منقولة
الحلقةة[29]
من ﺭﻭﺍﻳﺔ - - ->" #ﺳﻨــﺪ_ﺍﻷﻧﺜــﻰ_ﺭﺟــﻞ "
ﻓﺎﺗﻮ ﺃﺭﺑﻌﻪ ﺷﻬﻮﺭ ﻭﺑﺎﻟﻀﺒﻂ ﻗﺒﻞ ﻋﺮﺱ ﻫﺎﺟﺮ & ﺃﻳﻤﻦ ﺑﺄﺳﺒﻮﻋﻴﻦ
ﻓﻲ ﺧﻼﻝ ﺍﻻﺭﺑﻌﻪ ﺷﻬﻮﺭ
ﻧﻮﺍﻝ ﻭﻣﺤﻤﻮﺩ ﺟﻮﻫﻢ ﺣﻠﻮ ﻫﻠﺒﺎ ﻭﻣﺎﻳﺨﻼﺵ ﺍﻻﻣﺮ ﻣﻦ ﺷﻮﻳﺔ ﻋﺮﻛﺎﺕ ﻭﺑﻌﺪﻫﺎ ﻳﻮﻟﻮ ﻋﺴﻞ
ﻧﻮﺭﺱ ﻭﻋﺪﻧﺎﻥ ﺍﺣﻠﻰ ﺛﻨﺎﺋﻲ
ﺳﺎﺭﺓ ﻭﻣﻌﺘﺼﻢ ﻳﺴﺘﻨﻮ ﻓﻲ ﻋﺮﺳﻬﻢ ﺑﻔﺎﺭﻍ ﺍﻟﺼﺒﺮ ﻭﻛﻞ ﻣﺮﺓ ﻳﻮﺗﻮ ﺣﺎﺟﺔ
ﻭﻓﺎﺀ ﻭﻋﺒﺪ ﺍﻟﻘﺎﺩﺭ ﻓﺮﺣﺎﻧﻴﻦ ﺑﺎﻟﺒﻴﺒﻲ ﻭﻭﺟﻮﺩﻩ ﺯﺍﺩ ﺍﻟﺤﺐ ﺑﻴﻨﻬﻢ
ﺍﻧﻲ ﻭﻭﻟﻴﺪ ﺣﻴﺎﺗﻨﺎ ﻫﺎﺩﻳﺔ ﻭﻣﺘﻔﺎﻫﻤﻴﻦ ﺍﻟﺤﻤﺪ ﻟﻠﻪ ، ﻭﺍﻧﻲ ﺭﺟﻌﺖ ﻟﻠﺠﺎﻣﻌﻪ ﻭﺑﺪﻳﺖ ﻧﻘﺮﺍ ﻭﺧﻼﺹ ﻣﺰﺍﻝ ﺳﻤﻴﺴﺘﺮ ﻭﻧﺘﺨﺮﺝ
ﻫﺎﺟﺮ ﻭﺍﻳﻤﻦ ﻓﺮﺣﺎﻧﻴﻦ ﺑﻴﻄﻴﺮﻭ ﻭﻳﻮﺗﻮ ﻟﻌﺮﺳﻬﻢ ﺑﻜﻞ ﻓﺮﺣﺔ ﻭﺣﺐ ﻭﺣﻤﺎﺱ
،،،،،،
ﻃﺎﻟﻌﻪ ﺍﻧﻲ ﻭﻭﻟﻴﺪ ﻧﺪﻭﺭ ﻓﻲ ﻗﻔﻄﺎﻥ ﻟﺤﻔﻠﻪ ﻫﺎﺟﺮ
ﻭﻟﻴﺪ ﻳﺄﺷﺮ ﻋﻠﻲ ﻗﻔﻄﺎﻥ ﺍﺳﻮﺩ ﻃﻮﻳﻞ ﻭﻇﻬﺮﻩ ﻣﻔﺘﻮﺡ : ﺍﻫﻮ ﻳﺎﺣﺒﻴﺒﺘﻲ ﺣﻠﻮ
ﺍﻧﻲ ﻧﺸﻮﻓﻠﻪ ﺑﺸﻚ : ﺣﻠﻮ ﺑﺲ ﻣﺶ ﻫﺪﺍ ﺍﻟﻲ ﻧﺒﻴﻪ
ﻭﻟﻴﺪ : ﺣﺒﻴﺒﺘﻲ ﺗﻼﺗﻪ ﺍﻳﺎﻡ ﺗﻮﺍ ﻧﻄﻠﻌﻮ ﻭﺍﻧﻲ ﻗﺎﻋﺪ ﻣﺎﻋﺮﻓﺘﺶ ﺷﻦ ﻫﻮ ﺍﻟﻲ ﻓﻲ ﺭﺍﺳﻚ
ﺍﻧﻲ : ﺍﺭﺟﻮﻙ ﺣﺒﻴﺒﻲ ﺍﺻﺒﺮ ﺷﻮﻱ ﺍﻛﻴﺪ ﺣﻨﻠﻘﺎﻩ
ﻭﻟﻴﺪ ﺗﻨﻬﺪ ﺑﻀﻴﻖ : ﺍﻫﻮ ﺻﺎﺑﺮ
ﺍﻧﻲ : ﺣﺒﻴﺒﻲ ﺷﻮﻑ ﻫﺬﺍ ﺷﻦ ﺭﺍﻳﻚ ؟
ﻭﻟﻴﺪ : ﻣﺶ ﻋﺎﺩﻱ ﺑﻜﻞ ﺍﻃﻠﻊ ﻃﻮﻝ
ﺍﻧﻲ : ﻫﻬﻬﻬﻪ ﻏﻴﺮ ﺧﻮﺩﻱ ﻭﺭﻳﺤﻴﻨﻲ ﻭﺍﻻ ﻫﻜﻲ ﻗﺼﺪﻙ
ﻭﻟﻴﺪ : ﻫﻬﻬﻬﻬﻪ ﺍﻳﻪ ﻫﻴﺎ
ﺍﻧﻲ : ﺑﺎﻩ ﺑﻨﺮﻭﺡ ﺑﻴﻪ ﺑﻨﺠﺮﺑﻪ ﻭﻛﺎﻥ ﻣﺎﻃﻠﻌﺶ ﻋﻠﻴﺎ ﺑﻨﺮﺩﻩ
ﻭﻟﻴﺪ : ﻣﺘﺎﻛﺪ ﺍﻧﻪ ﺣﻴﻄﻠﻊ
ﺧﺪﻳﻨﺎ ﺍﻟﻘﻔﻄﺎﻥ ﻭﺭﻭﺣﺖ ﻭﺍﻭﻝ ﻣﺎﺧﺸﻴﺖ ﻟﻠﺤﻮﺵ ﻋﻠﻲ ﻃﻮﻝ ﺧﺸﻴﺖ ﻗﺴﺘﻪ ﻭﻃﻠﻌﺖ ﻟﻮﻟﻴﺪ ﺍﻟﻲ ﻛﺎﻥ ﻳﺘﻔﺮﺝ ﻉ ﺍﻟﺘﻠﻔﺰﻳﻮﻥ ﻓﻲ ﺍﻟﺼﺎﻟﺔ
ﺍﻧﻲ : ﺍﺣﻢ
ﻭﻟﻴﺪ ﻳﺘﻠﻔﺘﻠﻲ : ﺷﻦ ﺍﻟﺤﻼﻭﺓ ﻫﺎﺩﻱ
ﺍﻧﻲ : ﺑﺠﺪ ﺣﺒﻴﺒﻲ ﺣﻠﻮ ؟
ﻭﻟﻴﺪ : ﻭﺍﻟﻠﻪ ﺣﻠﻮ ﻭﻃﺎﻟﻊ ﻋﻠﻴﻚ ﻣﺶ ﻋﺎﺩﻱ
ﻭﻗﻌﺪﺕ ﻧﺪﻭﺭ ﻭﻧﺸﻮﻑ ﻓﻲ ﺍﻟﻤﺮﺍﻳﻪ ﻭﻧﻌﺎﻭﺩ
،،،،،،،
ﺍﻣﺎ ﻓﻲ ﺣﻮﺷﻨﺎ
ﻧﻮﺭﺱ : ﻳﺎﻣﺎﻣﺎ ﻗﻮﻟﻴﻠﻬﻢ ﻫﻴﺎ ﺍﻟﻤﻐﺮﺏ ﻳﺄﺫﻥ ﺑﻌﺪﻳﻦ ﻛﻴﻒ ﺑﻨﺮﻭﻭﺡ
ﻣﺎﻣﺎ ﺗﻨﺎﺩﻱ : ﻳﺎﻧﺮﺟﺲ ﻳﺎﻧﻮﺍﺍﻝ ﻫﻴﺎ ﻳﻬﺪﻳﻜﻢ ﺍﻟﻤﻮﻟﻰ ﻭﻗﺖ ﻋﻠﻲ ﺃﺧﺘﻜﻢ
ﻧﻮﺭﺱ : ﻭﺍﻟﻠﻪ ﻧﻤﺸﻲ ﻧﺎﺧﺪ ﻗﻔﻄﺎﻥ ﺍﻧﻲ ﻭﺍﻧﺘﻮ ﻗﻌﻤﺰﻭ
ﻧﺮﺟﺲ ﻧﺎﺯﻟﺔ ﺗﺠﺮﻱ ﻭﺗﻠﻒ ﻓﻲ ﺍﻟﻮﺷﺎﺡ : ﻫﺎﺍ ﺟﻴﺖ ﺟﻴﻴﺖ
ﻭﻧﻮﺍﻝ ﺣﺘﻰ ﻫﻲ ﺗﺠﺮﻱ ﻭﺗﻠﺒﺲ ﻓﻲ ﺍﻟﺠﺎﻛﻴﻴﺖ : ﻫﺎ ﻭﺍﺍﺗﻴﻪ ﻧﻠﺒﺲ ﺍﻟﺴﺒﻴﺪﺭﻭ ﺑﺲ
ﻧﻮﺭﺱ ﻃﺎﻟﻌﻪ ﻣﻦ ﺍﻟﺒﺎﺏ : ﺍﻧﻲ ﺑﻨﻮﻟﻊ ﺍﻟﺴﻴﺎﺭﺓ ﻭﺑﻨﻄﻠﻊ ﻭﻣﺎﺩﺧﻠﻴﺶ ﻓﻴﻜﻢ ، ﻭﻃﻠﻌﺖ
ﻧﻮﺍﻝ ﻭﻧﺮﺟﺲ ﻭﺍﻗﻔﻴﻦ ﻋﻠﻲ ﺩﻭﻻﺏ ﺍﻟﻜﻨﺎﺩﺭ ﻭﻳﺪﻓﻮ ﻓﻲ ﺑﻌﺾ
ﻧﻮﺍﻝ : ﺗﻲ ﺣﻮﻟﻲ ﺑﻨﺎﺧﺪ ﺍﻟﺴﺒﻴﺪﺭﻭﻭ
ﻧﺮﺟﺲ : ﺣﺘﻰ ﺍﻧﻲ ﻧﺒﻲ ﺷﻮﻭﺯﻱ ﺗﻲ ﺣﻮﻟﻲ ﻣﺶ ﻗﺎﺩﺭﺓ ﻧﺸﻮﻑ
ﻣﺎﻣﺎ : ﺍﻃﻠﻌﻲ ﺍﻧﺘﻲ ﻭﻳﺎﻫﺎ ﺭﺍﻫﻮ ﺍﺧﺘﻜﻢ ﺍﻣﺸﺖ
ﻧﺮﺟﺲ ﺷﺪﺕ ﻛﻨﺪﺭﺗﻬﺎ ﻓﻲ ﻳﺪﻫﺎ ﻭﻃﻠﻌﺖ ﺗﺠﺮﻱ ﺣﻔﻴﺎﻧﻪ
ﻭﻛﺬﻟﻚ ﻧﻮﺍﻝ ﻭﺭﻛﺒﻮ ﻟﻠﺴﻴﺎﺭﺓ ﻭﻗﻌﺪﻭ ﻳﻠﺒﺴﻮ
ﻧﻮﺭﺱ : ﺩﻳﻤﺎ ﻧﻔﺲ ﺍﻟﺤﺮﻛﺔ ﻣﺎﺗﺴﺘﻐﻨﻮﺵ ﻋﻠﻴﻬﺎ
ﻧﺮﺟﺲ : ﺑﺎﻫﻲ ﻳﺎﻧﻮﺭﺱ ﺍﻫﻮ ﺟﻴﻨﺎ ﺧﻴﺮﻙ ﻫﻜﻲ
ﻧﻮﺍﻝ : ﻭﺍﻟﻠﻪ ﺳﺤﻨﺘﻴﻨﺎ
ﻭﻗﻌﺪﻭ ﻃﻮﻝ ﺍﻟﻄﺮﻳﻖ ﻫﻜﻲ ﻭﻫﻤﺎ ﻳﺘﻨﺎﻗﺮﻭ ﻭﺷﺮﻭ ﻗﻔﺎﻃﻴﻦ ﻣﻌﺎﺩﺍ ﻧﻮﺍﻝ ﺩﻳﻤﺎ ﺗﻘﻌﺪ ﺍﺧﺮ ﻭﺣﺪﺓ ﻭﺭﻭﺣﺖ ﻟﻠﺤﻮﺵ ﻣﺘﻌﻔﻠﻘﻪ ﻣﺎﻟﻘﺘﺶ ﺣﺎﺟﺔ ﻋﺠﺒﺘﻬﺎ
ﻣﺤﻤﻮﺩ : ﺍﻟﻮ ﺣﺒﻴﺒﻲ
ﻧﻮﺍﻝ : ﺍﻫﻠﻴﻦ
ﻣﺤﻤﻮﺩ : ﻏﻴﺮ ﺧﻴﺮﻫﺎ ﺍﻟﺤﻠﻮﺓ ﻣﻄﺮﻣﻪ ﺷﻮﺍﺭﺑﻬﺎ
ﻧﻮﺍﻝ ﺑﺘﻌﻔﻠﻴﻖ : ﻫﻜﻲ ﺩﻳﻤﺎ ﺣﻈﻲ ﺍﻧﻲ ﻛﻠﻬﻢ ﻳﺤﺼﻠﻮ ﻭﺍﻧﻲ ﻻﺍ ﻻﺧﺮ ﻟﺤﻈﻪ ﻧﻘﻌﺪ
ﻣﺤﻤﻮﺩ : ﻏﻴﺮ ﺑﺎﻟﺸﻮﻳﺔ ﺧﻴﺮﻙ
ﻧﻮﺍﻝ : ﺑﻨﻤﺸﻮ ﻣﻊ ﺍﻟﻘﻔﻪ ﻭﻣﺎﺣﺼﻠﺘﺶ ﻗﻔﻄﺎﻥ ﻧﻤﺸﻲ ﺑﻴﻴﻴﻪ ﻭﻣﺰﺍﻝ ﺍﺳﺒﻮﻋﻴﻦ ﺍﻻﺳﺒﻮﻉ ﻫﺬﺍ ﻧﻮﺭﺱ ﺟﺎﻣﻌﻪ ﻛﻞ ﻳﻮﻡ ﻭﺗﺮﻭﺡ ﺗﺎﻋﺒﻪ ﻣﺎﻧﺤﻠﻤﺶ ﺗﻄﻠﻌﻨﻲ ﻭﻣﻦ ﺍﻻﺳﺒﻮﻉ ﺍﻟﺠﺎﻱ ﺑﻨﻤﺸﻮ ﻟﺤﻮﺵ ﻋﻤﺘﻲ ﻫﻜﻲ ﻗﺎﻟﺖ ﻣﺎﻣﺎ ﻭﻣﺎﺍﺍﻧﻌﺮﻓﺶ ﺍﻣﺘﻰ ﺑﻨﺸﺮﻱ ﺍﻭﻭﻑ ﺍﻭﻭﻑ
ﻣﺤﻤﻮﺩ : ﻫﻬﻬﻬﻬﻬﻪ ﺗﻮ ﻋﻠﻲ ﺧﺎﻃﺮ ﻫﺎﺩﻱ ﻣﺘﻌﻔﻠﻘﻪ ، ﻧﺠﻴﺒﻮ ﺍﺣﻠﻰ ﻗﻔﻄﺎﻥ ﻟﺤﺒﻴﺒﻲ ﺍﻧﻲ
ﻧﻮﺍﻝ : ﺍﺿﺤﻚ ﺍﺿﺤﻚ ، ﻧﻔﻜﺮ ﻧﻠﺒﺲ ﺍﻟﻘﻔﻄﺎﻥ ﺍﻟﻲ ﺍﻧﺖ ﺟﻴﺘﻬﻮﻟﻲ ﻟﺒﺴﺘﻪ ﻓﻲ ﺣﻔﻠﺔ ﻧﺴﻴﺒﺔ ، ﺑﺲ ﻛﻠﻬﻢ ﺷﺎﻓﻮﻩ
ﻣﺤﻤﻮﺩ : ﻫﻬﻬﻬﻬﻪ ﺍﻧﺘﻮ ﺍﻟﺒﻨﺎﺕ ﺑﻜﻞ ﻛﺎﻥ ﻟﺒﺴﺘﻮ ﺣﺎﺟﺔ ﻣﺮﺓ ﺧﻼﺹ
ﻧﻮﺍﻝ : ﻃﺒﻌﺎﺍ
ﻣﺤﻤﻮﺩ : ﺑﺎﻩ ﺗﻮ ﺍﻧﺘﻲ ﻳﺎﻣﻬﺒﻮﻟﺔ ﻣﺎﺗﺘﻌﻔﻠﻘﻴﺶ ، ﺍﻧﺘﻲ ﺷﻦ ﺭﺍﻳﻚ ﻓﻲ ﺫﻭﻗﻲ ؟
ﻧﻮﺍﻝ : ﺫﻭﻗﻚ .. ﺣﻠﻮ ﻳﻌﻨﻲ ﻋﻨﺪﻙ ﺫﻭﻕ
ﻣﺤﻤﻮﺩ : ﺑﺎﻩ ، ﺍﻟﻤﻬﻢ ﺍﻧﺘﻲ ﺷﻦ ﺟﻮﻙ
ﻧﻮﺍﻝ : ﺗﻤﺎﻡ ﻭﺍﻧﺖ
ﻣﺤﻤﻮﺩ : ﺗﻤﺎﻡ ﺍﻫﻮ ﻣﻘﻌﻤﺰ ﻓﻲ ﺩﺍﺭﻱ ﺍﻟﺤﻮﺵ ﺯﺣﻤﺔ
ﻧﻮﺍﻝ : ﻋﻼﺵ
ﻣﺤﻤﻮﺩ : ﻋﻤﺎﻣﻲ ﻋﻨﺪﻧﺎ ، ﻫﻲ ﺍﻧﻲ ﺗﻮﺍ ﺑﻨﻄﻠﻊ ﻧﻜﻠﻤﻚ ﺑﻌﺪﻳﻦ
ﻧﻮﺍﻝ : ﺑﺎﻩ ﺧﻠﻲ ﺑﺎﻟﻚ ﻉ ﺭﻭﺣﻚ
ﻣﺤﻤﻮﺩ : ﺍﻥ ﺷﺎﺀ ﺍﻟﻠﻪ ﺣﺘﻰ ﺍﻧﺘﻲ ﻫﻲ ﺳﻼﻡ
ﻧﻮﺍﻝ : ﺑﺎﻱ
،،،،،،،
ﺍﻣﺎ ﺍﻧﻲ ﺑﻌﺪ ﺣﻮﻟﺖ ﺍﻟﻘﻔﻄﺎﻥ ﻟﺒﺴﺖ ﺑﻠﻮﺯﺓ ﻟﺤﺪ ﺍﻟﺮﻛﺒﻪ ﻭﺑﻨﻄﻠﻮﻥ ﻭﻟﺒﺴﺖ ﻭﺷﺎﺣﻲ ﻭﺩﺭﺕ ﻣﻜﻴﺎﺝ ﺧﻔﻴﻒ ﻋﻠﻲ ﻭﺟﻬﻲ
ﻭﻟﻴﺪ : ﻫﻲ ﺑﻨﻨﺰﻝ ﺣﺘﻰ ﺍﻧﻲ
ﺍﻧﻲ : ﻗﺎﻟﺘﻠﻲ ﻭﻓﺎﺀ ﺍﻥ ﺍﻟﺤﻮﺵ ﻣﻌﺒﻲ ﻟﻮﻃﻰ
ﻭﻟﻴﺪ : ﺍﻳﻪ ﻋﻤﺎﻣﻲ ﻭﻋﻴﻼﺗﻬﻢ
ﻭﻧﺰﻟﺖ ﺍﻧﻲ ﻭﻭﻟﻴﺪ ، ﻭﻟﻴﺪ ﺧﺶ ﻟﻠﺼﺎﻟﻮﻥ ﻣﻊ ﺍﻋﻤﺎﻣﻪ ﻭﺍﻧﻲ ﺧﺸﻴﺖ ﻟﻠﺤﻮﺵ ﺳﻠﻤﺖ ﻋﻠﻴﻬﻢ ﻛﻠﻬﻢ ﻭﻗﻌﻤﺰﺕ
ﻣﺮﺕ ﻋﻤﻬﻢ : ﺷﻦ ﻧﺴﻴﺒﺔ ﻣﺎﻓﻴﺶ ﺣﻮﻳﺠﺔ
ﺍﻧﻲ ﺑﺎﺳﺘﻐﺮﺍﺏ : ﺷﻨﻮ ؟
ﻣﺮﺕ ﻋﻤﻬﻢ : ﻣﺎﺣﻤﻠﺘﻴﺶ ﻭﻻﺣﺎﺟﺔ
ﺍﻧﻲ : ﻻ ﻭﺍﻟﻠﻪ ﻣﺎﻛﺘﺒﺶ ﺭﺑﻲ
ﻣﺮﺕ ﻋﻤﻬﻢ ﺍﻟﺘﺎﻧﻴﻪ : ﻏﺮﻳﺒﻪ ﺳﻠﻔﺘﻚ ﻣﻌﺎﻙ ﻭﺍﻫﻲ ﻣﺎﺷﺎﺀ ﺍﻟﻠﻪ ﻗﺮﻳﺐ ﺗﺠﻴﺐ
ﺍﻧﻲ : ﻛﻞ ﺷﻲ ﺑﻴﺪ ﺭﺑﻲ ﻭﻗﺎﻋﺪ ﻣﺎﻛﺘﺒﻠﻴﺶ
ﻣﺮﺕ ﻋﻤﻬﻢ : ﻣﻔﺮﻭﺽ ﺗﻤﺸﻲ ﺗﻌﺎﻳﻨﻲ
ﺑﻨﺖ ﻋﻤﻬﻢ : ﺍﻳﻪ ﻣﺎﺗﺴﻜﺘﻴﺶ ﻋﻠﻲ ﺭﻭﺣﻚ
ﺍﻧﻲ ﺑﺎﺳﺘﻐﺮﺍﺏ : ﺑﺎﻩ ﺍﻥ ﺷﺎﺀ ﺍﻟﻠﻪ
ﻭﻗﻌﺪﻭ ﻳﻬﺪﺭﺯﻭ ﻭﻳﻠﻘﺤﻮ ﻓﻲ ﺍﻟﺪﻭﺓ ﻋﻠﻲ ﺍﻟﻤﻮﺿﻮﻉ ﻭﻓﻼﻧﻪ ﺻﺎﺭﻟﻬﺎ ﻭﻓﻼﻧﻪ ﺩﺍﺭﺕ ﻭﻓﻼﻧﻪ ﻓﻌﻠﺖ ﻭﻓﻼﻧﻪ ﻣﺎﺗﺠﻴﺒﺶ ﻭﺍﻧﻲ ﻣﺘﻀﺎﻳﻘﻪ ﻣﻦ ﺩﻭﺗﻬﻢ
،،،،،،،،،
ﺍﻣﺎ ﻋﻨﺪ ﻫﺎﺟﺮ ﻓﻜﺎﻧﺖ ﻛﻴﻒ ﻣﺮﻭﺣﺔ ﻭﺍﻭﻝ ﻣﺎﺧﺸﺖ ﺍﺗﺼﻞ ﺑﻴﻬﺎ ﺍﻳﻤﻦ
ﻫﺎﺟﺮ ﺑﺘﻌﺐ : ﺍﻟﻮ ﺣﺒﻴﺒﻲ
ﺍﻳﻤﻦ : ﺍﻫﻠﻴﻦ ﻳﺎﻗﻠﺒﻲ ﺷﻦ ﺍﺧﺒﺎﺭﻙ
ﻫﺎﺟﺮ : ﺗﻤﺎﻡ ﺍﻫﻮ ﻛﻴﻒ ﺧﺸﻴﺖ ﻟﻠﺤﻮﺵ ﺗﺎﺍﻋﺒﻪ
ﺍﻳﻤﻦ : ﻭﻳﻦ ﻛﻨﺘﻲ ؟
ﻫﺎﺟﺮ : ﻛﻤﻠﺖ ﺑﺎﻗﻲ ﺍﻟﺒﺘﺎﺕ ﺑﻴﺶ ﺧﻼﺹ ﻧﺴﻜﺮ ﺍﻟﺸﻨﺎﻃﻲ ﻭﺯﺩﺕ ﺍﻛﺪﺕ ﺣﺠﺰ ﻋﺸﻲ ﺍﻟﺤﻔﻠﻪ
ﺍﻳﻤﻦ : ﺧﻼﺹ ﻫﺎﻧﺖ ﻧﺘﻌﺒﻮ ﺗﻮﺍ ﺑﻌﺪﻫﺎ ﻧﺮﺗﺎﺣﻮ ﻓﻲ ﺣﻮﺷﻨﺎ
ﻫﺎﺟﺮ : ﺍﻥ ﺷﺎﺀ ﺍﻟﻠﻪ
ﺍﻳﻤﻦ : ﺑﺲ ﻣﺎﺣﻜﻴﺘﻠﻴﺶ ﺍﻧﻚ ﺑﺘﻄﻠﻌﻲ ﺍﻟﻴﻮﻡ
ﻫﺎﺟﺮ : ﻗﺪﺍﺵ ﺑﻨﺤﻜﻲ ﻳﺎﺍﻳﻤﻦ ﻭﻋﺎﺭﻓﻨﻲ ﻧﻄﻠﻊ ﺑﺴﺮﺭﻋﻪ ﻭﻛﻞ ﻳﻮﻡ ﻧﻄﻠﻊ ﻳﻌﻨﻲ ﻋﺎﺭﻑ ﺍﻧﻲ ﻧﻮﺗﻲ ﻓﻲ ﺭﻭﺣﻴﻤﺶ ﻣﺎﺷﻴﻪ ﻧﺘﺪﻫﻮﺭ ﻟﻴﺶ ﺗﺪﻳﺮ ﻣﻨﻬﺎ ﻣﺸﻜﻠﺔ
ﺍﻳﻤﻦ ﺑﺎﺳﺘﻐﺮﺍﺏ : ﺗﻲ ﻣﺸﻜﻠﺔ ﺷﻨﻮ ﺍﻧﻲ ﺳﺎﻟﺖ ﻋﺎﺩﻱ ﺧﻴﺮﺭﻙ ﺍﻧﺘﻲ
ﻫﺎﺟﺮ : ﺷﻲ ﻣﺘﻮﺗﺮﺓ ﻳﺎﺍﻳﻤﻦ ﻭﺍﻋﻴﻴﺖ ﺧﻼﺍﺹ ﻣﺎﻳﺠﻲ ﺍﻟﻌﺮﺱ ﻟﻴﻦ ﺍﻧﻲ ﻣﺶ ﻋﺎﺭﻑ ﺷﻦ ﻳﺼﻴﺮﻟﻲ
ﺍﻳﻤﻦ : ﺍﻧﺘﻲ ﻣﻮﺗﺮﺓ ﺭﻭﺣﻚ ﺧﻠﻴﻚ ﻋﺎﺩﻳﻪ ﻭﻛﻞ ﺷﻴﻲ ﻳﻤﺸﻲ
،،،،،،،،
ﻣﻊ ﺍﻟﺴﺎﻋﻪ 9 ﻛﺎﻥ ﺍﻟﻜﻞ ﺭﻭﺣﻮ ﻭﺍﻧﻲ ﺍﺭﺗﺤﺖ ﺑﺼﺮﺍﺣﺔ ﻣﻦ ﺩﻭﺗﻬﻢ ﻳﻠﻮﺩﻭ ﻳﻠﻮﺩﻭ ﻭﻳﻮﻟﻮ ﻟﻨﻔﺲ ﻣﻮﺿﻮﻋﻲ ﺣﺴﺴﻮﻧﻲ ﻟﻴﺎ ﻋﺸﺮ ﺳﻨﻴﻦ ﻣﺘﺰﻭﺟﺔ ﻗﺎﻋﺪﻩ ﻣﺘﻀﺎﻳﻘﻪ ﻣﻨﻬﻢ ﺑﺼﺮﺍﺣﺔ
ﺿﻤﻴﺖ ﺍﻧﻲ ﻭﻭﻓﺎﺀ ﻭﺭﺣﻤﺔ ﺍﻟﺤﻮﺵ ﻭﺩﺭﻧﺎ ﺩﻭﺭﺓ ﻋﻠﻴﻬﺎ ﺑﻌﺪﻫﺎ ﺭﻛﺒﺖ ﺍﻧﻲ ﻭﻭﻓﺎﺀ ﻭﻛﻞ ﻭﺣﺪﺓ ﺧﺸﺖ ﻟﺸﻘﺘﻬﺎ
ﺍﻭﻝ ﻣﺎﺧﺸﻴﺖ ﻏﻴﺮﺕ ﻣﻼﺑﺴﻲ ﻭﻗﻌﺪﺕ ﻧﻮﺗﻲ ﻓﻲ ﻋﺸﺎ ﻟﻮﻟﻴﺪ ﻭﻧﻔﻜﺮ ﻓﻲ ﺍﻟﻜﻼﻡ ﺍﻟﻴﻮﻡ ﻛﻠﻪ ، ﻫﻞ ﻳﻤﻜﻦ ﻭﻟﻴﺪ ﻳﻜﻮﻥ ﻳﻔﻜﺮ ﻓﻲ ﻧﻔﺲ ﺍﻟﻤﻮﺿﻮﻉ ، ﻳﻌﻨﻲ ﻃﺒﻴﻌﻲ ﻛﻞ ﺷﺨﺺ ﻳﺤﺐ ﻳﻜﻮﻥ ﺃﺏ ، ﻃﺮﺩﺕ ﺍﻻﻓﻜﺎﺭ ﻣﻦ ﺭﺍﺳﻲ ﻭﻗﻌﺪﺕ ﻧﺪﻭﺭ ﻟﺤﺪ ﻣﺎﺟﻲ ﻭﻟﻴﺪ ﺍﺳﺘﻘﺒﻠﺘﻪ ﺑﺎﺍﺑﺘﺴﺎﻣﻪ ﻭﺑﻌﺪﻫﺎ ﺗﻌﺸﻴﻨﺎ ﻣﻊ ﺑﻌﺾ ﻭﺩﺭﺕ ﻓﻮﺷﺎﺭ ﻭﻗﻌﻤﺰﻧﺎ ﻧﺘﻔﺮﺟﻮ ﻋﻠﻲ ﻓﻴﻠﻢ
ﺍﻧﻲ ﻭﺍﻧﻲ ﺣﺎﻃﺔ ﺭﺍﺳﻲ ﻋﻠﻲ ﻛﺘﻒ ﻭﻟﻴﺪ ﻭﻫﻮ ﻻﻑ ﻳﺪﻩ ﻋﻠﻴﺎ ﻗﻤﺖ ﺭﺍﺳﻲ ﻭﺷﻔﺖ ﻟﻮﻟﻴﺪ : ﺣﺒﻴﺒﻲ
ﻭﻟﻴﺪ ﺗﻠﻔﺘﻠﻲ
ﺍﻧﻲ : ﺣﺒﻴﺒﻲ ﻣﺎﺧﺎﻃﺮﻛﺶ ﻳﻜﻮﻥ ﻋﻨﺪﻙ ﺑﻴﺒﻲ ؟
ﻭﻟﻴﺪ ﺷﺎﻓﻠﻲ ﺑﺎﺳﺘﻐﺮﺍﺏ : ﺍﻛﻴﺪ ، ﺑﺲ ﺷﻦ ﺧﻄﺮ ﺍﻟﻤﻮﺿﻮﻉ ﻫﺬﺍ ﺗﻮﺍ ؟
ﺍﻧﻲ : ﺷﻲ ﻋﺎﺩﻱ ، ﺣﺒﻴﺒﻲ ﻧﺒﻲ ﻧﻤﺸﻲ ﻧﻌﺎﻳﻦ
ﻭﻟﻴﺪ ﻭﺧﺮ ﻭﺧﻼﻧﻲ ﻣﻘﻌﻤﺰﻩ ﻗﺪﺍﻣﻪ ﺑﺎﻟﺰﺑﻂ : ﻟﻴﺶ ؟
ﺍﻧﻲ ﺑﻠﻌﺖ ﺭﻳﻘﻲ : ﻫﻜﻲ ﻳﻌﻨﻲ ﺑﺲ ﻟﻺﻃﻤﺌﻨﺎﻥ
ﻭﻟﻴﺪ ﺭﺩ ﺣﻀﻨﻲ ﻭﺍﺗﻜﻰ ﻉ ﺍﻟﻜﺮﺳﻲ : ﺍﻧﺴﻲ ﺍﻟﻤﻮﺿﻮﻉ ﻣﺎﻓﻴﺶ ﺩﺍﻋﻲ ، ﻭﺑﻌﺪﻳﻦ ﻋﻼﺵ ﺍﻻﺳﺘﻌﺠﺎﻝ ﻛﻞ ﺷﻲ ﺭﺑﻲ ﻛﺎﺗﺒﻠﻪ ﻭﻗﺖ
ﺍﻧﻲ : ﺑﺎﻫﻲ
،،،،،،،،
ﻓﺎﺕ ﺍﻻﺳﺒﻮﻉ ﻋﻠﻲ ﺧﻴﺮ ﻭﻣﺰﺍﻝ ﺍﺳﺒﻮﻉ ﻋﻠﻲ ﻋﺮﺱ ﻫﺎﺟﺮ & ﺍﻳﻤﻦ
ﻣﺎﻣﺎ ﻭﺍﺧﻮﺍﺗﻲ ﺟﺎﻳﻴﻦ ﻳﺘﻐﺪﻭ ﻋﻨﺪﻱ ﺑﻌﺪﻫﺎ ﻧﺒﻲ ﻧﻤﺸﻲ ﻣﻌﺎﻫﻢ ﻟﺤﻮﺵ ﻋﻤﺘﻲ
ﻧﻮﺍﻝ ﺗﻠﻴﻔﻮﻧﻬﺎ ﺭﻥ ﻧﺎﺿﺖ ﻭﺧﺸﺖ ﻟﻠﺪﺍﺭ : ﺍﻟﻮ
ﻣﺤﻤﻮﺩ : ﺍﻃﻠﻌﻲ ﻗﺪﺍﻡ ﺍﻟﺒﺎﺏ
ﻧﻮﺍﻝ : ﺍﻱ ﺑﺎﺏ ﺍﻧﻲ ﻓﻲ ﺣﻮﺵ ﻧﻮﺳﻪ
ﻣﺤﻤﻮﺩ : ﺍﻳﻪ ﻋﺎﺭﻑ ﺍﻃﻠﻌﻲ ﺑﺴﺮﻋﻪ ﺑﻨﻘﻮﻟﻚ ﺣﺎﺟﺔ
ﻧﻮﺍﻝ : ﺑﺲ ﻳﻤﻜﻦ ﻭﻟﻴﺪ ﻳﺠﻲ ﻓﻲ ﺍﻱ ﻟﺤﻈﺔ ﺍﻭ ﺧﻮﺗﻚ ﺧﻴﺮﻙ ﻣﺤﻤﻮﺩ
ﻣﺤﻤﻮﺩ : ﺗﻲ ﻫﻴﺎ ﻣﺎﺗﻜﺜﺮﻳﺶ ﺩﻭﻩ ﺑﺴﺮﻋﻪ
ﻧﻮﺍﻝ : ﺑﺎﺍﻩ ﺑﺎﻩ ، ﺳﻜﺮﺕ ﻭﻗﻌﺪﺕ ﺗﺸﻮﻑ ﻓﻴﻨﺎ ﻭﻳﻦ ﻗﺎﻋﺪﻳﻦ ﺍﻟﻘﺘﻨﺎ ﻓﻲ ﺍﻟﻤﻄﺒﺦ ﻭﻣﺸﻐﻮﻟﻴﻦ ﻭﻣﺎﺣﺪ ﻣﺪﻭﺭﻫﺎ ﺟﺒﺪﺕ ﻭﺷﺎﺡ ﻭﺣﻄﺎﺗﻪ ﻋﻠﻲ ﺭﺍﺳﻬﺎ ﻭﻓﺘﺤﺖ ﺍﻟﺒﺎﺏ ﺑﺎﻟﺸﻮﻳﺔ ﻭﻃﻠﻌﺖ ﻭﺭﺩﺍﺗﻪ ﺍﻟﻘﺖ ﻗﺪﺍﻣﻬﺎ ﻣﺤﻤﻮﺩ
ﻣﺤﻤﻮﺩ ﻳﻤﺪ ﻳﺪﻩ : ﺍﺳﺘﺎﺣﺸﺘﻚ ﻳﺎﺷﻴﻨﻪ ﻫﻜﻲ ﺣﺎﺭﻣﺘﻴﻨﻲ ﻣﻦ ﺷﻮﻓﺘﻚ
ﻧﻮﺍﻝ : ﻣﺤﻤﻮﺩ ﺣﺒﻴﺒﻲ ﻗﺼﺪﻱ ﺍﺣﻨﻲ ﻭﺍﻗﻔﻴﻦ ﺍﻫﻨﻲ ﻓﻲ ﺍﻱ ﻟﺤﻈﺔ ﻳﺠﻲ ﺣﺪ
ﻣﺤﻤﻮﺩ ﻳﻤﺪﻟﻬﺎ ﻛﻴﺴﺔ : ﺷﻮﻓﻴﻪ ﻭﻗﻮﻟﻴﻠﻲ ﺭﺍﻳﻚ
ﻧﻮﺍﻝ ﺗﻔﺘﺢ ﺍﻟﻜﻴﺴﻪ ﺗﺤﺎﻭﻝ ﺗﻌﺮﻑ ﺷﻦ ﻓﻴﻬﺎ : ﺷﻦ ﻫﺬﺍ ؟
ﻣﺤﻤﻮﺩ : ﺧﺸﻲ ﺗﻮﺍﺍ ﻭﺑﻌﺪﻳﻦ ﺍﻋﺮﻓﻲ ، ﻭﻗﺮﺏ ﻣﻦ ﻭﺩﻧﻬﺎ : ﺧﻴﺮ ﻣﺎﻧﺨﻄﻔﻚ ﻭﻧﻬﺮﺏ ﺑﻴﻚ ﻭﺍﻧﺘﻲ ﺑﺎﻟﻠﺒﺴﻪ ﺍﻟﺤﻠﻮﺓ ﻫﺎﺩﻱ
ﻧﻮﺍﻝ ﺗﺤﺸﻤﺖ ﻭﺩﻓﺎﺗﻪ ﺑﺨﻔﻪ : ﺻﺎﻳﻊ ﺑﺎﺍﻱ
ﻣﺤﻤﻮﺩ : ﻫﻬﻬﻬﻪ ﺑﺎﻱ
ﺧﺸﺖ ﻧﻮﺍﻝ ﺗﺠﺮﻱ ﻟﻠﺪﺍﺭ ﻭﻓﺘﺤﺖ ﺍﻟﻜﻴﺴﺔ ﺍﻟﻘﺎﺗﻪ ﻓﺴﺘﺎﻥ ﻛﺎﻥ ﺍﺳﻮﺩ ﻃﻮﻳﻞ ﻭﺣﻠﻮ ﻫﻠﺒﺎ
ﻧﻮﺍﻝ : ﻫﻴﻴﻲ ﻫﺎﻟﻤﺠﻨﻮﻭﻥ ﻳﻬﺒﻞ ، ﻭﻋﻠﻰ ﻃﻮﻝ ﻗﺴﺎﺗﻪ ﻭﺟﺖ ﻭﻗﻔﺖ ﻉ ﺍﻟﻤﺮﺍﻳﻪ ﻭﺭﻥ ﻓﻮﻧﻬﺎ
ﻧﻮﺍﻝ : ﻧﺤﺒﻚ
ﻣﺤﻤﻮﺩ : ﻫﻬﻬﻪ ﺍﻥ ﺷﺎﺀ ﺍﻟﻠﻪ ﻋﺠﺒﻚ ﺑﺲ
ﻧﻮﺍﻝ : ﻳﻬﺒﻞ ﻣﺶ ﺑﺲ ﻋﺠﺒﻨﻲ ، ﻣﺶ ﻋﺎﺩﻱ ، ﺑﺠﺪ ﺫﻭﻗﻚ ﺻﻘﻊ
ﻣﺤﻤﻮﺩ : ﻧﺒﻲ ﻧﺸﻮﻓﻪ ﺭﺍﺍﻫﻮ ﻛﻴﻒ ﻃﺎﺍﺍﻟﻊ ﻋﻠﻴﻚ
ﻧﻮﺍﻝ : ﺍﻛﻴﺪ ﺗﺒﺼﺮ ﻃﺒﻌﺎﺍ ، ﺑﺲ ﺗﻌﺮﻑ ﻃﻠﻌﺖ ﻃﺮﻑ ، ﻭﻗﻌﺪﺕ ﺗﺪﻭﺭ ﻭﺗﺸﻮﻑ ﻓﻲ ﺍﻟﻤﺮﺍﻳﻪ
ﻣﺤﻤﻮﺩ : ﺩﺑﺮﻱ ﻭﺍﻟﻠﻪ ﻣﺎﺩﺧﻠﻲ ﻧﺒﻲ ﻧﺸﻮﻓﻚ ،ﻗﻔﻄﺎﺍﻧﻲ ﻭﺍﻻ ﻧﺒﻲ ﻧﺸﻮﻓﻚ ﺑﻴﻪ ﺩﺑﺮﻱ
ﻧﻮﺍﻝ : ﻫﻬﻬﻬﻬﻬﻬﻪ ﻗﻔﻄﺎﻧﻚ ﺻﺎﺭ
ﻣﺤﻤﻮﺩ : ﻫﻬﻬﻬﻬﻬﻪ ﺗﻲ ﻗﺼﺪﻱ ﺍﻧﻲ ﺟﺒﺘﻪ ، ﻣﺎﺗﻐﻴﺮﻳﺶ ﺍﻟﻤﻮﺿﻮﻉ ﻫﻲ ﺻﻮﺭﻱ ﺻﻮﺭﺓ ﻫﻜﻲ ﺳﺮﻳﻌﻪ ﻭﺍﻧﻲ ﻧﺮﺍﺟﻲ ﻓﻴﻚ ﻫﻲ ﻉ ﺍﻟﻮﺍﺗﺲ
ﻧﻮﺍﻝ : ﺍﺣﻠﻢ ﻓﻴﻴﻴﺶ
ﻣﺤﻤﻮﺩ : ﻧﻮﺍﺍﺍﻝ ﻣﻦ ﻏﻴﺮ ﻣﻜﺮ
ﻧﻮﺍﻝ : ﻣﺎﻓﻴﺶ ﺍﻧﺖ ﻣﺶ ﻗﺎﺭﻱ ﻋﻠﻴﺎ ﺍﻟﻔﺎﺗﺤﻪ ﺑﻴﺶ ﺗﺸﻮﻓﻪ
ﻣﺤﻤﻮﺩ : ﺗﻢ ﺑﺎﻫﻲ ﺍﻫﻮ ﺷﻴﺦ ﺍﻟﺠﺎﻣﻊ ﺍﻟﻲ ﺟﻨﺒﻨﺎ ﻧﻔﺴﻪ ﺍﻟﻲ ﻗﺮﻱ ﻓﺎﺗﺤﻪ ﻭﻟﻴﺪ ﺗﻮ ﻧﻤﺸﻲ ﻧﺠﻴﺒﻪ ﻳﻘﺮﺍ ﻓﺎﺗﺤﺘﻨﺎ ﺗﻮﺍ
ﻧﻮﺍﻝ : ﻣﺎﺗﻘﺪﺭﺵ
ﻣﺤﻤﻮﺩ : ﺗﻌﺮﻓﻴﻨﻲ ﻣﺠﻨﻮﻥ ﻧﺪﻳﺮﻫﺎ ﻭﻧﻘﺪﺭ ﺯﻳﺎﺩﻩ ﻣﺎﺗﺴﺘﻔﺰﻳﻨﻴﺶ
ﻧﻮﺍﻝ : ﺍﻭﻭﻑ ﻣﻨﻚ ، ﺑﺎﺍﻫﻲ
ﻣﺤﻤﻮﺩ : ﻣﻌﺎﺵ ﺗﺘﺄﻓﻔﻲ
ﻧﻮﺍﻝ : ﺍﻭﻑ ﺑﺎﻫﻲ
ﻣﺤﻤﻮﺩ : ﺗﻮ ﺷﻦ ﻧﻘﻮﻝ ﺍﻧﻲ ﻣﻌﺎﺵ ﺗﺘﺄﻓﻔﻲ
ﻧﻮﺍﻝ : ﺍﻭﻑ ﻃﻠﻌﺖ ﻣﻦ ﻏﻴﺮ ﻗﺼﺪ
ﻣﺤﻤﻮﺩ : ﺗﻌﺎﻭﺩ ﻓﻴﻬﺎ ﻗﺎﻋﺪﻩ
ﻧﻮﺍﻝ : ﻫﻬﻬﻬﻬﻪ ﺗﻲ ﺍﻭﻑ ﻭﺍﻟﻠﻪ ﻫﻜﻲ ﻻﺍﺭﺍﺩﻳﺎ
ﻣﺤﻤﻮﺩ : ﺣﻲ ﻋﻠﻴﻬﺎ ﻫﺎﺩﻱ ﺗﺘﺄﻓﻒ ﻗﺎﻋﺪﻩ
ﻧﻮﺍﻝ : ﺍﻭﻭﻑ ﻣﺤﻤﻮﺩ ﺑﺎﻫﻲ ﻣﻌﺎﺵ ﻧﻌﺎﻭﺩﻫﺎ
ﻣﺤﻤﻮﺩ ﺑﻌﺼﺒﻴﻪ : ﻧﻮﺍﺍﺍﻝ
ﻧﻮﺍﻝ : ﻫﺎ ﻭﺍﻟﻠﻪ ﻫﻜﻲ ﻫﻜﻲ ﺍﻭﻑ ﻻﻻ ﻭﺍﻟﻠﻪ ﻣﻦ ﻏﻴﺮ ﻗﺼﺪ ﺧﻼﺍﺹ ﻫﺎﺍ ﻣﻌﺎﺵ ﻧﻌﺎﺍﻭﺩﻫﺎ
ﻣﺤﻤﻮﺩ : ﺑﺘﺠﻠﻄﻨﻲ ﺍﻟﻔﺮﺧﻪ ﻫﺎﺩﻱ ﻳﻮﻡ ﻣﻦ ﺍﻻﻳﺎﻡ ، ﻫﻲ ﺳﻜﺮﻱ ﻭﺍﺑﻌﺘﻲ ﺍﻟﺼﻮﺭﺓ
ﻧﻮﺍﻝ : ﻫﻬﻬﻬﻬﻪ ، ﻣﺤﻤﻮﻭﺩ
ﻣﺤﻤﻮﺩ : ﻧﻌﻢ
ﻧﻮﺍﻝ : ﺣﻤﻮﻭﺩﻱ
ﻣﺤﻤﻮﺩ : ﻋﻴﻮﻭﻧﻪ
ﻧﻮﺍﻝ : ﺷﻜﺮﺍﺍﺍ
ﻣﺤﻤﻮﺩ : ﻫﺒﻠﻪ ﺍﻧﻲ ﺣﺒﻴﺒﻚ ﻣﺎﺗﺸﻜﺮﻳﻨﻴﺶ
ﻧﻮﺍﻝ : ﻻﺑﻨﺸﻜﺮﻙ ﻻﻧﻚ ﺣﺒﻴﺒﻲ
ﻣﺤﻤﻮﺩ : ﻣﺎﺍﺭﻳﺘﺶ ﺍﻧﺴﺎﻧﻪ ﺗﺤﺐ ﺗﻌﺎﺍﺭﺽ ﻭﻋﻨﻴﺪﻩ ﺍﻛﺜﺮ ﻣﻨﻚ
ﻧﻮﺍﻝ : ﻫﻬﻬﻬﻬﻬﻪ ﻭﺍﻓﺘﺨﺮ ﻳﺎﻗﻠﺒﻲ
ﻣﺤﻤﻮﺩ : ﻫﻬﻬﻬﻪ ﻫﺒﻠﻪ ﻭﺑﺘﻬﺒﻠﻴﻨﻲ
ﻧﻮﺍﻝ : ﻫﻬﻬﻬﻬﻬﻪ
ﺑﻌﺪ ﺳﻜﺮﺕ ﻧﻮﺍﻝ ﺣﻮﻟﺖ ﺍﻟﻔﺴﺘﺎﻥ ﻭﺻﻮﺭﺗﻬﻮﻟﻪ ﻭﻫﻮ ﻣﺤﻄﻮﻁ ﻉ ﺍﻟﺴﺮﻳﺮ
ﻣﺤﻤﻮﻭﺩ ﺍﺗﺼﻞ ﻭﺑﺼﻮﺕ ﻋﺎﻟﻲ : ﺗﺤﺮﻗﻴﻴﻴﻠﻲ ﻓﻲ ﺩﻣﻲ ﺍﻧﺘﻲ ﻧﻮﺍﺍﺍﻝ ﺻﻮﺭﻱ ﻣﻦ ﻏﻴﺮ ﺣﺮﻕ ﺩﻡ ﻫﻴﺎﺍﺍﺍ ﻣﻦ ﺍﻟﻤﺤﻞ ﻭﺍﻧﻲ ﺧﺎﻃﺮﻱ ﻧﺸﻮﻓﻚ ﺑﻴﻪ
ﻧﻮﺍﻝ : ﻫﻬﻪ ﺑﺎﻩ ﺣﺎﺿﺮ ﻫﺎ ﺗﻮ ﻧﺒﻌﺖ ﺗﻮﺍ
ﻣﺤﻤﻮﺩ : ﺑﺎﻩ ﻫﻴﺎﺍ ، ﻃﻮﻁ ﻃﻮﻁ
ﻧﻮﺍﻝ : ﻫﻬﻬﻬﻬﻪ ﻭﺑﻌﺘﺘﻠﻪ ﺻﻮﺭﺓ ﺑﺎﻟﻘﻔﻄﺎﻥ
ﻣﺤﻤﻮﺩ ﻓﻲ ﺍﻟﺪﺭﺩﺷﺔ :
ﻧﻮﺍﻝ : ﻫﻬﻬﻬﻬﻪ ﻣﺠﻨﻮﻥ
ﻣﺤﻤﻮﺩ ﺍﺗﺼﻞ : ﻃﺮﺭﺭﺭﺭﻑ ﺣﺒﻴﺒﻲ
ﻭﻗﻌﺪﻭ ﻳﻬﺪﺭﺯﻭ ﻭﻣﺤﻤﻮﺩ ﺣﺎﻁ ﺍﻟﺴﻤﺎﻋﺎﺕ ﻭﻳﺘﻔﺮﺝ ﻉ ﺍﻟﺼﻮﺭﺓ ﻭﻳﻌﺎﻭﺩ ﻭﺑﻴﻬﺒﻞ ﻓﻴﻬﺎ
ﺑﻌﺪ ﻣﺎﺳﻜﺮﺕ
ﺍﻧﻲ ﻓﺘﺤﺖ ﺍﻟﺪﺍﺭ ﻭﺍﻧﺼﺪﻣﺖ ﺑﻨﻮﺍﻝ ﺍﻟﻲ ﻻﺑﺴﻪ ﻗﻔﻄﺎﻥ ﺍﻭﻝ ﻣﺮﺓ ﻧﺸﻮﻓﻪ
ﻧﻮﺍﻝ ﻭﺍﻗﻔﻪ ﻉ ﺍﻟﻤﺮﺍﻳﻪ ﻭﺗﻠﻒ : ﺷﻦ ﺭﺍﻳﻚ
ﺍﻧﻲ : ﻭﻳﻦ ﺍﻟﻘﻴﺘﻴﻪ ، ﻣﺎﺗﻘﻮﻟﻴﻠﻴﺶ ﻣﺤﻤﻮﺩ
ﻧﻮﺍﻝ : ﺍﻳﻪ ﻧﺠﻴﺒﻴﻪ ﻟﻴﺎ ﻳﺎﺍﺭﺑﻲ ﻭﺫﻭﻗﻪ ﺍﻟﻲ ﻳﻬﺒﻞ ، ﻗﻮﻟﻴﻠﻲ ﺣﻠﻮ ﻭﺍﻻ
ﺍﻧﻲ : ﺣﻠﻮ ﺍﻳﻪ ﻭﻃﺎﻟﻊ ﻋﻠﻴﻚ ﺣﻠﻮ ، ﻟﻜﻦ ﻳﺎﻧﻮﺍﻝ ﺍﺣﻨﻲ ﺷﻦ ﺗﻜﻠﻤﻨﺎ ﻓﻴﻪ ﺍﻟﻤﻮﺿﻮﻉ ﻫﺬﺍ ﻣﻦ ﻗﺒﻞ
ﻧﻮﺍﻝ : ﻳﺎﻧﻮﺳﻪ ﺍﺻﻼ ﻫﻮ ﻣﺪﻫﻮﻟﻲ ﻭﻣﺎﺍﻋﻄﺎﻧﻴﺶ ﺣﺘﻰ ﻓﺮﺻﻪ ﻧﻌﺎﺭﺽ ﻣﺶ ﺍﻧﻲ ﺍﻟﻲ ﻃﻠﺒﺘﻪ ﻭﺍﻛﻴﺪ ﻋﺎﺭﻓﺘﻴﻨﻲ ﻣﺎﻧﺪﻳﺮﺵ ﻫﻜﻲ
ﺍﻧﻲ : ﻋﺎﺭﻓﺎﺗﻚ ﺑﺲ ﺍﻧﺘﻲ ﺍﻛﻴﺪ ﻗﻠﺘﻲ ﺍﻧﻚ ﻣﺎﺣﺼﻠﺘﻴﺶ ﻗﻔﻄﺎﻥ
ﻧﻮﺍﻝ : ﻭﺍﻟﻠﻪ ﻣﺎﻗﺼﺪﻱ ﻫﻜﻲ ﺍﻧﻲ ﻫﻜﻲ ﺍﺣﻜﻴﺖ ﺑﺲ ﻻﻧﻲ ﻛﻨﺖ ﻣﺘﻌﻔﻠﻘﻪ
ﺍﻧﻲ : ﺑﺎﻩ ، ﻭﻟﻴﺘﻲ ﻃﺮﻑ ﻳﺎﻓﺮﺧﻪ
ﻧﻮﺍﻝ : ﻋﺎﺍﺭﻓﻪ ﺭﻭﺣﻲ
ﺍﻧﻲ : ﻳﺎﻋﻴﻨﻲ ﻉ ﺍﻟﺜﻘﻪ ، ﻫﻲ ﺗﻌﺎﻟﻲ ﺗﻐﺪﻱ
ﻭﻗﻌﻤﺰﻧﺎ ﺗﻐﺪﻳﻨﺎ ﻭﺑﻌﺪﻫﺎ ﺿﻤﻴﺖ ﺍﻟﻤﻄﺒﺦ ﺑﺴﺮﻋﻪ ﻭﻭﺗﻴﺖ ﺭﻭﺣﻲ ﺑﺴﺮﻋﻪ ﻭﺍﺗﺼﻠﺖ ﺑﻮﻟﻴﺪ ﺍﻧﻪ ﺑﻨﻄﻠﻌﻮ ﺗﻮﺍ
ﻭﺻﻠﻨﺎ ﻟﺤﻮﺵ ﻋﻤﺘﻲ ﻧﺰﻟﻨﺎ ﺍﻟﺒﺎﺏ ﺍﻟﺨﺎﺭﺟﻲ ﻛﺎﻥ ﻣﻔﺘﻮﺡ ﺧﺸﻴﻨﺎ ﻟﻠﺠﻨﺎﻥ ﻗﺎﺑﻠﺘﻨﺎ ﺳﻤﻴﻪ ﻣﺮﺕ ﺍﻧﻮﺭ ﺳﻠﻤﻨﺎ ﻋﻠﻴﻬﺎ ﺑﻌﺪﻫﺎ ﺧﺸﻴﻨﺎ ﺍﻟﺪﺍﺧﻞ ﺳﻠﻤﻨﺎ ﻋﻠﻲ ﻋﻤﺘﻲ ﻭﻋﻠﻴﺎ ﻭﻋﻤﺘﻬﻢ ﻛﺎﻧﺖ ﻋﻨﺪﻫﻢ
ﺍﻧﻲ ﻧﻀﺖ ﺑﻨﺨﺶ ﺍﻟﻤﻄﺒﺦ ﺑﻨﺸﺮﺏ ﻣﻴﻪ ﻭﻳﻘﺎﺑﻠﻨﻲ ﺍﻳﻤﻦ
ﺍﻳﻤﻦ : ﺍﻭﻭﻭﻭﻭﻩ ﺍﻟﻤﺸﻔﺸﻔﻪ ﺗﻲ ﻭﻳﻴﻴﻴﻦ ﻭﻳﻦ ﻫﻜﻲ ﺗﺘﺰﻭﺟﻲ ﻣﻌﺎﺵ ﺗﺪﻭﺭﻱ
ﺍﻧﻲ ﻗﺮﺑﺖ ﺳﻠﻤﺖ ﻋﻠﻴﻬﺎ : ﻫﻬﻬﻬﻬﻪ ﻟﻴﻚ ﻭﺣﺸﺔ ﺍﻫﻮ ﺣﺘﻰ ﺍﻧﺖ ﺑﺘﺘﺰﻭﺝ ﻭﺗﻨﺴﺎﻧﺎ
ﺍﻳﻤﻦ : ﺍﻧﺘﻲ ﺍﻟﻲ ﻧﺴﻴﺘﻲ ﺍﻧﻲ ﻧﺴﺎﻝ ﻋﻠﻴﻚ ﻭﺍﻧﺘﻲ ﺷﻲ ﺷﻲ ﻣﻐﻄﺴﺔ ﺑﻜﻞ
ﺍﻧﻲ : ﻫﻬﻬﻬﻪ ﻭﺍﻟﻠﻪ ﻛﻞ ﻣﺮﺓ ﺑﻨﺘﺼﻞ ﺑﻴﻚ ﻭﻧﻨﺴﻰ ، ﻛﻴﻒ ﺣﺎﻟﻚ ﻭﺷﻦ ﺟﻮﻙ
ﺍﻳﻤﻦ : ﺗﻤﺎﺍﻡ ﺍﻟﺤﻤﺪ ﻟﻠﻪ ﺍﻫﻮ ﺣﺎﻝ ﺍﻟﺒﻬﺪﻟﺔ ﺑﻴﻦ ﺗﺄﺛﻴﺚ ﺍﻟﺤﻮﺵ ﻭﺍﻟﺨﺪﻣﻪ ﻭﺍﻟﺘﻮﺗﻲ
ﺍﻧﻲ : ﺭﺑﻲ ﻳﻌﺎﻭﻥ ﺍﻥ ﺷﺎﺀ ﺍﻟﻠﻪ ، ﻛﻤﻠﺖ ﻭﺍﻻ
ﺍﻳﻤﻦ : ﺍﻳﻪ ﻻ ﻛﻞ ﺷﻲ ﺗﻤﺎﻡ ﻣﺰﺍﻝ ﺩﺍﺭ ﺍﻟﻨﻮﻡ ﺑﺲ ﻏﺪﻭﺓ ﺗﻮﺻﻞ ﺍﻥ ﺷﺎﺀ ﺍﻟﻠﻪ
ﺍﻧﻲ : ﻋﻠﻲ ﺧﻴﺮ ﺍﻥ ﺷﺎﺀ ﺍﻟﻠﻪ
ﻭﻗﻌﺪﺕ ﻧﻬﺪﺭﺯ ﻣﻊ ﺍﻳﻤﻦ ﻣﺴﺘﺎﺍﺣﺸﺎﺗﻪ ﻫﻠﺒﺎﺍﺍ ﻗﺪﺍﺵ ﻟﻴﺎ ﻋﻠﻴﻪ
،،،،،،،،،
ﺛﺎﻧﻲ ﻳﻮﻡ ﺍﻣﺸﻴﺖ ﻟﻬﺎﺟﺮ ﻭﺍﻭﻝ ﻣﺎﺧﺸﻴﺖ
ﻫﺎﺟﺮ ﺟﺎﻳﻪ ﺟﻴﻬﺘﻲ ﻭﺍﺿﺒﻄﺘﻨﻲ : ﻛﻠﺒﻪ ﻭﺍﻟﻠﻪ ﺍﺳﺘﺎﺍﺍﺍﺣﺸﺘﻚ
ﺍﻧﻲ : ﻫﻬﻬﻬﻪ ﺣﺘﻰ ﺍﻧﻲ ﺷﻦ ﺟﻮﻙ ﻳﺎﻋﺮﻭﺳﺘﻨﺎ ﻭﺷﻦ ﻛﻤﻠﺘﻲ ﻛﻞ ﺷﻲ
ﻫﺎﺟﺮ : ﻛﻞ ﺷﻲ ﻭﺍﺗﻲ ﻟﻜﻦ ﺧﺎﻳﻔﻪ ﺗﻜﻮﻥ ﺣﺎﺟﺔ ﻧﺎﻗﺼﻪ
ﺍﻧﻲ : ﻻﻻ ﻣﺎﺗﺨﺎﻓﻴﺶ ﻣﻦ ﺍﻟﺘﻮﺗﺮ ﺑﺲ ﻭﺍﻥ ﺷﺎﺀ ﺍﻟﻠﻪ ﻛﻞ ﺷﻲ ﻳﻤﺸﻲ ﺗﻤﺎﻡ
ﻫﺎﺟﺮ : ﺍﻥ ﺷﺎﺀ ﺍﻟﻠﻪ ﺗﻌﺮﻓﻲ ﻛﺎﻥ ﻧﻘﻮﻟﻚ ﻣﻮﻟﻴﻪ ﻋﺼﺒﻴﻪ ﺑﻜﻞ ﺣﺘﻰ ﺍﻳﻤﻦ ﻣﺶ ﻣﺘﺤﻤﻼﺗﻪ ﻣﻦ ﻛﺜﺮ ﺍﻟﺘﻮﺗﺮ
ﺍﻧﻲ : ﻫﻬﻬﻬﻬﻬﻬﻪ ﻳﺎﻋﻠﻴﻚ ﻫﺒﻠﻪ ، ﺍﻣﺲ ﻗﺎﻟﻲ ﻣﻮﻟﻴﺔ ﻣﻬﺒﻮﻟﻪ ﺷﻜﻠﻲ ﺑﻨﺘﺮﺍﺟﻊ
ﻫﺎﺟﺮ : ﻫﻬﻬﻬﻬﻬﻪ ﻳﺘﺮﺍﺟﻊ ﻋﻴﻨﻪ
ﺍﻧﻲ : ﻫﻬﻬﻬﻬﻪ ﺍﻣﺲ ﻣﺸﻴﺘﻠﻬﻢ ﻭﺣﻜﺎﻟﻲ ﻗﺎﻟﻲ ﻗﺒﻞ ﺷﻮﻳﺔ ﻛﺎﻧﺖ ﺗﻌﺎﺭﻙ ﻋﻠﻲ ﺷﻨﻮ ﻫﻮ ﻣﺶ ﻋﺎﺭﻑ ﺍﺻﻼ ﻋﻠﻲ ﺷﻦ ﺗﻌﺎﺭﻛﻲ
ﻫﺎﺟﺮ : ﻫﻬﻬﻬﻬﻬﻬﻬﻬﻬﻬﻬﻬﻬﻬﻪ ﻫﻮ ﻗﺎﻟﻲ ﺩﺍﺭ ﺍﻟﻨﻮﻡ ﻗﺎﻋﺪﻩ ﺑﺘﺘﺎﺧﺮ ﻭﺍﻧﻲ ﻗﻌﺪﺕ ﻧﻘﻮﻟﻪ ﻛﻴﻴﻒ ﺩﺍﺭ ﺍﻟﻨﻮﻡ ﻣﺎﺗﺠﻴﺶ ﻭﻭﻳﻦ ﺑﻨﺮﻗﺪﻭﻭ ﻭﻛﻴﻒ ﻭﻫﻮ ﻳﻘﻮﻟﻲ ﺑﺘﺠﻲ ﻏﺪﻭﺓ ﻭﺍﻧﻲ ﻭﻻﻛﺎﺍﻧﻲ ﻧﺴﻤﻊ ﻗﺎﻋﺪﻩ ﻧﻘﻮﻟﻪ ﻭﻳﻦ ﺑﻨﺮﻗﺪﻭ
ﺍﻧﻲ : ﻫﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻪ ﻳﻨﺎﺭﻱ ﻋﻠﻴﻚ ﻳﺎﺍﻳﻤﻦ
ﻫﺎﺟﺮ : ﺗﻌﺮﻓﻲ ﻗﻌﺪ ﻳﻀﺤﻚ ﻫﻮ ﻓﻲ ﺍﻻﺧﻴﺮ ﻭﺍﻧﻲ ﻣﺘﻜﻨﻄﻴﺔ ﻟﻜﻦ ﺑﻌﺪ ﻣﺎﺳﻜﺮﺕ ﻗﻌﺪﺕ ﻧﺘﻔﻜﺮ ﻭﻧﻀﺤﻚ ﻋﻠﻲ ﺭﻭﺣﻲ ﻣﺎﻋﺮﻓﺘﺶ ﺷﻦ ﺻﺎﻳﺮﻟﻲ
ﺍﻧﻲ : ﻫﻬﻬﻬﻬﻬﻬﻬﻬﻬﻬﻪ ﻫﺒﻠﺔ
ﻗﻌﺪﺕ ﻧﻬﺪﺭﺯ ﺍﻧﻲ ﻭﻫﺎﺟﺮ ﻭﺗﻌﺸﻴﺖ ﻋﻨﺪﻫﻢ ﺑﻌﺪﻫﺎ ﺟﺎﻧﻲ ﻭﻟﻴﺪ ﻭﺭﻭﺣﺖ
،،،،،،،
ﻓﺎﺗﻮ ﺍﻳﺎﻡ ﺍﻟﻌﺮﺱ ﻋﻠﻲ ﺧﻴﺮ ﻭﻛﻨﺖ ﻧﻤﺸﻲ ﻳﻮﻡ ﻟﺤﻮﺵ ﻋﻤﺘﻲ ﻭﻳﻮﻡ ﻟﻬﺎﺟﺮ ﻟﺤﺪ ﺍﻟﺤﻔﻠﻪ ﻛﺎﻧﺖ ﺣﻔﻠﻪ ﻣﺸﺘﺮﻛﺔ ﺩﺍﻳﺮﻳﻨﻬﺎ
ﺍﻧﻲ ﻋﻠﻲ ﺍﻟﺘﻠﻴﻔﻮﻥ : ﺷﻨﻮ ﻫﺠﻮﻭﺭﺓ ﺍﻣﺸﻴﺘﻲ ﻟﻠﻤﺰﻳﻦ
ﻫﺎﺟﺮ : ﺍﻳﻪ ﺍﻧﻲ ﻓﻲ ﺍﻟﻤﺰﻳﻦ ﺑﻌﺪ ﺷﻮﻳﺔ ﺑﺘﺒﺪﺍ ﻓﻴﺎ
ﺍﻧﻲ : ﺑﺎﻩ ﺍﻗﺮﻱ ﺍﻟﻤﻌﻮﺫﺍﺕ ﻭﺧﻠﻴﻚ ﻫﺎﺩﻳﺔ ﻣﺎﺗﺘﻮﺗﺮﻳﺶ ﻭﺍﻧﻲ ﺑﻨﺠﻲ ﻧﻤﻜﻴﺞ ﻓﻲ ﻧﻔﺲ ﺍﻟﻤﺰﻳﻦ ﺑﺘﺎﻋﻚ
ﻫﺎﺟﺮ : ﺑﺎﻫﻲ
،،،
ﻭﻟﻴﺪ : ﺷﻦ ﻧﻮﺳﻪ ﻭﺍﺗﻴﻪ
ﺍﻧﻲ : ﺍﻳﻪ ﺷﻮﻳﺔ ﻧﻠﺒﺲ ﻋﺒﺎﻳﺘﻲ ﺑﺲ
ﻭﻟﻴﺪ : ﺑﺎﻩ ﻫﻲ ﺑﺴﺮﻋﻪ ﻻﻥ ﻭﻗﺖ ﻋﻠﻴﺎ ﺭﺍﻫﻮ
ﺍﻧﻲ : ﺑﺎﻩ ﺣﺎﺿﺮ
ﻟﺒﺴﺖ ﻋﺒﺎﻳﺘﻲ ﻭﻃﻠﻌﺖ ﺑﺴﺮﻋﻪ ، ﺍﻣﺸﻴﺖ ﻟﻠﻤﺰﻳﻦ ﻟﻤﺎ ﺧﺸﻴﺖ ﻛﺎﻧﺖ ﻫﺎﺟﺮ ﺗﻤﻜﻴﺠﻠﻬﺎ ﻓﻤﺎﺷﻔﺘﻬﺎﺵ
،،،،،،،،،
ﻣﻊ ﺍﻟﺴﺎﻋﻪ 6 ﻛﺎﻧﺖ ﻫﺎﺟﺮ ﻭﺍﺗﻴﻪ ﻭﺣﺘﻰ ﺍﻧﻲ ﻛﻴﻒ ﻛﻤﻠﺘﻠﻲ
ﻫﺎﺟﺮ ﺟﺎﻫﺎ ﺧﻮﻫﺎ ﺭﻓﻌﻬﺎ ﻭﺍﻧﻲ ﻗﻌﺪﺕ ﻧﺮﺍﺟﻲ ﻓﻲ ﻭﻟﻴﺪ
ﻭﻟﻴﺪ : ﻭﻳﻦ ﻧﺮﻓﻌﻚ ﺗﻮﺍ
ﺍﻧﻲ : ﻟﻠﺤﻮﺵ ﺣﺒﻴﺒﻲ ﺑﻨﻠﺒﺲ ﺑﻌﺪﻫﺎ ﻧﻤﺸﻮ ﻟﻠﺼﺎﻟﺔ
ﻭﻟﻴﺪ : ﻭﻳﻦ ﻫﻲ ﺍﻟﺼﺎﻟﺔ
ﺍﻧﻲ : ﻗﺮﻳﺒﻪ ﻣﻦ ﺣﻮﺷﻨﺎ
ﻭﺻﻠﻨﺎ ﻟﻠﺤﻮﺵ ﻧﺰﻟﻨﺎ ﺭﻛﺒﻨﺎ ﻭﺍﻭﻝ ﻣﺎﺧﺸﻴﻨﺎ ﻟﻠﺸﻘﻪ
ﺍﻧﻲ ﻣﻐﻄﻴﻪ ﻭﺟﻬﻲ : ﺍﻧﺖ ﺍﻗﻌﺪ ﺍﻫﻨﻲ ﻣﺎﺗﺨﺸﺶ ﻟﻠﺪﺍﺭ ﻧﻮﺗﻲ ﺭﻭﺣﻲ ﺑﻌﺪﻫﺎ ﻧﺨﻠﻴﻚ ﺗﺸﻮﻓﻨﻲ
ﻭﻟﻴﺪ : ﻫﻬﻬﻬﻬﻪ ﺑﺎﻩ ﻏﻴﺮ ﻭﺭﻳﻨﻲ ﻭﺟﻬﻚ
ﺍﻧﻲ ﺗﻠﻔﺘﺖ : ﻻﻻ ﺧﻠﻴﻪ ﻣﻔﺎﺟﺌﺔ ﻣﻊ ﺍﻟﻘﻔﻄﺎﻥ
ﻭﻟﻴﺪ : ﻫﻬﻬﻬﻬﻪ ﺑﺎﻩ ﻫﻲ ﻳﺎﻫﺒﻠﺔ ﺑﺴﺮﻋﻪ ﻣﺎﻋﻨﺪﻳﺶ ﺻﺒﺮ
ﺍﻧﻲ ﺧﺸﻴﺖ ﻟﻠﺪﺍﺭ ﻭﺳﻜﺮﺕ ﻟﺒﺴﺖ ﺍﻟﻘﻔﻄﺎﻥ ﻭﻭﺳﻴﺖ ﺭﻭﺣﻲ ، ﻛﺎﻥ ﻗﻔﻄﺎﻧﻲ ﺍﺣﻤﺮ ﻭﻗﻤﺖ ﺷﻌﺮﻱ ﺗﺴﺮﻳﺤﺔ ﻓﻮﻕ ﻭﻓﻴﻬﺎ ﺗﺎﺝ ﺑﺴﻴﻂ ﻭﻣﻜﻴﺎﺝ ﺣﻠﻮ ﻟﻴﻦ ﻗﻠﺖ ﺷﻜﻠﻲ ﻣﺶ ﺍﻧﻲ ﻭﻭﺳﻴﺖ ﺭﻭﺟﻲ ﻭﻓﺘﺤﺖ ﺑﺎﺏ ﺍﻟﺪﺍﺭ
ﻭﻟﻴﺪ ﻛﺎﻥ ﻣﺘﻜﻲ ﻉ ﺍﻟﺤﻴﻂ ﻗﺪﺍﻡ ﺍﻟﺪﺍﺭ ﻭﺍﻭﻝ ﻣﺎﻓﺘﺤﺖ ﺍﻟﺒﺎﺏ ﻭﻗﻒ ﻭﻗﺮﺏ ﻣﻦ ﺍﻟﺒﺎﺏ
ﺍﻧﻲ : ﻫﻬﻬﻬﻪ ﺍﺣﻤﻢ ﺍﺣﻢ ﻫﺎ ﻗﻮﻟﻲ ﺷﻦ ﺭﺍﻳﻚ
ﻭﻟﻴﺪ ﻭﻗﺮﺏ ﻣﻨﻲ : ﺷﻦ ﺍﻟﺤﻼﻭﺓ ﻫﺎﺍﺩﻱ ﺑﺲ ﻭﻳﻦ ﻣﺎﺷﻴﻪ ﺑﻴﻴﻬﺎﺍ
ﺍﻧﻲ : ﻫﻬﻬﻪ ﺑﺠﺪ ﺣﻠﻮ ؟
ﻭﻟﻴﺪ : ﻋﺴﺴﻞ ، ﻭﺑﺎﺳﻨﻲ
ﺍﻧﻲ
ﻭﻟﻴﺪ : ﻣﺎﻓﻴﺶ ﻋﺮﺱ ﻗﺎﻟﻮ ﻣﺎﺻﺎﺭﺵ
ﺍﻧﻲ : ﻫﻬﻬﻬﻬﻪ
ﻭﻟﻴﺪ : ﺧﻼﺹ ﺑﻨﻘﻌﺪﻭ ﻓﻲ ﺍﻟﺤﻮﺵ
ﺍﻧﻲ : ﻫﻬﻬﻬﻬﻪ ﻣﺠﻨﻮﻧﻲ ﺑﻨﺘﺎﺧﺮﻭ ﻫﻴﺎ
ﻭﻟﻴﺪ : ﻧﻮﻭﺳﺘﻲ ﻗﺎﻟﻮ ﻣﺼﺎﺭﺵ ﺧﻼﺹ ﻗﺎﻟﻮ ﻗﻮﻝ ﻟﻨﻮﺳﻪ ﺗﻘﻌﺪ ﻓﻲ ﺍﻟﺤﻮﺵ ﻭﻳﻘﻌﺪ ﻭﻟﻴﺪ ﻳﺘﻔﺮﺝ ﻋﻠﻴﻬﺎ ﻭﻋﻠﻲ ﻫﺎﻟﺠﻤﺎﻝ ﺍﻟﻌﺴﻞ
ﺍﻧﻲ : ﻫﻬﻬﻬﻪ ، ﻭﺑﺴﺘﻪ
ﻭﻟﻴﺪ : ﺍﻧﺘﻲ ﺗﺰﻳﺪﻱ ﺗﻨﺎﺷﺒﻲ ﺭﺍﻫﻮ
ﺍﻧﻲ : ﻫﻬﻬﻬﻬﻪ ﻫﻲ ﺍﻧﻲ ﺑﻨﻠﺒﺲ ﻋﺒﺎﻳﺘﻲ ﻭﻟﻔﻴﺖ ﻭﺍﻧﻲ ﻧﻀﺤﻚ ﻋﻠﻴﻪ
ﻟﺒﺴﺖ ﻋﺒﺎﻳﺘﻲ ﻭﻃﻠﻌﺖ ﻭﺭﻛﺒﺖ ﺍﻟﺴﻴﺎﺭﺓ
ﻭﻟﻴﺪ ﺷﺪ ﻳﺪﻱ ﻭﺣﻄﻬﺎ ﺍﻟﻤﺎﺭﺷﺎ ﻭﺣﻂ ﻳﺪﻩ ﻓﻮﻗﻬﺎ ﻭﻗﻌﺪ ﻛﻞ ﺷﻮﻱ ﻳﻘﻴﻤﻬﺎ ﻳﺒﻮﺳﻬﺎ
،،،،،،
ﻭﺻﻠﺖ ﺍﻟﺼﺎﻟﻪ ﺧﺸﻴﺖ ﺣﻮﻟﺖ ﺍﻟﻜﺎﺏ ﻭﻭﺳﻴﺖ ﺭﻭﺣﻲ ﻭﺧﺸﻴﺖ ﻟﻤﻤﺮ ﺍﻟﺼﺎﻟﺔ ﻣﺘﻮﺟﻬﺔ ﻟﺠﻬﺔ ﻃﺎﻭﻟﻪ ﻣﺎﻣﺎ ﻭﻋﻤﺘﻲ ﺍﻟﻲ ﺷﻔﺘﻬﻢ ﻣﻦ ﺑﻌﻴﺪ
ﺍﻧﻲ ﻗﺮﺑﺖ ﻣﻦ ﻋﻤﺘﻲ ﻭﺳﻠﻤﺖ ﻋﻠﻴﻬﺎ : ﺍﻟﻒ ﻣﺒﺮﻭﻙ ﺭﺑﻲ ﻳﻬﻨﻴﻬﻢ ﻋﻘﺒﺎﻝ ﻟﻌﻠﻴﺎ
ﻋﻤﺘﻲ : ﺍﻥ ﺷﺎﺀ ﺍﻟﻠﻪ ﺍﻟﻠﻪ ﻳﺒﺎﺭﻙ ﻓﻴﻚ ﻳﺎﺑﻨﻴﺘﻲ ، ﻛﻴﻒ ﺣﺎﻟﻚ ﻭﺣﺎﻝ ﺭﺍﺟﻠﻚ
ﺍﻧﻲ : ﺍﻟﺤﻤﺪ ﻟﻠﻪ ﺑﺨﻴﺮ ﻭﺍﻟﻠﻪ
ﺳﻠﻤﺖ ﻋﻠﻲ ﻣﺎﻣﺎ ﻭﺍﺧﻮﺍﺗﻲ ﻭﻋﻠﻴﺎ ﻭﺑﻌﺪﻫﺎ ﻗﻌﺪﺕ ﻧﺴﻠﻢ ﻋﻠﻲ ﻧﻌﺮﻓﻬﻢ ﻭﺳﻠﻤﺖ ﻋﻠﻲ ﺍﻡ ﻫﺎﺟﺮ ﻭﺍﺧﺘﻬﺎ
ﻗﻌﻤﺰﺕ ﺟﻨﺐ ﻣﺎﻣﺎ ﻭﻗﻌﺪﻧﺎ ﻧﺮﺍﺟﻮ ﻓﻲ ﻫﺎﺟﺮ ﻭﺑﻌﺪ ﻧﺺ ﺳﺎﻋﻪ ﻫﻜﻲ ﻫﺎﺟﺮ ﺟﺖ ﻧﻀﺖ ﻣﺘﻮﺟﻬﺔ ﻟﺠﻬﺔ ﺩﺍﺭ ﺍﻟﻌﺮﻭﺳﻪ
ﺍﻧﻲ ﺧﺎﺷﻪ ﻟﻠﺪﺍﺭ : ﺭﻭﺭﻭﺭﻭﺭﻱ ﺣﺒﻴﺒﺘﻲ ﺍﻧﺘﻲ ﺍﻟﻒ ﻣﺒﺮﻭﻭﻙ
ﻫﺎﺟﺮ ﺑﺘﻮﺗﺮ : ﻳﺒﺎﺍﺭﻙ ﻓﻴﻚ ، ﻧﻮﺳﻪ ﺷﻮﻓﻴﻨﻲ ﺣﻠﻮﺓ
ﺍﻧﻲ : ﻣﻦ ﺍﻟﻤﺰﻳﻦ ﻗﻠﺘﻠﻚ ﻃﺎﻟﻌﻪ ﺗﻬﺒﻠﻲ ﻭﺍﻟﻠﻪ ﻣﺎﺷﺎﺀ ﺍﻟﻠﻪ ﻋﻠﻴﻚ
ﻫﺎﺟﺮ ﺗﺘﻠﻔﺖ ﻟﻤﻨﻰ ﺍﺧﺘﻬﺎ : ﻣﻨﻮ ﺣﻠﻮﺓ ؟
ﻣﻨﻰ : ﺗﻬﺒﻠﻲ ﻣﺶ ﺑﺲ ﺣﻠﻮﺓ ، ﻣﺎﺗﺘﻮﺗﺮﻳﺶ ﺑﺲ ﻭﺧﻠﻴﻚ ﻫﺎﺩﻳﻪ ﻭﺍﻗﺮﻱ ﺍﻟﻤﻌﻮﺫﺍﺕ
ﺯﻓﻴﻨﺎ ﻫﺎﺟﺮ ﻭﻗﻌﻤﺰﺕ ﻉ ﺍﻟﻜﻮﺷﺔ ﻭﺑﻌﺪﻫﺎ ﺗﻌﺸﻮ ﺍﻟﻤﻌﺎﺯﻳﻢ ﻭﺟﻲ ﺍﻟﻮﻗﺖ ﺍﻟﻲ ﺑﻴﺨﺶ ﻓﻴﻪ ﺍﻳﻤﻦ
ﻫﺎﺟﺮ ﻭﻗﻔﺖ ﻭﻗﻌﺪﺕ ﻣﺘﺮﻗﺒﻪ ﻭﻣﺘﻮﺗﺮﺓ ﻫﻠﺒﺎ
ﻋﻤﺘﻲ ﺍﻣﺸﺖ ﻻﻳﻤﻦ ﻫﻲ ﺍﻟﻲ ﺑﺘﺪﺭﺟﻪ
ﺍﻳﻤﻦ ﻛﺎﻥ ﻫﺎﺩﻱ ﻋﻜﺲ ﻫﺎﺟﺮ ﺍﻟﻲ ﺣﺎﺳﻪ ﺭﻭﺣﻲ ﺑﺘﻄﻴﺢ ، ﻭﻛﺎﻥ ﻃﻠﻊ ﺟﻨﺘﻞ ﻭﻃﺮﻑ
ﺍﻳﻤﻦ ﻳﻤﺸﻲ ﻓﻲ ﺍﻟﻤﻤﺮ ﻭﻣﺘﺤﺸﻢ ﺷﻮﻳﺔ ﻭﻛﺎﻥ ﻣﺒﺘﺴﻢ ﻟﻬﺎﺟﺮ ﻣﻦ ﺑﻌﻴﺪ ﻭﺻﻞ ﻗﺪﺍﻡ ﻫﺎﺟﺮ ﺑﺎﻟﻀﺒﻂ ﺳﻠﻢ ﻋﻠﻴﻬﺎ ﺑﺎﻟﺨﺪ ﻭﺑﺎﺱ ﺭﺍﺳﻬﺎ
ﻗﺼﻮ ﺍﻟﺘﻮﺭﺗﻪ ﻭﺻﻮﺭﻭ ﻣﻊ ﺑﻌﺾ ﻭﻏﻴﺮﻭ ﺍﻟﺪﺑﻞ ﻭﺭﻗﺼﻮ ﺣﺘﻰ ﻭﻛﺎﻧﻮ ﻳﻬﺒﻠﻮ ﻭﻣﺎﺷﻴﻴﻦ ﻣﻊ ﺑﻌﺾ
ﺟﻲ ﺍﻟﻮﻗﺖ ﺍﻟﻲ ﺑﻴﻄﻠﻌﻮ ﻓﻴﻪ ﻣﻦ ﺍﻟﺼﺎﻟﻪ ﺳﺎﻋﺪﺗﻬﺎ ﻓﻲ ﻟﺒﺴﻪ ﺍﻟﻜﺎﺏ ﻭﺳﻠﻤﺖ ﻋﻠﻴﻬﺎ ﻭﻃﻠﻌﺘﻬﺎ ﺑﺴﺮﻋﻪ ﻣﺎﺣﺒﻴﺘﺶ ﺗﻘﻌﺪ ﺗﺒﻜﻲ ﻣﻊ ﺍﺧﺘﻬﺎ ﻭﺍﻣﻬﺎ ﺍﻟﻲ ﻛﺎﻧﻮ ﺩﺍﻳﺮﻳﻦ ﻣﻨﺎﺣﺔ ﺍﺣﺮﻑ ﻣﻦ ﻣﻨﺎﺣﺔ ﻣﺎﻣﺎ ﻭﺍﺧﻮﺍﺗﻲ ﻳﻮﻡ ﺣﻔﻠﺘﻲ
ﻫﺎﺟﺮ ﺍﻭﻝ ﻣﺎﻃﻠﻌﺖ ﻗﺎﻣﺖ ﺭﺍﺳﻬﺎ ﻛﺎﻧﺖ ﺑﺘﺸﻮﻑ ﺍﻣﺎ ﺳﻴﺎﺭﻩ ﺗﺮﻛﺐ ﻭﻗﺎﻣﺖ ﺍﻟﻜﺎﺏ ﺷﻮﻱ ﻣﻦ ﻋﻠﻲ ﻋﻴﻮﻧﻬﺎ ﻭﺗﺠﻲ ﻋﻴﻨﻬﺎ ﻓﻲ ﻋﻴﻦ ﺷﺨﺺ ﻛﺎﻥ ﻣﻘﻌﻤﺰ ﻓﻲ ﺳﻴﺎﺭﺗﻪ ﻭﻳﺸﻮﻓﻠﻬﺎ ﺑﺘﺤﺴﺮ
ﻣﻮﺳﻰ ﻟﻤﺎ ﺳﻤﻊ ﺑﻌﺮﺳﻬﺎ ﺟﻲ ﻗﺪﺍﻡ ﺻﺎﻟﺔ ﺣﻔﻠﺘﻬﺎ ﻛﺎﻥ ﻳﺸﻮﻓﻠﻬﺎ ﻭﻫﻲ ﺷﺎﺩﻩ ﻓﻲ ﻳﺪ ﺍﻳﻤﻦ ﻭﻳﺘﺤﺴﺮ ﻋﻠﻲ ﺍﻛﺜﺮ ﻭﺣﺪﺓ ﺣﺒﻬﺎ ﻭﺧﺴﺮﻫﺎ ﻭﻫﻮ ﻛﺎﻥ ﺍﻟﺴﺒﺐ ﻓﻲ ﺿﻴﺎﻋﻬﺎ
ﻫﺎﺟﺮ ﻧﺰﻟﺖ ﺭﺍﺳﻬﺎ ﻭﻛﻤﻠﺖ ﺍﻟﻄﺮﻳﻖ ﻟﻠﺴﻴﺎﺭﻩ ﻭﺭﻛﺒﺖ ﻭﺭﻛﺐ ﺟﻨﺒﻬﺎ ﺍﻳﻤﻦ ﻭﺍﻣﺸﻮ ﻟﺤﻮﺷﻬﻢ
ﻭﻛﺎﻧﺖ ﻣﻦ ﺍﺣﻠﻰ ﻟﻴﺎﻟﻴﻬﻢ
،،،،،،،،،
ﻣﺮﻭ ﺧﻤﺲ ﺷﻬﻮﺭ
ﻫﺎﺟﺮ ﻭﺍﻳﻤﻦ ﺑﻌﺪ ﺯﻭﺍﺟﻬﻢ ﺍﻣﺸﻮ ﺷﻬﺮ ﻋﺴﻞ ﻟﺒﺎﺭﻳﺲ ﻭﻗﻀﻮ ﺍﺣﻠﻰ ﻭﻗﺖ ﻣﻊ ﺑﻌﺾ ﻭﺣﺒﻬﻢ ﻛﻞ ﻳﻮﻡ ﻳﺰﻳﺪ ﻭﻓﺮﺣﺎﻧﺘﻠﻬﻢ ﻫﻠﺒﺎ ﻭﺣﺘﻰ ﺍﻧﻪ ﻫﺎﺟﺮ ﺣﺎﻣﻞ ﺗﻮﺍ
ﻭﻓﺎﺀ ﺯﺍﺩﺕ ﻋﻠﻴﻬﺎ ﺑﻨﻮﺗﻪ ﻭﺳﻤﺘﻬﺎ ﺑﺘﻮﻝ ﻭﻋﺴﻞ ﺯﻳﻬﺎ
ﻧﻮﺍﻝ ﻭﻣﺤﻤﻮﺩ ﻗﺎﻋﺪﻳﻦ ﻛﻴﻒ ﻣﺎﻫﻤﺎ ﻭﻋﻼﻗﺘﻬﻢ ﻛﻮﻳﺴﻪ ﻣﺤﻤﻮﺩ ﻳﺒﻲ ﻳﺪﻳﺮ ﺧﻄﻮﺓ ﺭﺳﻤﻴﻪ ﺑﺲ ﻟﻤﺎ ﻧﻮﺍﻝ ﺍﺣﻜﺖ ﻟﻤﺎﻣﺎ ﻣﺎﻣﺎ ﺭﻓﻀﺖ ﺗﺸﻮﻑ ﻓﻴﻬﺎ ﻗﺎﻋﺪﻩ ﺻﻐﻴﺮﺓ
ﻧﻮﺭﺱ ﻭﻋﺪﻧﺎﻥ ﻋﺴﻞ ﺍﻻﺗﻨﻴﻦ
ﺍﻧﻲ ﻭﻭﻟﻴﺪ ﻋﻼﻗﺘﻨﺎ ﻗﺎﻋﺪﻩ ﺣﻠﻮﺓ ﻭﻣﺘﻔﺎﻫﻤﻴﻦ ﺍﻻ ﺍﻧﻪ ﺍﻧﻲ ﻗﺼﺔ ﺍﻟﺤﻤﻞ ﺑﺪﺕ ﺗﻀﺎﻳﻖ ﻓﻴﺎ ﻫﻠﺒﺎ ﻭﺍﻟﻤﻮﺿﻮﻉ ﻣﻨﺮﻓﺰﻧﻲ
ﻭﻗﺒﻞ ﻳﻮﻡ ﻋﻴﺪ ﺯﻭﺍﺟﻨﺎ ﺑﻴﻮﻡ
ﺍﻧﻲ : ﻭﻟﻴﺪ ﺣﺒﻴﺒﻲ ﻋﻴﻮﻧﻲ
ﻭﻟﻴﺪ : ﻧﻌﻢ
ﺍﻧﻲ : ﺑﻴﺒﻲ ﺑﻨﻄﻠﺐ ﻃﻠﺐ ﻣﺎﺗﺮﻓﻀﻬﻮﻟﻴﺶ ﺍﺭﺟﻮﻭﻙ
ﻭﻟﻴﺪ : ﺷﻨﻮ
ﺍﻧﻲ : ﻧﺒﻲ ﻧﻤﺸﻲ ﻧﻌﺎﻳﻦ ﻏﺪﻭﺓ
ﻭﻟﻴﺪ ﺗﻠﻔﺘﻠﻲ : ﻋﻼﺵ ﺷﻦ ﺗﺤﺴﻲ ﻣﺮﻳﻀﻪ ﻣﻦ ﺣﺎﺟﺔ
ﺍﻧﻲ : ﻻ ﺣﺒﻴﺒﻲ ﻣﺎﻧﺤﺲ ﺑﺸﻲ ﺑﺲ ﻫﻜﻲ ﻛﺸﻒ ﻳﻌﻨﻲ
ﻭﻟﻴﺪ : ﺣﺒﻴﺒﺘﻲ ﻗﺎﻋﺪﻩ ﻋﻠﻲ ﻧﻔﺲ ﺍﻟﻤﻮﺿﻮﻉ ﻭﺍﻻ
ﺍﻧﻲ : ﻳﺎﺣﺒﻴﺒﻲ ﺍﻟﻨﺎﺱ ﻟﻤﺎ ﻳﺪﻭﻭ ﻭﺍﻟﻠﻪ ﺭﻛﺒﻮﻧﻲ ﺍﻟﺸﻚ ﺗﻮﺍ ﺑﻨﺴﻜﺮﻭ ﺳﻨﻪ ﻣﺘﺰﻭﺟﻴﻦ ﻭﻭﻓﺎﺀ ﺟﺎﺑﺖ ﺑﻨﻮﺗﻪ ﻋﺴﻞ ﺣﺘﻰ ﺍﻧﻲ ﻧﺒﻲ ﺑﻴﺒﻲ
ﻭﻟﻴﺪ : ﺑﺎﻩ ﺷﻮﻓﻲ ﺩﻛﺘﻮﺭﻩ ﻭﺧﻮﺩﻱ ﻣﻮﻋﺪ ﻏﺪﻭﺓ ﺑﻴﺶ ﺗﺮﺗﺎﺣﻲ ﺑﺲ
ﺍﻧﻲ ﺑﺴﺘﻪ ﻋﻠﻲ ﺧﺪﻩ : ﻧﺤﺒﺒﺒﻚ ﻳﺎﺍﺣﻠﻰ ﺭﺍﺟﻞ ﻓﻲ ﺍﻟﺪﻧﻴﺎ ﻛﻠﻬﺎ ، ﻭﻧﻀﺖ ﻧﺠﺮﻱ ﺟﺒﺖ ﺍﻟﻤﻮﺑﺎﻳﻞ ﻭﺧﺪﻳﺖ ﻣﻮﻋﺪ ﻓﻲ ﻋﻴﺎﺩﻩ ﻏﺪﻭﺓ
،،،،،،،
ﺛﺎﻧﻲ ﻳﻮﻡ
ﻧﻮﺗﻲ ﻓﻲ ﺭﻭﺣﻲ ﺑﻨﻄﻠﻊ ﻟﻠﻌﻴﺎﺩﻩ ﻭﻭﻟﻴﺪ ﻣﺶ ﺭﺍﺿﻲ ﻫﻠﺒﺎ ﻟﺒﺴﺖ ﻭﻃﻠﻌﺖ ، ﻭﺻﻠﺖ ﺍﻟﻤﺴﺘﺸﻔﻰ ﻭﻗﻌﺪﺕ ﻧﺮﺍﺟﻲ ﻳﺠﻔﻲ ﺩﻭﺭﻱ ﻟﺤﺪ ﻣﺎﺟﻲ ﺩﻭﺭﻱ
ﺍﻧﻲ : ﺍﻟﺴﻼﻡ ﻋﻠﻴﻜﻢ
ﺍﻟﺪﻛﺘﻮﺭﺓ : ﻭﻋﻠﻴﻜﻢ ﺍﻟﺴﻼﻡ
ﻭﻟﻴﺪ ﻳﺨﺶ ﻭﺭﺍﻱ : ﺍﻟﺴﻼﻡ ﻋﻠﻴﻜﻢ
ﺍﻟﺪﻛﺘﻮﺭﺓ : ﻭﻋﻠﻴﻜﻢ ﺍﻟﺴﻼﻡ ﺗﻔﻀﻠﻮ ﻗﻌﻤﺰﻭ ﻭﺍﺷﺮﺕ ﻉ ﺍﻟﻜﺮﺳﻲ ، ﺷﻦ ﻣﺸﻜﻠﺔ ﺍﻟﻤﺪﺍﻡ
ﺍﻧﻲ : ﻟﻴﺎ ﺳﻨﻪ ﻣﺘﺰﻭﺟﺔ ﻭﻣﺎﺣﻤﻠﺘﺶ ﻭﺯﻱ ﻣﺎﺗﻌﺮﻓﻲ ﻛﻼﻡ ﺍﻟﻨﺎﺱ ﻭﻫﻜﻲ ﺧﺸﺶ ﻓﻴﺎ ﺍﻟﺸﻚ ﻭﺑﺼﺮﺍﺣﺔ ﻧﺒﻲ ﻧﺪﻳﺮ ﻛﺸﻒ ﻋﺎﻡ ﻳﻌﻨﻲ ﻟﻼﻃﻤﺌﻨﺎﻥ
ﺍﻟﺪﻛﺘﻮﺭﺓ : ﺍﻳﻪ ﻫﻠﺒﺎ ﺯﻳﻚ ﻫﻜﻲ ﺑﺲ ﺍﻧﻲ ﻧﻘﻮﻟﻚ ﻣﺎﺗﺴﺘﻌﺠﻠﻴﺶ ﺳﻨﻪ ﺑﺲ ﻣﺎﻫﻴﺶ ﻣﺪﺓ ﻃﻮﻳﻠﺔ ، ﺑﺲ ﺣﻨﺪﻳﺮﻟﻚ ﻓﺤﻮﺻﺎﺕ ﻭﺗﺤﺎﻟﻴﻞ
ﻭﻗﻌﺪﺕ ﻓﻲ ﺍﻟﻤﺴﺘﺸﻔﻰ ﺑﻴﻦ ﺗﺤﻠﻴﻼﺕ ﻭﺟﻬﺎﺯ ﻭﻓﺤﻮﺻﺎﺕ ﻭﻫﻜﻲ ﻭﺑﻌﺪﻫﺎ ﺭﻭﺣﺖ
# ﻳﺘﺒﻊ
