منقولة
الحلقةة[45]
من ﺭﻭﺍﻳﺔ - - ->" ﺳﻨــﺪ ﺍﻷﻧﺜــﻰ ﺭﺟــﻞ "
ﺑﻌﺪ ﺷﻬﺮ
ﻓﻲ ﺧﻼﻝ ﺍﻟﺸﻬﺮ : ﻣﺤﻤﻮﺩ ﺧﻄﺐ ﻧﻮﺍﻝ ﺭﺳﻤﻲ ﻭﺩﺍﺭﻭ ﻓﻀﺎﻧﻴﻪ ﺍﻭﻝ ﻣﺎﺗﺤﺴﻨﺖ ﺻﺤﺔ ﻣﺤﻤﻮﺩ ﺷﻮﻳﺔ ، ﺟﺎﺏ ﻋﻤﺎﻣﻪ ﻭﺧﺎﻟﻪ ﻭﺍﺣﻨﻲ ﺣﻀﺮﻭ ﺧﻮﺍﻟﻲ ﻭﺍﻭﻻﺩ ﻋﻤﺘﻲ ﻭﺍﻭﻻﺩ ﻋﻢ ﺑﺎﺑﺎ ، ﻛﺎﻥ ﻳﺒﻲ ﻓﺎﺗﺤﺔ ﺑﺲ ﻣﺎﻣﺎ ﺭﻓﻀﺖ ، ﻭﻗﺎﻟﺖ ﺍﻧﻪ ﺍﻟﻌﺮﺱ ﻟﻴﻦ ﻉ ﺍﻻﻗﻞ ﺑﻌﺪ ﺳﻨﺘﻴﻦ ﻣﻦ ﺍﻟﺠﺎﻣﻌﺔ
ﻧﻮﺭﺱ ﻭﻋﺪﻧﺎﻥ ﺍﻣﻮﺭﻫﻢ ﻛﻮﻳﺴﻪ ، ﻋﺪﻧﺎﻥ ﻳﺘﻤﻨﻰ ﻳﺪﻳﺮ ﺧﻄﻮﺓ ﺑﺲ ﻣﺶ ﻗﺎﺩﺭ ﻣﺎﻋﻨﺪﺍﺷﻲ ﻛﻴﻒ ﻳﺪﻳﺮ ﺣﻮﺵ ، ﻭﺑﺪﻱ ﻳﺨﺪﻡ ﺧﺪﻣﺘﻴﻦ ﺑﺎﺵ ﻳﺨﻄﺐ ﻧﻮﺍﻝ
ﻧﺮﺟﺲ ﺿﺎﻋﻔﻪ ﻫﻠﺒﺎ ﻭﻣﻮﻟﻴﺔ ﻛﺌﻴﺒﺔ ﻭﻣﺎﺗﺒﻴﺶ ﺗﺤﻜﻴﻠﻨﺎ ﻋﻼﺵ
ﺍﻧﻲ ﺑﺪﻳﺖ ﻧﺘﺎﺑﻊ ﻋﻨﺪ ﺩﻛﺘﻮﺭ ﺑﺲ ﻗﺎﻋﺪﻩ ﻣﺘﺨﻮﻓﻪ ، ﻳﻌﻨﻲ ﻓﻲ ﺍﺣﺘﻤﺎﻝ ﺍﻧﻲ ﻣﺎﻧﻘﺪﺭﺵ ﻧﺤﻤﻞ
ﺑﺲ ﻭﺟﻮﺩ ﻭﻟﻴﺪ ﻣﺨﻔﻒ ﻋﻠﻴﺎ ﻫﻠﺒﺎ ﻭﺩﻳﻤﺎ ﻳﻘﻮﻟﻲ ﺍﻟﻤﻬﻢ ﺍﻧﺘﻲ ﺻﺤﺘﻚ ﻛﻮﻳﺴﺔ ﻣﺎﻳﻬﻤﻨﻴﺶ ﻭﻣﺎﻧﺒﻴﺶ ﺻﻐﺎﺭ
ﻭﻟﻴﺪ ﻗﺎﻋﺪ ﻃﻮﻝ ﺍﻟﻮﻗﺖ ﺧﺪﻣﺔ ﺑﺎﺵ ﻳﻘﺪﺭ ﻳﺮﺩ ﻣﺒﻠﻎ ﺻﺎﺣﺒﻪ ﺍﻟﻲ ﺍﻧﺤﺮﻕ ﻓﻲ ﺍﻟﻤﺤﻞ ، ﻭﻳﻌﻮﺽ ﺧﺴﺎﺭﺓ ﺍﻟﻤﺤﻞ ، ﺑﺲ ﻗﺪﺭ ﻳﺪﻳﺮ ﺻﻴﺎﻧﺔ ﻟﺸﻘﻪ ﻋﺒﻴﺮ
ﻋﺒﻴﺮ ﻗﺎﻋﺪﻩ ﻋﻨﺪﻧﺎ ، ﻭﻟﻴﺪ ﺭﻓﺾ ﺍﻧﻬﺎ ﺗﺮﺟﻊ ﻟﺸﻘﺘﻬﺎ ، ﻭﺑﺴﺒﺐ ﻫﺎﻟﻤﻮﺿﻮﻉ ﺻﺎﺭﺕ ﻣﺸﻜﻠﺔ ﺑﻴﻨﻲ ﻭﺑﻴﻨﻪ ، ﻣﻬﺘﻢ ﺑﻴﻬﺎ ﺑﺸﻜﻞ ﻛﺒﻴﺮ ﻭﺍﻧﻲ ﻫﺬﺍ ﻣﻀﺎﻳﻘﻨﻲ ﻫﻠﺒﺎﺍ ، ﺑﺲ ﻫﻮ ﻳﻘﻮﻝ ﺍﻧﻪ ﻻﻧﻬﺎ ﻣﺎﻋﻨﺪﻫﺎ ﺣﺪ ﻟﻬﺬﺍ ﺍﻟﺴﺒﺐ ﻳﺴﺎﻋﺪ ﻓﻴﻬﺎ ، ﻭﺧﺎﻳﻒ ﻉ ﺍﻟﺒﻨﻴﻪ ﻟﻮ ﺻﺎﺭﻟﻬﺎ ﺷﻲ ﻣﻦ ﺗﻬﻮﺭ ﺑﻮﻫﺎ
ﺧﺎﻟﺪ ﺭﺍﺟﻞ ﻋﺒﻴﺮ ﺍﻟﻜﺘﻴﺒﺔ ﻣﺎﺍﻋﻄﻮﻧﺎﺵ ﺧﺒﺮ ﺍﻛﻴﺪ ﻋﻠﻴﻪ ، ﺑﺲ ﻣﺤﻤﻮﺩ ﻗﺎﻝ ﺍﺣﺘﻤﺎﻝ ﻛﺒﻴﺮ ﻗﺘﻠﻮﻩ
ﻣﻨﻰ ﻗﺎﻋﺪﻩ ﺗﻌﺎﻗﺐ ﻓﻲ ﻋﻤﺎﺩ ﻭﻣﻌﺎﻣﻠﺘﻬﺎ ﺯﻱ ﻣﺎﻫﻲ ، ﻻﻧﻪ ﻏﻠﻄﺘﻪ ﻣﺎﻫﻴﺶ ﺳﺎﻫﻠﻪ ﻭﻣﺎﺗﻘﺪﺭﺵ ﺗﺴﺎﻣﺤﻪ ﺑﺴﺮﻋﻪ ﻟﻴﻦ ﻳﺘﻌﻠﻢ ﻭﻳﻌﺮﻑ ﻣﻌﺎﺵ ﻳﻐﻠﻂ
ﻫﺎﺟﺮ ﻭﺃﻳﻤﻦ ﻳﻬﺒﻠﻮ ﻣﻊ ﺑﻌﺾ ﺭﻏﻢ ﺍﻟﻌﺮﺍﻛﺎﺕ ﺩﻳﻤﺎ ، ﻭﻫﺎﺟﺮ ﺑﺪﺕ ﺑﻄﻨﻬﺎ ﻗﺪﺍﻣﻬﺎ ﻭﺗﻬﺒﻞ
ﺍﻟﻴﻮﻡ ﺣﻔﻠﺔ ﻣﻨﻰ ﺑﻨﺖ ﻋﻢ ﻭﻟﻴﺪ ﻗﺎﻋﺪﻩ ﻧﻮﺗﻲ ﻓﻲ ﺭﻭﺣﻲ ﺑﻨﻤﺸﻲ
ﻭﻟﻴﺪ ﻣﻦ ﺍﻟﺼﺎﻟﺔ : ﺗﻲ ﻫﻴﺎﺍ ﻳﺎﻧﻮﺳﺔ ﺳﺎﻋﻪ ﺍﻻﻭﻻﺩ ﻳﺮﺍﺟﻮ ﻓﻴﺎ
ﺍﻧﻲ : ﺑﺎﻩ ﻳﺎﻭﻟﻴﺪ ﺧﻴﺮﻙ ﺑﻨﻠﺒﺲ ﻋﺒﺎﻳﺘﻲ ﺑﺲ
ﻭﻟﻴﺪ ﺧﺶ ﻟﻠﺪﺍﺭ ﻗﻌﺪ ﻳﺼﻔﺮﺭ : ﺷﻦ ﺍﻟﺤﻼﻭﺓ ﻫﺎﺩﻱ ﻣﻦ ﺍﻻﻣﻴﺮﺓ ﺍﻟﺤﻠﻮﺓ ﺑﺲ ﻫﺎﺩﻱ ﻗﻮﻟﻮﻟﻲ ﻣﻨﻮ
ﺍﻧﻲ : ﻫﻬﻬﻬﻪ ﺑﺠﺪ ﺣﻠﻮ
ﻭﻟﻴﺪ ﻗﺮﺏ ﻣﻨﻲ : ﻣﺶ ﺑﺲ ﺣﻠﻮ ، ﻭﺑﺼﻮﺕ ﻫﺎﻣﺲ : ﻳﻬﺒﻞ
ﺍﻧﻲ ﺍﺑﺘﺴﻤﺖ ، ﻭﺷﻔﺖ ﻟﻌﻴﻮﻧﻪ
ﻭﻟﻴﺪ : ﻗﺎﻟﻮ ﻣﺎﺻﺎﺭﺵ ﻣﻦ ﺍﻟﻌﺮﺱ
ﺍﻧﻲ : ﻫﻬﻬﻬﻪ ﻟﻜﻦ ﺍﻧﻲ ﻣﻦ ﺑﻜﺮﻱ ﻧﺴﻤﻊ ﻓﻲ ﻭﺍﺣﺪ ﻳﻘﻮﻝ ﻫﻴﺎﺍ ﺭﺍﻙ ﻋﻄﻠﺘﻲ ﺍﻻﻭﻻﺩ ﻳﺮﺍﺟﻮ ﻓﻴﺎ
ﻭﻟﻴﺪ : ﻫﻬﻬﻬﻬﻬﻪ
ﻟﺒﺲ ﻋﺒﺎﻳﺘﻲ ﻭﻃﻠﻌﻨﺎ ﺍﻣﺸﻴﻨﺎ ﻟﻠﻌﺮﺱ ، ﺧﺸﻴﺖ ﻟﻠﺼﺎﻟﺔ ﺣﻮﻟﺖ ﻋﺒﺎﻳﺘﻲ ﺑﻌﺪﻫﺎ ﺧﺸﻴﺖ ﻗﻌﺪﺕ ﻧﺴﻠﻢ ﻭﺑﺎﺭﻛﺘﻠﻬﻢ ، ﻭﻗﻌﻤﺰﺕ ﻓﻲ ﻧﻔﺲ ﻃﺎﻭﻟﺔ ﻋﻤﻴﻤﻪ ﻭﺭﺣﻤﺔ ﻭﻣﻌﺎﻫﻢ ﻣﻨﻰ ﻭﻭﻓﺎﺀ ﻭﻣﺮﺕ ﻋﻤﻬﻢ
،،،،،،،،،،
ﺧﺎﻟﺘﻲ ﻛﺎﻧﺖ ﻋﻨﺪ ﻣﺎﻣﺎ
ﻣﻌﺎﺩ ﺧﺎﺵ ﻟﻠﺤﻮﺵ : ﺍﻟﺴﻼﻡ ﻋﻠﻴﻜﻢ
ﻣﺎﻣﺎ : ﻭﻋﻠﻴﻜﻢ ﺍﻟﺴﻼﻡ ﺍﻫﻼ ﺍﻫﻼ ﺗﻔﻀﻞ ﻭﻳﻨﻚ ﻟﻴﻚ ﻣﺪﺓ ﻣﺶ ﺑﺎﻳﻦ
ﻣﻌﺎﺩ : ﺍﻫﻮ ﻭﺍﻟﻠﻪ ﻣﺤﺼﻞ ﺧﺪﻣﺔ ﺑﺎﺩﻱ ﻓﻴﻬﺎ
ﻣﺎﻣﺎ : ﺍﻳﻪ ﻗﺎﻟﺖ ﺍﻣﻚ ﺭﺑﻲ ﻳﻌﺎﻭﻧﻚ ﻭﻳﻮﻓﻘﻚ ﺍﻥ ﺷﺎﺀ ﺍﻟﻠﻪ ، ﻗﻌﻤﺰ ﺧﻠﻲ ﻧﺠﻴﺒﻠﻚ ﻋﺸﺎﻙ
ﻣﻌﺎﺩ : ﻗﺒﻞ ﻛﻞ ﺷﻲ ﺷﻦ ﻫﻮ ﺍﻟﻌﺸﻲ
ﺧﺎﻟﺘﻲ : ﺍﻳﺸﻲ ﺍﻳﺸﻲ
ﻣﺎﻣﺎ : ﻫﻬﻬﻬﻪ ﻋﺼﻴﺪﺓ ﻋﺎﺭﻓﺎﺗﻚ ﺗﺤﺒﻬﺎ
ﻧﻮﺍﻝ ﻭﻫﻲ ﻧﺎﺯﻟﺔ ﻓﻲ ﺍﻟﺪﺭﻭﺝ : ﺍﺻﻼ ﻣﺎﻣﺎ ﻭﺍﻟﻌﺼﻴﺪﺓ ﺩﻳﻤﺎ ﻣﻦ ﻳﻮﻡ ﺗﺰﻭﺟﺖ ﻧﺴﻴﺒﺔ ﻭﻫﻲ ﺍﺭﺑﻌﻪ ﻣﺮﺍﺕ ﻓﻲ ﺍﻻﺳﺒﻮﻉ ﻻﺯﻡ ﺗﺪﻳﺮﻫﺎ
ﻣﻌﺎﺩ : ﺍﻭﻭﻭﻭﻩ ﺍﻟﻌﺮﻭﺳﺔ ﺍﻫﻼ ﺍﻫﻼ
ﻧﻮﺍﻝ : ﺍﻫﻠﻴﻦ ، ﻭﺳﻠﻤﺖ، ﺷﻦ ﺍﻟﺠﻮ
ﻣﺎﻣﺎ ﺧﺸﺖ ﻟﻠﻤﻄﺒﺦ
ﺷﻮﻳﺔ ﻳﺴﻤﻌﻮ ﻓﻲ ﻣﺎﻣﺎ ﺗﺪﻭﻱ ﻣﻊ ﺣﺪ ﻓﻲ ﺍﻟﻤﻄﺒﺦ
ﺑﻌﺪﻫﺎ ﺗﻄﻠﻊ ﻧﺮﺟﺲ ﺗﺠﺮﻱ ﻭﺗﺒﻜﻲ
ﻣﻌﺎﺩ : ﺍﻭﻭﻭﻱ ﺧﻴﺮﺭﺭﻫﺎ ﻧﺮﺟﺲ ﻧﺮﺟﺲ
ﻧﺮﺟﺲ ﺭﻛﺒﺖ ﺗﺠﺮﻱ ﻣﺎﺭﺩﺗﺶ ﻋﻠﻴﻪ
ﻣﻌﺎﺩ ﻧﺎﺽ ﻳﺠﺮﻱ ﺧﺶ ﻟﻤﺎﻣﺎ ﻓﻲ ﺍﻟﻤﻄﺒﺦ : ﺧﻴﺮﻫﺎ ﻳﺎﺧﺎﻟﺘﻲ
ﻣﺎﻣﺎ : ﺗﺒﻜﻲ ﻣﺎﺣﺼﻠﺘﺶ ﻗﻔﻄﺎﻥ ﻟﻠﺒﻴﺎﻥ
ﻣﻌﺎﺩ : ﺑﻠﻪ ﻣﺰﺍﻝ ﻏﺪﻭﺓ
ﻣﺎﻣﺎ ﻭﻫﻲ ﺗﻌﺼﺪ ﻓﻲ ﺍﻟﻌﺼﻴﺪﺓ : ﻗﻠﺘﻠﻬﺎ ﻗﺎﻟﺖ ﻻ ﻣﻔﺮﻭﺽ ﺧﺪﻳﺘﻪ ﺍﻟﻴﻮﻡ ﻧﺒﻲ ﻧﺎﺧﺪ ﺍﻛﺴﺴﻮﺍﺭﺍﺕ ﻭﻛﻨﺪﺭﺓ ﻏﺪﻭﺓ ﻭﺗﻮﺍﺯﻱ ﻛﻴﻒ ﺗﺪﻳﺮ ﺷﻌﺮﻫﺎ، ﻗﺼﺔ ﻭﺍﻟﻠﻪ ﻫﺎﻟﺒﻨﺎﺕ ﻣﺎﻋﺮﻓﺖ ﻧﺮﺍﺿﻴﻬﻢ ﺍﻧﻲ
ﻣﻌﺎﺩ ﻃﻠﻊ ﻣﻦ ﺍﻟﻤﻄﺒﺦ ﻭﻃﻠﻊ ﻣﻦ ﺍﻟﺤﻮﺵ ﻭﻗﺎﻡ ﺗﻠﻴﻔﻮﻧﻪ ﺍﺗﺼﻞ
ﻫﻮ : ﺍﻭﻭﻭ ﻟﻤﺎ ﺷﻔﺖ ﺍﻟﺮﻗﻢ ﺣﺴﺒﺖ ﺭﻭﺣﻚ ﻧﺘﺨﺎﻳﻞ ، ﺍﻣﺎ ﻣﻮﺟﺔ ﺣﻄﺎﺗﻚ ﻋﻠﻲ ﺭﻗﻤﻲ
ﻣﻌﺎﺩ : ﻫﻬﻬﻬﻪ ﺗﻲ ﺑﺮﺍ ﺭﻭﺡ ﻻ ﺍﻻﺳﺒﻮﻉ ﺍﻟﻲ ﻓﺎﺕ ﻣﻜﻠﻤﻚ
ﻫﻮ : ﻫﻬﻬﻬﻬﻬﻪ ﺍﻳﻪ ﻋﻠﻲ ﺧﺎﻃﺮ ﻣﺼﻠﺤﺔ ﻧﻌﺮﻓﻚ ﺍﻧﻲ
ﻣﻌﺎﺩ : ﺍﺳﻤﻌﻲ ﺍﻧﺖ ﺩﻭﺗﻚ ﻣﺎﺗﻜﻤﻠﺶ ﻣﻦ ﺍﻻﺧﻴﺮ ﻗﺎﻋﺪ ﻓﻲ ﺍﻟﻤﺤﻞ ﺍﻧﺖ ؟
ﻫﻮ : ﺍﻳﻪ ﺷﻮﻳﺔ ﻭﺑﻨﺴﻜﺮ
ﻣﻌﺎﺩ : ﻻﻻ ﺧﻠﻴﻴﻚ ﻣﺎﺗﺴﻜﺮﺵ ، ﻧﺒﻲ ﻧﺠﻴﺐ ﺍﻟﻌﻴﻠﺔ ﻳﺄﺧﺪﻭ ﻛﻢ ﺣﺎﺟﺔ
ﻫﻮ : ﺑﺎﻩ ﺗﻢ ، ﻧﺮﺍﺟﻲ ﻓﻴﻚ
ﻣﻌﺎﺩ : ﻣﻨﻮﺭ ، ﻭﺳﻜﺮ ، ﻭﺧﺶ ، ﻭﻗﻒ ﺟﻨﺐ ﺍﻟﺪﺭﻭﺝ ﻭﻗﻌﺪ ﻳﻨﺎﺩﻱ ﺑﺼﻮﺕ ﻋﺎﻟﻲ : ﻧﺮﺭﺭﺟﺲ ﻧﺮﺭﺟﺲ
ﻧﺮﺟﺲ ﻣﺴﻜﺮﺓ ﺩﺍﺭﻫﺎ ﻭﺗﺴﻤﻊ ﻭﻣﺎﺗﺒﻴﺶ ﺗﻄﻠﻊ
ﻣﻌﺎﺩ ﺑﺼﻮﺕ ﻋﺎﻟﻲ : ﺍﻧﺘﻲ ﻳﺎﺍﻓﺮﺭﺧﻪ ﻧﺮﺭﺟﺲ
ﻣﺎﻣﺎ ﻃﻠﻌﺖ ﻣﻦ ﺍﻟﻤﻄﺒﺦ : ﻫﺎﺩﻱ ﻛﺎﻥ ﺯﻋﻠﺖ ﺣﺘﻰ ﺍﻟﺮﺩﺍﻥ ﻣﻌﺎﺵ ﺗﺮﺩ ، ﺧﻠﻴﻬﺎ
ﻣﻌﺎﺩ ﺑﺼﻮﺕ ﻋﺎﻟﻲ : ﻭﺍﻟﻠﻪ ﻧﻌﺪ ﻟﻠﻌﺸﺮﺓ ﻣﺎﺗﺮﺩﻳﺶ ﻣﺎﻧﻲ ﺭﺍﻓﻌﻚ ﻫﻲ ﺑﺎﻫﻲ ﻭﺍﻗﻌﺪﻱ ﻣﻦ ﻏﻴﺮ ﻗﻔﻄﺎﺍﻥ
ﻧﺮﺟﺲ ﻟﻤﺎ ﺳﻤﻌﺖ ﺑﻴﺮﻓﻌﻬﺎ ﻃﻠﻌﺖ ﺗﺠﺮﺭﻱ ، ﻭﻗﻔﺖ ﻣﻦ ﻓﻮﻕ ﻓﻲ ﺍﻟﺪﺭﻭﺝ : ﺑﺎﻟﺤﻘﺎ ﻣﻌﺎﺫ ﺑﺘﺮﻓﻌﻨﻲ
ﻣﻌﺎﺩ ﻗﺎﻡ ﺭﺍﺳﻪ ﺷﺎﻓﻠﻬﺎ ﺑﻨﺺ ﻋﻴﻦ : ﻛﻢ ﻟﻴﺎ ﺍﻧﺎﺩﻱ
ﻧﺮﺟﺲ : ﻣﺎﺳﻤﻌﺘﺶ ﻣﺎﻫﻮ
ﺳﺮﻭﺭ ﻃﻠﻌﺖ : ﻭﻳﻦ ﺑﺘﺮﺭﻓﻌﻬﺎ
ﺳﺎﺭﺓ ﻃﻠﻌﺖ ﻣﻦ ﺩﺍﺭﻱ ﻛﺎﻧﺖ ﺗﺘﻜﻠﻢ ﻓﻲ ﺍﻟﺘﻠﻴﻔﻮﻥ ﻭﻟﻤﺎ ﺳﻤﻌﺖ ﻓﻴﻬﺎ ﻃﻠﻮﻉ ﺳﻜﺮﺕ ﻭﻧﺰﻟﺖ : ﻭﻳﻦ ﺑﺘﻤﺸﻮﻭﻭ
ﻧﻮﺍﻝ ﻣﻦ ﺍﻟﺪﺍﺭ : ﻧﺒﻲ ﻧﻤﺸﻲ ﻣﻌﺎﻛﻢ
ﻧﻮﺭﺱ ﻃﻠﻌﺖ ﺭﺍﺳﻬﺎ ﻣﻦ ﺍﻟﻤﻄﺒﺦ : ﺭﺟﻠﻲ ﻋﻠﻲ ﺭﺟﻠﻜﻢ
ﻣﻌﺎﺩ ﺷﺎﻑ ﻟﻨﺮﺟﺲ : ﻛﺎﻥ ﺭﺩﻳﺘﻲ ﻭﻧﺰﻟﺘﻲ ﻣﻦ ﺍﻻﻭﻝ ﺭﺍﻫﻮ ﻣﺎﺣﺪ ﻋﺮﻑ
ﻧﺮﺟﺲ : ﺑﺎﻩ ﻭﻳﻦ ﺑﺘﻠﻘﻰ ﻣﺤﻞ ﻣﻔﺘﻮﺡ ﻓﻲ ﻫﺎﻟﻮﻗﺖ
ﻣﻌﺎﺩ : ﺻﺎﺣﺒﻲ ﻋﻨﺪﻩ ﻣﺤﻞ ﻛﺒﻴﺮ ، ﻭﻛﻠﻤﺘﻪ ﺑﻴﺨﻠﻴﻪ ﻣﻔﺘﻮﺡ ﻋﻠﻲ ﺧﺎﻃﺮﻙ ، ﺑﺎﻫﻲ ﻣﻤﻜﻦ ﺗﻨﺰﻟﻲ ﻻﻥ ﺭﻗﺒﺘﻲ ﺗﻌﻮﺟﺖ
ﻧﺮﺟﺲ ﻭﻫﻲ ﻧﺎﺯﻟﺔ : ﻋﺎﺩﻱ ﻣﺎﻣﺎ ﻧﻤﺸﻲ ؟
ﻣﺎﻣﺎ : ﺑﺮﻱ ﻏﻴﺮ ﻓﻜﻴﻨﻲ ﻣﻦ ﺩﻭﺷﺘﻚ
ﻧﺮﺟﺲ ﻣﻦ ﺍﻟﻔﺮﺣﺔ ﻗﻌﺪﺕ ﺗﻨﺰﻝ ﺑﺴﺮﺭﻋﻪ ، ﻭﻃﺎﺍﺍﻑ ﺗﺠﻲ ﻃﺎﻳﺤﺔ
ﺍﻟﺒﻨﺎﺕ : ﻫﻬﻬﻬﻬﻬﻬﻬﻬﻬﻬﻬﻬﻬﻬﻬﻪ
ﻣﻌﺎﺩ ﻗﺪﻡ ﺧﺎﻑ ﻋﻠﻴﻬﺎ ﻭﻓﻲ ﻧﻔﺲ ﺍﻟﻮﻗﺖ ﺷﺎﺩ ﺿﺤﻜﺘﻪ ، ﻣﺪ ﻳﺪﻩ ﺳﺎﻋﺪﻫﺎ ﻭﻗﻌﻤﺰﻫﺎ
ﻧﺮﺟﺲ : ﻫﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻪ
ﻣﻌﺎﺩ : ﻫﻬﻬﻬﻬﻪ ﺑﺎﻟﺸﻮﻳﺔ ﺑﺲ ﺭﺍﻙ ﺗﺸﺮﻗﻲ
ﺳﺮﻭﺭ : ﻫﻬﻬﻬﻬﻬﻬﻪ ﻓﺎﺗﺘﻨﻲ ﺍﻟﺼﻮﺭﺓ ﺑﺼﺮﺍﺣﺔ
ﺳﺎﺭﺓ ﺷﺮﻳﻦ ﻓﻮﻧﻬﺎ ﺧﺸﺖ ﺗﺮﺩ ﻭﻫﻲ ﺗﻀﺤﻚ
ﻧﺮﺟﺲ ﻣﻴﺘﻪ ﺑﺎﻟﻀﺤﻚ ﻟﻴﻦ ﺑﺪﻣﻮﻋﻬﺎ
ﻣﻌﺎﺩ : ﻫﻬﻬﻬﻬﻪ ﺑﺎﻩ ﻫﻲ ﻧﻮﺿﻲ ﻭﺗﻲ ﺭﻭﺣﻚ
ﻣﺎﻣﺎ ﺧﺎﺷﻪ ﻟﻠﻤﻄﺒﺦ : ﻫﻬﻬﻬﻬﻪ ﺍﺭﺍﻟﻚ ﻋﻘﻞ
ﺧﺎﻟﺘﻲ ﻃﺎﻟﻌﻪ ﻣﻦ ﺍﻟﺼﺎﻟﺔ ﻭﻻﺑﺴﻪ ﺑﺪﻟﺔ ﺍﻟﺼﻼﺓ ، ﻛﺎﻧﺖ ﺗﺼﻠﻲ : ﺳﻤﻌﺖ ﺣﺎﺟﺔ ﺍﻧﻔﺸﺨﺖ ﺷﻦ ﻃﻴﺤﺘﻮ
ﻣﻌﺎﺩ : ﻫﻬﻬﻬﻬﻬﻬﻬﻪ ﻧﺮﺟﺲ ﻫﻲ ﺍﻟﻲ ﺍﻧﻔﺸﺨﺖ
ﺧﺎﻟﺘﻲ : ﻫﻬﻬﻬﻪ ﺷﻦ ﺻﺎﺭﻟﻚ ، ﺗﺤﺴﻲ ﻓﻲ ﺣﺎﺟﺔ ؟
ﻧﺮﺟﺲ ﺗﻤﺴﺢ ﻓﻲ ﺩﻣﻮﻋﻬﺎ : ﻫﻬﻬﻬﻪ ﻻﻻ ﺗﻤﺎﻡ ، ﻭﻭﻗﻔﺖ
ﻣﻌﺎﺩ : ﺍﻣﻲ ﺑﻨﺮﻓﻊ ﻧﺮﺟﺲ ﺗﺸﻮﻑ ﻗﻔﻄﺎﻥ ﻟﻤﺤﻞ ﻣﺆﻳﺪ
ﺧﺎﻟﺘﻲ : ﺑﺎﻩ ﺍﺭﻓﻊ ﻧﻤﺸﻲ ﻣﻌﺎﻛﻢ ؟ ﻧﺒﻲ ﻧﺸﺮﻱ ﺣﺎﺟﺔ
ﻣﻌﺎﺩ : ﻫﻴﻲ
ﻭﻟﺒﺴﻮ ﻭﻃﻠﻌﻮ
ﻓﻲ ﺍﻟﺴﻴﺎﺭﺓ ، ﻣﻌﺎﺩ ﻓﺎﺍﺗﺢ ﺍﻻﻏﺎﻧﻲ ﺑﺼﻮﺕ ﻋﺎﻟﻲ ﻭﻳﻐﻨﻲ ﻣﻌﺎﻫﻢ
ﻣﻌﺎﺩ : ﻳﺎ ﻳﻤﻪ ﻫﻴﺎ ﻫﻴﺎ ﺑﺮﻱ ﺷﻮﻓﻴﻠﻲ ﺑﻨﻴﻪ ﺣﻠﻮﺓ ﻭﺍﺯﻳﻠﻲ
ﻳﺎ ﻳﻤﻪ ﻫﻴﺎ ﻫﻴﺎ ﺑﺮﻱ ﺷﻮﻓﻴﻠﻲ ﺑﻨﻴﻪ ﺑﻨﻴﺔ ﺣﻠﻮﺓ ﻭﺍﺯﻳﻠﻲ
ﻓﻲ ﺍﻟﺤﻮﺵ ﺍﻧﺪﻳﺮﻭﺍ ﺧﻴﻤﻪ ﺍﻧﺪﻳﺮﻭﺍ ﻋﺮﺱ ﻋﻠﻴﻪ ﻗﻴﻤﻪ
ﺧﺎﻟﺘﻲ : ﻏﻴﺮ ﺩﻳﺮ ﻋﻘﻞ ﻗﺒﻞ ﺑﻌﺪﻫﺎ ﺗﻮ ﻧﺸﻮﻓﻠﻚ ﺑﻨﻴﻪ
ﻣﻌﺎﺩ ﻭﺍﺳﻰ ﺍﻟﻤﺮﺍﻳﻪ ﻭﺷﺎﻑ ﻟﻨﺮﺟﺲ ﺍﻟﻲ ﺗﻀﺤﻚ : ﺗﻮ ﻳﺎﺃﻣﻲ ﺍﻧﻲ ﻣﺎﻓﻴﺎﺵ ﻋﻘﻞ ، ﺭﺍﺟﻞ ﺑﺨﺪﻣﺘﻲ ﻭﻣﻘﺎﻣﻲ ﻭﻗﺪﺭﻱ ، ﺷﻦ ﺗﺒﻲ ﺗﺎﻧﻲ ﺍﻟﺒﻨﺖ
ﺧﺎﻟﺘﻲ : ﺗﺤﺴﺎﺑﻬﺎ ﺳﺎﺍﻫﻠﺔ
ﻣﻌﺎﺩ ﻳﻜﻤﻞ ﻳﻐﻨﻲ ﻭﻳﺼﻔﻖ ﺑﻴﺪﻳﻪ : ﻟﻠﺠﻴﺮﺍﻥ ﺍﻧﺪﻳﺮ ﻋﺰﻭﻣﻪ ﻭﺧﻠﻲ ﺍﻟﺪﻧﻴﺎ ﻣﻠﻤﻮﻣﻪ
ﻳﻤﺎ ﺣﻠﻲ ﻋﻮﻳﻨﺎﺗﻚ ﺷﻮﻓﻠﻲ ﺍﻧﺘﻲ ﻭﺑﻨﺎﺗﻚ
ﻧﺒﻲ ﺑﻨﺖ ﺻﻐﻴﺮﻩ ﺣﻠﻮﻩ ﻧﻠﺒﺴﻬﺎ ﺍﻟﺼﺪﺭﻩ ﻭﺍﻟﺠﻠﻮﻩ
ﺧﺎﻟﺘﻲ : ﺗﻴﻴﻲ ﺣﻴﻲ ﻋﻠﻴﺎﺍﺍ ﺷﺪ ﺍﻟﺪﻭﻣﺎﻥ
ﻧﺮﺟﺲ : ﻫﻬﻬﻬﻬﻬﻪ ﻣﺰﺍﻝ ﻣﺎﻧﺒﻴﺶ ﻧﻤﻮﺕ ﻣﻌﺎﺩ ﺭﺍﻧﻲ ﻗﺎﻋﺪﻩ ﺻﻐﻴﺮﺓ
ﻣﻌﺎﺩ ﻣﺴﺘﻤﺮ ﻳﺼﻔﻖ ﻭﻳﻐﻨﻲ : ﻳﻤﺎ ﺍﻟﺒﺼﺎﺍﺭﻩ ﻧﺤﻴﻬﺎ ﺑﻨﺘﺰﻭﺝ ﻣﻌﺎﺍﺩﺵ ﻓﻴﻬﺎ
ﻧﺒﻨﻲ ﺣﻮﺷﻲ ﻓﻮﻕ ﺍﻟﻌﻴﻠﻪ ﻧﺘﺰﻭﺝ ﻭﺍﻧﺪﻳﺮ ﻋﻮﻳﻠﻪ
ﻳﺎﻳﻤﺎ ﻫﻲ ﻫﻲ ﺑﺮﻱ ﺷﻮﻓﻠﻲ ﺑﻨﻴﻪ ﺣﻠﻮﺓ ﻭﺍﺯﻳﻠﻲ ، ﻭﻳﺼﻔﻖ ﺑﻘﻮﺓ
ﻧﺮﺟﺲ ﻣﻴﺘﻪ ﺿﺤﻚ
ﻭﺧﺎﻟﺘﻲ ﺗﻌﺎﺭﻙ ﻭﺧﺎﻳﻔﻪ ﻣﻦ ﺗﻬﻮﺭ ﻋﻤﺎﺩ
ﻟﺤﺪ ﻣﺎﻭﺻﻠﻮ ﺍﻟﻤﺤﻞ
ﻣﻌﺎﺩ : ﻫﻲ ﻫﻲ ﺍﻧﺰﻟﻮ
ﺧﺎﻟﺘﻲ ﺗﻔﺘﺢ ﺍﻟﺒﺎﺏ : ﻛﺎﻥ ﺟﺎﻧﻲ ﺍﻟﺴﻜﺮ ﻣﻨﻚ ، ﻭﻧﺰﻟﺖ
ﻭﺧﺸﻮ ﻟﻠﻤﺤﻞ
ﻣﺆﻳﺪ ﺻﺎﺣﺐ ﻣﻌﺎﺩ : ﺍﻫﻼ ﺍﻫﻼ ، ﻛﻴﻒ ﺣﺎﻟﻚ ﻳﺎﺧﺎﻟﺘﻲ ﻧﻌﻴﻤﻪ
ﺧﺎﻟﺘﻲ : ﺑﺨﻴﺮ ﻳﺎﻭﻟﻴﺪﻱ ﺍﻧﺖ ﺷﻦ ﺍﺧﺒﺎﺭﻙ ، ﻭﺣﺎﻝ ﻋﻮﻳﻠﺘﻚ
ﻣﺆﻳﺪ : ﺍﻟﺤﻤﺪ ﻟﻠﻪ ﻓﻲ ﻧﻌﻤﻪ ﻭﺍﻟﻠﻪ ، ﺧﻮﺩﻭ ﺭﺍﺣﺘﻜﻢ
ﻧﺮﺟﺲ ﻗﻌﺪﺕ ﺗﺘﻔﺮﺝ ، ﻋﺠﺒﻬﺎ ﻗﻔﻄﺎﺍﻥ ﺗﺒﻲ ﻧﺰﻟﻪ : ﻋﻔﻮﺍ ﻣﻤﻜﻦ ﺗﻨﺰﻟﻲ ﻫﺬﺍ
ﻣﻌﺎﺫ ﺳﺒﻖ ﻣﺆﻳﺪ ﺧﺪﻱ ﻋﺼﺎ ﻭﻧﺰﻟﻬﻮﻟﻬﺎ
ﻣﺆﻳﺪ ﻗﻌﺪ ﻣﻘﻌﻤﺰ ﻉ ﺍﻟﻜﺎﺻﺔ ﻭﻋﻴﻮﻧﻪ ﻋﻠﻲ ﺗﻠﻴﻔﻮﻧﻪ
ﻧﺮﺟﺲ ﺷﺪﺕ ﺍﻟﻘﻔﻄﺎﻥ ﻭﻟﻔﺎﺗﻪ ﺟﻬﺔ ﻣﻌﺎﺩ : ﺷﻦ ﺭﺍﻳﻚ ؟
ﻣﻌﺎﺩ : ﻭﺍﻟﻠﻪ ﻣﺎﻧﻔﻬﻢ ﻓﻲ ﺃﺫﻭﺍﻗﻜﻢ ﺍﻧﻲ ﻟﻜﻦ ﺷﻜﻠﻪ ﺣﻠﻮ
ﻧﺮﺟﺲ ﻟﻔﺎﺗﻪ ﺟﻬﺔ ﺧﺎﻟﺘﻲ : ﺧﺎﻟﺘﻲ ﺷﻮﻓﻲ ﺷﻦ ﺭﺍﻳﻚ
ﺧﺎﻟﺘﻲ : ﻗﻨﻴﻦ ﻋﺠﺒﻚ ؟
ﻧﺮﺟﺲ ﺑﻔﺮﺣﺔ : ﺍﻳﻴﻪ ﻋﺠﺒﻨﻲ ﺷﻦ ﺭﺍﻳﻜﻢ ﻧﺎﺍﺧﺪﻩ ؟
ﻣﻌﺎﺩ ﻳﺸﻮﻑ ﻟﻨﺮﺟﺲ ﻛﻴﻒ ﻓﺮﺣﺎﻧﻪ ﻭﺍﺑﺴﻂ ﺷﻲ ﻳﻔﺮﺣﻬﺎ ، ﻋﻔﻮﻳﺘﻬﺎ ﻭﺗﺼﺮﻓﺎﺗﻬﺎ ﺍﻟﻄﻔﻮﻟﻴﺔ ﻗﻌﺪ ﺳﺮﺣﺎﻥ ﻓﻴﻴﻬﺎ
ﻧﺮﺟﺲ : ﺍﻟﻮ ﻣﻌﺎﺩ ، ﻫﻴﻴﻲ ﻭﻳﻦ ﺍﻣﺸﻴﺖ ﺍﻟﻮﻭ ، ﻭﻫﺰﺍﺗﻪ ﻣﻦ ﻛﺘﻔﻪ
ﻣﻌﺎﺩ : ﻫﺎ
ﻧﺮﺟﺲ : ﻫﻬﻬﻬﻪ ﺗﻲ ﻭﻳﻦ ﻛﻨﺖ ﺳﺮﺣﺎﻥ ، ﻧﺒﻴﻪ ﻳﻄﻠﻌﻠﻲ ﺭﻗﻢ
ﻣﻌﺎﺩ : ﻛﻢ ﺗﺒﻲ ؟
ﻭﺧﺪﺕ ﻧﺮﺟﺲ ﺍﻟﻘﻔﻄﺎﺍﻥ ﻭﺭﻭﺣﻮﻭ
،،،،،،،،،،،
ﻓﻲ ﺍﻟﺴﻴﺎﺭﺓ
ﻭﻟﻴﺪ : ﺷﻦ ﻛﻴﻒ ﻛﺎﻧﺖ ﺍﻟﺤﻔﻠﻪ
ﺍﻧﻲ ﺳﺎﻧﺪﻩ ﺭﺍﺳﻲ ﻉ ﺍﻟﻜﺮﺳﻲ : ﺣﻠﻮﻭﺓ ، ﻭﺍﻟﻌﺮﺳﺎﻥ ﻳﻬﺒﻠﻮ ﻃﺎﻟﻌﻴﻦ ﻋﻠﻲ ﺑﻌﺾ
ﻭﻟﻴﺪ : ﺑﺎﻩ ﻛﻮﻳﺲ
ﺍﻧﻲ ﺳﺎﻧﺪﻩ ﺭﺍﺳﻲ ﻭﻧﺸﻮﻑ ﻟﺠﻬﺘﻪ ﻛﻴﻒ ﻳﺴﻮﻕ ﻭﻧﺮﺍﻗﺐ ﻓﻴﻪ
ﻭﻟﻴﺪ ﺷﺎﻓﻠﻲ ﺍﺑﺘﺴﻢ ، ﻭﺑﻬﻤﺲ : ﻧﺤﺒﻚ
ﺍﻧﻲ ﺍﺑﺘﺴﻤﺖ : ﻧﺤﺒﻚ ﺍﻛﺜﺮ ، ﺣﺒﻴﺒﻲ
ﻭﻟﻴﺪ ﻭﻋﻴﻮﻧﻪ ﻉ ﺍﻟﻄﺮﻳﻖ : ﻋﻴﻮﻧﻪ
ﺍﻧﻲ : ﻏﺪﻭﺓ ﻧﺒﻲ ﻧﺒﺎﺕ ﻋﻨﺪ ﻣﺎﻣﺎ
ﻭﻟﻴﺪ ﺷﺎﻓﻠﻲ : ﻟﻴﺶ
ﺍﻧﻲ : ﺣﺒﻴﺒﻲ ﺭﺍﻫﻮ ﺑﻌﺪ ﻏﺪﻭﺓ ﺑﻴﺎﻥ ﻧﻮﺍﻝ ﺧﻴﺮﻙ ﻧﺴﻴﺖ
ﻭﻟﻴﺪ : ﻻ ﻣﺶ ﻧﺎﺳﻲ ﻟﻜﻦ ﻋﻼﺵ ﺍﻟﺒﻴﺘﺎﻥ ﺍﻫﻮ ﺗﻤﺸﻲ ﻗﺮﻳﺐ ﻳﻮﻣﻴﺎ ﻣﻦ ﺍﻟﺼﺒﺢ ﺗﺮﻭﺣﻲ ﻓﻲ ﺍﻟﻠﻴﻞ
ﺍﻧﻲ ﻋﺪﻟﺖ ﺗﻘﻌﻤﺰﻳﺘﻲ : ﺣﺒﻴﺒﻲ ﺭﺍﻫﻮ ﺍﺧﻮﺍﺗﻲ ﻣﺎﻋﻨﺪﻫﻢ ﻋﻨﺪ ﻧﺒﻲ ﻉ ﻟﻼﻗﻞ ﻧﺒﻲ ﺍﻟﻴﻮﻣﻴﻦ ﻫﺎﺩﻭ ﻳﻌﻨﻲ ﻗﺒﻞ ﺍﻟﻴﻮﻡ ﻭﻟﻴﻠﻪ ﺍﻟﺒﻴﺎﻥ ﺑﺎﺵ ﻧﺴﺎﻋﺪﻫﻢ
ﻭﻟﻴﺪ : ﻳﺼﻴﺮ ﺧﻴﺮ
ﺍﻧﻲ ﺷﺪﻳﺖ ﻳﺪﻩ : ﺣﺒﻴﺒﻲ ﻣﺎﺗﻜﻮﻧﺶ ﻣﻜﺎﺭ
ﻭﻟﻴﺪ : ﻫﻬﻬﻪ ﺑﺎﺍﻫﻲ
ﺍﻧﻲ ﻗﺮﺑﺖ ﻭﺑﺴﺘﻪ ﻋﻠﻲ ﺧﺪﻩ ﺑﺤﺮﻛﺔ ﺳﺮﻳﻌﻪ : ﻧﺤﺒﻚ
ﻭﻟﻴﺪ ﺷﺎﻓﻠﻲ : ﻫﻬﻬﻬﻬﻪ ﺗﻲ ﺑﺎﻫﻲ ﺑﺎﻫﻲ ﻏﻴﺮ ﻧﻮﺻﻠﻮ ﻟﻠﺤﻮﺵ
،،،،،،،،
ﺛﺎﻧﻲ ﻳﻮﻡ ﻧﻀﺖ ﺍﻟﺼﺒﺢ ﻭﺗﻴﺖ ﺷﻨﻄﺔ ﺑﺎﺵ ﻧﺒﺎﺕ ﻭﺩﺭﺕ ﻓﻄﻮﺭ ﻟﻮﻟﻴﺪ ، ﺑﻌﺪﻫﺎ ﻧﺎﺽ ﻭﻓﻄﺮﻧﺎ ، ﻃﻠﻌﻨﺎ ﻭﺣﻄﻨﻲ ﻓﻲ ﺣﻮﺷﻨﺎ ﻭﺍﻣﺸﻲ
ﺧﺸﻴﺖ ﺍﻟﻘﻴﺘﻬﻢ ﻗﺎﻋﺪﻳﻦ ﻳﻔﻄﺮﻭ
ﻗﻌﺪﻧﺎ ﻧﻬﺪﺭﺯﻭ ﻭﻧﺨﻄﻄﻮ ﻭﺷﻦ ﻧﺎﻗﺺ ﻭﺷﻦ ﺑﻨﺪﻳﺮﻭ ﻭﺷﻦ ﻣﺶ ﺩﺍﻳﺮﻳﻦ
ﻟﺤﺪ ﻣﺎﺳﻤﻌﻨﺎ ﺻﻮﻭﺕ ﻋﻴﺎﺍﻁ ...... ﻓﻲ ﺍﻟﻤﻄﺒﺦ
ﻧﻀﻨﺎ ﻧﺠﺮﻭﻭ ﻭﺍﻟﻘﻴﻴﻨﺎ
# ﻳﺘﺒﻊ
