فى براثن قسوته

البارت السابع

وجاء اليوم الذى سيغير حياة عشق رأساً على عقب وهو يوم ربط إسمها بإسم محبوبها ولكن هذه المسكينه لا تعرف المجهول .

فى فيلا عبدالحميد
كان زين يقف أمام مرآة الزينه بعد أن إرتدى ملابسه وهى عباره عن بدله من اللون الاسود وتحتها قميص من اللون الأبيض وحذاء من اللون الأسود وساعته الفخمه ووضع عطره المفضل

زين فى نفسه : أنا مش عارف أنا قلبى مش مرتاح ليه باللى أنا بعمله ده بس هى ..هى آيه يا زين آيه هتصدق توب البراءه والطيبه اللى هى لابساه ده إوعى تنسى دى مجرد واحده عاهره وموتك إبن عمك وكانت السبب فى شلل عمك فوق يازين فوق متخليش واحده و**** زي دى تأثر عليك وخلاص هانت كلها ساعات وتخرج بيها بره البلد كلها عشان تندمها على اللى هى عملته...ماشى يا عشق ورحمة أبويا وأمى لهعلمك الأدب اللى أهلك معرفوش يعلمهولك... .ثم إبتسم إبتسامه شيطانيه وخرج من غرفته وذهب إلى غرفة عمه .دلف إلى الغرفه وقام بتقبيل يد عمه

زين : خلاص هانت يا عمى كلها ساعات وآخد حقك

عبدالحميد وهو يرتب على رأسه : بجد يازين طب إزاي

زين : خلاص هكتب عليها النهارده وتبقى مراتى وآخدها وأسافر

عبدالحميد بغل : أنا عايزها تتمرمط أنا وعايزك تعرفلى مين اللى وراها

زين بإبتسامه شيطانيه : متقلقش ياعمى دى هتاخد حتة صدمه كفايه بس تعرف إن حبيبها طلع بيكدب عليها

عبدالحيمد بإستغراب : حبيبها ؟!

زين : خلاص وثقت فيا وطبعاً بطرقى الخاصه خلتها تحبنى ودى هتبقى أول صدمه ليها

عبدالحميد بإبتسامه : كنت عارف إنك هتاخد الخطوه دى

زين : طبعاً مش هوصيك ياعمى إنك متقولش حاجه لطنط وسيرين عشان طبعاً الجواز ده أنا مش معترف بيه

عبدالحيمد : أومال لما إنت تجيبها تعيش معانا بعد ما ترجع من السفر هتبقى على أساس ايه

زين بغل : الخدامه الجديده

عبدالحميد وهو يضحك: ده إحنا هنتسلى على الآخر .

ضحك له زين هو الآخر ثم قال : طيب أمشى أنا بقى أصل بعيد عنك إيدى بتاكلنى وعايز أضرب حد ومش قادر أستحمل على بالليل

عبدالحميد بمرح : سلم على الشهداء اللى معاك

زين بضحك : من عنيا بس كده...ثم تركه وخرج لكى يذهب إليها
=================بقلم / ساره طلحه ❤
فى بيت عشق

الحاجه إيمان : يا عشق نولينى يا بنتى الأنبوبه اللى فى البلكونه عشان اللى على البوتوحاز خلصت وعايزه أخلص بقيت الأكل قبل ما الضيوف يوصلوا

عشق بمرح : بزمتك يا ماما بآيه بزمتك ...أنا هعرف برضوا أشيل الأنبوبه

الحاجه إيمان : يعنى إنتى فى زهرة شبابك ومش عارفه تشيلى أنبوبه أومال لما تكبرى شويه هتعملى آيه