COLLIDE (Complete)

39-DON'T MESS WITH MY SON

Revenge is an act of passion; vengeance of justice. Injuries are revenged; crimes are avenged.

———————
Martin's POV

            "Saan kami magkikita nito?"

            Nakaupo si Torque sa harap ng mesa at tinitingnan ang profile ng ka-transact niyang bibili ng mga baril. May dumating na naman siyang mga shipments at katulad ng dati, kasabwat pa rin ang mga port marshals, may kasabwat na mga top government officials kaya siguradong malulusutan na naman niya ito.

            "Ayaw ko ng mangyari ang nangyari noon. Ayaw ko na ng trouble. Those spies in our group are dead already." Ibinato ni Torque sa mesa ang mga folders kung saan naroon ang profile ng ka-transact niya.

            "You didn't have any remorse at all? About Stacey's death? I thought you love her?" Tanong ko pa at inayos ang mga papel sa nasa mesa niya.

            Nagkibit lang ito ng balikat. "Money can buy love. Bukas lang kaya ko siyang palitan kahit tatlo pa. Nasaan nga pala si Baldo. Ilang araw ng hindi pumapasok dito iyon. Saka nailibing 'nyo ba ng maayos si Stacey at si Jason." Sumimangot ang mukha ni Torque. "Dustin or whatever the fuck his name was."

            "Naayos na lahat 'yun, Torque. Kailan ba ako sumabit? Ah, si Baldo nag-request ng one week off. May emergency daw. Nagkasakit ang asawa." Binitbit ko na ang mga folders na nasa mesa dahil tingin ko ay naghahanda na rin si Torque na umalis kami.

            "What can you say about him? Do you think we can trust him?" Tumingin siya ng naniniguro sa akin.

            "Well," napakamot ako ng ulo. "Stacey recruited him, so I think, personally, he is also a spy."

            Napamura si Torque. "I fucking knew it. I don't have a good feeling for that asshole from the start. Find him and bring him to me. I will torture that asshole first before I kill him slowly."

            Napangiti lang ako. "Alright." May text akong na-receive sa telepono ko at nakita kong ang naka-register na pangalan doon ay ang pangalan ng buyer. "The buyer texted."

            "Why?" Taka niya.

            "He wants to meet you right now. He wants the buy to be made right now."

            "What?" Inagaw niya ang telepono ko at binasa ang text na na-receive. "Fuck. Fine. Call the port and tell them to prepare the merchandise. Check the money first if it's floating already. Make the car ready. We'll going."

            "All right." Tumalikod na ako at dumiretso sa kotse. Hindi naman ako naghintay ng matagal at sumakay na sa likurang bahagi sasakyan si Torque. Agad ko siyang inabutan ng bote ng mineral water dahil iyon ang gusto niya. Nakahanda lahat. Binuksan niya iyon at uminom.

            Tahimik lang akong nagmamaneho at panay lang ang check niya sa telepono niya. May itini-text siya tapos ay sinusubukang tawagan. Panay ang mura niya. Mukhang hindi niya ma-kontak kung sino man iyon.

            "Did you talk to Carmela? I can't reach her. 'Tangina talaga ang babaeng iyon. Kahit kailan. Sa akin nagpa-follow up ang mga buyers ng drugs niya." Marahang hinilot-hilot ni Torque ang ulo nito.

            "Wala namang nasabi. Ang alam ko lang kagabi nag-party." Iniliko ko sa isang eskinita ang kotse para makapunta sa port.

            Kumunot ang noo ni Torque tapos ay nakita ko mula sa rearview mirror na pinipilig-pilig nito ang ulo.

            "Damn it. My fucking migraine. Ngayon pa talaga sumabay. Can you ask the buyer if we can adjust the meeting later tonight?" Sumandal pa si Torque sa kinauupuan niya. Halatang iniinda ang sakit ng ulo.