Until I Find Someone Better (GSS #2 COMPLETED)

Chapter 24

Cheating

Ilang minuto pa ang hinintay ko para bumalik lang si Javier sa pwesto naming dalawa, pero ang loko ay seryoso paring nakikipag-usap kay Khyla. Kahit nasa malayo ito ay kitang kita ko at ramdam ko na may pinagtatalunan sila ng katawagan niya ngayon sa kaniyang cellphone at para bang problemadong-problemado siya sa sinasabi ng Khyla'ng iyon.

Kaya naman hindi na 'ko nag abala pang hintayin pa ulit si Javier at nagkusa na lang akong pumasok sa rest house.

"Nasaan si Javier?" tanong ni Isabelle sa akin habang tinutulungan na ngayon si Nanang mag prepare ng pagkain sa lamesa.

"Nasa labas pa at may kausap," walang gana ko namang sagot sa kaniya. At hindi naman ulit siya nagtanong pa sa akin.

Ako naman ay tinulungan na lang ang dalawa sa pag-aayos ng hapag kainan. Pero ng kakain na kami ay wala pa ring Javier na dumadating.

"Hija, puwede bang pakitawagan muna si Javier, para makapagsimula na tayong kumain," pakiki-usap naman sa akin ni Nanang.

Tumango naman ako sa kaniya at nginitan. Kahit na labag sa kalooban ko ay tumayo na ako at bumaba sa rest house para tawagin si Javier. At hanggang ngayon ay kausap niya parin ang babaeng 'yon. Malapit na ako sa kaniya, pero hindi niya parin naman ramdam ang presensiya ko, siguro ay isang metro lang ang distansiya ko ngayon sa kaniya. At hindi ko naman sinasad'ya na marinig ang sinabi ni Javier.

"Break na tayo, Nichole! How many times do I have to tell you, that, huh!" He said in a furious tone.

Rinig ko naman ang pag iyak sa kabilang linya ni Khyla Nichole at ang paulit-ulit lang nitong binibigkas ay 'hindi'.

"I'm moving on, Nichole! You need to do that too. Hindi ako nagalit sa ginawa mo noon! You're the first one who broke up with me... And I'm asking you that before, why? But you never answered me! At malalaman ko na lang na may bago ka. Pinagpalit mo ako sa gagong Attorney na 'yon!" mas galit pang lintaya ngayon ni Javier sa kabilang linya.

Ngayon ko lang makita na ganito magalit si Javier at ano ba ang nangyari noon? Si Khyla Nichole ba ang unang nakipaghiwalay sa kaniya? Pero bakit niya pinagpalit si Javier?

'Angela, pinagpalit yata sa malapit!' palahaw naman ng utak ko ngayon, kaya naman umiling-iling ako sa kalokohan na naiisip ko ngayon

"I know, I'm the one who made this things into a messed, but Marlbert until now. I still love you...-"

Iyon ang narinig ko sa kabilang linya, na hindi ko naman mapigilan na magulat. She's really desperate to be with Javier, huh? Si Javier naman ay hindi na makapagsalita at hinawakan na lamang ang sintido at hinilot-hilot habang nasa tenga niya pa rin ang kaniyang cellphone.

"I thought, you're okay with him? Why are you still contacting me. And please Nichole don't do anything about yourself. Wala na tayo! I don't have any responsibilities about you."

"But, Marlbert...-"

Hindi na iyon pinatapos pa ni Javier dahil pinatay na nito ang tawag. At kitang-kita ko naman ngayon kay Javier na ginulo niya pa ang buhok niya dahil sa inis at galit. Kung may gamit lang dito na mabilis maihagis, siguro ay kanina niya pa iyon inihagis para roon niya pagdiskitahan ang galit na namumuo sa puso niya ngayon. Kahit nasa likod ako nito ay kitang-kita ko rin ang pagtaas baba ng balikat nito at parang bang hinihingal, dahil sa nangyaring pag-uusap.

Ako naman ay kumuha ng tympo para tawagin siya, pero bago no'n ay kumuha rin muna ako ng hangin.

"Mister! Are you done. Dinner is ready!" masigla ko namang pahayag sa kaniya. Para bang wala akong narinig sa naging usapan nila ng ex girlfriend niya.