Crush

°4°

လွှာတို့ နေ့လည်စာကို ကန်မ်တင်းတွင် စားကြရန် လျာလျာတို့နှင့် ထွက်လာလိုက်သည်။ သူတို့ကလဲ ဒီနေ့ အချိန်ပိုမရှိ၍ ကျနော်တို့နှင့်အတူ လာစားနေလေသည်။

*သွားကြမယ်*

စားစရာတွေကို ဗန်းတွေနှင့် ထည့်ပြီး၍ နေ့လည်စာ စားမည့်နေရာသို့ ထွက်လာခဲ့လိုက်သည်။ ထုံးစံအတိုင်း အစ်ကို အာဏာတို့က ထိုင်နေကြ၍ ထိုနားတွင် ကောင်မလေးတွေ ဝိုင်းဝိုင်းလည်နေကြလေသည်။

*ငါ အစ်ကိုလကျာ်ကို အကျီပြန်ပေးလိုက်အုံးမယ်*

*အေး သတိထားနော်အကောင် သူတို့ဘေးနားက နှာဘူးမတွေက မရဘူး*

လွှာ ခေါင်းညိမ့်ပြပြီး အစ်ကို လကျာ် အနွေးထည်ထည့်ထားသည့် အိတ်လေးကိုဆွဲကာ ထိုစီနီယာတွေ အနားသွားရပ်လိုက်သည်။ အစ်ကိုအာဏာက ဂိမ်းဆော့နေကာ သူ့ဘေးက ရှင်မွေ့လွန်းဆိုသည့် အစ်မကတော့ အစ်ကိုအာဏာ၏ လက်မောင်းကို ဖက်ထားလေသည်။

*ဘာလဲ ချာတိတ်*

အစ်ကို ရည်ရွယ်ရာ၏ အနောက်မှာဆိုသော မျက်ရိပ်ပြမှုကြောင့် အစ်ကို လကျာ်က ကျနော့်အား ကြည့်လာလေသည်။ အစ်ကိုအာဏာကတော့ ဂိမ်းဆော့ပင်မပျက်သလို မော့လဲမကြည့်။

*မနေ့က ကုတ်လာပေးတာပါ စီနီယာ မနေ့က ကူညီမှုအတွတ် ကျေးဇူးတင်ပါတယ်*

*အိုခေ ဒါပဲမလား *

*ဟုတ်*

လွှာ ထိုအနားက ထွက်လာပြီးနောက် အနောက်က ပါလာသည့် စကားသံတွေကြောင့် လက်သီးကို တင်းနေအောင်ဆုပ်ထားမိသည်။ အဲ့ကောင်က စီနီယာတွေကို မြှူဆွယ်နေတာတဲ့လေ။ သူ့ရင်ဘတ်ထဲ နင့်နင့်နဲနဲကြီး အောင့်ကာ ဝမ်းနည်းနေ၍ ထိုစကားတွေကို မကြားယောင်ဆောင်လိုက်သည်။

*အဆင်ပြေခဲ့လား*

*အင်း ပြေတယ်*

ယောင်းယောင်းဘေးကိုဝင်ထိုက်ကာ နေ့လည်စာကို မစားမိပဲ ထိုးဖွနေမိသည်။

*ဟဲ့ မစားပဲ ဘာလုပ်နေတာလဲ နင့်အဆင်ပြေပါတယ်ကလဲဟယ် အားမရှိလိုက်တာ ဘာဖြစ်နေတာလဲ*

သူ လျာလျာတို့ကို ခေါင်း‌‌ေထာင်ကြည့်လိုက်သည်။
ပြီးသည်နှင့် သူ ပြေယသင့်မပြောသင့် တွေးလိုက်သေးသည်။