*လူးလူး မဆင်းလာသေးဘူးလား*
*လာပြီအဒေါ်ကြီး လာပြီဗျို့*
ဒေါ်ခင်စံပယ်သည် သူမသားလေး၏ မနက်စာကို ပြင်ပေးရင်း အပေါ်က ဆင်းမလာသေးသည့် သားငယ်အား အော်ရပြန်သည်။ သူမက လူးလူးလို့ ခေါ်လျှင် သူကပါ အဒေါ်ကြီးလို့ သူမ မကြိုက်တာကို ပြန်ခေါ်လေသည်။ အသံလုံသည့် အိမ်မဟုတ်သည့်အတွတ် အောက်က ခပ်ကျယ်ကျယ် စကားပြောရုံဖြင့် အပေါ်ထပ်က ကြားရလေသည်။
*ဦးငယ်ရော *
မနက်စာပြင်နေသည့် မေမေ့ခါးအား အနောက်ကနေ ဖက်ကာ ချွဲလိုက်သည်။ ဒါဟာ သူ လိုစရာရှိတိုင်း လုပ်နေကြအရာပင်။
*လာပါလိမ့်မယ် နာရီကျန်ခဲ့လို့တဲ့ သွားဝတ်နေသတဲ့*
*မေမေ့ *
သူ မေမေ့ခါးအားလွှတ်ကာ ရှေ့ကခုံတွင် ဝင်ထိုင်လိုက်သည်။ ပြီးသည်နှင့် ပါးဖောင်းဖောင်းလေးနှစ်ဖက် မို့တက်လာသည်အထိ မေးစေ့အောက်တွင် လက်နှစ်ဖက် ထောက်လိုက်သည်။ ဒီပုံစံဟာ သူ မေမေတို့ကို အမြဲ ချွဲနေကြမျက်နှာလေး။ သွားစွယ်လေးနှစ်ဖက်ရယ် ဆံပင်အုပ်အုပ်လေးရယ် ပါးဖောင်းဖောင်းလေးရယ်နှင့် သူ့ကို မြင်သူတိုင်းက ကလေးလေးသဖွယ် ချစ်ကြလေသည်။
*ဘာလဲ ငါ့ကို အဲ့မျက်နှာလုပ်ပြမနေနဲ့ ဘာမှမပေးနိုင်ဘူး*
*အဒေါ်ကြီးက အဲ့လိုလား ရတယ်နော် အဒေါ်ကြီးနေ့ပြန်တိုးတွေ သား သွားမတောင်းပေးတော့ဘူး။ ပြီးရင် ညစာလဲ မစားတော့ဘူး။
*အမလေး ကောင်းတယ် မစားနဲ့ အကုန်အကျ သက်သာတာပေါ့ဟယ်၊ ဘာကို အဒေါ်ကြီးလဲ လူးလူး မအေကိုနော် ငါ ခေါက်ထည့်လိုက်ရ *
*အဲ့တာဆို အဒေါ်ကြီးလို့ခေါ်တာမကြိုက်ရင် သားကိုလဲ လူးလူးလို့ မခေါ်နဲ့ *
သူ ခြေထောက်တွေကို ကြမ်းပြင်ပေါ် ဟိုကန်ဒီကန်လုပ်ကာ တစ်ကိုယ်လုံး တွန့်လိမ်နေအောင် ကန်ကျောက်ပစ်မိသည်။ ဒါဟာ မေမေ့ဆီက သူလိုချင်တာ မရငည့်အခါနှင့် စိတ်ကောက်သည့်အခါတွင် ပြုမူနေကြ အရာပင်။ ထိုအချိန်တိုင်း သူ့ခေါင်းက မေမေ့လက်နှင့် အခေါက်ခံရသည်။
YOU ARE READING
Crush
Fantasyပေါ့ပေါ့ပါးပါးလေးပဲ သွားကြရအောင်ဗျ။ ခပ်ချေချေ ကောင်ငယ်လေးနှင့် ပြာကလပ်စိန် ကောင်လေးအကြောင်း။