منقوله كرونيك قنبلة تابعونا نبداو
بييييب بييييب بيييب 🚘🚘🚘🚘🔞🔞🔞🔞🔞🔞
وسع وسع واااااااسع 🎉🎉🎊🎊🎊
جييييت و جبت معايا كرونيك جديدة 💋💋💞💞💞
نتحدا أي وحدة تقول قريت كيفها ...💪💪💪💪
كرونيك خاطفة للأنفاس 😍😘😘 ... أحداث غير متوقعة ..😲😲😲 ..بااااارشا غيرة 😠😠😠 بااااارشا حب ♨♨♨... و بااااارشا تشويق 🔞🔞🔞🔞🔞
كرونيك "فتنة" للكاتبة # ريما
نلقا تفاعل و جامااااات نهبط 😍😍😍
هيا أفرحولي بالكرونيك ... و مركيو صحباتكم ... والله موضوع مالباااكو 💑💑💑🔞🔞🔞💯💯💯
الحلقة 1 💔💔
حتى أنا قلبي مشوي .. حتي أنا قلبي محروق ... أفهمني و حس بيا
-سكر فمك . سكر فمك.. أقلب وجهك من قدامي ... منظرك المسخ منحبش نراه
- حرام عليك والله .. حرام .. هذا إسموا قضاء و قدر ... حاول تفهم
هد عليها بعد الكلمة هذيكا باش يضربها أما أمو للا خديجة جات في العراض .. تراجع خطوتين و بقا يمش و يجي في نفس البقعة ... يفرك في يديه بغل و العصب يهز و ينفض فيه ... أمو تخزرلو و مش قادرة تنطق حتى كلمة ... آش باش تقول و هي سبب دا ولدها ... قلبها مشوي عليه أما خايفة لا تتكلم يلومها هي زادة ... تخزرلو كيفاش بركان شاعل فيه... ريحت الشراب طالعة منو مخلطة بريحت برفان قوية .. ريحت ولدها الرجال إلي قايم بالعيلة ..و إلي العيلة كانت السبب في وجيعتو اليوم .. كل يوم من نفس العام يحل فيهم و في روحو فارعة ... كل يوم من نفس العام يشرب و يجي يفرغ قلبو فيهم.. يكسر ، يعيط ، يسب ، يلعن أما لازم يشرب قبل باش يعمل هذا الكل .. في نفس النهار من كل عام أخوتو و بوه و أمو يركزو معاه في كل شي و يتبعوه في كل مكان .. خايفين عليه برشا ...
باقي هايج مش عارفين يهدوه ... يمشي و يجي و في يديه كاس شراب يشرب بغل و حابس الدموع في عنيه ... مش طايق حتى كلمة من حد و فجأة سمع صوت قوي و ثابت يقول
- أنسى يا محمود أنسى .. إرتاح و رتحنا معاك
رما الكاس من يدو و تلفت بعنين تقدح بالنار
- يعمبو الدنيا الكلبة ... و يعمبو النهار لي ريت فيه وجهك المشوم .. يعمبو ضعفي و قلت حيلتي .. يعمبو المرض لي كسرلي ضهري ... قدم ناحيتها بزربه و غفصلها وجها بيدو يتكلم و ينزل على سنيه
- كيف يبدا عندي قلب حجر
كيفك تو ننسا ... كيف نبدا مجرد من الأحاسيس و الإنسانية تو ننسا .. دزها بالقوي جابها فوق الكنبي و خرج ينهج ..
أنت تقرأ
فتنة الجزء الأول
Romanceهذي من أنجح الكرونيكات التونسية فاها رسالة تحفونة برشا تحب توصلها الكاتبة احساس الأبوة #منقولة
