{Unicode}
ပြတင်းပေါက်ကနေတဆင့်ထိုးဖောက်ဝင်လာတဲ့ ဖျော့တော့တော့နေရောင်ခြည်က ခရီးသွားရမယ့်ကောင်လေးမျက်နှာပေါ်ကို တည့်တည့်ကျရောက်တယ်။
စိတ်ဖိစီးမှု့တွေနဲ့ နိုးထလာရတဲ့မနက်ခင်းက ချစ်ရသူရင်ခွင်ထဲမှာမို့ ဖြေသာသေးတာပေါ့။ ညတုန်းကလဲ ကိုယ်စီအပူအပင်တွေနဲ့မို့ ကိုကိုလဲကောင်းကောင်းအိပ်ပျော်ပုံမပေါ်ပါဘူး။
ချစ်ရသူရဲ့မျက်နှာချောချောကို အသေချာစိုက်ကြည့်မိတော့ ဘာတွေကိုတွေးပြီးအိပ်ပျော်နေလို့ပါလိမ့်။ ထင်ရှားလွန်းတဲ့မျက်ခုံးတန်းနှစ်ခုက အလယ်မှာမသိမသာစုနေပြီး ကျွန်တော်စွဲလန်းရတဲ့နှုတ်ခမ်းလေးက တိကျစွာပိတ်ထားပြီး အလိုမကျမှု့ကိုပြလှစ်နေသယောင် ။
ခဏတာအနားယူရတဲ့ အချိန်လေးတော့စိတ်ဖိစီးမှု့တွေကိုမတွေးဘဲ ကောင်းကောင်းအိပ်စက်ပေးရင်ကောင်းမှာပဲဗျာ။ ဒါမှဟိုရောက်ရင် ကျွန်တော်ခင်ဗျားကို စိတ်ချလက်ချနဲ့ လွမ်းနေနိုင်မှာ။
မကုန်ဆုံးနိုင်တဲ့အတွေးတွေကို Gulfလေပူတချက်မှုတ်ထုတ်ကာနိဂုံးချုပ်လိုက်တယ်။ ကြည့်လို့မဝတဲ့ ခန့်ညားလွန်းတဲ့မျက်နှာကို တချက်ငုံ့နမ်းရင်း ကုတင်ပေါ်ကဆင်းကာ ရေအရင်ချိုးလိုက်သည်။
ရေချိူးနေရင်း အပြင်ဘက်မှ ဆူဆူညံညံအသံကြား၍ ရေပန်းကိုပိတ်ကာ အပြင်ကိုနားစွင့်ကြည့်တော့…
"ကလေး ကလေး ဘယ်မှာလဲ "
ကုတင်ပေါ်ကနေ သူ့ကိုမတွေ့လို့ တကျော်ကျော်အော်ခေါ်နေတဲ့ မုချကိုကို့အသံပါ။ ကြားကာစတော့ အကဲပိုလွန်းတဲ့ကိုကို့ကို စနောက်ချင်စိတ်ဝင်မိပေမယ့် အစိုးရိမ်ပိုတတ်တဲ့ ချစ်သူကိုဒီ့ထပ်ပိုပြီး ရူးသွပ်အောင်မလုပ်ချင်။
ရေချိုးခန်းဝကနေ ခေါင်းပြူပြီး အသံကိုအနည်းငယ်မြှင့်ကာ
"ကိုကိုရေ ကိုကိုကျွန်တော်ဒီမှာရေချိုးနေတယ် အစောကြီးနိုးနေပြီလား "
ချက်ချင်းဆိုသလိုရေချိုးခန်းဆီ ဒရောသောပါးရောက်ချလာတဲ့ Mewကြောင့် Gulfရင်တမမနဲ့ ခေါင်းယမ်းရုံသာတတ်နိုင်ပါတယ်။
VOUS LISEZ
Be Your Boy,You Will Be My Man💓(Completed)
Fanfictionအမှတ်မရှိတဲ့ငါ့အသည်းကထပ်ချစ်မိပြန်ပြီ ညီမလေးကိုအသက်တမျှမြတ်နိုးသလို မင်းကိုလဲဘဝနဲ့ထပ်တူချစ်မိနေပြီ 1: MEW SUPPASIT ကိုယ့်ကိုကိုယ်လိမ်နေရတဲ့ဘဝက ငရဲတမျှခံစားရတယ်ဆိုတာ ခင်ဗျားတို့သိကြလား (အထူးသဖြင့်ကိုယ့်နှလုံးသားကိုပေါ့) 2: GU...
