲ ﺟﺎﻳﻚ ﺑﺎﺵ ﺑﻨﺤﻜﻴﻠﻚ ﻭﻟﻤﺎ ﺑﻨﺠﻲ ﺍﻫﻨﻲ ﺑﻨﺠﻴﺒﻚ ﻣﻌﺎﻱ ﻣﺮﺓ ﻭﺣﺪﺓ ﺑﺎﺵ ﺗﺨﻄﺒﻴﻬﺎﻟﻲ
ﺍﻡ ﺣﺴﻦ ﻛﺸﺮﺕ : ﻭﻣﻦ ﻫﻲ ﻭﻣﻦ ﻭﻳﻦ ﺗﻌﺮﻓﻬﺎ
ﺣﺴﻦ : ﺍﻧﺘﻲ ﻟﻮ ﺑﺲ ﺗﺸﻮﻓﻴﻬﺎ ﻋﺎﺭﻓﻚ ﺣﺘﺤﺒﻴﻬﺎ ﻭﺣﺘﻌﺠﺒﻚ
ﺍﻡ ﺣﺴﻦ ﺑﺘﺮﺩﺩ : ﺑﺎﻩ ﺑﺎﻩ ﺍﻥ ﺷﺎﺀ ﺍﻟﻠﻪ ﺧﻴﺮ ﻏﻴﺮ ﺗﻌﺎﻟﻰ ﺑﺲ "
ﻗﻄﻊ ﺳﺮﺣﺎﻧﻪ ﺻﺤﺎﺑﻪ ﺍﻟﻲ ﺟﺎﺍﻳﻴﻦ ﺟﻬﺘﻪ ﺑﺪﻭﺷﺘﻬﻢ
ﻭﻗﻌﺪ ﻣﻌﺎﻫﻢ ﺑﻌﺪﻫﺎ
،،،،،،،
ﻣﻌﺎﺩ : ﻳﻨﻌﻦ ﺷﻜﻠﻬﺎ ﻣﺮﺓ ﻭﺣﺪﺓ ﻭﻳﻨﻬﺎ ﺍﻟﺤﻴﻮﺍﻧﻪ ﻟﺘﻮﺍ ﻃﺎﻟﻌﻪ ﻣﻦ 10 ﻭﺗﻮﺍ ﺍﻟﺴﺎﻋﻪ 3
ﺧﺎﻟﺘﻲ ﻣﻘﻌﻤﺰﺓ ﻭﻗﺪﺍﻣﻬﺎ ﺳﻔﺮﺓ ﺍﻟﻐﺪﻱ : ﺗﺮﺍ ﺍﺗﺼﻠﻲ ﺑﻴﻬﺎ ﻳﺎﺳﺮﻭﺭ ﺑﺎﻟﻚ ﻋﻨﺪ ﻭﺣﺪﺓ ﻣﻦ ﺻﺎﺣﺒﺎﺗﻬﺎ
ﺳﺮﻭﺭ : ﻳﺎﻣﺎﻣﺎ ﺍﻟﻤﺮﺓ ﺍﻟﻤﻠﻴﻮﻥ ﺍﻟﻲ ﻧﻘﻮﻟﻚ ﻓﻴﻬﺎ ﻣﺎﻋﻨﺪﻳﺶ ﺭﺻﻴﺪ
ﺧﺎﻟﺘﻲ : ﺧﻮﺩﻱ ﺗﻠﻴﻔﻮﻧﻲ ﻣﺮﺽ ﺑﺎﻫﻲ
ﺳﺎﺭﺓ ﻣﻘﻌﻤﺰﻳﻦ ﻓﻲ ﻛﺎﻓﻲ : ﺑﺲ ﺍﻧﺖ ﻋﺎﺭﻑ ﺍﻧﻚ ﺗﺒﻲ ﻃﺮﻳﺤﺔ
ﻣﻌﺘﺼﻢ : ﻃﺮﻳﻴﺤﺔ ؟؟ ﻫﻬﻪ ﻭﻋﻼﺵ
ﺳﺎﺭﺓ : ﻻﻧﻚ ﻣﺎﺷﺎﻭﺭﺗﻨﻴﺶ ﻓﻲ ﺷﻲ ﻓﻲ ﺍﻟﺤﻮﺵ ﻣﺎﺍﺧﺪﻳﺘﺶ ﺫﻭﻗﻲ
ﻣﻌﺘﺼﻢ : ﻫﻬﻬﻬﻬﻪ ﺍﻧﺘﻲ ﺧﻴﺮﻙ ﻟﻴﻚ ﺳﺎﻋﺘﻴﻦ ﻫﻜﻲ ﻧﺤﻜﻮ ﻓﻲ 100 ﻣﻮﺿﻮﻉ ﻏﻴﺮﻩ ﻭﺗﻠﻮﺩﻱ ﺗﻠﻮﺩﻱ ﻭﺗﻮﻟﻴﻠﻪ ﻭﺑﻌﺪﻳﻦ ﺍﻧﻲ ﺩﺭﺗﻪ ﻣﻔﺎﺟﺄﺓ ﻗﻠﺖ ﻣﺎﻋﻨﺪﻩ ﻋﻼﺵ ﻣﺎﻳﺒﻴﺶ ﻳﻌﺠﺒﻬﺎ
ﺳﺎﺭﺓ : ﻣﺎﻭﺍﺛﻖ ﻣﻦ ﻧﻔﺴﻪ ، ﺷﺮﻳﻦ ﺗﻠﻴﻔﻮﻧﻬﺎ
ﻃﻠﻌﺎﺗﻪ ﺍﻟﻘﺎﺗﻪ " ﻣﺎﻣﺎ "
ﻭﻗﺎﻣﺖ ﻋﻴﻨﻬﺎ ﻟﻠﺴﺎﻋﻪ ﻭﻭﻭ : ﻫﻴﻴﻴﻴﻴﻲ ﺍﻟﺴﺎﻋﻪ 3 ﻧﻬﺎﺭﻱ ﺍﻻﺳﻮﺩ ﺍﻟﻤﺎ ﺗﻘﺘﻠﻨﻲ ﻣﺎﻣﺎ ﻭﻧﺎﺿﺖ ﺗﺠﺮﻱ
ﻃﺒﻌﺎ ﻣﻌﺘﺼﻢ ﻟﻤﺎ ﺷﻬﻘﺖ ﺍﻧﺨﻠﻊ ﻗﺮﻳﺐ ﻃﺎﺡ ﻣﻦ ﺍﻟﻜﺮﺳﻲ ﻭﻭﻗﻒ : ﺑﺎﻩ ﻏﻴﺮ ﻫﺪﻱ ﺭﻭﺣﻚ ﺑﺲ ﻣﺎﺣﺴﻴﻨﺎﺵ ﺑﺎﻟﻮﻗﺖ
ﻃﻠﺐ ﻣﻌﺘﺼﻢ ﺍﻟﺤﺴﺎﺏ ﻭﺩﻓﻊ ﻭﻃﻠﻌﺖ ﺳﺎﺭﺓ ﺗﺠﺮﻱ ﻭﻃﻠﻊ ﻭﺭﺍﻫﺎ ، ﻭﻫﻮ ﺭﺍﻛﺐ ﺳﻴﺎﺭﺗﻪ : ﺭﺩ ﺑﺎﺍﺍﻟﻚ ﺗﺠﺮﺭﻱ ﻫﺎ ﺑﺎﻟﺸﻮﻳﺔ ﻣﺶ ﺗﻘﻌﺪﻱ ﺧﺎﻳﻔﻪ ﺗﺠﺮﻱ ﺍﻧﻲ ﻭﺭﺍﻙ
ﺳﺎﺭﺓ ﻭﻗﻔﺖ ﺟﻨﺒﻪ : ﺑﺎﻩ ﺑﺎﻩ ، ﻭﺭﺩﺕ ﻋﻠﻲ ﺍﻣﻬﺎ : ﺍﻳﻮﺍ ﻣﺎﻣﺎ
ﺳﺮﻭﺭ : ﻭﻳﻨﻚ ﻫﺪﺍ ﻛﻠﻪ
ﻣﻌﺎﺩ ﺑﺼﻮﺕ ﻋﺎﻟﻲ : ﻗﻮﻟﻴﻠﻬﺎ ﺗﺮﻭﻭﺡ ﺗﻮﺍ ﺍﻟﺤﻴﻮﺍﻧﻪ ﺧﻴﺮﻟﻬﺎ
ﺳﺎﺭﺓ : ﻭﺍﺍﺍﻙ ﻫﺎﻟﺪﺭﺍﻩ ﺍﻟﻜﺒﺪ ﻫﺪﺍ ﺑﺎﻩ ﺍﻫﻮ ﻣﺮﻭﺣﺔ ﻛﻨﺖ ﻋﻨﺪ ﺻﺎﺣﺒﺘﻲ ﻧﺪﻯ
ﻣﻌﺎﺩ : ﻭﺍﻟﻠﻪ ﻏﻴﺮ ﺗﺮﻭﺣﻲ ﺗﺸﻮﻓﻲ ﺍﻟﺪﺭﺍﻩ ﺍﻟﻜﺒﺪ ﻛﻴﻒ ﺷﻜﻠﻪ
ﺳﺮﻭﺭ : ﻫﻬﻬﻪ ﻓﺎﺗﺤﺔ ﺍﻟﻤﺎﻳﻚ ﻳﺎﻏﺒﻴﺔ
ﺧﺎﻟﺘﻲ : ﻗﻮﻟﻬﺎ ﻏﻴﺮ ﺗﺮﻭﺣﻲ ﺣﺴﺎﺑﻚ ﻓﻲ ﺍﻟﺤﻮﺵ
ﺳﺎﺭﺓ : ﺗﻲ ﻭﻭﻭﻩ ﻭﺍﻧﺘﻮ ﺗﻬﺪﺩﻭ ﻣﻦ ﻗﺒﻞ ﻣﺎﻧﻮﺻﻞ ﺗﺨﻴﻠﻮ ﺗﻮﺍ ﻭﺍﻧﻲ ﻣﺮﻭﺣﺔ ﻳﺼﻴﺮﻟﻲ ﺣﺎﺩﺙ ﻭﻧﻤﻮﺕ ﺗﻨﺪﻣﻮ ﺑﻌﺪﻳﻦ ﻋﻠﻲ ﻫﺪﺍ ﻛﻠﻪ ﻭﺍﻻ ﻧﻘﻌﺪ ﻧﺠﺮﻱ ﺗﻮﺍ ﻭﺧﺎﻳﻔﻪ ﺗﺼﻴﺮ ﻓﻴﺎ ﺣﺎﺟﺔ ﻓﻲ ﺭﻗﺒﺘﻜﻢ
ﻣﻌﺘﺼﻢ ﻓﻨﺺ ﻓﻴﻬﺎ ﻭﺷﺪ ﻳﺪﻫﺎ
ﻣﻌﺎﺩ ﺳﻜﺖ
ﻭﺳﺮﻭﺭ ﺷﺪﺕ ﺿﺤﻜﺘﻬﺎ
ﺧﺎﻟﺘﻲ : ﺭﻭﺣﻲ ﺭﻭﺣﻲ ﻣﻦ ﻏﻴﺮ ﺩﻭﺓ ﻓﺎﺿﻴﺔ
ﺳﺎﺭﺓ : ﺑﺎﻩ ﺍﻫﻮ ﻣﺮﻭﺣﺔ
ﺳﻜﺮﺕ ﻣﻦ ﺍﻣﻬﺎ ﻭﺭﻛﺒﺖ ﺳﻴﺎﺭﺗﻬﺎ ﻭﻣﻌﺘﺼﻢ ﻭﺭﺍﻫﺎ
،،،،،،،
ﻭﻣﺮ ﺍﻟﻮﻗﺖ
ﺍﻟﺴﺎﻋﻪ 8 ﺑﻌﺪ ﺍﻟﻤﻐﺮﺏ
ﻓﺘﺤﺖ ﻋﻴﻮﻧﻬﺎ
ﺍﻟﺪﺍﺭ ﻣﻈﻠﻤﺔ ، ﻟﻔﺖ ﺑﻌﻴﻮﻧﻬﺎ ﺍﻟﻘﺖ ﺭﻭﺣﻬﺎ ﻓﻲ ﺩﺍﺭ ﻧﻮﺍﻝ
ﻏﻤﻀﺖ ﻋﻴﻮﻧﻬﺎ ﻭﻣﺮ ﺷﺮﻳﻂ ﻛﻞ ﺍﻟﻲ ﺻﺎﺭ ﻗﺪﺍﻡ ﻋﻴﻮﻧﻬﺎ
ﺗﻤﻨﺖ ﻓﻲ ﻫﺎﺩﻳﻜﺎ ﺍﻟﻠﺤﻈﺔ ﺗﻜﻮﻥ ﻛﺎﻧﺖ ﺗﺤﻠﻢ
ﺍﻭ ﻛﺎﺑﻮﺱ ﻣﺠﺮﺩ ﻣﺎﺗﻔﻴﻖ ﺗﻨﺴﺎﻩ
ﺑﺲ ﻟﻼﺳﻒ ﻛﺎﻥ ﻭﺍﻗﻊ
ﻗﻌﻤﺰﺕ ، ﻟﻤﺖ ﺷﻌﺮﻫﺎ
ﻧﺰﻟﺖ ﻣﻦ ﺍﻟﺴﺮﻳﺮ ﻭﻃﻠﻌﺖ ﻣﻦ ﺍﻟﺪﺍﺭ
ﺍﻣﺸﺖ ﻟﺪﺍﺭﻫﺎ ﻋﻠﻰ ﻃﻮﻝ ، ﻗﻌﺪﺕ ﺗﺪﻭﺭ ﻓﻲ ﺗﻠﻴﻔﻮﻧﻬﺎ
ﻭﺗﺠﻲ ﻋﻴﻨﻬﺎ ﻉ ﺍﻟﺴﻠﺴﻠﺔ ﺍﻟﻲ ﻓﻮﻕ ﺍﻟﺴﺮﻳﺮ
ﻋﻠﻰ ﻃﻮﻝ ﺧﻨﻘﺘﻬﺎ ﺍﻟﻌﺒﺮﺓ ، ﻗﺪﻣﺖ ﺑﺒﻂﺀ ﻗﻌﻤﺰﺕ ﻉ ﺍﻟﺴﺮﻳﺮ ﻭﺍﺧﺪﺕ ﺍﻟﺴﻠﺴﻠﺔ ﺑﻴﻦ ﻳﺪﻳﻬﺎ
ﻭﻧﺰﻟﺖ ﺩﻣﻌﻪ ﻭﻟﺤﻘﻬﺎ ﺑﺎﻗﻲ ﺍﻟﺪﻣﻮﻉ
ﺍﺿﺒﻄﺖ ﺍﻟﺴﻠﺴﻠﺔ ﻭﺗﺒﻜﻲ
" ﻭﻳﺎﻭﻳﻞ ﻋﺎﺷﻖ ﻗﺪ ﺟﺮﺣﻪ ﻗﻠﺐ ﺣﺒﻴﺒﻪ
ﻭﻳﺎﻭﻳﻞ ﺧﺎﺋﻦ ﻗﺪ ﻏﺪﺭ ﺑﻘﻠﺐ ﻣﺤﺒﻮﺑﻪ
ﻭﻳﺎﻭﻳﻞ ﻣﺨﺎﺩﻉ ﻗﺪ ﺧﺪﻋﺘﻪ ﻣﻈﺎﻫﺮ ﻓﺨﺪﻉ ﻗﻠﺐ ﻣﺠﻨﻮﻥ ﺑﻌﺸﻘﻪ ﻭﺗﺮﻛﻪ ﺑﻤﻨﺘﺼﻒ ﺍﻟﻄﺮﻳﻖ
ﻭﻳﺎﻭﻳﻞ ﺭﺟﻞ ﻗﺪ ﺍﺑﻜﺎﻩ ﺍﻧﺜﺎﻩ ﻗﻬﺮﺍ ﻓﻠﻴﻨﺘﻈﺮ ﻋﻘﺎﺑﺎ ﻣﻦ ﺍﻟﻠﻪ "
ﻭﻗﻔﺖ ﻭﺍﻣﺸﺖ ﺟﻬﺔ ﺩﻭﻻﺑﻬﺎ ، ﻓﺘﺤﺎﺗﻪ ﻭﺟﺖ ﻋﻴﻨﻬﺎ ﻉ ﺍﻟﺼﻨﺪﻭﻕ ﺍﻟﻜﺒﻴﺮ
ﻃﻠﻌﺎﺗﻪ
ﻭﺑﻌﺪﻫﺎ ﺷﺎﻓﺖ ﺍﻟﻘﻔﻄﺎﻥ ﺍﻟﻲ ﻫﺪﺍﻫﻮﻟﻬﺎ ﻭﺭﻳﺤﺘﻪ ﻗﺎﻋﺪﻩ ﻓﻴﻪ
ﺗﺬﻛﺮ ﻭﻗﺖ ﻓﺎﺟﺌﻬﺎ ﺑﻴﻪ
ﻛﻼﻣﻪ ﻟﻴﻬﺎ ، ﺗﻐﺰﻟﻪ ﻓﻴﻬﺎ
ﻣﺪﺕ ﻳﺪﻫﺎ ﻃﻠﻌﺎﺗﻪ ﻭﻋﻠﻰ ﻃﻮﻝ ﺷﻤﺖ ﺭﻳﺤﺘﻪ ﺍﺿﺒﻄﺎﺗﻪ ﺑﻘﻮﺓ ﻭﺗﺒﻜﻲ
ﺗﺒﻜﻲ ﻗﻬﺮ ﻭﺧﺬﻻﻥ ، ﺗﺒﻜﻲ ﻋﻠﻲ ﺣﺐ ﻗﻠﺒﻬﺎ
ﻗﻌﻤﺰﺕ ﻋﻠﻲ ﺳﺮﻳﺮﻫﺎ ﺑﺘﻌﺐ ، ﻣﺴﺤﺖ ﺩﻣﻮﻋﻬﺎ ﻭﻓﺘﺤﺖ ﺍﻟﺼﻨﺪﻭﻕ
ﺭﻳﺤﺘﻪ ، ﺳﺎﻋﺘﻪ ، ﻫﺪﺍﻳﺎﻩ ، ﺣﺘﻰ ﺍﻟﻮﺭﺩ ﺍﻟﻲ ﻫﺪﺍﻫﻮﻟﻬﺎ ﻭﺍﻟﺒﺎﻗﺎﺕ ﻛﺎﻧﺖ ﻣﺠﻔﻔﻪ ﻭﻣﻐﻠﻔﻪ ﻣﻊ ﺑﻌﺾ
ﻣﺮﺭﺕ ﺻﻮﺍﺑﻌﻬﺎ ﻋﻠﻲ ﻫﺪﺍﻳﺎﻩ ﺍﻟﻲ ﻣﻌﺒﻴﻪ ﺍﻟﺼﻨﺪﻭﻕ
ﻭﻛﻞ ﻣﻔﺎﺟﺌﺎﺗﻪ ﻟﻴﻬﺎ ﺑﻬﺎﻟﻬﺪﺍﻳﺎ ﻗﺎﻋﺪﻩ ﺗﻤﺮ ﻗﺪﺍﻡ ﻋﻴﻮﻧﻬﺎ ﻭﻋﻠﻲ ﺫﺍﻛﺮﺗﻬﺎ
ﻗﺎﻣﺖ ﺍﻟﺸﺎﻝ ﺑﺘﺎﻋﻪ ﻭﺣﻀﻨﺎﺍﺍﺗﻪ ﺑﻘﻮﻭﺓ ﻭﺗﺒﻜﻲ
ﻭﺗﺬﻛﺮ ﻛﻴﻒ ﺧﺪﺍﺗﻪ ﻣﻨﻪ
" ﻧﺮﺟﺲ : ﺍﻟﺒﺲ ﺷﻲ ﻳﺎﺣﺴﻦ ﻭﺍﻟﻠﻪ ﻧﺤﺲ ﺑﺎﻟﺠﻮ ﺻﻘﻊ
ﺣﺴﻦ : ﻣﺶ ﺻﻘﻌﺎﻥ ﺍﻧﻲ
ﻭﻛﺎﻧﻮ ﻭﺍﻗﻔﻴﻦ ﺟﻨﺐ ﺳﻴﺎﺭﺗﻪ ، ﻃﺒﺲ ﺣﺴﻦ ﻉ ﺍﻟﺴﻴﺎﺭﺓ ﻭﻃﻠﻊ ﺍﻟﺸﺎﻝ ، ﻟﻔﻪ ﻋﻠﻲ ﺭﻗﺒﺘﻬﺎ ﻭﻫﻮ ﻳﺸﻮﻑ ﻟﻌﻴﻮﻧﻬﺎ
ﻧﺮﺟﺲ ﺍﺑﺘﺴﻤﺖ ﻟﻤﺎ ﻭﺻﻠﺘﻬﺎ ﺭﻳﺤﺘﻪ ﻭﻏﻤﻀﺖ ﻋﻴﻮﻧﻬﺎ ، ﻭﺣﻄﺖ ﻳﺪﻫﺎ ﻋﻠﻲ ﺍﻟﺸﺎﻝ
ﺣﺴﻦ : ﻫﻬﻪ ﺧﻴﺮﻙ
ﻧﺮﺟﺲ ﺍﻧﺤﺮﺟﺖ ، ﺍﺑﺘﺴﻤﺖ ﺑﺨﺠﻞ : ﺭﻳﺤﺘﻪ ﺣﻠﻮﺓ
ﺣﺴﻦ : ﺍﺳﺘﻨﻲ ، ﻭﻃﺒﺲ ﻃﻠﻊ ﺷﻴﺸﺔ ﺻﻨﻪ
ﻭﻗﻌﺪ ﻳﺒﺦ ﻉ ﺍﻟﺸﺎﻝ
ﻧﺮﺟﺲ ﻣﺼﺪﻭﻣﺔ : ﻻﺣﺴﻦ ﺣﻲ ﻋﻠﻴﺎ ﺗﻮﻟﻲ ﺭﻳﺤﺘﻲ ﺭﺟﺎﻟﻴﺔ
ﺣﺴﻦ : ﺍﻳﻪ ﻋﺎﺩﻱ ﺑﺎﺵ ﺍﻟﻲ ﺑﻴﻜﻠﻤﻚ ﻳﺮﻓﻌﻚ ﻣﺤﺠﻮﺯﺓ ﻟﺮﺍﺟﻞ
ﻧﺮﺟﺲ : ﻫﻬﻬﻬﻬﻪ ﻣﻦ ﺟﺪﻙ ﺍﻧﺖ ، ﻭﺍﻟﻠﻪ ﺍﻟﺮﻳﺤﺔ ﻗﻮﻳﺔ ﻭﺍﺧﻮﺍﺗﻲ ﻭﺻﺎﺣﺒﺎﺗﻲ ﺷﻦ ﻧﻘﻮﻟﻠﻬﻢ
ﺣﺴﻦ ﻣﺎﻋﺪﻟﺶ ﻋﻠﻴﻬﺎ ، ﻭﻃﺒﺲ ﺑﻴﺤﻂ ﺍﻟﻌﻄﺮ
ﻧﺮﺟﺲ : ﺣﺴﻦ ﺍﺭﺟﻰ
ﺷﺎﻓﻠﻬﺎ ﺑﺎﺳﺘﻐﺮﺍﺏ ، ﻣﺪﺕ ﻳﺪﻫﺎ ﺳﺤﺒﺖ ﻣﻨﻪ ﺍﻟﻌﻄﺮ : ﺧﻠﻴﻪ ﻣﻌﺎﻱ
ﺣﺴﻦ ﻗﻌﺪ ﻳﻀﺤﻚ : ﺑﺎﻩ ﺧﻠﻴﻪ "
"" ﻭﻣﺎﺫﺍ ﻳﺒﻘﻰ ﻓﻲ ﺍﻟﻔﺮﺍﻕ ﻏﻴﺮ ﺫﻛﺮﻳﺎﺕ ﺗﻮﺟﻊ ﻗﻠﻮﺑﻨﺎ ""
ﺗﺬﻛﺮ ﻧﺮﺟﺲ ﻭﻗﺖ ﻫﺰﺑﺘﻬﺎ ﻧﻮﺭﺱ ﻋﻠﻲ ﺭﻳﺤﺘﻬﺎ ، ﻭﻫﻲ ﻛﺎﻧﺖ ﻓﺮﺣﺎﻧﻪ ﻭﻓﺮﺣﺔ ﺍﻟﺤﺐ ﺍﻟﻲ ﺑﺪﺍﺧﻠﻬﺎ ﻛﺎﻓﻴﺔ ﺑﺎﻧﻪ ﺗﺨﻠﻲ ﻣﺰﺍﺟﻬﺎ ﻣﺎﻳﺘﻌﻜﺮﺵ ﻻﻱ ﻛﻠﻤﺔ
ﻭﻗﺖ ﺭﻭﺣﺖ ﻟﻠﺤﻮﺵ ﺭﻛﺒﺖ ﺑﺴﺮﻋﻪ ﻗﺒﻞ ﻻﺗﺸﻮﻓﻬﺎ ﻣﺎﻣﺎ .
،،،،،،،
ﺷﺎﺩ ﺗﻠﻴﻔﻮﻧﻪ ﻭﻣﺘﺮﺩﺩ ﻳﺘﺼﻞ ﺑﻴﻬﺎ ﺍﻭ ﻻ
ﻭﺳﺮﺡ ﻓﻲ ﺧﻄﻮﺍﺕ ﺧﺴﺮﺍﻧﻪ ﻟﻼﻧﺴﺎﻧﻪ ﺍﻟﻲ ﺗﻌﺸﻘﻪ ﺑﺠﻨﻮﻥ
" ﻛﺎﻥ ﺭﺍﻗﺪ
ﻓﺠﺄﺓ ﻃﻖ ﺍﻟﺒﺎﺏ
ﺗﻤﻠﻤﻞ ﺑﺎﻧﺰﻋﺎﺝ
ﻓﺘﺤﺖ ﺍﻟﺒﺎﺏ ﺑﻬﺪﻭﺀ ﻭﺧﺸﺖ ﻭﺳﻜﺮﺍﺗﻪ ﻭﺭﺍﻫﺎ
ﻗﻌﻤﺰﺕ ﻉ ﺍﻟﻜﺮﺳﻲ ﻗﺪﺍﻡ ﺳﺮﻳﺮﻩ ﻭﻋﻴﻮﻧﻬﺎ ﻋﻠﻴﻪ ﺗﺘﺄﻣﻞ ﻓﻴﻪ
ﺣﺲ ﺑﺤﺪ ﺧﺶ ﺑﺲ ﻻﻧﻪ ﻛﺎﻥ ﻣﺪﻫﺸﺮ ﺑﺎﻟﻨﻮﻡ ﻏﻂ ﻓﻲ ﻧﻮﻡ ﻋﻤﻴﻖ
ﻗﻌﺪﺕ ﺗﺘﺎﻣﻞ ﻓﻴﻪ ﻣﻦ ﻏﻴﺮ ﻣﺎﺗﻤﻞ ، ﻣﺪﺕ ﻳﺪﻫﺎ ﻭﺣﻮﻟﺖ ﺍﻟﺨﺼﻼﺕ ﺍﻟﻲ ﻧﺎﺯﻻﺕ ﻋﻠﻲ ﺟﺒﻬﺘﻪ
ﻭﻗﻌﺪﺕ ﺗﻤﺴﺢ ﻋﻠﻲ ﺷﻌﺮﻩ ﻭﺗﺘﺄﻣﻞ ﻓﻴﻪ
ﻃﺒﺴﺖ ﺑﺘﺒﻮﺳﻪ ﻋﻠﻲ ﺟﺒﻬﺘﻪ
ﻭﻓﺠﺄﺓ ﻓﺘﺢ ﺣﺴﻦ ﻋﻴﻮﻧﻪ ﻭﺷﺎﻓﻠﻬﺎ ﺑﺼﺪﻣﺔ
ﺑﺴﺎﺗﻪ ﻭﻗﺎﻋﺪﻩ ﻣﺎﺗﻨﺪﺭﻳﺶ ﻋﻠﻴﻪ ﻧﺎﺽ ، ﺷﺎﻓﺎﺗﻪ ﻓﺎﺗﺢ ﻋﻴﻮﻧﻪ ﻧﺼﺪﻣﺖ ﻭﻭﺧﺮﺕ ﻣﻨﻪ ﻭﺗﻮﺗﺮﺕ ﻣﻌﺎﺵ ﻋﺮﻓﺖ ﺷﻦ ﺗﺪﻳﺮ
ﺣﺴﻦ ﻗﻌﺪ ﻳﺸﻮﻓﻠﻬﺖ ﺑﺼﺪﻣﺔ : ﺍﻣﻴﺮﺓ ﺷﻦ ﺗﺪﻳﺮﻱ
ﺍﻣﻴﺮﺓ ﺧﻼﺹ ﻗﺮﻳﺐ ﺗﺒﻜﻲ ﻣﻦ ﺍﻟﻤﻮﻗﻒ
ﻭﺧﺮﺕ : ﺍﺳﻔﻪ ﺍﺳﻔﻪ ﺑﺠﺪ ، ﻭﻟﻔﺖ ﻃﻠﻌﺖ ﺑﺴﺮﻋﻪ
ﻗﻌﻤﺰ ﻭﺳﺮﺣﺎﻥ ﻭﻣﺶ ﻣﺴﺘﻮﻋﺐ ﺍﻟﻲ ﺻﺎﺭ
ﻭﻓﺠﺄﺓ ﺳﺮﺡ ﻓﻴﻬﺎ ﻭﻓﻲ ﺟﻤﺎﻟﻬﺎ ﻭﻓﻲ ﺍﻟﻠﻘﻄﺔ ﺍﻟﻲ ﺻﺎﺭﺕ "
،،،،،،،
ﻣﺴﺤﺖ ﺩﻣﻮﻋﻬﺎ ﻧﺮﺟﺲ ﻭﺧﻠﺖ ﺍﻟﺼﻨﺪﻭﻕ ﻭﻛﻞ ﺷﻲ ﻓﻲ ﻣﻜﺎﻧﻪ ﻭﻧﺎﺿﺖ ﻭﻗﻔﺖ ، ﻃﻠﻌﺖ ﻣﻦ ﺩﺍﺭﻫﺎ ﻭﺳﻜﺮﺗﻬﺎ
ﺳﻤﻌﺖ ﺻﻮﺕ ﺩﻭﺷﺔ ﻟﻮﻃﻰ
ﺧﺸﺖ ﺍﻟﺤﻤﺎﻡ ﻏﺴﻠﺖ ﻭﺟﻬﻬﺎ ﻭﻧﺰﻟﺖ ﻣﺴﺘﻐﺮﺑﺔ
ﺧﺸﺖ ﻟﺪﺍﺭ ﺍﻟﻤﻌﻴﺸﺔ ﺍﻟﻘﺖ ﺧﺎﻟﺘﻲ ﻭﺑﻨﺎﺗﻬﺎ ﻭﻣﻌﺎﺩ
ﺍﺑﺘﺴﻤﺖ ﺍﺑﺘﺴﺎﻣﻪ ﺑﺎﻫﺘﻪ ﻭﺳﻠﻤﺖ ﻋﻠﻴﻬﻢ
ﻣﻌﺎﺩ ﺑﺎﺍﺑﺘﺴﺎﻣﻪ : ﻭﻳﻦ ﻫﺪﺍﺍ ﻛﻠﻪ ﻧﻮﻭﻡ ﻳﺎﻛﺴﻮﻟﺔ ﻣﻦ ﺑﻜﺮﻱ ﺍﺣﻨﻲ ﺍﻫﻨﻲ
ﻧﺮﺟﺲ ﺍﺑﺘﺴﻤﺖ : ﺍﻳﻪ ﺗﻌﺒﺎﻧﻪ ﻫﻠﺒﺎ ﻟﻴﺎ ﻛﻢ ﻳﻮﻡ ﻣﺎﻧﺮﻗﺪﺵ ﻛﻮﻳﺲ
ﺧﺎﻟﺘﻲ : ﺣﺘﻰ ﻭﺟﻬﻚ ﺭﺍﻳﺢ ﺍﺻﻔﺮ ﻓﻲ ﺣﺎﻟﻪ ﻳﺎﺑﻨﺘﻲ ﻣﺎﺗﺎﻛﻠﻴﺶ ﺑﻜﻞ ﺍﻧﺘﻲ ﺭﺍﻫﻮ
ﻣﻌﺎﺩ ﻗﺮﻥ ﺣﻮﺍﺟﺒﻪ ﻭﻗﻌﺪ ﻳﺸﻮﻓﻠﻬﺎ
ﻣﺎﻣﺎ : ﺑﺮﻱ ﺗﻐﺪﻱ ﺍﻏﺪﺍﻙ ﻗﺎﻋﺪ ﻓﻮﻕ ﺍﻟﻄﺎﻭﻟﺔ
ﻧﺮﺟﺲ : ﺑﺎﻩ ﺑﻌﺪﻳﻦ ﻳﺎﻣﺎﻣﺎ ﻣﺎﻋﻨﺪﻳﺶ ﻧﻴﺔ ﺗﻮﺍ
ﻣﺎﻣﺎ : ﺍﺳﻤﻌﻲ ﺍﻟﻜﻼﻡ ﺳﻠﻢ ﺑﻨﻴﺘﻲ
ﺧﺎﻟﺘﻲ : ﺑﺮﻱ ﻛﻮﻟﻲ ﺣﻲ ﻋﻠﻴﻚ ﻳﺼﻴﺮﻟﻚ ﻫﺒﻮﻁ ﺑﺮﻱ ﻏﺼﺒﻲ ﻋﻠﻲ ﺭﻭﺣﻚ ﻭﻛﻮﻟﻲ
ﻭﻗﻌﺪﻭ ﻫﻜﻲ ﻳﺸﺪﻭ ﻓﻴﻪ ، ﻓﺎﺍﺳﺘﺴﻠﻤﺖ ﻭﻧﺎﺿﺖ ﺍﻣﺸﺖ ﻟﻠﻤﻄﺒﺦ
ﻗﺎﻣﺖ ﺍﻟﺼﻮﻧﻴﺔ ﻭﺣﻄﺘﻬﺎ ﻓﻲ ﺍﻟﻤﻴﻜﺮﻭﻳﻒ ﺗﺴﺨﻦ ﻓﻴﻬﺎ
ﺧﺶ ﻣﻌﺎﺩ ﻭﻫﻮ ﺳﺎﻛﺖ
ﻧﺮﺟﺲ ﻭﺍﻗﻔﻪ ﻭﻋﺎﻃﻴﺎﺗﻪ ﺑﺎﻟﻈﻬﺮ ﻭﺗﺮﺍﺟﻲ ﻓﻲ ﺍﻟﻤﻴﻜﺮﻭﻳﻒ ﻳﻜﻤﻞ ﻭﺳﺮﺣﺎﻧﻪ
ﻣﻌﺎﺩ ﺷﺮﺏ ﻣﻴﺔ ﻭﻗﻌﻤﺰ ﻳﺸﻮﻓﻠﻬﺎ ﻛﻴﻒ ﺳﺮﺣﺎﻧﻪ ﻭﻣﺶ ﻣﻨﺘﺒﻬﺔ ﻟﺸﻲ
ﻣﻌﺎﺩ : ﻛﻤﻞ ﺗﺴﺨﻴﻦ ﻣﻦ ﺑﻜﺮﻱ
ﻧﺮﺟﺲ ﺍﻧﺨﻠﻌﺖ : ﻫﺎ ﺷﻨﻮ
ﻣﻌﺎﺩ ﺍﺷﺮ : ﻗﺮﻳﺐ ﺣﺘﻰ ﺗﺒﺮﺩ
ﻧﺮﺟﺲ ﻃﻠﻌﺖ ﺍﻟﺼﻮﻧﻴﺔ ﻭﻗﻌﻤﺰﺕ ﻉ ﺍﻟﻄﺎﻭﻟﺔ ﻭﺟﺎﺑﺖ ﺯﻭﺯ ﻛﻮﺍﺷﻴﻚ : ﺗﻔﻀﻞ ﻣﻌﺎﻱ
ﻣﻌﺎﺩ : ﻛﻮﻟﻲ ﺍﻧﺘﻲ ﺻﺤﺘﻴﻦ
ﻧﺮﺟﺲ : ﻣﺎﻧﺤﺒﺶ ﻧﺎﻛﻞ ﺑﺮﻭﺣﻲ
ﻣﻌﺎﺩ : ﺑﺎﻩ ﺗﻮ ﻧﺴﺎﻳﺮﻙ ﻫﻲ ﺳﻤﻲ ﺑﺴﻢ ﺍﻟﻠﻪ
ﺣﻄﺖ ﻧﺮﺟﺲ ﺍﻟﻜﺎﺷﻴﻚ ﻓﻲ ﺍﻟﺼﻮﻧﻴﺔ ﻭﻟﻘﺖ ﺭﻭﺣﻬﺎ ﺗﻘﻠﺐ ﻓﻴﻬﺎ ﻭﺧﻼﺹ ، ﺗﺤﺲ ﺑﻨﻔﺴﻬﺎ ﻣﺨﻨﻮﻗﻪ ﻭﻣﺶ ﻗﺎﺩﺭﺓ ﺗﺎﻛﻞ
ﻣﻌﺎﺩ ﺷﺎﻓﻠﻬﺎ ، ﺣﻂ ﻛﺎﺷﻴﻜﻪ : ﺷﻦ ﻓﻲ ﻳﺎﻧﺮﺟﺲ ؟
ﻧﺮﺟﺲ ﺷﺎﻓﺘﻠﻪ ﻭﺩﻣﻮﻋﻬﺎ ﻓﻲ ﻋﻴﻮﻧﻬﺎ : ﻭﻻ ﺷﻲ
ﻣﻌﺎﺩ : ﻣﺎﺗﻘﻮﻟﻴﺶ ﻭﻻ ﺷﻲ ﻭﺍﺿﺢ ﻋﻠﻴﻚ ، ﺷﻦ ﺻﺎﻳﺮ ؟
ﻧﺮﺟﺲ ﺧﻨﻘﺘﻬﺎ ﺍﻟﻌﺒﺮﺓ ﻭﺧﻼﺹ ﺩﻣﻌﺘﻬﺎ ﺑﺘﻨﺰﻝ ﻭﺷﺎﺩﺓ ﺭﻭﺣﻬﺎ ﺑﺎﻟﺴﻴﻒ ، ﺷﺮﺑﺖ ﻣﻴﻪ ﻭﻣﺎﺗﺒﻴﺶ ﺗﺸﻮﻑ ﻟﻤﻌﺎﺩ
ﻣﻌﺎﺩ : ﺍﺣﻜﻲ ﻳﺎﻧﺮﺟﺲ
ﻧﺮﺟﺲ ﺩﻣﻌﺘﻬﺎ ﻏﻠﺒﺘﻬﺎ ﻧﺰﻟﺖ ، ﻭﻣﻌﺎﺵ ﻗﺪﺭﺕ ﺗﺸﺪ ﺭﻭﺣﻬﺎ
>> ﺳﻠﻢ ﻳﺎ ﺣﺐ ﻉ ﺍﻟﻠﻲ ﻏﺎﺏ ﻋﻨﻲ ﻭﺭﺍﺡ
ﺋﻠﻮ ﻣﺎ ﻧﺴﻴﺖ ﺣﺒﻮ ﻧﻬﺎﺭ ﻻ ﻣﺎ ﻧﺴﻴﺖ
ﺋﻠﻮ ﻫﺎﻟﺌﻠﺐ ﺑﻌﺪﻭ ﺻﺎﺭ ﻛﻠﻮ ﺟﺮﺍﺡ
ﻣﻬﻤﺎ ﺋﺴﻲ ﺃﻧﺎ ﻣﺎ ﺋﺪﺭﺕ ﻳﻮﻡ ﻧﺴﻴﺖ
ﺋﻠﻮ ﺍﻟﻌﻤﺮ ﻣﻦ ﺑﻌﺪﻭ ﺷﻮ ﺑﻴﻨﻔﻌﻨﻲ
ﻟﻮ ﺿﻞ ﺑﻌﻴﺪ ﺍﻧﺪﻫﻠﻮ ﻣﺎ ﻳﺴﻤﻌﻨﻲ
ﻳﺮﺟﻊ ﺷﻲ ﻳﻮﻡ ﻭﻳﺮﺣﻤﻨﻲ ﻣﻦ ﻫﺎﻟﻌﺰﺍﺏ
ﺻﺎﺭﻟﻮ ﻛﺘﻴﺮ ﻣﺴﻬﺮﻧﻲ
ﺗﻌﺐ ﺍﻟﺸﻮﻕ ﻳﺸﺘﺌﻠﻮ ,, ﺗﻌﺐ ﺍﻟﺌﻠﺐ ﻳﻨﺪﻫﻠﻮ
ﺋﻠﺒﻲ ﻣﺎ ﺣﺐ ﻣﻦ ﺋﺒﻠﻮ ﻻﺍﺍﺀ
ﻋﻨﺪﻱ ﺣﻨﻴﻦ ﻟﻌﻴﻮﻧﻪ ,, ﻋﻤﺮﻱ ﻟﻤﻴﻦ ﻣﻦ ﺩﻭﻧﻪ ﺍﻥ ﻣﺮﺋﻮ ﺳﻨﻴﻦ
ﻣﺎ ﺑﺨﻮﻧﻪ ﻟﻮ ﺧﺎﻥ ﻛﻞ ﺍﻟﻌﺸﺎﻕ <<
ﻭﻗﻔﺖ ﻭﺑﺘﻄﻠﻊ ، ﺷﺪﻫﺎ ﻣﻌﺎﺩ ﻣﻦ ﻳﺪﻫﺎ
ﺍﻧﻬﺎﺭﺕ ﺑﻜﻲ ﻭﻣﻌﺎﺵ ﻗﺪﺭﺕ ﺗﻘﺎﻭﻡ ﻭﺻﻮﺭﺓ ﺣﺴﻦ ﺑﺎﻟﺒﺪﻟﺔ ﺍﻟﺮﺳﻤﻴﻪ ﻭﻛﻼﻡ ﺍﺧﺘﻪ
ﺫﻛﺮﻳﺎﺕ ﺣﺴﻦ
ﺭﻳﺤﺔ ﺣﺴﻦ
ﻫﺪﺍﻳﺎ ﺣﺴﻦ
ﻛﻼﻡ ﺣﺴﻦ
ﻛﻠﻪ ﻛﺎﻓﻲ ﻳﺨﻠﻴﻬﺎ ﺗﺒﻜﻲ ﺩﻡ ﺑﻌﺪ ﺍﻟﺨﻴﺎﻧﻪ
ﻣﻌﺎﺩ ﻟﻤﺎ ﺷﺎﻓﻬﺎ ﺍﻧﺼﺪﻡ ﻣﻦ ﺣﺎﻟﺘﻬﺎ
ﺷﺪﻟﻬﺎ ﻭﺟﻬﻬﺎ ﺑﻴﻦ ﻳﺪﻳﻪ ، ﻭﻳﺪﻳﻪ ﻳﺮﻋﺸﻮ
ﻗﻌﺪ ﻳﻤﺴﺤﻠﻬﺎ ﻓﻲ ﺩﻣﻮﻋﻬﺎ
ﻧﺮﺟﺲ ﺍﺭﺗﻤﺖ ﻓﻲ ﺣﻀﻨﻪ ﻭﻫﻲ ﻓﻲ ﺍﻗﺴﻰ ﺣﺎﻻﺕ ﺿﻌﻔﻬﺎ ﺗﺒﻜﻲ ﺑﺎﻟﻌﺒﺮﺓ
ﻣﻌﺎﺩ ﺍﺿﺒﻄﻬﺎ ﻭﻳﻬﺪﻱ ﻓﻴﻬﺎ : ﻧﺮﺟﺲ ﺧﻼﺹ ﻧﺮﺟﺲ ﺣﺒﻴﺒﺘﻲ ﺧﻼﺹ ﻧﺮﺟﻮﺳﺔ ﻭﺭﺩﺗﻲ ﺑﻄﻠﻲ ﺑﻜﺎ
ﻧﺮﺟﺲ ﻟﻤﺎ ﻗﺎﻟﻠﻬﺎ ﻭﺭﺩﺗﻲ ﺯﺍﺩﺕ ﺗﺒﻜﻲ ﺍﻛﺜﺮ ، ﻭﺑﺼﻮﺕ ﻣﺶ ﻣﻔﻬﻮﻡ : ﻛﻠﻠﻢ ﺓﺓ ﺡ ﺱ ﺳﻦ ﻫﺎﺩﻱ ﻛﻞ ﻣﺔ ﺣﺴﻦ ﻫﻮ ﺏ ﺑﺲ ﻱ ﻳﻘﻮﻝ ﻭﺭﺩ ﺩﺗﻲ
ﻣﻌﺎﺩ ﻣﺎﻓﻬﻤﺶ ﻣﻦ ﻛﻼﻣﻬﺎ ﺍﻻ ﻛﻠﻤﺔ ﺣﺴﻦ ، ﻏﺎﺍﺽ ﻭﻟﻮ ﻣﻤﻜﻦ ﻗﺪﺍﻣﻪ ﺣﺴﻦ ﻛﺎﻥ ﻳﻘﺘﻠﻪ
" ﻭﻫﻞ ﺭﺃﻳﺘﻢ ﻣﺜﻞ ﻫﺪﺍ ﺍﻟﻘﻠﺐ ﺍﻟﻌﺎﺷﻖ ﺑﺠﻨﻮﻥ ، ﻗﺪ ﺍﺳﺘﺴﻠﻢ ﻗﻠﻤﻲ ﺍﻣﺎﻡ ﻗﻠﺒﻪ ﻓﻠﻄﺎﻟﻤﺎ ﻛﺘﺒﺖ ﻋﻦ ﻋﺸﻖ ﻋﻈﻴﻢ ﻭﺧﻄﻄﺖ ﺑﻴﻪ ﺍﻟﺴﻄﻮﺭ ﻭﻟﻜﻦ ﺍﻣﺎﻡ ﻫﺪﺍ ﺍﻟﻌﺸﻖ ﻭﻗﻔﺖ ﻛﻠﻤﺎﺗﻲ "
#يتبع
