منقولة
الحلقةة[13]
من ﺭﻭﺍﻳﺔ - - ->" #ﺳﻨــﺪ_ﺍﻷﻧﺜــى_ﺭﺟــﻞ "
ﻣﺤﻤﻮﺩ : ﺍﻟﻮﻭ
ﻫﻮ : ﺍﻳﻮﻩ ﻣﺤﻤﻮﺩ
ﻣﺤﻤﻮﺩ : ﺷﺪﻳﻨﺎﻩ ﻭﻟﺪ ﺍﻟﻜﻠﺐ ( ﺣﺸﺎﻛﻢ ) ﻭﺍﻋﺘﺮﻑ ﺑﺎﻟﻲ ﺩﺍﺭﻩ ﻭﻃﻠﻊ ﺯﻱ ﻣﺎﺷﻜﻴﺖ ﻣﻦ ﺍﻻﻭﻝ
ﻫﻮ : ﻣﺎﺗﻘﺘﻼﺷﻲ ﺳﻠﻤﻮﻩ ﻟﻠﻜﺘﻴﺒﻪ
ﻣﺤﻤﻮﺩ : ﺑﺎﻩ ﺑﻨﺴﺎﻟﻚ ﺣﻘﺎ
ﻫﻮ : ﺷﻨﻮ
ﻣﺤﻤﻮﺩ : ﻭﺍﻻ ﻧﻘﻮﻟﻚ ﺧﻼﺹ ﻓﻮﻭﺕ ( ﻭﻓﻲ ﺧﺎﻃﺮﻩ ﻳﻘﻮﻝ ﺯﻋﻤﺎ ﻧﺴﺎﻟﻪ ﻭﺍﻻ ﻻ )
ﻫﻮ : ﺷﻨﻮ ﻳﺎﺭﺍﺟﻞ ﺗﻜﻠﻤﻢ
ﻣﺤﻤﻮﺩ : ﺍﻧﺖ ﺗﻌﺮﻑ ﻭﺣﺪﺓ ﺍﺳﻤﻬﺎ ﻧﺴﻴﺒﺔ ﻗﺒﻞ
ﻫﻮ : ﻋﻼﺵ ﺍﻟﻘﻴﺘﻬﺎ ﻭﻭﻳﻦ ﺍﻟﻘﻴﺘﻬﺎ ﺷﻦ ﺻﺎﺍﻳﺮﻟﻬﺎﺍ ﻭﻛﻴﻴﻒ ﻋﺮﺭﻓﺖ ؟؟؟؟؟
ﻣﺤﻤﻮﺩ : ﺗﻲ ﺑﺎﻟﺸﻮﻳﺔ ﺧﻴﺮﺭﻙ ﺍﻧﺖ .. ﻭﺣﻜﺎﻟﻪ ﻗﺼﺔ ﻟﻤﺎ ﺷﺎﻑ ﻧﻮﺍﻝ ﻓﻲ ﺍﻟﻤﺴﺘﺸﻔﻰ
ﻫﻮﻭ : ﺷﻦ ﺻﺎﺭﻟﻬﺎﺍ ﺑﺎﺍﻩ ﻓﻲ ﺍﻟﻤﺴﺘﺸﻔﻰ ﻋﻼﺵ
ﻣﺤﻤﻮﺩ : ﺍﻟﻲ ﻧﻌﺮﻓﻪ ﺍﻧﻪ ﺻﺎﺭﻟﻬﺎ ﺍﻧﻬﻴﺎﺭ ﻋﺼﺒﻲ ﻟﻤﺎ ﻗﺎﻟﻠﻬﺎ ﺍﻟﻜﻠﺐ ( ﺣﺸﺎﻛﻢ ) ﻫﺪﺍ ﻭﻟﻴﺪ ﻣﺎﺕ ﺍﻟﺒﺎﻗﻲ ﻣﺎﻧﻌﺮﻓﺶ ﻭﺗﻘﺮﻳﺒﺎ ﻗﻌﺪﺕ ﺍﺳﺒﻮﻉ ﻓﻲ ﺍﻟﻤﺴﺘﺸﻔﻰ ﺳﺎﻟﺖ ﺑﺘﺎﻉ ﺍﻟﺮﻳﺴﻴﺒﺸﻦ ﻣﺎﺑﺘﺶ ﺗﻌﻄﻲ ﻣﻌﻠﻮﻣﺎﺕ ﻛﺎﻥ ﺗﻌﺮﻑ ﻋﻨﻮﺍﻥ ﺣﻮﺷﻬﻢ ﺍﻧﺖ ﻭﺍﻻ ﻟﻘﺒﻬﺎ ﺍﻋﻄﻴﻬﻮﻟﻲ
ﻫﻮ : ﻧﻌﺮﻓﻬﻢ ﺑﺲ ﺷﻦ ﺑﺘﺴﺘﻔﻴﺪ ﺑﺘﺪﺭﺱ ﻗﺪﺍﻡ ﺣﻮﻭﺷﻬﻢ ﻭﺍﻟﻲ ﻳﻄﻠﻊ ﺗﺴﺎﻟﻪ ﻭﺍﻻ ﻛﻴﻒ
ﻣﺤﻤﻮﺩ : ﻭﺍﻟﻠﻪ ﻣﺎﻧﻲ ﻋﺎﺭﻑ ﻳﺎﺭﺍﺟﻞ ﻣﺎﻧﻌﺮﻓﺶ ﻋﻼﺵ ﺳﻜﺮﺭﺕ ﺍﻳﻤﻴﻠﻬﺎ ﺑﺲ ﻋﻼﺍﺍﺵ ﺍﻻﺧﺘﻔﺎﺀ ﻫﻜﻲ
ﻫﻮ : ﺷﻜﻠﻪ ﻋﻨﺪﻫﻢ ﻭﺭﺍﺛﻪ ﺍﻻﺧﺘﻔﺎﺀ
ﻣﺤﻤﻮﺩ : ﻫﻬﻬﻬﻬﻪ ﻋﻦ ﺷﻜﻠﻚ ﻭﺧﻼﺹ ﺍﺑﻌﺘﻠﻲ ﻋﻨﻮﺍﻥ ﺣﻮﺷﻬﻢ ﻭﺧﻠﻲ ﺑﺎﻟﻚ ﻧﻠﻘﻰ ﻃﺮﻳﻘﻪ
ﻭﻓﻌﻼ ﺧﺪﻱ ﻋﻨﻮﺍﻥ ﺍﻟﺤﻮﺵ ﻭﺟﻲ ﻟﺤﻮﺷﻨﺎ ﻭﻋﺮﻑ ﻟﻠﻤﻜﺎﻥ ﺑﺎﻟﺰﺑﻂ ﻭﺭﻭﺡ ﻭﺭﺟﻊ ﺛﺎﻧﻲ ﻳﻮﻡ ﺍﻟﻈﻬﺮ ﺷﺎﺍﻑ ﺑﺎﺹ ﻧﻮﺍﻝ ﻭﻧﺮﺟﺲ ﻭﺷﺎﻑ ﻧﻮﺍﻝ ﻧﺰﻟﺖ ﻭﺧﺸﺖ ﻟﻠﺤﻮﺍﺯﺓ ﻭﺑﺎﺏ ﺍﻟﺤﻮﺍﺯﺓ ﺩﻳﻤﺎ ﻣﻔﺘﻮﺡ ﻭﻃﺒﻌﺎ ﺣﻮﺷﻨﺎ ﻓﻴﻪ ﺳﻮﺭ ﻭﺟﻨﺎﻥ ﻗﻌﺪ ﻣﺮﻛﺰ ﻻﺍﻣﺎ ﺣﻮﺵ ﺧﺸﺖ ﻭﺑﻌﺪﻫﺎ ﺭﻭﺡ ﻗﻌﺪ ﻫﻜﻲ ﻗﺪﺍﺵ ﻳﻮﻡ ﻭﻳﺸﻮﻑ ﻓﻲ ﻧﻮﺍﻝ ﻭﻣﺎﻗﺪﺭﺵ ﻳﻜﻠﻤﻬﺎ
،،،،،،
ﺑﻌﺪ ﺳﺘﻪ ﺷﻬﻮﻭﺭ
ﻣﺮﻭ ﺳﺘﻪ ﺷﻬﻮﺭ ﺑﺒﻂﺀ ﻋﻠﻴﺎ ﻣﺎﻧﺴﻴﺘﺶ ﻭﻟﻴﺪ ﻭﻻ ﻟﺤﻈﺔ ﻃﻮﻝ ﺍﻟﻮﻗﺖ ﻧﻔﻜﺮ ﻓﻴﻪ ﻭﻧﺘﺎﻣﻞ ﻓﻲ ﻫﺪﺍﻳﺎﻩ ﻭﻟﻤﺎ ﻧﺴﺘﺎﺣﺸﻪ ﻫﻠﺒﺎ ﻧﻘﻌﺪ ﻧﺒﻜﻲ ﺑﺲ ﻣﺎﻓﻲ ﻳﺪﻱ ﺷﻲ ﺍﻧﻲ ﻣﺠﺮﺩ ﻓﺘﺎﺓ ﻣﺘﺤﻄﻤﺔ ﻭﻓﺎﻗﺪﺓ ﻭﻣﻜﺴﻮﺭﺓ ﻭﺑﺲ ،،،ﻧﺤﻴﺖ ﺍﻟﺠﺒﺲ ﻣﻦ ﺍﺭﺑﻌﻪ ﺷﻬﻮﺭ ﻓﺎﺗﻮ
ﺍﻣﺎ ﻣﺤﻤﻮﺩ ﺑﻌﺪ ﻧﻮﺍﻝ ﻛﻤﻠﺖ ﺍﻣﺘﺤﺎﻧﺎﺗﻬﺎ ﻭﻻﺣﻆ ﺍﻧﻪ ﻣﻌﺎﺵ ﺟﻲ ﺑﺎﺹ ﻓﻤﻌﺎﺵ ﺟﻲ ﺟﻬﺔ ﺣﻮﺷﻨﺎ ﻭﺍﺳﺘﺴﻠﻢ ﺍﻧﻪ ﻣﺎﻗﺪﺭﺵ ﻳﺠﻴﺐ ﺷﻲ
ﺍﻣﺎ ﻋﻤﺘﻲ ﻛﻤﻠﺖ ﻋﻼﺟﻬﺎ ﺍﻟﺤﻤﺪ ﻟﻠﻪ ﻭﺗﺤﺎﻟﻴﻠﻬﺎ ﺍﻳﺠﺎﺑﻴﺔ ﻣﺮﻭﺣﺔ ﺑﻌﺪ ﺍﺳﺒﻮﻉ ﻃﺒﻌﺎ ﻭﺑﺎﻟﻨﺴﺒﺔ ﻻﺍﻳﻤﻦ ﻗﺎﻋﺪ ﻋﻠﻲ ﺣﺎﻟﻪ ﻭﺍﻛﺘﺸﻒ ﺑﺠﺪ ﺍﻧﻪ ﻫﺎﺟﺮ ﺗﻤﻜﻨﺖ ﻣﻦ ﻗﻠﺒﻪ ﺑﺲ ﻫﻮ ﻗﺎﻋﺪ ﻣﻐﻠﻮﻝ ﻭﻣﺶ ﻗﺎﺩﺭ ﻳﻜﻠﻤﻬﺎ ﺧﺎﻳﻒ ﻳﻜﻠﻤﻬﺎ ﺗﻘﻮﻟﻪ ﺍﻧﺨﻄﺒﺖ
ﻧﻮﺭﺱ ﻭﻧﻮﺍﻝ ﻭﻧﺮﺟﺲ ﻧﺠﺤﻮﻭ ﺍﻟﻴﻮﻡ ﺩﺍﻳﺮﻳﻠﻬﻢ ﺣﻔﻠﻪ ﺑﺴﻴﻄﺔ ﺧﺎﻟﺘﻲ ﻭﺧﻮﺍﻟﻲ ﻭﺣﻨﻴﻨﻪ ﻭﻫﺎﺟﺮ ﻭﺻﺎﺣﺒﺎﺕ ﺧﻮﺍﺗﻲ ﺍﻟﻴﻮﻡ ﺟﺎﻳﻴﻦ ﻧﻀﻨﺎ ﺍﻟﺼﺒﺢ ﻗﺴﻤﻨﺎ ﺍﻋﻤﺎﻝ ﺍﻟﺤﻮﺵ ﻛﻞ ﻭﺣﺪﺓ ﺷﺪﺕ ﺣﺎﺟﺔ ﻛﻤﻠﻨﺎ ﻣﻊ ﺍﻟﺴﺎﻋﻪ ﻭﺍﺣﺪ ﺍﻟﻈﻬﺮ ﺗﻐﺪﻳﻨﺎ ﻭﺑﻌﺪﻫﺎ ﻃﻠﻌﺖ ﺑﻨﺠﻴﺐ ﺍﻟﺘﻮﺭﺗﻪ
ﻫﺎﺟﺮ : ﺍﻟﻮ ﻧﻮﺳﺔ
ﺍﻧﻲ : ﺍﻫﻠﻴﻦ
ﻫﺎﺟﺮ : ﺍﺳﻤﻌﻲ ﺍﺳﺘﻌﺬﺭﻳﻠﻲ ﻣﻦ ﺍﺧﻮﺍﺗﻚ ﺭﺍﻫﻮ ﻣﺶ ﺣﻨﻘﺪﺭ ﻧﺠﻲ ﻣﺎﻟﻘﻴﺘﺶ ﻣﻦ ﻳﺠﻴﺒﻨﻲ
ﺍﻧﻲ : ﺑﺎﻩ ﺍﻧﻲ ﺗﻮﺍ ﻃﺎﻟﻌﻪ ﺑﻨﺠﻴﺐ ﺍﻟﺘﻮﺭﺗﻪ ﻧﻤﺮ ﻋﻠﻴﻚ
ﻫﺎﺟﺮ : ﺑﺎﻩ ﺩﻗﻴﻘﻪ ﻧﺴﺎﻝ ﻣﺎﻣﺎ ،،،، ﻗﺎﻟﺘﻠﻲ ﺑﺎﻫﻲ
ﺍﻧﻲ : ﺭﺑﻊ ﺳﺎﻋﻪ ﻭﻧﻮﺻﻞ ﻓﻴﻚ
ﻫﺎﺟﺮ : ﺗﻤﺎﻡ
ﻣﺮﻳﺖ ﻋﻠﻲ ﻫﺠﻮﺭﺓ ﻭﺟﺒﺖ ﺍﻟﺘﻮﺭﺗﻪ ﻭﺑﻌﺪﻫﺎ ﺑﺪﻳﺖ ﻧﻮﺗﻲ ﻓﻲ ﺭﻭﺣﻲ ﻟﺒﺴﺖ ﻓﺴﺘﺎﻥ ﺍﺳﻮﺩ ﻭﻗﻤﺖ ﺷﻌﺮﻱ ﻓﻮﻕ ﻭﻣﺎﺣﻄﻴﺖ ﺷﻲ ﻋﻠﻲ ﻭﺟﻬﻲ ﻭﺍﻛﺘﻔﻴﺖ ﺑﺨﺎﺗﻢ ﻭﻟﻴﺪ ﺑﺲ ﻓﻲ ﻳﺪﻳﺎ
ﻫﺎﺟﺮ : ﻧﺴﻴﺒﺔ ﺧﻴﺮﺭﻙ ﻉ ﺍﻻﺳﻮﺩ ﺍﺳﺘﺎﺣﺸﺖ ﻧﺸﻮﻑ ﺍﻟﻮﺍﻥ ﻟﺒﺴﻚ ﻭﻣﺶ ﺣﺎﻃﺔ ﺷﻲ ﻓﻲ ﻭﺟﻬﻚ ﻭﺍﻓﺘﺤﻲ ﺷﻌﺮﻙ ﻟﻴﺶ ﻗﺎﻳﻤﺘﻴﻪ ﺷﻮﻓﻲ ﺣﺘﻰ ﺍﻛﺴﺴﻮﺍﺭﺍﺕ ﻣﺶ ﻻﺑﺴﻪ ﺧﺎﺗﻢ ﺑﺲ ﺧﻴﺮﺭﻙ
ﺍﻧﻲ ﻧﺸﻮﻑ ﻟﻠﻤﺮﺍﻳﻪ ﻭﻧﻮﺍﺳﻲ ﻓﻲ ﺷﻌﺮﻱ : ﻣﺎﻣﻠﻴﺘﻴﺶ ﻣﻦ ﻧﻔﺲ ﺍﻟﻨﻘﺎﺍﺵ ﺩﻳﻤﺎﺍ ﺳﻮﺍﺀ ﻓﻲ ﺍﻟﺠﺎﻣﻌﻪ ﺳﻮﺍﺀ ﻟﻤﺎ ﺗﺠﻴﻨﻲ ﻓﻲ ﺍﻟﺤﻮﻭﺵ ﺍﻧﻲ ﺍﻻﺳﻮﺩ ﻫﺬﺍﺍ ﺍﻟﻲ ﻳﻌﺒﺮ ﻋﻠﻲ ﺣﺎﻟﺘﻲ ﻭﺣﻨﻘﻌﺪ ﻧﻠﺒﺴﻪ ﺣﺘﻰ ﻟﻮ ﺍﺳﺘﻤﺮ ﺣﺰﻧﻲ ﻃﻮﻝ ﺍﻟﻌﻤﺮ
ﻫﺎﺟﺮ : ﺣﺮﺍﻡ ﺭﺍﻫﻮ ﺍﻟﻲ ﺗﺪﻳﺮﻱ ﻓﻴﻪ ﻋﻠﻰ ﻓﻜﺮﺓ
ﺍﻧﻲ : ﻟﺒﺲ ﺍﻻﺳﻮﺩ ﻣﺶ ﻣﺤﺮﻡ
ﻫﺎﺟﺮ : ﻳﻜﻔﻲ ﺍﻧﻚ ﺩﺍﻳﺮﺓ ﺟﻮ ﺣﺰﻥ ﻭﺗﻠﺒﺴﻲ ﻓﻲ ﺍﻻﺳﻮﺩ
ﺍﻧﻲ : ﺧﻠﻴﻨﺎ ﻧﻨﻬﻮ ﺍﻟﺠﺪﺍﻝ ﺍﻟﻌﻘﻴﻢ ﻫﺪﺍ ﻭﻫﻴﺎﺍ ﻧﻨﺰﻟﻮ ﺻﻮﺕ ﺣﺪ ﺟﻲ
ﻫﺎﺟﺮ : ﺭﺑﻲ ﻳﻬﺪﻳﻚ ﺑﺮﻱ ﺍﻧﺰﻟﻲ ﺍﻧﺘﻲ ﻣﺰﺍﻝ ﺑﻨﻮﺍﺳﻲ ﺷﻌﺮﻱ ﺗﻮ ﻧﻠﺤﻘﻚ
ﻧﺰﻟﺖ ﻟﻮﻃﻰ ﻭﻛﺎﻧﺖ ﺧﺎﻟﺘﻲ ﺍﻟﻲ ﺟﺖ ﻃﺒﻌﺎ ﻛﻨﺎ ﻣﺪﺍﻳﺮﻳﻦ ﻓﻲ ﺍﻟﺼﺎﻟﺔ ﻃﺎﻭﻟﺔ ﺍﻛﻞ ﻭﺣﺎﻃﻴﻦ ﻋﻠﻴﻬﺎ ﺍﻟﺘﻮﺭﺗﻪ ﻭﺍﻟﻤﺸﺮﻭﺑﺎﺕ ﻭﺍﻟﺤﻠﻮﻳﺎﺕ ﻭﺯﻳﻨﺎﻫﺎ ﺑﺒﺎﻟﻮﻧﺎﺕ ﻭﺯﻳﻨﻪ
ﺑﻌﺪ ﺍﻟﻌﺸﻲ ﻭﻭﻟﻌﻮ ﺍﻟﺒﻨﺎﺕ ﺍﻟﻤﻨﻈﻮﻣﺔ ﻭﻗﻌﺪﻭ ﻳﺮﻗﺼﻮ ﻭﻫﻴﺠﻮ ﻋﻠﻴﻬﺎ ﺍﻧﻲ ﺍﻛﺘﻔﻴﺖ ﺑﺎﺍﻧﻲ ﻧﺘﻔﺮﺝ ﻋﻠﻴﻬﻢ ﻭﻣﺒﺘﺴﻤﻪ
ﺭﻭﺣﻮ ﺻﺎﺣﺒﺎﺕ ﺍﺧﻮﺍﺗﻲ ﻭﻧﺴﺎﻭﻳﻦ ﺧﻮﺍﻟﻲ ﻗﻌﺪﺕ ﻋﻨﺪﻧﺎ ﺧﺎﻟﺘﻲ ﺑﺎﺗﺖ ﻭﻫﺎﺟﺮ ﻧﺴﺘﻨﻰ ﻓﻲ ﺑﻮﻫﺎ
ﺳﺎﺭﺓ : ﺍﻟﺤﻔﻠﻪ ﺟﺖ ﺗﻬﺒﻞ
ﺳﺮﻭﺭ : ﺍﻳﻪ ﻣﺶ ﻋﺎﺩﻳﻪ ﻧﻮﺍﻝ ﻧﺒﻲ ﺑﻴﺠﺎﻣﻪ ﻧﺴﻴﺖ ﺑﻴﺠﺎﻣﺘﻲ
ﻧﻮﺍﻝ : ﺍﻧﺘﻲ ﺑﺎﻩ ﻣﺘﺬﻛﺮﺓ ﺍﺳﻤﻚ ﺗﻌﺎﻟﻲ ﻣﻌﺎﻱ
ﻫﺎﺟﺮ : ﺍﻧﻲ ﺑﺎﺑﺎ ﺟﻲ ﻫﻲ ﻣﻊ ﺍﻟﺴﻼﻣﻪ
ﻧﺤﻨﺎ : ﻣﻊ ﺍﻟﺴﻼﻣﻪ
ﺳﺎﺭﺓ : ﻣﺎﺣﻜﻴﺘﻠﻜﺶ ﺷﻦ ﺻﺎﺍﺭﺭ
ﺍﻧﻲ : ﺷﻦ ﺻﺎﺭ
ﺳﺎﺭﺓ : ﺑﻌﺪ ﻏﺪﻭﺓ ﻣﻌﺘﺼﻢ ﺑﻴﺠﻴﺐ ﺍﻣﺎﻟﻪ
( ﻣﻌﺘﺼﻢ ﺣﺒﻴﺒﻬﺎ ﻃﺒﻌﺎ ﻣﻮﺍﻟﻴﺪ 84 ﻣﻬﻨﺪﺱ ﻋﻼﻗﺘﻬﻢ ﻟﻴﻬﺎ ﺳﻨﻪ )
ﺍﻧﻲ : ﺑﺎﻟﺤﻖ ﻣﺒﺮﻭﻭﻭﻙ ﺣﺒﻴﺒﺘﻲ ﻭﺍﺿﺒﻄﺘﻬﺎ
ﺳﺎﺭﺓ : ﺍﻟﻠﻪ ﻳﺒﺎﺭﻙ ﻓﻴﻚ ﻣﺶ ﻣﺼﺪﻗﻪ ﺗﻌﺮﻓﻲ ﻓﺮﺣﺎﻧﻪ ﻭﻣﺎﻣﺎ ﻣﻮﺍﻓﻘﻪ ﺑﻴﺠﻴﺐ ﺍﻣﻪ ﻭﺍﺧﻮﺍﺗﻪ ﺑﻌﺪ ﻏﺪﻭﺓ
ﺍﻧﻲ : ﺑﺎﻩ ﺣﻠﻮ ﺑﻜﻞ ﺭﺑﻲ ﻳﺘﻤﻤﻠﻚ ﻋﻠﻲ ﺧﻴﺮ
ﺳﺎﺭﺓ : ﻋﻘﺒﺎﻟﻚ ﻳﺎﺣﻨﻪ
ﺍﻧﻲ ﻏﻴﺮﺕ ﺍﻟﻤﻮﺿﻮﻉ : ﺷﺮﻳﺘﻲ ﻟﺒﺴﻪ
ﺳﺎﺭﺓ : ﻻﻻ ﻣﺮﺍﺕ ﻏﺪﻭﺓ ﻧﻄﻠﻊ ﺷﻦ ﺭﺍﻳﻚ ﺗﻄﻠﻌﻴﻨﻲ ﺍﻧﺖ ﻧﺤﺐ ﻧﺎﺧﺪ ﺫﻭﻗﻚ ﻣﺎﻣﺎ ﻛﻠﻪ ﺑﺎﻫﻲ ﻛﻠﻪ ﻛﻮﻳﺲ ﻛﻠﻪ ﺣﻠﻮ ﻣﺎﻧﺘﻘﺪﺵ ﺑﺲ ﺍﻧﺘﻲ ﺗﻄﻠﻌﻲ ﻓﻲ ﺍﻟﺮﺯ ﻋﻈﺎﻡ ﻗﺼﺪﻱ ﻳﻌﻨﻲ ﻧﺘﻨﻘﺪﻱ ﻫﻠﺒﺎ ﻭﺍﻧﺘﻲ ﻋﺎﺭﻓﻪ ﻳﻌﻨﻲ
ﺍﻧﻲ : ﻫﻬﻬﻬﻬﻬﻬﻬﻪ ﻣﺎﺗﺘﺤﺸﻤﻴﺶ ﻋﻠﻰ ﻓﻜﺮﺓ ، ﺧﻼﺹ ﻏﺪﻭﺓ ﻧﻄﻠﻌﻮ ﻣﻦ ﺍﻫﻨﻲ
ﺳﺎﺭﺓ : ﺑﺎﻩ ﺗﻤﺎﻡ
ﺍﺳﺘﻤﺮﺕ ﺍﻟﻬﺪﺭﺯﺓ ﻓﻲ ﺣﻮﺷﻨﺎ ﻭﻣﺎﻫﻔﺘﻮﺵ ﻟﻠﺴﺎﻋﻪ 3 ﺧﺸﻴﻨﺎ ﺭﻗﺪﻧﺎ
ﺗﺎﻧﻲ ﻳﻮﻡ ﻃﻠﻌﺖ ﺍﻧﻲ ﻭﺳﺎﺭﺓ ﺷﺮﺕ ﻟﺒﺴﺔ ﻫﻲ ﻭﺍﻧﻲ ﻋﺠﺒﺘﻨﻲ ﺑﻠﻮﺯﺓ ﺳﻮﺩﺍ ﺧﺪﻳﺘﻬﺎ
ﺳﺎﺭﺓ : ﻣﺶ ﺳﺎﺩﻙ ﺍﻻﺳﻮﺩ ﺍﻟﻲ ﻋﻨﺪﻙ ﺧﻮﻭﺩﻱ ﺍﻟﺮﺻﺎﺻﻴﻪ ﺣﺘﻰ ﻫﻲ ﺣﻠﻮﺓ ﻳﺎﺳﺮ ﺍﺳﻮﺩ
ﺍﻧﻲ : ﻣﺎﻣﻠﻴﺘﻮﺵ ﻣﻦ ﻧﻔﺲ ﺍﻻﺳﻄﻮﺍﻧﻪ ﺍﻧﺘﻲ ﻭﻫﺎﺟﺮ ﺍﻣﺘﻰ ﺑﺘﺒﻄﻠﻮ ﻧﻖ ﻋﻠﻲ ﻧﻔﺲ ﺍﻟﻤﻮﺿﻮﻉ
ﺳﺎﺭﺓ : ﺭﺍﺱ ﻣﺴﻜﺮ ﻣﺎﺗﻔﻬﻤﻴﺶ ﺑﻜﻞ
ﺭﻭﺣﻨﺎ ﻭﺗﺎﻧﻲ ﻳﻮﻡ ﺍﻣﺸﻴﻨﺎ ﻟﺤﻮﺵ ﺧﺎﻟﺘﻲ ﻭﺟﻮ ﺍﻣﺎﻟﻲ ﻣﻌﺘﺼﻢ ﻭﺧﻄﺒﻮﻫﺎ ﻭﺗﻢ ﺍﻟﻴﻮﻡ ﻋﻠﻲ ﺧﻴﺮ
ﺍﺳﺘﻤﺮ ﺍﻻﺳﺒﻮﻉ ﻋﺎﺩﻱ ﻋﻠﻲ ﺍﺑﻄﺎﻝ ﺭﻭﺍﻳﺘﻨﺎ ﻟﻴﻦ ﺟﻲ ﻳﻮﻡ ﺑﺘﺮﻭﺡ ﻋﻤﺘﻲ ﺍﻣﺸﻴﻨﺎ ﻣﻦ ﺍﻟﺼﺒﺢ ﻟﺤﻮﺵ ﻋﻤﺘﻲ ﻭﻭﺗﻴﻨﺎ ﺍﻟﻐﺪﻱ ﻃﻴﺒﺎﺗﻪ ﻣﺎﻣﺎ ﺩﺍﺭﺕ ﻛﺴﻜﺴﻲ ﻣﺴﻘﻲ ﻭﺍﺣﻨﻲ ﻭﺗﻴﻨﺎ ﺍﻟﻤﺴﻴﺮ ﻭﺍﻟﺴﻼﻃﺔ ﻃﻴﺎﺭﺗﻬﻢ ﺗﻮﺻﻞ ﺍﻟﺴﺎﻋﻪ 2
ﻗﻌﻤﺰﻧﺎ ﻭﻗﻌﺪﻧﺎ ﻧﺮﺍﺟﻮ ﻓﻴﻬﻢ
ﺍﻳﺔ ( ﻣﺮﺕ ﺍﺣﻤﺪ ) : ﺍﻭﻭﻑ ﺍﻣﺘﻰ ﺑﻴﻮﺻﻠﻮ
ﻛﻠﻨﺎ ﺗﻠﻔﺘﻨﺎﻟﻬﺎ
ﻣﺎﻣﺎ : ﺍﻟﺴﺎﻋﻪ ﻭﺍﺣﺪ ﻗﺎﻋﺪﻩ ﻣﺰﺍﻝ
ﺍﻳﺔ : ﺍﻋﻴﻴﺖ ﺍﻧﻲ ﻭﺟﻌﺎﻧﻪ
ﻃﺒﻌﺎ ﻛﻠﻨﺎ ﻣﺼﺪﻭﻣﻴﻦ ﺧﻴﺮﺭﻫﺎ ﻫﺎﺩﻱ ﻣﺎﺣﺪ ﺭﺩ ﻋﻠﻴﻬﺎﺍ ﻭﻻﻋﺮﻓﻨﺎ ﺍﺻﻼ ﺷﻦ ﻧﺮﺩﻭ ﻋﻠﻴﻬﺎﺍ
ﺍﻳﺔ : ﻧﻮﺍﺍﻝ ﺟﻴﺒﻴﻠﻲ ﺍﻣﻴﻪ ﺣﺎﺳﻪ ﺭﻭﺣﻲ ﺗﺎﻋﺒﻪ ﻣﻦ ﻛﺜﺮ ﺍﻟﻮﻗﻮﻑ
ﻧﻮﺍﻝ ﻣﺼﺪﻭﻣﻪ ﺑﻌﺪﻳﻦ ﻋﻮﺟﺖ ﻓﻤﻬﺎ : ﻟﻴﺶ ﺍﻣﺘﻰ ﻭﻗﻔﺘﻲ ﺍﻧﺘﻲ
ﺍﻳﺔ : ﺑﺎﻟﻠﻪ ﺍﻣﺎﻻ ﻣﻦ ﻭﺍﻗﻒ ﺍﻣﺒﻜﺮﻱ ﻓﻲ ﺍﻟﻤﻄﺒﺦ ﻭﻧﺴﺎﻋﺪ ﻓﻴﻜﻢ ﻓﻲ ﺍﻟﻐﺪﻱ
ﻧﻮﺍﻝ : ﻛﺎﻧﻚ ﻋﻠﻲ ﻋﻴﻮﻧﻲ ﺍﻧﻲ ﻧﺸﻮﻑ ﻓﻴﻚ ﻣﻘﻌﻤﺰﺓ ﻋﻠﻲ ﺍﻟﻜﺮﺳﻲ ﻭﺗﺎﻛﻠﻲ ﻣﺮﺓ ﺧﻴﺎﺭ ﻣﺮﺓ ﺟﺰﺭ ﻣﺮﺓ ﻳﺎﻏﻮﺭﺕ ﺍﻻﺧﻀﺮ ﻭﺍﻟﻴﺎﺑﺲ ﻣﺎﺷﺎﺀ ﺍﻟﻠﻪ
ﻧﺤﻨﺎ ﺷﺎﺩﻳﻦ ﺿﺤﻜﺘﻨﺎ ﺑﺎﻟﺴﻴﻒ ﺣﺘﻰ ﻣﻦ ﻣﺎﻣﺎ
ﻣﺎﻣﺎ : ﻧﻮﺍﻝ ﺧﻼﺹ
ﺍﻳﺔ : ﻫﺪﺍ ﺟﺎﻳﺒﻪ ﺭﺍﺟﻠﻲ ﻛﻠﻪ ﻣﺎﺍﻛﻠﻴﺘﺶ ﺭﺯﻕ ﺣﺪ
ﻧﻮﺍﻝ : ﺍﻳﻪ ﺑﺎﺍﻩ ﺍﻧﻲ ﺍﻧﻮﺽ ﻧﻄﻠﻊ ﻟﻠﺠﻨﺎﻥ ﺍﺣﺴﻦ ﻣﻦ ﺭﻗﺒﺘﻲ ﺗﻨﻜﺴﺮ
ﻭﻫﻲ ﻃﺎﻟﻌﻪ ﻗﺎﺑﻠﺘﻬﺎ ﻣﺮﺕ ﺍﻧﻮﺭ ﺟﺎﺍﻳﻪ : ﺍﻟﺴﻼﻡ ﻋﻠﻴﻜﻢ ﻛﻴﻒ ﺍﻟﺤﺎﻝ
ﻧﻮﺍﻝ : ﻭﻋﻠﻴﻜﻢ ﺍﻟﺴﻼﻡ ﺍﻟﺤﻤﺪ ﻟﻠﻪ ﺗﻤﺎﻡ ﻛﻴﻒ ﺣﺎﻟﻚ ﺍﻧﺘﻲ
ﺳﻤﻴﻪ : ﺗﻤﺎﻡ ﻭﺧﺸﺖ
ﺑﻴﻨﻤﺎ ﻧﻮﺍﻝ ﺣﻄﺖ ﻳﺪﻳﻬﺎ ﻓﻲ ﺟﻴﻮﺑﻬﺎ ﻭﺣﺴﺖ ﻛﺎﺍﻧﻪ ﻓﻲ ﻭﺭﻗﻪ ﻓﻲ ﺟﻴﺒﻬﺎ ﻃﻠﻌﺘﻬﺎﺍ ﻭﻟﻘﺘﻬﺎﺍﺍ .......
،،،،،،،،،
ﺍﻣﺎ ﺍﺣﻨﻲ ﺳﻠﻤﻨﺎ ﻋﻠﻲ ﺳﻤﻴﻪ ﻭﺍﺳﺘﻌﺬﺭﺕ ﺍﻟﺘﺎﺧﻴﺮ ﻻﻧﻪ ﻛﺎﻧﺖ ﺗﻌﺎﻳﻦ
ﺍﺣﺒﻬﻢ ﻟﻴﻴﺶ ﺧﻠﻮﻭﻧﻲ،،، ﺗﻤﻮﺕ ﺑﺤﺒﻬﻢ ﻋﻴﻮﻭﻧﻲ ﺍﻧﺎ ﻣﻮ ﻣﻦ ﺍﺣﺪ ﻣﺠﻨﻮﻥ ﺍﻧﺎ ﻣﻦ ﻫﻢ ﺟﻦ ﺟﻨﻮﻭﻧﻲ ﻗﻤﺖ ﻓﻮﻧﻲ ﻟﻘﻴﺘﻬﺎ ﺳﺎﺭﺓ ﺗﺮﻥ ﺭﺩﻳﺖ : ﺍﻟﻮﻭ
ﺳﺎﺭﺓ : ﺍﻟﻮﻭﻭﻭﻭﻭ ﺍﻫﻠﻴﻦ
ﺍﻧﻲ : ﺍﻫﻠﻴﻦ ﺯﺍﻫﻴﻪ
ﺳﺎﺭﺓ : ﻟﻴﺶ ﻻ ﺟﺎﻳﺒﺘﻠﻚ ﺧﺒﺮﺭﺭ ﻭﺣﺎﺟﺔ ﻣﺶ ﻋﺎﺩﻳﻪ
ﺍﻧﻲ : ﺍﻥ ﺷﺎﺀ ﺍﻟﻠﻪ ﺧﻴﺮ
ﺳﺎﺭﺓ : ﻛﻞ ﺍﻟﺨﻴﺮﺭﺭ ﻳﺎﺣﻨﻪ ﺷﻜﻠﻚ ﺑﺘﺴﺒﻘﻴﻨﻲ
ﺍﻧﻲ : ﺗﻲ ﺗﻜﻠﻤﻲ
ﺳﺎﺭﺓ : ﻫﺬﺍ ﻳﺎﺣﻨﻪ ﻣﺶ ﺧﺎﻟﻪ ﻣﻌﺘﺼﻢ ﺷﺎﻓﺎﺗﻚ ﻋﻨﺪﻧﺎ ﻋﻨﺪﻫﺎ ﻭﻟﺪ ﺑﻴﻘﺮﺍ ﺑﺮﺍﺍ ﻭﻋﺠﺒﺘﻴﻬﺎ ﻫﻠﺒﺎ ﻭﺍﻟﻴﻮﻡ ﻛﻠﻤﺖ ﻣﺎﻣﺎ ﻭﻗﺎﻟﺘﻠﻬﺎ ﻧﺒﻲ ﻧﺨﻄﺐ ﺧﻼﺹ ﻻﻥ ﺍﻟﺼﻴﻒ ﺍﻟﺠﺎﻱ ﻭﻟﺪﻫﺎ ﻣﺴﺎﻓﺮ ﻓﻘﺎﻟﺖ ﻓﺘﺮﺓ ﺣﺘﻰ ﺗﺘﻌﺮﻓﻲ ﻋﻠﻴﻪ ﻭﻳﺘﻌﺮﻑ ﻋﻠﻴﻚ
ﺍﻧﻲ .......:
# ﻳﺘﺒﻊ
